06.09.2012 နေ့ဖတ်ရန်သတင်းများ

by Myanmar Journal on Wednesday, September 5, 2012 at 10:24pm ·

အမေရိကန်နိုင်ငံခြားရေးမူဝါဒအောင်မြင်မှု မြန်မာကိုနမူနာပြ

မြန်မာနိုင်ငံနဲ့ပတ်သက်ပြီး အမေရိကန်အစိုးရက ပြောင်းလဲကျင့်သုံးခဲ့တဲ့ ဒဏ်ခတ်အရေးယူတာနဲ့ တပြိုင်တည်းမှာ ထိတွေ့ဆက်ဆံတဲ့ လမ်းနှစ်သွယ်မူဝါဒဟာ မြန်မာနိုင်ငံက လက်ရှိ ဒီမိုကရေစီ ပြုပြင်ပြောင်းလဲရေးတွေ ဖြစ်အောင် အားပေးခဲ့တယ်လို့ ဒီမိုကရက်တစ် ပါတီက ပြောလိုက်ပါတယ်။

ဒါ့အပြင် အမေရိကန်နဲ့ ဆက်ဆံရေးပိုကောင်းချင်တယ်ဆိုရင် မြန်မာအစိုးရနဲ့ နောက် ထပ် ပြုပြင် ပြောင်းလဲရေးလုပ်ငန်းတွေ တိုးမြှင့်လုပ်ဆောင်ဖို့ကိုလည်း အင်္ဂါနေ့က တိုက်တွန်း ခဲ့ပါတယ်။

မြောက်ကာရိုလိုင်းနားပြည်နယ်၊ ရှားလော့တ် (Charlotte) မြို့မှာကျင်းပနေတဲ့ အမေရိကန် ဒီမို ကရက်တစ်ပါတီညီလာခံအတွင်း ထုတ်ပြန်ကြေညာခဲ့တဲ့ ပါတီရဲ့မူဝါဒရပ်တည်ချက်တွေထဲမှာ အဲဒီလို ဖော်ပြ တိုက်တွန်းထားတာပါ။

ကမ္ဘာတ၀န်းမှာ ဒီမိုကရေစီနဲ့လွတ်လပ်ခွင့်ကို တောင်းဆိုကြတဲ့လူထုဟာ အမေရိကန်ပြည်ထောင်စုရဲ့ ထောက်ခံမှုနဲ့ ပူးပေါင်း ဆောင်ရွက်မှုရအောင် ဆက်ပြီး လုပ်သွားကြလိမ့်မယ်လို့ ဆိုပြီး မြန်မာနိုင်ငံကို သီးခြားရွေးထုတ်ပြီးတော့ ဥပမာပေး ဖော်ပြထား ပါတယ်။

မြန်မာနိုင်ငံမှာ နိုင်ငံရေးလုပ်ဆောင်ခွင့်တွေ ဖွင့်ပေးပြီး နိုင်ငံရေးအကျဉ်းသားတွေကို ပြန်လွှတ်ပေးဖို့ တွန်းအားပေးတဲ့အနေနဲ့ ဒဏ်ခတ်အရေးယူမှုနဲ့အတူ ထိတွေ့ဆက်ဆံတဲ့မူဝါဒ ကို အောင်အောင်မြင်မြင် ပူးတွဲ ကျင့်သုံးခဲ့တဲ့အကြောင်း၊ ဒီမိုကရေစီ ပြုပြင် ပြောင်းလဲရေး၊ အမေရိကန်ပြည်ထောင်စုနဲ့ ပိုပြီးနက်ရှိုင်းတဲ့ဆက်ဆံရေး၊ မြန်မာနိုင်ငံက များပြားလှတဲ့ တိုင်းရင်းသား လူမျိုးစုတွေ အကြားမှာ အမျိုးသားပြန်လည်သင့်မြတ်ရေးတွေ တည်ဆောက်နိုင်ဖို့ အတွက် မြန်မာနိုင်ငံဆိုင်ရာ မိမိတို့ရဲ့ သမိုင်းဝင် အစပျိုး လုပ်ဆောင်ချက်ကို ဆက်ပြီး လုပ်သွားမှာဖြစ်တယ်လို့ ပါတီမူဝါဒကြေညာချက်ထဲမှာ ဖော်ပြထားပါတယ်။

လူ့အခွင့်အရေးချိုးဖောက်မှုတွေ ဆက်ရှိနေသေးတဲ့အတွက် အမေရိကန်ပြည်ထောင်စုနဲ့ ပိုမိုကောင်းမွန်တဲ့ ဆက်ဆံရေး ဖြစ်လာဖို့ ရာ မြန်မာအစိုးရက နောက်ထပ်လုပ်ဆောင်မှုတွေ ဆက်ပြီးလုပ်သွားဖို့ မိမိတို့ဆက်ပြီး ပြောဆိုသွားမယ်လို့လည်း ဒီမိုကရက်တစ် ပါတီကကြေညာ ခဲ့ပါတယ်။

ဒီမိုကရက်တစ်ပါတီညီလာခံမတိုင်ခင် သီတင်းပတ်က ဖလော်ရီဒါပြည်နယ်၊ တမ်မ်ပါမြို့မှာကျင်းပခဲ့တဲ့ ရီပတ်ဘလီကန်ပါတီ ညီလခံမှာကြေညာခဲ့တဲ့ မူဝါဒသဘောထားတွေထဲမှာတော့ မြန်မာနိုင်ငံနဲ့ပတ်သက်ပြီး ဖော်ပြ ပြောဆိုတာမျိုးမရှိခဲ့ပါဘူး။ ဒီမိုကရက်တစ်ပါတီဟာ လက်ရှိ အမေရိကန်သမ္မတ ဘရာ့ခ် အိုဘားမားရဲ့ ပါတီဖြစ်ပါတယ်။

