03.09.2012 နေ့ဖတ်ရန်သတင်းများ

by Myanmar Journal on Sunday, September 2, 2012 at 7:46pm ·

အမေရိကန် သမ္မတရွေးပွဲ အကြိတ်အနယ် မဲဆွယ်လှုပ်ရှား

ဒီသီတင်းပတ်ထဲမှာ ဒီမိုကရက်တစ် ပါတီက မြောက်ကာရိုလိုင်းနား ပြည်နယ် ရှားလော့ (Charlotte) မြို့မှာ တနိုင်ငံလုံး အတိုင်းအတာနဲ့ ပါတီညီလာခံ ကျင်းပဖို့ ပြင်ဆင်နေကြသလိုပဲ ဒီမိုကရက်တစ် ပါတီဝင် အမေရိကန် သမ္မတ ဘားရက် အိုဘားမား (Barack Obama) ကရော သူ့ပြိုင်ဘက် ရီပတ်ဘလစ်ကန်ပါတီက သမ္မတလောင်း မစ်ရွန်မနီ (Mitt Romney) ကပါ တဘက်နဲ့ တဘက် အပြစ်တွေ ထောက်ပြပြီး မဲဆွယ် နေကြပါတယ်။

ပါတီ နှစ်ရပ်စလုံးက အမေရိကန်ပြည်ထောင်စုမှာ သူပြိုင်ကိုယ်ပြိုင် အနိုင်ကျဲရမယ့် ပြည်နယ်တွေ အတွက် စနေနဲ့ တနင်္ဂနွေ နေ့တွေမှာ မဲဆွယ်ခရီးတွေ ထွက်နေကြတာပါ။

သမ္မတ အိုဘားမားက  အိုင်အိုဝါ ပြည်နယ် (Iowa) နဲ့ ကော်လိုရာဒို (Colorado) ပြည်နယ်တွေကို သွားရောက် နေချိန်မှာပဲ  မစ္စတာ ရော်မနီကတော့ အိုဟိုင်းအိုး (Ohio) နဲ့ ဖလော်ရီဒါ (Florida) ပြည်နယ်တွေမှာ လူထုဟောပြောပွဲတွေ လုပ်ပြီး မဲဆွယ်ခဲ့ကြပါတယ်။ သမ္မတ အိုဘားမားဟာ အမေရိကန်ပြည်သူ ၂၃ သန်းကို အလုပ်လက်မဲ့ ဒါမှမဟုတ် အလုပ်လက်မဲ့ နီးပါး ဖြစ်စေခဲ့ပြီး သူပြောခဲ့သလို အမေရိကန် စီးပွားရေးကို ပြန်နလံထူလာအောင် လုပ်မပေးနိုင်ခဲ့ဘူး လို့ မစ္စတာ ရော်မနီက ဝေဖန်လိုက်ပါတယ်။ သူကတော့ အမေရိကန်နိုင်ငံ အတွက် အလုပ်ပေါင်း ၁၂ သန်း ဖန်တီးပေးဖို့ ရှိပြီး စွမ်းအင်ဆိုင်ရာမှာ အမေရိကန် နိုင်ငံအနေနဲ့ သူများကို မှီခိုမနေရအောင် လုပ်ဆောင်ပေးမယ်လို့ ပြောခဲ့ပါတယ်။ သမ္မတ အိုဘားမား ကတော့ မစ္စတာ ရော်မနီဟာ သူပြောနေကျ အမေရိကန် လူလတ်တန်းစားတွေ အတွက် ရပ်တည်ဖို့ မူဝါဒဟောင်းတွေကို  ပြီးခဲ့တဲ့ အပတ် ရီပတ်ဘလစ်ကင်ပါတီ ညီလာခံမှာ လိုက်ပြောခဲ့ပေမဲ့ အခု လောလောဆယ် ထောင်နဲ့ချီတဲ့ အမေရိကန် တပ်သားတွေ တာလီဘန်တွေနဲ့ အာဖဂန်မှာ စစ်ပွဲ ဆင်နွှဲနေတာကိုတော့ တလုံးမှ မပြောခဲ့ဘူးလို့ သူ့ရဲ့ အိုင်အိုဝါ (Iowa) က မဲဆွယ်ပွဲမှာ ဝေဖန်လိုက်ပါတယ်။ သမ္မတအိုဘားမားရဲ့ ဒီမိုကရက်တစ် ပါတီ မဲဆွယ်ရေး တာဝန်ခံ David Axelrod ကတော့  သမ္မတဟာ အရင် ရီပတ်ဘလစ်ကန် ပါတီဝင်တွေ မလုပ်နိုင်ခဲ့တဲ့ အမေရိကန် လူလတ်တန်းစားတွေ အတွက် ဦးစားပေး လုပ်ဆောင်မှု အတွက် ပြတ်ပြတ်သားသား ထုတ်ဖော် ပြောဆိုဖို့ ရှိတယ်လို့ Fox သတင်းဌာနကို ဒီကနေ့ ပြောကြားခဲ့ပါတယ်။

ရခိုင်အရေး မန္တလေးလူထု ဆန္ဒပြ

လူသေဆုံးမှုတွေရှိခဲ့တဲ့ ရခိုင်ပြည်နယ် အဓိကရုဏ်းအပေါ် ကော်မရှင်ဖွဲ့ စုံစမ်းစစ်ဆေးဖို့ ကုလသမဂ္ဂရဲ့ တောင်းဆိုချက်ကို ကန့်ကွက်တဲ့ အနေနဲ့ မန္တလေးမြို့မှာ ရဟန်းရှင်လူပြည်သူတွေ ဒီကနေ့ စုပေါင်း ဆန္ဒပြခဲ့ကြပါတယ်။ ကုလသမဂ္ဂ အရာရှိကြီးတွေ မြန်မာနိုင်ငံကို လာရောက်စဉ် ရိုဟင်ဂျာ မူစလင်တွေနဲ့ ပတ်သက်ပြီး သမ္မတ ဦးသိန်းစိန် ရဲ့ ပြောကြားချက်တွေ အတိုင်း အကောင်အထည်ဖော် ဖို့ကိုလည်း ဆန္ဒပြသူတွေက တောင်းဆိုခဲ့ကြပါတယ်။ အင်အား ၁၀၀ လောက်သာ ဆန္ဒပြဖို့ အာဏာပိုင်တွေက ခွင့်ပြုထားပေမဲ့ သံဃာတွေရော လူတွေပါ ထောင်နဲ့ချီ ပါဝင်လာတာကြောင့် လုံခြုံရေးကိုလည်း အပြည့်ယူခဲ့ရတဲ့ မန္တလေးမြို့က ဆန္ဒပြပွဲ အခြေအနေနဲ့ပတ်သက်ပြီး ဆက်သွယ် စုံစမ်းထားတဲ့ မနန္ဒာချမ်း က တင်ပြထားပါတယ်။

မန္တလေးမြို့က သံဃာတော်တွေ ဦးဆောင်ပြီး ထောင်နဲ့ချီတဲ့ မြို့ခံလူထုကနေ အဖြူရောင် တီရှပ်တွေကို ၀ပ်ဆင်ထားပြီးတော့ ဒီနေ့ မနက် ၁၀ နာရီလောက်မှာ ဆန္ဒပြခဲ့ကြတာပါ။ မကြာသေးခင် လအတွင်းက ရခိုင်ပြည်နယ်မှာ ဖြစ်ပွားခဲ့တဲ့ ရခိုင်-မူစလင် အဓိကရုဏ်း အတွင်း လူ့အခွင့်အရေး ချိုးဖောက်မှုတွေ ရှိခဲ့တာကြောင့် စုံစမ်းရေးကော်မရှင်ဖွဲ့ စစ်ဆေးဖို့ကို မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် သောမတ် အိုဟေး ကင်တားနား က သူ့ခရီးစဉ်အတွင်း သမ္မတဦးသိန်းစိန် အစိုးရကို တောင်းဆိုခဲ့တဲ့အပေါ် ကန့်ကွက်တဲ့ အနေနဲ့ ဆန္ဒပြခဲ့တာ ဖြစ်တယ်လို့ ဦးဆောင် သံဃာတော်တပါးက ပြောပါတယ်။

