25.08.2012 နေ့ဖတ်ရန်သတင်းများ

by Myanmar Journal on Friday, August 24, 2012 at 3:17pm ·

နော်ဝေး လူသတ် သမားကို ထောင်ဒဏ် ၂၁ နှစ် ချမှတ်

ဘရေးဗစ်ကို လူသတ်မှုနဲ့ ထောင်ဒဏ် ၂၁ နှစ် ချမှတ်

နော်ဝေးနိုင်ငံမှာ ပြီးခဲ့တဲ့ ဇူလိုင်လတုန်းက လူပေါင်း ၇၇ ယောက်ကို သတ်ခဲ့တဲ့ အန်းဒါးစ် ဘယ်ရီးဂ် ဘရေဗစ်က် ဟာ မရူးသွပ် ကြောင်း တရားရုံးကတွေ့ရှိခဲ့လို့ သူ့ကို ထောင်ဒစ် ၂၁ နှစ် ပြစ်ဒဏ် ချမှတ်လိုက်ပါတယ်။

သူ့ကို ထောင်ဒဏ် ၂၁ နှစ် ချမှတ်ဖို့ တညီတညွတ်တည်း ဆုံးဖြတ်ခဲ့ကြကြောင်း တရားသူကြီးက ကြေညာသွားခဲ့ ပါတယ်။

ဘရေဗစ်က် စိတ်မမှန်ကြောင်း ကြေညာဖို့ တရားလိုရှေ့နေတွေဘက်က ဆောင်ရွက်ခဲ့ပါတယ်။

အဲဒီ ကြေညာချက်ကို အတည်ပြုခဲ့ရင် သူ့ကို လုံခြုံရေး အထူး တင်းကြပ် ထားတဲ့ စိတ်ရောဂါကု အဆောင်မှာ ကာလ အကန့် အသတ်မဲ့ ထိန်းသိမ်း ထားမှာ ဖြစ်ပါတယ်။

ဘရေးဗစ်က် က ဗုံးဖောက်ခွဲမှု လုပ်ခဲ့ကြောင်း သေနတ်နဲ့ ပစ်ခတ်ခဲ့ကြောင်း ဝန်ခံပြီး အဲဒီလို လုပ်ခဲ့တဲ့ အတွက်လည်း နောင်တ စိုးစဉ်းမျှ မရဘူးလို့ ဆိုပါတယ်။ သူက သူမရူးသွပ်ကြောင်း တောက်လျှောက် ပြောခဲ့ပြီး သူ့လုပ်ရပ်ဟာ နိုင်ငံရေး ဆောင်ရွက်ချက် ဖြစ်တယ်လို့ ဆိုပါတယ်။

အာကြီး ကပ္ပတိန် ဗင်ပါစီ မန်ချက်ကို ရောက်လာ

ဟော်လန် အသင်းအတွက် ကစားစဉ်

မနှစ်က ဘောလုံးရာသီမှာ အာဆင်နယ် အတွက် ဂိုးအများဆုံး သွင်းပေးခဲ့တဲ့ ကပ္ပတိန် ရော်ဘင် ဗင်ပါစီဟာ မနေ့ညက မန်ချက်စတာ ယူနိုက် တစ် ကစားသမား ဖြစ်လာခဲ့ပါပြီ။

အသက် ၂၉ နှစ်အရွယ် ဗင်ပါစီကို မန်ချက်က ပေါင် စတာလင် ၂၄ သန်းနဲ့ လေးနှစ် စာချုပ်ချုပ်လိုက်ပါ တယ်။

ဗင်ပါစီဟာ မနှစ်က ပီအက်ဖအေရဲ့ အကောင်းဆုံး ဘောလုံးသမားဆု ရခဲ့ပေမယ့် ယူရို ၂၀၁၂ မှာ ဟော်လန် အသင်းအတွက် ကစားတုန်းကတော့ ခြေမပေါ်ခဲ့ပါဘူး။

တခါ မနှစ်က ပရဲမီးယားလိဂ် ဘောလုံးရာသီမှာ ကစားနေရင်း ရုတ်တရက် နှလုံးရပ်ပြီး ဆေးရုံ ပို့လိုက်ရတဲ့ ဘော်လတွန် ဝမ်းဒါးရား အသင်းက Fabrice Muamba ဟာ အသက် နှစ်ဆယ့်လေးနှစ် အရွယ်မှာ ဘော်လုံး လောကက အနားယူလိုက်ရပါတယ်။

ဘော်လတွန်နဲ့ တော်တင်ဟမ်တို့ ကစားနေတုန်းမှာ မူအမ်ဘာဟာ ရုတ်တရက် နှလုံးရပ်ပြီး လဲကျသွားပါတယ်။

တနာရီကျော်ကြာ နှလုံးရပ်သွားပေမယ့် အရေးပေါ် သူနာပြုတွေနဲ့ နောက်ပိုင်း ဆရာဝန်တွေရဲ့ ကြိုးစားမှုနဲ့ သူ့ကို သေမင်းလက်က ပြန်ဆွဲခေါ်နိုင်ခဲ့ပါတယ်။

နောက်ပိုင်းမှာ သူဟာ တဖြည်းဖြည်း နလံပြန်ထ လာပေမယ့် ဘောလုံး ကစားနိုင်လောက်တဲ့ထိ ကြံ့ခိုင်မှု မရတော့တဲ့ အတွက် ကြေးစား ဘောလုံး လောကကနေ လုံးဝ အနားယူလိုက်ရပါတယ်။

မနေ့က နိုင်ငံတကာ ခြေစမ်းပွဲမှာတော့ အင်္ဂလန်က အီတလီကို နောက်က ပြန်လိုက်ပြီး နှစ်ဂိုး တဂိုးနဲ့ အနိုင် ရသွားပါတယ်။

ဆီးရီးယား မြို့တော်ကို အစိုးရတပ် ဝိုင်းရံ

ဆီးရီးယား မြို့တော်မှာ တိုက်ပွဲ ဖြစ်ပွားဆဲ

ဒမတ်စကတ် မြို့ပြင်က ဒါရာယာ ကို ဆီးရီးယား စစ်တပ်က ပြန်ပြီး ဗုံးကြဲ တိုက်ခိုက်ခဲ့ပါတယ်။

တိုက်ခိုက်မှုကြောင့် အနည်းဆုံးလူ ၂၀ သေဆုံးခဲ့တယ်လို့ ဆီးရီးယား အတိုက်အခံတွေက ပြောပါတယ်။ ဒီတိုက်ခိုက်မှုဟာ မြို့တော် ဒမတ်စကတ်ကို ဝိုင်းပတ်ရေး သေနင်္ဂဗျူဟာ ရဲ့ တစိတ်တဒေသ ဖြစ် ပါတယ်။

ဒမတ်စကတ်မြို့ရဲ့တခြား နေရာတွေမှာလည်း တိုက်ခိုက်မှုတွေရှိတယ်လို့ အတိုက်အခံ သတင်းရပ်ကွက်က ဆိုပါတယ်။ မြောက်ပိုင်း မြို့တမြို့ဖြစ်တဲ့ အယ်လက်ပိုမှာလည်း ရပ်ကွက်တချို့ကို အစိုးရက ဗုံးမိုးရွာချနေတယ်လို့ ဆိုပါတယ်။

တရုတ် တံတား အသစ် ကျိုးကျ

တံတား ကျိုးကျမှုကြောင့် လူ ၃ ယောက်သေဆုံး

တရုတ်နိုင်ငံ အရှေ့မြောက်ပိုင်း မှာ ရှစ်လမ်းသွား ကားလမ်းပေါ်က တံတား အသစ်တစင်း ရဲ့ တစိတ်တဒေသ ပြိုကျပြီး လူ ၃ ယောက် သေဆုံးခဲ့ပါတယ်။

