15.09.2012 နေ့ဖတ်ရန်သတင်းများ

by Myanmar Journal on Friday, September 14, 2012 at 9:26pm ·

သံရုံးတွေ ဆက်လက် တိုက်ခိုက်ခံရ

ခါတွမ်းက အနောက် သံရုံးတွေကို တိုက်ခိုက်

တမန်တော် မိုဟာမက်ကို စော်ကားတယ် ဆိုတဲ့ အမေရိကန် ရိုက် ရုပ်ရှင်ကား ကို ဆန္ဒပြ ပွဲတွေ မွတ်ဆလင် နိုင်ငံ တွေမှာ ထပ်ပြီး ပျံ့နှံ့သွား ပါတယ်။

အနည်းဆုံး နိုင်ငံ ၁၅ နိုင်ငံမှာ သောကြာနေ့ ဝတ်ပြု အပြီး ဒေါသ ထွက်နေတဲ့ လူအုပ်ကြီးက ဆန္ဒပြ ခဲ့ကြပါတယ်။

သောကြာနေ့က ဖြစ်ပွားတဲ့ ဆန္ဒပြမှုတွေ အတွင်း အနည်းဆုံး ၇ ဦး သေဆုံးပါတယ်။

သေသူ အားလုံးဟာ ဆန္ဒပြသူတွေ ဖြစ်ကြတယ်လို့ ယူဆ ရပါတယ်။

ကျူနီးရှားနဲ့ ဆူဒန်က အနောက် နိုင်ငံ သံရုံး တွေကို လူအုပ်က တိုက်ခိုက်တာ ခံရပါတယ်။

ကျူးနစ် မြို့တော် အမေရိကန် သံရုံးနား မှာ ခိုက်ရန် ဖြစ်ပွားပြီး ဆန္ဒပြ သူ နှစ်ဦး သေဆုံးတယ်လို့ ကျူနီးရှား အစိုးရ ရုပ်သံက ဆိုပါတယ်။

ဆူဒန် နိုင်ငံ ခါတွမ်းက ဗြိတိန်နဲ့ ဂျာမနီ သံရုံးတွေ တိုက်ခိုက် ခံရပြီး အမေရိကန် သံရုံးထဲ ဝင်ဖို့ ကြိုးစားတဲ့ လူအုပ်ကို လုံခြုံရေးက ဟန့်တားရာက သုံးယောက် သေဆုံးတယ်လို့ အစိုးရ က ကြေညာ ပါတယ်။

နောက်ထပ် သေဆုံးသူတွေ ကတော့ အီဂျစ်မှာ တဦး လက်ဘနွန် မှာ တဦး ဖြစ်ပါတယ်။

အကြမ်းဖက် ဆူပူမှု တွေ ရပ်တန့်ကြဖို့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က နှိုးဆော် ခဲ့ပါတယ်။

အီဂျစ် လစ်ဗျား ယီမင် ကျူနီးရှား နိုင်ငံသား တွေဟာ အာဏာရှင်ရဲ့ ရက်စက်မှု နဲ့ လူအုပ်ဖွဲ့ ရမ်းကား မှု ကို လဲမယ့်သူတွေ မဟုတ်ပါဘူးလို့ မစ္စစ် ကလင်တန်က ပြောကြား ခဲ့ပါတယ်။

သမ္မတ အိုဘားမား ကတော့ အမေရိကန် သံတမန် တွေကို အကြမ်းဖက် တိုက်ခိုက်တာတွေ အပေါ် အမြန် တုံ့ပြန် သွားမယ်လို့ ဆိုပါတယ်။

ဒီလို အမေရိကန် သံရုံးတွေကို တိုက်ခိုက်မှုတွေ အနှံ့အပြား ဖြစ်လာချိန်မှာ သံတမန် တွေအတွက် လုံခြုံရေး တိုးချထားတယ်လို့ သူကပြောပါတယ်။

အမေရိကန် ဆန့်ကျင်ဆန္ဒပြမှုတွေ ပိုများလာ

အမေရိကန် ပြည်ထောင်စု မှာ ရိုက်ကူး ခဲ့တဲ့ အစ္စလာမ် ဘာသာကို စော်ကားတယ်လို့ ယူဆတဲ့ ရုပ်ရှင် ကားနဲ့ ပတ်သက်ပြီး ကန့်ကွက် ဆန္ဒပြမှုတွေ အီဂျစ် နိုင်ငံ အပြင် တူနီရှား၊ ဆူဒန် ၊အင်ဒိုနီရှား၊ မလေးရှားနိုင်ငံတွေမှာ ဆက်လက် ဖြစ်ပွား နေပါတယ်။

အီဂျစ် နိုင်ငံမှာ ဆန္ဒပြ သမား တွေက အမေရိကန် သံရုံးဆီ လာရောက်ဖို့ ကြိုးပမ်း ခဲ့စဉ်မှာ ရဲတွေက မျက်ရည်ယို ဗုံးတွေ ပစ်ဖောက်ခဲ့ ပြီး သူတို့ကို တာရီယာ ရင်ပြင် Tahrir Square ဆီ ပြန်သွား စေခဲ့ပါတယ်။

သံရုံး ဝန်းကျင်က လမ်းတွေကို သံဆူးကြိုးတွေ ရဲကားတွေနဲ့ ကာရံ ပေးထားပါတယ်။

အီဂျစ် သမ္မတ မစ္စတာ မော်စီက သံရုံးတွေကို တိုက်ခိုက်တာတွေ ရပ်တန့်ဖို့ တိုက်တွန်းလိုက်ပြီး ရုပ်ရှင်နဲ့ ပတ်သက်လို့ နိုင်ငံ တဝန်း ဆန္ဒပြဖို့ ဆော်သြတာတွေကို မွတ်ဆလင် ညီနောင်များ အဖွဲ့က ပြန်လည် ရုပ်သိမ်း လိုက်ပါတယ်။

သူတို့ အနေနဲ့ ကန့်ကွက်မှုကို ထောက်ခံတယ်ဆိုတာကိုသာ ပြသလိုတာ ဖြစ်ပြီး နောက်ထပ် သေဆုံးမှု ပျက်စီးမှုတွေ မရှိသင့်တော့ဘူးလို့ ပြောပါတယ်။

