13.09.2012 နေ့ဖတ်ရန်သတင်းများ

by Myanmar Journal on Wednesday, September 12, 2012 at 6:44pm ·

Western Union နဲ့ မြန်မာဘဏ် နိုင်ငံတကာငွေလွှဲလုပ်ငန်းစတင်ဖို့ သဘောတူ

နိုင်ငံတကာ ငွေလွှဲကုမ္ပဏီကြီးဖြစ်တဲ့ Western Union နဲ့ မြန်မာနိုင်ငံက မြန်မာ Oriental ဘဏ်တို့ ပူးပေါင်းပြီးတော့ တရားဝင် ငွေလွှဲပြောင်းမှု၊ ဝန်ဆောင်မှုလုပ်ငန်းကို ဒီနှစ်မကုန်ခင်မှာ စတင်တော့ မှာ ဖြစ်ပါတယ်။

ဒါ့ကြောင့် နိုင်ငံရပ်ခြားမှာ တရားဝင်သွားရောက် အလုပ်လုပ်ကိုင်နေကြတဲ့ မြန် မာနိုင်ငံသားတွေအနေနဲ့ နီးစပ်ရာ၊ ဒါမှမဟုတ် တရားဝင်မဟုတ်တဲ့ ငွေလွှဲပြောင်းတဲ့ နည်းလမ်းတွေ ကို အသုံးမပြုတော့ဘဲ မြန်မာနိုင်ငံကို တရားဝင် ငွေလွှဲပြောင်းနိုင်တော့မယ်လို့ မြန်မာနိုင်ငံ ဘဏ် အသိုင်းအဝိုင်းက ပြောပါတယ်။ အပြည့်အစုံကို မအေးသန္တာကျော်က တင်ပြပေးထားပါတယ်။

မြန်မာနိုင်ငံမှာ မနှစ်ကစပြီးတော့ ဒီမိုကရေစီရေး အပြောင်းအလဲတွေ ဖြစ်ပေါ်လာပြီးကတည်းက အနောက်နိုင်ငံတွေက အဆင့်မြင့် ကိုယ်စားလှယ်တွေ စီးပွားရေးလုပ်ငန်းတွေရဲ့ ကိုယ်စား လှယ်တွေ မြန်မာနိုင်ငံနဲ့ ထိတွေ့ဆက်ဆံလာနေကြတာမှာ အခု Western Union ရဲ့ ဝန်ဆောင်မှု မြန်မာနိုင်ငံမှာ စတင်တော့မယ်ဆိုတဲ့ ဖြစ်ရပ်က နောက်ဆုံးတွေ့ရတဲ့ စီးပွားရေးတိုးတက်ပြောင်းလဲမှု တခုပဲဖြစ်ပါတယ်။ မြန်မာနိုင်ငံအတွက် အရေးကြီးလှတဲ့ အသွင် ကူးပြောင်းမှု လုပ်ငန်းစဉ်မှာ အခုလို မျိုး ပါဝင်ခွင့်ရတဲ့အတွက် အထူးဝမ်းမြောက်မိပါကြောင်း Western Union ရဲ့ ဟောင်ကောင်က Asia Pascific ရုံးချုပ် Cooperate Communication ဌာနက ဒု-ဥက္ကဋ္ဌ Pai De Lima က ဗွီအိုအေကို အခုလို ပြောပါတယ်။

"မြန်မာနိုင်ငံမှာ ဖြစ်ပေါ်နေတဲ့ စီးပွားရေးဆိုင်ရာ ပြောင်းလဲဖွံ့ဖြိုးမှုတွေကို အထောက်အကူပေးတဲ့ အနေနဲ့ ကျမတို့အနေနဲ့ လက်တွဲလုပ်ဆောင်မယ့် Myanmar Oriental Bank ရော မြန်မာ ဗဟိုဘဏ် ဘက်ကပါ စီစဉ်ဆောင်ရွက်စရာတွေကို မြန်မြန်ဆန်ဆန်ပဲ ဆောင်ရွက်ပေးတာတွေ့ရလို့ အထူး သဘောကျမိပါတယ်။ မြန်မာနိုင်ငံအတွက် အရေးပါတဲ့ ဒီ အပြောင်းအလဲကာလမှာ တထောင့် တနေရာက ပါဝင်ခွင့်ရတဲ့အတွက် Western Union အနေနဲ့ အင်မတန် ဂုဏ်ယူမိပါတယ်။

အခုထိတော့ အခက်အခဲရယ်လို့ သိပ်မတွေ့ရသေးပါဘူး။ ဒါပေမဲ့ ဒီ ငွေလွှဲပြောင်းတဲ့ ဝန်ဆောင်မှုကို ဘယ်လို စတင်မလဲ၊ မြန်မာဗဟိုဘဏ်ရဲ့ စည်းမျဉ်းစည်းကမ်းတွေနဲ့ ဘောင်ဝင်အောင် လုပ်ငန်းတွေ ကို ဘယ်လိုဆောင်ရွက်မလဲ ဆိုတာတွေမှာ သေချာအောင် လုပ်ရပါမယ်။ ကျမတို့ ငွေလွှဲစနစ် ကို မြန်မာနိုင်ငံမှာ ဘယ်လိုအသုံးပြုမလဲဆိုတာနဲ့ ဘယ်လို ချိတ်ဆက်ထားမလဲဆိုတာတွေ အပြင် ဝန်ထမ်းတွေကို လေ့ကျင့်သင်တန်းပေးဖို့၊ ဒါတွေအကုန်စီစဉ်နေပါတယ်။

နိုင်ငံရပ်ခြားမှာ ရောက်နေတဲ့ မြန်မာတွေ အဆင်ပြေပြေနဲ့ မြန်မာနိုင်ငံကို စိတ်ချယုံကြည်စွာ ငွေ လွှဲပြောင်းနိုင်ဖို့ အခုတော့ သဘောတူလက်မှတ်လည်း ထိုးပြီးပြီဆိုတော့ Western Union နဲ့ မြန်မာ့ Oriental ဘဏ်တို့ လက်တွဲပြီး ဒီလုပ်ငန်းကို စတင်ဆောင်ရွက်နေကြပါပြီ။"