ဒါ့အပြင် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရဲ့ မြန်မာနိုင်ငံခရီးစဉ်အတွင်း သမ္မတ ဦးသိန်းစိန်ကနေ ပြောဆိုခဲ့တဲ့ ရိုဟင်ဂျာမူစလင်တွေဟာ မြန်မာတိုင်းရင်းသားတွေ မဟုတ်ကြောင်း၊ သူတို့ကို ဒုက္ခသည်တွေအဖြစ် လက်ခံပြီး တတိယနိုင်ငံတွေဆီ သွားရောက်နိုင်ဖို့ရာ အတွက် မြန်မာနိုင်ငံအနေနဲ့ အကူအညီပေးနိုင် ဆိုတဲ့ အချက်တွေအတိုင်း အမြန်ဆုံး အကောင်အထည်ဖော်ကိုလည်း ဆန္ဒပြသူတွေက တောင်းဆိုခဲ့ကြပါတယ်။ ၃ ရက်ကြာပြုလုပ်မယ့် ဒီဆန္ဒပြပွဲမှာ သက်ဆိုင်ရာအာဏာပိုင် တွေက အင်အား ၁၀၀ သာ ပါဝင်ဖို့ ခွင့်ပြုခဲ့ပေမဲ့ နောက်ပိုင်းမှာ သံဃာတော်တွေရော၊ လူတွေပါ တော်တော်များများ ပါဝင်လာခဲ့တာ ဖြစ်တယ်လို့ မန္တလေးမြို့ခံ သတင်းထောက်တဦးက ပြောပြပါတယ်။

“သူတို့ တပ်တဲ့ခေါင်းစဉ်ကတော့ သမ္မတကို ထောက်ခံတယ်ဆိုတဲ့ ဆိုင်းဘုတ်တွေ ကိုင်ထားတယ်။ လူတွေကတော့ တီရှပ်ပေါ့နော်၊ ရှေ့မျက်နှာစာမှာ ဦးသိန်းစိန်ကို ထောက်ခံတယ် ဆိုတဲ့ဟာ ရေးထားတယ်။ နောက်ပြီးတော့ ကုလ သံတမန် ကင်တားနားကို ကန့်ကွက်တယ် ဆိုပြီး သူ့ကို ကြက်ခြေခတ် လုပ်ထားတဲ့ပုံနဲ့ လူတွေက ၀တ်တယ်။ တထည်ကို တစ်ထောင်နှုန်း ဆိုလားပဲ ရောင်းတယ်။ ရောင်းပြီးတော့ သူတို့ ရန်ပုံငွေ ရှာတယ်ပေါ့။ နောက်ပြီးရင် ပါဝင်တဲ့သူတွေကတော့ သမ္မတကြီးကို ထောက်ခံပါတယ် တို့၊ သမ္မတကြီး ကျန်းမာပါစေ ဆိုတဲ့ စာသားတွေ အော်ကြတယ်ဗျ။ ကင်တားနား ကိုတော့ မထောက်ခံဘူး၊ ကန့်ကွက်တယ် ဆိုတာမျိုးတော့ မအော်ဘူး၊ ဒါပေမဲ့ ရခိုင်ပြည်က ဒို့ပြည်၊ ရခိုင်ကို မသိမ်းကြနဲ့ ဘာညာတော့ အော်ကြတယ်ဗျ။ ကင်တားနားကို သီးသန့် အော်တာမျိုးတော့ ကျနော် မကြားမိဘူးဗျ။”

မထင်မှတ်ဘဲ အင်အားများလာတာကြောင့် ယူနီဖောင်းနဲ့ရော အရပ်ဝတ်တွေနဲ့ပါ လုံခြုံရေးကို အပြည့်ယူထားတာ တွေ့ရပြီး ဆန္ဒပြပွဲကတော့ အဟန့်အတားမရှိ အေးအေးဆေးဆေးနဲ့ပဲ ပြီးဆုံးသွားခဲ့တယ်လို့ မျက်မြင်သက်သေတွေက ပြောပြပါတယ်။ အခုလို ဆန္ဒပြဖို့အတွက် လူထုကို စည်းရုံးလှုံ့ဆော် ခဲ့တာနဲ့ပတ်သက်ပြီး ဆန္ဒပြပွဲကို ဦးဆောင်ခဲ့သူ မန္တလေးမြို့၊ မစိုးရိမ်တိုက်သစ်မှ အရှင်ဝီရသူ က မိန့်ကြားပါတယ်။

“လွန်ခဲ့တဲ့ တပတ်ကျော်ကတည်းက ဉ္ပဇ္ဇင်း တို့က မစ္စတာ ကင်တားနားကို ကြက်ခြေခတ်ပုံနဲ့ သမ္မတကြီးကို အမှန်ခြစ်တဲ့ပုံကို တီရှပ်လေးတွေ ထုတ်ပြီးတော့ ရောင်းတယ်လေ။ တထည်ကို ၁,၅၀၀ နဲ့ပေါ့။ အဲဒါလေးတွေက နေ့စဉ်နဲ့အမျှ တနေ့ကို အထည် ၂၀၀ ရောင်းရတယ်၊ ၃၀၀ ရောင်းရတယ်။ ၃၅၀ ရောင်းရတယ်။ နောက်ပိုင်းရက်တွေ ၇၀၀ ရောင်းရတယ်။ ဒီနေ့ဆိုရင် အကုန်လုံး ကုန်သွားတယ်။ ပြတ်သွားတယ်ပေါ့နော်။ အဲဒီလို တီရှပ်လေးတွေနဲ့လည်း လှုံ့ဆော်ထားတယ်။ ပြီးတော့ အင်တာနက်ကလည်း အမြဲတမ်း ကြေညာတယ်။ ပြီးတော့ ကျောင်းတိုက်တွေကိုလည်း လိုက်ပြီးတော့ ကပ်တယ်လေ။ အဲဒီတော့ သမ္မတကြီးကို ထောက်ခံတဲ့သူ မည်သူမဆို တက်ရောက်နိုင်တယ်။ ပါဝင် လမ်းလျှောက်နိုင်တယ် ဆိုပြီးတော့ စာတွေလည်း ဖြန့်ဝေထားပါတယ်။ ထင်ထားတာတော့ ၁၀၀ ပေါ့။ ဒါပေမဲ့ နောက်ကနေ အင်အားဖြည့်ပြီးတော့ လိုက်လာတာတွေကျတော့ ဉ္ပဇ္ဇင်းတို့နဲ့ မဆိုင်ဘူးပေါ့။ ဉ္ပဇ္ဇင်းတို့ ဆန္ဒပြတာကတော့ စည်းကမ်းအတိုင်း ကြိုးဝိုင်းထဲမှာရှိတဲ့ ၁၀၀ ပေါ့။ ကြိုးဝိုင်းရဲ့ အပြင်ဘက်မှာရှိတဲ့ လူတွေ ပြုမူဆောင်ရွက်တာ မှန်သမျှကတော့ သူတို့နိုင်ငံရေးပိုင်းဆိုင်ရာ တာဝန်ရှိတာပေါ့နော်။”

ဒီဆန္ဒပြပွဲမှာ မန္တလေးမြို့က နံမည်ကြီး ကျောင်းတိုက်တွေဖြစ်တဲ့ မစိုးရိမ်တိုက်သစ်၊ မစိုးရိမ်တိုက်ဟောင်း၊ မြတောင်တိုက် တို့အပါအ၀င် မြို့နယ် ၄ မြို့နယ်မှာရှိတဲ့ ကျောင်းတိုက်က သံဃာတော်တွေ ထောင်နဲ့ချီ ပါဝင်ခဲ့ကြတာပါ။ ဒါပေမဲ့ ဆန္ဒပြပွဲမတိုင်ခင်ကတော့ သံဃာ့ မဟာနာယက အဖွဲ့ကနေ ဒီဆန္ဒပြပွဲမှာ သံဃာတော်တွေ ပါဝင်ပတ်သက်ခွင့် မရှိတဲ့အကြောင်း ကျောင်းတိုက်တွေကို စာထုတ်ပြန် သတိပေးခဲ့ တယ်လို့ အရှင် ၀ီရသူ (မစိုးရိမ်) က ဆက်မိန့်ပါတယ်။

