မာမာ၏ သုတအလှူ (၁၃-၈)

ပထမဆုံး အင်္ဂလိပ်-မြန်မာ အဘိဓာန်ကို ပြုစုခဲ့သူ

မြန်မာနိုင်ငံ၌ ပထမဦးဆုံးသော အင်္ဂလိပ်-မြန်မာ အဘိဓာန်ကို ပြုစုခဲ့သူမှာ ဦးရွှေကြူးလည်းမဟုတ်၊ ဦးထွန်းငြိမ်းလည်းမဟုတ်၊ ဒေါက်တာဘဟန်လည်း မဟုတ်။ ၎င်းတို့မှာ အင်္ဂလိပ်-မြန်မာ အဘိဓာန်ကို ပြုစုခဲ့ကြသည်မှာ မှန်သော်ငြားလည်း ပထမဦးဆုံးတော့ မဟုတ်ပါချေ။
ပထမဦးဆုံးသော အင်္ဂလိပ်-မြန်မာ အဘိဓာန် ပြုစုခဲ့သူကား မြန်မာနိုင်ငံသားစစ်စစ်ဖြစ်၏

။ မဟာဆီ မဟာသွေးပါသူ ဖြစ်၏။ ၎င်းကား မက္ခရာမင်းသားဖြစ်လေ၏။ မက္ခရာမင်းသားမှာ အမရပူရ ပထမမြို့တည် ဗဒုံမင်းတရားကြီးနှင့် မိဖုရား သီရိမဟာရတနာဒေ၀ီတို့၏ သားတော် ဖြစ်သည်။ အင်းဝဘုရင် ဘကြီးတော်၏ ဦးလေးတော်စပ်သည်။ မြန်မာသက္ကရာဇ် ၁၁၅၃ ခုနှစ်တွင် ဖွားမြင်၍ ၁၂၁၀ပြည့်နှစ် အသက် (၅၇)နှစ် အရွယ်တွင် ကွယ်လွန်ခဲ့သည်။
မက္ခရာမင်းသား အသက်ထင်ရှားရှိခဲ့စဉ်က နိုင်ငံနှင့်လူမျိုး၏ အကျိုးကို အစွမ်းကုန် ဆောင်ရွက်ခဲ့သည်။ ဆောင်ရွက်သည်ဆိုရာ၌ နိုင်ငံရေးအရ မဟုတ်။ စာပေရေး၊ ပညာရေးအရ ဆောင်ရွက်ခြင်း ဖြစ်သည်။ ထိုစဉ်က မြန်မာတို့သည် အနောက်တိုင်းဝိဇ္ဇာသိပ္ပံပညာရပ်များကို မတတ်မြောက်ကြသေး။ ခေတ်မမီကြသေး။ ကမ္ဘာပြားသည်ဟူသော အယူအဆကိုပင် ယူဆနေကြဆဲဖြစ်သည်။ ထိုအချက်ကို မင်းသားကြီးသည် ကောင်းစွာ သတိပြု ဆင်ခြင်မိသည်။ မင်းသားကြီးသည် အင်းဝနေပြည်တော်ရောက် အင်္ဂလိပ်လူမျိုးများနှင့် ဆက်ဆံ
ရာတွင် ထိုသူတို့မှတဆင့် ခေတ်မီ ၀ိဇ္ဇာသိပ္ပံပညာရပ်များ၏ သဘောကို သိရှိနားလည်ခဲ့သည်။ ထိုပညာရပ်များကို တတ်မြောက်မှသာ မြန်မာတို့ ခေတ်မီမည်ကို သဘောပေါက်ခဲ့သည်။ ထို့ကြောင့် မြန်မာများ ခေတ်မီရေးကို မင်းသားကြီးသည် အစွမ်းကုန် အားထုတ်ခဲ့လေသည်။

