22.08.2012 နေ့ဖတ်ရန်သတင်းများ

by Myanmar Journal on Tuesday, August 21, 2012 at 6:49pm ·

ဖူကူယားမားရဲ့ ဟောပြောပွဲများ ရန်ကုန်၊ နေပြည်တော်မှာ လုပ်မည်

သိင်္ဂီထွန်း | အင်္ဂါနေ့၊ သြဂုတ်လ ၂၁ ရက် ၂၀၁၂ ခုနှစ် ၁၉ နာရီ ၅၉ မိနစ်

ရန်ကုန် (မဇ္ဈိမ) ။       ။ ကမ္ဘာကျော် ‘သမိုင်းနိဂုံးချုပ်ပြီ’ ၏ မူရင်းစာအုပ် ‘The End of History and the Last Man’ စာအုပ်ရေးသားသူ ဒေါက်တာ ဖရန်စစ် ဖူကူယားမား Francis Fukuyama က စီးပွားရေး လုပ်ငန်းနှင့် ဆင်းရဲနွမ်းပါးမှုလျှော့ချရေးနှင့် ပတ်သက်သည်များကို ဟောပြောရန်အတွက် မြန်မာ စီးပွားရေး လုပ်ငန်းရှင်များနှင့် အလုပ်ရုံဆွေးနွေးပွဲများ ပြုလုပ်မည် ဖြစ်သည်။

လစ်ဘရယ် ဒီမိုကရေစီနှင့် လွတ်လပ်ဈေးကွက်ဘက်မှ ရပ်ခံသူ အသက် ၆၀ အရွယ် ဖူကူယားမားသည် လက်ရှိတွင် အမေရိကန် စတန်းဖို့ဒ် တက္ကသိုလ် ဖွံ့ဖြိုးတိုးတက်ရေး၊ အခြေခံဥပဒေ နှင့် ဒီမိုကရေစီရေးရာဌာနမှ Senior Fellow တဦး ဖြစ်ပြီး သည့်မတိုင်ခင်တွင် ဂျွန်ဟော့ကင်းတက္ကသိုလ်၏ နိုင်ငံတကာ လေ့လာရေး အဆင့်မြင့်ကျောင်းမှ  အပြည်ပြည်ဆိုင်ရာ ဖွံ့ဖြိုးတိုးတက်ရေး အစီအစဉ်တွင် ပါမောက္ခတဦး ဖြစ်ခဲ့သည်။

သြဂုတ်လ ၂၂ ရက်နေ့နှင့် ၂၃ ရက်နေ့များတွင် ရန်ကုန်မြို့ ဆီဒိုးနားဟိုတယ်တွင် လည်းကောင်း၊ ၂၄ ရက်နေ့နှင့် ၂၅ ရက်နေ့များတွင် နေပြည်တော်၌ လည်းကောင်း အလုပ်ရုံ ဆွေးနွေးပွဲ ကျင်းပမှာဖြစ်ပြီး ဖူကူးယားမားအပြင် ဂျွန်ဟော့ကင်း တက္ကသိုလ်မှ ပါမောက္ခ ဒေါက်တာ ရိုဂျာလိဒ်၊ သမ္မတ ဦးသိန်းစိန်၏ စီးပွားရေးအကြံပေး ဦးဆက်အောင်တို့လည်း ပါဝင်ဟောပြောမှာ ဖြစ်သည်။

“ဒီပုဂ္ဂိုလ်များက ပြည်ပအတွေ့အကြုံ ကြီးကြီးကျယ်ကျယ်တွေ ရှိခဲ့တယ်။ ခုလို လာပြောပေးတော့ ပြည်ပကို သွားလေ့လာစရာမလိုဘဲ ပြည်တွင်းမှာတင် လေ့လာနိုင်မယ်။ ဒီလိုပုဂ္ဂိုလ်ကြီးတွေရဲ့ အကြံဉာဏ်တွေ နားထောင်ပြီး လေ့လာသုံးသပ်ချက်တွေ ပိုအားကောင်းလာမယ် ထင်တယ်” ဟု ဆွေးနွေးပွဲများ ဖြစ်မြောက်အောင် ပံ့ပိုးပေးသော မင်္ဂလာမြန်မာ NGO မှ ဒါရိုက်တာ ဒေါ်ယူဇာမော်ထွန်း က မဇ္ဈိမကို ပြောသည်။

ပါမောက္ခ ဒေါက်တာ ရိုဂျာ လိဒ်စ်က ပုဂ္ဂလိက စီးပွားရေးကဏ္ဍ အရေးပါမှုနှင့် ပတ်သက်ပြီး အာရှနိုင်ငံ အတွေ့အကြုံများ ကို ဖလှယ်သွားမှာ ဖြစ်သည်။

“ဆင်းရဲနွမ်းပါးမှုက လွတ်မြောက်ဖို့နဲ့ စီးပွားရေးတိုးတက်မှု ပြုလုပ်ရာမှာ ကျင့်သုံးနေတဲ့ ဥပဒေတွေ၊ ထိုဥပဒေတွေကို လိုက်နာမှုတွေပေါ်မှာလည်း မူတည်ပါတယ်။ နောက် အဓိက အကြောင်းရင်းတခုက လူသားအရင်းမြစ် ဖွံ့ဖြိုးတိုးတက်မှုပေါ်မှာ မူတည်နေတာကြောင့် အချိန်ယူဖို့ လိုပါတယ်” ဟု ဒေါက်တာလိဒ်စ်က တနင်္လာနေ့က ရန်ကုန်မြို့တွင်ပြုလုပ်သော သတင်းစာရှင်းလင်းပွဲတွင် ပြောကြားသွားသည်။

