ကာတွန်းတွေ ခွင့်ပြုချက်မတောင်းပဲ သုံးမိတာ တောင်းပန်ပါတယ်

by Naing Htoo Aung on Monday, August 22, 2011 at 7:07am

 

မြန်မာ့နိုင်ငံရေး အခင်းအကျင်းသည် လတ်တလော အခြေအနေတွင် ယခင်နေ့များနှင့်မတူပဲ အစိုးရ၏ နိုင်ငံရေး ကစားကွတ်များဖြင့် အလျင်အမြန် ပြောင်းလဲနေသည်ကို တွေ့မြင်နေရသည်။ တိုးတက်သည်ဟု ယေဘူယျ သဘောထားနိုင်သော်လည်း အများစုကမူ လက်မခံလိုကြပေ။ အရေခွံချွတ် အစိုးရ၏ ပြောင်းလဲလာနေမှုကို မယုံသင်္ကာဖြစ်သူများက အများစုဖြစ်နေသည်။ အခွန်ကိစ္စ၊ ဆင်းရဲမွဲတေမှု တိုက်ဖျက်ရေး၊ ပြည်တွင်းစစ် စသဖြင့် စသဖြင့် ခုတစ်လော ဖြစ်ပျက်နေသမျှတို့တွင် မြစ်ဆုံဆည် ကိစ္စနှင့် နိုင်ငံရေး အကျဉ်းသား ကိစ္စတို့သည် အကျယ်လောင်ဆုံးသော ကိစ္စများဖြစ်ကြသည်။
ရိုးရိုးလေးပြောရရင် အတိုက်အခံတို့က အလိုချင်ဆုံး အရာများသည် အစိုးရအတွက် နောက်ဆုံးမဖြစ်မနေ အခြေအနေရောက်မှ ထုတ်ပေးမည့် လျော့ပေးမည့် ဝှက်ဖဲမှန်း အကဲခတ်မိပေကြလိမ့်မည်။ အစိုးရ အနေဖြင့် အနည်းငယ်မျှသော အလျော့ပေးမှုဖြင့် အကျိုးအမြတ် ကြီးကြီးလိုချင်တာမှန်းလဲ လူတိုင်းစဉ်းစားမိပေမည်။

၈၈ အရေးအခင်းတွင် နိုင်ငံတော်နှင့်သက်ဆိုင်သော အစိုးရဌာနများ အကုန်ရပ်ဆိုင်းကုန်၍ အကျပ်အတည်းဆိုက်ခဲ့ရသည်။ ထို့ကြောင့် စစ်အစိုးရတက်လာပြီး နောက်ပိုင်းတွင် ဝန်ကြီးဌာနအသီးသီးတွင် စစ်ဘက်မှ အနှီပုဂ္ဂုလ်များကို ဝန်ကြီးဌာနများတွင် သင်တန်းများပေးခြင်း တိုက်ရိုက်သော်လည်းကောင်း သွယ်ဝိုင်၍သော်လည်းကောင်း အတင်းအဓမ္မသွတ်သွင်းခြင်း စသောအမှုများကိုပြုလျက် နိုင်ငံတစ်ခုလုံး၏ ယန္တရားကြီးကို မည်သည့်အချိန်တွင်မဆို ရပ်တန့်မသွားအောင် ထိန်းချုပ်နိုင်ရန် အားထုတ်သမှုပြုခဲ့လေသည်။ ကျွန်တော်နှင့် နီးစပ်ရာ ဥပမာပြပါဆိုလျင် မြန်မာ့မီးရထားကိုပြပါမည် ၈၈ ဖြစ်တော့ ဘယ်ရထားမှ ထွက်မရတော့ နောက် ၈၈ပြီးတော့ စစ်သားများ စက်ခေါ်င်းမောင်းသင်တန်း တက်ရသည်။ မည်သို့ပင်ဆိုစေကာမူ စစ်အစိုးရ၏ ရည်ရွယ်ချက် အောင်မြင်သည် အခုနေ ဘယ်သူတွေ ဘယ်လောက် ဖြစ်နေဖြစ်နေ ကောင်းကောင်းထိန်းချုပ်နိုင်နေသည်။ ဤနေရာတွင် ဘယ်လောက်ကြာကြာတောင့်ခံနိုင်မှာလဲ ဟူ၍စကားမကပ်ပါနှင့် သူတို့တွေ တောင့်ခံနိုင်စွမ်းအား တစ်ဝက်လောက်သာကျန်ချိန်တွင် စင်ပြိုင်အင်အားစုမှ ဖွတ်ဖွတ်ညက်ညက် ကြေနေလောက်ပြီကို ပထမစဉ်းစားပါလေ။ ဤကိစ္စသည် ၈၈ ၍ဘေးထွက်ဆိုးကျိုးတစ်ရပ်ဖြစ်သည်။ ရည်ရွယ်ချက် ဖြစ်သော ထိန်းသိမ်းမှုကို ကောင်းကောင်းလုပ်နိုင်လာမည်မှာ သေချာသော်လည်း အဖက်ဖက်က ယိုယွင်းကျဆင်းလာသည်မှာ လက်တွေ့ပင်ဖြစ်သည်။



