12.09.2012 နေ့ဖတ်ရန်သတင်းများ

by Myanmar Journal on Tuesday, September 11, 2012 at 4:49pm ·

OIC နဲ့ နယ္စပ်ရေးရာ ဝန်ကြီးဌာန သေဘာတူ လက္မွတ္ထိုး

လူသားချင်း အကူအညီပေးဖို့ ရခိုင်ဒေသကို OIC အဖွဲ့ဝင်တွေ လာရောက်

ရခိုင်ပြည်နယ်မှာ လူသားချင်း စာနာမှု အကူအညီပေးရေးအတွက် အစ္စလာမစ် နိုင်ငံများ ပူးပေါင်းဆောင်ရွက်ရေးအဖွဲ့ OIC နဲ့ နယ်စပ်ရေးရာ ဝန်ကြီးဌာနတို့ နားလည်မှု စာချွန်လွှာ လက်မှတ်ရေးထိုး လိုက်ပြီဖြစ် ပါတယ်။

ရခိုင်ပြည်နယ်က ဒုက္ခသည်တွေ ဘာလိုအပ်နေ သလဲဆိုတာ သိဖို့ OIC အဖွဲ့ဝင် ၇ဦး ရခိုင်ပြည်နယ် ကို သွားရောက် လေ့လာခဲ့ အပြီးမှာ အခုလို လက်မှတ် ရေးထိုးလိုက်တာပါ။

OICရဲ့ ကုလသမဂ္ဂ ဆိုင်ရာ သံအမတ် ဦးဆောင်တဲ့ အဲဒီကိုယ်စားလှယ် အဖွဲ့ဝင်တွေဟာ OIC အထွေထွေ အတွင်းရေးမှူး မြန်မာနိုင်ငံကိုမလာခင်မှာ ရှေ့ပြေးအဖြစ် အခုလို ရောက်ရှိနေတာ ဖြစ်ပါတယ်။

ပြည်ထောင်စု နယ်စပ်ရေးရာဝန်ကြီး ဒုတိယဗိုလ်ချုပ်ကြီး သိန်းဌေး၊ ရခိုင်ပြည်နယ် ဝန်ကြီးချုပ် ဦးလှမောင်တင် တို့နဲ့ တွေ့ဆုံဆွေးနွေးခဲ့တဲ့အပြင် အစ္စလာမ်နဲ့ ရခိုင် ရပ်မိရပ်ဖတွေနဲ့လည်းတွေ့ဆုံခဲ့ပါတယ်။

OIC အဖွဲ့အနေနဲ့ ဖြစ်ပျက်ခဲ့တဲ့ ဖြစ်စဉ် ကိစ္စတွေကို အဓိကမထားလိုပဲ ရခိုင်ဒေသက ဒေသခံတွေ လိုအပ်နေတဲ့ အကူအညီတွေကို ပေးနိုင်ဖို့ကိုသာ အဓိက သိလိုတယ်လို့ ပြောကြောင်း ရခိုင်ပြည်နယ်အစိုးရ ပြောရေးဆိုခွင့်ရှိသူ ဥက္ကဌ ဦးလှသိန်းက ဘီဘီစီကို ပြောပြပါတယ်။

ဒေသခံလယ်သမားတွေကတော့ စပါး ရိတ်သိမ်းချိန် ရောက်နေပြီမို့ အသေးစား ကောက်ရိတ်သိမ်းစက်တွေ၊ ချွေလှည့်စက်တွေ လိုအပ်နေကြောင်း OIC အဖွဲ့ဝင်တွေကို တင်ပြခဲ့တယ်လို့ ဆိုပါတယ်။

ရခိုင်ပြည်နယ်မှာ အိုးမဲ့အိမ်မဲ့ ဖြစ်နေသူ ဒုက္ခသည် ၇ သောင်းကျော် ရှိနေပြီး နေရပ်ပြန်နိုင်ရေးအတွက် အချိန်ယူ လုပ်ရဦးမယ်လို့လည်း ဦးလှသိန်းက ပြောပါတယ်။

 ည မထွက်ရ အချိန် ကျော်ပြီး အပြင် ထွက်သူ လူငယ် ပျောက်နေ

စစ်တွေ မြို့မှာ ည မထွက်ရ အမိန့် ခုချိန်ထိ မရုပ် သိမ်းသေး

စစ်တွေမြို့မှာ ည မထွက်ရ သတ်မှတ်ချိန်ထက် နောက်ကျပြီး အိမ်ပြန် လာတဲ့ လူငယ် တစ်ဦးကို တနင်္လာနေ့က လုံထိန်း တပ်ဖွဲ့က သေနတ်နဲ့ ခြောက်လန့် ပစ်ခတ် ဖမ်းဆီးပြီး၊ ပြင်းပြင်း ထန်ထန် ရိုက်ပုတ် ခဲ့ ပြီးတဲ့ နောက် အဲဒီလူငယ် ပျောက်ဆုံး နေတယ်လို့ ဒေသခံ တွေက ပြောပါတယ်။

စစ်တွေ ဆေးရုံကြီး မှာ ဆေးရုံတက်နေတဲ့ သူ့မိခင် ဖြစ်သူကို သွားတွေ့ပြီး အဲဒီ လူငယ် အိမ်ပြန် လာချိန်ဟာ ညမထွက်ရ အမိန့် ထုတ်ပြန်ထားတဲ့ အချိန် ည ၇ နာရီ ကျော်နေတဲ့ အတွက် လုံထိန်း တပ်ဖွဲ့က တားဆီး ရာမှာ သူက ကြောက်လန့်ပြီး ထွက်ပြေးခဲ့ ပါတယ်။

 အဲဒီနောက် လုံထိန်း အဖွဲ့က သေနတ်နဲ့ ခြောက်လှန့် ပစ်ခတ်ပြီးတဲ့ နောက် လူငယ်ကို ဖမ်းမိ သွားပြီး ပြင်းပြင်း ထန်ထန် ရိုက်နှက်တာ တွေ့မြင်ရတယ်လို့ မောလိပ် ရပ်ကွက်က မျက်မြင် သက်သေ အမျိုးသမီး တစ်ဦးက ပြောပါတယ်။

အခု ချိန်ထိ အဲဒီလူငယ်ဟာ ပျောက်ဆုံး နေပြီး ဘယ်ကို ရောက်နေမှန်း မသိဘူးလို့ သူရဲ့ ဆွေမျိုး တွေက ပြောပါတယ်။

မျက်မြင် အမျိုးသမီး ကတော့ လူငယ်ကို စစ်တွေမြို့ မောလိပ် ရပ်ကွက်မှာ ရှိတဲ့ ဆန်ဆိုင် နားကနေ လုံထိန်းတွေက ဖမ်းဆီး ခေါ်ဆောင် သွားတာ ကိုယ်တိုင် မြင်လိုက်တယ်လို့ ဘီဘီစီကို အခိုင်အမာ ပြော ပါတယ်။

စစ်တွေမြို့ အမှတ် (၁) ရဲစခန်းကို ဆက်သွယ် မေးမြန်းတဲ့ အခါ သူတို့ဆီကို လွှဲပြောင်း ပေးအပ်ခြင်း မရှိဘူး လို့ ရဲစခန်းက ပြောပါတယ်။

တခြား သက်ဆိုင်ရာ အစိုးရ အရာရှိ တွေကို ဘီဘီစီက ဆက်သွယ်ခဲ့ ပေမဲ့ အခုချိန်ထိတော့ မအောင်မြင် သေးပါဘူး။

