04.08.2012 နေ့ဖတ်ရန်သတင်းများ

by Myanmar Journal on Friday, August 3, 2012 at 7:42pm ·

ဆီးရီးယား ကုလ ကိုယ်စားလှယ် အာနန် နှုတ်ထွက်

ဆီးရီးယားဆိုင်ရာ ကုလနဲ့ အာရပ် အဖွဲ့ချုပ် အထူး ကိုယ်စားလှယ် ကိုဖီ အာနန် ဆီးရီးယား ဆိုင်ရာ ကုလသမဂ္ဂနဲ့ အာရပ် အဖွဲ့ချုပ် အထူး ကိုယ်စားလှယ် ကိုဖီ အာနန် လုံခြုံရေး ကောင်စီကို ဝေဖန်ပြီး ရာထူးက နှုတ်ထွက်သွားပါတယ်။

ဂျီနီဗာမှာ နှုတ်ထွက်လွှာ တင်ရာမှာ ကိုဖီ အာနန်က ဆီးရီးယား ပဋိပက္ခမှာ လက်နက်ကိုင် တပ်ဆင်ပေး မှုတွေ ပိုများလာပြီး လုံခြုံရေး ကောင်စီမှာလည်း ဆီးရီးယား ကိစ္စ တညီတညွတ်ထဲ တသံထဲ မထွက်တဲ့ အတွက် သူ့ကို ချပေးထားတဲ့ အခန်း ကဏ္ဍကနေ ဘာမှ ထိထိ ရောက်ရောက် လုပ်နိုင်မှာ မဟုတ်ဖူးလို့ ပြောသွားပါတယ်။

ဆီးရီးယားမှာ တိုက်ခိုက်မှုတွေ အဆုံးသတ်အောင် အချက် ခြောက်ချက်ပါတဲ့ ငြိမ်းချမ်းရေး အစီအစဉ်ကို ကိုဖီ အာနန်က တင်ပြခဲ့ပေမယ့် ဒီအစီအစဉ်ကို ဘယ်သူကမှ မလိုက်နာကြဘဲ ကနေ့ထိ အကြမ်းဖက် တိုက်ခိုက်မှုတွေ ဆက် ဖြစ်နေပါတယ်။

ဆီးရီးယား ကိစ္စမှာ လုံခြုံရေး ကောင်စီရဲ့ ပြဌာန်း ဆုံးဖြတ်ချက်တွေကို ရုရှနဲ့ တရုတ်က ဗီတို သုံးခါသုံးပြီး ပယ်ချခဲ့ပါတယ်။

ဆီးရီးယား ပြည်သူတွေ အတွက် ထိထိရောက်ရောက် လုပ်ရမယ့် အချိန်မှာ လုံခြုံ ရေး ကောင်စီထဲမှာ အပြန်အလှန် လက်ညှိုးထိုးနေတာနဲ့ အချိန် ကုန်နေတယ်လို့ ကိုဖီ အာနန်က ပြောပါတယ်။

ကိုဖီအာနန်ရဲ့ လက်ရှိ အထူး ကိုယ်စားလှယ် ရာထူးသက်တမ်း ကုန်ဖို့ တလ ကျန်သေးပြီး ဒီတလအတွင်းမှာ သူလုပ်စရာ ရှိတာကို အကောင်းဆုံး လုပ်နိုင် မယ်လို့ မျှော်လင့်ကြောင်း ကုလသမဂ္ဂက သံတမန်တွေက ပြောပါတယ်။

အာနန် အဆိုပြုချက် ခြောက်ချက်

အလက်ပိုမြို့နားက တင့်ကား တိုက်ပွဲ

ကိုဖီ အာနန် အဆိုပြုတဲ့ အချက် ခြောက်ချက်ပါ ငြိမ်းချမ်းရေး အစီအစဉ် အောင်မြင်ရေးဟာ သူမှအပ တခြား လူတွေရဲ့ လုပ်ဆောင်မှုပေါ် မူတည်နေပါတယ်။

အထူးသဖြင့် ဆီးရီးယား အစိုးရ အနေနဲ့ အကြမ်းဖက် တိုက်ခိုက်မှုတွေ ရပ်ပြီး ငြိမ်းချမ်းရေး တွေ့ဆုံဆွေး နွေးမှုတွေကို ဟုတ်တိပတ္တိလုပ်ဖို့ လိုအပ်ပါတယ်။

လက်တွေ့မှာ ဒါမျိုး ဖြစ်မလာတဲ့ အပြင် လက်နက်ကိုင် တိုက်မှုတွေ ပိုတောင်မှ အရှိန်ရလာပါတယ်။

ဒါ့အပြင် အခု ဆီးရီးယား အထူး ကိုယ်စားလှယ် ရာထူးကို လက်မခံခင် ကတည်းက သူ့အစီအစဉ် အလုပ် လုပ်နိုင်ဖို့ နိုင်ငံတကာ အသိုင်းအဝိုင်းက ဆီးရီးယား နိုင်ငံထဲက သက်ဆိုင်သူ အားလုံးပေါ်မှာ စဉ်ဆက်မပြတ် ဖိအားပေးဖို့ လိုတယ်လို့ ပြောခဲ့ ပါတယ်။

ဒီအချက်တွေ မရခဲ့တဲ့ အတွက် သူ့အနေနဲ့ ဆက်လုပ်လည်း အကျိုးမထူးဘူးလို့ ယူဆပြီး နှုတ်ထွက်သွားတာလို့ ဘာဘရာ ပလက်က သုံးသပ်ပါတယ်။

တဘက်မှာ ဆီးရီးယား ပဋိပက္ခကို နိုင်ငံရေးနည်းနဲ့ အဖြေရှာလို့ မရနိုင်တာကို ကိုဖီ အာနန် ရာထူးက နှုတ်ထွက်မှုက ပြသနေပြီး ဆီးရီးယားရဲ့ ကံကြမ္မာကို လတ်တ လော ဖြစ်နေတဲ့ အဖြစ်အပျက်တွေက အဆုံးအဖြတ် ပေးဖွယ် ရှိတယ်လို့ ဆီးရီးယား အိမ်နီးချင်း လက်ဘနွန်မှာ ရောက်နေတဲ့ ဘီဘီစီ သတင်းထောက် ဂျင်မြူရာက မှတ်ချက်ပေးပါတယ်။