Western Union Asia Pacific ရုံးချုပ်က ပြောရေးဆိုခွင့်ရှိတဲ့ Cooperate Communication ဌာနက ဒု-ဥက္ကဋ္ဌ မစ္စ် ဒလီမား ပြောသွားတာဖြစ်ပါတယ်။ Western Union ကုမ္ပဏီက နိုင်ငံပေါင်း ၂၀၀ မှာ ဌာနခွဲပေါင်း ၅၀၀,၀၀၀ နဲ့ ငွေအလွှဲအပြောင်း ကိစ္စရပ်တွေအတွက် ဝန်ဆောင်မှု ပေးနေတာ ဖြစ်ပါတယ်။

မြန်မာနိုင်ငံမှာလည်း အခုလို နိုင်ငံတကာနည်းတူ တရားဝင်ငွေလွှဲပြောင်းမှုစံနစ် ရှိလာမယ် ဆိုရင် နိုင်ငံခြားကိုရောက်ပြီး အလုပ်လုပ်နေကြတဲ့ မြန်မာနိုင်ငံသား နှစ်သန်းလောက်က အချိန်တိုတို နဲ့ မြန်မာနိုင်ငံကို တရားဝင် ငွေတွေ လွှဲပြောင်းပေးအပ်နိုင်တော့မှာပါ။ ဒါကြောင့်မို့လို့ ငွေလွှဲချင်တဲ့ သူတွေအတွက်ရော နိုင်ငံအတွက်ပါ အကျိုးများမှာဖြစ်ပါတယ်လို့ မြန်မာနိုင်ငံဘက်က ဝန်ဆောင်မှုပေးမယ့် မြန်မာ Oriental Bank က အကြီးတန်း အထွေထွေမန်နေဂျာ ဦးသန်းဝင်းက ဗွီအိုအေကို အခုလို ပြောပါတယ်။

"တရားဝင်လာတဲ့ ပိုက်ဆံတွေကို အစိုးရအနေနဲ့ကလည်း အားပေးတာကိုး။ နိုင်ငံခြားဝင်ငွေလည်း ရတာကိုး။ နိုင်ငံအရပ်ရပ်မှာရှိတဲ့ ကိုယ့်ရဲ့နိုင်ငံသားတွေရဲ့ငွေ ပြန်ပို့ဖို့ကလည်း တချို့နေရာတွေကျတော့လည်း အခက်အခဲရှိတာကိုး။ အရင်တုန်းကလည်း ဟွန်တီတွေ ပိုက်ဆံလိမ်သွားတာတွေ ဘာတွေ ရှိခဲ့ဖူးတာကိုး။ ပို့တဲ့သူကလည်း စိတ်ချယုံကြည်ရတဲ့သူတွေလည်း ရှိကောင်းရှိမှာပေါ့။ ဒါပေမဲ့ ဒီလို အဖွဲ့ကြီးနဲ့လုပ်တာက ပိုပြီးတော့ ကောင်းမယ်လို့ ကျနော်တို့လည်း ယူဆပါတယ်။ တရက်အတွင်းနဲ့၊ မိနစ်ပိုင်းအတွင်းနဲ့လို အဆင်ပြေနိုင်ပါတယ်။ သူက မြန်ဆန်တယ်၊ မှန်ကန်တယ်၊ တိကျတယ်။"

မြန်မာ Oriental Bank က အကြီးတန်း အထွေထွေမန်နေဂျာ ဦးသန်းဝင်း ပြောသွားတာပါ။ မြန် မာနိုင်ငံမှာ စတင်တည်ထောင်လာခဲ့တာ နှစ်နှစ်ဆယ် ပြည့်တော့မှာဖြစ်တဲ့ မြန်မာ Oriental Bank ရဲ့ ရန်ကုန်က ဘဏ်ခွဲ ရှစ်နေရာအပါအဝင် နိုင်ငံတဝှန်းဘဏ်ခွဲ ၁၉ နေရာကနေပြီးတော့ Western Union ရဲ့ ဝန်ဆောင်မှုနဲ့ ငွေလွှဲပြောင်းစံနစ်ကို အသုံးပြုနိုင်မှာဖြစ်တယ်လို့ မြန်မာ Oriental Bank က ပြောပါတယ်။

ဒါပေမဲ့ လောလောဆယ်တော့ နိုင်ငံတကာကပဲ မြန်မာနိုင်ငံကို ငွေလွှဲလို့ရမှာဖြစ်ပြီး မြန်မာနိုင်ငံဘက်က နေပြီးတော့ နိုင်ငံရပ်ခြားကို ငွေပို့လို့ ရနိုင်သေးမှာ မဟုတ်ဘူးလို့လည်း သိရပါတယ်။

မြန်မာနိုင်ငံအပေါ်မှာ အမေရိကန်ပြည်ထောင်စု၊ ဥရောပသမဂ္ဂနဲ့ သြစတြေးလျနိုင်ငံတို့က ရင်းနှီးမြှုပ်နှံမှုနဲ့ ကုန်သွယ်ရေးဆိုင်ရာ အရေးယူပိတ်ဆို့မှုတချို့ကို ဖယ်ရှားပေးပြီးတော့ သုံးလအကြာမှာပဲ အခုလိုမျိုး မြန်မာနိုင်ငံကို တရားဝင် ငွေလွှဲပြောင်းရေး ဝန်ဆောင်မှု စတင်ဖို့အတွက် မြန်မာနိုင်ငံကဘဏ်တခုနဲ့ နိုင်ငံတကာ ငွေလွှဲပြောင်းရေးကုမ္ပဏီတို့ သဘောတူ လက်မှတ် ရေးထိုးနိုင်ခဲ့တာ ဖြစ်ပါတယ်ရှင်။

လစ်ဗျားတိုက်ခိုက်မှု အမေရိကန်သံအမတ်ကြီးနဲ့သံဝန်ထမ်း ၃ ဦး သေဆုံး

 

ဘန်ဂါဇီမြို့ရှိ မီးလောင်နေသည့် အမေရိကန် သံရုံး နောက်ခံနှင့် ဆန္ဒပြသူတဦး။ ပုံ၏ ယာအပေါ်ထောင့်တွင်တွေ့ရသည်မှာ သေဆုံးသွားသည့် အမေရိကန်သံအမတ်ပုံဖြစ်ပါသည်။ စက်တင်ဘာ ၁၁၊ ၂၀၁၂

