06.08.2012 နေ့ဖတ်ရန်သတင်းများ

by Myanmar Journal on Sunday, August 5, 2012 at 5:21pm ·

ရွှေတံဆိပ် ၁၈ ခု ပိုင်ရှင် Michael Phelps ရေကူးပြိုင်ပွဲတွေကနေ အနားယူပြီ

သြဂုတ်လ (၄) ရက်နေ့က အကြိမ်(၃၀)မြောက် ၂၀၁၂ လန်ဒန် နွေရာသီ ကမ္ဘာ့အိုလံပစ် အားကစားပြိုင်ပွဲရဲ့ အမျိုးသား မီတာ ၄၀၀ လက်ဆင့်ကမ်း ရေကူး ပြိုင်ပွဲမှာ လိပ်ပြာကူးနေရာကနေ ပါဝင်ယှဉ်ပြိုင်ခဲ့သူ ကမ္ဘာကျော် ရေကူးချန်ပီယံ မိုက်ကယ်လ်ဖဲ့လ်စ် (Michael Phelps) ပါဝင်တဲ့ အမေရိကန်အသင်းက ရွှေတံဆိပ်ဆုကို ဆွတ်ခူးခဲ့တာကြောင့်၊ မိုက်ကယ်လ် ဖဲ့လ်စ်ဟာ အိုလံပစ်သမိုင်းမှာ တစ်ဦးတည်း ရွှေတံဆိပ် (၁၈) ခု အပါအ၀င် ဆုတံဆိပ်ပေါင်း (၂၂) ခု ရရှိထားသူအဖြစ် မှတ်တမ်းဝင်သွားပြီ ဖြစ်ပါတယ်။ အသက်(၂၇) နှစ်ရှိပြီဖြစ်တဲ့ မိုက်ကယ်လ်ဖဲ့လ်စ်ဟာ အခုပါဝင်ယှဉ်ပြိုင်ခဲ့တဲ့ အိုလံပစ်ပွဲက  အမျိုးသားမီတာ ၄၀၀ လက်ဆင့်ကမ်း ရေကူးပြိုင်ပွဲဟာ သူ့ရဲ့ နောက်ဆုံးရေကူးပြိုင်ပွဲ ဖြစ်ပြီး၊ နောက်ထပ် ရေကူး အားကစားပြိုင်ပွဲတွေ မ၀င်တော့ဘဲ အနားယူတော့မယ်လို့ ကြေညာထားပါတယ်။

အသက် ၁၅ နှစ်အရွယ်က သြစတြေးလျမှာကျင်းပတဲ့ ၂၀၀၀ ခုနှစ် Sydney နွေရာသီ ကမ္ဘာ့အိုလံပစ် အားကစားပြိုင်ပွဲမှာ စတင်ပါဝင်ခဲ့တဲ့ မိုက်ကယ်လ်ဖဲ့လ်စ်ဟာ ၂၀၀၄ Athens အိုလံပစ်မှာ ရွှေတံ ဆိပ် (၆) ခု၊ ကြေး တံဆိပ်(၂) ခု၊ ၂၀၀၈ Bejing အိုလံပစ်မှာ သမိုင်းဝင်မှတ်တမ်းတင် အဖြစ် ရွှေတံဆိပ်(၈) ခု ရရှိခဲ့ပြီးတော့ အခု London အိုလံပစ်မှာ၊ ရွှေတံဆိပ်(၄)ခုနဲ့ ငွေတံဆိပ်(၂)ခု ရရှိခဲ့ပါတယ်။

သြဂုတ်လ (၄)ရက်နေ့က အမျိုးသားမီတာ၁,၅၀၀ ရေကူးပြိုင်ပွဲမှာတော့ တရုတ်နိုင်ငံက ဆန်ယန်း (Sun Yang)က (၁၄) မိနစ် (၃၁.၀၂) စက္ကန့်နဲ့ ရွှေတံဆိပ် ရရှိသွားခဲ့ပါတယ်။

အိုလံပစ်သမိုင်း (၁၀၄) နှစ်အတွင်း ဗြိတိန်နိုင်ငံ အနေနဲ့ အကြီးအကျယ်ဆုံး အောင်ပွဲခံမှု အဖြစ်၊ သြဂုတ်လ(၄)ရက်နေ့က တစ်နေ့ထဲနဲ့  ရွှေတံဆိပ် (၆)ခု ဆွတ်ခူးသွားခဲ့ပါတယ်။ ဒီအထဲမှာ ပြေးခုန်ပစ် ပြိုင်ပွဲတွေမှာ အမျိုးသားမီတာ ၁၀,၀၀၀ ပြိုင်ပွဲမှာ ဗြိတိန်က မိုးဖာရာ (Mo Farah)၊ အမျိုးသမီး (၇) မျိုး စုံ (Heptathlon) ပြိုင်ပွဲမှာ ဗြိတိန်က ဂျက်ဆီကာ အဲနစ်(စ်) (Jessica Ennis) နဲ့ အဝေးခုန်ပြိုင်ပွဲမှာ ဗြိတိန်က ဂရက်၈် ရူသာဖို့ဒ် (Greg Rutherford) တို့က ရွှေတံဆိပ်တွေ ရရှိခဲ့ကြပါတယ်။  အမျိုးသားလေးယောက်တွဲ လှေပြိုင်ပွဲ၊ အမျိုးသမီး (light weight double sculls) လှေပြိုင်ပွဲ နဲ့ အမျိုးသမီး လေးယောက်တွဲ (pursuiters) စက်ဘီးပြိုင်ပွဲတွေမှာ ဗြိတန်အသင်းတွေက ရွှေတံဆိပ်တွေ ရရှိခဲ့ကြပါတယ်။

တင်းနစ်ပြိုင်ပွဲတွေမှာတော့ အမေရိကန်တွေ အောင်ပွဲခံခဲ့ကြပါ တယ်။ အမျိုးသမီးတစ်ဦးချင်းပြိုင်ပွဲမှာ Serena Williams က ရုရှားက Maria Sharapova ကိုနိုင်ပြီး ရွှေတံဆိပ်ရရှိသလို၊ အမွှာညီအစ်ကိုဖြစ် ကြတဲ့ Bob နဲ့ Mike Bryan တို့က အမျိုးသားနှစ်ယောက်တွဲ ပွဲမှာ ပြင်သစ်အသင်းကို အနိုင်ရပြီး ရွှေ တံဆိပ် ရယူသွားခဲ့ပါ တယ်။ ဒါဟာ သူတို့အမွှာညီအစ်ကိုရဲ့ (၁၁)ခု မြောက် Grand Slam ဆု လည်း ဖြစ်ပါတယ်။

