Tuesday, September 25, 2012

26.09.2012 နေ့ဖတ်ရန်သတင်းများ


by Myanmar Journal on Tuesday, September 25, 2012 at 8:42pm ·

မြန်မာ့တိုးတက်မှု Kurt Campbell ဆွေးနွေး

အမေရိကန်နိုင်ငံမှာ မနေ့က စ ကျင်းပတဲ့ နိုင်ငံတကာ ဆက်ဆံရေးနဲ့ မဟာဗျူဟာ လေ့လာရေး ဌာန CSIS မှာလုပ်တဲ့ ဒုတိယနေ့ ဆွေးနွေးပွဲမှာ မြန်မာနိုင်ငံနဲ့ ဆက်ဆံရေး အလားအလာကောင်းတွေ ဖြစ်ထွန်းနေမှုကို အရှေ့အာရှနဲ့ ပစိဖိတ်ရေးရာ လက်ထောက်နိုင်ငံခြားရေးဝန်ကြီး Kurt Campbell က ဆွေးနွေးတင်ပြသွားပါတယ်။


စီးပွားရေး၊ နိုင်ငံရေးနဲ့ နိုင်ငံတကာဆက်ဆံရေး စတဲ့ ကဏ္ဍတွေမှာ တိုးတက်မှုတွေ ရှိလာတယ်လို့ လည်း ဆိုပါတယ်။ ဒီအကြောင်း အနှစ်ချုပ်ကို ဦးကျော်ဇံသာက တင်ပြပေးထားပါတယ်။
ပထမဆုံးကတော့ စီးပွားရေးအခွင့်အလမ်းတွေ ပွင့်လင်းလာတယ်ဆိုတာကို ဦးစားပေးပြီး ပြောသွားတယ်ဆိုရင် မှားမယ်မဟုတ်ပါဘူး။ ဒီအထဲမှာ အရေးကြီးတာက အမေရိကန် စီးပွားရေး အသိုင်းအဝိုင်းက အလုပ်အကိုင်ဖန်တီးနိုင်တဲ့ လုပ်ငန်းတွေ လေ့ကျင့်သင်တန်းပေးရေးလုပ်ငန်း၊ ခရီးသွားလုပ်ငန်း၊ ကုန်ထုတ်လုပ်မူ ဝန်ဆောင်မူ စတာတွေကို ဆောင်ရွက်ဖို့အတွက် အခွင့်ကောင်းတွေဖြစ်တယ်။ ဒါပေမယ့်လည်း စိန်ခေါ်မှုတွေလည်း အများကြီးရှိတယ်လို့ ဆိုပါတယ်။

လူ့အခွင့်အရေးကိစ္စမှာလည်း နှုတ်ဆိတ်မနေသင့်ဘူး။ နိုင်ငံရေးအကျဉ်းသားတချို့ လွတ်ပေးဖို့ လိုသေးတယ်။ နောက် တတိယအချက်တခုကတော့ တိုင်းရင်းသားတွေနဲ့ ပြန်လည်သင့်မြတ်ရေး ကိစ္စဖြစ်ပါတယ်။ တချိန်တုန်းကဆိုရင် ဒီကိစ္စဟာ မြန်မာနိုင်ငံအစိုးရအတွက် အင်မတန်အကဲဆတ်တဲ့ ကိစ္စဖြစ်တယ်။ ပြည်ပက ဝင်ရောက်စွက်ဖက်တယ် ဆိုပြီးတော့ အပြောခံခဲ့ရတဲ့ကိစ္စဖြစ်ပေမယ့် အခုအခါမှာတော့ ပြည်ပက ကူညီမယ့်ကိစ္စကို  သူတို့ တံခါးဖွင့်လက်ခံနေတယ်လို့ဆိုပါတယ်။

ဒီနေရာမှာ အစိုးရနဲ့ချည်းပဲ ထိတွေ့ဆွေးနွေးလို့မဖြစ်ပဲ တိုင်းရင်းသားအင်အားစုတွေနဲ့ လည်းပဲ ဆွေးနွေးဖို့ လိုအပ်တယ်။ တိုင်းရင်းသားခေါင်းဆောင်တွေနဲ့ ဆွေးနွေးရမယ်။ သူတို့လိုချင်တဲ့ အဓွန့်ရှည်ကြာတဲ့ ငြိမ်းချမ်းရေးကို ဘယ်လိုတည်ဆောက်နိုင်မလဲ။ သူတို့လိုချင်တဲ့ ကိုယ်ပိုင်အုပ်ချုပ်ရေးပုံသဏ္ဍန်က ဘယ်လိုလည်း ဆိုတာကအစ သူတို့ သိရှိအောင် လေ့လာရမယ်လို့ သူက ဆိုပါတယ်။

နောက်တခုက ပြည်ပဆက်ဆံရေး မြန်မာနိုင်ငံ ဟာ နိုင်ငံတကာမှာ ဝင်ဆန့်လာတာကို လည်း သူတို့ အားရမှုရှိတယ်။ အထူးထောက်ပြသွားတာ တခုကတော့ မြောက်ကိုးရီးယားနဲ့ မြန်မာနိုင်ငံ ဆက်နွယ်မှုဟာလည်း ပြတ်တောက်သွားနိုင်တဲ့ အစပျိုးမှုတွေကို တွေ့နေရပြီလို့လည်း ဆိုပါတယ်။တခါ မြန်မာနိုင်ငံနဲ့ အမေရိကန် ဆက်ဆံရေး ပွင့်လင်းလာတဲ့ အတွက် တရုတ်နဲ့ ဆက်ဆံရေးကို ဘယ်လိုထိခိုက်နိုင်လိမ့်မလဲ ဆိုတဲ့သဘော သတင်းထောက် တယောက်က မေးပါတယ်။