လစ်ဗျားနိုင်ငံအရှေ့ပိုင်း ဘန်ဂါဇီမြို့က အမေရိကန် ကောင်စစ်ဝန်ချုပ်ရုံးကို ဆန္ဒပြ လူအုပ်ကြီးက အတင်း ၀င်ပြီး တိုက်ခိုက်တဲ့အတွက် လစ်ဗျားနိုင်ငံဆိုင်ရာ အမေရိကန်သံအမတ်ကြီးနဲ့ သံရုံးဝန်ထမ်းသုံးဦးတို့ သေဆုံးသွားတယ်လို့ အမေရိကန်သတင်းဌာနတွေက ပြောကြပါတယ်။ အမေရိကန်နိုင်ငံသားတဦး စီစဉ်ရိုက်ကူးထားတဲ့ ဗွီဒီယိုတခုမှာ တမန်တော် မိုဟမ်မက်ဒ်ကို လှောင်ပြောင်ထားတယ်ဆိုတာအပေါ် ဒေါသထွက်သူတွေက အကြမ်းဖက် ဆန္ဒပြခဲ့ကြတာပါ။ အပြည့်အစုံကို ဗွီအိုအေသတင်းထောက်တွေရဲ့ သတင်းပေးပို့ချက်တွေအပေါ် အခြေခံပြီး ကိုကျော်ကျော်သိန်းက တင်ပြထားပါတယ်။

အစ္စလာမ်ဝါဒီတွေရဲ့ တမန်တော်မိုဟမ်မက်ဒ်အကြောင်း ရိုက်ကူးထားတဲ့ ဗွီဒီယိုဇာတ်လမ်းတိုတခုကို ကန့်ကွက်တဲ့အနေ နဲ့ ဆန္ဒပြလူအုပ်ကြီးက လစ်ဗျားနိုင်ငံ၊ ဘန်ဂါဇီမြို့က အမေရိကန်ကောင်စစ်ဝန်ချုပ်ရုံးကို အတင်းဝင်ပြီး တိုက်ခိုက်ခဲ့တာကြောင့် သံအမတ်ကြီးနဲ့သံရုံးဝန်ထမ်းတွေ သေဆုံးခဲ့ကြရတာပါ။ ဆန္ဒပြလူအုပ်က များလွန်းတာကြောင့် သံရုံးဝင်းကို စောင့်ကျပ်နေတဲ့ လစ်ဗျားလုံခြုံရေးတပ်ဖွဲ့တွေ မထိန်းနိုင်ဘဲဖြစ်ခဲ့ရပါတယ်။ တိုက်ခိုက်သူတွေဟာ သံရုံးထဲက ပစ္စည်းတွေကို လုယူကြပြီးတဲ့ နောက် အဆောက်အဦးကို မီးတင်ရှို့ခဲ့ပါတယ်။

“တမန်တော် မိုဟမ်မက်ဒ်ကို ထိပါး စော်ကားတာ ကြောင့် လူတွေက အရမ်းဒေါသထွက်နေကြတာပါ။ အမေရိကန်တွေက အခြေအနေကို အင်မတန်ဆိုးရွားအောင် လုပ်တယ်လို့ လူတိုင်းက ထင်ကြပါတယ်။ သူတို့ရဲ့တမန်တော်နဲ့ပတ်သက်ပြီး မဟုတ်တမ်းတရားပြောတာမျိုးကို လစ်ဗျားတွေက မကြိုက်ကြ ပါဘူး။ တမန်တော် မိုဟမ်မက်ဒ်ဟာ အိုဆာမာ ဘင်လာဒင် မဟုတ်ပါဘူး၊ သူဟာ တခြားလူတယောက်ယောက် မဟုတ်ပါဘူး၊ သူဟာ ကျနော်တို့ရဲ့ တမန်တော်ပါ။ သူဟာ လောကမှာ အကောင်းဆုံး လူသားပါ။ ဒါကြောင့် အဲဒီဗွီဒီယိုကို ရပ်ပစ်ဖို့ ကျနော်တို့ မှာ အခွင့်အရေးရှိရပါမယ်။ ဒီရုပ်ရှင်ကို ရပ်ပစ်ဖို့က ကျနော်တို့ရဲ့မျှော်လင့်ချက်၊ အမေရိကန်နဲ့ကျနော်တို့ကြားက ဆက်ဆံရေး ဖြစ်ပါတယ်။”

ဒေါသထွက်နေတဲ့ ဘန်ဂါဇီမြို့ခံ ဆန္ဒပြသူတဦးပြောသွားတာပါ။လစ်ဗျားနိုင်ငံဆိုင်ရာ အမေရိကန်သံရုံးကို အကြမ်းဖက်တိုက်ခိုက်ခဲ့တဲ့အပေါ် အပြင်းထန်ဆုံး ပြစ်တင် ရှုတ်ချထားတဲ့ ကြေညာ ချက်တခုကို အမေရိကန်နိုင်ငံခြားရေးဝန်ကြီး ဟီလာရီ ကလင်တန်က ထုတ်ပြန်ခဲ့ပါတယ်။

ဘန်ဂါဇီက သံရုံးကို ၀င်မတိုက်ခင် နာရီပိုင်းမှာ အီဂျစ်နိုင်ငံ၊ ကိုင်ရိုမြို့က အခိုင်အမာ ကာရံထားတဲ့ အမေရိကန်သံရုံးကို ဆန္ဒပြ သူတွေက ကျော်ဝင်ပြီး အမေရိကန်အလံတခုကို အစ္စလာမ်မစ်စာတမ်းပါ ဘန်နာကြီးတခုနဲ့ လဲပြီးတော့ ချိတ်ဆွဲခဲ့ကြပါတယ်။

“ရှေးဟောင်းအီဂျစ်လူမျိုးတွေကနေ ဆင်းသက်လာတဲ့ အီဂျစ်လူမျိုးတဦးအဖြစ် ကျမ ဒီနေရာ ကိုရောက်လာတာပါ။ ကျမရဲ့ မူစလင်အကိုတော်တွေနဲ့ သွေးစည်းညီညွတ်တယ်ဆိုတာကို ပြသဖို့ ကျမ ဒီနေရာမှာ ဆက်နေ သွားမှာပါ။ တမန်တော်မိုဟမ်မက်ဒ်အပေါ် ရှင်တို့နိုင်ငံက ဒီလိုစော်ကားတာမျိုးကို ရှင်တို့ရဲ့ အိုဘားမားက ခွင့်ပြုတာဟာ ရှက်ဖွယ်လုပ်ရပ်ပါပဲ။”