“သံဃာတွေကို သံဃာ့နာယက က ကျောင်းတိုင်းကို စာထည့်ပြီးတော့ ပေးပါတယ်။ ဒီကိစ္စနဲ့ ပတ်သက်ပြီး ပါဝင်ပတ်သက်မှု မရှိစေချင်ဘူးဆိုတာ။ အဲဒါ ခရိုင် သာသနာရေးရုံးကလည်း ဉ္ပဇ္ဇင်းကို ကိုယ်တိုင်လာပြီး သွားခါနီးမှာ လာတားပါတယ်။ ဉ္ပဇ္ဇင်းက လုံးဝကို လက်မခံနိုင်တာပါ။ ဒါကြောင့်မိုလို့ မတရားတဲ့အမိန့်ဆိုရင် တော်လှန်ဖို့ ၀န်မလေးဘူး။ ကျုပ်ကို မတားနဲ့ ဆိုပြီး သံဃာတွေ ငြိမ်းချမ်းစွာ လိုက်လံ ကူညီ ပါဝင် စောင့်ရှောက်ဖို့ ဉ္ပဇ္ဇင်းတို့ တာဝန်ယူပြီး လုပ်လိုက်တာပါ။”

သမ္မတဦးသိန်းစိန်အစိုးရကတော့ ပြီးခဲ့တဲ့လထဲမှာပဲ ဒီရခိုင်ပြည်နယ် အဓိကရုဏ်းနဲ့ပတ်သက်တဲ့ ရခိုင်စုံစမ်းစစ်ဆေးရေး ကော်မရှင်တရပ်ကို ဖွဲ့စည်းခဲ့ပါတယ်။ လအတန်ကြာ ဖြစ်ပွားခဲ့တဲ့ အကြမ်းဖက် ပဋိပက္ခတွေကြောင့် ရခိုင်တိုင်းရင်းသား ၃၁ ယောက်၊ မူစလင် ၄၆ ယောက် အပါအ၀င် လူ ၇၇ ယောက် သေဆုံးခဲ့ပြီး ထိခိုက်ဒဏ်ရာရသူ ၁၀၀ နီးပါးနဲ့ အိမ်ခြေ ၄,၈၀၀ ကျော် ပျက်စီး ဆုံးရှုံးခဲ့ရတဲ့အတွက် ဒုက္ခသည်ပေါင်း ၆၀,၀၀၀ ကျော်ရှိတယ်လို့ အစိုးရက သတင်းထုတ်ပြန်ခဲ့ပါတယ်။

ခံစားခွင့်အပြည့်ရရေး အလုပ်သမားတွေ ဆန္ဒပြ

မြန်မာနိုင်ငံမှာ အလုပ်သမား အခွင့်အရေး တောင်းဆိုတာတွေကို အလုပ်ရှင်တွေဘက်က အလုပ်ထုတ်ပစ်တာတွေ များလာတဲ့အတွက် အလုပ်သမား ခေါင်းဆောင်တွေ စုပေါင်းပြီး ဆန္ဒပြပွဲတခုကို လှိုင်သာယာ စက်မူဇုံ အမှတ် (၆) ရပ်ကွက် ဘောလုံးကွင်းမှာ ပြုလုပ်ခဲ့ပါတယ်။ ဒီ အလုပ်သမား ဆန္ဒပြပွဲဟာ လှိုင်သာယာ စက်မှုဇုံနဲ့ ပဲခူး နဲ့ မန္တလေးတိုင်းတွေက စက်ရုံတွေ အပါအ၀င် စက်ရုံပေါင်း ၉၀ ကျော်ကို ကိုယ်စားပြုတဲ့ ဆန္ဒပြပွဲ ဖြစ်တယ်လို့ ပြောပါတယ်။ ဒီအကြောင်း အပြည့်စုံကို မအေးအေးမာက တင်ပြထားပါတယ်။

မြန်မာနိုင်ငံမှာ မေလ နဲ့ ဇွန်လအတွင်းမှာ ရန်ကုန်၊ မန္တလေး စတဲ့ စက်မူဇုံတွေက အလုပ်သမား ဆန္ဒပြပွဲတွေ ဖြစ်ခဲ့ပြီး နောက်ပိုင်းမှာတော့ စက်ရုံတွေ အချင်းချင်း စုပေါင်းပြီး ရန်ကုန်၊ မန္တလေး၊ ပဲခူး စတဲ့ စက်ရုံတွေ စုပေါင်း ဆန္ဒပြပွဲကို လုပ်ခဲ့တာပါ။ လှိုင်သာယာ စက်မူဇုံမှာ ဆန္ဒပြတာနဲ့ ပတ်သက်ပြီး ရန်ကုန် လှိုင်သာယာ စက်မူဇုံကို ကိုယ်စားပြုတဲ့ အလုပ်သမား ခေါင်းဆောင်တဦးက အခုလို ပြောပါတယ်။  

"လှိုင်သာယာ တဇုံလုံးမှာရှိတဲ့ စက်ရုံတွေကို ဖိတ်ပါတယ်။ လက်ရှိ လာတာကတော့ ၃၅ ရုံ၊ ၃၆ ရုံလောက်တော့ လာပါတယ်။ အောင်မြေသာယာ ရှေ့က ဘောလုံးကွင်းမှာ ပြတာပါခင်ဗျ။ တောင်းဆိုချက်က အလုပ်ချိန် ၈ နာရီမှာ လုပ်ခလစာ ၃,၀၀၀ ရရှိရေးက တချက်ပေါ့။ လာဘ်ပေးလာဘ်ယူ ပပျောက်ရေးနဲ့ တရားဥပဒေ စိုးမိုးရေး၊ အလုပ်သမား အခွင့်အရေးတွေကို ကာကွယ် စောင့်ရှောက်ရေး၊ အဓိက ကျတာကတော့ အလုပ်ချိန် ၈ နာရီကို လုပ်ခလစာ ၃,၀၀၀ ရရှိရေးကတော့ အဓိက အကျဆုံးပေါ့နော်။ နောက်ပြီးတော့ အလုပ်ရှင်က အလုပ်သမားတွေကို အလုပ်ထုတ်နေတာတွေ အတွက်လည်း ပြတာပါခင်ဗျ။ အလုပ်သမားတွေရဲ့ ဆုံးရှုံးမှုတွေ များနေပါတယ်။ အလုပ်သမား အဖွဲ့အစည်း ဖွဲ့ပြီးသော်လည်း အဲဒီ အလုပ်သမား အဖွဲ့အစည်း ဖွဲ့တဲ့သူတွေကို အလုပ်ရှင်က ဖိအားပေးပြီးတော့ တချို့တွေဆို အလုပ်ထုတ် ခံရတယ်ခင်ဗျ။ ရန်ကုန်မှာရှိတဲ့ တခြား စက်မှုဇုံတွေက လှိုင်သာယာမှာရှိတဲ့ ကျနော်တို့ စက်မှုဇုံကို ထောက်ခံတယ်။ မန္တလေးကလည်း ဒီလို ဆန္ဒပြ ထုတ်ဖော်တာကို ထောက်ခံပါတယ်ခင်ဗျ။ ပဲခူးတိုင်းက စက်ရုံတွေကလည်း ထောက်ခံတယ်။ အဲဒါမျိုးတွေ ရှိပါတယ်။ ပူးပေါင်း ပါဝင်ဖို့က မန္တလေးကလည်း လာပါတယ်ခင်ဗျ။ ပဲခူးကလည်း လာပါတယ်။ အခုလက်ရှိ ခေါင်းဆောင်တွေ ကိုယ်စားပြုပြီး တက်လာပါတယ်။ မန္တလေးနဲ့ ပဲခူးကလည်း ကိုယ်စားပြု ကိုယ်စားလှယ်တွေ ပါပါတယ်။ အထက် မြန်မာပြည် အောက်မြန်မာပြည် ပေါင်းပြီးလုပ်တဲ့ ပွဲပါခင်ဗျ။"

