ဆောင်းယွန်း ဂိမ္မာန် သို့မဟုတ် စာရေးဆရာနှင့် သံသရာ

by အား မာန် on Friday, August 19, 2011 at 7:19am

(ဆရာဗန်းမော်တင်အောင်ရဲ့ အပြောင်းအလဲ (တကယ်တော့ မျက်နှာဖုံး အဟောင်းအသစ် ပြောင်းလဲပွဲ) တခုမှာ ပါဝင် ပတ်သက်ကြသူတွေ ကိုယ် သန်ရာအမြင်နဲ့ ကိုယ်သန်ရာ အကျိုးစီးပွားကို ရှေ့ရှုပြောင်းလဲ သွားကြ ပုံ ရေးထားတဲ့ ဝတ္ထု ဆောင်းပါးလေး တခုဖြစ်ပါတယ်။ ပန်းဝေဟင်မြိုင် ဝတ္ထုရဲ့ နောက်ပိုင်းမှာ တွေ့ရှိရတာဖြစ်ပြီး ဆရာ ၁၉၇၂ ခုနှစ် ကိုကိုးကျွန်း က ပြန်လည် လွတ်မြောက်ပြီးစမှာ ရေးသားခဲ့ဟန် တူပါတယ်။ အချိန်က သခင်စိုးကြီး ပြောသလို “ဆိတ်ခေါင်း ချိတ်ပြီး ခွေးသားရောင်း” တဲ့ ဗိုလ်နေဝင်းရဲ့ ဆိုရှယ်လစ်ခေတ်ပြောင်း တော်လှန်ရေးကြီး အုတ်မြစ်ချပြီး ကာလဖြစ်ပါ တယ်။ တချို့လဲ ဆိတ်ခေါင်းကြည့်ပြီး အဟုတ်မှတ်ကြသလို တချို့ကတော့ ခွေးသားမှန်း သိရက်နဲ့ပဲ တဘဝကောင်းဖို့ ကိုယ့်သမိုင်းကော တိုင်းပြည်နာဂါတ်ကိုပါ ရောင်းစားကြတယ်။ ဆရာဗန်းမော်တင်အောင်က သူ့မိတ်ဆွေ အပေါင်းဖော် တွေထဲက ရေဆန်ကို မလိုက်ရဲတော့ဘဲ ဘေး ထိုင်သွားကြသူတွေ၊ ရေစုန်မျှောလိုက်ကြသူတွေ အကြောင်းကို ခေတ်ကြေး မုံတခုလို တင်ပြထားပါတယ်။

အိမ်စောင့်အစိုးရ၊ တော်လှန်ရေးကောင်စီ၊ မဆလ၊ နဝတ/ နအဖစတဲ့ မျက်နှာဖုံးစွပ်တွေ အမျိုးမျိုးပြောင်းခဲ့တဲ့ စစ်အုပ်စု ဟာ အခုနောက်ဆုံး သန်းရွှေ/မင်းအောင်လှိုင်/သိန်းစိန် သုံးဦးဂိုဏ်းဟာ အတုအယောင် ရွေးကောက်ပွဲနဲ့ အရပ်သား မျက်နှာဖုံးစွပ်ပြီး ဟန်ပြ အပြောင်းအလဲကလေးတွေနဲ့ ခွေးသား ရောင်းနေပြန်ပါပြီ။ ဆိတ်ခေါင်းတောင် ချိတ်မပြတော့ ဘူး။ ၂၀၀၈ စစ်ကျွန်ဖွဲ့ စည်းပုံဆိုတဲ့ ဆိုင်းဘုတ်ကလေးတခုပဲ ထောင်ထားတယ်။
ဆရာဗန်းမော်တင်အောင်ရဲ့ ဆောင်းပါးဟာ ဒီနေ့ ကျနော်တို့ ရင်ဆိုင် ဖြတ်သန်းနေရတဲ့ အခြေအနေနဲ့ အံဝင်ဂွင်ကျ ထင်ဟပ်နေပါတယ်။ တော်လှန်သတိ သင်္ခန်းစာ အမြောက်အများ ပါဝင်နေတာကြောင့် မိတ်ဆွေအပေါင်းကို ထပ်ဆင့် မျှဝေလိုက်ရပါတယ်။ ရဲဘော်ကျော်သန်း)
  “အင်းစိန်တောရ” ဟူ၍ ၀ိနည်းလွတ် ခေါ်ဝေါ်လျက်ရှိသော အရပ်နေရာမှ ကျွန်တော်တို့လူသိုက်သည် ထွက်လာကြရသောအခါ နေ၀င်လုနီးပေပြီ။
           ကျွန်တော်နှင့်အတူ ကားကလေးတစီးထဲတွင် မွတ်တားခေါ်ဒလ ဦးထွန်းစိန်နှင့်မန္တလေးမှ သခင်ရန်ချွေ နှစ်ယောက်တို့ပါ၏။ ကျွန်တော်တယောက်သာ စာရေးဆရာဖြစ်လျက် သူတို့နှစ်ဦးစလုံးကား ရဲရဲတောက် နိုင်ငံ ရေးသမားကြီးများဖြစ်ကြသည်။ ၁၉၃၆-ခုနှစ် ကျောင်းသားသပိတ်၊ ၁၃၀၀ ပြည့် အရေးတော်ပုံ၊ ဗမာ့ လွတ်လပ် ရေးတပ်မတော်၊ ဗမာ့ကာကွယ်ရေးတပ်မတော်နှင့် ဗမာ့မျိုးချစ်တပ်မတော် အစရှိသော အမျိုးသားရေး လက်နက်ကိုင် အဖွဲ့အစည်းများနှင့် လှုပ်ရှာမှုများ၊ စစ်ပြီးခေတ် အမျိုးသားလွတ်လပ်ရေးတိုက်ပွဲများ အဆင့်ဆင့် တွင် ရှေ့တန်းမှ ပါဝင်ခဲ့ကြသူချည်းဖြစ်သည်။ ကြိုးဒဏ်နှင့်ထောင်ဒဏ်များ အကြိမ်ကြိမ်အခါခါကျခံခဲ့ရဘူးသူ များလည်းဖြစ်သည်။
              အာဘောကသိုဏ်းကို သုံးနှစ်မျှ၎င်း၊ အထွေထွေကသိုဏ်းများကို လေးနှစ်မျှ၎င်း ထိုင်ခဲ့ရှုခဲ့ကြသူများ ချည်းသာဖြစ်၍ “တောရ”မှ ဗြုန်းကနဲ ထွက်အလာတွင် ကျွန်တော်တို့ လူသိုက်သည် ကြောင်စီစီ ယောင်အမ်း အမ်းဖြစ်နေကြ၏။ နှစ်ကာလအတန်ကြာမျှ အသစ်ဖြစ်နေခဲ့ရသော လူ့ဘုံခန်းဝါနှင့် ရုတ်တရက် ပြန်လည်တွေ့ ထိရသဖြင့် အဆန်းအသစ်ကဲ့သို့လည်း ဖြစ်နေသည်။
              “တောရ”မှ အထွက်တွင် ကျွန်တော်တို့လူသိုက်ကို တင်ဆောင်လာသော မော်တော်ကားကလေး သည် ယခင်သွားနေကျ လမ်းရိုးအတိုင်း လက်ဝဲဘက်မှမဟုတ်ဘဲ လက်ျာဘက်လမ်းအတိုင်း မောင်းထွတ်လာ သောအခါ ကျွန်တော်တို့ ကမ္မဋ္ဌာန်းသမား သုံးဦးတို့သည် “ဟာ... သောက်ကျိုးနဲ ဘယ်လိုဖြစ်ကုန်ကြပါလိမ့်” ဟူသော အနေဖြင့် တယောက်မျက်နှာကိုတစ်ယောက် မျက်ရိပ်မျက်ခြည်ဖြင့် ပြူးတူးပြဲတဲလှမ်းကြည့်မိကြ၏။ သို့ရာတွင် စကားရဲရဲ မပြောတတ်မဆိုတတ်ကြသေးသဖြင့် နှုတ်ပိတ်ကာ လိုက်ပါလာကြသည်။
             ကျယ်ဝန်းသော လမ်းမကြီးတွင် မော်တော်ကား ကလေးသည် တရိပ်ရိပ်ပြေးလွှားလျက်ရှိ၏။ ကားကြီး များကို ကျော်တက်ရန်ရှိသောအခါ ဟွန်းသံကို နားကလောလောက်အောင်ပေးရင်း လက်ဝဲဘက်မှ ကျော်တက် လာခဲ့သည်။
             သခင်ရန်ချွေဆိုသူသည် ဥယျာဉ်စိုက်ပျိုးရေးတွင် အထုံဝါသနာကြီးသူဖြစ်၏၊ ဇွဲနဘဲလည်း ကောင်း၏။ တလမ်းလုံး သူသည် စကားတလုံးမျှမပြော၊ ကမ္မဋ္ဌာန်းထိုင်ရင်း “တောရ”တွင် သူပြုစုထားခဲ့သော ဥယျာဉ်က လေးအကြောင်းကို စဉ်းစားချင်က စဉ်းစားလျက် ရှိပေမည်။