အစွန်းရောက်ရှေးရိုးအစ္စလမ်မ်မစ်ဝါဒီတွေ အများစုဖြစ်ကြတဲ့ ကိုင်ရိုမြို့က ဆန္ဒပြသူတွေဟာ ဗုဒ္ဓဟူးနေ့ အစောပိုင်းမှာ ဆန္ဒပြခဲ့ ကြတာဖြစ်ပါတယ်။

အဲဒီရုပ်ရှင်ဇာတ်လမ်းတိုကို အစ္စရေးလ်နိုင်ငံဖွား အမေရိကန်နိုင်ငံသားတဦးက ရိုက်ကူးထုတ်လုပ်ပြီး ပြည်ပရောက် အီဂျစ်နိုင်ငံ သားCoptic ခရစ်ယာန်ဘာသာဝင် လူနည်းစုတချို့က ရန်ပုံငွေ ထောက်ပံ့ခဲ့ကြတာပါ။ အင်္ဂလိပ်ဘာသာ အာရေးဗစ်ဘာသာ စကားတွေနဲ့ ပြောထားတဲ့ ဇာတ်လမ်းကောက်နှုတ်ချက်ကို YouTube အင်တာနက်ဗွီဒီယိုစာမျက်နှာမှာ တင်ထားပါတယ်။

အငြင်းပွားဖွယ် အမေရိကန်ခရစ်ယာန်ဘုန်းကြီးတဦးဖြစ်တဲ့ Terry Jones က အဲဒီဗွီဒီယိုကို ထောက်ခံ ကြော်ညာပေးနေပါ တယ်။ သူဟာ ကိုရမ်ကျမ်းစာအုပ်တွေကို မီးတင်ရှို့မယ်ဆိုပြီး ခြိမ်းခြောက်ခဲ့ဖူးတာကြောင့် ၂၀၁၀ နဲ့ ၂၀၁၁ ခုနှစ်တွေတုန်းက အာဖဂန်နစ္စတန်မှာ လူသေတဲ့အထိ အဓိကရုဏ်းတွေ ဖြစ်ခဲ့ဖူးပါတယ်။ နောက်တော့ သူ့ရဲ့ဘုရားကျောင်းမှာ ကိုရမ်ကျမ်း စာအုပ်တအုပ်ကိုပဲ မီးရှို့ခဲ့သူပါ။

ဒီလို အကြမ်းဖက်တဲ့လုပ်ရပ်မျိုး လုပ်ရတာဟာ အင်တာနက်ပေါ်မှာတင်ထားတဲ့ ရန်စလှုံ့ဆော်တဲ့ ဗွီဒီယိုတခုကို တုန့်ပြန်တာ ဖြစ်တယ်ဆိုပြီး လူတချို့က အကြောင်းပြကြတယ်လို့ ၀န်ကြီးကလင်တန်က ပြောပါတယ်။ တပါးသူရဲ့ ဘာသာရေးဆိုင်ရာ ယုံကြည်ကိုးကွယ်မှုအပေါ် မဟုတ်မတရား အပုပ်ချဝေဖန်တဲ့ ရည်ရွယ်ချက်ရှိရှိနဲ့ ဘယ်လို လုပ်ဆောင်မှုမျိုးကိုမဆို အမေရိကန် ပြည်ထောင်စုက ပြစ်တင် ရှုတ်ချသွားမှာဖြစ်တယ်လို့ ၀န်ကြီးကလင်တန်က ပြောပါတယ်။

အခုသေဆုံးသွားတဲ့ အမေရိကန်သံအမတ်ဟာ လစ်ဗျားနိုင်ငံဆိုင်ရာ အမေရိကန်သံအမတ်ကြီးအဖြစ် မေလကမှ ခန့်အပ်ခံခဲ့ရ တာပါ။ လစ်ဗျားနိုင်ငံမှာ အရင်တုန်းက ရာထူးတာဝန်နှစ်ခု ထမ်းဆောင်ခဲ့ဖူးပြီး ဒီ့မတိုင်ခင်က အစ္စရေးလ်၊ အီဂျစ်နဲ့ ဆော်ဒီ အာရေးဘီးယားနိုင်ငံတွေမှာ တာဝန်ထမ်းဆောင်ခဲ့ဖူးပါတယ်။

 ဦးသိန်းစိန် အမေရိကန် မသွားခင် တရုတ်ပြည် သွားမယ်

သမ္မတ ဦးသိန်းစိန် လက်ထက်မှာ အိမ်နီးချင်း နိုင်ငံတွေ နဲ့ရော အနောက် နိုင်ငံတွေ နဲ့ပါ ဆက်ဆံရေး တိုးမြှင့်လာ

နိုင်ငံတော် သမ္မတ ဦးသိန်းစိန်က လာမယ့် တပတ်မှာ တရုတ် နိုင်ငံ ခရီးစဉ် စတင်မှာ ဖြစ် ပါတယ်။

ရက်အတိ အကျကိုတော တစ်ရက် နှစ်ရက် အတွင်း ထုတ်ပြန်သွားမယ်လို့ နိုင်ငံတော် သမ္မတရုံးက ပြောပါတယ်။

နန်နင်းမြို့မှာ ကျင်းပမယ့် ကုန်စည် ပြပွဲကို တက်ရောက်ဖို့ သွားမှာ ဖြစ်ပြီး တရုတ် နိုင်ငံရဲ့ ခေတ်မီ လယ်ယာ စိုက်ပျိုးရေး လုပ်ငန်းနဲ့ စက်မှုဇုံတွေ ကိုလည်း သွားရောက် လေ့လာ မယ်လို့ သမ္မတရုံး ညွှန်ကြား ရေးမှူး ဦးဇော်ဌေးက ဘီဘီစီကို ပြောပါတယ်။

တရုတ် ပြည်သူ့ သမ္မတ နိုင်ငံ အမျိုးသား ပြည်သူ့ ကွန်ဂရက် ဥက္ကဌ မြန်မာ နိုင်ငံကို ရောက်လာ ပြီးချိန်မှာ သမ္မတ ဦးသိန်းစိန်က တရုတ် နိုင်ငံကို သွားတဲ့ အတွက် ဒီ ခရီးစဉ် နှစ်ခု ဆက်စပ်မှု ရှိမရှိ ဘီဘီစီက မေးတာနဲ့ ပတ်သက်လို့တော့ နှစ်နိုင်ငံ ညှိနှိုင်း ဆောင်ရွက်တဲ့ အနေ အထား ရှိတယ်လို့ သူက ပြောပါတယ်။