အစိုးရမကောင်းပြောနေသူများကို အမြင်တစ်ခုတင်ပြချင်သည် ကျွန်တော့အမြင်တွင် အစိုးရတော်ပါ၏ သုံးနေကြစကားတော့ရှိသည် တော်တော့တော်တယ် အသုံးမကျတာလေးပါပဲ ဆိုတာလေးဖြစ်သည်။ လူတော်တော်များများက အစိုးရကို ခုမှ အပြောင်းအလဲတွေ လုပ်နေတယ် ထင်နေသည်။ အချိန်ရှိတိုင်း ကြိုးစား၍ပြောင်းလဲနေသည်ဟု ပြော၍ဆွမ်းကြီးလောင်းလိုက အဖွဲလိုက်လောင်းပါလေ။ သတိထားမိသူတိုင်း သိနိုင်ပေသည်။ သို့သော်တပ်တွင်းကို အခြေခံ၍ လုပ်ကိုင်နေခြင်းကြောင့် ထင်သလောက် မပေါက်ဖြစ်နေခြင်းဖြစ်သည်။ အနည်းဆုံးတော့ ပြင်ပမှ အသိပညာရှင် အတက်ပညာရှင်များသည် လွတ်လပ်စွာတွေးခေါ်နိုင်မှုတွင် အပြတ်အသတ် တပ်တွင်းကို နောက်ချန်ထားခဲ့နိုင်သည်၊ (လိုအပ်လျင် သက်သက် Status ရေး၍ အဆူအဆဲခံပါမည်။) တပ်တွင်းတွင် ရှိသောသူများကို မတော်ဟုမပြောလိုပါ သိုသော် ထိပ်ထိပ်ကြဲနေရာများတွင် နေရာယူရန် လုံလောက်သော အတွေးအခေါ်လွပ်လပ်ခွင့်မရှိခြင်းဖြစ်၍ ယနေ့ တိုင်းပြည် စုတ်ပြတ်သတ်နေခြင်းဖြစ်သည်။ ဦးသန်းရွှေကို တော်တော်များများက မကောင်းပြောကြသည်၊ စစ်အစိုးရကို မတော်ပြောကြသည်။ အစိုးရမတော်ဘူးဆိုတာ လက်မခံပါ၊ ဘယ်နေရာဘာဆေးကျွေးရမလဲ မှန်နေအောင် ရွေးတက်သည်။ အာဏာရှင်နိုင်ငံတွေ တစ်ခုပြီးတစ်ခု အဘေခံရသည်၊ သူမပါ သူ့ကိုမထိခိုက်ပဲ ရနိုင်သော အဆိုးဆုံးအခြေအနေကို ရအောင်လုပ်နိုင်ခဲ့သည်။ ဦးသန်းရွှေသည် သူ့လက်ထက်တွင် သူ့အာဏာကို ဘယ်သူမှ မျက်စောင်းထိုးမခံရအောင် လုပ်ခဲ့နိုင်သည်။ သူ့လက်အောင်တွင်လဲ လူအမျိုးမျိုးရှိနေနိုင်သည် အားလုံးက ဝိုင်းအပုတ်ချနေ၍သာ မကောင်းတာမှန်သမျှ သူလုပ်တာလိုဖြစ်နေမလား စဉ်းစားမိသည်။