              ကျွန်တော်၏ လက်ျားဘက်ဘေးတွင် ငြိမ်သက်စွာ လိုက်ပါလာသော မွတ်တားခေါ် ဒလ ဦးထွန်းစိန် တယောက်သည်လည်း ဘာတွေ တွေးလာခဲ့သည်မသိ၊ ငြိမ်ချက်သား ကောင်းလျက်ရှိ၏။ မြို့မကျောင်းထွက် တဦးပီပီ သူသည် အမျိုးသားလွတ်လပ်ရေး တိုက်ပွဲလောက်နှင့် အချိန်လွန်ခဲ့သူ ဖြစ်ရကား အသက် လေးဆယ် နီးခါမှ အိမ်ထောင်ပြုနိုင်သူဖြစ်၏။ သို့ရာတွင် သူ၏ ချစ်ဇနီးဒေါ်ခင်တင့်နှင့်ကြာကြာပင် မပေါင်းခဲ့ရ၊ သုံးနှစ်မျှသာ အကြင်လင်မယား အဖြစ်ဖြင့် အတူနေခဲ့ရသည်။ “တောရ”သို့ ထွက်မလာမီက သူ့တွင်အခါလည် သာသာအ ရွယ် သမီးကလေးတစ်ယောက် ကျန်ရှိခဲ့သည်။ ထို့ကြောင့် ထိုနိုင်ငံရေး သတ္တ၀ါသည်လည်း လူသားတစ် ယောက် ဖြစ်သဖြင့် သူ့ဇနီးနှင့် သမီးကလေးအကြောင်းတို့ကို စဉ်းစားနေတန်ရာ၏။ အာဘောကသိုဏ်းကို သူနှင့်အတူ ကျွန်တော်ရှုခဲ့ရစဉ်က သူ့ဇနီးနှင့် သမီးများအကြောင်း မကြာမကြာ ပြောတတ်သည်။ ပြောသော အခါများတွင်လည်း လွမ်းလွမ်းဆွတ်ဆွတ် ပြောဆိုတတ်သည်။
               ကျွန်တော်၏ ဦးနှောက်သည် ဟင်းလင်းပြင်ဖြစ်နေသည်။ ဘာမျှမစဉ်းစား မတွေးတောမိအောင် ကျွန်တော်သည် အားထုတ်၏။ မော်တော်ကား၏ ထိုင်ခုံနောက်တန်းကိုမှီကာ မျက်လုံးများကို မှိတ်ထားလိုက် သည်။ အာရုံများ ၀င်မလာနိုင်အောင် စိတ်တံခါးကို ပိတ်ထားရန် အားထုတ်နေခြင်းပင်ဖြစ်သည်။
               ထိုအကြားထဲမှပင် တနှစ်,တနှစ်တွင် အသက်အရွယ်အားဖြင့် အိုမင်းလျက်ရှိနေပြီဖြစ်သော မိခင်ကြီး ၏ ရုပ်ပုံလွှာသည် မကြာမကြာ စိတ်တံခါးကိုလာလာခေါက်၏။ တခါခါတွင်လည်း ပင်လယ်ရပ်ခြား တိုင်းတပါး တွင် သွားရောက် ပညာသင်ကြားနေသော သမီးကြီးသစ်သစ်သည် ဦးနှောက်အတွင်းသို့ တိုးဝင်လာ၏။ ထိုမြေး အဖွားနှစ်ယောက်တို့ကို ကျွန်တော်သည် ဖယ်ရှားဆွဲထုတ်ပစ်လိုက်သည်။ အလားတူပင် ထိုမြေးအဖွား နှစ် ယောက်တို့ကို နောက်ယောင်ခံလိုက်ကာ စိတ်တံခါးဝတွင်သူတို့အလည့်အတွက် ချောင်းမြောင်းရပ်စောင့်နေကြ သော မြိုင်တို့သားအမိတတွေကိုလည်း မာန်မဲမောင်းထုတ်ပစ်လိုက်ရသည်။
            ကျွန်တော်သည် စိတ်အလုပ်များစွာ လုပ်ကိုင်ရသော “တောရ”မှ မနက်ပိုင်းလောက်ကမှ လွတ် မြောက်လာရသူဖြစ်၏။ ထို့ကြောင့် တတ်နိုင်သမျှ မိမိစိတ်ကို အနားပေးလိုသည်၊ သက်သက် သာသာနားလို သည်။


         “ဟေ့လူ ကိုအေးသွင်... ဒါ ခင်ဗျားအိပ်ပျော်နေတာလား...၊ ခင်ဗျားအိမ်ရောက်နေပြီဗျာ”ဟု ဒလ ဦးထွန်းစိန်က မှေးကနဲ အိပ်ပျော်သွားပုံရသော ကျွန်တော့်ပုခုံးကိုပုတ်နှိုးရင်း သတိပေးပြောကြားသံကို ၀ိုးတ၀ါး ကြားလိုက်ရ၏။ သည်တော့မှ ကျွန်တော်သည် မှေးထားသော မျက်လုံးများကို ဖွင့်လိုက်ရသည်။
          ကျွန်တော်တို့ လူသိုက်ကို “အင်းစိန်တောရ”မှ သယ်ဆောင်လာသော မော်တော်ကားကလေးသည် ကျွန်တော့်အိမ်ရှေ့ ခြံဝင်းတံခါးဝတွင် ရပ်ထားလေသည်။ ကျွန်တော်သည် ကိုယ် ဆောက်ခဲ့သော အိမ်ကိုပင် ကောင်းစွာ မမှတ်မိချင်သလို ဖြစ်နေ၏။ အဘယ့်ကြောင့်ဆိုသော် “တောရ”သို့ ကျွန်တော်မသွားမီက စိုက်ပျိုး ထားသော သစ်ပင် ပန်းပင်ကလေးများသည် အိမ်ရှေ့ မျက်နှာစာတွင်တော ထ, နေသောကြောင့်ပင် ဖြစ်၏။ ထို့ ကြောင့် ကားပေါ်မှရုတ်တရက် မဆင်းဖြစ်နိုင်သေးဘဲ ကိုယ့်အိမ်ကိုပင် အဆန်းသဖွယ်ငေးမော ကြည့်ရှုနေမိ သည်။
           အချိန်ကလည်း မရှိတော့သည့်အပြင် ဒလ ဦးထွန်းစိန်နှင့် သခင်ရန်ချွေတို့နှစ်ဦးကို အိမ်တိုင်ယာရောက် လိုက်ပို့ပေးစရာ ရှိနေသေးသော ကားမောင်းသူက မော်တော်ကားဟွန်းသံကို တပေးထဲပေးလျက်ရှိ၏။ သို့ရာ တွင် အိမ်တွင်းမှ မြိုင်တို့သားအမိတတွေထဲက တယောက်မှထွက်မလာကြပေ။ အိမ်ကြီးတစ်ခုံးသည်လည်း လူသူတယောက်မျှ မရှိသလို တိတ်ဆိတ် ငြိမ်သက်လျက်ရှိသည်။
         တောင်ကြီးကမှ မိုးဟာမက်ထံမလာလျှင် မိုဟာမက်က တောင်ကြီးရှိရာသို့ သွားရမည်ဖြစ်ည့်အလျောက် ကျွန်တော်သည် ကားပေါ်မှ ဆင်းလိုက်၏။ ယင်းသို့ ကားပေါ်မှ ဆင်းလာပြီးနောက် ခြံဝင်းတံခါးဝ၌ ရပ်အလိုက် တွင် ခွေးတကောင်သည် အိမ်အောက်ထပ်မှ ပြေးထွက်လာပြီးလျှင် ကျွန်တော့်ကို စူးစူးဝါးဝါးဟောင်၏။ ခွေးဆွဲ မည်စိုးဟန်ဖြင့် ဒလ ဦးထွန်းစိန်နှင့် သခင် ရန်ချွေတို့သည် ကားပေါ်မှဆင်းလာကြပြီးလျှင် ဟောင်နေသော ခွေး ကို ၀ိုင်းဝန်းချောက်လှန့်ပေးကြသည်။ ခွေးသည် စောစောကလို စူးစူးဝါးဝါးမဟောင်တော့သည့်တိုင်အောင် ဆက်လက်၍ မာန်ဖီနေ၏။
            ထိုအခိုက် သူ၏ ကစားဖော်များနှင့် မလှမ်းမကမ်းတွင် ကစားနေရာမှ ကလေးတစ်ယောက်သည် ခွေး တကောင်နှင့် လူသုံးယောက်တို့ အချင်း ဖြစ်ပွားနေသော ခြံဝင်းတံခါးဝသို့ ပြေးလာပြီးလျှင် “ဘယ်သူ့ကို တွေ့ချင်လို့လဲ ခင်ဗျာ”ဟု မေး၏။ ထို ကလေးသည် ဆယ်နှစ်သားခန့် အရွယ်ဖြစ်၏။ ထိုကလေး၏ မျက်နှာ ပေါက်ကို ကြည့်ရင်း တခါက မြင်ဘူးသည်ဟု ကျွန်တော်သည် အောက်မေ့လျက်ရှိသည်၊ သို့ရာတွင် ဘယ်တုန်း ကနှင့် ဘယ်နေရာတွင်ဟူ၍ကား စဉ်းစားမရတော့ပေ။