လှိုင်သာယာမြို့နယ် ရဲကတော့ အင်အား ၁,၀၀၀ လောက် ဆန္ဒပြမှုကို လက်မခံဘဲ အင်အား ၂၀၀ လောက်ကိုသာ ခွင့်ပြုခဲ့တာကြောင့် အမျာစုကြီးနဲ့ ဆန္ဒပြမှုကို လက်လျှော့ခဲ့ရကြောင်း၊ ဆန္ဒပြနေစဉ်မှာတော့ အနှောက်အယှက်ပေးမှု မရှိဘဲ ဓာတ်ပုံ လာရိုက်တာတွေတော့ လုပ်ခဲ့တယ်လို့ အလုပ်သမား ခေါင်းဆောင်တွေက ပြောခဲ့ပါတယ်။

"သူတို့ ကင်မရာတွေ ပါလာတယ်။ သူတို့ ဖုန်းတွေနဲ့ရော ကင်မရာတွေ နဲ့ရော၊ ဗွီဒီယို ကင်မရာတွေနဲ့ပါ ရိုက်ပါတယ်ခင်ဗျ။ သူတို့ မှတ်တမ်းတင်တယ်။ ကျနော်တို့ လူဦးရေ ၁,၀၀၀ ကျော်ပါတယ်ခင်ဗျ။ သူတို့ ဖြတ်ချတာ ၂၀၀ ပဲ ကျနော်တို့ လုပ်ခွင့်ရှိတယ် ဆိုပြီး ဖြတ်ချပါတယ်ခင်ဗျ။"

ဒီတခေါက် ဆန္ဒပြမှုမှာတော့ နိုင်ငံခြားက ရင်းနှီးမြှုပ်နှံမှုတွေကို လာရောက်ဖို့ ဖိတ်ခေါ်ခဲ့ပြီး အလုပ်အကိုင် အခွင့်အလန်းကောင်းတွေ လိုအပ်နေတယ်လို့ အလုပ်သမားတွေက ပြောပါတယ်။ အခုချိန်ထိတော့ တနေ့ အလုပ်ချိန် ၈ နာရီ သတ်မှတ်ဖို့အတွက် တောင်းဆိုနေရဆဲ ဖြစ်တယ်လို့ ဆိုပါတယ်။

မြန်မာနိုင်ငံမှာ ပြီးခဲ့တဲ့ မေလ နဲ့ ဇွန်လကတော့ အလုပ်သမားတွေရဲ့ လုပ်အားခ နစ်နာမှုတွေအပြင် အလုပ်သမား အခွင့်အရေး တောင်းဆိုဆန္ဒပြပွဲတွေ ဖြစ်ပွားခဲ့ပြီး အလုပ်သမားညွန်ကြားရေးမှူး ဦးစီးဌာနက တာဝန်ရှိသူတွေက ကြားဝင် ဖြန်ဖြေ ဆောင်ရွက်ပေးမှုတွေ ရှိခဲ့ပေမဲ့ နောက်ပိုင်းမှာ ဆန္ဒပြမှုမှာ ပါဝင်ခဲ့သူတွေကို အလုပ်ရှင်တွေက အကြောင်းအမျိုးမျိုးနဲ့ အလုပ် ထုတ်ပယ်မှုတွေ၊ အလုပ်သမား သမဂ္ဂကို ဦးဆောင်ဖွဲ့သူတွေကို အလုပ် ထုတ်ပစ်မှုတွေဟာ အများအပြား ဖြစ်လာတဲ့အတွက် အခုလိုမျိုး စက်မူဇုံတွေက စက်ရုံတွေ စုပေါင်းပြီး သူတို့ သဘောထားတွေကို ထုတ်ဖော်လာတာလည်း ဖြစ်ပါတယ်။

ဆီးရီးယားမှာ တပတ်အတွင်း လူပေါင်း ၁,၆၀၀ သေဆုံး

ဆီးရီးယားနိုင်ငံမှာ အစိုးရတပ်တွေနဲ့ အတိုက်အခံတွေကြား တိုက်ပွဲတွေ ဖြစ်ပွားနေတဲ့ ၁၈ လကြာ ကာလအတွင်း ပြီးခဲ့တဲ့ ရက်သီတင်းပတ်မှာ သေဆုံးရသူ ၁,၆၀၀ ဖြစ်သွားတာမို့  အသေအပျောက် အများဆုံး သီတင်းပတ်ဖြစ်နေတယ်လို့ ကုလသမဂ္ဂ ကလေးများ ရန်ပုံငွေအဖွဲ့ UNICEF က ပြောပါတယ်။ သေဆုံးရသူတွေထဲမှာ ကလေးငယ်တွေ ပါဝင်နေတယ်လို့ UNICEF အဖွဲ့ ပြောခွင့်ရ ပက်ထရစ် မက်ကော်မစ် (Patrick McCormick) က ပြောပေမဲ့ အတိအကျကိုတော့ ထုတ်မပြောပါဘူး။   ပြီးခဲ့တဲ့ သီတင်းပတ်ထဲမှာ သမ္မတ Bashar al-Assad အာဆတ်ရဲ့ တပ်တွေက သူ့ကို ဆန့်ကျင်သူတွေကို လေကြောင်းကပါ ချေမှုန်းတာတွေ လုပ်လာခဲ့တာမို့ သေဆုံးသူ အရေအတွက် ၁၀၀ ကနေ ၂၀၀ လောက် အထိ ရှိနိုင်တယ်လို့ ဆီးရီးယား အတိုက်အခံ လှုပ်ရှားသူတွေက ပြောပါတယ်။ ဒါပေမဲ့ အဲဒီဒေသထဲကို နိုင်ငံခြား သတင်းထောက်တွေ ၀င်ခွင့်မပေးတဲ့ အတွက်  အစိုးရဘက်ကရော အတိုက်အခံ ဘက်ကပါ ပြောကြားနေတဲ့ နေ့စဉ်သေဆုံးရသူ အရေအတွက် နဲ့ ပတ်သက်ပြီး သီးခြား အတည်ပြုချက်ရဖို့ သိပ်ကို ခဲယဉ်းပါတယ်။ ဆီးရီးယား နိုင်ငံတွင်း ဖြစ်ပွားနေတဲ့ အကြမ်းဘက် တိုက်ခိုက်မှုတွေ ထဲမှာ  သြဂုတ်လ တလထဲ အတွက် သေဆုံးရ သူပေါင်း ၅,၀၀၀ လောက် ရှိခဲ့ပြီး ဒါဟာ ပြီးခဲ့တဲ့နှစ် မတ်လမှ လူထုအုံကြွမှု စတင်ခဲ့ချိန်ကစလို့ အသေအပျောက် အများဆုံးလ ဖြစ်တယ်လို့ ဆီးရီးယား လူ့အခွင့်အရေး လှုပ်ရှားတဲ့ အဖွဲ့ အများအပြားက ပြောပါတယ်။ တနင်္ဂနွေနေ့ ကတော့  ဒမတ်စကတ် မြို့တော်ထဲက လုံခြုံရေး ၀င်းနားမှာ ဆီးရီးယား လွတ်မြောက်ရေး အတိုက်အခံ သူပုန်အဖွဲ့ရဲ့ လက်ချက်နဲ့ ဗုံး ၂ လုံး ပေါက်ကွဲခဲ့တဲ့ အတွက် လေးဦး ဒဏ်ရာရခဲ့တယ်လို့ ဆီးရီးယား အစိုးရ သတင်းမှာ ဖော်ပြပါတယ်။ ဒါ့အပြင် မြို့တော် ဆင်ခြေဖုံး ဒေသမှာ စနေနေ့ ညပိုင်း ကားဗုံး ပေါက်ကွဲမှုကနေ ၁၅ ဦး သေဆုံးခဲ့ရတယ်လို့ ဆိုပါတယ်။ ဆီးရီးယား မြို့တော် ဒမတ်စကတ် ၀န်းကျင်မှာ မကြာခင် လတွေအတွင်း သမ္မတ အာဆတ် အစိုးရရဲ့ လုံခြုံရေး ချထားတဲ့ နေရာတွေကို အဓိက ပစ်မှတ်ထား တိုက်ခိုက်လာတာ တွေ့ရပါတယ်။

