28.09.2012 နေ့ဖတ်ရန်သတင်းများ

by Myanmar Journal on Thursday, September 27, 2012 at 6:37pm ·

စပိန်နိုင်ငံရဲ့ ခြိုးခြံ ချွေတာရေး အစီအစဉ်သစ်

အများပြည်သူ ကတော့ ချွေတာရေး အစီအစဉ် သစ်ကို ကန့်ကွက် ဆန္ဒပြနေကြပါတယ်

စီးပွားရေး ဆုတ်ယုတ်မှုထဲ ရောက်နေပြီး အလုပ်လက်မဲ့ ပြဿနာကို ဆိုးဆိုးဝါးဝါး ရင်ဆိုင် နေရတဲ့ စပိန် နိုင်ငံဟာ ဘတ်ဂျက် ခြိုးခြံ ချွေတာ ရေး အစီအစဉ်သစ် တခု ချမှတ်ဖို့ အစိုးရ အဖွဲ့အတွင်း အကြိတ်အနယ် ဆွေးနွေးနေကြပါတယ်။

နောက်ထပ် အသုံးစရိတ် ဖြတ်တောက် တာတွေ၊ အခွန်နှုန်း တိုးကောက် တာတွေနဲ့ ပြုပြင် ပြောင်းလဲမှု အစီအစဉ်တွေကို အစိုးရက ဒီကနေ့ စက်တင်ဘာ ၂၇ ရက် ကြာသပတေးနေ့မှာ ထုတ်ပြန် တော့မှာ ဖြစ်ပါ တယ်။

ဒါဟာ နိုင်ငံမှာ ရင်ဆိုင် နေရတဲ့ ကြီးမားလှတဲ့ ကြွေးမြီ ပြဿနာတွေကို ထိန်းချုပ် နိုင်ဖို့ နောက်ဆုံး ကြိုးပမ်းချက် ဖြစ်ပြီး၊ နိုင်ငံ အတွက် နောက်ထပ် ဒေါ်လာ ၅၀ ဘီလျံ သက်သာ စေဖို့ အခုလို ထပ်မံ လုပ်ဆောင်တာ ဖြစ်ပါတယ်။

စပိန် ဝန်ကြီးချုပ် မိုရီရာနို ရတ်ဂျွိုင်း က လူမှုရေး ဆိုင်ရာ ကဏ္ဍ အားလုံး ကနေ အခုလို အသုံးစရိတ် ဖြတ်တောက်မှု အတွက် အနစ်နာ ခံကြရမှာ ဖြစ်တယ်လို့ ပြောကြား လိုက်ပါ တယ်။

အတိုက်အခံ ဆိုရှယ်လစ် ပါတီ ကတော့ ခြိုးခြံ ချွေတာရေး လုပ်တဲ့ နေရာမှာ ချမ်းသာတဲ့ လူတွေစီ ကနေ အခွန် တိုးကောက်တာ၊ စီးပွားရေး လုပ်ငန်းတွေစီ ကနေ အခွန်ကောက် တာ စတဲ့ နည်းလမ်းနဲ့ နိုင်ငံ့ ဘဏ္ဍာငွေ တိုးလာအောင် လုပ်နိုင်မယ်လို့ ထင်မြင်ကြောင်း ပြောကြားပြီး၊ အစိုးရရဲ့ လုပ်ရပ်တွေ အပေါ် ဝေဖန် လိုက်ပါတယ်။

ရွေးကောက်ပွဲ ကော်မရှင်နဲ့ ပါတီတွေ တွေ့ဆုံ

လွှတ်တော် တခုချင်းစီ အတွက် တရက်စီ မဲပေးပွဲတွေ ကျင်းပဖို့ စီစဉ်နေ

ပြည်ထောင်စု ရွေးကောက်ပွဲ ကော်မရှင် ဥက္ကဌ ဦးတင်အေးဟာ ရန်ကုန်မှာ ရှိတဲ့ နိုင်ငံရေး ပါတီတွေနဲ့ ရန်ကုန်တိုင်း အစိုးရရုံးမှာ ဗုဒ္ဓဟူးနေ့က တွေ့ဆုံ ခဲ့ပါတယ်။

လာမယ့် ရွေးကောက်ပွဲမှာ လွှတ်တော် တခုချင်း အလိုက် သီးခြားစီ ရွေးကောက်ပွဲ လုပ်ဖို့ စဉ်းစား နေတဲ့ အကြောင်း ကော်မရှင် ဥက္ကဌ ဦးတင်အေးက ပါတီတွေကို အသိပေး ပြောကြားခဲ့ ပါတယ်။

မဲဆန္ဒရှင်တွေအနေနဲ့ လွှတ်တော် သုံးခုအတွက် တကြိမ်တည်း မဲထည့်ရတာဟာ ရှုပ်ထွေးမှုတွေ ဖြစ်စေနိုင်ကြောင်း၊ အထူးသဖြင့် ကျေးလက်ဒေသတွေမှာ အခုလို မဲပေးခြင်းဟာ ပြဿနာ ရှိကြောင်း ဦးတင်အေးက ပြောကြားသွားတယ်လို့ ဆွေးနွေးပွဲ တက်ရောက်ခဲ့တဲ့ ဒီငြိမ်းပါတီက ဦးမျိုးညွှန့်က ဘီဘီစီကို ပြောပြပါတယ်။

ဒါကြောင့်မို့ လွှတ်တော် တခုချင်းစီ အတွက် တရက်စီ မဲပေးပွဲတွေ ကျင်းပဖို့ စဉ်းစား စီစဉ်နေတာ ဖြစ်တယ်လို့ ဆိုပါတယ်။

ပါတီ တချို့က တင်ပြနေတဲ့ မဲပေးသူ အရေအတွက် အပေါ် မူတည်ပြီး ရာခိုင်နှုန်း အလိုက် လွှတ်တော် အမတ် အရေ အတွက်ကို သတ်မှတ်တဲ့ ရွေးကောက်တင်မြောက်ရေး စနစ်နဲ့ အချိုးကျ စနစ် ရော၊ တစ်ဦးချင်း တိုက်ရိုက် ရွေးချယ်တဲ့ စနစ်ကိုပါ ပူးတွဲကျင့်သုံးဖို့ ဆိုတာကိုတော့ သူအနေ့နဲ့ ဆုံးဖြတ်ခွင့် မရှိတာကြောင့် လွှတ်တော်ကို တင်ပြပေးမှာ ဖြစ်တယ်လို့ ဦးတင်အေးက ပြောပါတယ်။

ပြီးခဲ့တဲ့ ရွေးကောက်ပွဲတွေ တုန်းက အားနည်းချက် အားသာချက်တွေကို ပြန်လည် သုံးသပ်ပြီး လုပ်ဆောင်သွားဖို့ကို ကော်မရှင်က တင်ပြခဲ့သလို၊ ပါတီတွေ ကလည်း ကြိုတင်မဲနဲ့ မဲပေးပိုင်ခွင့် ရှိသူ စာရင်းတွေကို ကြိုတင် ထုတ်ပြန်ပေးထားဖို့ ကိုလည်း တင်ပြခဲ့ကြပါတယ်။

