30.09.2012 နေ့ဖတ်ရန်သတင်းများ

by Myanmar Journal on Saturday, September 29, 2012 at 4:21pm ·

ပုပ်ရဟန်းမင်းကြီးရဲ့ ဘဏ္ဍာစိုးဟောင်းကို ရုံးထုတ်

ပေါလို ဂတ်ဘရီအေလာ အနေနဲ့ ကတော့ ဘာ လျှောက်လဲချက်မှ မပေးသေးပါ။ ဗာတီကန်က ပုပ်ရဟန်းမင်းကြီး ဘန်နာဒစ်ရဲ့ ဘဏ္ဍာစိုးဟောင်း ဖြစ်သူ ပေါလို ဂတ်ဘရီ အေလာ ကို ပုပ်ရဟန်းမင်းကြီး ရဲ့ ရုံး ကနေ လျှို့ဝှက် စာရွက် စာတမ်းတွေ ခိုးယူမှုနဲ့ စနေနေ့မှာ စတင် ရုံးထုတ်ခဲ့ ပါတယ်။

တရားစီရင်မှု စတင်တဲ့ နေ့မှာပဲ တရားရုံး ကနေ ပုပ်ရဟန်းမင်းကြီးက စေခိုင်းခဲ့တဲ့ လုံခြုံရေး ဆိုင်ရာ စုံစမ်း စစ်ဆေးမှုတွေက တွေ့ရှိချက်တွေကို သက်သေ အထောက် အထား အဖြစ် အသုံးပြုခွင့် မပေးဘူးလို့ အမိန့် ထုတ်ပြန်လိုက် ပါတယ်။

ပေါလို ဂတ်ဘရီအေလာ အနေနဲ့ ကတော့ အခု အချိန်အထိ တရားရုံးမှာ ဘာ လျှောက်လဲချက်မှ မလုပ်သေးပါဘူး။

အစောပိုင်း တုန်းကတော့ ပုပ်ရဟန်းမင်းကြီးရဲ့ စာရွက်စာတမ်း တချို့ သတင်းထောက် တယောက်ထံ ပေါက်ကြားသွားခဲ့တယ် ဆိုတာကို သူက ဝန်ခံခဲ့ပါတယ်။

အမှုကိုတော့ လာမယ့် အင်္ဂါနေ့ကို ရက်ချိန်း ထပ်ပေးလိုက်ပါတယ်။

တရားရုံး ကနေ အပြစ်ရှိကြောင်း တွေ့ရှိရင်တော့ သူဟာ အမြင့်ဆုံး ထောင်ဒဏ် ၄ နှစ် အထိ ကျခံရနိုင်ပါတယ်။

ကချင်စစ်ပွဲတွေအပေါ် သမ္မတက KIA ကို အပြစ်ဆို

အစိုးရသစ် တက်လာပြီးနောက် ကချင်ပြည်နယ်တွင်းမှာ တိုက်ပွဲတွေ ဖြစ်ပွားလာတဲ့အပေါ် တပ်မတော်ဘက်ကနေ တိုက်ခိုက်မှုတွေ မလုပ်ဖို့ သမ္မတက အမိန့်ထုတ်ခဲ့ပေမယ့် KIA ဘက်က အဲဒီလို အမိန့်မထုတ်ခဲ့ဘူးလို့ သမ္မတ ဦးသိန်းစိန်က သတင်းထောက်တွေကို ပြောပါတယ်။

အမေရိကန်နိုင်ငံ နယူးယောက်မြို့ကို ရောက်နေတဲ့ သမ္မတ ဦးသိန်းစိန်ဟာ သောကြာနေ့တုန်းက မြန်မာ သတင်းထောက် တချို့နဲ့ တွေ့ဆုံစဉ် ကချင်ကိစ္စနဲ့ပတ်သက်ပြီး ဘီဘီစီရဲ့ မေးမြန်းချက်ကို ဖြေကြားခဲ့တာ ဖြစ်ပါတယ်။

ကချင်ပြည်နယ်တွင်းက စစ်ပွဲတွေကြောင့် တိုင်းပြည်အတွက် ဆုံးရှုံးမှုတွေ အများအပြား ဖြစ်ခဲ့ကြောင်း၊ ဒါကြောင့် ငြိမ်းချမ်းရေးရအောင် ဆက်လက် ဆွေးနွေးသွားမှာ ဖြစ်ကြောင်း ဦးသိန်းစိန်က ပြောပါတယ်။

ဒါပေမယ့် KIA အပါအဝင် တိုင်းရင်းသား အဖွဲ့ ၁၁ ဖွဲ့ပါဝင်တဲ့ UNFC မဟာမိတ်အဖွဲ့ဘက်ကလည်း အစိုးရဘက်က ထိုးစစ်တွေ ရပ်ဖို့ဆိုပြီး တိုက်တွန်းခဲ့ တာတွေလည်း ရှိပါတယ်။

ဒီမိုကရေစီရေး ခေါင်းဆောင် ဒေါ်အောင်ဆန်းစုကြည်အနေနဲ့လည်း ငြိမ်းချမ်းရေး လုပ်ငန်းစဉ်မှာ ကိုယ်တိုင် ကိုယ်ကျ မပါဝင်နိုင်ပေမယ့် ဝန်ကြီးတွေက သူနဲ့ တွေ့ဆုံတာ၊ သူ့ဆီက အကြံဉာဏ်ယူတာတွေ ရှိကြောင်း သမ္မတ ဦးသိန်းစိန်က ပြောပါတယ်။

ဒေါ်အောင်ဆန်းစုကြည်လည်း လက်ရှိ နိုင်ငံရေး လုပ်ငန်းစဉ်မှာ ပါဝင် ဆောင်ရွက်နေကြောင်း၊ သူ့ကို ဝန်းရံ ထောက်ခံသူတွေဟာလည်း အရင် စစ်အစိုးရအပေါ်မှာ အတိုက်အခံ လုပ်သလိုမျိုး လက်ရှိ အစိုးရအပေါ် လုပ်တာမျိုး မရှိတော့ပဲ၊ မထောက်ခံရင်တောင် ဆန့်ကျင်တာမျိုးတော့ မရှိကြောင်း သမ္မတက ပြောပါတယ်။