လွှတ်တော်ကော်မရှင်ဖိတ်ခေါ်မှု ဖွဲ့စည်းပုံခုံရုံးဖီဆန်

လွှတ်တော်ကော်မီတီနဲ့ ကော်မရှင်တွေဟာ ပြည်ထောင်စုအဆင့်မဟုတ်ဘူးလို့ ဖွဲ့စည်းပုံ အခြေခံ ဥပဒေဆိုင်ရာ ခုံရုံးက ဆုံးဖြတ်ခဲ့ပြီးတဲ့နောက် ဒါဟာ တည်ဆဲဥပဒေတွေနဲ့ ကိုက်ညီခြင်း ရှိမရှိ စုံစမ်း စစ်ဆေးဖို့အတွက် လွှတ်တော်စုံစမ်းရေးကော်မရှင်က ခုံရုံးအဖွဲ့ဝင်တွေကို ဗုဒ္ဓဟူးနေ့ တုန်းက ခေါ်ယူခဲ့ ပါတယ်။ ဒါပေမဲ့ ခုံရုံးဥက္ကဋ္ဌအပါအ၀င် အဖွဲ့ဝင်တွေ မလာခဲ့ကြပါဘူး။ ဒါဟာ ဘာသဘောပါလဲ။ ဘန်ကောက်ရုံးကနေ ဗွီအိုအေ ၀ိုင်းတော်သား ကိုဇော်ဝင်းလှိုင်က တင်ပြပေးထားပါတယ်။

ဖွဲ့စည်းပုံဥပဒေဆိုင်ရာ ခုံရုံးက လွှတ်တော်ကော်မီတီ၊ ကော်မရှင်တွေဟာ ပြည်ထောင်စုအဆင့် မဟုတ်ဘူးလို့ ဆုံးဖြတ်ချက် ချလိုက်ပြီးတဲ့နောက်ပိုင်း လွှတ်တော်နဲ့ ဖွဲ့စည်းပုံခုံရုံးအကြား သဘောထား ကွဲပြားမှုတွေ ဖြစ်လာခဲ့တာ အခုဆို လနဲ့ချီ ကြာလာပြီဖြစ်ပါတယ်။

နောက်ဆုံးမှာတော့ ဒီကိစ္စဟာ လုပ်ပိုင်ခွင့် မူဝဒါတွေနဲ့ ဆက်နွယ် ပတ်သက်နေတာကြောင့် လွှတ်တော် နှစ်ရပ်စလုံးက ခုံရုံးအဖွဲ့အနေနဲ့ သူတို့ ဆုံးဖြတ်ချက် ပြန်ပြင်ပေးဖို့ တိုက်တွန်း လုပ်ဆောင်လာခဲ့တာမှာ မူအားဖြင့် လွှတ်တော်အမတ်အများစုက ထောက်ခံခဲ့တဲ့အတွက် စုံစမ်းရေး ကော်မရှင် ဖွဲ့ပြီး တာဝန်ပေးအပ်ခဲ့တာပါ။

သူတို့ရဲ့လုပ်ဆောင်ချက်နဲ့ပတ်သက်လို့ ကော်မရှင်ထံမှာ လာရောက် ရှင်းလင်းတင်ပြဖို့ အကြိမ်ကြိမ် အကြောင်းကြားခဲ့ပေမယ့် ခုံရုံးဥက္ကဋ္ဌအပါအ၀င် အဖွဲ့ဝင်တွေက လာရောက် ထွက်ဆိုပေးခြင်းမရှိဘူးလို့ လွှတ်တော်စုံစမ်းရေးကော်မရှင် အဖွဲ့ဝင်လည်းဖြစ်၊ ကျောက်ဖြူမဲဆန္ဒနယ်ကိုယ်စားပြု ရခိုင်တိုင်း ရင်းသားများ တိုးတက်ရေးပါတီက ပြည်သူ့လွှတ်တော်အမတ်လည်းဖြစ်တဲ့ ဦးဘရှင်က ပြောပါတယ်။

“ကျနော်တို့က သုံးရက်နေ့ကပဲ ဒီလူတွေကို စစ်ဖို့ ချိန်းထားပါတယ်။ ၃ ရက်၊ ၄ ရက်၊ ၅ ရက်- တယောက်မှ မလာပါဘူး။ သူတို့က စာနဲ့ရေးပြီးပို့တာ။ ကျနော်တို့က စာနဲ့ရေးပို့နေတာတော့ ကြာပါပြီ။ သူတို့ဆီက စာကတော့ လှမ်းလှမ်းပြီးပို့တယ်။ သူတို့မှာ အဲဒီလို စာပို့ဖို့ အခွင့်အရေးရှိသလို ကျနော်တို့ ကလည်း စုံစမ်းစစ်ဆေးရေးအဖွဲ့မှာ ပေးအပ်ထားတဲ့ ဥပဒေနဲ့အညီ၊ ညွှန်ကြားချက်နဲ့အညီ၊ စည်းမျဉ်း စည်းကမ်းနဲ့အညီ တာဝန်ပေးအပ်ထားတဲ့ လုပ်ပိုင်ခွင့်တွေကို ကျင့်သုံးပြီး ဆက်ပြီး အလုပ်လုပ်မှာပါ။”

တဘက်မှာ ဒီကိစ္စနဲ့ပတ်သက်လို့ မပြေလည်မှုတွေ ဆက်လက် ဖြစ်ပေါ်နေတဲ့အချိန်မှာပဲ စစ်တပ်က တရားဝင်ထုတ်ဝေတဲ့ မြ၀တီ နေ့စဉ်သတင်းစာ ထဲမှာ နောက်ဆက်တွဲ ဆန်းစစ်ချက် ဆောင်းပါး တစောင် ရေးလာပြန်တဲ့အတွက် သြဂုတ်လ ၅ ရက်နေ့ လွှတ်တော်စည်းဝေးပွဲအတွင်း လွှတ်တော် ကိုယ်စားလှယ်တွေဘက်က မေးခွန်းထုတ်စရာ ဖြစ်ပေါ်လာပြန်တာပါ။

ဒီဆောင်းပါအကြောင်းအရာနဲ့ပတ်သက်လို့ လွှတ်တော်အတွင်း ဆွေးနွေးဖြစ်ကြပုံတွေကိုတော့ သီပေါမြို့ မဲဆန္ဒနယ်ကိုယ်စားပြု ရှမ်းတိုင်းရင်းသားများ ဒီမိုကရက်တစ် ပါတီက ပြည်သူ့လွှတ်တော် အမတ် ဦးရဲထွန်းက ရှင်းပြပါတယ်။

