14.08.2012 နေ့ဖတ်ရန်သတင်းများ

by Myanmar Journal on Monday, August 13, 2012 at 4:17pm ·

တရားသူကြီးများကို အရေးယူရန် အခွင့်အလမ်းနည်းဟု အစီရင်ခံစာဆို

ကျော်ဖုန်းကျော် | တနင်္လာနေ့၊ သြဂုတ်လ ၁၃ ရက် ၂၀၁၂ ခုနှစ် ၂၁ နာရီ ၂၈ မိနစ်

 ရန်ကုန် (မဇ္ဈိမ)။  ။ တရားသူကြီးများကို အကာအကွယ်ပေးမှု လွန်စွာ များပြားနေသဖြင့် ၎င်းတို့ကို အရေးယူရန် အခွင့်အလမ်း မရှိသလောက် နည်းနေကြောင်း ပြည်သူ့လွှတ်တော် တရားစီရင်ရေးနှင့် ဥပဒေရေးရာ ကော်မတီက လွှတ်တော်တွင် တင်ပြအစီရင်ခံခဲ့သည်။

ကော်မတီ၏ တွေ့ရှိချက် အစီရင်ခံစာကို ကော်မတီ ဥက္ကဋ္ဌဖြစ်သူ သူရဦးအောင်ကိုက ပြည်သူ့လွှတ်တော်၌ သြဂုတ် ၁၀ ရက်နေ့က ဖတ်ကြား တင်သွင်းရာတွင် တရားသူကြီးများကို “အခြေခံဥပဒေမှာ တိကျစွာဖော်ပြထားတဲ့ အချက်အချို့မှအပ အခြားမည့်သည့် အကြောင်းနှင့်မျှ အရေးယူ ဆောင်ရွက်လို့ မရနိုင်ကြောင်း လေ့လာစိစစ်တွေ့ရှိရပါတယ်” ပါရှိကြောင်း လွှတ်တော် ၀ဘ်ဆိုက်တွင် ဖော်ပြထားသည်။

 တရားသူကြီးများသည် တရားရုံး မထေမဲ့မြင်ပြုမှုဖြင့် တရားရင်ဆိုင်နေရသူများကို တရားစွဲဆိုနိုင်ခြင်း၊ တရားသူကြီးများကို ဥပဒေမှ ကင်းလွတ်ခွင့်များပေးထားခြင်း၊ မှားယွင်း ပြစ်ဒဏ်ချမှတ်မှုများနှင့် ပတ်သက်၍ တရားသူကြီးများကို တန်ပြန် တရား မစွဲဆိုနိုင်ခြင်း စသည့်ယေဘုယျဆန်သော ပြဋ္ဌာန်းချက်များသည် တရားသူကြီးများကို အဓိက ကာကွယ်ပေးထားသည့် အချက်များဖြစ်သည်ဟု ဥပဒေပညာရှင်နှင့် လွှတ်တော် အမတ်များက မဇ္ဈိမကို ပြောသည်။ 

ရန်ကုန်တိုင်း လွှတ်တော်အမတ်တဦးဖြစ်သူ ဒေါက်တာဒေါ်ညိုညိုသင်း က လက်ရှိ တရားစီရင်ရေးစနစ်တွင် တရားသူကြီးများ၏ လုပ်ပိုင်ခွင့်နှင့် ပတ်သက်၍ “ဘုရင်တဆူလို ဖြစ်နေတယ်” ဟု ဝေဖန်ပြောကြားလိုက်သည်။ 

တရားသူကြီးများ၏ တရားစီရင်ရေးနှင့် ပတ်သက်၍ တရားစီရင်ရေးနှင့် ဥပဒေရေးရာ ကော်မတီသို့ ပြည်သူများက တိုင်ကြားလာသည်များအနက်မှ ခိုင်မာမှုရှိသော အမှုများကို ပြန်လည်စိစစ်အရေးယူရန် သက်ဆိုင်ရာ တရားလွှတ်တော်များထံ အကြောင်းကြားခဲ့ သော်လည်း အများစုသည် တာဝန်ကျေရုံသာ ပြန်လည် စိစစ်ကြသည်ကိုလေ့လာ တွေ့ရှိရကြောင်း သူရဦးအောင်ကိုက လွှတ်တော်တွင် အစီရင်ခံခဲ့သည်။ ကော်မတီ စတင်ဖွဲ့စည်းပြီးချိန်မှ ခြောက်လကျော် ကာလအတွင်း တရားစီရင်ရေးနှင့် ပတ်သက်သည့် တိုင်ကြားမှုပေါင်း ၁,၆၀၀ ကျော် ရှိသည့်အနက် ၄၃၂ ခုသည် အချက်အလက်၊ အထောက်အထား ခိုင်မာကြောင်းလည်း အစီရင်ခံစာတွင် ပါရှိသည်။  သူရဦးအောင်ကိုက ဥပဒေနှင့် မညီညွတ်သော အဂတိလိုက်စားသည့် စီရင်ချက်များ ချမှတ်သည့် တရားသူကြီးများကို အရေးယူနိုင်မည့် ဥပဒေကို ပြည်သူ့လွှတ်တော်သို့ တင်ပြ ပြဋ္ဌာန်းနိုင်ရန် စီစဉ်လျက်ရှိကြောင်းနှင့် အောက်ခြေတရားစီရင်ရေး အချို့အနေဖြင့် စနစ်ဟောင်းကို ဆက်လက်ဖက်တွယ်နေဆဲ ဖြစ်သည်ကို တွေ့ရှိရကြောင်း ၂၀၁၁ ခုနှစ်၊ ဒီဇင်ဘာ ၂၉ ရက်က စာနယ်ဇင်းများသို့ ပြောကြားခဲ့သည်။ ယိမ်းယိုင်တိမ်းစောင်းနေသည့် တရားစီရင်ရေး မဏ္ဍိုင်ကို လွှတ်တော်သက်တမ်း တခု၊ နှစ်ခုအတွင်း ပြန်လည်ဖြောင့်မတ် ကြံ့ခိုင်လာစေရန်အတွက် တရားရေးတွင် သီလ၊ သမာဓိ၊ ပညာ ပြည့်စုံသည့် ပြင်ပ ဥပဒေပညာရှင်များကိုပါ ထည့်သွင်း ဖွဲ့စည်းသင့်ကြောင်း၊ ပြည်ထောင်စုအဆင့်သာမက တိုင်းနှင့် ပြည်နယ် တရားလွှတ်တော် တို့ရှိ တရားသူကြီးများကို ပြည်သူက ရွေးချယ်တင်မြှောက်သူများဖြင့် ပြင်ဆင် ဖွဲ့စည်းပေးသင့်ကြောင်း ကော်မတီက လွှတ်တော်ကို အကြံပြုခဲ့သည်။ ပြည်ထောင်စုအဆင့် တရားသူကြီးချုပ်နှင့် တရားသူကြီးများကို ရာထူးမှ ရပ်စဲပေးရန် သမ္မတနှင့် ပြည်ထောင်စုအဆင့်ရှိ လွှတ်တော်အမတ်များကသာ စွပ်စွဲပြစ်တင်ခွင့်ရှိပြီး လွှတ်တော်အမတ်များက စွပ်စွဲပြစ်တင်ပါက လွှတ်တော်တရပ်ရပ်၏ လေးပုံတပုံသော အမတ်များက လက်မှတ်ရေးထိုးရမည် ဖြစ်ပြီး သုံးပုံနှစ်ပုံက ထောက်ခံမှသာ စွပ်စွဲခွင့်ရှိကြောင်း ဖွဲ့စည်းပုံအခြေခံဥပဒေတွင် ပြဋ္ဌာန်းထားသည်။  ထို့အတူ တိုင်းနှင့်ပြည်နယ် အဆင့်ရှိ တရားသူကြီးချုပ်နှင့် တရားသူကြီးများ ရာထူးမှ ရပ်စဲပေးရန်ကိုလည်း သမ္မတ၊ တိုင်း (သို့) ပြည်နယ် ဝန်ကြီးချုပ်နှင့် အမတ်များကသာ စွပ်စွဲပြစ်တင်ခွင့်ရှိပြီး၊ လွှတ်တော်အမတ်များက စွပ်စွဲပြစ်တင်ပါက သက်ဆိုင်ရာ လွှတ်တော်၏ အမတ် အနည်းဆုံး လေးပုံတပုံက လက်မှတ်ရေးထိုးရမည်ဟုလည်း အခြေခံဥပဒေတွင် ဖော်ပြထားသည်။