ပြည်တော်ပြန် ရှစ်လေးလုံးခေါင်းဆောင်များ အစိုးရ၀န်ကြီးများနဲ့တွေ့

လက်ရှိ မြန်မာနိုင်ငံထဲက ပြုပြင် ပြောင်းလဲမှု လုပ်ငန်းတွေ အပေါ်မှာ အားရကျေနပ်မိတယ်လို့ မကြာခင်ကမှ မြန်မာနိုင်ငံကို ရောက်ရှိလာတဲ့ ၈၈ မျိုးဆက် ကျောင်းသား ခေါင်းဆောင်ဟောင်း ကိုမိုးသီးဇွန်က ပြောလိုက်ပါတယ်။ မြန်မာနိုင်ငံထဲမှာ ရှိနေတဲ့ အပြန်အလှန် သံသယဖြစ်မှုတွေ ကင်းရှင်းပြီးတော့ အပြောင်းအလဲ အတွက် ပူပေါင်း လုပ်ဆောင်သွားကြဖို့ကိုလည်း သူက တိုက်တွန်းပါတယ်။ ကိုမိုးသီးဇွန်အပါအ၀င် ပြည်ပကနေ မကြာခင်ကမှ ပြန်လည် ရောက်ရှိလာတဲ့ အတိုက်အခံ ခေါင်းဆောင်တချို့နဲ့ နိုင်ငံတော်သမ္မတ ရုံးက ပြည်ထောင်စု ၀န်ကြီး နှစ်ဦးတို့ ဒီကနေ့ ရန်ကုန်မှာ တွေ့ဆုံခဲ့ပါတယ်။ ရန်ကုန်မှာ ရောက်နေတဲ့ ကိုမိုးသီးဇွန်ကို ကိုသားညွှန့်ဦးက ဆက်သွယ် မေးမြန်းထားပါတယ်။

ဒီကနေ့ တွေ့ဆုံမှုနဲ့ပတ်သက်လို့ ကိုမိုးသီးဇွန်က အခုလို စ ပြောပြပါတယ်။“ကျနော်တို့ မြန်မာပြည်မှာ ငြိမ်းချမ်းရေး ရဖို့ပေါ့ဗျာ၊ နောက်တခုက တိုင်းပြည် ပြန်လည် ထူထောင်ရေးကိစ္စတွေကို ကျနော်တို့ ဆွေးနွေးကြပါတယ်။ အဓိက ကတော့ ၀န်ကြီး ဦးအောင်မင်း ရယ်၊ ၀န်ကြီး ဦးစိုးသိန်း ရယ် ကျနော်တို့ တွေ့ဖြစ်ပါတယ်။ စကား ပြောဖြစ်တယ်။”

ထူးထူးခြားခြား သဘောတူညီချက်တွေ ရတာမျိုး ရှိပါလား။ - 

“တွေ့ဆုံ ဆွေးနွေးမှုတွေ အရ အလွန် တိုးတက်ပါတယ်။ အလွန် အားရကျေနပ်ပါတယ်။ အစိုးရအဖွဲ့ကနေပြီးတော့ လက်ရှိ နိုင်ငံရေး ပြုပြင် ပြောင်းလဲမှုတွေကို ဘယ်လို ကြိုးပမ်း ဆောင်ရွက်နေတယ် ဆိုတဲ့အကြောင်း၊ နောက်ပြီးတော့ အခက်အခဲတွေလည်း ရှိတဲ့အကြောင်းပေါ့နော်။ အဲဒီတော့ ကျနော်တို့ မရောက်ခင်ကတော့ ကျနော်တို့မှာလည်း သံသယတွေ ရှိတယ်။ မယုံကြည်မှုတွေ ရှိတယ်။ အခုတော့ စပြီး ယုံကြည်မှုတွေ ဖြစ်လာတာပေါ့ဗျာ။ ဆိုတော့ ယုံကြည်လောက်တဲ့ ပြောင်းလဲချင်တဲ့ဆန္ဒတွေ ၀န်ကြီး နှစ်ပါးဆီက တွေ့ရတယ်။”

ကိုမိုးသီးတို့ ဒီလာတဲ့ခရီးစဉ်က သမ္မတရဲ့ ဖိတ်ကြားချက်လို့ သိရပါတယ်ခင်ဗျ။ သမ္မတ ဦးသိန်းစိန် နဲ့ရော တွေ့ဆုံဖို့ ရှိပါလား။ - 

“တွေ့ဖို့ အစီအစဉ် ရှိပါတယ်။”

ကိုမိုးသီး မြန်မာပြည်ကို ပြန်မရောက်တာ ကြာပြီ။ အခု မြန်မာပြည်ကို ရောက်ပြီ။ မနေ့ကလည်း လေဆိပ်မှာ တော်တော်လေး ကြိုကြတာ တွေ့ရပါတယ်။ ကိုမိုးသီး ဘယ်လိုများ ခံစားမိလဲ။ မြန်မာပြည်ပြန်ရောက်တဲ့အခါ အခြေအနေက - 

“မရောက်တာ ကြာတော့ဗျာ၊ မြန်မာပြည်ကိုရော အမြဲတမ်း သတိရနေတာပေါ့။ ပျော်တာပေါ့။ ဒီကိုရောက်တဲ့ အခါကျတော့လည်း ပြည်သူလူထုတွေ ကြုံတွေ့နေရတဲ့ စီးပွားရေး အခက်အခဲ ပြဿနာတွေကို ကျနော် မြင်ရတာပေါ့ဗျာ။ အဲဒီအတွက်လည်း စိတ်မကောင်းဘူးပေါ့။ ကျနော် မြင်တာကတော့ မြန်မာပြည်ဟာ စီးပွားရေး ပြဿနာကို အမြန်ဆုံး ဖြေရှင်းဖို့ လိုပါတယ်။”

ကိုမိုးသီး အနေနဲ့ ရှေ့ဆက် နိုင်ငံရေး အခြေအနေကိုရော၊ နိုင်ငံရေး လုပ်ဖို့ကိုရော ဘယ်လိုမျိုး စဉ်းစားထားပါသလဲ။ - 

