23.09.2012 နေ့ဖတ်ရန်သတင်းများ

by Myanmar Journal on Saturday, September 22, 2012 at 4:17pm ·

ဂျပန်မှာ တရုတ်ဆန့်ကျင်ရေး ဆန္ဒပြ

အမျိုးသားရေး ဝါဒီ အဖွဲ့ တခု ကနေ ဒီဆန္ဒပြပွဲကို စည်းရုံး လုပ်ဆောင် ခဲ့တာ ဖြစ်ပါတယ်

အရှေ့တရုတ် ပင်လယ်က ကျွန်းစု အငြင်းပွားမှု ကိစ္စ အရှိန် မြင့်လာနေချိန်၊ ဂျပန် နိုင်ငံ တိုကျို မြို့တော်မှာ လူပေါင်း ရာနဲ့ချီပြီး တရုတ် ဆန့်ကျင်ရေး ကြွေးကြော် ဆန္ဒပြခဲ့ကြ ပါတယ်။

ဂန်ဘရီ နီပွန် (ဂျပန်အရေး ဆောင်ရွက်ကြပါ) လို့ ခေါ်တဲ့ အမျိုးသားရေး ဝါဒီ အဖွဲ့ တခု ကနေ ဒီဆန္ဒပြပွဲကို စည်းရုံး လုပ်ဆောင် ခဲ့တာ ဖြစ်ပါတယ်။

ဒီကျွန်းစုတွေကို ဂျပန်က ပိုင်ဆိုင်တယ်ဆိုတာကို ပြတ်ပြတ် သားသား ကြေညာ ပြောဆို လိုကြောင်း အဲဒီ အဖွဲ့က ပြောပါတယ်။

တရုတ်နိုင်ငံ တလွှား မြို့ကြီးတွေမှာလည်း ပြီးခဲ့တဲ့ ရက်ပိုင်းတွေ အတွင်း ဂျပန် ဆန့်ကျင်ရေး ဆန္ဒပြမှုတွေ ဖြစ်ပွားခဲ့ ပါတယ်။

ဂျပန်လို့ ဆန်ကာကူ တရုတ်လို့ ဂျောင်ယုလို့ ခေါ်တဲ့ ဒီကျွန်းစုတွေကို ဂျပန် ပုဂ္ဂလိကပိုင် လက်ထဲ ကနေ အခုလ အစောပိုင်းတုန်းက ဂျပန် အစိုးရက ဝယ်ယူလိုက်တာ ဖြစ်ပါတယ်။

အမျိုးသားရေး စိတ်ဓာတ် အင်မတန် ပြင်းထန်တဲ့ တိုကျို အုပ်ချုပ်ရေးမှူး ကနေ ဒီကျွန်းတွေကို ဝယ်ယူဖို့ စီစဉ်ထားရာ၊ အစိုးရက လက်ဦးအောင် အရင် ဝယ်ယူ လိုက်တာလည်း ဖြစ်ပါတယ်။

စစ်ပွဲတွေရပ်ဆိုင်းရေး ငြိမ်းချမ်းရေးနေ့ ဆန္ဒပြပွဲ

ဆန္ဒပြသူ တထောင်လောက်ဟာ ဆူးလေဘုရား ကနေ အင်းလျားကန် အထိ ချီတက် ခဲ့ကြ ပါတယ်

သောကြာနေ့မှာ ကျရောက်တဲ့ နိုင်ငံတကာ ငြိမ်းချမ်းရေး နေ့မှာ စစ်ပွဲတွေ ရပ်ဆိုင်းပြီး ပြည်တွင်း ငြိမ်းချမ်းရေး ရရှိဖို့ မြန်မာနိုင်ငံ တလွှား နေရာ အနှံ့ ဆန္ဒပြ တောင်းဆို မှုတွေ ဖြစ်ပွားခဲ့ ပါတယ်။

ကချင် ငြိမ်းချမ်းရေး ကွန်ယက်၊ Generation Wave အဖွဲ့၊ ပန်းရဲ့လမ်းနဲ့ အဖွဲ့ အစည်း တချို့က ဆန္ဒပြသူ တထောင်လောက်ဟာ ဆူးလေ ဘုရား ကနေ အင်းလျားကန် အထိ ချီတက် ခဲ့ကြ ပါတယ်။

ဆန္ဒပြပွဲ ခေါင်းဆောင်သူ တွေကိုတော့ သူတို့ ဖြတ်သွားရာ မြို့နယ် ၁၀ ခု ကနေ အမှု ဆယ်မှု ဖွင့်ထား တယ်လို့၊ ရန်ကုန်တိုင်း ဒေသကြီး ရဲတပ်ဖွဲ့က ညနေပိုင်းမှာ ပြုလုပ်တဲ့ သတင်းစာ ရှင်းလင်းပွဲမှာ ပြောပါတယ်။

