05.11.2011 နေ့ဖတ်ရန်သတင်းများ
by Myanmar Journal on Saturday, November 5, 2011 at 7:43am

ဂရိ ဝန်ကြီးချုပ် George Papandreou
ဂရိမှာ နိုင်ငံရေး ပြဿနာတွေ အကြီးအကျယ် ရင်ဆိုင်နေရဆဲ
ဂရိနိုင်ငံမှာ ရုတ်ခြည်းပြောင်းလဲမှုတွေ ဖြစ်ခဲ့ပြီး တရက်ကြာမှာ နိုင်ငံရေး ပြဿနာတွေ အကြီးအကျယ် ရင်ဆိုင်နေရဆဲ ဖြစ်ပါတယ်။
ဝန်ကြီးချုပ် George Papandreou ဂျော့ခ်ျ ပါပန် ဒရီယိုရဲ့ ရာထူးမှာ ဆက်မြဲမယ့် ကံကြမ္မာ ကလည်း မသေချာ ပါဘူး။ သူ့အနေနဲ့ ညွန့်ပေါင်း အစိုးရဖွဲ့ဖို့ ဆန္ဒ ပြင်းပြနေပြီး ဒါကို အတိုက်အခံတွေက လက်ခံမယ် ဆိုရင် ဥရောပ သမဂ္ဂရဲ့ စီးပွားရေး ကယ်ဆယ် ကူညီမှုနဲ့ ခြိုးခြံ ချွေတာရေး အစီအစဉ်တွေ အပေါ် လူထုဆန္ဒ ကောက်ခံမယ်ဆိုတဲ့ အငြင်းပွားဖွယ် ဖြစ်နေတဲ့ သူ့အစီအစဉ်ကို ပယ်ဖျက်ဖို့ အသင့်ဘဲလို့ မစ္စတာ ပါပန်ဒရီယိုက ပြောကြားလိုက်ပါတယ်။
ဒါပေမယ့် အတိုက်အခံတွေကတော့ မစ္စတာ ပါပန်ဒရီယို ဝန်ကြီးချုပ် ရာထူးက နှုတ်ထွက် ပေးပြီး ကြားဖြတ် ရွေးကောက်ပွဲ ကျင်းပပေးဖို့ တောင်းဆိုမှုနဲ့ တုန့်ပြန်ခဲ့ပါတယ်။
အာဏာရ ဆိုရှယ်လစ်တွေကတော့ ဒီတောင်းဆိုမှုတွေက ဥရောပ ကယ်ဆယ် ကူညီရေး အစီအစဉ် တခုလုံးကို ထိခိုက် စေလိမ့်မယ်လို့ ပြောပါတယ်။

မြန်မာနိုင်ငံမှာ ၂၀၁၀ နိုဝင်ဘာလက ရွေးကောက်ပွဲကျင်းပခဲ့တာ အခု တနှစ် ကြာခဲ့ပြီဖြစ်ပေမဲ့ ရှိနေဆဲဖြစ်တဲ့ ဆိုးဆိုးရွားရွား လူ့အခွင့်အရေး ချိုးဖေါက်မှုတွေရှိနေတာကို အစိုးရရဲ့ အပြုသဘောဆောင်တဲ့ ဆောင်ရွက်ချက်တွေကြောင့် ဖုံးကွယ်မသွားသင့်ဘူးလို့ Human Right Watch လူ့အခွင့်အရေး စောင့်ကြည့်ရေးအဖွဲ့က နိုဝင်ဘာလ ၃ ရက်နေ့စွဲနဲ့ ထုတ်တဲ့ ကြေညာချက်ထဲမှာ ဖေါ်ပြထားပါတယ်။
အစိုးရသစ်က ပြုပြင်ပြောင်းလဲတဲ့ ဥပဒေတွေ အတည်ပြုတာ၊ မူဝါဒ အပြောင်အလဲ လုပ်မယ်ဆိုပြီး ဂတိပေးထားတာတွေ ရှိပေမဲ့ တကယ်ဟုတ်မဟုတ်ဆိုတာကို မြန်မာပြည်သူတွေ ကိုယ်အခွင့်အရေးကို ကိုယ်ရဖို့ ကြိုးစားတဲ့အခါ အစိုးရက ဘယ်လို့ တုံ့ပြန်သလဲဆိုတာကို ကြည့်ပြီးမှ သိရမှာဖြစ်တယ်လို့ Human Right Watch ရဲ့ အာရှဒေသဆိုင်ရာ လက်ထောက် ညွှန်ကြားရေးမှူးက ပြောပါတယ်။
နာမည်ခံ အရပ်သားအုပ်ချုပ်မှု ပထမနှစ်တွင်း ပြုပြင်ပြောင်းလဲရေးတွေ အများကြီးကြေညာခဲ့သလို ပြည်တွင်စစ်ဖြစ်နေတဲ့ နေရာတွေမှာ အရပ်သားတွေအပေါ် ရက်စက်မှုတွေ နိုင်ငံရေးအကျဉ်းသားတွေကို ညှင်းပန်းမှုတွေနဲ့ မတရားဖိနှိပ်မှုတွေကို တရားရုံးတွေက အကာအကွယ်ပေးနေဆဲဘဲလို့ သူကပြောဆိုခဲ့ပါတယ်။

သူတို့ကို သံမဏိ ပြွန်တခုထဲထည့်ပြီး ဂိုဒေါင် တခုထဲမှာ ထားရှိခဲ့တာ ဖြစ်ပါတယ်
အင်္ဂါဂြိုဟ်ကို သွားရောက်မယ့် အာကာသ ယာဉ်မှူး ၆ ဦးကို လေ့ကျင့်တဲ့အနေနဲ့ ဘယ်သူနဲ့မှ ပေးမတွေ့ဘဲ ရက်ပေါင်း ၅၀၀ ကြာ အာကာသယာဉ် အခန်းတခုထဲမှာ သီးသန့်ခွဲထားရာကနေ အခုတော့ ပြန်ထွက် လာကြပြီ ဖြစ်ပါတယ်။
သူတို့ဟာ ရုရှား၊ ဥရာပနဲ့ တရုတ်နိုင်ငံက အာကာသ ယာဉ်မှူးတွေ ဖြစ်ကြပြီး၊ ရုရှားနိုင်ငံ မော်စကိုမြို့တော်က အာကာသယာဉ် အခန်း တခု ထဲကနေ အခုလို ပြန်ထွက်လာ ကြတဲ့ အခါ ပြုံးရွှင်နေကြပါတယ်။
သူတို့ကို သံမဏိ ပြွန်တခုထဲထည့်ပြီး ဂိုဒေါင်တခုထဲမှာ ထားရှိခဲ့တာ ဖြစ်ပါတယ်။
အင်္ဂါဂြိုဟ်ကို အာကာသ ခရီးရှည်သွားတဲ့ အခါ ကြုံတွေ့ရမယ့်အတိုင်း အခန်းအနေ အထားနဲ့ ဖိအားပုံစံ ပြုလုပ်ထားတာ ဖြစ်ပြီး သူတို့ကို ဝတ်စုံတွေ ဝတ်စေကာ ထည့်ထား ခဲ့တာ ဖြစ်ပါတယ်။

ဆွေးနွေးပွဲကို NLD ပါတီ ခေါင်းဆောင် ဒေါ်အောင်ဆန်းစုကြည်လည်း တက်ရောက်ခဲ့