“ကျနော် ဒီကို ရောက်လာတဲ့အခါကျတော့ဗျာ၊ ပွင့်ပွင့်လင်းလင်း ပြောရရင်တော့ ဒီနေ့ ဖြစ်နေတဲ့ မြန်မာ့နိုင်ငံရေး ပြဿနာကြီးကို အလေးထားရေးအမြင်နဲ့ ဒီမိုကရေစီ လမ်းကြောင်းပေါ်မှာ ခိုင်ခိုင်မာမာ မြန်မြန်ဆန်ဆန် လျှောက်နိုင်ဖို့ ကျနော် ကျရာနေရာကနေ လုပ်ပေးချင်တာ ပိုများလာတယ်ဗျ။ ကျနော်တို့ အားလုံးဟာ အစိုးရကနေပြီး ပြည်သူတွေကို မယုံကြည်တဲ့ သံသယတွေ ကြီးနေတဲ့အချိန်မှာ၊ ဒီနေ့ အင်တာဗျူးတွေမှာလည်း ပြောပြပါတယ်။ ဒီမိုကရေစီ အင်အားစုတွေ ကြားထဲမှာလည်း သံသယတွေ ဖြစ်နေတယ်။ အဲဒါကြီးကိုက ကျနော်တို့ ပတ်ဝန်းကျင် တခုလုံးမှာ ဖြစ်နေတယ်။ အဲဒီတော့ အဲဒါတွေ အကုန်လုံးဟာ ဘာ သံသယတွေလဲ ဆိုတော့ ပေါ်လစီပိုင်းဆိုင်ရာ သံသယတွေ ဆိုတာထက် တယောက်နဲ့ တယောက် နိုင်ငံရေး ပြဿနာတွေအပေါ်မှာ အခြေခံသွားတဲ့ဟာတွေ၊ အဲဒီလိုသာ သံသယရှိနေမယ်၊ တယောက်နဲ့တယောက် ဒီကွင်းထဲက ပယ်ထုတ်နေမယ် ဆိုရင် ကျနော်တို့ တိုင်းပြည်ဟာ ဘာမှ အဖြေမှန်မရဘဲ တ၀ဲလည်လည် ဖြစ်နေမယ်။ အဲဒါကြောင့်မိုလို့ ကျနော်တို့က ဒီအပြောင်းအလဲကို ကဲ - လာ လက်တွေ့ လုပ်ကြမယ်။ အဲဒီတော့ ကျနော်တို့က ဒီမိုကရေစီရေးကို ဦးတည်သွားချင်တယ်။ အားလုံး ပါဝင်နိုင်တဲ့ ပုံစံမျိုးကို အစိုးရက ဖန်တီးပေးဖို့လိုတယ်။ အဲဒါဆိုရင် အစိုးရ အခု ရင်ဆိုင်နေရတဲ့ စီးပွားရေး ပိတ်ဆို့မှု ပြဿနာ၊ ပြည်တွင်းစစ် ပြဿနာကို ကျနော်တို့ ကူညီ ဆောင်ရွက် ပေးနိုင်တယ်။ အဲဒီဟာကလွဲလို့ ကျနော် နိုင်ငံရေး ပါတီတွေ ထောင်ဖို့၊ ရွေးကောက်ပွဲတွေ ၀င်ဖို့ ဆိုတာ ကျနော်က ဆန္ဒ သိပ်မရှိတော့ဘူး။”

ဒေါ်အောင်ဆန်းစုကြည် တို့ ဘာတို့နဲ့ရော တွေ့ဖို့ရှိပါလားခင်ဗျ။ - 

“ဒေါ်အောင်ဆန်းစုကြည်နဲ့ ကျနော် တွေ့ချင်တယ်။ အဓိက လာတဲ့အထဲမှာ ဒေါ်စုကို တွေ့ချင်တာ လည်း ပါတယ်။ အဲဒီတော့ ဒေါက်တာ တင်မျိုးဝင်းနဲ့ ကျနော် ဖုန်းဆက်တယ်။ ကျနော့် message ကို ပို့ပေးဖို့ ကျနော် ပြောပါတယ်။ ဒေါ်အောင်ဆန်းစုကြည် မျက်နှာကို မတွေ့ရတာလည်း ၂၄ နှစ်ရှိပြီ။ အဲဒီတော့ ကျနော် တွေ့ချင်တဲ့အကြောင်း ဒေါက်တာ တင်မျိုးဝင်းကတဆင့် အကြောင်းကြား ထားပါတယ်။ အဲဒီတော့ ဒေါ်အောင်ဆန်းစုကြည်က ခရီးထွက်နေတယ် လို့လည်း သိရပါတယ်။ သူ ပြန်လာမယ်ဆိုရင်တော့ ကျနော်တို့ သင့်လျော်တဲ့အချိန်မှာ ကျနော်တို့ တွေ့ဖို့ အစီအစဉ် ရှိတယ်။”

ကိုမိုးသီးဇွန်ကို ကိုသားညွှန့်ဦး ဆက်သွယ် မေးမြန်းခဲ့တာ ဖြစ်ပါတယ်။ ကိုမိုးသီးဇွန်တို့အဖွဲ့ဟာ ဒီကနေ့မှာ ရန်ကုန်မြို့မှာရှိတဲ့ ၈၈ မျိုးဆက် ကျောင်းသားများအဖွဲ့ ရုံးမှာ ကိုမင်းကိုနိုင် အပါအ၀င် ၈၈ မျိုးဆက် ကျောင်းသား ခေါင်းဆောင်တွေ အဖွဲ့နဲ့လည်း တွေ့ဆုံခဲ့ပါတယ်။

 အီဂျစ်ရုပ်သံတင်ဆက်သူကို ရုံးတင်စစ်ဆေး

 အီဂျစ် နိုင်ငံမှာတော့ နာမည်ကြီး ရုပ်မြင် အစီအစဉ် တင်ဆက်သူတဦးက သူဟာ သမ္မတ မိုဟာမက် မော်ဆီကို လုပ်ကြံ သတ်ဖြတ်ဖို့ လှုံဆော်ခဲ့တယ် ဆိုတာ မဟုတ်ဘူးလို့ အဲဒီ ကိစ္စအတွက် သူ့ကို စပြီး ရုံးတင်တဲ့ နေ့မှာ ငြင်းဆိုလိုက်ပါတယ်။

ဒီ အစီအစဉ် တင်ဆက်သူ တော်ဖစ် အုတ်ရှာကို အရင် သမ္မတဟောင်း ဟော်စနီ မူဘာရက်နဲ့ ရင်းနှီးတဲ့ သူတယောက် အဖြစ် လူသိများပါတယ်။

ဒါပေမယ့် သူကိုယ်တိုင် ကတော့ သူ့အနေနဲ့ မွတ်စလင် ညီအစ်များ အဖွဲ့က သမ္မတ ဖြစ်လာတဲ့ မစ္စတာ မော်ဆီကို ဝေဖန်တာမျိုးတောင် မရှိသလောက်ပဲ ဖြစ်ကြောင်း ပြောပါတယ်။

မစ္စတာ အုတ်ရှာဟာ ဒီ မွတ်စလင် ညီအစ်ကိုများ အဖွဲ့ကို တော့ ခါးခါးသီးသီး ဆန့်ကျင်ခဲ့တာ ဖြစ်ပါတယ်။ သူ့ကို အခုလို ရုံးတင် စစ်ဆေးတာဟာ မွတ်စလင် ညီအစ်ကိုများအဖွဲ့က သူ့ကို ပါးစပ်ပိတ် စေချင်လို့ နိုင်ငံရေး လှုံ့ဆော်မှုတွေနဲ့ ရုံးတင် တာသာ ဖြစ်တယ်လို့လည်း ပြောလိုက်ပါတယ်။

ဒီအမှု ကိစ္စကြောင့် အီဂျစ်မှာ အစ္စလာမ်မစ် လှုပ်ရှားမှု တွေက မီဒီယာ တွေရဲ့ လွတ်လပ်ခွင့် တွေကိုပါ ထိန်းချုပ်ဖို့ ကြိုးစား လာနေပြီလား ဆိုတဲ့ သံသယတွေ ဖြစ်လာ နေပါတယ်။

 အီသီယိုပီးယား ဝန်ကြီးချုပ် ဈာပန

မြို့တော် အက်ဒစ် အဘာဘာ ခရစ်ယာန် ဘုရား ကျောင်းမှာ မြေမြှုပ် သင်္ဂြိုဟ်ခဲ့

သြဂုတ်လက ကွယ်လွန်သွားခဲ့သူ အီသီယိုပီးယား ဝန်ကြီးချုပ် မဲလက်စ် ဇနာဝီရဲ့ အသုဘ အခမ်းအနားကို မြို့တော် အက်ဒစ် အဘာဘာမှာ ကျင်းခဲ့ရာမှာ သူ့အတွက် ချီးကျူးဂုဏ်ပြုမှု တွေလည်း ပြုလုပ်ခဲ့ကြ ပါတယ်။

