05.08.2012 နေ့ဖတ်ရန်သတင်းများ

by Myanmar Journal on Saturday, August 4, 2012 at 4:06pm ·

၈ ရက်မြောက် အိုလံပစ်

ခြေထောက် နှစ်ဖက်လုံး ခြေတု တပ်ဆင်ထားရတဲ့ တောင်အာဖရိက နိုင်ငံက တာတို အပြေးသမား Oscar Pistorius ဟာ လန်ဒန်အိုလံပစ် ပြိုင်ပွဲမှာ ဝင်ပြိုင်နိုင်သူအဖြစ် သမိုင်းတွင်သွားပြီ ဖြစ်ပါတယ်။ သံပြားကောက်ထားတဲ့ ပုံစံ အထူးစီမံထားတဲ့ ခြေတုကို နှစ်ဖက်လုံး တပ်ထားလို့ Blade Runner လို့ ခေါ်နေကြတဲ့ Oscar Pistorius ဟာ မသန်စွမ်းသူများအတွက် မဟုတ်တဲ့ ပုံမှန် အိုလံပစ် အပြေးပြိုင်ပွဲမှာ ပထမဆုံး ဝင်ရောက်ယှဉ်ပြိုင်သူ ဖြစ်ပါတယ်။

 မီတာ ၄၀၀ အပြေးပြိုင်ပွဲ အသုတ်လိုက် ခွဲပြိုင်တဲ့ အဆင့်မှာ ၄၅.၄၄ စက္ကန့်နဲ့ ပန်းဝင်ခဲ့တဲ့အတွက် သူဟာ ဆီမီးဖိုင်နယ်ကို တက်သွားပြီ ဖြစ်ပါတယ်။ မြန်မာအပြေးသမား ကိုသက်ဇော်ဝင်းလည်း ဒီနေ့ မီတာ ၄၀၀ အပြေးပြိုင်ပွဲမှာ ဝင်ရောက် ယှဉ်ပြိုင်ခဲ့ပေမဲ့ သူကတော့ ထွက်သွားခဲ့ရပါတယ်။စုစုပေါင်း ဆုတံဆိပ်ပေါင်း ၂၁ ခုနဲ့ အိုလံပစ် ဆုတံဆိပ် အများဆုံး စံချိန်တင်ထားသူ အမေရိကန် ရေကူးသမား Michael Phelps ဟာလည်း ညပိုင်းမှာ ကျင်းပဖို့ရှိနေတဲ့ မီတာ ၄၀၀၊ ၄ မျိုး လက်ဆင့်ကမ်း ပြိုင်ပွဲ အတွက် နောက်ထပ် ရွှေတံဆိပ်ဆုရဖို့ ကြိုစားမှာဖြစ်ပါတယ်။ အမျိုးသမီး တဦးချင်း တင်းနစ် ဖိုင်နယ်ကတော့ အခုအသံမလွှင့်ခင်မှာပဲ ပြီးသွားခဲ့ပါတယ်။အမေရိကန်သူ Serena Williams နဲ့ ရုရှားသူ Maria Sharapova တို့ ကစားခဲ့ကြတာမှာ Serena Williams က ၆-၀၊ ၆-၁ နှစ်ပွဲပြတ်နဲ့ နိုင်ပြီး ရွှေတံဆိပ် ရသွားပါတယ်။ လောလောဆယ်အထိ ဆုတံဆိပ် ဇယားကိုကြည့်ရင် အမေရိကန်က ရွှေတံဆိပ် အပါအဝင် ဆုတံဆိပ်ပေါင်း ၄၆ ခုနဲ့ ပထမ၊ တရုတ်က ဒုတိယနဲ့ အိမ်ရှင် ဗြိတိန်နိုင်ငံက တတိယ နေရာတွေမှာ ရှိနေကြပါတယ်။

သမ္မတ Truman မြေး ဟီရိုရှီးမား သွား

၁၉၄၅ ခုနှစ်က ဂျပန်နိုင်ငံကို အဏုမြူဗုံး ကြဲဖို့ အမိန့်ပေးခဲ့တဲ့ အမေရိကန်သမ္မတ Harry Truman ရဲ့ မြေးဖြစ်သူဟာ ဂျပန်နိုင်ငံ ဟီရိုရှီးမားမြို့ကို ဒီကနေ့ စနေနေ့မှာ သွားရောက်ခဲ့ပြီး၊ အဏုမြူဗုံးဒဏ်ကြောင့် သေဆုံးခဲ့ရတဲ့ သူတွေအတွက် ၁ မိနစ်ခန့် ငြိမ်သက် ၀တ်ပြုခဲ့ပါတယ်။ ငြိမ်းချမ်းရေး ပရဟိတအဖွဲ့တခုဖြစ်တဲ့ Sadako Legacy အဖွဲ့က Clifton Truman Daniel ကို သြဂုတ်လ ၆ ရက်နေ့ နဲ့ ၉ ရက်နေ့တွေမှာ ဟီရိုရှီးမား နဲ့ နာဂါဆာကီ မြို့တွေကို ဗုံးကြဲခဲ့တဲ့ (၆၇) နှစ်ပြည့် နှစ်ပတ်လည် အထိမ်းအမှတ် အခမ်းအနားကို တက်ရောက်ဖို့ အတွက် ဖိတ်ကြားခဲ့တာကြောင့် သူဟာ ဂျပန်နိုင်ငံကို ရောက်ရှိနေတာ ဖြစ်တယ်လို့ ကျိုဒို သတင်းဌာနက ပြောပါတယ်။ သူဟာ သမ္မတ Truman ဆွေမျိုးတွေထဲက ဒီအခမ်းအနားကို ပထမဆုံးတက်တဲ့သူ ဖြစ်ပါတယ်။ အဏုမြူဗုံးကြဲ တိုက်ခိုက်မှု နဲ့ နောက်ပိုင်း ရေဒီယိုဓာတ်သတ္တိ အဆိပ်သင့်မှုကြောင့် သေဆုံးခဲ့တဲ့ လူပေါင်း ၂ သိန်းကို သတိရ အောက်မေ့တဲ့ အခမ်းအနားကို နှစ်စဉ် လူထောင်ပေါင်းများစွာ တက်ရောက်ကြပါတယ်။