အောင်မြင်မှုတချို့ ရခဲ့

ကိုဖီ အာနန်ဟာ အခု ဆီးရီးယား အထူး ကိုယ်စားလှယ် ရာထူးကို ဧပြီ လလယ်က စ ယူခဲ့တာဖြစ်ပြီး သူတာဝန်ယူခဲ့တဲ့ ကာလအတွင်းမှာ အောင်မြင်မှု တချို့ ရခဲ့ ပါတယ်။

ပထမ အနေနဲ့ မနှစ်က တနှစ်လုံး သဘော မတူ ဖြစ်နေတဲ့ လုံခြုံရေး ကောင်စီမှာ အားလုံး သဘောတူတဲ့ ဘုံရပ်တည်ချက် တခုကို ရအောင် ဖန်တီးနိုင်ခဲ့ပါတယ်။

အကြမ်းဖက်မှုတွေ ရပ်ဖို့၊ လူသားချင်း စာနာတဲ့ စဉ်းစားချက်နဲ့ အထောက်အပံ့တွေ ပေးဖို့ စတာတွေမှာ ပြဌာန်း ဆုံးဖြတ်ချက် နှစ်ခု ရအောင် လုပ်ပေးနိုင်ခဲ့ပါတယ်။ ဒါပေမယ့် သူတင်ပြတဲ့ အချက်တချို့ကို အသေးစိတ် ဖော်ဆောင်ဖို့ လုပ်တဲ့ အခါမှာ သဘောမတူညီမှုတွေ ပေါ်ထွက်လာပြီး အလုပ်မဖြစ်တော့တဲ့ အနေအထားကို ရောက်လာခဲ့ပါတယ်။

ကုလသမဂ္ဂ အတွင်းရေးမှုးချုပ် ဘန်ကီမွန်းက ကိုဖီ အာနန်ဟာ လုံခြုံရေး ကောင်စီ အဖွဲ့ဝင် နိုင်ငံတွေတင်မက အာရပ် နိုင်ငံတွေရဲ့ ယုံကြည်မှုကိုပါ ရရှိထားသူ ဖြစ်ပြီး လုံခြုံရေး ကောင်စီ ကိုယ်နှိုက်က သံတမန်ရေး ကြိုးပမ်းမှုတွေ အတွက် အတား အဆီး ဖြစ်လာပြီး ဘယ်စေ့စပ် ဆွေးနွေးရေးသမား အတွက်မဆို အလုပ်လုပ်ဖို့ အင်မတန်မှ ခက်ခဲတယ်လို့ ပြောခဲ့ပါတယ်။

အမေရိကန် နိုင်ငံခြားရေး ဝန်ကြီး စူဆန်ရိုင့်စက ရုရှနဲ့ တရုတ်တို့ကြောင့် သူ့ လုပ်ငန်းတွေ ဆက်လုပ်ကိုင်ဖို့ မဖြစ်နိုင်တဲ့ အနေအထားကို ရောက်လာခဲ့ ရတယ်လို့ ပြောပါတယ်။

ဆီးရီးယား ဆုံးဖြတ်ချက် ကုလ ညီလာခံ တည်ပြု

ဆီးရီးယား ပြဌာန်း ဆုံးဖြတ်ချက် အထွေထွေ ညီလာခံမှာ မဲခွဲ

ဆီးရီးယားအရေးမှာ လုံခြုံရေး ကောင်စီနဲ့ ဆီးရီးယား အစိုးရကို ပြစ်တင်ထားတဲ့ ပြဌာန်း ဆုံးဖြတ်ချက် တခုကို အထွေထွေ ညီလာခံမှာ ပြတ်ပြတ်သားသား အတည်ပြုနိုင်ခဲ့ပါတယ်။

ဆော်ဒီအာရေဗျ နိုင်ငံက ဒီ ပြဌာန်း ဆုံးဖြတ်ချက် မူကြမ်းကို တင်ပြခဲ့ရာမှာ ၁၃၃ နိုင်ငံက ထောက်ခံပြီး ၁၂ နိုင်ငံ ကန့်ကွက်၊ ၃၁ နိုင်ငံကတော့ မဲမပေးခဲ့ပါဘူး။

ကန့်ကွက်တဲ့ထဲမှာ ကာယကံရှင် ဆီးရီးယား အပြင် ရုရှ၊ တရုတ်၊ ကျူးဘား၊ အီရန်၊ မြောက်ကိုရီးယား၊ ဇင်ဘာဘွေ၊ ဗင်နီဇွဲလားနဲ့ မြန်မာနိုင်ငံတို့ ပါဝင်ပြီး ကြားနေ တဲ့ထဲမှာ အိန္ဒိယနဲ့ ပါကစ္စတန်တို့ ပါပါတယ်။

အထွေထွေ ညီလာခံရဲ့ ပြဌာန်း ဆုံးဖြတ်ချက်ဟာ ဆီးရီးယားက ငြိမ်းချမ်းရေး ကြိုးပမ်းမှုတွေကို အားနည်းစေတယ်လို့ ရုရှက အကြောင်းပြပါတယ်။

ကုလသမဂ္ဂဆိုင်ရာ ရုရှသံအမတ်ကြီး ဗီတာလီ ချာကင်က အခု ပြဌာန်း ဆုံးဖြတ် ချက်မှာ ဆီးရီးယား အစိုးရကို လက်နက်ကိုင် ဆန့်ကျင် တိုက်ခိုက်နေတဲ့ အဖွဲ့တွေကို ထောက်ခံမှု ပေးထားတယ်လို့ ပြောပါတယ်။

ဒါ့အပြင် ဆီးရီးယားမှာ ဒီမိုကရေစီကို အသွင်ကူးပြောင်းရေး အတွက် ကုလသမဂ္ဂ အထူး ကိုယ်စားလှယ်က လုပ်ဆောင်ဖို့ ဆော်သြထားတယ်ပြီး တကယ်တမ်းမှာ ကုလ အထူး ကိုယ်စားလှယ်ရဲ့ အလုပ်က အစိုးရ ပြောင်းအောင် လုပ်ဖို့ မဟုတ်ဘဲ တွေ့ဆုံ ဆွေးနွေးမှုတွေ ဖြစ်အောင် ကြိုးပမ်းပေးဖို့သာဖြစ်တယ်လို့ ကုလသမဂ္ဂ ဆိုင်ရာ ရုရှ သံအမတ်က ပြောပါတယ်။

