Singapore, USA ဆေးပညာ၊ ဆရာဝန်၊သူနာပြုများ နှင့် CT Scan

ကျွန်ုပ်ခေါင်းမူးရောဂါရှိသည်။ လူတိုင်း ခေါင်းမူး၊ ခေါင်းကိုက်၊ ခေါင်းကိုက်၊ ခေါင်းခဲ စသဖြင့် ဦးခေါင်းရောဂါ အနည်းနှင့်အများ ခံစားဖူးကြသည်ပင်ဖြစ်သည်။ အများအားဖြင့် ပင်နဒေါ၊ ဘတ်စပရို၊ ပါရာစီတမော့ စသည့် အက်စပရင်ဆေးများ၊ တိုင်းရင်းဆေးများကို စားလိုက်ပါက သက်သာသွားလေ့ရှိပါသည်။ 

ရောဂါပြင်းထန်လာတတ်သောကြောင့်၊ ခေါင်းမူးရသည်မှာ ဦးနှောက်အမှေးယောင်၊ ဦးနှောက်ပျက်ပြီလား ထင်လာမိသည်။  ဆေးရုံများစွာတွင် CT Scan, MRI စက်များဖြင့် ဆေးစစ်ဖူးပါသည်။ တိုးတက်သောနိုင်ငံများတွင် ဦးနှောက်စစ်ဆေးခြင်းမှာ ဆီး၊ သွေး၊ နှလုံး၊ ပုံမှန်ဆေးစစ်ခြင်းတခု ကဲ့သို့ သတ်မှတ်ထားပါသည်။ သို့သော် မြန်မာ၊တရုပ်၊ဗီယက်နမ် စသည့် မတိုးတက်သေးသောနိုင်ငံ (ဆင်းရဲနိုင်ငံ) များတွင် ဦးနှောက်စစ်ဆေးခြင်းကို သာမန်စစ်ဆေးခြင်းအဖြစ် မသတ်မှတ်ပါ။ စစ်ဆေးသော စက်မှာ ဒေါ်လာသန်းချီတန်သဖြင့် စက်ပစ္စည်းဈေးကြီးလှသောကြောင့် တော်ရုံဆေးရုံများတွင် ထိုစက်မျိုးမရှိကြပါ။ ထို့ကြောင့် CT Scan, MRI စက်များမှာ နောက်ဆုံးပေါ် Ultra Sound စက်ကဲ့သို့ စမ်းသပ်ခမှာလည်း ဈေးကြီးလှပါသည်။ ရှေးက အရိုးစစ်ဆေးသည့် အိတ်စ်ရေး X-ray (ဓါတ်မှန်) ရိုက်ခြင်းမှာ ယခုခေတ်တွင် ဈေးချိုသော စစ်ဆေးခြင်းဖြစ်လာပါသည်။ နောက်ပိုင်း CT Scan, MRI, Ultra Sound စသည့် အသား၊ အသွေးများကို ထိုးဖေါက်ကြည့်နိုင်သည့် စက်များလည်း ဈေးနှုန်းကြီးရာမှ ဈေးနှုန်းချိုသာလာပါသည်။ နိုင်ငံမြို့ကြီးများ Custom ဌာနများ၊ လေဆိပ်အ၀င်များတွင် လက်နက်ပါမပါ စစ်ဆေးသော x-ray စက်များမှာ အစွမ်းထက်လှပါသည်။ ပိတ်ထားသော အိပ်အတွင်း အပ်ကလေးတခုပင်လျှင် မြင်နိုင်သည့် စက်များဖြစ်သည်။ ဈေးကြီးလှသော်လည်း စက်ထုတ်လုပ် စရိတ်မှာ ဈေးမကြီးလှပါ။ သို့သော် တိကျမှု (Quality) တွင် အနောက်နိုင်ငံစက်များကို တရုပ်၊အိန္နိယစက်များ မယှဉ်နိုင်သေးခြင်းမှာ Quality အရည်အသွေးတွင် မမှီသေးခြင်းကြောင့်ဖြစ်သည်။ ဈေးကွက်တွင်လည်း Sumsung vs Apple များကဲ့သို့ Patents မူပိုင်ခွင့်များဖြင့် လက်ဝါးကြီးအုပ်ထားမှုလည်း ပါမည်ဖြစ်သည်။ တနေ့တွင် (အနှစ်၃၀အတွင်း၊ စာရေးသူအသက်ရှင်နေစဉ်) အရှေ့တိုင်းနိုင်ငံများ တက်ကနိုလိုဂျီတွင် အနောက်နိုင်ငံများကို ကျော်သွားတော့မည် မျှော်လင့်ပါသည်။ ယခုဆောင်းပါးတွင် ကွာလတီ Quality အရေးကြီးကြောင်း၊ အထူးသဖြင့် ဆေးပညာပိုင်းဆိုင်ရာ ခေါင်းမူးရောဂါတခုကို စစ်ဆေးသည့် CT Scan စက်ဖြင့် စမ်းသပ်ခြင်းကို (လူပြိန်းအမြင် Dummy View) အနည်းငယ်ရေးပါမည်။