မြန်မာနိုင်ငံက စီးပွားရေး၊ လူမှုရေးဆိုင်ရာ ပညာရှင်တွေနဲ့ စီးပွားရေး လုပ်ငန်းရှင်ကြီး တွေက ကမကထပြုပြီး ကျင်းပတဲ့ အစိမ်းရောင်စီးပွားရေး အစိမ်းရောင် ဖွံ့ဖြိုးရေးလို့ တင်စားခေါ်တဲ့ Green Economy & Development ဆွေးနွေးပွဲ တစ်ရပ်ကို နေပြည်တော်နဲ့ ရန်ကုန် နှစ်ဌာန ခွဲလို့ ကျင်းပခဲ့ရာ သောကြာနေ့မှာ ပြီးဆုံး သွားခဲ့ပါပြီ။
ရန်ကုန်မြို့ ဆွေးနွေးပွဲကို အမျိုးသား ဒီမိုကရေစီအဖွဲ့ချုပ် NLD ပါတီ ခေါင်းဆောင် ဒေါ်အောင်ဆန်းစုကြည်လည်း တက်ရောက် ခဲ့တဲ့အပေါ် ဝမ်းသာကြိုဆိုကြောင်း၊ ပွဲ ဖြစ်မြောက်ရေး ညှိနှိုင်းဆောင်ရွက် ပေးသူတဦး ဖြစ်တဲ့၊ မြန်မာနိုင်ငံဆိုင်ရာ UNDP ဌာနေ ကိုယ်စားလှယ် လုပ်ခဲ့ဖူးသူ ဦးကျော်လွင်လှက ပြောပြပါတယ်။
ဒေါ်အောင်ဆန်းစုကြည်ကိုယ်၌က ဒီဆွေးနွေးပွဲအပေါ် အားရမှု ရှိကြောင်းကိုလည်း သူက ဆက်ပြောပါတယ်။
ဒီကနေ့ ဆွေးနွေးပွဲမှာ မူဝါဒတွေ၊ လုပ်ငန်းဗျူဟာတွေနဲ့ တင်ပြချက်တွေကို ဘယ်လို အောင်မြင်အောင် အကောင်အထည် ဖေါ်ကြမလဲ ဆိုတာကို ဆွေးနွေးခဲ့ ကြတာဖြစ်ပြီး အခု တင်ပြဆွေးနွေးခဲ့တာတွေကို ပြည်သူလူထု အနည်းဆုံး ၆၀ ရာခိုင်နှုန်းလောက် နားလည်မှသာ အောင်မြင်မှုရမှာ ဖြစ်ကြောင်း ဦးကျော်လွင်လှက ပြောပါတယ်။
အစိုးရပိုင်းကလည်း အခုဆွေးနွေးပွဲအပေါ် အတော်လည်း အားကျသလို ထောက်ခံမှုလည်း ပေးတဲ့အတွက် မယုံနိုင်အောင် ဖြစ်ရတယ်လို့ သူက ဆိုပါတယ်။ ဒီပွဲမှာ သမ္မတရဲ့ မိန့်ခွန်းကို သဘာဝပတ်ဝန်းကျင်နဲ့ သစ်တောရေးရာ ပြည်ထောင်စုဝန်ကြီးက ဖတ်ကြားခဲ့တာ ဖြစ်ပါ တယ်။
အစိမ်းရောင်စီးပွားရေးနဲ့ ပတ်သက်ပြီး၊ သဘာဝပတ်ဝန်းကျင်နဲ့ ဆိုင်တဲ့ ကိစ္စရပ်တွေကို လုပ်ဆောင်ရာမှာ ပိတ်ဆို့အရေးယူမှုတွေ ရှိလည်း မဆိုင်ကြောင်းကို သူက ဆက်ရှင်းပြပါ တယ်။

ဂရိနိုင်ငံ အနေနဲ့ အမျိုးသားညီညွတ်ရေး အစိုးရတရပ်ကို ဖွဲ့စည်းပြီး ယူရိုငွေကြေး သုံး နိုင်ငံတွေထဲမှာ ဆက်ရှိနေဖို့ မျှော်လင့် ကြောင်း ဥရောပကော်မရှင်ဥက္ကဌ ဂျိုဆေး မန်နျူရယ် ဘာရိုဆိုက ပြောကြား လိုက်ပါ တယ်။
ဒါပေမယ့်လည်း ဘီဘီစီနဲ့ ပြောကြားရာမှာတော့ မစ္စတာ ဘာရိုဆိုက ဂရိဟာ ယူရိုဇုန် ကနေ ထွက်ခွာဖို့ အခြေအနေတွေလည်း ရှိနေတယ်လို့ ဝန်ခံ ပြောကြားပါတယ်။
ကြာသပတေးနေ့ကလည်း ပြင်သစ်သမ္မတ နီကိုးလက်စ် ဆာကိုဇီက ယူရိုငွေ ပျက်သုဉ်းခဲ့မယ် ဆိုရင် ဥရောပ စီးပွားရေးလည်း ပျက်စီးသွားလိမ့်မယ်လို့ သတိပေး ပြောကြားခဲ့ပါတယ်။
ပြင်သစ်နိုင်ငံ ကန်းမြို့မှာ ကျင်းပနေတဲ့ G20 အစည်းအဝေး ဒုတိယမြောက်ဖြစ်တဲ့ သောကြာနေ့မှာတော့ ခေါင်းဆောင်တွေဟာ ယူရိုဇုန် အကျပ်အတည်း ထွက်ပေါက်ရရေး အတွက် နည်းလမ်းတွေကို ရှာဖွေနေကြပါတယ်။
ဆန္ဒခံယူမယ့် အစီအစဉ် ဖျက်ပြီ
အတိုက်အခံတွေက မစ္စတာပါပန်ဒီယို နှုတ်ထွက် ပေးဖို့ တောင်းဆိုထားပါတယ်
ဂရိနိုင်ငံမှာတော့ ဥရောပက ကူညီမယ့် အစီ အစဉ်အတွက် ခြိုးခြံ ချွေတာရေး လုပ်မယ့် အစီအစဉ် အပေါ် လူထုဆန္ဒခံယူပွဲ ကျင်းပမယ့် ဆိုတာကို ပယ်ဖျက်လိုက်ပြီ ဖြစ်တယ်လို့ ဂရိ ဘဏ္ဍာရေး ဝန်ကြီးက ပြောကြားလိုက်ပါတယ်။
ဝန်ကြီးချုပ် ဂျော့ ပါပန်ဒီယိုရဲ့ ဆန္ဒခံယူပွဲ လုပ်မယ်ဆိုတဲ့ တနင်္လာနေ့က တင်ပြချက် ကြောင့် အစုရှယ်ယာ ဈေးကွက်တွေမှာ ကသောင်းကနင်း ဖြစ်ခဲ့ရပါတယ်။
အကူအညီပေးရေး အစီအစဉ်တခုလုံး ပျက်ပြားတော့မယ့် အနေအထားမျိုး ဖြစ်ခဲ့ရတာ ကြောင့် ဥရောပ ခေါင်းဆောင်တွေကလည်း အမျက်ထွက်ခဲ့ကြပါတယ်။
အတိုက်အခံတွေကတော့ မစ္စတာ ပါပန်ဒီယို နှုတ်ထွက်ပေးပြီး ချက်ခြင်းဆိုသလို ရွေးကောက်ပွဲ ကျင်းပဖို့ တောင်းဆိုထားပါတယ်။
သောကြာနေ့ နှောင်းပိုင်း တင်သွင်းဖို့ရှိတဲ့ အယုံအကြည်မရှိအဆို အတွက် ဝန်ကြီးချုပ် ဂျော့ပါပန်ဒီယို အနေနဲ့ ထောက်ခံမဲ အလုံအလောက်ရဖို့ လိုအပ်နေပါတယ်။

မစ္စတာ နမ်ဘီးယားဟာ မြန်မာနိုင်ငံ အခြေ အနေနဲ့ ပတ်သက်ပြီး တော်တော် အကောင်း မြင်တယ်လို့ ဆိုနိုင်ပါတယ် ။
