05.09.2012 နေ့ဖတ်ရန်သတင်းများ

by Myanmar Journal on Tuesday, September 4, 2012 at 10:38pm ·

ဘင်လာဒင် နောက်ဆုံးနေ့ စာအုပ်ထွက်

စက်တင်ဘာလ ၄ ရက်နေ့က ကမ္ဘာတလွှားနဲ့ အမေရိကန်ပြည်ထောင်စုက စာအုပ်ဆိုင်တွေမှာ စတင် ရောင်းချတဲ့ No Easy Days မလွယ်ကူလှတဲ့ နေ့- အမည်ရှိ စာအုပ်ဟာ မနှစ်က ပါကစ္စတန်နိုင်ငံမှာ အယ်လ်ကိုင်းဒါး အကြမ်းဖက် အဖွဲ့ခေါင်းဆောင် အိုစမာဘင်လာဒင်ကို သွားရောက် သုတ်သင်စဉ်က သတင်းအချက်အလက်တွေ ပါဝင်နေပါတယ်။

ဒီ အချက်အလက်တွေဟာ အချိန်မတန်သေးခင် ဖော်ထုတ်ခြင်းမပြုရမယ့်၊ အတိမ်းအစောင်းမခံတဲ့ သတင်း အချက်အလက်တွေ ဖြစ်တယ်လို့ အင်္ဂါနေ့က အမေရိကန်စစ်ဌာနချုပ် ပင်တဂွန်က သတင်းစာရှင်းလင်းပွဲမှာ ကာကွယ်ရေးဝန်ကြီးဌာနရဲ့ ပြောရေးဆိုခွင့်ရှိသူ George Little က ပြောကြားခဲ့ပါတယ်။

အမေရိကန် တပ်မတော်အရာရှိတွေဟာ ဒီစာအုပ်ကို ဖတ်ရှုသုံးသပ်ထားပြီးတော့ စာရေးသူကို တရားဥပဒေ ကြောင်းအရ အရေးယူနိုင်မယ့် နည်းလမ်းတွေကို ရှာဖွေနေတယ်လို့လည်း George Little က ဆိုပါတယ်။

No Easy Day စာအုပ်ကို မာ့ခ် အိုဝင် (Mark Owen) အမည်နဲ့ရေးသားသူဟာ မက်တ် ဘင်ဆင်နက်(တ်) (Matt Bissonnette) ဆိုသူ Navy Seal ကွန်မန်ဒို တပ်ဖွဲ့ဝင်ဖြစ်ပြီးတော့ သူဟာ မနှစ်က အိုစမာ ဘင်လာဒင်ကို သွားရောက်သုတ်သင်တဲ့ တပ်ဖွဲ့ဝင်တစ်ဦးလည်း ဖြစ်ပါတယ်ခင်ဗျာ။

KNU-မြန်မာ Code of Conduct သဘောတူလက်မှတ် ရေးထိုး

ကရင်ပြည်နယ်၊ ဖားအံမြို့မှာ နှစ်ရက်ကြာ ကျင်းပခဲ့တဲ့ ကရင်အမျိုးသားအစည်းအရုံး KNU နဲ့ မြန်မာ အစိုးရ ငြိမ်းချမ်းရေးကိုယ်စားလှယ်အဖွဲ့ကြား ဆွေးနွေးပွဲဟာ ငြိမ်းချမ်းရေး ဖော်ဆောင်ရေး လုပ်ငန်းစဉ်အနေနဲ့ဆိုရင် ပထမဆုံးခြေလှမ်းပဲဖြစ်တယ်လို့ KNU က ပြောလိုက်ပါတယ်။ အပစ် အခတ် ရပ်စဲရေးနဲ့ ပြည်သူလူထုရဲ့ အာမခံချက်ရရှိဖို့အတွက် ဒီတခေါက် ထည့်သွင်းဆွေးနွေး ခဲ့ကြတယ်လို့ ဆိုပါတယ်။ ဒီနေ့ပဲ ကျင်းပပြီးစီးသွားတဲ့ ငြိမ်းချမ်းရေးဆွေးနွေးပွဲအပြီး ပြုလုပ်တဲ့ သတင်းစာရှင်းလင်းပွဲကို ကိုယ်တိုင် တက်ရောက် သတင်းယူခဲ့တဲ့ ဗွီအိုအေသတင်းထောက် ကိုသူရစိုးက သတင်းပေးပို့ထားပါတယ်ရှင်။

ကျနော်တို့ ဒီမှာ ပြောသွားတာဆိုရင် အပစ်အခတ်ရပ်စဲရေး သဘောတူညီချက်အရ နှစ်ဘက် တပ်တွေ လိုက်နာ ရမယ့် အချက် ၃၄ ချက်ပါတဲ့ ကျင့်ဝတ်စည်းကမ်း Code of Conduct မူကြမ်းကို သဘောတူ လက်မှတ် ရေးထိုး တာပါ။ အခု ဒီ နှစ်ရက်ကြာ ဆွေးနွေးပွဲအပြီး ကျင်းပတဲ့ သတင်းစာ ရှင်းလင်းပွဲမှာ ဝန်ကြီးဦးအောင်မင်းက အခုလို ရှင်းပြပါတယ်။

“စစ်မြေပြင်မှာ နှစ်ဘက်တပ်များလိုက်နာရမယ့် စည်းကမ်း၊ ပြည်သူလူထုအပေါ်မှာ ထားရှိရမယ့် စည်းကမ်း၊ အဲဒီစည်းကမ်းတွေနဲ့ပတ်သက်ပြီးတော့မှ အသေးစိတ်ဆွေးနွေးတာ။ အဲဒီတော့ ငြိမ်းချမ်းရေးဖော်ဆောင်ရေး လုပ်တဲ့အခါမှာ ဒီစည်းကမ်းချက်တွေ မရှိဘဲနဲ့ လက်တန်း လုပ်မယ်ဆိုလို့ရှိရင် ခရီးလည်းမရောက်ဘူး။ နောက်ကြောင်းလည်း ပြန်လှည့် သွားနိုင်တယ်၊ ဒါကြောင့်မို့လို့ ဒီ စည်းကမ်းတွေကို သတ်မှတ်တာဖြစ်တယ်။

ကမ္ဘာမှာလည်း ဒီ Peace Process တွေမှာ ဆင့်ကဲ ဆင့်ကဲ၊ ဒီလို စည်းကမ်းချက်တွေ သတ်မှတ်ပြီးတော့ကာမှ ဆက်လုပ်ရတာ ဖြစ်တယ်။ ဒီစည်းကမ်းမရှိဘဲနဲ့ ဆက်လုပ်လို့ မရပါဘူး။ ဒါကြောင့်မို့လို့ ဒီနေ့ကတော့ အဲဒီ စည်းကမ်းချက်တွေ Code of Conduct တွေကို ဆွေးနွေး တာ ဖြစ်တယ်။ ဒါကြောင့်မို့လို့ အဲဒီမှာလည်း အပိုင်း နှစ်ပိုင်း တွေ့ရမယ်၊ ပထမပိုင်း ကတော့ နှစ်ဘက်တပ်များ လိုက်နာရမယ့် စည်းကမ်းတွေ ပါသလို ဒုတိယအပိုင်းကတော့ တပ်တွေ ရွှေ့ပြောင်းတာတို့၊ တပ်တွေ နေရာချထားတာတို့ အဲဒီအပိုဒ်တွေ ပါမှာ ဖြစ်တယ်။”