စက်တင်ဘာလ ၂၄ ရက်နေ့မှာ စတင်မယ့် အမေရိကန် ခရီးစဉ် မတိုင်ခင် တရုတ် နိုင်ငံကို သွားတာဟာ ကမ္ဘာ့ နိုင်ငံတွေ အားလုံးနဲ့ ကောင်းမွန်တဲ့ ဆက်ဆံရေး ထူထောင်ဖို့ ဆိုတဲ့ မြန်မာ နိုင်ငံရဲ့ နိုင်ငံခြားရေး မူဝါဒ အရ သွားတာ ဖြစ်တယ်လို့ ဆိုပါတယ်။

သမ္မတ ဦးသိန်းစိန် သမ္မတ ရာထူး စတင် ရယူခဲ့ချိန် တရုတ် သမ္မတ ဟူဂျင်တောင်း ရဲ့ ဖိတ်ကြားချက် အရ တရုတ်နိုင်ငံကို ပထမဆုံး အကြိမ် သွားခဲ့စဉ်က အိမ်နီးချင်း တရုတ် နိုင်ငံနဲ့ မြန်မာ နိုင်ငံကြားမှာ မဟာ ဗျူဟာမြောက် ပူးပေါင်း ဆောင်ရွက်ရေး မိတ်ဘက် အဆင့်ကို မြှင့်တင်ခဲ့တယ်လို့ ဦးဇော်ဌေးက ပြောပါတယ်။

အရင်က ကမ္ဘာ့ နိုင်ငံတွေကြား အထီးကျန် ဖြစ်နေခဲ့တဲ့ မြန်မာ နိုင်ငံဟာ သမ္မတ ဦးသိန်းစိန် လက်ထက်မှာ မြန်မာ့ နိုင်ငံခြားရေး မူဝါဒ အတိုင်း ဆက်ဆံရေး ပွင့်လင်း ကောင်းမွန်အောင် လုပ်ဆောင် လာတဲ့ အတွက် အမေရိကန် ပြည်ထောင်စု၊ အနောက်နိုင်ငံ တို့နဲ့ ဆက်ဆံရေး ပိုင်းမှာ ပိုမို မြှင့်တင် ဆောင်ရွက်လာတာလို့ သူက ပြောပါတယ်။

တရုတ် နိုင်ငံဟာ မြန်မာ နိုင်ငံရဲ့ အိမ်နီးချင်း၊ စီးပွားရေး မိတ်ဘက် ဖြစ်ပြီး မဟာဗျူဟာမြောက် မိတ်ဘက် နိုင်ငံ ဖြစ်သလို အမေရိကန်နဲ့ အီးယူ တို့ကလည်း မိတ်ဘက်တွေပါပဲလို့ သမ္မတရုံး ညွှန်ကြားရေးမှူးက ပြောပါတယ်။

ပါကစ္စတန် အထည်ချုပ် စက်ရုံ မီးလောင်မှု လူ ၂၀၀ ကျော် သေဆုံး

စက်ရုံရဲ့ ပြတင်းပေါက်တွေကို သံတိုင်တွေ တပ်ထားတာ ဖြစ်ပါတယ်

ပါကစ္စတန်နိုင်ငံ အကြီးဆုံးမြို့ဖြစ်တဲ့ ကရာချိက အထည်ချုပ် စက်ရုံတခုမှာ မီးလောင်မှု ဖြစ်ပွား ခဲ့တဲ့ အတွက် လူပေါင်း ၂၀၀ ကျော် သေဆုံး သွားပါတယ်။

ဒီမီးလောင်မှုဟာ ပါကစ္စတန်မှာ အဆိုးဝါးဆုံး စက်ရုံ မီးလောင်မှု တခု ဖြစ်ပါတယ်။ ကယ်ဆယ်ရေး အဖွဲ့တွေဟာ အထပ် ၄ ထပ် ရှိတဲ့ ဒီစက်ရုံရဲ့ အပေါ်ထပ် ပိုင်းနဲ့ မြေအောက်ခန်း တွေဆီကို ဝင်လို့ရအောင် မနည်း ကြိုးစားဆောင်ရွက် ခဲ့ရပါတယ်။

အင်္ဂါနေ့ ညဦးပိုင်း ကနေ စတင် လောင်ကျွမ်းလိုက်တဲ့ မီးဟာ တညလုံး အရှိန် ကောင်းကောင်းနဲ့ လောင်ကျွမ်း နေခဲ့တာ ဖြစ်ပါတယ်။

လူတွေဟာ အပေါ်ထပ် ပြတင်းပေါက် တွေကနေ လက်တွေ ပြပြီး အကူအညီ တောင်းခံနေတာတွေနဲ့ တချို့ကလည်း အမိုးပေါ်ကနေ အောက်ကို ခုန်ချခဲ့ ကြတာကို တွေ့မြင်ခဲ့ ရတယ်လို့ မျက်မြင် တွေ့ရှိ သူတွေက ပြောပါတယ်။

စက်ရုံရဲ့ ပြတင်းပေါက်တွေကို သံတိုင်တွေ တပ်ထားတာ ဖြစ်ပြီး၊ အရေးပေါ် ထွက်ပေါက် ဆိုတာမျိုးလည်း မရှိသလို၊ လုံခြုံရေး ဆောင်ရွက်ထားချက် တစုံတရာ မတွေ့ရဘူးလို့ ပါကစ္စတန် အရာရှိတဦးက ပြောပါတယ်။

လက်ပံတောင်း ကြေးနီ စီမံကိန်းကို ဆက်ကန့်ကွက်

မြန်မာနိုင်ငံမှာ လယ်ယာမြေ အသိမ်းခံရမှု ပြဿနာ ဟာ ကြီးထွား လာနေပါတယ်

လက်ပံတောင်းတောင် ကြေးနီ စီမံကိန်းကို ကန့်ကွက် ဆန္ဒပြမှုတွေ ဗုဒ္ဓဟူးနေ့မှာလည်း ဆက်လက် ဖြစ်ပွားခဲ့ပါတယ်။

အာဏာပိုင်တွေ ဖမ်းဆီးထားတဲ့ ကိုဝေဠုနဲ့ ဝက်မှေး ကျေးရွာသူ သုံးယောက်ကို လွှတ်မပေးတဲ့ အပြင် စီမံကိန်းနဲ့ ပတ်သက်ပြီး နောက်ထပ် ရှေ့တိုး ဆောင်ရွက်မှုတွေကြောင့် ရွာသားတွေ ဘက်က ဆက်လက် ဆန္ဒပြခဲ့ကြတာ ဖြစ်ပါတယ်။