အဲ့ဒီ့ကိစ္စကို ဖြေကြားရမှာတော့ မစ္စတာ ကမ့်ဘဲလ် Campbell က မြန်မာနိုင်ငံနဲ့ တရုတ်နိုင်ငံ ဆက်ဆံရေး ကောင်းမွန်ဖို့  ကျနော်တို့ ထောက်ခံတယ်ဆိုတာ ကျနော်တို့နဲ့ မြန်မာအစိုးရနဲ့ရော အတိုက်အခံနဲ့ပါ ထိတွေ့ဆက်ဆံတဲ့နေရာမှာ အထင်အရှားတွေ့ရပါတယ်။

သူတို့ဟာ ကူးသန်းရောင်းဝယ်မှု တန်းတူမျတပြီး နိုင်ငံရေး သံတမန်ရေးအရ လည်း လေးလေးစားစား ဆက်ဆံမှုကို လိုချင်ပါတယ်။ ကျနော်တို့လည်း ဒါတွေကို ထောက်ခံပါတယ်။ ဒါဟာ နှစ်နိုင်ငံစလုံးကို အကျိုးရှိစေမယ့် ကိစ္စဖြစ်ပါတယ်။မြန်မာနိုင်ငံနဲ့ အိန္ဒိယတို့အကြား၊ မြန်မာနိုင်ငံနဲ့ အခြားသော အာရှနိုင်ငံတွေအကြား ကောင်းမွန်တဲ့ ဆက်ဆံရေး ဖြစ်ထွန်းဖို့လည်း  ကျနော်တို့ လိုလားပါတယ်။

အမှန်ပြောရမယ်ဆိုရင်တော့ မြန်မာနိုင်ငံနဲ့ ဆက်ဆံရေးနဲ့ပတ်သက်ပြီး တရုတ်နိုင်ငံကိုလည်း အလေးအနက် ရှင်းပြခဲ့ပြီးပါပြီ။ သူတို့ဟာ စီးပွားရေးအရ ဆည်မြောင်း တည်ဆောက်တယ်။ သစ်လုပ်ငန်းတွေ လုပ်တယ် စတဲ့ လုပ်ငန်းတွေ ဆောင်ရွက် နေကြပါတယ်။ ဒီလုပ်ငန်းတွေဟာ ပွင့်လင်းမြင်သာမှု ရှိအောင် ဆောင်ရွက်ဖို့ လိုအပ်တယ်ဆိုတာကိုလည်း သတင်းထောက်ရဲ့ အမေးကို မစ္စတာ Kurt Campbell က ဖြေကြားသွားတာဖြစ်ပါတယ်။

မြန်မာ့နိုင်ငံရေးတိုးတက်မှု အိုဘားမား ချီးကျူး
အမေရိကန် ပြည်ထောင်စု နယူးယောက်မြို့မှာ အင်္ဂါနေ့က စတင်ကျင်းပတဲ့ ကုလသမဂ္ဂ အထွေထွေ ညီလာခံ အတွင်း အမေရိကန် သမ္မတ ဘရက်ခ် အိုဘားမား က မြန်မာနိုင်ငံက ပြုပြင်ပြောင်းလဲမှုတွေနဲ့ပတ်သက်လို့ အားတက်စကား ပြောဆိုသွားပါတယ်။

မြန်မာသမ္မတက နိုင်ငံရေး အကျဉ်းသားတွေ လွှတ်ပေးတာ၊ ပိတ်ထားတဲ့ လူမှုအသိုင်းအ၀ိုင်းကို လွတ်လပ်ခွင့်ပေးတာ၊ ထင်ရှားတဲ့ အတိုက်အခံခေါင်းဆောင် တယောက်ကို လွှတ်တော်မှာ ပါဝင်ခွင့်ပြုခဲ့တာတွေ ရှိခဲ့ပါတယ်။ လူထုအနေနဲ့လည်း နောက်ထပ် အပြောင်းအလဲတွေ ထွက်ပေါ်လာစေဖို့ စောင့်စားနေကြပါတယ်လို့ သမ္မတ အိုဘားမား က ပြောသွားပါတယ်။
မြန်မာနိုင်ငံ အစ အီဂျစ်နိုင်ငံ အဆုံး လူထုရဲ့ လက်ထဲမှာ အာဏာရောက်စေဖို့ ခက်ခဲတဲ့ ဆုံးဖြတ်ချက်တွေ ချမှတ်ခဲ့ရတာကို သူမြင်တွေ့ခဲ့ရတယ်လို့  သမ္မတ အိုဘားမားက ဆိုပါတယ်။ ဒီအတွက် ကမ္ဘာကြီးမှာ မျှော်လင့်ချက် ပိုပြီး ထားလာနိုင် သလို အီရတ်စစ်ပွဲကို အဆုံးသတ်နိုင်ခဲ့တာ၊ အမေရိကန် စစ်သည်တွေ နေရပ်ရင်း ပြန်ခေါ်နိုင်ခဲ့တာတွေကိုလည်း အလေးထား ပြောသွားခဲ့တာပါ။ အီဂျစ်နိုင်ငံမှာ မကြာသေးခင်တုန်းက ဖြစ်ပွားခဲ့တဲ့ တိုက်ခိုက်မှုတွေလို အဖြစ်အပျက်မျိုးတွေကို တားဆီးဖို့ အတွက်လည်း သမ္မတ အိုဘားမားက ပြောပါတယ်။