တဘက်မှာ ကုလသမဂ္ဂဆိုင်ရာ အမေရိကန် သံအမတ် စူဇန်ရိုင့်စကတော့ အထွေထွေ ညီလာခံရဲ့ ပြဌာန်း ဆုံးဖြတ်ချက်ကို ကြိုဆိုလိုက်ပြီး နိုင်ငံ အများစုက ဆီးရီးယား ပြည်သူတွေဘက်က ရှိနေတာကို ပြသခဲ့တယ်လို့ မှတ်ချက် ပေးပါတယ်။

အထွေထွေ ညီလာခံရဲ့ ပြဌာန်း ဆုံးဖြတ်ချက်ဟာ လက်တွေ့မှာ လက်ငင်း သက် ရောက်မှု ရှိစေတဲ့ ပြဌာန်း ဆုံးဖြတ်ချက်တော့ မဟုတ်ပါဘူး။

ဒါပေမယ့် ဒီ ပြဌာန်း ဆုံးဖြတ်ချက်ကို တင်တဲ့ အာရပ် နိုင်ငံတွေနဲ့ အနောက် နိုင်ငံတွေက ဆီးရီးယား အရေးမှာ ကမ္ဘာ့နိုင်ငံ အများစုက သူတို့ဘက်က ရှိတာကို ပြချင်ပါတယ်။

ဒီလို နိုင်ငံအများ အပြား ထောက်ခံမှု ရအောင် မူလ ပြဌာန်း ဆုံးဖြတ်ချက်ကို အများကြီး ပြန်လည် ပြင်ဆင် ခဲ့ရပါတယ်။

ဥပမာ ဆီးရီးယား သမ္မတ အာဆတ်ကို ရာထူးကဆင်းပေးဖို့ တောင်းဆိုထားချက် ကို ဖြုတ်ပစ်ခဲ့ရသလို အာရပ် အဖွဲ့ချုပ်ရဲ့ ဆီးရီးယားကို ဒဏ်ခပ် ပိတ်ဆို့မှုတွေကို ကုလသမဂ္ဂ အဖွဲ့ဝင် နိုင်ငံတွေက ထောက်ခံဖို့ အချက်ကိုလည်း ဖြုတ်ပစ်ခဲ့ရပါတယ်။

အခု ပြဌာန်း ဆုံးဖြတ်ချက်ကို ကန့်ကွက်တဲ့ နိုင်ငံ ၁၂ နိုင်ငံပဲ ရှိတယ်ဆိုပေမယ့် အဲဒိထဲမှာ ရုရှနဲ့ တရုတ် ပါနေတာကြောင့် အခု အထွေထွေ ညီလာခံရဲ့ ပြဌာန်း ဆုံးဖြတ်ချက်ဟာ လုံခြုံရေး ကောင်စီထဲက နိုင်ငံတွေကြား သဘောကွဲပြားမှုကို ပိုတောင်မှ ကြီးမား သွားစေနိုင်တယ်လို့ ဘီဘီစီ သတင်းထောက် ဘာဘရာ ပလက်က မှတ်ချက် ပေးသွားပါတယ်။

မိန်းကလေးတွေကို ကာမ ကျူးလွန်သူ မြန်မာပြည်ကို ထွက်ပြေး

အသက် ၉၃ နှစ် အရွယ် မစ္စတာ ကရော့စ် ကားလ် ဂျိုးဇက်

ထိုင်းနိုင်ငံ ချင်းမိုင်မြို့မှာ အရွယ်မရောက်သေးတဲ့ မိန်းကလေး ၄ ယောက်ကို လိင်ဆက်ဆံမှုနဲ့ တရားစွဲခံထားရတဲ့ သြစတြေးလျ နိုင်ငံသား အသက် ၉၃ နှစ် အရွယ် မစ္စတာ ကရော့စ် ကားလ် ဂျိုးဆက် ဆိုသူဟာ အာမခံနဲ့ လွတ်နေတုံး ပြီးခဲ့တဲ့ ဇွန်လလယ်က မြန်မာနိုင်ငံကို ထွက်ပြေးသွားတာ ဖြစ်ပါတယ်။

သူ့ကို မြန်မာနိုင်ငံထဲကို ခိုးဝင်မှုနဲ့ အာဏာပိုင်တွေက ကရင်ပြည်နယ် ဘားအံမြို့က တည်းခိုခန်းတခု ကနေ ဇူလိုင် လလယ်ပိုင်းက ဖမ်းဆီးရမိတာ ဖြစ်ပါတယ်။

သူခိုးဝင်တဲ့ လမ်းကြောင်းကနေ ထိုင်းဖက်ကို ပြန်ပို့ဖို့ ဆက်သွယ်ရာက ထိုင်းတရားရုံးမှာ အမှုဆိုင်ရင်းနဲ့ ထွက်ပြေးတာလို့ သိရပါတယ်။

သူအဖမ်းခံရတာက အသက် ၁၅ နှစ်အောက် မိန်းကလေးတွေကို လိင်ဆက်ဆံမှုနဲ့ ဖြစ်ပြီး အာမခံရတုံး သူထွက်ပြေးသွားတဲ့ အတွက် မြန်မာအစိုးရက သူ့ကို ကရင်ပြည်နယ်မှာ ဖမ်းဆီးရမိထားတယ်လို့ အကြောင်းကြား လာတာကြောင့် မစ္စတာကရော့စ်ကို မြန်မာအာဏာပိုင်တွေဆီက လာပြီး လက်ခံယူတာလို့ ရဲဒုဗိုလ်မှူးကြီး အဖိချာတ် ဟတ်ထာဆင် က သူ့အမှုနဲ့ ဖြစ်စဉ်နဲ့ ပတ်သက်လို့ ဘီဘီစီကို ပြောပြပါတယ်။

မြန်မာ အာဏာပိုင်တွေကတော့ ဒီကိစ္စနဲ့ပတ်သက်ပြီးတော့ တစုံတရာ ပြောဆို မှတ်ချက်ပေး သွားတာ မရှိပါဘူး။

