16.08.2012 နေ့ဖတ်ရန်သတင်းများ

by Myanmar Journal on Wednesday, August 15, 2012 at 9:28pm ·

ဂျူလီယံ အာဆန်းကို ဗြိတိန် ခြိမ်းခြောက်

အာဆန်း ခိုလှုံရာ လန်ဒန် အီကွေဒေါ သံရုံး

လန်ဒန် အီကွေဒေါ သံရုံးမှာ ခိုလှုံနေတဲ့ ဝီကီလိ ထူထောင်သူ ဂျူလီယံ အာဆန်းကို ဝင်ဖမ်းခွင့် ရှိတယ်လို့ ဗြိတိန် အစိုးရက ဆိုပါတယ်။

အာဆန်းဟာ ဇွန်လ ထဲက သံရုံးထဲ ခိုလှုံ နေတာပါ။

လက်ရှိ ဥပဒေ အရ ဗြိတိန်က သံရုံး တရုံးရဲ့ အဆင့်အတန်းကို ရုပ်သိမ်း နိုင်တယ်လို့ သိရပါတယ်။

ဒီအဆင့်ထိ မရောက်တန်ရာ လို့လဲ သတိပေး ခဲ့ပါတယ်။

ဒါဟာ နိုင်ငံတကာ ဥပဒေ ချိုးဖောက်တာပဲ လို့ အီကွေဒေါ နိုင်ငံခြားရေး ဝန်ကြီးက တုံ့ပြန် ပါတယ်။

အာဆန်းကို ခိုလှုံခွင့် ပေးဖို့ အီကွေဒေါက ဆုံးဖြတ်ပြီးသားမို့ ကြာသပတေး နေ့မှာ ကြေညာမယ်လို့ ဝန်ကြီးက သတင်းထောက် များကို ပြောကြား ပါတယ်။ 

ရခိုင်အရေး အထင်လွဲစေမည့် ဓာတ်ပုံများ မတင်ဖို့ တိဘက်သတိပေး

၂၀၁၀ ခုနှစ် တိဘက်ဒေသမှာ ငလျင်ကြီးလှုပ်ခဲ့တုံးက ငလျင်ကြောင့် သေဆုံးသူ အလောင်းတွေကြားမှာ အကူအညီတွေ ပေးနေတဲ့ တိဘက်ဘုန်းတော်ကြီးတွေရဲ့ ဓါတ်ပုံတွေကို မြန်မာနိုင်ငံမှာ အသတ်ခံကြရလို့ သေဆုံးနေကြတဲ့ မူဆလင်တွေကြား မှာ ဗုဒ္ဓဘာသာဝင် ဘုန်းတော်ကြီးတွေကို တွေ့နေရတဲ့ ဓါတ်ပုံပုံစံမျိုးနဲ့ အင်တာနက် ၀ဘ်ဆိုက်ဒ်တချို့မှာ တင်ထားကြပါတယ်။ ဒီကိစ္စနဲ့ ပတ်သက်ပြီးတော့ အိန္ဒိယနိုင်ငံ ဒါရမ်းဆလား (Dharamsla) မြို့မှာ အခြေစိုက်တဲ့ တိဘက်လူမျိုးများ အုပ်ချုပ်ရေး ဗဟိုအဖွဲ့ (Central Tibetan Administration) ကနေ၊ သြဂုတ်လ (၁၄)ရက်နေ့က သတင်းကြေညာချက် တစ်စောင် ထုတ်ပြန်ခဲ့ပါတယ်။ ဒီအကြောင်းကိုတော့ ကိုရော်နီညိမ်းက ဆက်ပြီးတော့ တင်ပြမှာပါရှင်။ 

ဟုတ်ပါတယ်။ အိန္ဒိယနိုင်ငံ ဒါရမ်းဆလား (Dharamsla) မြို့က တိဘက်လူမျိုးများ အုပ်ချုပ်ရေးဗဟိုအဖွဲ့က ဒီ့အတွက်နဲ့ အလွန်အမင်းပဲ စိတ်အနှောင့်အယှက် ဖြစ်ရပြီးတော့ ဒီလိုနားလည်မူ လွဲမှားစေတဲ့ ဓာတ်ပုံကို အင်တာနက်ပေါ်မှာ ဖြန့်ဝေနေတာအတွက် စိတ်ပူပန်နေရတယ်လို့ ပြောပါတယ်။ တကယ်တော့ ဒီဓါတ်ပုံဟာ ၂၀၁၀ခုနှစ် ဧပြီလ ၁၄ရက်နေ့က တိဘက်ဒေသအရှေ့ခြမ်း ခိုင်ဂုဒို တရုတ်လို ယူရူးမြို့ Kyegudo (in Chinese = Yushul) မှာ လူပေါင်းများစွာ သေဆုံးခဲ့ရတဲ့ ငလျင်ကြီး လူပ်ခတ်အပြီးမှာ  အလောင်းတွေကြားမှာ ကူညီကယ်ဆယ်ရေး ဆောင်ရွက်ပေးနေကြတဲ့ တိဘက်ဘုန်းတော်ကြီးတွေ ဖြစ်ပါတယ်လို့ ဒီသတင်းထုတ်ပြန်ချက်မှာ ဖော်ပြထားပါတယ်။ ဗွီအိုအေ တိဘက်ဘာသာ အစီအစဉ်ကနေ တိဘက်အုပ်ချုပ်ရေးဗဟိုအဖွဲ့က ပြန်ကြားရေးဌာနရဲ့ အတွင်းရေးမှူး မစ္စတာတာရှီ Mr. Tashi ကို ဒီကိစ္စနဲ့ ပတ်သတ်ပြီး ဆက်သွယ် မေးမြန်းတာမှာတော့ အခုလိုပြောပါတယ်။

“မြန်မာနိုင်ငံမှာ ဆက်ပြီးဖြစ်နေတဲ့ ပဋိပက္ခနဲ့ ပတ်သတ်ပြီးတော့ အင်တာနက်ပေါ်က ဝဘ်ဆိုက်ဒ်တွေပေါ်မှာ ဓာတ်ပုံတစ်ပုံကို အကြီးအကျယ် လွဲမှားစွာ အသုံးပြု ထားပါတယ်။ ၂၀၁၀ခုနှစ်တုန်းက တိဘက်ဒေသမှာ ငလျင်ကြီး လူပ်ခဲ့တုန်းက ငလျင်ကြောင့် သေဆုံးသူ အလောင်းတွေကြားမှာ အကူအညီတွေပေးနေတဲ့ တိဘက် ဘုန်းတော်ကြီးတွေရဲ့ ဓါတ်ပုံတွေဟာ၊ အခုတော့ WEBSITES တွေပေါ်မှာ၊ မြန်မာနိုင်ငံမှာ အသတ်ခံကြရလို့ သေဆုံးနေကြတဲ့ မူဆလင်တွေကြားမှာ ဗုဒ္ဓဘာသာဝင် ဘုန်းတော်ကြီးတွေကို တွေ့နေရတဲ့ ဓါတ်ပုံအဖြစ် တင်ထားကြပါတယ်။ ကျနော်တို့က ဒီ WEBSITES တွေကို ဆက်သွယ်ပြီးတော့၊ ဒါ မဟုတ်ဘူး ဆိုတာ ရှင်းပြခဲ့တာကြောင့်၊ ဒီ WEBSITES တွေက ဒီဓါတ်ပုံတွေကို ဖယ်ရှားပစ်ခဲ့ကြပါတယ်။ ဒါပေမယ့် နောက်တခါ ထပ်ပြီး ဒီဓါတ်ပုံတွေ Pakistan အခြေစိုက် WEBSITE တစ်ခုပေါ်မှာ ပေါ်လာပြန် ပါတယ်။ ဒါဟာ တစ်စုံတဦး တစ်ဖွဲ့တစ်သင်းက မြန်မာနိုင်ငံက ဗုဒ္ဓဘာသာဝင်တွေနဲ့ မူဆလင်တွေကြားမှာ ရန်လိုမုန်းတီးမှုတွေ ဖြစ်ပေါ်အောင်၊  ဒီဓါတ်ပုံတွေကို ရည်ရွယ်ချက် ရှိရှိနဲ့ တလွဲ အသုံးချ နေတာပဲလို့၊ ကျနော်တို့က စဉ်းစားလာရပါတော့တယ်။”