စစ်တွေမှာ ပုဒ်မ ၁၄၄ ထုတ်ထားတဲ့ အတွက် ည ၇ နာရီကနေ နံနက် ၆ နာရီထိ အပြင် ထွက်သွားလာ တာကို ကန့်သတ် ထားတဲ့အတွက် ချိုးဖေါက်သူ တွေကို ဖမ်းဆီး အရေး ယူမူတွေ မကြာခဏ ဖြစ်လေ့ ရှိခဲ့ ပေမယ့် တည်ငြိမ် အေးချမ်း စပြုနေတဲ့ အခု အချိန်မှာ ဒီဖြစ်ရပ်ဟာ စစ်တွေမှာ ပထမ အကြိမ် လို့ ပြောနိုင်ပါတယ်။

 ကြေးနီ စီမံကိန်း ဆန္ဒပြသူတချို့ အဖမ်းခံထားရာကနေ ပြန်လွတ်

 လက်ပံတောင်း ကြေးနီ စီမံကိန်း မြေယာ သိမ်းဆည်းမှုအပေါ် ဆန္ဒပြမှုတွေ ဆက်ဖြစ်နေဆဲ

လက်ပံတောင်း ကြေးနီ စီမံကိန်း မြေယာ သိမ်းဆည်းမှုတွေအပေါ် ဆန္ဒပြခဲ့မှုတွေနဲ့ ဆက်နွယ်ပြီး ဖမ်းဆီးထားသူ ဒေသခံ အမျိုးသမီး ၁၂ဦးအနက် ၉ဦးကို အာဏာ ပိုင်တွေက ပြန်လွှတ်ပေးလိုက်ပါတယ်။

တနင်္လာနေ့က မုံရွာ ဆုတောင်းပြည့်ဘုရားမှာ ဆားလင်းကြီးဘက်က လာဝတ်ပြု ဆုတောင်းတဲ့ အဲဒီ အမျိုးသမီးတွေကို ဖမ်းခဲ့ပြီး ည၁၂နာရီလောက်မှာ ၉ဦးကိုပြန်လွှတ်ပေးလိုက်တာပါ။

မသွဲ့သွဲ့ဝင်း၊ မအေးနက်၊ မဖြူဖြူဝင်းတို့ကိုတော့ ဆက်လက် ဖမ်းထားဆဲ လို့သိရပါတယ်။

သူတို့ ၃ဦး အပါအ၀င် သြဂုတ်လ ၃၁ရက်ညက အဖမ်းခံထားရတဲ့ လယ်သမားအရေး ကူညီသူ ရန်ကုန် ပြည်သူ့ အကျိုးဆောင် ကွန်ယက်က ကိုဝေဠုတို့ လွတ်မြောက်ရေးအတွက် ဆားလင်းကြီး ရဲစခန်းရှေ့မှာ ဒေသခံ ၇၀၀ကျော် ဆန္ဒပြခဲ့ကြသလို မုံရွာမြို့မှာလည်း တက်ကြွလှုပ်ရှားသူတွေက ဆန္ဒပြခဲ့ကြပါတယ်။

မုံရွာ တဖက်ကမ်း ဆားလင်းကြီးမြို့နယ်က လက်ပံတောင်းတောင် ကြေးနီ စီမံကိန်းကို လုပ်ပိုင်ခွင့်ရထားတဲ့ မြန်မာ့စီးပွားရေး ဦးပိုင်နဲ့ တရုတ်အမျိုးသားပိုင် ဝမ်ပေါင်ကုမ္ပဏီတို့ကနေ လယ်မြေဧကပေါင်း ၇ထောင်ကျော်ကို တန်ရာတန်ကြေး မပေးဘဲ သိမ်းယူထားခဲ့တာအပြင် ဒီစီမံကိန်းကြောင့် သဘာဝ ပတ်ဝန်းကျင် ပျက်စီးတယ်ဆိုပြီး စီမံကိန်း ရပ်တန့်ပေးဖို့ ဒေသခံတွေ တောင်းဆိုနေတာကို သက်ဆိုင်ရာက ဖြေရှင်းမပေးဘဲ တောင်းဆို ဆန္ဒပြသူတွေကို ဖမ်းဆီးခဲ့လို့ ခုလို ဆန္ဒပြမှုတွေကြီးထွားလာတာ ဖြစ်ပါတယ်။

 အငြင်းပွားနေတဲ့ ကျွန်းစုတွေဆီ တရုတ်ကင်းလှည့်ယာဉ် စေလွှတ်

အငြင်းပွားနေတဲ့ ကျွန်းစုတွေ ကိစ္စကြောင့် တရုတ်နဲ့ ဂျပန် ဆက်ဆံရေး တင်းမာလာ

တရုတ်နိုင်ငံကရော ဂျပန်နိုင်ငံကပါ သူပိုင်ကိုယ်ပိုင် အငြင်းပွားနေတဲ့ အရှေ့တရုတ် ပင်လယ်ပြင်က လူမနေတဲ့ ကျွန်းစုတွေနားဆီ တရုတ်အစိုးရက ကင်းလှည့်ယာဉ် နှစ်စင်း စေလွှတ်လိုက်ပါတယ်။

ဂျပန်က ဆဲန်ကာကူလို့ ခေါ်ပြီး တရုတ်က ဒေါင်ယူလို့ အမည်ပေးထားတဲ့ အဲဒီ ကျွန်းစုတွေအပေါ် တရုတ် နိုင်ငံက အချုပ်အခြာ အာဏာပိုင်ကြောင်း ပြဖို့ တရုတ်အစိုးရက ပြင်ဆင်ထားတယ်လို့ ရှင်ဝါ တရုတ်အစိုးရ သတင်းအေဂျင်စီ မှာ ဖေါ်ပြထားပါတယ်။

ဂျပန် သတင်းမီဒီယာတွေထဲမှာတော့ ဂျပန် အစိုးရဟာ အဲဒီကျွန်းစုတွေကို ပုဂ္ဂလိက ပိုင်ဆိုင်သူတွေဆီကနေ ဝယ်ဖို့ သဘောတူစာချုပ်တခုကို လက်မှတ်ရေးထိုးခဲ့ပြီး ဖြစ်ကြောင်းနဲ့ ဂျပန်အစိုးရမှာ ငြိမ်းချမ်းရေး ရည်ရွယ်ချက်သာ ရှိကြောင်း ဖေါ်ပြထားပါတယ်။

ဒီကိစ္စကို ကန့်ကွက်ဖို့ တရုတ်အစိုးရက တရုတ်နိုင်ငံ ဆိုင်ရာ ဂျပန် သံအမတ်ကြီးကို အစောပိုင်းတုန်းက ဆင့်ခေါ်ခဲ့ပါတယ်။

တရုတ် နိုင်ငံခြားရေး ဝန်ကြီးဌာန ပြောခွင့်ရ ပုဂ္ဂိုလ် Hong lei က ဂျပန် အစိုးရရဲ့ မှားယွင်းတဲ့ ဒီဆုံးဖြတ်ချက်ကြောင့် တရုတ် နိုင်ငံက လူငယ် အမျိုးသား အမျိုးသမီးတွေ အားလုံး အကြီးအကျယ် အမျက် ထွက်နေကြကြောင်း၊ ဒါကို နားလည်နိုင်စွမ်း ရှိကြောင်း၊ တရုတ် ပြည်သူတွေအနေနဲ့ သူတို့ရဲ့ မျိုးချစ်စိတ်ကို ထိန်းထိန်းသိမ်းသိမ်း ဖေါ်ထုတ်ပြမယ်လို့ပဲ မျှော်လင့်ရပါကြောင်း ပြောသွားပါတယ်။