“ဦးသိန်းထွန်းဦး အမရပူရမဲဆန္ဒနယ်က မေးတဲ့ Union Level --- သို့မဟုတ် ပြည်ထောင်စုအဆင့် ဖွင့်ဆိုခြင်း၏ နောက်ဆက်တွဲ ဆန်းစစ်ချက်ဆိုတဲ့ ဒီဆောင်းပါးနဲ့စပ်လျှဉ်းပြီး မေးခွန်း-ဆိုတာ။ အဲဒါက ၄ ရက်နေ့ကမှ မြဝတီသတင်းစာမှာပါလာတဲ့ ဒေါက်တာမာလာအောင်ရဲ့ ဆောင်းပါး။ အဲဒီ ဆောင်းပါး ကတော့ အခု လွှတ်တော်နဲ့ ခုံရုံးနဲ့မှာ ဖြစ်နေတဲ့ကိစ္စကို သူကနေပြီးတော့ ဥပဒေကြောင်းဆိုင်ရာ အရ ဆောင်းပါးရေးထားတာ။ အဲဒါနဲ့ ပတ်သက်ပြီးတော့ လွှတ်တော်ကိုယ်စားလှယ် တော်တော် များများက မကျေမနပ်ဖြစ်နေကြတယ်။ ဆောင်းပါးရေးတဲ့ ပုဂ္ဂိုလ်ကလည်း ဘက်လိုက်မှု ရှိပြီးတော့ သူရေးတဲ့အရေးအသားတွေကလည်း သိပ် ကျိုးကြောင်းဆီလျှော်မှု မရှိဘူးပေါ့။ မျှတမှု မရှိဘူးဆိုတဲ့ ဟာကို ဦးသိန်းထွန်းဦးက မေးတာ။ မေးတော့ ပြန်ကြားရေးဝန်ကြီးဌာနကိုလည်း ဘာကြောင့် ဒီဟာ ကို နိုင်ငံပိုင် သတင်းစာမှာ ထည့်ရသလဲ-ပေါ့။ အဲသလိုလည်း မေးတယ်။”

ဒီမေးခွန်းနဲ့ပတ်သက်လို့ ပြန်ကြားရေးဝန်ကြီးဌာန ဒုတိယ၀န်ကြီး ဦးရဲထွဋ်က လွှတ်တော်အတွင်း လာရောက် ဖြေကြားခဲ့ပေမယ့်လည်း သူ့အနေနဲ့ ဒီကိစ္စကို အနားကပ်ပြီးမှ သိရတဲ့အတွက် ရှေ့တပတ် တနင်္လာနေ့မှ ဖြေကြားခွင့်ပြုဖို့ ရက်တိုးတောင်းခဲ့တယ်လို့ သိရပါတယ်။

မြန်မာနိုင်ငံ ဖွဲ့စည်းပုံဆိုင်ရာခုံရုံးရဲ့ လုပ်ဆောင်ချက်နဲ့ပတ်သက်လို့ လွှတ်တော် စုံစမ်းရေးကော်မရှင် ကိုတော့ အဖွဲ့ဝင် ၁၅ ဦးနဲ့ သြဂုတ်လ ၂၉ ရက်နေ့မှာ ဖွဲ့စည်းပေးလိုက်တာပါ။

လွှတ်တော်အတွင်း သြဂုတ်လ ၅ ရက်နေ့မှာ တခြား ဆွေးနွေးခဲ့ကြတဲ့ အကြောင်းအရာတွေကတော့ ကိုယ့်ဒေသအခြေအနေတွေနဲ့ ပတ်သက်လို့ ဆောင်ရွက်ပေးရမယ့် လုပ်ငန်းများကိစ္စအပါအ၀င် သင်္ဃန်းကျွန်းမြို့မဲဆန္ဒနယ်ကိုယ်စားပြု အမျိုးသားဒီမိုကရေစီ ပါတီသစ်ဥက္ကဋ္ဌ ပြည်သူ့လွှတ်တော် အမတ် ဦးသိန်းညွှန့်ရဲ့ အဂတိလိုက်စားမှု တားမြစ်ရေးဆိုင်ရာ ဥပဒေမူကြမ်းကိစ္စကို ဆွေးနွေးဖို့ ရှိပေမယ့်လည်း အမျိုးသားလွှတ်တော်ဘက်ကလည်း အလားတူ ဥပဒေကြမ်းကို တင်သွင်းလာတာ ရှိတဲ့အတွက် သူ့ဥပဒေကြမ်းကို ရုပ်သိမ်းကြောင်း ဦးသိန်းညွှန့်က အဆိုတင်သွင်းခဲ့တာတွေ ဖြစ်တယ်လို့ သိရပါတယ်ခင်ဗျား။

ဆီးရီးယား သမ္မတနုတ်ထွက်ပေးဖို့ အီဂျစ်သမ္မတ တောင်းဆို

ဆီးရီးယား သမ္မတ Bashar al-Assad အနေနဲ့ မကြာသေးခင်က ကြုံခဲ့ရတဲ့ ရာဇ၀င်ကို သင်ခန်းစာယူပြီး အချိန်မနှောင်းမီ ရာထူးကဆင်းပေးဖို့ အီဂျစ်သမ္မတက ပြောဆို လိုက်သလို တူရကီ ၀န်ကြီးချုပ်ကတော့ ဆီးရီးယားနိုင်ငံဟာ ကိုယ့်လူထုကို အစုလိုက် အပြုံလိုက် သတ်ဖြတ်နေတဲ့ အကြမ်းဖက်မှုတွေ ကျုးလွန်ရာ တိုင်းပြည်တခု ဖြစ်နေပြီလို့ ပြောလိုက်ပါတယ်။

ဆီးရီးယားအစိုးရ ရာထူးကဆင်းပေးဖို့ ထပ်မံတောင်းဆိုရင် ပြဿနာကို ဖြေရှင်းဖို့ဟာ အာရပ်နိုင်ငံတွေရဲ့ တာဝန်တရပ် ဖြစ်တဲ့အကြောင်း အီဂျစ်သမ္မတ Mohamed Morsi က အာရပ် အဖွဲ့ချုပ်ရဲ့ ကိုင်ရိုမြို့ အစည်းအဝေးမှာ ဗုဒ္ဓဟူးနေ့က ပြောလိုက်တာပါ။ ဆီးရီးယားနိုင်ငံမှာ အပြောင်းအလဲတွေ လုပ်ရမယ့် အချိန်တန်နေပြီး ပြုပြင်ပြောင်းလဲဖို့ ပြောနေရမယ့် အချိန် မဟုတ်တော့ဘူးလို့လည်း အီဂျစ်သမ္မတက ပြောသွားပါတယ်။