မင်းသားကြီးသည် အင်းဝသို့ ရောက်ရှိနေသည့် အင်္ဂလိပ်ကုန်သည်ကြီး မစ္စတာရော်ဂျာထံမှ အင်္ဂလိပ်စာကို သင်ယူသည်။ ထို့နောက် အင်္ဂလိပ်ဘာသာဖြင့်ရေးထားသော အနောက်တိုင်း ၀ိဇ္ဇာသိပ္ပံဆိုင်ရာ ပညာရပ်များကို လေ့လာဆည်းပူးသည်။ အထူးသဖြင့် ရီး၏ စွယ်စုံကျမ်း (Rees' Encyclopaedia) ကို လေ့လာဆည်းပူးသည်။ မြန်မာအမျိုးသားတို့ လေ့လာဆည်းပူးနိုင်ရန်လည်း ထိုကျမ်းပါ သိပ္ပံပညာရပ်အချို့ကို မြန်မာဘာသာ ပြန်ဆိုလေသည်။
အင်္ဂလိပ်စစ်ဗိုလ်မှူးကြီး ကာနယ်ဘားနေးသည် အင်းဝသို့ အရေးပိုင်ဝန်ကြီးအဖြစ် အမှုထမ်းဖို့ ရောက်လာစဉ်အတွင်း မက္ခရာမင်းသားကြီးအား ပညာရှင်တစ်ဦးအဖြစ် သတ်မှတ်လျက် လေးစား ကြည်ညိုစွာ သွားရောက်တွေ့ဆုံခဲ့ပေသည် 

-- 

ဦးပေါ်ဦးကွယ်လွန်တော့ အခေါင်းအပြင်ဘက် ညာလက်တစ်ဖက် ဘာကြောင့် ထုတ်ထားသလဲ

ပညာရှိအမတ်ကြီး ဦးပေါ်ဦးသည် မင်းသုံးဆက်တိုင်တိုင် ထင်ရှားခဲ့သူဖြစ်သည်။ သူသည် ဦးဗုဓ်အား လွန်စွာ ကြည်ညိုလေးစားသူဖြစ်၏။ ဦးပေါ်ဦး ကွယ်လွန်သည့်အခါ အများတကာကဲ့သို့ မဟုတ်ဘဲ ညာဘက်လက်ဖ၀ါးကို ခေါင်းတလား(သေတ္တာ)၏ အပြင်ဘက်သို့ထုတ်ထားရမည်ဟု မကွယ်လွန်မီက မှာကြားထားခဲ့သည့်အတိုင်း ၎င်း၏ ညာဘက်လက်ထုတ်ကာ သဂြုင်္ိဟ

်ရလေသည်။ ဤကဲ့သို့ ထူးခြားထူးထူးဆန်းဆန်းအဖြစ်ကို ကုန်းဘောင်မင်းတရား ကြီးသည် လွန်စွာမှ သိလိုလှတော့၏။ သည့်အတွက် ဆရာတော်များကိုပင့်ပြီး ဆွမ်းလုပ်ကျွေးသည့်သကာလ လျှောက်ထားတော်မူလေ၏။
“အရှင်ဘုရားတို့...
ဘယ်အတွက်ရယ်ကြောင့်များ ပညာရှိအမတ်ကြီး ဦးပေါ်ဦးဟာ ခေါင်းတလားအပြင်ဘက်သို့ သူ့လက်ဖ၀ါး ထုတ်ထားဖို့ မှာခဲ့ပါသလဲဘုရား၊ တပည့်တော်ကို ရှင်းလင်း မိန့်ကြားပေးတော်မူပါ”