ဘီးတပ်ခုံနဲ့ မစ္စတာကရော့စ်က သူ့ကိုဘယ်သူတွေက ဘယ်လို ခေါ်သွားသလဲဆိုတာ မပြောပေမဲ့ သူ ဟာ ပြီးခဲ့တဲ့ ရက်သတ္တ လေးပတ်တုံးက မဲဆောက် မြဝတီလမ်းကြောင်းကနေ ဘားအံကို သွားတယ်ဆိုတာ လောက်ပဲ မြန်မာအာဏာပိုင်တွေက သူ့ကို ထိုင်းအရာရှိတွေ လက်ထဲကို လွှဲပြောင်းပေးတဲ့ အချိန်မှာ ထွက်ဆိုခဲ့ ပါတယ်။

ထိုင်းနဲ့မြန်မာ အစိုးရတွေကြားမှာ နယ်စပ်ဖြတ်ကျော် ရာဇ၀တ်မှု ကျူးလွန်သူတွေကို ပြန်ပေးဖို့ သဘောတူထားတဲ့ အတိုင်း နှစ်နိုင်ငံဖက်မှာ ခိုးဆိုး၊ လုယက်၊ သတ်ဖြတ်မှု ကျူးလွန်သူတွေကို ဖမ်းဆီးရမိတိုင်း တဖက်ကို တဖက် ပြန်ပေးလေ့ ရှိပါတယ်။

ထိုင်းနိုင်ငံမှာ ကျူးလွန်တဲ့ ပြစ်မှုအတွက် တရား ရင်ဆိုင်နေရဆဲ မြန်မာနိုင်ငံကို ထွက်ပြေးတဲ့ နိုင်ငံခြားသားကို ဖမ်းဆီးရမိပြီး ထိုင်းဖက်ကို ပြန်ပို့ပေးတာ ဒါဟာ ပထမဆုံးအကြိမ် ဖြစ်ပါတယ်။

အမေရိကန် အလုပ်အကိုင် ရမှုတိုးလာ

အမေရိကန် အလုပ်အကိုင် အခွင့်အလမ်း ရှာပွဲ

အမေရိကန် ပြည်ထောင်စုမှာ အလုပ်အကိုင်သစ် ရရှိမှု တိုးလာတဲ့ ကိန်းဂဏန်းတွေ ထွက်ပေါ်လာခဲ့ ပြီးတဲ့နောက် မနေ့က သောကြာနေ့ ဈေးပိတ်ချိန်မှာ ကမ္ဘာ့ ဈေးကွက်က အစုရှယ်ယာဈေးတွေ တက်လာခဲ့ပါတယ်။

ပြီးခဲ့တဲ့ ငါးလထက် စာရင် ဇူလိုင်လမှာ အမေရိကန် ပြည်ထောင်စုမှာ အလုပ်အကိုင်သစ် ရရှိမှု တိုးလာတာ ဖြစ်ပါတယ်။

အခုလို အလုပ်အကိုင်သစ်တွေ ရလာကြပေမယ့် အားလုံးခြုံကြည့်ရင် အလုပ်လက်မဲ့နှုန်းဟာ ပြီးခဲ့တဲ့ လအတွင်းမှာ အနည်းအကျဉ်း တက်နေဆဲ ဖြစ်ပါတယ်။

အမေရိကန် ငွေကြေး ဈေးကွက်မှာ ဒေါင်းဂျုံး အစုရှယ်ယာ အညွှန်းကိန်းဟာ တစ် ဒဿမ ငါးရာခိုင်နှုန်း တက်သွားခဲ့တာ ဖြစ်ပါတယ်။

ဥရောက အဓိက အစုရှယ်ယာတွေတည်း တက်သွားတယ်လို့ သိရပါတယ်။

သမ္မတ Obama အိုဘားမားကတော့ အလုပ်အကိုင် ရှာဖွေသူ အများအပြား ရှိနေဆဲ ဆိုတာကို ဝန်ခံခဲ့ပေမယ့် သူ့ပြိုင်ဖက် ရီပါဘလစ်ကန် သမ္မတလောင်း Mitt Romney ကတော့ ဒီ အလုပ်အကိုင်သစ် ဖန်တီးနိုင်မှု သတင်းတွေက လူလတ်တန်းစားတွေအတွက် ထိုးနှက်ချက် တရပ်ဘဲလို့ ပြောပါတယ်။

ဗုံးခွဲမှုနဲ့ သေဒဏ်စီရင်ခံထားရသူ ကိုဖြိုးဝေအောင် ပြန်လွတ်

သေဒဏ်ချခံထားရာက ပြန်လွတ်လာတဲ့ ကိုဖြိုးဝေအောင်

၂၀၁၀ ခု သင်္ကြန်အတွင်းက ရန်ကုန်မြို့ ကန်တော်ကြီးစောင်းမှာ ရှိတဲ့ X2O ရေကစား မဏ္ဍပ် ဗုံးပေါက်ကွဲမှုမှာ တရားခံအဖြစ်စွပ်စွဲခံရပြီး သေဒဏ်စီရင်ချက်ချခံထားရတဲ့ ကိုဖြိုးဝေအောင်ကို ဒီကနေ့မှာတော့ လွတ်ငြိမ်းသက်သာခွင့် ပေးပြီး ပြန်လွှတ်ပေးလိုက်ပါပြီ။

ကိုဖြိုးဝေအောင်ဟာ အသဲကင်ဆာ ရောဂါခံစားနေရပြီး ခန္ဓာကိုယ် အောက်ပိုင်းလဲ မလှုပ်မရှားနိုင် ဖြစ်နေလို့ အင်းစိန်ဆေးရုံမှာ တက်ရောက် ကုသခံယူနေရသူပါ။

သူ့ကို ထောင်အရာရှိတွေက ဒီကနေ့မနက်မှာပဲ လွှတ်ပေးမဲ့ အကြောင်း လာပြောခဲ့တယ်၊ နိုင်ငံတော်သမ္မတက လွတ်ငြိမ်းသက်သာခွင့် ပေးလိုက်ကြောင်း ဝန်ကြီးရဲ့ အမိန်စာကို ဖတ်ပြခဲ့တယ်လို့ဆိုပါတယ်။

သူ့ကို ဘာကြောင့် ပြန်လွှတ်ပေးလိုက်တယ်ဆိုတာ မသိပေမဲ့ ကျန်းမာရေး မကောင်းတာကတကြောင်း၊ တခါ အခု မြန်မာနိုင်ငံမှာ ရောက်ရှိနေတဲ့ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ ကင်တားနားကလည်း လွှတ်ပေးဖို့ တောင်းဆိုခဲ့တဲ့ အတွက်လဲ ဖြစ်လိမ့်မယ်လို့ ယုံကြည်တဲ့အကြောင်း ကိုဖြိုးဝေအောင်က ဘီဘီစီကို ပြောပါတယ်။

