26.08.2012 နေ့ဖတ်ရန်သတင်းများ

by Myanmar Journal on Saturday, August 25, 2012 at 7:11pm ·

လကမ္ဘာပေါ် ပထမဆုံး ခြေချခဲ့သူ ကွယ်လွန်

အမ်းမ် စထရောင်းကို ကွန်ဂရက်စ် က ရွှေတံဆိပ် ချီးမြှင့်ခဲ့

လကမ္ဘာ ပေါ်မှာ ပထမဆုံး ခြေချဖူးတဲ့ အမေရိကန် အာကာသ ယာဉ်မှူး နီး လ် အမ်း စ ထရောင်း ဟာ စနေညနေမှာ ကွယ်လွန်သွားပါပြီ။ ကွယ်လွန် ချိန်မှာ သူဟာ အသက် ၈၂ နှစ် ရှိပါပြီ။ ဒီလ စောစော ပိုင်းတုန်းက သူဟာ နှလုံး သွေးကြောကို ခွဲစိပ် ကုသခဲ့ရပါတယ်။

ဒီခွဲစိတ် ကုသမှုရဲ့ နောက်ဆက်တွဲ ရောဂါနဲ့ ပဲ သူကွယ်လွန် သွားတာ ဖြစ်တယ်လို့ သူ့မိသားစုက ပြောကြောင်း အေပီ သတင်းဌာနမှာ ဖော်ပြထားပါတယ်။

သူဟာ ၁၉၆၉ ခုနှစ် ဇူလိုင်လ ၂၀ ရက်နေ့မှာ လကမ္ဘာပေါ်ရောက်ခဲ့တာဖြစ်ပါတယ်။ သူလကမ္ဘာပေါ် ရောက်ခဲ့တာ နဲ့ ပတ်သက်ပြီး လူတယောက်ရဲ့ ခြေလှမ်းလေး တလှမ်းမျှသာ ဖြစ်သော်လည်း အဲဒီ ခြေလှမ်း ဟာ လူသားမျိုးနွယ်ကြီး တခုလုံးအတွက်တော့ ဧရာမခြေလှမ်းကြီးတလှမ်းလို့ ဆိုကြပါတယ်။

ဒါ့ကြောင့်လည်း ပြီးခဲ့တဲ့နှစ် နိုဝင်ဘာလတုန်းကပဲ အမ်းစထရောင်းနဲ့ တခြား အာကာသ ယာဉ်မှူး သုံးယောက်ကို အမေရိကန် ကွန်ဂရက်စ်က ကွန်ဂရက်စ် ရွှေတံဆိပ်ဆု ချီးမြှင့်ခဲ့ပါတယ်။ အဲဒီဆုတံဆိပ်ဟာ အဆင့်အမြင့်ဆုံး အမေရိကန် နိုင်ငံသား ဆုဖြစ်ပါတယ်။

အမ်းစထရောင်းဟာ လပေါ်ဆင်းသက်ခဲ့တဲ့ အပိုလို ၁၁ အာကာသ ယာဉ်ရဲ့ ယာဉ်မှူးလည်း ဖြစ်ပါတယ်။ သူနဲ့ သူ့ရဲ့ အဖော် အာကာသ သူရဲကောင်း အက်ဒွင် ဘပ်ဇ် အော်လဒရင် တို့ဟာ လပေါ်မှာ သုံးနာရီနီးပါး လမ်းလျှောက်ခဲ့ကြပါတယ်။

အမ်းစထရောင်းဟာ ပထမဆုံးအနေနဲ့ လေယာဉ်စီးဖူးတာက အသက် ၆ နှစ် အရွယ်မှာသူ့ဖခင်နဲ့ အတူ စီးဖူး တာဖြစ်ပါတယ်။ အဲဒီ့နောက် သူ့ဘဝ သက်တမ်းတလျောက်လုံးမှာ အကြိမ်များစွာ လေထဲမှာ ပျံသန်းခဲ့ပါတယ်။

၁၉၅၀ ခုနှစ် ကိုရီးယား စစ်ပွဲ အတွင်းမှာ သူဟာ တိုက်လေယာဉ် မောင်းခဲ့ပါတယ်။ ၁၉၆၂ ခုနှစ်မှာ အာကာသ စီမံကိန်းမှာ ပါဝင်ခဲ့ပါတယ်။

သူဟာ လကမ္ဘာပေါ်မှာ ပထမဆုံးခြေချသူဖြစ်ပေမဲ့ ဒါကို အကြောင်းပြုပြီး ထင်ပေါ်ကျော်ကြားအောင် မနေဘဲ သူ့ဘဝကို အေးအေးဆေးဆေး ပဲ နေထိုင်သွားသူတယောက်လည်း ဖြစ်ပါတယ်။

ဆမ်ဆောင်းက အက်ပဲလ်ကို လျော်ကြေးပေးဖို့ တရားရုံး ဆုံးဖြတ်

အက်ပဲလ်ဟာ စမာ့တ်ဖုန်း ဈေးကွက်ကို လက်ဝါး ကြီး အုပ်ဖို့ ကြိုးစားနေတယ်လို့ ဆမ်ဆောင်း စွပ်စွဲ

တောင်ကိုးရီးယား နည်းပညာ ကုမ္ပဏီကြီး ဖြစ်တဲ့ ဆမ်ဆောင်းဟာ သူတို့ရဲ့ စမာ့တ်ဖုန်း တွေနဲ့ တက်ဘလက် ကွန်ပြူတာတွေ ထုတ်လုပ်ရာမှာ အမေရိကန် အက်ပဲလ် ကုမ္ပဏီက တီထွင် ထုတ်လုပ် ထားတဲ့ ဒီဇိုင်းတွေကို ခိုးယူ အသုံးပြုခဲ့ တယ်လို့ အမေရိကန် တရားရုံး တခု ကနေ ဆုံးဖြတ် လိုက်ပြီးနောက် ဆမ်ဆောင်း ကုမ္ပဏီ ကနေ ပြင်းပြင်းထန်ထန် တုံ့ပြန် လိုက်ပါတယ်။