ဒါပေမယ့် လက်ရှိ မြန်မာနိုင်ငံရေးမှာ နိုင်ငံရေး တည်ငြိမ်မှု ရလာပေမယ့် သမ္မတအနေနဲ့ ကြုံရတဲ့ အခက်အခဲတွေထဲမှာ စီးပွားရေး တိုးတက်ဖို့ လိုသေးတာ၊ တိုင်းရင်းသားဒေသတွေမှာ ငြိမ်းချမ်းရေးရဖို့ လိုသေးတာတွေက အခက်အခဲတွေ ဖြစ်နေသေးကြောင်းလည်း သူက ပြောပါတယ်။

သမ္မတ ဦးသိန်းစိန်ဟာ အမေရိကန်ကနေ စက်တင်ဘာ ၂၉ ရက်နေ့မှာ ထွက်ခွာဖို့ ရှိတယ်လို့ လည်း သိရပါတယ်။

ဘားအံမြို့မှာ ကေအန်ယူ ဗဟို ဆက်ဆံရေးရုံး ဖွင့်ပြီ

အခု လဆန်းပိုင်း ကလည်း ကေအန်ယူနဲ့ အစိုးရ အကြား ဆွေးနွေးမှုတွေ ပြုလုပ်ခဲ့ပါတယ်

ကရင်ပြည်နယ် ဘားအံမြို့မှာ ကေအန်ယူ ဗဟို ဆက်ဆံရေးရုံး ဖွင့်မယ့် ကိစ္စနဲ့ ပတ်သက်ပြီး၊ KNLA စစ်ဦးစီးချုပ်နဲ့ KNU ဗဟိုကြားမှာ သဘောထား ကွဲလွဲမှုတွေ ရှိနေစဉ်မှာပဲ၊ ရုံးကို စနေနေ့မှာ ဖွင့်လှစ်လိုက်ပြီ ဖြစ်ပါတယ်။

ဒီဆက်ဆံရေးရုံး ဖွင့်ပွဲကို KNLA စစ်ဦးစီးချုပ် ဗိုလ်ချုပ်ကြီး စောမူတူးစေးဖိုး ဦးဆောင်ပြီး၊ KNLA တပ်မဟာ ၇ နဲ့ တပ်မဟာ ၆ တို့ရဲ့ တပ်မဟာ မှူးတွေ အပြင်၊ တပ်မဟာ ၄ စစ်ဆင်ရေးမှူး၊ ခရိုင် အုပ်ချုပ်ရေးမှူး အပါအဝင် KNU ဗဟိုက စောဒေးဗစ်ထောနဲ့ စောရောဂျာ တို့ပါ တက်ရောက် ကြပါတယ်။

အစိုးရ ဘက်ကတော့ သမ္မတရုံး ဝန်ကြီး ဦးအောင်မင်း ဦးဆောင်ပြီး သဘာဝ ပတ်ဝန်းကျင်နဲ့ သစ်တော ရေးရာ ပြည်ထောင်စု ဝန်ကြီး ဦးထွန်းဝင်း၊ ကရင်ပြည်နယ် ဝန်ကြီးချုပ် ဦးဇော်မင်းတို့ပါ တက်ရောက် ဖွင့်လှစ် ပေးခဲ့တာ ဖြစ်ပါတယ်။

ဘားအံမြို့ အမှတ် ၄ ရပ်ကွက်၊ ကန်သာဦး ခန်းမအနီး အဆောက်အဦး တခုမှာ ရုံးကို ဖွင့်လှစ်လိုက်တာ ဖြစ်ပြီး၊ KNLA တပ်မဟာများ ဆက်ဆံ ရေးရုံးလို့ အမည်ပေး လိုက်ကြောင်း KNLA စစ်ဦးစီးချုပ်နဲ့ နီးစပ်တဲ့ အသိုင်းအဝိုင်းက ပြောပါတယ်။

ဒီလို ဖွင့်ရတာဟာ၊ နှစ်ဘက်ကြားမှာ အမြဲ ထိတွေ့မှုတွေ ရှိပြီး၊ ပိုမို နားလည်မှုတွေ ရှိလာအောင်နဲ့ အောက်ခြေ အဆင့် အထိ တွေ့ဆုံ ဆက်ဆံမှုတွေ ရှိလာအောင် ဖြစ်တယ်လို့ သိရပါတယ်။

ဒါပေမဲ့လို့ ဘားအံမှာ အခုလို ရုံးဖွင့်ဖို့ ကိစ္စကို ကေအန်ယူ အတွင်းမှာ၊ စောစော ဖွင့်ချင်သူတွေနဲ့ နောက်ကျမှာ ဖွင့်ချင်သူတွေ ဆိုပြီး သဘောထား ကွဲပြားမှုတွေ ရှိနေပါတယ်။

ဒါကြောင့် မို့လို့ ဗိုလ်ချုပ်ကြီး စောမူတူးစေးဖိုး ဦးဆောင်တဲ့ အဖွဲ့က ရုံးဖွင့်ဖို့ အတွက် ဘားအံကို ထွက်သွားတဲ့ ၂၇ ရက် နေ့မှာပဲ၊ ဒီအဖွဲ့ရဲ့ ဆောင်ရွက်ချက် တွေကို အသိအမှတ် မပြုကြောင်း KNU နိုင်ငံရေး ဦးဆောင်အဖွဲ့ က ကြေညာချက် ထုတ်ပြန်ခဲ့ ပါတယ်။

KNU နိုင်ငံ ရေးဦးဆောင်အဖွဲ့ရဲ့ ထုတ်ပြန်ချက် အပေါ် KNLA စစ်ဦးစီးချုပ် ဗိုလ်ချုပ်ကြီး စောမူတူးစေးဖိုးရဲ့ သဘောထားကို မသိရသေးပါ။

လက်ပံတောင်းတောင် သဘာဝ ပျက်စီးမှု ကြေးနီစီမံကိန်းကြောင့် မဟုတ်လို့ ဆို

မုံရွာ တဘက်ကမ်း လက်ပံတောင်းတောင် တဝိုက်မှာ လတ်တလော ဖြစ်ပေါ်နေတဲ့ သဘာဝ ပတ်ဝန်းကျင် ပျက်စီးမှုတွေဟာ အဲဒီဒေသမှာ လုပ်နေတဲ့ မြန်မာ ဝမ်ပေါင်နဲ့ ဦးပိုင် လိမိတက်တို့ရဲ့ ကြေးနီ စီမံကိန်းကြောင့် မဟုတ်ဘူးဆိုပြီး ကုမ္ပဏီ တာဝန်ရှိသူတွေက စနေနေ့မနက်က ရန်ကုန်မြို့ Grand မီးရထား ဟိုတယ်မှာ သတင်းစာ ရှင်းလင်းပွဲ ပြုလုပ်ပြီး ငြင်းဆိုသွားပါတယ်။

