သမ္မတကြီးဦးလင်းရောင်၏ သစ်လွင်သော ဒီမိုကရေစီပါတီ

by Linn Yaung on Tuesday, July 31, 2012 at 1:54am

အချိန်ရာသီစက်ဝိုင်းကား ချားရဟက်ကဲ့သို့ တစ်ပတ်ပြီး တစ်ပတ် လှည့်လည်လာသည်မှာ ယခုပင် ၂၀၁၅ ခုနှစ်သို့ ရောက်ပြီဟု မှတ်ပါလေ။

၂၀၁၀ ခုနှစ်မှ ၂၀၁၅ ခုနှစ်အတွင်း မြန်မာတို့၏ နိုင်ငံရေးအခင်းအကျင်းကား အပြောင်းအလဲ မြန်လှသည်။

၂၀၁၀ တွင် အာဏာရခဲ့သော ကြံ့ဖွတ်ပါတီ၊ ၄င်းတို့၏ အကြီးမားဆုံးအတိုက်အခံ NLD ပါတီတို့အပြင် အခြား မိတ်ဆွေ ဒီမိုကရေစီပါတီများ၊ ဟိုတိုင်းရင်းသား ဒီတိုင်းရင်းသားပါတီများမှာလည်း ၂၀၁၅ ရွေးကောက်ပွဲအတွက် အကြီးအကျယ်ပြင်ဆင်ကြကုန်၏။

သို့ပါသော်လည်း.....

ကြံ့ဖွတ်ပါတီ။

လက်ရှိအချိန်တွင် ကြံ့ဖွတ်ပါတီကား သက်ဆိုးရှည်ရန် မလွယ်ကူတော့ပေ။

ကြံဖွတ်ပါတီမှ လူထုထောက်ခံမှုရသော တစ်ဦးတည်းသော ရှားရှားပါးပါး ပုဂိုလ်သမ္မတကြီး ဦးသိန်းစိန်ကား ထပ်မံအရွေးအချယ်မခံတော့ကြောင်း တရားဝင်ကြေညာသွားခဲ့ရာ ၄င်း မရှိတော့သည့် ကြံ့ဖွတ်ပါတီအား မည်သူကမှ မယုံတော့။ ဟုတ်တော့လည်း ဟုတ်သည်လေ။

နဂိုကမှ သူ့မျက်နှာလေးနှင့် အားနာပါးနာ ထောက်ခံပေးလို့ရသေးသည်။

သူမှ သမ္မတမလုပ်တော့ဘူးဆိုတော့ သမ္မတဖြစ်စရာ အခြားလူကို မြင်ကိုမမြင်။

ကျန်ရစ်သော ကြံဖွတ်ပါတီမှာ

၂၀၁၀ တုန်းကလို တိုရကစ် လျှိုရကစ်များဖြင့် မဲညစ်၍လည်း နိုင်ဖို့မလွယ်။

ပြည်သူများကား မျက်စိပွင့် နားပွင့် ဖြစ်နေကြလေပြီ။

၎င်းတို့ အုပ်ချုပ်သည့် သက်တမ်းအတွင်းလည်း မည်သည့် တိုးတက်မှုမှ လောက်လောက်လားလားမပြနိုင်။

တိုင်းပြည်သည်လည်း ဖြစ်သင့်သလောက် မဖြစ်၊

ရောက်သင့်သလောက်မရောက်။

ထို့ကြောင့် ၄င်းတို့ပါတီ အာဏာရဖို့ကား လားလားမှပင် မလွယ်။

NLD ပါတီ။

ဂုဏ်သတင်းကြီးလှသော အမေဒေါ်အောင်ဆန်းစုကြည်၏ NLD ပါတီသည်လည်း ကြီးစွာသော အခက်အခဲများနှင့် ရင်ဆိုင်နေရလေသည်။

ကြားဖြတ်ရွေးကောက်ပွဲတွင် လွှတ်တော်ထဲသို့ အရောက်လာနိုင်သည်မှန်သော်လည်း အာဏာရပါတီ၏ ဖိနှိပ်မှုများကြောင့်