အက်ပဲလ်ဟာ စမာ့တ်ဖုန်း ဈေးကွက်ကို လက်ဝါးကြီး အုပ်နိုင်ဖို့ အတွက် မူပိုင်ခွင့် ဥပဒေတွေကို အသုံးပြု နေတယ်လို့ ဆမ်ဆောင်းက စွပ်စွဲလိုက်တာ ဖြစ်ပါတယ်။

ဆမ်ဆောင်းက ထုတ်ပြန်တဲ့ ကြေညာချက်ထဲမှာတော့ အက်ပဲလ် ကုမ္ပဏီဟာ ဖုန်းနဲ့ တက်ဘလက် လက်ကိုင် ကွန်ပြူတာ ပုံစံတွေကို တဦးတည်း လက်ဝါးကြီးအုပ် အပိုင်စီးဖို့ ကြိုးစား နေတယ်လို့ ဖေါ်ပြထားပါတယ်။

ဆမ်ဆောင်း ကုမ္ပဏီ ကနေ နစ်နာကြေး ဒေါ်လာ ၁ ဘီလျံကျော် အက်ပဲလ်ကို ပေးဖို့ ကယ်လီဖိုနီးယား တရားရုံး က အမိန့်ချမှတ် လိုက်ပါတယ်။

ဆမ်းဆောင်းကတော့ တရားရုံးရဲ့ ဆုံးဖြတ်ချက်ကို အယူခံဝင်မယ်လို့ ပြောပါတယ်။

ကမ္ဘာ့ပေါ်က စမာ့တ်ဖုန်း ရောင်းချမှု တဝက်ကျော်ဟာ ဆမ်ဆောင်းနဲ့ အက်ပဲလ် ကုမ္ပဏီ ထုတ် ဖုန်းတွေ ဖြစ်ကြပါတယ်။

ရခိုင်ကိစ္စ ကုလဝန်ထမ်းကို ထောင် ၆ နှစ်ချ

ရခိုင်ပဋိပက္ခကြောင့် ဖမ်းထားတဲ့ UNHCR ဝန်ထမ်းတချို့ကိုတော့ ပြန်လွှတ်ပေးခဲ့

ဇွန်လဆန်းက ဖြစ်ခဲ့တဲ့ ရခိုင် ပဋိပက္ခမှာ ပါဝင်တယ် ဆိုပြီး ဖမ်းထားတဲ့ အထဲက ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCF) ဝန်ထမ်း မချိုလေးမာကို ထောင်ဒဏ် ၆ နှစ် ချမှတ် လိုက်တယ်လို့ သိရပါတယ်။

သူနဲ့ အတူ တခြားဖမ်းထားတဲ့ ဘူးသီတောင်က မောင်ခင်ရွှေနဲ့ မောင်ခင်ဇော် တို့ကိုလည်း ထောင်ဒဏ် ၃ နှစ် နဲ့ ၂ နှစ် အသီးသီး ချမှတ်လိုက်ပါတယ်။

မောင်တောခရိုင် တရားရုံးကနေ စီရင်ချက် ချမှတ်ခဲ့တာ ဖြစ်ပြီး သူတို့ကို ထောင်ချခဲ့တဲ့ အမှုတွေထဲမှာ ဆူပူအောင် လှုံဆောင်မှုလည်း ပါဝင်တယ်လို့ မောင်တော ဒေသခံတွေက တဆင့် သိရပါတယ်။

မကြာခင် ရက်ပိုင်းတွေကတော့ တခြား ဖမ်းထားတဲ့ ကုလ သမဂ္ဂ နဲ့ နိုင်ငံတကာ NGO ပရဟိတ ၀န်ထမ်း တချို့ကို လွှတ်ပေးခဲ့ တာလည်း ရှိပါတယ်။

အာဖဂန် စစ်သွေးကြွ တပ်မှူးတဦး သေဆုံး

ဟက်ခါနီဟာ ဒီစစ်သွေးကြွ ကွန်ယက်ကို တည်ထောင်ခဲ့သူရဲ့ သားတဦး ဖြစ်ပါတယ်

အာဖဂန်နစ္စတန်က အထင်ကရ စစ်သွေးကြွ အုပ်စုတခုဖြစ်တဲ့ ဟက်ခါနီ ကွန်ယက်ရဲ့ ထိပ်တန်း တပ်မှူး တဦး ဖြစ်သူ ဘက်ရူဒင် ဟက်ခါနီ ဟာ အမေရိကန် မောင်းသူမဲ့ လေယာဉ်နဲ့ လာရောက် တိုက်ခိုက်မှု တခုအတွင်း သေဆုံးသွားခဲ့ပြီ ဖြစ်ပါတယ်။

အင်္ဂါနေ့က ပါကစ္စတန်နိုင်ငံ မြောက်ပိုင်းဝါဇီရစ္စတန် ဒေသကို အမေရိကန် မောင်းသူမဲ့ လေယာဉ်နဲ့ ဝင်ရောက် တိုက်ခိုက်မှု တခုအတွင်း ဘက်ရူဒင် ဟက်ခါနီ သေဆုံးသွားတာ ဖြစ်တယ်လို့ သူ့ရဲ့ ဆွေမျိုးသားချင်းတွေက ဘီဘီစီကို ပြော ပါတယ်။

ဟက်ခါနီဟာ ဒီစစ်သွေးကြွ ကွန်ယက်ကို တည်ထောင်ခဲ့သူရဲ့ သားတဦး ဖြစ်ပါတယ်။

အမေရိကန် စစ်တပ် ကတော့ ဘက်ရူဒင် ဟက်ခါနီ တယောက် သေဆုံးသွားတယ် ဆိုတာ ဟုတ်မဟုတ် ဖေါ်ပြ ပြောဆိုခြင်း မရှိပါ။

ဒါပေမယ်လို့ သူသေဆုံးသွားတာ မှန်မယ် ဆိုရင်တော့ ဒါဟာ အမေရိကန် တပ်ဖွဲ့တွေ အတွက် အရေးပါတဲ့ အောင်မြင်မှု တခု ဖြစ်မယ်လို့ သတင်းထောက်တွေက ပြောပါတယ်။