ငှက်ဖျား တိုက်ဖျက်ရေး အတွက် တွေ့ရှိချက် အသစ်

၁၀ နှစ် အတွင်း ငှက်ဖျား ကာကွယ်ဆေး တမျိုး ထုတ်လုပ် နိုင်လိမ့်မယ်လို့ သုတေသီတွေ မျှော်လင့်

ငှက်ဖျားရောဂါ တိုက်ဖျက်ရေးအတွက် အရေးပါတဲ့ ဖြစ်စဉ်တခုကို သြစတြေးလျ ဆေးပညာရှင်တွေက ရှာဖွေတွေ့ရှိခဲ့ပါတယ်။

ငှက်ဖျားရောဂါ ခံစားရပြီး ဒီအတိုင်း နေပြန် ကောင်းလာတဲ့ ကင်ညာ နိုင်ငံက လူတချို့မှာ သူတို့ရဲ့ ခုံခံအား စနစ်ဟာ ငှက်ဖျားပိုးကို ထပ်ခါ တလဲလဲ ခုခံ တိုက်ခိုက် နိုင်တဲ့ ပုံစံမျိုး ဖြစ်နေတာကို သြစတြေးလျ နိုင်ငံက မဲဘုန်းမြို့ ဘန်းနတ် တက္ကသိုလ်က ဆေးသုတေသီတွေက တွေ့ရှိခဲ့တာ ဖြစ်ပါတယ်။

အဲဒီသူတွေရဲ့ ခန္ဓာကိုယ် ခုခံအား စနစ်ကနေ ဒီငှက်ဖျား ပိုကို ဘယ်လို ပြန်တိုက်တယ် ဆိုတာကို ရှာဖွေ ဖေါ်ထုတ်မှာ ဖြစ်တယ်လို့ အဲဒီ သုတေသီအဖွဲ့ရဲ့ အကြီးအကဲက ပြောပါတယ်။

ဒီအတွက် ၁၀ နှစ် အတွင်း ငှက်ဖျား ကာကွယ်ဆေး တမျိုး ထုတ်လုပ် နိုင်လိမ့် မယ်လို့ မျှော်လင့်နေပါတယ်။

ငှက်ဖျား ရောဂါကြောင့် အသက် ၅ နှစ်အောက် ကလေးငယ်တွေ အပါအဝင် ကမ္ဘာပေါ်မှာ နှစ်စဉ် လူပေါင်း ၁ သန်းလောက် သေဆုံး နေကြရပါတယ်။

ဆီးရီးယား မြို့ကြီးတွေမှာ တိုက်ပွဲတွေ ဆက်

အစိုးရက လက်နက်ကြီးတွေနဲ့ အပြင်းအထန် ပစ်တဲ့အတွက် သူပုန်တွေ အသံလွှင့်ရုံနား မကပ်နိုင်

ဆီးရီးယားနိုင်ငံ မြောက်ပိုင်း အလက်ပိုမြို့၊ ရုပ်မြင်သံကြား ဌာနနဲ့ ရေဒီယို အသံ လွှင့်ရုံ တဝိုက်မှာ တိုက်ပွဲတွေ အပြင်းအထန် ဖြစ်ပွားနေပါတယ်။

အဲဒီအသံလွှင့် ဌာနတွေကို သိမ်းပိုက်ဖို့ ကြိုးစားနေတဲ့ သူပုန်ကို အစိုးရ တပ်ဖွဲ့တွေက လက်နက်ကြီးတွေနဲ့ အကြီးအကျယ် ထုနေတာကြောင့် သူပုန်တွေ ဆုတ်ခွာသွားရတယ်လို့ ဆိုပါတယ်။

သူပုန်တွေ ထိန်းထားတဲ့ ဆာလာဟတ်ဒင် ရပ်ကွက်နဲ့ ဆေ့ဖ် အဲလ် ဒါလာ ရပ်ကွက် မှာလည်း တိုက်ခိုက်မှုတွေ ပြင်းထန်နေပါတယ်။

မြို့တော် ဒမာ့စကပ်စ်မှာ အပြင်းအထန် ဗုံးကျဲနေတယ် လို့လည်း မျက်မြင် တွေ့ရှိသူတွေက ပြောပါတယ်။

သောကြာနေ့ ကတော့ ကုလသမဂ္ဂ အထွေထွေ ညီလာခံကနေ ဆီးရီးယား အစိုးရရဲ့ လက်နက်ကြီးတွေ ပိုမို အသုံးပြုလာနေတဲ့ အပေါ် ပြစ်တင် ရှုတ်ချလိုက်ပါတယ်။