Urdu Current Affairs Portal အမည်ရှိတဲ့ ပါကစ္စတန်က www.columpk.com တိဘက်လူမျိုးများ အုပ်ချုပ်ရေးဗဟိုအဖွဲ့က ဇူလိုင်လ ၃၀ရက်နေ့က  သူတို့ရဲ့ ဒီဝဘ်ဆိုက်ပေါ်က ဒီဓာတ်ပုံကို ဖယ်ရှားပေးဖို့ စာရေးအကြောင်းကြားခဲ့ တာကြောင့် နောက်တစ်နေ့မှာပဲ ဒီဓာတ်ပုံကို ဖယ်ရှားပေးခဲ့တယ်။ ဒါပေမယ့်လည်း ဒီဓာတ်ပုံဟာ ဖြန့်ဝေနေမြဲ ပြန့်နှံ့နေမြဲ ဖြစ်တယ်။ သြဂုတ်လ၁၂ရက်နေ့က လူအသေအပျောက်တွေ ရှိခဲ့တဲ့ အိန္ဒိယနိုင်ငံ မွမ်ဘိုင်းမြို့ Mumbai က မူဆလင်တွေရဲ့ ဆန္ဒပြပွဲကနေ အကြမ်းဖက် အဓိကရုဏ်းအဖြစ် ပြောင်းလဲသွားစဉ်မှာ ဒီဓာတ်ပုံကို ဆန္ဒပြသူတွေက ကိုင်ဆောင်ထားတာကို အိန္ဒိယရဲ့ လူကြည့်များတဲ့ Zee News ရုပ်မြင်သံကြားမှာ တွေ့ခဲ့ရတယ်လို့ အခုသတင်းထုတ်ပြန်ချက်မှာ ဖော်ပြထားပါတယ်။

မြန်မာသမ္မတဦးသိန်းစိန်နဲ့ ဗွီအိုအေမြန်မာပိုင်းဌာနမှူး ဦးသန်းလွင်ထွန်းတို့ရဲ့ နေပြည်တော်မှာ သြဂုတ်လ၁၃ရက်နေ့က  သီးသန့်တွေ့ဆုံမေးမြန်းခန်းမှာလည်း သမ္မတဦးသိန်းစိန်က ဓာတ်ပုံနဲ့ပတ်သတ်ပြီး အခုလိုပြောဆိုခဲ့ပါတယ်။

“လူမျိုးရေးအရ ကျနော်တို့ ဖိနှိပ်တာတွေလဲ မဟုတ်ပါဘူး။ ဒီကနေ့ သူတို့ စွပ်စွဲနေသလို လူမျိုးတုန်း သတ်ဖြတ်တာတို့ ဘာတို့ ဒါတွေနဲ့ပတ်သတ်ပြီးတော့ ကျနော်တို့နဲ့ပတ်သတ်ပြီးတော့ ကြားရတော့ တော်တော်လေး စိတ်မကောင်း ဖြစ်ပါတယ်။ အင်တာနက်တွေထဲမှာလဲ ကျနော်တို့ ပုံတွေ တွေ့ပါတယ်။ အလောင်းတွေဆိုရင် တစ်ပုံတစ်ပင်ကြီး အမှန်တော့ ဒါတွေဟာ တစ်ခြားနိုင်ငံမှာ ဖြစ်ပျက်တဲ့ဟာတွေကို သက်သက် လုပ်ကြံပြီးတော့ ဒါ ချဲ့ကားပြီးတော့ လုပ်တာတွေဖြစ်ပါတယ်။ ဒါ ဒီမှာဖြစ်တဲ့ အဖြစ်အပျက်တွေ မဟုတ်ပါဘူး။”

တိဘက်လူမျိုးများ အုပ်ချုပ်ရေးဗဟိုအဖွဲ့က ပြန်ကြားရေးဌာနရဲ့ အတွင်းရေးမှူး မစ္စတာတာရှီးကပဲ အခုလို သတင်းကြေငြာချက် ထုတ်ပြန်ချက်ထုတ်ရတဲ့ ရည်ရွယ်ချက်ကို ရှင်းပြခဲ့ပါတယ်။“သူတို့တွေရဲ့ ဒီဓါတ်ပုံတွေကို တလွဲ အသုံးချနေမှုကြောင့်၊ မြန်မာနိုင်ငံက ဗုဒ္ဓဘာသာဝင်တွေနဲ့ မူဆလင်တွေကြားမှာ နားလည်မှု လွဲမှားတာတွေ နဲ့ ပဋိပက္ခ တွေ ဖြစ်နေတာတွေကို ရပ်ဆိုင်းသွားစေဖို့ ရည်ရွယ်ပြီးတော့၊ ဒီဓါတ်ပုံတွေထဲက တကယ့် အဖြစ်မှန် အကြောင်းအရာကို ကျနော်တို့က ရှင်းလင်း တင်ပြလိုက်ပါတယ်လို့ သတင်းထုတ်ပြန်တာ ဖြစ်ပါတယ်ခင်ဗျား”

ဒီသတင်းထုတ်ပြန်ချက်ရဲ့ အဆုံးမှာတော့ ကမ္ဘာတဝှမ်းက မီဒီယာအားလုံးကို တိဘက်လူမျိုးများ အုပ်ချုပ်ရေးဗဟိုအဖွဲ့က မေတ္တာရပ်ခံထားပါတယ်။ အခုလို မြန်မာနိုင်ငံက မတူညီတဲ့ လူမျိုးနှစ်မျိုး မတူညီတဲ့ ဘာသာဝင်တွေကြားမှာ ဖြစ်ပွားနေတဲ့ ပဋိပက္ခ ကို ရပ်ဆိုင်းသွားစေဖို့ ဒီဓာတ်ပုံကို ဆက်ပြီး အသုံးမပြုဖို့ လေးနက်စွာ ပန်ကြား အပ်ပါတယ် လို့ အိန္ဒိယနိုင်ငံ ဒါရမ်းဆာလာမြို့မှာ အခြေစိုက်တဲ့ တိဘက်လူမျိုးများ အုပ်ချုပ်ရေး ဗဟိုအဖွဲ့ Central Tibetan Administration) ရဲ့ သြဂုတ်လ (၁၄)ရက်နေ့နဲ့ သတင်းထုတ်ပြန်ကြေငြာချက်မှာ ဖော်ပြထားပါတယ်ခင်ဗျာ။

စစ်တွေ ဟိန္ဒူ တွေ မြို့ထဲ ပြန်ခွင့်ရ

ရခိုင်ပြည်နယ် စစ်တွေမြို့ သဲချောင်း ဒုက္ခသည် စခန်းက ဟိန္ဒူ မိသားစု ၁၈ စု လူ ၁၀၀ နီးပါးကို မနေ့က မြို့ထဲ ပြန်ရွှေ့ ပေးခဲ့တယ်လို့ သိရပါတယ်။