ရခိုင်အရေး အမေရိကန် အစိုးရ စိုးရိမ်

မြန်မာ နိုင်ငံ အနောက်ပိုင်း ရခိုင်ဒေသမှာ မငြိမ်မသက် ဖြစ်ခဲ့မှုတွေနဲ့ ပတ်သက်လို့ အကြီးအကျယ် စိုးရိမ်မိတယ်လို့ မနေ့က တနင်္လာတုန်းက အမေရိကန် အစိုးရက ကြေညာချက် ထုတ်ပြန်ခဲ့ ပါတယ်။

အဲဒီ ဒေသကို အမေရိကန် အဆင့်မြင့် အရာရှိတွေ သွားရောက်ခဲ့ ပြီးတဲ့နောက် အခုလို ကြေညာချက် ထွက်ပေါ်လာတာ ဖြစ်ပါတယ်။

ပြီးခဲ့တဲ့ ဇွန်လတုန်းက လူမျိုးရေး ပဋိပက္ခတွေ ဖြစ်ပွားခဲ့မှုကြောင့် လူအများအပြား သေဆုံးခဲ့ ရပြီး ထောင်သောင်းချီတဲ့ လူတွေ အိုးအိမ်မဲ့ ဖြစ်ခဲ့တဲ့ အဲဒီ ဒေသကို မြန်မာ နိုင်ငံ ဆိုင်ရာ အမေရိကန် သံအမတ်ကြီး ဒဲရစ်ခ် မစ်ချဲလ်နဲ့ လက်ထောက် နိုင်ငံခြားရေး ဝန်ကြီး ဂျိုးဇက်ဖ် ယွန်းတို့ နှစ်ရက်ကြာ သွားရောက် လေ့လာခဲ့တာ ဖြစ်ပါတယ်။

နှစ်ဖက်စလုံးမှာ ထိခိုက် နစ်နာမှုတွေ တွေ့ခဲ့ရပြီး လူတွေ ဒုက္ခရောက်နေတဲ့ အခြေအနေက တကယ့်ကို စိုးရိမ်စရာဘဲလို့ ရန်ကုန်မြို့မှာ ရှိတဲ့ အမေရိကန် သံရုံးက အထက်ပါ ခရီးစဉ် ပြီးတဲ့နောက် ကြေညာချက် ထုတ်ပြန်ခဲ့တာ ဖြစ်ပါတယ်။

 စက်တင်ဘာလ ၁၁ ရက် တိုက်ခိုက်မှု နှစ်ပတ်လည်

၂၀၀၁ ခု အမေရိကန်ပြည်ထောင်စု တိုက်ခိုက်ခံခဲ့ရတဲ့ စက်တင်ဘာ ၁၁ ရက်နေ့ နှစ်ပတ်လည် အောက်မေ့ဖွယ် အခမ်းအနားတွေကို နိုင်ငံတဝှမ်း ဒီနေ့ ကျင်းပခဲ့ကြပါတယ်။

ပြန်ပေးဆွဲထားတဲ့ လေယာဉ်ပျံတွေနဲ့ ဝင်တိုက်ခဲ့ရာ နယူးယောက်မြို့ ကမ္ဘာ့ကုန်သွယ်ရေး အဆောက်အဦရှိခဲ့တဲ့နေရာမှာ ပြုလုပ်တဲ့ အခမ်းအနားမှာ ကျန်ရစ်သူ မိသားစု တွေက သေဆုံးခဲ့ရသူတွေရဲ့ နာမည်တွေကို ဖတ်ကြားခဲ့ကြပါတယ်။

ဒီအခမ်းအနားကို ပထမဆုံး အကြိမ် ဘယ်နိုင်ငံရေး ခေါင်းဆောင်မှ မပါဘဲ ကျင်းပကြတာ ဖြစ်ပါတယ်။

စက်တင်ဘာ ၁၁ ရက်ဆိုင်ရာ အမျိုးသား အောက်မေ့ဖွယ်နဲ့ ပြတိုက် အဖွဲ့အစည်းက ပြီးခဲ့တဲ့ ဇူလိုင်လ ထဲက အခုလို ကျင်းပဖို့ ကြေညာ ထားပြီးသား ဖြစ်ပါတယ်။

အဲဒီ အဖွဲ့ရဲ့ ဥက္ကဌ ဖြစ်တဲ့ ဂျိုး ဒန်နီရယ်စ် က ကွယ်လွန်ခဲ့ရသူတွေနဲ့ သူတို့ရဲ့ မိသားစုတွေအတွက် နိုင်ငံရေး အနှောင်အဖွဲ့ကင်းစွာ ဂုဏ်ပြုတာ ဖြစ်တယ်လို့ ဆိုပါတယ်။

အဲဒီနေ့က ကွယ်လွန်ခဲ့ရတဲ့ အမျိုးသမီးတဦး ရဲ့ ခင်ပွန်း ဖြစ်သူကလည်း ဒီလို နိုင်ငံရေး သမားတွေ မပါဝင်တဲ့ အတွက် မိသားစုအဓိပ္ပါယ်တွေ ပိုပြီး ရှိလာ စေတယ်လို့ ဆိုပါတယ်။

နယူးယောက်က ဂရောင်းဇီးရိုးမှာ မိသားစုဝင်တွေချည်း ကျင်းပမှာ ဖြစ်လို့ အမေရိကန် သမ္မတ အိုဘားမားကတော့ အစောပိုင်းမှာ အိမ်ဖြူတော် မှာပဲ ဝမ်းနည်းကြေကွဲတဲ့ အထိမ်းအမှတ် တမိနစ် ငြိမ်သက်စွာ နေခဲ့ပြီးတဲ့နောက် ပင်တဂွန် မှာကျင်းပမယ့် အောက်မေ့ဖွယ် အခမ်းအနားကို ဇနီးသည် မစ်ရှဲလ် အိုဘားမားနဲ့ အတူတက်ရောက်ခဲ့ပါတယ်။

ဒီနောက်မှာ ဝေါ်လ်တာရိဒ် စစ်ဆေးရုံမှာ ရှိနေကြတဲ့ ဒဏ်ရာရ စစ်သည်တွေကိုလည်း သွားရောက်တွေ့ဆုံခဲ့ပါတယ်။

အိမ်ဖြူတော်က ပြောခွင့်ရသူကတော့ ဒါဟာ သမ္မတက အဲဒီစက်တင်ဘာ ၁၁ ရက်မှာ ကွယ်လွန်သူတွေ အတွက်သာ မဟုတ်ဘဲ အဲဒီက နောက်ဆက်တွဲ ဖြစ်လာခဲ့တဲ့ တိုက်ပွဲတွေမှာ ပါဝင် တာဝန်ထမ်းဆောင်သူ တွေကိုပါ အခုလို အသိအမှတ် ပြုတာ ဖြစ်ကြောင်း ပြောပါတယ်။

