တော်ဝင်မြေကိုလွမ်းတယ်

by Aung Naing Soe Ans on Friday, July 13, 2012 at 5:00am 

                   

                                                                        ###(၁)###

            တနေ့ကကျောင်းက ကန်တင်းန်တခုမှာ လဘက်ရည်တခွက်မှာသောက်မိတယ်။ အဲ့ဒီဆိုင်က လဘက်ရည်နဲ့ အရန်ရန်ကုန် တက္ကသိုလ်ဝင်း ထဲကဦးချစ်ဆိုင်ကလဘက်ရည် ဘယ်ဟာပိုကောင်းလဲတော့မသိပါဘူး။ ဒါပေမဲ့သေချာတာ တခုကကျွှန်တော်မှာသောက် မိတဲ့လဖက်ရည်က လုံးဝမကောင်းတာပဲ။

          ကျွှန်တော်တို့အခုခေတ်တက္ကသိုလ်ကျောင်းသားတွေမှာအရင် ရန်ကုန်တက္ကသိုလ်ဝင်းထဲကကျောင်းသားတွေထက် သာတဲ့   ပျော်ရွှင်စရာတွေ၊ အပန်းဖြေစရာတွေရှိပါတယ်။ဒါပေမဲ့ အများစုကမကျေနပ်နိုင်ကြဘူး။ သစ်ပင်ရိပ် ဝေေ၀ဆာဆာ မရှိတဲ့ကျောင်းအ ၀င်လမ်း ကိုမလျှောက်ချင်ကြဘူး။ ကျဉ်းကျဉ်းကျပ်ကျပ်အထူးကားတွေကိုမစီးချင်ကြဘူး။ဖုန်ထူထူ ကန်တင်းန်တွေ မထိုင်ချင်ကြဘူး။ ဖတ်စရာစာအုပ်မရှိတဲ့(တချို့)စာကြည့်တိုက်တွေမသွားချင်ကြဘူး။ ကျွှန်တော်တို့အားလုံးတခါမှ မတက်ဖူးတဲ့ ရန်ကုန်တက္ကသိုလ်ကြီးကို လွမ်းနေကြတယ်။

                                                                                         ###(၂)###

          ရန်ကုန်တက္ကသိုလ်ကိုလွမ်းနေကြတယ်။ ဒါပေမဲ့ကျွှန်တော်တို့တခါမှ အဲ့ဒီမှာ ပညာမသင်ဖူးဘူး။ဂျပ်စင်ရှေ့တောင်ဖြတ်မလျှောက် ဖူးဘူး။သစ်ပုပ်ပင်တောင်မော်မကြည့်ဖူးဘူး။ ဦးချစ်ဆိုင်ကလဖက်ရည် မသောက်ဖူးဘူး။ ကန်ပေါင်မှာဘူးသီးကြော်မစားဖူးဘူး။ အဆောင် ရှေ့တွေမှာသီချင်းမဆိုဖူးဘူး။ ခုံတန်းပြာတွေမှာ ကြည်ကြည်နူးနူးမထိုင်ဖူးဘူး။လှည်းတန်းဈေးမှာ မုန့်ဟင်းခါးမစားဖူးဘူး။ ဒါပေမဲ့ကျွှန်တော်တို့ရန်ကုန်တက္ကသိုလ်ကိုလွမ်းတယ်။

          ကျွှန်တော်တို့ကထူးအိမ်သင်တို့၊ စိုင်းထီးဆိုင်တို့ သီချင်းတွေ ထဲကတက္ကသိုလ်ကိုလွမ်းတယ်။ မင်းလူတို့၊နီကိုရဲတို့ ၀တ္တုတွေထဲက တက္ကသိုလ်ကိုလွမ်းတယ်။အင်းလျားကန်တ၀ိုက်ကချည်လွယ်အိတ်ကိုယ်စီနဲ့ကျောင်းသားပုံရိပ်တွေပြတဲ့ပိတ်ကားတွေ ထက်ကလွမ်းတယ်။ ကျောင်းသားဟောင်းဘိုးတော်ကြီးတွေရဲ့ပုံတိုပတ်စတွေ နားထောင်ရင်းလွမ်းတယ်။

                                                                                         ###(၃)###

          တချို့တချို့လူကြီးတွေပြောတာကြားဖူးတယ်။ “မင်းတို့ခေတ်လူငယ်တွေက တို့တုန်းကနဲ့မတူပါဘူး” တဲ့။ “ဖန်တီးထားတဲ့ အနု ပညာတွေက အနှစ်သာရမရှိကြဘူး” တဲ့။ “ကိုယ့်နိုင်ငံ ၊ကိုယ့်တိုင်ပြည်အကြောင်းစိတ်မ၀င်စား ကြဘူး”တဲ့။ ဟုတ်ပါတယ်။ ကျွန်တော်တို့   လေးစား အားကျခဲ့တဲ့ အနုပညာရှင်တွေ၊မဟုတ်မခံစိတ်ဓါတ်ပြင်းထန်တဲ့    ကျောင်းသားခေါင်းဆောင်တွေ၊  နိုင်ငံ့ခေါင်းဆောင်တွေ   လောက် ကျွှန်တော်တို့အခုခေတ်လူငယ်တွေ အစွမ်းအစ မရှိသေးပါဘူး။ သူတို့တတွေချစ်တဲ့၊ သူတို့တတွေရဲ့ဘူမိနက်သန်အောင်မြေ   ဖြစ်ခဲ့တဲ့ တက္ကသိုလ်မြေမှာကျွှန်တော်တို့ခြေမချဖူးပါဘူး။

          အခုခေတ်လူငယ်တွေအားလုံးအသုံးမကျဘူးလို့ဆိုလိုတာလဲမဟုတ်သလို၊ ရန်ကုန်တက္ကသိုလ်နယ်မြေမှာပညာသင်ရမှကျွှန်တော် တို့ပညာပိုတတ်မယ်လို့ဆိုလိုတာလဲမဟုတ်ပါဘူး။  ရန်ကုန်တက္ကသိုလ်ကကျွန်တော်တို့ တိုင်းပြည်ရဲ့လျှမ်းလျှမ်းတောက်အာဇာနည်   ခေါင်းဆောင်တွေရဲ့အောင်မြေ။ကျွန်တော်တို့လေးစားအားကျတဲ့ အနုပညာရှင်တွေ အောင်မြေ။ နိုင်ငံရေ အမြုတေ ရတနာတွေကို စဉ်ဆက်မပြတ်မွေးထုတ်ပေးနေခဲ့တဲ့ အစဉ်အလာကြီးမားတဲ့ ဧရိယာတခုပါ။ ကျွန်တော်တို့ ကအဲ့ဒီလိုတော်ဝင်မြေမှာ ပညာသင်ချင် ပါတယ်။  ဖုန်းဆိုးမြေတွေမှာ ပညာမသင်ချင်ကြပါဘူး။ကျေးဇူးပြုပြီးနားလည်ပေးကြပါ။

                                                                                         ###(၄)###

                   ကျွှန်တော်တို့ရန်ကုန်တက္ကသိုလ်ကိုလွမ်းနေကြတယ်။                                                                                                                                                                     မောင်မိုးမျှော်