အဲဒီ ဒေသမှာ စိုက်ပျိုးမြေ မြေဆီလွှာတွေ၊ သောက်သုံးရေတွေ ထိခိုက် ပျက်စီးမှု တချို့ ရှိခဲ့တာဟာ အရင်က လုပ်ခဲ့တဲ့ ဒေသဆိုင်ရာ လုပ်ငန်းတွေရဲ့ နောက်ဆက်တွဲ အကျိုးဆက်လည်း ပါမှာ ဖြစ်ပြီး ကုမ္ပဏီရဲ့ ကြေးနီ စီမံကိန်းရဲ့ လုပ်ဆောင်ချက် သက်သက်ကြောင့်ချည်း မဟုတ်ကြောင်း ရှင်းလင်း ပြောခဲ့တယ်လို့ မြန်မာ ဝမ်ပေါင်နဲ့ ဦးပိုင် လိမစ်တက်တို့ကို ကြီးကြပ်နေတဲ့ မြန်မာယံစီ ကုမ္ပဏီဘက်က ပညာရှင် တဦးက ပြောပါတယ်။

အဲဒီဒေသမှာ ကြေးစင်တောင်နဲ့ စပယ်တောင်တွေ ပျောက်သွားသလို လက်ပံတောင်း တောင်ကြီး ပျောက်သွားမှာကို လူတွေ စိုးရိမ်နေကြတာနဲ့ ပတ်သက်ပြီးတော့လည်း အဲဒီပညာရှင်က ဘီဘီစီကို ရှင်းပြရာမှာ သတ္တုရိုင်းတွေ တူးတဲ့အတွက် တောင်ပျောက်သွားမှာ ဖြစ်ပေမယ့် စီမံကိန်း ပြီးသွားရင် တောင်တွေ ပြန်ဖြည့်ပြီးသစ်ပင်တွေ စိုက်ပေးသွားမှာ ဖြစ်တယ်လို့ ပြောပါတယ်။

ကြေးနီ စီမံကိန်းကြောင့် ဒေသခံတွေအတွက် အလုပ် အခွင့်အလမ်းတွေ ဖန်တီးပေး နိုင်ခဲ့တယ်လို့လည်း သူက ပြောပါတယ်။

ကန့်ကွက် ဆန္ဒပြမှုတွေ ရှိနေပေမယ့် ကြေးနီ စီမံကိန်းကို ရပ်ဆိုင်းမှာ မဟုတ်ဘူးလို့ သိရပါတယ်။

တောင်သူလယ်သမားတွေနဲ့ ၈၈မျိုးဆက် ကျောင်းသားတွေ ပူးပေါင်းပြီး လက်ပန်းတောင်း တောင်နဲ့ ချင်းတွင်းအလှ သဘာဝ ကာကွယ် ထိန်းသိမ်း နှီးနှော ဖလှယ်ပွဲ တနင်္ဂနွေနေ့မှာ မကျင်းပခင် တရက်အလိုမှာပဲ အခုလို သတင်းစာ ရှင်းလင်းပွဲ လုပ်ခဲ့တာ ဖြစ်ပါတယ်။

Al Shabaab စစ်သွေးကြွ တွေကို မိုဂါဒစ်ရူးက မောင်းထုတ်လိုက်ပြီ

ဆိုမာလီ နိုင်ငံမှာ သူတို့ တပ်တွေက Mogadishu မြို့မှာရှိတဲ့ အစ္စလာမ် ဝါဒီ Al Shabaab စစ်သွေးကြွ တွေကို အဓိက နောက်ဆုံး အခြေကုပ်ယူထားတဲ့ နေရာ ကနေ မောင်းထုတ် လိုက်နိုင်ပြီလို့ အာဖရိက သမဂ္ဂ တပ်ဖွဲ့ အကြီးအကဲက ပြောပါတယ်။

အာဖရိက သမဂ္ဂနဲ့ ဆိုမာလီ တပ်ဖွဲ့တွေက အခုတော့ မြို့တခုလုံးကို ထိန်းချုပ် ထားလိုက်ပြီ လို့ ဘီဘီစီကို ဗိုလ်ချုပ်ကြီး General Fred Mugisha က ပြောပါတယ်။

အာဖရိက သမဂ္ဂ တပ်ဖွဲ့တွေရဲ့ ထိုးစစ်ကြောင့် မိုဂါဒစ်ရှူးမြို့ မြောက်ပိုင်းမှာ စစ်သွေးကြွ တွေက အရပ်သားတွေ နေထိုင်ရာ ဒေသတွေကို ပစ်ခတ်နိုင်တဲ့ နေရာကနေ မောင်းထုတ် လိုက်နိုင်ပြီလို့ မစ္စတာ မူဂီရှာက ဆိုပါတယ်။

မိုဂါဒစ်ရူးမြို့က ဘီဘီစီ သတင်းထောက် အပြောအရ အယ်လ်ရှာဘတ် အဖွဲ့တွေဟာ Daynile ဆိုတဲ့ ဒေသ အပြင်ဘတ်မှာ ရှိနေစဲ ဖြစ်ပြီး သူတို့ဟာ ဆိုမာလီ တောင်ပိုင်းနဲ့ အလယ်ပိုင်းမှာ ဒေသတော်တော်များများကို လွှမ်းမိုးထားဆဲဘဲလို့လည်း ပြောပါတယ်။

အဲလ်ရှာဘတ် သူပုန်တွေ ကစ်မာယို မြို့က ဆုတ်ခွာပြီ

ကင်ညာ တပ်ဖွဲ့တွေဟာ ရေကြောင်းကနေ ဝင်ရောက်ခဲ့ ကြတာ ဖြစ်ပါတယ်

ဆိုမာလီနိုင်ငံက အဲလ်ရှာဘတ် အစ္စလာမ် သူပုန်တွေဟာ သူတို့ နောက်ဆုံး ခြေကုပ် ယူထားတဲ့ ကစ်မာယို ဆိပ်ကမ်း မြို့ကနေ ဆုတ်ခွာ ပေးလိုက်ပြီ ဖြစ်ပါတယ်။