အမျိုးသားမီတာ ၄၀၀ ပြေးပွဲ လူရွေးပွဲရဲ့ အံ့မခန်းဖြစ်ရပ်ကတော့ ကွေးထားတဲ့ သံပြားပါးပါး ခြေ တုနှစ်ချောင်းနဲ့ ၀င်ရောက်ယှဉ်ပြိုင်ခဲ့တဲ့ တောင်အာဖရိကနိုင်ငံက Oscar Pistorius က၊ ပြိုင် ဘက်(၈)ဦးထဲမှာ ဒုတိယနဲ့ ပန်းဝင်ခဲ့တာကြောင့်၊ ဒုတိယအဆင့်ကို တက်လှမ်း သွားခဲ့ပါတယ်။

အိုဘားမား (၅၁) နှစ်ပြည့် မွေးနေ့ဆင်နွှဲ

အမေရိကန်သမ္မတ ဘရက် အိုဘားမား (Barack Obama) ဟာ စနေနေ့ကပဲ အသက် (၅၁) နှစ် ပြည့်သွားခဲ့ပါတယ်။

သမ္မတဟာ သူ့ရဲ့မွေးနေ့ကို ၀ါရှင်တန် မြို့တော်အနားက အင်ဒရူးစ် (Andrews) လေတပ် အခြေစိုက်စခန်းမှာ ဂေါက်သီးကစားပြီး ဆင်နွှဲခဲ့ပါတယ်။ အခုအသံလွှင့်နေတဲ့ အချိန်ဖြစ်တဲ့ ဒေသစံတော်ချိန် ညနေပိုင်းမှာတော့ သမ္မတရဲ့ အပန်းဖြေရိပ်သာ Camp David ကိုသွားပြီး ဒီ စနေ၊ တနင်္ဂနွေ တိတ်တိတ်ဆိတ်ဆိတ် အနားယူမှာပါ။

သမ္မတက သူ့မွေးနေ့ကို နောက်အပတ် စနေ တနင်္ဂနွေမှာလည်း ဆက်ပြီး ကျင်းပဦးမှာပါ။ သူက ရှီကာကို (Chicago) မြို့မှာ မွေးနေ့ပွဲနဲ့အတူ သမ္မတ မဲဆွယ်စည်းရုံးမှုတွေ အတွက် ရန်ပုံငွေရှာတဲ့ပွဲ အများအပြား ကျင်းပမှာပါ။ တပွဲကိုတော့ ရှီကာကို က သူ့အိမ်မှာ ကျင်းပမှာ ဖြစ်ပါတယ်။

ရခိုင်ပဋိပက္ခ သီးခြားလွတ်လပ်စွာ စုံစမ်းရေး ကင်တားနားတောင်းဆို

ရခိုင်ပြည်နယ်မှာ ဖြစ်ပွားခဲ့တဲ့ အဓိကရုဏ်းတွေနဲ့ လူ့အခွင့်အရေး ချိုးဖောက်မှုတွေ ရှိနေတယ် ဆိုတဲ့ စွပ်စွဲချက်တွေနဲ့ ပတ်သက်ပြီး သီးခြားလွတ်လပ်တဲ့ အဖွဲ့ကနေ စုံစမ်းစစ်ဆေး ပေးနိုင်ရေး မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် တောမတ်စ်အိုဟေးကင်တားနား (Tomas Ojea Qintana) က တောင်းဆိုလိုက်ပါတယ်။ မြန်မာနိုင်ငံရဲ့ လူ့အခွင့်အရေး အခြေအနေ အရပ်ရပ်ကို အကဲခတ် ဆန်းစစ်ဖို့အတွက် မြန်မာနိုင်ငံကို တပတ်ကြာခရီး ရောက်ရှိနေချိန်မှာ မစ္စတာ ကင်တားနားက အခုလို ပန်ကြားလိုက်တာပါ။ ဒီအကြောင်းကို ဒေါ်ခင်စိုးဝင်းက တင်ပြထားပါတယ်။

ရခိုင်ပြည်နယ်မှာ ဖြစ်ပွားခဲ့တဲ့ လူမျိုးရေး ဆူပူမှုတွေ တည်ငြိမ်ရေး အတွက် လုံခြုံရေးတပ်ဖွဲ့တွေက အဆမတန် အင်အားသုံးခဲ့တာတွေ အပါအ၀င် လူ့အခွင့်အရေး ချိုးဖောက်မှုတွေကို စိုးရိမ်တဲ့အကြောင်း မစ္စတာ ကင်တားနားက သူ့ရဲ့ ၆ ရက်ကြာ ခရီးစဉ် အဆုံးသတ်တဲ့နေ့ သတင်းစာရှင်းလင်းပွဲမှာ ပြောဆိုသွားတာပါ။ ရခိုင်ပြည်နယ်က လူ့အခွင့်အရေး ချိုးဖောက်မှုတွေကို စုံစမ်းစစ်ဆေးတာတွေ ချက်ချင်း မလုပ်နိုင်ဘူးဆိုရင် အမှန်အတိုင်း မဟုတ်ဘဲ တဘက်နဲ့တဘက် ချဲ့ကား စွပ်စွဲပြောဆိုတာတွေ ရှိနေတာကြောင့် ပြန်လည် သင့်မြတ်ရေးအတွက် အလားအလာ မကောင်းဘဲ ယုံကြည်မှု ကင်းမဲ့နိုင်သလို တင်းမာမှုတွေလည်း တိုးလာနိုင်တယ်လို့ မစ္စတာ ကင်တားနားက ပြောသွားပါတယ်။

“လူ့အခွင့်အရေး ချိုးဖောက်မှုတွေနဲ့ ပတ်သက်တဲ့ စွပ်စွဲချက်တွေကို သီးခြား လွတ်လပ်ပြီး ယုံကြည်စိတ်ချရတဲ့ အဖွဲ့ ဖွဲ့ပြီး အမြန်ဆုံး စုံစမ်းစစ်ဆေးပေးဖို့ တခြား အဖွဲ့အစည်းတွေက တောင်းဆိုနေသလိုပဲ ကျနော်ကလည်း တောင်းဆိုပါတယ်။ ဒီကိစ္စနဲ့ ပတ်သက်ပြီး ကျနော့်အနေနဲ့ အထောက်အကူ ပေးနိုင်ပါတယ်။”

