11.09.2012 နေ့ဖတ်ရန်သတင်းများ

by Myanmar Journal on Monday, September 10, 2012 at 7:18pm ·

အယ်ကိုင်းဒါး ဒုခေါင်းဆောင် သေဆုံး

အာရေဗျ ကျွန်းဆွယ်မှာ အယ်ကိုင်းဒါး ဒုတိယ ခေါင်းဆောင် Said Ali al-Shihri အသတ်ခံလိုက် ရပြီလို့ ယီမင်နဲ့ အမေရိကန်က လာတဲ့ သတင်းတွေမှာ ဖော်ပြထားပါတယ်။

ယီမင်နိုင်ငံ တောင်ပိုင်းမှာ မစ္စတာ ရှက်ဒ်ရီကို စစ်တပ်က သတ်လိုက်ပြီလို့ ယီမင် အစိုးရ အင်တာနက် စာမျက်နှာမှာ ဖော်ပြထားပါတယ်။

အမေရိကန် မောင်းသူမဲ့ယာဉ်တွေရဲ့ ပစ်ခတ်မှုကြောင့် တခြားလူ ငါးယောက် အပါအ၀င် အယ်လ် ရှီရီ သေဆုံးသွားတယ်လို့ တခြား သတင်းတွေမှာလည်း ရေးသားထားပါတယ်။

အမေရိကန် အရာရှိတွေက အယ် ရှဒ်ရီ အသတ်ခံလိုက်ရပြီလို့ အေပီ သတင်းဌာနကို ပြောခဲ့ ပေမယ့် ဒီကိစ္စမှာ အမေရိကန်တွေ ဘယ်လို ပါဝင် ပတ်သက် ခဲ့သလဲ ဆိုတာကိုတော့ အတည်ပြု ပြောမသွားခဲ့ ပါဘူး။

အယ် ရှဒ်ရီဟာ ဆော်ဒီ နိုင်ငံသား တယောက် ဖြစ်ပြီး ဂွမ်တာနာမို မှာရှိတဲ့ အမေရိကန် အကျဉ်းစခန်းကနေ ၂ဝဝရ ခုနှစ် တုန်းက ပြန်လွတ်လာတာ ဖြစ်ပါတယ်။

အဲဒီနောက် သူဟာ ဆော်ဒီ အာရေဗျမှာ ပြန်လည် ထူထောင်ရေး လုပ်ခဲ့ပေမယ့် နောက်ပိုင်းမှာ အာရေဗျ ကျွန်းဆွယ်က အယ်ကိုင်းဒါးတွေနဲ့ ပေါင်းပြီး ယီမင်ကို ရောက်သွားခဲ့တာ ဖြစ်ပါတယ်။

 လက်ပံတောင်းတောင် ကြေးနီစီမံကိန်းကို ကန့်ကွက် ဆန္ဒပြ

မြန်မာ နိုင်ငံမှာ လယ်သိမ်းခံရတဲ့ ပြဿနာဟာ ကြီးထွားလာနေပါတယ်

မုံရွာ တဘက်ကမ်း ဆားလင်းကြီး မြို့နယ်မှာ လက်ပံတောင်းတောင် ကြေးနီစီမံကိန်း အတွက် လယ်ဧကပေါင်း ၇ ထောင်ကျော်ကို တန်ရာ တန်ကြေး မပေးပဲ သိမ်းယူခဲ့တယ် ဆိုပြီး လယ်သမားတွေက ဆက်လက် ဆန္ဒပြနေကြ ပါတယ်။

မြန်မာ့ စီးပွားရေးဦးပိုင်နဲ့ တရုတ် အမျိုးသားပိုင် မြန်မာဝမ်ပေါင် ကုမ္ပဏီတို့ ပူပေါင်း လုပ်ပိုင်ခွင့် ရထားတဲ့ ဒီစီမံကိန်းကို ရပ်တန့်ပေးဖို့ လယ်သိမ်းခံထားရတဲ့ ရွာပေါင်း ၂၆ ရွာက လယ်သမားတွေက တောင်းဆို နေကြပါတယ်။

တနင်္လာနေ့ မနက် ၉နာရီလောက်မှာ မုံရွာ အနောက်ဘက်ကမ်း လက်ပံတောင်းတောင် ပတ်ဝန်းကျင်က လယ်ယာမြေ ဆုံးရှုံးတဲ့ ဒေသခံ တောင်သူ ၁၂ဦးဟာ မုံရွာမြို့က ဆုတောင်းပြည့် ဘုရားမှာ ဆုတောင်းပွဲ လုပ်နေတုန်း ဒေသခံ အာဏာပိုင်တွေက ဘုရားဝန်း တံခါးကို ပိတ်ထားခဲ့ပါတယ်။

နောက်ပိုင်းမှာ တံခါး ပြန်ဖွင့်ပေးခဲ့လို့ ပြန်ထွက်လာရာမှာ ဒေသခံ ရဲတွေက တားဆီးမှုတွေ လုပ်ခဲ့ တာကြာင့် အချေအတင် စကားများပြီး ဝတ်ပြုဆုတောင်းသူ ၁၂ယောက် အဖမ်းခံ လိုက်ရပါတယ်။

အဲဒီနောက်မှာတော့ အဖမ်းခံထားတဲ့ ၁၂ ယောက်ကို ပြန်လွှတ်ပေးဖို့ မုံရွာမှာ ရှိတဲ့ ကျောင်းသား အဖွဲ့တွေ၊ နိုင်ငံရေး လူမူရေး အဖွဲ့တွေက ရဲစခန်းရှေ့မှာ တောင်းဆို ဆန္ဒပြခဲ့ကြ ပါတယ်။

ဆန္ဒပြသူတွေနဲ့ ပူးပေါင်းဖို့ လာတဲ့ လက်ပံတောင်း ဒေသခံတွေကို မုံရွာ တဘက်ကမ်း ညောင်ပင်ကြီး ကူးတို့ဆိပ်မှာ အာဏာပိုင်တွေက တားဆီး ထားတယ်လို့လည်း သိရပါတယ်။

 လူငယ်နိုင်ငံရေးကာတြန်းဆရာ လွှတ်တော်ဝေဖန္လို့ အဖမ်းခံရ

အဖမ်းခံလိုက်ရတဲ့ အာဆင်း ထရီဗီတီဟာ အသက် ၂၅ နှစ် အရွယ်သာ ရှိသေးတဲ့ လူငယ်နိုင်ငံရေး ကာတွန်းဆရာ တယောက်ဖြစ်ပါတယ်။ သူဟာ Cartoons Against Corruption ခြစားမှု တိုက်ဖျက်ရေး ကာတွန်းများ ဆိုတဲ့ လှုပ်ရှားမှုနဲ့ လူသိများတဲ့ ကာတွန်းဆရာ တယောက်ဖြစ်ပါတယ်။

သူ့ကို အိန္ဒိယနိုင်ငံ အခြေခံဥပဒေကို သရော်တဲ့ ကာတွန်းတွေ ရေးဆွဲမှု၊ နိုင်ငံတော်အလံကို စော်ကားမှု စတာတွေကို ကျူးလွန်ခဲ့တယ်ဆိုပြီး နိုင်ငံတော်အပေါ် အကြည်ညိုပျက်စေမှုနဲ့ ဖမ်းလိုက်တာပါ။

မွန်ဘိုင်းအခြေစိုက် ရှေ့နေတဦးက ကာတွန်းဆရာ အာဆင်း ထရီဗီတီရဲ့ ကာတွန်းတွေဟာ အိန္ဒိယနိုင်ငံကို ဆန့်ကျင်တဲ့ လုပ်ရပ် ဖြစ်တယ်ဆိုပြီး တိုင်တန်းလိုက်တဲ့ အတွက် သူ့ကို ဒီရက်သတ္တပတ် အကုန်မှာပဲ မွန်ဘိုင်းမှာ ဖမ်းဆီးလိုက်ပါတယ်။