ကုန်တင်ကားကြီး လေးစီး သွားလာနေစဉ် မီတာ တရာလောက်ရှိတဲ့ အစိတ်အပိုင်းတခုပြိုကျပြီး ကားတွေ ပြုတ်ကျသွားခဲ့တာဖြစ်ပါတယ်။

ဒီတံတားဟာ ဟာဗင်မြို့ထဲက လေဆိပ်သွား ဟိုက်ဝေးလမ်းမကြီး ပေါ်မှာ ရှိတာ ဖြစ်ပြီး တံတားဆောက်ခဲ့တာ တနှစ်သာ ကြာပါသေးတယ်။

တနှစ် ကျော်ကာလအတွင်းမှာ တခြား အရေးပါတဲ့ တံတားကြီး ခြောက်စင်းမှာလည်း အလားတူ ပျက်စီးမှုမျိုးတွေ ဖြစ်ခဲ့တယ်လို့ ရှင်ဟွာ သတင်းဌာနကဆိုပါတယ်။

တရုတ်ပြည်ရဲ့ ကားလမ်း ရထားလမ်း ကွန်ယက်ကြီးကို လျင်လျင်မြန်မြန် ချဲ့ထွင် ဆောက်လုပ်ရေး စီမံကိန်းကြီးမှာ ခြစားမှုတွေနဲ့ အသုံးစရိတ် ချွေတာမှုတွေကြောင့် အခုလို ဖြစ်ရတယ်ဆိုတဲ့ စွပ်စွဲချက်တွေ ကျယ်ကျယ် ပြန့်ပြန့်ရှိပါတယ်။

လွှတ်တော် အစည်းအဝေး ပျက်တဲ့ ကိစ္စ ဥက္ကဌ ရှင်းရ

ပြည်သူ့ လွှတ်တော် ဥက္ကဌ သူရ ဦးရွှေမန်း

ပြည်သူ့ လွှတ်တော် ဥက္ကဌ သူရ ဦးရွှေမန်းက ကြာသပတေးနေ့ မနက်ပိုင်း လွှတ်တော် အစည်း အဝေး တက်ရောက်ဖို့ ပျက်ကွက်ခဲ့တာနဲ့ ပတ်သက်ပြီး သောကြာနေ့ လွှတ်တော်မှာ ဖြေရှင်းချက် ပေးခဲ့ရ ပါတယ်။

ပြည်သူ့ လွှတ်တော် ဥက္ကဌ သူရဦးရွှေမန်းနဲ့ အမျိုးသား လွှတ်တော် ဥက္ကဌနဲ့ ပြည်ထောင်စု လွှတ်တော် နာယက ဦးခင်အောင်မြင့်တို့ က သမ္မတ ဦးသိန်းစိန်နဲ့ တွေ့ဆုံ ခဲ့ကြတဲ့ အတွက် ကြာသပတေးနေ့ မနက်ပိုင်း ကျင်းပမယ့် လွှတ်တော် အစည်းအဝေး တွေကို ရပ်နား ထားခဲ့ရ ပါတယ်။

သာပေါင်း မြို့နယ် မဲဆန္ဒနယ်က ပြည်သူ့ လွှတ်တော် ကိုယ်စားလှယ် ဦးဝင်းသန်းက လွှတ်တော် ကိုယ်စားလှယ် တွေကို အသိ မပေးဘဲ ကြာသပတေးနေ့ တမနက်လုံး လွှတ်တော် ဥက္ကဌ ပျောက်နေတဲ့ ကိစ္စ၊ နဲ့ အခြေခံ ဥပဒေ ခုံရုံးကို စွပ်စွဲ ပစ်တင်ဖို့ တင်ပြ တောင်းဆို ထားတာကို လုပ်ထုံး လုပ်နည်း တွေနဲ့ အညီ ဆက်မလုပ်ဘဲ အစီအစဉ် ပြောင်းသွားတယ်လို့ ယူဆစရာ အဆို ဖြစ်တဲ့ ဆုံးဖြတ်ချက် မှားယွင်းကြောင်း ဝန်ခံတဲ့ ကြေညာချက် ထုတ်ပြန်ပေးဖို့ ပြည်ထောင်စု လွှတ်တော်မှာ တောင်းဆို ခဲ့တဲ့ ကိစ္စ စတဲ့ အချက် နှစ်ရပ်ကို မေးခွန်းထုတ် ခဲ့တာ ဖြစ်တယ်လို့ SNDP ရှမ်းတိုင်းရင်းသားများ ဒီမိုကရက်တစ် ပါတီ သီပေါ မြို့နယ် ပြည်သူ့ လွှတ်တော် ကိုယ်စားလှယ် ဦးရဲထွန်းက ပြောပါတယ်။

အစည်း အဝေး တက်ရောက်ဖို့ ပျက်ကွက်ရတဲ့ ကိစ္စကို ဦးရွှေမန်းက တောင်းပန် ခဲ့တယ်လို့ ပြည်သူ့ လွှတ်တော် အစည်း အဝေး တက်ရောက်ခဲ့သူ SNDP ရှမ်းတိုင်းရင်းသားများ ဒီမိုကရက်တစ် ပါတီ သီပေါ မြို့နယ် ပြည်သူ့ လွှတ်တော် ကိုယ်စားလှယ် ဦးရဲထွန်းက ပြောပါတယ်။

ဒုတိယ အမေးကို ဦးရွှေမန်းက ပြန်ဖြေရာမှာ သူ့ အနေနဲ့ လွှတ်တော် ကိုယ်စားလှယ် တွေက ဥပဒေနဲ့ အညီ တင်ပြလာတာ တွေကို ပယ်ဖျက်ခွင့်၊ ဟန့်တားခွင့် မရှိကြောင်းနဲ့ သူတို့ တင်ပြလာတာ တွေကို လွှတ်တော် ဥက္ကဌ တွေလုပ်နိုင် ခွင့် ရှိတဲ့ ဥပဒေ နည်းဥပဒေ တွေ နဲ့ အညီ ဆက်လက် လုပ်ဆောင်ရမယ့် ဝတ္တရား ရှိတယ်လို့ ဖြေခဲ့ကြောင်း ဦးရဲထွန်းက ပြန်ပြောပါတယ်။

အမျိုးသား လွှတ်တော် ဘက်မှာတော့ ဖွဲ့စည်းပုံ ခုံရုံးကို စွပ်စွဲ ပြစ်တင်တဲ့ အဆို ကို အရေးပေါ် တင်သွင်းခဲ့ ပါတယ်။

လွှတ်တော် အသီးသီးက ဖွဲ့စည်းထားတဲ့ ကော်မီတီ၊ ကော်မရှင်နဲ့ အဖွဲ့အစည်း တွေကို ပြည်ထောင်စု အဆင့် မသတ်မှတ် နိုင်ဘူးလို့ ဖွဲ့စည်းပုံ ဥပေဒ ဆိုင်ရာ ခုံရုံးရဲ့ ဆုံးဖြတ်ချက်ဟာ မှားယွင်းကြောင်း ဝန်ခံဖို့ တောင်းဆိုမယ့် အဆိုကို ဆွေးနွေးကြဖို့ ကြာသပတေးနေ့ ပြည်ထောင်စု လွှတ်တော်အစည်းအဝေးမှာ သဘောတူ ဆုံးဖြတ် ခဲ့တာကြောင့် ခုံရုံး ဘက်က တုံ့ပြန်ချက် ရပြီမှသာ ဆက်လက် လုပ်ဆောင်ကြလိမ့်မယ်လို့ ယူဆ ချက်တွေ ရှိနေ ခဲ့ပါတယ်။