အထွေထွေ ညီလာခံ အတွင်းမှာတော့ သမ္မတ အိုဘားမား ဟာ နိုင်ငံတကာ အသိုင်းအ၀ိုင်းက ခေါင်းဆောင်တွေနဲ့ တွေ့ဆုံဖို့တော့ မရှိပဲ နိုင်ငံခြားရေး ၀န်ကြီး ဟီလာရီ ကလင်တန် ကသာ သူ့ကိုယ်စား လက်ခံတွေ့ဆုံသွားမှာ ဖြစ်ပါတယ်။

ဒါ့အပြင် အဲ့ဒီ့ကုလသမဂ္ဂအထွေထွေညီလာခံရဲ့ မိန့်ခွန်းထဲမှာပဲ ကမ္ဘာပေါ်မှာ အကြမ်းဖက်မူနဲ့ အစွန်းရောက်မူကို ပြင်းပြင်းထန်ထန် ဆန့်ကျင်ကန့်ကွက်ဖို့ အမေရိကန်သမ္မတ ဘားရပ်အိုဘားမားက နိုးဆော်သွားပြီး ကမ္ဘာကြီးဟာ သည်းညည်းခံမူ၊ တိုးတက်မူတွေနဲ့ လုပ်ဆောင်နိုင်ပါတယ်လို့ ပြောကြားသွားပါတယ်။

အမေရိကန်ပြည်ထောင်စု နယူးယောက်မြို့မှာ ကျင်းပနေတဲ့ ၆၇ကြိမ်မြောက် ကုလသမဂ္ဂအထွေထွေ ညီလာခံမှာ အမေရိကန်သမ္မတ အိုဘားမားက အကြမ်းဖက်မူကို ကိုယ်တိုင် မကျူးလွန်ရင်တောင်မှ အမေရိကန်ပြည်ထောင်စုနဲ့ အနောက်ကမ္ဘာအပေါ် အမုန်းတရားပွားအောင် လုပ်ဆောင်နေသူတွေကို ဘေးဖယ်ထားဖို့ အချိန်ရောက်ပြီလို့ ပြောသွားပါတယ်။

တခါ သမ္မတ အိုဘားမား မိန့်ခွန်းပြောကြားနေချိန်မှာ လူတွေက အပေါ်ယံသဘော လက်ခုပ်တီးပြီး အားပေးတာတွေရှိခဲ့ပါတယ်။

ဒီမိုကရေစီတားဆီးသူ ဆန့်ကျင်ဖို့ အမေရိကန်တိုက်တွန်း
ဒီမိုကရေစီစနစ် တိုးတက်လာရေးကို နည်းအမျိုးမျိုးနဲ့ တားဆီးနှောင့်ယှက်နေတဲ့  မြောက်ကို ရီးယားနဲ့ အရှေ့အလယ်ပိုင်းလို ဒေသတွေက အစွန်းရောက်သမားတွေကို တကမ္ဘာလုံးက ညီညီညွတ်ညွတ်လက်တွဲပြီး ဆန့်ကျင်ကြဖို့ လိုအပ်တယ် လို့ အမေရိကန်နိုင်ငံခြားရေးဝန်ကြီး ကလင်တန်က ပြောဆိုလိုက်ပါတယ်၊ အမေရိကန်နိုင်ငံ New York မြို့ မှာ ရှိတဲ့ နိုင်ငံခြားရေး Clinton ရဲ့ ခင်ပွန်း သမ္မတဟောင်း Bill Clinton ရဲ့ ကမ္ဘာလုံးဆိုင်ရာ ရှေ့ဆောင် ဦးရွက်ရေး Clinton Global Initiative  အဖွဲ့ ကြီး က ဦးစီးကျင်းပတဲ့နှစ်ပါတ်လည် နိင်ငံတကာ ဆွေးနွေးပွဲ မှာ သူမက ခုလိုပြောသွားတာဖြစ်ပါတယ်။

Democracy  ဆန့်ကျင်ရေးအစွန်းရောက်အင်အားစု တွေကို ဆန့်ကျင် သွားဖို့ ကျွန်မတို့ အားလုံး တညီတညွတ်ထဲ ရပ်တည် ရင် ဆိုင် သွားကြဖို့ လိုပါတယ်။ မြောက်ကို ရီးယားနဲ့ အရှေ့အလယ်ပိုင်းဒေသတွေမှာ ဒီမိုကရေစီအသွင် ကူး ပြောင်းရေး ဆက်လက်ဖြစ်ပေါ်စေဖို့ ၀ိုင်းပြီး ထောက်ခံ အားပေးကြရပါလိမ့်မယ် လို့ ၀န်ကြီး Clinton က ပြောဆိုသွားပါတယ်။ 