အခုအမှုမှာတော့ သူနဲ့ ပတ်သက်မှုမရှိပဲ အတင်းဖိအားပေးလို့ ဝန်ခံခဲ့ရတဲ့ အကြောင်း၊ဒါနဲ့ ပတ်သက်လို့ ဖြောင့်ချက်ဆိုတဲ့ ကိစ္စကို စာတန်းတစောင်ပြုစုသွားဖို့ စိတ်ကူးရှိတဲ့ အကြောင်း ပြောပါတယ်။

သူ့ဖက်က သက်သေတွေကိုလဲ တင်ပြပြီး ရှင်းလင်းသွားဖို့ အစီအစဉ်ရှိတယ်လို့လဲ ဆိုပါတယ်။

သူ့ကို အမှုစွဲဆိုဖြစ်တဲ့ အကြောင်းက ဗုံးခွဲသူတရားခံ တယောက်က သူ့မိတ်ဆွေ ဖြစ်နေပြီး၊ သူ့ဆီလည်း ဒီနှစ်ဆန်းက ရောက်လာခဲ့ဖူးတဲ့ အတွက် ဆက်စပ်ပြီး သူ့ကို တရားခံ အဖြစ်ဖမ်းဆီး စွပ်စွဲပြီး ပစ်ဒဏ်ချခဲ့တာဖြစ်တယ်လို့ ကိုဖြိုးဝေအောင်က ဘီဘီစီကို ပြောပြခဲ့ပါတယ်။

အိုလံပစ် ဆဌမနေ့ ဗြိတိန် ရွှေ သုံးခု ယူ

အမျိုးသား အသင်းလိုက် စက်ဘီးပြိုင်ပွဲ ရွှေရသွားတဲ့ ဗြိတိန်အသင်း

လန်ဒန် အိုလံပစ် ဆဌမမြောက်နေ့မှာ ဗြိတိန် အသင်းက တရက်ထဲ ရွှေ သုံးခု ယူပြီး နိုင်ငံအလိုက် ဆုရရှိမှု ဇယားမှာ နံပါတ် ငါးနေရာထိ တက်လာခဲ့ပါတယ်။

အမျိုးသား အသင်းလိုက် စက်ဘီးမှာ ဗြိတိန်က ခရစ်ဟွိုင်း၊ ဂျေဆင်ကယ်နီနဲ့ ဖိလစ် ဟိုင်းဒက်စတို့ အတွဲက ဖိုင်နယ်အတွက် လူရွေးပွဲမှာ သူတို့ကိုယ်တိုင် တင်ထားတဲ့ ကမ္ဘာ့စံချိန်ကို ချိုးနိုင်ခဲ့သလို ဖိုင်နယ် မှာလည်း ပထမ ရွှေတံဆိပ် ရပါတယ်။

အမျိုးသမီး အသင်းလိုက်မှာ တရုတ်က ပထမရပေမယ့် စည်းကမ်းနဲ့ ငြိတဲ့အတွက် ဒုတိယရတဲ့ ဂျာမနီ အသင်းကို ရွှေတံဆိပ် ပေးလိုက်ရပါတယ်။

ဗြိတိန် အသင်းအတွက် ကျန်တဲ့ ရွှေနှစ်ခုမှာ တခုက အမျိုးသား နှစ်ယောက်တွဲ ကနူး လှေပြိုင်ပွဲကလာပြီး နောက်တခုကတော့ အမျိုးသား သေနတ်ပစ်ကနေ ရတာ ဖြစ်ပါတယ်။

ပြိုင်ပွဲ ဆဌမနေ့ တရက်ထဲမှာ အမေရိကန်တွေက ရွှေတံဆိပ် ၆ ခု ယူသွားပြီး တရုတ်နဲ့ ရွှေတံဆိပ် အရေအတွက်တူ ဆယ့်ရှစ်ခု ရလိုက်ပါတယ်။

အမျိုးသမီး ဂျူဒို ၇၈ ကီလိုတန်းမှာ အမေရိကန်က ကေလာ ဟယ်ရစ်ဆင် ရွှေတံဆိပ်ရပြီး အမေရိကန်တွေထဲမှာ အမျိုးသမီး ဂျူဒိုမှာ ပထမဆုံး အိုလံပစ် ရွှေရသူ ဖြစ်လာပါတယ်။

ဂျူဒိုအပြင် အမျိုးသမီး တဉီးချင်း ဂျွမ်းဘားနဲ့ အမျိုးသမီး ရှစ်ယောက်တွဲ လှေလှော်တို့ကနေ အမေရိကန်တို့က ရွှေတံဆိပ် တခုစီ ယူပေးခဲ့ပါတယ်။

အမျိုးသား မီတာ ၂၀၀ တဉီးချင်း လေးမျိုးစုံကနေ မိုက်ကယ်ဖဲ့ ရွှေရ

ဒီကနေ့မှာ ရေကူးရွှေလေးခု ပေးရာမှာ သုံးခုကို အမေရိကန်တွေက ယူသွားပါတယ်။

အမျိုးသား မီတာ နှစ်ရာ တဉီးချင်း လေးမျိုးစုံမှာ အိုလံပစ် ဆုတံဆိပ် အများဆုံး ရထားပြီးသား မိုက်ကယ်ဖဲ့က ရွှေတခု ထပ်ယူခဲ့သလို အမျိုးသား မီတာ နှစ်ရာ ပက်လက်ကူးမှာ တိုင်လာ ကလာရီနဲ့ အမျိုးသမီး မီတာ နှစ်ရာ ရင်ဘောင်တန်းမှာ ရက်ဘက်ကာ ဆိုနီတို့က USA အသင်းအတွက် ရွှေသုံးခု ယူပေးခဲ့ပါတယ်။

ဆဌမနေ့ရဲ့ ရေကူးနောက်ဆုံး ရွှေကိုတော့ အမျိုးသမီး မီတာ တရာ လက်ပစ်ကူးမှာ နယ်သာလန်က ခရိုမိုဝစ်ဂျိုဂျိုက ယူသွားပါတယ်။ ဒီရွှေတံဆိပ်ဟာ နယ်သာလန် ရဲ့ ဒုတိယမြောက် ရွှေဖြစ်ပါတယ်။

