နားမလည်ဘူး အင်္ကျံ

[By Sai Naw Saing]

နားမလည်ဘူး အင်္ကျံ (စစ်တော် ၀တ္ထုတိုပေါင်းချုပ်၊
၁၉၉၈) မှ

ကျွန်တော်
ဝတ်ထားသော အင်္ကျံကို နားမလည်ဘူး အင်္ကျံဟု ခေါ်ပါသည်။ ထို အင်္ကျံ၏ အဆင်မှာ ခါးသက်သက်အရသာ
ဖြစ်ပါသည်။


ဥာဏ်တုံးသော သိုးတွေမှာ အင်္ကျံ မရှိပါ။

စပ်စုတတ်သော
မျောက်တွေမှာ အင်္ကျံ မရှိပါ။

ရန်လိုသော မြေခွေးတွေမှာလည်း အင်္ကျံ
မရှိပါ။

ထို့ နောက် . . .

ထို့ နောက် . . . တို့ တွင်လည်း အင်္ကျံ
မရှိပါ။

ကျွန်တော့်တွင် အင်္ကျံရှိပါသည်။ အင်္ကျံ ၀တ်ထားသော အင်္ကျံကို " နားမလည်ဘူး
အင်္ကျံ " ဟုခေါ်ပါသည်။ ထို အင်္ကျံ၏ အဆင်မှာ ခါးသက်သက်အရသာ ဖြစ်ပါသည်။

" ရှင့်ကို
ကျွန်မ နားမလည်ဘူး " ( ကျွန်တော့် ချစ်သူက ပြောခဲ့ သည်) " မင်းကို တို့  နားမလည်ဘူး
" ( ကျွန်တော့် မိဘများက ပြောခဲ့ သည်။) " ခင်ဗျားကို ကျွန်တော်တို့ နားမလည်ဘူး " (
ကျွန်တော်၏ မိတ်ဆွေများနှင့် ရန်သူများက ပြောခဲ့ သည်။) " ကျွန်တော်ဟာ စာအုပ်
တစ်အုပ် မဟုတ်ပါဘူး " ( ကျွန်တော်က ပြောခဲ့ သည်။ ငြင်းဆန်ခြင်းအတွက်
ရှက်ရမှန်းမသိသော ကာလများက ဖြစ်သည်။) မည်သူကမှ နားမလည်သည် ဖြစ်စေ၊ ထိုအင်္ကျံမှာ
ကျွန်တော်နှင့် တိုင်းချုပ်ထားသည့်အလား အသားကျနေပြီဖြစ်သဖြင့် ချွတ်ပစ်ရန်
မဖြစ်နိုင်တော့ပါ။

ဟောဟို လူကတော့ လမ်းဘေးက ဘေထုပ်ထည် အ၀တ်ဟောင်းပုံကြီးကို
မွှေနှောက် ရှာဖွေလို့ ပေါ့ ။ စုတ်ဖတ်ဖတ် အောက်သိုး သိုး အနံ့ အသက်နှင့်
ထိုဈေးပေါပေါ အင်္ကျံဟောင်းများကို ၀ယ်ဝတ်ဆင်သော ထိုလူ၏ ချိုင်းကြားထဲတွင်
ခေတ်မရှိတော့သော နိုင်ငံရေးကျမ်း စာအုပ်တစ်အုပ်ကို ညှပ်ထားတာ တွေ့ ရ၏
။

ဟောဟို လူကတော့ စပ်ဖြဲဖြဲအဆင်နှင့် အရောင်မခိုင်သော အထည်စကိုကိုင်ကာ
အပ်ချုပ်ဆိုင်တွင် ရပ်ရင်း (ခပ်ပွပွ ချုပ်ပေးပါ) ဟု အော်နေသည်။ ထို အပ်ချုပ်ဆိုင်
နာမည်က " ခေတ်အကြိုက် " ဆိုလား ဘာလား မသိ။

*

ဟောဟို
လူကတော့ မီနီမတ်ကက် တစ်ခုတွင် ရယ်ဒီမိတ်အင်္ကျံ တစ်ထည်အား တံဆိပ်ကိုကြည့်၍
ဝယ်ယူနေလေသည်။ ခုလို အသင့်ချုပ်ပြီးသား တွေ ၀ယ်ဝတ်ရတော့ မပင်ပမ်းတော့ဘူးပေါ့ ဟု
ပြောလိုက်သေးသည် ထင်ပါသည်။

လူတို့ သည် အင်္ကျံအမျိုးမျိုးကို
ဒီဇိုင်းအမျိုးမျိုးဖြင့် ၀တ်လျက်ရှိပါသည်။ ပလေတိုး၏ မျက်စိနှင့်တူသော ကြယ်သီးပေါက်
ကျဉ်းကျဉ်း များ၊ မတော်လောဘနှင့်တူသော အိတ်ပွပွကြီးများ (တချို့ အင်္ကျံများတွင်
လူမမြင်အောင် တပ်ဆင်ထားသော အိတ်ခိုးများလည်း ပါသေးသည်။) ဂျူးလီယက်ဆီးဇာ၏
ဓါးနှင့်တူသော ကော်လာ ချွန်ချွန်များ။

