`စတုထ္ထမဏ္ဍိုင်ကို ချည်နှောင်ထားသေးသော အောက်ခြေမှ ကြိုးနီစလေးများ´´

by အား မာန် on Wednesday, November 9, 2011 at 3:13pm

နိုင်ငံတော်သမ္မတကြီး ဦးသိန်းစိန်မှ စာနယ်ဇင်းများနှင့် သတင်းမီဒီယာများအား တိုင်းပြည်အတွက် စတုထ္ထမဏ္ဍိုင် အဖြစ် ထားရှိပြီး အားကိုးကြောင်း မိန်းခွန်းများမှာ ကြားသိနေရပါတယ်။ ဒီမိုကရေစီစနစ်ဖြင့် တိုင်းပြည်တိုးတက် ကောင်းစားရေး အတွက် ဥပဒေပြုရေးမဏ္ဍိုင်၊ တရားစီရင်ရေးမဏ္ဍိုင်၊ အုပ်ချုပ်ရေးမဏ္ဍိုင်ကြီးများ(၃)ခု အား စတုထ္ထမဏ္ဍိုင် ဖြစ်တဲ့စာနယ်ဇင်းသမားများမှတဆင့် (ပဉ္စမမဏ္ဍိုင်ဟု ခေါ်ဆိုနိုင်သော ပြည်သူများ)၏ အသံကို ကြားချင်ကြပါတယ်လို့ ဆိုထားပါတယ်။ ဒါကြောင့် ပြည်သူ့အသံ၊ လွှတ်တော်အသံ။ ပြည်သူ့ဆန္ဒ၊ လွှတ်တော်ဆန္ဒ။ ဖြစ်စေရမည်ဟု ယခုနိုင်ငံတော်အစိုးရသစ်အဖွဲ့ နှင့် ပြည်သူ့လွှတ်တော်များမှသံဓိဌာန်ချမှတ်ပြီး အကောင်အထည်ဖော်၍ ဆောင်ရွက်နေ ကြပါတယ်ခင်ဗျာ..။ ပြည်သူ့အသံ၊ ပြည်သူ့ဆန္ဒကို အလေးထားဆောင်ရွက်ပေးခြင်းဖြစ်တဲ့ နိုင်ငံတော်သမ္မတကြီး ဦးသိန်းစိန်မှ (ဧရာဝတီမြစ်ဆုံဆည် စီမံကိန်းကြီး) အား ရပ်ဆိုင်းပေးလိုက်ခြင်းက သက်သေပြနေပါတယ်။

သတင်းမီဒီယာလွတ်လပ်ခွင့်ကိုလည်း နေပြည်တော် ပြည်သူလွှတ်တော်များ အတွင်းအထိ ပြည်တွင်း၊ပြည်ပမှ သတင်းထောက်များကို တံခါဖွင့်ထားပါတယ်။ ယခုဆိုလျှင် နေပြည်တော်မှာ ပြည်ပသတင်းဌာနများဖြစ်တဲ့ ဗီအိုအေ သတင်းဌာနနှင့် ဘီဘီစီသတင်းဌာနများမှ အခြေစိုက်သတင်းထောက်များကိုပါ နေထိုင်ခွင့်ပြုပြီး သတင်းယူနိုင်ရန် သတင်းလွတ်လပ်ခွင့် များကို ဖွင့်ပေးထားတာ ကမ္ဘာသိဖြစ်ပါတယ်။
သို့သော်.. အထက်ပိုင်းအဆင့်များတွင် ပြောင်းလဲနေသော်လည်း အောက်ခြေအဆင့်များမှာ ယခင်ကအတိုင်း အချို့နေရာများမှာ ပြုပြင် ပြောင်းလဲမှု မရှိကြသေးပါ။ အရာရာကိစ္စများမှာ အကြောက်တရားများ စိုးမိုးနေကြသည် ထင်ပါတယ်။ စာရေးသူ သတင်းသွားယူစဉ်က အဖြစ်မှန် သာဓက တစ်ခုကို တင်ပြပါရစေ….။