ပထမဆုံး ဦးနှောက်စစ်ဆေးခြင်းမှာလွန်ခဲ့သော ၅နှစ်ခန့်ကဖြစ်သည်။ စင်ကာပူနိုင်ငံ ဆေးရုံး၊ ဆေးခန်းများ သုံးခုတွင် စမ်းသပ်ဖူးပါသည်။  ခေါင်းမူရောဂါလေးအတွက် ဆရာဝန်များက ဈေးကြီးလှသည့် ဦးနှောက်စက်ဖြင့် စစ်ဆေးစရာမလိုကြောင်း ပြောဆိုပါသည်။ ကုမ္ပဏီစရိတ်သုံးမည်ဖြစ်သဖြင့် ကုမ္မဏီဆရာဝန်များက မလိုအပ်သော ဦးနှောက်စစ်ဆေးမှုကို မသုံးစေလိုပါ။ နောက်ဆုံး မိမိစရိတ်ဖြင့် Glan Eagle ဆေးရုံး၊ NUH National University Hospital နှင့် Orchard Lab များတွင် နှစ်စဉ် စစ်ဆေးခဲ့ပါသည်။ ဆရာဝန်များပြောသည့်အတိုင်း ဦးနှောက်ကောင်းပါသည် ဆိုသော အဖြေကို ရရှိခဲ့ပါသည်။  ဒါဆို၊ အစားမှား၊ အနေထိုင်၊ စိတ်နေစိတ်ထား မှားလို့လား ..စိတ်ညစ်စရာတွေကြောင့် ခေါင်းမူးရသလား .. အခြားဖြစ်နိုင်ချေများကို ဆင်ချင်ရပါသည်။ CT Scan အားဖြင့် မိမိဦးနှောက်ကောင်းသည်ဟု သိရသောကြောင့် ကျေနပ်ရသည်။ ပတမဆေးရုံတွင် ဒေါ်လာ US$1000 ခန့်ကျသင့်သည်။ စက်အရုပ်ပုံ Image သိပ်မကြည်လင်သောကြောင့် ဆေးထိုးပြီးထပ်မံစမ်းပြန်သည်။ US$300 ခန့် အပိုကုန်သွားသည်။ အခြားဆေးရုံများ၊ ဓါတ်ခွဲခန်းများတွင်လည်း စက်အသစ်၊အဟောင်းကို မူတည်ပြီး US$300 - US$1000 ဈေးရှိပါသည်။ စက်ကာပူတွင် ဆေးရုံသူနာပြုအများစုမှာ တရု့ပ်၊ အိန္နိယ၊ ဖိလစ်ပိုင်၊ မြန်မာစသည့် နိုင်ငံခြားမှ အရည်အချင်းရှိသော ငယ်ရွယ်သူ၊ သူနာပြု အမျိုးသမီးငယ်များဖြစ်ကြသည်။  တလလျှင် US$500-1000 ခန့် လစာပေးထားသည်။ လူနာကို မလိုအပ်လျှင် မကိုင်ရဲကြပါ။ အချို့ ငွေချမ်းသာသူများ၏ လူနာများသည် ကြီးကျယ်သောကြောင့် (ငွေစကားပြောလွန်းသဖြင့်) ဆေးရုံကို တရားစွဲတတ်ပါသည်။ သူနာပြုနှင့်ဆရာဝန်များမှာ လူနာနှင့်၊ လူနာရှင်များကို Customer အဖြစ် အထူးသတိထား ဆက်ဆံရသည်။ လူနည်းစု လူတန်းစားဖြစ်သည်။ သူတို့က ဆေးရုံ၊ ဆရာဝန်၊ သူနာပြုများကို ငွေပေးပြီး သူတို့ကျန်းမာရေးကို ၀ယ်ယူသည့် ပုံစံမျိုး ဆက်ဆံသော ငွေသာပဓါန လူများ၏ရန်ကို ကာကွယ်ရသည်။ ထို့ကြောင့် လူနာကို ဈေးကြီးသော iPhone, Galaxy မိုဘိုင်းဖုန်းကဲ့သို့ အလွန်သတိထား၊ စေတနာထား၊ ကိုင်တွယ်ရပါသည်။ သူနာပြု၊ ဆရာဝန်များမှာ လေးစားဖွယ် လူတန်းစားဖြစ်သည်။