ပါမောက္ခဒေါက်တာ ရိုဂျာ လိဒ်စ်သည် လက်ရှိတွင် အမေရိကန်နိုင်ငံ ဂျွန်ဟော့ကင်း တက္ကသိုလ်၏ နိုင်ငံတကာ အဆင့်မြင့်ကျောင်း နိုင်ငံတကာ စီးပွားရေးနှင့် ပြည်သူ့ရေးရာဌာနမှ ပါမောက္ခတဦး ဖြစ်သည်။ ထို့အပြင် ကမ္ဘာ့ဘဏ်၏ အပြည်ပြည်ဆိုင်ရာ ငွေကြေးကော်ပိုရေးရှင်းမှ အကြီးတန်း အရာရှိတဦးလည်း ဖြစ်သည်။

အလုပ် ဖြုတ်မယ့် ဆုံးဖြတ်ချက် တောင်အာဖရိက ပလက်တီနမ် ကုမ္ပဏီ ရုပ်သိမ်း

တောင်အာ ဖရိက သပိတ် မှောက် အလုပ် သမားတွေ သြဂုတ်လ ၂၁ ရက် အင်္ဂါ နေ့မှာ အလုပ် ပြန်မဆင်းရင် အလုပ် ကနေ အပြီး အပိုင် ဖြုတ်ပစ်မယ်လို့ ပလက် တီနမ် ထုတ် လုပ်သူ ကော်ပိုရေးရှင်း ကြီး ဖြစ်တဲ့ လွန်မင် (Lunmin) က ထုတ်ပြန်ထားတဲ့ ရာဇသံကို အခုပြန်လည် ရုပ်သိမ်းလိုက်ပါတယ်။

အခု အချိန်ဟာ အလုပ် သမား တွေကို အလုပ် စထုတ်ဖို့ သင့်တော် တဲ့ အချိန် မဟုတ် သေးလို့ အမိန့်ကို ပြန် ရုပ်သိမ်း လိုက်တယ်လို့ လွန်မင် ကုမ္ပဏီ ရဲ့ ပြောရေးဆိုခွင့် ရှိ ပုဂ္ဂိုလ်က ဘီဘီစီကို ပြောပါတယ်။

ဒီလို တချက်လွှတ် အမိန့် ထုတ်ပြန်တဲ့ နည်းဟာ လက်ရှိ ပြဿနာ ဖြစ်နေတဲ့ လစာ တိုးမြှင့် ရေး တောင်းဆို ချက်တွေကို ဖြေရှင်း ပြေလည်ရေး အတွက် အထောက် အကူပြုမှာ မဟုတ်ဘူးလို့ တောင် အာဖရိက အစိုးရ ကော်မတီက မကြာသေး ခင်ကပဲ လွန်မင် ကုမ္ပဏီကို ပြောခဲ့ပြီး နောက်မှာ အခု ကြေညာချက် ထွက်လာတာ ဖြစ်ပါတယ်။

လွန်မင် ပလက်တီနမ် ကုမ္ပဏီ မှာ အလုပ်လုပ်တဲ့ အလုပ်သမားတွေရဲ့ လစာ တိုးမြှင့်ရေး တောင်းဆိုချက် တွေကို အကြောင်းပြုပြီး ဆန္ဒပြကြသူတွေကို ရဲက ပစ်ခတ် နှိမ်နင်းခဲ့လို့ ပြီးခဲ့တဲ့ သီတင်းပတ် တုန်းက လူ ၃၄ ယောက် သေဆုံးခဲ့ပါတယ်။

အခြေခံဥပဒေ ခုံရုံးလူကြီးများ စွဲချက် အတင်ခံရတော့မည်လား

မြတ်ကျော်သူ | အင်္ဂါနေ့၊ သြဂုတ်လ ၂၁ ရက် ၂၀၁၂ ခုနှစ် ၁၉ နာရီ ၄၀ မိနစ်

ရန်ကုန် (မဇ္ဈိမ) ။       ။ အောက်လွှတ်တော် ဥက္ကဋ္ဌ သူရဦးရွှေမန်းက တောင်းဆိုထားသော ဖွဲ့စည်းပုံ အခြေခံဥပဒေ ခုံရုံးဥက္ကဋ္ဌနှင့် အဖွဲ့ဝင်များ အလိုအလျောက် နှုတ်ထွက်ပေးကြရန်ကို လက်မခံသည့်အတွက် လွှတ်တော်တွင် ခုံရုံးအဖွဲ့ဝင်များကို စွဲချက်တင်မှုများ မကြာမီ မြင်တွေ့ရဖွယ် ရှိသည်။

ခုံရုံးဥက္ကဋ္ဌနှင့် အဖွဲ့ဝင်များက ၎င်းတို့မှာ စွပ်စွဲပြစ်တင်နိုင်သည့် အချက်များ ကျူးလွန်မှု မရှိကြောင်းနှင့် ဖွဲ့စည်းပုံဥပဒေပါ အတိုင်း ဆက်လက်ဆောင်ရွက်သွားမှာ ဖြစ်သည်ဟု နေပြည်တော်တွင် တနင်္လာနေ့က ပြုလုပ်သော သတင်းစာ ရှင်းလင်းပွဲ၌ ခုံရုံး ဥက္ကဋ္ဌ ဦးသိန်းစိုး က ပြောကြားသွားခဲ့သည်။

ဖွဲ့စည်းပုံအခြေခံ ဥပဒေဆိုင်ရာ ခုံရုံးအဖွဲ့၏ သတင်းစာရှင်းလင်းပွဲကို နေပြည်တော်ရှိ ၎င်းတို့ ရုံးခန်းတွင် ၂၀၁၂ ခုနှစ်၊ သြဂုတ် ၂၀ ရက်နေ့က ပြုလုပ်နေစဉ်။(ဓါတ်ပုံ - MJA)