ရေကူးမှာ အမေရိကန်တွေ ကြီးစိုးထားသလို ပင်ပေါင်နဲ့ ကြက်တောင်ကို တရုတ် တွေ ကြီးစိုးထားပါတယ်။

အမျိုးသား တဉီးချင်း စားပွဲတင် တင်းနစ် ဗိုလ်လုပွဲကို တရုတ် ကစားသမား နှစ်ယောက် တက်လာခဲ့ပြီး ကျန်းကျိုက်က တနိုင်ငံထဲသား ဝမ်းဟောင်ကို လေးပွဲ တပွဲနဲ့ အနိုင်ရ ဗိုလ်စွဲသွားပါတယ်။

ရေကူးပွဲစဉ် အားလုံးနီးပါး မနက်ဖန်မှာ ပြီးဆုံးမှာ ဖြစ်ပြီး ဒီကနေ့မှာ ပြေးခုန်ပစ် အားကစားပွဲတွေ စပါပြီ။

ပြေးခုန်ပစ် ပထမနေ့မှာ အမျိုးသမီး မီတာ တသောင်းနဲ့ အမျိုးသား သံလုံးပစ် တို့ကနေ ရွှေတံဆိပ် ဆုရှင် နှစ်ယောက် ဒီည ပေါ်ထွက်လာမှာ ဖြစ်ပြီး ဘယ်သူတွေ ဖြစ်မလဲဆိုတာ စောင့်ကြည့်ရမှာပါ။

ကာကွယ်ရေး ဦးစီးချုပ်ရဲ့ အိန္ဒိယ ခရီးစဉ်

ကာကွယ်ရေး ဦးစီးချုပ် ဒုဗိုလ်ချုပ်မှူးကြီး မင်းအောင်လှိုင်

ကာကွယ်ရေးဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်ဟာ အိန္ဒိယ နိုင်ငံကို တပတ်တာ အလည် အပတ်ခရီးစဉ်အဖြစ် ရောက်ရှိနေပါတယ်။

ဒီခရီးစဉ်ကို အိန္ဒိယ ကာကွယ်ရေးဦးစီးချုပ်က ဖိတ်ကြားခဲ့တာဖြစ်ပြီး ကာကွယ်ရေး ဦးစီးချုပ် မင်းအောင်လှိုင်ရဲ့ ပထမဆုံး အိန္ဒိယ ခရီးစဉ်လည်း ဖြစ်ပါတယ်။

အိန္ဒိယ ကာကွယ်ရေးဝန်ကြီး၊ ကြည်း၊ ရေ၊ လေ စစ်ဦးစီးချုပ်တွေနဲ့ မြန်မာ ကာချုပ်တို့ တွေ့ဆုံခဲ့ကြပြီး မြန်မာစစ်တပ်ကို သင်တန်းပေး လေ့ကျင့်ရေး၊ စစ်ဘက်ဆိုင်ရာ အထောက်အကူ ပစ္စည်းတွေ ပေးရေးကို ဆွေးနွေးခဲ့တယ်လို့ ဆိုပါတယ်။

နှစ်နိုင်ငံ နယ်စပ် လုံခြုံရေးနဲ့ သူပုန်တိုက်ဖျက်ရေး တို့အတွက်လည်း ဆွေးနွေးခဲ့ကြပါတယ်။

မြန်မာအစိုးရသစ် တက်လာပြီးနောက် သမ္မတဦးသိန်းစိန်က ၂၀၁၁ အောက်တိုဘာလမှာ အိန္ဒိယကို သွားရောက်ခဲ့သလို၊ အိန္ဒိယ ဝန်ကြီးချုပ် မန်မိုဟန်ဆင်းကလည်း ၂၀၁၂ မေလမှာ မြန်မာနိုင်ငံကို သွားခဲ့ပါတယ်။

မြန်မာ ပို့ကုန် အမေရိကန် ဆက်ပိတ်

သုံးနှစ် ဆက်ပြီး မြန်မာကုန် ပို့ခွင့်ပိတ်

မြန်မာ ပို့ကုန် တွေကို ဆက်ပြီး တင်ပို့ခွင့် ပိတ်ပင်ထားဖို့ အမေရိကန် ကွန်ဂရက် လွှတ်တော်က မဲခွဲ ဆုံးဖြတ် ခဲ့ပါတယ်။

ဆီးနိတ် လွှတ်တော်မှာ မဲခွဲ ပြီးရင် သမ္မတ အိုဘားမားက ဥပဒေ အဖြစ် လက်မှတ် ရေးထိုး ထုတ်ပြန်မှာပါ။

ပြည်တွင်း လုပ်ငန်းရှင် တွေနဲ့ မြန်မာ အစိုးရက ဒီဆုံးဖြတ်ချက်ကို ကြိုဆိုမှာ မဟုတ်ပေမယ့် ပိတ်ဆို့မှု တခု ပယ်ဖျက်ပြီးရင် နောက်ထပ် ပြန်ချမှတ်ဖို့ မလွယ်တာ ကြောင့် အခြေအနေ လိုက်ပြီး တဆင့်ချင်း ဆိုင်းငံ့ ရုပ်သိမ်း သွားဖို့ အမေရိကန် ဘက်က လိုလားပုံ ရတယ်လို့ ရန်ကုန်မြို့က စီးပွားရေး သတင်းစာ ဆရာ ဦးသီဟစောက ဆိုပါတယ်။

မြန်မာ ပြည် ပြုပြင် ပြောင်းလဲရေး လိုလားသူ တွေရဲ့ ဆောင်ရွက်ချက် တွေကို အမေရိကန်က အကဲခတ် နေတယ်လို့လဲ သူက ဆိုပါတယ်။

ဒေါ်အောင်ဆန်းစုကြည်ရဲ့ နောက်လ အမေရိကန် ခရီးနဲ့ သမ္မတ ဦးသိန်းစိန်ရဲ့ အောက်တိုဘာ ကုလ သမဂ္ဂ အထွေထွေ ညီလာခံ ခရီး တွေက ပိတ်ဆို့မှု တွေ အပေါ် သက်ရောက် နိုင်ပါတယ်။

ဒါပေမယ့် ပြည်တွင်းက ပြုပြင်ရေး တွေကသာ ပိုပြီး အဓိကကျတယ်လို့ Open News ဂျာနယ် အယ်ဒီတာချုပ် ဦးသီဟစောက သုံးသပ် ပါတယ်။