အီဂျစ်သမ္မတသစ် စစ်ခေါင်းဆောင်နှစ်ဦးကို ဖယ်ရှား

အီဂျစ် သမ္မတသစ် Mohamed Morsi ဟာ အီဂျစ်နိုင်ငံရဲ့ ထိပ်ဆုံး စစ်ခေါင်းဆောင်နှစ်ဦးကို ရာထူးကနေ ဖယ်ရှားလိုက်ပါပြီ။ ကာကွယ်ရေးဝန်ကြီး Mohammed Hussein Tantawi နဲ့ အီဂျစ်စစ်တပ်ဦးစီးချုပ် Sami Annan တို့ကို ရာထူးကနေ အငြိမ်းစားပေးလိုက်ပြီဆိုပြီး ကြေညာသွားတာပါ။

စစ်သွေးကြွတွေကနေ အီဂျစ်စစ်သား ၁၇ ဦးကို မကြာခင်က သတ်ဖြတ်မှုဖြစ်ပြီးနောက်၊ မြောက်ပိုင်း Sinai နယ်မြေ စစ်ဆင်ရေးတွေအပေါ် တင်းမာမှုဖြစ်နေချိန်မှာ စစ်တပ်အတွင်း အခုလို အပြောင်းအလဲတွေ ရှိလာတာဖြစ်တယ်လို့ ဗွီအိုအေ သတင်းထောက် Edward Yeranian က ကိုင်ရိုမြို့ကနေ သတင်းရေးသားပေးပို့ပါတယ်။ ဒီအကြောင်း ကိုသားညွန့်ဦးက တင်ဆက်ပေးပါမယ်။

အခုလို ကာကွယ်ရေးဝန်ကြီး Tantawi နဲ့ စစ်ဦးစီးချုပ် Annan တို့ကို သမ္မတ မော်စီက ရာထူးကဖယ်ရှားလိုက်တဲ့ သတင်းဟာအီဂျစ်လူမျိုး အများစု ရာမဒန်ဥပုသ်လ သီလစောင့်နေကြတဲ့ ငြိမ်သက် အေးချမ်းနေတဲ့ နွေရာသီကာလကို လှုပ်ခတ်သွားစေတယ်လို့ ဆိုရမှာပါ။

ဒီ စစ်ဖက် ထိပ်တန်းခေါင်းဆောင်နှစ်ဦးကို အစားထိုးလိုက်တဲ့ သတင်းကိုတော့ သမ္မတ ပြောခွင့်ရသူ Yasser Ali က နိုင်ငံတော် ရုပ်သံကနေ ကြေညာသွားတာပါ။ ဒါ့အပြင် စစ်တပ်မှုးတွေကို လုပ်ပိုင်ခွင့်အာဏာပေးထားတဲ့ ဖွဲ့စည်းပုံ ပြင်ဆင်ချက်တွေကိုလည်း သမ္မတ မော်စီက ပယ်ဖျက်လိုက်တယ်လို့ ကြေညာသွားပါတယ်။

ဒု သမ္မတအဖြစ်နဲ့ Mohmoud Mekki ကို သမ္မတက အမည်စာရင်း တင်သွင်းလိုက်ပြီးတော့၊ ကာကွယ်ရေးဝန်ကြီး Mohammed Hussein Tantawi ၊ စစ်ဦးစီးချုပ် Sami Annan တို့ ရာထူးကနေ အနားယူဖို့ သမတက အမိန့်ပေးလိုက်ပြီလို့ သမတမော်စီ ပြောခွင့်ရသူက အာရပ်ဘာသာစကားနဲ့ ပြောသွားတာပါ။

ပြီးတဲ့နောက် ကာကွယ်ရေးဝန်ကြီးသစ်ဖြစ်လာတဲ့ Abdel Fattah al Sissi ကျမ်းသစ္စာဆိုပွဲမှာ သမ္မတ မော်စီလည်း တတ်ရောက်နေတာကို အစိုးရပိုင် ရုပ်မြင်သံကြားမှာ ဖော်ပြသွားပါတယ်။တို်င်းပြည်နဲ့ သမ္မတ စံနစ်ကို ကာကွယ်သွားမယ်၊ ဖွဲ့စည်းပုံနဲ့ ဥပဒေတွေ လေးစားလိုက်နာပါ့မယ်၊ ပြည်သူအကျိုးစီးပွားနဲ့ တိုင်းပြည်နယ်စပ်မျဉ်းတွေကို ကာကွယ်စောင့်ရှောက်သွားပါ့မယ်ဆိုပြီး ကာကွယ်ရေးဝန်ကြီးသစ်က ကျမ်းကျိန် သစ္စာဆိုသွားပါတယ်။

