"နည်းပညာမြင့်မားလာမှုနှင့် ကျန်းမာရေး ပြဿနာများ "

Cloud Cuckoo Land created the doc:

၂၁ ရာစု အတွင်းသို့ တဖြည်းဖြည်း ချဉ်းနင်း ဝင်ရောက် လာသည့် အခါတွင် ပြည်သူ လူထု အကြား အိုင်တီ နည်းပညာ ဆက်စပ်ပစ္စည်းများ ပိုမို ထိုးဖောက် ဝင်ရောက်လာကြသည်။ ယခင်က ကွန်ပျူတာ ဟု ဆိုလျှင် မော်တော်ယာဉ် အဟောင်းတစ်စီး ၏ ဈေးနှုန်းနှင့်နင်လား၊ ငါလားရှိခဲ့ရာမှ ယခုအခါ ရပ်ကွက်တိုင်းနီးပါးတွင်ရှိလာပြီဖြစ်သော အင်တာနက်ဆိုင်များ၏ ကျေးဇူးကြောင့် ငွေကြေး များများစားစား သုံးစွဲစရာမလိုဘဲ ကွန်ပျူတာကို ထိတွေ့ခွင့်ရလာပြီဖြစ်သည်။
မိုဘိုင်းဖုန်း များမှာလည်း ဈေးနှုန်း ကျဆင်း လာသောကြောင့် လူ့မလိုင်ဓနဂုဏ်ဖော်ပစ္စည်းအဖြစ်မှ လူလတ် တန်းစားပိုင် ပစ္စည်း အဖြစ် ရွေ့လျောလာခဲ့ပြီဖြစ်သည်။ထို့ကြောင့် မိုဘိုင်းဖုန်း၊ ကွန်ပျူတာတို့၏ ကျန်းမာရေး ဆိုင်ရာ ဘေးထွက် ဆိုးကျိုးများကို အများပြည်သူတို့ သိထားရန် လိုအပ်လှပေသည်။

မမြင်သာသောအန္တရာယ်
အပြင်ပန်းကြည့်လျှင် ကွန်ပျူတာများ သည် ရွေ့လျားမှုမရှိ၊ အချွန်အတက်မပါ အစ ရှိသဖြင့်ဘေးကင်း သောအသွင်ကိုဆောင် သောကြောင့် အခြားသောလူလုပ်စက်ပစ္စည်း များနှင့်စာလျှင် အန္တရာယ်ကင်းပုံပေါ်သည်။ သို့သော် ပြီးခဲ့သော ဆယ်စုနှစ်အတွင်း ကွန်ပျူတာများကို လုပ်ငန်းခွင်အတွက် အသုံး ချမှု ပိုမိုကျယ်ပြန့်လာခြင်းကြောင့် အလုပ် သမားများစွာသည် ကွန်ပျူတာများနှင့်ထိတွေ့ ဆက်ဆံ လာရသည်။ထိုအခါတွင် ကျန်းမာ ရေးနှင့်ဆက်စပ်သော ဘေးထွက်ဆိုးကျိုးများ လည်း ပေါ်ပေါက်လာကာ ကွန်ပျူတာသုံးစွဲခြင်း၏ ကျန်းမာရေးရှုထောင့်အမြင်ကိုလည်း အပြောင်း အလဲဖြစ်စေခဲ့သည်။

ကာလတိုဝေဒနာများ
ခုံနှင့်စားပွဲနှင့်ထိုင်ကာ သုံးစွဲရခြင်းဖြစ်သော ကြောင့် ကာလရှည်ကြာလုပ်ကိုင်ရပါက မအီမသာဖြစ်ခြင်း၊ အဆစ်အမြစ်ကိုက်ခဲခြင်း၊ ခြေလက်ထုံကျင်ခြင်း၊ အရည်ပြား အပူလောင် သကဲ့သို့ခံစားရခြင်း၊ အကြောအချဉ်တောင့် တင်းခြင်းတို့ တွေ့ကြုံခံစားရမည်ဖြစ်သည်။ ကွန်ပျူတာတစ်ခုတွင် လူသားတို့နှင့် အပြန် အလှန်ဆက်သွယ်နိုင်သောI/O Device မျိုးစုံပါဝင်ရာ လူသားတို့နှင့် အထိအတွေ့ အများဆုံးသည် ဖန်သားပြင်၊ ကီးဘုတ်နှင့် မောက်စ် တို့ဖြစ်ကြသည်။ကျွမ်းကျင်သူတို့၏ အဆိုအရ လူသားတို့၏ကျန်းမာရေးကို အထိ ခိုက်ဆုံး ကွန်ပျူတာအစိတ်အပိုင်းသည် ဖန်သားပြင်ဖြစ်သည်ဟု သိရသည်။