အကြမ်းဖက် တိုက်ခိုက်မှု တွေကို ဆန့်ကျင်ရင်ဆိုင်ရာမှာ ကမ္ဘာ့ နိုင်ငံတွေကခေါင်းဆောင်တွေအားလုံး ညီညွတ်ကြဖို့ သိပ်ကိုအရေးကြီး ပါတယ်၊ ဘာလို့လဲဆိုတော့ ကမ္ဘာတလွှားက အစွန်းရောက်သမားတွေဟာ ကျွန်မတို့ အားလုံးအကွဲကွဲအပြားပြားနဲ့ ညီညွတ်မှု မရှိအောင် ကြိုးစားအားထုတ်နေကြလို့ပါဘဲလို့ သူမကသတိပေးပြောဆိုသွားပါတယ်။
တရားမျှတမှု ကင်းမဲ့တဲ့ လုပ်ရပ်တွေကို အားပေးတဲ့ အစိုးရနဲ့ အဖွဲ့အစည်းကြီးတွေရှိနေတဲ့ နိုင်ငံတွေထက် ကိုယ့်နိုင်ငံ စီးပွားရေးတိုးတက်ဖို့ ၊ အစိုးရနဲ့ သက်ဆိုင်ရာ အုပ်ချုပ်ရေးအဖွဲ့အစည်း ကြီးတွေ ကောင်းမွန်ဖွံ့ဖြိုးလာဖို့ အဓိကထားလုပ်ဆောင်နေတဲ့ နိုင်ငံ တွေက နိုင်ငံတကာ အသိုင်းအ၀န်းမှာ ရှေ့ ကို တိုးတက် ရောက်ရှိလာတယ် လို့လဲ ၀န်ကြီးClinton ကပြောဆိုသွားပါတယ်။

ဒီမိုကရေစီရေးတိုးတက်အောင်လုပ်ဆောင်မှု တွေဟာ ကမ္ဘာတလွှား ကျယ်ကျယ်ပြန့်ပြန့် ထွန်းကားနေပြီး နှစ်ပေါင်းများစွာ အာဏာရှင်တွေအောက်မှာ ဖိနှိပ်ခံခဲ့ရတဲ့ နိုင်ငံတွေအတွက် စိတ်လှုပ်ရှားစရာကောင်းတဲ့ အခွင့်အလမ်းတွေဖန်တီးခွင့်ရနေပါပြီလို့ သူမကပြောဆိုပါတယ်။

ဒါပေမဲ့ အပြောင်းအလဲနဲ့ ရင်ဆိုင်နေရတဲ့ တိုင်းပြည်တွေအနေနဲ့ သူတို့ စိတ်ကူးမြှော်မှန်းထားတဲ့ အကောင်းဆုံးဒီမိုကရေစီရေး နမူနာတွေကို တကယ်အလုပ်ဖြစ်တဲ့ အစိုးရ တွေနဲ့ ကြွယ်ဝချမ်းသာတဲ့ နိုင်ငံ့စီးပွားရေးတွေဖြစ်လာဖို့ ဘယ်လိုအကောင်းဆုံး အကောင်အထည်ဖော် သွားနိုင်မလဲဆိုတာကို ဆုံးဖြတ်ကြဖို့ဖြစ်တယ်လို့ ပြောဆိုခဲ့ပါတယ်။

နှစ်ပါတ်လည် ကုလသမဂ္ဂအထွေထွေညီလာခံကြီးကို တက်ရောက်ဖို့ နိုင်ငံအသီးသီးက နိုင်ငံ့ခေါင်းဆောင်တွေ အမေရိကန်နိုင်ငံကို ရောက်လာကြချိန်မှာ သူတိုနဲ့ တွေ့ဆုံပြီး အစည်းအဝေးတက်ဖို့ အတွက်အစည်း အဝေး ကျင်းပမဲ့ New York မြို့တော် ကို အမေရိကန်နိုင်ငံခြားရေးဝန်ကြီး Clinton ရောက်ရှိနေတာဖြစ်ပါတယ်။

လာမဲ့ ရက်တွေထဲ မှာနိုင်ငံတကာ ခေါင်းဆော်င်တွေမိန့်ခွန်းပြောဆိုကြဖို့ ရှိပြီး အမေရိကန်သမ္မတ Barack Obama ကတော့ လာမဲ့ အင်္ဂါနေ့မှာ ကမ္ဘာ့ကုလသမဂ္ဂ အထွေထွေညီလာခံမှာ မိန့်ခွန်း ပြော ဆို မှာ ဖြစ်ပါတယ်။  အထွေထွေညီလာခံ ကြီးစပြီးကျင်းပတာနဲ့တပြိုင်နက် ဆီးရီးယားအရေးကတော့  နိုင်ငံတကာ ခေါင်းဆောင်တွေရဲ့  ဆွေးနွေးပြောဆိုမှု တွေထဲမှာ ထိပ်ဆုံးက ပါဝင်လာလိမ့်မယ်လို့ အတွင်းရေးမှုးချုပ် Ban Ki Moon ကပြောဆိုခဲ့ပါတယ်။

သမ္မတ Obama ဒီနှစ်ပြောမဲ့မိန့်ခွန်းမှာ အရှေ့အလယ်ပိုင်းဒေသက အပြောင်းအလဲတွေအကြောင်း အဓိကထားပြောဆိုဖို့ရှိပါတယ်။  အမေရိကန်ပြည်ထောင်စုက လူပုဂ္ဂိုလ်တယောက် ရိုက်ကူးတဲ့ အစ္စလာမ် ဆန့်ကျင်ရေးဗီဒီယို ကြောင့် မူဆလင် ကမ္ဘာမှာ ဖြစ်နေတဲ့ အကြမ်းဖက်ဆန္ဒပြမှုတွေနဲ့ ပါတ်သက်ပြီးပြောဆိုမယ်လို့ သိရပါတယ်။