စောစောပိုင်းကတော့ လစ်ဗျား အာဏာပိုင် တွေက အမေရိကန် သံ အမတ် သေဆုံး ခဲ့ရတဲ့ ဘန်ဂါဇီ မြို့ အမေရိကန် သံရုံးကို အင်္ဂါနေ့က တိုက်ခိုက် ခဲ့မှုနဲ့ ပတ်သက်ပြီး လူ အတော် များများကို ဖမ်းဆီး ထားတယ်လို့ ပြောပါတယ်။သတင်း တစ်ခုကတော့ Ansar Al-Sharia လို့ ခေါ်တဲ့ လက်နက်ကိုင် အဖွဲ့ရဲ့ အဖွဲ့ဝင် လူ လေးယောက်ကို ဖမ်းထားတယ်လို့ ဆိုပါတယ်။

အမေရိကန် ပြည်ထောင်စု မှာ ရိုက်ကူးပြသ ခဲ့တဲ့ အစ္စလာမ် ဘာသာကို စော်ကားတယ်လို့ ယူဆတဲ့ ရုပ်ရှင် ကားနဲ့ ပတ်သက်ပြီး ဆန္ဒပြမှုတွေ ဖြစ်နေချိန်မှာ လစ်ဗျားက အမေရိကန် သံရုံးကို တိုက်ခိုက်မှု ဖြစ်ပွားခဲ့ တာပါ။လစ်ဗျား ဝန်ကြီးချုပ်သစ် မူစ်တာဖာ အဘူ ရှာကာ Mustafa Abu Shaqur က အခု ဖြစ်ရပ်ကြောင့် လစ်ဗျားနဲ့ အမေရိကန် ဆက်ဆံရေးကို မထိခိုက် စေချင်ဘူးလို့ ပြောပါတယ်။                      

KIO ဆီက ကလေးစစ်သား လွတ်ရေး ဆွေးနွေး

မြန်မာ အစိုးရဟာ ကလေးစစ်သား ပပြောက်ရေး အတွက် ILO နဲ့ ပူးပေါင်း ဆောင်ရွက်နေ

ကချင် လွတ်လပ်ရေး အဖွဲ့နဲ့ မြန်မာ အစိုးရ ကြား တိုက်ပွဲတွေ အတွင်း KIO ဖမ်းမိထား တဲ့ ကလေး စစ်သား ၁၀ ဦး လောက်ကို ILO က လွှဲယူပြီး မိဘတွေဆီ ပြန်အပ် နိုင်ဖို့ KIO ရော အစိုးရနဲ့ပါ ဆွေးနွေး နေ ပါတယ်။

အခြေအနေကို ကမ္ဘာ့ အလုပ်သမား အဖွဲ့ချုပ် ရန်ကုန် ရုံး ဆက်သွယ်ရေး အရာရှိ Steve Marshall ကို ဘီဘီစီက မေးကြည့်တော့ ခုလို ပြောပါတယ်။

ILO ။ ။ ဒီကိစ္စနဲ့ ပတ်သက်ပြီး အစိုးရနဲ့ KIO ၂ ဘက်စလုံးကို ကျနော်တို့ တင်ပြ ထားပါတယ်။ ဒါပေမယ့် မျက်နှာချင်းဆိုင် ဆွေးနွေး တာတော့ မဟုတ်ဘဲ သိုသို သိပ်သိပ် လုပ်နေတာ ဖြစ်ပါတယ်။ ဒီကိစ္စက နိုင်ငံရေး ပြသနာ မဟုတ်ဘဲ ကလေးတွေ အကျိုးစီးပွားကို ပဓာန ထားပြီး လုပ်ရမယ့် ကိစ္စမို့ပါ။ အသက် မပြည့်သေး တဲ့ ကလေးတွေ ဖြစ်တာ သေချာ ရင်တော့ သူတို့ကို စစ်တပ်က တရားဝင် ထွက်ခွင့် ပေးရမှာပါ။ ဒါဟာ ကလေးတွေရဲ့ တရားဝင် ရပိုင်ခွင့် ပါ။

ဘီဘီစီ။ ။ ဟုတ်ကဲ့ သူတို့ အသက်မပြည့်သေး တဲ့ ကလေးတွေ ဖြစ်ကြောင်း အတည်ပြု မှုတွေ ဘယ်တုန်းက စခဲ့လဲ ခင်ဗျ။

ILO ။ ။ ပြီးခဲ့တဲ့ ရက်သတ္တပတ် တွေအတွင်း ကပါ။ စောစောက ကျနော် ပြောခဲ့ သလို ကလေးတွေရဲ့ အကျိုးစီးပွားကို ပဓာန ထားပြီး လုပ်သွားရမှာပါ။ ဒီကိစ္စမှာ နှစ်ဘက် စလုံးက ကလေးတွေရဲ့ ရပိုင်ခွင့် တွေကို ရှေ့တန်းတင် လုပ်ပေးကြတဲ့ အတွက် အားရ ပါတယ်။

မေး။။ ဒီကလေး တွေကို KIA က စစ်သုံ့ပန်း အနေနဲ့ ဖမ်းခဲ့တာ ဆိုတော့ သူတို့ ပြန်သွားရင် သူတို့ လုံခြုံရေး အတွက် မစိုးရိမ်ရ ဘူးလား ခင်ဗျ။

ILO။ ။ စိုးရိမ်စရာ မရှိ ပါဘူး။ အသက် မပြည့် သေးတဲ့ ကလေး တယောက်ကို တရားမဝင် စစ်ထဲ သွင်းခဲ့တယ် ဆိုရင် သူ့ကို စစ်ပြေး အနေနဲ့ သတ်မှတ်လို့ မရဘူး ဆိုတာ နိုင်ငံ တကာက လက်ခံ ပါတယ်။ ဒါကို မြန်မာ အစိုးရ ကလည်း လက်ခံ ပါတယ်။ အသက် မပြည့် သေးတဲ့ စစ်သား တွေကို တခြား အသက်ပြည့် စစ်သား တွေလို အရေးယူလို့ မရပါဘူး။ ဒါ့အပြင် သူတို့ကို စစ်တပ် ကနေ တရားဝင် ထွက်ခွာခွင့် ပေးကို ပေးရမှာပါ။

ဘီဘီစီ ။ ။ ILO က ဒီကလေး တွေနဲ့ တွေ့ပြီးပြီလား ခင်ဗျ။

ILO ။ ။ မကြာခင် တွေ့နိုင်ဖို့ မျှော်လင့် ပါတယ်။ သူတို့ ပြောပြမယ့် သတင်း အချက်အလက်တွေ ကလည်း ဒီကိစ္စကို အတည်ပြု နိုင်မှာပါ။