အခုလို သမ္မတ ဆုံးဖြတ်ချက်ကြောင့် ဖွဲ့စည်းပုံဆိုင်ရာ အကြပ်အတည် ဖြစ်နိုင်ချေရှိ မရှိဆိုတာတော့ အခုအချိန်အထိ မရှင်းသေးပါဘူး။ အခု သမတ ရွေးကောက်ပွဲမလုပ်ခင်ကပဲ၊ ဗိုလ်ချုပ်မှုးကြီး Tantawi နဲ့ ဗဟိုစစ်ကောင်စီက ထိပ်တန်းဗိုလ်ချုပ်တွေဟာ ဖွဲ့စည်းပုံထဲမှာ သူတို့ စစ်တပ်ရဲ့ လုပ်ပိုင်ခွင့်ကို ချဲယူထားခဲ့တာပါ။ အချို့ကတော့ ဒါဟာ စစ်တပ်နဲ့ အစိုးရအကြား အာဏာချိန်ခွင်မျှဖြစ်တယ်ဆိုပြီး သုံးသပ်သူတွေလည်း ရှိပါတယ်။

သမ္မတသစ် မော်စီနဲ့ အီဂျစ်စစ်ကောင်စီက ထိပ်တန်းဗိုလ်ချုပ်တွေအကြား တင်းမာမှုတွေရှိနေချိန်မှာ သမ္မတ က အခု လုပ်ရပ်မျိုး လုပ်မယ်လို့ အများက မထင်မှတ်ထားပါဘူး။ ပြီးခဲ့တဲ့ ရက်ပိုင်းကပဲ တင်းမာမှုဖြစ်နေတဲ့ Sinai ဒေသကို သမတသစ်နဲ့ ကာကွယ်ရေးဝန်ကြီး Tantawi တို့ သွားရောက်စဉ်၊ မှတ်တမ်းသတင်း ဓါတ်ပုံတွေမှာ နှစ်ဦးစလုံး မပြုံးမရွှင်ဖြစ်နေတာ တွေ့ရပါတယ်။ အဲဒီ ဒေသမှာတော့ အစ္စလာမ် စစ်သွေးကြွတွေကို အစိုးရစစ်တပ်က စစ်ဆင်ရေးလုပ်နေတဲ့ အချိန်ဖြစ်ပါတယ်။

သမ္မတ မော်စီရဲ့ လွတ်မြောက်ရေးနဲ့ တရားမျှတမှုပါတီ အကြီးအကဲ Essam Elarian ကတော့ အီဂျစ်ပြည်သူတွေဟာ နှစ်ပေါင်း ၆၀ကျော်ကြာအောင် မျှတတဲ့ ဒီမိုကရေစီစနစ်ကို အိပ်မက် မက်ခဲ့ရတာပါလို့ ပြောပါတယ်။ အီဂျစ်နိုင်ငံမှာ ၁၉၅၂ ခုနှစ် စစ်တပ်က အာဏာသိမ်းပြီးနောက်၊ အီဂျစ်ခေါင်းဆောင်တိုင်းဟာ စစ်တပ်အနွယ်တွေဖြစ်ခဲ့တာပါ။ အခု သမ္မတမော်စီလက်ထက်ကျမှ လွတ်ကင်းလာတယ်လို့ ပြောနိုင်ပါတယ်။

သမ္မတဟောင်း ဟောစနီ မူဘာရက်ဟာ သူ သမတဖြစ်စဉ် ၁၉၉၁ ခုနှစ်မှာ Tantawi ကို ကာကွယ်ရေးဝန်ကြီးအဖြစ် ခန့်အပ်ခဲ့တာပါ။ Tantawi ကို မူဘာရက်ရဲ့ လက်သပ်မွေးထားသူဖြစ်တယ်ဆိုပြီး အရင်ပေါက်ကြားခဲ့တဲ့ Wikileaks မှတ်တမ်းတွေမှာ အရင် အီဂျစ်နိုင်ငံဆိုင်ရာ အမေရိကန်သံအမတ်ကြီးတဦးက မှတ်ချက်ပေး ဖော်ပြခဲ့ဖူးပါတယ်။

အခုလို ထိပ်တန်းစစ်ခေါင်းဆောင်နှစ်ဦးကို ရာထူးက အနားပေးလိုက်တဲ့ သမ္မတသစ် ရဲ့ ဆုံးဖြတ်ချက်အပေါ်မှာ အီဂျစ်စစ်တပ်က ဘယ်လို တုန့်ပြန်လိမ့်မလဲဆိုတာတော့ စောင့်ကြည့်ရဦးမှာပါ။ ဒါမှမဟုတ် အီဂျစ်ရဲ့ အမြင့်ဆုံး တရားရေးပိုင်းကရော သမတရဲ့ ဒီဆုံးဖြတ်ချက်ကို ပြန်လည် ပြင်ဆင်ဖို့ ကြိုးပမ်းဦးမလားဆိုတာလည်း စောင့်ကြည့်ရမှာဖြစ်ပါတယ်။

နေရပ်ပြန်ဖို့ ကချင်ဒုက္ခသည်တွေ စိုးရိမ်

တရုတ်နိုင်ငံတွင်း ရောက်နေတဲ့ ကချင်ဒုက္ခသည်တွေကို မြန်မာနိုင်ငံထဲကို ပြန်နိုင်အောင် စီစဉ်ဖို့ တရုတ်အစိုးရက ကချင်လွတ်မြောက်ရေး အဖွဲ့ကို တိုက်တွန်း နေပါတယ်။ ဒါကြောင့် ကေအိုင်အိုက ရွှေ့ပြောင်း ပေးဖို့ စတင်ပြင်ဆင် နေပေမယ့် လို့ ဒုက္ခသည်တွေကတော့ ပြောင်းရွှေ့ကြဖို့ ဆန္ဒမရှိကြဘဲ ဖြစ်နေပါတယ်။ ဒါနဲ့ပတ်သတ်လို့ကတော့ ဆက်သွယ်စုံစမ်းထားတဲ့ ဗွီအိုအေ သတင်းထောက် ကိုမိုးဇော်က ထိုင်းနိုင်ငံကနေ အခုလို သတင်းပေးပို့ထားပါတယ်။

ဟုတ်ကဲ့။ တရုတ်နိုင်ငံ ရွှေလီခရိုင် ညောင်တောင်းမြို့နယ် အတွင်းမှာ ဒုက္ခသည်စခန်း ခြောက်ခုရှိပြီး စုစုပေါင်း ကချင်ဒုက္ခသည် လေးထောင်းငါးရာလောက် နေထိုင်နေတာဖြစ်ပါတယ်။ ဒီဒေသဟာ ဗန်းမော်- လွိင်ကျယ်- နမ့်ခမ်း ကားလမ်းရဲ့ တစ်ဖက်ခြမ်းမှာ တည်ရှိတာဖြစ်ပါတယ်။ တရုတ် အာဏာပိုင်တွေက ဒုက္ခသည်တွေကို ပြောင်းရွှေ့ဖို့ တိုက်တွန်းနေတဲ့ အကြောင်းကို ကေအိုင်အို ဒုက္ခသည်ရေးရာ တာဝန်ခံ ဦးဒွယ်ပီဆာက အခုလို ပြောပါတယ်။