           “ဒါ စာရေးဆရာ ကိုအေးသွင်ရဲ့အိမ် မဟုတ်ဘူးလားကွ...”ဟု ဒလဦးထွန်းစိန်က သေချာသည်ထက် သေချာအောင် ထိုကလေးကို မေးမြန်းလိုက်၏။
           “ကျွန်တော်တို့ ဖေဖေ အိမ်မှာမရှိတာ ကြာပြီ ဦးလေး၊ မေမေကတော့ရှိပါတယ်၊ ဒါပေမယ့် ဖျားနေ တယ်ခင်ဗျာ” ထိုကလေးက ယင်းသို့ပြန်လည်ဖြေကြားလိုက်တော့မှ ထိုကလေးသည် ကျွန်တော်၏သားငယ် မောင်ကျော်မြင့်မှန်း ကျွန်တော် သိလိုက်ရ၏။ သို့ရာတွင် မောင်ကျော်မြင့်သည် သူ့ဖခင်ကို မသိတော့၊ မှတ် လည်း မမှတ်မိတော့။ သူ သုံးနှစ်သားအရွယ်လောက်က ကွဲကွာ သွားသော သူ့ဖခင်ကို ထို ကလေးသည် သူ့ အဖေမှန်း အဘယ်သို့ မှတ်မိ သိရှိနိုင်ပါ့တော့မည်နည်း။
            ကျွန်တော်တို့ သားအဖနှစ်ယောက်ဖြစ်အင်ကို ဘေးမှစိတ်မချမ်း မမြေ့ဟန်ဖြင့် ကြည့်နေရာမှ “ဒါ မင်းဖေဖေလေ၊ သွား...သွား မင်းဖေဖေ ရောက်နေတဲ့ အကြောင်း မင်းမေမေကို သွားပြောချေကွာ...”ဟု ဒလ ဦးထွန်းစိန်က ခိုင်းစေလိုက်တော့မှ မောင်ကျော်မြင့်သည် ကျွန်တော့်ကို မသိမသာ တချက်မျှ လှမ်းကြည့်လိုက် ပြီးနောက် အိမ်ထဲသို့ ပြေးဝင်သွား၏။ အိမ်ထဲသို့အရောက်တွင် နေထိုင်မကောင်းဖြစ်ကာ ခွေနေဟန်ရှိသော သူ့ မိခင်ကို “ဖေဖေလို့ပြောတဲ့ လူကြီးတယောက် အိမ်ရှေ့မှာ ရောက်နေတယ် မေမေ...”ဟု ပြောဆိုနေသံများ ကျွန်တော်တို့လူသိုက် ကြားရ၏။
           သူ့မိခင်ကို သူ့ဖခင်ဆိုသော လူကြီးတစ်ယောက် ရောက်ရှိနေကြောင်း သတင်းပေးပို့ပြီးနောက် မောင်ကျော်မြင့်သည်  အိမ်ရှေ့သို့ပြန်ထွက်လာပြီးလျှင် ခြံဝင်းတံခါးဝတွင် ကျွန်တော်တို့လူသိုက်အား မာန်ဖီ ရန်လုပ်နေသာ ခွေးကို “ဟေ့ကောင်... ဘိုဖြူ လာခဲ့...”ဟု လှမ်းခေါ်လိုက်သည်။ သည်တော့မှပင် ဘိုဖြူသည် သူ့သခင်အမိန့်ကို နားခံကာ အိမ်ထဲသို့ ပြန်ဝင်သွား၏။
           ခြံထဲသို့ ၀င်လာရစဉ် အိမ်အောက်ထပ်မှနေ၍ ကျွန်တော့်ကို မျက်စောင်းတခဲခဲနှင့် ကြည့်နေတုန်းဖြစ် သော ဘိုဖြူကို သတိထားရ၏။ စိတ်ထဲတွင်လည်း မကောင်းလှ။ အဘယ့်ကြောင့်ဆိုသော် သုံးလသားအရွယ် လောက်မှစ၍ ကိုယ်တိုင်မွေးလာရသော ထိုသတ္တ၀ါသည် ကျွန်တော့်ကိုမမှတ်မိ,မသိရှိတော့ဘဲ ရန်လုပ်နေသော ကြောင့် ဖြစ်သည်။ ထို့အတွက် ဘိုဖြူကို အပြစ်ဆိုရန် အကြောင်းမရှိဟုထင်၏။ ဘိုဖြူကို ကျွန်တော် ခွဲသွားသည် မှာ ကြာဘဲ ကြာလှပါပကောလား။


          “တောရ”မှ နေအိမ်သို့ ပြန်ရောက်ပြီးနောက် မိမိ၏သားမယား သားသမီးများနှင့် ပြန်လည် ပေါင်းစည်းရ သောညက ကျွန်တော်သည် တညလုံးမအိပ်ပေ။ အသစ်ဖြစ်သော မိမိ၏ ပတ်ဝန်းကျင်နှင့် တညလုံး ပဋိပက္ခ ဖြစ်ပွားလျက်ရှိ၏။ အပ ပတ်ဝန်းကျင်နှင့် လုံးသတ်ရသလို အတွင်း ပတ်ဝန်းကျင်နှင့်လည်း လုံးသတ်ရသည်၊ ထို့ ကြောင့် နာကျင် ပင်ပန်းသည်။
            သိတတ်ကြပြီ ဖြစ်သော နုနု၊ ချစ်ချစ်နှင့် မောင်တင်ထွန်းတို့ သုံးယောက်က သူတို့၏ ဖခင်ကို ခပ်စိမ်း စိမ်းနှင့် လက်ခံကြသော်လည်း အငယ်နှစ်ယောက်ဖြစ်သော စုစုနှင့် မောင်ကျော်မြင့်တို့ကမှုအလားတူ လက်ခံ ရန် အဆင်သင့် မရှိကြသေးပေ၊ ကျွန်တော့်ကို လူစိမ်း သူစိမ်းလို ကြည့်ရှုနေကြသည်၊ သဘောထားနေကြပုံ လည်း ရသည်။ ဘိုဖြူ တစ်ကောင်ကလည်း ကျွန်တော့်ကိုမြင်တိုင်း သွားဖြဲ၍ ဖြဲ၍ပြဆဲပင်ဖြစ်၏။ ထို့ကြောင့် မိမိ ခြံဝင်းအပြင်မှ အရာဝတ္ထု၊ အကြောင်းအရာ၊ အဖြစ်အပျက်များနှင့် သဟဇာတ ဖြစ်အောင်လုပ်ဘို့ ကိုင်ဘို့ အရေး ထက် မိမိ ခြံဝင်းအတွင်းမှ အရာဝတ္ထု၊ အကြောင်းအရာ၊ အဖြစ်အပျက်များနှင့် အံဝင် ဂွင်ကျ ဖြစ်အောင် တော် တော်ကလေးလုပ်ယူ ကိုင်ယူရဦးမည့် မိမိ၏အဖြစ်ကို ကျွန်တော်တွက်ချက် စဉ်းစားရသည်။
          “တောရ”တွင် ရောက်နေရခဲ့၍ ၎င်း၏ ယောက္ခမကြီး ဆုံးပါးသွားသည့်သတင်းကို မြိုင်သည် ဦးစွာပြော ကြား၏။ မွေးသမိခင်၏ ရုပ်ကလာပ်ကို ၀တ္တရားရှိသည့်အတိုင်း ကျွန်တော်သည် သင်္ဂြိုခြင်းအမှု မပြုလိုက်ရပေ။ အလားတူပင် သုံးရာပြည့် အရေးတော်ပုံ ကာလများအတွင်းကလည်း ကျွန်တော်သည် မိမိဖခင်၏ ရုပ်ကြွင်းကို သင်္ဂြိုခဲ့ရသူမဟုတ်။ ထို့နောက် ထိုမိန်းမသည် တောင်ငူနှင့် ပဲခူး ဘက်တွင်ရှိကြသော နှစ်ဖက် ဆွေးမျိုးသားချင်း များ သတင်းနှင့်အခြေအနေကို လျှောက်ပြော၏။ ကျွန်တော်သည် နားထောင်သူ သက်သက်မျှသာ ဖြစ်သည်။