သူ့ရဲ့ သတင်းစာရှင်းလင်းပွဲမှာ ပြောကြားခဲ့တဲ့ စကား အဆုံးမှာ မစ္စတာ နမ်ဘီးယား ပြောသွားတာကတော့ အစိုးရရဲ့ ပြုပြင်ပြောင်းလဲရေး အစီအစဉ်ဟာ မြန်မာနဲ့ နိုင်ငံတကာ အသိုင်းအဝိုင်းအကြား အပြန်အလှန် နားလည်မှုကို များစွာ တိုးတက်ရရှိစေနိုင်ဖို့ ၊ မြန်မာနဲ့ ကုလသမဂ္ဂအကြား အတူလက်တွဲ ဆောင်ရွက်နိုင်ဖို့အတွက် တခါမှ မကြုံဖူးတဲ့ အထူးအခွင့်အလမ်းကို ပေးအပ်ခဲ့ကြောင်း၊ဒီလို ဆောင်ရွက်မှုမျိုးကို ဆက်လက်ပြီး ပြုလုပ်သွားဖို့ကို ကုလသမဂ္ဂက အထူး အားပေး လိုပါတယ်လို့လည်း သူကဆိုပြီး ဒီလို ဆောင်ရွက်တဲ့ နည်းဟာသာ မြန်မာ အစိုးရရဲ့ ပြုပြင် ပြောင်းလဲမှုအပေါ် ပြည်တွင်း ပြည်ပရဲ့ ယုံကြည်မှု ရရှိစေနိုင်မဲ့ အကောင်းဆုံး နည်းလမ်းဖြစ်တယ်လို့လည်း ပြောဆိုသွားပါတယ်။
မစ္စတာနမ်ဘီးယားရဲ့ ပြောဆိုချက်တွေထဲမှာ တောင်းဆိုပါတယ် တိုက်တွန်းပါတယ်ဆိုတဲ့ပြောဆိုမှုမျိုးကို မတွေ့ရဘဲ အားပေးပါတယ်ဆိုတဲ့ ပြောဆိုမှုမျိုးကိုသား သုံးနှုန်းပြောဆိုသွားတာလည်း တွေ့ရပါတယ်။
လွတ်ငြိမ်းချမ်းသာခွင့်လုပ်ငန်းစဉ်ရဲ့ တစိတ်တဒေသ အဖြစ် ကျန်နေသေးတဲ့ နိုင်ငံရေးအကျဉ်းသား တွေ လွှတ်ပေးရေး၊ နိုင်ငံရေးပါတီ မှတ်ပုံတင်ခွင့်နဲ့ ပတ်သက်ပြီး ပြောင်းလဲ အဆိုပြုထားတဲ့ ဥပဒေကို အကောင်အထည်ပေါ်လာအောင် ဆောင်ရွက်ရေးတို့ဟာ ဦးစားပေး ဆောင်ရွက်နိုင်တဲ့ ဆောင်ရွက်သင့်တဲ့ ခြေလှမ်းတွေ ဖြစ်တယ်လို့ပြောလို့ သူ့ရဲ့ ဒီစကားအရ ကျန်ရှိနေတဲ့ နိုင်ငံရေး အကျဉ်းသားတွေကိုလည်း လွှတ်ပေးမယ်လို့ သူက ယုံကြည်ထားပုံရပါတယ်။ အဲသလို ကတိစကားမျိုး သူ့အနေနဲ့ ကြားခဲ့ရတာမျိုး ရှိမရှိကိုတော့ အတိအကျ ထည့်သွင်း ပြောဆိုသွား တာမျိုး မတွေ့ရပါဘူး။
ကုလသမဂ္ဂ အတွင်းရေးမှူးချုပ်နဲ့ သမ္မတ ဦးသိန်းစိန်တို့ဟာ လေးကြိမ်မြောက် ကုလသမဂ္ဂ အာဆီယံ ထိပ်သီး ဆွေးနွေးပွဲမှာ တွေ့ဆုံကြမယ်လို့လည်း သူက ဆိုသွားပါတယ်။
သူ့ခရီးစဉ်မှာ အစိုးရဘက်က ဒုတိယ သမ္မတ ဦးတင်အောင်မြင့်ဦး အမျိုးသားလွှတ်တော် ဥက္ကဌ ဦးခင်အောင်မြင့် နိုင်ငံခြားရေးဝန်ကြီး ဦးဝဏ္ဏမောင်လွင် အလုပ်သမားဝန်ကြီး ဦးအောင်ကြည်တို့နဲ့ တွေ့ဆုံခဲ့တဲ့ အပြင် ဒေါ်အောင်ဆန်းစုကြည်နဲ့လည်း တွေ့ခဲ့ပါတယ်။

အမေရိကန်နိုင်ငံရဲ့ မြန်မာနိုင်ငံဆိုင်ရာ အထူးသံတမန် မစ္စတာ ဒဲရစ် မစ်ချယ် နဲ့ အမေရိကန် နိုင်ငံခြားရေး ဌာန ဒီမို ကရေစီရေး၊ လူ့အခွင့်အရေး နဲ့ အလုပ်သမားဆိုင်ရာ လက်ထောက် နိုင်ငံခြားရေးဝန်ကြီး မိုက်ကယ် ပေါ့စနာ တို့ဟာ သောကြာနေ့ ညနေပိုင်းက အမျိုးသား ဒီမိုကရေစီ အဖွဲ့ ချုပ် ခေါင်းဆောင် ဒေါ်အောင်ဆန်း စုကြည် နဲ့ တွေ့ဆုံ ခဲ့ ပါတယ်။
သူတို့ တွေ့ဆုံပွဲ အပြီး သတင်းစာ ရှင်းလင်းပွဲ မှာတော့ ဆွေးနွေးမှု အသေးစိတ် ကို မထုတ်ပြန် ခဲ့ပေမဲ့ တွေ့ဆုံမှု ဟာ အခြေအနေ ကောင်းကြောင်း နဲ့ တိုးတက်မှု တွေ ရှိကြောင်း ပြောကြပါတယ်။
အမေရိကန် အစိုးရ အရာရှိ ၂ ဦး ဟာ ဒေါ်အောင်ဆန်းစုကြည် နဲ့ တွေ့ဆုံ ပြီးတဲ့နောက် အမျိုးသား ဒီမိုကရေစီ အဖွဲ့ ချုပ် ဦးဆောင်ကော်မီတီဝင် တွေနဲ့လည်း တွေ့ဆုံ ခဲ့ပြီး အမျိုးသား ဒီမိုကရေစီ အဖွဲ့ ချုပ် ရဲ့ ခေါင်းဆောင် တချို့ က အခုဖြစ်ပေါ်တိုးတက် နေတဲ့ နိုင်ငံရေး ဖြစ်စဉ်မှာ လိုအပ်ချက် တွေကို ထောက်ပြ ပြောဆို ခဲ့တယ် လို့ အဖွဲ့ချုပ် ရဲ့ ပြောခွင့်ရ ပုဂ္ဂိုလ် ဦးဉာဏ်ဝင်း က ပြောပါတယ်။
မြန်မာနိုင်ငံ ကို အမေရိကန် အစိုးရ ပိုင်း ရဲ့ ကိုယ်စားလှယ် တွေ အခုရက်ပိုင်း အတွင်း လာရောက် ခဲ့ သလို ၊ ကုလသမဂ္ဂ အထွထွေ အတွင်းရေးမှူးချုပ် ရဲ့ မြန်မာနိုင်ငံ ဆိုင်ရာ အထူး အကြံပေး လည်း လာရောက် ခဲ့ပါတယ်။