“တရုတ်အစိုးရဘက်က ဒါ ပြန်ခိုင်းတာတော့ ကြာပြီ။ ဒါပေမယ့် အရင်တုန်းက ကျွန်တော်တို့ အတွက်က အခက်အခဲ အများကြီး ရှိတယ်။ မတတ်နိုင်ဘူး ဆိုမှ  ခဏ တောင်းပန်ထားတယ်။ ဆိုတော့ ထပ်ခါ ထပ်ခါ ပြန်ဖို့ တောင်းဆိုလာတော့ ကျွန်တော်တို့ အရှေ့ပိုင်းတိုင်း ကော်မတီကို ၀ိုင်းပြီး အစီရင်ခံပါ ဆိုရင်။ ဇူလိုင်လကုန် လောက်မှာ တစ်ခါ နှစ်ခါ သူတို့က သွားတွေ့တယ်။ သွားတွေ့တော့ တစ်လအတွင်းမှာ လူထုကို ပညာပေး ပြီးတော့မှ ပြန်ခေါ်ရမလား ဆိုပြီးမှ လက်ခံထားတဲ့ သဘောမှာရှိတယ်။”

KIOဖက်ကတော့ တရုတ် အာဏာပိုင်တွေက တိုက်တွန်း တာကြောင့် နောင်တောင်း စခန်းနဲ့ ၁၆မိုင် လောက် အကွာ KIO ထိန်းချုပ်ရာ လနာဇွပ် ဒေသမှာ စခန်းသစ် ဆောက်လုပ်ဖို့ ပြင်ဆင်ထားသလို ဒီရက်ပိုင်းတွေ အတွင်းမှာ တော့ ဒုက္ခသည်တွေ ပြောင်းရွှေ့ရေးအတွက် သွားရောက် ဆွေးနွေးဖို့ ရှိနေပါတယ်။ စခန်း ပြောင်းရွှေ့ဖို့ကို တော့ လူထု သဘောထားပေါ်မှာ မူတည်ပြီး ဆောင်ရွက်မှ ဖြစ်မယ်လို့  ဦးဒွဲပီဆာက ဆက်ပြောပါတယ်။

“ လူထုက ဘယ်လိုပြောလာမလဲ လူထုအခြေအနေက ဘယ်လိုလဲ ဒါတော့ အခြေအနေက မသိသေးဘူးလေ။ လူထုက လက်ခံနိုင်ဖို့ ပြင်ဆင်ထားတဲ့ နေရာကို မပြောင်းချင်ဘူး ဆိုရင် နည်းနည်းတော့ အခက်အခဲ တော့ ရှိမှာပေါ့။ ဒါက အတင်းအဓမ္မ မောင်းထုတ်လည်း မရဘူး။ အဲ့သလိုဖြစ်တယ်ဆိုတော့ နည်းနည်းတော့ ခက်တာပေါ့။"

နောင်တောင်း ဒုက္ခသည်စခန်းက အမျိုးသမီးတစ်ယောက်ကတော့ လောလောဆည် စခန်းပြောင်းဖို့ စေခိုင်း လာတာတော့ မရှိသေးကြောင်း ပြောပါတယ်။

“ ဒီပြောင်းဖို့ ရွှေ့ဖို့ ကိစ္စဆိုတာ အရင်ကတော့ ရှိပါတယ်။ အခု လောလောဆယ် မရှိပါဘူး။ ကျွန်မတို့ဒီမှာ အေးဆေးပါ။  နေမြဲပါပဲရှင့်။ ကျွန်မတို့က ဒီမှာ ရောက်တာ  တစ်နှစ် နီးပါးရှိပါပြီရှင့်။"

အခြား ဒုက္ခသည် တစ်ဦးကတော့ မိုးတွင်း ကာလဖြစ်တာနဲ့ ကလေးတွေရဲ့ ပညာရေးအတွက် ပြောင်းရွှေ့ဖို့ ခက်ခဲကြောင်း ပြောပါတယ်။

“အခုကတော့ မိုးတွင်းလည်း ဖြစ်နေတယ်။ အခု ကျွန်တော်တို့ ကမ့်မှာကျတော့ အသက်ကြီး ရွယ်အိုတွေလည်း ရှိတယ်။ ပြီးတော့ ဒီမှာ ကျောင်းသူ၊ ကျောင်းသားတွေကလည်း သူတို့ ကျောင်းဆောင်တွေ ပေးပြီးတော့ သူတို့ကျောင်းဖွင့်တယ်။ ဆိုတော့ ကျောင်းသားတွေက ပညာရေးမှာ ထိခိုက်သွားနိုင်တာပေါ့။ အဲ့တာကို ကျွန်တော်တို့ စိုးရိမ်ပြီးမှ အထက်ကလူကြီးတွေကို ဒီနှစ် ပညာရေး ကုန်တဲ့အထိ ဒီမှာပဲ ဆက်နေခွင့် တောင်းချင်တယ်လို့ ပြောတာပဲ။”

အခုအခါ နောင်တောင်စခန်းမှာ ကျောင်းသား ကျောင်းသူ ၈၀၀လောက် ရှိတာဖြစ်ပါတယ်။ နောင်တောင်းစခန်းဟာ သူတို့ရဲ့ မူလကျေးရွာတွေ အနီးမှာပဲ တည်ရှိတာကြောင့် မပြောင်းရွှေ့လို တာကလည်း တကြောင်း ဖြစ်နေပါတယ်။ လောလောဆယ် သူတို့ရဲ့ နေရပ်ရင်း ကျေးရွာကို မပြန်နိုင်သေးတဲ့ အခြေအနေကိုတော့ သူက အခုလို ဆက်ပြောပါတယ်။

“ရွာဖက်ကိုတော့ သွားနေလို့ မရသေးဘူးလေ။ အခုကျွန်တော်တို့ရဲ့ ရွာတွေကတော့ ဗမာစစ်တပ်တွေက နေရာယူ ထားတယ်ဆိုတော့  သွားနေလည်း ကြောက်စရာကြီးပေါ့ အန္တရာယ်ရှိတယ်ပေါ့။ သူတို့က ဘယ်အချိန်မှာ လူပ်ရှား လာမလဲ ဆိုတာ ကျွန်တော်တို့က ကောင်းကောင်းမသိဘူး ဆိုတော့ ။ ပြီးတော့ ကေအိုင်အိုဘက် ကလည်း မိုင်းတွေ ဘာတွေ ထောင်ထားတာ ရှိတယ်။ ပြီးတော့ မြန်မာအစိုးရ စစ်တပ်ဘက်ကလည်း မိုင်းတွေ ဘာတွေ ထောင်ထားတာ ရှိတယ်။ ကျွန်တော်က ဟိုမှာ သွားနေလို့က မဖြစ်သေးဘူးပေါ့။”

