"တည်ရှိခြင်း၏ ဆန်းကျယ်မှု "

Min Thant Syn created the doc:

ကျွပ်န်ုပ်တို့ တည်ရှိနေကြတယ်။ ဒါပေမဲ့ အချိန်က တိုတောင်းနေတယ်။ ထိုအချိန်အတွင်းမှာပဲ လေ့လာ စူးစမ်းမှုတွေ ပြုလုပ်ကြတယ်။ ဒါပေမဲ့ စကြ၀ဠာကြီးရဲ့ သေးငယ်လွန်းတဲ့ အစိတ်အပိုင်း လောက်ကိုပဲ လေ့လာနိုင်တာ ဖြစ်ပါတယ်။
သို့သော် လူသားတွေဟာ စပ်စုတတ်တဲ့ မျိုးစိတ်တစ်မျိုးပါပဲ။ ကျွန်ုပ်တို့တွေဟာ လေ့လာစူးစမ်းကြတယ်။ အဖြေတွေကို ရှာဖွေကြတယ်။ ကျယ်ပြောလှတဲ့ ကမ္ဘာကြီးထဲက သက်ရှိတွေဟာ ကြင်နာတတ်သလို ရက်လည်းရက်စက်တတ်တယ်။ နက်ရှိုင်းလှတဲ့ အထက်မိုးကောင်းကင်ကြီးကို ငေးမောကြည့်နေတတ်တယ်။ လူသားတွေဟာ အလွန်များပြားလှတဲ့ မေးခွန်းတွေကို အမြဲတမ်း မေးနေတတ်ကြတယ်။

ကျွန်ုပ်တို့ကိုယ်တိုင် တွေ့ရှိနေရတဲ့ လောကကြီးကို ကျွန်ုပ်တို့ ဘယ်လို နားလည်ရမလဲ။
စကြ၀ဠာကြီးဟာ ဘယ်လိုပြုမူနေတာလဲ။
အစစ်အမှန်တရားရဲ့ သဘာဝဟာ ဘာလဲ။
အရာရာတိုင်းဟာ ဘယ်ကလာတာလဲ။
စကြ၀ဠာကြီးအတွက် ဖန်ဆင်းရှင်းတစ်ပါး လိုအပ်ပါသလား။
ကျွန်ုပ်တို့အများစုဟာ ထိုမေးခွန်းတွေကြောင့်ပဲ အချိန်ကြာကြာ အနားမယူနိုင်ကြပါ။ ထိုမေးခွန်းတွေနဲ့ ပတ်သက်ပြီး စိုးရိမ်ပူပန်နေတတ်ကြပါတယ်။
ရှေးတုန်းကတော့ ထိုမေးခွန်းတွေဟာ ဒဿနပညာအတွက် ဖြစ်သော်ငြားလည်း၊ ယနေ့မှာတော့ ဒဿနပညာဟာ ကျဆုံးခဲ့ပါပြီ။ ခေတ်ပေါ်သိပ္ပံပညာ အထူးသဖြင့် ရူပဗေဒရဲ့ ဖွံ့ဖြိုးမှုတွေထဲမှာ ဒဿနပညာဟာ ထိန်းမနိုင်သိမ်းရ ဖြစ်နေခဲ့ရတယ်။ ကျွန်ုပ်တို့ရဲ့ ပဟေဠိတွေကို စူးစမ်းဖော်ထုတ်ဖို့ရာမှာ သိပ္ပံပညာရှင်တွေကသာ မီးရှုးတန်ဆောင်ကို သယ်ဆောင်သူတွေ ဖြစ်နေကြပါတယ်။
အထက်ပါ မေးခွန်းတွေရဲ့ အဖြေတွေနဲ့ပတ်သက်ပြီး မကြာသေးခင်က လေ့လာစူးစမ်းမှုတွေနဲ့ သီအိုရီပိုင်း ဖွံ့ဖြိုးမှုတွေက ဆုံးဖြတ်ခဲ့တာတွေကို ဆွေးနွေးကြည့်ကြရအောင်ပါ။