လာမယ့် ၂ဝ၁၅ ခုနှစ် ရွေးကောက်ပွဲဟာ လွတ်လပ်ပြီး တရားမျှတတဲ့ ရွေးကောက်ပွဲ ဖြစ်စေရမယ်လို့လည်း ကော်မရှင်ဥက္ကဌ ဦးတင်အေး က ဆွေးနွေးပွဲမှာ ကတိပေး ပြောကြား သွားပါတယ်။

တိဘက်အပေါ် တရုတ် သဘောထား ပြောင်းလာနိုင်

တိဘက်ဘုန်းတော်ကြီး ဒလိုင်းလားမား

တိဘက် ဘာသာရေး ခေါင်းဆောင် ဒလိုင်းလားမားက လာမယ့် လမှာ ဖြစ်နိုင်ဖွယ် ရှိတဲ့ တရုတ် ခေါင်းဆောင် ပိုင်း အပြောင်း အလဲက နေ တိဘက် အရေး လှုပ်ရှားမှုအပေါ် သဘောထား ပြောင်းသွား နိုင်တယ်လို့ မျှော်လင့် ကြောင်း ပြောပါတယ်။

တိဘက် လူမျိုးတွေ ကိုယ့်ကိုကိုယ် အဆုံး စီရင် သွားကြတဲ့ ဖြစ်ရပ် တွေဟာ တရုတ် အစိုးရ အနေနဲ့ တိဘက် ဒေသ အတွင်းမှာ အင်အားသုံး ဖိနှိပ်မှုနဲ့ ပိတ်ပင် ကန့်သတ်မှုတွေ ဘယ်လောက် ဆိုးတယ်ဆိုတာကို ဖော်ပြနေတာ ဖြစ်တယ်လို့ ဒလိုင်း လားမားက ပြောပါတယ်။ ဒါကြောင့် လာမယ့် ခေါင်းဆောင်သစ်တွေ အနေနဲ့ ပြောင်းလဲဖို့ လိုပြီ ဆိုတာ လက်ခံဖို့ ဒလိုင်း လားမားက တောင်းဆိုလိုက်ပါတယ်။

လာမယ့် ခေါင်းဆောင်သစ်တွေက ပင်ကိုယ် အသိဉာဏ်ကို သုံးပြီး အခြေ အနေ အားလုံးကို ခြုံငုံ သုံးသပ် နိုင်တဲ့ အမြင်မျိုး ရှိရင်တော့ အပြောင်း အလဲ ဖြစ်လာ နိုင်တယ်လို့ ဆိုပါတယ်။

ဒလိုင်းလားမားက မူဝါဒ အသစ်ကြောင့် အခု လက်တွေ့မှာ ဆင်းရဲ ချမ်းသာ ကွာဟချက် သိပ် ကိုကြီးမား နေပါပြီ၊ ဒီတော့ နှစ်ဘက် ပိုမို သဟဇာတ ဖြစ်လာအောင် အထူး ကြိုးပမ်း အားထုတ်မှု တွေ လုပ်ဖို့ လိုနေပြီလို့ သမ္မတ ဟူဂျင်တောင်းက ပြောပါတယ်။

ဒီတော့ ဒါဟာ ကွန်မြူနစ် ပါတီ အနေနဲ့ အနာဂတ် အတွက် သင့်လျော်သလို ကိုင်တွယ် ဆောင်ရွက်နိုင်စွမ်း ရှိတယ် ဆိုတာ ပြသနေတာ ဖြစ်တယ်လို့ တိဘက် ဘာသာရေး ခေါင်းဆောင် ဒလိုင်း လားမားက ပြောသွားတာပါ။

တိဘက် လူမျိုးတွေရဲ့ အခွင့် အရေး အတွက် ကိုယ့်ကိုကိုယ် မီးရှို့ အဆုံး စီရင်ခဲ့တဲ့ ဖြစ်ရပ်တွေ အတော်များများ ရှိခဲ့တဲ့ အတွက် စိုးရိမ်ပူပန်မှုတွေလည်း တိုးပွား လာနေတာ ဖြစ်ပါတယ်။

ပြီးခဲ့တဲ့ ၂၀၀၉ ခုနှစ် နောက်ပိုင်းမှာ တိဘက် လူမျိုး ၅၁ ယောက်ထက် မနည်း သူတို့ကိုသူတို့ မီးရှို့ အဆုံး စီရင်ခဲ့တယ်လို့ လူ့အခွင့် အရေး လှုပ်ရှားသူတွေက ပြောကြပါတယ်။

ဒီတော့ တိဘက် ဘာသာရေး ခေါင်းဆောင် ဒလိုင်း လားမား အပေါ် ဖိအားတွေကလည်း တိုးပွားလာနေပါပြီ။ ဒီဖိအားတွေက တရုတ် အစိုးရဆီကတော့ မဟုတ်ပါဘူး၊ တရုတ် အစိုးရရဲ့ အုပ်ချုပ်မှုအောက်မှာ တိဘက် အရေး လှုပ်ရှားမှုကို ဘယ်လို ပုံစံနဲ့ ဆက်သွားကြ မလဲ ဆိုတာ အပေါ် သဘောထားတွေ အမျိုးမျိုး ဖြစ်နေတဲ့ သူ့ကို ထောက်ခံကြသူတွေ ဆီက ဖိအားတွေပါ။

တချို့က ဒီတပတ် အတွင်း ဒါရမ် ဆာလာ မှာ ဆုံကြသူ တချို့ ကတော့ ကိုယ့်ကိုကိုယ် မီးရှို့ အဆုံး စီရင်မှု ကို ပွင့်ပွင့် လင်းလင်း အားပေးမှု အပါအဝင် တိဘက် လူမျိုးတွေ အပေါ် ပိုမို ထောက်ခံတဲ့ ခိုင်မာတဲ့ မူဝါဒ တစ်ရပ် ရှိစေချင်ကြပါတယ်။

တချို့ကတော့ ကိုယ့် ကိုကိုယ် မီးရှို့ သတ်သေတဲ့ လုပ်ရပ်ဟာ ဗုဒ္ဓရဲ့ အဆို အမိန့်တွေနဲ့ ဆန့်ကျင်တဲ့ အတွက် တခြား နည်းလမ်း သုံးဖို့ လိုလားကြတယ်လို့ ဒေလီက ဘီဘီစီ သတင်းထောက် Andrew North က သုံးသပ်ပါတယ်။

အမေရိကန်အရေးယူမှု လျှော့တာ မြန်မာအတွက်ကောင်း

သမ္မတ ဦးသိန်းစိန်နဲ့ နိုင်ငံခြားရေး ဝန်ကြီး ဟီလာရီကလင်တန် တွေ့ဆုံခဲ့စဉ်

အမေရိကန် ပြည်ထောင်စုကို မြန်မာ နိုင်ငံက ပို့ကုန်တွေ တင်သွင်းမှု ပိတ်ပင် ထားတာကို ရုပ်သိမ်း ပေးမယ်လို့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က သမ္မတ ဦးသိန်းစိန်နဲ့ နယူးယောက် မြို့မှာ တွေ့ဆုံစဉ် အတွင်း ပြောကြားခဲ့ ပါတယ်။

ဒီလို ပိတ်ဆို့မှု ရုပ်သိမ်း လိုက်တဲ့အတွက် မြန်မာနိုင်ငံ အတွက်ဘယ်လို အကျိုးရှိနိုင်မလဲ။