စစ်တွေမြို့ အခြေအနေ တည်ငြိမ်လာလို့ ဒုက္ခသည် စခန်းမှာ နေကြတဲ့ ရခိုင်မိသားစု တချို့လည်း အိမ်ပြန်နေ ကြတယ်လို့ သိရပါတယ်။

အဲဒီ ဟိန္ဒူ မိသားစုတွေဟာ အရင်က စစ်တွေ နာဇီရွာ မှာ ရခိုင်၊ မရမာကြီး၊ မွတ်ဆလင် တွေနဲ့ ရောနှော နေထိုင်ခဲ့ကြပြီး ရပ်ကွက် မီးရှို့ ခံရပြီးနောက် မြို့ပြင်က ဒုက္ခသည် စခန်းတွေကို ပြောင်းရွှေ့ ခံရပါတယ်။

မွတ်ဆလင် ဒုက္ခသည်တွေ ခုချိန်ထိ သဲချောင်း ဒုက္ခသည် စခန်းမှာ နေနေကြတုန်း ဖြစ်ပေမယ့် သူတို့အတွက်လည်း အစိုးရ က အစီအစဉ်တွေ လုပ်နေတယ်လို့ ဆိုပါတယ်။

စစ်တွေမှာ အရင်က ညနေ ၆ နာရီက နံနက် ၆ နာရီထိ မထွက်ရ အမိန့် ထုတ်ထားရာ ကနေ အခု ညနေ ၇ နာရီက မနက် ၅ နာရီ ထိ ၂ နာရီ လျှော့ချလိုက် ပါတယ်။

စစ်တွေ အခြေအနေ တည်ငြိမ်လာတဲ့ အတွက် ကျောင်းတွေ၊ ဈေးတွေလည်း ပြန်ဖွင့်နိုင် ခဲ့ပါတယ် ။

ဗိုလ်ချုပ်ကြီးဉာဏ်ထွန်း ဒုတိယသမ္မတဖြစ်လာ

ဒုတိယသမ္မတသစ် ဦးဉာဏ်ထွန်း

မြန်မာဒုတိယ သမ္မတအဖြစ် ကာကွယ်ရေးဦးစီးချုပ် (ရေ) ဗိုလ်ချုပ်ကြီးဉာဏ်ထွန်းကို ဒီကနေ့ သြဂုတ်လ ၁၅ ရက်နေ့က ခန့်အပ်လိုက်ပါတယ်။

ပြီးခဲ့တဲ့ ဇူလိုင်လက ဒုတိယသမ္မတသီဟသူရ ဦးတင်အောင်မြင့်ဦး ကျန်းမာရေးကြောင့် နှုတ်ထွက်ခဲ့ပြီးတဲ့နောက် အချိန်အတော်ကြာ လစ်လပ်နေခဲ့တဲ့ ဒုသမ္မတရာထူးကို အခုမှ အစားထိုးခန့်အပ်နိုင်ခဲ့တာ ဖြစ်ပါတယ်။

စောစောပိုင်းက လွှတ်တော်ကိုယ်စားလှယ် တပ်မတော်သားအစုအဖွဲ့ကနေ ရန်ကုန်တိုင်း ဒေသကြီး ဝန်ကြီးချုပ် မြင့်ဆွေကို အမည်စာရင်း တင်သွင်းခဲ့တယ်လို့ တပ်မတော်သား လွှတ်တော်ကိုယ်စားလှယ်တွေက ပြောကြားခဲ့ပေမယ့် ဒုတိယသမ္မတအဖြစ်ခန့် အပ်ခဲ့ခြင်းမရှိပါဘူး။

ဒီလို မခန့်အပ်ခဲ့တာနဲ့ပတ်သက်လို့လည်း ဘာကြောင့်ဆိုတာ ထုတ်ပြန် ကြေညာခဲ့ခြင်း မရှိပါဘူး။

ဒီနောက်ပိုင်းမှာ ဗိုလ်ချုပ်ကြီးဉာဏ်ထွန်းကို အမည်စာရင်းတင်သွင်းတယ်ဆိုတဲ့ သတင်းတွေ ထွက်ပေါ်ခဲ့ပြီးနောက် ဒီကနေ့ ပြည်ထောင်စုလွှတ်တော်မှာ ဒုတိယသမ္မတအဖြစ် ကျန်းသစ္စာ ကျိန်ဆိုခဲ့တာဖြစ်ပါတယ်။

ဗိုလ်ချုပ်ကြီးဉာဏ်ထွန်းဟာ ဗိုလ်လောင်းတက္ကသိုလ် အပတ်စဉ် ၁၆ ကျောင်းဆင်းတဦးဖြစ်ပါတယ်။ သူဟာ ရေတပ် အမှတ် ၁ ထောက်လှမ်းရေးတပ်ရဲ့ တပ်မှူးအဖြစ် တာဝန်ထမ်းဆောင်ခဲ့ဘူးပြီး နောက်ပိုင်းမှာ မိခင်ရေတပ်ကို ပြန်ရောက်သွားပြီး စစ်ဦးစီး ဗိုလ်မှူးကြီး၊ စစ်ဦးစီး ဗိုလ်မှူးချုပ်၊စသဖြင့် အဆင့်ဆင့် ကာကွယ်ရေးဦးစီးချုပ် (ရေ)အဖြစ် တာဝန်ထမ်းဆောင်ခဲ့သူ ဖြစ်ပါတယ်။

သူဟာ ကြည်းတပ်မှာရော ရေတပ်မှာ လူတော်လူကောင်းအဖြစ် အသိများပြီး စာပေပညာထူးချွန်သူ အနုပညာလိုက်စားသူဖြစ်လို့ သဘောထားပျော့ပြောင်းသူလို့ ယူဆကြောင်း တပ်မတော် ထောက်လှမ်းရေးဗိုလ်မှူးဟောင်း ဉီးအောင်လင်းထွဋ်က ပြောပါတယ်။

ယခင် ဒုတိယဗိုလ်ချုပ်မှူးကြီးမောင်အေးနဲ့ နီးစပ်သူလို့ ဆိုပါတယ်။

ကြည်းတပ်က လွှမ်းမိုးတဲ့ စစ်တပ်အစုအဖွဲ့က ရေတပ်ဦးစီးချုပ်ကို ဒုတိယ သမ္မတအဖြစ် အမည်စာရင်းတင်သွင်းခန့်အပ်ခဲ့တာဟာ ထူးခြားတယ်လို့ ဒီမိုကရေစီနဲ့ ဖွံ့ဖြိုးတိုးတက်ရေး အင်အားစုရဲ့ သုတေသနမှူး ဦးဌေးအောင်က ပြောပါတယ်။

ဒုတိယသမ္မတဖြစ်သူဟာ သမ္မတဦးသိန်းစိန်နဲ့ လက်တွဲဆောင်ရွက်ရမယ့်သူဖြစ်လို့ အခု ခန့်အပ်လိုက်တဲ့ ဗိုလ်ချုပ်ကြီးဉာဏ်ထွန်းအနေနဲ့ ဟန်ချက်ညီဖို့ တဦးနဲ့တဦးနားလည်မှု ရှိဖို့ လိုမယ်လို့ ဦးဌေးအောင်က သုံးသပ်ပါတယ်။

