တစ္ဆေ (ကြည်အေး)
အိပ်လို့မရ
ညကြီးမင်းကြီး၊ ထပြီးထိုင်နေ
မွေ့ရာတွေလည်း၊ကြေမွတွန့်လိပ်
သိပ်စိတ်ညစ်တယ်၊သတိပြယ်လွင့်
ခိုတွယ်စရာ အတည်မရ။
အပြင်ဘက်မှာ
သစ်ရွက်တွေကြား၊ကြယ်လေးငါးပွင့်
စံကားပင်အို၊ကန်ရေစိုစွတ်
ဟိုမှာ လှုပ်လှုပ်၊ငုတ်တုတ်လက်ကမ်း
စမ်းလျှောက်သွားနေ၊မြက်ချုံတွေထ
တစ္ဆေ ငါကိုယ်တိုင်ပါပဲ။
ခုတင်ခြေရင်း
ပြေးနင်းရှပ်ရှပ်၊မတ်တတ်ထလိုက်
ခန်းဝကိုလာ၊၀ရန်တာမှာ
သည်မှာတစ်ယောက်၊တစ္တေခြောက်လှန့်
ကြောက်ကြောက်နှင့်ကြည့်၊မျက်နှာ
တည့်တည့်လှမ်းမြင်၊အော်ငိုချင်မ
တစ်ဆင်တည်းပဲ သူနဲ့ ငါ။
မြစ်နက်ထဲမှာ
ငါရေနစ်မြုပ်၊ချမ်းပြီးကုပ်နေ
ကုက္ကိုကိုင်းကြား၊ငါနေနားလိုက်
ဘုရားရှေ့မှောက်၊ဒူးထောက်ရောက်ြ
မောပန်းလျနှင့်
တစ်ယောက်သောငါ၊ငါများစွာမှ
ထလာ လွင့်ပါး၊ငိုသံပါနှင့်
ဘာမှမကြား၊မောင့်အနားမှာ
“ထသွားစို့ဆို၊မေ့ကိုအိပ်မက်
မမက်ဘူးလား” ၊ တစ္ဆေ ဖြားယောင်း
မှုန်မွှားစိတ်ဝယ် အရိပ်ထင်။
ကြည်အေး
In: ကဗျာ,ကြည်အေး Posted By: poemscorner Date: Jul 2, 2010
By: Boo Taw Shwe
0 comments:
Post a Comment