ဘီဘီစီ ။ ။ အစိုးရတပ်နဲ့ KIA တပ်တွေ အကြားမှာ စစ်ပွဲ တွေက ဆက်တိုက် ဖြစ်နေတော့ ILO ရဲ့ လုပ်ငန်းစဉ်ကို မနှောင့်နှေး စေ ဘူးလား။

ILO ။ ။ လက်ရှိ စစ်ပွဲ အခြေအနေ တွေကြောင့် အခုကိစ္စကို ထိရှ လွယ်တဲ့ အခြေ အနေ ရောက်စေ ပါတယ်။ သေချာတာ တခုကတော့ လူသားချင်း စာနာမှု ဥပဒေကို ဒီကိစ္စနဲ့ ဆက်နွယ်သူ အားလုံး လိုက်နာ ဖို့ လို ပါတယ်။

ကြေးနီ စီမံကိန်း ကန့်ကွက်သူ အားလုံး လွတ်

 

ပြန်လွတ် လာကြသူ ဝက်မှေး ရွာသူ များ မသွဲ့သွဲဝင်း ( ဝဲဆုံး)

လက်ပံတောင်းတောင် ကြေးနီစီမံကိန်းကို ကန့်ကွက် ခဲ့ကြ သူတွေ ဖြစ်တဲ့ ရန်ကုန် ပြည်သူ့ အကျိုးဆောင် ကွန်ယက်က လယ်သမား အရေး လုပ်ဆောင်သူ ကိုဝေဠု၊ ဝက်မှေး ရွာသူ တွေ ဖြစ်ကြတဲ့ မသွဲ့သွဲ့ဝင်း၊ မအေးနက်နဲ့ မဖြူဖြူဝင်း တို့ သောကြာနေ့ ညနေ ပိုင်းက ပြန်လွတ် လာခဲ့ကြ ပါတယ်။

စက်တင်ဘာ ၁၀ ရက် နေ့က မုံရွာ ဆုတောင်းပြည့် ဘုရားမှာ ဝတ်ပြုဆုတောင်း စဉ် ရွာသူ သုံးယောက် ဖမ်းဆီး ခံခဲ့ကြရတာ ဖြစ်ပါတယ်။ ကိုဝေဠု ကတော့ သြဂုတ် ၃၁ ရက် ကတည်းက ဖမ်းဆီး ခံခဲ့ရ တာပါ။

သောကြာနေ့ ညနေ ၅နာရီ ထိုးကာနီး အချိန် မုံရွာ ထောင်ကြီးချုပ် ပြန်လွတ်လာခဲ့ကြတဲ့ သူတို့ကို မုံရွာ မြို့က ကျောင်းသား တွေနဲ့ မြို့ခံ လူအုပ်ကြီးက ကြိုဆို ခဲ့ကြ ပါတယ်။

ရွာအပြန် လမ်းတလျှောက် မှာလည်း သောင်းချီတဲ့ လူအုပ်ကြီးက ဝမ်းပမ်း တသာနဲ့ ကြိုဆို ခဲ့ကြ ပါတယ်။

ပြန်လွတ်လာကြသူ ရွာသူ တွေဟာ အချုပ်ခန်း ထဲမှာ ညှင်းပမ်း နှိပ်စက် ခံခဲ့ ကြရတဲ့ အတွက် စကားတောင် မပြောနိုင်အောင် ကျန်းမာရေး မကောင်း ဖြစ်နေတယ်လို့ မသွဲ့သွဲ့ဝင်းရဲ့ မောင်ဖြစ်သူ ကိုနောင်က ဘီဘီစီကို ပြောပါတယ်။

ရန်ကုန် ပြည်သူ့ အကျိုးဆောင် ကွန်ယက်က ကိုဝေဠု ကိုတော့ နောက်နောင် စစ်ကိုင်းတိုင်း ထဲကို ဘယ်တော့မှ ပြန်မလာ တော့ ပါဘူး ဆိုတဲ့ ကတိ ဝန်ခံချက်နဲ့ ချောင်းဦး ရဲစခန်း ကနေ ပြန်လွှတ် ပေး လိုက် တယ်လို့ ကိုဝေဠုက ပြောပါတယ်။

သူတို့ကို ဖမ်းထား ခဲ့တဲ့ စက်တင်ဘာ ၁၀ ရက်နေ့ ကတည်းက မုံရွာ မြို့မှာ နေ့စဉ် ရက်ဆက် ဆိုသလို ဗကသ ကျောင်းသားတွေ ဦးဆောင်ပြီး ဆန္ဒပြမှုတွေ ဖြစ်ခဲ့ ပါတယ်။

အဲဒီနောက် အန်အယ်လ်ဒီ ပုလဲ မြို့နယ် ပြည်သူ့ လွှတ်တော် ကိုယ်စားလှယ် ဒေါ်ခင်စန်းလှိုင်နဲ့ ကိုဂျင်မီ ပါဝင်တဲ့ ၈၈ မျိုးဆက် ကျောင်းသားများ အဖွဲ့က စစ်ကိုင်းတိုင်း ဝန်ကြီးချုပ် အပါ အဝင် တာဝန် ရှိသူ တွေနဲ့ ညှိနှိုင်းချက် အရ ဖမ်းဆီး ထားသူတွေ ပြန်လွတ် လာတာ ဖြစ်ပါတယ်။

ဖမ်းထား သူတွေ အားလုံး ပြန်လွတ် ပေမဲ့ လက်ပံတောင်း တောင် ကြေးနီ စီမံကိန်း ကိုတော့ ရပ်ဆိုင်းမှာ မဟုတ်ဘူးလို့ ကုမ္ပဏီ တာဝန် ရှိသူ တွေက ပြောပါတယ်။

ဒီစီမံကိန်း ဖျက်သိမ်းဖို့ လုပ်ဆောင် နေသူတွေ ကတော့ သဘာဝ ပတ်ဝန်းကျင် ပျက်စီးမှုနဲ့ ကျန်းမာရေး အခြေ အနေ ဆိုးရွား လာနိုင်တဲ့ အခြေ အနေကို ထောက်ပြပြီး ဒီ စီမံကိန်းကို အပြီးတိုင် ရပ်ပေးဖို့ ပတ်ဝန်းကျင် ဆိုင်ရာ လေ့လာသူ တွေနဲ့ ပညာရှင်တွေ ပူးပေါင်း ပါဝင်ဖို့ တိုက်တွန်း တောင်းဆို နေပါတယ်။