သူက ဒီ KNU ပိုင်တဲ့ နယ်မြေထဲမှာကိုပဲ အစိုးရတပ်ရင်းပေါင်း ၈၀ ကျော် ရှိနေတယ်။ နောက် နယ်ခြားစောင့် တပ် ၁၃ ခု ရှိတယ်။ နောက်ပြီး တပ်စခန်းပေါင်းက ၃၂၀ ရှိတယ်ပေါ့။ အဲဒီမှာ နှစ် ဘက် လိုက်နာရမယ့်ကျင့်ဝတ် စည်းကမ်းတွေ မရှိတဲ့အခါကျတော့ ဒေသခံ ကျေးရွာ သုံးပုံနှစ်ပုံက ကြုံသလို နေနေရတယ်ပေါ့နော်။ လုံခြုံမှု မရှိဘူးဆိုတဲ့အကြောင်း နော်မေဦးက ပြောသွားပါတယ်။

ဦးအောင်မင်းပြောတာကတော့- ဒါတွေဟာ အသေးစိတ်ဆွေးနွေးပြီးရင်တော့ အဆင်ပြေသွားမှာပါ တဲ့။ တဘက် ကလည်း တပ်တွေက နောက်ဆုတ်၊ တဘက်ကလည်း တပ်တွေက ရှေ့တိုးလာ၊ တဘက်ကလည်း  နောက်ဆုတ်တယ်။ စစ်တပ် စည်းကမ်းတွေ သေချာ အသေးစိတ် ပြဌာန်းပြီးတဲ့ အခါကျရင် အခြေအနေ ကောင်းသွားမှာပါ လို့ ပြောသွားတယ်။ ဒီ သုံးကြိမ်မြောက် တွေ့ဆုံပွဲ အပြီး ပြုလုပ်တဲ့ သတင်းစာရှင်းလင်းပွဲမှာ တော့ ဘယ်အဆင့်ရောက်ပြီလဲဆိုတာကို KNU ပြောရေး ဆိုခွင့်ရှိသူ နော်မေဦးကို ကျနော် မေးကြည့်တဲ့အခါ နော်မေဦးက အခုလိုပဲ ဖြေသွားပါတယ်။

“အပစ်အခတ်ရပ်စဲရေးဆိုတာက ငြိမ်းချမ်းရေးဖော်ဆောင်ဖို့အတွက် ပထမဦးဆုံးအဆင့်ပဲ၊ ဒါပေမဲ့ အပစ်အခတ် ရပ်စဲရေးမှာမှ နှစ်ဦးနှစ်ဘက်လိုက်နာရမယ့် ကျင့်ဝတ်စည်းကမ်းတွေနဲ့ တပ် အရွှေ့အပြောင်းတွေ၊ ပြည်သူလူထု ဘဝလုံခြုံဖို့ အာမခံနိုင်ဖို့ အရွှေ့အပြောင်းဆိုတာကို ဆွေးနွေးနေ တယ်။ ဆိုတော့ ငြိမ်းချမ်းရေး ဖော်ဆောင်ရေး လုပ်ငန်းစဉ် တခုလုံးအနေနဲ့ကြည့်ရင် ပထမအဆင့်ပဲ ရှိသေးတာပေါ့။”

KNU ပြောရေးဆိုခွင့်ရှိသူ နော်မေဦး ပြောပြသွားတာပါ။ KNU နဲ့ မြန်မာအစိုးရတို့ သုံးကြိမ်မြောက် တွေ့ဆုံပြီး တိုးတက်အောင်မြင်မှုတွေ ရှိခဲ့ပေမဲ့လည်း ဆုံးခန်းတိုင်အောင် ဆက်လက် ဆွေးနွေးသွားမယ်လို့ KNU အထွေထွေ အတွင်းရေးမှူး နော်စီဖိုးရာစိန်က ပြောပါတယ်။

“ဆွေးနွေးရမယ့် အချက်အလက်တွေက ကျမတို့  ရှေ့ရှုကြည့်ပြီးတော့ တကယ့် စစ်မှန်တဲ့ ငြိမ်းချမ်းရေး ရရှိဖို့အတွက် ပြည်သူလူထုအကျိုး အာမခံရရှိဖို့အတွက် အဲဒါတွေကို ညှိနှိုင်းပြီးတော့ ဆွေးနွေးတာဖြစ်တယ်။ အဲဒီ ညှိနှိုင်းဆွေးနွေးတဲ့အခါမှာ KNU အနေနဲ့ပဲဖြစ်စေ၊ အစိုးရအနေနဲ့ပဲဖြစ်စေ ကျမတို့ လိုလားနေတဲ့၊ စစ်မှန်တဲ့ ငြိမ်းချမ်းရေးရရှိဖို့ တတိယအကြိမ်မြောက် လာဆွေးနွေးတာဖြစ်တယ်။

ဒီဆွေးနွေးချက်မှာ ကျမတို့ ဆက်လက်ဆွေးနွေးပြီးတော့ ဆွေးနွေးတဲ့ agenda တွေ ရှိသေးတယ်။ ဒီမှာ တတိယအကြိမ်မြောက်ပဲ ရှိသေးတယ်။ ဆက်လက်ပြီးတော့ ဆွေးနွေးရမယ့် အချက် အလက်တွေ ရှိသေးတယ်။ စစ်မှန်တဲ့ငြိမ်းချမ်းရေး၊ ပြည်တွင်းငြိမ်းချမ်းရေး ရရှိနိုင်ဖို့အတွက် တဆင့်ပြီးတဆင့်တော့ ဆွေးနွေးရမှာ ဖြစ်ပါတယ်။”

ဒီ ဆယ်ရက်ကြာ အစိုးရငြိမ်းချမ်းရေးဖော်ဆောင်ရေးအဖွဲ့နဲ့ KNU တို့ ဆွေးနွေးပြီးတဲ့အခါကျတော့ စက်တင်ဘာ လ ၄ ရက်နေ့ ညနေမှာ ဆွေးနွေးပွဲ ပြီးဆုံးသွားပါတယ်။ နောက်ထပ် ဆွေးနွေးမှုနဲ့ ပတ်သက်လို့တော့ စက်တင်ဘာလမှာ မိုင်းရှင်းလင်းရေးနဲ့ပတ်သက်လို့ ဆက်လက်ဆွေးနွေးနိုင်ဖို့ တင်ပြသွားပါတယ်။