အလုပ်ကောင်းကောင်းလုပ်ရသည်မရှိ။

တို့ကနန်း၊ ဆိတ်ကနန်းသော ထေ့လုံးငေ့ါလုံးများဖြင့် အာဏာရပါတီကို တိုက်ခိုက်ခွင့် ရခြင်းမှ လွဲ၍ မည်သည့်လုပ်ပိုင်ခွင့်မှ မရခဲ့ရှာ။

NLD ပါတီ လွှတ်တော်တွင်းသို့ ရောက်လျှင် အပြောင်းလဲကြီး ပြောင်းလဲမည်ဟု ယုံကြည်မျှော်လင့်ခဲ့သော ပြည်သူများမှာ

ပြောင်းလဲလာနိုး၊ ပြောင်းလဲလာနိုးဖြင့် ၂၀၁၅ ခုနှစ်အရောက်တွင် လယ်သမားများလည်း စိုက်စားစရာ လယ်မရှိတော့။

အလုပ်သမားများလည်း ယခင်စစ်အစိုးရလက်ထပ်ကဲ့သို့ပင် မလောက်ငသော ၀င်ငွေဖြင့်သာ ရပ်တည်ရဆဲ။

ပြည်ပသို့ ယိုစီးကုန်သော ဦးနှောက်များမှာလည်း ပြည်ပတွင်သာ နေမြဲ၊ နေဆဲ၊ ကျွန်ခံနေရဆဲသာဖြစ်၏။

ဆင်းရဲသားတွေ ဆင်းရဲမြဲ။ ခရိုနီတွေ ချမ်းသာဆဲ။

ကြီးနိုင်ငယ်ညှင်းမှုများဖြစ်ဆဲ။ လာဘ်ပေး လာဘ်ယူမှုများ ခေတ်စားဆဲ။

ထိုအခါ NLD ပါတီ၏ ဂုဏ်သတင်းသည်လည်း အထိုက်အလျောက်တော့ ကျလေသည်သာ။

အခြားဒီမိုကရေစီပါတီများ

ဆိုဖွယ်ရာမရှိ။

NLD ပါတီတောင် အခက်အခဲတွေ့နေရသည်ဆိုတော့ အခြားပါတီများမှာကား ပြောစရာတောင်မလို။

၎င်းတို့အား ထောက်ခံမည့်သူဆိုလို့ ၄င်းတို့၏ မိသားစုဝင်များသာ ရှိ၏။

ပြည်သူ၏ ထောက်ခံမှုကို ရဖို့ဆိုသည်ကား သိကြားမင်းလို ဥုံဖွဆိုပြီး အရာခပ်သိမ်းအား အရင် ပြောင်းပြမှသာ ဖြစ်ပေလိမ့်မည်။

ထို့ကြောင့်ပင် ၂၀၁၅ ရွေးကောက်ပွဲကြီးကား

အေးတိအေးစက်ဖြစ်နေလေတော့သည်။

ပြည်သူများမှာ မည်သူ့ကို ယုံရမည်မသိ။

မျက်စိမှိတ် နံကြားထောက်ပြီး မဲပေးရတော့မည့်ကိန်းဆိုက်နေပြီဖြစ်သည်။

မီဒီယာတွေကလည်း ယခင်လို မည်သူ့ကို ပေးသင့်ကြောင်း၊ မည်သူက ကောင်းကြောင်း မထောက်ခံရဲ။ သူများအမှု ကိုယ့်အမှုဖြစ်မည်။

ပဲကြီးလှော်ပါတီတွေကြား မီဒီယာဆား အညှပ်ခံလို့ မဖြစ်။

ထို့ကြောင့် မီဒီယာများလဲ မြန်မာ့နိုင်ငံရေးအလှည့်အပြောင်းမှာ

ကောင်းကောင်းကြီး နှာစေးကြလေသည်။

ကယ်တင်ရှင်

ဤသို့ ဤနှယ်ဖြင့် မြန်မာ့နိုင်ငံရေးအခြေအနေ အခက်အခဲ အကျပ်အတည်းများဖြစ်ပေါ်နေစဉ်တွင်