ရခိုင်ပဋိပက္ခမှာ ရခိုင်ပါတီတွေရဲ့ ကဏ္ဍ

ရခိုင်ပဋိပက္ခကြောင့် ဒေသခံအတော်များများ အိုးမဲ့အိမ်မဲ့ ဖြစ်ခဲ့ကြရ

ရခိုင်ပြည်နယ်မှာ ဖြစ်ပွားခဲ့တဲ့ ပဋိပက္ခတွေ နောင်မဖြစ်အောင် ရေရှည် တားဆီးနိုင်ရေးနဲ့ ပတ်သက်လို့ ဗွီအိုအေနဲ့ လုပ်ခဲ့တဲ့ မေးမြန်းခန်း မှာ မြန်မာ သမ္မတ ဦးသိန်းစိန်က ဒီလို တားဆီးရေး မှာ လူထုရဲ့ အမြင် ပြောင်းအောင် လုပ်ရာမှာ ရခိုင်ပါတီတွေရဲ့ အခန်းကဏ္ဍ အရေးပါကြောင်း ထည့်သွင်း ပြောသွားခဲ့ ပါတယ်။

ဒီကနေ့ ကမ္ဘာကြီးဟာ ကျဉ်းမြောင်းလာပြီး ရွာကြီးတရွာလို ဖြစ်လာတယ်၊ သူ့လူမျိုး ကိုယ့်လူမျိုး ကိုယ်ဘာသာ သူ့ဘာသာ ခွဲခြားလို့မရဘူး၊ လူ့အခွင့်အရေး မထိခိုက်အောင် လုပ်ဖို့လိုတယ်၊ လူထုရဲ့ သဘောထား အမြင်ပြောင်းအောင် လုပ်ရာမှာ ရခိုင်ပါတီတွေရဲ့ အခန်းကဏ္ဍ နဲ့ ပညာရေးမြင့်တင်ဖို့ လိုတယ်ဆိုတာ ပြောခဲ့သလို တဘက်နဲ့တဘက် ပြသနာမဖြစ်အောင် နိုင်ငံသား ဥပဒေနဲ့ ကိုင်တွယ်မယ်လို့ သမ္မတ ဦးသိန်းစိန်က ပြောခဲ့ပါတယ်။

ဒါနဲ့ပတ်သက်လို့ ရခိုင်ပါတီတခုဖြစ်တဲ့ ရခိုင် ဒီမိုကရေစီအဖွဲ့ချုပ် ALD ရဲ့ နာယကကြီး ဦးသာဘန်း က အစဉ်အလာအရ ရခိုင်ဒေသမှာ သားစဉ်မြေးဆက် နေလာခဲ့သူတွေ နိုင်ငံသား ဖြစ်ရေးနဲ့ ပတ်သက်လို့ ဘာမှ အငြင်းပွားစရာ မရှိကြောင်း၊ဒါပေမယ့် တိုင်းရင်းသား ဆိုတဲ့ နေရာမှာ ရိုဟင်ဂျာ ဆိုတာကို လက်မခံနိုင်ကြောင်း၊ ပဋိပက္ခတွေ ထပ်မဖြစ်အောင် လူထုကို စည်းရုံး ပြောဆိုနိုင်ဖို့ ရခိုင်ပါတီတွေ အနေနဲ့ နယ်မြေ နေရာတွေ လိုအပ်ကြောင်း ဘီဘီစီကို ပြောပါတယ်။

ဒီကိစ္စနဲ့ ပတ်သက်လို့ ဒီကနေ့ ဗုဒ္ဓဟူးနေ့မှာ သမ္မတ ဦးသိန်းစိန်နဲ့ တွေ့တဲ့အခါ ပြောဆိုမယ်လို့ ဆိုပါတယ်။

ရခိုင်ပြည်နယ်မှာ ဒေသခံတွေ ငြိမ်းချမ်းစွာ အတူ ယှဉ်တွဲ နေထိုင်ရေးမှာ ရခိုင် တိုင်းရင်းသားတွေ ဥပဒေကြောင်းအရ လိုက်နာအောင် ကြိုးစားသွားမှာ ဖြစ်သလို ရခိုင်ပြည်မှာ နေထိုင်နေတဲ့ ဘင်္ဂါလီလူမျိုးတွေ အနေနဲ့လည်း နိုင်ငံသား ဥပဒေမှာ ပါတဲ့ အခွင့်အရေးတွေကို ခံစားပြီး နိုင်ငံသားတွေ ကျင့်သုံးရမယ့် စည်းကမ်းတွေ ကိုလည်း လိုက်နာဖို့ လိုတာမို့ ဘင်္ဂါလီ ဘာသာရေး ခေါင်းဆောင်တွေ အပါအဝင် ခေါင်းဆောင်ပိုင်းတွေက စည်းရုံးရမှာ ဖြစ်တယ်လို့ ဦးသာဘန်းက ပြောပါတယ်။

ရခိုင်ပြည်နယ်မှာ ပညာရေး မြှင့်တင်ဖို့ ကြိုးစားရာမှာ ပညာရေးကို ထိထိ ရောက်ရောက် မသင်ကြားနိုင်ကြတဲ့ ဒေသခံ ရခိုင်၊ မြို၊ ခမီး၊ ဒိုင်းနက်လူမျိုးစု တိုင်းရင်းသားတွေရဲ့ သားသမီးတွေရဲ့ ပညာရေးကို မြှင့်တင်ပေးဖို့ လိုအပ်သလို ရိုဟင်ဂျာလို့ ခေါ်တဲ့ ဘင်္ဂါလီ လူမျိုးတွေကလည်း သူတို့ရဲ့ ကုရ်အာန် ဘာသာရေး ကျမ်းစာကိုသာ အလေးထား သင်ကြားပေးပြီး မြန်မာ့ပညာရေးကို သိပ်အလေး မထားတာ တွေ့ရကြောင်း၊ ဒါကို သူတို့ရဲ့ ဘာသာရေး ခေါင်းဆောင်ပိုင်းတွေက ဆောင်ရွက်ပေးဖို့ လိုကြောင်း ရခိုင် ဒီမိုကရေစီအဖွဲ့ချုပ် ALD ရဲ့ နာယကကြီး ဦးသာဘန်း က ဘီဘီစီကို ပြောပါတယ်။

ဂျပန်ဝန်ကြီးတွေ စစ်ဗိမာန် သွားလို့ အိမ်နီးချင်းနိုင်ငံတွေ ဒေါသထွက်

အငြင်းပွားစရာ ဖြစ်နေတဲ့ ယာဆူကူနီ ဗိမာန်ကို ဂျပန် ပို့ဆောင်ရေး ဝန်ကြီး သွားရောက်စဉ်

ဂျပန်နိုင်ငံမှာ စစ်အတွင်းက ကျဆုံးသွားကြတဲ့ စစ်ရာဇဝတ်မှု ကျူးလွန်ခဲ့သူတွေ အပါအဝင် ဂျပန်စစ်မှုထမ်းတွေကို ဂုဏ်ပြု ဆောက်လုပ် ထားတဲ့ တိုကျိုမြို့က အခြေအတင် အငြင်းပွား စရာ ယာဆူကူနီ ဗိမာန်ကို ဂျပန် ကက်ဘိနက် ဝန်ကြီး နှစ်ဦးသွားရောက် လည်ပတ်ခဲ့တာနဲ့ ပတ်သက်လို့ အိမ်နီးချင်း နိုင်ငံတွေက ဒေါသတကြီး တုန့်ပြန်လိုက် ကြပါတယ်။