ခွင့်ပြုချက် မရဘဲ ဆန္ဒပြတဲ့ အတွက် ဖမ်းဆီး တရားစွဲမှာ ဖြစ်ကြောင်း၊ ခွင့်ပြုချက် တောင်းစဉ်က လူ ၂၀၀ ဆန္ဒ ပြမယ်လို့ ပြောခဲ့ပေမဲ့ တကယ်တန်း ဆန္ဒပြတော့ လူ ၁၀၀၀ ကျော် သွားတဲ့ အတွက်လည်း တရားစွဲမှာ ဖြစ်တယ်လို့ ရန်ကုန်တိုင်း ရဲမှူး ဦးမြင့်ထွေးက ပြောကြားပါတယ်။

ဒီပွဲကို ဦးဆောင် စီစဉ်သူတွေ ထဲက တယောက် ဖြစ်တဲ့ Generation Wave က ကိုမိုးသွေးကတော့ အခု ဆန္ဒပြ ချီတက်ပွဲ အတွက် ခွင့်ပြုချက် တင်ကြို တောင်းပေ မဲ့လည်း အကြောင်း အမျိုးမျိုး ပြပြီး ငြင်းပယ်ခဲ့တယ်လို့ ဘီဘီစီကို ပြောပါတယ်။

နိုင်ငံရေး အကျဉ်းသားများ ကွန်ယက်က ဗိုလ်တထောင် ဘုရားမှာ မနက်ပိုင်း ဆုတောင်းပွဲ လုပ်ခဲ့ သလို၊ ဗမာ နိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် (ဗကသ) ကလည်း ဗိုလ်တထောင် ဘုရား မှာပဲ ညနေပိုင်းမှာ သီးသန့် ဆုတောင်းပွဲ ပြုလုပ်ခဲ့ ပါတယ်။ အလုံမြို့နယ် မှာလည်း ဆုတောင်းပွဲ တခု ပြုလုပ်ခဲ့ ပါတယ်။

ငြိမ်းချမ်းရေး ဆုတောင်းပွဲ တွေကို ပျဉ်းမနား၊ မိတ္ထိလာနဲ့ ပခုက္ကူမြို့တို့ မှာလည်း ပြုလုပ်ခဲ့ကြ တယ်လို့ သိရပါတယ်။

ပြည်တွင်းစစ် ရပ်ဆိုင်းရေး ဆန္ဒပြသူတွေကို တရားစွဲပြီ

ဆူးလေဘုရား ကနေ အင်လျား ကန်စောင်း အထိ ချီတက် ဆန္ဒပြခဲ့ ကြတာ ဖြစ်ပါတယ်

ပြည်တွင်းစစ် ရပ်ဆိုင်းပြီး ငြိမ်းချမ်းရေး ဖေါ်ဆောင်ဖို့ နိုင်ငံတကာ ငြိမ်းချမ်းရေးနေ့မှာ ချီတက် ဆန္ဒပြသူတွေ ထဲက ခေါင်းဆောင် တချို့ကို သက်ဆိုင်ရာက ခွင့်ပြုချက် မရဘဲ စီတန်း လှည့်လည်တယ် ဆိုတဲ့ ပုဒ်မ ၁၈ နဲ့ စနေနေ့မှာ တရားစွဲ လိုက်ပြီ ဖြစ်ပါတယ်။

သောကြာနေ့ ညနေကတည်းက ရန်ကုန်တိုင်း ဝန်ကြီးချုပ် ဦးမြင့်ဆွေ ကနေ သတင်းစာရှင်းလင်းပွဲ လုပ်ပြီးတော့ ခွင့်ပြုချက် မရဘဲ စီတန်းလှည့်လည် သူတွေကို ဖြတ်သန်းသွားတဲ့ မြို့နယ် ၁၀ မြို့နယ် စလုံးမှာ တရားစွဲမယ် ဆိုတဲ့ အတိုင်း စီတန်းလှည့်လည်တဲ့ ထဲက ခေါင်းဆောင် ၄ ယောက်ကို လှိုင်မြို့နယ်နဲ့ စမ်းချောင်းမြို့နယ်မှာ တရားစွဲလိုက်တာ ဖြစ်ပါ တယ်။

 ဆန္ဒပြသူတွေဟာ ပြည်တွင်းစစ် ရပ်စဲရေး ပိုစတာတွေ ကိုင်ဆောင်ပြီး သောကြာနေ့က ကျရောက်တဲ့ နိုင်ငံတကာ ငြိမ်းချမ်းရေးနေ့မှာ ဆူးလေဘုရား ကနေ အင်လျား ကန်စောင်းကို ချီတက် လမ်းလျှောက် ခဲ့ကြတာ ဖြစ်ပါတယ်။

တရားစွဲခံရသူတွေ ကတော့ မျိုးဆက်သစ် လူငယ်များ အစည်း အရုံးက ကိုမိုးသွေး၊ ကိုကျော်ဘိုဘို၊ မထွေးယုမွန်၊ မခင်စန္ဒာညွန့်တို့ ဖြစ်တယ်လို့ သိရပါတယ်။ ဆန္ဒပြခွင့် တင်ခဲ့ ပေမယ့် သက်ဆိုင်ရာက ခွင့်ပြုမပေးလို့ သူတို့ ဆုံးဖြတ်ချက်နဲ့ သူတို့ စီတန်း လှည့်လည် ကြတာ ဖြစ်တဲ့ အကြောင်း ကိုမိုးသွေးက ပြောပါတယ်။