 ရွေးကောက်ပွဲ ခါတော်မီ နိုင်ငံရေးပါတီတစ်ခု ပေါ်ပေါက်လာလေသည်။

တောင်မင်း မြောက်မင်းမကယ်နိုင်၊ မည်သူ့ကို အဖေခေါ်ရမည်မှန်းမသိ ဖြစ်နေသော ပြည်သူများ၏ ခံစားချက်ကို

ပါးပါးနပ်နပ်အသုံးချကာ အဆိုပါ ပါတီသည် နေ့ခြင်း ညခြင်းပင် နာမည်ကျော်ကြားလူကြိုက်များလာလေသည်။

အမည်ကား သစ်လွင်သော ဒီမိုကရေစီ ပါတီဟူ၏။

၎င်းပါတီကို Facebook ဆိုရှယ်ဝက်ဘ်ဆိုက်မှ အစပြု၏။

ခေါင်းဆောင်ကား ဦးလင်းရောင်ဖြစ်လေသည်။

အခြားပါတီဝင်များမှာလည်း ဖေ့ဘွတ်သုံးသူ ယူဆာများဖြစ်ကြသည်။

၎င်းတို့သည် နှစ်ရှည်လများ ဖေ့ဘွတ်စာမျက်နှာတွင် အာရိုက်ခဲ့ကြသူများ ပီပီ အပြောအင်မတန်ကောင်း၏။

ပြည်သူ့ စိတ်ဆန္ဒများကို နားလည်၏။ ပြည်သူ့ အကြိုက်ကို ပြောတတ်၏။

၎င်းတို့ကိုယ် ၄င်းတို့ ပါးပါးနပ်နပ် အရောင်တင်တက်၏။

ပါတီဥက္ကဌ ဦးလင်းရောင်က ...

ခရိုနီများ ပျက်သုန်းစေရမည်။ အာဏာရှင်စနစ် လုံးလုံးလျားလျား အမြစ်ပြတ်ရမည်။

လာဘ်ပေးလာဘ်ယူမှုများ ရှင်းရှင်းလင်းလင်း ပပျောက်စေရမည်။

ဖိနှိပ်ခြင်းများ ကင်းရှင်းစေရမည်။ ပြည်သူအများ စားဝတ်နေရေး ပြေလည်စေရမည်။

အိမ်နီးခြင်းနိုင်ငံများကို သမ္မတသက်တမ်းငါးနှစ်အတွင်း အပြတ်အသက် ကျော်လွန်စေရမည်။

ငါးနှစ်အတွင်း ရန်ကုန်မြို့တော်ကို လော့ဒ်အိန်ဂျလိစ်မြို့တော်ကဲ့သို့ ဖြစ်စေရမည်ဟု မဲဆွယ်၏။

မယုံမရှိပါနှင့်။

ထို့သို့ ဖြစ်လာစေရန် .. စနစ်တကျရေးဆွဲထားသော ဒီမိုကရေစီစနစ် ခိုင်ခိုင်မာမာရှိထားကြောင်းဆိုလေ၏။

သာမာန် ဒီမိုကရေစီစနစ်မဟုတ်။ ယခင် ဒီမိုကရေစီစနစ်အား  မြန်မာပြည်သူများနှင့် ကိုက်ညီသည့် ဒီမိုကရေစီစနစ်အဖြစ်

အထူးမွန်းမံထားသည့် ဒီမိုကရေစီ  (1.0 ) ဗားရှင်းဖြစ်သည်။

ကမ္ဘာပေါ်တွင် မည်သည့်နိုင်ငံမှ မသုံးစွဲဖူးသေးသော စနစ်ဖြစ်သည်ဟု ဆို၏။

ဦးလင်းရောင်၏ နောက်ဆုံးသော မဲဆွယ်မှုကိုကား ပြည်သူများ အင်မတန်ပင် နှစ်ချြိုက်ကြလေသည်။

ဦးလင်းရောင်က ....