မြန်မာနိုင်ငံ ကုန်သည်နဲ့စက်မှု လုပ်ငန်းရှင်များ အသင်း ဥက္ကဌ ဦးဝင်းအောင်ကို ဘီဘီစီက ဆက်သွယ် မေးကြည့်တော့ အမေရိကန် ဈေးကွက်က ကြီးမား ကျယ်ပြန့်တဲ့ အကြောင်း၊ မြန်မာ့ အထည်ချုပ် လုပ်ငန်း တွေက အဝတ် အထည် တွေနဲ့ စားသောက်ကုန် တွေအတွက် ကြီးမားတဲ့ အမေရိကန် ဈေးကွက်ကို တင်ပို့နိုင်ရင် တိုင်းပြည်အတွက် အကျိုးရှိလာ စေမှာ ဖြစ်တယ်လို့ ဆိုပါတယ်။

ငွေကြေး လွှဲပြောင်းမှု တွေကို ပိတ်ပင် ထားတာ တွေရှိနေသေး ပေမယ့်လည်း ကုန်သွယ်မှု တွေလုပ်လာရင် ဒါတွေလည်း လိုအပ်လာမှာ ဖြစ်လို့ တပြေးညီ အဆင်ပြေ သွားစေနိုင်မှာ ဖြစ်တယ်လို့လည်း ပြောပါတယ်။

အမေရိကန် ဘက်က သမ္မတ ဦးသိန်းစိန် အမေရိကန် မှာ ရောက်နေစဉ် အချိန်ကိုက်ပြီး ပိတ်ဆို့ အရေးယူ မှုတွေကို လျှော့ပေါ့ ပေးလိုက်တာကြောင့် မြန်မာနိုင်ငံ ဘက်ကလည်း ဘာတွေ လုပ်ပြဖို့ လိုဦးမလဲ ဆိုတဲ့ အမေးကိုတော့ မြန်မာ နိုင်ငံမှာ ဖော်ဆောင် နေကြတဲ့ ပြုပြင် ပြောင်းလဲ မှုတွေကို တချို့ အနောက် နိုင်ငံ တွေကဆိုရင် သူတို့ မျှော်လင့် ထားထက်တာထက် ပိုပြီး လုပ်ပြ နိုင်တယ်လို့ အသိအမှတ် ပြုနေကြပြီ ဖြစ်ကြောင်း ပြောပါတယ်။

ပြုပြင် ပြောင်းလဲမှု တိုင်းမှာ နိုင်ငံ အကြီးအကဲ တွေကအစ အဖွဲ့အစည်းတွေ အားလုံး တိုင်တိုင်ပင်ပင် လုပ်သွား နိုင်ကြရင် ကောင်းတဲ့ ဘက်ကို ဦးတည် သွားမယ်လို့ ယုံကြည်တဲ့ အကြောင်း ကိုလည်း ပြောကြား သွားပါတယ်။ 

သမ္မတဦးသိန်းစိန် ကုလသမဂ္ဂမှာ မိန့်ခွန်းပြော

၆၇ ကြိမ်မြောက် ကုလသမဂ္ဂ ညီလာခံကို တက်ရောက်နေတဲ့ သမ္မတ ဦးသိန်းစိန်ဟာ ရာစုနှစ် တဝက် နီးပါး အတွင်း ပထမဆုံး မြန်မာ သမ္မတ အနေနဲ့ မိန့်ခွန်း ပြောကြား ခဲ့ပါတယ်။

သမ္မတက မြန်မာ့ နိုင်ငံရေး အပြောင်း အလဲတွေမှာ အခွင့်အလမ်းနဲ့ စိန်ခေါ်မှုတွေ ရှိနေပေမယ့်၊ အခုလို အချိန်မှာ သမ္မတ အဖြစ် တာဝန် ထမ်းဆောင် နေရတာကို ဂုဏ်ယူပါတယ်လို့ ပြောပါတယ်။

 ဒေါ်အောင်ဆန်းစုကြည် ကိုယ်တိုင် လွှတ်တော်တွင်း ဝင်ရောက်လို့ လွှတ်တော် အမတ် ဖြစ်နေကြောင်းနဲ့၊ ဒေါ်အောင်ဆန်းစုကြည်ကို အမေရိကန်မှာ ဂုဏ်ပြု ကြတာတွေကို သူ့အနေနဲ့ ဂုဏ်ယူ ပါကြောင်း ပြောပါတယ်။

ပြည်ပနေ မြန်မာတွေကို ဂုဏ်သိက္ခာ ရှိစွာ ပြန်ခွင့် ပြုနေခြင်း၊ အင်တာနက်ကို လွတ်လပ်စွာ အသုံးပြုခွင့် ပေးခြင်း၊ သတင်းစာ လွတ်လပ်ခွင့် ပေးခြင်း အပြင် မတူတဲ့ သဘောထား ရှိတဲ့ လူတွေ နိုင်ငံရေးမှာ ပါဝင်ခွင့် ပေးခြင်း၊ အကျဉ်းသား တွေကို လွှတ်ပေးခြင်း စတာတွေကိုလည်း လုပ်ဆောင် ပေးခဲ့ပါတယ်လို့ သမ္မတက ပြောပါတယ်။

သမ္မတရဲ့ မိန့်ခွန်းကို မြန်မာနိုင်ငံတွင်းမှာ ရှိတဲ့ အစိုးရ ရုပ်သံလိုင်း အပါအဝင် ပုဂ္ဂလိက ရုပ်သံတွေ အပြင် FM ရေဒီယိုတွေ နဲ့ သမ္မတရုံး အင်တာနက် ဝက်ဘ်ဆိုဒ် ကနေလည်း တိုက်ရိုက် ထုတ်လွှင့် သွားခဲ့ပါတယ်။

ဗုဒ္ဓဟူးနေ့ ကလည်း သမ္မတ ဦးသိန်းစိန်ဟာ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်နဲ့ တွေ့ဆုံ ခဲ့ရာမှာ မစ္စစ် ကလင်တန်က မြန်မာ နိုင်ငံ ပြုပြင် ပြောင်းလဲရေး တိုးတက်မှု တွေကို အသိအမှတ် ပြုပြီး မြန်မာ အစိုးရနဲ့ အတိုက်အခံ တွေ တောင်းဆိုမှုကို တုံ့ပြန်တဲ့ အနေနဲ့ မြန်မာ နိုင်ငံ အပေါ် ကုန်စည် တင်သွင်းမှု တားမြစ် တာတွေ လျှော့ပေးရေး ဆောင်ရွက် သွားမယ်လို့ ပြောကြားခဲ့ပါတယ်။

တရုတ်နှင့် အမေရိကန် အကြား မြန်မာသမ္မတ ဟန်ချက်ညီရန် ကြိုးစားမှု

မဇ္ဈိမသတင်းဌာန | ကြာသပတေးနေ့၊ စက်တင်ဘာလ ၂၇ ရက် ၂၀၁၂ ခုနှစ် ၁၁ နာရီ ၀၀ မိနစ်

နယူးယောက်မြို့တွင် ကြာသပတေးနေ့၌ ကုလသမ္မဂ္ဂ အထွေထွေ ညီလာခံတွင် မိန့်ခွန်း ပြောကြားမည့် သမ္မတ ဦးသိန်းစိန်၏ ယခုသီတင်းပတ်အတွက် အဓိက တာဝန်မှာ အစိုးရအဖွဲ့၏ ဒီမိုကရေစီရေး ပြုပြင်ပြောင်းလဲမှုများအား ကမ္ဘာ့ပရိသတ် ရှေ့မှောက်တွင် ရှင်းလင်းတင်ပြရန် ဖြစ်သည်။ 