ဝန်ကြီးကလင်တန် ဘေဂျင်းရောက်

အမေရိကန်နိုင်ငံခြားရေးဝန်ကြီး ဟီလာရီ ကလင်တန်ဟာ အာရှဒေသခရီးစဉ် တတိယခရီး တထောက်အဖြစ် တရုတ်နိုင်ငံ၊ ဘေဂျင်းမြို့တော်မှာရောက်နေပါပြီ။ တောင်တရုတ်ပင်လယ်မှာ နယ်မြေပိုင်ဆိုင်မှုဆိုင်ရာ အငြင်းပွားနေတာကို ဖြေရှင်းဖို့အတွက် နည်းစနစ်တခုအပေါ်မှာ တရုတ်နဲ့ သူ့ရဲ့အိမ်နီးချင်းနိုင်ငံတွေအကြား သဘောတူညီချက်ရရေး တိုက်တွန်းဖို့ တစိတ်တပိုင်းအားဖြင့် ရည်ရွယ်ထားတဲ့ခရီးစဉ်ဖြစ်ပါတယ်။

နယ်မြေပိုင်ဆိုင်မှုဆိုင်ရာ အငြင်းပွားနေတာကို ဖြေရှင်းဖို့အတွက် ကျင့်ဝတ်စည်းမျဉ်းစည်းကမ်း တခုအပေါ် သဘောတူညီချက် ရရေး တရုတ်နိုင်ငံအနေနဲ့ အရှေ့တောင်အာရှနိုင်ငံများအဖွဲ့ ASEAN နဲ့ အတူလက်တွဲလုပ်ဆောင်ဖို့ ၀န်ကြီးကလင်တန်က လိုလား နေတာပါ။ သဘာဝ သယံဇာတ အရင်းအမြစ်ပေါကြွယ်ဝတဲ့ အဲဒီဒေသမှာ တင်းမာမှုတွေ ဆက်ဖြစ်လာမှာကို တားဆီးဖို့ မျှော်လင့် ချက်နဲ့ လုပ်ဆောင်စေချင်တာဖြစ်ပါတယ်။

ပင်လယ်ပြင်တခုလုံးနီးပါးကို ပိုင်ဆိုင်တယ်လို့ ပြောထားတဲ့ တရုတ်နိုင်ငံက ကျင့်ဝတ် စည်းမျဉ်း ဆိုင်ရာ အဲဒီလို သဘောတူညီချက်မျိုးကို လက်မှတ်ရေးထိုးဖို့ ငြင်းဆန်ထားပါတယ်။

အဲဒီလိုလက်မှတ်ရေးထိုးတဲ့အစား နယ်မြေပိုင်ဆိုင်တယ်လို့ ကြေညာထားကြတဲ့ တိုင်ဝမ်၊ ဖိလစ်ပိုင်၊ ဗီယက်နမ်၊ မလေးရှား၊ ဘရူနိုင်း တနိုင်ငံချင်းစီနဲ့ သဘောတူညီ ချက် ရယူဖို့ တရုတ်က ပို လိုလားပါတယ်။

ဒီအငြင်းပွားမှုနဲ့ပတ်သက်ပြီး လုပ်ဆောင်တဲ့နေရာမှာ အရှေ့တောင်အာရှနိုင်ငံတွေအနေနဲ့ တညီတညွတ်တည်း ရပ်တည် လုပ်ဆောင်ကြရမယ်လို့ အင်ဒိုနီးရှားနိုင်ငံကနေ တရုတ်နိုင်ငံဆီ မထွက်ခွာခင် အင်္ဂါနေ့မှာ ၀န်ကြီးကလင်တန်က ပြောခဲ့ပါတယ်။

အမေရိကန်သံအမတ်ကြီး ၈-လေးလုံး ခေါင်းဆောင် တွေနဲ့တွေ့

မြန်မာနိုင်ငံရဲ့ ဒီမိုကရေစီ အသွင်ကူးပြောင်းရေးလုပ်ငန်းတွေမှာ အမေရိကန်ပြည်ထောင်စုအနေနဲ့ လက်ရှိထက် ပိုပြီး ထဲထဲဝင်ဝင် ပါဝင် ဆောင်ရွက် ပေးဖို့ အစီအစဉ်ရှိတယ်လို့ မြန်မာနိုင်ငံဆိုင်ရာ အမေရိကန်သံအမတ်ကြီး Darek Mitchell က ပြောလိုက်ပါတယ်။ အင်္ဂါနေ့ မနက်ပိုင်းက ၈၈ မျိုးဆက် ကျောင်းသားတွေကို သူတို့ရုံးခန်းမှာသွားရောက် တွေ့ဆုံစဉ် အမေရိကန် သံအမတ်က အခုလို ပြောကြားခဲ့တာပါ။ အပြည့်အစုံကိုတော့ ဘန်ကောက်ရုံးခွဲကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြပေးပါမယ်။

မြန်မာနိုင်ငံဆိုင်ရာ အမေရိကန်သံအမတ်ကြီး Derek Mitchell ဟာ ဒီကနေ့ မနက် ၉ နာရီခွဲလောက် က သင်္ကန်းကျွန်း ဝေဇယန္တာလမ်းမှာရှိတဲ့ ၈၈ မျိုးဆက် ကျောင်းသားခေါင်းဆောင်တွေရဲ့ ရုံးခန်းမှာ တခြား သံရုံးအရာရှိတချို့နဲ့အတူ သွားရောက် တွေ့ဆုံခဲ့တာပါ။

၈၈ မျိုးဆက် ကျောင်းသားတွေနဲ့ သံအမတ်ကြီး Derek Mitchell တို့ဟာ မြန်မာနိုင်ငံ အကြောင်း အတော်များများကို ဆွေးနွေးဖြစ်ခဲ့ကြပြီး အဓိကအားဖြင့်တော့ မြန်မာနိုင်ငံရဲ့ လက်ရှိ အသွင် ကူးပြောင်းရေး လုပ်ငန်းတွေမှာ အမေရိကန်ပြည်ထောင်စုအနေနဲ့ ဒီထက်မက တိုးပြီး ကူညီ လုပ်ဆောင်ပေးဖို့ ရှိတယ်ဆိုတာကိုပါ သံအမတ်ကြီး ပြောကြားသွားတယ်လို့ ဒီတွေ့ဆုံပွဲကို ကိုယ်တိုင် တက်ရောက်ခဲ့တဲ့ ၈၈ မျိုးဆက် ကျောင်းသား ခေါင်းဆောင်တဦးဖြစ်သူ ကိုဌေးကြွယ် က ပြောပါတယ်။