ဆီးရီးယားပြဿနာနဲ့ ပတ်သက်လို့ ဒေသတွင်း အာရပ် ၄ နိုင်ငံဖြစ်တဲ့ အီဂျစ်၊ အီရန်၊ တူရကီနဲ့ ဆော်ဒီ အာရေဗီးယား လေးနိုင်ငံ ပူးတွဲဆွေးနွေးပွဲတွေကျင်းပဖို့ အီဂျစ်နိုင်ငံက အဆိုပြုထားတဲ့အတိုင်း တွေ့ဆုံ သွားမယ်လို့လည်း ပြောပါတယ်။ ဆီးရီးယားနိုင်ငံက ဖရိုဖရဲ အခြေအနေတွေနဲ့ ပတ်သက်လို့ နိုင်ငံတကာ အသိုင်းအ၀ိုင်းကြား သဘော တူညီမှု မရနိုင်တဲ့အပေါ်မှာ စိတ်ပျက်မိတဲ့အကြောင်းကိုတော့ တူရကီ ၀န်ကြီးချုပ် Recep Tayyip Erdogan ကလည်း သီးခြား မှတ်ချက်ပေး ပြောဆိုခဲ့တာပါ။

ဆီးရီးယား နိုင်ငံမှာ ဖြစ်ပျက်နေတဲ့ ကိစ္စတွေအပေါ် ကွဲလွဲမှုတွေနဲ့ အချိန်ကုန် မခံနိုင်တဲ့အကြောင်း Ankara မြို့က သူ့ရဲ့အာဏာရ AK ပါတီ အစည်းအဝေးအတွင်း ပြောသွားပါတယ်။ တချိန်တည်းမှာပဲ ဆီးရီးယားနိုင်ငံ နေရာ အတော်များများမှာ အစိုးရနဲ့ သူပုန်တပ်တွေကြား ဗုဒ္ဓဟူးနေ့က တိုက်ပွဲတွေ ဖြစ်ပွားရာမှာ အသေအပျောက်တွေလည်း ရှိခဲ့ပါတယ်။

ကြေးနီစီမံကိန်း လူ ၄,၀၀၀ ဆန္ဒပြ

ကြေးနီစီမံကိန်းအတွက် ဆုံးရှုံးခဲ့တဲ့လယ်၊ သိမ်းဆည်းခံမြေနဲ့ လူ့အခွင့်အရေး ချိုးဖောက်ခံရမှုတွေ အတွက် ဒေသခံတွေ ဆန္ဒပြခဲ့ကြပါတယ်။ စစ်ကိုင်းတိုင်း၊ မုံရွာခရိုင် ဆားလင်းကြီးမြို့နယ်ထဲ က လက်ပန်းတောင်းတောင် ကြေးနီ စီမံကိန်းအတွက် ဖယ်ရှားခံရတဲ့ ရွာလေးရွာနဲ့ လယ်မြေဧက ၇,၀၀၀ ကျော် သိမ်းဆည်းခံခဲ့ရတာတွေအပြင် လူ့အခွင့်အရေး ချိုးဖောက်မှုတွေ သဘာဝ   ပတ်ဝန်း ကျင် ပျက်စီးဆုံရှုံးမှုတွေ ဖြစ်နေရတာကြောင့် မကျေနပ်မှုတွေ ဖြစ်ကြတဲ့ ဒေသခံ လူထုအင်အား ၄,၀၀၀ ခန့်ကနေ ဒီစီမံကိန်းကို လုံးဝ ရပ်ဆိုင်းပစ်ဖို့ တောင်းဆိုတဲ့ အနေနဲ့ မုံရွာ-ပုသိမ် ကား လမ်းမကြီးပေါ်မှာ ဆန္ဒပြခဲ့ကြပါတယ်။ ဒီလို ဆန္ဒပြသူ အင်အား များလွန်းတာကြောင့်  မုံရွာ-ပုသိမ် ကားလမ်းမကြီးကို ပိတ်ထားရတဲ့အကြောင်း ထိုင်းအခြေစိုက် ဗွီအိုအေသတင်းထောက် မအေးအေးမာက သတင်းပေးပို့ထားပါတယ်။

စစ်ကိုင်းတိုင်း၊ မုံရွာခရိုင် ဆားလင်းကြီးမြို့နယ်ထဲက လက်ပန်းတောင်းတောင် ကြေးနီစီမံကိန်း အတွက် ဒေသခံတွေရဲ့ လယ်မြေတွေကို မြန်မာ့စီးပွားရေး ဦးပိုင်လီမိတက်နဲ့ တရုတ် ကုမ္ပဏီဖြစ် တဲ့ မြန်မာ-၀မ်ဘောင် ကုမ္ပဏီတို့က သိမ်းယူတာကြောင့် ဆန္ဒပြရာကနေ စီမံကိန်းကိုပါ ဖျက်သိမ်းဖို့ အတွက် တောင်းဆိုလာခဲ့တာ ဖြစ်ပါတယ်။

ဒေသခံတွေကိုအကူညီပေးနေတဲ့ နိုင်ငံရေးအကျဉ်းသား အကျိုးဆောင်ကွန်ယက် က  ကျောင်းသားခေါင်းဆောင် ကိုဟန်ဝင်းအောင် ပြောပြတာက-

“ပုသိမ်-မုံရွာ လမ်းဆုံ လမ်းခွမှာပဲ လုံခြုံရေးတွေ ပိတ်ဆို့ထားတဲ့အချိန်မှာ လူအင်အား ၄,၀၀၀ က စည်းကမ်းတကျနဲ့ ဝိုင်းရံပြီးတော့ ခွပ်ဒေါင်းအလံတွေ လွှင့်ထူတယ်။ ဗမာနိုင်ငံလုံး ဆိုင်ရာ ကျောင်း သားများ သမဂ္ဂခေါင်းဆောင်တွေက ကျေးလက်ပြည်သူ ပြည်သားတွေကို တရားတွေ ဟောတယ်။ ဟောပြီးတော့ ဒီနေ့  ကိစ္စကတော့ အမျိုးသားရေး ကိစ္စတခုဖြစ်တဲ့ ဘာသာရေး၊ ယဉ်ကျေးမှု၊ လူ့အခွင့်အရေးဆုံးရှုံးနေတဲ့ ကိစ္စဖြစ်တဲ့အတွက် လက်ပန်းတောင်းတောင် ကြေးနီစီမံကိန်းကို ရပ်တန်းကနေ ရပ်ဖို့အတွက် လက်မှတ်ထိုး ဆန္ဒပြုလွှာတွေကို စတင်ပြီးတော့ ရေးထိုးပါတယ်။ အဲဒီနောက် ဦးပိုင် လို့ အမည်တပ်ထားတဲ့ အခေါင်းတစ်ခေါင်းရယ်၊ ရမ်ဘို-လို့ အမည်တပ်ထားတဲ့ အခေါင်းတစ်ခေါင်းရယ်၊ ပုဒ်မ ၁၄၄ လို့ အမည်တပ်ထားတဲ့ အခေါင်းတစ်ခေါင်းရယ် ---- ပြည်သူလူထုက ဓာတ်ဆီလောင်း မီးရှို့ပြီးတော့ ကြေးစည်တွေ ထုပြီးတော့ သင်္ဂြိုဟ်ခဲ့ပါတယ်။”