မလေးရှားတွင် CT Scan လုပ်လျှင် ဈေးပိုချိုသဖြင့် မိတ်ဆွေတဦး၏ မိခင်၊ ကင်ဆာရောဂါဖြင့် နာမကျန်းဖြစ်သောကြောင့် CT Scan, Chemotherapy လုပ်ရာတွင် စင်ကာပူမှ မလေးရှားသို့သွားရောက် ဆေးကုသည်ကို တွေ့ဖူးသည်။ အများအားဖြင့် ထိုင်းနိုင်ငံ၊ ဘန်ကောက်မြို့သို့ ဆေးကုပေးသော အကျိုးဆောင် (Agent) များရှိသလို၊ ဈေးကြီးလှသော စင်ကာပူသို့ လာရောက်ကုသပေးသည့် အကျိုးဆောင်များလည်း ရှိပါသည်။ ထိုင်းနိုင်ငံ၊ ချင်းမိုင်မြို့မှာ ခရစ်ယာန်ဆေးရုံတွင် ဇနီးသည်  2008 ဦးခေါင်းဒါဏ်ရာကြောင့် CT Scan လုပ်ရာတွင် US$200 ပင်မကုန်ကျခဲ့ဖူးပါသည်။

အမေရိကန်တွင်မူ ဆေးစစ်ခြင်းမှာ အထူးလုပ်ငန်းတခုဖြစ်သည်။ အသက်အာမခံ ကုမ္ပဏီများက ပြည်သူလူထုကို မထားမနေရ၊ အစိုးရဥပဒေ ကုမ္ပဏီများကို ပြဌာန်းထားသောကြောင့် ကုမ္ပဏီစရိတ်ဖြင့်၎င်း၊ ဆိုရှယ်စကျုရတီ Social Security အစိုးရစရိတ်ဖြင့်၎င်း၊ ဆေးစစ်ခြင်းများလုပ်ဆောင်သောကြောင့် City Scan လုပ်ခြင်းမှာ အမေရိကန်တွင် အလွန်ဈေးကြီးလှပါသည်။ အမေရိကန်၊ ဆန်ဖရန်စစ္စကိုတွင် နေထိုင်ခဲ့စဉ်က ခေါင်းမူးရောဂါဖြစ်ပေါ်လာချိန် ဦးနှောက်များထိခိုက်သွားပြီလား စိုးရိမ်သောကြောင့် ဆေးရုံးသွားပြခဲ့သည်။ ဦးနှောက်မစစ်ဆေးသည်မှာ ၂နှစ်ကြာပြီဖြစ်သောကြောင့် CT Scan လုပ်လိုပါသည် ဟု တောင်းဆိုခဲ့သည်။ ဆန်ဖရန်စစ္စကိုမှ အစိုရဆေးရုံက အပိုအလုပ်ဟု ယူဆပြီး၊ ချိုသာစွာ ဖြောင်းဖြ ပြောဆိုပြီး၊ ငြင်းပယ်ခဲ့သည်။ ကျွန်ုပ်လည်း ဦးနှောက်ရောဂါရှိနေပါက ဆေးကုရန် ငွေမတတ်နိုင်ပါ။ မြန်မာပြည်ပြန်ပြီး မိမိနောက်ဆုံးအချိန်များကို ဘုရား (ဘာသာရေး) အလုပ်များစွာ လုပ်ကိုင်နေထိုင်တော့မည် ဆုံးဖြတ်ထားသည်။ ဦးနှောက်အမှေးယောင်ရှိ၊ မရှိ သိလိုလှသည်။ ထိုကြောင့် ဆန်ဖရန်စစ္စကိုမှ SETON Private Hospital ဆရာဝန်များကို သွားပြခဲ့သည်။ သူတို့က မလိုအပ်ပါ ဟုပြောသော်လည်း လူနာက လုပ်လိုပါသည် တောင်းဆိုသောကြောင့်၊ CT Scan လုပ်ပေးလိုက်ပါသည်။ ဦးနှောက်ကောင်းသည် .. ဆိုသည့် အဖြေရရှိသောကြောင့်၊ ကျေနပ်ရသည်။ ထိုကျေနပ်မှုအတွက် US$5000 ကျသင့်ပါသည်။