သည်လျှောက်ထားချက်အပေါ် သာသနာပိုင်ဆရာတော်မှစ၍ သုဓမ္မာဆရာတော်ကြီးများအဆုံး ပညာရှိအမတ်ကြီး ဦးပေါ်ဦး၏ မှာကြားချက်သဘောကို ပြောမပြတတ်ကြပေ။ နောက်ဆုံး သည်ပြဿနာသည် ညောင်ကန်ဆရာတော် ဦးဗုဓ်ထံ ရောက်ရှိလာခဲ့တော့သည်။ ဆရာတော် ဦးဗုဓ်လည်း ကုန်းဘောင်မင်းနှင့်တကွ တရားနာ ပရိသတ်အပေါင်း သဘောပေါက် နားလည်စေရန် မိန့်ကြားရတော့၏။
“ဒကာတော်မင်းကြီးနဲ့တကွ ပရိသတ်အပေါင်းတို့၊ ကွယ်လွန်သွားရှာပြီဖြစ်တဲ့ ပညာရှိအမတ်ကြီး ဦးပေါ်ဦးဟာ စာပေကျမ်းဂန်တွေ လွန်စွာတတ်မြောက်တဲ့ ပုဂ္ဂိုလ်ဖြစ်ပါတယ်။ လောကီရေးရာမှာလည်း လွန်စွာမှ လိမ္မာကျွမ်းကျင်လှတဲ့သူ၊ စိတ်နှလုံးလည်း လွန်စွာနူးညံ့တဲ့သူ။ အရှင့်အရေး ပြည်အရေးကိုလည်း ထောက်တွေး ရှုမျှော်လေ့ရှိသူ။ အတ္တဟိတ၊ ပရဟိတအရာမှာလည်း ကွယ်လွန်တဲ့အထိ မျှတလေ့ရှိတဲ့သူ ဖြစ်ပါတယ်။
သူ အခု ကွယ်လွန်သွားခဲ့ပါပြီ။ ကွယ်လွန်တဲ့အခါ သူ့ရဲ့ ညာဘက်လက်တစ်ဖက်ကို ခေါင်းတလားအပြင်ဘက် ထုတ်သွားစေခဲ့တာဟာ ဘယ်လောက်ပဲ ပညာတွေ ကြီးရင့် တတ်မြောက်နေပါစေ၊ ဘယ်လောက်ပဲ လောကီရေးရာ အမှုကိစ္စတွေ ကျွမ်းကျင်တတ်မြောက်နေပါစေ ဘ၀တစ်ပါးကို ကူးပြောင်းသွားရတဲ့အခါ အနုမြူလောက်သေးငယ် တာလေးကိုမျှ ယူဆောင်သွားနိုင်စွမ်း မရှိတော့ပါဘူး။ လက်ချည်းသာ သွားရတယ်ဆိုတဲ့အကြောင်း နေပြည်တော်ရှိ ရဟန်းရှင်လူအများ ပြည်သူအများ သတိသမ္ဗဇညတရား ရှိရစ်ကြစေလိုတဲ့သဘောပဲ ဖြစ်ပါတယ်”
ဟူ၍ ရှင်းလင်းမိန့်ကြားလေသောအခါ မင်းတရားကြီးနှင့်တကွ တရားနာပရိတ်သတ်အပေါင်းတို့လည်း တရားသံဝေဂရကြ၍ သာဓုခေါ်ဆိုကြပေတော့သည်။

ကမ္ဘာ့နိုင်ငံအသီးသီး စာပေမှာ အက္ခရာအရေအတွက်

ကမ္ဘာ့နိုင်ငံအသီးသီး၌ မှီတင်းနေထိုင်ကြသည့် နိုင်ငံသူ နိုင်ငံသားတွေအဖို့ ကိုယ့်နိုင်ငံက စာပေအရေးအသားနှင့် စပ်လျဉ်းပြီး အခြေခံထားရှိရသည့် အက္ခရာစကားလုံးများ ရှိကြပါသည်။ တစ်နည်းအားဖြင့် ဗျည်းအက္ခရာများ ဖြစ်ကြပါသည်။ ထိုဗျည်းအက္ခရာများ၌ အသံမရှိပါ။
အသံပေါ်ထွက်လာစေရန်အတွက် “အီ၊ အေ၊ အယ်၊ အာ၊ အော်၊ အို၊ အူ၊ အင်၊ အန်၊ အွန်၊ အိတ်၊ အုတ်၊ အိ