လူထုအင်အား များပြားတဲ့အတွက် အာဏာပိုင်တွေဘက်က အကြမ်းဖက်ဖြိုခွဲတာမျိုးတွေ မလုပ်ခဲ့ဘူးလို့ ဆိုပါတယ်။

“ပြည်သူလူထုအင်အား အရမ်းများပြီး ကျေးရွာအသီးသီးက ဝိုင်းအုံကြည့်နေတဲ့ ပြည်သူတွေ ရှိနေတဲ့အတွက် အပြင်ကနေပြီး လုံထိန်းတွေနဲ့ရံထားတာတို့၊ မီးသတ်ကားတွေနဲ့ ပိတ်ဆို့တာတို့ ဒီလောက်ပဲ ရှိပါတယ်။”

ဒီ စီမံကိန်းလုပ်ထားတဲ့နယ်မြေမှာ ဆန္ဒပြခွင့်ရဖို့အတွက်  ဒေသခံတွေက ၈ ကြိမ်အထိ တောင်းခဲ့ပေ မဲ့ ခွင့်မပြုဘဲ ပုဒ်မ ၁၄၄ ထုတ်ပြီး တားမြစ်မှုတွေ ထပ်လုပ်တဲ့အတွက် အခုလိုမျိုး ခွင့်ပြုချက်တောင်း မနေတော့ဘဲ သူတို့ရဲ့ ဆန္ဒတွေကို ထုတ်ဖော်ရတာဖြစ်ကြောင်း ဒေသခံတွေက ဆိုပါတယ်။ လယ်သိမ်း ယာသိမ်းတာအပြင် အာဏာပိုင်တွေဘက်က ခြိမ်းခြောက်တာ၊ ဒေသခံတွေကို အကူအညီပေးနေသူတွေကို ဖမ်းဆီးတာ၊ ဖမ်းဝရမ်းထုတ်တာတွေကို ကျေနပ်မှု မရှိတာကြောင့် အခုလိုမျိုး ဆန္ဒပြရတာလို့ ဒေသခံလယ်သမားတဦးက ပြောပါတယ်။

“မနေ့က လုံထိန်းတွေနဲ့ တောင်သူလယ်သမားတွေကို ခြိမ်းခြောက်တာတွေပေါ့ဗျာ။ -----”

မုံရွာ-ပုသိမ် ကားလမ်းမကြီးကို အာဏာပိုင်တွေက ပိတ်ဆို့ပြီး ဆန္ဒပြသူတွေကို တားဆီးလိုက်တဲ့ အတွက် ဒေသခံတွေဟာ မုံရွာ-ပုသိမ်ကားလမ်းမပေါ်မှာပဲ ဆန္ဒပြတာကိုလုပ်ခဲ့ပြီး ၄ နာရီကြာ ဆန္ဒပြပြီးတဲ့နောက်မှာတော့ ဆန္ဒပြမှုကို ရပ်ခဲ့ပြီး လယ်သမားတွေ မြေသိမ်းခံရမှုကို လွှတ်တော်ကို တင်ပြဆွေးနွေးဖို့ သဘောထား ကောက်ခံမှုတွေ လုပ်ခဲ့တယ်လို့ ဆိုပါတယ်။ ဒီလို တင်ပြမှုက အကျိုးသက်ရောက်မှု ရှိပါ့မလားလို့ မေးတဲ့အခါမှာတော့ ကျောင်းသားခေါင်းဆောင် ကိုဟန်ဝင်းအောင်က အခုလိုပြောပါတယ်။

“ပြည်သူ့ဆန္ဒကို လေးစားတဲ့အစိုးရလို့ ယုံကြည်တဲ့အတွက် သူတို့ကတော့ အဆင့်ပေါင်းစုံကို  ကြိုးစားသွားမှာပါ။  ရတယ် မရဘူးဆိုတာကတော့ သက်ဆိုင်ရာ တာဝန်ရှိသူတွေရဲ့ အပိုင်းလို့ပဲ တာဝန်ရှိသူတွေက သတ်မှတ်ပါတယ်။”

လက်ပန်းတောင်းတောင် ကြေးနီးစီမံကိန်း ရပ်တန့်ဖို့အတွက် အမျိုးသားရေးတာဝန်တရပ်အနေနဲ့ လုပ်ဆောင်သွားဖို့ အတွက် ဗမာနိုင်ငံလုံးဆိုင်ရာ ကျောင်းသားသမဂ္ဂအဖွဲ့ချုပ် ဗကသ မြန်မာနိုင်ငံ ရန်ကုန် ၀ိဇ္ဇာ/သိပံ္ပ တက္ကသိုလ် ကျောင်းသားများ ကွန်ယက် နိုင်ငံရေးအကျဉ်းသားမိသားစု အကျိုးဆောင်ကွန်ယက်၊ ရန်ကုန်ပြည်သူ့ အကျိုးဆောင် ကွန်ယက်၊ မိတ္ထီလာ အကျိုးဆောင် ကွန်ယက်တို့က ခွပ်ဒေါင်းအလံများ လွှင့်ထူပြီး တရားဟောတာတွေ၊ လူထု နစ်နာမှုတွေ ကို ဖော်ထုတ်တာတွေ လုပ်ခဲ့ကြပါတယ်။