ဒုတိယ သမ္မတ ဂျိုး ဘိုင်ဒင်နဲ့ ပြည်ထဲရေး ဝန်ကြီး ကန် ဆလာဇာ တို့ကတော့ လေယာဉ်ပေါ်ပါသူ ခရီးသည်တွေက ပြန်ပေးဆွဲသူတွေကို ပြန်လည်တိုက်ခိုက်ရင်း ပျက်ကျခဲ့ရတဲ့ ခရီးစဉ် အမှတ် ၉၃ အောက်မေ့ဖွယ် ရှိရာ ရှန့်ခ်စ်ဗီးလ်မှာ ပြုလုပ်မယ့် အခမ်းအနားကို တက်ရောက်ခဲ့ပါတယ်။

ရစ်ပတ်ပလစ်ကန် သမ္မတလောင်း မစ် ရွန်မနီကတော့ အဲဒီ အဖြစ်အပျက် နောက်ပိုင်း တာဝန်ထမ်းဆောင် ခဲ့ကြတဲ့ အမျိုးသား အရံတပ်ဖွဲ့တွေ ရှိရာ နီဗားဒါး ပြည်နယ်က ရေနိုကို သွားရောက်ဖို့ ရှိပါတယ်။

ဒီ စက်တင်ဘာ ၁၁ ရက် အထိမ်း အမှတ် ပြတိုက်ကို အစက အခု ၁၁ နှစ်ပြည့်တဲ့ နေ့မှာ ဖွင့်လှစ်ဖို့ ရည်ရွယ် ထားခဲ့ပေမယ့် အကြောင်းအမျိုးမျိုးကြောင့် ရွေ့ဆိုင်းထားခဲ့ရပြီး အခုတော့ အနည်းဆုံး နောက်ထပ် ၁ နှစ်လောက် စောင့်ရဦးမှာ ဖြစ်တယ်လို့ တာဝန်ရှိသူတွေက ပြောပါတယ်။

နောက်ပြီး ဂရောင်းဇီးရိုး ရဲ့ အနောက်မြောက် ထောင့်မှာ အသစ်ဆောက်လုပ်နေတဲ့ ဒေါ်လာ ၃.၉ ဘီလီယံ တန် ဝမ်းဝေါ်လ်ထရိတ်စင်တာကိုတော့ လာမယ့် ၂၀၁၄ ခုနှစ်မှာ ဖွင့်လှစ်သွားဖို့ ရှိပါတယ်။

အဲဒီ နေရာအနားမှာပဲ မနှစ်က ဖွင့်လှစ်ခဲ့တဲ့ အောက်မေ့ဖွယ် ကိုတော့ လူပေါင်း ၄.၅ သန်းလောက် လာရောက် ကြည့်ရှုခဲ့ကြပြီး ဖြစ်ပါတယ်။

အဲဒီ ၂၀၀၁ စက်တင်ဘာ ၁၁ ရက် နေ့က အဲလ်ခိုင်းဒါး အကြမ်းဖက် သမားတွေက ခရီးသည်တင် လေယာဉ် ၄စင်းကို ပြန်ပေးဆွဲပြီး တိုက်ခိုက်ခဲ့ကြတာ ဖြစ်ပြီး လူပေါင်း ၃၀၀၀လောက် အသက်ဆုံး ရှုံး ခဲ့ရပါတယ်။

အဲဒီ နောက်မှာ အမေရိကန်တွေက အိုစမာ ဘင်လာဒင် ခေါင်းဆောင်တဲ့ အဲလ်ခိုင်းဒါး အကြမ်းဖက် ကွန်ယက်ကို ဖြိုဖျက်မှုတွေ စတင်ခဲ့ကြပြီး ပြီးခဲ့တဲ့ နှစ်ကတော့ ပါကစ္စတန်မှာ ပုန်းအောင်းနေခဲ့တဲ့ အိုစမာ ဘင်လာဒင်ကို အမေရိကန် အထူးတပ်ဖွဲ့တွေက သုတ်သင် နိုင်ခဲ့ကြပါတယ်။

9/11 နှစ်ပတ်လည် အထိမ်းအမှတ် အခမ်းအနား နိုင်ငံတဝှမ်း ကျင်းပ

သမ္မတအိမ်ဖြူတော်တွင် ၉၁၁ နှစ်ပတ်လည် အမှတ်တရ သမ္မတနဲ့ သမ္မတကတော် ၀မ်းနည်းခြင်းအထိမ်းအမှတ် ခေတ္တငြိမ်သက်စွာဖြင့် အောက်မေ့ဖွယ် ဂုဏ်ပြုခဲ့ပါတယ်။

၂၀၀၁ ခုနှစ်၊ စက်တင်ဘာလ ၁၁ ရက်နေ့က သေဆုံးခဲ့ရသူအများစုဟာ မိမိတို့နိုင်ငံရဲ့ နိုင်ငံ့ဝန်ထမ်းဝတ်စုံကို ဘယ်တုန်းကမှ မ၀တ်ဆင်ခဲ့ကြဖူးဘူးဆိုတာ မှန်ပေမဲ့ သူတို့ဟာ အမေရိကန်နိုင်ငံသား ၅ သန်းကျော်ကို စိတ်ခွန်အားတက်ကြွှအောင် လှုံ့ဆော် ပေးနိုင်ပါတယ်လို့ အမေရိကန်သမ္မတ ဘရာ့် အိုဘားမားက ပြောလိုက်ပါတယ်။

လွန်ခဲ့တဲ့ ၁၁ နှစ်က အကြမ်းဖက်သမားတွေ တိုက်ခိုက်လို့ သေဆုံးခဲ့ရသူတွေကို အောက်မေ့ဂုဏ်ပြုတဲ့ အထိမ်းအမှတ် ပန်တဂွန် စစ်ဌာနချုပ်မှာကျင်းပတဲ့ အခမ်းအနားအတွင်း သမ္မတအိုဘားမားက အဲဒီလိုပြောသွားတာပါ။

နှစ်ပေါင်းဘယ်လောက်ပဲ ကြာသွားသည်ဖြစ်ပါစေ၊ သူတို့ချစ်ခင်မြတ်နိုးရသူတွေကို ဘယ်တော့မှ မေ့မှာမဟုတ်ပါဘူးလို့လည်း သေဆုံးသူတွေရဲ့ မိသားစုတွေကို မစ္စတာ အိုဘားမားက ပြောခဲ့ပါတယ်။

စက်တင်ဘာလ ၁၁ ရက်နေ့ နှစ်ပတ်လည် အထိမ်းအမှတ် အခမ်းအနားတွေကို နယူးယောက်၊ ၀ါရှင်တန်နဲ့ ပန်ဆယ်လ်ဗေးနီး ယားမြို့တွေမှာ ကျင်းပတာမှာ လူ ထောင်ပေါင်းများစွာ တက်ရောက်ခဲ့ကြပါတယ်။ ၂၀၀၁ ခုနှစ်၊ စက်တင်ဘာလ ၁၁ ရက်နေ့က အကြမ်းဖက်သမားတွေ တိုက်ခိုက်ခဲ့တာကြောင့် အမေရိကန်ပြည်ထောင်စုမှာ လူ ၃,၀၀၀ နီးပါး သေဆုံးခဲ့ရတာပါ။