           လူ့ဘုံခန်းဝါနှင့် နှစ်ကာလအတန်ကြာမျှ အဆက်ပြတ်နေရသူ ဖြစ်၍ ကျွန်တော်သည် အမေရိကန်ပုံပြင် လာ “ရစ်ဗင်ဝင်းကဲလ်”လို ခေတ်နောက်ကျ ကျန်ရစ်လျက် ရှိ၏။ ထို့ကြောင့် အပြင် အပမှအကြောင်းအရာနှင့် အဖြစ်အပျက်များကို များစွာ ကြားလို, သိလိုသည်၊ အငမ်းမရ သိလို, ကြားလိုသဖြင့် မြိုင်တို့ သားအမိ တတွေကို အားမနာတမ်း မေးရ, မြန်းရ၏။
             ကျွန်တော်နှင့် ရေးဖော်စာရေးဆရာ- သတင်းစာဆရာများထဲမှ မြို့မအုန်း၊ ငွေမျှား၊ ဦးသိမ်မောင်(သံ တော်ဆင့်)၊ သန်းဆွေ၊ သိပ္ပံကျော်ရင်(သံတွဲ)၊ မြမျိုးလွင်၊ ဦးဝင်းမြင့်ကြီး(သတင်းထောက်)၊ ရွှေမြိတ်မောင်နှင့် စံထွန်းအောင်အစရှိသူတို့ ကွယ်လွန်ဆုံးပါးသွားကြပြီဖြစ်သော သတင်းများကြားရ၏။ အလားတူပင် မိမိ တိုင်းပြည်နှင့် အမျိုးသားရေးကိစ္စများအတွက် အတူတကွလုပ်ကိုင်ခဲ့ကြသောသခင်ဘသော်(ကညွတ်ကွင်း)၊ သခင်ဘရင်(ရန်ကုန်စီရင်စု)၊ သခင်ဗတင်(သံတွဲ)၊ သခင်ဖေဌေး(အလံနီ)၊ ဗိုလ်မျိုးမြင့်(အသားဖြူ)၊ ဒေါ်ခင်ချစ် (တိုင်းချစ်)၊ သခင်လှမြိုင်(ဗိုလ်ရန်အောင်)၊ ကိုစိုးမောင်(ဗိုလ်မှူးချစ်ကောင်း)နှင့် အခြားရဲဘော် အတော်များများမ ရှိကြတော့ပြီဆိုသော သတင်းစကားများလည်း ကြားသိရသည်။၎င်းအပြင် အာရှတောင်ပိုင်းတွင် ဘင်္ဂလား ဒက်ရ်ှဆိုသော နိုင်ငံသစ်ပေါ်ပေါက်လာသောကိစ္စ၊ အမေရိကန်သမတနစ်ဆင် တရုတ်ပြည်သို့ အလည်အပတ် သွားသောကိစ္စ၊ ကုလသမဂ္ဂအတွင်းရေးမှူးချုပ် ဦးသန့်အနားယူသွားသောကိစ္စနှင့် ၁၉၆၉-ခုနှစ် တရုတ်- ဆိုဗိယက်တိုက်ပွဲကိစ္စများကိုပါ ကြားနာရသည်။ သားကြီး မောင်တင်တွန်းက သိသင့်သိထိုက်သော အကြောင်း အရာများနှင့် သတင်းစကားများကို ပြောကြား၍ အပြီးတွင် သိပ္ပံပညာရပ်ကို ၀ါသနာထုံသော အငယ်ကောင်က အမေရိကန်မှ အာကာသယာဉ်မှူးများ လသို့ ရောက်ရှိခဲ့ကြသောသတင်းကို ဖြည့်စွက်ပြောကြား၏။
            မိမိအိမ်သူ အိမ်သားများက ပြောပြသော အကြောင်းအရာ၊ အဖြစ်အပျက်နှင့် သတင်းများကို ကျွန်တော်သည် ကလေးသူငယ်တယောက်လို တအံ့တသြ နားထောင်ရ၏။ ထိုသို့နားထောင်ရင်း အမေရိကန်ပုံ ပြင်၌ လာသော ဇာတ်ကောင်ရစ်ဗင်ဝင်းကဲလ်ကိုလည်း လွန်စွာ ကိုယ်ချင်းစာနာမိသည်။ ထိုသတ္တ၀ါသည် လူ့ဘုံ ခန်းဝါနှင့် သူ့ တသက်ကြာမျှ အဆက်ပြတ်သွားခဲ့ရသည် မဟုတ်သလော။


              နံနက်လင်းလျှင် လင်းချင်း ဗိုလ်ကြီးဟောင်းနှင့် ရုပ်ရှင်ပညာသည်ဟောင်းလည်းဖြစ်၊ ဆရာဝန်နှင့် စာရေးဆရာလည်းဖြစ်ကာ အကယ်ဒမီဆု အမျိုးမျိုးရရှိခဲ့သော မောင်မောင်သင်တယောက် ဘယ်ကဘယ်လို သတင်းကြားလာ၍မသိ၊ ကျွန်တော့်အိမ်သို့ ကတိုက်ကရိုက် ပေါက်လာ၏။ သို့ရာတွင် ယခင်ကလို မားစီးဒီးကား သစ်ကြီးနှင့်ကားမဟုတ်တော့၊ ဂျစ်ကားအိုကလေးနှင့်ဖြစ်သည်။ ထိုသူ၏ဘ၀သည်လည်း များစွာပြောင်းလွဲခဲ့ပုံရ ၏။ မည်ကဲ့သို့ပင်ဖြစ်စေ သူ့တွင်နားကြပ်နှင့် ဆေးသတ္တာတလုံးပါလာ၏။ သူ့အကူအညီ လက်ထောက်ဆေးသ မားကလေးတယောက်လည်း ခေါ်လာသည်။
             ဆရာမောင်မောင်သင်သည် ခရီးရောက်မဆိုက် မြို့င်ကို ရေးနွေးအိုး အတည်ခိုင်းသည်။ ထို့နောက် သူ ယူဆောင်လာသော စမ်းသပ်မှုကိရိယာများဖြင့် ကျွန်တော့်တကိုယ်လုံး ကိုင်တွယ်စမ်းသပ်၏၊ စစ်ဆေး၏၊ ဆေး ထိုးပြွန်နှင့်အပ်များ သန့်စင်ပြီးသောအခါ အကြောနှင့်အသားဆေးများထိုးသည်၊ စားဆေးများလည်း ပေးသည်။
             စာရေးဆရာ စာပေကလပ်နှင့် သမဂ္ဂများ ထူထောင်ခဲ့ကြစဉ်က အဖွဲ့ဝင် စာရေးဆရာများအားလုံး၏  မိသားစုများအတွက် စေတနာ့ဝန်ထမ်း တာဝန်ယူကုသပေးခဲ့သော ဦးမောင်မောင်သင်၏မေတ္တာသည် ကျွန်တော့်အတွက် အသစ်အဆန်း မဟုတ်တော့ပေ။ ၎င်းအပြင် သူနှင့် ကျွန်တော့်အတွက် အသစ်အဆန်း မဟုတ်တော့ပေ။ ၎င်းအပြင် သူနှင့်ကျွန်တော်သည် စစ်ကြိုခေတ်နှင့် စစ်ပြီးခေတ် ဂျာနယ်ကျော်စင်မြင့်မှ လည် ပင်းဖက် တက်လာခဲ့ကြသော စာရေးသူချင်းလည်းဖြစ်၏။
             သူ့တာဝန်ကိစ္စများ ထမ်းဆောင်ပြီးစီး၍ ပြန်ခါနီးတွင် “တောရမှာတုံးက ကိုစံဝင်းကြီးတယောက်နဲ့ ကော ခင်ဗျားမတွေ့ခဲ့ဘူးလားဗျာ”ဟု ဦးမောင်မောင်သက်က မေးသည်။
            ကိုစံဝင်းသည် ရုပ်ရှင်ပညာသည် ဦးအောင်ကြီးခေါ်ဦးကျောက်လုံး၏ညီ ဖြစ်သည်။ စစ်ကြိုခေတ်က ဦး ချစ်မောင် ဦးစီးထုတ်ဝေသော ဂျာနယ်ကျော်တွင် ဆရာမောင်မောင်သင်၊ မြင်းခြံစိုးမြင့်ခေါ်, ကိုအောင်ထွန်းခေါ် ဗိုလ်မှူးချစ်ကောင်း၊ ကျွန်တော်တို့နှင့် ရေးဖော်ရေးဖက်များ ဖြစ်ကြ၏။ သူ၏လသာသာနှင့် ကိုကျော့ဖေစသော ၀တ္ထုတိုကလေးများသည် တပ်မက်စရာကောင်း၏။ ဂန္ထလောကတွင်လည်း ကဗျာကလေးများ ရေးတတ်သည့် အပြင် အင်္ဂလိပ်ဘာသာနှင့်ပါအရေးကောင်းသူဖြစ်၏။ ကိုစံဝင်း၊ ကိုချစ်ကောင်းနှင့် ကိုမောင်မောင်သင်တို့ သုံးဦး စလုံးသည် မြင်းခြံသားများချည့် ဖြစ်ကြသည်။