ယခု ဗီယက်နမ်နိုင်ငံ၊ ဟိုချီမင်းမြို့တွင် အလုပ်လာလုပ်စဉ်၊ ခေါင်းမူးရောဂါ ဖြစ်လာသောအခါ အစားအသောက်၊ အပြောင်းအလဲကြောင့် ဟုယူဆမိသည်။ ဆီးချိုရောဂါ မိရိုးဖလာကိုလည်း သံသယဖြစ်သောကြောင့် သွေးစစ်ရန်၊ ဗီယက်နမ်ဆေးရုံတခု Hoar Hao Hospital တွင် ဗီယက်နမ်အဖေါ်တစ်ယောက်နှင့် သွားပြပါသည်။ အခြေအနေမကောင်းပါ။ ဆေးရုံမှာ သန့်ရှင်း၊ သပ်ယပ်ပြီး၊ ဖေါ်ရွေသော ဗီယက်နမ် အမျိုးသမီးငယ်၊ သူနာပြု၊ ရုံးဝန်ထမ်းများစွာက ပျုငှာစွာကြိုဆိုကြသည်။ အားလုံး အင်္ဂလိပ်စကား မပြောနိုင်၊ နားမလည်နိုင်သောကြောင့် ဗီယက်နမ်ဆရာဝန်တယောက်ကို လိုက်ရှာပြီး၊ မေးမြန်းသည်။ ဆရာဝန်က မနက်ဖန်ဆေးစစ်ရန် Diabetic ဆိုပါက မနက်စောစော ၇နာရီလာပါ။ အစားလုံးဝမစားခဲ့ရန် တော်သင့်သော အင်္ဂလိပ်စကားဖြင့် ပြောပြခဲ့သည်။  ကျွန်ုပ်လည်း နောက်နေ့မှ သွားမည်ဆုံးဖြက်ခဲ့သည်။ မေးမြန်းစုံစမ်းရာမှာ နောက်ဆုံး အင်္ဂလိပ်စကားပြောသော နိုင်ငံခြားသားများအတွက် ဖွင့်ထားသည့် Columbia Asia Hospital ဆေးရုံအသစ်ကြီးသို့ ရောက်သွားပါသည်။