အမြင်အာရုံတိုက်ခိုက်မှု
လူသားတို့၏ခန္ဓာကိုယ်၌ အရေးအပါ ဆုံး အစိတ်အပိုင်းသည် မျက်စိဖြစ်သည့်အပြင် လောကကြီးနှင့် ဆက်သွယ်ရာတံခါးပေါက်ဖြစ် သော အဆိုပါမျက်စိတို့သည် ခန္ဓာကိုယ်၏ အနူးညံ့ဆုံးအစိတ်အပိုင်းလည်း ဖြစ်သည်။ မျက်စိ၏ သဘော သဘာဝအရ မြင်လွှာသည် ၄င်းအ ပေါ်ကျရောက်သော အလင်းကို သရုပ် ခွဲကာ အမြင်အာရုံ ပေးစွမ်းခြင်း ဖြစ်သော်လည်း စူးရှတောက်ပ သောအလင်းရောင် ဒဏ်ကို ကြာရှည်မခံနိုင်ချေ။ကွန်ပျူတာတို့၏ အချက် အလက်များကို ဖော်ပြပေးနေသော ဖန်သားပြင်များသည် ယခင်ကCRT မီးလုံး၊ ယခု LEDမီးချောင်း အစရှိသဖြင့်တို့ကိုအသုံး ပြုကာ ပုံရိပ်ဖော်ခြင်းဖြစ်၍ ရေရှည်စူးစိုက် ကြည့်ပါက မျက်စိညောင်းညာခြင်း၊ ပုံရိပ်နှစ် ထပ်မြင်ခြင်း၊ မျက်ရည်ပူကျခြင်း၊ ခေါင်းတစ် ခြမ်းကိုက်ခြင်း၊ မျက်မှန် ပါဝါမကြာခဏ တိုးခြင်း အစရှိသည် တို့ဖြစ်လေ့ရှိသည်။ထို့အပြင် ကွန်ပျူတာ သုံးစွဲလုပ်ကိုင်ရသော ဝင်နိုင်သော ပြတင်းပေါက်များရှိခြင်း၊ မော်နီတာ ဖန်သားပြင်ပေါ်သို့ တိုက်ရိုက်အလင်းရောင် ကျရောက်ကာ အလင်းပြန်ခြင်းအစရှိသော အချက် များသည် အမြင်အာရုံထိခိုက်မှုကိုဖြစ် ပွားစေသည်။

မျက်စိတစ်မှိတ်၊အကြည့်တစ်ချက်
လူသိနည်းသောအချက်တစ် ခုမှာ ဖန်သားပြင်ကိုအာရုံစိုက်ကြည့်နေချိန်အတွင်း မျက်တောင်ခတ် သည့် အကြိမ် အရေအတွက် ဖြစ်သည်။သာမန်အချိန်တွင်လူသားတို့၏မျက် စိသည် တစ်မိနစ်လျှင် (၁၂)ကြိမ် အထိ မျက်တောင်ခတ်ကာမျက်လုံးအတွင်းရှိ ဖုန်မှုန့်များ၊ ဘက်တီရီးယားများကို သန့်စင် ဖယ်ရှားလေ့ရှိသည်။ သို့သော် ကွန်ပျူတာဖန် သားပြင်ကိုစိုက်ကြည့်နေသည့်အချိန်တွင် တစ်မိနစ်လျှင်(၅)ကြိမ်ခန့်သာ မျက်တောင် ခတ်လေ့ရှိသောကြောင့် သဘာဝအတိုင်း ဆောင်ရွက်ရမည့် ဇီဝကမ္မလုပ်ငန်းစဉ်များ နှေးကွေးသွား လေ့ရှိသည်။ဤအချက်သည် ခန္ဓာ ကိုယ်၏ အလုပ်အများဆုံး အင်္ဂါတစ်ခု ဖြစ်သော မျက်စိကိုဆိုးရွားစွာ ထိခိုက်စေပြီး ရေရှည်ကျန်းမာရေး ထိခိုက်မှုဖြစ်ပွားစေသည်။ အထူးသဖြင့် မျက်ကြည်လွှာသည် ပြင်ပမှ ဝင်ရောက်လာသော ဖုန်မှုန့်များတွင် ပါဝင် သည့် ဘက်တီရီးယားပိုးများကြောင့် ရောင်ရမ်းခြင်းဝေဒနာခံစားရနိုင်သည်။ အထိဖြစ်သွားနိုင်ပေရာ မပေါ့ဆသင့်သောကိစ္စ တစ်ရပ်ပင်ဖြစ်သည်။
ဂျပန်နိုင်ငံတိုဟို တက္ကသိုလ်ဆေးကျောင်းမှ ပါမောက္ခ မာဆာ ယုခိတာတဲမိချိမှ ပြုလုပ်ခဲ့သော ဆေးပညာ သုတေသနတစ်ခုတွင် လူတစ်သောင်းကိုလေ့ လာခဲ့ရာ ကွန်ပျူတာရေရှည်သုံးစွဲရ သူအား လုံးနီးပါး အမြင်အာရုံပြဿနာ များကြုံတွေခဲ့ရ သည်ဟုသိရသည်။ကွန်ပျူတာအသုံးများ သူများသည် အမြင်အာရုံပြဿနာများအပြင် အရိုးနှင့် အကြောပြဿနာများကိုပါ ရင်ဆိုင် ရမည်ဖြစ်ကြောင်း အိန္ဒိယနိုင်ငံ ဘန်ဂလိုးမြို့ရှိ ဆော့ဖ်ဝဲကုမ္ပဏီ များအား လေ့လာခဲ့သည့် စစ်တမ်း တစ်ရပ်တွင်ဖော်ပြခဲ့သည်။ ကွန်ပျူ တာအလွန်အကျွံအသုံးပြုပါက စိတ် ပိုင်းဆိုင်ရာ တင်းကျပ်မှုများဖြစ်ပွားနိုင်ပြီး ကိုယ်အလေးချိန်မှာ တိုးလာနိုင် ကြောင်း အဆိုပါ စစ်တမ်းက ဖြည့်စွက်ဖော်ပြထားသည်။