ရခိုင်ပဋိပက္ခ သုံးသပ်ဖို့ လူထု အစည်းအဝေးကျင်းပ
ရခိုင် ပဋိပက္ခအတွင်း နေအိမ်အများအပြား မီးရှို့ ဖျက်ဆီးခံခဲ့ရ
ရခိုင်ပြည်နယ်မှာ ဖြစ်ပေါ်ခဲ့တဲ့ ပဋိပက္ခ အပေါ် သုံးသပ်ဖို့နဲ့ လူထု သဘောထားကို သိရှိနိုင်ဖို့ အတွက် ၂ ရက်တာ ကြာမြင့်မယ့် ရခိုင်ဒေသ လူထု အစည်းအဝေး တစ်ခုကို ရခိုင်ပြည်နယ် ရသေ့တောင်မြို့မှာ အင်္ဂါနေ့က စတင် ကျင်းပခဲ့ပါတယ်။
ရခိုင်ဒေသ လူထု အစည်းအဝေးပွဲကို ရခိုင်ပြည်နယ် မြို့နယ် ပေါင်းစုံက လူပေါင်း ထောင်ချီ တက်ရောက် ခဲ့ပြီး မြို့နယ် အလိုက် အဖွဲ့အစည်းတွေနဲ့ လူပုဂ္ဂိုလ်အလိုက် စာတန်းတွေ ဖတ်ကြား တင်သွင်းခဲ့ကြပါတယ်။
အဲသလို တင်ပြကြတဲ့ အထဲမှာ အဓိက အားဖြင့် ရခိုင်ပြည်နယ်မှာ နေထိုင်နေကြတဲ့ မွတ်ဆလင်တွေနဲ့ ပတ်သက်ပြီး တင်ပြတဲ့ စာတန်းတွေလည်း ပါဝင်ပါတယ်။
လူမျိုးနှစ်မျိုး အတူ ယှဉ်တွဲ မနေထိုင်တဲ့ အတွက် သမ္မတကြီး ဦးသိန်းစိန် ပြောတဲ့ အတိုင်း တဘက်နိုင်ငံက တရားမ၀င် ခိုးဝင်လာသူတွေကို ဒုက္ခသည် စခန်းတွေမှာ ထားပြီး လက်ခံမဲ့ နိုင်ငံ တစ်ခုခုကို ပို့ပေးသွားဖို့ တောင်းဆိုသွားမယ်လို့ ဒီပွဲမှာ သဘာပတိ အဖြစ် ဆောင်ရွက်တဲ့ ဦးစံလှမောင်က ပြောပါတယ်။
အခု ပြုလုပ်နေတဲ့ ၂ ရက်ကြာ အစည်းအဝေးကနေ ထွက်ရှိလာတဲ့ ဆုံးဖြတ်ချက်တွေ ကိုတော့ နိုင်ငံတော် သမ္မတ အပါအ၀င် လွှတ်တော် ဥက္ကဌတွေ၊ ရခိုင်ပဋိပက္ခ စုံစမ်းရေး ကော်မရှင်နဲ့ သက်ဆိုင်ရာ ၀န်ကြီးဌာနတွေကို ပို့ပေးသွားမယ်လို့ လူထု အစည်းအဝေးနဲ့ ပတ်သက်ပြီး ပြောခွင့်ရ ပုဂ္ဂိုလ် ဦးကိုကိုမောင်က ပြောပါတယ်။
ဒီအစည်းအဝေးကို ရသေ့တောင်မြို့ မေယု ခန်းမမှာ ကျင်းပ ပြုလုပ်ဖို့ စီစဉ်ထားခဲ့ပေမယ့် အာဏာပိုင်တွေက ခွင့်မပြုတာကြောင့် အလိုတော်ပြည့် ကျောင်းအတွင်းမှာ ပြုလုပ်နေတယ်လို့ သိရပါတယ်။

ကုလသမဂ္ဂ အထွေထွေ ညီလာခံ ဖွင့်ပွဲ စ
အစွန်းရောက်သမားတွေကို ဆန့်ကျင်ဖို့ သမ္မတ အိုဘားမား ပြောသွား
ကုလသမဂ္ဂ အထွေထွေညီလာခံ နှစ်ပတ်လည် အစည်းအဝေး ဖွင့်ပွဲ ကို နယူးယောက်မြို့မှာ ကျင်းပနေပါတယ်။
မိန့်ခွန်းပြောသူတွေထဲက တဦးဖြစ်တဲ့ အမေရိကန် သမ္မတ အိုဘားမားက တမန်တော် မိုဟာမက် ကို လှောင်ပြောင်သရော်ထားတဲ့ အင်တာနက် ရုပ်ရှင်ကား ထွက်လာအပြီး ဖြစ်ပွားခဲ့တဲ့ အကြမ်းဖက် မှုတွေကို ရှုတ်ချကြောင်း သူ့မိန့်ခွန်းထဲမှာ ပြောဆို သွားပါတယ်။
ဒီရုပ်ရှင်ကားဟာ မွတ်ဆလင်တွေကိုသာ မဟုတ်ပဲ အမေရိကန်တွေကိုလည်း စော်ကားတဲ့ ရုပ်ရှင်ကား ဖြစ်တယ်လို့ ဆိုပါတယ်။
လစ်ဗျားနိုင်ငံ ဘန်ဂါဇီမြို့မှာ အမေရိကန် သံရုံး တိုက်ခိုက်ခံခဲ့ရတာဟာ ကျိုးကြောင်း ဆီလျော်မှု မရှိကြောင်းနဲ့ လစ်ဗျားနိုင်ငံဆိုင်ရာ အမေရိကန် သံအမတ်ကြီးကို သတ်ဖြတ်ခဲ့သူတွေကို ခြေရာခံ ဖမ်းဆီး အရေးယူသွားမှာ ဖြစ်ကြောင်း သမ္မတ အိုဘားမားက ပြောသွားပါတယ်။
ကုလသမဂ္ဂ အတွင်းရေးမှူးချုပ် ဘန်ကီမွန်းကလည်း အခုချိန်ဟာ အသွင် ကူးပြောင်းတဲ့ ဗရုတ်သုတ်ခ အချိန်ကာလမျိုး ဖြစ်တယ်လို့ သူ့ရဲ့ အဖွင့် မိန့်ခွန်းထဲမှာ ပြောသွားပါတယ်။
ဒီ အစည်းအဝေးကိုတက်ရောက်ဖို့ မြန်မာ သမ္မတ ဦးသိန်းစိန်ဟာလည်း အမေရိကန် နိုင်ငံ ကို အင်္ဂါနေ့မှာ ရောက်ရှိလာမှာပါ။