လက်ပန်းတောင်းတောင်၊ ကြေးနီစီမံကိန်းက တနိုင်ငံလုံးနဲ့ သက်ဆိုင်တဲ့ ကိစ္စဖြစ်နေတဲ့အကြောင်း  လွန်ခဲ့တဲ့ ၁၈-နှစ် ကတည်းက လုပ်နေတဲ့ စပါယ်တောင် ကြေးနီစီမံကိန်းကြောင့် အဲဒီ ဒေသတွေ ကံကုန်းရွာ အပါအ၀င်ရွာတွေမှာ  ရေတွေ တနယ်လုံး ရေချိုမရတာ၊ ဘာသီးနှံမှ စိုက်မရတဲ့ မြေ ဧကပေါင်း ထောင်နဲ့ချီ ရှိတာတွေ ဖြစ်ခဲ့ကြောင်း။ လက်ပန်းတောင်း တောင် ကိစ္စကို တကမ္ဘာလုံး က မြန်မာတွေ လက်မှတ်ထိုး ကောက်ယူကန့်ကွက်ဖို့ လိုတဲ့အကြောင်း ကျောင်းသားတွေ က လည်း ပြောပါတယ်။ ဒီစီမံကိန်းကို မဟန့်တားနိုင်ဘူးဆိုရင် ချင်းတွင်းမြစ်ရေ အက်စစ်စီး ၀င်တာတွေ ကနေ ဧရာဝတီ မြစ်ထဲထိ ရောက်ရှိနိုင်တဲ့အတွက် စိုရိမ်စရာကောင်းတဲ့ အခြေအနေမှာ ရှိနိုင်ကြောင်းတွေကို လည်း ပြောသွားကြပါတယ်ရှင်။

 ဆန်နူစီ တရားခွင် မျှတစေမယ်လို့ ကတိပေး

လစ်ဗျားမှာ ပြုတ်ကျသွားတဲ့ ဗိုလ်မှူးကြီး ကဒါဖီ တန်ခိုးထွားခဲ့စဉ် က သူ့ရဲ့ အဓိက လက်ရုံး တဦး ဖြစ်တဲ့ ထောက်လှမ်းရေး အကြီးအကဲ ဟောင်း မိုဟာမက် အယ်လ ဆန်နူစီ ကို လစ်ဗျား အစိုးရ က လွတ်လပ် မျှတ တဲ့ တရားခုံရုံးမှာ အမှုစွဲတင်မယ် လို့ ကြေညာပါတယ်။

ကဒါဖီ လက်ထက် က လူသတ်သမား လို့ နာမည်ဆိုးနဲ့ ကျော်ခဲ့တဲ့ ဆန်နူစီ ကို အိုင်စီစီ နိုင်ငံတကာ ရာဇဝတ်မှုများ တရားရုံး က လူအမြောက်အများ ကို သတ်ဖြတ်ခဲ့မှု နဲ့ စွဲချက်တင်ဖို့ အလိုရှိ နေသလို ပြင်သစ် နိုင်ငံ ကလည်း ၁၉၈၉ တုန်း က သူတို့နိုင်ငံ က France UTA ခရီးသည်တင် လေယာဉ် နီဂျဲလ် နိုင်ငံ ဝေဟင်ပေါ်မှာ ဗုံးခွဲတိုက်ခိုက် ခဲ့တဲ့ ပြစ်မှု အတွက် အလိုရှိ နေပါတယ်။

အဲဒီ ဗုံးခွဲ တိုက်ခိုက်မှု မှာ ခရီးသည်ပေါင်း ၁၇၀ အသက်ဆုံးရှုံးခဲ့ရပြီး အများစု က ပြင်သစ် နိုင်ငံ သား တွေ ပါ။

သူဟာ ၁၉၉၆ တုန်း က ထရစ်ပိုလီ မြို့တွင်း အဘူဆာ လင် အကျဉ်းထောင် အတွင်းမှာ အကျဉ်းသား တွေက အစားအသောက်နဲ့ သန့်ရှင်းရေးဆိုင်ရာ အတွက် ဆူပူ တဲ့ အထိကရုဏ်းမှာ အကျဉ်း ထောင် အပေါ် ထက် မှာ အစောင့်တွေ ကို နေရာယူ ပြီး ပစ်သတ် ခိုင်း ခဲ့သူ လို့ စွပ်စွဲ ထားကြပြီး အဲဒီ ပစ်ခတ် ပွဲ ကြောင့် အကျဉ်းသား ပေါင်း ၁,ဝဝဝ ကျော် သေဆုံး ခဲ့ပါတယ်။

ဒီလိုအမှု တွေ အပြင် လူအခွင့်အရေး ချိုးဖောက်မှု အမျိုးမျိုးအတွက် အိုင်စီစီ တရားရုံး က သူ့ကို လိုချင် နေပါတယ်။

လစ်ဗျား ထောက်လှမ်းရေး အကြီးအကဲ ဟောင်း ဗိုလ်ချုပ်ကြီး ဆန်နူစီ ဟာ လူပေါင်း ၂၇၀ သေဆုံးခဲ့ရတဲ့ လော့ခဘီ လေယာဉ် ဗုံးခွဲတိုက်ခိုက်မှု ဘယ်လို စီစဉ်ခဲ့သလဲ၊ ဘယ်သူတွေ တာဝန်ရှိ သလဲ ဆိုတာ ကို အသေးစိတ် သိလိမ့်မယ် လို့ လည်း သုံးသပ်နေကြပါတယ်။

အဲဒီတိုက်ခိုက်မှု မှာ သေဆုံးရသူ အများစု က အမေရိကန် ခရီးသည်တွေ ဖြစ်ပြီး ဗြိတိန် နိုင်ငံ လော့ခါဘီ မြို့ပေါ် ကဝေဟင်မှာ တိုက်ခိုက် ခံရတာပါ။

တဘက်မှာလည်း အရင် ဗြိတိန် နဲ့ အမေရိကန် တို့ ကဒါဖီ နဲ့ ဆက်ဆံ ဆောင်ရွက်စဉ် ကာလ မှာ ကဒါဖီ ရန်သူတော်တွေ ဖြစ်တဲ့ လစ်ဗျား ဂျီဟတ် ဝါဒီ တွေ သူတို့နိုင်ငံရောက် လာရင် ဖမ်းပြီး လစ်ဗျား ကို ပြန်ပို့ ခဲ့တဲ့ ဇာတ်လမ်းဟောင်း တွေ လည်း အခု လစ်ဗျား ထောက်လှမ်းရေးချုပ် ဟောင်း က ဇာတ်စုံခင်းပြနိုင်တယ် လို့ လည်း တွက်ဆနေ ကြပါတယ်။

 ချင်း ခရစ်ယာန်တွေ ဘာသာပြောင်းခံနေရဆို

မြန်မာအစိုးရ ဟာ အစီအစဉ်ချပြီး ချင်း တိုင်းရင်းသား ခရစ်ယာန် ဘာသာဝင်တွေ ကို ဗုဒ္ဓဘာသာဝင် အဖြစ် အတင်း သွတ်သွင်း နေတယ်လို့ ချင်းလူ့အခွင့်အရေး အဖွဲ့ က စွပ်စွဲ လိုက်ပါတယ်။