“အဓိက-ကတော့ဗျာ။ ဝါရှင်တန်နဲ့ နေပြည်တော်ရဲ့ ဆက်ဆံရေးအခြေအနေတွေ၊ ပြီးတော့ မြန်မာနိုင်ငံရဲ့ဒီမိုကရေစီရေး ပြုပြင်ပြောင်းလဲမှုမှာ ကျနော်တို့ ၈၈ က အခန်းကဏ္ဍတွေ၊ ပြီးတော့ အခြား ဒီမိုကရေစီအင်အားစုတွေရဲ့ အခန်းကဏ္ဍတွေ၊ လူ့အခွင့်အရေးကိစ္စတွေ၊ ရခိုင်ပြည်နယ် ကိစ္စတွေ စသဖြင့် ကျယ်ကျယ်ပြန့်ပြန့်တော့ တော်တော်များများ ဆွေးနွေးဖြစ်ပါတယ်။ မစ္စတာ ဒဲရက်ခ်၊ မစ်ချဲလ် လက်ထက်မှာတော့ - သူ တော်တော်ကြီးကို တက်တက်ကြွကြွတော့ လုပ်နေတယ်ဆိုတာကို ကျနော်တို့ တွေ့ရပါတယ်။ အဖွဲ့အစည်းအားလုံးနဲ့ဆုံတယ်၊ ပြီးတော့ တိုင်းရင်းသားဒေသတွေကိုပါ သူ့ ခရီးစဉ်တွေ ရှိသေးတယ်လို့ ပြောပါတယ်။

ပြီးတော့ မြန်မာနိုင်ငံနဲ့ပတ်သက်ပြီးတော့ အမေရိကန်ဟာ ပိုပြီးတော့ နက်နက်ရှိုင်းရှိုင်း ထဲထဲဝင်ဝင် ပါလာနိုင်ဖို့အထိပါ။ ဒီဟာကတော့ တိုင်းပြည်အတွက်မှာ မြန်မာနိုင်ငံဟာ အထီးကျန် ဖြစ်ခဲ့တာလည်း ကြာပြီ၊ ဂုဏ်သိက္ခာရှိရှိနဲ့ ကမ္ဘာ့မိသားစုဝင် နိုင်ငံတွေ အားလုံးကြားထဲမှာ ကျနော်တို့နိုင်ငံရဲ့ ဖွံ့ဖြိုးမှုနဲ့ ဒီမိုကရေစီကို ဖော်ဆောင်နိုင်ဖို့ကို ကမ္ဘာ့နိုင်ငံအားလုံးနဲ့ ကျနော်တို့ ဆက်ဆံရမှာပါ။ အခု အမေရိကန်နဲ့ EU၊ အထူးသဖြင့် ပြန်လည်ဝင်ရောက်လာတဲ့ ကိစ္စဟာ ကျနော်တို့တိုင်းပြည်ရော၊ ကျနော်တို့ နိုင်ငံသားတွေ အားလုံးအတွက်ရော အကောင်းဘက်က မြင်ပါတယ်။ ”

အမေရိကန်နိုင်ငံမှာရှိတဲ့ အဓိက နိုင်ငံရေးပါတီကြီး နှစ်ခုဖြစ်တဲ့ ဒီမိုကရက်တစ်ပါတီနဲ့ ရီပတ်ဘလီကန် ပါတီတို့ဟာ မြန်မာ့ဒီမိုကရေစီအရေးနဲ့ ပတ်သက်လို့ သဘောထား ကွဲပြားမှုမရှိဘဲ အတူ ပူးပေါင်း ကူညီလုပ်ဆောင်ပေးရေးဆိုတဲ့ မူဝါဒကို ချမှတ်ကျင့်သုံးနေတာကြောင့် ပိုပြီး အကျိုးသက်ရောက်မှု ဖြစ်စေမှာ ဖြစ်ပါတယ်။

၈၈ မျိုးဆက် ကျောင်းသားတွေကတော့ မြန်မာနိုင်ငံအတွက် ဖွံ့ဖြိုးတိုးတက်မှုတွေ လုပ်ဆောင်ကြ တဲ့နေရာမှာ စီးပွားတခုတည်းကိုပဲ မကြည့်ဘဲနဲ့ ဒီမိုကရေစီနဲ့ လူ့အခွင့်အရေး အပြည့်အ၀ ရရှိရေး အတွက် သူတို့အနေနဲ့ ဦးတည် လုပ်ဆောင်နေတယ်ဆိုတာကို တင်ပြ ဆွေးနွေးခဲ့တယ်လို့ ကိုဌေးကြွယ်က ဆက်ပြောပြပါတယ်။

“ကျနော်တို့ကတော့ ဒီ ၈၈ ရဲ့ မြန်မာ့နိုင်ငံရေးမှာ ရပ်တည်နေတဲ့ ပုံစံ၊ ပြီးတော့ ကျနော်တို့ လုပ်ဆောင်နေတဲ့ ပုံစံတွေ၊ ပြီးတော့ ကျနော်တို့ မျှော်မှန်းချက်တွေ ပေါ့နော်။ မြန်မာအနေနဲ့ ဖွံ့ဖြိုးတိုးတက်မှုဆိုတဲ့ စီးပွားရေးတင် မကဘဲနဲ့ ဒီမိုကရေစီနဲ့ လူ့အခွင့်အရေး ပြည့် ဝရေးပေါ့။ နိုင်ငံရေး အပိုင်းကိုပါ ကမ္ဘာ့နိုင်ငံကြီးတွေ အားလုံးက ဝင်ရောက်ပြီး ဆောင်ရွက်ဖို့တော့ ကျနော်တို့ ပြောဖြစ်ပါတယ်။”

သံအမတ်ကြီး Derek Mitchell ဟာ ပြဿနာဖြစ်နေတဲ့ တိုင်းရင်းသားဒေသတွေကိုလည်း မကြာခင်မှာ ကိုယ်တိုင် သွားရောက် လေ့လာဖို့ ရှိတယ်လို့ သိရပါတယ်။

ဒါဟာ ၈၈ မျိုးဆက် ကျောင်းသားခေါင်းဆောင်တွေနဲ့ မစ္စတာ Derek Mitchell တို့ အခုမှ တွေ့ကြ တာတော့ မဟုတ်ပါဘူး။ မစ္စတာ Derek Mitchell သံအမတ်အဖြစ် ဇွန်လကုန်ပိုင်းမှာ အမေရိကန် လွှတ်တော်ကနေ တရားဝင် အတည်ပြု ခန့်အပ်ခြင်း မခံရခင်ကလည်း ၈၈ မျိုးဆက် ကျောင်း သားတွေနဲ့ တွေ့ဆုံခဲ့ဖူးပါတယ်။

အမေရိကန်သံအမတ်ကြီး Derek Mitchell ဟာ မြန်မာ့ ဒီမိုကရေစီရေးခေါင်းဆောင် ဒေါ်အောင် ဆန်းစုကြည်နဲ့လည်း အကြိမ်ကြိမ် တွေ့ဆုံဖူး သလို နေပြည်တော်မှာရှိတဲ့ အစိုးရပိုင်းက တာဝန်ရှိ သူတွေ၊ အတိုက်အခံအင်အားစုတွေနဲ့လည်း မကြာခန တွေ့ဆုံပြီး မြန်မာ့နိုင်ငံရေး အခြေအနေတွေ ကို ဆွေးနွေးလေ့ ရှိသူတဦးပါ။