လူတိုင်း ခေါ်င်းဆောင်နေရာရောက်လာလျင် ခေါင်းဆောင်ကောင်းဟု မြင်စေချင်သည်မှာ ဟုတ်မဟုတ် ကိုယ်ချင်းစာစေချင်သည်။ သူကောင်းတယ်ထင်တာ လုပ်နေတာပဲဖြစ်သည်။ သူလဲ သူ့ရဲ့ အကောင်းဆုံးစေတနာ လူထင်ကြီးခံချင်စိတ်ဖြင့် လုပ်မှမလွဲဖြစ်သည်။ သတင်းအချက်အလက် မှန်မှန်ကန်ကန် မရခဲ့တာလဲ ဖြစ်ကောင်းဖြစ်မည်။ ဘယ်သူမှ သူ့လောက်မသိနေနိုင်။ ဘာပြောပြောအခု ဦးသိန်းစိန်အစိုးရသည် နိုင်ငံရေး အမျှော်အမြင်ကြီးသည်ဟု မြင်သည်။

လက်ရှိအစိုးရ၏ သွားနေသည့် လမ်းကြောင်းကို မြင်နေကြ အမြင်မျိုးမဟုတ်ပဲ အနည်းငယ် စစ်ကြောဝေဖန်ကြည့်ချင်သည်။ ဒါလေးမပြောခင် ရေနံအကြောင်းလေးနဲနဲ ကြော်ညာဝင်ချင်သည်။ လူသားတို့သည် ရေနံကို ဒီအတိုင်း မပြုမပြင် မီးထွန်းရန် အဓိကထား သုံးစွဲလာခဲ့ရာမှ ခေတ်ကာလပြောင်းလဲမှု စက်မှုလုပ်ငန်းများ၏ လိုအပ်ချက်များအရ လေယဉ်ဆီ၊ ရေနံဆီ၊ အော့တိန်း၊ ဓါတ်ဆီ၊ ဒီဇယ် အစရှိသည်ဖြင့် အမျိုးမျိုးချက်လုပ် သုံးစွဲလာကြပြီဖြစ်လေသည်။ ရေနံချက်လုပ်ရာ ဖြစ်စဉ်တစ်ခုလုံးကို ခြုံငုံသုံးသပ်ကြည့်လျင် အပူချိန်နည်းရာမှ များရာသို့ တစ်ဖြည်းဖြည်း မြှင့်တင်ပြီး အဆင့်ဆင့်ထုတ်ယူခြင်းဖြစ်သည်။ ဤသို့ထုတ်ယူရာတွင် အနည်းငယ်သော အပူချိန်တွင် ဆူသော အငွေ့ပျံသော လောင်ကျွမ်းမှု အဆင့်မြင့်သော ဆီမှစတင်၍ အပူချိန်များများပေးရသော ဆီများကို အဆင့်ဆင့်ထုတ်ယူရခြင်းဖြစ်သည်။ ဒါတွေဘာမဆိုင် ညာမဆိုင် လာရေးနေသည်ဟု ထင်ကောင်းထင်မည်။ ကျွန်တော့အတွက်တော့ ဆိုင်သည်ဟုဆိုရပေမည်။