နောက်ပြီး လုံခြုံရေး ကောင်စီ အနေနဲ့လည်း ဆီးရီးယားက သွေးထွက်သံယို ဖြစ်မှုတွေ ကို မတားဆီးခဲ့နိုင်ဘူး ဆိုပြီး ဝေဖန် ပြောကြားလိုက်ပါတယ်။

ဆီးရီးယား အရေးနဲ့ ပတ်သက်ပြီး ပထဝီ နိုင်ငံရေး အကျိုးအမြတ်ထုတ်ဖို့ အတွက် အနောက်နိုင်ငံတွေဟာ ဆီးရီးယားရဲ့ နိုင်ငံရေး ဖြစ်စဉ်တွေကို နှောင့်နှေးအောင် အနှောင့် အယှက် ပေးနေတယ်လို့ တရုတ်နိုင်ငံခြားရေး ဝန်ကြီးဌာန ပြောခွင့်ရသူက ပြောပါတယ်။

မီဒီယာလွတ်လပ်ခွင့် လှုပ်ရှားမှု ရန်ကုန်မှာ ပြုလုပ်

သတင်းသမားတွေက အကြောက်တရားနဲ့ နေရမယ်ဆိုရင် ဘယ်လိုမှ ပွင့်လင်းလာမှာ မဟုတ်

မြန်မာနိုင်ငံ စာနယ်ဇင်း လောကမှာ ဂျာနယ်တွေ ထုတ်ဝေခွင့် ပိတ်ပင်ခံရ တာတွေ အပါဝင် မီဒီယာကို ဖိနှိပ် ကန့်သတ်တာတွေ များလာတာကြောင့် လူငယ် သတင်းသမား အများစု ပါတဲ့ ရာနဲ့ချီတဲ့ သတင်းသမားတွေက မီဒီယာ လွတ်လပ်ခွင့် အတွက် လှုပ်ရှားမှု တခုကို စနေနေ့မနက်က ရန်ကုန်မြို့မှာ လုပ်ခဲ့ကြပါတယ်။

မီဒီယာ ဖိနှိပ်မှု ချက်ချင်းရပ်၊ Stop Killing Press ဆိုတဲ့ စာတန်းပါ အနက်ရောင် တီရှပ်တွေ ဝတ်ထားတဲ့ လူငယ် သတင်းသမား ၁၀ဝနီးပါးဟာ ထုတ်ဝေခွင့် ပိတ်ပင် ခံထား ရတဲ့ The Voice ဂျာနယ်နဲ့ Envoy ဂျာနယ် ရုံးခန်းတွေကို စုရုံး သွားကြပြီးတော့ သတင်းမေး၊ အားပေးခဲ့ကြသလို နိုင်ငံတော်သမ္မတ ဆီကို တင်မယ့် မီဒီယာ လွတ်လပ်ခွင့် အတွက် လက်မှတ် စုဆောင်းတဲ့ လှုပ်ရှားမှု တခုကို လုပ်ခဲ့ကြတာ ဖြစ်ပါတယ်။

ဆရာမောင်ဝံသ

ဒီလှုပ်ရှားမှုမှာ ပါဝင်ခဲ့တဲ့ အလွတ်တန်း သတင်းထောက် မအိမွန်ကျော် ကတော့ လူထုက အားကိုးရတဲ့ မီဒီယာကို ဖိနှိပ် ပိတ်ပင်တဲ့ အတွက် သတင်းသမားတွေက အကြောက်တရားနဲ့ နေရမယ်ဆိုရင် ဘယ်လိုမှ ပွင့်လင်းလာမှာ မဟုတ်ဘူးလို့ ပြောပါတယ်။

လူငယ် သတင်းသမားတွေဟာ အပိတ်ခံရတဲ့ ဗွိုက်စ်နဲ့ အန်ဗွိုင်း ဂျာနယ်တိုက် တွေကို သွားခဲ့ သလို Orchid ဟိုတယ်မှာ လုပ်တဲ့ မြန်မာနိုင်ငံ သတင်း စာဆရာများ အသင်း အလုပ် အမှု ဆောင် ရွေးချယ် တင်မြှောက်ပွဲနဲ့ တော်ဝင် နှင်းဆီမှာ လုပ်တဲ့ ဆရာဖေမြင့် ဟောပြောပွဲ၊ ကာတွန်း စိုးသော်တာရဲ့ စာအုပ် မိတ်ဆက်ပွဲတွေ ကိုလည်း တူညီ ဝတ်စုံတွေ ဝတ်ပြီး အင်အားပြ ချီတက် ခဲ့ကြတယ်လို့ သိရပါတယ်။

ဒီကနေ့ ရန်ကုန်တိုင်းအတွင်းမှာရှိတဲ့ မြန်မာနိုင်ငံ စာနယ်ဇင်း ဆရာများ အသင်း ဖြစ်မြောက်ရေး ညီလာခံ ကနေ မြန်မာနိုင်ငံ စာနယ်ဇင်း ဆရာများ အသင်းကို ဖွဲ့စည်းခဲ့ပြီးတော့ ရန်ကုန်တိုင်း အတွင်းက စာနယ်ဇင်း ကိစ္စတွေ အပါဝင် ခုပိတ်ခံ ရတဲ့ ဂျာနယ်တွေ ပြန်လည် ထုတ်ဝေခွင့် ရရေးတွေကိုလည်း ဆက်လက် ဆောင်ရွက်သွားမယ်လို့ သိရပါတယ်။

အိုလံပစ် ပြေးခုန်ပစ် ဒုတိယနေ့

ပထမ မီတာ ၁၀၀ လောက်မှာတော့ ရှေ့ကနေ ဦးဆောင် ပြေးနိုင်ခဲ့ပေမယ့်လည်း...

