ဖတ်ခဲ့ဖူးသော ဟာသများ (၂)

[By Bhone Pyae] 

"ယားလို့"
ပင်လယ်ပြင်အတွေ့အကြုံမရှိသေးသော ပင်လယ်ဓါးမြအသစ်နှင့် ဝါရင့်ပင်လယ်ဓါးမြကြီးတို့ အရက်ဘားတစ်ခုအတွင်း အတူအရက်သောက်နေကြသည်။ ပင်လယ်ဓါးမြကြီးမှာ ခြေတစ်ဖက်ပြတ်နေသောကြောင့် သစ်သားခြေထောက်တပ်ထားသည်။ လက်ကောက်ဝတ်နေရာမှစ၍ ပြတ်နေသောလက်တစ်ဖက်တွင်လည်း သံချိတ်ကောက်ကြီးကို တပ်ထားသေးသည်။ ကြိုးဖြင့်သိုင်းထားသောသားရေပတ်ဖြင့်လည်း လပ်နေသောမျက်လုံးတစ်ဖက်ကိုကာထားသည်။
ရေချိန်ရလာပြီဖြစ်သဖြင့် ဓါးမြအသစ်က အရဲစွန့်ပြီးမေးသည်။
 “ ခင်ဗျားခြေထောက်ကို ဘယ်လိုဆုံးရှုံးခဲ့ရတာလဲတုန်းဗျ ”
 “ Caribbian တိုက်ပွဲတွေဝင်နွှဲတုန်းက ရခဲ့တဲ့ဒါဏ်ရာပေါ့ကွာ…”
 “ ဒါဆို.. ခင်ဗျားလက်ကလည်း Caribbian တိုက်ပွဲတွေတုန်းက ရခဲ့တာပဲပေါ့၊ ဟုတ်လား..”
 “ မဟုတ်ဘူး.. ဒါက Persian ပင်လယ်ကွေ့မှာ ငါးမန်းတစ်ကောင်နဲ့သတ်ခဲ့တုန်းကရခဲ့တာ ”
 “ ခင်ဗျားမျက်လုံးကရော ”
 “ ကျုပ်သောင်ပြင်မှာအိပ်နေတုန်း ခြင်တစ်ကောင်လာကိုက်လို့ ”
 “ နေပါဦး…ခြင်ကခင်ဗျားမျက်လုံးကျွတ်သွားအောင်ကိုက်နိုင်ပါ့မလား။ ”
 “ အဲဒီနေ့က ငါ့လက်မှာသံချိတ်တပ်ပြီးတဲ့နောက်နေ့ကွ။ ”


"ကြော်ငြာ"

အာရပ်စော်ဘွားများနိုင်ငံရှိ ကုမ္ပဏီတစ်ခုမှ အားဖြည့်အချိုရည်စတင်ထုတ်လုပ်သည်။
ကုန်ပစ္စည်းအရောင်းမြှင့်တင်ရန်အလို့ဌာ ကြော်ငြာကုမ္ပဏီတစ်ခုကိုငှားသည်။
ကြော်ငြာကုမ္ပဏီက လမ်းဆုံလမ်းခွများတွင် ပိုစတာဆိုင်းဘုတ်ကြီးများကပ်လေသည်။ ကြော်ငြာဘုတ်တွင် အကန့်သုံးကန့်ပါ၍
ပထမပုံမှာ ……. လူတစ်ယောက် သဲကန္တာရထဲ၌ အားပြတ်၍ လဲနေပုံဖြစ်သည်။
ဒုတိယပုံမှာ ….. ထိုလူမှ ကြော်ငြာမည့်အားဖြည့်အချိုရည်ကို သောက်နေပုံဖြစ်သည်။
တတိယပုံမှာ …. လန်းဆန်း၍တက်ကြွနေသော ထိုလူ၏ပုံဖြစ်လေသည်။
ကြော်ငြာဘုတ်များထောင်ပြီးမကြာမီ ကြော်ငြာကုမ္ပဏီမှ တာဝန်ခံအလုပ်ပြုတ်လေသည်။
အကြောင်းမှာ အာရပ်များစာဖတ်လျှင် အနောက်မှစ၍ အရှေ့သို့ဖတ်သောကြောင့်ဖြစ်သည်။



"မော်တော်ပီကယ် ကိုညီညီ"