Columbia Hospital
ဈေးကြီးလှသည်ဟု ဗီယက်နမ်မိတ်ဆွေက ပြောသည်။ မတတ်နိုင်ပါ။ ကိုယ့်စကားသူမသိ၊ သနားပါဘိ၊ ပါပီကလေး ပုတုတု ဘ၀ကို မရောက်လိုသောကြောင့် ငွေကုန်လဲ မတတ်နိုင်၊ အမေရိကန်နိုင်ငံ၊ စင်ကာပူနိုင်ငံလောက်တော့ ဈေးမကြီး၊ ထိုင်းနိုင်ငံထက်ပင် ဈေးချိုမည်ဟု သေချာပေါက် တွက်ထားပြီးသားဖြစ်ပါသည်။ ဗီယက်နမ်ရှိ ပုဂ္ဂလိက ဆေးရုံတခုကို လေ့လာသည့်၊ လူနာတစ်ဦးအဖြစ် ဆေးရုံတွင်းသို့ ၀င်လာပါသည်။ ရုံးကားဒရိုင်ဘာဖြင့် ၀င်လာသောအခါ ယူနီဖေါင်း၊ တဆိပ်တပ် လုံခြုံရေးဝန်ထမ်းများက ရိုသေ၊ လေးစားစွာဖြင့် ကြိုဆိုကြသည်။ အဲယားကွန်းခမ်းမကြီးသို့ တခါးဖွင့်ပေးပြီး ၀င်လာချိန် အနောက်တိုင်းဝတ်စုံ၊  အနက်ရောင်၊ ကုတ်အင်္ကျီ ၀တ်ဆင်ထားသော အမျိုးသမီး အသက်၃၀ကျော် ၃ဦးက ပျုငှာစွာ အင်္ဂလိပ်စကားကို ကောင်းစွာပြောဆို၊ ကြိုဆိုပါသည်။ လူသားပီသစွာ ချိုသာ၊ပျုငှာမှုကို သာယာကျေနပ်မိသည်။ မိမိ ပတ်စပို့ MYANMAR Passport ကိုပေးလိုက်သည်။ အမျိုးသားဝန်ထမ်းက ကောင်တာမှ ကင်မရာအလုံးလေးကို ကြည့်ရန်ပြောဆိုပြီး ဓါတ်ပုံရိုက်သည်။ တမိနစ်အတွင်း ဆေးရုံးကပ်ပြား ID ဓါတ်ပုံနှင့် ပုံနှိပ်ပြီးသား ထွက်လာပြီး၊ နောက်ကို ဆေးရုံလာလျှင် ဒီကပ်ပြားကိုသုံးရန်ပြောကာ၊ ဆရာဝန်နှင့်တွေ့ရန် ခေါ်သွားသည်။ ဆရာဝန်နှင့်မတွေ့ခင် အသက် ၂၀ကျော် ငယ်ရွယ်သည့် သူနာပြု ၅ယောက်က ပျုငှာစွာ ကြိုဆိုပြီး၊ တယောက်က စစ်ဆေးအခန်းတခုတွင် ခေါ်သွားသည်။ တံခါးပိတ်လိုက်ပြီး အသက်၂၀အရွယ် သူနာပြုအမျိုးသမီးငယ်လေးနှင့် ၂ယောက်တည်း ၁၀မိနစ်ခန့်၊ သွေးဖိအားတိုင်း၊ သွေးခုံနှုန်းစစ်၊ အလေးချိန်၊ အရပ်တိုင်း၊ လုပ်သည်။ အင်္ဂလိပ်စကားကို နားလည်ပြီး၊ အသင့်တင့်ပြောတတ်သည့် သူနာပြုငယ်ဖြစ်သည်။ လက်ကောက်ဝတ်ကို တမိနစ်ကြာအောင် နှိပ်ပြီး တမိနစ်သွေးခုန်နှုန်းကို စိတ်ဖြင့်ရေတွက်သည်။ ရေတွက်ပြီး မှတ်တမ်းတွင် ရေးသွင်းလိုက်သည်။ ကျွန်တော်လည်း အားလုံးကို လိုက်ကြည့်တော့ သွေးဖိအား၊ 120/80, သွေးခုန်နှုန်း 72, အရပ်မောင်း 1.70m, အလေးချိန် 67kg အားလုံးကောင်းပါသည်။

ဆရာဝန်နှင့်တွေ့ခြင်း၊
အမျိုးသမီးတစ်ဦး လာခေါ်သည်။ ဆရာဝန်ခန်းတွင် Dr. Lam အသက်၅၀ခန့် နှင့် တွေ့သည်။ အင်္ဂလိပ်လို ကျွမ်းကျင်စွာ ပြောဆိုနိုင်သည့် ဆရာဝန်ဖြစ်သည်။ မိမိ ခေါင်းမူးရောဂါ ရာဇ၀င်နှင့် Diabetic သံသယဖြစ်မှုများကို ပြောပြသည်။ ဦးနှောက်ပုံမှန်ဖြစ်သလား လမ်းလျှောက်ခိုင်းသည်။ လက်ဆန့်တန်းခိုင်းသည်။ ကုတင်တွင် ပက်လက်လှန်ပြီး ဗိုက်ကို လှန်လှော စမ်းသပ်သည်။ အသက်ရှုနှုန်း၊ နား၊ နှခေါင်းများကို စက်ဖြင့် ထိုးပြီးစစ်သည်။ လက်နှိပ်မီးဖြင့် ပါစပ်အာခေါင်ကို စစ်ဆေးသည်။ ၁၀မိနစ်ခန့် မေးမြန်းစစ်ဆေးပြီး၊ သွေးစစ်ရန်၊ ဦးနှောက်အတွက် CT Scan လုပ်မည်ပြောသည်။ ကျွန်ုပ်က CT Scan ဘယ်လောက်ကျသင့်သလဲ မေးမြန်းသောအခါ US$70 ကျသင့်သည်ဟု ပြောပါသည်။ ဆရာဝန်ခက ပိုဈေးကြီးမယ်ထင်တယ် မေးသောအခါ Doctor Fee is US$20 only.  ဖြေပါသည်။ ရယ်စရာအဖြစ် ဟာ.. ဆရာဝန်က ပိုပြီးဈေးကြီးရမှာ ဘာဖြစ်လို့ စက်စရိတ်က ဈေးပိုကြီးနေရသလဲ .. ဟု ပြောဆို၊ နှုတ်ဆက်ထွက်လာခဲ့ပါသည်။ မိန်းမငယ် တဦး လာရောက်ကြိုဆိုပြီး သွေးစစ်တဲ့နေရာသို့ ခေါ်သွားပြန်ပါသည်။