စစ်ကိုင်းတိုင်း ဝန်ကြီးချုပ် ဦးသာအေးလည်း ကြေးနီ စီမံကိန်း ရှိရာကို လာရောက်ခဲ့တဲ့ အတွက် ဒေသခံ ကျေးရွာသားတွေက သူတို့ ခံစား နေရတာတွေနဲ့ ပတ်သက်ပြီး၊ ထုတ်ဖေါ် ဆန္ဒပြ ခဲ့တဲ့လို့လည်း သိရပါတယ်။

ဗုဒ္ဓဟူးနေ့ နေလည်ပိုင်းမှာတော့ ရွာ ၁၂ ရွာက ရွာသား ၃၀၀ ကျော်ဟာ အစည်းအဝေး ထိုင်ပြီး ကြေညာချက်တစောင် ထုတ်ပြန်ခဲ့ရာမှာ ပြည်သူလူထု အများစုကို ထိခိုက်နိုင်တဲ့ အတွက် ဒီစီမံကိန်း လုံးဝ ရပ်ဆိုင်းရေးကို အတည်ပြု ဆုံးဖြတ်ခဲ့ကြောင်း ဖေါ်ပြထား ပါတယ်။

ယာ ၈ ဧက အသိမ်းခံထားရတဲ့ လယ်သမားတဦး ကလည်း ဘီဘီစီကို ပြောပြရာမှာ ဒီကြေးနီ စီမံကိန်း စပြီး ၈ လလောက် အကြာမှာ ရွာရေတွင်းက ရေတွေဟာ ငံလာတဲ့ အတွက် သောက်ရေ အဖြစ် အသုံးပြုလို့ မရတော့ကြောင်း ရှင်းပြပါတယ်။

ဗမာနိုင်ငံလုံး ဆိုင်ရာ ကျောင်းသား သမဂ္ဂများ အဖွဲ့ချုပ် အဖွဲ့ဝင်တွေလည်း မုံရွာမြို့ဆီကို နယ်အသီးသီး ကနေ ရောက်လာကြ သလို၊ ၈၈ မျိုးဆက် ကျောင်းသားများ အဖွဲ့ကလည်း မုံရွာကို လာနေကြပြီလို့ သိရပါတယ်။

အမျိုးသား ဒီမိုကရေစီအဖွဲ့ချုပ်ရဲ့ ဒေသခံ ခေါင်းဆောင် ကဗျာဆရာ မုံရွာ ဦးအောင်ရှင်နဲ့ ပုလဲမြို့ အမျိုးသား ဒီမိုကရေစီ အဖွဲ့ချုပ် လွှတ်တော် ကိုယ်စားလှယ် ဒေါ်ခင်စန်းလှိုင် တို့လည်း ရဲနဲ့ သွားရောက် ဆွေးနွေးခဲ့တယ်လို့ သိရပါတယ်။

လစ်ဗျား- အမေရိကန်သံရုံး တိုက်ခိုက်မှု ကြိုတင်ကြံစည်မှုဖြစ်နိုင်

အမေရိကန် သံအမတ်ကြီး J. Christopher Stevens နဲ့ ၀န်ထမ်းသုံးဦး သေဆုံးခဲ့တဲ့ လစ်ဗျားနိုင်ငံ အရှေ့ဘက် Benghazi မြို့က တိုက်ခိုက်မှုဟာ အမေရိကန် ဆန့်ကျင်သူတွေရဲ့ ဒေါသထွက် တိုက်ခိုက်မှုထက် ကြိုတင်စီစဉ် တိုက်ခိုက်မှု ဖြစ်နိုင်တယ်လို့ အစိုးရ တာဝန်ရှိသူတွေက ပြောပါတယ်။

အမေရိကန်ကောင်စစ်ဝန်ရုံးကို အင်္ဂါနေ့နှောင်းပိုင်းက လူစုလူဝေးနဲ့ ၀င်ရောက် စီးနင်းမှုတွေမှာ ဒုံးကျည်ရော့ကက်တွေ ကိုင်ဆောင်ထားသူတွေနဲ့အတူ လက်နက်ကိုင်တွေနဲ့ ပူးပေါင်း စီစဉ် ထားပုံရတယ်လို့ ပြောဆိုခဲ့ကြတာပါ။ ဒါပေမဲ့လည်း အမေရိကန်မှာ စက်တင်ဘာ ၁၁ ရက် အကြမ်းဖက် တိုက်ခိုက်မှုတွေ ဖြစ်ပွားခဲ့တဲ့ ၁၁ နှစ်ပြည့်အချိန်နဲ့ တိုက်ဆိုင်ပြီး တိုက်ခိုက်ခဲ့တာ ဟုတ်မဟုတ်ဆိုတာကို ပြောဖို့ကတော့ စောသေးတယ်လို့လည်း ပြောခဲ့ကြတာပါ။

လစ်ဗျား အစိုးရ တာဝန်ရှိသူတွေကတော့ အမေရိကန်သံအမတ်ကြီးနဲ့ ၀န်ထမ်းသုံးဦးသေဆုံးခဲ့တဲ့ တိုက်ခိုက်မှု ဖြစ်စဉ်အတွင်း လူအုပ်က ကောင်စစ်ဝန်ရုံးကို စီးနင်းမီးတင်ရှို့ခဲ့ရာက အနီးအနား က ဘေးလွတ်ရာ အိမ်တအိမ်ကို တိမ်းရှောင်ခဲ့ပြီး နောက်ပိုင်းမှာ ရော့ကက်လောင်ချာတွေနဲ့ ပစ်ခတ်ခံခဲ့ရတာလို့ ဆိုပါတယ်။ အမေရိကန် တာဝန်ရှိ သူတွေကတော့ ဒီဖြစ်စဉ်ကို အတည် မပြုသေးပါဘူး။