သို့ သော် ထိုအင်္ကျံများ အားလုံးမှာ
ဆင်ခြင်ခြင်နှင့် ကိုက်ညီအောင် ချုပ်လုပ်ထားရာ၌မူ အားလုံး တူကြပါသည်။ ( ဥပမာ ညီညာ
သေသပ်သော ချုပ်ရိုးချုပ်သားများ) ထိုအင်္ကျံများတွင်လည်း ကျွန်တော်၏
အင်္ကျံအမည်(နားမလည်ဘူး)ကဲ့ သို့ ပင် အနည်းဆုံး အမည်နာမ တစ်ခု စီတော့ ရှိကြပါသည်။ ဥပမာ
အမြင်မကျယ်ခြင်း၊ လှေနံဓါးထစ်၊ မစ္ဆရိယစိတ်၊ ငါ အမှန် စသဖြင့် ဖြစ်ကြပါသည်။
ကျွန်တော့် အင်္ကျံအမည်ကတော့ နားမလည်ဘူး ဖြစ်ပါသည်။

ကျွန်တော်သည် အဖြေတစ်ခု
ထွက်ရမည့် သင်္ချာတစ်ပုဒ် မဟုတ်ပါ။ လူ တစ်ယောက်သာ ဖြစ်ပါသည်။ ကျွန်တော်သည် ပြဌာန်းခံ
အရာဝတ္ထုမဟုတ်ပါ။ လူ တစ်ယောက်ဖြစ်ပါသည်။ ကျွန်တော်သည် မိုးကျလျှင် ပွင့်ရမည့်
စံပယ်တစ်ပွင့် မဟုတ်ပါ။ လူတစ်ယောက် ဖြစ်ပါသည်။ ကျွန်တော်သည် အိုင်စတိုင်း၏
ရီလေတစ်ဗီတီ သီအိုရီမဟုတ်ပါ။ လူတစ်ယောက် ဖြစ်ပါသည်။ ကျွန်တော်သည် ယုတ္တိဗေဒ
အနည်ထိုင်နေသည့် ဦးနှောက်များ စားသုံးရမည့် မနက်စာ အာဟာရ တစ်ပွဲမဟုတ်ပါ။
လူတစ်ယောက်ဖြစ်ပါသည်။ ကျွန်တော်သည် ငွေတစ်ရာ ပေးသူတိုင်းကို အဖုံး
ဖွင့်ခွင့်ပေးသည့် ရေခဲစိမ်ဘီယာ တစ်ပုလင်း မဟုတ်ပါ။ လူတစ်ယောက် ဖြစ်ပါသည်။ လောကတွင်
ကျွန်တော် မမျှော်လင့်ဆုံးသော အရာမှာ လူများ ၏ နားလည်မှုပင်
ဖြစ်ပါသည်။

*

ကျွန်တော် ၀တ်ထားသော အင်္ကျံကို "
နားမလည်ဘူး အင်္ကျံ " ဟု ခေါ်ပါသည်။ ထို အင်္ကျံမှာ လူတို့ နားမလည်နိုင်သော ကောင်းကင်
တစ်ခု၊ လူတို့  နားမလည်နိုင်သော အတောင်ပံ တစ်စုံ၊ လူတို့ နားမလည်နိုင်သော အလင်းဓါတ်
တစ်စုံတစ်ရာ၊ လူတို့ နားမလည်နိုင်သော ဥယျာဉ်တစ်ခု၊ လူတို့  နားမလည်နိုင်သော တူရိယာ
တစ်လက်၊ လူတို့ နားမလည်နိုင်သော . . . နားမလည်မှုများဖြင့် ချုပ်ထားသော အင်္ကျံ
ဖြစ်ပါသည်။

ထို အင်္ကျံကို ၀တ်ဖို့ အတွက် ကျွန်တော် အဖိုးအခ အနည်းငယ်သာ ပေးခဲ
့သည်။ ထို အဖိုးအခမှာ လူများ၏ မုန်းတီးခြင်းပင် ဖြစ်ပါသည်။ (လူများ၏
မုန်းတီးခြင်းမှာ ကျွန်တော့်အတွက် ပဲဝက်မျှလောက်ပင် မတန်သော အရာဖြစ်ပါသည်။)
ထိုအင်္ကျံကို ၀တ်ဆင်မည်ဆိုလျှင် သင်သည် အရည်အချင်း သုံးရပ်နှင့် ပြည့်စုံရန်
လိုပါသည်။ ထို အရည်အချင်းများမှာ -

(၁) လွတ်လပ်စွာ
တွေးခေါ်တတ်ခြင်း

(၂) လွတ်လပ်စွာ တွေးခေါ်တတ်ခြင်း နှင့်

(၃)
လွတ်လပ်စွာ တွေးခေါ်တတ်ခြင်း တို့ ဖြစ်ပါသည်။

အထက်ပါ အရည်အချင်းများနှင့်
ပြည့်စုံပြီဆိုလျှင် သင်လည်း ကျွန်တော့်လို အင်္ကျံတစ်ထည် ရနိုင်ပါပြီ။ လိုချင်လျှင်
အောက်ပါ လိပ်စာ အတိုင်း တောင်းယူနိုင်ပါသည်။ လိပ်စာမှာ သင်နှင့် အဝေးဆုံးဟုဆိုရမည့်
သင်ကိုယ်တိုင်၏ အသည်းနှလုံးထဲမှာသာ ဖြစ်ပါသည်။

သစ္စာနီ