စင်ပြိုင် အစိုးရ တရားဝင် ဖျက်သိမ်းပြီ

ပြည်ထောင်စု မြန်မာနိုင်ငံ ညွန့်ပေါင်းအစိုးရ ဝန်ကြီးချုပ်

ပြည်ထောင်စု မြန်မာနိုင်ငံ အမျိုးသား ညွန့်ပေါင်း အစိုးရ NCGUB ကို ဖျက်သိမ်း လိုက်ကြောင်း ဝန်ကြီးချုပ် တာဝန် ယူထားတဲ့ ဒေါက်တာ စိန်ဝင်း ကိုယ်တိုင် ဒီနေ့ နေ့စွဲနဲ့ လက်မှတ် ရေးထိုး ကြေညာလိုက်ပါတယ်။

၁၉၉၀ ရွေးကောက်ပွဲ ရလဒ်ကို အကောင်အထည် ဖော်ပေးဖို့ မြန်မာ စစ်အစိုးရက ငြင်းပယ်ခဲ့ပြီးနောက် လွှတ်တော်ခေါ်ယူဖို့ ကြိုးစားကြတဲ့ အနိုင်ရကိုယ်စားလှယ်တွေကို အစိုးရက ဖမ်းဆီး အရေးယူခဲ့ပါတယ်။

အစိုးရရဲ့ ဖမ်းဆီး အရေးယူမှုတွေကို ရှောင်တိမ်းရင်း ပြည်ပရောက်လာကြတဲ့ ၉၀ အနိုင်ရတဲ့ အမတ်တွေ စုစည်းပြီး ပြည်ထောင်စု မြန်မာနိုင်င့ အမျိုးသား ညွန့်ပေါင်း အစိုးရကို ဖွဲ့စည်းခဲ့တာ ဖြစ်ပါတယ်။

ဒီမိုကရေစီ ရရှိရေးနဲ့ လူ့အခွင့်အရေး ရည်မှန်းချက်တွေနဲ့ ဖွဲ့စည်းခဲ့တာဖြစ်ပါတယ်။

ဒီမိုကရေစီ အရေးနဲ့ လူ့အခွင့်အရေး ရည်မှန်းချက်နဲ့ ဖွဲ့စည်းခဲ့တဲ့ NCGUB ကို အခုလို ဖျက်သိမ်းလိုက်တာဟာ ရည်မှန်းချက်တွေ ပြည့်ဝသွားလို့ ပါလားလို့ ဦးစိန်ဝင်းကို ဆက်သွယ်မေးမြန်းရာမှာတော့ သူက ငြင်းဆို ပါတယ်။

ဒီမိုကရေစီနဲ့ လူ့အခွင့်အရေးတွေ ရရှိသွားလို့ မဟုတ်ဘဲ အခြေအနေနဲ့ မကိုက်ညီတော့လို့ ဖျက်သိမ်းလိုက်တာသာ ဖြစ်တယ်လို့ ဆိုပါတယ်။

ဒေါ်အောင်ဆန်းစုကြည်ရဲ့ အမျိုးသား ဒီမိုကရေစီ အဖွဲ့ချုပ် တရားဝင် မှတ်ပုံတင်လိုက်ပြီး အစိုးရနဲ့ ပူးပေါင်း ဆောင်ရွက်မှုတွေ လုပ်နေချိန်မှာ စင်ပြိုင် အစိုးရ နာမည်နဲ့ ဆက်လက် မရပ်တည် သင့်တော့ဘူး လို့ ယူဆတဲ့ အတွက် ဖျက်သိမ်းလိုက်တယ် လို့ ဆိုပါတယ်။

စင်ပြိုင် အစိုးရရဲ့ ဆောင်ရွက်မှုတွေဟာ အားနည်း ပျော့ညံ့မှုတွေ ရှိတယ်လို့ လည်း ကျယ်ကျယ်ပြန့်ပြန့် ဝေဖန်သံတွေ ထွက်ပေါ်ခဲ့ပါတယ်။ အခု တရားဝင် ဖျက်သိမ်းချိန် မတိုင်ခင် ကတည်းက စင်ပြိုင် အစိုးရဟာ ပြိုပျက်ခဲ့ ပြီး ဖြစ်တယ်လို့ ဝေဖန်မှုတွေလည်း ရှိပါတယ်။

စင်ပြိုင် အစိုးရရဲ့ ဦးဆောင်မှုနဲ့ နော်ဝေ အခြေစိုက် ဒီမိုကရက်တစ် မြန်မာ့ အသံကို တည်ထောင်နိုင်ခဲ့သလို ကုလသမဂ္ဂမှာ မြန်မာနိုင်ငံ နဲ့ ပတ်သက်တဲ့ ဆုံးဖြတ်ချက်တွေ ကျအောင်လည်း ဆောင်ရွက်နိုင်ခဲ့တယ်လို့ ဦးစိန်ဝင်း ကဆိုပါတယ်။

အခက်ကြုံသော်လည်း အမေရိကန် နောက်ဆုတ်မည်မဟုတ်

လစ်ဗျားနိုင်ငံမှာ အသတ်ခံခဲ့ရတဲ့ အမေရိကန်သံတမန် ၄ ယောက်ရဲ့ အလောင်းတွေ အမေရိကန်ကို လွှဲပြောင်းပေးတဲ့ အခမ်းအနားမှာ သမ္မတ Barack Obama က အမေရိကန်ပြည်ထောင်စုအနေနဲ့ အမေရိကန်သံရုံးတွေကို ခိုင်ခိုင်မာမာ ကာကွယ်သွားမှာဖြစ်တယ်လို့ ပြောလိုက်ပါတယ်။

အမေရိကန်ပြည်ထောင်စုအတွက် ခက်ခဲတဲ့ ရက်တွေကို ရင်ဆိုင်နေရပေမဲ့ ကမ္ဘာကြီးအတွက်နဲ့ တခြားသူတွေရဲ့ လွတ်မြောက်ရေးအတွက် အမေရိကန်ရဲ့ ဆောင်ရွက်မှုတွေ ဘယ်တော့မှ ရပ်သွားမှာ မဟုတ်ဘူးလို့ သမ္မတက ပြောခဲ့ပါတယ်။