မီတာ ၄၀၀ ပထမ အကျော့ လူရွေးပွဲမှာ တင် မြန်မာနိုင်ငံက သက်ဇော်ဝင်း ပြိုင်ပွဲက ထွက်ခွာသွားရပြီ ဖြစ်ပါတယ်။ အသုတ် ၇ သုတ်ခွဲပြီး ပြေးရတဲ့ လူရွေးပွဲမှာ သက်ဇော်ဝင်းဟာ တခြား ကမ္ဘာ့ကျော် အပြေးသမားတွေနဲ့ ယှဉ်ပြိုင်ခဲ့ကြရတာ ဖြစ်ပါတယ်။

စတုတ္ထအသုတ်မှာ ဝင်ရောက် ယှဉ်ပြိုင်ခဲ့တဲ့ သက်ဇော်ဝင်းဟာ ပထမ မီတာ ၁၀၀ လောက်မှာတော့ ရှေ့ကနေ ဦးဆောင် ပြေးနိုင်ခဲ့ပေမယ့် နောက်ပိုင်းမှာတော့ နောက်မှာ ကျန်ရစ်ခဲ့ပြီး ပထမ သုံးဦး ပန်းဝင်တဲ့ အထဲမှာ မပါတဲ့ အတွက် ထွက်ခွာ သွားရတာ ဖြစ်ပါတယ်။

ဆိုရင် မြန်မာနိုင်ငံကနေ အိုလံပစ်မှာ အမျိုးသမီး မာရသွန် ယှဉ်ပြိုင်ဖို့ မနီလာစန်း တယောက်ပဲ ကျန်ပါတော့တယ်။

ပထမအသုတ် ပွဲမှာတော့ တောင်အဖရိက နိုင်ငံက ခြေတု နှစ်ဖက်စလုံး တပ်ထားသူ အော်စကာ ပစ်တိုးရီရပ်စ် ဟာ ဒုတိယ နေရာက ပန်းဝင်ခဲ့ပြီး နောက် တဆင့် တက်သွားနိုင်ခဲ့ ပါတယ်။ အော်စကာဟာ အိုလံပစ် သမိုင်းမှာ မသန်စွမ်းသူ တဦးအနေနဲ့ သန်စွမ်းသူတွေနဲ့ ပထမဦးဆုံး ယှဉ်ပြိုင်ခွင့်ရသူ ဖြစ်ပြီး သမိုင်းတွင်ခဲ့ပြီ ဖြစ်ပါတယ်။

ခြေတုပိုင်ရှင် အော်စကာဟာ Paralympic အပြေး ပြိုင်ပွဲမှာ လေးနှစ် ဆက်တိုက် အပြေးချန်ပီယံ ဖြစ်

အခုလို ဒုတိယ နေရာကနေ ပန်းဝန်ခဲ့တဲ့ အော်စကာက ငိုရမလား ပျော်ရမလား မသိအောင်ကို ဖြစ်ခဲ့ရတယ်လို့ ဘီဘီစီကို ပြောပါတယ်။

အော်စကာဟာ Paralympic မသန်းစွမ်းသူများ ကမ္ဘာ့အားကစား ပြိုင်ပွဲမှာ လေးနှစ် ဆက်တိုက် အပြေးချန်ပီယံ ဖြစ်ခဲ့ပြီး၊ ဒီနှစ်မှာတော့ သူ့ကို အိုလံပစ်မှာ ဝင်ရောက် ယှဉ်ပြိုင်ခွင့် ပြုလိုက်တာ ဖြစ်ပါတယ်။

အမျိုးသား မီတာ ၁၀၀ ပြေးပွဲတွေလည်း ဒီကနေ့ မနက်ပိုင်းက ပဏာမ ပြေးခဲ့ကြ ရာမှာ အကမ္ဘာ့အပြေး အမြန်ဆုံး ဂျမေကာက တာတို အပြေးသမား ယူစိန် ဘို့တ် လည်း ပါဝင် ယှဉ်ပြိုင်ခဲ့ပါတယ်။

ဒီကနေ့ စနေနေ့မှာ ရွှေတံဆိပ် ၂၅ ခု အတွက် အားကစား သမားတွေ ယှဉ်ပြိုင်ကြ မှာ ဖြစ်ရာ လန်ဒန် အိုလံပစ် ပွဲစဉ် လျောက် ဒီကနေ့ဟာ အားကစားပွဲ အများဆုံး ယှဉ်ပြိုင် ကြမယ့်နေ့ ဖြစ်ပါတယ်။