ထိုခုံရုံး ဥက္ကဋ္ဌနှင့် အဖွဲ့ဝင်များသည် အခြေခံဥပဒေပါ ပြဋ္ဌာန်းချက်ကို ဖောက်ဖျက်ခြင်းနှင့် ပေးအပ်ထားသော တာဝန် များကို ကျေပွန်စွာ မထမ်းဆောင်ခြင်းတို့ကြောင့် ၎င်းတို့အား စွပ်စွဲပြစ်တင်ရန် လွှတ်တော်ကိုယ်စားလှယ် ၃၀၁ ဦးက လက်မှတ်ရေးထိုး၍ သြဂုတ်လ ၈ ရက်နေ့က ဦးရွှေမန်းထံ တင်ပြထားကြခြင်း ဖြစ်သည်။

လွှတ်တော်ရေးရာ ကော်မတီများကို ပြည်ထောင်စုအဆင့် သတ်မှတ်ရန် သင့်/မသင့် ဆိုသော အငြင်းပွားမှုမှသည် တင်းမာမှု ပြင်းထန်လာခဲ့ပြီး သမ္မတ ဦးသိန်းစိန်အနေဖြင့် ညှိနှိုင်းဆောင်ရွက်ပေးရန် ဦးရွှေမန်း က တောင်းဆိုခဲ့သည်။

ထိုသို့တောင်းဆိုမှုနှင့် ပတ်သက်၍ အမတ်ဦးရေ ၄၄၀ ရှိသော အောက်လွှတ်တော်မှ အမတ် ၃၀၁ ဦးက လက်မှတ်ရေးထိုးကာ ပြစ်တင်စွပ်စွဲမှုပြုရန် နှစ်ကြိမ်မြောက် တင်ပြလာခြင်းကြောင့် “စွတ်စွဲပြစ်တင်မှု နည်းလမ်းအစား အခြား နည်းလမ်း တခုခု” ကြိုးပမ်းမှုဖြစ်သည်ဟု ဦးရွှေမန်းက လွှတ်တော်သို့ မိန့်ခွန်းပြောကြားခဲ့သည်။

အလိုအလျောက် ၂၅ ရာခိုင်နှုန်း ခွဲတမ်းရ တပ်မတော်သား အမတ်အများစု သော်လည်းကောင်း၊ အားလုံးသော် လည်းကောင်း ပါဝင်လက်မှတ်ရေးထိုးခြင်း မပြုဟု ယုံကြည်ရသည်။

သို့သော် အာဏာရပါတီ ကြံ့ခိုင်ဖွံ့ဖြိုးရေးနှင့် ဒေါ်အောင်ဆန်းစုကြည်၏ အမျိုးသား ဒီမိုကရေစီအဖွဲ့ချုပ် NLD အပါအဝင် အတိုက်အခံပါတီများမှ အမတ်များမှာ လက်မှတ် ရေးထိုးသည့်အထဲ ပါဝင်ကြသည်။

“ရေးရာကော်မတီတွေကို ပြည်ထောင်စုအဆင့် သတ်မှတ်သင့်၊ မသတ်မှတ်သင့်ဆိုတဲ့ အယူအဆမှာတော့ ကြံ့ခိုင်ဖွံ့ဖြိုးရေး အမတ်တွေနဲ့ NLD အမတ်တွေ သဘောထား တူညီကြပါတယ်” ဟု လက်မှတ်ရေးထိုးရာတွင် ပါဝင်သူ NLD လွှတ်တော်အမတ် ဦးအုန်းကြိုင် က ဆိုသည်။

လွှတ်တော်ရေးရာ ကော်မတီများကို ပြည်ထောင်စုအဆင့် ပေးလျှင် ငွေကြေးကိစ္စများနှင့် အုပ်ချုပ်ရေးရာ ကိစ္စရပ်များကို အစိုးရအဖွဲ့က စီမံဆောင်ရွက်ပေးရမည် ဖြစ်သည်။

မတ်လ ၂၈ ရက်နေ့ အခြေခံဥပဒေခုံရုံး၏ ဆုံးဖြတ်ချက်တွင် “လွှတ်တော်အသီးသီးက ဖွဲ့စည်းထားသည့် ကော်မတီ၊ကော်မရှင်နှင့် အဖွဲ့တို့အား ပြည်ထောင်စုအဆင့် အဖွဲ့အစည်းအဖြစ် ထည့်သွင်း အဓိပ္ဗါယ်ဖွင့်ခြင်းသည် ဖွဲ့စည်းပုံ အခြေခံ ဥပဒေပါ ပြဋ္ဌာန်းချက်များနှင့် ညီညွတ်ခြင်းမရှိကြောင်း” ဟူ၍ ပါရှိသည်။

အခြေခံဥပဒေခုံရုံးတွင် ပါဝင်သောသူများကို သမ္မတနှင့် လွှတ်တော်နှစ်ရပ်လုံးမှ ဥက္ကဋ္ဌ နှစ်ဦးလုံးက ရွေးချယ်ခြင်းဖြစ်ပြီးပြည်ထောင်စုလွှတ်တော်က  အတည်ပြုပေးခဲ့သည်။ ခုံရုံး၏ သက်တမ်းမှာ ၅ နှစ် ဖြစ်သည်။

သမ္မတက အခြေခံဥပဒေဆိုင်ရာ ခုံရုံး၏ ဆုံးဖြတ်ချက်သည် “ဖွဲ့စည်းပုံအခြေခံဥပဒေပါ ပေးအပ်ထားသော လုပ်ငန်း တာဝန်အရ လွတ်လပ်စွာ ဆုံးဖြတ်ဆောင်ရွက်ခဲ့ခြင်း” ဟုဆိုကာ အပြီးအပြတ် အတည်ဖြစ်ကြောင်းနှင့် ခုံရုံး တဖွဲ့လုံးကို အနားယူခိုင်းစေဖို့ တောင်းဆိုချက်ကိုလည်း “တရားမျှတမှုလည်း ရှိနိုင်မည်မဟုတ်ပါ” ဟု ပယ်ချကာ ဖွဲ့စည်းပုံအခြေခံ ဥပဒေကို ပြင်ဆင်ခြင်းဖြင့် ဖြေရှင်းရန် တိုက်တွန်းလိုက်သည်။

