17.09.2012 နေ့ဖတ်ရန်သတင်းများ

by Myanmar Journal on Sunday, September 16, 2012 at 9:18pm ·

တပတ် ဆန္ဒပြဖို့ ဟစ်ဇဘိုလာ ခေါင်းဆောင် ဆော်သြ

ဟစ်ဇဘိုလာ ခေါင်းဆောင် Hassan Nasrallah

အမေရိကန် ပြည်ထောင်စုမှာ ရိုက်ကူးခဲ့တဲ့ အစ္စလာမ် ဘာသာကို စော်ကားတယ်လို့ ယူဆနေကြတဲ့ ဗီဒီယိုနဲ့ ပတ်သက်လို့ တပတ်ကြာ ဆန္ဒပြကြဖို့ လက်ဘနွန်က ဟစ်ဇဘိုလာ စစ်သွေးကြွ ခေါင်းဆောင်က ဆော်သြ လိုက်ပါတယ်။

ဒီကိစ္စနဲ့ ပတ်သက်လို့ သူတို့ ဒေါသထွက်မိတယ် ဆိုတာကို ကမ္ဘာတလွှားက လူတွေကို ပြဖို့ လိုတယ်လို့ Hassan Nasrallah က ဆိုပါတယ်။

မနေ့က အစောပိုင်း တုန်းကလည်း အမ်စတာဒမ်မြို့ နဲ့ ကိုပင်ဟေဂင်မြို့က အမေရိကန် သံရုံး အပြင်ဖက်တွေကို ရာနဲ့ချီတဲ့ မွတ်ဆလင်တွေ ဆန္ဒပြခဲ့ ကြတယ်လို့ သိရပါတယ်။

ပါကစ္စတန် နိုင်ငံ ကရာချိမြို့က အမေရိကန် သံရုံးရှေ့ ဆန္ဒပြမှုမှာတော့ ရဲနဲ့ အဓိကရုဏ်း ဖြစ်ပြီး ဆန္ဒပြသူ တယောက် သေဆုံးသွားတယ်လို့ ဆိုပါတယ်။

အမေရိကန်တွေပြန်လာဖို့ အိမ်ဖြူတော် အမိန့်ထုတ်

ဆူဒန်က အမေရိကန် သံရုံးကို တိုက်ခိုက်နေကြစဉ်

အမေရိကန် ပြည်ထောင်စုက တူနီးရှားနဲ့ ဆူဒန် နိုင်ငံတွေ အတွင်းက အမေရိကန် သံရုံးတွေက အရေးမကြီးတဲ့ အမှုထမ်း တွေအပါအဝင် သံရုံး အမှုထမ်းတွေရဲ့ မိသားစုဝင်တွေ အားလုံးကို အမေရိကန်ကို ပြန်လာဖို့ ခေါ်ယူ လိုက်ပါတယ်။

ဒါဟာ အရှေ့အလယ်ပိုင်း ဒေသအတွင်း မတည်ငြိမ်မှုတွေ ကာလတခု အထိ ဆက်ဖြစ်နေနိုင် တဲ့အတွက် အမေရိကန် အိမ်ဖြူတော်က ကြိုတင် ပြင်ဆင် လိုက်တဲ့ လက္ခဏာပဲ ဖြစ်ပါတယ်။

တူးနစ္စမြို့နဲ့ ခါတွန်း မြို့တို့က အမေရိကန် သရုံးတွေကို ပရောဖက် မိုဟာမက်ကို သရော်တဲ့ ဗီဒီယိုကြောင့် မကျေနပ်တဲ့ ဆန္ဒပြ လူအုပ်ကြီး တွေက တိုက်ခိုက် ခဲ့ကြပါတယ်။

အမေရိကန် နိုင်ငံခြားရေး ဌာနက ပြောခွင့်ရသူကတော့ အမေရိကန် နိုင်ငံသားတွေ အားလုံးကိုလည်း ခရီးသွားလာရေး နဲ့ ဆိုင်တဲ့ သတိပေး ချက်တွေ ထုတ်ထားပေးပြီး ဖြစ်ကြောင်း ပြောပါတယ်။

နေတိုး တိုက်ခိုက်မှု အာဖဂန် အရပ်သားတွေ သေဆုံး

အရပ်သားတွေ သေဆုံးခဲ့ရတဲ့အတွက် အာဖဂန် ပြည်သူတွေ ဆန္ဒပြခဲ့ကြပါတယ်

အာဖဂန် နစ္စတန် အရှေ့ပိုင်းဒေသမှာ တနင်္ဂနွေနေ့ မနက် အစောပိုင်းက နေတိုး တပ်ဖွဲ့ရဲ့ လေကြောင်း တိုက်ခိုက်မှု တခုအတွင်း အရပ်သား အမျိုးသမီး ၈ ဦး ထက် မနည်း သေဆုံး သွားပြီး တခြား သူတွေလည်း ဒဏ်ရာ ရရှိသွားပါတယ်။

အဲဒီ သေဆုံးသွားတဲ့ အမျိုးသမီး တွေဟာ တောင်ပေါ် မှာ ထင်းခွေ နေကြတဲ့ အချိန်၊ တိုက်ခိုက် ခံခဲ့ရတာ ဖြစ်တယ်လို့ လက်ခ်မန်း ပြည်နယ် အုပ်ချုပ်ရေးမှူးရဲ့ ပြောခွင့်ရသူ က ဘီဘီစီကို ပြောပါတယ်။

နေတိုး ဦးဆောင်တဲ့ နိုင်ငံတာ တပ်ဖွဲ့ ပြောခွင့်ရသူ ဗိုလ်မှူး အဒမ် ဝူဂျက်က တော့ အဲဒီ ဒေသက စစ်သွေးကြွတွေကို ပစ်မှတ်ထား တိုက်ခိုက်ခဲ့တာ ဖြစ်ပြီး၊ အရပ်သား သေဆုံးတယ် ဆိုတာလည်း ဖြစ်နိုင်တယ်လို့ ဝန်ခံ ပြောကြားပါတယ်။

နောက်ပြီး အခုလို မတော်တဆ အရပ်သားတွေ သေဆုံးခဲ့ရတဲ့ အပေါ် ဝမ်းနည်းရပါကြောင်း သေဆုံးသူတွေရဲ့ မိသားစုတွေနဲ့ အာဖဂန် ပြည်သူတွေကို ပြောကြားလိုက်ပါတယ်။

အာဖဂန်မှာ အခုလို အရပ်သားတွေ ထိခိုက် သေဆုံးမှုတွေ ရှိတာကြောင့် အာဖဂန်ပြည်သူတွေဟာ နိုင်ငံခြားတပ်ဖွဲ့တွေ အပေါ် အမျက်ဒေါသ ဖြစ်နေကြပါတယ်။