နောက်ပြီး စီတန်း လှည့်လည် ရာမှာ ဘာ ပြဿနာမှ မတက် ခဲ့တဲ့ အတွက် ဥပဒေကြောင်း အရ ရင်ဆိုင် သွားမယ်လို့ ပြောပါတယ်။

ရှမ်းပြည်နယ် တောင်ကြီးမြို့မှာလည်း လူငယ် ၃၀ လောက်က ဗိုလ်ချုပ်အောင်ဆန်း ကျောက်ရုပ်နားထိ ငြိမ်းချမ်းရေး ပိုစတာတွေ ကိုင်ပြီး စီတန်း လမ်းလျှောက် ခဲ့လို့၊ အဲဒီ အထဲက ဦးဆောင်သူ ကိုနေမျိုး၊ ကိုဘိုဘိုဟန်နဲ့ ကိုအောင်သူ တို့ ၃ ယောက်ကို တောင်ကြီး ရဲစခန်းက ပုဒ်မ ၁၈ နဲ့ တရားစွဲ လိုက်ပါတယ်။

တရားစွဲခံရသူ အားလုံးကို အာမခံနဲ့ နေထိုင်ခွင့် ပေးထားပြီး တရားရုံးမှာ အမှု ရင်ဆိုင် ရမယ်လို့ ကိုနေမျိုးက ပြောပါတယ်။

ပဲခူးတိုင်း ပြည်မြို့မှာ နိုင်ငံတကာ ငြိမ်းချမ်းရေးနေ့ အခမ်းအနားကို ဦးဆောင်ကျင်းပ ဖို့ စီစဉ် ခဲ့တဲ့ နှစ်ကျိပ်ရှစ်ဆူ တောင်ပေါ် ကျောင်းက ဆရာတော် ဦးဝိမလကိုလည်း တိုင်း သာသနာရေး ဦးစီးမှူးနဲ့ အဖွဲ့က ဆင့်ခေါ်ပြီး နောက်နောင် နိုင်ငံရေး အဖွဲ့ အစည်းတွေနဲ့ မပတ်သက် ပါဘူး ဆိုတဲ့ ခံဝန် ကတိမှာ လက်မှတ် ထိုးခိုင်း ခဲ့တယ်လို့ သိရပါတယ်။

တရုတ်သင်္ဘောသားတွေကို သတ်ခဲ့ကြောင်း နော်ခမ်း ဝန်ခံ

မူးယစ်ရာဇာ စိုင်းနော်ခမ်းကို မြန်မာအစိုးရ ကလည်း အလိုရှိနေ

မဲခေါင်မြစ်ထဲမှာ တရုတ် သင်္ဘောသား ၁၃ဦး ကို သတ်ဖြတ်ခဲ့မှုနဲ့ စွပ်စွဲခံထားရသူ တရားခံ ၆ဦးက သူတို့မှာ အပြစ်ရှိကြောင်း တရုတ် တရားရုံးမှာ စနေနေ့က ထုတ်ဖေါ် ဝန်ခံ လိုက်ပါတယ်။

တရုတ်နိုင်ငံ ကူမင်းမြို့က တရားရုံးတခုမှာ ရုံးတင် စစ်ဆေးခံနေတဲ့ အဲဒီ တရားခံ ၆ ဦးထဲမှာ မြန်မာ၊ ထိုင်း နဲ့ လာအို ရွှေတြိဂံနယ်မြေမှာ သြဇာ အရှိန်အဝါ ကြီးတဲ့ မြန်မာပြည်သား မူးယစ်ရာဇာ စိုင်းနော်ခမ်း လည်း ပါဝင်ပါတယ်။

ပြီးခဲ့တဲ့ အောက်တိုဘာ လတုန်းက မဲခေါင်မြစ်ထဲမှာ ကုန်တင် သင်္ဘောနှစ်စီးကို သေနတ်သမားတွေက တိုက်ခိုက်ခဲ့ရာမှာ တရုတ် သင်္ဘောသားတွေ သေဆုံး သွားခဲ့တာ ဖြစ်ပါတယ်။

အဲဒီ တရုတ်သင်္ဘော နှစ်စင်း တိုက်ခိုက်ခံခဲ့ရပြီး နောက်ပိုင်းမှာ မဲခေါင် မြစ်ကြောင်းတလျှောက် ရေကြောင်းလုံခြုံရေးအတွက် လက်နက်ကိုင် ကင်းလှည့်မှုတွေ လုပ်ဆောင်ခဲ့ရတဲ့ အထိ ဖြစ်ခဲ့ပါတယ်။

တရုတ်၊ မြန်မာ၊ ထိုင်းနဲ့ လာအို လေးနိုင်ငံ ပူးပေါင်း စစ်ဆင်မှုအတွင်း စိုင်းနော်ခမ်းကို ဖမ်းဆီးမိခဲ့ပြီး တရုတ်အစိုးရလက်ထဲ လွှဲပြောင်းပေးခဲ့တာပါ။