Blood Test & CT Scan ဆေးစစ်ခြင်း
သွေးစစ်တဲ့ လူငယ်ယောင်္ကျားလေးက ကျွမ်းကျင်စွာ၊ စမ်းသပ်ပြီး ညာလက်ဖျံကို စည်းပြီး သွေးကြောရှာပါသည်။ သွေးကြောကို ကောင်းကောင်းမမြင်ရပါ။ စင်ကာပူတွင် သူနာပြုဆရာမကြီး၊ငယ်များစွာနှင့် သွေးထုတ်ခြင်း၊ သွေးကြေးဆေးသွင်းခြင်းများ လုပ်ဖူးပါသည်။ မကြွမ်းကျင်မှု၊ သွေးကြောကောင်းကောင်း မမြင်ရမှုများ ကြောင့် အပ်နှင့်အသားထဲ သွင်းလိုက်၊ ထုတ်လိုက် လုပ်ခံရဖူးပါသည်။ နာကျင်သော်လည်း ခံရပါသည်။ ယခု ဗီယက်နမ် သူနာပြုအမျိုးသားငယ်လေးက လက်ဖျံမှ သွေးထုတ်မယ် စမ်းသောအခါ စိုးရိမ်မိပါသည်။ ဖက်ကနဲ အပ်စိုက်မှုကို ခံစားလိုက်ပြီး မျက်စိဖွင့်ကြည့်လိုက်သောအခါ ပင်နယ်စလင်ပုလင်းငယ်တွင် သွေးများအပြည့် ၀င်လာနေသည်ကို တွေ့ရပါသည်။ သြော်.. ဒီလူငယ်လေးက မြန်မာပြည်က သူနာပြုများလို လူကိုကိုင်တွယ်တာ ကျွမ်းကျင်လှကြောင်း လက်တွေ့ကြုံရပါသည်။ စင်ကာပူ၊ အမေရိကားများတွင် လူကို အပ်နှင့်စိုက်မည့်အရေးဆိုလျှင် လူနာရော၊ သူနာပြုရော သိပ်မလုပ်ချင်ကြပါ။ မြန်မာပြည်နှင့်ဗီယက်နမ်များတွင် လူနာရော၊ သူနာပြုရော အပ်စိုက်သွင်းခြင်းအလုပ်ကို ထမင်းစားရေသောက်လို သဘောထားကြပါသည်။

ထိုနောက် Toshiba Aviator တံဆိပ်ကပ်ထားသော CT Scan စက်ကြီးတွင် စမ်းသပ်ခံရပါသည်။ စမ်းသပ်သည့် အမျိုးသားမှာ၊ အင်္ဂလိပ်စကားလည်း ကျွမ်းကျင်သည်။ ဘယ်နိုင်ငံကလည်းဟု မေးမြန်း စကားပြောရင်၊ စက်အ၀ိုင်းကြီးတွင် ၁၀မိနစ်ခန့် စမ်းသပ်ပြီး၊ ပြီးဆုံးသွားပါသည်။

အမျိုးသမီးတဦး ရောက်လာပြီး၊ စောင့်ဆိုင်းရန် နေရာတွင် နေရာချထားပါသည်။ အနောက်တိုင်းကုတ်အကျီနှင့် Accounting ဌာနမှ အမျိုးသမီးငယ်လေးတဦး ထပ်မံရောက်လာပြီး၊  ရောက်လာပြီး ကျသင့်ငွေများကို ပြောပြသည်။ Insurance အာမခံ ရှိသလား၊ ကုမ္ပဏီနာမည်နဲ့ ငွေရပြေစာ ရေးရမလား၊ အသက်အာမခံ Insurance Claim Procedure များကို ရှင်းပြပြောဆိုပါသည်။