သူ့ရုပ်အလောင်းကို မြေမြှုပ် သဂြိုင်မယ့် ခရစ်ယာန် ဘုရားကျောင်း ကို သယ်ဆောင်လာတဲ့ အချိန်မှာတော့ ဘင်ခရာ တပ်ဖွဲ့က သူ့အတွက် ဂုဏ်ပြု တီးခတ်မှုတွေ ပြုလုပ်ခဲ့ ပါတယ်။

အီသီယိုပီးယား ဝန်ကြီးချုပ် အဖြစ် ကာလကြာရှည် တာဝန် ထမ်းဆောင် ခဲ့သူဖြစ်တဲ့ မဲလက်စ် ဇနာဝီရဲ့ ရုပ်အလောင်းကို အက်ဒစ်ဘာဘာ မြို့ ခရစ်ယာန် ဘုရားကျောင်းမှာ မြေမြှုပ် သင်္ဂြိုဟ် ခဲ့ပါတယ်။

အာဖရိကတိုက်က ခေါင်းဆောင်တွေနဲ့ တခြား ဒေသက ခေါင်းဆောင်တွေ အသုဘ အခမ်းအနားကို တက်ရောက်ခဲ့ပြီး သူ့ကို အရိုအသေပေး ဂါဝရပြုခဲ့ကြ ပါတယ်။

ရဝမ်ဒါ သမ္မတ ပေါလ် ကဂါ့မီလည်း တက်ရောက်ပြီး စကား ပြောကြားရာမှာ မစ္စတာ မဲလက်စ်ဟာ အာဖရိ တိုးတက်ရေး အတွက် သူ့ဘဝကို မြှုပ်နှံထားသူ ဖြစ်ပြီး၊ အမြင်ကျယ်သူ ဖြစ်တယ် လို့ ပြောပါတယ်။

ထောင်သောင်းချီတဲ့ အီသီယိုပီးယား ပြည်သူတွေဟာ မစ္စတာ မဲလက်စ် အတွက် ဝမ်းနည်း ကျေကွဲရကြောင်း ဖေါ်ပြတဲ့ အနေနဲ့ အများစုဟာ သူ့ရုပ်ပုံပါ တီရှပ် အနက်တွေကို ဝတ်ဆင်ပြီး အခမ်းအနားကို လာရောက်ခဲ့ကြပါတယ်။

 ဆီးရီးယားဒုက္ခသည်တွေ အတွက်ကူငွေပိုလိုအပ်

 ဆီးရီးယား နိုင်ငံ ဘက်ကနေ တိုးပြီး ဝင်ရောက် လာနေတဲ့ ဒုက္ခသည် တွေကို ကူညီနိုင်ဖို့ အတွက် လိုအပ်တဲ့ နိုင်ငံတကာက ကူငွေ ပမာဏကို ဂျော်ဒန်က သိသိသာသာ တိုးမြှင့်လိုက် ပါတယ်။

ကုလသမဂ္ဂ ဒုက္ခသည်များ ဆိုင်ရာ အေဂျင်စီနဲ့ အတူတွဲပြီး ထုတ်ပြန်လိုက်တဲ့ ပန်ကြားလွှာထဲမှာ လတ်တလော အခြေအနေမှာ ဒေါ်လာ သန်းပေါင်း ၇၀၀ လောက် လိုအပ် နေတယ်လို့ ဂျော်ဒန်က ဆိုထားပါတယ်။

မကြာခင် ရက်ပိုင်း တွေအတွင်းကတော့ ဒေါ်လာ သန်း ၄၀၀ ကျော်ကျော်လောက် ဆိုရင် လုံလောက်ပြီလို့ ဂျော်ဒန်က ဆိုခဲ့ ပါတယ်။

ဂျော်ဒန်ရဲ့ စီမံ ခန့်ခွဲရေး ဝန်ကြီး ဂျဖ်ဖာ ဟာဆန် ကတော့ ဂျော်ဒန် ထဲကို ဝင်လာတဲ့ ဆီးရီးယား ဒုက္ခသည် အရေအတွက် ဟာ မကြာခင် အတောအတွင်း မှာကို ၂ သိန်းခွဲ လောက်အထိ တိုးလာ လိမ့်မယ်လို့ သူ မျှော်လင့် ထားတဲ့ အကြောင်းနဲ့ နဂို ရှားပါးပြီးသား ဖြစ်တဲ့ ဂျော်ဒန်ရဲ့ သောက်သုံးရေနဲ့ စွမ်းအင် ဖြန့်ဖြူးရေး တွေမှာ အကျပ်အတည်း တွေနဲ့ ရင်ဆိုင် လာရ နိုင်ကြောင်း တွေကို ပြောသွား ပါတယ်။

ဆက်လက်ပြီး ဒီလူတွေ အတွက်ကို ဂျော်ဒန်ဟာ မျက်နှာလွှဲ ခဲပစ် လုပ်ထားမှာ မဟုတ်တဲ့ အကြောင်းကိုလည်း ပြောပါတယ်။

သူက ပြောကြားရာမှာ ဒီလို ဒုက္ခသည်တွေ ဝင်လာနေတဲ့ အရေအတွက်ကို ကျသွားအောင် လုပ်မှာ မဟုတ်ကြောင်း၊ ဒီ ဆီးရီးယား လူမျိုး တွေကို လိုအပ် သမျှ ပံ့ပိုး ကူညီ သွားနိုင်ဖို့ အတွက် အခုလို ကုလသမဂ္ဂ အေဂျင်စီ တွေအပြင် ၊ တခြား လူသားချင်း စာနာတဲ့ အဖွဲ့အစည်း တွေနဲ့ပါ ပူးပေါင်းလို့ အခုလို တောင်းဆို ပန်ကြား လိုက်တာ ဖြစ်ကြောင်း ပြောကြား သွားပါတယ်။

 ပြန်ကြားရေးဝန်ကြီးသစ် ရုပ်ရှင် ဗီဒီယို အနုပညာရှင်တွေကို တွေ့ဆုံ

ရုပ်ရှင် အနုပညာသမားတွေရဲ့ အခက်အခဲတွေကို အစွမ်းကုန် ကြိုးစား ဖြေရှင်းပေးမယ်လို့ ဝန်ကြီးက ကတိပေး

ပြန်ကြားရေး ဝန်ကြီးသစ် ဦးအောင်ကြည်ဟာ ဝန်ကြီး ဦးအောင်မင်းနဲ့ ဦးစိုးသိန်း တို့နဲ့ အတူ ရုပ်ရှင်နဲ့ ဗီဒီယို အနုပညာသည်တွေကို တနင်္ဂနွေနေ့က တွေ့ဆုံခဲ့ ပါတယ်။

တွေ့ဆုံပွဲမှာ လက်ရှိ ရုပ်ရှင် ဗီဒီယိုလောကမှာ ဖြစ်ပျက်နေတဲ့ ဈေးကွက်အနေအထား၊ ခိုးကူ အနေအထား၊ လုပ်ကိုင်ရတဲ့အနေအထားနဲ့ ရုပ်ရှင် ဗီဒီယို အနုပညာသမားတွေ တွေ့ကြုံနေရတဲ့ အခက်အခဲတွေ အားလုံးကို ဝန်ကြီးတွေကို တင်ပြခဲ့တယ်လို့ အစည်းအဝေး တက်ရောက်ခဲ့တဲ့ ရုပ်ရှင်သရုပ်ဆောင် ထွန်းအိန္ဒြာဗိုလ်က ဘီဘီစီကို ပြောပါတယ်။

မြန်မာနိုင်ငံသားတွေ အနေနဲ့ ရိုက်ချင်တဲ့ ရိုက်ကွင်း နေရာတွေမှာ ရိုက်ခွင့်မရတဲ့ ဟာတွေကို တကယ့် သက်သေ အချက်အလက်တွေ အခိုင်အမာနဲ့ တင်ပြတာ ဖြစ်တယ်လို့ ထွန်းအိန္ဒြာဗိုလ်က ပြောပါ တယ်။