ဖားကန့်မြို့နယ်အတွင်း တိုက်ပွဲတွေ ဆက်ဖြစ်ပွား
စစ်ကြောင့် တိမ်းရှောင်နေရတဲ့ ဒုက္ခသည်တွေ များသထက်များ လာနေပါတယ်။
ကချင် ပြည်နယ်က ဖားကန့် မြို့နယ် အတွင်း မှာတော့ ပြီးခဲ့တဲ့ စက်တင်ဘာလ၂၂ ရက်ကနေ ၂၄ ရက် နေ့အထိ အစိုးရတပ်နဲ့ ကေအိုင်အေ တပ်တွေ အကြား တိုက်ပွဲတွေ ပြင်းထန်စွာ ဖြစ်ပွား ခဲ့ပါတယ်။
တိုက်ပွဲ ဖြစ်ရတဲ့ အကြောင်းနဲ့ ပတ်သက်ပြီး ဖားကန့် ဒေသခံ တဦး ဖြစ်တဲ့ ဦးဒါရှီလာဆိုင်း ကို ဆက်သွယ် မေးကြည့်တဲ့ အခါ မှာတော့ အစိုးရ စစ်တပ်က တာမခန် ဘက်က ချီတက် လာတဲ့ အခါမှာ ကေအိုင်ကေ ဘက်က ကသိုဏ်းတောင်မှာ နေရာယူထား ခဲ့တဲ့ အကြောင်းနဲ့ အဲဒီမှာ နှစ်ဘက် ထိပ်တိုက် တွေ့ကြပြီး ပြေလည်မှု မရဘဲ တိုက်ပွဲတွေ ဖြစ်ခဲ့တာ ဖြစ်တယ်လို့ ကြားသိရကြောင်း ပြောပါတယ်။
တိုက်ပွဲ အခြေအနေ တွေက ပြင်းထန်ပြီး နှစ်ဘက် အကျအဆုံး တွေရှိတဲ့ အကြောင်းလည်း ကြားသိရတယ်လို့ ဆိုပါတယ်။
အဲဒီအရပ်က ဒေသခံ ပြည်သူတွေ ကတော့ နှစ်ဘက် တပ်တွေ နီးလာကြချိန်မှာ ကြိုတင်ပြီး ရှောင်တိမ်းသွား ခဲ့ကြတဲ့ အကြောင်း၊ အဲဒီထဲက တချို့က တာမခန် ဘက်က ဘုန်းကြီးကျောင်း ထဲမှာ ခိုအောင်းနေကြတဲ့ အကြောင်းနဲ့ တချို့ကတော့ ဆိုင်းတောင်ရွာ ဘက်မှာ တိမ်းရှောင် နေကြတဲ့ အကြောင်း ပြောပါတယ်။
စက်တင်ဘာလ ၂၅ ရက်နေ့ မှာတော့ တိုက်ပွဲ သံတွေ မကြားရဘဲ ငြိမ်သက် နေတဲ့ အကြောင်းနဲ့ ၂၄ ရက်နေ့က တိုက်ပွဲတွေ ဖြစ်ခဲ့တဲ့ နေရာနားက နတ်မော်ရွာက ရာနဲ့ချီပြီး ရှိတဲ့ ဒေသခံတွေဟာလည်း တိုက်ပွဲတွေ ငြိမ်နေစဉ် အခွင့်ကောင်းမှာ ထွက်ပြေး တိမ်းရှောင် နေကြတယ် လို့လည်း ပြောပြပါတယ်။
အစက ဖားကန့် ဒေသတဝိုက် တိုက်ပွဲသံ မကြားရပေမယ့် အခုမှ တိုက်ပွဲတွေ ဆက်နေတာဟာ အဲဒီ ဒေသကို ထိန်းချုပ်နိုင်ဖို့ အတွက် ကြိုးစား နေကြတဲ့ သဘောမျိုး သက်ရောက်နေတယ်လို့ ဆိုပါတယ်။
နှစ်ဘက် ငြိမ်းချမ်း ရေး အတွက် ဆွေးနွေးနေကြ၊ သမ္မတကိုယ်တိုင်က ထိုးစစ်တွေ ရပ်ဖို့ ညွှန်ကြား ထားပေမယ့်လည်း ထိုးစစ် တွေက အရှိန်မသတ် သေးပဲ ရှိနေ သေးတဲ့ အကြောင်းကို ပြောကြား သွား ခဲ့ပါတယ်။ 