ဒါပေမဲ့ သောကြာနေ့ မှာပဲ အမျိုးသား လွှတ်တော် မှာ ဖွဲ့စည်းပုံ ခုံရုံးကို စွပ်စွဲ ပြစ်တင်တဲ့ အရေးပေါ် အဆို တင်သွင်းခဲ့ တာဟာ အတွင်းပိုင်းမှာ ညှိနှိုင်းမှုတွေ လုပ်တာ ပြေလည်ပုံ မရတဲ့ လက္ခဏာပဲလို့ အမတ်တွေက ပြောပါတယ်။

အမျိုးသား လွှတ်တော် ကိုယ်စားလှယ် ဦးဇော်မြင့်ဖေရဲ့ အဆိုကို တပ်မတော်သား လွှတ်တော် အမတ်တွေကလွဲပြီး ကျန်တဲ့ အမတ် အားလုံးက တညီ တညွတ်တည်း ထောက်ခံ ခဲ့ကြတယ်လို့ အမျိုးသား လွှတ်တော် အမတ်တွေက ပြောပါတယ်။

သမ္မတ သဝဏ်လွှာ အငြင်းပွားမှု

ရခိုင် အရေး သမ္မတ သဝဏ်လွှာ အပေါ် အငြင်းပွား

ရခိုင် ပြည်နယ်က အခင်းဖြစ်ပွားမှုနဲ့ ပတ်သက်ပြီး ပြည်ထောင်စု လွှတ်တော်ကနေ မှတ်တမ်းတင်ဖို့ အတွက် သမ္မတဦးသိန်းစိန်က သဝဏ်လွှာနဲ့ အတူ သတင်း သုံးသပ်ချက် ကိုပါ ပူတွဲ ပေးပို့ခဲ့ရာမှာ ရခိုင် တိုင်းရင်းသား လွှတ်တော် အမတ်တွေက ကန့်ကွက်ခဲ့ကြပါတယ်။

သမ္မတ ပေးပို့တဲ့ အထဲမှာ သဝဏ်လွှာနဲ့အတူ ရခိုင်တိုင်းရင်းသားတွေ ၊ သံဃာတွေ၊ လူပုဂ္ဂိုလ် တချို့တို့ဟာ လူမျိုးရေး မုန်းတီးမှု ဖြစ်ပေါ်အောင် သွေးထိုးလှုံ့ ဆော်မှု တွေရှိကြောင်းလည်း ပါဝင်တဲ့ အတွက် အဲဒီအချက်ကို ရခိုင် အမျိုးသား လွှတ်တော် အမတ်တွေက ကန့်ကွက် ကြတာ ဖြစ်ပါတယ်။

ဒီကိစ္စနဲ့ ပတ်သက်ပြီး သမ္မတရုံး ညွှန်ကြားရေးမှူး ဗိုလ်မှူးဟောင်း ဇော်ဌေး ကို ဘီဘီစီက မေးမြန်းရာမှာ ပထမပိုင်း သဝဏ်လွှာကသာ သမ္မတရဲ့ သဘောထား ဖြစ်ပြီး သတင်းသုံးသပ်ချက်ဟာ ပြည်ထောင်စု လွှတ်တော် နာယက သိရှိပြီး မှတ်တမ်းတင် ထားနိုင်ဖို့သာ ပေးပို့တာ ဖြစ်တယ်လို့ ဆိုပါတယ်။

သမ္မတက မှတ်တမ်းတင်ဖို့ ပေးပို့တယ် ဆိုတာဟာ သမ္မတက လက်ခံယုံကြည်လို့ မှတ်တမ်းတင်ခိုင်းတာပဲ မဟုတ်ဘူးလားလို့ ဘီဘီစီက မေးမြန်းတာကိုတော့ ဗိုလ်မှူးဟောင်း ဇော်ဌေးက ငြင်းဆိုသွားပါတယ်။

ချက်ခြင်း အလုပ်ရှာပေးနိုင်တဲ့ပွဲ

ကုမ္ပဏီအလုပ်အမှုဆောင် အရာရှိရာထူးကစလို့ လုံခြုံရေးဝန်ထမ်းရာထူးအထိ အလုပ်နေရာတွေ ခေါ်ယူရှာဖွေပေးတဲ့ အလုပ်အကိုင် အခွင့်အလမ်း ဆိုင်ရာပြပွဲကို ရန်ကုန်မြို့မှာ ဒီကနေ့ သောကြာနေ့ကစပြီး  လုပ်နေတာမှာ အလုပ်ရှာနေသူပေါင်း မြောက်များစွာ သွားရောက် အလုပ်လျှောက် နေကြပါတယ်။ မြန်မာနိုင်ငံ လူငယ် စွန့်ဦးတီထွင်သူများအသင်းက စီစဉ်လုပ်တဲ့ ဒီပြပွဲမှာ မြန်မာနိုင်ငံက ထိပ်တန်းကုမ္ပဏီလုပ်ငန်းကြီးတွေ၊ အလုပ်အကိုင် ရှာဖွေပေးနေတဲ့ လုပ်ငန်းတွေ ပါဝင်နေကြပါတယ်။ အရည်အချင်းမီတဲ့သူတွေကို ချက်ချင်း စစ်ဆေးမေးမြန်းမှုတွေ လုပ်ပြီး အလုပ်တခါတည်း ခန့်နေတဲ့ အလုပ်အကိုင် အခွင့်အလမ်းဆိုင်ရာ ပြပွဲအကြောင်းကို မစုမြတ်မွန်က တင်ပြပါမယ်ရှင်။

ရန်ကုန်မြို့တပ်မတော်ပြခန်းမှာ ဒီနေ့ သြဂုတ်လ (၂၄) ရက်နေ့ကနေ (၂၆) ရက် တနင်္ဂနွေနေ့အထိ လုပ်နေတဲ့  အလုပ်အကိုင် အခွင့်အလမ်းဆိုင်ရာပြပွဲမှာ မိုးသည်းသည်းမဲမဲ ရွာနေတဲ့ကြားကကို လာပြီး အလုပ်လျှောက်ကြသူတွေနဲ့ စည်ကားနေတယ်လို့ အလုပ်ရှာသူနဲ့ အလုပ်ခန့်သူကြား Online ကနေ ဝန်ဆောင်မှုပေးနေတဲ့ job.com.mm က Senior Developer ကိုဝိုင်းချစ်က ပြောပြပါတယ်။ အသက်အရွယ် အပိုင်းအခြားမရွေး အလုပ်အကိုင် မျိုးစုံအတွက် လာပြီး အလုပ်ရှာနေကြတာ ဖြစ် ပါတယ်။

“လူကတော့ အရမ်းများပါတယ်။ တော်တော်များများ လာကြတယ်။----”

အခုလုပ်နေတဲ့ အလုပ်အကိုင် အခွင့်အလမ်းဆိုင်ရာပြပွဲမှာ အလုပ်သမားဝန်ကြီးဌာနကလည်း အလုပ်သမား မှတ်ပုံတင်ကဒ်ပြားကို ချက်ချင်း ထုတ်ပေးနိုင်ဖို့ ဆောင်ရွက်ပေးနေသလို Company တွေကလည်း အလုပ်လျှောက်သူတွေကို တထိုင်တည်း စစ်ဆေးမေးမြန်းမှုတွေလုပ်ပြီး အလုပ်ခန့်နေတဲ့အတွက် စိတ်ဝင်စားကြသူတွေပိုပြီး များနေတာဖြစ်ပါတယ်။