သမ္မတအိမ်ဖြူတော်မှာ အင်္ဂါနေ့မနက် ဒေသစံတော်ချိန် ၈ နာရီလ ၄၆ မိနစ်ကကျင်းပတဲ့ အခမ်းအနားမှာလည်း သမ္မတ ဘရာ့်ခ် အိုဘားမားနဲ့ သမ္မတကတော် မီရှဲလ် အိုဘားမားတို့ တက်ရောက်ခဲ့ကြပြီး အောက်မေ့သတိရခြင်း အထိမ်းအမှတ် ဦးခေါင်းငုံ့ပြီး ခေတ္တ ငြိမ်သက်ခဲ့ကြပါတယ်။ အဲဒီအချိန်ဟာ နယူးယောက်မြို့က ကမ္ဘာ့ကုန်သွယ်ရေးဌာန WTO မိုးမျှော် အဆောက်အဦးနှစ်ခုကို အကြမ်းဖက်သမားတွေက ခရီးသည်တင်လေယာဉ်နှစ်စင်းကို ပြန်ပေးဆွဲပြီး ၀င်တိုက်ခဲ့တဲ့အချိန် အတိအကျ ဖြစ်ပါတယ်။အမေရိကန်စစ်ဘက်ဌာနချုပ်ဖြစ်တဲ့ ပန်တဂွန်ကိုလည်း တတိယလေယာဉ်တစင်းနဲ့ တိုက်ခိုက် ခံခဲ့ရတာပါ။စတုတ္ထခရီးသည်တင် လေယာဉ် ပျက်ကျခဲ့တဲ့ ပန်ဆယ်လ်ဗေးနီးယားပြည်နယ်၊ ရှန့်က်စ်ဗီးလ်မြို့က အခမ်းအနားမှာတော့ ဒုတိယ သမ္မတ ဂျိုး ဘိုင်ဒန်က စကားပြောခဲ့ပါတယ်။

တရုတ် ဒု-သမ္မတ လူထုရှေ့မှောက် က ပျောက်နေ

တရုတ်ဒုတိယသမ္မတ Xi Jinping ရဲ့အခြေအနေနဲ့ပတ်သက်ပြီး ဘယ်လို သတင်းအချက်အလက်မျိုးမှ မရပါဘူးလို့ တရုတ် နိုင်ငံ ခြားရေးဌာနက ပြောလိုက်ပါတယ်။ နိုင်ငံခြားဧည့်သည်တွေနဲ့ တွေ့ဆုံပွဲတွေမှာ ဒုတိယသမ္မတ မပါတဲ့အတွက် သူ့ရဲ့ကျန်းမာရေးနဲ့ ပတ်သက်ပြီး ခန့်မှန်းပြောဆိုတာတွေ ထွက်နေခဲ့တာပါ။

အများပြည်သူမြင်ကွင်းရှေ့မှာ ဒုတိယသမ္မတ Xi ကို မမြင်ရတာ ၁၀ ရက်ကျော် ကြာလာပြီးတဲ့နောက် တရုတ်နိုင်ငံခြားရေးဌာန ပြောခွင့်ရပုဂ္ဂိုလ် Hong Lei က အင်္ဂါနေ့မှာ အဲဒီလိုပြောခဲ့တာဖြစ်ပါတယ်။ ဒီနှစ်နှောင်းပိုင်းကျရင်လုပ်ဖို့ရှိတဲ့ ဆယ်နှစ်တကြိမ် ခေါင်းဆောင်ပိုင်းအပြောင်းအလဲမှာ Xi ဟာ တရုတ်နိုင်ငံရဲ့သမ္မတအသစ် ဖြစ်လာလိမ့်မယ်လို့ ခန့်မှန်းထားကြတာပါ။

တနင်္လာနေ့က ဘေဂျင်းမြို့တော်မှာ ဒိန်းမတ်ဝန်ကြီးချုပ် Helle Thorning-Schmidt နဲ့ တွေ့ဆုံဖို့ စီစဉ်ထားတဲ့ပွဲကို Xi မတက် ရောက်ခဲ့ပါဘူး။ အမေရိကန်နိုင်ငံခြားရေးဝန်ကြီး ဟီလာရီ ကလင်တန်၊ စင်္ကာပူဝန်ကြီးချုပ် လီ ဆယန် လွန်း (Lee Hsien Loong) တို့ ပြီးခဲ့တဲ့သီတင်းပတ်က တွေ့ဆုံဖို့ စီစဉ်ထားတာတွေကို ပယ်ဖျက်ခဲ့ပါတယ်။

တရုတ်ခေါင်းဆောင်တွေရဲ့ အဲဒီလို အစီအစဉ် အပြောင်းအလဲတွေဟာ ဖြစ်လေ့ဖြစ်ထမရှိပါဘူး။ တရုတ်ခေါင်းဆောင်တွေနဲ့ ပြည်ပတာဝန်ရှိသူတွေ တွေ့ဆုံ ဆွေးနွေးတဲ့အစီအစဉ်တွေကို ပုံမှန်အားဖြင့် ကြိုတင်ပြီးတော့ စနစ်တကျ စီစဉ်ထားလေ့ရှိပါတယ်။

ပြည်ထောင်စုစစ်စစ်ပေါ်ပေါက်ရေး လက်တွဲကြိုးပမ်းမည်ဟု ၈၈ နှင့် ကရင်နီပါတီပြော

ကွန်းချမ်း | အင်္ဂါနေ့၊ စက်တင်ဘာလ ၁၁ ရက် ၂၀၁၂ ခုနှစ် ၁၇ နာရီ ၄၈ မိနစ်

ချင်းမိုင် (မဇ္ဈိမ) ။        ။ တိုင်းရင်းသားအားလုံး ကိုယ့်ကြမ္မာ ကိုယ်ဖန်တီးခွင့် ရှိသည့် စစ်မှန်သော ပြည်ထောင်စုပေါ်ထွန်းရေးအတွက် လက်တွဲ ကြိုးပမ်းသွားမည် ဖြစ်ကြောင်း ၈၈ မျိုးဆက် ကျောင်းသားခေါင်းဆောင်များနှင့် ကရင်နီ အမျိုးသား တိုးတက်ရေးပါတီ KNPP က ပြောသည်။

အင်္ဂါနေ့တွင် ၈၈ ကျောင်းသားခေါင်းဆောင် ကိုမြအေး ဦးဆောင်သည့် ငါးဦးပါ အဖွဲ့နှင့် သုံးဦးပါ KNPP အဖွဲ့တို့ ကယားပြည်နယ် လွိုင်ကော်မြို့၊ ဒေါဥခုရပ်ကွက်ရှိ KNPP ဆက်ဆံရေးတွင် လက်ရှိ မြန်မာ့ နိုင်ငံရေး အခြေအနေ များနှင့် ရှေ့အလားအလာများကို ဆွေးနွေးကြပြီးနောက် ပူးတွဲ ထုတ်ပြန် ပြောကြားလိုက်ခြင်း ဖြစ်သည်။

၈၈မျိုးဆက် ကျောင်းသား ခေါင်းဆောင် ငါးဦးတွင် ကိုမြအေး - ငြိမ်းချမ်းရေးတာဝန်ခံ (အဖွဲ့ခေါင်းဆောင်)၊ ကိုထွန်းမြင့်အောင် - လယ်သမားရေးရာ တာဝန်ခံ၊ ကိုစိုးထွန်း - လူ့စွမ်းအား အရင်းအမြစ်နှင့် ပြန်လည်ထူထောင်ရေး တာဝန်ခံ၊ မမီမီလွင် - ငြိမ်းချမ်းရေးအဖွဲ့ဝင်နှင့် မစန်းစန်းမော် - ငြိမ်းချမ်းရေးအဖွဲ့ဝင် တို့ ပါဝင်ပြီး KNPP ကိုယ်စားလှယ် သုံးဦးတွင် ခူဒယ်နီရယ် - ပါတီ ဗဟိုကော်မတီဝင် (ဆက်ဆံရေးရုံး တာဝန်ခံ)၊ ခွန်းစမ်းရှိုင်း - တွဲဖက်တာဝန်ခံနှင့်အေးမွန် - ရုံးဝန်ထမ်းတို့ ပါဝင်သည်။