ဒီပြစ်မှုတွေအတွက် စက်တင်ဘာလ ၁၆ ရက်နေ့အထိ ရမန် ယူပြီး ချုပ်ထားမယ်လို့ သိရပါတယ်။

အိန္ဒိယနိုင်ငံလို ဒီမိုကရေစီနိုင်ငံမှာ အဂတိလိုက်စားမှုကို ဆန့်ကျင်တဲ့ ကာတွန်းဆရာကို ဖမ်းလိုက်တာဟာ မှားယွင်းတဲ့ လုပ်ဆောင်မှုတခု အဖြစ် အိန္ဒိယ မီဒီယာတွေနဲ့ လူသိများ ကျော်ကြားသူတွေက ဝေဖန်ခဲ့ကြပါတယ်။

အဲဒီလို လူသိများတဲ့ သူတွေထဲမှာ အိန္ဒိယ စာနယ်စင်း ကောင်စီရဲ့ ဥက္ကဌ Markandey Katju လည်း တယောက်အပါအဝင် ဖြစ်ပါတယ်။

သူ ပြောတာကတော့ သူတွေရှိရတဲ့ သတင်း အချက်အလက်တွေအရ ကာတွန်းဆရာ Aseem Trivedi ဟာ တရားမဝင် လုပ်တာ ဘာမှမရှိခဲ့ဘူး၊ သူ့ကို ဖမ်းတာကမှ တရားမဝင် လုပ်ဆောင်မှု ဖြစ်တယ်လို့ ဝေဖန်လိုက်ပါတယ်။

ကာတွန်းဆရာကို ဖမ်းတဲ့ ကိစ္စအပေါ် မကျေနပ်သံတွေ ဝေဖန်သံတွေဟာ Twitter လို့ လူမှုကွန်ရက် ဝက်ဆိုက်တွေမှာ ကျယ်ကျယ်လောင်လောင် ထွက်ပေါ်နေပါတယ်။ တကယ်လို့ နိုင်ငံတော်အပေါ် အကြည်ညို ပျက်စေမှုနဲ့ အရေးယူခဲ့ရင်တော့ ကာတွန်းဆရာဟာ ထောင်ဒဏ် သုံးနှစ်အထိ ကျခံရနိုင်ပါတယ်။

ခိုလှုံခွင့်တောင်းခံသူ ကလေးတွေကို ကာကွယ်ဖို့ တောင်းဆို

သြစတြေးလျကို သွာဖို့ ဖြစ်ပေမဲ့ အကြောင်း အမျိုးမျိုး ကြောင့် အင်ဒိုနီးရှားကို ရောက်လာကြ

မြန်မာနိုင်ငံက အရွယ် မရောက်သေးတဲ့ လူငယ်တွေ အပါအဝင် ခိုလှုံခွင့် တောင်းခံ နေကြတဲ့ ကလေးသူငယ်တွေရဲ့ အခွင့်အရေး တွေကို ထိထိ ရောက်ရောက် ကာကွယ် စောင့်ရှောက် ပေးဖို့ အင်ဒိုနီးရှားနဲ့ သြစတြေးလျ နိုင်ငံတွေကို လူ့အခွင့်အရေး ဆိုင်ရာ အဖွဲ့ Human Right Watch အဖွဲ့က တောင်းဆို လိုက်ပါတယ်။

အင်ဒိုနီးရှားနိုင်ငံက ထိန်းသိမ်းရေး စခန်းတွေမှာ အစိုးရရဲ့ စာရင်းဇယားတွေ အရ အသက် ၁၄ နှစ်ကနေ ၁၇ နှစ် အရွယ် ကလေးသူငယ် ၃၀၀၀ လောက် ရှိနေတယ်လို့ အင်ဒိုနီးရှား နိုင်ငံမှာ ရှိတဲ့ Human Right Watch အဖွဲ့က သုတေသန အရာရှိ Andreas Harsona က ပြောပါတယ်။

 အဲဒီကလေးတွေဟာ လူကြီး မိဘမပါဘဲ သူတို့ရဲ့ ညီအကိုတွေ ဆွေမျိုးတွေနဲ့ လာကြ သလို တချို့က တခြား သူတွေနဲ့ လာကြပြီး အများအားဖြင့် လှေနဲ့ ရောက်လာကြသူတွေ ဖြစ်တယ်လို့ ဆိုပါတယ်။ တချို့ကတော့ လှေနဲ့လာရင်း လမ်းမှာ လှေမှောက်လို့ ဒါမှမဟုတ် တနည်းနည်းနဲ့ မိဘ ဆုံးပါးသွားလို့ မိဘမဲ့ ဖြစ်နေကြသူတွေလို့ ပြောပါတယ်။

ဒီကလေးတွေဟာ မြန်မာ၊ သီရိလင်္ကာ၊ အာဖဂန်စ္စတန်၊ အီရတ်၊ ဆိုမာလီ နဲ့ ပါကစ္စတန် နိုင်ငံတွေက ဖြစ်ပြီး၊ စခန်းတခု မှာတော့ မြန်မာနိုင်ငံက လာတယ် ဆိုတဲ့ ရိုဟင်ဂျာ ကလေး သူငယ် တဒါဇင်လောက် တွေ့ရတယ်လို့ HRW သုတေသန အရာရှိ Andreas Harsona ကပြောပါတယ်။

 ထိန်းသိမ်းရေး စခန်းတွေထဲမှာ ရှိနေတဲ့ ဒုက္ခ သည် အခြေအနေတွေ နဲ့ ပတ်သက်လို့ HRW က စိုးရိမ်နေ

မြန်မာနိုင်ငံက လာတဲ့ အထဲမှာ ချင်း ကရင် စတဲ့ တိုင်းရင်းသားတွေလည်း ပါဝင်ကြောင်းနဲ့ ဒါပေမဲ့ ရိုဟင်ဂျာက အများစု ဖြစ်ပြီး၊ တချို့က ရခိုင်ပြည်နယ် ပဋိပက္ခ အတွင်း ရောက်လာသူတွေ ဖြစ်ကာ၊ တချို့က လွန်ခဲ့တဲ့ ၃ နှစ်လောက် အတွင်း ရောက်လာကြ သူတွေလို့ Mr Harsona က ပြောပါတယ်။

သူတို့ရဲ့ ရည်ရွယ်ချက်က သြစတြေးလျကို သွားကြဖို့ ဖြစ်ပြီး အကြောင်း အမျိုးမျိုးကြောင့် အင်ဒိုနီးရှားကို ရောက်လာကြတာလို့ ဆိုပါတယ်။ တချို့ လူငယ်တွေဟာ သူတို့နဲ့ အချိတ် အဆက် ရှိတဲ့ လူတွေရဲ့ လာအခေါ်ကို စောင့်နေကြတာလို့ ပြောပါတယ်။ ထိန်းသိမ်းရေး စခန်းတွေထဲမှာ ရှိနေတဲ့ သူတို့ရဲ့ အခြေအနေတွေ နဲ့ ပတ်သက်လို့ HRW အနေနဲ့ စိုးရိမ်မှုတွေ ရှိနေတယ်လို့ သူက ပြောပါတယ်။

အင်ဒိုနီးရှား ဥပဒေအရ၊ နိုင်ငံတကာ ဥပဒေအရ လူငယ်တိုင်း ပညာသင်ခွင့် ရှိပေမဲ့ အင်ဒိုနီးရှား အစိုးရက ဘာသာစကားကြောင့် ဆိုပြီး ပညာ မသင်ပေးဘူးလို့ ဆိုပါတယ်။

ဒုက္ခသည် အများအပြားဟာ စခန်းစောင့်တွေရဲ့ မတရား ပြုမူမှုကို ခံနေကြရပြီး၊ အပြင်ထွက်ရင်လည်း ရိုက်နှက်ခံရတာကြောင့် တချို့ဆိုရင် အပြင် မထွက်ရဲအောင် ဖြစ်နေကြတဲ့ အတွက် အကာအကွယ်ပေးဖို့ တောင်းဆိုနေတာပါလို့ မစ္စတာ ဟာနိုဆာက ပြောပါတယ်။