စိုင်းနော်ခမ်းဟာ အဲဒီ လေးနိုင်ငံ ဆုံရာ မဲခေါင် မြစ်ကြောင်း တလျှောက် မူးယစ်ဆေးဝါး ကုန်သွယ်မှု၊ ပြန်ပေးဆွဲ လုယက် တိုက်ခိုက်မှု စတဲ့ ပြစ်မှုတွေ ကျူးလွန်ခဲ့ပြီး မြန်မာအစိုးရကလည်း အလိုရှိနေတာ ဖြစ်ကြောင်း၊ ဒါပေမယ့် တရုတ်နဲ့ မြန်မာ နှစ်နိုင်ငံ အကြား တရားခံ လွှဲပြောင်းပေးရေး အပြန်အလှန် သဘောတူထားချက် မရှိတာကြောင့် စိုင်းနော်ခမ်းကို မြန်မာနိုင်ငံမှာ ရုံးတင် စစ်ဆေးနိုင်ဖို့ ဆိုရင်တော့ နှစ်နိုင်ငံအကြား သတ်သတ် စဉ်းစားရမှာ ဖြစ်ကြောင်း နိုင်ငံဖြတ်ကျော် မှုခင်းရေးရာ အကြီးအကဲအဖြစ် ဆောင်ရွက်ခဲ့သူလည်း ဖြစ်၊ သမ္မတ အကြံပေးအဖွဲ့ရဲ့ ဥပဒေရေးရာ လက်ရှိ အကြီးအကဲလည်း ဖြစ်တဲ့ ရဲမှူးကြီးဟောင်း ဦးစစ်အေးက ဘီဘီစီကို ပြောပါတယ်။

ဘန်ဂါဇီ အခြေစိုက် စစ်သွေးကြွ အဖွဲ့ကို မောင်းထုတ်

ဆိုးသွမ်းလှတဲ့ စစ်သွေးကြွတွေ ကြောင့် မတည် ငြိမ်မှုတွေ ဖြစ်နေတဲ့ အပေါ် လူထုက မကျေနပ်

လစ်ဗျားနိုင်ငံ ဘန်ဂါဇီမြို့မှာ အမေရိကန် သံအမတ်ကို သတ်ဖြတ် ခဲ့တဲ့ စစ်သွေးကြွ အဖွဲ့လို့ စွပ်စွဲ ခံထားရတဲ့ ဘန်ဂါဇီ အခြေစိုက် အစ္စလာမ် စစ်သွေးကြွ အဖွဲ့ကို ဘန်ဂါဇီ မြို့ကနေ မောင်းထုတ် လိုက်ကြပြီ ဖြစ်ပါတယ်။

အန်ဆာ အဲလ် ရှာရီယာ လို့ခေါ်တဲ့ ဒီအဖွဲ့ရဲ့ ဌာနချုပ်ကို ရဲတပ်ဖွဲ့နဲ့ ဆန္ဒပြသူတွေ ကနေ ဝင်ရောက် စီးနင်း ခဲ့တာ ဖြစ်ပါတယ်။

တရားမဝင် လက်နက်ကိုင် အဖွဲ့တွေရဲ့ အာဏာပြ ဗိုလ်ကျ မှုတွေကို ဆန့်ကျင် ကန့်ကွက်တဲ့ ကြီးမားလှတဲ့ ဆန္ဒပြမှု ဖြစ်ပွားခဲ့ပြီး နောက်မှာ အခုလို ဝင်စီးခဲ့တာ ဖြစ်ပါတယ်။

ဆန္ဒပြ လူအုပ်ကြီးဟာ ဘန်ဂါဇီမြို့ တခြား နေရာက စစ်သွေးကြွ အဖွဲ့တွေရဲ့ လက်နက်ကိုင် သေနတ် သမားတွေနဲ့လည်း ရုန်းရင်း ဆန်ခတ် ဖြစ်ပွားခဲ့ ပါသေးတယ်။

အနည်းဆုံး လူ ၁၀ ဦး သေဆုံး သွားတယ်ဆိုတဲ့ သတင်းတွေလည်း ရရှိပါတယ်။

လစ်ဗျားမှာ ရှိတဲ့ ဘီဘီစီ သတင်းထောက် ပြောတာ ကတော့ ဆိုးသွမ်း လှတဲ့ စစ်သွေးကြွတွေ ကြောင့် မတည်ငြိမ်မှုတွေ ဖြစ်နေတဲ့ အပေါ် လူထုက မကျေမနပ် ဖြစ်နေတာ လနဲ့ချီ ကြာနေပြီလို့ ဆိုပါတယ်။

တူရကီ အာဏာသိမ်းရန်ကြိုးပမ်းမှု စီရင်ချက်ချ

တူရကီနိုင်ငံမှာ အစိုးရကို ဖြုတ်ချဖို့ ကြိုးစားမှုနဲ့ စွဲချက်တင်ခံထားရတဲ့ လက်ရှိ တာဝန်ထမ်းနေကြသူ စစ်တပ်အရာရှိတွေနဲ့  စစ်အရာရှိဟောင်းပေါင်း စုစုပေါင်း ၃၃၀ လောက်ကို တရားရုံးတခုက ပြစ်ဒဏ် ချလိုက်ပါတယ်။