အမေရိကန် အစိုးရ အရာရှိ ၂ ဦး ဟာ သိတ်မကြာသေးတဲ့ ကာလ က အကျဉ်းထောင် တွေ ထဲက နေ သမ္မတ ရဲ့ လွတ်ငြိမ်း ချမ်းသာခွင့် နဲ့ လွတ်မြောက်လာတဲ့ ကိုဇာဂနာ အပါအဝင် နိုင်ငံရေး အကျဉ်းသား ဟောင်း ၆ ဦး နဲ့လည်း သောကြာ နေ့ က တွေ့ဆုံ ခဲ့ပြီး အကျဉ်း ထောင်တွင်း အခြေအနေ တွေကို မေးမြန်းသွားတယ် လို့ သိရ ပါတယ်။
တိုင်းရင်းသားအရေး တိုးတက်ဖို့ လိုသေးတယ်လို့ ကုလကိုယ်စားလှယ်က ဝေဖန်
2011-11-04
အားရစရာ အပိုင်းတွေရှိပေမဲ့ တိုင်းရင်းသား အရေးကိစ္စတွေမှာ ပြုပြင်ပြောင်းလဲ တိုးတက်ဖို့ လိုသေးတယ်လို့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးကိုယ်စားလှယ် ဗီဂျေးနမ်ဘီးယားက ဒီနေ့ ပြောလိုက်ပါတယ်။
မြန်မာနိုင်ငံ သုံးရက်ကြာ ခရီးစဉ် နောက်ဆုံးနေ့ ရန်ကုန် အပြည်ပြည်ဆိုင်ရာ လေဆိပ်မှာလုပ်တဲ့ သတင်းစာရှင်းလင်းပွဲမှာ အဲဒီလို ပြောကြားတာလို့ ကိုယ်တိုင် သတင်းသွားယူခဲ့တဲ့ သတင်းထောက် တစ်ဦးက ပြောပြပါတယ်။မစ္စတာ နမ်ဘီးယားဟာ နေပြည်တော်မှာ အစိုးရ ထိပ်တန်း တာဝန်ရှိသူတွေနဲ့ တွေ့ဆုံ ဆွေးနွေးသလို မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့ တက္ကသိုလ်ရိပ်သာလမ်း နေအိမ်မှာ မနေ့ ညနေပိုင်းက တွေ့ဆုံဆွေးနွေးခဲ့ပါတယ်။ဒီနေ့မွန်းလွဲပိုင်းမှာ မြန်မာနိုင်ငံက ပြန်လည် မထွက်ခွာခင် မနက်ပိုင်းမှာ နိုင်ငံရေးပါတီတချို့နဲ့ တွေ့ဆုံခဲ့တယ်လို့ ရန်ကုန်မြို့ UNDP ကုလသမဂ္ဂ အစီအစဉ်ရုံး ပြောခွင့်ရသူ ဦးအေးဝင်းက ပြောပါတယ်။မစ္စတာ နမ်ဘီးယားဟာ မြန်မာနိုင်ငံကို အောက်တိုဘာ ၃၁ ရက်က ရောက်ရှိလာတာပါ။ သူ့ခရီးစဉ်ဟာ ဦးသိန်းစိန် အစိုးရလက်ထက်မှာ ပထမဆုံး လာရောက်တဲ့ ခရီးစဉ်ဖြစ်ပါတယ်။၂၀၁၀ ရွေးကောက်ပွဲအပြီး နိုဝင်ဘာလမှာ မစ္စတာ နမ်ဘီးယား မြန်မာနိုင်ငံ ရောက်လာပြီး အဲဒီတုန်းက စစ်အစိုးရ တာဝန်ရှိသူတွေနဲ့ရော နေအိမ်အကျယ်ချုပ်က လွတ်မြောက်ခါစ ဒေါ်အောင်ဆန်းစုကြည်နဲ့ပါ တွေ့ဆုံခဲ့ပါတယ်။
လက်ရှိ မြန်မာ့နိုင်ငံရေး အခြေနေများ အမေရိကန် ကိုယ်စားလှယ်အဖွဲ့ မေးမြန်းခဲ့
2011-11-04
အမေရိကန် လက်ထောက် နိုင်ငံခြားရေးဝန်ကြီးနဲ့ မြန်မာနိုင်ငံဆိုင်ရာ အမေရိကန် အထူးကိုယ်စားလှယ်တို့ ဒီကနေ့ မနက်ပိုင်းက နိုင်ငံရေး အကျဉ်းသားဟောင်းတွေ နိုင်ငံရေး လှုပ်ရှားသူတွေနဲ့ တွေ့ဆုံတယ်လို့ သိရပါတယ်။
အဲဒီလို တွေ့ဆုံရာမှာ မြန်မာနိုင်ငံ အကျဉ်းထောင်တွေအတွင်းက အခြေအနေများနဲ့ မြန်မာနိုင်ငံရေး လက်ရှိ အခြေအနေတွေကို ဆွေးနွေးဖြစ်တယ်လို့ သိရပါတယ်။အမေရိကန် ကိုယ်စားလှယ်အဖွဲ့ဟာ ကိုဇာဂနာ၊ မစုစုနွေးတို့ အပါအဝင် နိုင်ငံရေး အကျဉ်းသားဟောင်း ၆ ဦးနဲ့ မနက် ၁၁နာရီမှာ တွေ့ဆုံခဲ့သလို မွန်းလွဲပိုင်းမှာ ကိုကျော်သူ၊ ကိုဇေယျာသော်၊ ဒေါ်နော်အုန်းလှ၊ ကိုမျိုးရန်နောင်သိန်း၊ ကိုတိုးကျော်လှိုင်၊ ကိုမောင်မောင်လေး စတဲ့ ပုဂ္ဂိုလ်တွေနဲ့ တွေ့ဆုံခဲ့ပါတယ်။တွေ့ဆုံပွဲမှာ နိုင်ငံရေး အကျဉ်းသားတွေနဲ့ ပတ်သက်ပြီး တင်ပြစရာ ရှိတာတွေကို တင်ပြခဲ့သလို အမေရိကန် ဘက်ကလည်း မြန်မာအစိုးရကို တိုက်တွန်း ပြောကြားတာတွေ လုပ်မယ်လို့ ဆိုကြောင်း ပထမ တွေ့ဆုံပွဲမှာ ပါဝင်တဲ့ နိုင်ငံရေး အကျဉ်းသားဟောင်း ကိုကိုကြီးက ပြောပါတယ်။
ကျယ်ပြန့်တဲ့ နိုင်ငံရေး လုပ်ငန်းစဉ်တွေ ချမှတ် ဆောင်ရွက်ဖို့ လိုတယ်လို့ ကုလသမဂ္ဂ အကြံပြု
2011-11-04
ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေး အရာရှိ Mr. Vijay Nambir က ၅ ရက်ကြာ ခရီးစဉ်အပြီး ဒီကနေ့ ကြေညာချက် တစ်စောင် ထုတ်ပြန်လိုက်ပါတယ်။