“လွတ်လပ်ခြင်း၊ တရားမျှတခြင်း၊ တန်းတူညီမျှခြင်းကို အာမခံချက် ပေးသည့်၊ တိုင်းရင်းသားအားလုံး ကိုယ့်ကြမ္မာ ကိုယ်ဖန်တီးနိုင်ခွင့် ရှိသည့် စစ်မှန်သော ပြည်ထောင်စု ပေါ်ထွန်းရေးအတွက် လက်တွဲကြိုးပမ်း သွားမည်” ဟု သဘောထား ထုတ်ပြန်ချက်တွင် ပါရှိသည်။

“ကျနော်တို့ တိုင်းပြည်ဟာ တိုင်းရင်းသားတွေနဲ့ ဖွဲ့စည်းထားတဲ့ တိုင်းပြည် ဖြစ်တဲ့အတွက် စစ်မှန်တဲ့ ပြည်ထောင်စု ဆိုတာ မဖြစ်မနေ လုပ်သွားရမယ်” ဟု ကျောင်းသားခေါင်းဆောင် ကိုမြအေး က ပြောသည်။

KNPP နှင့် ပွင့်လင်းစွာ ဆွေးနွေးရသည်မှာ အားရကျေနပ်မိကြောင်း၊ KNPP ဘက်ကလည်း တိုင်းပြည် တိုးတက်ရေး တွင် ပူးပေါင်း ဆောင်ရွက်ရန် လိုလားမှု ရှိသည်ကို တွေ့မြင်ရကြောင်းလည်း ကိုမြအေး က ပြောသည်။

KNPP အတွင်းရေးမှူး ခူဦးရယ် ကလည်း “ဗမာပြည်ဟာ တိုင်းရင်းသား လူမျိုးပေါင်းစုံ များတဲ့ အခါကျတော့ ဖက်ဒရယ်ပြည်ထောင်စုသာလျှင် ကျနော်တို့အတွက် အသင့်မြတ်ဆုံး လူမျိုးတိုင်း တန်းတူ ယှဉ်တွဲ နေထိုင်နိုင်တဲ့စနစ် ဖြစ်တယ် လို့ မှတ်ယူတယ်လေ။ အဲဒါကြောင့် ၈၈ ကျောင်းသားတွေနဲ့ ပထမဆုံး တွေ့ပေမဲ့ နောက်ဆက်တွဲတွေ လာဦးမယ့် အစကောင်းလို့ပဲ ကျနော်တို့ မြင်ပါတယ်” ဟု ပြောသည်။

ပူးတွဲ သဘောထား ကြေညာချက် ၆ ချက်တွင် စစ်မှန်သည့် ငြိမ်းချမ်းရေး ဆွေးနွေးပွဲများ ဖြစ်မြောက်ရေး၊ ဒီမိုကရေစီ ထွန်းကားရေးအတွက် မည်သည့် အသင်းအဖွဲ့များနှင့် မဆို ပူးပေါင်းသွားရန်နှင့် လက်ရှိ ကချင်ပြည်နယ်တွင် ဖြစ်ပွားနေသော စစ်ပွဲများအား အမြန်ဆုံး ရပ်တန့်ရေးအတွက် အစိုးရကို တိုက်တွန်းသည့် အချက်များလည်း ပါဝင်သည်။

“အခု KIO/KIA နဲ့ ငြိမ်းချမ်းရေးကလည်း အရေးကြီးတယ်။ ဒါ့ကြောင့် ကျနော်တို့ ၈၈ ကျောင်းသားတွေဟာ ငြိမ်းချမ်းရေး ဖော်ဆောင်ဖို့အတွက်ကို ကျနော်တို့ မူဝါဒထဲမှာ ထည့်ထားတာ ရှိတယ်” ဟု ကိုမြအေး က ပြောသည်။

၈၈ ကျောင်းသားများ၏ ယခုတွေ့ဆုံမှုသည် ၂ဝ၁၂ ခုနှစ်၊ မတ်လ ၇ ရက်နေ့တွင် ပြည်နယ် အစိုးရနှင့် အပစ်အခတ် ရပ်စဲခဲ့သည့် KNPP နှင့် ပထမဆုံး တွေ့ဆုံမှုလည်း ဖြစ်သည်။

KNPP နှင့် တွေ့ဆုံပြီးနောက် ၈၈ ကျောင်းသား ကိုယ်စားလှယ်များသည် လွိုင်ကော်မြို့နယ် အရှေ့မြောက်ဘက် ချိကယ်ကျေးရွာအုပ်စု ပကျဲတောင်တွင် တည်ဆောက်မည့် ဘိလပ်မြေစက်ရုံကြောင့် လယ်ယာမြေ အသိမ်းခံရ သည့် တောင်သူလယ်သမားများနှင့် တွေ့ဆုံဆွေးနွေးလျက် ရှိကြောင်း ၈၈ ကျောင်းသားတဦး ဖြစ်သည့် လူ့စွမ်းအား အရင်းအမြစ်နှင့် ပြန်လည်ထူထောင်ရေး တာဝန်ခံ ကိုစိုးထွန်း က ပြောသည်။

၈၈ မျိုးဆက် ကျောင်းသား ခေါင်းဆောင်များသည် ထောင်အသီးသီးမှ လွတ်မြောက်လာပြီးနောက် ဇန်နဝါရီလတွင် သတင်းစာ ရှင်းလင်းပွဲ ပြုလုပ်ကာ မတ်လကုန်ပိုင်းတွင် ပြည်တွင်း ငြိမ်းချမ်းရေး၊ ပွင့်လင်း လူ့အဖွဲ့အစည်း အရပ်ဘက် လူ့အဖွဲ့အစည်း အားကောင်းရေး စသည်တို့ကို အကောင်အထည်ဖော် လုပ်ဆောင်ခဲ့သည်။

ငြိမ်းချမ်းရေးနှင့် ပတ်သက်သည့် အယူအဆများ ပြည်သူလူထုကြား ကျယ်ကျယ်ပြန့်ပြန့် နိုးကြားလာရန်နှင့် ပြည်တွင်း ငြိမ်းချမ်းရေးတွင် ပူးပေါင်းဆောင်ရွက်ရန်အတွက် ၎င်းတို့၏ ငြိမ်းချမ်းရေးအဖွဲ့ကို ဖွဲ့စည်းခဲ့ခြင်း ဖြစ်သည်။

၎င်းတို့သည် ကချင်၊ ကရင်၊ မွန် စသည့် တိုင်းရင်းသား လက်နက်ကိုင် အဖွဲ့၊ တိုင်းရင်းသား နိုင်ငံရေးပါတီများနှင့်တွေ့ဆုံပြီး ပြည်တွင်း ငြိမ်းချမ်းရေး၊ အဓမ္မ လယ်ယာမြေ အသိမ်းခံရသည့် ကိစ္စများ ပူးပေါင်းဖြေရှင်း လုပ်ဆောင်သွား ရန် သဘောတူခဲ့ကြသည်။

လေးလအတွင်း တရားမဝင် ခွေရောင်းဝယ်မှု ၉၀ နီးပါးဖမ်းမိ

တင်ဇာအောင်၊ ပန်းမြတ်ဇော် | အင်္ဂါနေ့၊ စက်တင်ဘာလ ၁၁ ရက် ၂၀၁၂ ခုနှစ် ၁၉ နာရီ ၁၉ မိနစ်