သောကြာနေ့က ပြစ်ဒဏ်တွေချခဲ့တာမှာ တပ်မတော် ဦးစီးချုပ်ဟောင်း Cetin Dogan၊ လေတပ် အကြီးအကဲဟောင်း Ibrahim Firtina နဲ့ ရေတပ်အကြီးအကဲဟောင်း Ozden Ornek တို့ကို ထောင်ဒဏ် တသက် ပထမ ချမှတ်လိုက်ပါတယ်။

ဒါပေမဲ့ အာဏာသိမ်းဖို့ကြိုးပမ်းမှု မအောင်မြင်တဲ့ အတွက် နောက်ပိုင်းမှာ သူတို့ပြစ်ဒဏ်တွေကို အနှစ် ၂၀ စီ လျှော့ပေါ့ပေးခဲ့ပါတယ်။ တခြား လက်ရှိနဲ့ စစ်တပ်အရာရှိဟောင်းတွေကိုတော့ ဒီထက် လျှော့ပေါ့တဲ့ ပြစ်ဒဏ်တွေပေးခဲ့ပါတယ်။၊ စစ်အရာရှိ ၃၄ ယောက်ကို တော့ တရားသေလွှတ်ပေးခဲ့ပါတယ်။

Sledgehammer လို့ လျို့ဝှက် နာမည်ပေးထားတဲ့ ၂၀၀၃ ခုနှစ်က ပူပေါင်းကြံစည်မှုနဲ့ ဆက်နွယ်ပြီး ၂ နှစ်ကြာ အမှု စစ်ဆေးမှုလုပ် ခဲ့အပြီးမှာ ခုလို ပြစ်ဒဏ်တွေကို ချလိုက်တာဖြစ်ပါတယ်။ ဝန်ကြီးချုပ် Recep Tayyip Erdogan အစိုးရကို ဖြုတ်ချဖို့ စစ်တပ်က ကြိုးပမ်းခဲ့တယ်လို့ တူရကီအစိုးရ တာဝန်ရှိသူတွေက ပြောပါတယ်။

မွန်တွေကလည်း ကချင်စစ်ရပ်စဲရေး လိုလား

ကွန်းချမ်း | စနေနေ့၊ စက်တင်ဘာလ ၂၂ ရက် ၂၀၁၂ ခုနှစ် ၁၂ နာရီ ၅၁ မိနစ်

စံခလပူရီ (မဇ္ဈိမ)။       ။ မွန်ပြည်နယ်၊ မော်လမြိုင်မြို့တွင် ကျင်းပသည့် အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ် ပြည်တွင်းစစ်ပွဲများ ရပ်တန့်ရေး ဟောပြောပွဲနှင့် စုပေါင်း လက်မှတ်ရေးထိုးပွဲတခုကို သောကြာနေ့က ကျင်းပခဲ့ကြသည်။ 

မွန်ဒီမိုကရေစီပါတီဥက္ကဌ နိုင်ငွေသိမ်း စစ်ရပ်စဲရေး လက်မှတ်ရေးထိုးနေစဉ်။ (ဓာတ်ပုံ - ကြည်ဇော်လွင်)

ပွင့်လင်း ကွန်ယက် (မွန်ပြည်နယ်) မှ စီစဉ်သည့် အဆိုပါ အခမ်းအနားသို့ မွန်ပြည်နယ်မှ နိုင်ငံရေးပါတီများနှင့် လူမှုအဖွဲ့အစည်း အသီးသီးမှ ကိုယ်စားလှယ်များ တက်ရောက်ခဲ့ကြသည်။ 

အမျိုးသား ဒီမိုကရေစီ အဖွဲ့ချုပ် (NLD)၊ မွန်ဒေသလုံးဆိုင်ရာ ဒီမိုကရေစီပါတီ (AMDP)၊ မွန်ဒီမိုကရေစီပါတီ (MDP)၊ မွန်ပြည်သစ်ပါတီ (NMSP)၊ တိုင်းရင်းသား စည်းလုံး ညီညွှတ်ရေးပါတီ၊ ကရင်ပြည်သူ့ပါတီနှင့် တက္ကသိုလ် ကျောင်းသူ/သားများ အပါအဝင် စာပေယဉ်ကျေးမှု အဖွဲ့အစည်းများမှ ပရိသတ် ၃၀၀ ကျော် တက်ရောက်ခဲ့ကြကြောင်း အခမ်းအနား စီစဉ်သူတဦးက သည်။ 

“ကျနော်တို့ လူငယ်တွေ စစ်ပွဲတွေကို လက်မခံဘူး။ အဓိကကတော့ ကချင်မှာ ဖြစ်နေတဲ့ စစ်ပွဲဟာ ဘယ်သူမှန်သည် ဖြစ်စေ၊ မှားသည် ဖြစ်စေ။ ဖြစ်ပွားနေတဲ့ စစ်အားလုံး ချက်ချင်း ရပ်ပေးဖို့၊ လက်ရှိ ခံနေရတဲ့ ကချင်ပြည်သူ လူထုတွေအတွက် ငြိမ်းချမ်းရေးကို လိုလိုလားလား ထောက်ခံတယ်။ ကျနော်တို့ မွန်ပြည်သူ လူထုတွေ အားလုံးကလည်းထောက်ခံတဲ့အကြောင်း မွန်ပြည်နယ်အသံနဲ့ လုပ်တာပါ” ဟု ကိုကြည်ဇော်လွင် က မဇ္ဈိမကို ပြောသည်။ 