တခြားဖြစ်စဉ် တခုမှာတော့ နေတိုး တပ်ဖွဲ့တွေရဲ့ အာဖဂန် အရှေ့ပိုင်း လေကြောင်းတိုက်ခိုက်မှု တခုအတွင်း ပါကစ္စတန် တာလီဘန် တပ်မှူးဖြစ်သူ မူလာ ဒါဒူလားနဲ့ သူ့လူ တိုက်ခိုက်ရေး သမား တဒါဇင်လောက် သေဆုံးသွားပါတယ်။

ကေအန်ယူနဲ့ အစိုးရ အပစ်ရပ်ရေး ဆြေးနွေးပြဲ ရွှေ့ဆိုင်း

မြဝတီမြို့မှာ ကေအန်ယူ ဆက်ဆံရေးရုံး ဖွင့်တုန်း ကတော့ ဝန်ကြီးဦးအောင်မင်း ကိုယ်တိုင် တက်ရောက် ဖွင့်ပေးခဲ့

မြန်မာအစိုးရနဲ့ ကရင်အမျိုးသား အစည်းအရုံး ကေအန်ယူ အကြား အပစ်အခတ်ရပ်ရေး တတိယ အကြိမ် ဆွေးနွေးမှုတွေ ပြုလုပ်မယ့် အစီအစဉ်ကို အစိုးရ ဘက်က ရပ်ရွှေ့ဆိုင်း လိုက်တဲ့ အတွက် အစည်းအဝေး အထ မမြောက်တော့ ကြောင်း ကေအန်ယူ ဘက်က သဘောထား ထုတ်ပြန်လိုက်ပါတယ်။

ဘားအံမြို့မှာ သြဂုတ်လ ၂၇ ရက်နေ့ကနေ ၂၉ ရက်နေ့ အထိ သုံးရက်ကြာ ဆွေးနွေးပွဲ ပြုလုပ်ဖို့ စီစဉ်ထားတာကို ရက်ရွှေ့လိုက်ကြောင်း အစိုးရဘက်က နှုတ်အားဖြင့် အကြောင်း ကြားလာ တယ်လို့ အဲဒီ ကေအန်ယူရဲ့ ကြေညာချက်ထဲမှာ ဖေါ်ပြထားပါတယ်။

ကေအန်ယူ ပြောခွင့်ရ နော်မေဦးကတော့ အစိုးရဘက်က ခိုင်လုံ ကောင်းမွန်တဲ့ အကြောင်းပြချက် ရှိမယ်လို့ ယုံကြည်ကြောင်းနဲ့ ဒုတိယ အကြိမ် ဆွေးနွေးမှုတွေ လုပ်တုန်း ကလည်း အားလုံး ချောချော မွေ့မွေ့ ရှိခဲ့တယ်လို့ ဘီဘီစီကို ပြောပါတယ်။

ဒါပေမယ့်လည်း ဆွေးနွေးဖို့ ရက်နီးလာမှ ဆွေးနွေးပွဲ မဖြစ် တော့ဘူးလို့ ပြောလာတဲ့ အတွက် ကေအန်ယူ ဘက်က ကသိကအောက် ဖြစ်ခဲ့ရတယ်လို့ သူက ပြောပါတယ်။

အခုရွှေ့ဆိုင်းလိုက်တဲ့ ဆွေးနွေးပွဲမှာ အပစ်အခတ် ရပ်ဆိုင်းရေး ဆိုင်ရာ ကျင့်ဝတ်စည်းကမ်းများနဲ့ တပ်နေရာချထားရေးတို့ကို ညှိနှိုင်းဆွေးနွေးဖို့ စီစဉ်ထားကြတာ ဖြစ်ပါတယ်။

ဒီအတွက် တွေ့ဆုံဆွေးနွေးဖို့ ရက်ကို အမြန်ဆုံး အကောင်အထည် ပြန်ဖေါ်နိုင်ဖို့ ကေအန်ယူဘက်က လုပ်ဆောင်သွားမယ်လို့ ကေအန်ယူရဲ့ ထုတ်ပြန်ချက်ထဲမှာ ဖေါ်ပြထားပါတယ်။

မြန်မာနိုင်ငံမှာ လယ်ဧက သိန်းနဲ့ချီ ရေမြုပ်နေ

ရှေ့နှစ် စပါးထွက်ရှိမှုနဲ့ ပတ်သက်ပြီး၊ စိုးရိမ်မှုတွေ တိုးပွားလာနေပါတယ်

မြန်မာနိုင်ငံမှာ မုတ်သုန်ရာသီ မိုးတွေ အကြီးအကျယ် ရွာသွန်းခဲ့ပြီး၊ မိုးရေကြီးမှုတွေ ဖြစ်ပွား နေတာကြောင့် လူပေါင်း ၈ သောင်း ကျော်ဟာ သူတို့ရဲ့ အိမ်ယာတွေကို စွန့်ခွာ ထားခဲ့ ကြရပါတယ်။

ပြီးခဲ့တဲ့ ရက်ပိုင်းတွေ အတွင်း မိုးတွေ အကြီးအကျယ် ရွာသွန်းခဲ့တာ ကြောင့် စိုက်ပျိုးရေး အတွက် အဓိက အားထားရတဲ့ နိုင်ငံ တောင်ပိုင်း မြစ်ဝကျွန်းပေါ် ဒေသမှာ လယ်ဧက သိန်းနဲ့ ချီပြီး ရေမြုပ်နေ ပါတယ်။ ဒါကြောင့်မို့ ရှေ့နှစ် စပါးထွက်ရှိမှုနဲ့ ပတ်သက်ပြီး၊ စိုးရိမ်မှုတွေ တိုးပွား လာနေပါတယ်။