သို့သော် အခြေခံဥပဒေကို ပြင်ဆင်ရန် လွှတ်တော်ကိုယ်စားလှယ် အားလုံး၏ ၇၅ ရာခိုင်နှုန်းကျော်က ထောက်ခံမဲ လိုအပ်သည်။

လွှတ်တော်ရေးရာ ကော်မတီများကို ပြည်ထောင်စုအဆင့် သတ်မှတ်မှု/ မသတ်မှတ်မှုမှ စတင်သော အငြင်းပွားမှုကိုအောက်လွှတ်တော် ဥက္ကဋ္ဌ နှင့် သမ္မတတို့၏ အားပြိုင်မှုတခုဟု လေ့လာသူများက ရှု့မြင်ကြသည်။

သတင်းလွတ်လပ်ခွင့် တိုးပေးဖို့ ပြည်တွင်းမီဒီယာတောင်းဆို

စိစစ်ရေးက တင်းတင်းကျပ်ကျပ် ထိန်းချုပ်တာမျိုး မရှိတော့ဘူး ဆိုပေမဲ့လည်း ကန့်သတ်ချက်တွေကတော့ သိသိသာသာကို ရှိနေတုန်းပါပဲ။ နေ့စဉ်ထုတ် ပုဂ္ဂလိကသတင်းစာတွေ မရှိသေးဘဲ သတင်းစာ ထုတ်ဝေခွင့်ကို နိုင်ငံပိုင်အဖြစ် ချုပ်ကိုင်ထားဆဲရှိပါတယ်။

မြန်မာနိုင်ငံမှာ သတင်းလွတ်လပ်ခွင့်နဲ့ လွတ်လပ်စွာထုတ်ဖော်ပြောဆိုခွင့်တွေ ပိုပြီးရလာတော့မယ် ဆိုတဲ့ မျှော်လင့်ချက်တွေဟာ အများပြည်သူကြားထဲမှာရော၊ စာနယ်ဇင်းလောကမှာပါ မြင့်မားလာနေပါတယ်။ ပြည်တွင်းမှာ ထုတ်ဝေ တဲ့ ပုဂ္ဂလိက စာနယ်ဇင်းတွေ အနေနဲ့ သူတို့ရဲ့စာစောင်တွေကို စာဖတ်သူလက်ထဲအရောက် မထုတ်ဝေခင်မှာ စာပေစိစစ်ရေး အဖွဲ့ဆီတင်ပြီး ခွင့်ပြုချက်ယူစရာမလိုတော့ဘူးလို့ တာဝန်ရှိသူတွေက ပြောခဲ့ပြီးတဲ့နောက်ပိုင်း အခုလို မျှော်လင့်ချက်တွေ ပိုပြီး မြင့်မားလာတာလည်းဖြစ်ပါတယ်။ ဒါ့အပြင် သတင်းလွတ်လပ်ခွင့် ပိုပေးဖို့ကိုလည်း ဆက်ပြီး တောင်းဆိုနေကြပါတယ်။ ဒီအကြောင်းကိုတော့ ကိုကျော်ကျော်သိန်းက အပြည့်အစုံ ဆက်ပြောပြပါမယ်။

စာနယ်ဇင်းတွေအနေနဲ့ မထုတ်ဝေခင် စိစစ်ရေးရဲ့ခွင့်ပြုချက် အရင်ယူရမယ်ဆိုတဲ့ ရာစုနှစ် ထက်ဝက်နီးပါး တင်းတင်း ကျပ်ကျပ် ချုပ်ကိုင်ထားခဲ့တာကို မြန်မာတာဝန်ရှိသူတွေက ဖြေလျှော့ပေးခဲ့အပြီး နောက်တရက် အင်္ဂါနေ့မှာပဲ သတင်း လွတ်လပ်ခွင့် ပိုပေးဖို့အတွက် နှိုးဆော်လိုက်ကြတာဖြစ်ပါတယ်။

“ အရေးပါတာပေါ့။ ကျနော်တို့ စာပေတင်မဟုတ်ဘူးဗျ။ အဓိက ကျနော်တို့ရုပ်ရှင်ကားတွေရော ဗီဒီယိုတွေရော သီချင်းတွေရော သီချင်းသမားလည်းပဲ စိစစ်ရေးတို့ ဆင်ဆာတို့ရှိသေးတယ်။ ဒီဟာတွေဟာ လွတ်လွတ်လပ်လပ်ဖြစ်သွားတယ်ဆိုလို့ရှိရင် အရုပ်ကအစပေ့ါဗျာ။ ရုပ်သံမီဒီယာတွေကလည်း လွတ်လွတ်လပ်လပ်ဖြစ်လာမယ်ဆိုရင် လုပ်ခွင့်တွေအများကြီးဖြစ်လာမယ်။ ကျနော်တို့ ကြိုဆိုပါတယ်။”