မစ္စတာ ကင်တားနား ဟာ ဒီခရီးစဉ်အတွင်းမှာ ရခိုင်ပြည်နယ်အရေးတင်မကဘဲ ကျန်ရှိနေသေးတဲ့ နိုင်ငံရေးအကျဉ်းသားတွေ လွှတ်ပေးရေးကိုလည်း တိုက်တွန်းခဲ့သလို မြန်မာနိုင်ငံ အနေနဲ့ ပြုပြင် ပြောင်းလဲရေးတွေ ရှေ့ရှုတဲ့နေရာမှာ လူ့အခွင့်အရေး တိုးတက်ဖို့က အခရာကျတဲ့အကြောင်းကိုလည်း ပြောသွားပါတယ်။

“မြန်မာနိုင်ငံမှာ လူ့အခွင့်အရေးနဲ့ ပတ်သက်ပြီး စိန်ခေါ်နေတဲ့ ပြဿနာတွေ ဆက်ပြီး ရှိနေသေးပါတယ်။ ဒီမိုကရေစီ အသွင်ကူးပြောင်းရေးနဲ့ အမျိုးသား ပြန်လည် သင့်မြတ်ရေးအတွက် လူ့အခွင့်အရေး ချိုးဖောက်မှုတွေကို ကိုင်တွယ်ဖို့ လိုတယ် ဆိုတာကို ရခိုင်ပြည်နယ်က ပြဿနာတွေက သရုပ်ဖော် ပြသလိုက်တာပဲ ဖြစ်ပါတယ်။”

မစ္စတာ ကင်တားနားက ရခိုင်ပြည်နယ်တွင်း ဒုက္ခသည်စခန်းတွေမှာ စားနပ်ရိက္ခာ၊ ရေနဲ့ မိလ္လာ တကိုယ်ရေ သန့်ရှင်းရေး စတာတွေအပေါ်မှာလည်း စိုးရိမ်တဲ့အကြောင်း အခုလို ပြောဆိုသွားပါတယ်။

“အကြမ်းဖက်မှုတွေကြောင့် အိုးအိမ် ဆုံးရှုံးရသူတွေနဲ့ အခြေအနေမဲ့ရသူတွေရဲ့ ဒုက္ခတွေကို ကျနော် ကိုယ်တိုင် တွေ့ခဲ့ရပါတယ်။ ဒုက္ခရောက်နေကြရတဲ့ နှစ်ဘက်စလုံးက လူထုကို စာနာကြောင်း အလေးအနက် ပြောကြားလိုပါတယ်။”

မြန်မာ့အိမ်နီးချင်း နိုင်ငံတွေ အနေနဲ့ ဒုက္ခသည်တွေကို လစ်လျူရှုမထားဖို့လည်း အခုလို ပန်ကြားပါတယ်။

“နိုင်ငံတကာ ဥပဒေအရ မိမိရဲ့ နိုင်ငံသားဖြစ်စေ၊ နိုင်ငံခြားသားဖြစ်စေ ကိုယ့်ရဲ့ ပိုင်နက်ထဲမှာရှိတဲ့သူ အားလုံးရဲ့ အခွင့်အရေးကို အကာအကွယ်ပေးဖို့ ၀တ္တရား ရှိတယ်ဆိုတာကို မြန်မာ့ အိမ်နီးချင်း နိုင်ငံတွေတင်မကဘဲ ဒေသတွင်း နိုင်ငံတွေကပါ အသိအမှတ်ပြု လိုက်နာကြဖို့ ကျနော် တိုက်တွန်းပါတယ်။”

မစ္စတာ ကင်တားနားဟာ ဒီခရီးစဉ်အတွင်းမှာ နိုင်ငံခြားရေးဝန်ကြီး ဦးဝဏ္ဏမောင်လွင် အပါအ၀င် အစိုးရ၀န်ကြီးအဖွဲ့ရဲ့ ရခိုင်ပြည်နယ်အရေး သတင်းစာရှင်းလင်းပွဲကိုလည်း တက်ရောက်ခဲ့ပါတယ်။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေးပါတီ ခေါင်းဆောင်တွေ၊ တိုင်းရင်းသား ခေါင်းဆောင်တွေကိုလည်း တွေ့ဆုံပြီး ရခိုင်ပြည်နယ် အရေးနဲ့ မြန်မာပြည်ရဲ့ လူ့အခွင့်အရေး အခြေအနေ အရပ်ရပ်ကို ဆွေးနွေးခဲ့ပါသေးတယ်။

မစ္စတာ ကင်တားနားဟာ သောကြာနေ့က နေပြည်တော်ကို သွားရောက်ပြီး အစိုးရ ၀န်ကြီးတွေ၊ လွှတ်တော် ရေးရာ အဖွဲ့ဝင်တွေနဲ့ တွေ့ဆုံပြီး မနေ့က စနေနေ့ကတော့ ရန်ကုန်က မထွက်ခွာခင်မှာ နိုင်ငံတကာ လေဆိပ်မှာ သတင်းစာရှင်းလင်းပွဲ ပြုလုပ်ခဲ့တာပါ။ မစ္စတာ ကင်တားနား အနေနဲ့ ဒီခရီးစဉ်အတွင်း မြန်မာ့လူ့အခွင့်အရေး အခြေအနေ အရပ်ရပ်အပေါ် အကဲခတ် စမ်းစစ်ချက်တွေနဲ့ ပတ်သက်ပြီး ရှေ့လမှာကျင်းပမယ့် ကုလသမဂ္ဂ အထွေထွေ ညီလာခံကို တင်သွင်းဖို့ ရှိပါတယ်။

နာဆာ စူးစမ်းရေးယာဉ် အင်္ဂါဂြိုလ်ပေါ် ဆင်းတော့မည်

အင်္ဂါဂြိုလ်ကို စူးစမ်း လေ့လာမယ့် Curiosity အာကာသယာဉ်ကို တနင်္လာနေ့ မနက်အစောပိုင်းမှာ အင်္ဂါဂြိုလ်ပေါ် ဆင်းသက်နိုင်ဖို့ NASA က စီစဉ်ထားပါတယ်။ အလေးချိန် တစ်တန်လောက်ပဲရှိတဲ့ Curiosity လို့ နံမည်ပေးထားတဲ့ နျူကလီးယား စွမ်းအင်သုံး ဒီ အာကာသယာဉ် ဂြိုလ်ပေါ်မှာ သက်ရှိသတ္တ၀ါတွေ ရှိမရှိ အထောက်အထား ရှာနိုင်ဖို့ လေ့လာစူးစမ်းသွားမှာဖြစ်ပြီး အင်္ဂါဂြိုလ်ရဲ့ ပုံရိပ်တွေနဲ့ အင်္ဂါဂြိုလ်နဲ့ ပတ်သက်တဲ့ အချက်အလက်တွေကို ရယူဖို့ဖြစ်ပါတယ်။