တိုက်ခိုက်မှုတွေ ဆက်

နိုင်ငံတောင်ပိုင်းက ပြည်နယ်တခုမှာတော့ နေတိုးစစ်သား ၄ ဦး ပစ်သတ် ခံလိုက်ရတယ်လို့ အာဖဂန် ရဲတပ်ဖွဲ့က ပြောပါတယ်။

ဒါဟာ ၂၄ နာရီ အတွင်း ကိုယ့်အတွင်းလူ ကနေ ပြန်လည် တိုက်ခိုက်တဲ့ ဒုတိယမြောက် ဖြစ်ရပ်ပါ။

စနေနေ့ကလည်း အာဖဂန် ရဲ ဝတ်စုံ ဝတ်ထားတဲ့ အမျိုးသား တဦးဟာ ဟဲလ်မန်း ပြည်နယ်မှာ ဗြိတိသျှစစ်သား နှစ်ဦးကို ပစ်သတ် လိုက်ပါတယ်။

တခြား ဖြစ်စဉ် တခုမှာတော့ နန် ဂဟာ ပြည်နယ်မှာ အစိုးရရုံးတွေ တိုက်ခိုက် ခံရပြီး နောက် ရဲနဲ့ စစ်သွေးကြွတွေ အကြား နာရီပေါင်း အတော်ကြာ အပြန်အလှန် ပစ်ခတ် မှုတွေ ဖြစ်ပွားခဲ့ ပါတယ်။

တိုင်းရင်းသား ညီလာခံ လမ်းပြမြေပုံ ထုတ်ပြန်

နှစ်ဆန်းပိုင်းတုန်းက ကျင်းပခဲ့တဲ့ ချင်းမိုင်မြို့က တိုင်းရင်းသား ညီလာခံ တခု

ထိုင်းနိုင်ငံ မြောက်ပိုင်း ချင်းမိုင်မြို့မှာ တိုင်းရင်းသား လက်နက်ကိုင် အဖွဲ့အစည်းတွေ ၊ ပြည်တွင်း ပြည်ပက နိုင်ငံရေး ခေါင်းဆောင်တွေ လူထုအခြေပြု အဖွဲ့အစည်းတွေ ကျင်းပပြုလုပ်တဲ့ တိုင်းရင်းသား လူမျိုးများ ညီလာခံဟာ မနေ့က ပြီးဆုံးသွားပြီ ဖြစ်ပါတယ်။

ညီလာခံ ကနေ ငြိမ်းချမ်းရေး စီမံချက်နဲ့ လမ်းပြမြေပုံ ၆ ချက်ကို သဘောတူ ဆုံးဖြတ်ခဲ့ကြတယ်လို့ သိရပါတယ်။

ကရင် အမျိုးသား အဖွဲ့အစည်း (KNU) ၊ ကချင် လွတ်မြောက်ရေး အဖွဲ့အစည်း(KIO) ချင်းအမျိုးသား တပ်ဦး (CNF) ၊ ရှမ်းပြည် ဖွံ့ဖြိုး တိုးတက်ရေး ပါတီ (SSPP) စတဲ့ လက်နက်ကိုင် အဖွဲ့တွေနဲ့ ချင်း၊ ကချင်၊ ကရင်၊ ကရင်နီ၊ မွန်၊ ရခိုင်၊ ရှမ်း စတဲ့ ပြည်နယ်တွေက လူထုအခြေပြု အဖွဲ့အစည်းတွေ၊ ပြည်တွင်း ပြည်ပက နိုင်ငံရေး ခေါင်းဆောင်တွေဟာ မြန်မာနိုင်ငံရဲ့ ပြုပြင်ပြောင်းလဲရေးမှာ အဓိက အခန်းကဏ္ဍ အဖြစ် ပါဝင်တဲ့ ပြည်တွင်း ငြိမ်းချမ်းရေး ဖော်ဆောင် နိုင်ဖို့ အတွက် ချင်းမိုင်မြို့မှာ စက်တင်ဘာလ ၁၄ ရက်နေ့ ကနေ ၁၆ ရက်နေ့အထိ ၃ ရက်ကြာ တိုင်းရင်းသား လူမျိုးများ ညီလာခံ တရပ် ကျင်းပ ပြုလုပ်ခဲ့ ကြပါတယ်။

အဲဒီညီလာခံမှာ ကိုယ်စားလှယ်ပေါင်း ၁၅၀ ကျော် တက်ရောက်ခဲ့ပြီး အဆင့် ၃ ဆင့်ပါ ငြိမ်းချမ်းရေးလုပ်ငန်းစဉ်နဲ့ အဲဒီလုပ်ငန်းစဉ်တွေကို အကောင်အထည်ဖော်ဖို့ အချက် ၆ ချက်ပါ လမ်းပြမြေပုံကို ရေးဆွဲ ထုတ်ပြန် လိုက်ပါတယ်။

တိုင်းရင်းသား ညီလာခံကနေ ရေးဆွဲထားတဲ့ အဆင့် ၃ ဆင့်ပါ ငြိမ်းချမ်းရေး လုပ်ငန်းစဉ်တွေ ထဲက အဓိက အချက်တွေ ကတော့ တိုင်းရင်းသား ဒေသတွေမှာ အစိုးရ စစ်တပ်ရဲ့ ထိုးစစ်ဆင်မှုတွေကို ချက်ချင်း ရပ်တန့်ပေးပြီး နှစ်ဖက်တပ်များ လိုက်နာရမယ့်ကျင့်ဝတ် (Military Code of Conduct) ကို ပြဌာန်း လုပ်ဆောင်ရမယ် ၊ အပစ်အခတ် ရပ်စဲထားတဲ့ ကာလမှာ ပြည်သူလူထုရဲ့ လုံခြုံရေးနဲ့ လူ့အခွင့်အရေးအတွက် အာမခံချက် ပေးရမယ် ၊ ပြီးရင် လွှတ်တော် ပြင်ပမှာ နိုင်ငံရေးအရ တွေ့ဆုံ ဆွေးနွေး ဖြေရှင်းဖို့ အာမခံချက်ပါတဲ့ သဘောတူညီချက် ရှိရမယ် ၊ ငြိမ်းချမ်းရေး လုပ်ငန်းစဉ်တွေမှာ နိုင်ငံတကာ လေ့လာ စောင့်ကြည့်ရေးအဖွဲ့ ပါဝင် စောင့်ကြည့်မှုကို ခွင့်ပြုရမယ် ၊ မြေယာ အပါအ၀င် သဘာဝ ရင်းမြစ်တွေကို အသုံးပြုပြီး လုပ်ဆောင်နေတဲ့ မဟာဖွံ့ဖြိုးရေးစီမံကိန်း ကြီးတွေကို ရပ်တန့် တားမြစ်မှု လုပ်ရမယ်စတဲ့ ပဏာမ ဆွေးနွေးရေး ၊ ပဏာမ ဘုံ သဘောတူညီချက် တွေကို အကောင်အထည်ဖော်ရေး၊ နိုင်ငံရေး ဆွေးနွေပွဲ ပြုလုပ်ရေး အဆင့်တွေပွဲဖြစ်ပါတယ်။