ဧရာဝတီတိုင်း ပန်းတနော် ဓနုဖြူ ညောင်တုန်း သုံးပွင့်ဆိုင် မြို့နယ်က လယ်ယာမြေ ဧက(၆) သောင်းနီးပါး ရေမြုပ် ပျက်စီးခဲ့ရပါတယ်။

သမ္မတ ဦးသိန်းစိန်ဟာ ရေကြီးနေတဲ့ ဒေသတချို့ကို သွားရောက်ပြီး၊ ရေဘေး ကယ်ဆယ်ရေး ဌာန နေရာ ၂၀၀ လောက် ဖွင့်ပေးထားတယ်လို့ ပြောပါတယ်။

၂၀၀၈ ခုနှစ်ကလည်း နာဂစ် မုန်တိုင်းကြောင့် ဧရာဝတီတိုင်း ဒေသမှာ အကြီး အကျယ် ပျက်ဆီး ဆုံးရှုံးမှုတွေ ဖြစ်ပွားခဲ့ပြီး၊ အဲဒီတုန်းက မုန်တိုင်းကြောင့် လူပေါင်း ၁ သိန်း ၃ သောင်းကျော် သေဆုံးခဲ့ ရပါတယ်။

PNLOနဲ့ အစိုးရကြား အပစ်ရပ်ရေး ပြည်နယ်အဆင့် သဘောတူ

အစိုးရ ငြိမ်းချမ်းရေး ဖေါ်ဆောင်ရေး အဖွဲ့နဲ့ PNLO ကိုယ်စားလှယ်တွေ ပထမအကြိမ် တွေ့ခဲ့စဉ် (ဓာတ်ပုံ PYO)

PNLO ပအိုဝ်း အမျိုးသား လွတ်မြောက်ရေး အဖွဲ့ချုပ်နဲ့ အစိုးရအကြား အပစ်ရပ်ရေး ပြည်နယ်အဆင့် သဘောတူချက် လက်မှတ် ရေးထိုးခဲ့ကြပါတယ်။

PNLO ပအိုဝ်း အမျိုးသား လွတ်မြောက်ရေး အဖွဲ့ချုပ် ကိုယ်စားလှယ် အဖွဲ့ဟာ အစိုးရနဲ့ အပစ်အခတ် ရပ်စဲရေး သဘောတူချက် ၅ချက်ကို ပြည်နယ်အဆင့် ငြိမ်းချမ်းရေး ဖေါ်ဆောင်ရေး အဖွဲ့နဲ့ စနေနေ့မနက်က တောင်ကြီးမြို့မှာ လက်မှတ် ရေးထိုးခဲ့သလို ပြည်ထောင်စု အဆင့် ဆွေးနွေးပွဲအတွက်လည်း ပြည်ထောင်စုအဆင့် ငြိမ်းချမ်းရေး ဖေါ်ဆောင်ရေး အဖွဲ့နဲ့ အကြိုညှိနှိုင်း သဘောတူခဲ့ကြပါတယ်။

ပြည်နယ်အဆင့်မှာ သဘောတူခဲ့တဲ့ အပစ်ရပ်ရေးကိစ္စတွေကို ခိုင်မာသထက် ခိုင်မာအောင် ဆက်ဆွေးနွေးသွားရေးနဲ့အတူ တပ်ဖွဲ့ဝင်တွေ လိုက်နာရမယ့် Code of Conduct စည်းမျဉ်းကျင့်ဝတ်တွေ သတ်မှတ်နိုင်ရေး၊ ဆက်ဆံရေးရုံးတွေ လုပ်ငန်း လည်ပတ်နိုင်ဖို့အတွက် ပြည်ထောင်စု ငြိမ်းချမ်းရေး ဖေါ်ဆောင်ရေး အဖွဲ့က အကူအညီပေးရေး၊ မူးယစ်ဆေးဝါး ပူးပေါင်းတိုက်ဖျက်ရေး၊ ဒေသတွင်းက လူထုတွေရဲ့ ဘဝ လုံခြုံမှု ဆောင်ရွက်ရေး ကိစ္စတွေ နဲ့ပတ်သက်လို့ ဆက်လက်ဆွေးနွေးကြဖို့ သဘောတူခဲ့ကြတယ်လို့ PNLO အတွင်းရေးမှူး ခွန်မြင့်ထွန်းက ဘီဘီစီကိုပြောပါတယ်။

ထိုင်းမြန်မာနယ်စပ်မှာ ရှိတဲ့ PNLA တပ်နေရာတွေနဲ့ ပတ်သက်လို့တော့ စာနဲ့ တရားဝင် သဘောတူချက် ရတာမျိုး မရှိသေးပေမယ့် နှစ်ဘက်အကြား လူကြီးလူကောင်း သဘောတူချက်တော့ လုပ်ခဲ့ကြကြောင်း၊ တရားဝင် သဘောတူချက် ရဖို့ ဆက်ဆွေးနွေးသွားကြမှာ ဖြစ်ကြောင်း ခွန်မြင့်ထွန်းက ပြောပါတယ်။

ဒီဆွေးနွေးပွဲမှာ ရှမ်းပြည်နယ် ဝန်ကြီးကိုယ်တိုင်ရော၊ အရှေ့ပိုင်းတိုင်း တိုင်းမှူး အပါအဝင် လွှတ်တော်ကိုယ်စားလှယ်တွေ ပါ တက်ရောက် လက်မှတ် ရေးထိုး ခဲ့ကြတဲ့အတွက် အပစ်ရပ်ရေး သဘောတူချက် ခိုင်မာမှု ရှိတယ်လို့ ယူဆရမှာ ဖြစ်ကြောင်း သူက ပြောပါတယ်။

ကိုယ့်ကိုကိုယ် ခုခံ ကာကွယ်ဖို့ကလွဲရင် ပစ်ခတ် တိုက်ခိုက်မှုတွေ ရှိမှာ မဟုတ်ကြောင်းနဲ့ သဘောထား လွဲမှားမှုတွေ ဖြစ်မလာစေဖို့ နှစ်ဘက်စလုံးမှာ တာဝန်ရှိကြောင်း PNLO ငြိမ်းချမ်းရေးကိုယ်စားလှယ် အဖွဲ့ ခေါင်းဆောင် ခွန်မြင့်ထွန်းက ပြောပါတယ်။