၎င်းတို့ဟာ ကျွန်ုပ်တို့အတွက် စကြာဝဠာရဲ့ အသွင်အပြင်သစ်၊ ရှေးရိုးအယူအဆတွေနဲ့ အလွန်ကွဲပြားနေတဲ့ ကျွန်ုပ်တို့နေရာ၊ ပြီးတော့ လွန်ခဲ့တဲ့ဆယ်စုနှစ် တစ်ခုနှစ်ခုနဲ့တောင်မှ ခြားနားနေတဲ့ လေ့လာတွေ့ရှိချက် အသစ်တွေပါပဲ။ အသိပညာအသစ်ရဲ့ ပထမပုံကြမ်းတွေအတွက် ရာစုတစ်ခုနီးပါး နောက်ပြန်ခြေရာခံ လေ့လာကြရပါမယ်။
ရှေးရိုး စကြာဝဠာဆိုင်ရာ ယူဆချက်အရ အရာဝတ္ထုတွေဟာ တိကျတဲ့လမ်းကြောင်းတွေပေါ်မှာ ရွေ့လျားပြီး၊ တိကျတဲ့ သမိုင်းကြောင်းတွေရှိကြတယ်လို့ ဆိုခဲ့ပါတယ်။ အချိန်အခိုက်အတန့် တစ်ခုစီမှာ အရာဝတ္ထုတစ်ခုရဲ့ တည်နေရာကို တိကျစွာ ဆုံးဖြတ်နိုင်တယ်။
နေ့စဉ် အတွေ့အကြုံတွေမှာ ထိုအချက်မှန်ကန်သော်ငြားလည်း၊ ၁၉၂၀ ခုနှစ်တွေမှာ အက်တမ်နဲ့ အက်တမ်အောက် အမှုန်တွေရဲ့ တည်ရှိမှုစကေးအပေါ် ဆန်းကျယ်တဲ့ လေ့လာဆန်းစစ်ချက်တွေအရ ရှေးရိုးစံထား အသွင်အပြင်တွေဟာ အသုံးမ၀င် ဖြစ်ခဲ့ရပါတယ်။
ရှေးရိုးစံထား ရူပဗေဒ (classical physics) ရဲ့ နေရာမှာ ကွမ်တမ် ရူပဗေဒ (quantum physics) လို့ ခေါ်တဲ့ ကွဲပြားခြားနားတဲ့ဘောင် (framework) တစ်ခု မွေးစားလိုက်တာပါပဲ။ ကွမ်တမ်သီအိုရီဟာ အင်မတန် သေးငယ်လွန်းတဲ့ စကေးတွေမှာ ခန့်မှန်းထားတဲ့ အဖြစ်အပျက်တွေကို တိတိကျကျ အံ့ဖွယ်ညွန်ပြနိုင်ခဲ့ပါတယ်။
ရှေးရိုးစံထား ရူပဗေဒကလည်း သေးငယ်လွန်းတဲ့ မိုက္ကရိုလောကကို လေ့လာတာပါပဲ။ ဒါပေမဲ့ ရှေးရိုးနဲ့ ကွမ်တမ် ရူပဗေဒနှစ်ခုတို့ဟာ အလွန်ကွဲပြားခြားနားတဲ့ ရူပဗေဒဆိုင်ရာ အမှန်တရား အသိပညာတွေပေါ်မှာ အခြေခံထားကြပါတယ်။

ကွမ်တမ်သီအိုရီတွေဟာ မတူတဲ့ နည်းပေါင်းစုံများစွာထဲမှာ ဖော်မြူလာ ထုတ်နိုင်ပါတယ်။ ဒါပေမဲ့ ထိုနည်းများစွာကို ထဲထဲဝင်ဝင် အဖော်ပြနိုင်ဆုံး ရူပဗေဒပညာရှင် ရှိခဲ့ဖူးပါတယ်။ ကာလီဖိုးနီးယား နည်းပညာ တက္ကသိုလ်က ရစ်ချဒ် ဖိုင်းမင်း (Richard Feynman) ပါပဲ။
ရစ်ချဒ် ဖိုင်းမင်း ရဲ့အဆိုအရ 'စနစ် system တစ်ခုမှာ သမိုင်းကြောင်း တစ်ခုမက များစွာရှိနိ်ုင်တယ်' လို့ ဆိုပါတယ်။ ဒါကို ဆက်လက်လေ့လာရင် ကျွန်ုပ်တို့ စကြာဝဠာကြီး ကိုယ်တိုင်ဟာ သမိုင်းကြောင်းတစ်ခုထဲ ရှိတာမဟုတ်။ တစ်နည်း တစ်ခုတည်း လွတ်လပ်စွာ တည်ရှိနေတာ မဟုတ်ပါ။ ဒါဟာ ရူပဗေဒ ပညာရှင်များအတွက်တော့ တော်လှန်ရေး အယူအဆသစ်တစ်ခုပါပဲ။