၎င်း၏ ပါတီသာ ရွေးချယ်ခံရပါက သမ္မတသက်တမ်းကုန်လျှင် ဒေ၀ါလီခံပေးမည် ဟူဆို၏။

(ယခင် တစ်ကျပ်ပိုရှိလျှင် သူခိုးဟု စွတ်စွဲလိုက်စမ်းပါ) ဟူသော ခေါင်းဆောင်ကြီးထက်ပင် ပို၍ ပြတ်သားသေးတော့သည်။

၎င်းက က သူ့အာဏာကုန်လျှင် ပိုင်ဆိုင်သမျှ ပစ္စည်းဥစ္စာများအား နိုင်ငံတော်ပိုင်အဖြစ် အပြီး လှူဒါန်းမည်ဟု ကတိပြုလေသည်။

ဤစကားတစ်ခွန်းနှင့်ပင် မြန်မာနိုင်ငံ တိုင်းသူပြည်သားတို့၏ စိတ်နှလုံးကို သိမ်းကြုံးအရယူကာ

ကြံ့ဖွတ်ပါတီ၊ NLD ပါတီတို့ကို နောက်ကောက်ချ၍  ၂၀၁၅ ခုနှစ်၏ အာဏာရပါတီအဖြစ် သစ်လွင်သောဒီမိုကရေစီပါတီကြီး

မဲအပြတ်အသက်ဖြင့် အနိုင်ရရှိသွားလေတော့သည်။

ဦးလင်းရောင်ကား သမ္မတဖြစ်လေပြီ။

သမ္မတကြီး ဦးလင်းရောင်

သမ္မတကြီးဦးလင်းရောင်ကား တော်၏။ ထက်၏။ အင်မတန်ပြတ်သား၏။

၎င်း သမ္မတကြီးအဖြစ် ကျန်းသစ္စာကျိန်ဆိုသောနေ့မှာပင် ၄င်း၏ အစိုးရအဖွဲ့ထဲတွင် ကွန်မြူနစ်ဘိုးအေကြီးများကို ဆွဲထည့်၏။

သခင်သန်းထွန်း၊ သခင်စိုးတို့ မရှိတော့သဖြင့်  သခင်တင်မြ၊ ..... တို့ကို အကြံပေးအဖြစ်ခန့်၏။

သမ္မတကြီးကား အမြော်အမြင်ကြီးလှသည်။

၎င်း၏ ရှေ့မှ ကြံ့ဖွတ်သမ္မတ၏ အားနည်းချက်၊ ပျော့ကွက်၊ လစ်ဟာချက်များကို မြင်အောင်ကြည့်၍ ၄င်းလက်ထက်မှာ ထိုသို့မဖြစ်ရလေအောင် စီမံနိုင်၏။

အမှန်စင်စစ် ..  သမ္မတကြီး၏ ဒီမိုကရေစီ (1.0) ဗားရှင်းဆိုသည်ကား .....

ဒီမိုကရေစီ (1.0) ဗားရှင်း

ဒီမိုကရေစီ စနစ်ကို အသုံးမပြုမီ ပထမ ခြောက်လအတွင်း ကွန်မြူနစ်စနစ်ဖြင့် ဖြုတ်၊ ထုတ်၊ သတ် လုပ်ခြင်းပင် ဖြစ်တော့သတည်း။

ကွန်မြူနစ်စနစ်နှင့် ဒီမိုကရေစီစနစ်ကို ရောထွေးခြင်း မဟုတ်။ ပေါင်းစပ်ခြင်းဖြစ်သည်။

ဆိုလိုသည်မှာ ဒီမိုကရေစီစနစ် မစတင်မီ ကွန်မြူနစ်စနစ်ကို ကျင့်သုံးခြင်းဖြစ်လေသည်။ ကွန်မြူနစ်လိုလို ဒီမိုကရေစီလိုလို ပူးတွဲကျင့်သုံးခြင်းမဟုတ်ပေ။