ဦးဒွဲပီဆာကတော့ ဒီရက်ပိုင်းတွေအတွင်း အဲဒီဒေသဖက်မှာ တိုက်ပွဲဖြစ်တာတွေ ရှိနေဆဲဖြစ်တယ်လို့ ပြောပါတယ်။ နောင်တောင် ဒုက္ခသည်စခန်းဟာ အရင်နှစ် စခန်းစဖွင့်ချိန်မှာ လူဦးရေ ၆၀၀၀လောက် ရှိပြီး တချို့တွေက တခြားအရပ်တွေကို ပြောင်းရွှေ့ကုန် တာကြောင့် အခုအခါ ၄၅၀၀လောက်ပဲ ကျန်ရှိတာ ဖြစ်ပါတယ်။

မြန်မာ အစိုးရနဲ့ KIO အကြား တနှစ်ကျော်ကြာ ဖြစ်ပွားတဲ့ စစ်ပွဲကြောင့် အခုအခါမှာ ဒုက္ခသည် ၇သောင်းလောက်ဟာ တရုတ်မြန်မာ နယ်စပ်နဲ့ မြန်မာပြည်က မြို့ကြီးတွေမှာ ခိုလှုံနေကြရပါတယ်။ တရုတ် မြန်မာနယ်စပ်  KIO ထိန်းချုပ်ရာ ဒေသမှာတော့ ၅သောင်း လောက် ရှိနေတာ ဖြစ်ပါတယ်။ အစိုးရနဲ့ KIO အကြားမှာ ငြိမ်းချမ်းရေး အတွက် ဆွေးနွေးတာတွေ ရှိပေမဲ့ အခုထိတော့ မအောင်မြင်သေးပါဘူး။

ဒီလို မြန်မာနိုင်ငံဘက်က လက်နတ်ကိုင် ပဋိပက္ခတွေကနေ ထွက်ပြေးလာသူတွေကို တရုတ်အစိုးရက လက်မခံဘဲ မောင်းထုတ်နေတဲ့ သတင်းတွေ ထွက်ပေါ်လာပြီးနောက်မှာ စစ်ပြေးဒုက္ခသည်တွေကို ကာကွယ်ဖို့ လူ့အခွင့်အရေးစောင့်ကြည့်ရေး အဖွဲ့က တိုက်တွန်းပြောဆိုခဲ့သလို တရုတ်အစိုးရဘက်ကလည်း လူသားချင်းစာနာတဲ့ အကူအညီတွေ ပေးနေကြောင်း တုန့်ပြန်ပြောဆိုထားပါတယ်။

ကုလအကဲခတ်တွေ ဆီးရီးယားက စတင်ထွက်ခွာ

ဆီးရီးယားနိုင်ငံမှာ ရောက်ရှိနေတဲ့ ကုလသမဂ္ဂ စောင့်ကြည့်လေ့လာရေးအဖွဲ့က အဖွဲ့ဝင် ၂၀ ကျော်ဟာ၊ ဆီးရီးယားနိုင်ငံကနေ တနင်္လာနေ့မှာ ထွက်ခွာသွားပါပြီ။ လက်ကျန်စောင့်ကြည့်နေတဲ့လေ့လာရေး အဖွဲ့ဝင် (၁၀၀) ကျော်ကတော့ တိုင်းပြည်အတွင်းမှာ သတ်မှတ်ထားတဲ့ နေရာ(၄)နေရာမှာ ဆက်လက် ရှိနေဦးမှာ ဖြစ်ပါတယ်။

လက်နက်ကိုင်ဆောင်ထားခြင်းမရှိတဲ့ ကုလသမဂ္ဂစောင့်ကြည့် လေ့လာရေးအဖွဲ့ဝင်တွေကို အရေအတွက်လျှော့ချပြီးတော့ နောက်ထပ် (၁)လ သက်တမ်းထပ်တိုးဖို့ ကုလသမဂ္ဂလုံခြုံရေးကောင်စီက ဇူလိုင်လအတွင်းမှာသဘောတူညီခဲ့ပါတယ်။

ဧပြီလအတွင်းက ချထားခဲ့တဲ့ စောင့်ကြည့်လေ့လာနေသူတွေ အရေအတွက်(၃၀၀) ကနေ (၁၅၀) အထိလျှော့ချခဲ့တာပါ။ ဆီးရီးယားမှာ ချထားတဲ့ လက်နက်ကိုင်ဆောင်ခြင်းမရှိတဲ့ ကုလသမဂ္ဂလေ့လာစောင့်ကြည့်သူတွေဟာ  သြဂုတ်လကုန် နောက်ပိုင်း ကျလို့ရှိရင် ဆီးရီးယားနိုင်ငံမှာ ရှိမနေသင့်တော့ဘူးလို့ အမေရိကန်ပြည်ထောင်စုက ပြီးခဲ့တဲ့ သတင်းပတ်အတွင်း ပြောဆိုခဲ့ပါတယ်။

အဖွဲ့ဝင် (၁၅) နိုင်ငံပါတဲ့ ကုလသမဂ္ဂ လုံခြုံရေးကောင်စီဟာ ဆီးရီးယားနိုင်ငံအတွင်း ရောက်ရှိနေတဲ့ ကုလသမဂ္ဂ ၀န်ထမ်းတွေရဲ့ အရေးနဲ့ ပတ်သက်ပြီးတော့ သြဂုတ်လ ၁၆ ရက်နေ့မှာ ဆွေးနွေးဖို့ ရှိနေပါတယ်။ လက်ရှိတာဝန် အပ်နှင်းထားမှုဟာ မကြာခင်မှာ ကုန်ဆုံးတော့မှာဖြစ်ပါတယ်။

ဆီးရီးယားနိုင်ငံမှာ ပြီးခဲ့တဲ့နှစ် မတ်လကစပြီးတော့ ဖြစ်ပွားနေတဲ့ သမ္မတဘာရှာ အယ်လ် အာဆတ်ကို ဆန့်ကျင်တဲ့ အရေးအခင်းအတွင်း အစိုးရတပ်ဖွဲ့ဝင်တွေရဲ့ လက်ချက်နဲ့ သေဆုံးခဲ့သူအရေအတွက်ဟာ (၁၅၀၀၀) ကျော်ရှိနေပြီလို့ သိရှိရပါတယ်ခင်ဗျာ။