လစ်ဗျားဆိုင်ရာ အမေရိကန် သံအမတ်ကြီး Christopher Stevens  နဲ့ သံဝန်ထမ်း ၃ ယောက် တို့ရဲ့ အလောင်းတွေ Washington မြို့တော်နားမှာရှိတဲ့ လေတပ် အခြေစိုက်စခန်းဆီ သောကြာနေ့က ပြန်ရောက်လာတဲ့ အခမ်းအနားကို ဒုတိယသမ္မတ Joe Biden, နိုင်ငံခြားရေးဝန်ကြီး Hillary Clinton တို့လဲ တက်ရောက်ခဲ့ကြပါတယ်၊ တမန်တော် မိုဟာမက်ကို လှောင်ပြောင်တဲ့ရုပ်ရှင်အပေါ် မကျေနပ်ကြတဲ့ ဆန္ဒပြသူတွေက Benghazi မြို့မှာရှိတဲ့ အမေရိကန် ကောင်စစ်ဝန်ရုံးမှာ ဆန္ဒပြကြရင်း အမေရိကန် သံတမန် ၄ ယောက် အသတ်ခံခဲ့ရတာဖြစ်ပါတယ်။

အမေရိကန်သံရုံးဥပစာကို အကြမ်းဖက်တာဟာ ဘယ်လိုမှကို လက်မခံနိုင်ဘူးလို့  သေဆုံးသွား ၄ ယောက်ကို ဂုဏ်ပြုစကားပြောကြားခဲ့တဲ့ နိုင်ငံခြားရေးဝန်ကြီး Clinton က ပြောကြားခဲ့ပါတယ်၊ Egypt, Libya, Yemen, နဲ့ Tunisia ပြည်သူတွေဟာ လူအုပ်စု အကြမ်းဖက်မှုဝါဒကို လိုချင်လို့ အာဏာရှင် အစိုးရတွေကို ဖြုတ်ချခဲ့ကြတာမဟုတ်ဘူးလို့ ဝန်ကြီး Clinton ကပြောပါတယ်၊ တမန်တော်မိုဟာမက်ကို လှောင်ပြောင်တဲ့ ရုပ်ရှင်ဟာ အင်မတန်မှ ဆိုးဝါးလှတယ်၊ ဒါဟာ အမေရိကန်နဲ့ ဘာမှ မပတ်သက်ဘူးလို့လဲ ပြောကြားခဲ့ပါတယ်။

မုံရွာမြို့လက်ပန်တောင်းတောင် ကြေးနီစီမံကိန်းရပ်တန့်ဖို့ ဒေသခံ တောင်သူတွေရော လယ်သမားတွေရော ပြည်သူ့အကျိုးဆောင် ကွန်ယက်ကပါ ထိန်းသိမ်းခံရာက လွတ်လွတ်ချင်း ဆက်တိုက် ဆန္ဒပြကန့်ကွက်နေပေမယ့် မြန်မာနိုင်ငံ ဦးပိုင်လီမီတက်ကတော့ ဒီ စီမံကိန်းကို ရပ်တန့်ဖို့မရှိဘူးလို့ တုန့်ပြန်လိုက်ပါတယ်။ ဒါပေမယ့်လို့ ဒေသခံတွေနဲ့ ဥပဒေလမ်းကြောင်းအရ ညိနှိုင်းဆောင်ရွက်သွားဖို့ ရှိတယ်လို့ပြောပါတယ်။ ရိုက်တာသတင်းဌာနက ပေးပို့တဲ့သတင်းကို ကိုသားညွန့်ဦးက တင်ဆက်ပေးမှာပါ။

ဒေသခံ လယ်သမားတွေက စီမံကိန်းရပ်ဖို့ အတွက် ဆန္ဒပြကန့်ကွက်နေကြပေမယ့်လို့ သူတို့အနေနဲ့ကတော့ ဥပဒေ စည်းမျဉ်းအတိုင်းပဲ သူတို့ စီမံကိန်းကို ဆက်ပြီး လုပ်ကိုင် ဆောင်ရွက်ရမှာဖြစ်တယ်လို့ ကြေးနီတောင်သတ္တုတွင်း စီမံကိန်း တာဝန်ရှိသူတွေက ပြောလိုက်တာပါ။

စစ်တပ်ပိုင် စီးပွားရေးဦးပိုင်လီမီတက်နဲ့ တရုတ်အမျိုးသားပိုင် မြန်မာဝမ်ပေါင်ကုမ္ပဏီတို့ ပူးတွဲပြီးတော့ လုပ်တဲ့ လက်ပန်းတောင် တောင် ကြေးနီစီမံကိန်းကြောင့် သူတို့လယ်ယာမြေတွေ ဆုံးရှုံးသလို၊ သဘာဝပတ်ဝန်းကျင် ထိခိုက်ပျက်စီးမှုတွေလည်း ရှိတယ်ဆိုပြီးတော့ လယ်သမားတွေဖက်က ဒီ စီမံကိန်းကို ကန့်ကွက်ဆန္ဒပြနေခဲ့ကြပါတယ်။

ဒီ စီမံကိန်းကို ဦးဆောင်လုပ်တဲ့ စီးပွားရေးဦးပိုင်လီမီတက်ဟာ အရင် စစ်အစိုးရကာလမှာ စီးပွားရေးလုပ်ငန်းအတော်များများကို အခွင့်ထူးခံ လက်ဝါးကြီးအုပ်ခဲ့တဲ့ လုပ်ငန်းဖြစ်တယ်လို့ အများက တွက်ဆထားတာပါ။

ဒါ့အပြင် အခုနောက်ပိုင်း အရပ်သားအစိုးရတက်လာပြီးနောက် ဦးပိုင်လီမီတက်ကို စစ်တပ်က တိုက်ရိုက် ကိုင်တွယ် စီမံနေတာပါ။ ဒါကြောင့်လည်း အခု လယ်သမားတွေရဲ့ ကန့်ကွက်မှုဟာ ထိရောက်မှုရှိနိုင်ပ့ါမလား စိုးရိမ်မှုတွေလည်းရှိပါတယ်။

တဖက်မှာလည်း အရပ်သားအစိုးရလက်ထက် လွတ်လပ်ခွင့်အချို့ရှိလာတော့ လယ်သမားတွေအနေနဲ့ အခုလို မကျေမနပ်ဖြစ်မှုကို ထုတ်ဖော် ဆန္ဒပြခွင့်ရှိလာတာကြောင့် အခု ပြဿနာကို အများပြည်သူက ပိုပြီး သိရှိခွင့်ရလာပါတယ်။