 Manaf Tlass ပြင်သစ်က ကယ်ထုတ်လို့ လွတ်လာ

မကြာသေးခင်က ဆီးရီးယား ကနေ ထွက်ပြေးလာသူတွေထဲက နာမယ်အကြီးဆုံး တယောက် ဖြစ်တဲ့ ဗိုလ်ချုပ်ကြီး Manaf Tlass က သူတိုင်းပြည်ထဲက ထွက်ပြေးလွတ်မြောက် နိုင်ဖို့ ပြင်သစ် နိုင်ငံက အကူအညီ ပေးခဲ့တာလို့ ဘီဘီစီကို ပြောပါတယ်။

ဒါပေမယ့် ဒီကိစ္စမှာ သူ့ကို အကူအညီ ပေးခဲ့တဲ့ သူတွေ ဒုက္ခ ရောက်မှာစိုးလို့ အသေးစိတ်ကို မပြောနိုင်ပါဘူးလို့ သူခိုလှုံနေရာ ပါရီမြို့ကနေ မစ္စတာ တာလက်စ်က ရှင်းပြခဲ့ပါတယ်။

ဆီးရီးယား အစိုးရဟာ သူတို့အနေနဲ့ သုံးဖို့ လိုအပ်လာတယ်လို့ ထင်ရင် ဓါတု လက်နက်တွေ သုံးဖို့ ဝန်မလေးဘူးလို့လည်း သတိပေးခဲ့ ပေမယ့် ပြည်ပနိုင်ငံတွေက ဆီးရီးယားကို ဝင်တိုက်တာကိုတော့ သူက ဆန့်ကျင်ကြောင်း ပြောခဲ့ပါတယ်။

ဒါ့အပြင် ဆီးရီးယား ပြည်သူတွေနဲ့ သူ့မိသားစု အကျိုးအတွက် သူ့မိတ်ဆွေဟောင်း သမ္မတ ဘတ်ရှား အယ် အာဆက်ဒ် အနေနဲ့ ရာထူးက ဆင်းပေးဖို့ သူက ပန်ကြားခဲ့ပါတယ်။

မစ္စတာ တလက်စ်ကို တချို့က အတိုက်အခံ ခေါင်းဆောင်တယောက် အဖြစ် မြင်လိုကြပေမယ့် တချို့ကတော့ သူဟာ သိတ် အလျော့ပေးတက် လွန်းတယ် ဆိုပြီး ပယ်ချခဲ့ကြပါတယ်။

တခါ ဆီးရီးနိုင်ငံ အလက်ပိုမြို့မှာ စစ်သား နှစ်ဆယ်ကျော်ကို အစုလိုက် အပြုံလိုက် သတ်ဖြတ်လိုက်တယ်လို့ ဆိုထားတဲ့ ဗီဒီယိုတွေကို အတိုက်အခံ တက်ကြွ လှုပ်ရှားသူတွေရဲ့ အင်တာနက် စာမျက်နှာမှာ တင်ထားတာ တွေ့ရပါတယ်။

အဲဒီ ဆီးရီးယား လူ့အခွင့်အရေး လေ့လာစောင့်ကြည့်ရေး အဖွဲ့က တင်ထားတဲ့ ဗီဒီယိုမှာ ပျောက်ကျား စစ်ဝတ်စုံ ၀တ်ထားတဲ့ သွေးပေကျံနေတဲ့ အလောင်းတွေကို တချို့ ဆိုရင် လက်ပြန်ကြိုး တုပ်နှောင်ထားရက်သား လမ်းပေါ်မှာ တန်းစီ ချထားတာ တွေ့ရပြီး ဒီသတ်ဖြတ်မှုတွေဟာ ပြီးခဲ့တဲ့ ရက်ပိုင်းကမှ ဖြစ်ခဲ့တာလို့လည်း ဆိုပါတယ်။

မကြာခင်က ခန့်လိုက်တဲ့ ဆီးရီးယား အရေး ဆိုင်ရာ နိုင်ငံတကာ အထူး သံတမန် Lakhdar Brahimi ပဋိပက္ခ ဖြစ်ရာ နေရာကို ပထမဆုံး အကြိမ် ရောက်လာခဲ့ပြီးမှာ အခုလို ရက်စက် ကြမ်းကြုတ်တဲ့ သတ်ဖြတ်မှုတွေ ပိုတိုး ဖြစ်လာခဲ့တာပါ။

မစ္စတာ ဘရာဟီမီဟာ သူ့ခရီးစဉ်အတွင်း အာရပ် အဖွဲ့ချုပ် အကြီးအကဲ Nabil El Araby နဲ့လည်း တွေ့ဆုံခဲ့တယ်လို့ သိရပါတယ်။

ရခိုင်နဲ့ ကချင်အရေးကြောင့် စိတ်အနှောက်အယှက်ဖြစ်

မြန်မာနိုင်ငံမှာ  အခုထက်ထိ  ဒီမိုကရေစီရေး  ပြုပြင်ပြောင်းလဲမှုတွေကို   ဆက်ပြီး လုပ်နေတာ တွေ့ရတယ်လို့   ကုလသမဂ္ဂ လူ့အခွင့်ရေး ကော်မရှင်နာမင်းကြီး  Navi Pillay ပြောကြား လိုက်ပါတယ်။

ဒါပေမယ့်လည်း  ရခိုင်ပြည်နယ်နဲ့  ကချင်ပြည်နယ်တွေ အတွင်း  ဖြစ်ပွါးနေတဲ့  အကြမ်းဘက်မှုတွေအတွက်တော့ စိတ်အနှောက်အယှက် ဖြစ်ရတယ်လို့ ဆိုပါတယ်။ အပြည့်အစုံကို  ဒေါ်ခင်မျိုးသက်ကပြောပြပေးထားပါတယ်။

မနေ့က  တနင်္လာနေ့   Switzerland   နိုင်ငံ ဂျနီဗာမြို့မှာစတင်တဲ့   ၂၁ကြိမ်မြောက် ကုလသမဂ္ဂ လူ့အခွင့်ရေးကေင်စီရဲ့ ညီလာခံမှာ  ကုလသမဂ္ဂ လူ့အခွင့်အရေး ကော်မရှင်နာမင်းကြီး နာဗီ ပီလေးက မြန်မာနိုင်ငံနဲ့ ပါတ်သက်ပြီး  လက်ရှိအခြေအနေမှာ ပြုပြင်ပြောင်းလဲမှုတွေ ဆက်ပြီးလုပ်နေတာတွေ့ရတယ်လို့  အခုလိုပြောပါတယ်။