ရည်ရွယ်ချက်ကား. မြန်မာနိုင်ငံ၏ အရိုးစွဲနေသော အကျင့်ပျက်မှုများ၊ ခြစားမှုများ၊ နိုင်လိုမင်းထက်လုပ်မှုများ၊ စည်းကမ်းမဲ့မှုများကို ကွန်မြူနစ်စနစ် ဖြုတ်၊ ထုတ်၊ သတ် လမ်းစဉ်ဖြင့် အမြစ်ဖျတ် သန့်ရှင်းရေးလုပ်ပြီးကာမှ ဒီမိုကရေစီစနစ်ဖြင့် အုပ်ချုပ်မည့် အကြံဖြစ်လေသည်။

နာမည်ထွက်နေသော ခရိုနီများကို သေချာအောင် စစ်၏။

အပြစ်ရှိကြောင်းမှန်လျှင် ပြည်သူရှေ့တွင် စီရင်၏။  ပိုင်ဆိုင်မှုများကို ပြည်သူပိုင်၊ နိုင်ငံတော်ပိုင် သိမ်း၏။

ဤသို့ဖြင့် ခရိုနီတော်တော်များများ ကုန်သွားသောအခါ နိုင်ငံတော် ဘဏ္ဍာလည်း အတော်အတန်ပင် တောင့်တင်းလာ၏။

ဤနည်းဖြင့် တစ်ချက်ခုတ် နှစ်ချက်ပြတ် နိုင်ငံတော် ဘဏ္ဍာများ အရင်စုဆောင်း၏။

နိုင်ငံတော် ဘဏ္ဍာများ တောင့်တင်းလာသည့်နောက်တွင် ၀န်ထမ်းများအား လုပ်ခလစာများ အဆပေါင်းများစွာ တိုးမြင့်ပေး၏။

ထိုသို့ တိုးမြင့်ပြီးသည်နှင့် တစ်မြိုင်နက် လာဘ်ပေးလာဘ်ယူမှုများကို ထိထိရောက်ရောက် ကိုင်တွယ်တော့၏။

ပထမဦးစွာ လူတစ်ယောက် ဖုန်းတစ်လုံးနှုန်းဖြစ်အောင် စီစဉ်၏။

ထို့နောက် .. နိုင်ငံတော် ဆက်သွယ်ရေး PCO ဖုန်းဆိုင်လေးများကိုဖြုတ်ပြီး ၄င်းတို့နေရာတွင် ခွေးခေါင်းဓားစက်များ တပ်ဆင်၏။

ပိုက်ဆံတောင်းသော မော်တော်ပီကယ်များ၊ ရဲများ၊ အစိုးရ ရုံးဝန်ထမ်းများ၊ လမ်းလျှောက်ရင်း အမှိုက်ပစ်သူများ၊ ခါးပိုက်နှိုက်များ၊ သူခိုးများအား  လက်ကိုင်ဖုန်းများဖြင့် မှတ်တမ်းရယူစေပြီး အပြစ်ထင်ရှားပါက နီးရာ ခွေးခေါင်းဓါးစက်များတွင် ချက်ချင်းစီရင်၏။

အကြီးစား လာဘ်ပေးလာဘ်ယူလုပ်သူများ၊ တရားရေးဝန်ထမ်းများကိုကား မိသားစုနှင့် ချီ၍ ဆွေ ခုနှစ်ဆက် မျိုးခုနှစ်ဆက် ပြစ်ဒဏ်ခက်မည်ဟု ထုတ်ပြန်၏။ တကယ်လည်းလုပ်၏။

ဤသို့ဖြင့် မြန်မာနိုင်ငံတော်ကြီးအတွင်းမှ ချစားမှုများ၊ လာဘ်ပေးလာဘ်ယူမှုများ၊ အကျင့်ပျက်မှုများ၊ စည်းကမ်းမရှိမှုများမှာ