စကားချပ်။   
  Columbiaasia.com  ဆေးရုံသည် အာရှတွင် ၂၁ခု ဖွင့်လစ်ထားပြီး၊ ဗီယက်နမ်တွင် ၃ခုဖွင့်ထားသည်။ ဟိုချီမင်းမြို့ထဲတွင် တခု၊ မြို့ပြင် ယခု ကျွန်ုပ်တို့ စက်ရုံရှိရာ ဗီယက်နမ်-စင်ကာပူ စက်မှုဇုံ VSIP အနားတွင်တခု၊ နောက်တခုမှာ ဗီယက်နမ်မြို့တော် ဟနွိုင်းမြို့တွင် တခုဖွင့်ထားသည်ဟု ဆိုပါသည်။ ဗီယက်နမ် ဆိုရှယ်လစ်အစိုးရမှာ အခြေခံလူတန်းစားများကို လစာ 3,000,000d (US$150) သတ်မှတ်ထားသည်။ ထိုငွေဖြင့် လူတိုင်း စားဝတ်နေရေး၊ အိုကေ၊ အဆင်ပြေကြသဖြင့် ဆေးရုံတွင်လည်း ၀န်ထမ်းများစွာ ခန့်ထားနိုင်ပါသည်။ ဆေးရုံလုပ်ငန်းမှာ ကုသိုလ်လည်းရ၊ ၀မ်းလည်းဝဖြစ်သော်လည်း ၀ိသမစီးပွားရေးသများများကြောင့် အသပြာဆေးရုံများ ဖြစ်သွားတတ်သည်။ ထို့ကြောင့် ဗီယက်နမ်တွင် အစိုးရက ထိန်းကျောင်းပေးပါသည်။ နိုင်ငံခြားသားဆေးရုံ နှင့် ဒေသခံများဆေးရုံ ၂မျိုးရှိပါသည်။ အင်္ဂလိပ်စကားပြောတတ်ပါက ဆေးရုံသူနာပြုမှာ လစာ US$300 အထက် ရနိုင်ပြီး၊ အင်္ဂလိပ်စကားမတတ်ပါက US$200 အောက်သာ ရရှိမည်ဖြစ်သည်။

  ဗီယက်နမ်များသည် နိုင်ငံခြားသားကို ပျုငှာခြင်းမဟုတ်၊ ပင်ကိုယ်စိတ်ရင်းပျုငှာမှုဟု စာရေးသူ ယူဆပါသည်။ စာရေးသူတွေ့ဆုံသော ဗီယက်နမ်အများစုမှာ နိုင်ငံခြားသားများ လစာဒေါ်လာထောင်သောင်းချီ ရသော်လည်း မနာလို၊ Chop ခေါင်းပုံဖြက်လိုစိတ် မရှိသူ၊ ရတာနဲ့ကျေနပ်သူများ ဖြစ်ကြပါသည်။ ရာဇ၀တ်မှုလည်း နည်းပါးပြီး၊ မိန်းမပျက်လုပ်ငန်းလည်း မရှိသလောက်ပင်ဖြစ်သည်။ ဘာသာတရား မရှိသူများဖြစ်သော်လည်း လူမှုရေး၊ ကြီး၊ငယ် ရိုသေလေးစားမှု Seniority ရှိပါသည်။ ဗီယက်နမ်တွင် အဖြူကောင် ဆိုသူ ဥရောပ၊အမေရိကားတိုက်သားများမှာ Not Welcome အဆင့်တွင်ရှိသည်။ ပြင်သစ်၊ အမေရိကန် ကိုလိုနီဖြစ်ခဲ့ဖူးပြီး၊ တရုပ်-အမေရိကန် စစ်အေးခေတ်က နိုင်ငံခြားသားများကြောင့် တိုင်းပြည်လုံးပါးခဲ့သည်ကို ဗီယက်နမ်များ မမေ့ကြပါ။ တရုပ်ဆန့်ကျင်ရေး စိတ်ဓါတ်များရှိကြပြီး၊ ဂျပန်နှင့်ကိုးရီးယားများပင်လည်း ဗီယက်နမ်စကားမတတ်ပါက လူရာသွင်းမခံရပါ။ မြန်မာပြည်မြစ်ဆုံစီမံကိန်းကဲ့သို့ တရုပ်ရေအားလျှပ်စစ်ကုမ္ပဏီများ၏ ခေါင်းပုံဖြက်မှုကို ခံခဲ့ပြီးဖြစ်၍၊ ယခုနိုင်ငံတည်ထောင်ရာတွင် အမေရိကန်၊တရုပ်တို့ထက် ရုရှားနိုင်ငံအကူအညီကို အများဆုံးယူထားပါသည်။ ဗီယက်နမ်၏ အလွန်ကြီးမားလှသော ကမ်းလွန်ရေနံလုပ်ငန်း အများစုကို ရုရှားရေနံကုမ္ပဏီများအား လုပ်ပိုင်ခွင့်ပေးထားပြီး၊ လူငယ်ပညာတော်သင်အများစုမှာ ရုရှားနိုင်ငံသို့ သွားနေဆဲဖြစ်သည်။