“မြန်မာနိုင်ငံမှာ  ပြုပြင်ပြောင်းလဲမှုတွေ ဆက်ပြီး လုပ်နေတာတွေ့ရပါတယ်။ ဒီအထဲမှာ  သတင်းမီဒီယာတွေ အပေါ် ကန့်သတ်ပိတ်ပင်ထားတာ တချို့ ဖြေလျှော့ပေးတာအပြင်  နိုင်ငံရေး အကျဉ်းသားတွေ ထပ်ပြီးလွှတ်ပေးတာနဲ့  တရားရေး ဆိုင်ရာ ပြုပြင်ပြောင်းလဲမှုတွေ လုပ်နေတာမျိုးပါ တွေ့ရပါတယ်။  OHCHR  လို့ခေါ်တဲ့ ကုလသမဂ္ဂ လူ့အခွင့်ရေးဆိုင်ရာ မဟာမင်းကြီးရုံးက   မကြာခင်ကာလတွေ အတွင်း မြန်မာနိုင်ငံကို  ထိတွေ့ဆက်ဆန်မှုတွေ တိုးလုပ်လာသလို  မြန်မာနိုင်ငံရဲ့  အသွင်ကူးပြောင်းရေး ကာလအတွက် တကယ့်ကို အထောက်အကူတွေ ပေးခဲ့တယ်လို့ ကျမ ပြောပါရစေ။” ကုလသမဂ္ဂက  မြန်မာနိုင်ငံ လူ့အခွင့်ရေး ဆိုင်ရာ အထူးကိုယ်စားလှယ် အဖြစ်  ၂၀၀၈ခုနှစ်က စပြီး  သောမတ်စ် အိုဟေး ကင်တားနားကို ခန့်အပ်ပြီး မြန်မာနိုင်ငံတွင်း လူ့အခွင့်ရေး ချိုးဖေါက်မှုတွေ လျော့ပါးစေဖို့ ဆောင်ရွက်ခဲ့ပါတယ်။   ယုံကြည်ချက်ကြောင့် အကျဉ်းကျခံနေရတဲ့  နိုင်ငံရေး အကျဉ်းသားတွေ လွှတ်မြောက်စေဖို့ အပြင် အဓမ္မ လုပ်အားစေခိုင်းမှုနဲ့ ကလေးစစ်သား ပပျောက်ရေး အပါအ၀င် လူ့အခွင့်ရေး အချိုးဖေါက်ခံရမှုတွေအတွက် စုံစမ်းစစ်ဆေးဖို့   မစ္စတာကင်တားနားဟာ  မြန်မာနိုင်ငံကို  ၆ကြိမ် လာရောက် ခွင့်ရခဲ့ပါတယ်။  

နောက်ဆုံးအကြိမ်အဖြစ် ပြီးခဲ့တဲ့ လဆန်းမှာပဲ  မြန်မာနိုင်ငံကို  ၆ရက်ကြာခရီး လာရောက်ခဲ့တဲ့ နောက်မှာ  မစ္စတာကင်တားနားက  မြန်မာနိုင်ငံမှာ ဆိုးဝါးတဲ့ လူ့အခွင့်ရေး ချိုးဖေါက်မှုတွေ အခုထိရှိနေတုန်းပဲလို့ ပြောဆိုခဲ့ပါတယ်။လူ့အခွင့်ရေး ကော်မရှင်နာမင်းကြီး နာဗီပီလေးကလည်း  မြန်မာနိုင်ငံမှာ  ကောင်းမွန်တဲ့ ပြုပြင်ပြောင်းလဲမှုတွေ ဆက်တွေ့နေရပေမယ့် လူ့အခွင့်ရေး ချိုးဖေါက်မှုတွေ ကိုတော့  တွေ့နေရဆဲပဲလို့ ပြောပါတယ်။

“ဘာပဲပြောပြော  အခုမြန်မာနိုင်ငံမှာ  အကြမ်းဖက်မှုတွေကို ရခိုင်ပြည်နယ်ထဲမှာ တွေ့နေရပြီး  ဒီအကြမ်းဖက်မှု အဓိကရုန်းတွေ ကြောင့်  အနည်းဆုံး လူ ၈၈ ယောက်  သေဆုံးခဲ့ရပြီး   လူပေါင်း (ရ) သောင်းလောက် အိုးအိမ်စွန့်ခွါ  ထွက်ပြေးနေကြရတာမို့  ဒါဟာ ဒေသခံတွေအားလုံးကို ကျယ်ကျယ်ပြန့်ပြန့် ခံစားစေတာပါ။ ဒါ့အပြင် ကချင်ပြည်နယ်ထဲမှာလည်း လူ့အခွင့်ရေး ချိုးဖေါက်မှုတွေ ဆက်ပြီး တွေ့နေရသေးတာမို့  ဒါက ကျမတို့ကို  စိတ်အနှောက်အယှက်ဖြစ်စေပါတယ်။

ရခိုင်ပြည်နယ်မှာဖြစ်ပွါးတဲ့ အဓိကရုန်းတွေနဲ့ ပါတ်သက်ပြီး သီးခြားလွတ်လပ်တဲ့ စုံစမ်းစစ်ဆေးမှုတရပ် လုပ်ပေးဖို့ ကုလသမဂ္ဂက တောင်းဆိုခဲ့ပြီး  မြန်မာအစိုးရက  သြဂုတ်လ ၁ရရက် နေ့မှာပဲ  အဖွဲ့ဝင် ၂၈ဦးပါဝင်တဲ့  စုံစမ်းစစ်ဆေးရေး အဖွဲ့တရပ်ကို ဖွဲ့စည်းလိုက်ကြောင်း ကြေငြာချက်ထုတ်ပြန်ပြီး စုံစမ်းစစ်ဆေးစေခဲ့ပါတယ်။

ကုလသမဂ္ဂရဲ့ မြန်မာနိုင်ငံ လူ့အခွင့်ရေး အထူးကိုယ်စားလှယ် သောမတ်စ် အိုဟေး ကင်တားနားဟာ မြန်မာနိုင်ငံရဲ့  လူ့အခွင့်ရေး အခြေအနေတွေနဲ့ ပါတ်သက်ပြီး  အောက်တိုဘာလထဲမှာ ကျင်းပမယ့်  ၆၇ကြိမ်မြောက်  ကုလသမဂ္ဂ အထွေထွေ ညီလာခံမှာ သူ့ရဲ့တွေ့ရှိချက်တွေကို တင်ပြမှာ ဖြစ်ပါတယ်။

မုံရွာကြးနီတောင် စီမံကိန်း ဆန္ဒပြမှု ပုဒ်မ ၁၄၄ ထုတ်

မုံရွာ လက်ပန်းတောင်းတောင် ကြေးနီစီမံကိန်း ရပ်စဲရေး တောင်ဆိုတဲ့ အထဲမှာ ပါဝင်ခဲ့ပြီး မုံရွာမြို့ ဆုတောင်ပြည့် ဘုရားလာဖူးသူု ဒေသခံရွာသား၁၂ ဦးကို အာဏာပိုင်တွေက ဖမ်းဆီးပြီး ပြန်လွှတ်မပေးသေးတဲ့ အတွက် ဒေသခံ အင်အား ၂၀၀၀ လောက်က မုံရွာ ရဲစခန်းကို ဆန္ဒပြနေသြလို လက်ပန်းတောင်းတောင် စီမံကိန်းကို ရပ်တန့်ဖို့ ဆန္ဒပြနေတဲ့ ကျေးရွာတွေကို အာဏာပိုင်တွေက ပုဒ်မ ၁၄၄ ထုတ်တဲ့ အကြောင်းကြားစာတွေ လိုက်ဝေနေတယ်လို့ ဆိုပါတယ်။ မအေးအေးမာက သတင်းပေးပို့ထားပါတယ်။

လက်ပန်းတောင်းတောင် ကြေးနီစီမံကိန်း ရပ်နားဖို့ တောင်းဆိုတာကြောင့် ဖမ်းဆီးခံထားရတဲ့ ဒေသခံ ရွာသား ၁၂ ဦးပြန်လွှတ်ပေးရေး အတွက် မုံရွာ အမှတ်(၁) ရဲစခန်းရှေ့မှာ ဒေသခံ လူထုတွေ ဆန္ဒပြနေကြတာပါ။ ဆန္ဒပြမှုမှာ ဦးဆောင်သူ တဦး ဖြစ်တဲ့ ဗကသများ အဖွဲ့ချုပ်က မုံရွာ တာဝန်ခံ ကိုနွေဦးကို က အခုလို ပြောပါတယ်။

" ၁၂ ယောက်လုံး လွှတ်ပေးမယ်လို့တော့ ပြောတယ်။ အခုဟာက ၁၀ ယောက်လွှတ်ပေးပြီးပြီပေါ့နော်။ သူတို့ ပါးစပ်က ပြောတာပေါ့နော်။ ၁၀ ယောက်လွှတ်ပေးပြီးပြီပေါ့နော်။ ဒါပေမယ့် အကိုတို့က ၁၀ ယောက်ကို အကိုတို့ မျက်စိရှေ့မှာ မမြင်ရဘူး။ မယုံဘူးဆိုပြီး ဆက်ပြီး ဆန္ဒပြနေတယ်။ ခန့်မှန်းခြေက ကျနော့် အထင်ပြောရရင် ၂ ထောင် ၀န်းကျင်လောက်တော့ ရှိမယ် ထင်တယ်ဗျ။ အခုဟာ ကျနော်တို့က မီးတွေလည်း ရဲစခန်းတွေ ဘာညာ အကုန်လုံးက မီးတွေ ဖြတ်ထားတော့ ဖယောင်းတိုင် တွေနဲ့ဘဲ အကုန်လုံး "