ခြောက်လအတွင်း လုံးလုံး ကင်းစင်သွားလေတော့သည်။

ပြည်သူများ၏ လူနေမှု ဘ၀များလည်း မြင့်မားလာသကဲ့သို့  စိတ်ဓာတ်ခွန်အားများလည်း မြင့်မားလာလေသည်။

သမ္မတကြီး၏ စွမ်းဆောင်မှုကြောင့် ခြောက်လအတွင်း အပြောင်းလဲကြီး ပြောင်းလဲသွားသော

မြန်မာနိုင်ငံ၏ တိုးတက်မှုအား ကမ္ဘာ့နိုင်ငံအသီးသီးမှ အံ့မခန်း ဖြစ်ကြကုန်လေသည်။

တရိပ်ရိပ်ဖြင့် တိုးတက်လာသော နိုင်ငံတော်ပုံရိပ်ကြောင့် မြန်မာနိုင်ငံသို့ လာရောက်ရင်းနှီးမြုပ်နှံလိုသော

နိုင်ငံခြား လုပ်ငန်းရှင်များမှာ တန်းစီ၍ စောင့်ရလေ၏။

အလုပ်အကိုင်အခွင့်အလမ်းများ ပေါများလာသော နိုင်ငံတော်သို့ ပြည်ပရောက်အတတ်ပညာရှင် အသိပညာရှင်လူငယ်များ ပြန်လာကြသဖြင့် ခေတ်မီသော လူစွမ်းအားအရင်းအမြစ်များလည်း လုံလောက်နေပြီဖြစ်သဖြင့်

ကမ္ဘာ့နိုင်ငံအသီးသီးမှ လုပ်ငန်းရှင်များမှာ သမ္မတကြီးနှင့် မြန်မာအစိုးရအဖွဲ့ကို ဖင်ယက်၍ ပေါင်းကြရလေသည်။

အမေရိကန်လို နိုင်ငံများမှ အစ ယခင် နှစ်ပေါင်းများစွာ ပိတ်ထားခဲ့သော ဆန်ရှင်အတွက် ခွင့်လွှတ်စေချင်ပါကြောင်း

ဒူးထောက်ခြေသလုံးဖတ်ပြီး တောင်းပန်ကြရလေသည်။

ယခင်အစိုးရလက်ထက်က ဆန်ရှင်အတွက် ကိုယ့်ဘက်က အောက်ကျို့ခဲ့ရသော်လည်း..

ယခုအစိုးရလက်ထက်တွင် သူတို့ကပင် ပြန်တောင်းပန်နေရခြင်းကို ကြည့်ခြင်းအားဖြင့်

လက်ရှိအာဏာရပါတီ၏ လုပ်ရည်ကိုင်ရည်ကို ထင်သာမြင်သာဖြစ်စေသည်။

နောက်လိုက်ကောင်းသော မြန်မာပြည်သူများမှာ ခေါင်းဆောင်ကောင်းပေါ်လာသည်နှင့် တပြိုင်နက်

အစွမ်းကုန် ဖူးပွင့်တော့မည့် ဆောင်းမနက်၏ နှင်းဆီပွင့်ပမာ လန်းဆန်းတက်ကြွကုန်တော့သည်။

တာဝန်သိသော ပြည်သူ၊ သစ္စာရှိသော တပ်မတော်၊ စိတ်ဓာတ်ကောင်းသော နိုင်ငံသားများအဖြစ်

သမိုင်းတစ်ခေတ်ကို ဆန်းသစ်ဖို့ အဆင်သင့်ဖြစ်လေပြီ။

တိုင်းပြည်ကား အရာခပ်သိမ်းပြောင်းလဲလေပြီ တကား..။

ဆိုရပါလျှင်...

မြန်မာနိုင်ငံတော်သည် ထက်မြက်သော ခေါင်းဆောင်၏ စီမံမှုအောက်တွင် မီးလျှံကြားမှ နိုးထလာသော ဖီးနစ်ငှက်ကဲ့သို့

ကောင်းကင်သို့ ပျံတတ်ရန် တောင်ပံခက်လေပြီ...။

(ဆက်ပါမည်)