ပျော်ပျော်ရွှင်ရွှင် ပြီးဆုံးသွားတဲ့ လန်ဒန် အိုလံပစ် ၂၀၁၂

ခမ်းခမ်းနားနား မြိုင်မြိုင်ဆိုင်ဆိုင် ပျော်ပျော်ရွှင်ရွှင်နဲ့ ပြီးဆုံးသွားတဲ့ လန်ဒန် အိုလံပစ် ၂၀၁၂

၂ဝ၁၂ လန်ဒန် အိုလံပစ် ပြိုင်ပွဲကြီး မြိုင်မြိုင် ဆိုင်ဆိုင်နဲ့ ပြီးဆုံး သွားခဲ့ပါပြီ။ ဂရိတ် ဗြိတိန် အသင်းရဲ့ စွမ်းစွမ်းတမန် အားထုတ်မှုက တိုင်းပြည်ကို အားသစ်လောင်း ပေးတယ်လို့ အဲလိဇဘတ် ဘုရင်မကြီး ပြောခဲ့သလိုပဲ ဒီအိုလံပစ်ပွဲက စီးပွားရေး ကြောင့် ထိုင်းမှိုင်း လေးကန်နေတဲ့ ဗြိတိသျှ လူ့အဖွဲ့အစည်းကို ယုံကြည်ချက် အသစ်တွေ တက်လာစေတယ်လို့ နယူးယောက်တိုင်းမ်စ်၊ ဂါးဒီးယန်း စတဲ့ အနောက်တိုင်း သတင်းစာကြီးတွေက မှတ်ချက်ပေးပါတယ်။

ဒါပေမဲ့ နောက်လေးနှစ်အတွင်း ဒေါ်လာ ၁၃ ဘီလီယံလောက် စီးပွားတက် လာမယ်လို့ ခန့်မှန်း ထားတာတွေကတော့ အရင် အိုလံပစ် ကျင်းပခဲ့ဖူးတဲ့ မြို့ကြီးတွေရဲ့ အစဉ်အလာအရ ဖြစ်နိုင်ခြေ နည်းနေပါတယ်။

ဒီပွဲကြီး မကျင်းပခင်က လန်ဒန်မှာ ဒီပွဲကြောင့် ခရီးသွားလာရေးတွေ နှောင့်နှေးပြီး ကမောက်ကမ အဆင်မပြေတာ၊ လုံခြုံရေး စိုးရိမ်ရတာတွေ ဖြစ်တော့မှာပဲလို့ တွက်ဆ နေကြတာတွေ ဖြစ်မလာဘဲ ချောချောမောမောနဲ့ ပြီးဆုံးသွားပါတယ်။

အားကစား သမားတွေ တည်းခိုမယ့် အိုလံပစ် ရွာနဲ့ တက္ကသိုလ် ဆောင်တွေမှာလဲ ဗြိတိသျှ အိမ်ရှင်တွေရဲ့ ဧည့်ဝတ်ကျေ ဖော်ရွေမှုကြောင့် ဂုဏ်တက်ခဲ့ရပါတယ်။ လုံခြုံရေး အတွက် အိမ်ခေါင်မိုး တွေမှာ ဒုံးကျည်တွေ ဆင်တာကို ဒေသခံတွေက ကန့်ကွက် ခဲ့ကြပေမယ့် အဲဒီ ဒုံးကျည် အစီအမံ တွေကြောင့်ပဲ ပွဲကြီး အေးအေးချမ်းချမ်းနဲ့ ပြီးဆုံး သွားခဲ့ပါတယ်။

ပွဲရာသီမှာ အရောင်းအဝယ် ကောင်းလိမ့်မယ်လို့ မှန်းထားကြပေမယ့် ထင်သလောက် မရောင်းရတဲ့ အတွက် ပွဲစီစဉ်သူတွေနဲ့ လန်ဒန် ခရီးသွားလာရေး ဌာနကို လက်လီဆိုင်တွေက အပြစ်တင် ကြပါတယ်။ ပွဲချိန်မှာ လူအသွားအလာများလို့ ဘူတာတွေ လမ်းတွေ ပိတ်ကျပ်မနေအောင် ဘယ်လို သွားကြပါ ဘယ်နေရာတွေကို ရှောင်ကြပါလို့ သူတို့က ခန့်မှန်း ချက်တွေ ထုတ်ခဲ့လို့ပါပဲ။

ဒေါ်လာ သန်း ၆ ထောင့် ငါးရာ အကုန်ခံ ပြင်ဆင် ထားတဲ့ လန်ဒန် မြေအောက်နဲ့ မြေပေါ် ရထားလိုင်းတွေမှာ ခရီးသည် ပြည့်ကျပ်မှုတွေ ရှိခဲ့ပေမယ့် အစက ထင်ထား သလောက်တော့ မဆိုးရွား ခဲ့ပါဘူး။ ဒီရက်ပိုင်း လန်ဒန် လေဆိပ်တွေကနေ ပွဲပြန် ခရီးသွား တရက်ကို ၂ သိန်း လောက် ထွက်ခွာ ကြလိမ့်မယ်လို့ မျှော်မှန်း ထားပါတယ်။

ပွဲချိန်တွင်းမှာ လက်မှတ်တွေ ထပ်ရောင်း ပေးခဲ့ပေမယ့် လူ ၂ သန်းခွဲလောက် လက်မှတ်ရဖို့ ကြိုးစား နေကြတာပါ။ နောက် လူမရှိတဲ့ ထိုင်ခုံတွေ ရုပ်သံ သတင်းမှာ တွေ့ရတော့ လူတွေ စိတ်ဆိုး ဒေါသ ထွက်ကြပါတယ်။ ဒါပေမဲ့ မြို့တွင်း ပြေးပွဲတွေမှာတော့ လူတွေ သောင်းသောင်းဖြဖြ အားပေး ကြပါတယ်။

ပွဲမတိုင်ခင် အင်္ဂလန်ရဲ့ အစိုးမရတဲ့ နွေရာသီ မိုးကြောင့် ရွှေပွဲလာတွေ ကသီကရီ ဖြစ်ကြမှာ စိုးခဲ့ကြပေမယ့် နေခြည်ဖြာတဲ့ ဗြိတိသျှ နွေအစစ်နဲ့ ကြုံသွား ကြရပါတယ်။ မသန် မစွမ်း အိုလံပစ် ပြိုင်ပွဲ ကိုလဲ သြဂုတ် ၂၉ ရက်မှာ လန်ဒန်မှာပဲ လက်ခံ ကျင်းပမှာ ဖြစ်ပါတယ်။