သမ္မတ ဦးသိန်းစိန်အစိုးရ တက်လာပြီးနောက်ပိုင်း လုပ်ဆောင်လာတဲ့ ပြုပြင် ပြောင်းလဲရေးတွေအရ အမေရိကန်ပြည်ထောင်စုဘက်ကလည်း အရင် ချမှတ်ထားတဲ့ ပိတ်ဆို့ အရေးယူမှုတွေကို အကန့်အသတ်နဲ့ လျော့ချပေးနေတာကြောင့် အမေရိကန် စီးပွားရေးလုပ်ငန်းရှင်တွေ မြန်မာနိုင်ငံထဲ သွားပြီး ရင်းနှီးမြှုပ်နှံမှုတွေ လုပ်ဆောင်ကြဖို့ စိုင်းပြင်းနေကြတာပါ။

မြန်မာအစိုးရက အမည်မည်းစာရင်းထဲပါနေသူ ခြောက်ထောင်ကျော်ထဲက နှစ်ထောင်ရဲ့ အမည်စာရင်းကို ပယ်ဖျက်ပေးပြီး မရှေးမနှောင်းမှာပဲ အမေရိကန်ပြည်ထောင်စုကလည်း သမ္မတ ဦးသိန်းစိန်အပါအ၀င် မြန်မာအစိုးရအဖွဲ့ ထိပ်တန်းခေါင်းဆောင်တချို့အပေါ် တဦးချင်းစီအလိုက် ပိတ်ဆို့ အရေးယူထားတာနဲ့ ပြည်ဝင်ခွင့်ဗီဇာ ကန့်သတ်ချက်တချို့ကို လျှော့ချပေး လိုက်တဲ့ အကြောင်း ကြေညာခဲ့ပါတယ်။ ဒါကြောင့်လည်း မကြာခင် အမေရိကန်နိုင်ငံ၊ နယူးယောက်မြို့မှာ ကျင်းပဖို့ ရှိနေတဲ့ ကုလသမဂ္ဂ ညီလာခံကို တက်ရောက်ဖို့ စီစဉ်ထားတဲ့ သမ္မတ ဦးသိန်းစိန်အနေနဲ့ အမေရိကန် နိုင်ငံအတွင်း လွတ်လပ်စွာ သွားရောက် လည်ပတ်ခွင့် ရရှိသွားပြီ ဖြစ်ပါတယ်။

ဆီးရီးယား ဒုက္ခသည်တွေအတွက် ရန်ပုံငွေ လိုအပ်

ဆီးရီးယားနိုင်ငံမှာ လူသားချင်း စာနာထောက်ထားတဲ့အကူအညီတွေဟာ သေရေးရှင်ရေးတမျှ အရေး တကြီး လိုအပ်နေပြီလို့ ကုလသမဂ္ဂ အထွေထွေညီလာခံကြီးမှာ စက်တင်ဘာလ လေးရက်နေ့က အတွင်းရေးမှူးချုပ် ဘန်ကီမွန်းက ပြောဆိုလိုက်ပါတယ်။

ဆီးရီးယားက စစ်ပြေးဒုက္ခသည်တွေကို ကူညီပံ့ပိုးဖို့ ရန်ပုံငွေဟာ အလွန့်အလွန် လိုအပ်နေပြီးတော့ အခုအခါ လိုအပ်သမျှရဲ့ ထက်ဝက်လောက်သာ ရရှိသေးတယ်လို့လည်း မစ္စတာ ဘန်ကီမွန်းက ဆိုပါတယ်။

စေတနာရှေ့ထားပြီး စစ်ပြေးဒုက္ခသည်တွေကို လက်ခံဖို့ နယ်စပ်တွေကို ဖွင့်ပေးထားတဲ့ ဂျော်ဒန်၊ တူရကီ၊ အီရတ်နဲ့ လက်ဘနွန်နိုင်ငံတွေရဲ့ အစိုးရတွေဟာ အရေးပေါ် အကူအညီတွေ လိုအပ်နေကြတယ်လို့လည်း မစ္စတာ ဘန်ကီမွန်းက ဆိုပါတယ်။ သြဂတ်စ်လအတွင်းက ဆီးရီးယားနိုင်ငံထဲကနေ ထွက်ပြေးကြတဲ့ ပြည်သူတွေဟာ တသိန်းလောက် ရှိတယ်လို့ ကုလသမဂ္ဂက ပြောဆိုလိုက်ပါတယ်။

ဒါဟာ မနှစ်က ပြည်တွင်း ပဋိပက္ခတွေ စတင်ချိန်ကတည်းက လစဉ်ထွက်ပြေးသူဦးရေ အမြင့်ဆုံး လည်း ဖြစ်ပါ တယ်။ အစိုးရကနေပြီးတော့မှ အစိုးရဆန့်ကျင်သူတွေကို အကြမ်းဖက်နှိမ်နင်းခဲ့တဲ့ ပြီးခဲ့တဲ့နှစ်၊ မတ်လ ၁၁ ရက် နေ့ကစလို့ အခုအချိန်အထိ အိမ်နီးချင်း နိုင်ငံတွေဆီ ထွက်ပြေးနေကြတဲ့ ဆီးရီးယားပြည်သူ အရေအတွက်ဟာ ဒုက္ခသည်အဖြစ် မှတ်ပုံတင်ပြီးသားနဲ့ မှတ်ပုံတင်ဖို့ စောင့်နေကြသူ စုစုပေါင်း ၂ သိန်း၊ ၃ သောင်း၊ ၅ ထောင် နီးပါး ရှိတယ်လို့  ဒုက္ခသည်များဆိုင်ရာ ကုလသမဂ္ဂ မဟာမင်းကြီးရုံးရဲ့ ပြောခွင့်ရ မယ်လီဆာ၊ ဖလဲန်းမင်းက အင်္ဂါနေ့မှာ ပြောဆိုလိုက်ပါတယ်။

မြန်မာနိုင်ငံရေးပါတီတွေ အမေရိကန် နိုင်ငံရေးလေ့လာ

အမေရိကန်နိုင်ငံရဲ့ လက်ရှိသမ္မတရွေးကောက်ပွဲ စည်းရုံးလှုံ့ဆော်ရေး ကမ်ပိန်းတွေ စနေချိန်မှာ အမေရိကန်နိုင်ငံရေးကို လေ့လာနိုင်ဖို့ မြန်မာနိုင်ငံက နိုင်ငံရေးပါတီတွေကို အမေရိကန် နိုင်ငံခြားရေး ၀န်ကြီးက ဖိတ်ကြားခဲ့ပါတယ်။ Managing Media and Public relations  ဆိုတဲ့ သတင်းမီဒီယာ နဲ့ ပြည်သူ့ဆက်ဆံရေး အစီအစဉ်နဲ့ အမေရိကန်နိုင်ငံ၊ ၀ါရှင်တန် ဒီစီကို ပါတီ ကိုယ်စားလှယ်တွေ ရောက်လာကြတာဖြစ်ပါတယ်။