ဒီခရီးစဉ်ရဲ့ အဓိက ရည်ရွယ်ချက်က သမ္မတ ဦးသိန်းစိန် ဦးဆောင်တဲ့ ပြုပြင်ပြောင်းလဲရေးဆိုင်ရာ အရေးပါတဲ့ ခြေလှမ်းတွေနဲ့ ပတ်သက်ပြီး ကုလသမဂ္ဂ အတွင်းရေးမှူးချုပ်အနေနဲ့ ကျေနပ်အားရတယ် ဆိုတာကို မြန်မာခေါင်းဆောင်တွေနဲ့ သက်ဆိုင်သူ အားလုံးကို တိုက်ရိုက် ပြောကြားဖို့ ဖြစ်တယ်လို့ Mr. Vijay Nambir က ပြောပါတယ်။အမျိုးသား ညီညွတ်ရေးအတွက် အားလုံးပါဝင်ပြီး ကျယ်ပြန်တဲ့ နိုင်ငံရေးလုပ်ငန်းစဉ်တွေ ချမှတ်လုပ်ဆောင်ဖို့ ကုလသမဂ္ဂအနေနဲ့ တိုက်တွန်းကြောင်း၊ ကျန်ရှိနေသေးတဲ့ နိုင်ငံရေး အကျဉ်းသားတွေ လွှတ်ပေးရေးနဲ့ နိုင်ငံရေးပါတီ မှတ်ပုံတင်ဥပဒေ ပြင်ဆင်ရေးဆွဲရေး ကိစ္စတွေကို အဓိက ဦးစားပေး လုပ်ငန်းတွေအဖြစ် ဆောင်ရွက်သင့်ကြောင်းလည်း Mr. Vijay Nambir ရဲ့ ထုတ်ပြန်ချက်မှာ ဆက်လက် ဖော်ပြထားပါတယ်။မြန်မာနိုင်ငံ ဒီမိုကရေစီ အသွင်ကူးပြောင်းရေးမှာ နိုင်ငံတကာရဲ့ နားလည် သဘောပေါက်မှု အားပေးထောက်ခံမှု လိုအပ်တယ် ဆိုတာကို အတွင်းရေးမှူးချုပ်နဲ့ ကုလသမဂ္ဂ အဖွဲ့ကြီးက ခံယူထားကြောင်း၊ မြန်မာအစိုးရရဲ့ ပြုပြင်ပြောင်းလဲရေး အစီအစဉ်တွေဟာ မြန်မာနိုင်ငံနဲ့ နိုင်ငံတကာ အဝန်းအဝိုင်း အကြားမှာရော၊ မြန်မာနိုင်ငံနဲ့ ကုလသမဂ္ဂ အကြားမှာပါ အပြန်အလှန် နားလည် သဘောပေါက်မှု ရရှိစေပြီး မြန်မာနိုင်ငံနဲ့ ကုလသမဂ္ဂ ရှေ့ဆက် ပူးပေါင်းဆောင်ရွက်ဖို့ အခွင့်အလမ်းတွေ ရရှိစေကြောင်းလည်း Mr. Vijay Nambir ရဲ့ ထုတ်ပြန်ချက်မှာ ဖော်ပြထားပါတယ်။
အမေရိကန်ကိုယ်စားလှယ်တွေနဲ့ အင်အယ်လ်ဒီ ပါတီခေါင်းဆောင်တွေ ဆွေးနွေး
2011-11-04
အမေရိကန်အစိုးရ ကိုယ်စားလှယ်တွေနဲ့ အင်အယ်လ်ဒီ ပါတီခေါင်းဆောင်တွေ ဒီကနေ့ တွေ့ဆုံရာမှာ မြန်မာ့နိုင်ငံရေး ဖြစ်ပေါ် တိုးတက်မှုတွေ လုံလောက်မှု မရှိသေးကြောင်း ထည့်သွင်း ပြောဆိုခဲ့တယ်လို့ သိရပါတယ်။
အမေရိကန် လက်ထောက် နိုင်ငံခြားရေးဝန်ကြီး (မိုက်ကယ် ပေါ့စ်နာ)နဲ့ မြန်မာနိုင်ငံဆိုင်ရာ အမေရိကန်အစိုးရ အထူး ကိုယ်စားလှယ် (ဒဲရက် မစ်ချဲလ်)တို့ဟာ အင်အယ်လ်ဒီ ပါတီခေါင်းဆောင်တွေကို ဒီကနေ့ညနေပိုင်းက ဒေါ်အောင်ဆန်းစုကြည် နေအိမ်မှာ တွေ့ဆုံခဲ့ပါတယ်။ ဆွေးနွေးပွဲအပြီး ပြုလုပ်တဲ့ သတင်းစာ ရှင်းလင်းပွဲမှာ ဒေါ်အောင်ဆန်းစုကြည်က အခုလိုပြောဆိုခဲ့ပါတယ်။“မြန်မာနိုင်ငံ တိုးတက်ရေးနဲ့ ပတ်သက်တဲ့ ကိစ္စတွေ ဆွေးနွေးတာပါ။ ဒီမိုကရေစီနဲ့ ပတ်သက်လို့ တချို့တိုးတက်မှုတွေ ရှိသလို လိုအပ်သလောက်လည်း မရှိသေးဘူး ဆိုတာတော့ ဒါလည်း အမြဲ ပြောလာတဲ့ ကိစ္စ”အမေရိကန် ကိုယ်စားလှယ်တွေရဲ့ မြန်မာပြည် ခရီးစဉ်ဟာ နိုင်ငံရေး အကျဉ်းသားတွေ ပြန်လွှတ်ပေးရေး အပါအ၀င် တိုင်းရင်းသား လက်နက်ကိုင် ပဋိပက္ခ ပြဿနာနဲ့ မြန်မာအစိုးရရဲ့ နိုင်ငံရေး ပြုပြင် ပြောင်းလဲမှုတွေကို လေ့လာဖို့ ဖြစ်တယ်လို့ အမေရိကန် အစိုးရက သတင်းထုတ်ပြန် ခဲ့ပါတယ်။အမေရိကန် ကိုယ်စားလှယ်တွေနဲ့ အန်အယ်လ်ဒီ ပါတီခေါင်းဆောင်တွေ တွေ့ဆုံရာမှာလည်း အမေရိကန် ကိုယ်စားလှယ်တွေက မြန်မာနိုင်ငံမှာ အမျိုးသား ပြန်လည်သင့်မြတ်ရေးကိစ္စ အမြန်ဆုံး ပေါ်ပေါက်လာအောင် သူတို့အနေနဲ့ မြန်အစိုးရကို တိုက်တွန်း ဆွေးနွေးခဲ့တယ်လို့ ရှင်းပြခဲ့ကြောင်း NLD ပါတီ ဒုဥက္က္ကဋ္ဌ ဦးတင်ဦးက ဆိုပါတယ်။အမေရိကန်ရဲ့ ထိတွေ့ ဆက်ဆံရေးမူဝါဒအရ အမေရိကန် ကိုယ်စားလှယ်တွေ အနေနဲ့ မြန်မာအစိုးရနဲ့ နောက်ထပ် ဆွေးနွေးမှုတွေ ဆက်လုပ်သွားမယ်လို့လည်း သိရပါတယ်။
ကမ္ဘာ့စီးပွားရေး တည်ငြိမ်မှု G-20 အလေးထား
By ဗွီအိုအေ (မြန်မာဌာန)
ပြင်သစ်နိုင်ငံမှာ နောက်ဆုံးနေ့အဖြစ်ကျင်းပနေတဲ့ G-20 စက်မှုအင်အားကြီးနဲ့ စီးပွားရေးထွန်းသစ်စနိုင်ငံတွေရဲ့ ထိပ်သီးညီလာခံမှာ ကမ္ဘာ့စီးပွားရေး တည်ငြိမ်ရေးကိစ္စကို အဓိက အာရုံစိုက်ဆွေးနွေးနေကြပါတယ်။ ၂ ရက် ကျင်းပတဲ့ ထိပ်သီးညီလာခံမှာ ပထမနေ့ကတော့ ဂရိနိုင်ငံက နိုင်ငံရေး အရှုပ်အထွေးကြောင့် ယူရိုငွေကြေး သုံးစွဲတဲ့ နိုင်ငံတွေအားလုံး စီးပွားရေးကပ် ဆိုက်သွားနိုင်တဲ့ ခြိမ်းခြောက်မှုကိစ္စကို အကြီးအကျယ် ဆွေးနွေးခဲ့ကြတာပါ။