တရုတ် နိုင်ငံခြားရေး ဝန်ကြီးက လက်နက်ကိုင် အင်ပါယာနိုင်ငံတခုရဲ့ ရန်လိုတိုက်ခိုက်ခဲ့မှုကြောင့် သေဆုံးခဲ့ရသူတွေအပေါ် ဂျပန် အစိုးရအနေနဲ့ ထောက်ထား လေးစားသင့်တယ်လို့ ပြောကြားလိုက်ပါတယ်။

တောင်ကိုးရီးယား သမ္မတ လီမြောင်ဘက်ကလည်း တောင်ကိုးရီးယား ဂျပန် နှစ်နိုင်ငံ ဆက်ဆံရေး ပိုနီးစပ်လာမယ့် အခွင့်အရေးကို ထိခိုက်လာနိုင်ဘွယ် ရှိတယ်လို့ ပြောပါတယ်။

အဲဒီကက်ဘိနက်ဝန်ကြီး နှစ်ဦးဖြစ်တဲ့ ဂျင် မက်ဆူဘာရာနဲ့ ယူအီချီရို ဟာတာ တို့ဟာ ဗဟိုကနေ လင်္ကျာယိမ်းတဲ့ ဒီမိုကရက်တစ် ပါတီ လွန်ခဲ့တဲ့ ၃နှစ်က အာဏာရခဲ့ပြီးကတည်းက ယာဆူကူနီ ဗိမာန်ကို ပထမဆုံးအကြိမ် သွားရောက်တဲ့ ဝန်ကြီးတွေ ဖြစ်ပါတယ်။

ဒမာ့စကပ်စ်မြို့မှာ ဗုံးခွဲခံရ

ကုလသမဂ္ဂ လေ့လာစောင့်ကြည့်ရေးအဖွဲ့တွေ တည်းရာ ဟိုတယ်နားမှာ ဗုံးကွဲမှု ဖြစ်ခဲ့

ဆီးရီးယားနိုင်ငံ ဒမာ့စကပ်စ် မြို့လယ်က ကုလသမဂ္ဂ လေ့လာစောင့်ကြည့်ရေး အဖွဲ့တွေ တည်းနေတဲ့ ဟိုတယ်တခုနားမှာ ဗုံးတလုံး ပေါက်ကွဲခဲ့ရာမှာ အနည်းဆုံး လူ၅ဦး ဒဏ်ရာ ရသွားခဲ့ပါတယ်။

ဒဏ်ရာ ရသူတွေထဲမှာ ကုလသမဂ္ဂ လေ့လာ စောင့်ကြည့်ရေး အဖွဲ့ဝင်တွေတော့ မပါဘူးလို့ သိရပါတယ်။

ဒီဗုံးခွဲ တိုက်ခိုက်မှုဟာ အစိုးရ အဆင့်မြင့် စစ်အရာရှိတွေရဲ့ အစည်းအဝေးတခုကို ပစ်မှတ်ထားခဲ့တာလို့ အတိုက်အခံ FSA ဆီးရီးယား လွတ်မြောက်ရေး တပ်ဖွဲ့က ပြောပါတယ်။

ဒီလုပ်ရပ်ဟာ အကြမ်းဖက် လုပ်ရပ်ဖြစ်တယ်လို့ ဆီးရီးယား လက်ထောက် နိုင်ငံခြားရေး ဝန်ကြီးက ပြောပါတယ်။

ဆီးရီးယား ဝန်ကြီးချုပ်ရုံးနဲ့ အီရန်သံရုံးနားမှာ လက်နက်ကိုင် သူပုန်တွေနဲ့ အစိုးရ တပ်ဖွဲ့ဝင်တွေအကြား ရင်ဆိုင် တိုက်ခိုက်မှုတွေ ဖြစ်ပွားခဲ့တယ်လို့ အတိုက်အခံ လှုပ်ရှားသူတွေရဲ့ အဆိုအရ သိရပေမယ့် ဒီသတင်းကိုတော့ အတည်မပြု နိုင်သေးပါဘူး။

သူပုန်တွေ ထိန်းချုပ်ထားတဲ့ အလက်ပို မြို့ က ဆေးရုံတခုကို ဆီးရီးယား အစိုးရ တိုက်လေယာဉ်တစင်းက မစ်ဆိုင်းဒုံးတွေနဲ့ ပစ်ခတ် တိုက်ခိုက်ခဲ့တယ် ဆိုတဲ့ အထောက်အထားတွေ ရှိတယ်လို့ Human Rights Watch လူ့အခွင့်အရေး လေ့လာစောင့်ကြည့်ရေး အဖွဲ့က ပြောပါတယ်။

ပြန်ပေးဆြဲခံရသူတခိ်ု့ IRG အဖြဲ့ဝင်ဖြစ်

ဆီးရီးယားသူပုန်တွေ ဖမ်းထားတဲ့ အီရန်နိုင်ငံသားများ

ဆီးရီးယားမှာ ပြန်ပေးဆွဲ ခံထားရတဲ့ အီရန်နိုင်ငံသား ၄၈ဦး ပါအဖွဲ့ထဲမှာ IRG (Iran's Revolutionary Guards) အီရန်တော်လှန်ရေး တပ်ဦးက အဖွဲ့ဝင်တချို့ပါဝင်တယ်လို့ အီရန်ဖက်က ပထဦးဆုံးအကြိမ်အဖြစ် အတည်ပြုပြောကြားခဲ့ပါတယ်။

ပြီးခဲ့တဲ့ အချိန်တွေတုန်းကတော့ ဒီအဖွဲ့ဟာ ဆီးရီးယားကို ဘုရားဖူးသွားတဲ့ အဖွဲ့လို့ အီရန်ဘက် က ပြောခဲ့တာပါ။

ဒီအဖွဲ့ဟာ ဆီးရီးယား စစ်တပ်အတွက် ထောက်လှမ်းရေးလုပ်ငန်းတွေကို လုပ်ဆောင်ပေးနေတာလို့ ဒီအဖွဲ့ကို ဖမ်းထားတဲ့ ဆီးရီးယား သူပုန်တွေက စွပ်စွဲပြောကြားခဲ့ပါတယ်။

ဒီအဖွဲ့ ပြန်လည် လွတ်မြောက်လာဖို့အတွက် ကုလသမ္မဂ ကကူညီဖို့ အီရန်က တောင်းဆိုခဲ့ပါတယ်။

အာရပ် နိုင်ငံသားတွေ လက်ဘနွန်က ထွက်ခိုင်း

လက်ဘနွန် ရုပ်သံမှာ ပြသသွားတဲ့ ပြန်ပေး သမားများ

ဆော်ဒီအာရေဗျနဲ့ ကာတာ အပါအဝင် အာရပ် နိုင်ငံတချို့က သူတို့ နိုင်ငံသားတွေ ပြန်ပေးဆွဲ ခံရနိုင်တဲ့ အန္တရယ် ရှိတာမို့ လက်ဘနွန်က အမြန်ဆုံး ထွက်ခွာကြဖို့ တိုက်တွန်းလိုက် ပါတယ်။

ခုရက်ပိုင်းတွေအတွင်း လက်ဘနွန် နိုင်ငံထဲမှာ စူနီ မွတ်စလင်တွေကို သြဇာ အာဏာ ရှိတဲ့ ရှီးယား မျိုးနွယ်စု တခုက ပြန်ပေးဆွဲမှုတွေ ဆက်တိုက် ဆိုသလို ဖြစ်ပွားလာပြီးနောက် ဆော်ဒီ အာရေဗျ၊ ယူအေအီး၊ ကာတာနဲ့ ကူဝိတ် နိုင်ငံတွေက အခုလို သတိပေး တိုက်တွန်းချက် ထုတ်ပြန်လိုက်တာ ဖြစ်ပါတယ်။