သူ၏ ရည်ရွယ်ချက်မှာ မြန်မာနိုင်ငံအားဆယ်စုနှစ်တစုခန့်မျှ ဝန်ပိစေခဲ့သည့် အမေရိကန်၏ ပိတ်ဆို့အရေးယူမှုများအားလုံး ရုပ်သိမ်းလာစေရေး နှင့် ဖွံ့ဖြိုးရေး အကူအညီ များ ရရှိလာရန်အတွက်ဖြစ်သည်။ 

လွန်ခဲ့သည့် သီတင်းပတ်အတွင်းက တရုတ်နိုင်ငံတွင်ပြုလုပ်ခဲ့သည့် ကုန်စည်ပြပွဲ တခု၌ဦးသိန်းစိန် မိန့်ခွန်းပြောကြားရာတွင် မြန်မာနိုင်ငံတွင် နံပါတ်တစ် ရင်းနှီးမြှုပ်နှံသူ ဖြစ်သည့်တရုတ် အနေဖြင့် ယခုကာလများအတွင်းမြန်မာနိုင်ငံက အမေရိကန်နှင့် အနောက်နိုင်ငံများအား လက်ကမ်း ကြိုဆိုနေခြင်းအား ဘာမှစိုးရိမ်စရာ မရှိဟု တရုတ် ခေါင်းဆောင်များအား ပြောခဲ့သည်။ 

တရုတ် အမျိုးသား ပြည်သူ့ ကွန်ဂရက် အမြဲတမ်းကော်မတီ ဥက္ကဋ္ဌ ဝမ်ဘန်ဂေါင်း Wu Bangguo အပါအဝင် တရုတ် ထိပ်တန်း အရာရှိများသည် နှစ်နိုင်ငံ ရင်းနှီးသည့် ဆက်ဆံရေးကို ပိုမိုခိုင်မြဲစေရန် ရည်ရွယ်သည့် အနေဖြင့် မကြာသေးခင်က နေပြည်တော်ရှိ သမ္မတ ဦးသိန်းစိန်ထံ လာရောက်လည်ပတ်ခဲ့ကြသည်။ 

ထို ခရီးစဉ်အတွင်းတွင် မြန်မာနိုင်ငံနှင့် တရုတ်နိုင်ငံတို့သည် စီးပွါးရေးနှင့် ကုန်သွယ်ရေး အကျိူးတူ စာချုပ် ကိုးခုနှင့် ဘဏ္ဍာရေးဆိုင်ရာ သဘောတူညီချက် စာချုပ် နှစ်ခုကို ချုပ်ဆိုခဲ့ကြသည်။ 

“မြန်မာနိုင်ငံနဲ့ ပတ်သတ်ပြီး ဘေဂျင်း [တရုတ် အစိုးရ] မှာ ပထဝီ အနေအထားဆိုင်ရာ ဗျူဟာနဲ့ သက်ဆိုင်တဲ့ စိုးရိမ်သောကတွေ ရှိပါတယ်။ မြန်မာနိုင်ငံရဲ့ အရင်းနှီးဆုံး မိတ်ဆွေနိုင်ငံအဖြစ် ကာလကြာရှည်စွာ ရှိနေခဲ့တဲ့ အနေအထား ညတွင်းချင်း မပျောက်ပျက် သွားစေဘူးလို့ အာမခံချက်ပေးတာကို တရုတ်နိုင်ငံက အလိုရှိနေပါတယ်” ဟု သမိုင်း ပညာရှင် နှင့် ဦးသိန်းစိန် အစိုးရ၏ အကြံပေးအဖွဲ့ဝင် တဦး ဖြစ်သူ ဦးသန့်မြင့်ဦး က Financial Times သတင်းစာ၏ဆောင်းပါးတပုဒ်တွင် ရေးသားထားသည်။ 

“တရုတ်နိုင်ငံ ခရီးစဉ်ဟာ အကြောင်းအရာ များစွာနဲ့ သက်ဆိုင်နေပါတယ်။ ဒါပေမယ့် အနောက်နိုင်ငံတွေနဲ့ ဆက်ဆံရေး အလျှင်အမြန် တိုးတက် ကောင်းမွန်လာခြင်း ကြောင့်တော့ တရုတ်နိုင်ငံနဲ့ ဆက်ဆံရေး  ထိပါးဖို့ မလိုပါဘူးဆိုတာကို သမ္မတ အနေနဲ့ အာမခံပေးနိုင်ဖို့ အရေးကြီးပါတယ်” ဟု ဦးသန့်မြင့်ဦး က ဆိုသည်။ 

တရုတ်နိုင်ငံ၏ ရည်မှန်းချက်များထဲမှ တခုမှာ ဒေါ်လာ ၃.၇ ဘီလီယံ တန်ဖိုးရှိသော ကချင်ပြည်နယ်ရှိ အငြင်းပွါးဖွယ်ရာ မြစ်ဆုံဆည် စီမံကိန်းအား ပြန်လည် စတင်ရန် ဖြစ်သည်။ ထိုမြစ်ဆုံဆည် စီမံကိန်းအား ပြည်တွင်းတွင် အပြင်းအထန် ဆန့်ကျင်ခဲ့ကြ ပြီးနောက် ယမန်နှစ်အတွင်းတွင် သမ္မတ ဦးသိန်းစိန်က ရပ်တန့်ခဲ့ခြင်း ဖြစ်သည်။မြစ်ဆုံဆည် ကိစ္စအား ကန့်လန့်ကာ နောက်ကွယ်တွင် ဆွေးနွေးနေကြသည်ဟု ဆိုသည်။

တရုတ်အရာရှိများ အနေဖြင့် မြန်မာနိုင်ငံ၏ ပြည်သူ့ဆက်ဆံရေး ကမ်ပိန်းများတွင် ပါဝင်ကူညီနေကြပြီး ၎င်းတို့စေတနာရှိကြောင်းကို ပြသရန်အတွက် ရွာများတွင် ကျောင်းများ၊ ဆေးပေးခန်းများ ဆောက်လုပ်ပေးခြင်း၊ ရေတွင်းများ တူးပေးခြင်း အပါအဝင် အခြား ဖွံ့ဖြိုးတိုးတက်ရေး စီမံကိန်းများတွင် ကူညီဆောင်ရွက် ပေးနေကြသည်။ 

သို့ရာတွင် မကြာသေးခင်က ထောင်နှင့်ချီသော ရွာသားများသည် တရုတ်ပိုင် ကြေးနီ သတ္ထုတွင်း တခုအား တလခန့်ကြာသည့် ကန့်ကွက် ဆန္ဒပြမှုများ ပြုလုပ်ခဲ့ကြပြီး ထိုစီမံကိန်းကြောင့် ၎င်းတို့၏ မြေများ မတရားသိမ်းပိုက်ခြင်း ခံခဲ့ရသည်ဟု ရွာသားများက ဆိုသည်။ 