လက်ပန်းတောင်းတောင်ခြေ တ၀ိုက်က ကျေးရွာတွေကို အာဏာပိုင်တွေက စက်တင်လာလ ၁၀ ရက်နေ့မှာဘဲ ပုဒ်မ ၁၄၄ ထုတ်ထားတယ် ဆိုတဲ့ စာတွေ လာရောက်ဖြန့်ဝေမှုတွေ လုပ်နေတယ်လို့ ကျောင်းသားခေါင်းဆောင် ကိုဟန်ဝင်းအောင်ကလည်း ပြောပါတယ်။

" ဒီရွာတွေဘက်နဲ့ သက်ဆိုင်ရာတွေ လာပြီး ပေးသွားတယ်ပေါ့နော်။ ပုဒ်မ ၁၄၄ ထုတ်ပြန်ချက်က အခု ၂၀၁၁ ခုနှစ် စက်တင်ဘာလ ၁၁ ရက်နေ့  ကနေ စပြီးတော့ ၂၀၁၂ အောက်တိုဘာလ ၃၁ ရက်နေ့ အထိ။ အရှေ့ဘက်ကို သွားရင် ဆာလင်းကြီးနဲ့ ညောင်ပင်ကြီး ကားလမ်းကြား တခုလုံး၊ အနောက်ဘက်ကို သွားရင် မိုးကြိုးပြင် ကျေးရွာအုပ်စု တစုလုံး၊ တောင်ဘက်ကို သွားရင် ချောင်းတကာ ကျေးရွာအုပ်စု တစုလုံး၊ မြောက်ဘက်ကို သွားရင် ညောင်ပင်ကြီး ယင်းမာပင် ကားလမ်း တလျှောက်လုံး အဲဒါတွေကို ၁၄၄  ထုတ်ပြန်ကြောင်းကို သူတို့ ကြေညာချက် ထုတ်ပြန်ပြီးတော့ လာပေးသွားတယ်။ "

ဖမ်းဆီးခံရသူ အမျိုးသမီးတွေဟာ ရွှေစင်ရွာနဲ့ ၀က်မှေးရွာက ဖြစ်ပြီး သူတို့လယ်မြေတွေ အသိမ်းခံရတာ၊ ရွာတွေ ရွှေ့ပြောင်းခံရတာကြောင့် ဆန္ဒပြခဲ့ကြသူတွေ ဖြစ်ပါတယ်။

" အမျိုးသမီးတွေချည်းဘဲ ၁၂ ယောက် အဖမ်းခံလိုက်ရတာ။ ရွှေစင်ရွာ နဲ့ ၀က်မှေးရွာက။ ရွှေစင်ရွာကတော့ လယ်ယာမြေ အသိမ်းခံရတာ ဖြစ်တယ်။ ၀က်မှေးရွာကတော့ ရွာရွှေ့ပြောင်းဖို့ အမိန့်ထုတ်ခံထားရတဲ့ ရွာပေါ့။ အဲဒီမှာ ပါသွားတဲ့ အမျိုးသမီးတွေက မသွဲ့သွဲ့ဝင်း၊  နောက်တယောက်က မအေးနက်၊ နောက်တယောက်က မမိရွှေ၊ မဖြူဖြူဝင်း၊ မစန်းစန်းလှ၊ မစန်းဝင်း၊ မ၀င်းမာ၊ မမဲတူ၊ မစန်းစန်းလှ၊ စန်းစန်းဝင်း၊ ဒေါ်သန်းမီ၊ မ၀င်းမာ၊ မမဲတူ၊ မမာမာအေး၊ ဒေါ်မိဖြူ၊ မညိုစန်း သူတို့ကို ၁ နာရီ ၁၀ မိနစ်လောက်ကနေ စတင်ပြီးတော့ ဖမ်းလိုက်တာ ဖြစ်ပါတယ်။ ဖမ်းဆီးလိုက်တဲ့သူက မုံရွာ အမှတ် (၁) ရဲစခန်းက ဦးကြူနှင်း"

ဒေသခံ အင်အား ၈၀၀ ခန့်ကလည်း ဖမ်းဆီးခံထားရတဲ့ ဒေသခံ အမျိုးသမီး ၁၂ ဦးကို ပြန်လွှတ်ပေးဖို့ အတွက် မုံရွာရဲစခန်းကို လာကြတဲ့သူတွေဟာ လမ်းတ၀က်မှာဘဲ တားဆီးခံရတာကြောင့် လမ်းတ၀က်မှာဘဲ ဆန္ဒပြမှုတွေ လုပ်ခဲ့ရတယ်လို့ ဆိုပါတယ်။ " ဒီဘက်မှာ ကျန်တဲ့ ရွာသားတွေက မုံရွာမြို့က ဖမ်းဆီးထားတဲ့သူတွေ လွတ်မြောက်ရေးနဲ့ ဖမ်းဆီးမှုကို ရှုတ်ချရေး အတွက် ဆန္ဒပြပြီး ချီတက်လာတဲ့ အချိ်န် တဖက်ကမ်းကို ကူးခွင့်မပေးဘဲနဲ့  ညောင်ပင်ကြီး ဆိပ်ကမ်းမှာ ပိတ်ဆို့လိုက်တယ်။ အဲတော့ ညောင်ပင်ကြီး ဆိပ်ကမ်းမှာဘဲ ရွာသားတွေက ဆန္ဒပြတယ်။ အဲလို ဆန္ဒပြတဲ့ အခါမှာ မြို့နယ် အုပ်ချုပ်ရေးမှူးနဲ့ ရဲတွေ ရောက်လာတယ်။ ပြည်သူလူထုတွေက အ၀င်မခံတဲ့ အတွက် သူတို့တွေ နောက်ဆုတ်သွားရတယ်ပေါ့။ "

 ပြီးထဲ့တဲ့ ၅ ရက်နေ့ကလည်း အာဏာပိုင်တွေဟာ လက်ပန်းတောင်းတောင် ကြေးနီးစီမံကိန်းကို ဆန္ဒပြတဲ့ ရွာသား အင်အား ၄ ထောင်ခန့်ကိုလည်း မုံရွာ ပုသိမ် ကားလမ်းမကြီးကို ပိတ်ဆို့ပြီး တားမြစ်ခဲ့ပါတယ်။ ဒီနောက် ဒီစီမံကိန်း ရပ်တန့်ဖို့ အကူအညီပေးနေသူတွေကို ဖမ်းဆီးတာ တရားစွဲတာတွေ လုပ်ခဲ့တာကြောင့် ဒေသခံ ရွာသားတွေဟာ မနေ့က ညကလည်း လက်ပန်းတောင်းတောင် တောင်ခြေမှာ အင်အား ၁၅၀၀ ခန့်က မီးဒုတ်တွေကိုင်ပြီး ဆန္ဒပြခဲ့ပါတယ်။