ဒီအကြောင်းကို လေ့လာရေးခရီးရောက်နေတဲ့ မြန်မာနိုင်ငံက နိုင်ငံရေးပါတီ ကိုယ်စားလှယ်တွေကို ဆက်သွယ်မေးမြန်းပြီးတော့ မဆုမွန်က တင်ဆက်ပေးထားပါတယ်။

အမေရိကန် နိုင်ငံခြားရေးဝန်ကြီးဌာနရဲ့ ပထမဆုံးအကြိမ် နိုင်ငံရေးပါတီတွေကို ဖိတ်ကြားတဲ့ သတင်း မီဒီယာနဲ့ ပြည်သူ့ ဆက်ဆံရေးအစီအစဉ်နဲ့ မြန်မာနိုင်ငံက နိုင်ငံရေးပါတီ ၈ ပါတီရဲ့ကိုယ်စားလှယ်တွေ အမေရိကန်နိုင်ငံကို လာရောက်ခဲ့ပါတယ်။

မြန်မာ့နိုင်ငံရေးပါတီစုံက ကိုယ်စားလှယ်တွေအနေနဲ့ အမေရိကန်နိုင်ငံရဲ့ နိုင်ငံရေးနဲ့ ပါလီမန် လွှတ်တော်တွင်းက ဥပဒေပြု အမတ်တွေရဲ့ လွှတ်တော်တွင်း လှုပ်ရှားမှုတွေကို အနီးကပ် လေ့လာခွင့် ရသလို အမေရိကန်နိုင်ငံသမ္မတ ရွေးကောက်ပွဲ မှာ ဒီမိုကရက်တစ်နဲ့ ရီပတ်ဘလီကင် ပါတီကြီးနှစ် ပါတီရဲ့ စည်းရုံး လှုံ့ဆော်ရေးဆင်းတဲ့ ကမ်ပိန်းပွဲတွေကို သွားရောက် လေ့လာခွင့်ရခဲ့ကြပါတယ်။

စည်းရုံးဟောပြောပွဲ ကမ်ပိန်းတွေရဲ့ လှုပ်ရှားမှုတွေကို လေ့လာခွင့်ရခဲ့တဲ့အခါ ဒီမိုကရေစီ နည်းစနစ် ကျကျ လှုပ်ရှား မှုတွေမှာ အခြေခံကအစ ကွာခြားမှု ရှိတာကို တွေ့ခဲ့ရတယ်လို့ ဒီမိုကရက်တစ်ပါတီ (မြန်မာ) က ဗဟိုအလုပ်အမှုဆောင် ကော်မတီဝင် ကိုသန်းဇော်အောင်က ဗွီအိုအေ မြန်မာပိုင်း ကို ပြောပါတယ်။

“ထူးခြားတာက ဒီမှာ အားလုံးက နိုင်ငံရေးနဲ့ပတ်သက်ပြီး awareness ရှိတယ်လေ။ ကျနော်တို့ ကမ်ပိန်းတွေမှာဆိုရင် ကလေးလေးတွေကအစ မိဘတွေက ကလေးတွေကိုခေါ်လာတယ်။ ငါးနှစ်၊ ဆယ်နှစ်လောက်ရှိတဲ့ ကလေးတွေပါ လာပြီး တော့ တက်ပြီးတော့နားထောင်တယ်။ နောက်ပြီးတော့ အဲ့ဒီ့မှာပဲ Mitt Romney ကမ်ပိန်းရှေ့မှာပဲ Mitt Romney ကို ဆန့်ကျင်တဲ့ အုပ်စုတွေက ဆန္ဒပြ တယ်ပေါ့လေ။ ဒီလိုမျိုး လွတ်လပ်တဲ့ဟာတွေ ကျနော်တို့တွေ့ခဲ့ရတယ်။ ကျနော်တို့ ဆီမှာလည်း ဒီလိုမျိုးပေါ့။ ပြည်သူတွေက နိုင်ငံရေး ရေချိန်တွေ အများကြီး တက်လာဖို့လည်း လိုတယ်လေ။

အဲ့လိုဖြစ် အောင် ကျနော်တို့ဘက်ကလည်း ကြိုးစားရမှာပေါ့။ မြန်မာပြည်မှာ ပြန်လုပ်ဖို့ကတော့ ပါတီတွေနဲ့ ပတ်သက်ပြီးတော့ ကိုယ့် ကမ်ပိန်းတွေမှာ ဘယ်လို massage ပေးမယ်။ နောက် ပြည်သူ လူထုနဲ့ ဆက်ဆံတဲ့အခါ ဘာတွေကို ထိရောက်အောင် ဘယ်လို ဆောင်ရွက်မယ်ဆိုတာတွေ သိခွင့်ရတယ်လေ။”

ချင်းအမျိုးသားပါတီက အတွင်းရေးမှူး (၁) Salai Thiang Uk Thang ကိုငယ်ပီးက အမေရိကန်နိုင်ငံရဲ့ ဒီမိုကရေစီစနစ်နဲ့  လက်တွေ့ကျကျ အကောင်အထည် ဖော်နေတာတွေကို လေ့လာမိသလို ပြည်ထောင်စု အစိုးရနဲ့ ပြည်ထောင်စုရဲ့ အုပ်ချုပ်ရေးအာဏာ ခွဲဝေမှုဆိုင်ရာတွေကို လေ့လာခွင့်ရခဲ့တယ်လို့ အခုလို ပြောပါတယ်။

“ဒီမှာ ထွန်းကားပြီးသား Democratic Value နဲ့ Practice တွေ ရှိပြီးသားတွေ ကျနော်တို့ လာ လေ့လာ ခွင့် ရတယ်။ Public ပေါ်လစီနဲ့ ပြည်နယ်အစိုးရနဲ့ ပြည်ထောင်စုရဲ့ အာဏာခွဲဝေမှုတွေအကြောင်း သိရတယ်။ အုပ်ချုပ်ရေးကဏ္ဍနဲ့ Civil Society ကဏ္ဍတွေရဲ့ ချိတ်ဆက်မှုတွေလည်း လေ့လာခွင့် ရတယ်။ ပြီးတော့ သူများတွေက ဘယ်လိုလုပ်ထားတော့ ကိုယ်နဲ့ ဘယ်လိုကိုက်ညီမလဲ ဆိုတဲ့ အဖြေရှာမှုတွေအတွက်လည်း အကျိုးပြုမှာပါ။ အဓိက-ကတော့ အာဏာခွဲဝေမှုပိုင်း ဆိုင်ရာနဲ့ ပတ်သက်ပြီးတော့ ကျနော်တို့နိုင်ငံမှာ ဘယ်ပုံဘယ်နည်းနဲ့ ချဉ်းကပ်ရင် ကောင်းမလဲဆိုတဲ့ အဖြေ ထုတ်နိုင်မယ့် နည်းလမ်းတစ်ခုခုတော့ ပြန်သယ်သွားနိုင်မယ်လို့ မျှော်လင့်ပါတယ်။