လွန်ခဲ့သည့် ရက်ပိုင်းအတွင်း ရန်ကုန်မြို့တွင် လူမှုအဖွဲ့ပေါင်း ၄၀ ကျော် စုပေါင်း ဆွေးနွေးပြီး တနိုင်ငံလုံး အတိုင်းအတာဖြင့် လုပ်ဆောင်ရန် ဆုံးဖြတ်ခဲ့ကြသည်။ 

မော်လမြိုင် အခမ်းအနားတွင် ငြိမ်းချမ်းရေးနှင့် ပတ်သက်သည့် ဟောပြောခြင်း၊ စာတမ်း ဖတ်ခြင်း၊ စုပေါင်း လက်မှတ်ရေးထိုးခြင်း၊ ကာတွန်းပြပွဲ၊ ငြိမ်းချမ်းရေး ကဗျာ ရွတ်ဆိုခြင်းနှင့် သီချင်းဆိုခြင်းများကိုလည်း ပြုလုပ်ခဲ့ကြသည်။ 

“ကျနော်ကတော့ ငြိမ်းချမ်းရေးအတွက် တဘက်နဲ့ တဘက် ဗြဟ္မစိုရ်တရား ထားသင့်တဲ့အကြောင်းကို အခမ်းအနားဖွင့်ပွဲမှာ ပြောခဲ့ပါတယ်” ဟု AMDP မှ နိုင်ငွေသိမ်း က ပြောသည်။ 

အခမ်းအနား တက်ရောက်သူများက ပြည်တွင်းစစ်ပွဲများ ရပ်တန့်ရေးအတွက် စုပေါင်း လက်မှတ်ရေးထိုးခဲ့ကြပြီး အခြား ပြည်နယ်/တိုင်းများမှ ရရှိသော လက်မှတ်များနှင့် ပူးတွဲကာ သမ္မတထံ ပေးပို့ကြမည်ဖြစ်ကြောင်း သိရှိရသည်။ 

နံနက်ပိုင်းတွင် အရှေ့တပ်မြေလမ်း မွန်ဓမ္မာရုံတွင် AMDP၊ MDP၊ မွန်ပြည်သစ်ပါတီ နှင့် မွန်လူမှုအသင်းအဖွဲ့များက အင်အား ၅၀ ကျော်က စစ်ရပ်စဲရေးအတွက် ဟောပြောခဲ့ကြပြီး ငြိမ်းချမ်းရေး မီးပုံးပျံများ လွှတ်တင်ခဲ့ကြောင်းမော်လမြိုင် တက္ကသိုလ် ကျောင်းသားတဦး ဖြစ်သည့် မင်းစီစွမ်း က ပြောသည်။ 

“ကျနော်တို့ မွန်လူငယ်တွေ စစ်ရပ်စဲရေးနဲ့ ငြိမ်းချမ်းရေးကို လိုလိုလားလား လက်ခံတယ်။ အစိုးရက တနိုင်ငံလုံး ငြိမ်းချမ်းရေး တည်ဆောက်နေတယ်လို့ ပြောပေမယ့် ကချင်မှာ စစ်ပွဲတွေ ဖြစ်နေတုန်းပဲ။ ဒီကချင်စစ်ပွဲတွေ ရပ်တန့်ဖို့ ကျနော်တို့ လက်တွဲပြီး လုပ်ဆောင်သွားဖို့အတွက် ဒီအခမ်းအနားကို ကျင်းပတာ ဖြစ်တယ်” ဟု မဇ္ဈိမကို ပြောသည်။

ငြိမ်းချမ်းရေးဆန္ဒပြသူတွေ တရားစွဲခံရ

စက်တင်ဘာလ ၂၁ ရက်မှာ ကျရောက်တဲ့ အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ်တွေကို မြန်မာနိုင်ငံ နေရာတော်တော် များများမှာ ကျင်းပခဲ့ကြတာမှာ အဲ့ဒီလို ကျင်းပသူတွေဟာ ခေါ်ယူ သတိပေး ခြိမ်းခြောက်ခံရတာတွေ၊ တရားစွဲဆို ခံရတာတွေနဲ့ ကြုံနေရပါတယ်။ ပဲခူးတိုင်း ပြည်မြို့က ဆရာတော် ဦးဝိမလ ကို တိုင်းသာသနာရေး ဦးစီးဌာနကနေ ထောင်ဒဏ် ၃ နှစ် ချမှတ် မယ်လို့  ခြိမ်းခြောက်ခဲ့ပြီး နောက်ထပ် နိုင်ငံရေး အဖွဲ့အစည်းတွေနဲ့လည်း မပတ်သက်မယ့်အကြောင်း ခံဝန်လက်မှတ် ရေးထိုးခိုင်းခဲ့ တယ်လို့ နီးစပ်သူတွေက ပြောပါတယ်။ ဒါ့အပြင် ရှမ်းပြည်နယ်က ၈၈ မျိုးဆက်ကျောင်းသား ၂ ဦးနဲ့ NLD အဖွဲ့ဝင်တို့ကိုလည်း တောင်ကြီး ရဲစခန်းကနေ ဒီမနက် ဖမ်းဆီးပြီး ပုဒ်မ (၁၈) နဲ့ အမှု ဖွင့်ထားခဲ့ပါတယ်။ အပြည့်အစုံကိုတော့ ဆက်သွယ်စုံစမ်းထားတဲ့ မအေးအေးမာ က တင်ပြထားပါတယ်။