အသက် ၅၅ နှစ်အရွယ် ဦးအောင်သန်း ပြောသွားတာပါ။

အရင်တုန်းကဆိုရင် သီချင်း၊ စာအုပ်စာစောင်၊ ကာတွန်း၊ သတင်းနဲ့ ပန်းချီပန်းပုအနုပညာလက်ရာ ဘာတခုမှ စိစစ်ရေးရဲ့ ခွင့်ပြု ချက်မရဘဲ ပုံနှိပ်ထုတ်ဝေတာ၊ အများပြည်သူကို ပြသတာမျိုး လုပ်လို့မရခဲ့ပါဘူး။ အာရှတိုက်မှာ နိုင်ငံသားတွေရဲ့အခွင့်အရေး ကို အဖိနှိပ်ဆုံး နိုင်ငံတခုအဖြစ် နာမည်ဆိုးနဲ့ ထင်ရှားခဲ့တာဖြစ်ပြီး ပုံနှိပ် ထုတ်ဝေ ဖြန့်ချိ ပြသတာတွေမှာ နိုင်ငံရေးနဲ့ပတ်သက် တာတွေ ပါသလားဆိုတာကို စေ့စေ့စပ်စပ် စိစစ်ပြီးတော့ တည်းဖြတ်ခဲ့တာဖြစ်ပါတယ်။ အခုတော့ ဘယ်သူမှ မျှော်လင့် မထားနိုင် လောက်အောင်ကိုပဲ အခြေအနေက ပြောင်းပြန်လိုဖြစ်နေပါပြီ။

“ဒီလိုသာ သတင်းမီဒီယာတွေအပေါ်မှာ ပွင့်ပွင့်လင်းလင်းနဲ့ရေးသားခွင့်ရရင် ကျနော်တို့တိုင်းပြည်ဟာ တဖြေးဖြေးနဲ့ တိုးတက်လာမှာကို မျှော်လင့်ထားတယ်။ တိုးတက်မူတွေရလာမယ်။ ပြည်သူနဲ့အစိုးရကြားမှာ ဆက်စပ်မူတွေရှိလာမယ်။ မြင်သာထင်သာလာတဲ့အခါ ပြည်သူတွေအတွက် ၀မ်းသာစရာကတော့ ရှေ့အလားအလာမှာ တိုင်းပြည်ကောင်းစားမှာကို မြင်နေရတာပေါ့။”

အသက် ၅၆ နှစ်အရွယ် ဦးအောင်ထက်ရဲ့ မျှော်လင့်ချက်ကို ကြားခဲ့ကြရတာပါ။

စာနယ်ဇင်းလောကဆိုင်ရာ အပြောင်းအလဲတွေဟာ ပြီးခဲ့တဲ့နှစ်ဇွန်လကတည်းက အခြေ စတည်ခဲ့တာလို့ ဆိုရမှာဖြစ်ပါတယ်။ အဲဒီအချိန်က မြန်မာနိုင်ငံမှာထုတ်ဝေနေတဲ့ ပုဂ္ဂလိက ဂျာနယ်နဲ့မဂ္ဂဇင်း ထက်ဝက်လောက်ကို စာပေစိစစ်ရေးဆီ ကြိုတင်စရာ မလိုဘဲ ထုတ်ဝေခွင့် စပြီး ခွင့်ပြုခဲ့တာပါ။ ဒါပေမဲ့လည်း ပုဂ္ဂလိကအနေနဲ့ နေ့စဉ်ထုတ်သတင်းစာတွေကို ခုချိန်ထိ ထုတ်ဝေခွင့်မရသေးသလို ကာလရှည်ကြာရှိနေခဲ့တဲ့ ကိုယ့်ဖာသာကိုယ် စိစစ်တည်းဖြတ်တာမျိုးကလည်း ဆက်ရှိနေဆဲပါ။

ဒီအခြေအနေအောက်မှာပဲ The Voice Weekly ဂျာနယ်ရဲ့ အယ်ဒီတာချုပ် ကိုကျော်မင်းဆွေကတော့ လွတ်လပ်ခွင့် ပိုရလာ တော့မယ်ဆိုတဲ့ မျှော်လင့်ချက် ရှိနေပါတယ်။

“မြန်မာမီဒီယာအားလုံး သိပ်မကြာခင်မှာပဲ သတင်း လွတ်လပ်ခွင့် ရလာလိမ့်မယ်လို့ ကျနော် မျှော်လင့်ပါတယ်။ ကျနော်ဆိုလိုတာက လုံးဝ လွတ်လပ်တာမျိုးပါ။ လွတ်လပ်စွာ ထုတ်ဖော်ပြောဆိုခွင့်ကို ဆိုလိုတာပါ။ ဒီကိစ္စက ၂၀၀၈ ခုနှစ် အခြေခံဥပဒေထဲမှာ ပြဌာန်းထားပြီးသားပါ။ အခြေခံဥပဒေအရ ဆိုရင် လွတ်လပ်စွာ ထုတ်ဖော်ပြောဆိုခွင့်ဆိုတာ နိုင်ငံသားအားလုံးရဲ့ အခြေခံအခွင့်အရေးဖြစ်ပါတယ်။”

ပြင်သစ်နိုင်ငံအခြေစိုက် နယ်စည်းမခြားသတင်းထောက်များအဖွဲ့ RSF ရဲ့ သတ်မှတ်ချက်အရ မြန်မာနိုင်ငံရဲ့ သတင်း လွတ်လပ် ခွင့်အဆင့်ဟာ နိုင်ငံပေါင်း ၁၇၉ နိုင်ငံထဲ ၁၆၉ မှာ ရှိနေပါတယ်။ စိစစ်ရေးက တင်းတင်းကျပ်ကျပ် ထိန်းချုပ်တာမျိုး မရှိတော့ဘူး ဆိုပေမဲ့လည်း ကန့်သတ်ချက်တွေကတော့ သိသိသာသာကို ရှိနေတုန်းပါပဲ။