အမေရိကန်ချစ်ကြည်ရေး ဘတ်စကက်ဘောအဖွဲ့ မြန်မာပြည် လာမည်

အမေရိကန်ပြည်ထောင်စုနဲ့ မြန်မာနိုင်ငံကြား ဆက်ဆံရေး တိုးတက်လာမှု အရိပ်လက္ခဏာများ အနက် လတ်တလောအကျဆုံးကတော့ အမေရိကန် ထိပ်တန်း ဘတ်စကတ်ဘော အမျိုးသားနဲ့ အမျိုးသမီးအသင်းတို့က အမေရိကန် နိုင်ငံခြားရေးဌာနနဲ့ ပူးတွဲပြီး မြန်မာနိုင်ငံကို ဘတ်စကတ်ဘော ချစ်ကြည်ရေးအဖွဲ့ စေလွှတ်မှာဖြစ်တယ်လို့ ကြေညာလိုက်ပါတယ်။ သြဂုတ်လ ၂၆ ရက် ဒီ တနင်္ဂနွေနေ့ မြန်မာနိုင်ငံကို ဆိုက်ရောက်မယ့် အဲဒိအဖွဲ့ဟာ မြန်မာလူငယ်တွေရဲ့ ဘတ်စကက်ဘော ကစားနည်း အရည်အသွေးကို မြှင့်တင်ပေးဖို့ ရည်ရွယ်တယ်လို့ ပြောပါတယ်။ အကြောင်းစုံကို ဒေါ်လှလှသန်းက ပြောပြပေးပါလိမ့်မယ်ရှင်။

အမေရိကန်နိုင်ငံခြားရေးဌာနလက်အောက်ရှိ ပညာရေးနဲ့ ယဉ်ကျေးမှုဌာနနဲ့ ပူးတွဲပြီး NBA အမေရိကန် အမျိုးသား ဘတ်စကက်ဘောအသင်းနဲ့ WMBA အမေရိကန် အမျိုးသမီး ဘတ်စကက်ဘော အသင်းတို့က ပထမဦးဆုံးအကြိမ်အဖြစ် မြန်မာနိုင်ငံနဲ့ အားကစား ချစ်ကြည်ရေးအစီအစဉ်ကို အခုလို စေလွှတ်တာ ဖြစ်ပါတယ်။

အဲဒီအစီအစဉ်အရ Charlotte Bobcats  အသင်းရဲ့ အထွေထွေ မန်နေဂျာဖြစ်တဲ့ Richard Cho၊ WMBA အမေရိကန် အမျိုးသမီး ဘတ်စကက်ဘောအားကစားသမားဟောင်း အက်လက်ဆဲန် ဖီစ်တာ ( Allison Feaster)၊ လော့စ် အိန်ဂျလိစ် အသင်းနည်းပြလည်းဖြစ်၊ NBA အားကစား သမားဟောင်း တဦးလည်းဖြစ်တဲ့ ဒါဗင်ဟဲန် (Darvin Ham) တို့အပြင် NBA အားကစား သမားဟောင်း မာလ်တီ ကော်လန်း (Marty Colon)တို့ ပါဝင်ကြမှာဖြစ်ပြီး သူတို့အဖွဲ့ဟာ ရန်ကုန်ကို သြဂုတ်လ ၂၆ ရက်နေ့ကနေ ၃၁ ရက်နေ့အထိ လာရောက်မှာ ဖြစ်ပါတယ်။ အဲဒီ ခြောက်ရက်ကြာ ခရီးစဉ် အတွင်း သူတို့ တွေဟာ မြန်မာလူငယ်တွေနဲ့ တွေ့ဆုံပြီး အားကစားမြှင့်တင်ရေး အတွက် ဆောင်ရွက်ဖို့ ရှိပါတယ်။

မြန်မာအားကစားနဲ့ ကာယပညာ ဝန်ကြီးဌာနအပြင် မြန်မာ ဘတ်စကက်ဘော ဖက်ဒရေးရှင်းတို့နဲ့ ပူးတွဲပြီး ဘတ်စကက်ဘော သင်တန်းတွေကို  ရန်ကုန်တွင်းရှိ တချို့ကျောင်းတွေနဲ့ အားကစားရုံတွေ မှာ ပို့ချပေးဖို့ ရှိပါတယ်။ ဒါ့အပြင် အပြန်အလှန်အားဖြင့် မြန်မာ့ ခြင်းလုံးပညာကိုလည်း သူတို့က လေ့လာသွားမှာ ဖြစ်ပါတယ်။ အခုလို အမေရိကန် နိုင်ငံခြားရေးဌာနရဲ့ အားကစား ချစ်ကြည်ရေး အစီအစဉ်မှာ လက်ရှိနဲ့ ယခင် အားကစားသမားတွေ နည်းပြတွေ ပါဝင်ကြတာ ဖြစ်ပါ တယ်။ ဒီ အားကစားချစ်ကြည်ရေး ကိုယ်စားလှယ်တွေ စေလွှတ်တဲ့အစီအစဉ်တွေကို ၂၀၀၅ ခုနှစ်က စတင်ခဲ့ပြီး အမေရိကန် အားကစားသမားပေါင်း ၂၂၀ ကျော်ကို နိုင်ငံပေါင်း ၅၀ ကျော် ကို စေလွှတ်နိုင်ခဲ့တာလည်း ဖြစ်ပါတယ်။