အစ္စလာမ် ဘာသာဝင်တွေ အထွတ်အမြတ်ထားတဲ့ တမန်တော် မိုဟာမက်ကို စော်ကားတယ်လို့ဆိုတဲ့ အပျော်တမ်း ဗွီဒီယိုဇာတ်လမ်းတခုကို အမေရိကန်က ထုတ်လုပ်ခဲ့တယ်လို့ စွပ်စွဲပြီး ဒေါသထွက်နေကြ တဲ့ ဆန္ဒပြသူတွေ ကောင်စစ်ဝန် ရုံးကို ပစ်ခတ်၊ မီးရှို့တိုက်ခိုက်ခဲ့ကြတာပါ။ သေဆုံးသွားတဲ့ သံ အမတ်ကြီး Stevens ဟာ အမေရိကန် ၀ါရင့်သံတမန် တဦးလည်းဖြစ်၊ ဒေသတွင်းမှာ အတွေ့အကြုံ ကြီးမားသူတဦးလည်း ဖြစ်ပြီး မေလကစလို့ ထရီပိုလီမြို့တော်မှာ စတင် တာဝန်ယူခဲ့တာပါ။

သူအပါအ၀င် အမေရိကန် နိုင်ငံသားလေးယောက် သတ်ဖြတ်ခံရတဲ့အပေါ်မှာ သမ္မတ Barak Obama က အပြင်းအထန် ရှုတ်ချခဲ့ပြီး တိုက်ခိုက်သူတွေကို လိုက်လံရှာဖွေပြီး တရားဥပဒေ ရှေ့မှောက်မှာ စီရင်မယ်လို့လည်း ပြောခဲ့တာပါ။ အိမ်ဖြူတော်မှာ နိုင်ငံခြားရေးဝန်ကြီး ဟီလာရီ ကလင်တန်နဲ့အတူ ဗုဒ္ဓဟူးနေ့က ပြောဆိုရာမှာတော့ ကမ္ဘာတ၀ှန်းက အမေရိကန်သံရုံးတွေမှာ လုံခြုံရေး တိုးမြှင့်ဖို့ ညွှန်ကြားထားကြောင်းလည်း သမ္မတက ပြောသွားပါတယ်။

လစ်ဗျားနိုင်ငံမှာရှိတဲ့ အမေရိကန် သံတမန်ဆိုင်ရာ အဆောက်အဦးတွေမှာ လုံခြုံရေး တိုးမြှင့်ဖို့ ကမ်းတပ် မရိန်းစစ်သည် ၅၀ စေလွှတ်ခဲ့ကြောင်းလည်း အမေရိကန် တာဝန်ရှိသူတွေက ပြော ပါတယ်။ ၀န်ကြီး ကလင်တန်ကတော့ သေဆုံး သွားသူ သံအမတ်ကြီး ဟာ လစ်ဗျားလူထုအတွက် လွတ်လပ်တဲ့ တိုင်းပြည်တခု ထူထောင်ဖို့ အကူအညီပေးရင်း သူ့အသက်အန္တရာယ်ကို အထိခိုက်ခံ ခဲ့သူလို့ ရည်ညွန်း ပြောဆိုခဲ့တာပါ။

ဒီတိုက်ခိုက်မှုကြောင့် အမေရိကန်နဲ့လစ်ဗျား ဆက်ဆံရေးကို ထိခိုက်ခံမှာမဟုတ်သလို ဒီမိုကရေစီ တိုင်းပြည်အဖြစ် အသွင်ကူးပြောင်းရေးလုပ်ငန်းစဉ်ကို မျက်နှာလွှဲသွားမှာ မဟုတ်ဘူးလို့လည်း ပြောဆို သွားပါတယ်။

Tunisia မြို့တော်မှာရှိတဲ့ အမေရိကန်သံရုံး မှာ ဗုဒ္ဓဟူးနေ့က ဆန္ဒပြသူ ရာပေါင်း များစွာကို ရဲတွေက မျက်ရည်ယိုဗုံးတွေနဲ့ ပစ်ခတ် လူစုခွဲခဲ့တာပါ။ အင်္ဂါနေ့က အီဂျစ်နိုင်ငံ၊ ကိုင်ရိုမြို့မှာလည်း ဆန္ဒပြ သူတွေက သံရုံးကို ၀င်ရောက် စီးနင်းပြီး အမေရိကန် အလံကိုဖြုတ်ချခဲ့ကြပါတယ်။

မြန်မာ လွှတ်တော် ကိုယ်စားလှယ်အဖွဲ့ အမေရိကန် အုပ်ချုပ်ပုံစနစ် လာရောက်လေ့လာ

မြန်မာနိုင်ငံက လွှတ်တော်ကိုယ်စားလှယ် ၈ ဦး ပါဝင်တဲ့ အဖွဲ့တဖွဲ့ဟာ အမေရိကန်ပြည်ထောင် စုမှာ လေ့လာရေးခရီးစဉ်တခုနဲ့ ရောက်နေပါတယ်။ အမေရိကန်ပြည်ထောင်စု ကွန်ဂရက် လွှတ်တော်ရဲ့ လုပ်ငန်း လုပ်ဆောင်ပုံတွေ၊ အမေရိကန်အုပ်ချုပ်ရေးစနစ်အကြောင်း၊ အစိုးရ မဟုတ်တဲ့အဖွဲ့အစည်းတွေနဲ့ အုပ်ချုပ်ရေးစနစ်၊ ကွန်ဂရက်လွှတ်တော်တို့ အကြား ဘယ်လို ဆက်စပ် လုပ်ဆောင်ကြတယ် စတာတွေကို လေ့လာပြီးတော့ မြန်မာနိုင်ငံရဲ့ နိုင်ငံရေး ဖြစ်ပေါ် တိုးတက်မှုမှာ ဘယ်လိုပြန်ပြီး အသုံးချနိုင်မယ်ဆိုတာကို ဆွေးနွေးဖို့ဖြစ်ပါတယ်။ ဒီခရီးစဉ် အတွင်း အမေရိကန် ကွန်ဂရက်လွှတ်တော်အမတ်တွေနဲ့ တွေ့ဆုံဖို့ရှိတဲ့ထဲမှာ အထက် လွှတ်တော်အမတ် ဂျင်မ် ၀က်ဘ် (Jim Webb) လည်း ပါဝင်ပါတယ်။ ကိုယ်စားလှယ်အဖွဲ့ ခေါင်းဆောင် ပြည်သူ့လွှတ်တော်ကိုယ်စားလှယ် ဦးတီခွန်မြတ်ကို သူတို့ရဲ့ ခရီးစဉ်နဲ့ ပတ်သက် ပြီး ကိုကျော်ကျော်သိန်းက ဆက်သွယ် မေးမြန်းထားပါတယ်။