“ပထမဆုံးကတော့ အလုပ်ရှာဖွေနေတဲ့သူတွေက အလုပ်သမားရုံးမှာ အလုပ်သမား မှတ်ပုံတင် လုပ်ရပါတယ်။ အဲဒီ အလုပ်သမားကဒ်ကနဲ့ သူတို့စိတ်ဝင်စားတဲ့ အလုပ်၊ ရာထူးပေါ့နော်-သွားပီးတော့ T-Form တင်တာပေါ့နော်။ ပီလို့ရှိရင် တခါတည်း အင်တာဗျူးတယ်။ သက်ဆိုင်ရာ လုပ်ငန်းအသီးသီး က လူကြီးတွေက တခါတည်းစောင့်ပြီးတော့ အလုပ် ရမရ တခါတည်း အကြောင်းပြန်ပေးပါတယ် ခင်ဗျ။ အရည်အချင်း ပြည့်မီတဲ့သူတွေကိုပေါ့နော်။”

အလုပ်ရချင်လို့ လာလျှောက်ကြသူတွေနဲ့ အလုပ်အတွက် လိုအပ်တဲ့ အတွေ့အကြုံ အရည်အချင်း ကိုက်ညီမှုပိုင်းကရော ပြည့်မီမှု ဘယ်လောက်ရှိပါသလဲ၊

“အလုပ်လာလျှောက်သူ တော်တော်များများကတော့ ဘွဲ့ရပြီးသူတွေ များပါတယ်။ နောက်တခုက အသက်ကြီးပိုင်း ---။ ဒရိုင်ဗာပိုင်းပေါ့နော်။ upper management ပိုင်းတွေလည်း ရှိပါတယ် ခင်ဗျ။ မန်နေဂျာတို့၊ marketing excutive တို့ အဲလိုမျိုးတွေလည်း ရှိပါတယ်။ တခြား ပို့စ်တွေ အနေနဲ့ ကျတော့ IT နဲ့ပတ်သက်တဲ့ ပို့စ်တွေ အတော်များပါတယ်ခင်ဗျ။ ပရိုဂရမ်မာတို့၊ ဂျူနီယာ ပရို ဂရမ်မာတို့ အဲလိုမျိုးတွေ ရှိမယ်။ ပြီးတော့ ဆောက်လုပ်ရေးနဲ့ ပတ်သက်တဲ့ နေရာတွေ ရှိမယ်။ ပမာဏကတော့ တော်တော်လေး များပါတယ်။ အလုပ်ခန့်တာကတော့ လုပ်ငန်းနဲ့ကိုက်ညီပြီး အလုပ်ခန့်တာကတော့ သုံးပုံ တပုံလောက်ပဲ ရှိပါတယ်။ အလုပ်ရသွားတဲ့ နေရာတွေကတော့ ရုံးစာရေးအပိုင်းကို တော်တော် များပါတယ်ခင်ဗျ။ ”

မြန်မာနိုင်ငံလူငယ် စွန့်ဦးတီထွင်သူများအသင်းက စီစဉ်လုပ်ပေးတဲ့ အလုပ်အကိုင် အခွင့်အလမ်းပြပွဲ ကနေ သူလိုချင်တဲ့ အလုပ်ရနိုင်မယ်လို့ မျှော်လင့်နေကြသူတွေက တယောက်ကတော့ မလင်းလင်း ပါ။ သူက Marketing အလုပ်အတွက် အလုပ်ရှာနေတာ တစ်နှစ်လောက် ရှိနေပြီလို့ ပြောပါတယ်။

“ဘယ်လိုများ အခွင့်အရေး ရနိုင်မလဲပေါ့။ ပြီးတော့ အလုပ်အကိုင် အခွင့်အလမ်းတွေကလည်း နည်း နည်း ရှားပါးနေတယ်။ သွားလျှောက်ရင်လည်း အဆင် မပြေဘူးဆိုတော့လေ။ ဒါက အများကြီး ပဲ ရွေးချယ်စရာရှိတယ်ဆိုတော့ လာလျှောက်ကြည့်တာပါ။ ဒီမှာကျတော့ ကုမ္ပဏီတွေ အများကြီး ကိုလည်း တစုတစည်းတည်း မြင်ရတယ်၊ ပြီးတော့ ကုမ္ပဏီတွေကလည်း တကယ် အောင်မြင်နေတဲ့ ကုမ္ပဏီတွေဆိုတော့ ကိုယ့်ကိုယ်ကိုယ်တောင်မှ ယုံကြည်ချက် ရှိလာသလိုပဲ။ အဲလိုဆိုတော့ တကယ် အလုပ်ရလိမ့်မယ်လို့ မျှော်လင့်တယ်အမ။”

ရန်ကုန်မြို့ တပ်မတော် ပြခန်းမှာ လုပ်နေတဲ့ အလုပ်အကိုင်အခွင့်အလမ်းဆိုင်ရာ ပြပွဲဟာ ဒုတိယ အကြိမ်မြောက်ဖြစ်ပါတယ်။ ဒီနှစ်ဆန်းပိုင်းက ပထမတခေါက်လုပ်ခဲ့တဲ့ ပြပွဲတုန်းကလည်း အလုပ်အကိုင်တော်တော်များများကို ရှာပေးနိုင်ခဲ့တယ်လို့ job.com.mm ကပြောပါတယ်။

အလုပ်လျှောက်ချင်သူတွေအနေနဲ့ ဆယ်တန်းအောင်လက်မှတ်၊ ဘွဲ့လက်မှတ်၊ သင်တန်းဆင်း Certificate လက်မှတ် စတဲ့ ကိုယ့်မှာရှိတဲ့ လက်မှတ်တွေ ယူလာကြဖို့နဲ့ ကိုယ်ရေးမှတ်တမ်း အကျဉ်းချုပ် CV Form ငါးစုံ ခြောက်စုံလောက် ယူလာသင့်သလို တချို့အလုပ်တွေအတွက် ရဲထောက်ခံစာ ယူလာသင့်တယ်လို့ job.com.mm က Senior Developer ကိုဝိုင်းချစ်က အကြံပေးပါတယ်ရှင်။

သမ္မတသဝဏ်လွှာ နားလည်မှုလွဲမှား

ပြည်ထောင်စုလွှတ်တော်မှာ မှတ်တမ်းတင်ဖို့ ဆိုင်းငံ့ထားတဲ့ သမ္မတရဲ့ သ၀ဏ်လွှာနဲ့ပတ်သက် လို့ နိုင်ငံတော်သမ္မတရုံးက ဒီကနေ့ ဖြေရှင်းချက် ထုတ်ပြန်လိုက်ပါတယ်။ သမ္မတက လွှတ်တော် ကို ပေးပို့တဲ့ သ၀ဏ်လွှာနဲ့အတူ ပူးတွဲပါလာတဲ့ သတင်းသုံးသပ်ချက်ထဲမှာ ရခိုင်ပြည်နယ် အတွင်း ဖြစ်ပွားခဲ့တဲ့ ပဋိပက္ခတွေမှာ ရခိုင်ပါတီနဲ့ ရခိုင်မျိုးချစ်ပုဂ္ဂိုလ်တွေကြောင့် ဖြစ်တယ်ဆိုတဲ့ ပုံစံမျိုး ရေးသား ဖော်ပြထားတဲ့အချက်တွေကို ရခိုင် လွှတ်တော်အမတ်တွေက ကန့်ကွက်တာကြောင့် မှတ်တမ်းတင်မယ့်ကိစ္စကို ဆိုင်းငံ့ထားခဲ့တာပါ။ အပြည့်အစုံကိုတော့ ဘန်ကောက်ရုံးကနေ ဆက် သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။

နိုင်ငံတော်သမ္မတက လွှတ်တော်ကို သြဂုတ်လ ၂၁ ရက်နေ့မှာ ပေးပို့ခဲ့တဲ့ အချက် အချက် ၆ ချက်ပါ သ၀ဏ်လွှာကသာ သမ္မတရဲ့ သဘောထားဖြစ်ပြီး အဲဒီ သ၀ဏ်လွှာနဲ့အတူ ပူးတွဲပါလာတဲ့ သတင်း သုံးသပ်ချက်ကတော့ သမ္မတရဲ့ သ၀ဏ်လွှာမဟုတ်ဘူးဆိုပြီး သမ္မတရုံးက ဒီကနေ့ ရှင်းလင်းချက် ထုတ်ပြန်ခဲ့တာပါ။