ဆိုမာလီ အစိုးရနဲ့ ကင်ညာ ပူးတွဲ တပ်ဖွဲ့တွေ ဟာ ကစ်မာယိုမှာ ရှိတဲ့ အဲလ်ရှာဘတ် သူပုန်တွေကို ရေကြောင်းနဲ့ မြေပြင် ကနေ ထိုးစစ်ဆင် တိုက်ခိုက် ခဲ့ကြပြီးနောက်မှာ သူပုန်တွေ အခုလို ဆုတ်ခွာသွားတာ ဖြစ်ပါတယ်။

သူပုန်တွေ ဘယ်ကို ထွက်ပြေး သွားကြတယ် ဆိုတာကို တော့ မသိကြောင်း ကင်ညာနိုင်ငံ ကာကွယ်ရေး ဝန်ကြီး ယူဆက်ဖ် ဟာဂျီ က ပြောပါတယ်။ ဒါပေမယ့်လို့ ဆိုမာလီဟာ နိုင်ငံကြီး တခုဖြစ်ပြီး၊ ကစ်မာယို မြို့ကနေလည်း ထွက်ပေါက်တွေ အများကြီး ရှိတယ်လို့ သူက ပြောပါတယ်။

မြို့ထဲမှာတော့ လုယက်မှုတွေ ဖြစ်ပွားနေပြီး အဲလ်ရှာဘတ် ရုံးတွေကိုလည်း ဝင်ရောက် မွှေနှောက်မှုတွေ ရှိခဲ့ပါတယ်။

ကင်ညာ တပ်ဖွဲ့တွေဟာ သောကြာနေ့က ရေကြောင်းကနေ ဝင်ရောက်ခဲ့တာ ဖြစ်ပြီး အခုတော့ မြို့ရဲ့ မြောက်ဘက်ပိုင်း နေရာတွေ ဆီကို ဦးတည် ဝင်ရောက် နေပါတယ်။

အဲလ်ရှာတဘ် အဖွဲ့ ပြောခွင့်ရသူ ကတော့ သူတို့ဟာ နည်းနာအရ ဆုတ်ခွာ ပေးလိုက် တာ ဖြစ်တယ်လို့ ပြောပါတယ်။

သမ္မတဦးသိန်းစိန် အမေရိကန်ခရီးစဉ်အပေါ် ကျေနပ်အားရ

ကိုသားညွှန့်ဦး

29.09.2012

ကုလသမဂ္ဂ အထွေထွေ ညီလာခံ တတ်ရောက်ဖို့ အမေရိကန် ပြည်ထောင်စုကို လာရောက်တဲ့ သမ္မတ ဦးသိန်းစိန်ရဲ့ ခရီးစဉ်ဟာ အတိုင်းထက်အလွန် အောင်မြင်ခဲ့တယ်လို့ အတူပါလာတဲ့ သမ္မတ အကြံပေးတဦးက ပြောပါတယ်။ အမေရိကန်သမ္မတ ဘရက်အိုဘားမား မြန်မာနိုင်ငံကို အလည်လာဖို့လည်း သမ္မတ ဦးသိန်းစိန်က ဖိတ်ကြားခဲ့တယ်လို့ ပြောပါတယ်။ သမ္မတ ဦးသိန်းစိန် ခရီးစဉ်နဲ့ ပတ်သက်လို့ အတူပါလာတဲ့ သမ္မတရဲ့ စီးပွားရေး၊ လူမှုရေး၊ အကြံပေးကောင်စီဝင် ဒေါက်တာကျော်ရင်လှိုင်ကို ကိုသားညွန့်ဦးက ဆက်သွယ် မေးမြန်းထားတာပါ။

ဒေါက်တာ ကျော်ရင်လှိုင်ခင်ဗျ၊ အခု သမ္မတ ဦးသိန်းစိန်ရဲ့ အမေရိကန် ခရီးစဉ်ပေါ့၊ ပြန်လည်း ပြန်ခါနီးပြီဆိုတော့ ဒီခရီးစဉ်နဲ့ပတ်သက်လို့ ဘယ်လိုများ မြင်လဲ။ ကျေနပ်အားရမှုရှိလား။ -

“သမ္မတကြီးရဲ့ အခုလက်ရှိလာတဲ့ ကမ္ဘာ့ကုလသမဂ္ဂ ညီလာခံကို တက်ဖို့အတွက် ခရီးစဉ်က အတိုင်းအထက်အလွန် အောင်မြင်ပါတယ်ခင်ဗျ။ ဒါက ကျနော်တို့က ကုလသမဂ္ဂ ညီလာခံမှာဆိုလို့ရှိရင်လည်း လာတက်ကြတဲ့အခါမှာ ခါတိုင်းဆိုရင် လူတွေက နည်းနည်းပဲ တက်ကြပေမဲ့ သမ္မတကြီးနေ့မှာတော့ လူတွေ အများကြီး တက်ကြပါတယ်။ နောက်ပြီးတော့ အမေရိကန်အစိုးရ အဖွဲ့က အရာရှိကြီးတွေလည်း လာပြီးတော့ သမ္မတကြီးကို ဂါရ၀ ပြုကြတယ်။ သမ္မတဟောင်း ဘီလ်ကလင်တန်၊ နောက် ဟင်နရီ ကစ်ဆင်ဂျာ လို အရေးကြီး ပုဂ္ဂိုလ်ကြီးတွေကလည်း လာပြီး သမ္မတကြီးကို ဂါရ၀ ပြုကြပါတယ်။ သူတို့တွေ အားလုံးကလည်း မြန်မာနိုင်ငံနဲ့ အမေရိကန် ဆက်ဆံရေး တိုးတက်ဖို့ အတွက် သူတို့တွေ အင်တိုက် အားတိုက် လုပ်ကြမယ်ဆိုတာကို ကတိပြုပြီး ပြောကြတယ်လေ။ ကျနော်ကတော့ အတိုင်းနဲ့အလွန်ကို အောင်မြင်တယ်လို့ ထင်ပါတယ်ခင်ဗျ။”