             “ကြားတော့ အကြားသားဗျ၊ ဒါပေမယ့် လူချင်းတော့မတွေ့ခဲ့ရဘူး၊ ကျွန်တော်တို့ ကမ္မဋ္ဌာန်းကျောင်း မှာက ဒဂုန်တာရာ၊ ညိုမြ၊ မြသန်းတင့်၊ အောင်ဗလ၊ ခင်မောင်ရီ၊ မောင်မောင်မြင့်လွင်နဲ့ ဂါးဒီယန်းဦးစိန်ဝင်းတို့ လူသိုက်လောက်ဘဲ နေကြတယ်” ဟု ကျွန်တော်က ပြန်လည်ပြောကြားလိုက်ရသည်။ ထို့နောက် ပျိုပျိုမျစ်မျစ် နှင့် ကြည့်ကောင်းတုန်းဖြစ်သော ထိုရုပ်ရှင်မင်းသားဟောင်းကို ငေးမောကြည့်ရှုရင်း“ခင်ဗျားက ခုထက်ထိချော တုန်း တင်တုန်းဘဲဗျာ”ဟု မိမိ၏ထင်မြင်ချက်ကို ဆက်လက်ပြောဆိုလိုသည်။ ဆရာမောင်မောင်သင်သည် ပြုံးရုံ ပြုံးကာ “ကျွန်တော်က ချောတာ, တင်တာ မဟုတ်ဘူးကိုအေးသွင်၊ ခင်ဗျားက ကျသွားလို့ပါ”ဟု ပြန်လည်ပြော ကြားရင်း အိမ်ပေါ်မှာဆင်းသွား၏။
                ဆရာမောင်မောင်သင်က ထိုကဲ့သို့ သတိပေးပြောကြားတော့မှ ကိုယ့်ကိုယ်ကို မှန်ထဲကြည့်ရ၏။ ကျွန်တော့်တွင် သွားအတော်များများမကျန်ခဲ့တော့ပြီဖြစ်၍ တကယ့်ကမ္မဋ္ဌာန်းရုပ် ပေါက်နေ၏။ ကမ္မဋ္ဌာန်းကို နှစ် ရှည်လများထိုင်ခဲ့ရသဖြင့် ကိုယ် အလေးချိန်သည်လည်း ပေါင်လေးဆယ်ခန့်မျှ ကျသွားခဲ့ပါပကော။
                ကျွန်တော်အိမ်ပြန်ရောက်သော သတင်း ပျံ့နှံ့သွားပြီဖြစ်၍ နိုင်ငံရေး၊ စာပေမိတ်ဆွေများနှင့် ယခင် ကျွန်တော့်လုပ်ငန်းဟောင်းမှ သစ်တောအရာရှိများနှင့် ကုန်သည်များအိမ်ရောက်လာကြ၏၊ အကျိုးအကြောင်း မေးမြန်းကြ၏၊ သတင်းများပြောဆိုကြ၏။ အချို့အကြောင်းအရာ အဖြစ်အပျက်များနှင့် ပတ်သက်၍ ကျွန်တော့် သဘောထားနှင့် ထင်မြင်ချက်များ တောင်းခံကြ၏။ သို့ရာတွင် ကျွန်တော်မှုကား နားထောင်သူသက်သက်မျှသာ ဖြစ်သည်။
                  နိုင်ငံရေး လုပ်ဖော်ကိုင်ဖက်များထဲတွင် စစ်ကြိုခေတ် ဒို့ဗမာအစည်းအရုံး ဥက္ကဋ္ဌ သခင်လေးမောင် ကဲ့သို့ပုဂ္ဂိုလ်ကြီးမှအစ၊ အလုပ်သမား သမဂ္ဂခေါင်းဆောင်ဟောင်းဒလဦးပြုံးချိုအလယ်၊ ကျောင်းသားလူငယ်များ အထိပါကြ၏။ စာရေးဆရာများထဲတွင်လည်း တော်တော်စုံ၏။ သို့ရာတွင်ကျွန်တော်နှင့် ညီအကိုအရင်းနှင့်မခြား ခင်မင်ရင်းနှီး၍ စစ်ပြီးခေတ်တလျှောက်လုံးလိုလို တစ်ယောက်နှင့်တယောက်မခွဲဘဲ တတွဲတွဲနေခဲ့ကြသော စာ ရေးဆရာတယောက်ကို မမြှော်လင့်ဘဲ တွေ့ရှိခဲ့ရသောအခါ ပြောမပြနိုင်လောက်အောင် အားရ၀မ်းသာသွား၏။ ထိုသူကား လင်းယုန်နီပင်ဖြစ်သည်။ လင်းယုန်နီသည် သူ၏ မော်တော်ကားကလေးနှင့်လာ၏။ သူ့သားကိုလည်း သူနှင့်အတူ ခေါ်လာသည်။ ထိုသားအဖနှစ်ယောက်ကို တွေ့ရသောအခါ ကျွန်တော်သည်အတိတ်သို့ လွင့်စဉ်၍ သွား၏။
             လင်းယုန်နီသည် သူငယ်ငယ်ကလို မဟုတ်တော့၊ ယခင်ကသူသည် ပိန်ပိန်ပါးပါး နွဲ့နွဲ့နှောင်းနှောင်း ဖြစ်၏။ ယခုတော့မူ အသက်ကြီးလာ၍လားတော့ မသိ၊ ၀နေ၏။ သူ့ဖခင်ဖြစ်သူ ဦးငွေခင်မကွယ်လွန်မီကနှင့် တ ယောက်တည်း တပုံစံတည်းဖြစ်၏။ သူ့ဘေးတွင် ကပ်ပါလာသော သူ၏သားကြီးသည် သူငယ်ငယ်ကနှင့်တပုံစံ တည်းဖြစ်သည်။ မျက်နှာပေါက်ရော, ကိုယ်လုံးကိုပေါက်ရော, ဟန်အမူအရာရောပါဖြစ်၏။ ထိုကလေးသည် ကျွန်တော့်ကို မမှတ်မိတော့။ ဆယ်နှစ်ကျော်လောက်က ထိုကလေးသည် ဘောင်းဘီတိုကလေးနှင့် စိန်ပေါ ကျောင်းသားဖြစ်သည်။ သူ၏ ခေါင်းကို ပွတ်သတ်ပေးရင်း.... “တကယ့်ကို ကျောင်းသားကြီးပါကလားကွ” ဟု ကျွန်တော်ကပြောတတ်၏။ ထိုအခါ ကလေး၏မိခင် ’မာ’က ပြုံးနေတတ်သည်။
              သူတို့သားအဖ နှစ်ယောက်တည်းသာ လာကြပြီး ‘မာ’တို့သားအမိခေါ်မလာသည့်အတွက် ကျွန်တော် က အကြောင်းမသိဘဲအပြစ်ဆိုလိုက်သောအခါ သမီးဖြစ်သူ၏ ကျောင်းကိစ္စ အတွက်ကြောင့် သူတို့သားအမိကို မန္တလေးတွင် ခေတ္တ ထားပစ်ခဲ့ရသေးသည့်အကြောင်း ပြောပြ၏။
              ကျွန်တော်သည် လင်းယုန်နီနှင့် ခေတ်ပြိုင် လူသိုက်ထဲမှ မိမိနှင့်လည်း ခင်မင်ရင်းနှီးသော ကိုသန်း (ဗကသ)၊ ကိုလှဝင်း၊ ကိုညီညီ(ဒေါက်တာ)၊ ကိုစောလွင်(လမ်းစဉ်)၊ ကိုထွန်းဖေနှင့် ကိုတင်ထွက်(ရကသ)၊ ကိုစိုး သိမ်း(မြောင်းမြ)၊ ကိုစံလွင်(မမလေး)နှင့် ကိုအုန်းမြိုင်(ဖြူး)စသည့် လူများအကြောင်းကို သူ့ထံ မေးမြန်းရ၏။ သူ ကလည်း စိတ်ရှည်လက်ရှည်ပြောပြသည်။
               သူထ၍ပြန်ခါနီးတွင် “ခင်ဗျားကော စာရေးနိုင်သေးရဲ့လား”ဟု ကျွန်တော်က မေးလိုက်သောအခါ လင်းယုန်နီသည် ကျွန်တော်၏မေးခွန်းကို အဖြေပေးနိုင်ဟန်မရှိတော့ချေ။ သို့ရာတွင် “အလုပ်တာဝန်တွေက များလွန်းလို့ဗျာ”ဟု ကြိုးစား ပမ်းစား ပြောပြသွား၏။