ပြည်သူ့ရေးရာ ဝန်ဆောင်မှုသတင်းဌာန ဖွင့်ဖို့ စီစဉ်
ပြည်သူ့ရေးရာ ဝန်ဆောင်မှု သတင်းဌာနအဖြစ် မကြာခင် ပြောင်းနိုင်ဖို့ ကြိုးစားနေ
အစိုးရပိုင်း သတင်းဌာနကို ပြည်သူ့ရေးရာ ဝန်ဆောင်မှု သတင်းဌာန အဖြစ် ပြောင်းလဲ လုပ်ဆောင်ဖို့ ပြန်ကြားရေးဝန်ကြီးဌာန၊ ဒီမိုကရက်တစ် မြန်မာ့အသံ၊ ဆွီဒင် အသံလွှင့် မီဒီယာ ဖွံ့ဖြိုးရေးရုံးတို့က ကြီးမှူးပြီး ရန်ကုန်မြို့မှာ ၂ ရက်တာ ဆွေးနွေးပွဲ ကျင်းပခဲ့ပါတယ်။
နည်းပညာ၊ ငွေရေး ကြေးရေးနဲ့ ဥပဒေရေးရာတွေ လိုအပ်နေပေမယ့်လည်း သတင်းအရေးအသားနဲ့ အများ စိတ်ဝင်စားမယ့် အစီအစဉ်တချို့ကိုတော့ စတင်လုပ် ဆောင်နိုင်တာတွေ ရှိမယ်လို့ ပြန်ကြားရေး ဝန်ကြီးဌာန ဒုတိယဝန်ကြီး ဦးရဲထွဋ်က ဘီဘီစီကိုပြောပါတယ်။
အတတ်ပညာပိုင်း ဆိုင်ရာ အခက်အခဲတွေ ရှိနိုင်သလို တင်ဆက် ရေးသားပုံတွေ ပြောင်းလဲရမှာ ဖြစ်တဲ့အတွက် လေ့ကျင့်သင်တန်းပေးမှုတွေ လုပ်ပေးရမှာ ဖြစ်တယ်လို့ ပြောပါတယ်။
အင်ဒိုနီးရှား၊ တောင်အာဖရိက စတဲ့ နိုင်ငံတွေမှာလည်း နိုင်ငံပိုင် ဝန်ထမ်းတွေနဲ့ပဲ ပြောင်းလဲ လုပ်ကိုင်ခဲ့တာကို တွေ့ရတယ်လို့ ဆိုပါတယ်။
ဒီလို ပြည်သူ့ရေးရာ ဝန်ဆောင်မှု သတင်းဌာန ပြောင်းလဲ လုပ်ဆောင်ဖို့ နိုင်ငံ အကြီးအကဲတွေက ဆုံးဖြတ်ခဲ့ပြီး ဖြစ်သလို သူတို့ကိုယ်တိုင်လည်း နိုင်ငံတကာမှာ သွားရောက် လေ့လာတာမျိုး၊ အခုလို အလုပ်ရုံ ဆွေးနွေးပွဲ ကျင်းပတာမျိုးတွေကို လုပ်ဆောင်နေတာ ဖြစ်တယ်လို့လည်း ပြောပါတယ်။
၂၀၁၃ ခုနှစ်လောက်ကျရင်တော့ သိသာထင်ရှားတဲ့ ပြောင်းလဲမှုတွေ တွေ့မယ်လို့ ထင်ကြောင်း ဦးရဲထွဋ်က ပြောပါတယ်။