မီးနီဖြတ်လာသည့်ကားအား မော်တော်ပီကယ်ညီညီ လှမ်းတားသည်။ ကားမောင်းလာသူမှာ ချောမောလှပသည့် မိန်းကလေးတစ်ယောက်ဖြစ်နေမှန်း အမှတ်မထင်တွေ့လိုက်ရသည်။
  “ လိုင်စင် ခဏလောက်ပြပါခင်ဗျာ ….”
  “ ရှင်…. လိုင်စင်ဆိုတာ ဘယ်လိုဟာမျိုးလဲဟင်…”
  “ လေးထောင့်လေး လေဗျာ၊ အထဲမှာ ခင်ဗျားဓါတ်ပုံပါတယ်လေ…”
ကောင်မလေးက သူ့အိတ်ထဲကိုရှာပြီး အိတ်ဆောင်မှန်တစ်ချပ်ထုတ်ပေးသည်။ ညီညီ ယူကြည့်ပြီး
  “ ဟာ…ခင်ဗျားလည်း မော်တော်ပီကယ်ဖြစ်မှန်း စောစောကသိရင်၊ ကျုပ်ဘယ်တားမလဲဗျ။..”


"ကင်းစောင့်ညီညီ"

ရဲဘော်ညီညီ ရှေ့တန်း၌ကင်းစောင့်တာဝန်ကျနေသည်။
 “ ဟေ့…ဟိုရှေ့က ဘယ်သူလဲ..”
 “ ရဲဘော် ဇော်လတ်ပါ…”
 “ စကားဝှက်ပြော”
 “ ကြက်ဖ ”
 “ အေး…မှန်တယ်၊ သွား ”
အတန်ကြာ
 “ ဟေ့…ရှေ့ကဘယ်သူလဲကွ..”
 “ ဒုတပ်ကြပ် အောင်ကိုမြတ်ပါ ”
 “ စကားဝှက်ပြော ”
 “ ကြက်ဖ ”
 “ အေး…မှန်တယ်၊ သွား..”
အတန်ကြာ
 “ ဟေ့…ရှေ့ကလာတာ ဘယ်သူလဲ ”
 “ ရဲဘော် ကိုဖြိုးပါ ”
 “ စကားဝှက်ပြော ”
 “ အဲ…အင်း…ဟိုဒင်း…. နှံပြည်စုတ် ”
 “ ဟေ့ကောင်၊ နှံပြည်စုတ်မဟုတ်ဘူး… ကြက်ဖကွ၊ ကြက်ဖ။ ဒီကောင် နှံပြည်စုတ်နဲ့ကြက်ဖတောင် ခွဲမသိဘူး။….သွား..”
 “ !@$#@$###$@ ”


"လျှို့ဝှက်ချက်"

လူတစ်ယောက် အင်မတန်စိတ်ရှုပ်နေသောပုံဖြင့် အရက်ဘားထဲသို့ဝင်လာပြီး အရက်သုံးပုလင်းမှာပြီး တထိုင်ထဲသောက်သည်။ ရေချိန်ကိုက်သွားသောထိုသူအား ဆိုင်ရှင်က ဂရုဏာသံဖြင့်မေးသည်။
  “ ခင်ဗျား တော်တော်စိတ်ညစ်စရာများ ကြုံလာရလား ”
  “ အင်း….ကျွန်တော့်အစ်ကိုအကြီးက အခြောက်ဖြစ်နေတယ်ဆိုတာ ဒီနေ့မှသိလာလို့ ”
နောက်တစ်ရက် ထိုလူဆိုင်ထဲဝင်လာကာ အရက်သုံးပုလင်းမှာပြန်သည်။ ဆိုင်ရှင်မှ
  “ ဒီနေ့ရော ဘာစိတ်ညစ်စရာကြုံလာပြန်ပြီလဲ ”
  “ ကျွန်တော့်ညီကလည်း မိန်းမစိတ်ပေါက်နေတယ်ဆိုတာ ဒီနေ့မှသိရပြန်တယ်ဗျာ…”
နောက်တစ်ရက် ထိုလူဆိုင်ထဲဝင်လာကာ အရက်သုံးပုလင်းမှာပြန်သည်။ ဆိုင်ရှင်မှ
   “ ဘာလဲ ဒီနေ့လည်း ခင်ဗျားမိသားစုဝင်တွေထဲက တစ်ယောက်ယောက်က အခြောက်ဖြစ်နေတာ ခင်ဗျားသိလာရပြန်ပြီလား…”
   “ အင်း…. ဒီတစ်ခေါက်က ကျွန်တော့်မိန်းမ.. ”


"အသောက်သမား"

" ရုရှားမင်္ဂလာဆောင်နဲ့ ရုရှားအသုဘ ဘာကွာလဲ "
" အင်း… အသုဘမှာ အရက်သောက်မဲ့လူ တစ်ယောက်လျော့တယ်။"


"ရေသူမ"