သ၀ဏ်လွှာနဲ့အတူ ပူးတွဲပေးပို့လိုက်တဲ့ သတင်းသုံးသပ်ချက်ဟာ လုပ်ငန်းပိုင်းဆိုင်ရာ အားနည်းချက် ရှိတာတွေကြောင့် နားလည်မှု လွဲစရာ ဖြစ်ကုန်တယ်လို့ သမ္မတရုံး ညွှန်ကြားရေးမှူး ဦးဇော်ဌေး ဗွီအိုအေ မြန်မာပိုင်းကို ရှင်းပြပါတယ်။

“သမ္မတကြီးရဲ့ သဝဏ်လွှာက အပိုဒ် (၁) ကနေ (၆) အထိပေါ့နော်။ စာပိုဒ် ခြောက်ပိုဒ်ရှိတယ်ဗျ။ စာမျက်နှာ သုံးမျက်နှာရှိတယ်။ အဲဒီမှာ ပူးတွဲဆိုတဲ့ သတင်းသုံးသပ်ချက်က နားလည်မှုလွဲစရာတွေ ပါသွားတယ်ပေါ့နော်။ အဲဒါတွေသည် ပြည်နယ်တွင်း ဖြစ်ပွားခဲ့တဲ့ ပဋိပက္ခ ဖြစ်စဉ်များ သတင်း သုံးသပ်ချက်မှတ်တမ်း- ဆိုတာ ဒါက ကျနော်တို့ သမ္မတရုံးကို သတင်းဌာနတွေကနေ စုစည်းပြီးတော့ တင်တဲ့သူကတင်တယ်။ နောက် သတင်းရင်းမြစ် များစွာပေါ့နော်။ အဲဒီတွေကနေ ပြောတာတွေ ရှိတယ်။ တချို့ အရပ်သားအဖွဲ့အစည်းတွေက အကြံပြုတင်ပြတာတွေ ရှိတယ်ပေါ့နော်။ အဲဒါတွေ ရောနှောပြီးတော့ တင်ထားတဲ့ သုံးသပ်ချက်ပေါ့နော်။ အဲဒီသုံးသပ်ချက်က အောက်က ဝန်ကြီးဌာနတွေက တင်ပြတာတွေ ရှိပါတယ်။ အဲဒီမှာ ပူးတွဲအနေနဲ့ ပါသွားတာပေါ့နော်။ အထင်အမြင်လွဲစရာ ဖြစ်သွားတာက သမ္မတကြီးရဲ့  သဘောထားလား၊ နိုင်ငံတော် သမ္မတရုံးရဲ့ သုံးသပ်ချက်လား၊ သမ္မတကြီးရဲ့ သုံးသပ်ချက်လားဆိုတဲ့အထိ အငြင်းပွားဖွယ် ဖြစ်သွားတာပေါ့။ အဲဒါနဲ့ ပတ်သက်လို့တော့ သမ္မတကြီးရဲ့ သဘောထားသည် စာပိုဒ် တစ်ကနေ ခြောက်အထိ၊ နောက်ဆက်တွဲ ပူးတွဲကတော့ သိသာဖို့-ပေါ့နော်။ ဒီလို ဒီလို ဖြစ်နေတဲ့ဟာတွေ၊ အမြင်တွေကတော့ အမျိုးမျိုး ရှိပါတယ်။ အဲဒီလို အမြင်အမျိုးမျိုးပေါ်မှာ ဟိုဘက် ဒီဘက် အမြင်တွေကလည်း ဒီအချိန်မှာ တချို့လည်း ပြင်းထန်တယ်၊ တချို့လည်း အပြုသဘော မဆောင်တာတွေလည်း ရှိပါတယ်။ နိုင်ငံတကာမှာလည်း အမျိုးမျိုးဖြစ်နေတယ်။ ဒီအခြေအနေနဲ့ အစိုးရရဲ့သဘောထားကို အကုန်လုံး ဖတ်ကြည့်ရင် ပေါ်ပါတယ်။

တချို့ဟာတွေက သိသင့်တဲ့အပိုင်းတွေပေါ့နော်။ ထုတ်နှုတ်ပြီး ပေးလိုက်တဲ့သဘော ဖြစ်ပါတယ်။ သို့သော်လည်း သမ္မတကြီးရဲ့ သဝဏ်လွှာကတော့ ကျနော်တို့ကို ပြုစုခိုင်းတာကတော့ ရှေ့ပိုင်းကိုပဲ ပြုစုခိုင်းတာ။ ဒါကတော့ သက်ဆိုင်ရာ staff ပိုင်းမှာ အားနည်းချက်တွေလည်း ရှိပါတယ်။ အဲလိုလေးတွေလည်း ဖြစ်သွားတယ်။ ဒါကတော့ နားလည်မှုလွဲသွားတာပေါ့နော်။”

သ၀ဏ်လွှာပါ အချက် ၆ ချက်ကို နဂိုရ်ကတည်းက ထောက်ခံထားပြီးဖြစ်တဲ့အတွက် အခုလို ရှင်းလင်း တင်ပြချက် ထုတ်ပြန်တဲ့အပေါ် ကြိုဆိုကြောင်း RNDP ရခိုင်တိုင်းရင်းသားများ တိုးတက်ရေးပါတီရဲ့ ဥက္ကဋ္ဌလည်းဖြစ်၊ စစ်တွေမြို့နယ်ကိုယ်စားပြု အမျိုးသားလွှတ်တော်အမတ် တဦးလည်းဖြစ်တဲ့ ဒေါက်တာအေးမောင်က ပြောပါတယ်။

“ကျနော်တို့ကလည်း အဲဒီ ခြောက်ချက်ကို ထောက်ခံပါတယ်ဗျ။ လက်လည်း လက်ခံပါတယ်။ သမ္မတကြီးရဲ့ ပူးတွဲပါ လေးကတော့ဖြင့် မဖော်ပြအပ် ဘူးလို့ ကျနော်တို့ သုံးသပ်ပါတယ်။ ဒါမျိုးက ဘယ်လိုပဲ သုံးသပ် သုံးသပ်လေ၊ တည်ငြိမ်အေးချမ်းတဲ့ ကာလတခုကို ထူထောင်တည်ဆောက်တဲ့ကာလမှ လူထုကို ဒါမျိုး ဆွပေးသလိုမျိုး၊ မငြိမ်မသက်ဖြစ်အောင် အသုံးအနှုန်းလေးတွေ သုံးစွဲမိတယ်ဆိုရင် သုံးစွဲတဲ့ ပုဂ္ဂိုလ်တွေမှာ သမိုင်းရဲ့ ဒဏ်ခတ်မှုကို ခံရတတ်ပါတယ်။ ဒါလည်း ကျနော်တို့ ဖော်ပြခဲ့ပါတယ်။ အဲဒါကြောင့် ဒီကာလအတွင်း သတင်းဖော်ပြမှုဟာ သမ္မတရုံးရဲ့ ဖော်ပြမှု မဟုတ်ဘူးလို့ ထုတ်ပြန်ပေးမယ်ဆိုရင် ပေးခဲ့တယ်ဆိုရင်ပေ့ါဗျာ။ ကျနော်တို့က အမြဲ ကြိုဆိုပါတယ်။ လူထုကလည် ကျေကျေလည်လည်နဲ့ သဘောပေါက် လက်ခံမယ်လို့ ယူဆပါတယ်။”