အဲဒီလို ရယူဖို့အတွက် ပထမအဆင့်အနေနဲ့ အင်္ဂါဂြိုလ်ဆီ ၈ လကြာ သွားရောက်ခဲ့တဲ့ Curiosity ယာဉ် အင်္ဂါဂြိုလ်ပေါ်မှာ ဘေးကင်းကင်းနဲ့ ဆင်းသက်နိုင်ဖို့က အရေးကြီးတာပါ။ တနာရီကို မိုင်ပေါင်း တစ်သောင်းနှစ်ထောင်ကျော်နှုန်းနဲ့ သွားနေတဲ့ ဒီအာကာသယာဉ် ဂြိုလ်မျက်နှာပြင်ပေါ်မှာ ကောင်းကောင်းမွန်မွန် ဆင်းသက်နိုင်ရေးဟာ နာဆာရဲ့ အာကာသယာဉ်တွေ ဂြိုလ်ပေါ်ဆင်းသက်ခဲ့တဲ့ သမိုင်းကြောင်းတလျှောက် စိန်ခေါ်မှုအရှိဆုံး လုပ်ရပ်တခုလို့ နာဆာ သိပ္ပံပညာရှင်တွေက ပြောပါတယ်။

Curiosity အာကာသာယာဉ် အောင်အောင်မြင်မြင် ဆင်းသက်နိုင်ပြီ ဆိုရင်တော့ အင်္ဂါဂြိုလ်ပေါ်မှာ လူတွေ နေထိုင်ခွင့် ရနိုင်မနိုင် လမ်းစကို စတင် ရှာဖွေ ပေးနိုင်မှာ ဖြစ်ပါတယ်။

အိုလံပစ် အမျိုးသမီးမာရသွန် အီသီယိုးပီးယား ဗိုလ်စွဲ

ဗြိတိန်နိုင်ငံ လန်ဒန်မြို့မှာ ၂၀၁၂ ခုနှစ် အိုလံပစ် အားကစားပြိုင်ပွဲ ပွဲစဉ်တွေကို ဆက်လက် ကျင်းပနေပါတယ်။ အီသီယိုးပီးယား နိုင်ငံက အမျိုးသမီး အပြေးသမား Tiki Gelana ဟာ တနင်္ဂနွေနေ့က လန်ဒန်မြို့မှာ မိုးရွာနေချိန်မှာ ကျင်းပတဲ့ မာရသွန် အပြေးပြိုင်ပွဲမှာ အနိုင်ရပြီး ရွှေတံဆိပ် ဆွတ်ခူးသွားပါတယ်။

ကင်ညာနိုင်ငံက ပရစ်ကာ ဂျပ်တူး (Priscah Jeptoo) က ဒုတိယ ငွေတံဆိပ် နဲ့ ရုရှားနိုင်ငံသူ Tatyana Petrova Arkhipova က ကြေးတံဆိပ် အသီးသီး ရရှိသွားပါတယ်။ အမေရိကန် တင်းနစ် အားကစားမယ် Serena Williams က စနေနေ့မှာ ကျင်းပခဲ့တဲ့ အမျိုးသမီး တဦးချင်းပြိုင်ပွဲမှာ အနိုင်ရပြီး ရွှေတံဆိပ် ဆွတ်ခူးသွားပါတယ်။ Serena နဲ့ Venus ၀ီလျှံ ညီအစ်မနှစ်ယောက်ဟာ ချက်နိုင်ငံသူ Andrea Hlavackova နဲ့ Lucie Hradecka တို့ အတွဲနဲ့ ဗိုလ်လုပွဲ ယှဉ်ပြိုင် ကြရဖို့ ရှိပါတယ်။ အမေရိကန် ရေကူးချန်ပီယံ မိုက်ကယ် ဖဲ့လ်ပ်စ် ဟာ စနေနေ့ပြိုင်ပွဲမှာ ရွှေတံဆိပ် နောက်တခု ထပ်မံ ရရှိသွားပြီးတဲ့နောက် ရေကူး အားကစားကနေ အနားယူသွားပြီ ဖြစ်ပါတယ်။ အိုလံပစ်ပြိုင်ပွဲ သုံးကြိမ်အတွင်း  ရွှေတံဆိပ် ၁၈ ဆု အပါအ၀င် ဆုတံဆိပ်ပေါင်း ၂၂  ခု ရရှိခဲ့ပြီး ဆုအများဆုံး ရရှိတဲ့ အားကစားသမားအဖြစ် စံချိန်တင်ထားပါတယ်။

နာမည်ကြီး အမေရိကန် ဘတ်စကက်ဘော အသင်းကတော့ စနေနေ့တုန်းက လစ်သူဝေးနီးယား နဲ့ ယှဉ်ပြိုင် ကစားခဲ့ရာမှာ ၉၉ - ၉၄ မှတ်နဲ့ အနိုင် ရရှိသွားပါတယ်။

ပြည်ထောင်စု ငြိမ်းချမ်းရေးကော်မတီ KNU နဲ့ အကြို ဆွေးနွေး

 

ကရင်အမျိုးသား အစည်းအရုံးက ကိုယ်စားလှယ်အဖွဲ့နဲ့ မြန်မာအစိုးရဘက်က ပြည်ထောင်စုအဆင့် ငြိမ်းချမ်းရေး ဖော်ဆောင်မှု လုပ်ငန်းကော်မတီ ဒုဥက္ကဋ္ဌ၊ ရထားပို့ဆောင်ရေး ၀န်ကြီးဌာန ပြည်ထောင် စု ၀န်ကြီး ဦးအောင်မင်းတို့ အဖွဲဟာ မကြာခင်လုပ်မယ့် အစည်းအဝေး အတွင်း နှစ်ဘက် တပ်မတော် က လိုက်နာကျင့်သုံးရမယ့် ကျင့်ဝတ်စည်းကမ်းတွေနဲ့ ပတ်သက် လို့ ဆွေးနွေးကြဖို့ အတွက် မြ၀တီမြို့ မှာ ဒီကနေ့ အကြို ညှိနှိုင်းခဲ့ကြပါတယ်။ ဒီအကြောင်းကိုတော့ ထိုင်းအခြေစိုက် သတင်းထောက် မအေးအေးမာက သတင်ပေးပို့ထားပါတယ်။