တဆက်တည်းပဲ ကျနော်တို့ကြားရတဲ့ သတင်းတချို့မှာတော့ အမေရိကန် သမ္မတ အိုဘားမား ကလည်း မြန်မာနိုင်ငံကို သွားမယ်လို့ ကြားနေလို့။ အဲဒါနဲ့ ပတ်သက်လို့ရော သူတို့ဘက်က ဘာများ ပြောတာဆိုတာ ရှိပါလဲခင်ဗျ။ -

“ဒါကတော့ ဒီလို သွားမယ်ပြုမယ် ဆိုတာကတော့ ဘာမှမရှိသေးပါဘူး ခင်ဗျ။ သမ္မတကြီး ဦးသိန်းစိန် ကနေ ကျနော်တို့ နိုင်ငံခြားရေးဝန်ကြီး ဟီလာရီကလင်တန်နဲ့ တွေ့တဲ့အခါမှာ သမ္မတကြီး အိုဘားမားကို နှုတ်ခွန်းဆက်တဲ့ စာလေးတစောင် ပေးပါတယ်။ အဲဒီစာထဲမှာတော့ သမ္မတကြီး အိုဘားမားကို သမ္မတကြီး ဦးသိန်းစိန်က အချိန်အားတဲ့အခါမှာ မြန်မာနိုင်ငံကို လာလည်ပါဦးလို့ ဖိတ်ကြားတာ ရှိပါတယ်။ အခုချိန်မှာလည်း အမေရိကန် နိုင်ငံမှာ ရွေးကောက်ပွဲ အချိန် ဖြစ်နေတဲ့ အခါကျတော့ သမ္မတကြီး အိုဘားမား ကလည်း အလုပ်တွေ အရမ်း များနေပါတယ်။ နောက် သူ အချိန်အားတဲ့အခါမှာ လာနိုင်မလာနိုင်ကတော့ အဲဒီအခါကျမှ သူ စဉ်းစားပြီး ဆုံးဖြတ်မှာပေါ့လေ။ အခုကတော့ ကျနော်တို့ဘက်က သမ္မတကြီး အိုဘားမားကို မြန်မာနိုင်ငံကို အချိန်အားတဲ့အခါမှာ လာရောက် လည်ပတ်ပါဦးလို့ ဖိတ်ကြားထားတဲ့အဆင့်မှာပဲ ရှိပါသေးတယ်။”

နောက်ဆုံးတချက်လေး မေးချင်ပါတယ်။ အခုက မြန်မာသမ္မတ တဦးအနေနဲ့ အမေရိကန် ခေါင်းဆောင်တဦး အနေနဲ့ ဆယ်စုနှစ်နဲ့ချီကြာ ပထမဆုံးအကြိမ် ခရီးပေါ့။ အဲဒီတော့ အမေရိကန်-မြန်မာ ဆက်ဆံရေးဟာ ဒီခရီးစဉ်ကြောင့် ဘယ်လိုများ ထိရောက်မှု ရှိတယ်လို့ မြင်ပါလဲ။ -

“ဟုတ်ကဲ့။ အများကြီး အကျိုးသက်ရောက်မှု ရှိပါတယ်။ အဓိက က ဘာလဲ ဆိုတော့ လွန်ခဲ့တဲ့ အနှစ် ၂၀ အတွင်းမှာ မြန်မာနဲ့ အမေရိကန် ဆက်ဆံရေးဟာ အတော်လေး မကောင်း ဖြစ်ခဲ့တယ်လေ။ ဖြစ်ခဲ့ပေမဲ့ သမ္မတကြီး ဦးသိန်းစိန် လာတဲ့အခါမှာတော့ အားလုံးက၊ ပထမဆုံးလာတဲ့ နိုင်ငံ ခေါင်းဆောင် အနေနဲ့ လာတဲ့ခရီးစဉ်၊ နောက်ပြီးတော့ ရှေ့ဆက် မြန်မာနိုင်ငံ အတွက် ဘာလုပ်ပေးချင်လဲ။ သမ္မတကြီး လာတာကို မြင်တဲ့အခါမှာ ဒီကပြည်သူတွေကလည်း သမ္မတကြီး ပြောတာတွေကို နားထောင်ပြီးတဲ့ အခါကျတော့ အရမ်း တက်ကြွတယ်။ သမ္မတကြီးကိုလည်း ယုံကြည်လာကြတဲ့ အခါကျတော့၊ သမ္မတကြီးရဲ့ ပြုပြင် ပြောင်းလဲမှုတွေကို ယုံကြည်တာနဲ့အညီ အမေရိကန် အစိုးရဘက်ကလည်း လုပ်ပေးချင်တာ တွေကလည်း ပို ပိုများတယ်။ ရှေ့လျှောက် ကျနော်တို့ မြန်မာ-အမေရိကန် ဆက်ဆံရေးဟာ အလွန် အင်မတန် ကောင်းမွန်လာမယ်လို့ ကျနော် မြင်ပါတယ်ခင်ဗျ။”

သမ္မတ ဦးသိန်းစိန်ရဲ့ စီးပွားရေးနဲ့ လူမှုရေး အကြံပေး ကောင်စီဝင် ဒေါက်တာကျော်ရင်လှိုင်ကို ကိုသားညွှန့်ဦးက ဆက်သွယ် မေးမြန်းထားတာပါ။