လုပ်ထုံးလုပ်နည်းအရ နိုင်ငံတော်သမ္မတက လွှတ်တော်ကို ပေးပို့တဲ့ သ၀ဏ်လွှာတွေကို ပြည်ထောင်စုလွှတ်တော်မှာ မှတ်တမ်းတင်ရတဲ့ အစဉ်အလာ ရှိတာကြောင့် သြဂုတ်လ ၂၃ ရက်နေ့က ပြည်ထောင်စုလွှတ်တော်မှာ မှတ်တမ်းတင်ဖို့ စီစဉ်တာမှာ RNDP ရခိုင်တိုင်းရင်းသားများ တိုးတက်ရေးပါတီက လွှတ်တော်အမတ်တွေက ကန့်ကွက်တဲ့အတွက် အဲဒီ မှတ်တမ်းတင်မယ့် အစီအစဉ်ကို လွှတ်တော်ဥက္ကဋ္ဌက ဆိုင်းငံ့ထားလိုက်တာပါ။

ဒီသ၀ဏ်လွှာကို မှတ်တမ်းတင်ဖို့ ပြန်အဆိုတင်သွင်းတဲ့အခါမှာတော့ အခု အငြင်းပွားစရာဖြစ်နေတဲ့ သတင်းသုံးသပ်ချက်ပါ အကြောင်းအရာတွေကို ပြင်ဆင်ပြီးမှ တင်သွင်းမယ်လို့ နိုင်ငံတော်သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

“အခု ဖြစ်တဲ့ဟာကိုတော့ ကျနော်တို့လည်း သမ္မတကြီးကို ပြန်ပြီးတော့ သတင်းပို့ရမှာပေါ့နော်။ သတင်းပို့ပြီး သဝဏ်လွှာကိုလည်း ပြင်ဆင်ပြီး ပို့ရမှာပေါ့။ နောက်တော့ ဒါက သမ္မတ သဘောထားလည်း မဟုတ်ဘူး။ ဒါက သတင်းသုံးသပ်ချက်လို့ ပူးတွဲလိုလို ပါသွားတဲ့သဘောပေါ့နော်။ ပူးတွဲ သုံးသပ်ချက်ကလည်း သမ္မတရုံးရဲ့ သုံးသပ်ချက်လည်း မဟုတ်ဘူး၊ သမ္မတကြီးရဲ့ သဘောထားလည်း မဟုတ်ဘူး။ သမ္မတကြီးရဲ့ ရပ်တည်ချက်ကလည်းး အကုန်လုံးကို ပွင့်ပွင့်လင်းလင်း ပြောထားပြီး ဖြစ်ပါတယ်။”

နိုင်ငံတော်သမ္မတရုံး ညွှန်ကြားရေးမှူး ဦးဇော်ဌေး ပြောပြခဲ့တာပါ။

သ၀ဏ်လွှာနဲ့အတူ ပူးတွဲ တင်ပြခဲ့တဲ့ သတင်းသုံးသပ်ချက်နဲ့ပတ်သက်လို့ သမ္မတ ဦးသိန်းစိန်အနေနဲ့ သိရှိခဲ့ခြင်း မရှိဘူးဆိုတာ သူတို့အနေနဲ့လည်း ကြားသိခဲ့ရတယ်လို့ ဒေါက်တာအေးမောင်က ဗွီအိုအေကို ပြောပြပါတယ်။

သမ္မတရုံးဘက်က တစုံတရာ စတင် မလုပ်ဆောင် မခြင်းတော့ ဒီကိစ္စဟာ အခုအတိုင်းပဲ ဆက်ရှိနေဦးမယ်လို့ လွှတ်တော်အမတ်တွေက ပြောပါတယ်။

ရခိုင်အရေး ဒလိုင်လားမား စိုးရိမ်

ရခိုင်ပြည်နယ်မှာ ပဋိပက္ခတွေဖြစ်ခဲ့တဲ့အပေါ် စိုးရိမ်တဲ့အကြောင်း နိုဘဲလ်ငြိမ်းချမ်းရေးဆုရှင် တိဘက် ဘုန်းတော်ကြီး ဒလိုင်းလားမားက ပြောလိုက်ပါတယ်။ ဘုန်းတော်ကြီးဒလိုင်းလားမားက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဆီ ရေးသားပေးပို့ခဲ့တဲ့ စာတစောင်ထဲမှာ အဲဒီလို ဖော်ပြထားတဲ့အကြောင်း အိန္ဒိယနိုင်ငံ၊ နယူးဒေလီမြို့တော်ကလာတဲ့ သတင်း တပုဒ်ထဲမှာ ရေးထားတာပါ။

ရခိုင်ပြည်နယ်မှာဖြစ်ခဲ့တဲ့ ပဋိပက္ခတွေကြောင့် အလွန်အမင်း စိတ်မကောင်းဖြစ်ရပြီး အထူး စိုးရိမ်နေဆဲ ရှိတဲ့အကြောင်း ဘုန်းတော်ကြီး ဒလိုင်းလားမားက စာထဲမှာရေးထားတယ်လို့ သတင်းက ဆိုပါတယ်။

အိန္ဒိယနိုင်ငံဆိုင်ရာ မြန်မာနိုင်ငံသံအမတ်ကြီးနဲ့တွေ့ဆုံဖို့အတွက် သူ့ရဲ့ကိုယ်စားလှယ် တမ်မ်ပါ ဆာရင်း (Tempa Tsering) ကို ဘုန်းတော်ကြီး ဒလိုင်းလားမားက ညွှန်ကြားထားပြီး တွေ့ဆုံဖို့အတွက် သံရုံးဘက်က မစီစဉ်ရသေးဘူးလို့ သတင်းမှာ ရေးထားပါတယ်။

Apple နဲ့ Samsung မူပိုင်ခွင့် အပြန်အလှန်ချိုးဖောက်

အမေရိကန် ပြည်ထောင်စုက APPLE ကုမ္ပဏီကြီးနဲ့ သူ့ရဲ့ပြိုင်ဘက် တောင်ကိုးရီးယား SAMSUNG ELECTRONICS ကုမ္ပဏီနှစ်ခုကြား မိုဘိုင်းပစ္စည်းဆိုင်ရာ မူပိုင်ခွင့် အငြင်းပွားမှု ပြဿနာနဲ့ ပတ်သက်လို့  တောင်ကိုးရီးယား တရားရုံး တော်က အမိန့်ချမှတ်လိုက်ပါတယ်။

Samsung ရဲ့ Galaxy ပစ္စည်းထုတ်လုပ်ရာမှာ အမေရိကန်နိုင်ငံက Apple ကုမ္ပဏီရဲ့ Ipone, Ipad ဒီဇိုင်း ပုံစံတွေကို ပုံတူကူးယူခဲ့တယ်ဆိုပြီး Apple ကုမ္ပဏီဘက်က အမေရိကန်ဒေါ်လာ ၂.၅ ဘီလီယံ လျော်ကြေးပေးဖို့ တောင်းဆိုခဲ့တာ ဖြစ်ပါတယ်။ Apple ရဲ့ ဒီဇိုင်းအပြင်အဆင် ပုံစံမူပိုင်ခွင့်ကို Samsung ကုမ္ပဏီက ချိုးဖောက်မှု ရှိခဲ့တယ်ဆိုတဲ့ စွပ်စွဲချက် မမှန်ကန်ဘူးလို့ တောင်ကိုးရီးယား တရားရုံးက ဆုံးဖြတ်ခဲ့တာဖြစ်ပါတယ်။