                                            ရူပဗေဒပညာရှင် ရစ်ချဒ် ဖိုင်းမင်း
ယနေ့ သိပ္ပံပညာရှင်များရဲ့ အတွေးအမြင်အများအပြားဟာ သာမန်တွေးတောနိုင်မှုတွေကို ချိုးဖျက်နေကြပါတယ်။ သာမန်အတွေးဆိုတာက နေ့စဉ်အတွေ့အကြုံတွေပေါ်မှာ တည်ဆောက်ထားတာပါ။ စကြာဝဠာကြီးအပေါ်မှာ မဟုတ်ပါဘူး။
ခေတ်ပေါ်နည်းပညာတွေရဲ့ အံမခန်းတိုးတက်မှုဟာ အက်တမ်ရဲ့အတွင်းပိုင်း နက်နက်ရှိုင်းရှိုင်းအထိ၊ စကြာဝဠာ အစောပိုင်းကာလတွေကို နောက်ပြန်လေ့လာမှုတွေရဲ့ အပေါ်မှာ ရှိနေကြတယ်။ လက်တွေ့ယှဉ်ပြီး လောကကြီး ရဲ့ လျှို့ဝှက်ချက်တွေကို ဖော်ထုတ်ပြလိုက်မှသာ ကျွန်ုပ်တို့ရဲ့ သာမန်အတွေးက သတိမူမိသွားတာပါ။

ဖိုင်းမင်း ရဲ့ ခေတ်ပေါ် ရူပဗေဒ တွေ့ရှိချက်မျိုးကတော့ သာမန်အတွေးနဲ့ တိုက်ပွဲဖြစ်ရတော့တာပါပဲ။ အမှန်တရားရဲ့ ရှုခင်းရှုကွက်နဲ့ ပတ်သက်တဲ့ ခပ်နုံနုံအတွေးတွေဟာ ခေတ်ပေါ်ရူပဗေဒကို မယှဉ်ပြိုင်နိုင်ပါ။
အဲသလို ၀ိရောဓိတွေကို ဖြေရှင်းဖို့ 'ပုံစံအမှီပြု သရုပ်မှန်ဝါဒ' (model-dependent realism) ဆိုတဲ့ ချဉ်းကပ်မှု တစ်ခုကို ကျွန်ုပ်တို့ မွေးကြရတယ်။ ဒါဟာ လောကရဲ့ ပုံစံတစ်ခုကို ပြုလုပ်ပြီး၊ ကျွန်ုပ်တုိ့ရဲ့ ဦးနှောက်တွေက ကျွန်ုပ်တို့ရဲ့ အာရုံခံ အင်္ဂါအတွက် 'အ၀င်' (input) ကို ဖွင့်ဆိုရှင်းပြတဲ့ အယူအဆအပေါ်မှာ အခြေခံထားပါတယ်။
ထိုပုံစံတစ်ခုဟာ ဖြစ်ရပ်တွေကို ရှင်းပြလို့ အောင်မြင်သွားတဲ့အခါ၊ ဒါဟာ အမှန်တရားရဲ့ အရည်အသွေး (quality of reality) လား၊ ပကတိ အမှန်တရား (bsolute reality) လား ဆိုတာကို အခြေခံအချက်တွေ အသိပညာတွေနဲ့ ပင်ကိုယ်အရည်အချင်းကို ရှင်းပြရပါတယ်။
ဒါပေမဲ့ ပုံစံထဲမှာ မတူတဲ့ နည်းလမ်းများစွာဟာ တူညီတဲ့ ရူပဗေဒအခြေအနေတွေနဲ့ ရှိနေရင်၊ မတူတဲ့ အခြေခံအချက်တွေ အသိပညာတွေကို တစ်ခုစီအတွက် အသုံးပြုရလပါမယ်။ အကယ်၍ ရူပဗေဒ သီအိုရီ (၀ါ) ပုံစံနှစ်ခုဟ တူညီတဲ့ ဖြစ်ရပ်တွေကို အတိအကျ ခန့်မှန်းပေးနေတယ်ဆိုရင် တစ်ခုက အခြားတစ်ခုထက် ပိုမှန်တယ်လို့ ပြောလုိ့မရပါ။ အဆင်ပြေမယ့် ဘယ်တစ်ခုကိုမဆို လွတ်လွတ်လပ်လပ် အသုံးပြုနိုင်ပါတယ်။
သိပ္ပံပညာသမိုင်းကြောင်းကို ကြည့်ရင်၊ ပလေတိုအစ နယူတန်ရဲ့ ရှေးရိုးစံထား ရူပဗေဒအလယ် ခေတ်ပေါ် ကွမ်တမ်သီအိုရီအဆုံး ပိုမိုကောင်းမွန်တဲ့ သီအိုရီတွေ ပုံစံတွေရဲ့ "အစဉ်တစ်ခု' (a sequence) ကို လေ့လာ ရှာဖွေခဲ့ကြတာပါပဲ။ ဒါဆိုရင် သဘာဝကျတဲ့ မေးခွန်းတွေ မေးနိုင်ပါတယ်။
ထို'အစဉ်' ဟာ နောက်ဆုံးမှာ 'အဆုံးမှတ်' (end point) တစ်ခုကို ရောက်ရှိမှာလား။ ဆိုလိုတာကတော့ ကျွန်ုပ်တို့ ပြုလုပ်နိုင်သမျှ လက်တွေ့စူးစမ်းမှု ခန့်မှန်းချက်တွေနဲ့ 'အား' တွေ အားလုံး ပါဝင်မယ့် စကြ၀ဠာရဲ့ အဆုံးစွန် သီအိုရီတစ်ခုကို တွေ့ရှိမှာလား။