ဆီးရီးယား သူပုန်နယ်မြေ ကုလ စောင့်ကြပ်ရေး
အတိုက်အခံ အစိုးရ ဖွဲ့ရင် ပြင်သစ် ထောက်ခံမယ်
အတိုက်အခံ သိမ်းထားတဲ့ ဆီးရီးယား ဒေသ တွေကို ကုလ သမဂ္ဂ အမြန် ဝင်စောင့်ရှောက် ဖို့ ပြင်သစ် သမ္မတ ဖရန်ဆွာ အော်လန်းက အထွေထွေ ညီလာခံမှာ ပြောကြား ခဲ့ပါတယ်။
ကုလသမဂ္ဂက ဆီးရီးယား ပြည်သူတွေ တောင်းခံတဲ့ အကူအညီ အထောက်အပံ့တွေ ပေးရမယ်လို့ အထွေထွေ ညီလာခံ မှာ မစ္စတာ အော်လန်း ပြောကြား ခဲ့တာပါ။
ဘရှား အာဆတ် အစိုးရ အတွက် နိုင်ငံတကာ စင်မြင့်မှာ အလားအလာ မရှိတော့လို့ အတိုက်အခံ အစိုးရ ဖွဲ့ပြီးပြီးချင်း ပြင်သစ်က အသိအမှတ် ပြုမှာ လို့ လဲ မစ္စတာ အော်လန်း က ပြော ပါတယ်။
ပြည်သူကို သတ်တဲ့ အာဏာရှင် က တိုင်းပြည် အနာဂတ်ကို မချယ်လှယ်ရ လို့လဲ အထွေထွေ ညီလာခံမှာ အမေရိကန် သမ္မတ အိုဘားမားက ဆော်သြ ခဲ့ပါတယ်။
ကိုယ့် အခွင့်အရေး ကိုယ် တောင်းဆို နေကြတဲ့ ပြည်သူ တွေကြား အုပ်စု ပဋိပက္ခ အသွင် ပြောင်း မသွားရအောင် ဆက်ပြီး ထိန်းသိမ်း ကြိုးပမ်း ပေးကြဖို့ မစ္စတာ အိုဘားမားက ပြောကြား ခဲ့ပါတယ်။
ဆီးရီးယား အစိုးရ က ဖမ်းမိတဲ့ သူပုန် အကျဉ်းသား တွေအပေါ် နှိမ့်ချ အရှက်ရ စေဖို့ မတော် မတရား ပြုကျင့် နေတယ် လို့လဲ ထိပ်တန်း လူ့အခွင့်အရေး အဖွဲ့ တဖွဲ့က ဆိုပါတယ်။
ဆီးရီးယား အစိုးရ လက် ကျသွားတဲ့ အမျိုးသား အမျိုးသမီး နိုင်ငံရေး လှုပ်ရှားသူ တွေ ကို ညှဉ်းပန်း အဓမ္မ ပြုပုံ အသေးစိတ်ကို အဖမ်းခံခဲ့ရသူ တွေက ဘီဘီစီကို ဖွင့်ချ ခဲ့ပါတယ်။
ကုလ သမဂ္ဂ စုံစမ်း စစ်ဆေးသူတွေ နိုင်ငံထဲ ဝင်ခွင့် ပိတ်ထားတာမို့ ပြောဆိုချက် တွေ မှန်သလား လွတ်လပ်တဲ့ အတည်ပြုချက် ယူဖို့ မဖြစ်နိုင်ဘူး လူ့အခွင့်အရေး စောင့်ကြည့် အဖွဲ့က ဆိုပါတယ်။
ဒီစွပ်စွဲ ချက်တွေကို ဆီးရီးယား အစိုးရက ပယ်ချ ခဲ့ပါတယ်။
သူပုန် ဘက်ကို ဒီလို ကိစ္စ စွပ်စွဲ တာ မျိုးတော့ မရှိပါဘူး။

အစွန်းရောက်ဆူပူမှုကို အိုဘားမား ရှုတ်ချ
 ဆူပူ မှု တွေကို ရင်ဆိုင်ရာမှာ အမေရိကန် နဲ့ ပေါင်းဖို့ နှိုးဆော်
ကုလ သမဂ္ဂ အထွေထွေ ညီလာခံမှာ သမ္မတ အိုဘားမားက အစွန်းရောက် ဝါဒနဲ့ ဆူပူမှု တွေကို ပြင်းပြင်း ထန်ထန် ရှုတ်ချခဲ့ပါတယ်။
မွတ်ဆလင် ကမ္ဘာ တလွှား ဆူပူ အုံကြွမှု တွေရဲ့ ဇာစ်မြစ်ကို ရင်ဆိုင်ရာမှာ အမေရိကန် နဲ့ ပူးပေါင်း ကြဖို့ ကမ္ဘာ့ ခေါင်းဆောင် တွေကို အိုဘားမားက နှိုးဆော် ခဲ့ပါတယ်။
တမန်တော် မိုဟာမက်ကို လှောင်ပြောင်တဲ့ အင်တာနက် ပေါ်က ရုပ်ရှင်ကြောင့် ဖြစ်ပွားခဲ့တဲ့ ဆူပူ မှု တွေကို သမ္မတ အိုဘားမားက ရှုတ်ချ လိုက်ပါတယ်။
ဗီဒီယိုကားက ရုန့်ရင်း ကြမ်းတမ်းလွန်းလို့ ဒါဟာ မွတ်ဆလင် တွေကိုသာ မက အမေရိကန် တွေ အားလုံးကိုလဲ စော်ကား တာပဲ ဖြစ်တယ် လို့ သူက ဆိုပါတယ်။
ဒီအတွက် အမေရိကန် အစိုးရမှာ တာဝန်မရှိဘူး လို့လဲ သူက ချေပ ခဲ့ပါတယ်။
လစ်ဗျား နိုင်ငံ ဘန်ဂါဇီက အမေရိကန် ကောင်စစ်ဝန်ရုံး တိုက်ခိုက်မှု ဟာ အမေရိကန် နိုင်ငံကို တိုက်ခိုက်တာမို့ ဘယ်ဗီဒီယိုနဲ့မှ အကြောင်းရှာလို့ မရဘဲ အမေရိကန် သံအမတ် သေဆုံးရမှု လက်သည် သတ်ဖြတ်သူ တွေကို တရားဥပဒေ ရှေ့မှောက် အရောက် ခေါ်လာနိုင်အောင် ခြေရာခံမယ် လို့လဲ ဆိုပါတယ်။
နိုဝင်ဘာလ အမေရိကန် သမ္မတ ရွေးကောက်ပွဲ မတိုင်ခင် ပေးတဲ့ မိန့်ခွန်းလဲ ဖြစ်ပါတယ်။

0 comments:

Post a Comment

စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့ စာလေးတွေကို တင်ထားပါတယ်ဗျာ

Followers

Total Pageviews

အမှာပါးစရာများရှိနေရင်

Pop up my Cbox

Blog Archive

အက်ဒမင်

အခြားကဏ္ဍများကို လေ့လာရန်

ရှာဖွေလေ တွေ့ရှိလေ

စာပေမြတ်နိုးသူများ

free counters
Related Posts Plugin for WordPress, Blogger...