ရခိုင်ပြည်နယ် က ပြန်ခဲ့တဲ့ ကင်တားနား ရဲ့ သတင်းစာရှင်းလင်းပွဲ

လွတ်လပ်တဲ့ စုံစမ်း စစ်ဆေးရေး ကော်မရှင် လွှတ်ဖို့ တောင်းဆိုတာ ကို ထောက်ခံခဲ့

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူး ကိုယ်စားလှယ် သောမတ်စ အိုဟေး ကင်တားနား ဟာ ရခိုင်ပြည်နယ် ဘက်အခြေ အနေ ကို သွားရောက်လေ့လာပြီး လွတ်လပ်တဲ့ စစ်ဆေးရေး ကော်မရှင် ဖွဲ့စည်း စေလွှတ်ဖို့ အရေး သူထောက်ခံသွားမယ် လို့ ပြောကြား လိုက်ပါတယ်။

သြဂုတ် လ ၄ ရက်နေ့ ညပိုင်း မြန်မာပြည် ကနေ ပြန်လည် မထွက်ခွာခင် ပြုလုပ်ခဲ့တဲ့ သတင်းစာရှင်းလင်းပွဲ မှာ သူ က အခုလို ပြောကြားခဲ့တာ ဖြစ်ကြောင်း အဲဒီ သတင်းစာ ရှင်းလင်းပွဲ ကို တက်ရောက်ခဲ့တဲ့ မြန်မာ သတင်းထောက် တဉီး က ဘီဘီစီ ကို ပြောပြပါတယ်။

မြန်မာနိုင်ငံ ကို ဇူလိုင်လ ၂၉ ရက် က ရောက်လာခဲ့တဲ့ မစ္စတာ ကင်တားနား ဟာ အခု တခေါက် ခရီးစဉ်မှာ ရခိုင်ဒေသ က အကြမ်းဖက်မှု တွေ မှာ လူ့အခွင့်အရေး ချိုးဖောက်မှု တွေ ရှိခဲ့တယ် ဆိုတဲ့ စွပ်စွဲချက် တွေ အပေါ် အဓိက သွားရောက် လေ့လာခဲ့တာပါ။

လူမျိုးအလိုက် ခွဲခြားပြီး နေရာချထားမျိုး တွေ မလုပ်သင့်ကြောင်း နဲ့ အသိုင်းအဝိုင်း တခုနဲ့ တခု ငြိမ်းချမ်းစွာ အတူယှဉ်တွဲ နေထိုင် နိုင်ရေး အတွက် ကြိုးပမ်းသင့် ကြောင်း သူ က ပြောပါတယ်။

၂ ဘက်တိုက်ခိုက်မှုတွေ ကို ငြိမ်သက်သွားအောင် အစိုးရ က ကိုင်တွယ် ဆောင်ရွက်ပုံတွေ ကို လည်း သူ့ အနေနဲ့ အသိအမှတ်ပြုကြောင်း နဲ့ လူ့အခွင့်အရေး ချိုးဖောက်တယ်ဆိုတဲ့ စွပ်စွဲချက်တွေ နဲ့ပတ်သက်ပြီးလည်း သူ ဆက်လက် လေ့လာသွားမယ့် အကြောင်း ပြောသွား ပါတယ်။

မီဒီယာ လွတ်လပ်ခွင့်အတွက် သတင်းထောက်များ လှုပ်ရှား

မကြာသေးခင်က ပိတ်ပင် ခံလိုက်ရတဲ့ ဂျာနယ်နှစ်စောင် ပြန်ပြီး ထုတ်ဝေခွင့် ရဖို့အတွက် မြန်မာသတင်းထောက်တွေ စုပေါင်း ဖွဲ့စည်းထားတဲ့ သတင်းလွတ်လပ်ခွင့် ကော်မတီက ဒီကနေ့ အာဏာပိုင်တွေကို တင်ပြ တောင်းဆိုခဲ့ကြပါတယ်။ “Stop Killing the Press” လို့ စာတမ်းပါတဲ့ တီရှပ်တွေကို ၀တ်ဆင်ပြီး သမ္မတကြီးဆီ တင်ပြမယ့် စာတမ်းအတွက် လက်မှတ် စုဆောင်းခဲ့ကြတာ ဖြစ်ပါတယ်။ ဒီအကြောင်းကိုတော့ ရန်ကုန်အခြေစိုက် သတင်းထောက် ကိုရဲကျော်အောင်က သတင်းပေးပို့ထားပါတယ်။