ဒါပေမယ့်လည်း အခုလို ဆန္ဒပြမှုတွေကြောင့်တော့ သူတို့ စီမံကိန်းလုပ်ငန်းတွေ ရပ်တန့်မှာ မဟုတ်ဘူးလို့ စစ်ကိုင်းတိုင်း ဆားလင်းကြီးမြို့နယ် ဦးပိုင်လီမီတက်ရဲ့ ကြေးနီသတ္တုတွင်းလုပ်ငန်း ကြီးကြပ်သူ ဦးမြင့်အောင်က ပြောပါတယ်။

“စီမံကိန်းသည် ရပ်လို့မရပါဘူး။ နိုင်ငံတော်ရဲ့ အကျိုး ဒေသဖွံ့ဖြိုးရေးအကျိုးဖြစ်တဲ့အတွက် ရပ်လို့မရပါဘူး ဆိုတာ လူကြီးတွေကလည်း ရှင်းပြပြီးပါပြီ။ ကျနော်တို့ကလည်း ရှင်းပြပြီးပါပြီ။  သူတို့လိုအပ်ချက်ကို အဆင့်ဆင့် တင်ပြပြီးတော့ တောင်းဖို့ပဲရှိတယ်။ ညှိနှိုင်းပြီးမှ ဆက်လုပ်ပါဆိုတဲ့ဟာသည် မရနိုင်ပါဘူး။”

စီမံကိန်းကို ရပ်တန့်မှာမဟုတ်ဘူးလို့ဆိုပေမယ့် တဖက်မှာတော့ ကျေးရွာသားတွေရဲ့ နစ်နာမှုအပေါ်မှာ သူတို့ဖက်က အဖြေတစုံတရာရအောင် ညှိုနှိုင်းဆောင်ရွက်သွားမှာဖြစ်တယ်လို့လည်း ဦးပိုင်လိမီတက်က တာဝန်ရှိသူ ဦးမြင့်အောင်က ပြောပါတယ်။

“ဆွေးနွေး ညှိနှိုင်းပြီးတော့ ပြေလည်အောင်ပဲ ဖြစ်စေချင်တယ်။ ကိုယ်ကတော့ ဥပဒေဘောင်အတွင်းက လုပ်တယ်။ ဟိုကတော့ ဥပဒေအပြင်ဘက်ကို ဖောက်ထွက်ပြီးတော့ လုပ်တယ်။ နော် ဥပဒေနဲ့ မညီလုပ်တယ်။

လုပ်ပင်လုပ်ငြားသော်လည်း ဒီဟာတွေကို ဖြစ်စေချင်တာကတော့ ညှိညှိနှိုင်းနှိုင်းလေးနဲ့ ပြေလည်စေချင်တာပေါ့။ ပြီးရင် ဥပဒေဘောင်အတွင်းကပဲ တရားဝင် တင်ပြပြီးတော့ ညှိနှိုင်းဆောင်ရွက်ရင်တော့ နှစ်ဦးနှစ်ဖက်ကောင်းတာပေါ့။”

ဆန္ဒပြလယ်သမားတွေဖက်ကတော့ သူတို့နစ်နာဆုံးရှုံးမှုဖြစ်တဲ့ လယ်မြေတွေအတွက် နစ်နာကြေးပေးလည်း လက်ခံမှာမဟုတ်ပဲ၊ ဒီ စီမံကိန်းကိုပဲ ရပ်တန့်ဖို့ လိုလားတယ်ဆိုပြီး ကျေးရွာပေါင်း ၂၆ ရွာက လယ်သမားတွေက တနေ့ကပဲ ဆန္ဒဖော်ထုတ်ခဲ့ကြပါတယ်။

ဒီ စီမံကိန်းကြောင့်လယ်မြေဆုံးရှုံးရတာတင်မဟုတ်ပဲ၊ ပတ်ဝန်းကျင် ညစ်နွမ်းပြီး ဒေသခံတွေရဲ့ ကျန်းမာရေးကိုပါ ထိခိုက်စေတယ်လို့ သူတို့က ပြောပါတယ်။

ဒီစီမံကိန်းကြောင့် လယ်မြေဧကပေါင်း ၇၈၀၀ ကျော် သိမ်းဆည်းခံခဲ့ရတယ်လို့လည်း လယ်သမားတွေကပြောပါတယ်။ ဒါကြောင့်လည်း မုံရွာမြို့ပေါ်အထိ လယ်သမားတွေ အခြားတတ်ကြွလှုပ်ရှားသူတွေ စုဝေးပြီး ဆန္ဒပြခဲ့ကြတာပါ။

ဒီ့အတွက်လည်း အာဏာပိုင်တွေနဲ့ တင်းမာမှုဖြစ်ခဲ့ပြီး ကြားကနေ နိုင်ငံရေးအဖွဲ့အစည်းအချို့က ၀င်ရောက်ညှိုနှိုင်းပေးနေရပါတယ်။ ဒါပေမယ့်လည်း လယ်သမားတွေ လိုလားချက်ဖြစ်တဲ့ စီမံကိန်းရပ်ဖို့အခြေအနေကတော့ အလှမ်းဝေးနေဆဲလို့ ပြောရမှာပါ။

အာဏာပိုင်တွေရဲ့ အဆိုအရတော့ တရုတ်ဖက်က ကုမ္ပဏီဟာ တနှစ်ကို မြေ ၀.၄ စတုရမ်းမိုင်ကို အမေရိကန်ဒေါ်လာ ၃၅၀၀ နဲ့ အစိုးရကို ပေးပြီး ငှားရမ်းထားတာလို့ သိရပါတယ်။

ပြည်ပ လက်လီအရောင်းဆိုင် အိန္ဒိယမှာ ဖွင့်ခွင့်ပြု

ဧရာမ လက်လီဆိုင်ကြီးတွေ ဖြစ်ကြတဲ့ Wal-Mart, Tesco နဲ့ Carrefour တို့လို နိုင်ငံခြား ကုမ္ပဏီတွေကို အိန္ဒိယ နိုင်ငံမှာ လုပ်ငန်းတွေ လုပ်ကိုင်ခွင့် ပြုလိုက်ပါတယ်။ အိန္ဒိယ အစိုးရရဲ့ သောကြာနေ့က ကြေညာချက်ကြောင့် ကုန်အမျိုးအစား တမျိုးမက ရောင်းချတဲ့ ကုန်စုံဆိုင်တွေမှာ နိုင်ငံခြား လုပ်ငန်းတွေ အနေနဲ့ အစုရှယ်ယာ အများစု ပိုင်ဆိုင်ခွင့် ရတော့မှာပါ။