အစိုးရ၏ အကြံပေးအဖွဲ့ကို မည်သည့်အချိန်တွင် စတင်ဖွဲ့ခဲ့သည်ဟု စာဖတ်သူတို့ ယူဆသလဲဆိုတာ ကျွန်တော်ကအရင် စဉ်းစားစေချင်သည်။ ဤကိစ္စကို လွယ်လွယ်နှင့် ချက်ချင်းလုပ်မရမှန်း လူတိုင်းသိသည်။ စစ်တပ်တွင်းမှ လူများနှင့်သာ တိုင်းပြည်ရှေ့ဆက်သွား၍မလွယ်မှန်း သိနေတာ အတော်ကြာနေလောက်ပြီဖြစ်သည်။ ရေနံချက်တာနှင့်နှိုင်းပြောရရင် သူတို့အတွက် အင်မတန်အသုံးဝင်သူများကို ပထမဆုံးအသုတ်အနေနှင့် ထုတ်ယူပြီး အသုံးချလိုက်ခြင်းဖြစ်သည်။ ဒီနေရာတွင် ဒီမိုကရေစီစနစ် ဖြည်းဖြည်းချင်း အသက်သွင်းမည် အထဲရောက်လျင်ပူးသတ်မည် ဆိုသော သူတွေရဲ့ အတွေးကို လည်းထည့်တွေးစေလိုသည်။



အစိုးရအကြံပေးအဖွဲ့တွင်ပါသော သူများကို ပုတ်ခတ်ကြသည် စော်ကားကြသည်။ မှားသည် ကျွန်တော်သာသူတို့နေရာမှာဆိုလဲ သူတို့လမ်းစဉ်သာလိုက်မည် ဆယ်ခွန်းပြော ဆယ်ခွန်းပျက်နေရာတွင် သူ့အယူအဆကို ပြောပြခိုင်းလျင် မည်သို့တွေးထင်မည်နည်း။ နှစ်ခွန်းပြောလို့ ဘာမှလက်မခံရင်တောင် သူပေးချင်သည့် Message ခေါင်းထဲတော့ဝင်သွားချေမည်။ မည်သည့်အတွေးအခေါ် မည်သည့်အယူအဆရှိသည်ဖြစ်စေ ယခုကိစ္စမျိုးတွင် ပူးပေါင်းပါဝင်ရမည်။ ရေးနေရင်း ဆရာအော်ပီကျယ် ကာတွန်းလေး သွားသတိရသည်။



အခုလဲ စီးပွားရေးဖိုရမ်တွင် လူတစ်ဦး စာတမ်းလာဖတ်၍ သို့လောသို့လောတွေ များလာကြသည်။ နောက်ပြီး အဝေရောက်နေသူများကို ပြန်လာချင်က ပြန်လာနိုင်ရန် တံခါးဖွင့်ပေးသည့် အကြောင်းတွေကြားနေရသည်။ အခုလဲ ဒေါ်စုနှင့်တွေ့ဆုံဆွေးနွေးတာတွေလုပ်သည်။ တစ်ဆင့်ပြီးတစ်ဆင့် အလိုရှိရာများကို ချက်လုပ်နေခြင်းဖြစ်သည်။ ချက်လုပ်ရာတွင်လဲ တော်တော်ပညာပါသည်ဆိုရမည် ဥပမာတစ်ခုပေးရသော် မချက်ခင်ရွေးတာလေးပြောစရာရှိသည် အစိုးရက အတော်အရွေးတော်သည် ဘယ်အညှာကိုင်ရမလဲနားလည်သည်။ ခဲသလဲ ရွေထုတ်တာလဲတော်သည် တခြားမကြည့်လင့် Facebook မှာလုပ်ပုံလေးပဲ နမူနာကြည့်ပါစို့ ဥပဒေထုတ်ပြီး ယောင်ဝါးဝါးတွေ ဘေးဖယ်ထုတ်လိုက်သည်။ ကျွန်တော့ ပတ်ဝန်းကျင်က ဆရာများကတော့ ဆရာ့ ဆရာအစစ်တွေ ဖြစ်ပုံရသည် မဖြုံချေ။အာဏာရယူဖူးသူတစ်ယောက်သည် ဘယ်တော့မှ လွယ်လွယ်နှင့် လွှဲပေးမည်မဟုတ်ပေ။ သူ၏ပေါ်လစီအောင်မြင်သည်ခေါ်ရမည် အခုဆိုရင် လတ်တလော အခြေအနေများကို အကောင်းမြင်သူနှင့် အဆိုးမြင်သူများ တစတစနှင့် ကွဲစပြုလာတာလဲ မြင်နေရသည်။ သို့သော် လုပ်စရာရှိသည်များကိုတော့ ဆက်လုပ်ရမှာပဲဖြစ်သည်။