အင်း......မိန်းမအနေနဲ့ကလည်း...မနိပ်ဘူး.....အဲ...ငါးအဖြစ် ဟင်းချက်စားဖို့ကလည်း သနားစရာ။


"ဘာသာပြန်"

မူလတန်းအင်္ဂလိပ်စာမေးခွန်း။ အင်္ဂလိပ်ဘာသာမှ မြန်မာဘာသာကို ပြန်ဆိုရမည်ဖြစ်သည်။
    ၁ ) I put on my coat and found its first button was gone.
    ၂ ) He heard the phone ring and went to get the call.
ဒါကို ကလေးငယ်တစ်ယောက် ဖြေလိုက်တာက...
    ၁ ) Oh..Shit !
    ၂ ) Hello ~


"ကြက်သားဟင်း"

စိတ္တဇဆေးရုံတွင်ဖြစ်သည်။   
ဆေးရုံအုပ်.... “မနက်ဖြန် ကျန်းမာရေးဝန်ကြီး လာစစ်ဆေးလိမ့်မယ်။ လာစစ်ဆေးတုန်း ငါက “အဟမ်း” လို့ ချောင်းဟန့်လိုက်ရင် မင်းတို့အားလုံး လက်ခုပ်တီးရမယ် ကြားလား...  လက်ခုပ်တီးတဲ့လူကို ကြက်သားဟင်းကျွေးမယ်”
နောက်တစ်နေ့တွင် ကျန်းမာရေးဝန်ကြီး လာရောက်စစ်ဆေးသည်။ မိန့်ခွန်းပြောအပြီးတွင် ဆေးရုံအုပ်က ကြိုတင်မှာကြားထားသည့်အတိုင်း ချောင်းဟန့်လိုက်သည်နှင့် လူနာအားလုံး လက်ခုပ်တီးကြသည်။ ထိုအချိန်တွင် လူနာတစ်ယောက်က ရုတ်တရက်ရှေ့ထွက်ပြီး ဝန်ကြီးကို ပါးတစ်ချက်ရိုက်လိုက်ပြီး ပြောသည်။
“ဟေ့ကောင်...မင်းဘာလို့ လက်ခုပ်မတီးတာလဲ။ ကြက်သားဟင်း မစားချင်ဘူးလားကွ..ဟေ...”


"လက်ရေး"

တစ်နေ့သော်...ဘုရင်ကြီး၊ မိမိ၏ နန်းတော်ရှေ့ရှိ နှင်းဖုံးနေသော လမ်းအတိုင်း အပန်းဖြေလမ်းလျှောက်သည်။ တစ်နေရာ အရောက်...နှင်းပုံပေါ်တွင် "ဘုရင်စုတ်ကြီး" ဟူသော စာလုံးကို ကျင်ငယ်ရေဖြင့် ရေးထားကြောင်း တွေ့လိုက်ရာ. ဘုရင်ကြီး ဒေါသပုန်ထပြီး ၄င်းနှင်းပုံကိုဓါတ်ခွဲခန်းတွင် DNA အမြန်ဆုံးစစ်ဆေးရန် အမိန့်ပေးလိုက်သည် ။ နောက် တစ်နာရီအကြာတွင် တရားခံသည်"" မြို့စားကြီးဖြစ်ကြောင်း လျှောက်ထားကြသည်။ ဘုရင်ကြီးက  မြို့စားကြီးအား ချက်ချင်းသတ်စေဟု အမိန့်ပေးလိုက်သည်။ ထို့နောက် အနည်းငယ် စဉ်းစားပြီး ဖြည့်စွက်ပြောသည် ။
   "ဘုရင်မကြီးကိုပါ သတ်စေ..."
   "အရှင်မင်းကြီး...ဘုရင်မကြိးက ဘာဆိုင်လို့ပါလဲ..ဘုရား.."
   "သူ့ လက်ရေးကို ငါကိုယ်တော် ကောင်းကောင်း မှတ်မိတယ်..."






မနိုင်နိုင်းစနေ၊ ဆရာမောင်ကောင်းထိုက်၊ အင်တာနက်မှဟာသများကို မှီငြမ်း၊ ကိုးကား၊ ဘာသာပြန်၊ ကူးချ၍ဖော်ပြလိုက်ပါသည်။
စိတ်ကျဉ်းကျပ်၊ရှုတ်ထွေးမှုများကြားမှ တဒင်္ဂလွတ်မြောက်စေရန် အတွက်သာရည်ရွယ်ပါသည်။

ကျေးဇူးတင်စွာဖြင့်
လွယ်အိတ်
(၁.သြဂုတ်.၁၁)

Rozoner King