နေ့စဉ်ထုတ် ပုဂ္ဂလိကသတင်းစာတွေ မရှိသေးဘဲ သတင်းစာထုတ်ဝေခွင့်ကို နိုင်ငံပိုင်အဖြစ် ချုပ်ကိုင်ထားဆဲရှိပါတယ်။ ပြည်ပ အခြေစိုက်သတင်းမီဒီယာတွေဟာ ရန်တိုက် သွေးထိုးပေးနေသူတွေ၊ လေလှိုင်းသံ လူသတ်သမားတွေ စသည်အားဖြင့် အစိုးရ သတင်းစာတွေရဲ့ နောက်ဆုံးစာမျက်နှာမှာ စာလုံးမည်းကြီးတွေနဲ့ ဖော်ပြခဲ့တာကို ရပ်ခဲ့တာ ပြီးခဲ့တဲ့နှစ်ကမှပါ။

အဲဒီနောက်မှာတော့ ၁၉၆၂ ခုနှစ်ကတည်းကနေဆိုရင် အသိသာ အထင်ရှားဆုံး အပြောင်းအလဲတွေကိုစစ်ဗိုလ်ချုပ်ဟောင်း တွေဦးဆောင်တဲ့ မြန်မာအစိုးရက ဖော်ဆောင်လာခဲ့ပါတယ်။ အပြောင်းအလဲတွေထဲမှာ ရွေးကောက်ပွဲတွေလုပ်တာ၊ ဆန္ဒပြပွဲ တွေကိုခွင့်ပြုတာ၊ နိုင်ငံရေးအကျဉ်း သားတွေကို လွှတ်ပေးတာတွေလည်း ပါဝင်ခဲ့ပါတယ်။

အဲဒီအချိန်ကတည်းကစလို့ ပြည်တွင်းထုတ်စာနယ်ဇင်းတွေဟာ သူတို့အပေါ် ကန့်သတ်ချက်တွေကို တဖြည်းဖြည်း သွေးတိုး စမ်း ကျော်လွှားခဲ့ကြပြီးဘယ်တုန်းကမှမမြင်ခဲ့ရတဲ့ ဒေါ်အောင်ဆန်းစုကြည်ရဲ့ ရုပ်ပုံတွေကို စာနယ်ဇင်းတွေရဲ့ မျက်နှာဖုံးမှာကို ပဲ တွေ့လာခဲ့ကြရသလို အစိုးရအပေါ် ဝေဖန်သူတွေရဲ့ သဘောထားတွေကို ဖော်ပြခဲ့ကြပါတယ်။

အဲဒီအခြေအနေဟာ လွန်ခဲ့တဲ့နှစ်လည်ပိုင်း မတိုင်ခင်တုန်းကဆိုရင် တွေးကြည့်လို့တောင် မရခဲ့ပါဘူးလို့ စာနယ်ဇင်း အယ်ဒီတာတွေက ပြောကြပါတယ်ခင်ဗျား။

မီဒီယာဖိနှိပ်မှုအတွက် တရုတ်အစိုးရ ဝေဖန်ခံရ

တရုတ်နိုင်ငံမှာ မီဒီယာလုပ်ငန်းတွေ လုပ်ကိုင်နေကြတဲ့ ပြည်ပက သတင်းထောက်တွေအပေါ် ခြိမ်းခြောက် နှောက်ယှက်တာတွေ၊ ရိုက်နှက်တာတွေ မကြာသေးခင်ကစလို့ ဆက်တိုက်ဆိုသလို ကြုံနေရပါတယ်။

တရုတ်နိုင်ငံမှာ မီဒီယာလုပ်ငန်းတွေ လုပ်ကိုင်နေကြတဲ့ ပြည်ပက သတင်းထောက်တွေအပေါ် ခြိမ်းခြောက် နှောက်ယှက်တာတွေ၊ ရိုက်နှက်တာတွေ မကြာသေးခင်ကစလို့ ဆက်တိုက်ဆိုသလို ကြုံလာရတဲ့အပေါ် နိုင်ငံတကာ သတင်းမီဒီယာ အဖွဲ့အစည်းတွေက ကန့်ကွက် လိုက်ကြပါတယ်။ တရုတ်နိုင်ငံခြား သတင်းစာဆရာများ အသင်းတိုက်ရဲ့ဒီကနေ့ ကြေညာချက်မှာတော့ မကြာခဏ ဆိုသလို ကြုံနေရတဲ့ ကိစ္စတွေမှာ တချို့ဟာဆိုရင် အစိုးရလုံခြုံရေး တပ်ဖွဲ့ဝင်တွေ ကိုယ်တိုင် ပါဝင်နေတဲ့အတွက် စိုးရိမ်တဲ့ အကြောင်း ဖော်ပြခဲ့တာပါ။

နိုင်ငံတကာက သတင်းထောက်အများအပြားဟာ လွန်ခဲ့တဲ့ ဇူလိုင်လ နှောင်းပိုင်းကနေ သြဂုတ်လလယ်ပိုင်း အတွင်း ဖြစ်ပွားခဲ့တဲ့ အဖြစ်အပျက် ၄ ခုအတွင်း ကိုယ်ထိလက်ရောက် ကျူးလွန်ခံရတာ၊ ပစ္စည်းတွေ အသိမ်းခံရတာ၊ အဓမ္မ ဖမ်းဆီးခံရတာတွေ ကြုံခဲ့ရတယ်လို့လည်း ပြောပါတယ်။

ဘေဂျင်းမြို့တော် အခြေစိုက် သတင်းစာဆရာများ အသင်းနဲ့အတူ ဟောင်ကောင်နဲ့ ရှန်ဟိုင်းတို့က သတင်းစာဆရာ အသင်းတွေကလည်း တရုတ်နိုင်ငံမှာ သတင်းလုပ်ငန်းလုပ်ကိုင်သူ စာနယ်ဇင်း သမားတွေ ကိုယ်ထိလက်ရောက် စော်ကားခံရနိုင်တဲ့ အန္တာရာယ်တွေ ရှိနေတယ်ဆိုတာ မကြာသေးခင် အဖြစ်အပျက်တွေက ပြသနေတယ်လို့ ပြောဆိုခဲ့တာပါ။ နိုင်ငံခြား သတင်းထောက်တွေကတော့ တရုတ်နိုင်ငံမှာ သတင်းလုပ်ငန်း လုပ်ကိုင်ရတဲ့အပေါ် အာဏာပိုင်တွေရဲ့စွက်ဖက်ဟန့်တားမှုတွေ ရှိနေတယ်လို့ အချိန်အတော်ကြာကတည်းက ပြောနေကြတာလည်း ဖြစ်ပါတယ်။