            ဆရာလင်းယုန်နီသည် ယခုအခါ နိုင်ငံခြားရုပ်ရှင် တင်သွင်းရေးဌာနတွင် တာဝန်ကြီးကြီးယူ၍ လုပ်ကိုင် နေကြရကြောင်း သူ့ထံမှကျွန်တော်ကြားသိရသောအခါ “ခင်ဗျားတော့ ရေငတ်တုန်း ရေတွင်းထဲ လိမ့်ကျတာနဲ့ တူတယ်”ဟု ကျွန်တော်က ရယ်စရာ ပြောဆိုလိုက်၏။ လင်းယုန်နီကလည်း ရယ်မောလိုက်၏။ သို့ရာတွင်ဘေးမှ ရပ်နားထောင်နေသော သူ့သားတယောက်ကတော့မူ အကြောင်းရင်း မသိရှာသဖြင့် နှစ်ယောက်သား ပြောဆို ရယ်မောနေကြသော သူ့ဖခင်နှင့် ကျွန်တော့်ကို တလှည့်စီကြည့်နေသည်။
             ဆရာလင်းယုန်နီသည် စစ်ပြီးခေတ် လူငယ်ကျောင်းသားဘ၀နှင့်တုန်းက အလွန်တရာရုပ်ရှင်ကြည့်သူ ဖြစ်၏။ အထူးသဖြင့် နိုင်ငံခြားရုပ်ရှင်ကားကို ကြိုက်နှစ်သက်တတ်၏။ကားသစ် လဲတတ်သော သောကြာနေ့များ တွင် တနေ့လျှင် လေးပွဲစလုံး ကြည့်တတ်ကြောင်းပြောလျှင် ရန်ကုန် ရုပ်ရှင်ဂျပိုးများပင် လက်ခံယုံကြည်ရန်ကျပ် ၏။ သို့ရာတွင် ကျွန်တော် အလင်းရောင် သတင်းစာနှင့် ဂျာနယ်များတည်းဖြတ် ထုတ်ဝေခဲ့သော ၁၉၅၀-၆၀ခုနှစ် များ အတွင်းက ရုပ်ရှင်ကားသစ်များ လဲတတ်သော သောကြာနေ့များတိုင်း ထိုဆရာသမားသည် သတင်းစာ ဂျာနယ်တိုက်သို့ ပေါက်လာတတ်ပြီး ကျွန်တော့်အိတ်ကပ်ထဲက နှိုက်တတ်သည်ကို မေ့မရနိုင်သေးချေ။ ယခု အခါ တနေ့လျှင် လေးပွဲပြသဖြင့် လေးပွဲစလုံး ဘယ်လိုကဘယ်လို ကြည့်တတ်မှန်းမသိသော ဆရာလင်းယုန်နီ သည် သူကြိုက်နှစ်သက်တတ်သော နိုင်ငံခြားရုပ်ရှင် တင်သွင်းရေးဌာနတွင် အလုပ် လုပ်ကိုင်နေရပါပကော လား။


              ‘တောရ’မှ အိမ်သို့ ပြန်ရောက်လာပြီးနောက် ရက်သတ္တတပတ်လည်သောနေ့တွင် ကဗျာဆရာနှင့် စန္ဒယားဆရာ ကိုမေဓာတယောက် နံနက်စောစော ကျွန်တော့်အိမ်သို့ ပေါက်ချလာသည်။ ကိုမေဓာနှင့် ကျွန်တော်သည် နှစ်ပေါင်း အစိတ်သာသာခန့်မျှစိတ်တူ သဘောတူ ပေါင်းသင်းလာခဲ့ကြသော သူငယ်ချင်းများ ဖြစ်ကြ၏။ တယောက်တကြောင်းကို တယောက် အတွင်းအပြင် သိထားသူများလည်းဖြစ်၏။ ယခုအကြိမ်ပါနှင့် ဆိုလျှင် ‘တောရ’မှ ကျွန်တော်ပြန်ရောက်လာပြီးနောက် ဒုတိယအကြိမ် လာရောက်ဖြင်းဖြစ်သည်။
            ကဗျာဆရာသည် နှစ်ပေါင်း အစိတ် သုံးဆယ်ကျော်အတွင်း ဘယ်တော့မှ မချွတ်တတ်သော ဘန် ကောက်လုံဂွင်းကိုဝတ်ဆင်မြဲ ၀တ်ဆင်ထား၏။ သို့ရာတွင် အပေါ်အင်္ကျီတော့မပါ၊ လှိုင်းလိုထနေသော သူ၏ ဆံပင်များကို မွှေးထုံသောဆီများ လိမ်းကျံကာ သပ်ရပ်ကောင်းမွန်စွာ ဖီးသင်ထား၏။ သူသည် ယခုထက်တိုင် အိမ်ယာထောင်ခြင်းကိစ္စကို လျစ်လျူရှုထားသူ ဖြစ်သောကြောင့်လားတော့ မသိ၊ ပျိုမျစ်ဆဲဖြစ်သည်။ သို့ရာတွင် အချိန်၏ ဖိစီးမှုဒဏ်ကိုကားသူသည် မလွန်ဆန်နိုင်ပေ။ သူ့မျက်နှာပြင်တွင် ကောက်ကြောင်းကလေးများ ပေါ်ပေါက်လျက်ရှိပါပကော။
               မိတ်ဆွေအတော်များများနှင့် လုပ်ဖော်ကိုင်ဘက် အတော်များများက ကိုမေဓာကို “ဓာတ်ခွဲ”ဘို့ခက် သည်ဟု ညည်းထွားပြောဆိုတတ်ကြသည်။ ကိုမေဓာသည် နိုင်ငံရေးသတ္တ၀ါလော၊ အနုပညာသမားလော ဆို သောပြဿနာဖြစ်၏။ သူသည် စစ်ကြိုခေတ် တကသ စင်မြင့်တွင် ကိုအောင်ဆန်း၊ ကိုဗဟိန်း၊ ကိုဗဂျမ်း၊ ကိုလှ မောင်၊ ကိုထွန်းရှိန်၊ ကိုဗဆွေ စသူတို့နှင့် လက်တွဲခဲ့ဘူးသလို ဂီတနှင့်စာပေလောကများမှ တကယ့် အကျော်အ မော် များနှင့်လည်း လက်တွဲမဖြုတ်ပေ။ စောင်းကိုသသန်းသည် သူနှင့်များစွာခင်မင်ရင်းနှီး၏။ ပန်ချီဆရာကြီး ကိုအုန်းလွင်နှင့်လည်း သူလည်တွဲတတ်၏။ စာရေးဆရာများအသင်းကြီးတွင်လည်း သူသည် အသက်ငယ်ငယ် ရွယ်ရွယ်နှင့် ဥက္ကဋ္ဌ တင်မြှောက်ခြင်းခံခဲ့ရသော စာသမား တစ်ယောက်ဖြစ်သည်။
              အိမ်သို့ သူပထမလာရောက်သောနေ့ကပင် အစီအစဉ်များ ပြုလုပ်ထားခဲ့သည်ဖြစ်၍ ကိုမေဓာနှင့် ကျွန်တော် လိုက်ပါသွားသည်။ ခရီးသည်များကို ငါးပိသိပ်ငါးချဉ်သိပ် သိပ်ကာပို့ဆောင်သယ်ယူနေရသော ဘတ်စ်ကားကိုနှစ်ကြိမ်မျှပြောင်းစီးရပြီးနောက် ရွှေတိဂုံစေတီတော်ခြေရင်းကို ကျွန်တော်တို့နှစ်ယောက် ရောက် ရှိလာကြ၏။ အားခွန်ဗလကို စမ်းသပ် တိုင်းထွာကြည့်လိုသဖြင့် ကျွန်တော်သည် လျှပ်စစ်ဓာတ်အား၏ အကူအ ထောက်မယူဘဲ ကုန်းတော်ဘက်သို့ ခြေလျင်တက်ကြည့်သည်၊ လမ်းခုလပ်တွင် နှစ်ကြိမ်လောက်နားရ၏၊ တော်တော်ကလေးဟိုက်သွား၏။
                 ရင်ပြင်တော်ထက်တွင် လူ စည်ကားသည်၊ တိုင်းတပါးသား အများအပြားကိုလည်းတွေ့ရ၏။ သို့ရာ တွင် ထိုအရပ်သားများသည် ခြေနင်းမပါကြတော့ချေ။ လွန်လေပြီးသော အနှစ်ငါးဆယ်လောက်က ဘုရားပေါ် သို့ ဘွတ်ခြေနင်းစီး၍မတက်ရန် အကြောက်အကန်တိုက်ပွဲဆင်ခဲ့ကြသော မြန်မာ့ သုခမိန်ကြီးတဆူဖြစ်သူ ဒေါက်တာ ကိုယ်တော်မှိုင်းနှင့် ကာတွန်းဆရာကြီး ဦးဗကလေးတို့၏ ဂုဏ်ကျေးဇူးများကို သတိရအောက်မေ့မိ သည်။