ဆီးရီးယား နိုင်ငံ ဒမတ်စကာဒ်က ရှီးယား အနွယ်ဝင်တွေကို သူပုန်တွေက ပြန် ပေးဆွဲမှုကို လက်တုန့်ပြန်တဲ့ အနေနဲ့ ခုလို လုပ်ဆောင်တာ ဖြစ်တယ်လို့ သူတို့က ပြောပါတယ်။

လက်ဘနွန် နိုင်ငံမှာ ထုတ်လွှင့် ပြသတဲ့ ရုပ်သံလိုင်းတခုမှာ ပြန်ပေးဆွဲ ခံရသူလို့ ပြောတဲ့ လူနှစ်ယောက်ကို မျက်နှာဖုံးစွပ် လက်နက်ကိုင် တစုက ဝိုင်းထားတဲ့ ပုံကို ပြသသွားပါတယ်။

ပြန်ပေးဆွဲ ခံထားရသူတွေရဲ့ မိသားစုဝင် တယောက်က ပြန်ပေးဆွဲထားတဲ့ ရှီးယား မွတ်စလင် မျိုးနွယ်စု အကြောင်း အခုလို ပြောပြပါတယ်။

ဒီမိသားစုမှာ စစ်တပ်သုံး လက်နက်တွေ ရှိတယ်၊ လက်ဘနွန် ပိုင်နက်ထဲက ဆီး ရီးယား နိုင်ငံသားတွေကို သူတို့တွေ ပြန်ပေးဆွဲနေကြတယ်လို့ ပြောသွားပါတယ်။

အခု ပြန်ပေးဆွဲမှုတွေဟာ ရာမာဒမ် ဥပုဒ်ကာလ အတွင်း ဖြစ်ပွားနေတာ ဖြစ်ပြီး ဆီးရီးယားက ပဋိပက္ခဟာ အပြင်ကိုပါကူးစက်လာတဲ့ လက္ခဏာလို့ပြောနိုင် ကြောင်း ဘီဘီစီ သတင်းထောက် ယူဆပ် တာဟာရာက ပြောပါတယ်။

စစ်တပ်သုံး လက်နက်တွေနဲ့ စစ်အင်အား အတိုင်းအတာ တခုထိ ရှိတဲ့ အယ်မက္က ဒက် ရှီးယား မိသားစုဟာ ဆီးရီးယား သူပုန်တွေနဲ့ ဆက်စပ်မှု ရှိတယ်လို့ ပြောတဲ့ လူနှစ်ဆယ်လောက်ကို ဖမ်းဆီးထားတယ်လို့ ပြောပါတယ်။

အတည်မပြုနိုင်တဲ့ သတင်းတချို့အရ ဒီလူတွေဟာ လက်ဘနွန် မြို့တော် ဘေရွတ် မြို့က အပြည်ပြည် ဆိုင်ရာ လေဆိပ်ကို သွားတဲ့ မော်တော်ကားလမ်း တွေကိုပါ ပိတ်ဆို့ထားပြီး ပြင်သစ် လေကြောင်းက လေယဉ်တစီးဟာ လုံခြုံရေးကြောင့် ဂျော်ဒန် နိုင်ငံကို ပျံသန်းသွားပြီး အဲဒိမှာ ဆင်းသက်ခဲ့ရတယ်လို့ သိရပါတယ်။

ပြန်ပေးဆွဲခံရသူ အများစုဟာ ဆီးရီးယား နိုင်ငံသားတွေ ဖြစ်ပေမယ့် ဆော်ဒီ အာရေဗျ နိုင်ငံသား တယောက်နဲ့ တူရကီ နိုင်ငံသား တယောက်တို့လည်း လောလောဆယ် အဖမ်းခံထားရတာကြောင့် ဆီးရီးယားရဲ့ အိမ်နီးချင်း နိုင်ငံတွေက သတိပေး တိုက်တွန်းချက်တွေ အသီးသီး ထုတ်ပြန်ခဲ့ရတာ ဖြစ်တယ်လို့ ဘီဘီစီ သတင်းထောက် ယူဆပ် တာဟာရာက ပြောပါတယ်။

လက်ဘနွန် ဝန်ကြီးချုပ်နဲ့ သမ္မတတို့က အခု ပြန်ပေးဆွဲမှုတွေကို ပြစ်တင် ရှုံ့ချ ခဲ့ပါတယ်။

ဆီးရီးယား ပြည်တွင်းစစ်ကြောင့် ဒုက္ခသည်တွေ နိုင်ငံခြား ထွက်ပြေးကြရာမှာ လက်ဘနွန် နိုင်ငံထဲမှာလည်း တခြား အိမ်နီးချင်း နိုင်ငံတွေမှာလို ဆီးရီးယား ဒုက္ခသည်တွေ ထောင်သောင်းချီ ရှိနေပါတယ်။

ဒါပေမယ့် ကွာတာက လက်ဘနွန် နိုင်ငံထဲက နိုင်ငံရေး၊ ဘာသာရေး ယုံကြည်မှု ကွဲပြားမှုတွေဟာ တခြား နိုင်ငံတွေထက် ပိုပြီး အတိမ်းအစောင်း မခံတဲ့ အတွက် အခု ဆီးရီးယား အကျပ်အတည်းကြောင့် လက်ဘနွန်ဟာ ပြည်တွင်းစစ် ပြန် ဖြစ်တဲ့ထိ ဖြစ်သွားနိုင်တယ်လို့ သတင်းထောက်တွေက ပြောပါတယ်။

မကြာသေးခင် ရက်တွေ အတွင်းက လက်ဘနွန်က ဒုတိယ အကြီးဆုံးမြို့ ဖြစ်တဲ့ ထရီပိုလီမှာ ဆီးရီးယား သမ္မတ အာဆတ်ကို ထောက်ခံသူနဲ့ ဆန့်ကျင်သူတွေ လမ်းပေါ်မှာ သေနတ်တွေနဲ့ ပစ်ခတ်မှု ဖြစ်ပွားခဲ့တာကိုက ဒီအချက်ကို သက် သေခံနေတယ်လို့ သတင်းထောက်တွေက မှတ်ချက် ပေးကြပါတယ်။

အမေရိကန် စီးပွားရေးလုပ်ငန်းများ မြန်မာနိုင်ငံမှာ ရင်းနှီးမြုပ်နှံဖို့ လေ့လာ

မြန်မာနိုင်ငံဆိုင်ရာ အမေရိကန်သံအမတ်ကြီး ဒဲရစ်မစ်ချဲလ်က အမေရိကန်စီးပွားရေးရင်းနှီးမြုပ်နှံမှုဟာ အခြားလုပ်ငန်းတွေ အတွက်လည်း စံနမူနာဖြစ်စေရမယ်လို့ဆိုပါတယ်။