ဒီမှာတော့ နိုင်ငံသားတိုင်းရဲ့ ထည့်ဝင်ငွေနဲ့ အစိုးရရဲ့ ဘဏ္ဍာငွေက လည်ပတ်တယ်။ ကျနော်တို့ဆီ မှာတော့ တွင်းထွက်ပစ္စည်းတွေနဲ့ ခရိုနီတွေရဲ့ Tax နဲ့ ပြည်သူအားလုံးရဲ့ ပါဝင်မှုကြောင့်မဟုတ်ဘဲနဲ့ လည်ပတ်နေတဲ့ ငွေရေးကြေးရေးပေါ့။ အစိုးရအသုံးစားရိတ်တွေက အစ ကွဲခြားချက် တွေ့ရပါတယ်။”

ရခိုင်တိုင်းရင်းသားများ တိုးတက်ရေးပါတီ RNDP က ရန်ကုန်တိုင်းဒေသကြီးရဲ့ ဆက်သွယ်ရေးမှူး ကိုမောင်ဝင်းစိုးကတော့ နိုင်ငံရေးပါတီတွေနဲ့ အခြေခံလူမှု အဖွဲ့အစည်းတွေကြား လက်တွဲ လုပ်ဆောင်နေတဲ့ လူပ်ရှားမှုတွေကို လေ့လာနိုင်ခဲ့တယ် လို့ ဆိုပါတယ်။

“အမေရိကန်နိုင်ငံနဲ့ နိုင်ငံရေးပါတီတွေနဲ့ ဒီ Civil Soceity လို့ခေါ်တဲ့ လူ့အရပ်အဖွဲ့အစည်းတွေနဲ့ သူတို့အလုပ်လုပ်တဲ့ ပုံ ပေါ့နော်။ အစိုးရကနေ ပေးတဲ့ မတ်ဆေ့တွေကို ပြည်သူပြည်သားတွေကို ဘယ်လိုပို့ပေးလဲဆိုတဲ့ နည်းစနစ်တွေပေါ့နော်။ အဲဒါကို ကျနော်တို့ အဓိက လေ့လာရပါတယ်။ ကမ်ပိန်းလုပ်နေတဲ့လူကြီးတွေနဲ့ ကျနော်တို့တွေ့ခဲ့ရတယ်။ စကားတွေ ပြောချင်တဲ့ မတ်ဆေ့တွေကို ကျနော်တို့ ပွင့်ပွင့်လင်းလင်းပြောခွင့်ရလို့ အကျိုးရှိပါတယ်။”

အခုလိုမျိုး အမေရိကန်နိုင်ငံရေးလောက-က ပုဂ္ဂိုလ်တွေနဲ့ ပွင့်ပွင့်လင်းလင်း ပြောခွင့် လေ့လာခွင့် ရခဲ့သလို အမေရိကန် နိုင်ငံ သတင်းမီဒီယာ စီမံခန့်ခွဲမှုနဲ့ ပြည်သူ့ဆက်ဆံရေးကဏ္ဍမှာ မိမိတို့ရဲ့ လွတ်လပ်စွာပြောဆိုပိုင်ခွင့်တွေ ရှိနေတာကို တွေ့ရှိခဲ့ရတယ်လို့ အမျိုးသားဖွံ့ဖြိုးတိုးတက်ရေးပါတီက အထွေထွေအတွင်းရေးမှူး Wali Ullah က ပြောပါတယ်။

ရှမ်းတိုင်းရင်းသားများ ဒီမိုကရက်တစ်ပါတီရဲ့ ရှမ်းပြည်နယ်မြောက်ပိုင်း သိန္နီမြို့ နယ်ရဲ့အတွင်းရေးမှူး ကိုစိုင်းဝင်းမြင့်ကတော့ အမေရိကန်ပြည်သူလူထုရဲ့ နိုင်ငံရေး အမြင်၊ မြန် မာပြည်သူလူထုရဲ့ နိုင်ငံရေးအမြင်၊ နိုင်ငံရေးလှုပ်ရှားမှုတွေနဲ့ ပတ်သက်ပြီး သူ့ရဲ့ လေ့လာ သုံးသပ်ချက်ကို အခုလို ပြောပါတယ်။

“ဒီမှာက နိုင်ငံရေး awareness တွေအများကြီးရှိပါတယ်။ ကျနော်တို့ဆီမှာနဲ့ လုံးဝကွာခြားပါတယ်။ ကျနော်တို့ဆီမှာက ပြည်သူလူထု မဲပေးတဲ့စနစ်ကအစ သင်ပေးနေရတဲ့အဆင့်၊ ဒီမှာက နိုင်ငံရေး အားလုံးကို နားလည်ပြီးတော့မှ ကိုယ် ကြိုက်တဲ့ ပါတီကို ရွေးချယ် မဲပေးတဲ့အဆင့်။ ဒီလိုမျိုး ကွာခြား မှုတွေ အများကြီး ရှိပါတယ်။ ကျနော်တို့ မြန်မာနိုင်ငံမှာ ကတော့ ဘယ်ပါတီက လုပ်ဆောင်မှု က ကောင်းတယ်။ ဘယ်ပါတီက လုပ်ဆောင်မှုက မကောင်းဘူးဆိုတာ မရွေးတက်ဘူး။ နိုင်ငံရေး ဆိုတာ ဘာမှန်းကို မသိတဲ့ အခြေအနေမှာပဲ ရှိပါတယ်။ တအား ကွာခြားတဲ့ အချက်ကြီးပေါ့နော်။”

အခုလိုမျိုး မြန်မာ့နိုင်ငံရေးပါတီကြီး ၈ ပါတီက ကိုယ်စားလှယ်တွေအတွက် International Visitors Ledership Programme ဦးဆောင်မှု အစီအစဉ်နဲ့ အမေရိကန်ပြည်ထောင်စု တ၀ှမ်းလုံးကို လိုက်လံ လေ့လာနိုင်ဖို့အတွက် အမေရိကန် နိုင်ငံခြားဝန်ကြီးဌာနက စီစဉ်ပေးနေတာဖြစ်ပါတယ်။