ဒီပြဿနာကြောင့် တောင်ကိုးရီးယားနိုင်ငံမှာ ရှိတဲ့ apple နဲ့ Samsung ပစ္စည်းနှစ်မျိုးလုံး ရဲ့ ရောင်းချမှု ကန့်သတ် ချက်တွေ ရှိခဲ့တာမို့ ကုမ္ပဏီ နှစ်ခုစလုံးကို ထိခိုက်မှု အနည်းငယ် ရှိခဲ့တယ်လို့ သိရပါတယ်။ ဒီအမှုဟာ ကမ္ဘာ့အကြီးဆုံး နည်းပညာ ကုမ္ပဏီကြီးနှစ်ခုကြား ဒေါ်လာ ဘီလီယံနဲ့ချီတဲ့ မူပိုင်ခွင့် ဆိုင်ရာ တရားရင်ဆိုင်ပွဲ ဖြစ်ပြီး အမေရိကန် တရားရုံးရဲ့ ဆုံးဖြတ်ချက်ကို မကြာခင် ကြားနာရမယ်လို့ မြှော်လင့်ရပါတယ်။

နည်းပညာနှင့် ကွန်ပျူတာတက္ကသိုလ်အချို့ ပညာသင်နှစ်တိုးမည်

တင်ဇာအောင်၊ ရတနာဦး | သောကြာနေ့၊ သြဂုတ်လ ၂၄ ရက် ၂၀၁၂ ခုနှစ် ၁၇ နာရီ ၂၉ မိနစ်

ရန်ကုန် (မဇ္ဈိမ) ။       ။ ကျွမ်းကျင်အတတ်ပညာသည်များ မွေးထုတ်ပေးရေးနှင့် အလုပ်အကိုင် အခွင့်အလမ်းကောင်းရေးအတွက် ရန်ကုန်နှင့် မန္တလေးတိုင်းရှိ နည်းပညာ တက္ကသိုလ်နှင့် ကွန်ပျူတာ တက္ကသိုလ်များတွင် လာမည့် ပညာသင်နှစ်မှစ၍ လုပ်ငန်းခွင် သင်တန်းများပါ ဖြည့်စွက်သွားမှာဖြစ်၍ ပညာသင်ကာလကို တနှစ် ထပ်မံ တိုးမြှင့်လိုက်သည်။

သိပ္ပံနှင့် နည်းပညာဝန်ကြီး ဦးအေးမြင့် က သြဂုတ်လ ဒုတိယပတ်အတွင်း နေပြည်တော်တွင် ကျင်းပခဲ့သော နည်းပညာ တက္ကသိုလ်ကောလိပ်နှင့် သိပ္ပံကျောင်းများ အရည်အသွေး မြှင့်တင်ရေး အစည်းအဝေးတွင် “အဆင့်မြင့်” အဖြစ်ပြောင်းလဲခြင်းနှင့် ပတ်သက်၍ ပြောကြားချက်ကို နိုင်ငံပိုင်သတင်းစာများတွင် ဖော်ပြထားသည်။

ဘွဲ့ရရန်အတွက် ကွန်ပျူတာ တက္ကသိုလ်ကို ပညာသင်ကာလ ငါးနှစ်သို့ ပြောင်းလဲကာ နည်းပညာ တက္ကသိုလ်တွင်ခြောက်နှစ် သင်ရမှာ ဖြစ်သည်။

“ကွန်ပျူတာ တက္ကသိုလ်က ငါးနှစ် ဆိုတော့ နောက်ဆုံးနှစ်မှာ project တင်တဲ့နှစ် ဖြစ်ရမယ်။ အဲဒီနှစ်မှာ လုပ်ငန်းခွင်နဲ့ပေါင်းကူး ရှိရမယ်။ လုပ်ငန်းတွေက လာပြီး သင်တန်းပေးတာ ဖြစ်ချင်လည်း ဖြစ်မယ်။ ဒါမှမဟုတ် သုတေသန တွဲလုပ်တာလည်း ဖြစ်ချင်ဖြစ်မယ်” ဟု မြန်မာနိုင်ငံ ကွန်ပျူတာ ပညာရှင်အသင်း အတွင်းရေးမှူး ဦးသောင်းစုငြိမ်း က ပြောသည်။

အဆိုပါ ဝန်ကြီးဌာနအောက်တွင် နည်းပညာတက္ကသိုလ် ၃၃ ခုနှင့် ကွန်ပျူတာ တက္ကသိုလ် ၂၅ ခု ရှိသော်လည်း ဘဏ္ဍာငွေ အခက်အခဲကြောင့် ကနဦးတွင် ရန်ကုန်နှင့် မန္တလေးတိုင်း အတွင်းရှိ တက္ကသိုလ်များတွင်ပင် စတင်နိုင်မည်ဖြစ်သည်။

“အဆင့် မြှင့်တင်လိုက်ပြီးတော့ ထူးထူးခြားခြားမဟုတ်ဘဲ အဆင့်မီ သင်ထောက်ကူ ပစ္စည်းတွေ မထောက်ပံနိုင်ဘူး ဆိုရင်လည်း အလကားပါပဲ။ အဲဒါမျိုးတော့ မဖြစ်စေချင်ဘူး။ အခုလို နိုင်နိုင် နင်းနင်း နှစ်ခုလောက်နဲ့ စတာ ကောင်းပါ တယ်” ဦးသောင်းစုငြိမ်း က ပြောသည်။

အဆင့်မြင့် တက္ကသိုလ်များတွင် သင်ကြားမည့် ဆရာ၊ ဆရာများကိုလည်း မွမ်းမံ သင်တန်းများ ပို့ချပေးသွားမည်ဖြစ်ကြောင်း ဝန်ကြီးက ပြောသည်။

ထိုသို့ လက်တွေ့လုပ်ငန်းခွင်နှင့် ဆက်စပ်ပေးမည့် အစီအစဉ်မှာ ကျောင်းသားများအတွက် အကျိုးရှိနိုင်လိမ့်မည်ဟု စနစ်ဟောင်း ကျောင်းသားများက ယူဆကြသည်။

“ကျနော်တို့ တုန်းကဆို ကျောင်းမှာ သီအိုရီပဲ သိခဲ့တယ်။ အဓိက က လုပ်ငန်းခွင်ထဲ ဝင်နိုင်လောက်အောင် ဖြစ်ဖို့က အရေးကြီးတယ်။ လုပ်ငန်းခွင် သင်တန်းပုံစံ တနှစ် တိုးလိုက်တော့ ကျနော်တို့တုန်းကထက် အများကြီးသာမယ်လို့ ထင်ပါတယ်” ဟု ကွန်ပျူတာ တက္ကသိုလ်ဘွဲ့ရ အသက် ၂၈ နှစ်အရွယ် ကိုရာကျော် က ပြောသည်။

ထို့ပြင် ရန်ကုန် နည်းပညာ တက္ကသိုလ်မှ ဘွဲ့ရခဲ့သူ ကိုစိုစံကလည်း “ကျနော်တို့တုန်းက သင်ကြားရေး ပိုင်းကလည်း အားနည်းတယ်။ အရေးကြီးတာက အလုပ်အကိုင် အခွင့်အလမ်းနဲ့ ပတ်သက်ပြီး ပေါများအောင် လုပ်ပေးစေချင်ပါ တယ်”ဟု ပြောဆိုသည်။

ယခုနှစ်ပညာ သင်နှစ်အတွက် တက္ကသိုလ်ဝင်တန်း အောင်အမှတ် ၄၅ဝ နှင့်အထက် ရရှိသူများ လျှောက်ထားနိုင်ပြီး  နည်းပညာ တက္ကသိုလ်အတွက် ကျောင်းသူကျောင်းသား ၂၅ဝ နှင့် ကွန်ပျူတာ တက္ကသိုလ် အတွက် ၂ဝဝ ဦးတို့ကို လက်ခံသင်ကြားသွားမည် ဖြစ်သည်။ လျှောက်လွှာများကို စက်တင်္ဘာလ ၁၂ ရက်နေ့ နောက်ဆုံးထား၍ သက်ဆိုင်ရာ တက္ကသိုလ်အသီးသီးတွင် တင်သွင်းရမည် ဖြစ်သည်။