ဒီကနေ့ ဆွေးနွေးမှုတွေမှာတော့ ပြည်တွင်းစားသုံးမှု ပိုတိုးတက်လာအောင် မြှင့်တင်ပေးရေး၊ နိုင်ငံတကာ ငွေကြေးရန်ပုံငွေအဖွဲ့ရဲ့ အရင်းအမြစ်တွေ တိုးပွားရေးကိစ္စတွေကို ကမ္ဘာ့စီးပွားရေး အင်အားအကြီးဆုံး နိုင်ငံ့ခေါင်းဆောင်တွေ အဓိကထား ဆွေးနွေးကြလိမ့်မယ်လို့ ခန့်မှန်းရပါတယ်။ ဒီဆောင်ရွက်မှု နှစ်ချက်စလုံးဟာ ဥရောပ အကြွေးပြဿနာရဲ့ ကမ္ဘာကြီးအပေါ်သက်ရောက်မှု သက်သာအောင်ကြိုးစားတဲ့ ဆောင်ရွက်မှုတွေ ဖြစ်ပါတယ်။
ကမ္ဘာ့ငွေကြေးဈေးကွက် တည်ငြိမ်ရေး၊ ခိုင်မာတဲ့ ငွေကြေးဆိုင်ရာ စည်းမျဉ်းဥပဒေတွေ လက်တွေ့ အကောင်အထည်ဖော်ရေးတွေကိုလည်း အာရုံစိုက်ဆွေးနွေးမယ်လို့ မျှော်လင့်ရပါတယ်။
နိုင်ငံရေးအကျဉ်းသား လွှတ်ပေးရေး အမေရိကန် ဆက်လက်ဖိအားပေး
By မသင်းသီရိ
မြန်မာနိုင်ငံမှာ နိုင်ငံရေးအကျဉ်းသားအားလုံး မလွှတ်ပေးသေးတာဟာ ဒီမိုကရေစီစနစ် ပေါ်ထွန်းလာဖို့ အတွက် အတားအဆီးတွေ ဖြစ်နေသေးသလို နိုင်ငံရေး အကျဉ်းသားအားလုံး အမြန်လွှတ်ပေးရေးအတွက် မြန်မာအစိုးရကို ဘယ်လိုဆက်ပြီး ဖိအားပေးဆောင်ရွက်ဖို့လိုမလဲ ဆိုတာကို သုံးသပ်စဉ်းစားသွားမယ်လို့ အခု မြန်မာနိုင်ငံကိုရောက်နေတဲ့ အမေရိကန် အဆင့်မြင့်သံတမန်တွေက ပြောပါတယ်။ သူတို့တွေဟာ မကြာသေးခင်ကမှ လွတ်မြောက်လာတဲ့ နိုင်ငံရေးအကျဉ်းသားတွေနဲ့တွေ့ဆုံပြီး အကျဉ်းထောင် အခြေအနေတွေ မေးမြန်းခဲ့သလို လူမှုရေးနဲ့ နိုင်ငံရေးမှာ ပါဝင်နေသူတချို့နဲ့လည်း တွေ့ဆုံပြီး မြန်မာ့အရေး ပြောဆိုခဲ့ပါတယ်။ သတင်းအပြည့်အစုံကို မသင်းသီရိက တင်ပြထားပါတယ်။
မြန်မာနိုင်ငံကိုရောက်နေတဲ့ အမေရိကန် လက်ထောက်နိုင်ငံခြားရေးဝန်ကြီး မိုင်ကယ်ပို့စနာ နဲ့ မြန်မာနိုင်ငံ ဆိုင်ရာ အမေရိကန် အထူးကိုယ်စားလှယ် မစ္စတာ ဒဲရက်မစ်ချဲလ် တို့ နှစ်ဦးစလုံးဟာ ဒီကနေ့ နိုဝင်ဘာလ ၄ ရက် သောကြာနေ့မှာတော့ ရန်ကုန်မှာရှိတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့အတူ နိုင်ငံရေးနဲ့တိုင်းရင်းသား အဖွဲ့တွေအပြင် လူမှုရေးလုပ်ငန်းတွေမှာပါ ပါဝင်သူတွေနဲ့တွေ့ဆုံခဲ့ပါတယ်။ ဒီအမေရိကန်အရာရှိနှစ်ဦးဟာ ဒီကနေ့ညနေ ၃ နာရီက ဒေါ်အောင်ဆန်းစုကြည်ရဲ့နေအိမ်မှာ ဒေါ်အောင်ဆန်းစုကြည်နဲ့ သီးသန့်တွေ့ဆုံခဲ့သလို အမျိုးသားဒီမိုကရေစီအဖွဲ့ချုပ် (NLD) ပါတီရဲ့ အလုပ်မှုဆောင်အဖွဲ့ဝင်တွေ၊ ပြည်သူ့လွှတ်တော်ကိုယ်စားပြု ကော်မတီ (CRPP) အဖွဲ့က တာဝန်ရှိသူတချို့နဲ့ပါ ထပ်မံတွေ့ဆုံပြီးတော့ မြန်မာ့အရေး ဆွေးနွေးခဲ့တယ်လို့ NLD ပါတီက ပြောခွင့်ရသူ ဦးဉာဏ်ဝင်းက ပြောပါတယ်။
“အဓိကအားဖြင့်တော့ လက်ရှိမြန်မာနိုင်ငံရဲ့ နိုင်ငံရေး အခြေအနေ၊ ဦးအေးသာအောင်ကတော့ သူတို့တိုင်းရင်းသားအရေး အပါအ၀င်ပေါ့နော် ပြေလည်အောင် ဘယ်လိုဆောင်ရွက်သင့်တယ်ဆိုတဲ့ အခြေခံကို သူ့သဘောထားကို သူပြောပြတယ်။ သူတို့ဘက်ကလည်း သူတို့ဒီကိစ္စတွေကို အမြဲတမ်း သက်ဆိုင်ရာအစိုးရနဲ့ တွေ့တဲ့အခါတိုင်း ပြောဆိုနေတဲ့ကိစ္စတွေ ဖြစ်ပါတယ်လို့ အဲဒီလို ပြောပါတယ်။ ကျနော်တို့ တွေ့ဆုံမှုပြီးသွားတဲ့အခါမှာ ဒေါ်အောင်ဆန်းစုကြည်ရဲ့ နေအိမ်မှာ အထွက်မှာ ဒေါ်အောင်ဆန်းစုကြည်ရော၊ အမေရိကန်အရာရှိနှစ်ဦး အပါအ၀င် အားလုံးနဲ့ မီဒီယာတွေနဲ့ တွေ့ပါတယ်။ အဲဒီမှာပြောတာကတော့ ပြောကြားချက်တွေကို အသေးစိတ် မထုတ်ပြန်ဘူး။ အချိန်မရောက်သေးလို့ပါ။ အဲဒီတော့ သူတို့အနေနဲ့ကတော့ ဒီတွေ့ဆုံဆွေးနွေးမှုနဲ့ပတ်သက်ပြီးတော့ တိုးတက်တယ်၊ ကျေနပ်တယ်။ အဲဒီအမြင်ပဲ ပြောပါတယ်။”