ဆရာဝန်နှင့် နောက်ဆုံးတွေ့ဆုံခြင်း
Dr. Lam နှင့်တွေ့ရန် အမျိုးသမီးတဦး ပြုံးရွှင်စွာ လာခေါ်ပါသည်။ ဆရာဝန်အခန်းတွင် ၁၀မိနစ်ခန့် ဆရာဝန်က သွေးစစ်ရလဒ်၊ ဦးနှောက်စစ်ဆေးမှုရလဒ်များကို ကွန်ပြူတာတွင် ပြသပြီးရှင်းပြပါသည်။ အားလုံးကောင်းပါသည်။ ဦးနှောက် အာရုံဆေး (ခေါင်းမူးခြင်းအတွက်) Betaserc 24MG, Tanganil 500mg ဆေးများ တပတ်စားသုံးရန် ပေးလိုက်ပါသည်။ နောက်တစ်ပတ် ပြန်လာရန် ချိန်းလိုက်ပါသည်။ ထိုဆေးများကို အင်တာနက်တွင် ရှာဖွေကြည့်ရာ ဦးနောက်ဆေးများဖြစ်သည်။ တပါတ်စားသောက်ပြီးပါ သက်သာသွားလျှင် နောက်ဆက်စားရန်မလိုတော့ ဟု Dr.Lam ကပြောပါသည်။ ဦးနှောက်အားဆေး Neuro နှင့်မတူပါ။ ကျေနပ်ပါသည်။ မိမိဦးနှောက်ကို မလိုအပ်သည့် စိတ်ဖိစီးမှုများ (ဥပမာ - ဇနီးသည်နှင့်ငြင်းခုံခြင်းများ) မလုပ်ရန်၊ ဇနီး၊သားသမီးများ ကွန်ပလိန်းအလုပ်မခံအောင် နေရန်၊ အလုပ်မှ ဘော့စ်နှင့်အလုပ်သမားများ ကွန်ပလိန်း၊ Complain & Protest သိပ်မလုပ်ရန် စိတ်နေစိတ်ထား Attitude ပြောင်းလဲဖို့လိုသည်ဟု သိရပါသည်။ ဗီယက်နမ်ဆရာဝန်ကတော့ စိတ်ဖိစီးမှုကို မပြောပါ။ စင်ကာပူမှ ဆရာဝန်များကတော့ စိတ်ဖိစီးမှုကို အဓိကထားပြီးပြောပါသည်။

နောက်ဆုံး Billing Department တွင် ဆေးစစ်ရလဒ်များ၊ ဦးနှောက်ဓါတ်ပုံများကို ပေးအပ်က ကုန်ကျစရိတ် စုစုပေါင်း ဒေါ်လာ US$140 နှင့် ညီမျှသည့် ဗီယက်နမ် ဒေါင်းငွေ 2,700,000d  နှစ်သန်း၊ခုနှစ်သိန်းကို ပေးလိုက်ပါသည်။ စိတ်ကျေနပ်မှုနှင့်၊ ဆေးသော်ပြိး၊ စိတ်ဖိစီးမှုများ ကျဆင်းသွားသောကြောင့် နောက်နေ့တွင် ခေါင်းမူးရောဂါ ပျောက်သွားပါသည်။

နိဂုံး
CT Scan ကို အမေရိကန်တွင် ငါးထောင်ပေးရသည်။ စင်ကာပူတွင် တစ်ထောင်ခန့်ပေးရသည်။ ထိုင်းနိုင်ငံတွင် နှစ်ရာခန့် ပေးရပြီး၊ ဗီယက်နမ်တွင် ခုနှစ်ဆယ်သာ ပေးရသည်။ မြန်မာပြည်တွင် ဘယ်လောက်ကျသင့်ပါသလဲ မေးချင်ပါသည်။

ဇော်အောင်(မုံရွာ)
31-Aug-2012

CT Scan -  X-ray CT  Computed Tomography
MRI  -   Magnetic resonance imaging
VSIP - Vietnam Singapore Industrial ParkSumsung vs Apple - Patent and Loyalty court issue in 2012
http://en.wikipedia.org/wiki/X-ray_computed_tomography

Link
http://burmeseamericasingapore.blogspot.com/