တရုတ်နိုင်ငံသို့ သွားရောက်လည်ပတ် နေစဉ်အတွင်း သမ္မတ ဦးသိန်းစိန် က ကြေညာချက် တစောင်ထဲတွင် တရုတ်နိုင်ငံသည် ရှေးယခင်ကတည်းက မြန်မာနိုင်ငံကို အကူအညီ များစွာ ပေးအပ်ခဲ့ကာ မြန်မာနိုင်ငံ၏ အခက်ခဲဆုံး အချိန်များတွင်လည်း မြန်မာနိုင်ငံဘက်မှ ရပ်တည်ကာ ကူညီခဲ့သည်များကို မြန်မာနိုင်ငံ ပြည်သူများအနေဖြင့် ဘယ်တော့မှ မေ့လိမ့်မည် မဟုတ်ဟု ဆိုထားသည်။ 

“မြန်မာနိုင်ငံဟာ လတ်တလော အချိန်မှာ အပြောင်းအလဲ ကာလကို ရောက်နေပါတယ်။ ဒါပေမယ့် မြန်မာနိုင်ငံဟာ တရုတ်နိုင်ငံနဲ့ ဆက်ဆံရေး တိုးတက်လာစေဖို့ကို အထူး အလေးထားတဲ့ အပြင် တရုတ်နိုင်ငံကို မြန်မာနိုင်ငံရဲ့ စစ်မှန်တဲ့ မိတ်ဆွေနိုင်ငံအဖြစ် ရှုမြင်ခဲ့တဲ့ မူဝါဒကိုလည်း ပြောင်းလဲမှာ မဟုတ်ပါဘူး” ဟု သမ္မတ ဦးသိန်းစိန်က တရုတ် ဒုသမ္မတ အား ပြောကြားခဲ့ကြောင်း သတင်းများအရ သိရသည်။ 

သမ္မတ ဦးသိန်းစိန် အနေဖြင့် ကုလသမ္မဂ္ဂသို့ ပြောကြားမည့် မိန့်ခွန်းထဲတွင် မြန်မာအစိုးရ၏ အောင်မြင်မှုများထဲမှ ရာနှင့်ချီသည့် နိုင်ငံရေး အကျဉ်းသားများအား လွှတ်ပေးခဲ့မှု၊ တိုင်းရင်းသား လက်နက်ကိုင် အင်အားစုအများစုနှင့် အပစ်အခတ် ရပ်စဲရေး စာချုပ်များ ချုပ်ဆိုခဲ့နိုင်မှု၊ မီဒီယာ ဆင်ဆာဖြတ်တောက်မှုများအား ဖြေလျှော့ပေးခြင်း၊ အလုပ်သမား ဥပဒေသစ် နှင့် ဆန္ဒပြခွင့် ဥပဒေတို့အား အသားပေး ပြောကြားလိမ့်မည်ဟု မျှော်လင့်ရသည်။ ထို့ပြင် သမ္မတ အနေနှင့် လွှတ်တော်သို့ အကြံပြုချက်များနှင့်တကွ ပြန်လည်ပေးပို့ တင်ပြထားသည့် နိုင်ငံခြား ရင်းနှီးမြှုပ်နှံမှု ဥပဒေသစ် အကြောင်းကိုလည်း အမွှမ်းတင် ပြောကြားဖွယ် ရှိသည်။ နိုင်ငံခြား ရင်းနှီးမြှုပ်နှံသူများအတွက် တရားမျှတမှု ရှိစေရန် မည်ကဲ့သို့ လုပ်ဆောင်သင့်ကြောင်း အကြံပေးထားခြင်း ဖြစ်သည်။.

ထိုင်းဝန်ကြီးချုပ်နှင့် မြန်မာသမ္မတ နယူးယောက်တွင် ထားဝယ်စီမံကိန်း ဆွေးနွေးမည်

မဇ္ဈိမသတင်းဌာန | ဗုဒ္ဓဟူးနေ့၊ စက်တင်ဘာလ ၂၆ ရက် ၂၀၁၂ ခုနှစ် ၂၁ နာရီ ၀၂ မိနစ်

မဇ္ဈိမသတင်းဌာန ။         ။ ကုလသမဂ္ဂ အထွေထွေညီလာခံသို့ တက်ရောက်ရန် အမေရိကန်နိုင်ငံတွင် ရောက်ရှိနေကြသည့် ထိုင်းဝန်ကြီးချုပ် ယင်လပ် ရှင်နာဝပ်ထရာ နှင့် မြန်မာသမ္မတ ဦးသိန်းစိန် တို့သည် ထားဝယ် ရေနက် ဆိပ်ကမ်း စီမံကိန်းနှင့် ပတ်သတ်၍ နယူးယောက် မြို့တွင် သီးသန့် တွေ့ဆုံဆွေးနွေးကြမည် ဖြစ်သည်။

အမေရိကန် ဒေါ်လာ ၆ဝ ဘီလီယံခန့် ကုန်ကျဖွယ် ရှိသည့် ရေနက်ဆိပ်ကမ်း နှင့် အထူး စီးပွါးရေးဇုန် စီမံကိန်း အတွက် နှစ်နိုင်ငံအနေဖြင့် ငွေကြေးထည့်ဝင် ထောက်ပံ့ရန် သြဂုတ်လအတွင်းက ကတိကဝတ် ပြုထားကြသော် လည်း စီမံကိန်း ရှေ့ဆက်ရန်အတွက် ဘဏ္ဍာငွေ ရှာဖွေရာတွင် အခက်အခဲ ကြုံနေရဆဲ ဖြစ်သည်။

လွန်ခဲ့သည့် သီတင်းပတ်က ရိုက်တာ သတင်းဌာနက ဖော်ပြခဲ့ရာတွင် ဂျပန်မှ ရရှိရန် မျှော်မှန်းထားသည့် ချေးငွေ အမေရိကန် ဒေါ်လာ ၃.၂ ဘီလီယံ ရရှိသည့်အချိန် တိုင်အောင် ထိုင်းဘဏ်များအနေဖြင့် စီမံကိန်း ရှေ့ဆက်နိုင်ရန် အတွက် ရေတို ချေးငွေများ ထုတ်ချေးကြမည် ဖြစ်သည်ဟု ဆိုထားသည်။

ထိုင်းဝန်ကြီးချုပ် ရင်လပ်ခ်နှင့် မြန်မာသမ္မတ ဦးသိန်းစိန်တို့အား ထိုင်းနိုင်ငံ ဘန်ကောက်မြို့ရှိ အစိုးရ အိမ်တော်တွင် ၂ဝ၁၂ ခုနှစ် ဇူလိုင်လ ၂၃ ရက်နေ့က ပြုလုပ်ခဲ့သည့် ကြိုဆိုဂုဏ်ပြုသည့် အခမ်းအနားတွင် တွေ့ရစဉ် (Photo: AFP)