မြန်မာနိုင်ငံထဲမှာ နိုင်ငံခြားစီးပွားရေး လုပ်ငန်းတွေအနေနဲ့ ရင်းနှီးမြုပ်နှံမှုအတွက် သာမက မြန်မာလူထုဖွံဖြိုး တိုးတက်ရေးအတွက် ကူညီဆောင်ရွက်နိုင်မယ့် အခွင့်အလမ်းကောင်းတွေရှိတယ်လို့ အမေရိကန်ပြည်ထောင်စု က ပြောပါတယ်။ ဒါပေမယ့်လည်း ဒီနိုင်ငံခြားရင်းနှီးမြုပ်နှံမှုတွေဟာ မြန်မာပြည်သူလူထု အတွက် တကယ်ပဲ အကျိုးဖြစ်ထွန်း နိုင်ပါ့မလားလို့ မေးခွန်းထုတ်မှုတွေလည်းရှိပါတယ်။ ကိုသားညွန့်ဦးက ဒီအကြောင်းကို တင်ပြမှာပါရှင်။

အမေရိကန်စီးပွားရေးလုပ်ငန်း(၂၀)ပါဝင်တဲ့ အမေရိကန်စီးပွားရေးကိုယ်စားလှယ်အဖွဲ့ဟာ အခုပြီးခဲ့တဲ့ လက မြန်မာနိုင်ငံထဲမှာ သုံးရက်ကြာခရီးစဉ်အတွင်း မြန်မာဝန်ကြီးဌာနတွေက တာဝန်ရှိ သူတွေနဲ့တွေ့ဆုံပြီး ရင်းနှီးမြုပ်နှံမှုဆိုင်ရာ ဆွေးနွေးမှုတွေ လုပ်ခဲ့ကြပါတယ်။ ဒီအဖွဲ့ကိုတော့ အမေရိကန် ကုန်သည်ကြီးများအသင်းက ဦးဆောင်တာပါ။ ဒီအဖွဲ့ဟာ မြန်မာနိုင်ငံခရီးစဉ်နဲ့ ပတ်သက်ပြီးတော့ သြဂုတ်လ၁၅ရက်နေ့ သတင်းစာ ရှင်းလင်းပွဲ တရပ်ကို စင်ကာပူနိုင်ငံမှာ လုပ်တော့၊ သူတို့အနေနဲ့ကတော့ မြန်မာနိုင်ငံထဲမှာ အခွင့်အလမ်း ကောင်းတွေ တွေ့ခဲ့ရတယ်လို့ အမေရိကန်ကုန်သည်ကြီးများအသင်းဥက္ကဌ Simon Kahn ကပြောပါတယ်။

“စက်မှုလုပ်ငန်းတော်တော် များများမှာတော့ အမေရိကန်စီးပွားရေးကုမ္ပဏီတွေအတွက်သာ မကဘူး၊ ပိုပြီး အရေးကြီးတာက မြန်မာနိုင်ငံဖွံဖြိုးတိုးတက်ရေးအတွက်ကိုပါ အထောက်အကူဖြစ်စေဖို့ အခွင့်အလမ်းကောင်း ကြီးကြီးမားမားတွေကို တွေ့ရပါတယ်။”

မြန်မာနိုင်ငံနဲ့ပတ်သက်လို့ အမေရိကန်ဖက်က စီးပွားရေးဒဏ်ခတ်မှုအချို့ကို ဖြေလျှော့ပေး လိုက်တဲ့နောက်၊ အမေရိကန်စီးပွားရေးလုပ်ငန်း အတော်များများ မြန်မာနိုင်ငံထဲမှာ ရင်းနှီးမြုပ်နှံမှုတွေ လုပ်ဖို့ စိတ်ဝင်စားနေကြပါတယ်။ အမေရိကန်ပြည်ထောင်စုကတော့ အခုလိုမျိုး ဖြေလျော့လိုက် ပေမယ့်၊ ထူးထူးခြားခြားစည်းမျဉ်းအချို့ကိုတော့ စီးပွားရေးလုပ်ငန်းတွေအတွက် ကန့်သတ်ထားပါတယ်။ မြန်မာနိုင်ငံဆိုင်ရာ အမေရိကန်သံအမတ်ကြီး ဒဲရစ်မစ်ချဲလ်ကတော့ အမေရိကန် စီးပွားရေးရင်းနှီးမြုပ်နှံမှုဟာ အခြားလုပ်ငန်းတွေအတွက်လည်း စံနမူနာဖြစ်စေရမယ် လို့ဆိုပါတယ်။

“သမ္မတအိုဘားမားပြောသွားသလိုပါပဲ ၊မြန်မာနိုင်ငံစီးပွားရေးမှာပါဝင်လာမယ့် အမေရိကန်စီးပွားရေး လုပ်ငန်းတွေဟာ တာဝန်သိမှုရှိတဲ့ ရင်းနှီးမြုပ်နှံမှုစီးပွားရေးလုပ်ငန်းတွေအဖြစ် စံနမူနာပြနိုင် လိမ့်မယ် လို့ ယုံကြည်ပါတယ်။ မြန်မာပြည်သူတွေရဲ့ နေထိုင်မှုဘ၀တွေနဲ့ စီးပွားရေးဖွံဖြိုးမှုကိုလည်း အထောက် အကူ ဖြစ်စေမယ်၊ နောက်ထပ်ပြုပြင်ပြောင်းလဲမှုတွေဖြစ်လာဖို့ လည်း အကူအညီ ဖြစ်စေမယ်လို့ ယုံကြည်ပါတယ်။”

အမေရိကန်ဘဏ္ဍာရေးဝန်ကြီးဌာနရဲ့ အထွေထွေလုပ်ပိုင်ခွင့်လိုင်စင်မှာတော့ မြန်မာနိုင်ငံထဲက အမေရိကန်စီးပွားရေး လုပ်ငန်းတွေနဲ့ပတ်သက်လို့ အသေးစိတ် အစီရင်ခံစာ တင်ပြရမယ်ဆိုတဲ့ အချက်ကို လည်း ထည့်သွင်းထားပါတယ်။ ဒါဟာ ရင်းနှီးမြုပ်နှံမှုအပေါ်မှာ အကန့်အသတ် သဘောမျိုးတော့ ဆောင်ပါ တယ်။ ဒါပေမယ့်လည်း ဒီလိုကန့်သတ်ထားပေမယ့် အဲဒီစည်းမျဉ်းမှာ ကိုက အားနည်းချက် တွေရှိနေဆဲဖြစ်တယ် လို့ အမေရိကန်အခြေစိုက် မြန်မာ့ဒီမိုကရေစီရေး လှုပ်ရှားမှုအဖွဲ့ USCB ရဲ့ အမှုဆောင်ညွန်ကြားရေးမှုး ကိုအောင်ဒင်က ပြောပါတယ်။