နောက်ပြီးတော့ အဲဒီလုပ်ငန်းစဉ်တွေကို အကောင်အထည်ဖော်ဖို့ အချက် ၆ ချက်ပါ လမ်းပြမြေပုံ ၆ ချက်တွေကတော့ တိုင်းရင်းသား လက်နက်ကိုင် အဖွဲ့အစည်းတွေ၊ နိုင်ငံရေးပါတီတွေ၊ အမျိုးသမီးနဲ့ လူထုအခြေပြု အဖွဲ့အစည်းတွေ တွေ့ဆုံ ဆွေးနွေးကြပြီး “နိုင်ငံရေး ဆွေးနွေးပွဲ ဆိုင်ရာမူဘောင်” (Framework for Political Dialogue) မှာ ပါဝင်မယ့် အချက်အလက်များ ချမှတ်ဖို့၊ ပြည်ထောင်စု အစိုးရ ကိုယ်စားလှယ် များနဲ့ လက်နက်ကိုင် အဖွဲ့အစည်းတွေ စုစည်းထားတဲ့ ကိုယ်စားလှယ်တွေ နှစ်ဘက်စလုံး လက်ခံနိုင်တဲ့ နေရာမှာ တွေ့ဆုံ ဆွေးနွေးပြီး “တွေ့ဆုံ ဆွေးနွေးရေးဆိုင်ရာ မူဘောင် သဘောထား” (The Framework of Political Dialogue) သဘောတူညီချက် ရရှိဖို့၊ ပြီးရင် တိုင်းရင်းသား အင်အားစုများရဲ့ ကိုယ်စားလှယ်တွေ၊ ဒီမိုကရေစီနည်း အရ လှုပ်ရှားနေကြတဲ့ နိုင်ငံရေး အင်အားစုရဲ့ ကိုယ်စားလှယ်တွေ၊ အစိုးရ ကိုယ်စားလှယ်တွေ အချိုးကျကျ ပါဝင်ပြီး ပင်လုံ စိတ်ဓါတ်ကို အခြေခံတဲ့ ပြည်ထောင်စု ညီလာခံကြီး တရပ် ကျင်းပပြီး “တိုင်းရင်းသား လူမျိုးများဆိုင်ရာ ပြည်ထောင်စု သဘောတူညီချက်” (Union Accord) အဖြစ် သဘောတူ လက်မှတ်ရေးထိုးဖို့ စတာတွေပဲဖြစ်ပါတယ်။

ဒီလုပ်ငန်းစဉ်တွေ အချက်တွေကို ညီလာခံမှာ ဖွဲ့စည်းထားတဲ့ တိုင်းရင်းသား ပူးပေါင်း ဆောင်ရွက်ရေးအဖွဲ့ တို့က (Working Group for Ethnic Co-Cordination) တို့က တာဝန်ယူ လုပ်ဆောင်သွားမှာ ဖြစ်ပါတယ်။

ဒီလုပ်ငန်းစဉ်တွေကို တကယ့်လက်တွေ့ အောင်မြင်အောင် ဖော်ဆောင်နိုင်ဖို့အတွက် အချိန်တော်တော်ကြာ ယူရမယ် အနည်းဆုံး ၃ နှစ်လောက် ဖြစ်လိမ့်မယ်လို့ ပူးပေါင်း ဆောင်ရွက်ရေး အဖွဲ့က ပြောပါတယ်။

၈၈ကျောင်းသားတွေရဲ့ ဖားကန့်မြို့ ငြိမ်းချမ်းရေးခရီး

ငြိမ်းချမ်းရေး ကြိုးပမ်းဖို့ ၈၈မျိုးဆက် ကျောင်းသားတွေ ကချင်ပြည်နယ်မှာ ရောက်ရှိနေ

ကချင်ပြည်နယ် ငြိမ်းချမ်းရေး ရရေး ကြိုးပမ်းဖို့ ကချင်ပြည်နယ်မှာ ရောက်ရှိနေတဲ့ ၈၈မျိုးဆက် ကျောင်းသား အဖွဲ့ဟာ ဖါးကန့်မြို့နယ်ကို တနင်္ဂနွေနေ့ က ရောက်ရှိလာခဲ့ရာမှာ ဒေသခံ ပြည်သူတွေက သောင်းသောင်းဖျဖျ ကြိုဆိုခဲ့ ကြပါတယ်။

ကချင်ပြည်နယ်မှာ ဖြစ်ပွားနေတဲ့ တိုက်ပွဲတွေကြောင့် စိုးရိမ်မှုတွေ ရှိခဲ့ပေမယ့် ၈၈မျိုးဆက်ကျောင်းသားတွေ လာရာ ခရီးတလျှောက်မှာ အစိုးရတပ်တွေဘက်ကရော KIA တပ်ဖွဲ့ဝင်တွေ ဘက်ကပါ တနေ့တာ အပစ်ရပ် ထားခဲ့တာမို့ မင်္ဂလာရှိတဲ့ နေ့တနေ့ ဖြစ်တယ်လို့ ၈၈မျိုးဆက် ကျောင်းသား ခေါင်းဆောင်တဦး ဖြစ်တဲ့ ကိုမင်းကိုနိုင်က ဘီဘီစီကို ပြောပါတယ်။

ဒေသခံတွေက သူတို့ ကြုံနေရတဲ့ ဒုက္ခတွေကို ပြောပြကြပြီး ဒီဒုက္ခတွေကနေ ကယ်ကြဖို့ ၈၈မျိုးဆက် ကျောင်းသားတွေကို ပန်ကြားခဲ့ကြတယ်လို့ ပြောပါတယ်။

သူတို့ရဲ့ ခရီးစဉ်တလျှောက်မှာ တိုင်းရင်းသား ခေါင်းဆောင်တွေနဲ့ တွေ့ဆုံ ဆွေးနွေး ခဲ့တယ်လို့လည်း ဆိုပါတယ်။