ထိုင်းနိုင်ငံ၏ အကြီးဆုံး ဆောက်လုပ်ရေး ကုမ္ပဏီဖြစ်သည့် အီတာလျံ-ထိုင်း ကုမ္ပဏီ ITD သည် ထားဝယ်ဒေသတွင်ရေနက်ဆိပ်ကမ်း တခုနှင့် အထူး စီးပွါးရေးဇုန် တည်ဆောက်ရန်အတွက် ၂ဝ၁ဝ ခုနှစ်တွင် စာချုပ်ကို လက်မှတ်ရေးထိုးခဲ့သည်။ 

သို့ရာတွင် ITD အနေဖြင့် စီမံကိန်း တည်ဆောက်မှု ပထမ အဆင့် အဖြစ် လမ်းများ၊ လျှပ်စစ်မီး ပေးရေး ကဲ့သို့သော အဓိက ဝန်ဆောင်မှု လုပ်ငန်းများနှင့် ဆိပ်ကမ်းတခု တည်ဆောက်ရေးအတွက် ကုန်ကျမည့် ဒေါ်လာ ၈.၅ ဘီလီယံပြည့်မီအောင် ထည့်ဝင်ရန် ပျက်ကွက်နေသောကြောင့် စီမံကိန်းအနေဖြင့် အခက်အခဲများ ကြုံတွေ့နေရသည်။

“အီတာလျံ-ထိုင်း အနေနဲ့ ငွေကြေးတွေကို စီမံတဲ့နေရာမှာ အခက်အခဲတွေ ရှိနေပါတယ်။ ဒါကြောင့်မို့လို့ အခု ထိုင်းအစိုးရကနေ စီမံကိန်းကို လွှဲပြောင်းယူနေပါတယ်” ဟု ထားဝယ် အထူးစီးပွါးရေးဇုန် ဥက္ကဋ္ဌ ဦးသောင်းလွင်က ရိုက်တာ သတင်းဌာနအား ပြောကြားခဲ့သည်။ “နောက်တဆင့်ကတော့ ဂျပန်ကို ဖိတ်ခေါ်ဖို့ပါ” ဟု သူက ဆိုသည်။

သြဂုတ်လ အတွင်းက ထိုင်းနိုင်ငံတွင် ထိုင်းဝန်ကြီးချုပ် ရင်လပ်ခ်နှင့် မြန်မာ သမ္မတ ဦးသိန်းစိန်တို့ ထားဝယ် စီမံကိန်းနှင့် ပတ်သတ်၍ တွေ့ဆုံဆွေးနွေးခဲ့ပြီးနောက်ပိုင်းတွင် ထိုင်းဝန်ကြီးချုပ်၏ မြန်မာနိုင်ငံ ခရီးစဉ်အား နှစ်ကြိမ်ရွှေ့ဆိုင်း ထားခဲ့သည်။

ထိုင်းဝန်ကြီးချုပ်သည် ဦးသိန်းစိန်နှင့် ဆွေးနွေးပွဲအတွက် ပြင်ဆင်သည့် အနေဖြင့် ထိုင်း ဘဏ္ဍာရေးဝန်ကြီး Kittiratt Na-Ranong၊ နိုင်ငံခြားရေးဝန်ကြီး Surapong Towichukchaikul ၊ သယ်ယူ ပို့ဆောင်ရေး ဝန်ကြီး  Charupong Ruangsuwan နှင့် ဒုတိယ သယ်ယူပို့ဆောင်ရေး ဝန်ကြီး Chatchart Sithipan တို့နှင့် ပြီးခဲ့သည့် သီတင်းပတ် အတွင်းက တွေ့ဆုံဆွေးနွေးခဲ့သည်။ 

ITD အနေဖြင့် မြန်မာနိုင်ငံနှင့် နားလည်မှု စာချွန်လွှာကို ၂ဝဝ၈ ခုနှစ်တွင် လက်မှတ် ရေးထိုးခဲ့ခြင်း ဖြစ်ပြီး ထားဝယ် စီမံကိန်းကို စတင်ခဲ့သည်။ ထို ၁ဝ နှစ် စီမံကိန်းတွင် ရေနက်ဆိပ်ကမ်းများ၊ စက်ရုံအလုပ်ရုံကြီးများ၊ ရုံးအဆောက် အဦးများနှင့် စီးပွါးရေးနှင့် ကုန်သွယ်မှု ဧရိယာများ ပါဝင်သည်။ 

ကုမ္ပဏီ အနေဖြင့် စီမံကိန်း အကောင်အထည် ဖော်ရန်အတွက် ကန်ထရိုက် ရရှိခဲ့ခြင်း ဖြစ်ပြီး စီမံကိန်း၏ ပထမအဆင့် တန်ဖိုးမှာ ဒေါ်လာ ၈.၆ ဘီလီယံခန့် ရှိသည်။

အခက်အခဲများ ကြုံတွေ့လာရပြီးနောက် စာချုပ်တွင် ပါရှိသည့် ထားဝယ် အထူး စီးပွါးရေးဇုန်အတွင်း စက်မှုဇုန် နယ်မြေ ဧရိယာအား ၂၅ဝ စတုရန်း ကီလိုမီတာမှ ၂ဝဝ စတုရန်း ကီလိုမီတာသို့ လျှော့ချခဲ့ရသည်။

သမ္မတဦးသိန်းစိန် အမေရိကန် စီးပွားရေးအသိုင်းအဝိုင်းနဲ့တွေ

နိုင်ငံတော်သမ္မတ ဦးသိန်းစိန် ကုလမိန့်ခွန်းပြောခဲ့ပြီး နောက်ပိုင်း အစီအစဉ်တွေကို နယူးယောက်မြို့မှာ ဗွီအိုအေမြန်မာပိုင်း ဌာနမှုး ကိုယ်တိုင် သွားရောက် သတင်းယူခဲ့ပါတယ်။

စက်တင်ဘာလ ၂၇ရက်နေ့ မနက်ပိုင်းက ကုလသမဂ္ဂ အထွေထွေ ညီလာခံကြီးမှာ နိုင်ငံတော်သမ္မတ ဦးသိန်းစိန် မိန့်ခွန်းပြောခဲ့ပြီးတဲ့နောက်ပိုင်းမှာ နောက်ထပ် ဘာအစီအစဉ်တွေ လုပ်ခဲ့သလည်း ဆိုတာကို နယူးယောက်မြို့မှာ ကိုယ်တိုင် သွားရောက်သတင်းယူနေတဲ့ ဗွီအိုအေမြန်မာပိုင်းဌာနမှုး အခုလိုဆက်သွယ်မေးမြန်းထားပါတယ်။

မေး။   ။ဦးသန်းလွင်ထွန်း၊ ကုလသမဂ္ဂညီလာခံကြီးမှာ သမ္မတဦးသိန်းစိန် မိန့်ခွန်းပြောပြီးတဲ့အခါမှာ နောက်ထပ် ဘာအစီအစဉ်တွေများ လုပ်ခဲ့ပါသေးလဲ။