ကျွန်တော် ၂၀၁၁၊ အောက်တိုဘာလထဲမှာ သဘာဝဘေးဒါဏ်ကျရောက်နေတဲ့ ဒေသများကို သွားရောက်သတင်းယူခဲ့ ပါတယ်။ သတင်းဓာတ်ပုံများရိုက်ပါတယ်။ တာဝန်ရှိသူ ရပ်ကွက်/ကျေးရွာ အုပ်ချုပ်ရေးမှူးများထံ သတင်းမေးမြန်းပါတယ်။ ဘေးအန္တရာယ် ဖြစ်ပေါ်၍ ပျက်စီးနေသော ဓာတ်ပုံများကို သတင်းမှတ်တမ်းတင်နေစဉ် ကျွန်တော့်ကို တာဝန်ကျ လုံခြုံရေးရဲတပ်သား တစ်ဦး မှ အထက်အရာရှိထံ တွေ့ဆုံရန်ဆိုပြီး လာရောက်ခေါ်ပါတယ်။ လိုက်သွားခဲ့ပါတယ်။ အနီးစပ်ဆုံး ကယ်ဆယ်ရေးစခန်းတစ်ခု ကို ရောက်သွားပါတယ်။ ကံကောင်းချင်တော့ ကယ်ဆယ်ရေးစခန်းက ဘုန်းကြီးကျောင်းမှ ကျောင်းထိုင်ဆရာတော်ဘုရားမှာ ကျွန်တော်နှင့် ယခင်က ရင်းနှီးကျွမ်းဝင်ခဲ့တဲ့ ဆရာရင်း၊ ဒကာရှင်း ဖြစ်နေပါတယ်။ ဆရာတော်မှ ကယ်ဆယ်ရေးစခန်းမှာရှိနေကြတဲ့ ကျေးရွာအုပ်ချုပ်ရေးမှူးဆိုသူရယ်၊ ကျွန်တော့်ကို ခေါ်လာသောရဲတပ်သားနဲ့ ကယ်ဆယ်ရေးအဖွဲ့ရှိ ပုဂ္ဂိုလ်များကို ကျွန်တော့အား မိတ်ဆက်ပေးပါတယ်။ ကျွန်တော့်ထံပါလာတဲ့ နိုင်ငံသားစီစစ်ရေးကဒ်၊ မြန်မာနိုင်ငံ စာပေနှင့်စာနယ်ဇင်းအဖွဲ့ဝင်ကတ် ၊ ဂျာနယ်တိုက်က သတင်းထောက် သတင်းယူရန် ဂျာနယ်တိုက်မှ ထုတ်ပေးထားသော ဓာတ်ပုံပါ လည်ဆွဲကတ် စတာတွေကို ထုတ်ပြပါတယ်။ ဒါနဲ့ ..စာရေးသူလည်း အိုကေပြီထင်လို့ ကယ်ဆယ်ရေးစခမ်းက ကျေးရွာအုပ်ချုပ်ရေးမှူးကို သိလိုသော သတင်းအချက်အလက် များကို မေးမြန်းပါတယ်။ အင်း… ဟုတ်ကဲ့ ခဏနေပါအုံး။ ကျွန်တော်တို့ မြို့နယ်အုပ်ချုပ်ရေးမှူးထံ ဖုန်းဆက်ပါရစေ.. ဆိုပြီးထွက်သွားပါတယ်။

ကျောင်းထိုင်ဆရာတော်ကိုကပ်ပြောသွားပါတယ်။ ဆရာတော်ဧည့်သည်ကို ခေတ္တထိမ်းထားပေးပါ ဆိုပြီး မှာသွားပါတယ်။ တော်တော်လေးကြာတော့ ကျေးရွာအုပ်ချုပ်ရေးမှူးဆိုသူ ပြန်လာပါတယ်။ ဆရာတော်ရဲ့ မိတ်ဆွေဧည့်သည်လည်း ဖြစ်နေတော့ ကဲ.. သိလိုတာကို မေးပါလို့ သူကဆိုပါတယ်။ ကျွန်တော်နဲ့ ကျေးရွာအုပ်ချုပ်ရေးမှူးတို့ မေးမြန်းပြောဆိုပြီး နောက်ဆုံးစကားတခွန်းနဲ့ သူက ကျွန်တော့်ကို နှုတ်ပိတ်လိုက်ပြန်ပါတယ်..။ (ဆရာ.. ကျွန်တော့်မြို့နယ်အုပ်ချုပ်ရေးမှူးကမှာလိုက် ပါတယ်..။ သိပ်ပြီး ဆိုးဆိုးရွားရွားကြီးတွေကိုတော့ မရေးစေချင်ပါဘူး..) တဲ့။
သြော် သတင်းမီဒီယာဆိုတာ အဆိုးမြင်သမားများမဟုတ်ကြပါ။ တိုင်းပြည်တိုးတက်ချမ်းသာဖို့အရေး အဆိုး အကောင်းများ၏ အဖြစ်မှန်များကို အကျိူးအကြောင်းခိုင်လုံစွာဖြင့် ပြည်သူ လူထုရဲ့အသံများအား(ဂျာနယ်များမှာ) ထုတ်ဖော်ရေးသားနေသူများသာ ဖြစ်ကြပါတယ်။ ဒါမှလည်း ယခုလို ကျရောက်ခံစားနေရတဲ့ သဘာဝဘေးဒုက္ခများအတွက် အချိန်မှီ လိုအပ်သည်များကို ၀ိုင်းဝန်းကယ်ဆယ်ကူညီ လှူဒါန်းဆောင်ရွက်နိုင်ကြမည် မဟုတ်ပါလား?။ တိုင်းပြည်တိုးတက် ကောင်းစားရေးအတွက် တစ်ဖက်တစ်လမ်းမှ ဆောင်ရွက်ပေးနေသော စတုထ္ထမဏ္ဍိုင်ဖြစ်တဲ့ ကျွန်တော်တို့သတင်းမီဒီယာများ ကို ၀ိုင်းဝန်းကူညီစေချင်ပါကြောင်း တောင်းဆိုလိုက်ရပါတယ်..။

ရွှေလမ်းငွေလမ်းဝင်းကြည်

မော်နီတာ သတင်းဂျာနယ်
အတွဲ(၁) အမှတ်(၇၇)
၂၀၁၁၊ နိုဝင်ဘာ(၆)ရက်ထုတ် တွင် ဖော်ပြထားပါသည်။