တဦးနဲ့ တဦး ယုံကြည်မှု ရဖို့ ကြိုးစားနေတာ အခု အောင်မြင်စ ပြုနေပြီ ဖြစ်ကြောင်း၊ တတိုင်းတပြည်လုံး အင်အားနဲ့ ဆက်ဆောင်ရွက်သွားဖို့ လိုကြောင်း ကိုမင်းကိုနိုင်က ဘီဘီစီကို ပြောပါတယ်။

၈၈မျိုးဆက် ကျောင်းသားတွေဟာ ဖားကန့်မြို့နယ် နန့်မဆစ် ကျေးရွာက စိန့်ဂျိုးဇက် ကက်သလစ် ခရစ်ယာန် ဘုရားကျောင်းမှာ ခိုလှုံနေကြတဲ့ ဒုက္ခသည် ကလေးငယ် တွေအတွက် ငွေ ၁၀သိန်း လှူဒန်းခဲ့တယ်လို့ သိရပါတယ်။

ကိုမြအေးနဲ့ ၈၈ မျိုးဆက်ကျောင်းသား တချို့ဟာ ဇူလိုင်လတုန်းက ကေအိုင်အို ခေါင်းဆောင်တွေ ဖြစ်ကြတဲ့ ဗိုလ်ချုပ် ဂွမ်မော်၊ ဦးလနန် တို့နဲ့ရော၊ ပြည်ထောင်စု ငြိမ်းချမ်းရေး ဖေါ်ဆောင်ရေး လုပ်ငန်းအဖွဲ့ ဒုတိယ ဥက္ကဌ ဦးအောင်မင်းနဲ့ပါ သီးခြားစီ တွေ့ဆုံပြီး ကချင်ပြည်နယ် ငြိမ်းချမ်းရေး ရရေး ဆွေးနွေး ပြောဆိုခဲ့ပါတယ်။

ကုလညီလာခံ မြန်မာကိုယ်စားလှယ် အဖွဲ့ဝင်အဖြစ် ခွန်ထွန်းဦးကိုလျာထား

အခုလာမယ့် ကုလသမဂ္ဂ အထွေထွေညီလာခံ တက်ရောက်ဖို့အတွက် သမ္မတ ဦးသိန်းစိန် ဦးဆောင်တဲ့ မြန်မာ ကိုယ်စားလှယ် အဖွဲ့ထဲမှာ ရှမ်းတိုင်းရင်းသား နိုင်ငံရေးခေါင်းဆောင် တဦးဖြစ်တဲ့ ဦးခွန်ထွန်းဦး ပါဝင်မယ်လို့ သတင်းတွေ ထွက်ပေါ်နေပါတယ်။ ဒီကိစ္စနဲ့ပတ်သက်လို့ အမေရိကန် အခြေစိုက် NED ဒီမိုကရေစီ ရန်ပုံငွေအဖွဲ့ရဲ့ ဒီမိုကရေစီ ဆုကို လက်ခံရယူဖို့၊ ၀ါရှင်တန် ဒီစီကို ရောက်ရှိနေတဲ့ ဦးခွန်ထွန်းဦးကို ကိုသားညွှန့်ဦးက ဆက်သွယ် မေးမြန်းတဲ့အခါ ဦးခွန်ထွန်းဦးက အခုလို စပြီး ပြောခဲ့ပါတယ်။

“ကျနော့်ကိုတော့ ဓာတ်ပုံ ၂ ပုံနဲ့ ကိုယ်ရေးရာဇ၀င် လာတောင်းတယ်ပေါ့လေ။ သက်ဆိုင်ရာ သမ္မတရုံးကနေ တောင်းခိုင်းလို့၊ အဲဒီလူကနေ နိုင်ငံခြားရေးဝန်ကြီးဌာနကို ပို့ရတယ်။ နိုင်ငံခြားရေး ၀န်ကြီးဌာနကနေပြီးတော့ special passport လုပ်မယ်ဆိုပြီးတော့ ကျနော့်ကို ပြောတယ်။ နောက်တချက်က ကျနော်က ဘယ်လို ပြန်ဖြစ်လဲဆိုတော့ သံရုံးသွားတော့ ကျနော် ဒီကိုလာဖို့ စာအုပ်အနီလေးနဲ့ပေါ့ဗျာ ဗီဇာထုတ်ဖို့လာတော့၊ သူတို့က ဟာ - မင်းကို ငါတို့က နှစ်ခုတောင် ပေးရမှာတဲ့။ ဘာဖြစ်လို့လဲ၊ ကျနော် ဘာမှမသိဘူးလို့။ အဲဒီလိုပဲ တောင်းတာတော့ ကျနော် သိတယ်လို့ ဆိုတော့ သူ ရှင်းပြတာက၊ နေဦးတဲ့၊ ခင်ဗျားဟာက နှစ်ခုဖြစ်နေတော့ ကျနော်တို့ ဆွေးနွေးရမယ်ပေါ့လေ။ ကျနော့်ကို ၃ နာရီခွဲ ပြန်လာပါလို့ မှာလိုက်တယ်။ ပက်စ်ပို့ လာယူပေါ့လေ။ ပြောလိုက်သေးတယ်၊ ခင်ဗျား အဲဒါ သွားမယ်ဆိုရင် special passport ကို သုံးပေါ့ဗျာတဲ့။ ကျနော့်ကို လိုက်လုပ်ပေးတဲ့ ဗဟိုကော်မတီကလူကိုလည်း ပြောလိုက်တယ်။ ဒါလောက်ဆိုရင်တော့ ကျနော် ထင်တယ်လေ၊ confirm ဖြစ်ပြီပေါ့ဗျာ။"ဒါပေမဲ့ သမ္မတ ရုံးကတော့ ဘာမှ မပြောသေးဘူး။ ဦးအောင်မင်းကိုလည်း ကျနော် ဖုန်းဆက်တော့၊ ၀န်ကြီးခင်ဗျာလို့ ကျနော် ဒီလိုတော့ အခြေအနေ ဆိုက်နေတယ်လို့ ဆိုတော့၊ သွားသင့်တာ သွားလိုက်ပါတဲ့။ ဟိုရောက်မှပဲ ဆင်းကြိုတာပေါ့တဲ့။ ၀ါရှင်တန် ဒီစီမှာရှိတဲ့ သံအမတ်ကြီးကိုလည်း ကျနော် ဖုန်းဆက်ထားပေးပါမယ်တဲ့။ အဲဒီလို ပြောတယ်။”

အန်ကယ့်ကိုရော ကမ်းလှမ်းထားတာ ရှိပါလား အရင်တုန်းက။ အထွေထွေ ညီလာခံ ကိုယ်စားလှယ် အနေနဲ့ မြန်မာအစိုးရ ကိုယ်စားလှယ်အနေနဲ့ ပါဝင်ဖို့ ဆိုတာကို။ - 