မြန်မာနိုင်ငံကိုတော့ ဒီတကြိမ် ကိုယ်စားလှယ်အဖွဲ့ကို စေလွှတ်မှုဟာ ပထမဦးဆုံးအကြိမ် ဖြစ်ပေမဲ့ လို့လည်း လွန်ခဲ့တဲ့ နှစ် ငါးဆယ်ကျော် နှစ်နိုင်ငံ ဆက်ဆံရေး ကောင်းမွန်စဉ်ကလည်း အမေရိကန် နိုင်ငံခြားရေးဌာနရဲ့ အစီအစဉ်အရ  အားကစားနည်းပြတွေ တစ်ဦးချင်း လာရောက်ပြီး သင်တန်းတွေ ပို့ချပေးခဲ့တာ ဖြစ်ပါတယ်။ မြန်မာ့လက်ရွေးစင် အားကစားသမားတဦးလည်းဖြစ်၊ တက္ကသိုလ် ဘောလုံးသမား တစ်ဦးလည်း ဖြစ်ခဲ့တဲ့ ဗွီအိုအေ ဝိုင်းတော်သားဟောင်း ဦးထွန်းအောင်ကို မေးကြည့်ခဲ့ပါတယ်။

“အခုလို အားကစားအစီအစဉ်ဖလှယ်တဲ့ အစဉ်အလာရှိပါတယ်။ မြန်မာပြည် နဲ့ အမေရိကန်ပြည်ထောင်စုနဲ့  ကျနော်တက္ကသိုလ်မှာရှိစဉ်တုန်းက ၁၉၅၂ ခုနှစ်ကနေ ၁၉၅၇ ခုနှစ် ကြားမှာ အမေရိကန်နိုင်ငံခြားရေးဝန်ကြီးဌာနက ကမကထလုပ်ပြီးတော့ တင်းနစ်နည်းပြ ဆရာတဦးကို လွှတ်ပေးလိုက်ပါတယ်။ အဲဒီပုဂ္ဂိုလ်ကတော့ ဒေါက်တာ ဒေးဗ်လူးဝစ္စ် (Dr. Dave Lewis) ဖြစ်ပါတယ်။ ကျနော်တို့ တက္ကသိုလ်မှာ လာပြပါတယ်။ ဒါတင်မဟုတ်သေးပါဘူး။ သူက Fulbright ဆိုတဲ့ Exchange အပြန်အလှယ်ဖလှယ်ရေးအစီအစဉ် နဲ့ သူလာတာပါ။ မြန်မာ လူငယ်များအတွက်ကိုလည်း သူသင်ပြပေးခဲ့ပါတယ်။ အဲဒါတင်မကသေးပါဘူး၊  ပြေးခုန်ပစ်နဲ့ ပတ်သက်လို့လည်း နည်းပြဆရာတဦးကို စေလွှတ်ခဲ့ပါတယ်။ ကျနော် နှစ်တော့ မမှတ်မိ ပါဘူး။ နောက်ပြီးတော့ ဒိုင်ဗင်မှာ အိုလံပစ်ချန်ပီယံဟောင်း ဆမ်မီလီး (Sammy Lee) ကို လွှတ်ခဲ့ပါတယ်။ သူက ၁၉၄၈ နဲ့ ၁၉၅၂ ခုနှစ် အိုလံပစ်ပွဲတွေမှာ ရွှေတံဆိပ်ရခဲ့တဲ့ ဒိုင်ဗင်ထိုးသမားကို စေလွှတ်ခဲ့ပါတယ်။ နောက်ပြီးတော့ တင်းနစ်မှာလည်း ဒေးဗီးစ် (Davies Cup) အသင်းဆိုတာရှိပါတယ်။ အဲဒီအသင်းက အာရှတခွင်ကို သွားရိုက်ရတဲ့အခါမှာ မြန်မာနိုင်ငံကို ၀င်ခဲ့ပါတယ်။ သူတို့ မြန်မာအားကစားသမားတွေနဲ့ ကစားပြခဲ့ပါတယ်။”

အမေရိကန် နိုင်ငံခြားရေးဌာနအနေနဲ့ ပညာရေးပိုင်းမှာလည်း မြန်မာနိုင်ငံနဲ့ Fullbright  ပညာတော်သင်ဆု ချီးမြှင့်တဲ့ အစီအစဉ်ရှိသလို မနှစ်ကလည်း မြန်မာလူငယ် ခေါင်းဆောင်မှု သင်တန်းကို နိုင်ငံခြားရေးဌာနမှာ   မြန်မာလူငယ်တစုအတွက် ကျင်းပပေးခဲ့တာလည်း ဖြစ်ပါတယ်။  အခု အားကစားချစ်ကြည်ရေးအဖွဲ့ မြန်မာနိုင်ငံကို ဆိုက်ရောက်တဲ့ သြဂုတ်လ ၂၆ ရက် နေ့၊ ညနေ ၄ နာရီမှာ တော်ဝင်လမ်းရှိ အမေရိကန် စင်တာမှာ သတင်းစာရှင်းလင်းပွဲ ကျင်းပဖို့ ရှိတယ်လို့လည်း သိရပါတယ်ရှင်။