အစိုးရရဲ့အစီအစဉ်ကို ဆန့်ကျင်သူတွေကတော့ ပြည်ပက လုပ်ငန်းတွေကြောင့် ပြည်တွင်းက အငယ်စား လက်လီလုပ်ငန်းတွေ နစ်နာပြီး အလုပ်အကိုင်တွေလည်း လက်လွတ် ဆုံးရှုံးနိုင်တယ်လို့ ပြောပါတယ်။

အစီအစဉ်ကို ထောက်ခံသူတွေ ကတော့ နိုင်ငံခြား လုပ်ငန်းတွေကြောင့် ပြည်တွင်းက လုပ်ငန်းတွေ ပိုမိုခေတ်မီ လာနိုင်သလို၊ စားသောက်ကုန် အရည်အသွေး တိုးတက်ပြီး ဈေးနှုန်းတွေ သက်သာ လာနိုင်တယ်လို့ ပြောနေကြတာပါ။

အိန္ဒိယ အစိုးရရဲ့ အစီအစဉ်သစ်အရ နိုင်ငံခြား လေကြောင်း လုပ်ငန်းတွေ ပြည်တွင်း လေကြောင်းလိုင်းတွေမှာ ၀င်ရောက် လုပ်ကိုင်ဖို့လည်း ခွင့်ပြုလိုက်ပါတယ်။

လတ်တလော အိန္ဒိယ နိုင်ငံရဲ့စီးပွားရေး ဖွံ့ဖြိုးမှုတွေကတော့ ကျဆင်းနေပြီး တိုင်းပြည်ရဲ့စီးပွားရေး အဆင့်အတန်း လျော့ကျ လာမှာ၊ ငွေကြေး ဖောင်းပွမှုတွေ ပိုများလာမှာကိုလည်း စိုးရိမ်မကင်း ဖြစ်နေကြပါတယ်။

ဖားကန့်တိုက်ပွဲ အရပ်သားတွေ ထိခိုက်သေဆုံး

ကချင်ပြည်နယ် ဖားကန့်မြို့မှာ ကချင်လွတ်လပ်ရေးတပ်မတော် KIA နဲ့အစိုးရတပ်အကြား တိုက်ပွဲဖြစ်ပွားခဲ့ပြီး လူနေရပ်ကွက်တွေအတွင်းကို လက်နက်ကြီးကျည်တွေကျရောက် ပေါက်ကွဲခဲ့တာကြောင့်  လူ၁၃ယောက် ထိခိုက်ဒဏ်ရာရခဲ့ရာမှာ ၁ယောက်သေဆုံး ခဲ့ပါတယ်။ သေဆုံးသွားသူဟာ အသက်၁၃နှစ်အရွယ် ၉တန်း ကျောင်းသူဖြစ်ပြီး ကျောင်းက ပြန်လာချိန်မှာ လက်နက်ကြီးကျည်ထိမှန်ခဲ့တဲ့နောက် ဆေးရုံမှာကုသစဉ် သေဆုံး ခဲ့ရတာပါ။

ဖားကန့်မြို့တွင်းက နောက်ဆုံးအခြေအနေတွေကို ထိုင်းအခြေစိုက် သတင်းထောက်ကိုမိုးဇော်က တင်ပြထားပါတယ်။

ကျောက်စိမ်းထွက်ရှိရာ ကချင်ပြည်နယ် ဖားကန့်ဒေသမှာ တပတ်နီးပါးလောက် တိုက်ပွဲတွေ ငြိမ်သက်နေခဲ့ရာက ကြာသာပတေးနေ့ညနေပိုင်းမှာတော့ ကချင်လွတ်လပ်ရေးတပ်မတော် KIA နဲ့အစိုးရတပ် အကြားမှာ တိုက်ပွဲပြင်းပြင်းထန်ထန် ပြန်ဖြစ်ခဲ့ပါတယ်။ ဒီတိုက်ပွဲဟာ ညနေ ၃နာရီခွဲလောက်ကနေ ည ၉နာရီလောက်အထိ လက်နက်ကြီးတွေနဲ့ ပစ်ခတ်ခဲ့တိုက်ခိုက်ခဲ့တာဖြစ်ပါတယ်။ 

အဓိကတိုက်ပွဲဖြစ်ပွားတဲ့နေရာကတော့ ဖားကန့်မြို့အထွက် မော်ဝမ်းကြီးရပ်ကွက်၊ ဆွတ်ငိုင်ယန်ရွာ ဖက်မှာ ဖြစ်ပါတယ်။ တိုက်ပွဲဖြစ်ချိန်ဟာ ကျောင်းဆင်းချိန်ဖြစ်တာကြောင့် ကျောင်းသူ ကျောင်းသားတွေပါ ထိခိုက်ခဲ့တယ်လို့  ဒေသခံတယောက်က အခုလို ပြောပါတယ်။

"တိုက်ပွဲမှာ အဓိကကတော့ အားလုံးထိတာကတော့ အားလုံး ၁၃ယောက်လောက် ဒဏ်ရာရကြတယ်။ ၈ယောက်က ဒုက္ခသည်ဒဏ်ရာပြင်းထန်ပြီးတော့ ဆေးရုံမှာ အတွင်းလူနာအဖြစ်ကုသနေရတယ်။ အဲဒီထဲကနေပြီးတော့ ညကပဲ မဂျာဆိုင်းအိမ်ဆိုတဲ့ ကျောင်းသူလေး။ အဘ ဦးဘရန်ရှောင်။ အသက် ၁၃နှစ် ၊ ၉တန်းကျောင်းသူ။ သူက ကျောင်းကဆရာမနဲ့ပြန်လာတဲ့အချိန်မှာ လမ်းမှာ လက်နက်ကြီးစ ထိမှန်ပြီးတော့ ဆေးရုံမှာသေဆုံးသွားတယ်။"

အခြားဆေးရုံတက်နေသူ ၇ယောက်ကတော့ အရပ်သူအရပ်သားတွေဖြစ်ပြီး အချို့တွေဟာ  ကလေးကျောင်းကြိုသွားရင်း လက်နက်ကြီးကျည်စထိမှန်တာဖြစ်ပါတယ်။ ဒီလိုထိမှန်တဲ့အထဲမှာ အသက်၈နှစ်အရွယ် ၂တန်း ကျောင်းသူ မဂျာလူးအောင်နဲ့ သူ့ကို လာကြိုတဲ့ ဖခင်ဖြစ်သူ ဦးခွန်ဆိုင်လည်း ပါဝင်တယ်လို့ ဖားကန့် ဒေသခံတွေက ပြောပါတယ်။