“နောက်ပိုင်း ကျနော် ဟိုဟာတွေ ပါတယ်။ ဦးအောင်မင်းတို့က ငြိမ်းချမ်းရေးကိစ္စတွေ ဆွေးနွေးတယ်။ အခုက ငြိမ်းချမ်းရေး ကော်မတီ ဖွဲ့ဖို့လေ။ ဒါပေမဲ့ အခုလောလောဆယ်က ကျနော့်ကို တရားဝင် ကမ်းလှမ်းထားပြီးတာက ရခိုင် ပဋိပက္ခ ကော်မရှင်မှာ ကျနော် ပါနေတယ်လေ။ အဲဒါပါပဲ။ ကျနော့် အထင်ကတော့ ဒါ နိုင်ငံတကာကိုလည်း ပြချင်တယ်ပေါ့ဗျာ။ ကျနော်တို့ အားလုံးက ပူးပေါင်းဆောင်ရွက် လုပ်နေပါတယ် ဆိုတာကို။”  

အန်ကယ် အကယ်၍များ သူတို့ဘက်က ကမ်းလှမ်းလာမယ် ဆိုရင် အန်ကယ့်သဘောထားကရော ဘယ်လိုလဲ။ ပါဝင်မလား။ - 

“ပါရမှာပေါ့။ ဘာဖြစ်လို့လဲဆိုတော့ ကျနော်က ဒီ process ကိုလည်း၊ ခင်ဗျားတို့လည်း သိပါတယ်၊ အိမ်မှာကလည်း ပြဿနာတွေက ဒုနဲ့ဒေး ကို။ ဟိုမှာကလည်း ကွဲနေတယ်၊ အဲဒီတော့ ကျနော်တို့က moderate ဖြစ်တဲ့ဟာကိုတော့ လုပ်ရမယ့်ကိန်းမျိုး ဆိုက်နေပြီကိုး။ ဟိုကလည်း လွှတ်တော်ကလည်း တမျိုး၊ တပ်ကလည်း တမျိုး ဖြစ်နေတာကိုး။ အဲဒီတော့ တော်တော်လေးကို ကျပ်တည်းတယ်။”

ဟုတ်ကဲ့။ ကျနော်က ဆိုလိုတာက အခု အကယ်၍ အထွေထွေညီလာခံ အဖွဲ့ ကိုယ်စားလှယ် အနေနဲ့ ပါဝင်ခွင့်ရမယ် ဆိုရင် အန်ကယ် ပါမလား။ - 

“ပါမယ်ပေါ့ဗျာ။ ပါရမှာပေါ့။ သူက ကျနော့်ကို ခေါ်ပြီပဲဗျာ။ အရင်တုန်းကလည်း ကျနော့်ကို သူ ခေါ်တယ်။ တွေ့တုန်းကလည်း ခေါ်တွေ့ပါတယ်။ ကျနော်တို့တွေ စကားပြောကြတာပဲ။”သမ္မတက လား။ - 

“ဟုတ်တယ်။ သမ္မတက ပေါ့လေ။ ဆိုတော့ ကျနော်တို့ အနေနဲ့ကတော့ ဒါ ပါတီအနေနဲ့ကတော့ ဒီ တိုင်းပြည် တည်ဆောက်ရေးမှာတော့ ဒီဟာက အပေါင်းလက္ခဏာ ဆောင်တဲ့ဟာမျိုးတွေ လုပ်ပေးရမှာပဲ။ အကုန်လုံး ၀ိုင်းဝန်း လုပ်ကြတာချည်းပဲ။ ပြဿနာတွေက။”

ဝါရှင်တန် ဒီစီရောက် ရှမ်းတိုင်းရင်းသား ခေါင်းဆောင် ဦးခွန်ထွန်းဦးကို ကိုသားညွှန့်ဦးက မေးမြန်းခဲ့တာပါ။ ကုလသမဂ္ဂ အထွေထွေ ညီလာခံ တက်ရောက်ဖို့ သမ္မတ ဦးသိန်းစိန် ဦးဆောင်တဲ့ မြန်မာ ကိုယ်စားလှယ် အဖွဲ့ထဲမှာ ရှမ်းတိုင်းရင်းသား နိုင်ငံရေး ခေါင်းဆောင် တဦးဖြစ်တဲ့ ဦးခွန်ထွန်းဦး ပါဝင်ဖွယ် ရှိတယ်ဆိုတဲ့ သတင်းကို နိုင်ငံတော် သမ္မတရုံး တာဝန်ရှိသူ ဦးဇော်ဌေးကို မေးမြန်းကြည့်တော့ လတ်တလောမှာ အတည်မပြုနိုင်သေးဘဲ မနက်ဖြန် တနင်္လာနေ့မှာတော့ အဲဒီစာရင်းကို ထုတ်ပြန်ပေးဖွယ် ရှိတယ်လို့ပဲ တုံ့ပြန်ခဲ့ပါတယ်။

ဆီးရီးယား အစိုးရအတွက် အီရန်စစ်တပ် အကူအညီပေး

အီရန်နိုင်ငံရဲ့ တော်လှန်ရေး ပြည်စောင့် အထူးတပ်က ဆီးရီးယား နိုင်ငံမှာ စစ်ဘက်နဲ့ မဆိုင်တဲ့ အကူအညီတွေကို ပေးအပ်နေတဲ့ အကြောင်း အီရန်က ပြောလိုက်ပါတယ်။ အနီးစပ်ဆုံး မဟာမိတ်ဖြစ်တဲ့ ဆီးရီးယားအပေါ် ပြင်ပက တိုက်ခိုက်မှုတွေ လုပ်လာမယ် ဆိုရင်တော့ စစ်ရေးအရ ပါဝင်ကူညီကောင်း ကူညီသွားမယ်လို့လည်း ပြောဆိုခဲ့တာပါ။

အီရန် တော်လှန်ရေး ပြည်စောင့်တပ်ရဲ့ တပ်မှူးဖြစ်သူ Mohammad Ali Jafari ရဲ့ တနင်္ဂနွေနေ့က ပြောဆိုချက်ဟာ လူပေါင်း ထောင်ချီ သေဆုံးနေတဲ့၊ ၁၈ လကြာ အစိုးရက အတိုက်အခံတွေကို နှိမ်နင်းနေတဲ့ ဆီးရီးယားမှာ အီရန်က စစ်ရေးအရ ပတ်သက်နေတယ် ဆိုတာကို လူသိရှင်ကြား ကြေညာလိုက်တဲ့ လုပ်ရပ်တခုလည်း ဖြစ်ခဲ့တာပါ။