                  ဘုရားပေါ်တွင် မမြှော်လင့်သော ယခင် နိုင်ငံရေးလုပ်ဖော်ကိုင်ဖက်တော်တော်များများကို တွေ့ရ ၏၊ စိပ်ပုတီးများနှင့် ဖြစ်ကြသည်။ လည်ပင်းတွင် စိပ်ပုတီးဆွဲထားသော ယခင် မာ့က္ခစ်ဝါဒသမားဆိုသူတ ယောက်က “နိုင်ငံရေးသမားတွေတောင် ဘုရားလူကြီးဖြစ်ကုန်ကြပြီဗျ....”ဟု ကျွန်တော့်ကို သတင်းပေး၏။ ကျွန်တော်သည် အံ့သြသွား၏။ နိုင်ငံရေးသမားတွေ အဘယ်သို့ ဖြစ်ကုန်ကြပါလိမ့်။
                ဘုရားပေါ်မှဆင်းလာပြီးနောက် “ညိုမြ”တည်ခင်းသော နံနက်စာကို ဆူးလေဘုရားလမ်း ပျော်ပွဲစား ရုံတစ်ခုတွင် စားသောက်ရ၏။ “ညိုမြ”သည် သူ အစွဲအလမ်းအားကြီးသော “အိုးဝေ”အမည်ဖြင့် ဂျာနယ်တ စောင် ထုတ်ဝေလျက်ရှိသည်။ သူ့ ဟန်ပန် အမူအရာနှင့် ဂိုက်ဆိုက်များသည် ယခင်ကအတိုင်း အေးတိအေး စက်နှင့်သာ ဖြစ်သည်။ ကိုမေဓာ၏ ဝေါဟာရကို ငှားရမ်းသုံးစွဲရလျှင် “မတုန်မလှုပ်”ဟူ၍သာ ပြောဆိုရမည်ပင်။
                “တောရ”မှ ပြန်ရောက်လာပြီးနောက် “ဒါရိုက်တာဆရာကျော်” ဦးစီးထုတ်ဝေလျက်ရှိသော ရှုမ၀ မဂ္ဂဇင်းမှ ညိုမြ၏ကဗျာနှင့် ဆောင်းပါးများအကြောင်း ကျွန်တော်က စကားစလိုက်၏။ ရသ စာပေမရေးသည်မှာ သူ့တသက်ဘဲရှိလေပြီဖြစ်သော ညိုမြ၏ နိမိန္ဒကဗျာ အကြောင်းကို စပ်လိုက်၏၊ ညိုမြသည် မုံရွာနယ်ရှိ ဖိုးဝန် တောင်ကို နောက်ခံထား၍ တရားဓမ္မအားထုတ်ချင်ကြောင်း ညည်းထွားသေးသည်။ ယင်းကဗျာတပုဒ်အပြင် ကမ္ဘာနှင့်အ၀ှန်းပေါ်ပေါက်လျက်ရှိသော လူငယ့်ပြဿနာ ဆောင်းပါးတပုဒ်ကိုလည်း ဖတ်ချင့်စဖွယ် လှလှပပ ရေးထားသည်။ သူသည် ထိုသို့ရေးရုံနှင့် အားမရနိုင်သေးသကဲ့သို့ “ကိုယ့်လူလဲ လူငယ်တွေ ဆေးခြောက်တို့ ဘိန်းဖြူတို့ မစားရဲ,မစားဝံ့အောင် ၀တ္ထုကလေး ဘာကလေးများ ရေးစမ်းပါအုံး”ဟု တိုက်တွန်းစကားပင် ပြော ကြားလိုက်သေး၏။
                   ညိုမြက နံနက်စာ တနပ်ကျွေးသည့်အတွက် ကျွန်တော်ဝမ်းသာသည်။ ထို့ထက် စာမရေးသည်မှာ ကြာလှပြီဖြစ်သော ထိုအညာသားတယောက် စာပြန်ရေးဖော် ရသည့်အတွက် ပို၍ ၀မ်းသာသည်။
                ပျော်ပွဲစားရုံထက်မှ ဆင်းလာခါနီးတွင် “တောရ”တွင် မတွေ့ခဲ့ဘူးလား-ဟု ဆရာ မောင်မောင်သင် မေးသော မြင်းခြံသား “စံဝင်း”ကို မမြှော်လင့်ဘဲ တွေ့ရပြန်၏။ ဤအညာသား စာရေးဆရာ တယောက်သည် လည်း စာပေလောကနှင့် အိုးစားကွဲသွားသည်မှာ ကြာလှပါပကော။ သူသည် စကားပြေရော, ကဗျာပါ အရေးအ သား,အစပ်အဟပ် ကောင်း၏။ “တက်တိုး”စာတည်းလုပ်စဉ်က ဂန္တလောက မဂ္ဂဇင်းတွင် “ငှက်ဖိုးခေါင်ချစ် နယ်ချဲ့သူတို့ ခွန်းတွဲ့ တွဲ့ချို”ဆိုသော ကဗျာကို ယခုတိုင် ကျွန်တော်အလွတ်ရ၏။
              စံဝင်းသည် သူ၏ ရေကြည်ရာ မြက်နုရာ အရပ်နေရာကို ဖွေရှာရင်း ရေနံလုပ်ငန်းတွင်လည်း အလုပ် လုပ်ခဲ့၏၊ တိုင်းတပါးသို့လည်း ရောက်သွား၏။ ထိုကမှတဖန် ပြန်လာပြီးနောက် အင်္ဂလိပ်သတင်း စာတစောင် တွင် အလုပ် လုပ်ခဲ့သေး၏။
               “ကျွန်တော်အခု ရှုမ၀ မဂ္ဂဇင်းမှာ စာပြန်ရေးနေပြီဗျ....”ဟု စံဝင်းက ၀င့်ဝင့်ကြွားကြွား ပြောဆိုလိုက် သောအခါ ကျွန်တော်သည် စာပေလောကသို့ တပတ်ပြန်လည်လာခဲ့ပြီဖြစ်သော ထိုအညာသား စာရေးဆရာအ တွက် များစွာ အားရဂုဏ်ယူမိသည်။
နံနက်စာစားသောက်ပြီးသောအခါ ၁၁-နာရီထိုးပြီးသွားပြီဖြစ်၏။ ကိုမေဓာက ရုပ်ရှင်ကြည့်ရန် ပြော ဆိုလာသောအခါ မြာနှင့်သူရာလောက်သာ ကြိုက်တတ်သော ညိုမြသည် ကျွန်တော်တို့နှင့်အတူ မလိုက်တော့၊ လမ်းခွဲသွားသည်။                 မည်သည့်ရုပ်ရှင်ကားကို ကြည့်မည်ဟု အစီအစဉ်မရှိသဖြင့် ရုပ်ရှင်ရုံများဖြင့် ကျပ်ခဲ ပြွတ်သိပ်နေ သော ဆူးလေးဘုရားနှင့် ဗိုလ်ချုပ်အောင်ဆန်း လမ်းမကြီးများတ၀ိုက်တွင် ကျွန်တော်နှင့် ကိုမေဓာတို့သည် ရစ် သီ ရစ်သီ လုပ်ကြရ၏။ ကြည့်၍ သင့်မည့်,ကောင်းမည့်ကားကို လိုက်လံကြည့်ရှုနေရခြင်းဖြစ်သည်။
                 ဆူးလေနှင့် ဗိုလ်ချုပ်လမ်းတ၀ိုက် နိုင်ငံပိုင် ရုပ်ရှင်ရုံများတွင် တနေ့လျှင် လေးပွဲမျှပြသနေကြသော နိုင်ငံခြားရုပ်ရှင်ကားများသည် လိင်၊ ရာဇ၀တ်မှုနှင့် အကြမ်းဖက်မှုများကို လှုံ့ဆော်သော ရုပ်ရှင်ကားများသာဖြစ် ကြ၏။ ထို့ကြောင့် နိုင်ငံခြားရုပ်ရှင်ကားများကို အကဲခပ်ကြည့်ရှုရန် စိတ်ကူးကိုစွန့်လွှတ်လိုက်ရတော့သည်။ နိုင်ငံ ခြား ရုပ်ရှင်ကားများ တင်သွင်းသောဌာနတွင် တာဝန်ယူလျက်ရှိကြသော ယခင်က ရေးဘော် ရေးဘက်များ ဖြစ် ကြသည့် စာရေးဆရာ လင်းယုန်နီ၊ ကိုကိုနှင့် မင်းရှင်တို့ လူသိုက်ကိုလည်း နောက်ထပ်လူချင်း တွေ့ရသောအခါ ပြောဦး ဆိုဦးမည်ဟု အောက်မေ့ထားလိုက်၏။