လက်နက်ကြီးကျည်အချို့ဟာ ဒုက္ခသည်တွေ ခိုလှုံနေထိုင်ရာ မော်ဝမ်းဘုရားရှိခိုးကျောင်း အနီးမှာလည်း ကျရောက်ပေါက်ကွဲခဲ့ကြောင်းနဲ့ ပစ်ခတ်တဲ့ လက်နက်ကြီးကျည်ဟာ ဘယ်ဘက်က ပစ်တယ်ဆိုတာတော့ သေချာမသိရကြောင်း အခြားဖားကန့်ဒေသခံတွေက ပြောပါတယ်။

ဒီနေ့မနက်ပိုင်းမှာတော့တိုက်ပွဲဖြစ်တာတွေ ငြိမ်သက်နေပေမဲ့ ဖားကန့်မြို့သူ မြို့သားတွေနဲ့ ဖားကန့်ကို လာရောက်တိမ်းရှောင်နေတဲ့ ဒုက္ခသည်တွေဟာ အထိတ်တလန့်နဲ့ ရှိနေကြတယ်လို့ အမျိုးသားဒီမိုကရေစီ အဖွဲ့ချုပ်ပါတီက ဦးဟန်မြင့်ကပြောပါတယ်။

"ဖားကန့်မြို့ရဲ့ လက်ရှိအခြေအနေက ကျီးလန့်စာစားအခြေအနေရောက်နေတယ်။ မနေ့က ၃နာရီခွဲ ၄နာရီလောက်မှာလည်း တိုက်ပွဲက ဖားကန့်မြို့နဲ့ အနီးကပ် ဖြစ်တော့ တအား စိုးရိမ် ထိတ်လန့် သွားတာပေ့ါ။ ကလေးတွေကလည်း ကျောင်းဆင်းချိန်ဖြစ်နေတယ်လေ။

ရပ်မိရပ်ဖတယောက်အနေနဲ့ရော၊ အမျိုးသား ဒီမိုကရေစီအဖွဲ့ချုပ်တာဝန်ခံတယောက်အနေနဲ့ရော၊ နောက် ဒီဒုက္ခသည်တွေကို လိုက်လံပြီး ကူညီပေးနေရတဲ့ သူတယောက်နဲ့ အနေက ပြောရရင်တော့ ဒီဟာမျိုးကျနော် လုံးဝ မဖြစ်စေချင်ပါဘူး။ ကျနော်တို့ မြို့နဲ့ အနီးတ၀ိုက် ကတော့ ပြည်သူလူထုတွေ အတွက် တအားကို စိုးရိမ်ရတဲ့အနေအထားရောက်တော့ ဒီဟာကိုတော့ လုံးဝ မဖြစ်စေ ချင်ပါဘူး။

ပြီးခဲ့တဲ့ လကုန်ပိုင်းကတော့ ဖားကန့်မြို့အနီးအနားက ကျေးရွာတွေကို လုံခြုံရေးစိတ်မချရတာကြောင့် ဖားကန့်မြို့ပေါ်မှာ တိမ်းရှောင်နေဖို့အတွက် ဒေသခံ အာဏာပိုင် တွေက အမိန့်ပေး စေခိုင်းထားခဲ့ တာဖြစ်ပါတယ်။

အဲဒီနောက်မှာတော့ ဖားကန့်မြို့ပေါ်က ဘာသာရေး လူမှုရေးအသင်းအဖွဲ့ တာဝန်ရှိသူတွေနဲ့ မြို့မိမြို့ဖတွေက သူတို့ဒေသတွင်းမှာ စစ်ပွဲတွေမဖြစ်စေဖို့အတွက် ပြည်နယ်အစိုးရနဲ့ KIA ကို အသနား ခံစာပေးပို့ထားတာဖြစ်ပါတယ်။

လောလောဆည်မှာတော့ ဖားကန့်မြို့ပေါ်မှာ စစ်ပြေးဒုက္ခသည်၁သောင်းခွဲလောက်ရှိနေပြီး ဥရုချောင်းရေကြီးတာ ကြောင့် ဒုက္ခသည်တွေဟာ ရေလွှမ်းမိုးတဲ့ ဒဏ်ကိုပါ ခံနေကြရတာဖြစ်ပါတယ်။

ဒီကနေ့မနက်ပိုင်းမှာတော့ လူမှုရေးအကူအညီတွေပေးနေတဲ့ ဖားကန့်မြို့ပေါ်က အစိုးရမဟုတ်တဲ့ အဖွဲ့အစည်းတွေဟာ မြစ်ကြီးနားဖက်ကို စတင် ထွက်ခွာနေပြီလို့ ဖားကန့်ဒေသခံတွေက ပြောပါတယ်။KIAနဲ့ မြန်မာအစိုးရတပ်တွေအကြား တနှစ်ကျော်ကြာဖြစ်ပွားတဲ့တိုက်ပွဲတွေကြောင့် KIA နဲ့ မြန်မာအစိုးရတပ်တွေအကြား အပစ်အခတ်ရပ်စဲဖို့ ဆွေးနွေးနေတာဟာလည်း အခုချိန်ထိတော့ အောင်မြင်မှုမရသေးပါဘူး။ 

KIA နဲ့ မြန်မာအစိုးရတပ်တွေအကြား အပစ်အခတ်ရပ်စဲဖို့ ဆွေးနွေးနေတာဟာလည်း အခုချိန်ထိတော့ အောင်မြင်မှုမရသေးပါဘူး။ ဒုက္ခသည်စုစုပေါင်း တသိန်းနီးပါးဟာ အိုးအိမ်စွန့်ခွာပြီး ထွက်ပြေးနေကြရပါတယ်။

ဒုက္ခသည် ၆သောင်းကျော်ကတော့ တရုတ်မြန်မာ နယ်စပ်ဒေသက KIA ထိန်းချုပ်ရာဒေသမှာရောက်ရှိနေတာဖြစ်ပါတယ်။ KIA နဲ့ မြန်မာအစိုးရတပ်တွေအကြား အပစ်အခတ်ရပ်စဲဖို့ ဆွေးနွေးနေတာဟာလည်း အခုချိန်ထိတော့ အောင်မြင်မှုမရသေးပါဘူး။