အိုဘားမားသတိပေးချက် ဆီးရီးယားပယ်ချ

ရုရှနိုင်ငံ မော်စကိုမြို့ တော်ကိုရောက်ရှိနေတဲ့ ဒုဝန်ကြီးချုပ် ကွာဒရီဂျမေးလ်က ဆီးရီးယားနိုင်ငံထဲကို အနောက်နိုင်ငံတွေရဲ့ တပ်တွေကို စေလွှတ်မယ်ဆိုရင်၊ ဒါဟာ အရှေ့အလယ် ပိုင်းဒေသမှာ ကျယ်ပြန့်တဲ့ စစ်ပွဲကြီးတစ်ရပ်ကို ဖြစ်ပေါ်စေလိမ့်မယ်လို့ ဆိုပါတယ်။

မနေ့က သြဂက်လ ၂၁ ရက်နေ့က၊ ဆီးရီးယား ဒုဝန်ကြီးချုပ် ကွာဒရီဂျမေးလ် (Qadri Jamil) က၊ အနောက်နိုင်ငံတွေဟာ ဆီးရီးယားနိုင်ငံကို စစ်ရေးအရ ကျူးကျော်ဝင်ရောက်ဖို့ အကြောင်းပြချက် တစ်ရပ်ကို ရှာနေကြတယ်လို့ စွပ်စွဲလိုက်ပြီး၊ ဒီလိုလုပ်လို့ မရနိုင်ဘူးလို့လည်း သူကဆိုလိုက်ပါတယ်။

ရုရှနိုင်ငံ မော်စကိုမြို့ တော်ကိုရောက်ရှိနေတဲ့ ဒုဝန်ကြီးချုပ် ကွာဒရီဂျမေးလ်က ဆီးရီးယားနိုင်ငံထဲကို အနောက်နိုင်ငံတွေရဲ့ တပ်တွေကို စေလွှတ်မယ်ဆိုရင်၊ ဒါဟာ အရှေ့အလယ် ပိုင်းဒေသမှာ ကျယ်ပြန့်တဲ့ စစ်ပွဲကြီးတစ်ရပ်ကို ဖြစ်ပေါ်စေလိမ့်မယ်လို့လည်း ဆိုလိုက်ပါတယ်။ ဆီးရီးယားက ဓါတုဗေဒလက်နက်တွေ သုံးစွဲခဲ့ရင် ဆိုပြီး တနင်္လာနေ့က အမေရိကန်သမ္မတအိုဘားမား သတိပေးပြောကြားခဲ့တာကိုလည်း ဒုဝန်ကြီးချုပ် ကွာဒရီဂျမေးလ်က ပယ်ချလိုက်ပြီးတော့၊ ဒါဟာ လာမယ့် အမေရိကန် သမ္မတရွေးကောက်ပွဲအတွက် မဲဆွယ်ဝါဒဖြန့်တာ သက်သက်ဖြစ်တယ် လို့ ပြောလိုက်ပါတယ်။

ပြီးခဲ့တဲ့တနင်္လာနေ့က သမ္မတအိုဘားမားက ဒေသတွင်း ဆီးရီးယားအရေးမှာ ပါဝင်ပတ်သက်နေသူတွေ အားလုံးကို၊ ဓါတုဗေဒလက်နက်တွေ သုံးခဲ့ရင် ဒါဟာ မလုပ်သင့်မလုပ်ထိုက်တာကို စည်းတားထားမှုကို ကျော် ဖြတ်ခြင်းအဖြစ် မှတ်ယူပြီး ဆီးရီးယားအရေး အမေရိကန်ရဲ့ အရေးယူဆောင်ရွက်မှုတွေကို ပြောင်းလဲသွားမယ်လို့၊ သတိပေးခဲ့ပါတယ်။

မနေ့ကလည်း၊ ဆီးရီးယား က အလက်ပို(Allepo) မြို့က တိုက်ပွဲကြားမှာ၊ ပိတ်မိနေတဲ့ ဂျပန်အမျိုးသမီး သတင်းထောက် မိခ ယာမာမိုတို (Mika Yamamoto)ဟာ ကျည်သင့်ပြီး သေဆုံး သွားခဲ့ရပါတယ်။ မစ္စယာမာမိုတိုဟာ တိုကျိုမြို့အခြေစိုက် Japan Press သတင်းဌာနရဲ့ သတင်းထောက်ဖြစ်တယ်လို့ ဂျပန်နိုင်ငံခြားရေးဝန်ကြီးဌာနက ကြေညာထားပါတယ်။

မဲဆွယ်လူပ်ရှားမူ ရံပုံငွေ Romney အသာစီးရ

 

အမေရိကန်သမ္မတ အိုဘားမား Truckee Meadows Community Collegeတွင် မဲဆွယ်စည်းရုံးစဉ်

အမေရိကန်ပြည်ထောင်စုမှာ ရီပတ်ဘလီကန်ပါတီဘက်က သမ္မတကိုယ်စားလှယ်လောင်းဖြစ်မယ်လို့ ယူဆရတဲ့ မစ်တ် ရွမ်မ်နီ (Mitt Romney) ရဲ့ မဲဆွယ်စည်းရုံးမှုဟာ ငွေကြေးနဲ့ နှိုင်းယှဉ်ရမယ်ဆိုရင် ဒီမိုကရက်သမ္မတ ဘရာ့ခ် အိုဘားမား (Barack Obama) ရဲ့ မဲဆွယ်စည်းရုံးမှုထက် အများကြီး ပိုကြီးပါတယ်။