                  ကျွန်တော်တို့သည် မြန်မာကားများပြသော ရုံများကို လိုက်လံကြည့်ရှုရပြန်၏။ သို့ရာတွင် မြန်မာ ရုပ်ရှင်ကားများသည်လည်း နိုင်ငံခြားရုပ်ရှင်ကားများ၏ လွှမ်းမိုးခြင်းခံနေရပုံကို တွေ့မြင်ရသောအခါ ကျွန်တော် သည် များစွာကျောချမ်းသွားမိ၏။ ထေရ၀ါဒဗုဒ္ဓသာသနာ ထွန်းကားသော မြန်မာနိုင်ငံတွင် မြန်မာရုပ်ရှင်ထုတ် လုပ်ကြသူများသည်လိင်၊ ရာဇ၀တ်မှုနှင့် အကြမ်းဖက်မှု ရုပ်ရှင်ကားများကို အဘယ့်အတွက် အစုလိုက် အပြုံ လိုက်ထုတ်နေကြသနည်း။ နိုင်ငံခြားရုပ်ရှင်ကားများကို အဘယ့်အတွက် မြန်မာလို ဆင်ယင် ထုံးဖွဲ့ကာ ပြသနေ ကြသနည်း။ ရုပ်ရှင်စီစစ် ကြည့်ကြပ်ရေးဌာနတွင် တာဝန်ရှိနေကြသော ယခင်က ရေးဖော်ရေးဘက်စာရေးဆရာ များဖြစ်ကြသည့် တက္ကသိုလ်ခင်လေးမောင်၊ တက္ကသိုလ် မောင်မောင်ခင်တို့နှင့် လူချင်းတွေ့ရတော့မှ ပြောရဆိုရ ဦးမည်ဟု တေးထားလိုက်ရသည်။
              နောက်ဆုံး၌ ကြည့်စရာကားမရှိတော့သဖြင့် “ကတ္တီဖိနပ်စီး-ရွှေထီးဆောင်း” အမည်ရှိသော ရုပ်ရှင် ကားကို ကျွန်တော်တို့ဝင်ကြည့်ကြရ၏။ ထိုရုပ်ရှင်ကားမှာ စာရေးဆရာ မောင်သာရရေးသောဝတ္ထုကို စာရေး ဆရာ သာဓုပိုင်သော ရုပ်ရှင်ကုမ္ပဏီက စာရေးဆရာသာဓု၏သားကြီးဖြစ်သူ မောင်ဝဏ္ဏက ရိုက်ကူးသော ရုပ်ရှင် ကားဖြစ်သည်။ ထုတ်လုပ်သူရော ၎င်း၏သားသာမက ၀တ္ထုရှင်စာရေးဆရာနှင့်ပါ ကျွန်တော်သည် ခင်မင်ရင်နှီး ၏။ သာဓုဆိုလျှင်ကျွန်တော်နှင့် လွန်ခဲ့သော အနှစ်အစိတ်ခန့်လောက် ကတည်းက ရင်းရင်းနှီးနှီး ပေါင်းသင်းလာ ခဲ့သော နိုင်ငံရေးသမားနှင့် စာပေသမားတယောက်ဖြစ်၏။ သူ့ကို သခင်ဖေသန်းအဖြစ်နှင့် သိရှိကြသူ  နည်းပါး လျက်ရှိ၏၊ သူ့သားကြီး မောင်ဝဏ္ဏကို ကျွန်တော်စတွေ့ခါစက သူ့မိခင်ဖြစ်သော ဆရာမဒေါ်ခင်ညို၏ ရင်ခွင် ထက်တွင်နို့စို့ နေတုန်းအရွယ်ဖြစ်၏။ စာရေးဆရာ မောင်သာရသည်လည်း သူကျောင်းသားလူငယ်ဘ၀နှင့်တုန်း ကတည်းက ကျွန်တော်၏သတင်းစာနှင့် ဂျာနယ်တိုက်များတွင် တံခါးမရှိ ဓါးမရှိ ၀င်ထွက်နေသူဖြစ်သည်။
              “ကတ္တီပါဖနပ်စီး ရွှေထီးဆောင်း” ရုပ်ရှင်ကားကို ကြည့်ရှုပြီး၍ ရုံတွင်းမှ ထွက်လာကြသောအခါ ဤ ကဲ့သို့ ၀တ္ထုဇာတ်လမ်းမျိုးကို ရေးကြီးခွင်ကျယ် လုပ်ရေးကာ ဤကဲ့သို့ရုပ်ရှင်ကားမျိုးကို ထုတ်လုပ်သော စာရေး ဆရာ မောင်သာရနှင့် သာဓုတို့ကို ကျွန်တော်များစွာအံသြမိ၏။ မောင်သာရသည် ၎င်းအမျိုးသား စာပေ ဆုရ သော “မတ်တတ်ရပ်လို့ လမ်းမှာငို”ကဲ့သို့ လူများစုကြီးနှင့် နီးစပ်သောဝတ္ထုမျိုးကို ဖိ၍ ရေးဖို့ကောင်း၏။ ထုတ် လုပ်သူ ဆရာသာဓုတယောက်သည်လည်း အများစုကြီး၏ဘ၀ကို ဖော်ကျူးထားသော ရုပ်ရှင်ကားများ ထုတ် လုပ်သင့်ပြီထင်၏။ ယင်းသို့ ၀ါရင့်စာရေးဆရာနှင့် ထုတ်လုပ်သူများအကြားတွင်“ကတ္တီပါဖိနပ်စီးရွှေထီးဆောင်း” ကဲ့သို့သော ရုပ်ရှင်ကားမျိုးကို စိတ်ဝင်စားအောင်နှင့် ကြည့်ပျော်ရှုပျော်ဖြစ်အောင် ရိုက်ကူးတင်ပြသွားသော ဒါရိုက်တာမောင်ဝဏ္ဏကိုကား ချီးမွမ်းအံ့သြရမည်ဖြစ်သည်။
                 ရုပ်ရှင်ရုံမှထွက်အလာတွင် ဆရာသာဓုနှင့် တွေ့ရ၏။ လူရင်းချင်းဖြစ်ကြ၍ ထိုကဲ့သို့သော ဇာတ် လမ်းမျိုး ထုတ်လုပ်သည့်အတွက် ကျနော်က အပြစ်တင်လိုက်သောအခါ သာဓုသည် ပြုံး၍သာနေသည်၊ ဘာမှ ပြန်လည်ချေပငြင်းခုံခြင်းမပြုပေ။ သူသည် အပြင်လောကအကြောင်း ကျွန်တော့်ထက် သိကျွမ်း နားလည်၍သာ ဖြစ်တန်ရာသည်။ တကယ်ဆိုတော့ ကျွန်တော်သည် လူ့ဘုံခန်းဝါသို့ ပြန်ရောက်သည်မှာ ဘာမျှ မကြာလှသေး၊ ရက်သားမျှလောက်သာ ရှိပေသေးသည် မဟုတ်သလော။
               တယောက်နှင့်တယောက် လူချင်းခွဲခါနီးတွင် “ဟေ့ လူသခင်ဖေသန်း၊ ခင်ဗျားစာကလေး ဘာလေး မရေးတော့ဘူးလားဗျ” ဟု ကျွန်တော်က မေးလိုက်သောအခါ သူသည် ပြုံးစေ့စေ့သာ လုပ်နေ၏။ ဆရာသာဓု သည် နားအာရုံ အားနည်းသူ ဖြစ်သဖြင့် ကျွန်တော်ပြောလိုက်သော စကားကို မကြား၍လားဟု ထင်မှတ်ကာ “စာပေလောကကို တကြိမ်က စွန့်ခွာသွားကြတဲ့ စာရေးဆရာ အတော်များများ စာပြန်ရေးနေပြီဗျ၊ ခင်ဗျားကော ဘာပြုလို့ မရေးသေးသလဲ”ဟု ကျွန်တော်က အသံမြှင့်၍ မေးမြန်းလိုက်သောအခါ “ကိုယ့်လက် အရှိသားဘဲမ ဟုတ်လား၊ ကိုယ့်ဟာကိုရေးပေါ့”ဟုဆိုကာ ထိုဆရာသမားကပြုံးဖြဲဖြဲနှင့် ပြန်ပြောလိုက်သဖြင့် သူပြောဆိုလိုက် သောစကားကိုလေးလေးနက်နက် စဉ်းစားရင်း ကိုမေဓာနှင့် ကျွန်တော်တို့နှစ်ယောက်သည် “ဒါရိုက်တာဆရာ ကျော်” ဖိတ်ကြားထားသော ညစာ စားသောက်ရန်အတွက် ဆင်းဒွစ် လမ်းရှိ ရှုမ၀ မဂ္ဂဇင်း တိုက်သစ်သို့ ထွက် လာခဲ့ကြရ၏၊

                                                                                                         ဗန်းမော်တင်အောင်