ဆီးရီးယားမှာ ရောက်နေကြတဲ့ တော်လှန်ရေး ပြည်စောင့်တပ် လက်အောက်ခံ အယူအဆရေးရာ ကိစ္စတွေကို တာဝန်ယူရတဲ့ Qud တပ်ဖွဲ့ဝင်တွေဟာ ပညာရပ်ပိုင်း ဆိုင်ရာနဲ့ အကြံပေးတဲ့ အလုပ်တွေကို လုပ်နေကြတာလို့လည်း အီရန် တပ်မှူးကို ကိုးကားပြီး အီရန်နိုင်ငံက သတင်းတွေက ဖော်ပြကြပါတယ်။ ဒီတပ်ဖွဲ့ဟာဆိုရင် အီရတ် နိုင်ငံမှာ အာဏာရှင်ဟောင်း ဆဒမ်ဟူစိန် ပြုတ်ကျပြီးတဲ့နောက် တိုက်ခိုက်မှုတွေ ကျူးလွန်နေတဲ့ အဖွဲ့လို့လည်း စွပ်စွဲခံထားရတာပါ။

အမေရိကန် အစိုးရ တာဝန်ရှိသူတွေကတော့ ဆီးရီးယားကို လက်နက်တင်ပို့နေတဲ့ အီရန်နိုင်ငံက လေယာဉ်တွေကို အီရတ်နိုင်ငံက သူ့ရဲ့ လေပိုင်နက်ထဲ ဖြတ်သန်းခွင့် ပေးနေတယ် လို့လည်း မကြာသေးခင်ကပဲ စွပ်စွဲထားတာ ဖြစ်ပေမဲ့ အီရတ်ကတော့ ဒါကို ငြင်းဆိုထားပါတယ်။

အာရှဒေသ နယ်မြေအငြင်းပွားမှု ကြီးထွားလာမှာ အမေရိကန် စိုးရိမ်

အာရှ-ပစိဖိတ် ဒေသက နယ်မြေပိုင်နက် အငြင်းပွားမှုတွေဟာ ပဋိပက္ခတွေကို ဦးတည်ပြီး ပျံ့နှံ့လာမှာ စိုးရိမ်မိတဲ့အကြောင်း အမေရိကန် ကာကွယ်ရေးဝန်ကြီး Leon Panetta ကပြောပါတယ်။ သီတင်းတပတ်ကြာ ဒေသတွင်း ခရီးစဉ်အစ အဖြစ် ဂျပန်နိုင်ငံ တိုကျိုမြို့ကို တနင်္ဂနွေနေ့က ရောက်မလာခင်မှာပဲ ကာကွယ်ရေး ၀န်ကြီးက သတင်းထောက်တွေကို ပြောလိုက်တာပါ။

အရှေ့တရုတ် ပင်လယ်ပြင်က သူပိုင်ကိုယ်ပိုင် အငြင်းပွားနေတဲ့ ကျွန်းတွေအရေးနဲ့ ပတ်သက်လို့ မကျေမနပ် ဖြစ်နေကြသူ တရုတ်နိုင်ငံသားတွေရဲ့ ဆန္ဒပြပွဲတွေလည်း တနင်္ဂနွေနေ့က တရုတ်နိုင်ငံ နေရာ အတော်များများမှာ ဆက်လက် ပေါ်ပေါက်နေပါတာ ဖြစ်ပါတယ်။ ပုဂ္ဂလိက ပိုင်ရှင် တယောက်ထံကနေ ကျွန်းစုကို ၀ယ်ယူလိုက်ကြောင်း ဂျပန်နိုင်ငံက ကြေညာခဲ့တဲ့ ပြီးခဲ့တဲ့ အင်္ဂါနေ့ကစလို့ ဆန္ဒပြပွဲတွေ ဆက်တိုက် ပေါ်ပေါက်နေတာပါ။တရုတ်နိုင်ငံက Diaoyu လို့ခေါ်ပြီး ဂျပန်နိုင်ငံက Senkaku လို့ခေါ်တဲ့ လူသူမနေတဲ့ ကျွန်းတွေရှိရာ ရေပြင်ကို မကြာသေးခင်ကပဲ တရုတ်နိုင်ငံက ထောက်လှမ်းရေးသင်္ဘော ၆ စင်း စေလွှတ်လိုက်ပြီးနောက် တင်းမာမှုတွေလည်း ကြီးထွားလာခဲ့တာ ဖြစ်ပါတယ်။

အမေရိကန် ကာကွယ်ရေး ၀န်ကြီးကတော့ တဘက်နဲ့တဘက် ရန်စတဲ့ အပြုအမူမျိုးတွေကို ရှောင်ကျဉ်ကြဖို့ တိုက်တွန်းခဲ့တာပါ။ ပြဿနာနဲ့ ပတ်သက်လို့လည်း အရှေ့တောင်အာရှ နိုင်ငံများအသင်း (အာဆီယံ) နဲ့ ဆွေးနွေးမှုတွေ လုပ်ဆောင်ဖို့ တရုတ်နိုင်ငံကို တိုက်တွန်းသွားမယ်လို့လည်း ၀န်ကြီး Panetta ကပြောဆိုခဲ့တာ ဖြစ်ပါတယ်။

ပင်လုံလို ညီလာခံခေါ်ယူဖို့ တိုင်းရင်းသားတွေ တိုက်တွန်း

မြန်မာနိုင်ငံမှာ ငြိမ်းချမ်းရေး ရရှိဖို့အတွက် ပင်လုံလို ညီလာခံကြီးတရပ် ကျင်းပပြီး ဆွေးနွေးအဖြေရှာမယ် ဆိုရင် ညီလာခံ ဖြစ်မြောက်ရေး အတွက် ညှိနှိုင်းစဉ်ကာလတည်းက တိုင်းရင်းသား လူမျိုးစုတွေ ပါဝင်ခွင့်ရဖို့ လိုအပ်ကြောင်း တိုင်းရင်းသားလူမျိုးများ ညီလာခံအပြီးမှာ ထုတ်ပြန် လိုက်ပါတယ်။ တနင်္ဂနွေနေ့ ညနေပိုင်းက ပြီးဆုံးသွားတဲ့ တိုင်းရင်းသားလူမျိုးများ ညီလာခံက နိုင်ငံရေးဆိုင်ရာ လုပ်ငန်းစဉ် ၆ ချက်ကိုလည်း ထုတ်ပြန်ခဲ့ပါတယ်။ ဒါဟာ နိုင်ငံတော်သမ္မတ က ထုတ်ပြန်ခဲ့တဲ့ ငြိမ်းချမ်းရေး ဆွေးနွေးရေး လုပ်ငန်းစဉ် ၈ ချက်မှာ သဘောမတူညီတဲ့ အချက်တွေ ပါဝင်တာကြောင့်လို့ ဆိုပါတယ်။ ဒီသတင်းအပြည့် အစုံကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