မြ၀တီမြို့ ခလရ (၂၇၅) တပ်တည်ရာနေရာမှာ ဆွေးနွေးခဲ့ကြတဲ့ ဒီဆွေးနွေးပွဲမှာ လူဝင်မှု ကြီးကြပ်ရေး ၀န်ကြီးဌာန ပြည်ထောင်စုဝန်ကြီး ဦးခင်ရီ ကတော့ အပစ်အခပ်ရပ်စဲရေးကို ပိုမိုခိုင်မာစေဖို့ နှစ်ဘက် လိုက်နာရမယ့် ကျင့်ဝတ်ကိစ္စတွေကို ဆွေးနွေးဖို့အတွက် အကြိုညှိနှိုင်းခဲ့ကြကြောင်း အခုလို ပြောသွားပါတယ်။

“အဓိက ကတော့ ကျနော်တို့ peace process ငြိမ်းချမ်းရေး လုပ်ငန်းစဉ်မှာ အဓိက ကျတဲ့ cease fire stage အပစ်အခတ်ရပ်စဲရေး အဆင်ကို ပိုပြီးတော့ ခိုင်မာသွားအောင် နှစ်ဘက် လိုက်နာရမယ့် ကျင့်ဝတ်၊ အင်္ဂလိပ်လိုတော့ code of conduct for cease fire အဲဒါလေးတွေကို ကျနော်တို့ ဆွေးနွေးဖို့အတွက် နောက်တကြိမ် အစည်းအဝေးကို သြဂုတ်လ နောက်ဆုံး ပတ်လောက်မှာ သင့်တဲ့နေရာမှာ၊ နီးတဲ့အခါ ထပ်ပြီး ဆွေးနွေးကြမှာပေါ့။ အဲဒီအစည်းအဝေး အတွက် ကျနော်တို့ အကြို အစည်းအဝေး လာပြီးတော့ ဆောင်ရွက်တာ ဖြစ်ပါတယ်။ တချို့နေရာတွေမှာ အပစ်အခတ် ရပ်စဲရေး ယူထားသော်လည်းပဲ နည်းနည်းပါးပါး ဒီလို သွားရင်းလာရင်းနဲ့ ပစ်တာ ခတ်တာတွေ ရှိတယ်။”

ဆွေးနွေးမှုမှာ ပါဝင်ခဲ့တဲ့ ကရင်အမျိုးသားအစည်းအရုံး (KNU) ရဲ့ အမြဲတမ်း ဗဟိုကော်မတီဝင် ဖဒို သောသီ ကတော့ နှစ်ဘက်လိုက်နာရမယ့် ကျင့်ဝတ်တွေနဲ့ ပတ်သက်လို့ မြန်မာအစိုးရ နဲ့ ကေအဲန်ယူကြားမှာ အရင်က ချပြ ဆွေးနွေးမှုတွေက ကွဲလွဲမှုတွေ ရှိနေသေးတဲ့ အကြောင်း၊ မြန်မာဘက်က တပ်မတော် စစ်သည်တော် ကျင့်ဝတ်တွေနဲ့သာ ဆွေးနွေးခဲ့တဲ့အတွက် အခက်အခဲ ရှိခဲ့တယ်လို့ ဆိုပါတယ်။

“ဒီ code of conduct ဆိုတာ သူ့ဘက်က မရှိဘူးလေ။ သူ့ဘက်က အခါအားလျော်စွာ တပ်မတော် ကျင့်ဝတ် ၆၀ နဲ့ပဲ သူတို့ ပြောလေ့ရှိတယ်လေ။ စစ်သည်တော် ကျင့်ဝတ် ၆၀ က တကယ့်ကိုပဲ လုံခြုံမှုရော၊ နောက်ပြီးတော့ စည်းကမ်းချက်နဲ့ အကျုံးဝင်တယ်လို့ သူတို့ဘက်ကတော့ တွင်တွင်ကြီး ပြောတာပေါ့လေ။ ဒါပေမဲ့ အဲဒါတွေက တပ်မတော်က လိုက်နာကျင့်သုံးရမယ့် တပ်မတော် ကျင့်ဝတ်စည်းကမ်းပဲ။ နှစ်ဘက် အပစ်အခတ် ရပ်စဲလို့ လိုက်နာရမယ့် ကျင့်ဝတ်စည်းကမ်း မဟုတ်ဘူး။

ကျနော်တို့ဘက်က ရေးဆွဲတာက နှစ်ဦးနှစ်ဘက် တပ်မတော် နှစ်ဘက်စလုံးက လိုက်နာ ကျင့်သုံးရမယ့် စည်းကမ်းချက်တွေ ပေါ့နော်။ တပ်မတော် နှစ်ဘက်စလုံးက ကျနော်တို့ဆီက စည်းကမ်းချက်တွေကို ကြည့်ပြီးတော့မှ ဒါတွေ သဘောတူနိုင်မယ် မတူနိုင်ဘူး၊ ဘယ်အချက်မှာ သဘောတူနိုင်တယ်၊ ဘယ်အချက်မှာ သဘောမတူနိုင်ဘူး။ ဒါမျိုးတွေက ညှိနှိုင်းရမယ့်သဘောတွေ ရှိတယ်လေ။ ဥပမာ သူတို့ခေါ်တဲ့ စစ်သည်တော် ကျင့်ဝတ် ၆၀ ဆိုတာမှာ ကျနော်တို့မှာ သူ့ထက်တောင် တချက် ပိုတာ ရှိပါတယ်။ အဲဒါ တပ်မတော်ကျင့်ဝတ်မှာ ကျနော်တို့ KNLA တပ်မတော်မှာလည်း ကျင့်ဝတ်ရှိပါတယ်။ ရဲဘော်ကျင့်ဝတ်တွေ ရှိပါတယ်။”

ဆွေးနွေးမှုတွေ အတွင်းမှာ အဓိက ဆွေးနွေးချက်တွေ ကတော့ လူ့အခွင့်အရေး ချိုးဖောက်ခံရမှုတွေ ရှိနေတာကြောင့်လို့ ဆိုပါတယ်။