သမ္မတဦးသိန်းစိန်ဟာ အခု ခရီးစဉ်အတွင်းမှာ အမေရိကန် နိုင်ငံခြားရေး ၀န်ကြီး ဟီလာရီ ကလင်တန်နဲ့ တွေ့ဆုံခဲ့သလို၊ သမ္မတဟောင်း ဘီလ်ကလင်တန်၊ နိုင်ငံခြားရေးဝန်ကြီးဟောင်း ဟင်နရီ ကစ်ဆင်ဂျာ တို့ကိုလည်း တွေ့ဆုံခဲ့ပါတယ်။ ဒါ့အပြင် ပရဟိတ လုပ်ငန်းတွေ ဆောင်ရွက်နေတဲ့ သန်းကြွေသူဌေး ဂျောဂ်ျဆိုးရော့စ် လို ပုဂ္ဂိုလ်မျိုးအပြင်၊ အမေရိကန်-အာဆီယံ စီးပွားရေးကောင်စီရဲ့ စီစဉ်မှုနဲ့ အမေရိကန် စီးပွားရေး လုပ်ငန်းက တာဝန်ရှိသူ အတော်များများကိုလည်း လက်ခံတွေ့ဆုံခဲ့ပါတယ်။ သမ္မတဦးသိန်းစိန်ဟာ ကုလသမဂ္ဂ အတွင်းရေးမှူးချုပ် ဘန်ကီမွန်းနဲ့လည်း ဒီနေ့ တွေ့ဆုံခဲ့ရာမှာ မြန်မာနိုင်ငံရဲ့ နိုင်ငံရေး ပြုပြင်ပြောင်းလဲမှုအပြင် အမျိုးသား ပြန်လည် သင့်မြတ်ရေးနဲ့ လူမှု စီးပွားဖွံ့ဖြိုးရေး ကိုပါ အမြင်ချင်း ဖလှယ် ဆွေးနွေးခဲ့ကြပါတယ်။

ရခိုင်ပြည်နယ်တွင်း ဖြစ်ပွားခဲ့တဲ့ ခိုက်ရန်ဖြစ်ပွားမှုတွေနဲ့ ပတ်သက်ပြီး မတူကွဲပြားတဲ့ လူမျိုးစုတွေအကြား သဟဇာတရှိရေး မြှင့်တင့်ဖို့နဲ့ ဖွံ့ဖြိုးရေး ကြိုးပမ်းကြဖို့ အပါအ၀င် နှစ်ဘက် တင်းမာမှု အခြေခံ အကြောင်းရင်းတွေကို ဆန်းစစ် ကိုင်တွယ်ဖို့ အတွက် ချက်ချင်း လက်ငင်းသာမက ရေရှည်ရှုဒေါင့်ကနေ ကုလသမဂ္ဂ အတွင်းရေးမှူးချုပ်နဲ့ သမ္မတဦးသိန်းစိန်တို့က သုံးသပ် ဆွေးနွေးခဲ့ကြပါတယ်။ ဒီကိစ္စနဲ့ ပတ်သက်လို့ ရေရှည် အကျိုးသက်ရောက်မှုတွေကို ကိုင်တွယ်သွားမှာ ဖြစ်တယ်လို့ သမ္မတဦးသိန်းစိန်က တုံ့ပြန်ခဲ့ပါတယ်။

သမ္မတဦးသိန်းစိန်ရဲ့ အခု ကုလသမဂ္ဂခရီးစဉ်ဟာ နှစ် ၅၀အတွင်း မြန်မာအစိုးရ အကြီးဆုံး ခေါင်းဆောင်တဦး အနေနဲ့ ပထမဆုံး ကုလသမဂ္ဂ အထွေထွေညီလာခံကို တတ်ရောက်တဲ့ခရီးစဉ် ဖြစ်သလို၊ အမေရိကန်-မြန်မာ ဆက်ဆံရေးမှာ ပြောင်းလဲလာတဲ့ အခြေအနေတရပ်လို့လည်း သုံးသပ်လို့ရပါတယ်။

မလေးရှား ကူညီရေးအဖွဲ့ ရခိုင်ဒုက္ခသည်တွေကို တွေ့ဆုံမည်

Putera 1 MalaysiaClub လို့ခေါ်တဲ့ မလေးရှားနိုင်ငံ လူသားချင်းစာနာမှု အဖွဲ့ထဲက ပထမအသုတ်ဟာ ရခိုင်ပြည်နယ်က ဒုက္ခသည်တွေ ရှိနေတဲ့ နေရာတွေကို သွားရောက်ဖို့ အတွက် စနေနေ့ညနေ ပိုင်းမှာပဲ မြန်မာနိုင်ငံကို ထွက်ခွာသွားပါတယ်။

အဲဒီအဖွဲ့မှာ ဆရာဝန်တွေ နဲ့ သတင်းမား ၄ ဦး အပါအ၀င် ရှေ့ပြေး အဖွဲ့ဝင် ၁၄ ဦးပါဝင်ပြီးတော့၊ ရခိုင်ပြည်နယ်ထဲမှာ ဆေးဝါးကူညီစောင့်ရှောက်ရေး ဌာနတခုကိုလည်း ဖွင့်လှစ်မှာ ဖြစ်တယ်လို့ Putera 1 Malaysia အသင်းရဲ့ ဥက္ကဋ္ဌ Datuk Abdul Azeez Abdul Rahimy ကပြောပါတယ်။ အဖွဲ့ဝင် ၁၄ ဦး ပါဝင်တဲ့အဖွဲ့ မြန်မာနိုင်ငံကို ရောက်ရှိပြီးနောက် လေး ငါးရက်အကြာမှာတော့ သူတို့အတွက် နောက်ထပ် အဖွဲ့တဖွဲ့ထပ်ပြီး သွားရောက်ဦးမှာ ဖြစ်တယ်လို့ အသင်းရဲ့ ဥက္ကဋ္ဌ Rahimy က ပြောပါတယ်။

ရခိုင်ပြည်နယ်ကို သွားရောက်မယ့် ဒီ ကူညီထောက်ပံ့ရေး အဖွဲ့မှာ စုစုပေါင်း လူ ၅၀ ပါပြီး အောက်တိုဘာလ ၁၀ ရက်နေ့မှာ မြန်မာနိုင်ငံကနေ ပြန်လည် ထွက်ခွာမှာ ဖြစ်တယ်လို့ Abdul Azeez က ပြောပါတယ်။

အစားအသောက် နဲ့ ဆေးဝါးအထောက်အပံ့ တန်ချိန် ၅၀၀ ကို တင်ဆောင်ထားတဲ့ ကူညီထောက်ပံ့ရေး သင်္ဘောဟာ မလေးရှားနိုင်ငံ Port Klang ဆိပ်ကမ်း ကနေ အင်္ဂါနေ့တုန်းက ထွက်ခွာသွားပြီး၊ မြန်မာနိုင်ငံကို အောက်တိုဘာ ၂ ရက်နေ့ ၀န်းကျင်လောက် ရောက်မယ်လို့ ခန့်မှန်းရကြောင်း The Star Online သတင်းမှာ ဖော်ပြထားပါတယ်။