ုက်၊ အောက်၊ အစ်၊ အက်၊ အတ်၊အွတ်” အစရှိသော အခြေခံသရများနှင့် ပေါင်းစပ်လိုက်မှသာ အသံများ ပေါ်ထွက် လာပါသည်။ ထိုစကားလုံးများမှ ဝေါဟာရများ ဖြစ်ပေါ်လာပါသည်။ ကံ၊ ကတ္တား၊ ကြိယာ၊ ၀ိဘတ်၊ သမ္ဗန္ဓ၊ နာမ၀ိသေသန အစရှိသဖြင့် စကားလုံးဝေါဟာရများ ပုဒ်များ ဖြစ်ပေါ်လာပြီး သဒ္ဒါအထားအသို
မှန်ကန်စွာ စဉ်လိုက်လျှင် ၀ါကျများ ဖြစ်လာပါသည်။ ၀ါကျမှ တစ်ဆင့် စာပိုဒ်၊ စာပိုဒ်မှ စာပုဒ်ဖြစ်လာကာ ကိုယ့်နိုင်ငံ တိုင်းပြည်ဆိုင်ရာ စာပေများပေါ်ထွန်းလာပါသည်။ ယဉ်ကျေးမှုအနေအထားများ တိုးမြှင့်လာပါသည်။
စာပေသည် နိုင်ငံနှင့်လူမျိုး၊ အခြေတိုးမြှင့်ရေး၌ အဓိကကျပါသည်။ စာပေများ ပေါ်ထွန်းလာရအောင် ဘာသာဗေဒ ပညာရှင်များ သဒ္ဒဗေဒပညာရှင်များသည် ခေတ်အဆက်ဆက် ကြိုးပမ်းအားထုတ်ခဲ့ရပါသည်။ ၎င်းတို့ ကြိုးပမ်း အားထုတ်သည့်အတွက်ကြောင

့်လည်း နောက်ဆုံး၌ ကိုယ့်နိုင်ငံ ကိုယ့်တိုင်းပြည်အလိုက် လူမျိုးအသီးသီးတို့၏ ကိုယ်ပိုင်အက္ခရာ ဖြစ်ပေါ်လာခဲ့ရပါတော့သည်။ ဤ၌ ကမ္ဘာ့နိုင်ငံအသီးသီး ရှိကြသည့်အနက် လက်လှမ်းမီရာကို လေ့လာစူးစမ်းတင်ပြရသည်ရှိသော်

၁။ မြန်မာစာပေ၌ အက္ခရာအလုံးရေ (၃၃)လုံး ရှိ၏
၂။ ဂျူးစာပေ၌ အက္ခရာအလုံးရေ (၂၂)လုံး ရှိ၏
၃။ အီတလီစာပေ၌ အက္ခရာအလုံးရေ (၂၂)လုံး ရှိ၏
၎။ လက်တင်စာပေ၌ အက္ခရာအလုံးရေ (၂၂)လုံး ရှိ၏
၅။ ဂရိတ်စာပေ၌ အက္ခရာအလုံးရေ (၂၄)လုံး ရှိ၏
၆။ ပြင်သစ်စာပေ၌ အက္ခရာအလုံးရေ (၂၅)လုံး ရှိ၏
၇။ ဂျာမန်စာပေ၌ အက္ခရာအလုံးရေ (၂၆)လုံး ရှိ၏
၈။ အင်္ဂလိပ်စာပေ၌ အက္ခရာအလုံးရေ (၂၆)လုံး ရှိ၏
၉။ စပိန်စာပေ၌ အက္ခရာအလုံးရေ (၂၇)လုံး ရှိ၏
၁၀။ အာရေဗျစာပေ၌ အက္ခရာအလုံးရေ (၂၈)လုံး ရှိ၏
၁၁။ တူရကီစာပေ၌ အက္ခရာအလုံးရေ (၂၉)လုံး ရှိ၏
၁၂။ ရုရှားစာပေ၌ အက္ခရာအလုံးရေ (၃၂)လုံး ရှိ၏
၁၃။ အာမေးနီးယားစာပေ၌ အက္ခရာအလုံးရေ (၃၈)လုံး ရှိ၏
၁၄။ တရုတ်စာပေ၌ အက္ခရာအလုံးရေ (၅၃)လုံး ရှိ၏
၁၅။ ထိုင်း(ယိုးဒယား) အက္ခရာအလုံးရေ (၇၄)လုံး ရှိ၏

-- တက္ကသိုလ်မှာ ပထမဦးဆုံး မြန်မာစာဆရာလုပ်သွားခဲ့တာ ဘယ်သူလဲ

တက္ကသိုလ်တွင် ပထမဦးဆုံး မြန်မာစာဆရာ လုပ်သွားခဲ့သူမှာ ဆရာကြီးဦးပွား ဖြစ်လေသည်။ ဆရာကြီးဦးပွားသည် တောင်ငူသားဖြစ်၏။ ငယ်ငယ်ကတည်းကပင် မြန်မာစာပေနှင့်တကွ ဗေဒင်ကျမ်း၊ ဆေးကျမ်းများကို ကောင်းစွာ လေ့လာ သင်ကြားတတ်မြောက်ခဲ့သူတစ်ယောက်ြ