ဒါ့အပြင် ဒီကနေ့မနက်က အဲဒီအမေရိကန်အရာရှိနှစ်ဦးဟာ ရန်ကုန်က အမေရိကန်သံရုံးမှာ နိုင်ငံရေးနဲ့ လူမှုရေးအဖွဲ့တွေကသူတွေနဲ့ တွေ့ဆုံခဲ့ပါတယ်။ အထူးသဖြင့် သူတို့နှစ်ဦးရဲ့ ခရီးစဉ်ဟာ နိုင်ငံရေးအကျဉ်းသား အားလုံး အမြန်လွတ်မြောက်ရေး ကိစ္စဟာ ဒီမိုကရေစီရေးအတွက် အရေးကြီးတဲ့ကဏ္ဍတစ်ခုဖြစ်တယ် ဆိုတာကို ရှင်းပြခဲ့တယ်လို့ အဲဒီအမေရိကန်အရာရှိ နှစ်ဦးကိုသွားရောက်တွေ့ဆုံခဲ့တဲ့ ၈၈ မျိုးဆက် ကျောင်းသား ကိုတိုးကျော်လှိုင်က ပြောပါတယ်။
“နိုင်ငံရေးအကျဉ်းသားတွေ အားလုံး ချွင်းချက်မရှိလွှတ်ပေးဖို့ကို အစိုးရကို ကြိမ်ဖန်တလဲလဲ သူတို့တောင်းဆိုနေမှာ ဖြစ်တဲ့အကြောင်းကိုလည်း သူတို့ပြောကြပါတယ်။ ဒီ နိုင်ငံရေးအကျဉ်းသားတွေ အကုန်လုံး ချွင်းချက်မရှိ မလွှတ်ပေးဘဲနဲ့ ရှေ့ ဒီမိုကရေစီရေးခြေလှမ်းတွေ သွားဖို့အတွက် အတားအဆီး ဖြစ်နိုင်တယ်ဆိုတဲ့ဟာတွေ ဆွေးနွေးကြတဲ့အခါမှာတော့ အမေရိကန်အစိုးရကနေပြီးတော့ မြန်မာနိုင်ငံရဲ့ နိုင်ငံရေးအကျဉ်းသား လွတ်မြောက်ရေးကိစ္စအတွက် ဘယ်လို ဆက်ပြီးတော့ သူတို့ တိုက်တွန်းဆောင်ရွက် ဖိအားပေးသွားရမလဲ။ သို့မဟုတ်လို့ရှိရင် သူတို့ကချမှတ်ထားတဲ့ ကန့်သတ်ချက်တွေအပေါ်မှာပဲ ဘယ်လို ပြန်လည်စဉ်းစားရမလဲ ဆိုတာတွေကို သူတို့ သုံးသပ်မှာဖြစ်တယ်ပေါ့။ ဒါကတော့ သူတို့ရဲ့ အဓိက ရည်ရွယ်ချက်ပါပဲ။ အဲဒီလိုတော့ ပါပါတယ်။”
မကြာသေးခင်ကရက်တွေကမှ အကျဉ်းထောင်တွေထဲက လွတ်မြောက်လာတဲ့ နိုင်ငံရေးအကျဉ်းသားတွေထဲက ရုပ်ရှင်နဲ့ ဟာသ သရုပ်ဆောင် ဇာဂနာ၊ လူ့အခွင့်အရေးလှုပ်ရှားသူ မစုစုနွေးအပြင် တခြား နိုင်ငံရေး အကျဉ်းသားဟောင်း ၄ ဦးနဲ့တွေ့ဆုံပြီး ထောင်တွင်းအခြေအနေတွေနဲ့အတူ သူတို့သိချင်သမျှကို မေးမြန်းခဲ့တယ်လို့ အဲဒီတွေ့ဆုံမှုမှာ ပါဝင်ခဲ့တဲ့ စမ်းချောင်းကိုကိုကြီးက ရှင်းပြပါတယ်။
“ထောင်ထဲမှာ အခုလက်ရှိခံစားခဲ့ရတဲ့ ထောင်ထဲမှာနေထိုင်ရတဲ့ အနေအထားတွေ၊ ဆေးဝါးမပြည့်စုံမှုတွေ၊ ငွေကြေးအနေအထားအရ ဆေးဝါးမကုနိုင်တဲ့အတွက် ICRC က အခုထောင်တွေကိုဝင်နေတယ် ဆိုတာက အပြသဘောမျိုးနဲ့ဝင်နေတာ မဟုတ်ဘဲနဲ့ တကယ့် နက်နက်ရှိုင်းရှိုင်းဝင်ဖို့ အမေရိကန်အစိုးရကနေပြီးတော့ မြန်မာအစိုးရကို တိုက်တွန်းပေးဖို့ ဆိုတာမျိုး အပါအ၀င်ပေါ့။ နိုင်ငံရေးအကျဉ်းသားတွေကို နိုင်ငံရေး အကျဉ်းသားအဖြစ် မသတ်မှတ်တဲ့ကိစ္စပေါ့။ အဲဒီဟာတွေကို ကျနော်တို့ အများကြီး ပြောဖြစ်ပါတယ်။”
မြန်မာနိုင်ငံမှာ လူမှုရေးလုပ်ငန်းတွေကို အာဏာပိုင်တွေက ခွင့်ပြုချက်မပေးတာ၊ တားဆီးဟန့်တားတာတွေ ဟာလည်း ဒီမိုကရေစီစနစ်နဲ့ ဆန့်ကျင်ဘက်ဖြစ်တယ် ဆိုတာကိုလည်း အဲဒီအမေရိကန်အရာရှိတွေက ပြောပါတယ်။ လက်ရှိ မြန်မာနိုင်ငံတွင်း လူမှုရေးလုပ်ငန်းတွေကို ဦးဆောင်လုပ်နေသူတွေထဲက တစ်ဦးဖြစ်တဲ့ နာရေးကူညီမှုအသင်းရဲ့ ဥက္ကဋ္ဌ ရုပ်ရှင်သရုပ်ဆောင် ဦးကျော်သူကတော့ သူတို့လုပ်ငန်းတွေတွင်း ကြုံနေရတဲ့ အခက်အခဲတချို့အတွက် အဲဒီအမေရိကန် အရာရှိနဲ့ ဆွေးနွေးဖြစ်ခဲ့တယ်လို့ ပြောပါတယ်။
“သူတို့ပြောတာကတော့ လူမှုရေးအသင်းအဖွဲ့တွေကို မှတ်ပုံတင်မချပေးတာတို့၊ လူမှုရေးလုပ်ဆောင်ချက် တွေကို နှောင့်ယှက်တာ၊ အဲဒီလိုလုပ်တာတွေက ဒီမိုကရေစီကို တိုက်ခိုက်ခြင်းဖြစ်တယ်ဆိုတာကို သူတို့ပြောပါတယ်။”
နာရေးကူညီမှုအသင်း ဥက္ကဋ္ဌ ဦးကျော်သူ ဖြစ်ပါတယ်။
အမေရိကန် လက်ထောက် နိုင်ငံခြားရေးဝန်ကြီး မိုင်ကယ် ပို့စနာဟာ ပထမဆုံးအကြိမ်အဖြစ် မြန်မာနိုင်ငံကို လာရောက်ခဲ့တာဖြစ်ပြီးတော့ မြန်မာနိုင်ငံဆိုင်ရာ အမေရိကန်အထူးကိုယ်စားလှယ် မစ္စတာ ဒဲရက်မစ်ချဲလ် ကတော့ ဒီတစ်ကြိမ်နဲ့ပါဆိုရင် မြန်မာနိုင်ငံကိုလာတာ သုံးကြိမ်ရှိပါပြီ။ သူတို့နှစ်ဦးစလုံးဟာ နိုဝင်ဘာလ ၄ ရက်နေ့ညပိုင်းမှာ မြန်မာနိုင်ငံကနေ ပြန်လည်ထွက်ခွာမှာလည်း ဖြစ်ပါတယ်။
နိုင်ငံရေးအကျဉ်းသားများ မိသားစုနဲ့နီးအောင် ရွှေ့ပေးနေ
By ဒေါ်ခင်စိုးဝင်း