အဓိက ကတော့ သူတို့ဟာ စီမံကိန်းကြီးကို ဖျက်သိမ်းဖို့ တောင်းဆိုပြီး စီမံကိန်းကြောင့် သိမ်းထားတဲ့ လယ်ဧက ၇၈၀၀ ကျော်ကို ပန်ရရှိဖို့ တောင်းဆိုခဲ့ပါတယ်။ ဒီစီမံကိန်းကို မြန်မာ့ စီးပွားရေး ဦးပိုင်လီမိတက်နဲ့ တရုတ်နိုင်ငံက မြန်မာ ၀မ်ပေါင် ကုမ္ပဏီတို့က ပူးပေါင်း လုပ်ခဲ့တာ ဖြစ်ပြီး ဘေးထွက်ဆိုးကျိုး အဖြစ် သဘာဝပတ်ဝန်းကျင် ထိခိုက်မှုတွေ ဖြစ်နေပြီး ချင်းတွင်းမြစ်ရေ ညစ်ညမ်းမှုတွေ ကြုံရနိုင်တာကြောင့် ဒေသခံတွေနဲ့ အတူ ကျောင်းသားတွေက စီမံကိန်းကို ရပ်ဖို့ တောင်းဆိုနေတာလည်း ဖြစ်ပါတယ်ရှင်။

မီဒီယာ ဥပဒေမူကြမ်းသစ်ရေးဆွဲဖို့ ပြန်ကြားရေး ၀န်ကြီးသစ်ပြင်ဆင်

ပြန်ကြားရေးဝန်ကြီးဟောင်း ဦးကျော်ဆန်း လက်ထက်က ရေးဆွဲထားခဲ့တဲ့ မီဒီယာဆိုင်ရာ ဥပဒေမူကြမ်းကို အသုံးမပြုတော့ပဲ ဥပဒေသစ် အစကနေ ပြန်ရေးဆွဲဖို့ ပြန်ကြားရေး ၀န်ကြီးအသစ်က စီစဉ်နေပြီဖြစ်ပါတယ်။ သတင်းမီဒီယာလောကမှာ ကိုယ်တိုင် ပါဝင်လုပ်ဆောင်နေတဲ့ ကိုယ်စားလှယ်တွေနဲ့ မကြာခင်မှာ ဖွဲ့စည်းတော့မယ့် စာနယ်ဇင်းကောင်စီကနေ ဦးဆောင်ပြီး အဲဒီ မီဒီယာ ဥပဒေမူကြမ်းကို ရေးဆွဲကြမှာဖြစ်ပါတယ်။ ပြန်ကြားရေးဝန်ကြီးက သတင်း မီဒီယာလောကက တာဝန်ရှိသူတွေကို ပြီးခဲ့တဲ့ သီတင်းပတ်ထဲမှာ လိုက်လံတွေ့ဆုံပြီး အခုလို စီစဉ်နေတာဖြစ်ပါတယ်။ အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။

သမ္မတ ဦးသိန်းစိန်က အခုနောက်ဆုံး ပြုလုပ်လိုက်တဲ့ ၀န်ကြီးဌာန အပြောင်းအလဲတွေအတွင်း ပြန်ကြားရေးဝန်ကြီးအဖြစ် ပြောင်းလဲ ခန့်အပ်ထားခြင်းခံရတဲ့ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးအောင်ကြည်က သတင်း၊ စာနယ်ဇင်းနဲ့ ဂျာနယ်လောကက တာဝန်ရှိသူတွေ၊ မီဒီယာအဖွဲ့အစည်းအဖြစ် ဖွဲ့စည်းထားတဲ့ အဖွဲ့အစည်းတွေက တာဝန်ရှိသူတွေနဲ့ သီးခြားစီ လိုက်လံတွေ့ဆုံပြီး အခုလို မီဒီယာဥပဒေအသစ် ရေးဆွဲဖို့ စီစဉ်လာတာဖြစ်ပါတယ်။

အရင် ပြန်ကြားရေးဝန်ကြီး ဦးကျော်ဆန်းလက်ထက် ရေးဆွဲခဲ့ပြီး လွှတ်တော်မှာ အဆိုတင်သွင်းဖို့အထိ ပြင်ဆင်ထားတဲ့ မီဒီယာဥပဒေကြမ်းကို မကြိုက်တဲ့အတွက် အသစ်ပြန်ရေးဆွဲဖို့ ပြောလာတာဖြစ်တယ်လို့ ၀န်ကြီး ဦးအောင်ကြည်နဲ့ တွေ့ဆုံခဲ့တဲ့ မြန်မာဂျာနယ်လစ် ကွန်ယက်အဖွဲ့ MJN က ထွေထွေအတွင်းရေးမှူး ဦးမြင့်ကျော်က ပြောပါတယ်။

“ ဘယ်လိုလဲ ဆိုတော့ အရင် မီဒီယာ ဥပဒေက သူမကြိုက်ဘူးလို့ ပြောပါတယ်။ သူမကြိုက်ဘူးဆိုတော့ အဲဒီဟာကို ထားလိုက်တော့ပေါ့နော်။ ထားလိုက်တော့ ဆိုတော့ အသစ်ပြန်လုပ်မယ်။ မီဒီယာ ဥပဒေရဲ့ Frame Work ကို မကြာခင်ဖွဲ့စည်းမယ့် စာနယ်ဇင်း ကောင်စီကို Frame Work ချပေးမယ်ပေါ့နော်။ စာနယ်ဇင်းကောင်စီက Frame Work ကို သုည မူကြမ်းအနေနဲ့ Zero Draft အနေနဲ့ ဆွဲမယ်ပေါ့နော်။ ဆွဲပြီးတော့ ပြန်ကြားရေး ၀န်ကြီးဌာနကို ပေးမယ်။ ပြန်ကြားရေး ၀န်ကြီးဌာနက First Draft အနေနဲ့ ဆွဲမယ်။ အဲဒီ First Draft အနေနဲ့ ဆွဲပြီးရင် မီဒီယာ ဥပဒေနဲ့ ပတ်သက်တဲ့ Work Shop ကို ကျယ်ကျယ်ပြန့်ပြန့် ပါဝင်တဲ့ Work Shop တခု လုပ်မယ်လို့ ပြောတယ်။”

ဥပဒေအသစ် မကြာခင် ရေးဆွဲမယ်ဆိုပေမယ့်လည်း အများစုရဲ့ သဘောဆန္ဒ ပါဝင်အောင် ရေးဆွဲမှာဖြစ်တဲ့အတွက် အချိန်ယူ လုပ်ဆောင်ရမှာဖြစ်တယ်လို့ ဦးမြင့်ကျော်က ဆက်ပြောပါတယ်။

“ အဓိကက မီဒီယာ သမားတွေကို ကိုယ်စားပြုပြီး ဆွဲတဲ့ နေရာမှာ ၀င်ပါမှာက စာနယ်ဇင်းကောင်စီ ဖြစ်လိမ့်မယ်။ ဒါကြောင့် ပထမ အဆင့် စာနယ်ဇင်း ကောင်စီက မီဒီယာ လောကကို ကိုယ်စားပြုတယ်လို့ ဆိုရင် အဲဒီ စာနယ်ဇင်း ကောင်စီက မီဒီယာ ဥပဒေ ရေးဆွဲရင် ပါဝင်ရေးဆွဲခွင့် ရလာမယ့် သဘောပါ။ မီဒီယာ ဥပဒေက ကြာမယ့် သဘောရှိတယ်။ လာမယ့် လွှတ်တော်တို့ ဘာတို့တောင် မီမယ် မမီဘူး မသိဘူးဗျ။ လောလောဆယ်မှာ မြန်မြန် ဆန်ဆန် ဖွဲ့မှာက စာနယ်ဇင်းကောင်စီ ဖြစ်လိမ့်မယ်။ အဲဒီတော့ မနေ့က အဓိက တွေ့တာ မီဒီယာ ဥပဒေ အတွက် တွေ့တာတော့ မဟုတ်ဘူး။ စာနယ်ဇင်း ကောင်စီ အတွက် ပြောလို့ရတယ်။ ကျန်တာကတော့ သူရှင်းပြတဲ့ သဘောပါ။ မီဒီယာ ဥပဒေနဲ့ ပတ်သက်ပြီးတော့။ ”