အရိုးနှင့်အရွတ်
ဂျပန်နိုင်ငံ ချီဘာတက္ကသိုလ်မှ ဒေါက် တာတက်ဆုရနာကာဇာဝါက ပြုလုပ်ခဲ့သည့် လေ့လာချက်တစ်ရပ်တွင်မူ ကွန်ပျူတာကို တစ်နေ့ ငါးနာရီထက်ပို၍အသုံးပြုသူများသည် ခေါင်းကိုက်ခြင်း၊ မျက်ရိုးကိုက်ခြင်း၊ အဆစ်နာ ခြင်း၊ ဇက်ကြောတက်ခြင်း၊ အိပ်ရေးပျက်ခြင်း နှင့် ပင်ပန်းနွမ်းနယ်ခြင်း အစရှိသောဝေဒနာ များကို ခံစားရနိုင်သည်ဟု ထောက်ပြခဲ့သည်။ထို့အပြင် အဆိုပါအဆစ် အမြစ်ဝေဒနာများ အထိ ပျောက်ကင်းသက်သာခြင်းမရှိသည့် နာတာရှည် ဝေဒနာများ ဖြစ်ကြကြောင်း ဒေါက်တာနာကာဇာဝါ ကတင်ပြခဲ့သည်။ အကြောအောင့်ခြင်း၊ လက်ဖျံရိုးကြွက်သား များ နာကျင်ကိုက်ခဲခြင်းတို့ဖြစ်နိုင်ပြီး အထူး သဖြင့် စာရိုက်များသူများဖြစ်လေ့ဖြစ်ထ ရှိသည့်Repetitive Strain Injury (RSI) ခေါ် လက်ကောက်ဝတ် အရွတ် ရောင်ရမ်းနာသည် လက်တစ်ခုလုံးသုံးမရတော့သည်အထိ ဆိုးရွား လာနိုင်သောကြောင့် သတိပြုဖွယ် ရာပင်ဖြစ်သည်။ဖန်သားပြင်ကို ကြည့်စဉ် ဦးခေါင်းအနေအထားရှေ့သို့ ညွတ်ကျလာခြင်း ကြောင့် ဦးခေါင်းတစ်ခုလုံး၏အလေးချိန်ကို မနိုင်ဝန်ထမ်းကြရရှာသော လည်ပင်း အဆစ်ရိုးများသည် အရိုးကျီးပေါင်း တက်ဝေဒနာနှင့် တွေ့ကြုံရလေ့ရှိ သည်။ ထို့အပြင် ကွန်ပျူတာရိုက် စဉ် ထိုင်ခုံနည်းစနစ်မကျသော ကြောင့် ခြေသလုံးကြွက်သားတောင့် တင်းခြင်း၊ ဒူးဆစ်နာခြင်းအစရှိသည် တို့ဖြစ်ပွားနိုင်သည်။