အပြည်ပြည်ဆိုင်ရာ ငြိမ်းချမ်းရေးနေ့ကို လုပ်တဲ့သူတွေကို အားပေးတာကြောင့် ဆိုပြီး ပဲခူးတိုင်း၊ ပြည်မြို့က ဆရာတော် ဦးဝိမလကို ညဘက်က အာဏာပိုင်တွေက ခေါ်ယူသွားပါတယ်။ ဒီအတွက် မြို့ခံ လူငယ်တွေ က ဒီနေ့မှာပဲ ပြည်မြို့မှာ ဆန္ဒထုတ်ဖော်မှုတွေ ဆက်လုပ်ခဲ့ပါတယ်။ ဆရာတော်ကို  ၀န်ခံကတိတွေ ပေးပြီး ပြန်လွှတ်လိုက်တယ်လို့ ဆိုပြီး ပြည်မြို့က လူအခွင့်အရေး ရှေ့နေ ဦးမြင့်အေးက ပြောပြပါတယ်။

“မနက်က လာပြောတယ်တဲ့။ ဆရာတော်က အပြည်ပြည်ဆိုင်ရာ ငြိမ်းချမ်းရေး လှုပ်ရှားမှုနဲ့ ပတ်သက်ပြီး လူတွေကို အရှင်ဘုရားကျောင်းမှာ လာပြီးတော့ အခမ်းအနား လုပ်လို့ရှိရင် ဒီမှာ တွေ့လား၊ ညွှန်ကြားချက်တွေ ဆိုပြီး ထုတ်ပြပြီးတော့ ထောင် သုံးနှစ်ကျမယ် လို့ ပြောလိုက်တယ်တဲ့။ ဆရာတော်လေးက မနေ့ကညနေက ပြောတယ်။ ပြောပြီးတော့ ညလည်း ရောက်ရော ဆရာတော်လေးကို ဖမ်းသွားတယ်တဲ့၊ ခေါ်သွားတယ် ဆိုပြီး ကြားတော့ ဆရာတော်လေးကို အဲဒီလို လုပ်တယ်ဆိုတော့ ကျနော်တို့လည်း ဒေါပွသွားတာနဲ့ ကလေးတွေက ဘာလုပ်ချင်လဲ ဆိုတော့ မြို့ကို ပတ်ချလိုက်တယ်။ အဖြူရောင် ၀တ်ပြီးတော့ နဖူးစည်း အပြာလေးတွေနဲ့ ပတ်လိုက်တယ်။ ဒါပေမဲ့ ၅၀၊ ၆၀ လောက် ရှိတယ်ဗျ။ ဆိုင်ကယ်တွေနဲ့ ပတ်တာ။

“နောက်က SP တို့ ဘာတို့ကတော့ အားလုံး လိုက်ပြီးတော့ မှတ်တမ်း တင်တာပေါ့ဗျာ။ လိုက်တယ်၊ ဓာတ်ပုံတွေ ရိုက်တယ်။ သူတို့ရိုက်ရင် ကိုယ်ကလည်း သူတို့ကို ပြန်ရိုက် ဆိုတော့ အပြန်အလှန်တွေပေ့ါ။ အခုမနက်ကျတော့ ဆရာတော်လေးက ပြန်ရောက်နေပြီ။ သူ့ကျောင်းမှာ သူ ပြန်ရောက်နေပြီ။ ရောက်နေတော့ ကျနော်တို့က လျှောက်ထားကြတာပေါ့။ အရှင်ဘုရား ဘယ်လိုဘယ်လိုလဲ ဆိုတော့၊ အေး ဟုတ်တယ်တဲ့။ ညတုန်းက လာခေါ်တယ်တဲ့။ တိုင်း သာသနာရေး ဦးစီးမှူးရဲ့ တပည့်နှစ်ယောက်က လာခေါ်ပြီးတော့ စာနဲ့လည်း ထုတ်ခေါ်တယ်။ လာခဲ့ပါပေါ့။ သံဃာ့ နာယက အဖွဲ့ကို လာပါ ဆိုတော့ သူ လိုက်သွားတယ်တဲ့။ ဆိုင်ကယ်နဲ့ လိုက်သွားရတယ်တဲ့။ ၇ နာရီခွဲလောက်မှာ။ အထဲ ရောက်လည်း ရောက်ရော လက်မှတ်ထိုး၊ နောက်ဆိုရင် လူမှုအဖွဲ့အစည်းတွေ၊ နိုင်ငံရေး အဖွဲ့အစည်းတွေနဲ့ မပတ်သက်ဖို့ လက်မှတ်ထိုးပါ ဆိုတော့ ကျုပ် ထိုးပေးခဲ့ရတယ်တဲ့။”