The Voice ဂျာနယ် နဲ့ Envoy ဂျာနယ် တို့ ပြန်လည် ထုတ်ဝေခွင့် ရရှိရေး အတွက် သြဂုတ်လ ၁ ရက်နေ့က ပါဝင်ဖွဲ့စည်းထားတဲ့ သတင်းလွတ်လပ်ခွင့် ကော်မတီက ဒီကနေ့မှာ အဲဒီဂျာနယ် နှစ်စောင်အပါအ၀င် အခြားမီဒီယာ သမားတွေထံကနေ လက်မှတ်တွေ စုဆောင်းမှု ပြုလုပ်ခဲ့ပါတယ်။ သူတို့ အခုလို လက်မှတ် စုဆောင်းကြတာဟာ အချက် (၇) ချက် ပါဝင်တဲ့ သတင်းလွတ်လပ်ခွင့် ရရှိရေး အတွက် နိုင်ငံတော်သမ္မတ ဦးသိန်းစိန်ထံ ပေးပို့မယ့် စာအတွက် သတင်းမီဒီယာ သမားတွေ အားလုံး ပါဝင်တယ် ဆိုတာကို သိစေ ချင်တာကြောင့် လို့ သတင်းလွတ်လပ်ခွင့် ရရှိရေး လှုပ်ရှားသူ လူငယ်တွေက ပြောကြပါတယ်။ ဒီကနေ့ လက်မှတ်စုဆောင်းတဲ့ signature campaign မှာ သတင်းမီဒီယာ သမား ၃၀ လောက်ကနေ နောက် ပိုင်းမှာ ၁၀၀ ကျော် သွားတယ်လို့ သိရပါတယ်။ သက်ဆိုင်ရာ အာဏာပိုင် အချို့က သတင်းမီဒီယာ သမားတွေကို တားဆီးမေးမြန်း တာတွေ ရှိခဲ့တယ်လို့လည်း သတင်းလွတ်လပ်ခွင့် ကော်မတီဝင် ကိုသာလွန် က ဗွီအိုအေကို ပြောပါတယ်။ “၈၈ အုပ်စုက ကျနော်တို့ကို အားပေးတယ်။ Envoy ရုံးရှေ့မှာ ကျနော်တို့ကို ထပ် စောင့်နေတယ်။ ကျနော်တို့ ရောက်တဲ့အချိန်မှာ ကိုပေါ်တိုနဲ့ ကျနော်တို့ ပေါင်းသွားတဲ့အချိန်မှာ ရဲတွေ ရောက်လာတာ။ ရဲတွေ ရောက်လာပြီးတော့ ခင်ဗျားတို့ လမ်းလျှောက်လို့ မရဘူး။ ဒါက ဥပဒေနဲ့ မညီဘူး။ အကြောင်းကြားပြီးမှ လျှောက်ရမယ်လို့ ဆိုတော့ ကျနော်တို့က ပြောတယ်၊ ကျနော်တို့ လမ်းလျှောက်တာ မဟုတ်ဘူး။ ကျနော်တို့ ငြိမ်းချမ်းစွာ ဆန္ဒပြတာလည်း မဟုတ်ဘူး။ ကျနော်တို့ဘာသာ လာပြီးတော့ လက်မှတ်လာ စုဆောင်းတာလို့။” သတင်းလွတ်လပ်ခွင့်တွေ ရရှိရေး အတွက် မကြသေးမီ ကမှ ပေါ်ပေါက်လာတဲ့ ဒီ အဖွဲ့ဟာ သတင်း လွတ်လပ်ခွင့် ရရှိတဲ့ အချိန်ထိ ဒီကော်မတီကို ဖွဲ့စည်းထားမှာ ဖြစ်ပြီး ပြည်တွင်းမှာ အခု ဖွဲ့စည်းပြီး သတင်းစာ ဆရာတွေ၊ သတင်းထောက် အဖွဲ့တွေ ပါဝင် ပတ်သက်နေတဲ့ မြန်မာနိုင်ငံ သတင်းစာဆရာ အသင်း(MJA) မြန်မာနိုင်ငံ သတင်းစာဆရာများ သမဂ္ဂ (MJU)၊ မြန်မာနိုင်ငံ သတင်းထောက်များကွန်ယက် (MJN) တို့ကနေ ဖွဲ့စည်းတဲ့ အဖွဲ့ တခုမဟုတ်ဘဲ သီးခြား လွတ်လပ်တဲ့ သတင်းသမားတွေ ပါဝင်တဲ့ အဖွဲ့ ဖြစ်တယ်လို့ ကိုသာလွန် က ပြောခဲ့ပါသေးတယ်။

ပြည်တွင်း အခြေစိုက် သတင်းစာ ဆရာတွေ ပါဝင် ဖွဲ့စည်းထားတဲ့ သတင်းလွတ်လပ်ခွင့် ကော်မတီဟာ နိုင်ငံတော် သမ္မတနဲ့ ပြည်သူ့လွှတ်တော် ဥက္ကဋ္ဌ၊ ပြည်သူ့လွှတ်တော် ရေးရာကော်မတီတွေ အထိပါ တောင်းဆိုချက် ၇ ချက်နဲ့ ယာယီ ထုတ်ဝေခွင့် ရပ်ဆိုင်းခံ ခဲ့ရတဲ့ ဂျာနယ်နှစ်စောင် ပြန်လည် ထုတ်ဝေခွင့် ရရှိရေးအတွက် တောင်းဆိုသွားမယ်လို့ ကိုဇော်သက်ထွေး က ပြောပါတယ်။