ပြန်ကြားရေးဝန်ကြီး ဦးကျော်ဆန်းနှင့် ဗွီအိုအေ မြန်မာပိုင်းအစီအစဉ်မှ ဒေါ်ခင်စိုးဝင်းတို့ ဘန်ကောက်မြို့တွင်တွေ့ဆုံမေးမြန်းစဉ် (ဓာတ်ပုံ၊ ဗွီအိုအေ၊ နိုဝင်ဘာ ၄ ရက်။၊ ၂၀၁၁)
ပြည်ထောင်စု ပြန်ကြားရေးဝန်ကြီး ဦးကျော်ဆန်းက တာဝန်သိမှုနဲ့အတူ စာပေလွတ်လပ်ခွင့်တွေ ရှိလာတာနဲ့အမျှ နောက်ဆုံးမှာ စာပေစိစစ်ရေးအဖွဲ့ဆိုတာ စာပေရေးသားမှုတွေကို စောင့်ကြည့်တဲ့အဖွဲ့ အဖြစ်နဲ့သာ ရှိကောင်းရှိတော့မှာဖြစ်တယ်လို့ ပြောဆိုလိုက်ပါတယ်။ နိုင်ငံရေးအကျဉ်းသားတွေ ထပ်ပြီး လွှတ်ပေးဖို့ရှိမရှိနဲ့ ပတ်သက်လို့ မှတ်ချက်မပေးပေမဲ့ နယ်ဝေးထောင်ရောက် အကျဉ်းသားတွေကို မိသားစုတွေနဲ့ နီးတဲ့အရပ်တွေကို ပြောင်းရွှေ့ပေးဖို့ စီစဉ်နေတယ်လို့ ၀န်ကြီး ဦးကျော်ဆန်းက ပြောပါတယ်။ ဘန်ကောက်ကနေ ဗွီအိုအေ၀ိုင်းတော်သူ ဒေါ်ခင်စိုးဝင်းက ပြန်ကြားရေးဝန်ကြီး ဦးကျော်ဆန်းကို ဒီကနေ့ သီးသန့်တွေ့ဆုံ မေးမြန်ထားပါတယ်။
ကမ္ဘာပေါ်မှာ စာပေလွတ်လပ်ခွင့်မရှိဆုံးနိုင်ငံတွေ စာရင်းထဲမှာ မြန်မာနိုင်ငံ မပါဝင်တော့အောင် တာဝန်အရှိဆုံး ပြန်ကြားရေးဝန်ကြီးတစ်ယောက် အနေနဲ့ ဘယ်လိုကိုင်တွယ်နေလဲဆိုတာ မေးဖြစ်ခဲ့ပါတယ်။ ဝန်ကြီးဦးကျော်ဆန်းကတော့ သူရဲ့ဆောင်ရွက်ချက်တွေကို လွှတ်တော်ထဲမှာ တင်ပြဆွေးနွေးခဲ့ပြီးတော့ စာပေစိစစ်မှု ကန့်သတ်ချက်တွေကို လျှော့ပေါ့ပေးနေပြီးတော့ သတင်းလွတ်လပ်ခွင့်တွေ ပိုပြီးရှိလာအောင်လည်း ကြိုးပမ်းနေတယ်တဲ့အကြောင်းကို အခုလိုပြောပြပါတယ်။
“နောက်ဆုံးကျရင်တော့ ဒေါ်ခင်စိုးဝင်းပြောတဲ့ သတင်းလွတ်လပ်ခွင့်တို့၊ စာအုပ်စာစောင်ထုတ်ဝေခွင့် ဆိုတာတွေက စောစောက ဥပဒေနဲ့အညီ သတ်မှတ်ပေးထားတဲ့ ဘောင်တွေအတွင်းက လွတ်လပ်မှုနဲ့ တာဝန်ယူမှု၊ လွတ်လပ်မှုနဲ့ဆင်ခြင်တုံတရား ဘောင်အတွင်းက လွတ်လပ်စွာ ရေးသားဆောင်ရွက်ခွင့်တွေ ရသွားမှပဲဖြစ်ပါတယ်။”
ဒီမိုကရေစီ ပြုပြင်ပြောင်းလဲရေးတွေ အကောင်အထည်ဖော်နေတဲ့နေရာမှာ စာပေစိစပ်ရေးအဖွဲ့ ဆိုတာ မရှိသင့်တော့ဘူးလို့ စာပေစိစစ်ရေး အကြီးအကဲက ပြောဆိုခဲ့တဲ့အပေါ် ဝန်ကြီးဦးကျော်ဆန်းကလည်း သူ့ရဲ့အမြင်ကို အခုလိုပြောပြပါတယ်။
“နောင်ကျရင်တော့ အဲ့ဒီစာပေစိစစ် ဆိုတာက စာပေရေးသားမှုတွေကို စောင့်ကြည့်ယုံလောက်ပဲ လုပ်တဲ့အလုပ်မျိုးကို လုပ်ဖို့ရှိပါတယ်။ အဲဒီလောက်ပဲ ရှိကောင်းရှိတော့မှာပါ။”
ဒီမိုကရေစီထွန်းကားတဲ့ နိုင်ငံကြီးတွေတင်မကပဲ အိမ်နီးချင်း အာဆီယံနိုင်ငံတွေတောင်မှ သမ္မတပဲဖြစ်ဖြစ်၊ ဝန်ကြီးချုပ်ပဲဖြစ်ဖြစ်၊ နိုင်ငံခြားရေးဝန်ကြီးပဲဖြစ်ဖြစ်၊ ဝန်ကြီးဌာနအလိုက် စသဖြင့် ပြောခွင့်ရပုဂ္ဂိုလ်တွေ သတ်သတ်မှတ်မှတ် ထားရှိပြီးတော့ သတင်းထူးရင်ထူးသလို သတင်းဌာနတွေက အချိန်မရွေး ဆက်သွယ်လို့ရကြပါတယ်။ မြန်မာနိုင်ငံတွင်းက သတင်းအချက်အလက်တွေကို မှန်မှန်ကန်ကန် သိရှိနိုင်ဖို့အတွက် သတင်းဌာနတွေအနေနဲ့ အဆက်အသွယ်ရရှိဖို့ အခက်အခဲရှိပါတယ်။ ဒီကိစ္စနဲ့ ပတ်သတ်ပြီးတော့ ဝန်ကြီးဦးကျော်ဆန်းက အခုလိုဖြေပါတယ်။
“ဝန်ကြီးဌာနအလိုက် သတင်းနဲ့ပတ်သတ်ပြီးတော့ contact person (ဆက်သွယ်ရမယ့်သူ) တွေ စပြီးတော့ ဖွဲ့စည်းတာဝန်ပေးနေပြီ။ ပြီးလို့ရှိရင် သူနဲ့အတူ သူ့မှာ သတင်းနဲ့ပတ်သတ်ပြီးတော့ ဆောင်ရွက် ထုတ်ပြန်ပေးရန် အတွက် သူ့ရဲ့ media group၊ team လေးတွေ စတင်ဖွဲ့စည်းပေးနေပြီ။ ဒါ့ကြောင့် နောက်ပိုင်းကျရင် ဝန်ကြီးဌာနအလိုက် contact person တွေ စောစောကဒေါ်ခင်စိုးဝင်းပြောတဲ့ ဝန်ကြီးဌာနအလိုက် spokesman တွေက ဒါလေးတွေကို သူတို့ဘက်ကလည်း သူတို့ဝန်ကြီးဌာနနဲ့ အဓိကဆိုင်တဲ့ကိစ္စတွေမှာ မေးမြန်းလာရင် ပြောဆိုပြီးတော့ ပြန်ကြားပေးမယ်။ မမေးမြန်းသည့်တိုင် သူ့ဝန်ကြီးဌာနကထုတ်ပြန်သင့်တဲ့ အကြောင်းအရာ သတင်းတွေဆိုရင်လည်း သူတို့က ထုတ်ပြန်သွားမှာ ဖြစ်ပါတယ်။”

0 comments:
Post a Comment