မိုဘိုင်းဦးနှောက်
ဟယ်လို....ကြားလား အစ ချီကာ ပြည်သူထုကြားပျံ့နှံလာသော မိုဘိုင်းဖုန်းများသည်လည်း ကျန်းမာ ရေးထိခိုက်နိုင်သောအရာတစ်ခုအဖြစ် သံသယထားရှိခြင်း ခံနေရသည်။ Blackberry ဖုန်းနှစ်လုံးကိုခြောက် လက်မခွာထားကာ တစ်ဖက်မှတစ် ဖက်သို့ ဖုန်းခေါ်ဆိုလိုက်ရုံနှင့် အလယ်တွင်ထားသောကြက်ဥကို ကျက်အောင်ပြုတ်နိုင်သည်ဟု သတင်းများထွက်ပေါ်ခဲ့ပြီးနောက် မို ဘိုင်းဖုန်းသုံးစွဲခြင်းနှင့် ပြည်သူ့ကျန်း မာရေးတို့အကြား မည်သို့ဆက်စပ် နေသည်ကို ကမ္ဘာ့ကျန်းမာရေးအဖွဲ့ အပါအဝင်နာမည်ကျော်ဆရာဝန်အ များအပြားကလေ့လာခဲ့ကြသည်။အများလက်ခံထားသောအချက်တစ် ခုမှာ မိုဘိုင်းဖုန်းသုံးစွဲခြင်းနှင့် ဦးနှောက်ကင်ဆာတို့ ဆက်စပ်သည် ဟူသောအချက်ဖြစ်သည်။ အမှန် စင်စစ်မှာမူ အတိအကျသက်သေပြ နိုင်ရန် လေ့လာမှုများစွာပြုလုပ်ရဦး မည်ဖြစ်သည်။ သို့သော် မိုဘိုင်းဖုန်း ကို အလွန်အကျွံသုံးစွဲပါက စိတ် အာရုံပျံလွင့်ခြင်း၊ ဒေါသထွက်လွယ် ခြင်းအစရှိသည့် စိတ်ဝေဒနာများကို ခံစားရမည်ဖြစ်ကြောင်း အတည်ပြု ခဲ့ပြီးဖြစ်သည်။
ထို့ကြောင့်အထက် ဖော်ပြပါ ကျန်းမာရေးဆိုးကျိုးများကို မခံစားရစေရန် အောက်ပါအချက် များကိုလိုက်နာသင့်သည်။

(၁)ကွန်ပျူတာဖန်သားပြင်နှင့် မျက်စိ တို့တစ်တန်းတည်း(သို့) မျက်စိထက် အနည်းငယ်နိမ့်သော အနေအထား ရှိရမည်။
(၂)ကွန်ပျူတာခုံပေါ်၌ထိုင်နေ စဉ် တံထောင်ဆစ်ဒူးဆစ်တို့သည် ၉၀ ဒီဂရီရှိရမည်။
(၃)ခြေဖဝါးသည် ကြမ်းပြင် ပေါ်၌ အပြားလိုက်ချထားရမည်။
(၄)ကျောရိုးနှင့် တင်ပဆုံရိုးတို့ သည်ထောင့်မှတ်တည့်တည့်ရှိရမည်။
(၅)ကွန်ပျူတာသုံးစွဲနေစဉ်တွင် ပခုံးသားများကို ဖြေလျှော့ထားရ မည်။
(၆)ကွန်ပျူတာဖန်သားပြင်ကို မျက်စိမှ ၁၆လက်မမှ ၂၈လက်မ အကြား အကွာအဝေးတွင်ထားရ မည်။
(၇)ဖန်သားပြင်ကို မိနစ်(၂၀) ကြည့်ပြီးတိုင်းအဝေးတစ်နေရာသို့ အနည်းဆုံးနှစ်မိနစ်ခန့် အကြည့်လွှဲ ပေးရမည်။ ကွန်ပျူတာစားပွဲအနီး အစိမ်းရောင်ကဲသော ရှုမျှော်ခင်းပုံ ပန်းချီကားများ ထားရှိပေးကာ မကြာ ခဏကြည့်ပေးသင့်သည်။
(၈)ကီးဘုတ်ပေါ်ရှိ ခလုတ်များ ကို လိုအပ်သည်ထက်ပို၍ အင်အား သုံးမနှိပ်ရ။
(၉)တစ်နာရီဆက်တိုက် ကွန် ပျူတာ ထိုင်ရိုက်ပြီးပါက မိနစ်အနည်း ငယ်ခန့် မတ်တပ်ထ၍လမ်းလျှောက် ပေးပါ။
(၁၀)ဦးခေါင်း လေ့ကျင့်ခန်း၊ ပခုံးလေ့ကျင့်ခန်းအစရှိသောလေ့ ကျင့်ခန်းများလိုအပ်သလိုပြုလုပ်ပေး ပါ။
(၁၁)Mouse ကိုလိုသည် ထက်ပို၍ညှစ်မကိုင်ပါနှင့်။ Mouse အသုံးပြုမှုလျှော့ချနိုင်ရန် Keyboard Shortcutများကိုလေ့လာ ထားပါ။
(၁၂)ကီးဘုတ်ရိုက်ရာတွင် လက်များကို ကီးဘုတ်တင်ရာမျက် နှာပြင်နှင့် တစ်တန်းတည်းရှိနေပါ စေ။

Posted by   itWEEKLY Journal