ထိုင်းနိုင်ငံ၊ ချင်းမိုင်မြို့မှာ ၃ ရက်ကြာ ကျင်းပခဲ့တဲ့ တိုင်းရင်းသား လူမျိုးများ ညီလာခံကို ပြည်တွင်းက တိုင်းရင်းသားပါတီ တချို့နဲ့ နယ်စပ်ဒေသ အခြေစိုက် တိုင်းရင်းသား လက်နက်ကိုင်အဖွဲ့ ၁၉ ဖွဲ့က ကိုယ်စားလှယ် စုစုပေါင်း ၁၃၀ လောက် တက်ရောက်ခဲ့ပြီးတဲ့နောက် ဆွေးနွေး ဆုံးဖြတ်ခဲ့ကြတာ ဖြစ်ပါတယ်။

ဒီဆုံးဖြတ်ချက်ထဲမှာ မြန်မာပြည်က နိုင်ငံရေးပြဿနာကို ဆွေးနွေးအဖြေရှာမယ့် ပင်လုံလို ညီလာခံကြီးတရပ် ကျင်းပမယ်ဆိုရင် သူတို့လိုလားတဲ့ အချက်တွေကို ညီလာခံရဲ့ ပြောရေးဆိုခွင့်ရှိသူ ပအိုဝ်းအမျိုးသား လွတ်မြောက်ရေးအဖွဲချုပ် ဥက္ကဋ္ဌ ဦးခွန်ဥက္ကာက အခုလို ပြောပါတယ်။

“ပင်လုံကဲ့သို့ ညီလာခံမျိုး လုပ်ဖို့ ကျနော်တို့ဘက်မှာလည်း မူအားဖြင့်တော့ ပြင်ဆင်မှု ရှိတယ်။ အထူးသဖြင့်တော့ အဲလို ညီလာခံမျိုး စလုပ်မယ်ဆိုပြီးတော့ အကြို ညှိနှိုင်းပွဲ စလုပ်ကတည်းက ကျနော်တို့ ပါဝင်ဖို့ လိုတယ်။ အစိုးရဘက်က၊ နောက် ငြိမ်းချမ်းရေး ကော်မတီဘက်က လူနဲ့ပဲ လုပ်ထားပြီးတော့မှ မင်းတို့လာလို့ ခေါ်တာကတော့ မကောင်းဘူး။ မလုပ်သင့်ဘူး။ ဒါကြောင့် အကြိုညှိနှိုင်းပွဲ အဆင့်ဆင့် လုပ်သွားပြီးတော့မှ နောက်ဆုံး အဲဒီလို ညီလာခံမျိုး ကျင်းပရေး ကော်မတီအထိ ပါဝင်ချင်တယ်။ သူတို့က လူတွေ ရွေးထားပြီးတော့ ထိုင်၊ မင်းတို့လာထိုင် ဆိုရင် ဟိုအရင် လုပ်ခဲ့တဲ့ ညောင်နှစ်ပင်ညီလာခံ ပုံစံမျိုးကိုတော့ လက်ခံမှာ မဟုတ်ဘူး။”

ဒီလိုညီလာခံ ကျင်းပမယ်ဆိုရင် အစိုးရ၊ စစ်တပ်၊ ဒီမိုကရေစီအင်အားစု၊ တိုင်းရင်းသား အင်အားစုတွေ အားလုံး ပါဝင်ပြီး ပြည်ထောင်စု တရပ်လုံးက သဘောတူညီမှုရတဲ့အထိ ဆွေးနွေးဖို့ကို လိုလားတယ်လို့ ပြောပါတယ်။ ဆွေးနွေးတဲ့အခါမှာ နိုင်ငံရေး လုပ်ငန်းစဉ် ၆ ချက်ကိုလည်း ထည့်သွင်း ဆွေးနွေးဖို့အတွက် တိုင်းရင်းသား လူမျိုးများ ညီလာခံက ချမှတ်ခဲ့ပါတယ်။ ဒီအချက်တွေကို ချမှတ်တာကတော့ နိုင်ငံတော် သမ္မတက ထုတ်ပြန် ခဲ့တဲ့ ငြိမ်းချမ်းရေးဆွေးနွေးရေး လုပ်ငန်းစဉ် ၈ ချက်မှာ သဘောမတူညီတဲ့ အချက်တွေ ပါဝင်တာကြောင့် ဖြစ်တယ်လို့ ဆိုပါတယ်။

“အခုမြန်မာပြည်မှာ ငြိမ်းချမ်းရေး လိုတယ်။ တိုင်းရင်းသားတွေ ကလည်း အဓိက လိုချင်တယ်။ ငြိမ်းချမ်းရေးကို ချဉ်းကပ်တဲ့ အခါကျတော့ သမ္မတကြီး ဦးသိန်းစိန်က ပြည်နယ်အဆင့်မှာ အချက် ၄ ချက်၊ ၅ ချက် သတ်မှတ်ပေးတယ်။ ပြည်ထောင်စုအဆင့်နဲ့ နိုင်ငံရေး ဆွေးနွေးမယ်ဆိုရင် ၈ ချက် သတ်မှတ်ပေးတယ်။ ဒီအချက် ၈ ချက်က ကျနော်တို့ဘက်က ကြည့်ရင် ကျနော်တို့နဲ့ တိုင်ပင် ဆွေးနွေးတာလည်း မပါဘူး။ နောက် အထက်ကနေ အောက်ကို ချပေးတဲ့ ကိစ္စဖြစ်နေတော့ ကျနော်တို့ လိုလားချက်နဲ့ တူညီမှုမရှိတာ တွေ့ရတယ်။ အဲဒီ ၈ ချက်အတိုင်း ကျနော်တို့က လိုက်နာလုပ်ဆောင်လို့ မဖြစ်ဘူး။ ညှိနှိုင်းဖို့လိုတယ်။ ဒါကြောင့် ကျနော်တို့ရဲ့ လမ်းပြမြေပုံပဲ ခေါ်ခေါ်ပေါ့။ အစီအစဉ် agenda ပဲခေါ်ခေါ်ပေါ့။ ၆ ချက်။ အဲဒါကို ပြန်ပြင်ဆင်ပြီးတော့ ကျနော်တို့မှာလည်း ၆ ချက်ရှိပါတယ် ခင်ဗျား။ သမ္မတကြီး ၈ ချက်ကိုလည်း ကျနော်တို့ ဆွေးနွေးမယ်။ ကျနော်တို့ ၆ ချက်ကိုလည်း သမ္မတကြီး ဆွေးနွေးပါ။ အပြန်အလှန် ဒီအစီအစဉ် ၂ ခုကို ညှိတာနဲ့၊ agenda ညှိတာနဲ့ ကျနော်တို့က နိုင်ငံရေးဆွေးနွေးပွဲရဲ့ အစပျိုးတဲ့ ခြေလှမ်းဖြစ်သွားမယ် ဆိုပြီးတော့ ဒီညီလာခံကနေပြီးတော့ ညွှန်ကြားတာပေါ့ဗျာ။ အဲဒါကို ကျနော်တို့က ဆက်လုပ်ဖို့ ရှိပါတယ်။” နိုင်ငံတော်သမ္မတ ဦးသိန်းစိန်က ပြည်ထောင်စုအဆင့် ငြိမ်းချမ်းရေးဆွေးနွေးမယ့် အချက် ၈ ချက်မှာ လက်နက်ကိုင်အဖွဲ့တွေက ပါတီထူထောင်ရေး၊ ဖွဲ့စည်းပုံ အခြေခံဥပဒေကို လက်ခံရေးနဲ့ ဖွဲ့စည်းပုံကို ပြင်ဆင် လိုပါက လွှတ်တော်ထဲကို ၀င်ရောက်ပြီး အများဆန္ဒနဲ့ ဆောင်ရွက်ရေး ဆိုတာနဲ့ ဖွဲ့စည်းပုံနဲ့အညီ တခုတည်းသော လက်နက်ကိုင်အဖွဲ့အဖြစ် အသွင်ကူးပြောင်းရေး ဆိုတဲ့ အချက်တွေဟာ သဘောမတူနိုင်တဲ့ အချက်တွေဖြစ်တယ် လို့ ဆိုပါတယ်။ 