၂၀၁၂ လန်ဒန် အိုလံပစ် ပိတ်ပွဲကျင်းပ

 နောက်ခံ အဖြစ် ဘောလုံးကွင်းကြီးကို ယူနီယံ ဂျက်အလံ ခြယ်သထားပြီး နာမည်ကြီး ဗြိတိသျှ ပေါ့ပ် တေးဂီတ တွေနဲ့ ဖျော်ဖြေ ခဲ့ကြပါတယ်။ အဲဒီ နာမည်ကြီး ပေါ့ပ် ဂီတ တေးသီချင်း တွေမှာ ဘီးတဲလ်စ် ၊ ကွီင်း နဲ့ ဘလား အဖွဲ့တွေက ကျော်ကြား တဲ့ သီချင်း တွေလည်း ပါဝင်ပါတယ်။

ယူဂန်ဒါ နိုင်ငံက မာရသွန် ပြိုင်ပွဲမှာ အနိုင်ရခဲ့တဲ့ စတီဗင် ကစ်ပရိုတစ်ခ်ျနဲ့ ဒုတိယ နဲ့ တတိယ ချိတ်ခဲ့တဲ့ ကင်ညာ အပြေးသမား တွေကို ဆုချီးမြှင့် တာကိုလည်း ကွင်းထဲမှာ ရှိတဲ့ ပြိုင်ပွဲဝင် နိုင်ငံ တွေက အားကစား သမား တွေက ကြည့်ရှု အားပေး ခဲ့ကြပါတယ်။

အဲဒီ အခမ်းအနား မှာ လာမယ့် ၂၀၁၆ အိုလံပစ် ပြိုင်ပွဲကို တောင်အမေရိက တိုက်က ပထမဆုံး အိမ်ရှင် အဖြစ် လက်ခံကျင်းပမယ့် ရီယိုဒီ ဂျနီရိုး မြို့ကို အိုလံပစ် အလံကို လွှဲပြောင်း ပေးအပ်တဲ့ အခမ်းအနား ကိုလည်း ထည့်သွင်းကျင်းပ ပါတယ်။

သတင်း နှစ်ပတ်ကြာ ကျင်းပခဲ့တဲ့ လန်ဒန် အိုလံပစ် ပြိုင်ပွဲကြီးမှာတော့ အမေရိကန် ပြည်ထောင်စုက ရွှေတံဆိပ် စုစုပေါင်း ၄၆ ခုနဲ့ ပထမနေရာကို ရရှိခဲ့ပါတယ်။ သူ့နောက်မှာ တရုတ်က ဒုတိယနဲ့ အိမ်ရှင် ဗြိတိန် နိုင်ငံတို့က တတိယ အသီးသီး ရရှိ ခဲ့ကြပါတယ်။

ဒီ ပြိုင်ပွဲကြီး ကို အောင်အောင်မြင်မြင်နဲ့ ကျင်းပနိုင်ခဲ့ကြတယ်လို့ ချီးမွမ်းသံတွေ ညံခဲ့ပါတယ်။ အမေရိကန် သမ္မတ အိုဘားမားကလည်း ဗြိတိသျှ ဝန်ကြီးချုပ် ဒေးဗစ် ကင်မရွန်းကို ဖုန်းဆက်လို့ ဒီပြိုင်ပွဲကို စီစဉ် ကျင်းပခဲ့ပုံ တွေနဲ့ ပတ်သက်ပြီး ချီးမွမ်း ပြောကြား ခဲ့ပါတယ်။

ရခိုင်ပဋိပက္ခ အိုအိုင်စီ လာရောက် လေ့လာမယ်

ရခိုင်ပြည်နယ်က ဒုက္ခသည်တွေအတွက် ဆော်ဒီ ဘုရင်က ဒေါ်လာ သန်း ၅၀ လှူဒါန်းမယ်

အိုအိုင်စီလို့ ခေါ်တဲ့ အဖွဲ့ဝင် ၅၇ နိုင်ငံပါ အစ္စလာမ် နိုင်ငံများ ပူးပေါင်း ဆောင်ရွက်ရေး အဖွဲ့ အတွင်းရေးမှူးချုပ်ဟာ မြန်မာနိုင်ငံကို မကြာခင် လာရောက်ပြီး ရခိုင် ပဋိပက္ခ ကိစ္စ လေ့လာ တော့မှာ ဖြစ်ပါတယ်။

မြန်မာ နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးကလည်း အစ္စာလာမ် ဘာသာဝင် နိုင်ငံ တွေရဲ့ မြန်မာနိုင်ငံအပေါ် သံသယတွေ အထင်အမြင် လွဲမှားမှုတွေ ပပျောက်အောင် သူတို့ ကိုယ်တိုင် ကိုယ်ကျ လာကြည့် မေးမြန်းလို့ ရကြောင်း၊ အဲဒီအတွက် သူတို့ကို ဖိတ်ခေါ်တာ ဖြစ်တယ်လို့ ဘီဘီစီကို ပြောပါတယ်။

နောက်ပြီး ရခိုင်ပြည်နယ်က ပဋိပက္ခတွေကြောင့် ဒုက္ခရောက် နေသူတွေ အတွက် နိုင်ငံတကာရဲ့ အကူအညီ တွေကိုလည်း ကြိုဆိုကြောင်း ဦးဇော်ဌေးက ပြောပါတယ်။

နိုင်ငံတကာ အကူအညီတွေကိုလည်း ပဋိပက္ခဒေသတွေ ပြန်လည် ထူထောင်ရေးအတွက် ကော်မတီတွေ ဖွဲ့ထားတာရှိကြောင်း၊ အဲဒီအဖွဲ့တွေကနေ ပွင့်လင်းမြင်သာမှု ရှိရှိ ဒုက္ခသည်တွေ လက်ဝယ် အရောက် ဖြန့်ဖြူးပေးဖို့ ဆောင်ရွက်နေကြောင်းသူက ပြောပါတယ်။

ပြီးခဲ့တဲ့ တူရကီ နိုင်ငံခြားရေး ဝန်ကြီးလာတုန်းကလည်း ဆေးဝါး အကူအညီပေးခဲ့တာကို ကော်မတီတွေကနေ လက်ခံပြီး ဖြန့်ဖြူးပေး ခဲ့တယ်လို့ ပြောပါတယ်။

အခုအချိန်မှာတော့ အိုအိုင်စီ နိုင်ငံခြားရေး ဝန်ကြီးတွေဟာ ဆော်ဒီအာရေဗျ နိုင်ငံမှာ ပြုလုပ်မယ့် ထိပ်သီး အစည်းအဝေး အကြို အဖြစ် မက္ကာမြို့မှာ အစည်းအဝေး တခု ပြုလုပ်နေ ပါတယ်။