ရန်ကုန် (မဇ္ဈိမ) ။        ။ မြန်မာနိုင်ငံ ရုပ်ရှင် အစည်းအရုံး အမှုဆောင်များ တာဝန်လွှဲပြောင်းယူပြီးချိန်မှ စပြီး လေးလ အတွင်း တရားမဝင်အခွေများ ရောင်းဝယ်ဖောက်ကားသူဟု စွပ်စွဲကာ ဖမ်းဆီးထားသော အမှုပေါင်း ၉၀ နီးပါး အထိရှိသည်ဟု မြန်မာနိုင်ငံ ရုပ်ရှင် အစည်းအရုံးမှ ထုတ်ပြန်သော စာရင်းများအရ သိရသည်။

ရွေးကောက်ပွဲဖြင့် တက်လာသော ရုပ်ရှင်အစည်းအရုံးသစ်က တရားမဝင် ခိုးကူးခွေ၊ ကျော်ခွေ၊ ဆင်ဆာမဲ့ ခွေများ၊ ညစ်ညမ်းခွေများကို ဖမ်းဆီးအရေးယူမှုများကို အလေးထား ဆောင်ရွက်လာခဲ့သည်။

မြန်မာနိုင်ငံ ရုပ်ရှင် အစည်းအရုံး ဥက္ကဋ္ဌ ဦးဇင်ဝိုင်းက “သမ္မတကို စာတင်ပြီး ကျွန်တော်တို့ကို အဆင့်ဆင့် ပြန်ချပေး တယ်။ ပြည်ထဲရေးဝန်ကြီးကမှ ပြည်ထောင်စု ဝန်ကြီးဆီပေါ့။ မြန်မာနိုင်ငံ ရဲတပ်ဖွဲ့ ရုံးချုပ် ကိုယ်စား ရန်ကုန်တိုင်း ရဲမှူးကြီးက ခိုးကူးနဲ့ ပတ်သက်ပြီး အရေးယူဖို့ ဝိုင်းဝန်း ဆောင်ရွက်ပေးပါတယ်" ဟု ပြောသည်။

ရန်ကုန်မြို့လယ်ရှိ လမ်းဘေး ဒီဗီဒီခွေ အရောင်းဆိုင်ငယ်တခုကို တွေ့ရစဉ်။ ဓာတ်ပုံ- မဇ္ဈိမ။

ခိုးကူးခွေများ ဖမ်းဆီးရာတွင် ခိုးကူးခွေများသာမက နိုင်ငံရပ်ခြားမှ တရားမဝင် ဝင်ရောက်လာသော အပြာကားများ အပါအဝင် ရုပ်ရှင် စီဒီ၊ ဒီဗီဒီခွေများ ပါဝင်သည်။ ခိုးယူရိုက်ကူးမှုနှင့် အင်တာနက်သို့ ပျံ့နှံထွက်လာခဲ့သော မြန်မာပြည် တွင်းမှ အပြာဇာတ်လမ်းများကိုလည်း ကူးယူပြီး အရောင်းဆိုင်အချို့တွင် လျှိ့ဝှက်ရောင်းချတတ်ရာ ဖမ်းဆီးခံရမှုတွင် ပါဝင်သည်။  

ရုပ်ရှင်အစည်းရုံး၏ ဖမ်းဆီးမှုက တနိုင်တပိုင် လမ်းဘေးဈေးသည်များကို ပစ်မှတ်ထားခြင်း မဟုတ်ဘဲ နောက်ကွယ်မှ လက်ကြီးသမားများကို ဦးတည်သည်ဟု ဦးဇင်ဝိုင်းက ပြောသည်။

ဦးဇင်ဝိုင်းက “ တရားမဝင်လို့ ဘာလို့ပြောရလဲဆိုရင် ဗီဒီယို ဥပဒေနဲ့ မညီညွတ် လို့ပါ။” ဟုပြောသည်။

“ဒီဥပဒေ ကို အဲဒီအချိန်တုန်းက ပြန်ကြားရေးဝန်ကြီး ဌာနကနေ ဦးဆောင်ရေးဆွဲ ပြီးတော့မှ နိုင်ငံတော်က ပြဋ္ဌာန်း ခဲ့ခြင်း ဖြစ်ပါတယ်။ အဲဒီဥပဒေက ဒီနေ့ အထိလဲ အတည် ဖြစ်နေပါတယ်။ ဒီဥပဒေကို ကျွန်တော်တို့ မြန်မာနိုင်ငံ ရုပ်ရှင်လောကသားများကရော ဂီတအစည်းအရုံး အတွင်းမှာရှိတဲ့ ဂီတသမားများကပါ လေးစား လိုက်နာ ဆောင်ရွက်နေပါတယ်” ဟု ပြောသည်။

ဦးဇင်ဝိုင်း၏ ပြောကြားချက်အရ ခိုးကူးခွေ လက်ကြီး ဖြန့်ဖြူးရောင်းချသူများ၏ တစ်နေ့ ဝင်ငွေမှာ ကျပ်သိန်းတစ်ရာ နီးပါး ရှိသည်ဟုဆိုသည်။

မြန်မာတိုင်းရင်းသားအရေး ညီလာခံ ထိုင်းနိုင်ငံတွင် ကျင်းပမည်

ဖနိဒါ | အင်္ဂါနေ့၊ စက်တင်ဘာလ ၁၁ ရက် ၂၀၁၂ ခုနှစ် ၁၉ နာရီ ၂၂ မိနစ်

ချင်းမိုင်(မဇ္စျိမ) ။        ။ မြန်မာအစိုးရကို တော်လှန်ပုန်ကန်နေသော တိုင်းရင်းသား လက်နက်ကိုင်အဖွဲ့အစည်းများနှင့် လူထုအခြေပြု တိုင်းရင်းသားအဖွဲ့အစည်းများအနေဖြင့် စစ်မှန်သော ပြည်ထောင်စု တည်ဆောက်နိုင်ရေး နည်းလမ်း ရှာသည့်အနေဖြင့်  တိုင်းရင်းသားအရေး ညီလာခံကြီးတခုကို အိမ်နီးချင်း ထိုင်းနိုင်ငံ ချင်းမိုင်မြို့တွင် ကျင်းပမည်ဖြစ်ကြောင်း ညီလာခံ ဖြစ်မြောက်ရေးကော်မတီ ဥက္ကဌက ပြောသည်။

“တိုင်းရင်းသားတွေထဲမှာ အမြင်တွေ တူညီအောင်လို့၊ တိုင်းရင်းသားစည်းလုံးညီညွတ်ဖို့၊ ငြိမ်းချမ်းရေး တည်ဆောက် တဲ့ နေရာမှာ ချီတက်မဲ့လမ်းစဉ်မှာ တူညီအောင် ညှိတဲ့သဘောလည်း ပါတယ်”ဟု မွန်ပြည်တစ်ပါတီ၏ အတွင်းရေးမှူးနိုင်ဟံသာက ပြောသည်။

လာမည့် စက်တင်ဘာလ ၁၄၊ ၁၅နှင့် ၁၆ ရက်နေ့များတွင် အပစ်အခတ် ရပ်စဲထားသည့် တိုင်းရင်းသား လက်နက်ကိုင် အဖွဲ့အစည်းမှ အဖွဲ့ဝင်များဖြင့် ဖွဲ့စည်းထားသော တိုင်းရင်းသားစုပေါင်းအလုပ်အဖွဲ့ Working group for Ethnic Coodination- WGEC မှ အဆိုပါ ညီလာခံအား ဦးဆောင် ကျင်းပမည်ဟုဆိုသည်။