ဒါမှမဟုတ်၊ ပိုပြီး ပိုပြီး ကောင်းတဲ့ သက်သေမပြနိုင်တဲ့ သီအိုရီတွေကို ထာဝရ ဆက်ရှာဖွေနေရမှာလား။
ကျွန်ုပ်တို့ဟာ ထိုမေးခွန်းတွေကို မဖြေနိုင်သေးပါ။ ဒါပေမဲ့ 'အရာရာတိုင်းရဲ့ အဆုံးစွန် သီအိုရီ' အတွက် မျှော်လင့်ချက် အကောင်းဆုံး သီအိုရီတစ်ခုကိုတော့ ရူပဗေဒပညာရှင်တွေ ပိုင်ဆိုင်ထားကြပါတယ်။ ဒါကို 'M သီအိုရီ' လို့ ခေါ်ပါတယ်။ အဆုံးစွန်သော သီအိုရီမှာ ပါဝင်သင့်တဲ့ ဂုဏ်သတ္တိတွေက 'M သီအိုရီ' မှာ ပါဝင်နေတယ်လို့ ဆိုပါတယ်။
'M သီအိုရီ' ဟာလည်း သာမန်အာရုံတွေနဲ့ တွေးတောနားလည် နိုင်ဖို့ မလွယ်ကူပါ။ ၄င်းဟာ စူးစမ်း လေ့လာမှု ခိုင်လုံတဲ့ မတူညီတဲ့ သီအိုရီတွေရဲ့ မိသားစုကြီးတစ်ခုသဖွယ် ရှိနေပါတယ်။ သူ့နယ်နမ်ိတ် ကန့်သတ်ချက်နဲ့သူ ရှိနေတဲ့ ကမ္ဘာ့တိုက်ကြီးတွေ အားလုံးပါဝင်နေတဲ့ ကမ္ဘာ့မြေပုံတစ်ခုလိုပါပဲ။
ဖန်ဆင်းခြင်းနဲ့ ပတ်သက်ပြီး 'M သီအိုရီ' အရဆိုရင် ကျွန်ုပ်တို့ရဲ့ အနန္တစကြာဝဠာကြီး (cosmos) တစ်ခုတည်းသာမက၊ အလွန်များပြားလှတဲ့ အနန္တစကြာဝဠာတွေ ဘာမှမရှိခြင်းကနေ မွေးဖွားလာကြပါသတဲ့။ ထိုစကြာဝဠာ အသီးသီးရဲ့ ဖန်ဆင်းဖြစ်ပေါ်ခြင်းတွေမှာ အချို့သော သဘာဝလွန်သက်ရှိ၊ တစ်နည်း နတ်ဘုရားတွေရဲ့ ၀င်ရောကစွက်ဖက်ခြင်းကို မလိုအပ်ဘူးလို့ 'M သီအိုရီ' က ဆိုထားပါတယ်။
ထို မာတီလ်ဗာ့စ် (multiverse) ဗဟုစကြာဝဠာ လို့ခေါ်တဲ့ 'စကြာဝဠာ အနန္တ' ဟာ ရူပဗေဒ နိယာမတွေကသာ သဘာဝကျကျ ပေါက်ဖွားလာကြပါတယ်။ ၄င်းတို့ဟာ သိပ္ပံပညာရဲ့ ခန့်မှန်းချက်တစ်ခု ဖြစ်ပါတယ်။
စကြာဝဠာတစ်ခုစီမှာ ဖြစ်နိုင်ခြေ သမိုင်းကြောင်းတွေ များစွာရှိနေပြီး၊ အနာဂတ်အတွက် ဖြစ်နိုင်တဲ့ အခြေအနေပေါင်းကလည်း များစွာ ရှိနေကြပါသတဲ့။ ထိုအခြေအနေအများစုဟာ ကျွန်ုပ်တို့ လေ့လာနေဆဲ စကြ၀ဠာနဲ့ လုံးဝမတူ သက်ရှိဖွဲ့စည်းမှုတိုင်းရဲ့ တည်ရှိမှုအတွက် လုံးဝကို မသင့်တော်တဲ့ ပုံစံ ဖြစ်နေကြပါလိမ့်မယ်။