“ကျနော်တို့က တပ်မဟာ (၁) နယ်မြေ၊ သထုံခရိုင်၊ ကုန်းတန်းကြီး၊ တခေါင်းမိုး ကျေးရွာတို့လို မျိုးမှာ သူတို့ လူအရှင် ပစ်သတ်တာမျိုးတွေက ရှိတယ်လေ။ ကျနော်တို့ဘက်ကလည်း တခု ရှိတယ် ထင်ထင်ပေါ်ပေါ်။ နောက် တောင်ငူဘက်က ဆိုလို့ရှိရင်လည်း ဆန်သည်တာ၊ ရိက္ခသည်တာမျိုးတွေ ပစ်တာမျိုးတွေလည်း ရှိတယ်လေ။ နောက်ပြီးတော့ ကျနော်တို့ ဖာပွန်နယ်ဘက်က အင်ဥရှာရင်းနဲ့ မျှစ်ရှာရင်းနဲ့ အပစ်သတ် ခံရတာမျိုးတွေလည်း ရှိတယ်လေ။ သူတို့ ပစ်လည်းပစ်၊ သေလည်း သေတဲ့ အခါကျတော့ ဒါ အရပ်သား ဖြစ်နေတယ်လေ။ နောက်တခုကလည်း ဖာပွန်ဘက်က အထက်ဘက်က ရွာတရွာ ရှိသေးတယ်။ အဲဒီဘက်ကလည်း အပစ်ခံရတာပဲ။”

သြဂုတ်လ တတိယ အပတ်မှာ ကရင်ပြည်နယ် ဘားအံမြို့မှာတော့ နှစ်ဘက် လိုက်နာရမယ့် ကျင့်ဝတ်တွေနဲ့ ပတ်သက်လို့ ဆွေးနွေးဖို့ ရှိနေတယ်လို့ ဆိုပါတယ်။ ပြည်ထောင်စုဝန်ကြီး ဦးအောင်မင်းနဲ့ လုပ်ငန်းကော်မတီ အဖွဲ့ဝင်ဖြစ်တဲ့ လူဝင်မှုကြီးကြပ်ရေး ၀န်ကြီးဌာန ပြည်ထောင်စု ၀န်ကြီး ဦးခင်ရီ၊ ပြည်ထောင်စု ၀န်ကြီး ဦးစိုးသိန်းနဲ့ ကရင်ပြည်နယ် ၀န်ကြီးချုပ် ဦးဇော်မင်းတို့ ဟာ ဆွေးနွေးပွဲတွေ အပြီးမှာ ထိုင်းနိုင်ငံ မဲဆောက်မြို့က ဒေါက်တာ စင်သီယာမောင်ဆေးခန်းကို လာရောက်ခဲ့ပြီး မြ၀တီမြို့ကို လူနာတွေ လွှဲပြောင်း နိုင်ရေးတွေကိုလည်း ဆွေးနွေးသွားခဲ့ပါတယ်။

ရိုဟင်ဂျာကိစ္စပဲပြောရင် ကင်တာနားမစ်ရှင် မေးခွန်းထုတ်စရာဖြစ်မယ်

ရိုဟင်ဂျာအကြောင်းပဲ ပြောနေရင် ကင်တားနားရဲ့ မစ်ရှင်ဟာ မေးခွန်းထုတ်စရာ ဖြစ်မယ်လို့ ဦးကိုကိုကြီး ပြော

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် မစ္စတာ သောမတ်စ် အိုဟေး ကင်တားနားက ရိုဟင်ဂျာတွေဟာ ခွဲခြား ဖိနှိပ် ခံနေရတယ်၊ ဥပဒေပါ အခွင့်အရေးတွေ မရကြဘူးလို့ သြဂုတ် ၄ ရက်စွဲနဲ့ ရခိုင်ကိစ္စပါတဲ့ ထုတ်ပြန်ချက်ထဲ ထည့်သွင်း ပြောဆိုလိုက်တဲ့ အပေါ် ၈၈ မျိုးဆက် ကျောင်းသား ခေါင်းဆောင် ဦးကိုကိုကြီးက ဝေဖန်လိုက်ပါတယ်။

``လူ့အခွင့်အရေးဆိုရင် မူရင်းဒေသခံ ရခိုင်တွေလည်း လူတွေပါ၊ အဲဒီရခိုင်တွေရဲ့ လူ့အခွင့်အရေးကို ထည့်သွင်း ပြောကြားခြင်း မရှိဘဲနဲ့ ရိုဟင်ဂျာကိစ္စကိုပဲ ပြောနေရင် ကင်တားနားရဲ့ မစ်ရှင်ဟာ မေးခွန်းထုတ်စရာ ဖြစ်မယ်`` လို့ ဦးကိုကိုကြီးက ဘီဘီစီကို ပြောပါတယ်။

၈၈ မျိုးဆက် ကျောင်းသား ခေါင်းဆောင်တွေဟာ ရခိုင်ဒေသကို သွားရောက်စဉ် သူတို့ တွေ့ကြုံခဲ့ရတာတွေနဲ့ လှူဒါန်းမှု ပြုခဲ့တဲ့ အကြောင်းတွေကို ဒီကနေ့ သြဂုတ် ၅ ရက်မှာ ရန်ကုန်မှာ ရှင်းလင်းပွဲ ပြုလုပ်ခဲ့ကြပါတယ်။

ရခိုင်ခရီးစဉ်မှာ နိုင်ငံသားအကြောင်းကို အဓိကထား ရှင်းလင်းခဲ့တဲ့ ဦးကိုကိုကြီးက မြန်မာနိုင်ငံမှာ တရုတ်လူမျိုး မြန်မာနိုင်ငံသား၊ ဘင်္ဂါလီလူမျိုး မြန်မာနိုင်ငံသား ရှိနိုင်တယ်။ နိုင်ငံသား ဖြစ်နေရင်တော့ တိုင်းရင်းသားပဲ ဖြစ်ဖြစ်၊ တိုင်းရင်းသား မဟုတ်သူဘဲ ဖြစ်ဖြစ် လူမျိုး၊ ဘာသာ မခွဲခြားဘဲ နိုင်ငံသား အခွင့်အရေး တန်းတူ ရည်တူ ဖြစ်ရမယ်လို့ ပြောပါတယ်။

နိုင်ငံသားဖြစ်ဖို့ကိုတော့ နိုင်ငံတကာမှာလည်း လုပ်ရိုးလုပ်စဉ် ခွဲခြား သတ်မှတ်တာတွေ ရှိသလို မြန်မာနိုင်ငံမှာလည်း လုပ်ရမယ်၊ နိုင်ငံသား ဥပဒေတွေဟာ တတန်းတစားတည်း ရှိမနေဘူး၊ နိုင်ငံတခုချင်းအလိုက် လိုအပ်ချက်နဲ့ လုံခြုံရေးအရ ပြဌာန်းရမယ်လို့ ဦးကိုကိုကြီးက ဘီဘီစီကို ပြောပါတယ်။