ဒီနေရာမှာ လုပ်စရာရှိသည်ဟူသော အတွေးကို ကိုယ်ပိုင်ခံယူချက်ဖြင့်သာ ဆုံးဖြတ်ကြရမှာဖြစ်သည်။ အစိုးရသည် ဒီနည်းဖြင့် အတိုက်အခံများကို အလွှာလိုက် အလွှာလိုက်ခွဲ၍ သင့်တော်မည့် နေရာများတွင် အသုံးပြုသွားပေလိမ့်မညိ၊ အနည်းငယ်ချင်း ခဏခဏ လျော့ပေးရုံဖြင့် တောင်းဆိုတိုင်းရမည်ဟု ထင်မှတ်မှားသော် ဤခရီး ကြာပေဦးမည်။ ဒီလောက်အချိန်အကြာကြီးတောင်းဆိုလာတာ တောင်းတိုင်းမရဘူးဟု မသိသေးလျင် ဟိုကတော်တော်နုံတာပဲဟု မှတ်ချက်ချရုံကလွဲရင် ဘာမှ ရလိမ့်မည်မဟုတ်ပေ။

ဒီနေရာမှာ နောက်ဆုံးမှတ်ချက်ပေးရလျင် လိုချင်တာဘာလဲဟူသော မေးခွန်းပင်ဖြစ်သည်။ တဖြည်းဖြည်း အစိုးရက သူ့အတွက်အသုံးဝင်နိုင်သော အရည်အချင်ရှိသူများ မကျန်တော့လျင် ဘာဖြစ်လာမည်နည်း။ အဆင့်အဆင့်ချက်လုပ်လိုက်သော ရစရာများကုန်လျင် နောက်ဆုံးကျန်နေခဲ့သည်မှာ ရေနံချေးပင်ဖြစ်သည်။ ဆွမ်းကြီးလောင်းကြပါကုန်။ ပြည်သူများ၏ဆန္ဒမှာ ဘယ်မင်းတက်တက် ကောင်းကောင်းနေရဖို့ဖြစ်သည်။ ဘာလာလာမကောင်းမြင်နေသူများကို တဖြည်းဖြည်း အဓိပ္ပယ်မရှိသောသူများဟု ထင်လာစေရန် အားထုတ်နေသလားဟုလဲ တစ်ခါတစ်ခါမြင်မိသည်။
အစမှပြန်ကောက်ရလျင် အလိုချင်ဆုံးသော ကိစ္စသည် နောက်ဆုံမှရတက်တာမှန်း မေ့မထားစေချင်ပါ။ ပြည်သူတွေကတော့ သားရွှေအိုးထမ်းလာတဲ့ အဖြစ်မျိုးကို လိုချင်ကြမည်ဖြစ်သည်။ လောလောဆယ်တွင် တစ်သက်လုံးလုပ်လာခဲ့သော မရမကတောင်းဆိုမှုတွေ ဆက်လုပ်ကြမှာလား ပူးပေါင်းကြမှာလားပင်ဖြစ်သည်။ အများစုကတော့ စောင့်ကြည့်ဆဲ အနေအထားဟုမြင်ပါသည်။ ပညာရှင်များ ပညာတက်များကို အသုံးချသည်ဖြစ်စေ ပူးပေါင်းသည်ဖြစ်စေ ကောင်းသော အကျိုးဆက်တွေ ရလာနိုင်သည်ကိုတော့ မည်သူမျှငြင်းခြင်လိမ့်မည်မထင်။ ရေနံချေးဖြစ်တော့လဲ အိမ်သုတ်လိုက်ကြတာပေါ့ဗျာ.. ဒါလဲအတော်အသုံးဝင်ပါသည်။ တခြားမပြောလိုပါ ပိုးကိုက်ခြစားသော တိုင်တွေအတွက်တော့ ဆေးနည်းကောင်းတစ်လက်ပင်....