ဖစ်၏။ ရှေးဟောင်းစာပေ
များတွင်သာ ကျက်စားခဲ့သည်မဟုတ်။ ခေတ်ကာလတွင် ပေါ်ပေါက်ခဲ့သော အ

ကြောင်းအရာများ၊ စာပေများကို လည်း သိကျွမ်းနားလည်သူတစ်ဦး ဖြစ်၏။
တောင်ငူမှထုတ်ဝေသော သင်းစာတစ်စောင်တွင် အယ်ဒီတာချုပ်လုပ်ခဲ့သူဖြစ်သေြာေ

ကာင့် ရှေးဟောင်းစာပေရော ခေတ်ဆန်သော စာပေများကိုပါ ကောင်းစွာ ကျွမ်းကျင်သူဖြစ်ကြောင်း ထင်ရှားလှပေသည်။ စာသင်ကြားရာ၌ ကျောင်းသားများ မပျင်းကြစေရန် ရယ်စရာကလေးများ ညှပ်ကာညှပ်ကာ ပြောကြားလေ့ရှိသည်မှာ ဆရာကြီးဦးပွား၏ ဂုဏ်ထူးတစ်ရပ်ဖြစ်လေသည်။ စာသင်ကြားနေရင်း စာထဲတွင်ပါလာသော အကြောင်းအရာများနှင့်ဆီလျော်သည်
့ ရယ်စရာသာဓကများ၊ ရယ်စရာလင်္ကာများကိုသာ ပြောကြား
လေ့ရှိသောကြောင့် ကျောင်းသားများက စွဲမက်ချစ်ခင်ကြသည်။ ကျောင်းသားများ မြန်မာစာပေကို လိုက်စားချင်လာအောင် အမျိုးမျိုး အားပေးပြောကြားလေ့လည်း ရှိပေ၏။ မိမိ၏ တပည့်များကိုလည်း အလွန်ခင်မင်လေ့ရှိသည့်အတိုင်း ဘယ်အခါမျှ ငေါက်ငန်းခြင်းမရှိ။ တပည့်များအား အလွန်အလိုလိုက်လေ့ရှိသည်။ မတတ်လျှင် တတ်အောင်၊ နားမလည်လျှင် နားလည်အောင် များစွာ ကြိုးစားကာ သင်ကြားလေ့ရှိ၏။
ဆရာကြီး ဦးပွား၌ ထူးခြားသော အချက်တစ်ခုမှာ ပျို့ကဗျာများကို သင်ကြားသောအခါ စာအုပ်ကိုမကိုင်ဘဲ အလွတ် နှုတ်ကရွတ်ကာ သင်ကြားပြသနိုင်ခြင်းဖြစ်လေသည်။ ပျို့များ၊ လင်္ကာများကို အလွတ်နှုတ်တိုက်ရသည်။ ဦးပုည မေတ္တာစာ၊ ရတနာနဒီမော်ကွန်း၊ သြ၀ါဒထူးပျို့၊ ပလိပ်စားဧချင်း၊ ပါရမီခန်းပျို့၊ ကိုးခန်းပျို့
စသည်တို့ကို အစမှ အဆုံးတိုင် နှုတ်တိုက်ရသည်။ ကဗျာဖွဲ့နည်းများကို သင်ကြားနေခိုက် ရုတ်တရက်ထကာ သင်ပုန်းကြီးပေါ်တွင် တေးထပ်၊ ဘောလယ်၊ ဒွေးချိုး၊ လေးချိုး၊ လွမ်းချင်းများကို ရေးပြတတ်ရာ ဂုဏ်၊ ရသနှင့် ပြည့်စုံသောလင်္ကာများ ဖြစ်ကြသည်။ ဗေဒင်ကိုလည်း အတော်အတန် ခေါက်မိအောင် သင်ကြားပြသလေ့ရှိသည်။

အားလုံးပျော်ရွင်ပါစေ

မာမာ marmarmyint1981@gmail.com