သမ္မတဦးသ်ိန်းစိန်နဲ့ မြန်မာသတင်းသမားများ တွေ့ဆုံ

အမေရိကန်ပြည်ထောင်စု၊ နယူးယောက်မြို့မှာကျင်းပနေတဲ့ ကုလသမဂ္ဂအထွေထွေညီလာခံကို တက်ရောက်နေတဲ့ မြန်မာသမ္မတ ဦးသိန်းစိန်ဟာ မကြာသေးခင် အချိန်ပိုင်းအတွင်းကတော့ သတင်းထောက်တွေနဲ့ အဲဒီမှာ တွေ့ဆုံခဲ့ပါတယ်။ အဲဒီက အခြေအနေတွေကို သတင်းထောက်တွေနဲ့တွေ့ဆုံရာမှာ ရောက်ခဲ့တဲ့ ဗွီအိုအေ မြန်မာပိုင်းဌာနမှူး ဦးသန်းလွင်ထွန်းကို ကိုသားညွန့်ဦးက ဆက်သွယ် မေးမြန်းထားပါတယ်။

မေး။ ။ ဦးသန်းလွင်ထွန်းရေ- အခု နယူးယောက်မြို့မှာ သမ္မတဦးသိန်းစိန်က ဒီကနေ့ သူ့ရဲ့အစီအစဉ် ဘာတွေများ ရှိသေးလဲ ခင်ဗျ။

ဖြေ။ ။ ဒီနေ့မနက်အစောပိုင်းမှာတော့ သမ္မတကြီးက နယူးယောက်မြို့မှာ ရှိနေတုန်းမှာ သတင်းလာယူကြတဲ့ မြန်မာပိုင်းဆိုင်ရာ အသံလွှင့် ဌာနတွေက လူတွေနဲ့ တွေ့ဆုံပြီးတော့ သူတို့ မေးမြန်းချက်တွေကို ဖြေကြားတယ်လေ။ အထူးသဖြင့် VOA ရှိတယ်၊ RFA ရှိတယ်၊ DVB နောက်ပြီးတော့ နောက်ပြီးတော့ သမ္မတကြီးနဲ့အတူပါလာတဲ့ Skynet က အဖွဲ့တွေလည်း ဝင်ပြီးတော့ မေးမြန်းခွင့် ပေးတယ်။ စုစုပေါင်းတော့ တစ်နာရီလောက်ကြာအောင် စိတ်ရှည်လက်ရှည် ဖြေသွားတာ တွေ့ရပါတယ်။

မေး။ ။ ဟုတ်ကဲ့၊ အဓိက ဆွေးနွေးမေးမြန်းတဲ့အထဲမှာ ဘယ်အကြောင်းအရာတွေကို ဦးစားပေးပြီးတော့ သမ္မတက ဖြေသွားလဲ ခင်ဗျ။

ဖြေ။ ။ အကြောင်းအရာကတော့ တော်တော်စုံတယ်။ အထူးသဖြင့် တိုင်းရင်းသားကိစ္စတွေရော၊ နောက်ပြီးတော့ လက်ပန်းတောင်းတောင် ကြေးနီ စီမံကိန်း ကိစ္စတို့ - ဒါမျိုးကိစ္စတွေကိုလည်း မေးတဲ့သူ ရှိတယ်လေ။ နောက်ပြီးတော့ အမေရိကန်နဲ့ မြန်မာ အခု ဆက်ဆံရေး နီးစပ်လာတယ်ဆိုတော့ ဒီလို နီးစပ်မှုတွေထဲမှာ တပ်မတော်ချင်း ဆက်ဆံမှုတွေရော ဘယ်လို ရှိလာနိုင်မလဲဆိုတဲ့ မေးခွန်းမျိုးက အစပေါ့။ အဲဒါမျိုးတွေလည်း ပါပါတယ်။ နောက် စီးပွားရေး ပိတ်ဆို့မှုတွေ တဖြည်းဖြည်းနဲ့ လျော့လာပြီးတဲ့နောက်ပိုင်းမှာ ဘယ်လောက်အထိ မျှော်မှန်းလို့ ရမလဲ၊ ဘယ်လောက်အထိ အခြေအနေတိုးတက်လာနေပြီလဲ - ဆိုတဲ့ မေးခွန်းမျိုးတွေလည်း ပါပါတယ်။

မေး။ ။ ဟုတ်ကဲ့။ အမေရိကန်-မြန်မာ ဆက်ဆံရေးနဲ့ ပတ်သက်လို့ရော သူ့ဘက်က ထူးထူးခြားခြား ဘာများပြောသွားတာ ရှိပါလဲ။

ဖြေ။ ။ အမေရိကန်-မြန်မာ ဆက်ဆံရေးနဲ့ကတော့ - အခုဆိုလို့ရှိရင် ဒီခရီးစဉ်ထဲမှာလည်း တော်တော်လေး ကောင်းမွန်လာနေပြီ၊ အထူးသဖြင့် တပ်မတော်ပိုင်းနဲ့ ဆက်ဆံရေး ကိစ္စတွေမှာဆိုရင်တော့ ဟိုတလောတွေတုန်းက သူတို့ သတင်းတွေမှာ ဖော်ပြနေသလိုပေါ့နော်။ အမေရိကန်နဲ့ မြန်မာတပ်ဖွဲ့တွေ ပူးပေါင်းပြီး စစ်ရေးသင်တန်းပေးမှုတွေ၊ လေ့ကျင့်မှုတွေလုပ်မယ်ဆိုတဲ့ တချို့သတင်းစကားတွေက အခြေအမြစ်မရှိပါဘူးဆိုတဲ့အကြောင်း ပြောသွားတဲ့ ဒါပေမဲ့လည်း တကယ်တန်း မြန်မာနိုင်ငံမှာရှိနေတဲ့ တပ်မတော်ကို ခေတ်မီတဲ့ တပ်မတော်ဖြစ်ဖို့ ဆိုလို့ရှိရင်တော့ အမေရိကန်တင်မကဘူး၊ အတုယူသင့်တဲ့၊ နည်းပညာယူသင့်တဲ့ နေရာတွေမှာ အကုန်လုံး သင်တန်းတက်တာတို့၊ ပူးပေါင်းဆောင်ရွက်တာတို့ လုပ်ရမှာပဲ ဆိုတဲ့ သဘောမျိုးတော့ ပြောသွားပါတယ်။