မြန်မာနိုင်ငံတွင် ၁၉၇၁ ခုနှစ်မှစ၍ တက္ကသိုလ် ကွန်ပျူတာဌာန(UCC)ဟူ၍ စတင်ခဲ့ပြီး ၁၉၈၈ ခုနှစ်တွင် ကွန်ပျုတာ သိပ္ပံနှင့် နည်းပညာ ဌာန (ICST)အဖြစ် ပြောင်းလဲထူထောင်နိုင်ခဲ့သည်။ အဆိုပါဌာနကို ၁၉၉၈ တွင် ရန်ကုန်မြို့၌ ကွန်ပျူတာ လေ့လာရေးတက္ကသိုလ် (UCSY)အဖြစ် မြှင့်တင်လာခဲ့သည်။

ယနေ့အချိန်တွင် ကွန်ပျူတာတက္ကသိုလ်များအဖြစ် အထက်မြန်မာနိုင်ငံတွင် မန္တလေး၊ မြစ်ကြီးနား၊ ဗန်းမော်၊ ကလေး၊ မုံရွာ၊ မကွေး၊ ပခုက္ကူ၊ မိတ္ထိလာ၊ လားရှိုး၊ တောင်ကြီး၊ ပင်လုံ၊ လွိုင်ကော်မြို့များတွင် ဖွင့်လှစ်ထားပြီး အောက်မြန်မာနိုင်ငံ တွင် ရန်ကုန်၊ မအူပင်၊ ဟင်္သာတ၊ ပုသိမ်၊ စစ်တွေ၊ ကျိုင်းတုံ၊ ပြည်၊ တောင်ငူ၊ သထုံ၊ ဖားအံ၊ ထားဝယ်နှင့် မြိတ်မြို့ တို့တွင် တည်ထောင်ဖွင့်လှစ်ထားရှိသည်။

ရန်ကုန်-ဒလ ကူးတို့သင်္ဘောသစ်များအတွက် ငွေနှင့် နည်းပညာ ဂျပန်ကူမည်

ကျော်ဖုန်းကျော်၊ သိင်္ဂီထွန်း | သောကြာနေ့၊ သြဂုတ်လ ၂၄ ရက် ၂၀၁၂ ခုနှစ် ၂၀ နာရီ ၂၈ မိနစ်

ရန်ကုန် (မဇ္ဈိမ) ။       ။ ရန်ကုန်နှင့် ဒလ ပြေးဆွဲနေသော လက်ရှိ ကူးတို့သင်္ဘောများ နေရာတွင် သင်္ဘောသစ်များပြေးဆွဲနိုင်ရန် ငွေကြေးနှင့် နည်းပညာ အကူအညီများ ပေးမည်ဟု ဂျပန်နိုင်ငံ ရေကြောင်းဗျူရို၏ ဒါရိုက်တာ မစ္စတာ ရှီနီချီရို အိုဆူဘို က ပြောသည်။

“မြစ်ရဲ့ စီးဆင်းမှုကို လေ့လာပြီးတော့ အသင့်တော်ဆုံး ဒီဇိုင်းနဲ့ ပြုလုပ်သွားမှာပါ” ဟု သောကြာနေ့က Chatriun ဟိုတ်တယ်တွင် ပြုလုပ်သည့် ဂျပန်-မြန်မာ ပို့ဆောင်ရေး နည်းပညာ ဆွေးနွေးပွဲတွင် ပြောဆိုလိုက်ခြင်း ဖြစ်သည်။

မြန်မာနိုင်ငံနှင့် ကိုက်ညီသည့် သင်္ဘောဒီဇိုင်းကို လာမည့်နှစ် မတ်လတွင် အခြေခံ အဆင့်များ ပြီးစီးမည်ဖြစ်ကာ သင်္ဘောတည်ဆောက်ချိန် တနှစ်ခန့်သာ ကြာမြင့်မည် ဖြစ်သည်။

ကူးတို့သင်္ဘောများ တည်ဆောက်ရေးအတွက် ဂျပန်အပြည်ပြည်ဆိုင်ရာ ပူးပေါင်း ဆောင်ရွက်ရေး အေဂျင်စီ (JICA) ကလည်း ချေးငွေများကို မြန်မာအစိုးရအား နှစ်ရစ် ခွဲပေးသွားရန် အစီအစဉ်ရှိသည်ဟုလည်း JICA က ဆိုသည်။

ရန်ကုန်မြို့တွင်ပြုလုပ်သည့် ဂျပန်-မြန်မာ ပို့ဆောင်ရေးနည်းပညာ ဆွေးနွေးပွဲတွင် မြန်မာနိုင်ငံမှ ပို့ဆောင်ရေးဝန်ကြီး ဦးဥာဏ်ထွန်းအောင် အပါအဝင် အစိုးရအရာရှိကြီးများနှင့် ဂျပန်နိုင်ငံမှ ဂျပန်နိုင်ငံ ပို့ဆောင်ရေး၊ အခြေခံအဆောက်အဦ၊ ခရီးသွားလာရေး နှင့် မြေယာ ဆိုင်ရာ ဝန်ကြီးဌာန ဒုဝန်ကြီး မစ္စတာ တာကာရှိ ကီတာမူရာ အပါအဝင် ဂျပန် စီးပွားရေးလုပ်ငန်းရှင်များကို သြဂုတ်လ ၂၄ ရက်နေ့က တွေ့ရစဉ်။ (ဓါတ်ပုံ-ဟိန်းထက်(မဇ္ဈိမ)

ဂျပန်သင်္ဘော တည်ဆောက်ရေးလုပ်ငန်း သမဝါယမအသင်း၏ အမှုဆောင်ဒါရိုက်တာ ကလည်း ဂျပန်အနေဖြင့် ချေးငွေ များအပြင် သင်္ဘောတည်ဆောက်သည့် နည်းပညာကိုလည်း အကူအညီပေးမည်ဟု ဆွေးနွေးပွဲတွင် အသိပေးပြောကြား ခဲ့သည်။

လှိုင်မြစ်ကို ဖြတ်သန်းရသည့် ရန်ကုန်-ဒလ ကူးတို့သင်္ဘောများကို စီမံကွပ်ကဲသည့် ပြည်တွင်း ရေကြောင်း ပို့ဆောင်ရေး ၏ မြစ်ဝကျွန်းပေါ်ဌာနခွဲ၏ အဆိုအရ ယင်း ခရီးလမ်းကို ကူးတို့သင်္ဘော နှစ်စီးဖြင့် တနေ့လျှင် ၉၆ ခေါက် ပြေးဆွဲပြီး တခေါက်လျှင် ပျှမ်းမျှ ခရီးသည်ဦးရေ ၅ဝဝ မှ ၇ဝဝ အထိ လိုက်ပါစီးနင်း ကြသည်ဟု သိရသည်။

ခရီးသည် တဦးလျှင် ၅ဝ ကျပ်ပေးချေရပြီး နိုင်ငံခြားသား ခရီးသည်များအတွက်မူ တဦးလျှင် အမေရိကန် ၁ ဒေါ်လာကောက်ခံကြောင်း ပြည်တွင်းရေကြောင်း၏ စာရင်းဇယားများအရ သိရသည်။

စက်တင်္ဘာလ အတွင်းတွင် ကူးတို့သင်္ဘောများကိစ္စနှင့်ပတ်သက်ပြီး စုံစမ်းလေ့လာရေး အဖွဲ့များ စေလွှတ်၍ အသေးစိတ် သုံးသပ်မည်ဟုလည်း မစ္စတာ ရှီနီချီရို အိုဆူဘို က ပြောသည်။