တိုင်းရင်းသားညီလာခံက ချမှတ်တဲ့ အချက် ၆ ချက်မှာတော့ တိုင်းရင်းသား လက်နက်ကိုင် အဖွဲ့တွေ၊ နိုင်ငံရေး ပါတီတွေ၊ အမျိုးသမီးနဲ့ လူငယ်စတဲ့ လူမှုအခြေပြု အဖွဲ့အစည်းတွေ ပါဝင်ဆွေးနွေးပြီး နိုင်ငံရေး ဆွေးနွေးပွဲဆိုင်ရာ မူဘောင်များ ချမှတ်ဖို့၊ ချမှတ်တဲ့ အချက်တွေကို အစိုးရကိုယ်စားလှယ်များနဲ့ ဆွေးနွေးဖို့၊ ဒီမူဘောင် သဘောထားတွေကို ပြည်နယ်နဲ့ တိုင်းဒေသအလိုက် ရှင်းလင်း ညှိနှိုင်း သဘောထား ရယူသွားဖို့နဲ့ နောက်မှာ ပင်လုံလို ညီလာခံကြီးတရပ် ခေါ်ယူသွားဖို့ ဆိုတဲ့ အချက်တွေ ပါဝင်ပါတယ်။

တိုင်းရင်းသားလူမျိုးညီလာခံရဲ့ ပြောရေးဆိုခွင့်ရှိသူ ရခိုင်ပြည်လွတ်မြောက်ရေးပါတီရဲ့ အထွေထွေ အတွင်းရေးမှူး ဒေါ်စောမြရာဇာလင်း ကတော့ ညီလာခံရဲ့ လုပ်ငန်းစဉ် ၆ ချက်ကို ပြည်တွင်းမှာ ရှင်းလင်းတင်ပြနိုင်ဖို့အတွက် အစိုးရနဲ့ နားလည်မှုရဖို့ လိုအပ်တယ်လို့ ပြောပါတယ်။

“အခု ကျမတို့ ချမှတ်ထားတဲ့ လုပ်ငန်းစဉ်တွေအပေါ်မှာ အစိုးရနဲ့ တစုံတရာ နားလည်မှုရအောင်လို့ ကြိုတင်ပြီးတော့ လုပ်ရမယ်။ ဒီနားလည်မှု ရလာတဲ့အခါမှာ ကျမတို့တတွေကို ပြည်တွင်းထဲမှာ လွတ်လွတ်လပ်လပ် သွားလာခွင့်ရအောင်လည်း ခွင့်ပြုရမှာပေါ့။ အဲလို ခွင့်ပြုချက်တွေ ရလာလို့ရှိရင် တရားမ၀င်တဲ့ အဖွဲ့အစည်းတွေနဲ့ ဆက်စပ်ဆောင်ရွက်တယ် ဆိုတဲ့ အပေါ်မှာ ပြည်သူလူထုတွေ အနှောက်အယှက် ဖြစ်စေတာမျိုး မဖြစ်ရအောင် ဆိုတဲ့အချက်တွေလည်း ကျမတို့တွေက ဆွေးနွေးတဲ့အခါမှာ ဆွေးနွေးရမယ့် အချက်တွေ ရှိပါတယ်။ ပြီးပြီးမှပဲ ကျမတို့တွေက ပြည်တွင်းထဲမှာ လွတ်လွတ်လပ်လပ် ဆွေးနွေးရလိမ့်မယ်လို့ လုပ်နိုင်လိမ့်မယ်လို့ ကျမအနေနဲ့ မျှော်လင့်ပါတယ်။ ဒီညီလာခံကလည်း အဲလိုပဲ သုံးသပ်ပါတယ်။”

ပင်လုံလို တိုင်းရင်းသားအင်အားစုတွေ နိုင်ငံရေး အင်အားစုတွေ ပါဝင်တဲ့ ညီလာခံကြီးကိုတော့ ၃ နှစ်လောက် အချိန်ယူ ပြင်ဆင်ဖို့ လိုကောင်းလိုမယ် လို့လည်း ဦးခွန်ဥက္ကာက ခန့်မှန်းထားပါတယ်။မြန်မာအစိုးရရဲ့ ငြိမ်းချမ်းရေး ဖော်ဆောင်ရေး လုပ်ငန်းကော်မတီအဖွဲ့ရဲ့ ဒုဥက္ကဋ္ဌ၊ လက်ရှိသမ္မတရုံး ၀န်ကြီး ဦးအောင်မင်း ကလည်း မြန်မာပြည်ရဲ့ နိုင်ငံရေးပြဿနာတွေ ဖြေရှင်းဖို့အတွက် ပင်လုံလို ညီလာခံကြီးတရပ် ကျင်းပဖို့ကို တိုင်းရင်းသား လက်နက်ကိုင် အဖွဲ့တွေနဲ့ ဆွေးနွေးစဉ်မှာ ပြောဆို ထားတာ ဖြစ်ပါတယ်။