"ကော်မတီက အမေရိကန်အစိုးရကို သူတို့ဘယ်လို ရင်းနှီးမြှုပ်နှံမယ် နောက်တခါ သူတို့ရဲ့ အလုပ်သမားဆိုင်ရာ အခွင့်အရေး ပါတ်ဝန်းကျင်ထိမ်းသိမ်းရေးဆိုင်ရာ စသဖြင့်ပေါ့နော်။ အဲဒီဟာတွေနဲ့ ပါတ်သက်လို့သူတို့ရဲ့ပေါ်လစီတွေကဘာတွေရှိသလဲ၊ နောက်တခါ မြေဝယ်မယ် ဆိုလို့ရှိရင် မြေဝယ်တဲ့ အပေါ်မှာ ဘယ်ကဝယ်သလဲ၊ ဘယ်လိုသက်ဆိုင်ရာ မြေပိုင်ရှင်တွေကို ဘယ်လို လျော်ကြေးပေးသလဲ စတာတွေကို ထုတ်ပြန်ကြေညာရမယ်လို့ ပြောတယ်။ သတင်းပို့ရမယ်လို့ ပြောတယ်။ ဒါပေမယ့် အဲ့ဒီမှာ ရုတ်တရက်ကြည့်ရင် ကောင်းသလို ထင်ရတယ်ပေါ့နော်။  ဒီကုမ္မဏီတွေက လွတ်လွတ် လပ်လပ် လုပ်ခွင့်မရဘူး။ ဒါပေမယ့်သူတို့ ဒီလိုမျိုး အမေရိကန်အစိုးရကို အမေရိကန်ပြည်သူတွေက သူတို့ ဘယ်လိုမျိုး ရင်းနှီးမြှုတ်နှံတယ် ဆိုတာကို အတိအကျပြန်လည် အစီရင်ခံရမယ်။ သို့သော် အဲဒီမှာ အားနည်းချက်က ဘာလည်းဆိုတော့ အဲ့ဒီလိုအစီရင်မခံခဲ့လို့ ရှိရင် ဘာလုပ်မလဲ ဘယ်လိုအရေးယူမလဲဆိုတဲ့ ကန့်သတ်ချက် မပါဘူး။ ဆိုတဲ့အခါကြတော့၊ ခုနကဘယ်လောက်ပဲ သတင်းပို့ရမယ်လို့ပဲပြောပြော အမေရိကန် ကုမ္မဏီတခုက သတင်းမပို့ပဲနေလို့လည်းရတယ်။ အဲ့လိုသတင်းမပို့တဲ့အတွက်ကြောင့်လည်း အဲဒီအမေရိကန်ကုမ္မဏီကို ဘာနဲ့မှ အရေးယူလို့မရဘူး။ ဆိုတော့ဒီလိုမျိုးပေါ့ဗျာ"

တဖက်မှာလည်း အခုလိုမြန်မာအပေါ်မှာ စီးပွားရေးပိတ်ဆို့မှုတွေ လျှော့ပေးလာတာဟာ လူထုအတွက်မဟုတ်ဘဲနဲ့၊ အရင်စစ်အစိုးရနဲ့နီးစပ်ခဲ့တဲ့ မြန်မာလုပ်ငန်းရှင်ကြီးတွေအတွက်ပဲ အကျိုးဖြစ်စေမလား ဆိုတဲ့ ပူပင်မှုတွေလည်းရှိပါတယ်။ မြန်မာနိုင်ငံထဲမှာက လုပ်ငန်းအများစုကို သူတို့ကပဲချုပ်ကိုင်ထားတာမို့ပါ။ ဒါပေမယ့်လည်း မြန်မာနိုင်ငံထဲက စီးပွားရေးလုပ်ငန်းရှင်တွေ ကိုယ်တိုင်က အပြောင်းအလဲကိုပိုပြီးတော့ လိုလားသူတွေလည်းရှိပါတယ်လို့ မြန်မာ့စီးပွားရေးအခြေအနေကို လေ့လာနေတဲ့ သြစတေးလျနိုင်ငံ မက်ကွက်ယားတက္ကသိုလ်က ပါမောက္ခရှောင်တာနယ်ကပြောပါတယ်။

မြန်မာ့စီးပွားရေးပညာရှင်ဦးဇော်ဦးကတော့ မြန်မာနိုင်ငံအနေနဲ့ နိုင်ငံခြားရင်းနှီးမြုပ်နှံမှုတွေကို ဖိတ်ခေါ်မယ် ဆိုရင်တော့ အရင်လိုမဟုတ်ဘဲ ကိုယ်ရဲ့အကျိုးစီးပွားအတွက် ပြင်ဆင်စဉ်းစားစရာတွေရှိတယ်လို့ ပြောပါတယ်။ အထူးသဖြင့်တော့ မြန်မာနိုင်ငံအတွက် အကျိုးရှိမယ့် ရင်းနှီးမြုပ်နှံမှုမျိုး သေချာစေချင်တယ်လို့ သူက ဆိုပါတယ်။

"မက်လုံးပေးတဲ့အခါမှာ ရေရှည်တည်တံ့ပြီးတော့ ပိုမိုကောင်းမွန်တဲ့ ရင်းနှီးမြှုတ်နှံမှုတွေကို လာနိုင်မဲ့စိတ်ချရတဲ့ ရင်းနှီးမြှုတ်နှံမှုဝန်းကျင်တခုကို ကျနော်တို့ ဒီဥပဒေက အခိုင်အမာ ကာကွယ်ပေးထားမယ်ဆိုတဲ့ ကိစ္စကလည်း အခုအနေအထားမှာ ကျနော်တို့ဗမာနိုင်ငံအတွက် အရေးကြီးလာတယ်။ အရင်အခြေအနေနဲ့ မတူတာက ကျနော်တို့နိုင်ငံကို ဝင်မယ့်သူ လာချင်တဲ့သူတွေ လုပ်ချင်တဲ့သူတွေက အရမ်းများလာတယ်"

အမေရိကန်သံအမတ်ကြီးဒဲရစ်မစ်ချဲလ်ကတော့ အခုအမေရိကန်ပြည်ထောင်စုအနေနဲ့ အခုမြန်မာနိုင်ငံ လွှတ်တော်မှာ ဆွေးနွေးနေကြတဲ့ ရင်းနှီးမြုပ်နှံမှုဥပဒေနဲ့ ပတ်သက်ပြီးတော့ စိတ်ဝင်စားမှုရှိတယ်လို့ ပြောပါတယ်။

“ကျနော်ပြောခဲ့သလိုပါပဲ ရင်းနှီးမြုပ်နှံမှုဥပဒေနဲ့ ပတ်သက်လို့ ကျနော်တို့အတွင်းကျကျ မသိနိုင်ခဲ့ပါဘူး။ ဒါဟာကျနော်တို့အတွက်ရော အခြားစီးပွားရေးလုပ်ငန်းတွေအတွက်ပါ စိုးရိမ်မကင်းဖြစ်နေတဲ့ အခြေအနေပါ။ ဒါပေမယ့်လည်း ဒီဥပဒေမူကြမ်းလုပ်နေတယ် ဆိုတာသိရပြီး၊ အဲဒီအပေါ်မှာ ကျနော်တို့အကြံပြု မှတ်ချက်ပေးခဲ့တာတွေ ဆွေးနွေးပြောဆိုတာတွေတော့ လုပ်ခဲ့ပါတယ်။”

မြန်မာနိုင်ငံထဲက ရင်းနှီးမြှုတ်နှံမှုဥပဒေနဲ့ ပါတ်သက်လို့တော့ မြန်မာနိုင်ငံ လွှတ်တော်အတွင်းမှာ ဒီသတင်းပါတ် အတွင်း ဆွေးနွေးဖို့ ရှိပြီးတော့၊ ဒီလကုန်ပိုင်းမှာ သမ္မတက လက်မှတ်ထိုး အတည်ပြုနိုင် ဖွယ်ရှိတယ်လို့ လွှတ်တော်အမတ်တွေက ပြောပါတယ်။ အမေရိကန် ကုမ္မဏီအချို့ အနေနဲ့ ဒီလက်ရှိ မြန်မာနိုင်ငံမှာ ရင်းနှီးမြှုတ်နှံလုပ်ကိုင်ကြဖို့ ပြင်ဆင်နေကြပြီးဖြစ်ပေမဲ့ အခုရင်းနှီးမြှုတ်နှံမှု ဥပဒေ ထွက်လာဖို့ ကိုလည်း စိတ်ဝင်တစားစောင့်ကြည့်နေကြတယ်လို့ ဆိုရမှာပါ ခင်ဗျာ။