မစ္စတာရွမ်မ်နီရဲ့ ရီပတ်ဘလီကန်တွေဟာ ဇူလိုင်လမှာ ရန်ပုံငွေ ဒေါ်လာ ၁၀၁ သန်း ရှာနိုင်ခဲ့ပြီး မစ္စတာအိုဘားမားရဲ့ ဒီမိုကရက် တွေကတော့ ဒေါ်လာ ၇၅ သန်းပဲ ရှာနိုင်ခဲ့တယ်လို့ တနင်္လာနေ့မှာထုတ်ပြန်တဲ့ ပြည်ထောင်စုရွေးကောက်ပွဲကော်မရှင်ရဲ့ အစီရင် ခံစာအရ သိရပါတယ်။

ရီပတ်ဘလီကန်တွေဟာ ချက်ခြင်းသုံးစွဲလို့ရမယ့် ငွေသား စုစုပေါင်း ဒေါ်လာ ၁၈၆ သန်းရှိပြီး ဒီမိုကရက်တွေကတော့ ဒေါ်လာ ၁၂၄ သန်းပဲရှိပါတယ်။

အဲဒီငွေကြေးပမာဏထဲမှာတော့ နိုင်ငံရေးလှုပ်ရှားမှုကော်မတီတွေနဲ့ နိုင်ငံရေးတက်ကြွလှုပ်ရှားတဲ့ ပရဟိတအဖွဲ့တွေ သုံးစွဲတဲ့ ငွေကြေး မပါသေးပါဘူး။

ဆီးရီးယား တိုက်ပွဲကြား နိုင်ငံခြား သတင်းထောက်တွေ သေဆုံး

ဆီးရီးယား လွတ်မြောက်ရေး တပ်မတော် FSA နဲ့ အတူလိုက်ပါ သတင်းယူနေတဲ့ ဂျပန်သတင်းထောက် Mika Yamamoto ဟာ မနေ့က တိုက်ပွဲတခုနဲ့ ကြုံရပြီး သေဆုံးသွားခဲ့ပါတယ်။

ဆီးရီးယား လွတ်မြောက်ရေး တပ်မတော် FSA နဲ့ အတူလိုက်ပါ သတင်းယူနေတဲ့ ဂျပန်သတင်းထောက်  မိကာ ယာမာမိုတို (Mika Yamamoto ) ဟာ မနေ့က တိုက်ပွဲတခုနဲ့ ကြုံရပြီး  သေဆုံးသွားသလို  သူနဲ့ အတူသွားရောက်နေတဲ့ အယ်လ်ဟူရာ (Alhurra)  TV  သတင်းထောက် ၂ဦးကတော့ ပျောက်ဆုံးနေပါတယ်။

အသက် ၄၅နှစ်အရွယ် အမျိုးသမီးသတင်းထောက် မိကာဟာ ဆီးရီးယား မြောက်ပိုင်းက အလက်ပို (Aleppo) မြို့မှာ သေနတ်ဒဏ်ရာနဲ့ သေဆုံးခဲ့တယ်လို့ ဂျပန်နိုင်ငံခြားရေး ၀န်ကြီးဌာနက ဒီနေ့ သတင်း ထုတ်ပြန်ပါတယ်။  သူဟာ တိုကျိုအခြေစိုက် ဂျပန်သတင်းဌာနမှာ တာဝန်ထမ်းဆောင်နေသူဖြစ်ပါတယ်။

တချိန်ထဲမှာပဲ  အမေရိကန်အစိုးရ ထောက်ပံ့မှုပေးနေတဲ့   အယ်လ်ဟူရာ သတင်းဌာနကလည်း  အလက်ပိုကနေ သတင်းပို့ပေးနေတဲ့  သူ့ သတင်းထောက် ၂ဦးပျောက်ဆုံးနေကြောင်းနဲ့ သူတို့ဟာ မနေ့က ဆီးရီးယား အစိုးရတပ်တွေရဲ့ ဖမ်းဆီးတာကို ခံရတာဖြစ်နိုင်တယ်လို့ ပြောပါတယ်။

အယ်လ်ဟူရာ သတင်းဌာနအပြင်  VOA ရဲ့ ဗဟိုအဖွဲ့အစည်း ဖြစ်တဲ့ BBG အဖွဲ့ကတော့  အယ်လ်ဟူရာ သတင်းထောက် တွေ ဖြစ်ကြတဲ့  Bashar Fahmi  နဲ့ သူ့ရဲ့  video သမား  Cuneyt Unal  တို့  ရဲ့ လုံခြုံရေး အတွက် အာမခံပေးဖို့ ဆီးရီးယား အစိုးရကို တိုက်တွန်း လိုက်ပါတယ်။

ဆီးရီးယား နိုင်ငံတ၀ှမ်းမှာ တိုက်ပွဲတွေ ဆက်လက်ဖြစ်ပွါးနေပြီး  တနင်္လာနေ့ တနေ့ထဲတင်  လူပေါင်း  ၁၄၀လောက် သေဆုံးခဲ့ရတယ်လို့  အတိုက်အခံ တက်ကြွ လှုပ်ရှားသူတွေက ပြောပါတယ်။ ဒေသတွင်း ပူးပေါင်း ဆောင်ရွက်ရေး ကော်မတီကတော့  အင်္ဂါနေ့ တိုက်ပွဲတွေဟာ Damascus, Homs  နဲ့  Daraa  ဒါရာ ဒေသတွေမှာ အပြင်းထန်ဆုံး ဖြစ်တယ်လို့ ဆိုပါတယ်။