မစ္စတာ ကင်တားနားက မြန်မာနိုင်ငံရဲ့ ၁၉၈၂ ခုနှစ် နိုင်ငံသားဖြစ်မှု ဥပဒေကို ပြန်လည် သုံးသပ်ဖို့ သူ့ ထုတ်ပြန်ချက်ထဲမှာ ထောက်ပြထားတာကိုလည်း ၈၈ မျိုးဆက် ကျောင်းသား ခေါင်းဆောင်က လက်မခံဘဲ ဝေဖန်လိုက်ပါတယ်။

နိုင်ငံသားဖြစ်မှု ဥပဒေ ပြင်ဖို့မပြင်ဖို့ ဆိုတာဟာ နိုင်ငံတနိုင်ငံရဲ့ ပြည်တွင်းရေးကိစ္စ ဖြစ်တယ်၊ သက်ဆိုင်ရာ နိုင်ငံရဲ့ နိုင်ငံသားတွေကပဲ ဆုံးဖြတ်ရမယ်လို့ ဦးကိုကိုကြီးက ဘီဘီစီကို ပြောပါတယ်။

ပြီးခဲ့တဲ့ ရက်ပိုင်းကလည်း ရခိုင်ဒေသ ဖြစ်ရပ်တွေနဲ့ ပတ်သက်ပြီး နယ်စပ်ရေးရာ ဝန်ကြီး၊ နိုင်ငံခြားရေး ဝန်ကြီးနဲ့ လူဝင်မှု ကြီးကြပ်ရေး ဝန်ကြီးတွေက ရန်ကုန်မှာ ရှင်းလင်း ပြောကြားမှုတွေ လုပ်ခဲ့တာနဲ့ ၈၈ မျိုးဆက် ကျောင်းသားတွေရဲ့ ရှင်းလင်းမှုတွေက သဘောညီသလား ကွဲသလားလို့ မေးတာကိုတော့ ဦးကိုကိုကြီးက ရှောင်ဖြေခဲ့ပြီး၊ သူတို့ အနေနဲ့ ရခိုင်ဒေသမှာ သူတို့ တွေ့ခဲ့၊ လုပ်ခဲ့တဲ့ ကိစ္စတွေကိုသာ ရှင်းပြတာပါလို့ ပြောပါတယ်။

အလက်ပိုကို အစိုးရတပ်တွေ အလုံးအရင်းနဲ့ ဝိုင်းထား

သူပုန်တွေကတော့ ခံစစ်အတွက် ကောင်းကောင်း ပြင်ဆင် ထားတယ်လို့ ဆိုပါတယ်

ဆီးရီးယား အစိုးရတပ်ဖွဲ့ဝင် ၂ သောင်း လောက်ကို အလက်ပိုမြို့ ထဲနဲ့ မြို့ပြင် တဝိုက်မှာ ချထားတယ်လို့ ဆီးရီးယား စစ်ဖက်ဆိုင်ရာ သတင်းတွေ အရ သိရပါတယ်။

အစိုးရတပ်တွေဟာ သူပုန်တွေကို မြို့ကနေ မောင်းထုတ်နိုင်ဖို့ အတွက် အပြင်းအထန် တိုက်ခိုက်နေပါတယ်။ ဂျက်တိုက်လေယာဉ်တွေ ရဟတ်ယာဉ်တွေနဲ့ အမြောက်ကြီးတွေ သုံးပြီး မြို့ထဲက သူပုန်တွေ စိုးမိုးထားတဲ့နေရာတွေကို ပစ်ခတ်နေပါတယ်။

ဒါပေမယ်လို့ ဘီဘီစီ သတင်းထောက် ပြောတာကတော့ သူပုန်တွေ ဘက်ကလည်း သူတို့ အင်အား အတော်များများကို မြို့ထဲမှာ ထည့်ဖြည့်ထားပြီး၊ ခံစစ်အတွက် ကောင်းကောင်း ပြင်ဆင်ထား တယ်လို့ ဆိုပါတယ်။

ဆီးရီးယား လွတ်မြောက်ရေးတပ်ဖွဲ့ ပြောခွင့်ရသူကလည်း အလက်ပိုမှာ Free Syriaan Army တပ်ဖွဲ့တွေဟာ မြို့နေရာ ၇၀ ရာခိုင်နှုန်း ကျော်ကို ထိန်းချုပ်ထား နိုင်တယ်လို့ ပြောပါတယ်။

ဒီလူတွေဟာ အီရန် Revolutionary Gurad တပ်ဖွဲ့ဝင်တွေ ဖြစ်တယ်လို့ အတိုက်အခံတပ်ဖွဲ့က ပြောပါတယ်

မြို့တော် ဒမာ့စကပ်စ် မှာတော့ သူပုန်တွေရဲ့ နောက်ဆုံး လက်ကျန် အမာခံ နေရာတွေကို ပြန်သိမ်းလိုက်ပြီလို့ အစိုးရတပ်ဘက်က ပြောပါတယ်။ သူပုန်တွေ ကလည်း မြို့တော်မှာ သူတို့ နေရာယူထားတဲ့ နောက်ဆုံး ရပ်ကွက်ကနေ ပြန်လည် ဆုတ်ခွာ ခဲ့ပြီလို့ ပြောပါတယ်။

ဆီးရီးယားနိုင်ငံမှာ စနေနေ့က ပြန်ပေးဆွဲ ဖမ်းဆီးခြင်း ခံခဲ့ရတဲ့ အီရန် ဘုရားဖူး အဖွဲ့လို့ ယူဆရတဲ့ ဗီဒီယို မှတ်တမ်း တခုကို ဒူဘိုင်း အခြေစိုက် ရုပ်မြင်သံကြား ဌာနတခုက ပြသသွားပါတယ်။

အဖမ်းခံခဲ့ရသူ တချို့ကို ဆီးရီးယား အတိုက်အခံ လက်နက်ကိုင် ဆီးရီးယားလွတ်မြောက်ရေး တပ်ဖွဲ့ဝင်တွေက ထိန်းသိန်းထားတာကို ဗီဒီယိုမှတ်တမ်းထဲမှာ တွေ့ရပါတယ်။

ဒီဘုရားဖူးအဖွဲ့ဟာ မြို့တော် ဒမာ့စကပ်စ်က ဘုရားကျောင်းတခုကို သွားရောက် ကြသူတွေ ဖြစ်တယ်လို့ အီရန်နိုင်ငံက ပြောပါတယ်။