ဖြေ။   ။ဟုတ်ကဲ့။ မိန့်ခွန်းပြောပြီးပြီးချင်းပဲပေါ့နော်။ နေ့လည်ပိုင်းမှာ နယူးယောက်မြို့တော်၊ မြန်မာနိုင်ငံ ကုလသမဂ္ဂရုံးပေါ့နော် မြန်မာနိုင်ငံဆိုင်ရာ သံရုံးမှာ US Asian Business Council လို့ခေါ်တဲ့ အာရှအာဆီယံအဖွဲ့နဲ့ အမေရိကန်စီးပွားရေး ကုန်သွယ်ရေးအသင်းရယ် ကြီးမှုးပြီးတော့ မြန်မာနိုင်ငံမှာ ရင်းနှီးမြုတ်နှံမှု လုပ်ချင်တဲ့သူတွေ၊ စီးပွားရေးသမားတွေပေါ့နော်။ သူတို့တွေနဲ့ သီးသန့်တွေ့ဆုံပွဲလေး လုပ်ပါတယ်။ မီဒီယာတွေကိုတော့ ကြီးကြီးကျယ်ကျယ် ဖိတ်တာမရှိပါဘူး။ ဒါပေမယ့်လည်း ကျနော်အနေနဲ့ ကုလအကူအညီနဲ့ သွားရောက်ပြီး တက်ခွင့်ရပါတယ်။ အဲ့ဒီ့မှာ သမ္မတကြီးက လောလောဆယ် အားဖြင့် မြန်မာပြည်မှာ ဖြစ်နေတဲ့ စီးပွားရေးနဲ့ ပြုပြင်ပြောင်းလဲရေးအကြောင်းတွေကို စပြီးရှင်းပြပါတယ်။

မေး။   ။ဟုတ်ကဲ့။ အဲ့ဒီ့အစည်းအဝေးမှာ စီးပွားရေးနဲ့ပတ်သက်ပြီးတော့ ထူးထူးခြားခြား ဘာအချက်တွေများ ပြောသွားပါသေးလဲ။

ဖြေ။   ။ပထမဆုံးစရှင်းတာကတော့ မြန်မာနိုင်ငံရဲ့ ပြုပြင်ပြောင်းလဲမှု အခြေအနေပေ့ါ။ ပြုပြင်ပြောင်းလဲမှု အခြေအနေဟာ ဌာနပေါင်းစုံ ပြုပြင်မှု အခြေအနေဖြစ်နေတယ် ဆိုတဲ့အကြာင်းနဲ့ သူစပါတယ်။ နိုင်ငံရေးဘက်မှာရော၊ စီးပွားရေးဘက် မှာရော၊ နှစ်ဖက်စလုံး ပြုပြင်ပြောင်းလဲမှုတွေ လိုနေတယ်။ ဒီလိုပြုပြင်ပြောင်းလဲမှုတွေ လုပ်တဲ့နေရာ မှာ နှစ်ခုစလုံးပေါ့နော်။ ပြိုင်တူပြောင်းပါမှ ရေရှည်ခံမယ့်ဆိုတဲ့အကြောင်းနဲ့ သူ့အနေနဲ့ နောက်မဆုတ် တမ်း လုပ်သွားပါမယ်ဆိုတဲ့အကြောင်းကို သူပြောတာပေါ့နော်။ မြန်မာနိုင်ငံ မှာ ရင်းနှီးမြုတ်နှံမူလုပ်ချင်တဲ့ စီးပွားရေးသမားတွေကို အာမခံချက်ပေးတဲ့ သဘောပဲပေါ့နော်။

မေး။   ။နိုင်ငံခြားတိုက်ရိုက်ရင်းနှီးမြုတ်နှံမှုနဲ့  Direct Investment ပတ်သက်လို့ရော ဘာတွေ ထပ်ပြောသွားပါသေးလဲ။

ဖြေ။   ။အဓိကကတော့ တိုက်ရိုက်ရင်းနှီးမြုတ်နှံမှုတွေက အခွင့်အလမ်းတွေ ရှိလာတယ်ပေါ့နော်။ အခွင့်အလမ်းကောင်းတယ်ဆိုတာကိုတော့ ပြောပါတယ်။ အထူးသဖြင့် မြန်မာနိုင်ငံရဲ့ တည်နေရာအနေအထား၊ တရုတ်နိုင်ငံတို့ အိန္ဒိယတို့ ဘင်္ဂလားဒေ့ရ်ှတို့ တကယ့်ဒီလိုနေရာတွေနဲ့ နီးစပ်နေတယ်။ အာဆီယံမှာလည်း အချက်အခြာကျတဲ့ နေရာမှာရှိတယ်။ ဈေးကွက်အားဖြင့် ရင်းနှီးမြုတ်နှံမယ့် အလားအလာတွေ၊ အိုင်တီပေါ့နော်။ နည်းပညာပိုင်းတွေမှာရော၊ လုပ်အားအရင်းပြုတဲ့ နေရာတွေမှာရော လာရောက်ပြီးတော့ ရင်းနှီးမြုတ်နှံမှု လုပ်နိုင်တယ်ဆိုတဲ့ အကြောင်းတွေ ပြောတယ်လေ။

ဒါပေမယ့် စိတ်ဝင်စားစရာကောင်းတဲ့အချက်က မြန်မာနိုင်ငံရဲ့ ရင်းနှီးမြုတ်နှံမှုနဲ့ စီးပွားရေးအခွင့်အလမ်းတွေဟာ အရင်တုန်းက နီးစပ်တဲ့ လူနည်းစုအသိုင်းအဝိုင်းတွေပဲ ရတဲ့ အခြေအနေရှိခဲ့တယ်။ တပ်မတော်ကပဲ  ကြီးစိုးပြီး ချုပ်ကိုင်ထားတဲ့ စီးပွားရေး သဘောမျိုးတွေ ဖြစ်နေတယ်။ ဒီနေ့ကျရင်တော့ စီးပွားရေးမှာ နိုင်ငံသားတိုင်းဟာ အခြေခံ ဥပဒေမှာ ခွင့်ပြုထားတဲ့အတိုင်း ကိုယ်စွမ်းရှိသလောက် လုပ်ပိုင်ခွင့်ရတဲ့ စီးပွားရေးမျိုး ဖြစ်လာစေ ရမယ်။ နိုင်ငံခြားသားတွေကလည်း လာရောက်ပြီးတော့ ရင်းနှီးမြုတ်နှံမှုတွေ လုပ်ပေး လာနိုင်တဲ့ ပေါင်းစပ်လာနိုင်တဲ့ ယုံကြည်မှု ရှိလာနိုင်တဲ့ စီးပွားရေးအခြေအနေမျိုး ဖြစ်အောင် ဖန်တီးပေးမယ်လို့ သူပြောပါတယ်။

မေး။   ။သမ္မတကြီးဟာ နောက်ကြောင်းပြန်မလှည့်ဖို့အတွက်ကို သူ အာမခံပြီးတော့ ကုလသမဂ္ဂညီလာခံမှာ ပြောသွားတယ်လို့ ကျမတို့ကြားရပါတယ်။ အဲ့တာနဲ့ ပတ်သက်လို့ရော စီးပွားရေးနဲ့ ဆက်နွယ်လို့ ထပ်ပြီးပြောသွားတာ ရှိပါသေးလား။