ဦးတီခွန်မြတ်၊ အခု လွှတ်တော်နှစ်ရပ်ပေါင်းက ကိုယ်စားလှယ် ၈ ဦး အမေရိကန်ပြည်ထောင်စု ကို ပထမဦးဆုံးအကြိမ်အဖြစ် လေ့လာရေးခရီးစဉ်အဖြစ် လာရောက်တယ်လို့ ကျနော် နားလည် ထားပါတယ်။ ဒီခရီးစဉ်မျိုး အရင်တုန်းက မရှိခဲ့ဖူးပါဘူး။ ဦးတီခွန်မြတ်တို့ ကိုယ်စားလှယ်အဖွဲ့ဟာ ပထမဆုံးပါပဲ။ ဆိုတော့ ဒီခရီးစဉ်နဲ့ပတ်သက်ပြီးတော့ ဦးတီခွန်မြတ်အနေနဲ့ ဘယ်လို မျှော်လင့် ချက်တွေ ရှိထားပါလည်းခင်ဗျာ။“ဒီခရီးစဉ်ဟာ ကျနော်တို့အတွက် အများကြီး အထောက်အကူပြုပါတယ်ခင်ဗျာ။ သူတို့ လုပ်ပုံ ကိုင်ပုံနဲ့ သူတို့ရဲ့ အားထည့်ပုံတွေကတော့ တကယ် စံယူဖို့ အများကြီး လိုအပ်ပါတယ်။ ကျနော် တို့ လေ့လာစရာတွေ အများကြီး ရှိပါတယ်ခင်ဗျာ။ နိုင်ငံတော်အတွက်ရော၊ လွှတ်တော်အတွက် ရော အကျိုးရှိမှာပါခင်ဗျာ။”

ဟုတ်ကဲ့၊ အမေရိကန်နိုင်ငံက ကျနော်နားလည်သလောက် ဒီမိုကရေစီ အခိုင်အမာ ကျင့်သုံး တည်ဆောက်နေတဲ့ နိုင်ငံကြီးတခုဖြစ်ပါတယ်။ ဒီလိုနိုင်ငံကို မြန်မာနိုင်ငံက လွှတ်တော်ကိုယ် စားလှယ်တွေ ဒီနိုင်ငံရဲ့ ကွန်ဂရက်လွှတ်တော်အကြောင်း၊ အုပ်ချုပ်ရေးစနစ်တွေအကြောင်း၊ လွှတ်တော်ရယ်၊ အစိုးရရယ်၊ အစိုးရမဟုတ်တဲ့အဖွဲ့အစည်းတွေရယ်အကြား ဆက်စပ် လုပ်ဆောင်ပုံတွေအကြောင်းကို လာပြီးတော့ လေ့လာရတဲ့အတွက်၊ တွေ့ဆုံဆွေးနွေးပြောခွင့်ရ တဲ့အတွက် ဒီလိုသိရတဲ့အချက်တွေကို မြန်မာနိုင်ငံမှာ ဘယ်လို ပြန်ပြီးတော့ အသုံးချနိုင်မယ်လို့ ရော ပြောလို့ရပါမလည်းခင်ဗျာ။“ဒီအဖွဲ့ဟာ ၈ ယောက်စလုံး ကျနော်တို့ပြန်သွားရင် အဲဒီအပေါ်မှာ ကျနော်တို့ တွေ့ရှိချက် အစီရင်ခံစာကို အသေးစိတ် ကျနော်တို့ အရင် တင်ပြမှာဖြစ်ပါတယ်။ အဲဒါပြီးတော့ လွှတ်တော် မှာပဲ ကျနော်တို့ ဒါတွေကို ဆွေးနွေးပြမှာဖြစ်ပါတယ်။ ဒီကနေတဆင့်တော့ ကျနော်တို့ ဒီကနေ အတုယူစရာလေးတွေ၊ ကျနော်တို့နိုင်ငံမှာလည်း အများကြီးရှိတယ်ဆိုတဲ့အကြောင်း အားလုံး သိလာမှာဖြစ်ပါတယ်။”

ဦးတီခွန်မြတ်တို့ အခုခရီးစဉ်မှာ တွေ့ဆုံ ဆွေးနွေးဖို့ရှိတာတွေ၊ ဆောင်ရွက်ဖို့ရှိတာတွေကို အကျဉ်းရုံးပြောပြပါလားခင်ဗျာ။“ကျနော်တို့ကို ဖိတ်တာကတော့ Senator ဂျင်မ် ၀က်ဘ်နဲ့ Senator အင်ဟော့ဖ် (James Inhofe) နှစ်ဦးဖြစ်ပါတယ်။ Arrangement လုပ်ပေးတာကတော့ ဒေါက်တာ ကားလ် ဂျက်ဆင် (Karl Jackson) ဖြစ်ပါတယ်။ ပြီးရင် sponsor လုပ်တာကတော့ Johns Hopkins University က ဖြစ်ပါတယ်။ ကားလ် ဂျက်ဆင်ရဲ့ စီစဉ် ဆောင်ရွက်မှုကြောင့် ကျနော်တို့ ဒီကို ရောက်လာရ ခြင်းပဲဖြစ်ပါတယ်။“ဒီမှာရောက်တော့ ကျနော်တို့ ကွန်ဂရက်ထဲမှာ ကော်မတွေရဲ့ လုပ်ငန်းဆောင်တာများကို Round Tabel Talk အနေနဲ့ ဆွေးနွေးပါတယ်။ ကျနော်တို့ သူတို့ဆီက အများကြီး ရယူခဲ့ပါ တယ်။ ကျနော်တို့ မရှင်းလင်းတဲ့ အချက်တွေကိုလည်းမေးတော့ စိတ်ရှည်လက်ရှည်နဲ့ သူတို့ ရှင်းပြတာကို ကျနော်တို့ တအား သဘောကျပါတယ်ခင်ဗျာ။” အမေရိကန်ပြည်ထောင်စုရောက်နေတဲ့ မြန်မာ လွှတ်တော်ကိုယ်စားလှယ်အဖွဲ့ခေါင်းဆောင် ပြည်သူ့လွှတ်တော်ကိုယ်စားလှယ် ဦးတီခွန်မြတ်ပါ။မြန်မာလွှတ်တော်ကိုယ်စားလှယ်အဖွဲ့ဟာ လာမယ့် သောကြာနေ့ထိ လှည့်လည် လေ့လာကြမှာ ဖြစ်ပြီး စနေနေ့မှာ မြန်မာနိုင်ငံဆီ ပြန်လည်ထွက်ခွာမှာဖြစ်ပါတယ်။