ဒါပေမယ်လို့ ဖမ်းဆီးသူ တဦး ပြောတာကတော့ ဓားစာခံ ၄၈ ယောက်ဟာ ကင်းထောက်ဖို့ လွှတ်ထားတဲ့ အီရန် နိုင်ငံ Revolutionary Gurad တပ်ဖွဲ့ဝင်တွေ ဖြစ်တယ် လို့ ပြောနေတာကို ဗိဒီယို မှတ်တမ်းထဲမှာ တွေ့ရပါတယ်။

ဒီလူတွေ ပြန်လွတ်ရေး ကူညီ ဆောင်ရွက်ပေးဖို့ ဆီးရီးယား အတိုက်အခံတွေနဲ့ ဆက်ဆံရေး ကောင်းမွန်တဲ့ တူရကီနဲ့ ကာတာ နိုင်ငံတို့ကို အီရန်နိုင်ငံက အကူအညီ တောင်းခံထား ပါတယ်။

ဆုတံဆိပ်နဲ့ နိုင်ငံ့အားကစား အချိုးအစား တွက်ကြည့်ရာဝယ်

ဆုများတိုင်း အားကစားတော်တဲ့ နိုင်ငံလို့ ပြောလို့ ရမရ

လန်ဒန် မြို့မှာ ကျင်းပနေတဲ့ အိုလံပစ် အားကစားပြိုင်ပွဲကြီးဟာ တနင်္ဂနွေနေ့မှာ ကိုးရက်မြောက်နေ့ကို ရောက်လာပါပြီ။

တနင်္ဂနွေ နေ့ဝက်လောက်အချိန် ရွှေတံဆိပ် ဆုစာရင်း ဇယား ထိပ်ဆုံးမှာဆိုရင် အမေရိကန်က ၂၇ ခု၊ တရုတ်နိုင်ငံက ၂၅ ခု၊ ဗြိတိန်က ၁၄ ခု ရရှိထား ပါတယ်။

ဒါပေမယ့် ဒီလို ဆုရတဲ့ ဆုအရေအတွက်ကို ကြည့်ပြီး ယေဘုယျအားဖြင့် ဘယ်နိုင်ငံက အားကစား ပိုတော်တယ်လို့ ပြောဖို့တော့ ခက်တယ်၊ စာရင်းဇယားတွေဟာ တကယ်တော့ သူတို့ရဲ့ ကိန်းဂဏန်းတန်ဖိုးတွေထက် ကြည့်တဲ့သူ အပေါ်မှာလည်း မူတည်တတ် ပါတယ်လို့ ဘီဘီစီ သတင်းထောက် မာတင် ပလောက်က ဆိုပါတယ်။

တရုတ်နိုင်ငံဆိုရင် အိုလံပစ်မှာ အစဉ်အလာအားဖြင့် ရွှေအပါအဝင် ဆုတံဆိပ်တွေ အများကြီး ရတတ်ပြီး သူ့ရဲ့ လူဦးရေ သန်းပေါင်း ၁ထောင့် သုံးရာကျော် ထဲကနေ အတော်ဆုံး အားကစားသမားတွေကို ရွေးရတာမို့ တခြားနိုင်ငံတွေထက် တပန်းသားပါတယ်။

အမေရိကန်ဆိုရင်တော့ နိုင်ငံကလည်း ချမ်းသာတယ်၊ ပစ္စည်းပစ္စယ ပြည့်စုံတယ်၊ လေ့ကျင့်မှု နည်းစနစ်တွေ ကောင်းမွန်တဲ့အတွက် ဆုတံဆိပ်တွေ လောလောဆယ် အများဆုံးရနေတာလို့ ယေဘုယျ ကောက်ချက် ချနိုင်ပါတယ်။

ဒါပေမယ့် တခြားနည်းလမ်းတွေနဲ့လည်း တွက်ချက်ကြတာတွေလည်း ရှိလာပါတယ်။

ယူကေအခြေစိုက် ဂါးဒီယန်းတသင်းစာကနေ တော်ဝင်စာရင်းအင်းအဖွဲ့အစည်းကို နည်းလမ်းတမျိုးနဲ့ တွက်ချက်မှု လုပ်စေခဲ့ပါတယ်။

GDP လို့ ခေါ်တဲ့ ကုန်ထုတ်လုပ်မှု အနည်းအများနဲ့ တွက်ရင် ဘယ်နိုင်ငံတွေက ဆုတံဆိပ်ဇယားမှာ ထိပ်ဆုံးက ရှိမလဲဆိုတော့ ငွေတံဆိပ်၊ ကြေးတံဆိပ် ရထားတဲ့ မွန်ဂိုးလီးယားက ထိပ်ဆုံးက ရှိနေပြီး၊ မြောက်ကိုးရီးယားနဲ့ ဂျမေကာတို့ကတော့ ဒုတိယ၊ တတိယ လိုက်မှာပါ။ကုန်ထုတ်လုပ်မှုအနည်းဆုံးနဲ့ ဆုရတဲ့ သူတွေပါ။

လူဦးရေ အချိုးအဆနဲ့ ဆုရမှု အချိုးအစားကို ကြည့်မယ်ဆိုရင်တော့ တရုတ်ဟာ လူများသလောက် ဆုမများဘူးလို့ ဆိုနိုင်ပြန်ပါတယ်။ အဲဒီတွက်ချက်မှု စနစ်မှာ နယူးဇီလန်က ထိပ်ဆုံးမှာ ရှိနေပါတယ်။ လူနည်းပြီး ဆုအများဆုံး ရတဲ့အထဲမှာ နယူးဇီလန်ပြီးရင် ဆလိုဗေးနီးယားနဲ့ ဒိန်းမတ်တို့က နောက်က လိုက်ပါတယ်။

နောက်တွက်ချက်မှုကတော့ တိုက်ကြီးတွေအလိုက် တွက်ချက်မှုပါ။ ဒီနေရာမှာ တွက်ဖို့ နည်းနည်းခက်တာက ရရှားဟာ ဥရောပဘက်ရော၊ အာရှဘက်ရော ပါနေတာပါ။ ဥရောပဘက်ခြမ်းမှာ သူ့လူဉီးရေက အများကြီးနေလို့ ဥရောအနေနဲ့ ထားပြီး တွက်ကြည့်မယ်ဆိုရင်တော့ ဆုအများဆုံးရတာက ဥရောပ တိုက် ဖြစ်ပါတယ်။ ဆု ၅၃ ခု ရထားပါတယ်။ သူ့နောက်မှာတော့ အာရှ၊ အမေရိကနဲ့ အာဖရိကတို့က လိုက်ပါတယ်။