ဆီးရီးယားဆန္ဒပြသူ ၁၄၀ ခန့် သေဆုံး

ဆီးရီးယားနိုင်ငံက မြို့အတော်များများမှာ အစိုးရဆန့်ကျင်ရေးဆန္ဒပြပွဲတွေ ဖြစ်ပေါ်နေတဲ့တချိန်တည်းမှာပဲ ဆီးရီးယားတပ်တွေက သူပုန်တွေကို နှိမ်နင်းနိုင်ဖို့အတွက် ဒမတ်စကတ်စ်မြို့ဆင်ခြေဖုံးဒေသတွေကို ပစ်မှတ်ထားပြီးတော့ ဗုံးကြဲတိုက်ခိုက်တာတွေလုပ်နေပါတယ်။ သောကြာနေ့က အစိုးရဆန္ဒပြမှုတွေအတွင်း လူ ၁၄၀ လောက်သေဆုံးခဲ့တယ်လို့ ဆီးရီးယားအတိုက်အခံ လူ့အခွင့်အရေးစောင့်ကြည့်ရေးအဖွဲ့က ပြောပါတယ်။ အဲဒီလူအများစုဟာ လက်နက်ကိုင်ဆောင်ထားခြင်းမရှိတဲ့ သာမန်အရပ်သားတွေ ဖြစ်ကြတယ်လို့ ဆိုပါတယ်။သမ္မတဘာရှာ အယ်လ်-အာဆတ်ဒ်အစိုးရကတော့ သူပုန်တွေဟာ နိုင်ငံခြားကနေ အထောက်အပံ့တွေယူပြီး တိုင်းပြည်ကို မငြိမ်မသက်ဖြစ်အောင်လုပ်နေကြတဲ့ အကြမ်းဖက်သမားတွေလို့ပဲ မြင်တယ်လို့ ပြောပါတယ်။ တချိန်တည်းမှာပဲ ဆီရီးယားနိုင်ငံဆိုင်ရာ ကုလသမဂ္ဂရဲ့ အာရပ်အဖွဲ့ချုပ်သံတမန်ကတော့ သူ့ကို အခုလို ခန့်အပ်လိုက်တဲ့အပေါ်မှာ ဂုဏ်ယူ ၀မ်းမြောက်မိသလို ကြောက်လည်းကြောက်ပါတယ်လို့ ပြောပါတယ်။ အရင်က အဲဒီနေရာကို ကုလသမဂ္ဂအတွင်းရေးမှူးချုပ်ဟောင်း ကိုဖီ အန်နန်က တာဝန်ယူတာဖြစ်ပါတယ်။ ကုလသမဂ္ဂတာဝန်ရှိသူတွေနဲ့ သောကြာနေ့က ပြုလုပ်ခဲ့တဲ့ အစည်းအဝေးမှာတော့ အယ်လ်ဂျီးရီးယား သံတမန် Lakhdar Brahimin က သူ့အနေနဲ့ ဆီးရီးယားနိုင်ငံအရေးကိစ္စကို ဦးစားပေး ဆောင်ရွက်သွား မယ်လို့ ပြောလိုက်တဲ့တချိန်တည်းမှာပဲ ဆီးရီးယားပြည်သူတွေကပဲ ဆီးရီးယားအရေးကို ကျွမ်းကျင်ကြတာ ဖြစ်တယ်လို့ သူကပြောပါတယ်။ အခုဆိုရင် ဆီရီးယားဒုက္ခသည်အရေအတွက်ဟာ ၂၀၀,၀၀၀ ကျော်သွားပြီး အများစုဟာ တူရကီနိုင်ငံမှာဖြစ်တယ်လို့ ကုလသမဂ္ဂရဲ့ ပြောခွင့်ရပုဂ္ဂိုလ် မာတင် နာဆားကီး (Maritn Nesirky) က ပြောပါတယ်။

ရခိုင်အရေး အင်ဒိုနီးရှား အကူအညီ စတင်

ပြီးခဲ့တဲ့ မေလနဲ့ ဇွန်လတွေမှာ ရခိုင်ပြည်နယ်တွင်း ဖြစ်ပွားခဲ့တဲ့ ပဋိပက္ခတွေ အတွင်း ဒုက္ခရောက်နေကြသူတွေကို ကူညီဖို့အတွက် အင်ဒိုနီးရှား ကြက်ခြေနီအဖွဲ့က အကူအညီပေးရေး အဖွဲ့တခုကို ဒီကနေ့ မြန်မာနိုင်ငံကို စေလွှတ်လိုက်ပါတယ်။ ဘက်မလိုက်တဲ့ ကြားဝင် ဆောင်ရွက်မှုတွေနဲ့ ဒုက္ခ ရောက်နေသူတွေကို ပထမအဆင့် အကူအညီတွေ ပေးသွားမှာဖြစ်တယ်လို့ အင်ဒိုနီးရှားနိုင်ငံ ကြက်ခြေနီအဖွဲ့ က ဆိုပါတယ်။ အပြည့်စုံကို မခင်ဖြူထွေးက ပြောပြပါမယ်။ ရခိုင်ပြည်နယ်တွင်း ဖြစ်ပွားခဲ့တဲ့ အုပ်စုဖွဲ့ အကြမ်းဖက်မှုတွေနဲ့ ပဋိပက္ခတွေကြောင့် အိုးမဲ့အိမ်မဲ့ဖြစ်ပြီး ဒုက္ခရောက်နေကြရတဲ့ ဒုက္ခသည်တွေအတွက် အင်ဒိုနီးရှား ကြက်ခြေနီအဖွဲ့က အဖွဲ့ဝင် ၈ ဦးပါတဲ့ ပထမအသုတ် အကူအညီပေးရေး အဖွဲ့ဟာ တကိုယ်ရည် သန့်ရှင်းရေး အသုံးဆောင် ပစ္စည်းတွေ၊ စောင်နဲ့ အ၀တ်အထည်တွေ အပါအ၀င် ဒုက္ခသည်တွေ လိုအပ်တဲ့ ပစ္စည်းတွေနဲ့ ဒီကနေ့ မနက်မှာပဲ ဂျကာတာမြို့တော် လေတပ်စခန်းကနေ မြန်မာနိုင်ငံကို ထွက်ခွာသွားတာ ဖြစ်ပါတယ်။ ဘက်မလိုက်တဲ့ ကြားဝင် ဆောင်ရွက်မှုတွေနဲ့ ပထမအဆင့် အကူအညီတွေကို ပေးအပ် သွားမှာ ဖြစ်တဲ့အကြောင်း အင်ဒိုနီးရှားနိုင်ငံ ကြက်ခြေနီအဖွဲ့ရဲ့ အထွေထွေ အတွင်းရေးမှူး Budi Adiputro က ဗွီအိုအေ မြန်မာပိုင်းကို ပြောပါတယ်။

“အခု ပထမအဆင့် ဒီ သုံးလ အတွင်းမှာ ပဋိပက္ခထဲမှာပါတဲ့ ဘယ် ဘက်ကိုမှ ဘက်လိုက်ခြင်းမရှိတဲ့ ကြားဝင် ဆောင်ရွက်မှုတွေနဲ့ ကူညီသွားမှာ ဖြစ်ပါတယ်။ ဒုက္ခသည်တွေအတွက် အစားအစာနဲ့ အကူအညီတွေ လုံလုံလောက်လောက် ရဖို့အတွက် ကနဦးအဆင့် အကူအညီတွေ ပေးသွားမှာ ဖြစ်ပါတယ်။”  