မေး။ ။ မကြာခင်မှာ အမေရိကန်ကလည်း အရေးယူမှုတွေ ပိုပြီးတော့ လျှော့ပေါ့ပေးတော့မယ့်သဘော တွေ့ရပါတယ်။ အမေရိကန် နိုင်ငံခြားရေးဝန်ကြီး ဟီလာရီကလင်တန်ကလည်း အဲဒီလို ပြောခဲ့ပါတယ်။ ဒီအပေါ်မှာရော သမ္မတအနေနဲ့ စီးပွားရေးပိတ်ဆို့မှုနဲ့ ပတ်သက်လို့ သူ့ရဲ့သဘောထား ဘာများပြောလဲခင်ဗျ။

ဖြေ။ ။ အဲဒါတွေကတော့ သူလည်း ပြောပါတယ်။ အထူးသဖြင့် အခြေအနေတွေက အခုမှ လျှော့နေတုန်းပဲဆိုတော့ လက်တွေ့အားဖြင့် တော့ တကယ်တန်းက လက်တွေ့အားဖြင့် များများစားစား အကောင်အထည်ပေါ်မလာသေးတာတော့ ရှိနေတာပေါ့နော်။ အထူးသဖြင့် သွင်းကုန် တင်ပို့မှုတွေကို ပိတ်ဆို့မှုကို ပယ်ဖျက်ပေးလိုက်တဲ့ ကိစ္စမျိုးဆိုလို့ရှိရင်  မကြာသေးခင်ကမှ ဖြစ်တဲ့ကိစ္စ၊ နောက်ပြီးတော့ စီးပွားရေး ပိတ်ဆို့မှုတွေ လျှော့ချပေးတယ်ဆိုတဲ့ ကိစ္စမှာလည်း ရင်းနှီးမြှုပ်နှံမှုတွေက လက်တွေ့အားဖြင့်တော့ ချက်ခြင်းကြီး သိသာထင်ရှားစွာ ဝင်လာတယ်ဆိုတာ မတွေ့ရသေးဘူးပေါ့နော်။ ဒါပေမဲ့လည်း သူ့ရဲ့ခရီးစဉ်အတွင်းမှာ စီးပွားရေးလုပ်ငန်းရှင်တွေ၊ မြန်မာနိုင်ငံမှာ ရင်းနှီးမြှုပ်နှံဖို့ လိုချင်တဲ့သူတွေ သူနဲ့လာပြီးဆွေးနွေးတယ်၊ သူနဲ့ တွေ့ဆုံတယ်ဆိုတဲ့အကြောင်းကိုတော့ သူပြောပါတယ်။

မေး။ ။ ရင်းနှီးမြှုပ်နှံမှုဆိုတော့ တလောက မြန်မာနိုင်ငံမှာ လက်ပန်းတောင်းကိစ္စလည်း မေးကြတယ်လို့ သိရပါတယ်။ အဲဒီတော့ ခုနက လက်ပန်းတောင်းကိစ္စနဲ့ တရုတ်ရင်းနှီးမြှုပ်နှံမှုကိစ္စနဲ့ ပတ်သက်လို့ သူ့ရဲ့ သဘောထား ဘာများ ပြောပါလဲ။

ဖြေ။ ။ လက်ပန်းတောင် ကိစ္စကတော့ အရင်ပိုင်း အစိုးရလက်ထက်မှာ လျော်ကြေးတွေလည်း ပေးထားတဲ့ ကိစ္စပေါ့နော်။ ဒါပေမဲ့လည်း ဒီကိစ္စမျိုးမှာ သူပြောသွားတဲ့အထဲ ကျနော် မှတ်မိသလောက်ကတော့ မြစ်ဆုံစီမံကိန်းလိုမျိုး အခြေအနေက မတူပါဘူးဆိုတဲ့ ပုံစံမျိုးကိုတော့ ရှင်းပြတာတွေ ရှိပါတယ်။ ဒါပေမဲ့လည်း သူ့အနေနဲ့ ပြည်သူတွေရဲ့ အသံကို နားဆင်မယ်ဆိုတဲ့ ပုံစံမျိုးတော့ ရှိပါတယ်။ အမေရိကန်နဲ့ နီးစပ်လာလို့ တရုတ်နဲ့များ အခြေအနေ ဘယ်လိုရှိမလဲဆိုတာကိုလည်း သူ့အနေနဲ့ ရှင်းပြပါတယ်။ ဒါက အမေရိကန်နဲ့နီးစပ်လို့ တရုတ်နဲ့ ခွာပြဲရမယ်ဆိုတဲ့ ပုံစံမျိုးမဟုတ်ဘူးဆိုတဲ့ နိုင်ငံတကာ ဆက်ဆံရေးပုံစံမျိုးကို သူ့အနေနဲ့ ရှင်းပြပါတယ်။မေး။ ။ ဟုတ်ကဲ့၊ ကိုသန်းလွင်ထွန်းရေ ကျေးဇူးပါခင်ဗျ။

ဒါကတော့ မကြာသေးခင် အချိန်ပိုင်းအတွင်းကပဲ နယူးယောက်မြို့မှာ မြန်မာသမ္မတဦးသိန်းစိန်က သတင်းထောက်တွေနဲ့ တွေ့ဆုံခဲ့တာနဲ့ ပတ်သက်ပြီးတော့ ဗွီအိုအေ မြန်မာပိုင်း ဌာနမှူး ဦးသန်းလွင်ထွန်းကို ကိုသားညွန့်ဦးက မေးမြန်းခဲ့တာပါ။

သမ္မတဦးသိန်းစိန်နဲ့ သတင်းထောက်တွေ မေးမြန်းချက်တွေကို ဗွီအိုအေရဲ့ ရေဒီယိုရော ရုပ်မြင်သံကြားကပါ မကြာခင်ရက်ပိုင်းတွေအတွင်း ထုတ်လွှင့်ပေးသွားဖို့ ကြိုးပမ်းနေပါတယ်။ ဒါ့အပြင် ဝန်ကြီးအဖွဲ့ တချို့နဲ့ ဗွီအိုအေ မြန်မာပိုင်း သီးသန့်တွေ့ဆုံမှုတွေကိုလည်း နောက်နေ့တွေမှာ ထုတ်လွှင့်သွားဖို့ ရှိပါတယ်။