ချင်းလူ့အခွင့်အရေး အဖွဲ့ က ဆလိုင်း ဇာအုတ်ခ်လင်း က နယ်စပ်ဒေသ တိုင်းရင်းသား ဖွံ့ဖြိုးတိုးတက်ရေး အစီအစဉ် နဲ့ ဖွင့်လှစ်တဲ့ သင်တန်းကျောင်း တွေ မှာ တက်ရောက် နေတဲ့ ခရစ်ယာန် ဘာသာဝင် ချင်း လူမျိုးတွေ ကို ဗုဒ္ဓ ဘာသာဝင် အဖြစ် ဖိအားပေးပြီး ကူးပြောင်းခိုင်းတာ၊ အဲဒီလို ကူးပြောင်းရင် ဒေသခံ အုပ်ချုပ်ရေး အရာရှိ တွေ ၊ ၀န်ထမ်းတွေ အဖြစ် ခန့်အပ် မယ် ဆိုတဲ့ ကတိတွေ ပေးပြီး ဆွဲဆောင် နေတာ တွေ လုပ်နေတဲ့ အကြောင်း ဘီဘီစီ ကို ပြောပါတယ်။

ဗုဒ္ဓဟူးနေ့ က ပြုလုပ်ခဲ့တဲ့ သူတို့အဖွဲ့ ရဲ့ သတင်းစာ ရှင်းလင်းပွဲမှာ မြန်မာအစိုးရ ဟာ ပြုပြင်ပြောင်းလဲရေး တွေ လုပ်နေတယ် လို့ ဆိုနေကြ ပေမယ့်လည်း သူတို့ ချင်းပြည်နယ် မှာတော့ ဘာသာရေး အရ ခွဲခြားမှု တွေ၊ နှိပ်ကွပ်မှု တွေ ဆက်လက် ပြုလုပ်နေဆဲ ပဲ လို့ ပြောပါတယ်။

ဘာသာဝင်တိုင်းဟာ သူတို့ ကိုးကွယ်ရာ ဘာသာ ကို တခြားသူတွေ ယုံကြည် ကိုးကွယ်လာအောင် စည်းရုံးခွင့် ရှိကြပေမယ့် အစိုးရ ကိုယ်တိုင် ဦးဆောင်ပြီး ဖိအားပေး သွတ်သွင်း နေတာ က မဖြစ်သင့် တဲ့ လုပ်ရပ် ပဲ လို့ ဆလိုင်း ဇာအုတ်ခ်လင်း က ပြောပါတယ်။

 ထောက်လှမ်းရေးအကြီးအကဲကို လစ်ဗျားထံ လွှဲပြောင်း

ကွယ်လွန်သူ ဗိုလ်မှူးကြီး ကဒါဖီလက်အောက်မှာ အမှုထမ်းခဲ့တဲ့ ထောက်လှမ်းရေး အကြီးအကဲ ဆန်နူစီ

ကွယ်လွန်သူ လစ်ဗျား ခေါင်းဆောင်ဟောင်း ဗိုလ်မှူးကြီး ကဒါဖီရဲ့ လက်အောက်မှာ ထောက်လှမ်းရေး အကြီးအကဲအဖြစ် အမှုထမ်းခဲ့တဲ့ဖူးတဲ့ အဗ္ဗဒူလာ အယ်လ် ဆန်နူစီ ကို လစ်ဗျားအာဏာပိုင်တွေလက်ထဲ ပြန်လည် လွှဲပြောင်းပေးအပ်လိုက်တယ်လို့ မော်ရီတေးနီးယား နိုင်ငံပိုင် ရုပ်မြင်သံကြားက ဖော်ပြခဲ့ပါတယ်။

သူ့ကို ပြီးခဲ့တဲ့ ၆ လ တုန်းက မော်ရီတေးနီးယား မှာ ဖမ်းမိခဲ့ပြီးတဲ့နောက်မှာ လစ်ဗျား အာဏာပိုင်တွေက သူကို့ လွှဲပြောင်းပေးဖို့ အကြိမ်ကြိမ် တောင်းဆို ခဲ့ပါတယ်။

ဗိုလ်မှူးကြီး ကဒါဖီရဲ့ လက်အောက်မှာ အမှုထမ်းခဲ့စဉ်က မတရားပြုကျင့်မှုတွေ ရှိခဲ့တယ်ဆိုတဲ့ စွဲချက်တွေနဲ့ သူကို့ လစ်ဗျားအစိုးရက အလိုရှိနေတာပါ။

အလားတူပဲ အကြမ်းဖက် တိုက်ခိုက်မှုတွေ အပြင် လူမျိုးတုံး သတ်ဖြစ်မှု စတဲ့ ပြစ်မှုတွေအတွက် နိုင်ငံတကာ ရာဇဝတ် ခုံရုံးနဲ့ ပြင်သစ်နိုင်ငံတို့က သူ့ကို အလိုရှိနေကြပါတယ်။

 ကနေဒါ ကွိဘက်မှာ သေနတ်ပစ်မှု ဖြစ်ပွား

ပြည်နယ်ဝန်ကြီး ချုပ်သစ် ပေါ်လင်း မာဝါး ကို လုံခြံရေးတွေက စင်မြင့်ပေါ်ကနေ ကသုတ်ကရက် ဆွဲခေါ်သွားခဲ့ရပါတယ်။

ကနေဒါနိုင်ငံ ကွိဘက်ပြည်နယ်မှာ အရွေးကောက်ခံ ပြည်နယ်ဝန်ကြီးချုပ်သစ်ရဲ့ အောင်ပွဲခံ မိန်းခွန်းပြောကြားနေတုန်း သေနတ်သမားတဦးက လူအုပ်ထဲကို ပစ်ခတ်ခဲ့လို့ လူ ၁ ဦးသေဆုံးခဲ့ပြီး လူအများအပြား စိုးရိမ်ဖွယ် ထိခိုက်ဒဏ်ရာ ရမှုတွေ ရှိခဲ့ပါတယ်။

မိန်းခွန်းပြောကြားနေတုန်း အခုလို ပစ်ခတ်မှု ဖြစ်ခဲ့တာကြောင့် ပြည်နယ်ဝန်ကြီး ချုပ်သစ် ပေါ်လင်း မာဝါး ကို သူ့ရဲ့ သက်တော်စောင့်တွေက စင်မြင့်ပေါ်ကနေ ကသုတ်ကရက် ဆွဲခေါ်သွားခဲ့ရပါတယ်။