အမေရိကန် မူဆလင်မ်ရေးရာ ကိုယ်စားလှယ် မြန်မာနိုင်ငံခရီး

ရန်ကုန် ဗလီကျောင်းတကျောင်းတွင်း ရာမာဒန် ဥပုသ်ထွက် ဝတ်ပြုဆုတောင်းနေစဉ် (၀၈၊ ၃၁၊ ၂၀၁၁။)

အမေရိကန် နိုင်ငံခြားရေးဝန်ကြီးဌာန မူဆလင် လူ့အဖွဲ့အစည်းဆိုင်ရာ အထူးကိုယ်စားလှယ် မစ်္စဖာရာပန်ဒစ်သ် (Farah Pandith) ဟာ မြန်မာနိုင်ငံကို ဇူလိုင်လ (၂၈) ရက်နေ့ကနေ သြဂုတ်(၁) ရက်နေ့အထိ သွားရောက်ခဲ့တယ်လို့ သြဂုတ်လ (၃) ရက်နေ့က အမေရိကန် နိုင်ငံခြားရေး ၀န်ကြီးဌာနက ပြောကြားပါတယ်။

မြန်မာနိုင်ငံမှာ မစ္စပန်ဒစ်သ်ဟာ လူထုအခြေပြု လူမှုအဖွဲ့အစည်းတွေ၊ တိုင်းရင်းသားတွေရဲ့ ဘာသာရေး အဖွဲ့အစည်းတွေ၊ ရိုဟင်ဂျာအဖွဲ့အစည်းတွေ၊ လူငယ် အဖွဲ့အစည်း ခေါင်းဆောင်တွေ၊ ပြည်တွင်းနဲ့ နိုင်ငံ တကာ လူမှုရေး အဖွဲ့အစည်းတွေနဲ့ သာသနာရေး ပြည်ထောင်စုဝန်ကြီးနဲ့ပါ တွေ့ဆုံခဲ့တယ်လို့ ပြောဆိုခဲ့ ပါတယ်။

မြန်မာနိုင်ငံထဲက မူဆလင်အဖွဲ့အစည်းတွေနဲ့ ပညာရေး၊ တရားဥပဒေ စိုးမိုေးရးနဲ့ စီးပွားရေး လုပ်ဆောင်နိုင်မှု အခွင့်အလမ်းတွေ အပါအ၀င် ပူးပေါင်း ဆောင်ရွက်နိုင်တဲ့ နယ်ပယ်တွေကို လူငယ်တွေနဲ့ အဓိကထားပြီး ဆွေးနွေးခဲ့တယ်လို့ အမေရိကန်နိုင်ငံခြားရေးဝန်ကြီးဌာနက ဆိုပါတယ်။

ဇူလိုင်လ (၃၀) ရက်နေ့က ရန်ကုန်မြို့အမေရိကန်သံရုံးက အစ်ဖ်တာ (Iftar) အစ္စလမ်ဘာသာရေးပွဲ အပါအ၀င် မူဆလင်တွေရဲ့ ရာမာဒန် (Ramadan) ဥပုသ်ကာလ ဘာသာရေး စီစဉ်ဆောင်ရွက်မှုတွေ မှာလည်း အမေရိကန်နိုင်ငံခြားရေးဝန်ကြီးဌာန မူဆလင် လူ့အဖွဲ့အစည်းဆိုင်ရာ အထူးကိုယ်စားလှယ် မစ္စဖာရာပန်ဒစ်သ် က ပါဝင်ဆင်နွှဲခဲ့တယ်လို့ ဆိုပါတယ်။

ရကူးချန်ပီယံ Phelps ဆုတံဆိပ် အရေအတွက် စံချိန်တင်

 အိုလံပစ်မှာ ဆုတံဆိပ် ၂၁ ခု ဆွတ်ခူးနိုင်ခဲ့သော အမေရိကန် ရေကူးချန်ပီယံ Michael Phelps (၀၈၊၀၃၊၂၀၁၂။)

သြဂုတ်လ (၃) ရက်နေ့က အကြိမ် (၃၀) မြောက် ၂၀၁၂ လန်ဒန် နွေရာသီ ကမ္ဘာ့အိုလံပစ် အားကစား ပြိုင်ပွဲရဲ့ အမျိုးသားမီတာ (၁၀၀) လိပ်ပြာကူးပြိုင်ပွဲမှာ ကမ္ဘာကျော် အမေရိကန် ရေကူး ချန်ပီယံ မိုက်ကယ်လ် ဖဲ့လ်စ် (Michael Phelps) က ရွှေတံဆိပ်ဆုကို ဆွတ်ခူးခဲ့တာကြောင့် အိုလံပစ်သမိုင်း မှာ တစ်ဦးတည်း ဆုတံဆိပ်ပေါင်း (၂၁) ခု ရရှိထားသူအဖြစ် မှတ်တမ်းဝင်သွားပြီ ဖြစ်ပါတယ်။

အသက် (၁၇) နှစ်အရွယ် အမေရိကန်အမျိုးသမီး ရေကူးသမား မစ်ဆီဖရန်ကလင် (Missy Franklin) ကလည်း အမျိုးသမီးမီတာ (၂၀၀) နောက်ပြန်ကူး ပြိုင်ပွဲမှာ ပထမရခဲ့တာကြောင့် ဒီ အိုလံပစ်ပြိုင်ပွဲမှာ သူမရဲ့ တတိယမြောက် ရွှေတံဆိပ်ဆုကို ရရှိသွားခဲ့ပါတယ်။ ပြီးခဲ့တဲ့ သီတင်းပတ်တွေမှာ အမေရိကန် ပြေးခုန်ပစ် အားကစားသမားတွေ အခြေမလှ ဖြစ်ခဲ့ရပေမယ့် အမေရိကန် ရေကူး အားကစားသမားတွေက အမေရိကန် အိုလံပစ်အသင်းကို မျက်နှာပန်း လှစေခဲ့ပါတယ်။