အလွန်နည်းပါးတဲ့ တချို့တလေကတော့ ကျွန်ုပ်တို့ တည်ရှိနေသလို သက်ရှိသတ္တ၀ါတွေ ပေါ်ပေါက်ဖို့ ခွင့်ပြုထားပါလိမ့်မယ်။ ဒါကြောင့်လည်း ကျွန်ုပ်တို့ လူသားတွေရဲ့ လက်ရှိတည်ရှိမှုဟာ စကြာဝဠာများရဲ့ ကြီးမားလှတဲ့ အစီအစဉ်ထဲကပ ရွေးချယ်မှုတစ်ခုဖြစ်ပြီး၊ ကျွန်ုပ်တို့ တည်ရှိနေမှုနဲ့ သဟဇာတ ဖြစ်နေပါတယ်။
အနန္တစကြာဝဠာကြီးရဲ့ စကေးနဲ့ယှဉ်ရင် ကျွန်ုပ်တို့တတွေဟာ သေးငယ်ကြုံလှီပြီး အရာမရောက်သေးပါ။ ဒါဟာ ဖန်ဆင်းခြင်း အရှင်သခင်များဆိုတဲ့ အတွေးအာရုံတစ်ခု ကျွန်ုပ်တို့ကို ဖြစ်ပေါ်နေစေပါတယ်။
စကြာဝဠာကြီးကို အနက်ရှိုင်းဆုံးအဆင့်အထိ နားလည်ချင်ရင် စကြာဝဠာကြီး 'ဘယ်လို' ပြုမူသလဲ ဆိုတာသာမကဘဲ၊ 'ဘာကြောင့်လဲ' ဆိုတာတွေကိုပါ သိရှိဖို့ လိုပါတယ်။
ဘာမှမရှိဘဲ နေရမယ့်အစား ဘာကြောင့်တစ်စုံတစ်ရာ ရောက်ရှိနေတာလဲ။
-ကျွန်ုပ်တို့ ဘာကြောင့်တည်ရှိနေတာလဲ။
-ယခုထိ သိရှိပြီးသား နိယာမတွေသာ သီးသန့် အထူးဖြစ်သလော၊ ဘာကြောင့် အခြားသော တချို့တလေ နိယာမတွေ မရှိတာလဲ။
ဒါတွေဟာ စကြာဝဠာနဲ့ အရာရာတိုင်းနဲ့ဆိုင်တဲ့ ကျွန်ုပ်တို့ ဘ၀ရဲ့ အဆုံးစွန်သော မေးခွန်းတွေ ဖြစ်ပါတော့တယ်။

စိုးစိုး (အင်္ဂပူ)