ဖြေ။   ။ အဓိက ကတော့ နောက်ကြောင်းမပြန်ဘူးဆိုတာထက် ရင်းနှီးမြုတ်နှံသူတွေ စိတ်ချလက်ချ ဖြစ်အောင်ပေါ့နော်။ အခုလက်ရှိအားဖြင့် မြန်မာနိုင်ငံရဲ့ ရင်းနှီးမြုတ်နှံမှု ဥပဒေထဲမှာ ပါဝင်တဲ့အကြောင်းလေးတွေကို နည်းနည်းရှင်းပြတာရှိပါတယ်။ ရင်းနှီးမြုတ်နှံမှုတွေဘက်နေ သူအနေနဲ့ စိတ်ချလက်ချဖြစ်အောင် အာမခံပြီး ကာကွယ်ပေးနိုင်မယ့်အကြောင်းပေါ့နော်။ ဒါပေမယ့်လည်း မြန်မာနိုင်ငံရဲ့ အာမခံလုပ်ငန်းစနစ်တို့ ဘာတို့ဆိုတာကတော့ ကျကျနန မရှိသေးတဲ့အတွက်ကြောင့်မို့လို့ ဆက်ပြီးတော့ လုပ်ရဦးမယ်ဆိုတာကတော့ ပြောသွားတယ်ခင်ဗျ။

မေး။   ။ ဟုတ်ကဲ့ရှင်။ နောက်ဆုံး တခုမေးချင်ပါတယ်။ ဒီကိုမလာခင်တုန်းက သမ္မတကြီးက ရင်းနှီးမြုတ်နှံမှု ဥပဒေကို အတည်ပြုပေးဖို့ ကိစ္စကို ခဏ ရပ်ထားခဲ့တယ်ပေါ့နော်။ ပို့ကုန်တင်သွင်းမှုကို အမေရိကန်ဘက်ကနေပြီးတော့ တားဆီးထားတာကို ဖျက်သိမ်းမပေးသေးတဲ့အတွက်ကြောင့် ဒီဥပဒေကို လက်မှတ်မထိုးနိုင်သေးဘူးလို့ ကြားပါတယ်။ အခုတော့ ဒီတားမြစ်ချက်ကို ဖျက်သိမ်းပေးလိုက်ပြီဖြစ်တဲ့အတွက် ဒီဥပဒေက မကြာခင် ထွက်လာတော့မယ် လို့ မျှော်လင့်ကြရတာပေါ့နော်။

ဖြေ။   ။ ရင်းနှီးမြုတ်နှံမှု ဥပဒေတွေကို သမ္မတက လက်မှတ်ထိုးပေးလိုက်လို့ရှိရင် အတည်ဖြစ်တော့မယ်ဆိုတဲ့ အကြောင်းတွေကိုတော့ သူပြောသွားပါတယ်။ ဒါ့အပြင်ကို တယောက်ချင်းစီ လက်တွေ့လုပ်နေတဲ့ အခြေအနေလေးတွေမှာ အခက်အခဲလေးတွေနဲ့ ပတ်သက်ပြီး တင်ပြတာလေးတွေတော့ ရှိလာတယ်။ ဥပမာအားဖြင့် ဆိုလို့ရှိရင် General Electric Committeeကြီးကနေပြီးတော့ ကိုယ်စားလှယ်ကနေ ထပြီးတော့ GE ကနေ လုပ်တဲ့ Cast Scan  Machineတွေပေါနော်။ ဆေးဘက်ဆိုင်ရာ ဓာတ်မှန်ရိုက်တဲ့ စက်တွေပေါ့။ အဲ့တာတွေကို ဆေးရုံတွေမှာ ဝယ်ခွင့်ပြုတဲ့အတွက် သုံးတဲ့အတွက် ကျေးဇူးတင်ကြောင်းပြောတယ်။ ဒါပေမယ့်လည်း GE ကနေ ထုတ်တဲ့ လျှပ်စစ်ဂျနရေတာတွေပေါ့နော်။ အဲ့တာတွေဟာ ရန်ကုန်မှာ တပ်ဆင်ဖို့နဲ့ ဝယ်ယူဖို့ကိစ္စတွေက နဂိုတုန်းက ညှိနိူင်းထားတာတွေရှိမယ်။

နောက်ပိုင်း ညှိနှိုင်းထားတာတွေက ဝန်ကြီးအပြောင်းအလဲတွေဖြစ်ပြီးတော့ ဘာကနေ ဆက်လုပ်ရမယ်ဆိုပြီးတော့ လက်တွေ့ကျကျ မေးခွန်းမျိုးတွေ မေးတာကြားရပါတယ်။ သမ္မတကြီးက ဘာပြန်ပြောလဲဆိုတော့ ဒီလိုကိစ္စတွေမှာ အထူးသဖြင့် ဒီလိုကိစ္စမျိုးမှာဆိုရင် အရင်တုန်းက ဝန်ကြီးဌာနနှစ်ခုနဲ့ဆက်ဆံနေရာကနေ အခုဝန်ကြီးဌာန တခုတည်းလုပ်တဲ့အတွက် မို့လို့ ဆက်သွယ်ရတဲ့ လုပ်ငန်းကိုင်ငန်းတွေ ပိုမိုပြီးတော့ ချောမွေ့လာအောင် ပိုပြီးတော့ စီစဉ်ပေးပါမယ်ဆိုပြီးတော့ အာမခံပြောသွားတာတွေ ကျနော်တို့ ကြားရပါတယ်။

မေး။   ။ ဟုတ်ကဲ့။ ကျေးဇူးတင်ပါတယ်။ ဦးသန်းလွင်ထွန်းရေ။

ဒါကတော့ နယူးယောက်မှာ သွားပြီးတော့ သတင်းယူနေတဲ့ ဗွီအိုအေမြန်မာပိုင်းဌာနမှုး နဲ့ တွေ့ဆုံမေးမြန်းခဲ့တာပါ။ နောက် US Asian Business Council မှာ တွေ့ဆုံဆွေးနွေးနေတုန်းမှာပဲ ကချင်တိုင်းရင်းသား လူငယ်ခြောက်ဆယ်လောက် အဲ့ဒီ့အဆောက်အဦးရှေ့မှာ ဆန္ဒပြခဲ့ကြပါတယ်။

ဆန္ဒပြသူတွေထဲက ကိုယ်စားလှယ်တွေကို ကုလသမဂ္ဂဆိုင်ရာ မြန်မာကိုယ်စားလှယ်ရုံးထဲကို ဖိတ်ခေါ်ပြီးတော့ သမ္မတနဲ့အတူ လိုက်ပါလာတဲ့ နယ်စပ်ရေးရာဝန်ကြီး ဒုတိယ ဗိုလ်ချုပ်ကြီး သိန်းဌေး၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနဝန်ကြီး ဦးခင်ရီ၊ သမ္မတရုံးဝန်ကြီး ဦးစိုးသိန်းတို့က ခေါ်ယူတွေ့ဆုံပြီးတော့ ကချင်ပြည်နယ် အခြေအနေနဲ့ ပတ်သက်လို့ အချိန်တော်တော်ကြာ ရင်းရင်းနှီးနှီး ဆွေးနွေးရှင်းပြခဲ့တယ် လို့ သိရပါတယ်။ အခုလိုမတူညီတဲ့ သဘောထားပိုင်ရှင် ဒီဆန္ဒဖော်ထုတ်သူတွေကို မြန်မာအစိုးရ ကိုယ်စားလှယ်ရုံးထဲကို ရင်းရင်းနှီးနှီးတွေ့ဆုံရှင်းပြခဲ့တာကို တွေ့ခဲ့ရတယ်လို့ သိရပါတယ်။