အဲဒီ အစည်းအဝေးမှာ ရခိုင်ပြည်နယ်က ဒုက္ခရောက် နေသူတွေ အတွက် ဆော်ဒီဘုရင်က အမေရိကန် ဒေါ်လာ သန်း ၅၀ လှူဒါန်း မယ်လို့ ပြောပါတယ်။

ဆော်ဒီ ထိပ်သီးအစည်းအဝေးမှာတော့ ဆီးရီးယား စစ်ပွဲနဲ့ မြန်မာနိုင်ငံက ရခိုင်ပဋိပက္ခ အကြောင်း ဆွေးနွေးကြမှာ ဖြစ်ပါတယ်။

အပြီးသတ် ငြိမ်းချမ်းရေး မရသေးလို့ နောက်ဆုတ်နိုင်သေး

KNU နဲ့ အစိုးရငြိမ်းချမ်းရေးကိုယ်စားလှယ်များ

ဒုတိယသမ္မတ ဒေါက်တာ စိုင်းမောက်ခမ်းက ဥက္ကဌ အဖြစ်ဆောင်ရွက်တဲ့ ပြည်ထောင်စု ငြိမ်းချမ်းရေး ဖေါ်ဆောင်ရေး လုပ်ငန်းကော်မီတီ ပထမအကြိမ် အစည်းအဝေးမှာ နိုင်ငံတော်၏ ကံကြမ္မာသည် ငြိမ်းချမ်းရေး ရရှိမှု မရရှိမှု ပေါ်မှာ လုံးဝမူတည်နေတယ်လို့ အလေးထား ပြောကြားသွားပါတယ်။

အစည်းအဝေးမှာ ပါဝင်ဆွေးနွေးခဲ့တဲ့ ဝပြည်နယ် မိုင်းမောမြို့နယ် အမျိုးသားလွှတ်တော်အမတ် ဦးဆိုင်ပေါင်းနပ်က အဖွဲ့၁၁ခုနဲ့ လက်မှရေးထိုးထားပေမယ့် အပြီးသတ်ငြိမ်းချမ်းရေး အဆင့်မဟုတ်လို့ နောက်ဆုတ် သွားနိုင်တဲ့အကြောင်းတွေ ပြောကြဆိုကြတယ်လို့ ဘီဘီစီကို ရှင်းပြပါတယ်။

ဒါ့အပြင် ဒုတိယကာကွယ်ရေး ဦးစီးချုပ် ဗိုလ်ချုပ်ကြီးစိုးဝင်းကလည်း သမ္မတညွှန်ကြား ထားတဲ့အတိုင်း စစ်တပ်ကို ထိုးစစ်အသစ်တွေ မလုပ်ဖို့ကြေးနန်းပို့ထားကြောင်း ကိုယ့်ကိုတိုက်ခိုက်လာမှ ပြန်တိုက်ဖို့ဖြစ်ကြောင်း ဆွေးနွေးသွားတယ်လို့ သိရပါတယ်။

အောက်ခြေမှာ ဖြစ်ပွားတဲ့တိုက်ခိုက်မှုတွေမှာလည်း အချို့က အထက်မှမသိဘူးလို့ ဗိုလ်ချုပ်ကြီးစိုးဝင်းကို ကိုးကားပြီး ဦးဆိုင်ပေါင်းနပ်ကပြောသွားပါတယ်။ အဖွဲ့အားလုံးနဲ့ ရေရှည်ခိုင်မြဲမယ့် ထာဝရ ငြိမ်းချမ်းရေးရဖို့ကတော့ မျက်နှာချင်းဆိုင် နီးနီးကပ်ကပ်ဆွေးနွေးမှ အဖြေပေါ်မယ်လို့ လွှတ်တော်အမတ် ဦးဆိုင်ပေါင်းနပ်က သုံးသပ်သွားပါတယ်။

ဒီအစည်းအဝေးကို တနင်္ဂနေ့က နေပြည်တော်မှာ ကျင်းပခဲ့ပြီး ပြည်ထောင်စု ဝန်ကြီးမှာ ပြည်နယ်တိုင်းအစိုးရ ဝန်ကြီးချုပ်များနဲူ့ကော်မီတီ အဖွဲ့ဝင်များတက်ရောက်ကြပါတယ်။

ဆီးရီးယား တိုက်လေယာဉ်ကို သူပုန်တွေ ပစ်ချ

Mig23 အမျိုးအစား တိုက်လေယာဉ် ဖြစ်တယ် လို့ စစ်ဖက်ဆိုင်ရာ ကျွမ်းကျင် သူတွေက ပြောပါတယ်

ဆီးရီးယားအစိုးရ တိုက်လေယာဉ် တစင်းကို အီရတ်နယ်စပ် အနီးမှာ ပစ်ချလိုက်တယ်လို့ ဆီးရီးယား သူပုန် တိုက်ခိုက်ရေး သမားတွေက ပြောပါတယ်။

ဗီဒီယိုရိုက်ကူးပြီး၊ အွန်လိုင်းမှာ တင်ထားရာမှာ လေယာဉ်ပစ် သေနတ်သံတွေ ကြားမှာ ဂျက်လေယာဉ် တစင်း မီးလောင် ပေါက်ကွဲပြီး ပျက်ကျ သွားတာကို တွေ့ရပါတယ်။

အဲဒီ တိုက်လေယာဉ် ပိုင့်လော့ကိုတော့ ဖမ်းဆီးမိထားတယ်လို့ သူပုန်တွေက ပြောပါတယ်။ ဒါပေမယ့်လို ဖမ်းဆီးမိထားတဲ့ အထောက်အထား ကိုတော့ အခု အချိန်အထိ ဖေါ်ပြခြင်း မရှိသေးပါဘူး။

အစိုးရ ပိုင် ရုပ်သံ ကတော့ လေယာဉ်တစင်း ပျက်ကျသွားတယ် ဆိုတာကို အတည်ပြု ကြေညာသွားပြီး၊ ဒါဟာ စက်ချို့ယွင်းလို့ ဖြစ်တာလို့ ပြောပါတယ်။ လေယာဉ်ပိုင့်လော့ ကိုလည်း ရှာဖွေ နေတယ်လို့ ကြေညာသွား ပါတယ်။

အဲဒီ ဗီဒီယို မှတ်တမ်းထဲက လေယာဉ်ဟာ Mig23 အမျိုးအစား တိုက်လေယာဉ် ဖြစ်ပြီး၊ ဆီးရီးယား လေတပ် တံဆိပ်တပ်ထားတာကိုလည်း တွေ့ရ တယ်လို့ စစ်ဖက်ဆိုင်ရာ ကျွမ်းကျင် သူတွေက ပြောပါတယ်။