အမျိုးသမီး (၇) မျိုးစုံ (Heptathlete) ပြေးခုန်ပစ် ပြိုင်ပွဲထဲက မီတာ (၁၀၀) တန်းကျော် ပြေးပွဲမှာ ဗြိတိန်သူ ဂျက်ဆီကာအဲနစ်(စ်) (Jessica Ennis) က ကမ္ဘာ့အကောင်းဆုံး စံချိန်နဲ့ ပန်းဝင်ခဲ့ တာကြောင့် အိမ်ရှင်ဗြိတိသျှ ပရိသတ်ကို ရင်ခုန်စိတ်လှုပ်ရှားစေခဲ့ပါတယ်။

အီသီယိုးပီးယားက အမျိုးသမီး မီတာ (၁၀၀၀၀) (၇) ကြိမ်မြောက် ကမ္ဘာ့ချန်ပီယံဖြစ်ခဲ့သူ တီရွန်နက်ရှ် ဒီဘာဘာ (Tirunesh Dibaba) က ကင်ညာနိုင်ငံက ဆယ်လီကစ်ပ်ယေဂို (Sally Kipyego) ထက် (၆) စက္ကန့်အသာ ကင်ညာနိုင်ငံကပဲ လက်ရှိ ကမ္ဘာ့ချန်ပီယံ ဗီဗီယံချဲရီးယွတ် (Vivian Cheruiyot) ထက် (၁၀) စက္ကန့်အသာနဲ့ ပန်းဝင်ခဲ့ပါတယ်။

တောင်ကိုးရီးယားက မြားပစ်သမား အိုဂျင်ဟတ် (Oh Jin-Hyek) က တောင်ကိုးရီးယားအတွက် ပထမဆုံး ရွှေတံဆိပ်ကို ဆွတ်ခူးခဲ့ပါတယ်။

ဂျမေကာနိုင်ငံက တာတိုအပြေးသမား ယူဆိန်းဘို့လ်(တ်) (Usain Bolt) က ပြီးခဲ့တဲ့ တနင်္ဂနွေနေ့က မီတာ (၁၀၀) ပြိုင်ပွဲနဲ့ ပြီးခဲ့တဲ့ လေးရက်က မီတာ (၂၀၀) ပြိုင်ပွဲတွေမှာ သူ့ရဲ့ လက်ရှိ ချန်ပီယံ အနေအထားကို ထိန်းထားနိုင်ခဲ့ပါတယ်။

အိုလံပစ်အားကစားပွဲတွေမှာ အမျိုးသမီး အားကစား သမားတွေ စေလွှတ်လေ့ မရှိတဲ့ နိုင်ငံတွေက အခု လန်ဒန်အိုလံပစ်ပွဲမှာတော့ အမျိုးသမီး အားကစား သမားတွေ စေလွှတ်ခဲ့တာကြောင့် သြဂုတ်လ (၃) ရက်နေ့က ဆော်ဒီ အာရေးဗီးယား အမျိုးသမီး ဂျူဒို အားကစားသမား၊ ကာတာနိုင်ငံ အာဖဂန် နစ္စတန်နဲ့ အီရတ်နိုင်ငံတွေက အမျိုးသမီး မီတာ (၁၀၀) အပြေးသမားတွေ ၀င်ရောက် ယှဉ်ပြိုင် ကစားကြတာကိုလည်း တွေ့ခဲ့ကြရပါတယ်။

ဦးဝဏ္ဏမောင်လွင် တောင်ကိုရီးယားရောက်

မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်နဲ့ တောင်ကိုရီးယား နိုင်ငံခြားရေးဝန်ကြီး Kim Sung-hwan (၀၈၊ ၀၃၊ ၂၀၁၂)

မြန်မာ နိုင်ငံခြားရေးဝန်ကြီး ဦးဝဏ္ဏမောင်လွင်ဟာ တောင်ကိုရီးယား နိုင်ငံခြားရေးဝန်ကြီး Kim Sung Hwan နဲ့ ဒီကနေ့ တောင်ကိုရီးယားနိုင်ငံ ဆိုးလ်မြို့တော်မှာ တွေ့ဆုံပြီး နှစ်နိုင်ငံ ပူးပေါင်း ဆောင်ရွက်ရေး ကိစ္စတွေကို ဆွေးနွေးခဲ့ကြပါတယ်။

ကုန်သွယ်ရေး၊ ရင်းနှီးမြှုပ်နှံမှု၊ သဘာဝ အရင်းအမြစ်နဲ့ အခြေခံအဆောက်အဦ ဖွံ့ဖြိုးတိုးတက်ရေးဆိုင်ရာ ကိစ္စတွေမှာ နှစ်နိုင်ငံ ပူးပေါင်းဆောင်ရွက်မှုတွေ ဘယ်လို တိုးမြှင့်သွားနိုင်မလဲဆိုတဲ့ နည်းလမ်းတွေ ကို နိုင်ငံခြားရေး ၀န်ကြီးတွေ ရှာဖွေ ဆွေးနွေးခဲ့ကြတဲ့အကြောင်း တောင်ကိုရီးယား နိုင်ငံခြားရေးဌာန တာဝန်ရှိသူတွေက ပြောပါတယ်။

သြဂုတ်လ ၂ ရက်နေ့က စတင်ခဲ့တဲ့ လေးရက်ကြာ တောင်ကိုရီးယား ခရီးစဉ်အတွင်း မြန်မာနိုင်ငံခြားရေး ၀န်ကြီး ဦးဝဏ္ဏမောင်လွင်ဟာ တောင်ကိုရီးယား ၀န်ကြီးချုပ် Kim Hwang-sik နဲ့လည်း ဒီကနေ့ အစောပိုင်းက တွေ့ဆုံခဲ့ပါတယ်။

ပြီးခဲ့တဲ့ မေလကလည်း မြောက်ကိုရီးယား သမ္မတ အီမြောင်ဘတ် မြန်မာနိုင်ငံကို နှစ်ရက်ကြာခရီး သွားရောက်ခဲ့သလို ကုန်သွယ်ရေးနဲ့ ရင်းနှီးမြှုပ်နှံမှု ကိစ္စရပ်တွေကို သမ္မတ ဦးသိန်းစိန်နဲ့ နေပြည်တော် မှာ တွေ့ဆုံ ဆွေးနွေးခဲ့ပါသေးတယ်။ မြန်မာနိုင်ငံဟာ ၁၉၇၅ ခုနှစ်ကတည်းက တောင်နဲ့မြောက် ကိုရီးယားနိုင်ငံတွေနဲ့ သံတမန် ဆက်ဆံရေး စတင် တည်ဆောက်လာခဲ့တာ ဖြစ်ပါတယ်။