“တောင်းဆိုချက် ၇ ချက်ကို တောင်းပါတယ်။ အဲဒီတောင်းဆိုချက် ၇ ချက်ကတော့ ခုနကပြောတဲ့ ရပ်ဆိုင်းထားတဲ့ ဂျာနယ်တွေကို ပြန်လည် ထုတ်ဝေခွင့် ပေးရမယ်။ နောက် မည်သည့်ဂျာနယ်ကို မဆို အလားတူ ဥပဒေနဲ့ ပိတ်ပင်တာမျိုး မလုပ်ရဘူး။ ခေတ်မမီတဲ့ မီဒီယာ ဥပဒေတွေကို ပယ်ဖျက်ပေးရမယ်။ နောက်ပြန်ဆွဲတဲ့ မည်သည့် အပြုအမူနဲ့ မည်သူ့ပုဂ္ဂိုလ်ကိုမဆို အရေးယူ ဖယ်ရှားပေးရမယ်။ မီဒီယာသမားတွေ ပူးပေါင်း ပါဝင်ခြင်းမရှိတဲ့ မီဒီယာ ဥပဒေကို လက်မခံနိုင်ဘူး၊ နောက်တခုက ကျနော်တို့ သတင်းတွေကို ဒီလိုမျိုး ရယူတဲ့အခါမှာလည်း ခုနက ပိတ်ပင်တားဆီးမှုတွေကို ကျနော်တို့ မပြုလုပ်ဖို့အတွက် အာမခံချက် ပေးရမယ်။ ဒီလို တောင်းဆိုချက်တွေ ပါဝင်တဲ့ အချက်တွေကို တောင်းဆိုခဲ့ပါတယ်။ အဲဒီ တောင်းဆိုတဲ့စာကို ကျနော်တို့က နိုင်ငံတော် သမ္မတရယ်၊ ပြည်သူ့လွှတ်တော် ဥက္ကဋ္ဌရယ်၊ နောက်ပြီးတော့ အားကစား ယဉ်ကျေးမှုနဲ့ လူထု ဆက်ဆံရေး ကော်မတီကိုရော ကျနော်တို့ သက်ဆိုင်ရာဌာန အသီးသီးကို ပေးပို့ပါတယ်။”

အပတ်စဉ်ထုတ် သတင်း ဂျာနယ် နှစ်စောင်ဖြစ်တဲ့ The Voice ဂျာနယ် နဲ့ Envoy ဂျာနယ် တို့ကို ပိတ်ပင်ခံရပြီး နှစ်ရက်အကြာမှာတော့ စာပေစိစစ်နဲ့ မှတ်ပုံတင် ဌာနဟာ ပြီးခဲ့တဲ့ တလကျော်က ထုတ်ဝေခွင့် ယာယီ ရပ်ဆိုင်းခံ ရတဲ့ လျှပ်တပြက် ဂျာနယ်ကို ပြန်လည် ထုတ်ဝေခွင့် ပေးခဲ့ပါတယ်။အပတ်စဉ်ထုတ် သတင်းဂျာနယ် နှစ်စောင် ပိတ်ပင်ခံရမှုနဲ့ ပတ်သက်ပြီး သတင်း မီဒီယာလောက အတွက် လှုပ်ရှားနေတဲ့ အဖွဲ့အစည်း အသီးသီးကလည်း ဂျာနယ်တွေ ပိတ်ပင် ခံရမှုနဲ့ ပတ်သက်ပြီးတော့ သဘောထား ထုတ်ပြန်ချက်တွေ အမျိုးမျိုး ထုတ် ပြန်လာကြပါတယ်။

The Voice ဂျာနယ် နဲ့ Envoy ဂျာနယ်တို့ ပိတ်ပင် ခံရတာကြောင့် သတင်း လွတ်လပ်ခွင့် ကော်မတီ ဖွဲ့စည်းပြီး နိုင်ငံတော် သမ္မတ နဲ့ လွှတ်တော်တွေအထိပါ တောင်းဆိုမှုတွေ ပြု လုပ်သွားမယ့် သတင်းမီဒီယာတွေရဲ့ အခြေအနေနဲ့ ပတ်သက်ပြီး ပြန်ကြားရေး ၀န်ကြီးဌာနကို ဗွီအိုအေ က မေးမြန်းဖို့ ကြိုးစားခဲ့ပေမဲ့ ပြန်ကြားရေးဝန်ကြီးဌာန တာဝန်ရှိသူတွေက သဘောထား မှတ်ချက်ပေးဖို့ ဖုန်းမကိုင်ကြပါဘူး။  

မကြာမီ လွှတ်တော်ထဲမှာ ၁၉၆၂ ပုံနှိပ် ဥပဒေကို အစားထိုးမယ့် ပုံနှိပ် ဥပဒေသစ် တရပ် ပြဌာန်းဖို့ ပြင်ဆင် နေချိန်မှာပဲ အခုလို ပြည်တွင်းက ဂျာနယ် နှစ်စောင်ကို စာပေစိစစ်ရေးက ၁၉၆၂ ပုံနှိပ်ဥပဒေ ရဲ့ ညွှန်ကြားချက် (၄၄) ကို သုံးပြီး ပိတ်ပင်ခဲ့ တာလို့ စာပေစိစစ်က ညွှန်မှူး ဦးတင့်ဆွေက ဇူလိုင်လ ၃၁ ရက်နေ့က ပြောခဲ့ပါတယ်။

ကျူးကျော်နေအိမ်များ မြန်မာ့မီးရထားက ထပ်မံဖယ်ရှား

လင်းကိုကိုထက် | ကြာသပတေးနေ့၊ သြဂုတ်လ ၀၂ ရက် ၂၀၁၂ ခုနှစ် ၁၉ နာရီ ၁၁ မိနစ်

ရန်ကုန် (မဇ္ဈိမ) ။       ။ မြန်မာ့မီးရထားပိုင် နယ်မြေအတွင်းမှ ကျူးကျော် လူနေအိမ်များကို ဖယ်ရှားမှုများ ဆက်တိုက်ပြုလုပ်လျက်ရှိရာ ရန်ကုန်တိုင်း၊ မရမ်းကုန်းမြို့နယ်ရှိ ဈေးဆိုင်ခန်းများနှင့် တွဲလျက်ရှိသော လူနေအိမ် ၁ဝ လုံးကိုလည်း ဗုဒ္ဒဟူးနေ့တွင် အိမ်ရှင်များက ဖျက်သိမ်းပေးလိုက်ရသည်။