ရခိုင်ပြည်နယ်တွင်း အခြေအနေတွေကို ဒီလထဲမှာပဲ သွားရောက် လေ့လာခဲ့ပြီးတဲ့နောက် ခုလို အကူအညီပေးရေး လုပ်ငန်းတွေ စတင်နိုင်ဖို့အတွက် အားစိုက် ကြိုးပမ်းခဲ့တဲ့အကြောင်းလည်း မစ္စတာ Budi Adiputro က ပြောပါတယ်။

“ကျနော်တို့ မြန်မာပြည်က ပြန်ရောက်လာကတည်းက ဒီကိစ္စကို အားစိုက် ကြိုးပမ်းနေခဲ့တာပါ။ ခင်ဗျားတို့သိတဲ့အတိုင်းပဲ ကျနော်တို့ရဲ့ လွတ်လပ်ရေးနေ့ နဲ့ အစ္စလာမ်တို့ရဲ့ အထွဋ်အမြတ် အစ်နေ့ကလည်း ဒီလထဲမှာ ကျရောက်တာပါ။ ဒီလို အလုပ်ရှုပ်နေတဲ့ကြားကပဲ ကျနော်တို့ရဲ့ နံပါတ်တစ် ဦးစားပေးအနေနဲ့ ကုန်တင် လေယာဉ်တစီးနဲ့ အကူအညီတွေကို ရန်ကုန်မြို့ကို တိုက်ရိုက်ပို့ပေးခဲ့တာက သူတို့နဲ့ အတူတူ ပူးပေါင်းပြီး ကူညီပေးရေး လုပ်ငန်းတွေကို ကျနော်တို့ စတင် ဆောင်ရွက် သွားချင်တယ် ဆိုတာကို ပြသတဲ့ သဘောပါ။ ခုလို ပထမဆင့် အကူအညီတွေ ပေးပို့ခြင်းအားဖြင့် မြန်မာအစိုးရနဲ့တကွ နိုင်ငံတကာ အသိုင်းအ၀ိုင်း တခုလုံးကပါ ဒီလို လုပ်ဆောင်တာဟာ စစ်မှန်တဲ့ ချဉ်းကပ်မှုလို့ ယူဆစေချင်ပါတယ်။ ဒီလိုပဲ အကူအညီပေးတဲ့ တခြား နိုင်ငံတွေလည်း ရှိပါတယ်။ ရခိုင်ဒေသတွင်း ဒုက္ခရောက်နေသူတွေအတွက် တူရကီနိုင်ငံကလည်း အကူအညီပစ္စည်းတွေ ပေးပို့ခဲ့တာပါ။”

ရခိုင်ပြည်နယ်မှာ အကူအညီပေးရေး အစီအစဉ်တွေကို ဦးဆောင်လုပ်ကိုင်ဖို့ အတွက် အင်ဒိုနီးရှား ဒုတိယ သမ္မတဟောင်း၊ လက်ရှိ အင်ဒိုနီးရှား ကြက်ခြေနီအဖွဲ့ အကြီးအကဲ ဖြစ်တဲ့ ဂျုဆက်ဖ် ကာလား (Jusuf Kella) ကိုလည်း အင်ဒိုနီးရှား သမ္မတက အထူး သံတမန်အဖြစ်နဲ့ ခန့်အပ်ထားပါတယ်။ မစ္စတာ ကာလားနဲ့ အဖွဲ့ဟာ ဒီလ သြဂုတ်လ ၁၁ ရက်နေ့က ရခိုင်ပြည်နယ်က အခြေအနေတွေကို ကိုယ်တိုင် သွားလေ့လာခဲ့တာဖြစ်သလို အင်ဒိုနီးရှားနိုင်ငံ အနေနဲ့ ရခိုင်ပြည်နယ်အတွင်း ဖြစ်ပွားခဲ့တဲ့ အဓိကရုဏ်းမှာ ဒုက္ခရောက်နေကြတဲ့ ဘင်္ဂါလီ ရိုဟင်ဂျာတွေ သာမကပဲ ရခိုင်တိုင်းရင်းသားတွေကိုလည်း အကူအညီပေးမှာ ဖြစ်တယ်လို့ ပြောဆိုခဲ့ပါတယ်။

ပြီးခဲ့တဲ့ မေ နဲ့ ဇွန်လတွေကတည်းကစလို့ ဖြစ်ပွားလာခဲ့တဲ့ ရခိုင်ပြည်နယ်တွင်းက အကြမ်းဖက် ဖြစ်ရပ်တွေနဲ့ ပတ်သက်လို့ အဖြစ်မှန် ပေါ်ပေါက်ရေး စုံစမ်းစစ်ဆေးဖို့ ကော်မရှင်တရပ်ကို မြန်မာသမ္မတ ဦးသိန်းစိန်က ဒီလထဲမှာပဲ ဖွဲ့စည်းခဲ့ပါတယ်။ ရခိုင်ပြည်နယ်တွင်း ဖြစ်ပွားခဲ့တဲ့ ပဋိပက္ခတွေနဲ့ စပ်လျဉ်းပြီး ပြည်သူတွေအနေနဲ့ စုံစမ်းစစ်ရေး ကော်မရှင်ကို သတင်းအချက်အလက် ပေးပို့နိုင်ကြောင်းတဲ့ အကြောင်းလည်း ကော်မရှင်က ဒီကနေ့ ကြေညာချက် ထုတ်ပြန် ပြောဆိုခဲ့ပါတယ်။ ရခိုင်ပြည်နယ်တွင်း ဖြစ်ပွားခဲ့တဲ့ အကြမ်းဖက်မှုတွေကြောင့် ကျေးရွာတွေ အတော်များများ ပျက်စီးခဲ့သလို ခန့်မှန်းချေ လူ ၇ သောင်းလောက် အိုးအိမ်မဲ့ ဖြစ်ခဲ့ရတာ ဖြစ်ပါတယ်။