ဒီလိုတင်ပြတဲ့အခါမှာ အနုပညာသမားတွေက တင်ကြို စီစဉ် ပြင်ဆင်ထားတာကို မြန်မာနိုင်ငံ ရုပ်ရှင်အစည်းအရုံး ဥက္ကဌ ဦးဇင်ဝိုင်း တယောက်တည်းကပဲ တင်ပြတာ ဖြစ်တယ်လို့ ဆိုပါတယ်။

ဝန်ကြီး ဦးအောင်ကြည်ကတော့ အစွမ်းကုန် ကြိုးစား ဖြေရှင်းပေးမယ့် အကြောင်းနဲ့၊ ပူပေါင်း ဆောင်ရွက်မှုတွေ လုပ်မယ်ဆိုတဲ့ အကြောင်း ကတိပေးသွားတယ်လို့ ဆိုပါတယ်။

ပြန်ကြားရေး ဝန်ကြီးအသစ် ပြောင်းလဲ ခန့်အပ် လိုက်တာဟာ ရုပ်ရှင်လောက အတွက် တိုးတက်မှုတွေ ရှိလာမယ်လို့ ယုံကြည် မျှော်လင့်ကြောင်းကို ထွန်းအိန္ဒြာဗိုလ်က ပြောပါတယ်။

မြန်မာနိုင်ငံကို ခေတ္တရောက်ရှိနေတဲ့ ၈၈ ကျောင်းသား ခေါင်းဆောင်ဟောင်း တွေလည်း ဒီတွေ့ဆုံပွဲကို တက်ရောက်ခဲ့ကြပါတယ်။ သူတို့တတွေဟာ မြန်မာပြည် ရောက်တဲ့အချိန်မှာ နိုင်ငံထဲမှာ ဖြစ်ပျက်နေတဲ့ အခက်အခဲတွေကို လာပြီး နားထောင်တဲ့ သဘော ဖြစ်တယ်လို့ ထွန်းအိန္ဒြာဗိုလ်က ပြောပါတယ်။

 မွတ်ဆလင် ဘာသာရေး ဆရာရဲ့ လုပ်ကြံစွပ်စွဲမှုကို ဖေါ်ထုတ်

ခရစ်ယာန် အသိုင်းအဝန်း ကတော့ 'အစ္စလာမ် ဘာသာကို စော်ကားတဲ့ ဥပဒေ' ဆိုတာ ကို ဖျက်သိမ်း ပေးဖို့ တောင်းဆို

ပါကစ္စတန်နိုင်ငံမှာ အသက် ၁၄ နှစ်အရွယ် ခရစ်ယာန် ဘာသာဝင် မိန်းကလေးငယ် တဦးရဲ့ လွယ်အိတ်ထဲမှာ မီးရှို့ထားတဲ့ ကိုရမ်ကျမ်း စာရွက် တချို့ တွေ့တယ် ဆိုပြီး အဲဒီ မိန်းကလေးကို ဖမ်းဆီး အရေးယူ ထားတာမှာ အခုတော့ ဒါဟာ မွတ်ဆလင် ဘာသာရေး ဆရာတယောက်က လုပ်ကြံခဲ့တာ ဆိုပြီး စွပ်စွဲချက်တွေ ထွက်လာခဲ့ပါတယ်။

ဒီဘာသာရေး ခေါင်းဆောင်ကိုတော့ အခု ဖမ်းဆီး ထိန်းသိမ်းထားလိုက် ပါပြီ။ ပြီးခဲ့တဲ့ နှစ်ပတ်က မြို့တော် အစ္စလာမ်မာဘတ်နားမှာ စွပ်စွဲချက်နဲ့ ဖမ်းဆီး ထိန်းသိမ်းခံခဲ့ရတဲ့ ကောင်မလေးကိုလည်း ဒေါသထွက်နေတဲ့ လူအုပ်ကြီးက အပြစ်ပေးဖို့ အလိုရှိနေတာပါ။

တရားစွဲ အရာရှိက ပြောတာကတော့ အခု ထိန်းသိမ်း ခံလိုက်ရတဲ့ ဘာသာရေး ခေါင်းဆောင် ခါလစ် ချီရှတီက သက်သေ တယောက်ကို ဒီနည်းနဲ့ ခရစ်ယာန်တွေကို အမြစ်ဖြုတ် ရမယ်လို့ ပြောခဲ့တယ်လို့ ထုတ်ဖော် ပြောဆို လိုက်ပါတယ်။

မိန်းကလေးရဲ့နာမည်က ရင်းမ်ရှားဖြစ်ပြီး သင်ယူမှု အခက်အခဲရှိတဲ့ မသန်စွမ်းလေး တဦးဖြစ်ပါတယ်။ အခုလို ကိစ္စတွေ ဖြစ်လာတော့ နိုင်ငံတကာ ကလည်း ပြစ်တင် ရှုတ်ချမှုတွေ လုပ်ကြပါတယ်။

ပြီးခဲ့တဲ့ရက်ပိုင်း ကတော့ ဆက်လက် ချုပ်နှောင်ထားဖို့ တရားရုံးက နောက်ထပ် ရမန်နှစ်ပတ် ဆက်ယူထားပါတယ်။ ရင်းမ်ရှားရဲ့ ဖခင်ကတော့ သူ့သမီးရဲ့ အသက် ဆုံးရှုံး သွားမှာ ကို စိတ်ပူနေ သလို သူတို့ မိသားစုရဲ့ လုံခြုံရေး အတွက်လည်း မလုံခြုံ သလို ခံစားနေရ တယ်လို့ ပြောပါတယ်။

သူက ပါကစ္စတန်သမ္မတ အဆစ် အလီ ဇာဒါရီကို သူ့သမီးလေးကို အပြစ်ဒဏ်ကနေ လွတ်ငြိမ်း ချမ်းသာခွင့် ပေးဖို့ တောင်းဆို ထားပါတယ်။ ပါကစ္စတန်မှာက အခုလိုပဲ တပါး သူတွေကို ဒုက္ခပေးဖို့ အတွက် ဘာသာရေးကို ထိပါး နှောင့်ယှက်သူတွေကို အရေးယူနိုင်တဲ့ အခုလို တင်းကျပ်လွန်းတဲ့ ဥပဒေတွေကို သုံးတတ်ကြတယ်လို့ သတင်းထောက်တွေက ပြောပါတယ်။

ပြီးခဲ့နှစ်ကလည်း ထိပ်တန်း နိုင်ငံရေးသမား နှစ်ယောက်ဟာ ဒီဥပဒေ ပြဌာန်းထားမှုကို ဝေဖန်ခဲ့လို့ လုပ်ကြံသတ်ဖြတ် ခံခဲ့ရပါတယ်။

ဒီကနေ့တော့ ရုံးထုတ်လာတဲ့ ခါလစ်ကို မျက်နှာကို အဝတ်ဖြူ ပတ်စည်းထားပြီး လက်ထိပ်လည်း ခတ်ထားပါတယ်။ တရားရုံးကို ခပ်သွက်သွက် ဝင်လာတဲ့သူ့ အတွက် ရဲတွေ ကိုလည်း အများကြီး ချထားခဲ့ပါတယ်။

ဒီဘာသာရေး ခေါင်းဆောင်ဟာ မီးရှို့ထားတဲ့ စာရွက်တွေထဲကို ကိုရမ် စာရွက်တချို့ကို ထည့်ခဲ့တဲ့ အကြောင်း သူ့လက်ထောက်နဲ့ တခြား နှစ်ယောက်က တရားရုံးမှာ ထုတ်ဖော် ပြောကြားလိုက်ပြီး နောက်မှာ အခုလို အဖမ်းခံခဲ့ရတာ ဖြစ်ပါတယ်။