အပစ်အခတ် ရပ်စဲထားသည့် တိုင်းရင်းသားလက်နက်ကိုင် အဖွဲ့များ၊ အပစ်အခတ် မရပ်သေးသည့် အဖွဲ့များ၊ ပြည်တွင်း မှ လူထုအခြေစု အဖွဲ့အစည်းများ၊ တိုင်းရင်းသား နိုင်ငံရေး ပါတီများ၊ အစိုးရမဟုတ်သော အဖွဲ့အစည်းများနှင့် အမျိုးသမီး၊ လူငယ် စသည့် အဖွဲ့အစည်း ပေါင်းစုံ ပါဝင်သည့် ညီလာခံအား ကျင်းပမည် ဖြစ်သည်။

ထို့ပြင် တိုင်းရင်းသားလက်နက်ကိုင် အဖွဲ့အစည်းများနှင့် အစိုးရတို့၏ ငြိမ်းချမ်းရေး ဆွေးနွေးချက်များအား အခြား တိုင်းရင်းသား ပြည်သူများအား အသိပေး၍ ယင်းတို့မှ သဘောထားများ ရယူရန်အတွက် ယခုကဲ့သို့ ညီလာခံ ကျင်းပရခြင်း ဖြစ်သည်ဟု ဖြစ်မြောက်ရေးကော်မတီဝင် ခွန်ဥက္ကာက ပြောသည်။

အစိုးရအနေဖြင့် ယခုကဲ့သို့ လက်နက်ကိုင် အဖွဲ့အစည်းများ စုပေါင်း၍ ငြိမ်းချမ်းရေးတည်ဆောက်ခြင်း မဟုတ်ဘဲ တဖွဲ့ချင်း ငြိမ်းချမ်ရေး ဆွေးနွေးနေသည့်အပေါ် အားနည်းချက်အဖြစ် ရှုမြင်နေပြီး လက်ရှိ အခြေအနေအရ အစိုးရ အပေါ် ယုံကြည်ရန် ခက်ခဲနေသေးကြောင်း သူက မဇ္စျိမကို ပြောသည်။

ထိုညီလာခံတက်ရောက်ရန် လက်နက်ကိုင်အဖွဲ့အစည်းများနှင့် ပြည်တွင်း ပြည်ပ လူထုအခြေပြု အဖွဲ့စည်းအား ဖိတ်ခေါ်ထားပြီး အနည်းဆုံး ၁ဝဝ ကျော်တက်ရောက်လာနိုင်မည်ဟု ဆိုသည်။

မြန်မာ အစိုးရဘက်မှ ပင်လုံညီလာခံကဲ့သို့ ညီလာခံအား ကျင်းပပေးမည့် အစီအစဉ် မတိုင်မီ တိုင်းရင်းသားများအကြား ကြိုတင် ညှိနှိုင်းဆွေးနွေး တိုင်ပင်ကြရန်အတွက် ကျင်းပလိုခြင်းဖြစ်ကြောင်း ရခိုင်ပြည်နယ် ကိုယ်စားလှယ် ညီလာခံဖြစ်မြောက်ရေး ကော်မတီဝင် စောမြရာဇာလင်းက ပြောသည်။

“အစိုးရကနေပြီးတော့ ပင်လုံကဲ့သို့ ညီလာခံကို ဖော်မယ်ဆိုတဲ့သတင်းထွက်တာ ကြာပါပြီ။ ဒီညီလာခံကို အစိုးရက မကျင်းပခင်မှာ ကျမတို့ တိုင်းရင်းသား အချင်းချင်းကြားမှာ ပြောရမဲ့စကားတွေ အများကြီးရှိတယ်။ အဲဒါကြောင့်မလို့ ဒီစကားတွေကို ကျမတို့ တိုင်းရင်းသားတွေ အချင်းချင်းကြားမှာ ကြိုပြီး ပြောဖုိ့လိုတဲ့ ဦးတည်ချက်ပါဘဲ”ဟု ရခိုင်ပြည် လွတ်မြောက်ရေး ပါတီ (ALP)မှ ငြိမ်းချမ်းရေးဖော်ဆောင်ရေး ကော်မတီမှ အတွင်းရေးမှူးလည်း ဖြစ်သူစောမြရာဇာလင်း က မဇ္စျိမကို ပြောသည်။

အစိုးရ၏ ငြိမ်းချမ်းရေးပြုပြင်ပြောင်းလဲမှု လုပ်ငန်းစဉ်သည် အများအားဖြင့် ပြုပြင်ပြောင်းလဲရေးသို့ ဦးတည် နေသော် လည်း အားလုံး ပါဝင်နိုင်ပြီး ယခုထက် ပိုမို ပွင့်လင်းမြင်သာနိုင်သည့် အနေအထားသို့ လုပ်ဆောင်ရန် လိုအပ်နေသေးကြောင်း သူက ပြောသည်။

 ၂၄ နှစ်အကြာအပြီး မကြာသေးခင်က မြန်မာနိုင်ငံသို့ ပြန်လည်သွားရောက်ခဲ့သော စောမြရာဇာလင်းက အစိုးရ၏ ငြိမ်းချမ်ရေးဖော်ဆောင်ရေး ကော်မတီအနေဖြင့် လုပ်ငန်းစဉ်ကို အချိန်ဇယားတိတိကျကျ မရှိဟု ဝေဖန်ကာ  တိုင်းရင်းသားများဘက်မှ ယုံကြည်မှုရရှိရန်  ပြည်ထောင်စုအဆင့် တောင်းဆိုချက်များအား အစိုးရအနေဖြင့် လိုက်လျော်ရန်လိုသည်ဟု ဆိုသည်။

ရှမ်းပြည်မြောက်ပိုင်းတပ်မတော် SSA-N ပြောခွင့်ရပုဂ္ဂိုလ် ဗိုလ်မှူး စိုင်းလ က နှစ်ဘက် အပစ်အခတ် ရပ်ဆိုင်းရေး သဘောတူ လက်မှတ် ရေးထိုးခဲ့သော်လည်း အစိုးရက သဘောတူညီချက်များ လိုက်နာခြင်းမရှိဟု စွပ်စွဲလိုက်ပြီး ယုံကြည်ရန် ခက်ခဲနေသည်ဟု ပြောသည်။ 

“ငြိမ်းချမ်းရေးလုပ်ငန်းစဉ်ထဲမှာ အားနည်းချက်က သဘောတူညီချက်ထဲက ကျနော်တို့ တပ်တွေ ရောက်ရှိတဲ့နေရာမှာဖြန့်ခွဲနေထိုင်ခွင့် ရှိတယ်ဆိုတဲ့ဟာလေ အဲဒါလည်း ဖြစ်မလာဘူး။ ဘာဖြစ်လို့လည်းဆိုတာ့ ခုကျနော်တို့ ရောက်နေတဲ့နေရာမှာ ပစ်ခတ်မှု ဖြစ်နေတယ်။ အဲဒါကြောင့် သဘောတူညီချက်အတိုက် လိုက်နာဆောင်ရွက်တာ အားနည်းနေ တယ်”ဟု ဗိုလ်မှူး စိုင်းလ က  ပြောသည်။