အရင် ရေးဆွဲထားတဲ့ ဥပဒေမူကြမ်းဟာ သတင်းမီဒီယာသမားတွေနဲ့ အများပြည်သူ သိရှိခြင်း မရှိဘဲ ရေးဆွဲထားတာဖြစ်တဲ့အတွက် အဟောင်းကို ပြန်ပြင်နေမယ့်အစား အသစ်တခု အစကနေ ပြန်ရေးဆွဲဖို့ ၀န်ကြီးနဲ့တွေ့တဲ့အချိန်မှာ သူတို့ဘက်က အကြံပြု တင်ပြခဲ့တယ်လို့ ၀န်ကြီးဦးအောင်ကြည်နဲ့ တွေ့ဆုံခဲ့သူ နောက်တဦးလည်းဖြစ်၊ MJA မြန်မာသတင်းစာဆရာများ အသင်းရဲ့ ဒုဥက္ကဌ တဦးလည်းဖြစ်တဲ့ ဦးကိုကို (စက်မှု) က ပြောပါတယ်။

“ အရင် ဥပဒေ လက်မခံနိုင်တဲ့ အကြောင်းကတော့ ဒီလိုလေ ကျနော်တို့ အဓိကကတော့ မမြင်ရဘူးလေ။ ဘာတွေပါမှန်းလဲ မသိသေးဘူး။ အခုထိ ချပြမယ်ဆိုရင်လည်း ကျနော်တို့က အစအဆုံး ဖြစ်မယ်။  ကျနော်တို့က သံသယ ၀င်တာက အရင်ဥပဒေက ၆၂ ခုနှစ်ကို အခြေခံပြီး ဆွဲထားတဲ့ ဥပဒေ ဖြစ်သွားမှာကို စိတ်ပူတယ်ဗျ။ ၆၂ က အငွေ့အသက်တွေ ပါမှာကို စိတ်ပူတယ်။ ကျနော်တို့ဘာသာ ကျနော်တို့ အသစ်ဘဲ စပြီးတော့ ကိုယ့်ဘာသာ လုပ်ခွင့် အခွင့်သာတုန်းပေါ့ဗျာ။ အရင်တုန်းကတော့ ဥပဒေသစ်ဆိုတာ ကိုယ့်ဘာသာ ဆွဲချင်ကြတာလေ။ သူများဆွဲပြီးသား တို့လို့တန်းလန်းကို ပြင်တာထက် ကိုယ့်ဘာကို စိတ်ကူးလေးနဲ့ Frame လေးနဲ့ ဆွဲလိုက်တာ ပိုကောင်းမယ်လို့ ထင်တယ်။ အဲဒါကြောင့် ကျနော် အဲလိုလေး ပြောလိုက်တာ။ အရင်ဥပဒေကို ကျနော်တို့က မမြင်ရသေးပါဘူး။ အခုထိလည်း ကျနော်တို့ ချမပြသေးပါဘူး။ ”

ဒီမီဒီယာ ဥပဒေမူကြမ်းကို ပြန်ကြားရေးဝန်ကြီးဌာနက ချပေးထားတဲ့ လမ်းညွှန်ချက်နဲ့အညီ စာနယ်ဇင်းကောင်စီက ပထမအဆင့်အဖြစ် “၀” အဆင့်ကို ရေးဆွဲကြမှာ ဖြစ်ပြီး နောက်ပိုင်းမှ မူကြမ်း ၁၊ မူကြမ်း ၂ ရယ်လို့ လိုအပ်သလို အစည်းဝေးတွေ၊ တိုင်ပင်ညှိနှိုင်းမှုတွေ လုပ်ဆောင်သွားပြီးမှ လွှတ်တော်ကို တင်သွင်းကြမှာ ဖြစ်တယ်လို့ ဆိုပါတယ်။

လောလောဆယ်မှာတော့ မီဒီယာဥပဒေအသစ်ကို ရေးဆွဲဖို့ရှိနေတဲ့ စာနယ်ဇင်းကောင်စီ (ယာယီ) ဆိုတာကို MJA၊ MJN တို့လို မီဒီယာအဖွဲ့အစည်းတွေက ကိုယ်စားလှယ်တွေ၊ စာရေးဆရာ၊ အယ်ဒီတာတွေ၊ မီဒီယာလုပ်ငန်းရှင်တွေ၊ ဒီလောထဲမှာ ထဲထဲ ၀င်ဝင် ပါဝင် လုပ်ဆောင်နေသူတွေ စတဲ့ လူပုဂ္ဂိုလ် ၃၀ နဲ့ ဖွဲ့စည်းထားတယ်လို့ သိရပါတယ်။ စာနယ်ဇင်းကောင်စီအစစ်ကိုတော့ အခုလ မကုန်ခင်လောက်မှာ ဖွဲ့စည်းဖြစ်မယ်လို့ ခန့်မှန်း ပြောဆိုနေကြပါတယ်။

မြန်မာအစိုးရက Core Press Council လို့ခေါ်တဲ့ အမြုတေစာနယ်ဇင်းကောင်စီကို သြဂုတ်လ ၁၁ ရက်နေ့မှာ ဖွဲ့စည်းခဲ့တာကြောင့် စာနယ်ဇင်းကောင်စီ အသစ်ပေါ်လာရင် အဲဒီ ကောင်စီဟောင်းရဲ့ အခန်းကဏ္ဍဘယ်လိုဖြစ်လာမယ်ဆိုတာတော့ မသိဘူးလို့ စာနယ်ဇင်းသမားတွေက ဗွီအိုအေကို ပြောပါတယ်။

နဂို ကရှိနေခဲ့တဲ့ ဆင်ဆာဘုတ်အဖွဲ့ကို သြဂုတ်လ ၂၀ ရက်နေ့မှာ ဖျက်သိမ်းလိုက်ပြီး တင်ထုတ်ကနေ ထုတ်တင်အဖြစ် ပြောင်းလဲပေးခဲ့တာ ဖြစ်ပါတယ်ခင်ဗျား။

အမေရိကန် အဆင့်မြင့် ကိုယ်စားလှယ်အဖွဲ့ ရခိုင် သွားရောက်လေ့လာ

အရှေ့အာရှနဲ့ ပစိဖိတ်ရေးရာ အမေရိကန် လက်ထောက်နိုင်ငံခြားရေး ၀န်ကြီးနဲ့ မြန်မာနိုင်ငံဆိုင်ရာ အမေရိကန် သံအမတ်တို့ ဦးဆောင်တဲ့ ကိုယ်စားလှယ် အဖွဲ့ဟာ ရခိုင်ပြည်နယ်ကို ၂ ရက်ကြာသွားပြီး ပြဿနာဖြစ်နေတဲ့ လူမျိုးစု ၂ ခုအကြား ဘယ်လို အတူယှဉ်တွဲနေထိုင်နိုင်အောင် ဘယ်လို ထိထိရောက်ရောက် ကိုင်တွယ် ဖြေရှင်းမလဲဆိုတာတွေကို ဒေသေခံ အဖွဲ့အစည်းတွေနဲ့ တွေ့ဆုံ ဆွေးနွေးခဲ့ကြပါတယ်။ ဒီအမေရိကန် ကိုယ်စားလှယ်အဖွဲ့ရဲ့ ခရီးစဉ်နဲ့ပတ်သက်လို့လည်း ရန်ကုန်မြို့မှာရှိတဲ့ အမေရိကန်သံရုံးကလည်း ကြေငြာချက် ထုတ်ပြန်ခဲ့ပါတယ်။ အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။