အမှတ် ၂ ရပ်ကွက်၊ အောက်ဗဟိုလမ်းရှိ လူနေ ဈေးဆိုင်ခန်းများကို ဇူလိုင် ၃၁ ရက်နှင့် သြဂုတ် ၁ ရက်နေ့များတွင် ဖျက်ပါရန် မီးရထားအာဏာပိုင်များက သတိပေး နှိုးဆော်စာ ပေးပို့အပြီး နေထိုင်သူများ ကိုယ်တိုင် ဖျက်ပေးလိုက်ကြရခြင်း ဖြစ်သည်။

“သူတို့အနေနဲ့ အချိန်ကပ်ပြီးမှ လာပြောတော့ အားလုံး အခက်အခဲ ဖြစ်ကြရပါတယ်။ ဒါပေမယ့် ဦးတို့အနေနဲ့ ဘာမှရွေးချယ်စရာ မရှိဘူး။ ဒီမြေပေါ်မှာ နေလာတာ နှစ်ပေါင်း ၅၀ ကျော်လာပါပြီ။ ဦးတို့ သားတွေ သမီးတွေရဲ့ပညာရေး၊ လူကြီးတွေရဲ့ကျန်းမာရေး၊ စီးပွားရေး အခြေအနေတွေကြောင့် အချိန်နည်းနည်းပေးဖို့ တင်ပြခဲ့တာလည်း မရပါဘူး” ဟု အဖျက်ခံရသော ဈေးဆိုင်ခန်းတခုတွင် နေထိုင်သူ ဦးကျော်မိုး က ပြောသည်။

မြန်မာ့မီးရထားပိုင် နယ်မြေအတွင်းမှ ကျူးကျော် လူနေအိမ်များကို ဖယ်ရှားမှုများ ဆက်တိုက်ပြုလုပ် (ဓါတ်ပုံ မဇ္ဈိမ)

အဖျက်ခံရသော အခြား ဈေးဆိုင်ခန်းတခုတွင် နေထိုင်သော ဒေါ်မာရီယာက “ကိုယ်တိုင်ဖျက်ရင်ဖျက်၊ မဖျက်ရင် သူတို့ ကိုယ်တိုင် ဖျက်မယ်ဆိုပြီးတော့ ပြောလာတယ်။ သူတို့ ဖျက်မယ်ဆိုရင် သစ်တွေ၊ သွပ်တွေ ဘာမှ အကောင်းပြန်ရမှာ မဟုတ်ဘူး။ အဲဒီတော့ မိုးရွာထဲမှာပဲ အန်တီတို့ ကိုယ်တိုင် ဖျက်ရတယ်” ဟု ပြောသည်။

ရဲလုံခြုံရေးနှင့် မီးရထားဌာနဝန်ထမ်းများ အစောပိုင်းက ရောက်လာခဲ့သည်တွင် ဒေသခံများလည်း ဝိုင်းအုံလာသဖြင့် အခြေအနေ တင်းမာသွားခဲ့သေးသည်။  

ထိုသို့ နေအိမ်များ ဖျက်သိမ်းမှုနှင့် စပ်လျဉ်းပြီး မြန်မာ့မီးရထားသို့ မဇ္ဈိမက စုံစမ်းမေမြန်းရာတွင် တိုင်းတာဝန်ခံ ဦးသိန်းနိုင် က “သူတို့ကို ဖယ်ခိုင်းတာပါ။ မြန်မာ့ မီးရထားက ဖျက်တာ မဟုတ်ပါဘူး။ သူတို့အစီအစဉ်နဲ့သူတို့ ဖယ်ခိုင်း တာပါ။ သူတို့ကိုလည်း ကြိုတင် အသိပေးထားပြီးသားပါ။ မြို့နယ်အုပ်ချုပ်ရေးမှူးတွေ၊ ရပ်ကွက်အုပ်ချုပ်ရေးမှူးတွေ၊ စည်ပင်သာယာဌာနက လူတွေပါ ပါပါတယ်” ဟု ဆိုသည်။

ဘူတာရုံများ၊ ခရီးသည် နားနေဆောင်နှင့် မီးရထားလုပ်ငန်းနှင့် ပတ်သက်သော အဆောက်အဦများ ဆောက်လုပ်ရန်မြို့ပတ်ရထား လမ်းတလျှောက်ရှိ ကျူးကျော် အိမ်များနှင့် ဆိုင်ခန်းများကို မြန်မာ့မီးရထား အာဏာပိုင်များက ဆက်လက် ဖယ်ရှားရန် အစီအစဉ်ရှိသေးသည်ဟု ဦးသိန်းနိုင်က ပြောသည်။

ဇူလိုင်လ ၃ဝ ရက်နေ့ကလည်း ရန်ကုန်မြို့၊ ပုဇွန်တောင် ဘူတာရုံအနီးရှိ ကျူးကျော်အိမ် ၁၃ လုံးကို မြန်မာ့ မီးရထား အာဏာပိုင်များက ဖျက်သိမ်းလိုက်သည်။