အခုပစ်ခတ်မှုမှာ မျက်မြင်သက်သေ ၁၅ ဦး လောက်ရှိကြောင်း၊ သေနတ်သမားလို့ သံသယရှိသူ အသက် ၅၀ နီးပါးရှိသူ တဦးကိုလည်း ဖမ်းဆီးပြီး စုံစမ်း စစ်ဆေးမှုတွေကို စတင်လုပ်ဆောင်နေပြီလို့ ကွိဘက်ပြည်နယ် ရဲဌာနရဲ့ ပြောခွင့်ရသူက ပြောကြားခဲ့ပါတယ်။

ပြစ်သစ်စကားကို အဓိကထားပြောတဲ့ ကနေဒါရဲ့ ပြည်နယ်အစိတ်အပိုင်းကို ကနေဒါနိုင်ငံကနေ ခွဲထွက်ဖို့ ဆန္ဒရှိတယ်လို့ ပြောဆိုနေတဲ့ အချိန်အတွင်းမှာပဲ သေနတ်ပစ်သံတွေ ထွက်ပေါ်လာခဲ့တယ်လို့ ဆိုပါတယ်။

 မသန်စွမ်း သူ အဖွဲ့တွေနဲ့ ၈၈ ကျောင်းသားများ တွေ့ဆုံ

မသန်စွမ်းသူတွေကို လူမှု အသိုင်း အဝိုင်းထဲမှာ ပိုမို လက်ခံ လာဖို့ လို

မြန်မာ နိုင်ငံ မသန်စွမ်း သူများ ရှေ့ဆောင် အဖွဲ့နဲ့ မြန်မာ နိုင်ငံ နားမကြား သူများ ရင်းမြစ် စင်တာ တို့က ၈၈ မျိုးဆက် ကျောင်းသားများ အဖွဲ့နဲ့ ဗုဒ္ဓဟူး နေ့က တွေ့ဆုံ ဆွေးနွေး ခဲ့ကြ ပါတယ်။

နိုင်ငံရေး ဆောင်ရွက် သူတွေ ဖြစ်တဲ့ ၈၈ မျိုးဆက် ကျောင်းသား တွေကို မသန်စွမ်းသူ တွေက ပထမဆုံး အကြိမ် အခုလို သွားရောက် တွေ့ဆုံတာ ဖြစ်ပါတယ်။မသန်စွမ်းတွေနဲ့ ပတ်သက်တဲ့ အမြင်သစ် သဘော တရားတွေကို သတင်း ဖြန့်ဝေ ပေးနိုင်ရေး အစီအစဉ် အတွက်နဲ့ မသန်စွမ်း ရေးရာ ကိစ္စ တွေမှာ ၈၈ ကျောင်းသား တွေ ဘက်က ပူးပေါင်း ဆောင်ရွက်မှုကို လိုချင်တဲ့ အတွက် ဖြစ်တယ်လို့ မသန်စွမ်း သူများ ရှေ့ဆောင်အဖွဲ့ လုပ်ငန်း ဆောင်ရွက်ရေး ဒါရိုက်တာ ဦးအောင်ကိုမြင့် ကပြော ပါတယ်။

အရင်တုန်းက ကြံ့ခိုင် ဖွံ့ဖြိုးရေး ပါတီ ဝင်တွေ လွှတ်တော် ကိုယ်စားလှယ် တွေနဲ့ တွေ့ဆုံ ဆွေးနွေးမှုတွေ ပြုလုပ်ခဲ့ သလို အသိ ပညာပေးရေး ဆိုင်ရာ အလုပ်ရုံ ဆွေးနွေးပွဲတွေ ပြုလုပ် ခဲ့ဖူးတယ်လို့ လည်း သူက ဆိုပါတယ်။

ဖွံ့ဖြိုးရေး လုပ်ငန်း တွေကို ထဲထဲ ဝင်ဝင် လုပ်ဆောင် နေကြသူတွေ၊ အစိုးရ အာဏာပိုင် အဖွဲ့ အစည်း တွေနဲ့ အာဏာပိုင် အဖွဲ့ အစည်း တွေကို ပေါက်ရောက် အောင် ပြောဆို နိုင်မယ့်သူ တွေကို ရွေးချယ်ပြီး ဆွေးနွေး တာတွေ၊ အလုပ်ရုံ ဆွေးနွေးပွဲတွေ ပြုလုပ်လေ့ ရှိတယ်လို့ ဦးအောင်ကိုမြင့် ကပြော ပါတယ်။

မသန်စွမ်း အဖွဲ့ အစည်းတွေ အနေနဲ့ မသန်စွမ်း သူတွေ လူမှု အသိုင်း အဝိုင်းထဲမှာ ပိုမို ဝင်ဆံ့ လာနိုင်ရေး လုပ်ငန်း စီမံချက်ကို အကောင် အထည် ဖော်နေ ရာမှာ မသန်စွမ်းသူတွေ စွမ်းအား မြှင့်တင်ရေး၊ အသိပညာ ပေးနိုင်ဖို့ ခေါင်းဆောင်မှု အရည် အချင်း သင်တန်း တွေမှာ ၈၈ မျိုးဆက် ကျောင်းသား တွေရဲ့ အတွေ့ အကြုံ တွေကို လိုချင်တယ် လို့ဆိုပါတယ်။

လောလောဆယ်မှာတော့ မသန်စွမ်းသူများ ရင်ဆိုင်နေရတဲ့ အခက် အခဲတွေ၊ နိုင်ငံတကာမှာ မသန်စွမ်းသူတွေနဲ့ ပတ်သက်တဲ့ လှုပ်ရှားမှု တွေကို ၈၈ ကျောင်းသားတွေ သိအောင် ရှင်းလင်း ပြောပြ ခဲ့တာ ဖြစ်ပြီး ၈၈ ကျောင်းသားတွေ ဘက်ကလည်း မသန်စွမ်းသူတွေ အတွက် ဖွံ့ဖြိုးရေး လုပ်ငန်းတွေကို မသန်စွမ်း အဖွဲ့ အစည်း တွေနဲ့ အတူ လက်တွဲ ဆောင်ရွက် သွားပြီး အသိပညာပေး လုပ်ငန်းတွေမှာ ပါဝင် လုပ်ဆောင် ပေးမယ်လို့ ပြောခဲ့ကြောင်း ဦးအောင်ကိုမြင့် က ဘီဘီစီကို ပြော ပါတယ်။