အမေရိကန် နိုင်ငံခြားရေး ဟီလာရီ ကလင်တန်ရဲ့ ညွှန်ကြားချက်အရ လက်ထောက်နိုင်ငံခြားရေး ၀န်ကြီး Joseph Yun ဦးဆောင်တဲ့ အချက်အလက်ရှာဖွေရေး အဆင့်မြင့် ကိုယ်စားလှယ် အဖွဲ့ဟာ မြန်မာနိုင်ငံကို စက်တင်ဘာလ ၇ ရက်နေ့မှာ ရောက်ရှိလာကြတာဖြစ်ပြီး မြန်မာနိုင်ငံဆိုင်ရာ အမေရိကန်သံအမတ်ကြီး Derek Mitchell နဲ့ ရခိုင်ပြည်နယ် စစ်တွေနဲ့ မောင်တောမြို့တွေကို စက်တင်ဘာလ ၈ ရက်နဲ့ ၉ ရက်နေ့တွေမှာ သွားခဲ့ကြတာ ဖြစ်တယ်လို့ ရန်ကုန်မြို့မှာရှိတဲ့ အမေရိကန်သံရုံးက ကြေငြာချက် ထုတ်ပြန်ပါတယ်။ အမေရိကန် အဆင့်မြင့် ကိုယ်စားလှယ်အဖွဲ့ဟာ စစ်တွေနဲ့ မောင်တောမြို့အနီးဝန်းကျင်မှာရှိတဲ့ ဒုက္ခသည် စခန်းတွေ၊ ဘုန်းတော်ကြီးကျောင်းတွေနဲ့ ဗလီကျောင်းတွေကို တနေ့တာ သွားရောက်လေ့လာ ခဲ့ကြပြီး စက်တင်ဘာလ ၉ ရက်နေ့မှာတော့ လူထုအခြေပြု လူမှုအဖွဲ့အစည်းတွေ၊ ဗုဒ္ဓဘာသာနဲ့ အစ္စလာမ် ဘာသာရေးဆိုင်ရာ တာဝန်ရှိသူတွေ၊ နိုင်ငံတကာ အဖွဲ့အစည်းတွေ၊ NGO အဖွဲ့တွေနဲ့  စစ်တွေမြို့မှာ တွေ့ဆုံခဲ့တာပါ။   အမေရိကန် အဆင့်မြင့်ကိုယ်စားလှယ်အဖွဲ့နဲ့ နေ့လည်စာစားရင်း ဘာသာမတူ လူမျိုးမတူသူ လူမျိုးစု ၂ ခုအကြား အတူယှဉ်တွဲနေထိုင်နိုင်ရေးနဲ့ ဒီကိစ္စကို ဘယ်လို ထိထိရောက်ရောက် ကိုင်တွယ် ဖြေရှင်းမလဲ ဆိုတာတွေကို အပြန်အလှန် ဆွေးနွေးဖြစ်ခဲ့တယ်လို့ ဒီစည်းဝေးပွဲကို တက်ရောက်ခဲ့တဲ့ ၀ံလက် ကျေးလက်ဒေသဖွံ့ဖြိုးရေး ဖောင်ဒေးရှင်းအကြီးအကဲ ဦးကျော်ဇောဦးက ပြောပါတယ်။  

" သူတို့ဘက်ကတော့ အဓိက ဦးတည်ပြီးတော့ ဘယ်ဘက်ကို ပြောနေလဲ ဆိုတော့ အတူယှဉ်တွဲနေထိုင်ရေး ဘယ်တော့ ဖြစ်နိုင်မှာလဲ စစ်တွေမြို့မှာပေါ့နော် အဲဒီဘက်ကို လှမ်းထောက်တဲ့ သဘောပါ။ ဒီဘက်က လူတွေ ပြောတာကတော့ နည်းနည်းတော့ ဒီ ရခိုင်တွေဘက်ကလည်း ဆိုက်ကော်လော်ဂျီ တော်တော် ခံစားသွားရတယ်။ အခုတခါမှာတောင် မဟုတ်ဘူး ၁၉၄၂ ခုနှစ် ကတည်းက ခံစားသွားခဲ့ရတာ ရှိတယ်။ ဆိုတော့ အဲဒါ အတွက် အချိန်နည်းနည်း စောင့်ရပါလိမ့်မယ်လို့ ကျနော်တို့ ပြောပါတယ်။

ဂျိုးဆက်ယွန်း ပြောတဲ့ အထဲမှာ တခွန်းပါတာကတော့ ဟုတ်ပြီ လူ့အခွင့်အရေးတို့ ဘာတို့ မဆွေးနွေးဘူးပေါ့နော် Citizen Rights တို့  Human Rights တို့ မဆွေးနွေးနဲ့။ လောလောဆယ် လက်တွေ့အခြေအနေက ဒီမြေပေါ်မှာ ဘင်္ဂါလီ ၈ သိန်းကျော် ရှိနေတယ်။ အဲဒီ ရှိနေတဲ့ အတွက် အဲဒီ ၈ သိန်းကျော်နဲ့ ဒီက နယ်ခံတွေနဲ့ ပြသနာ ရှိနေတယ်ဆိုတော့ ဒါကို ပိုပြီးကောင်းသွားအောင် ပဋိပက္ခတွေ ပြေငြိမ်းသွားအောင် နောက် ဒီက လူတွေ ပိုပြီးကောင်းမွန်တဲ့ အနာဂတ်တွေ တည်ဆောက်နိုင်အောင် ဒီလူတွေ အတွက် အသိအမှတ်ပြုပေးပြီး ဆက်ပြီးတော့ ကျနော်တို့ Solution ဆန်ရမယ်ဆိုတဲ့ သဘောမျိုး ပြောပါတယ်။ "

ဒီပြဿနာဟာ ရခိုင်ပြည်ထဲမှာ ဖြစ်တယ်ဆိုပေမယ့်လည်း ဒေသခံ ရခိုင်လူမျိုးတွေက သူတို့နဲ့ အခုဖြစ်တဲ့သူ အများစုဟာ တဖက် ဘင်္ဂလားဒေ့ရ်ှနိုင်ငံက ၀င်လာတဲ့ ဘင်္ဂါလီလူမျိုးတွေ ပါဝင်နေတဲ့အတွက် ဘင်္ဂလားဒေ့ရ်ှအစိုးရမှာလည်း တာဝန်ရှိတယ်လို့ ယူဆနေတဲ့ကိစ္စကို သူ့အနေနဲ့ အမေရိကန်ကိုယ်စားလှယ်အဖွဲ့ဖက်ကို ပြန်တင်ပြခဲ့တယ်လို့ ဦးကျော်ဇောဦးက ပြောပါတယ်။

" အဓိကကတော့ ဘင်္ဂလာဒေ့ရ်ှက လက်မခံဘူးလေဗျာ။ သူတို့ဘက်က တာဝန်ရှိတဲ့ဟာကို လက်မခံတဲ့ အတွက် လက်ခံလိုက်ရင်လည်း ဒီပြသနာရဲ့ Solution ထဲမှာ ဘင်္ဂလာဒေ့ရှ် ကသာ တစိတ်တပိုင်း တာဝန်ယူမယ် ဆိုလို့ရှိရင် ဒီပြသနာတော်တော်လေး ပြေလည်နိုင်တဲ့ သဘောရှိပါတယ်။ အဲဒါကိုလည်း ကျနော်တို့ ပြောခဲ့ပါတယ်။ သူတို့ Suggest လုပ်တာတော့ မဟုတ်ပါဘူး။ Suggest လုပ်တဲ့ သဘောဘဲ ပြောမလားဘဲ အဲဒီဘက်ကနေ နည်းနည်း ပြောတယ်ပေါ့နော်။ ကျနော်တို့ ဘက်ကလည်း ဒါကို ကျနော်တို့ဘက်ကဘဲ လုပ်ရမှာ မဟုတ်ဘဲ အဓိက တာဝန်ရှိသူ ဖြစ်တဲ့ ဘင်္ဂလာဒေရှ့်ဘက်ကလည်း တာဝန်ယူရမယ်ဆိုတဲ့ သဘောမျိုးလည်း ပြောပါတယ်။ သူတို့လည်း နောက် ဘင်္ဂလာဒေ့ရ်ှကို သွားပြီးတော့ အဲဒါနဲ့ ပတ်သက်လို့ ဆွေးနွေးဖို့ ရှိတယ်လို့ ပြောသွားပါတယ်။ "

အခုဖြစ်သွားတဲ့ကိစ္စနဲ့ပတ်သက်လို့ ပြည်တွင်း ပြည်ပမှာ အမြင်သဘောထားတွေကတော့ အမျိုး�€