ရှမ်းပြည်နယ်မှာ လုပ်တဲ့ ငြိမ်းချမ်း ရေးပွဲကို ဦးဆောင်ခဲ့သူ ၈၈ မျိုးဆက် ကျောင်းသားများအဖွဲ့၊ ရှမ်းပြည်နယ် က ကိုနေမျိုး အပါအ၀င် ၃ ဦးကိုလည်း ငြိမ်းချမ်းစွာ စီတန်း လှည့်လည်ခွင့်ကို ခွင့်ပြုချက်မရဘဲ လုပ်တဲ့အတွက် ရဲစခန်းက ပုဒ်မ (၁၈) နဲ့ အမှု ဖွင့်လိုက်ပါတယ်။ ကိုနေမျိုး ပြောပြတာကတော့ -

“၄ နာရီခွဲကနေ ၆ နာရီအထိပေါ့နော်။ ကျနော်တို့ ဥပဒေ ချိုးဖောက်တဲ့အကြောင်းကို ရှင်းပြတာပါ။ ကျနော်တို့ ပြည်နယ်ရဲမှူးကြီး ခေါ်ပြောတာ။ တည်ဆဲ ဥပဒေပေါ့ဗျာ။ ဒါပေမဲ့ ညကျတော့ ရန်ကုန်တိုင်း ရဲမှူးက ခေါင်းဆောင်တဲ့သူကို ဖမ်းမယ်ဆိုတော့ မနက် ၁၀ နာရီကို အမှတ် (၁) ရဲစခန်းကို ခေါ်တယ်ဗျ။ မြို့နယ်ရဲမှူးကြီးက - ဥပဒေ ချိုးဖောက်တဲ့အတွက်ကြောင့် ပုဒ်မ (၁၈) နဲ့ညှိတယ်၊ အဲဒီအတွက်ကြောင့် ကျနော်တို့ကို နှစ်ယောက် စွဲချက်တင်မယ်။ ချက်ချင်း အာမခံရင် ကျနော်တို့ကို ပြန်လွှတ်ပါ့မယ်လို့တော့ ပြောတယ်ဗျ။”

ရန်ကုန်မှာတော့ ဗကသ ကျောင်းသားတွေနဲ့ မျိုးဆက်သစ် လူငယ်တွေ၊ ကချင်ကွန်ယက်က အမျိုးသမီးတွေကို လိုက်လံဖမ်းဆီးမှုတွေ၊ ခြိမ်းခြောက်မှုတွေ လုပ်နေတဲ့အကြောင်း ဗကသများ အဖွဲ့ချုပ်က ကျောင်းသားခေါင်းဆောင် ကိုလင်းထက်နိုင်က ပြောပါတယ်။

“မနေ့ကတော့ လိုက်ဖမ်းတယ်ဗျ။ လိုက်ဖမ်းတယ်။ လိုက်ဖမ်းတယ် ဆိုတာလေ၊ ကျနော်တို့ထဲကဆိုရင် ဟန်နီဦးနဲ့ သီဟ၀င်းတင် လေ။ သူတို့ကိုတောင်မှ အိမ်ကို SP တွေက လာမေးသေးတယ်။ မေးရုံပဲ မေးတာပေါ့နော်။ ဘာခေါင်းစဉ် ညာခေါင်းစဉ်မှ မတပ်ဘဲနဲ့ မတွေ့တာ ကြာလို့ပါ ဘာညာ ဆိုပြီး ပြောတယ်။ မနေ့က လုပ်ခဲ့တဲ့ ကိစ္စလို့လည်း မပြောဘူး။ အဲဒီလို လုပ်တာတွေတော့ ရှိတယ်။ ဒါပေမဲ့ မိုးသွေး ကိုတော့ ကန်ဘောင်ကနေ ထွက်ကတည်းက နောက်ကနေပြီးတော့ လိုက်တာ။ အဲဒီလိုမျိုး လိုက်ဖမ်းတာတွေတော့ ရှိတယ်။ တခြား ကချင်က ကောင်မလေးတယောက်လည်း ပြေးနေရတယ် ကြားတယ်။” အပြည်ပြည်ဆိုင်ရာ ငြိ်မ်းချမ်းရေး လုပ်ဆောင်နေသူတွေဟာ အခုချိန်မှာတော့ တိမ်းရှောင်နေရဆဲ ဖြစ်ပြီး နေအိမ်တွေမှာလည်း လိုက်လံ ရှာဖွေတာတွေ လုပ်နေတဲ့အတွက် မိသားစုဝင်တွေက ခြိမ်းခြောက်မှုတွေ ခံနေရတယ်လို့လည်း ပြောပါတယ်။