လာရောက်လေ့လာသူတွေထဲမှာ တိုင်းရင်းသား စည်းလုံးညီညွတ်ရေးပါတီက ရန်ကင်း မြို့နယ်ပါတီ အတွင်းရေးမှူး ကိုဇင်မောင်မောင်ဌေး၊ အမျိုးသား ဒီမိုကရေစီအင်အားစုပါတီက ကိုကျော်သူရနဲ့ ချင်းတိုးတက်ရေး ပါတီက အထွေထွေအတွင်းရေးမှူး (၂) ကိုရှိန်းထွန်းတို့လည်း ပါဝင်ပါတယ်။ အခုဆိုရင် လေ့လာရေး အဖွဲ့ဟာ အမေရိကန်သမ္မတ ရွေးကောက်ပွဲကမ်ပိန်း လေ့လာရေးခရီးစဉ်တွေ ထွက်နေပြီး သူတို့ရဲ့ ခရီးစဉ်ဟာ သြဂုတ်လက စတင်ခဲ့တာဖြစ်ပါတယ်။

သြဂုတ်လ ၂၆ ရက်ကနေ စက်တင်ဘာ ၁၅ ရက်နေ့အထိ အမေရိကန်နိုင်ငံမှာ လေ့လာနေတဲ့ ဒီအဖွဲ့ဟာ အခုဆိုရင် ရွေးကောက်ပွဲ မဲဆွယ်လှုပ်ရှားမှုတွေ လေ့လာဖို့အတွက် ဖလော်ရီဒါ ကို ရောက်နေပြီးတော့ မနက်ဖြန်တော့ အိုင်အိုဝါပြည်နယ်ကို ရောက်ရှိကြမှာဖြစ်ပါတယ်။

မြောင်းမြ NLD အဖွဲ့ဝင် နှစ်ယောက် ကို ယာယီ ရပ်ဆိုင်း

မြောင်းမြမြို့နယ် အမျိုးသား ဒီမိုကရေစီ အဖွဲ့ချုပ် အဖွဲ့ဝင် နှစ်ယောက်ကို ပါတီ အဖွဲ့ဝင် အဖြစ်ကနေ ယာယီ ရပ်ဆိုင်း လိုက်ပါတယ်။

အမျိုးသား ဒီမိုကရေစီ အဖွဲ့ချုပ်က တရားဝင် စာထုတ်ပြီး အဖွဲ့ဝင် အဖြစ်ကနေ ရပ်ဆိုင်း ခံလိုက်ရသူ တွေကတော့ မြောင်းမြမြို့က ဦးမြင့်ကျော်နဲ့ ဦးဝင်းရွှေ ခေါ် ဦးရွှေမှိုင်း တို့ ဖြစ်ကြ ပါတယ်။

မြောင်းမြမြို့ အမျိုးသား ဒီမိုကရေစီ အဖွဲ့ချုပ် အတွင်းမှာ အရင် အစဉ်အဆက်က ပါဝင် ဆောင်ရွက် ခဲ့ကြသူ တွေနဲ့ ရွေးကောက်ပွဲ အောင်နိုင်ရေး လှုပ်ရှားမှု နောက်ပိုင်း မှာ ခေါင်းဆောင် လာကြတဲ့ အဖွဲ့ နှစ်ဖွဲ့ ကွဲပြား နေပါတယ်။

အရင် ကလည်း ဒီနှစ်ဖွဲ့ အကြားမှာ အငြင်းပွားမှု ဖြစ်ခဲ့ ဖူးတဲ့ အတွက် ရန်ကုန် ရုံးချုပ်ကို တိုင်ကြားခဲ့ ဖူးပြီး အဖွဲ့ချုပ် နာယက ဦးတင်ဦး ရှေ့မှောက်မှာ ဆွေးနွေး ခဲ့ကြ ဖူးတယ်လို့လည်း ဆိုပါတယ်။

အဲဒီလို တိုင်ကြား ဆွေးနွေးခဲ့ ရာမှာ သူတို့ ကျေနပ် လောက်တဲ့ ဖြေရှင်းမှုမျိုး မရလို့ ဦးမြင့်ကျော်က ဦးဆောင်ပြီး မြောင်းမြမြို့မှာ ဆန္ဒပြပွဲ ပြုလုပ်ခဲ့ ပါတယ်။

ဦးရွှေဝင်း ကတော့ ဆန္ဒပြရာမှာ မပါဝင် ခဲ့ဘူးလို့ ဆို ပါတယ်။

အမျိုးသား ဒီမိုကရေစီ အဖွဲ့ချုပ် ဗဟိုက စုံစမ်းရေး အဖွဲ့ စေလွှတ်ပြီး နောက်မှာ သူတို့ နှစ်ဦးကို ပါတီဝင် အဖြစ်ကနေ ယာယီ ရပ်ဆိုင်းကြောင်း ကြေညာ လိုက်တာဖြစ်ပါတယ်။

စုံစမ်းရေး အဖွဲ့မှာ တခြား တိုင်းက လူတွေကို စေလွှတ်ပြီး အသေအချာ စစ်ဆေးခိုင်း ခဲ့ပြီးမှသာ အခုလို ရပ်ဆိုင်းလိုက်တာ ဖြစ်တယ်လို့ အဖွဲ့ချုပ် နာယက ဦးတင်ဦးက ပြောပါတယ်။

အဖွဲ့ဝင် အဖြစ်က ယာယီ ရပ်ဆိုင်း ခံလိုက်ရတဲ့ ဦးမြင့်ကျော်နဲ့ ဦးဝင်းရွှေကတော့ စုံစမ်းရေး အဖွဲ့နဲ့ သူတို့နဲ့ တွေ့တောင် မတွေ့လိုက် ရဘူးလို့ ပြော ပါတယ်။

တွံတေးမြို့ မှာလည်း အမျိုးသား ဒီမိုကရေစီ အဖွဲ့ချုပ် ကော်မရှင် အဖွဲ့ဝင် ဖွဲ့စည်းမှုနဲ့ ပတ်သက်ပြီး ကျေနပ်မှု မရှိတာနဲ့ ပါတီဝင် လျှောက်လွှာတွေ ပြောက်ဆုံးတာရယ် တို့ကို အကြောင်းပြုပြီး ဆန္ဒပြခဲ့ကြ ပါတယ်။

ဗဟို ဦးစီး စနစ် ကျင့်သုံးတာကို ကန့်ကွက်တယ် ဆိုပြီးလည်း ဆိုင်းဘုတ် ကိုင်ဆောင် ဆန္ဒပြကြ ပါတယ်။

အဖွဲ့ချုပ် နာယက ဦးတင်ဦး ကတော့ အဖွဲ့ချုပ် အနေနဲ့ ဒီမိုကရေစီ ကျင့်စဉ် ကိုပဲ ကျင့်သုံးပြီး ဗဟို ဦးစီး စနစ်ကို ဘယ်တုန်းကမှ မကျင့်သုံးဘူးလို့ ဘီဘီစီကို ပြောပါတယ်။

ဝန်ကြီး ဌာန ပြင်ဆင် ဖွဲ့စည်း ရေး ပြည်ထောင်စု လွှတ်တော် အတည်ပြု

ပြည်ထောင်စု လွှတ်တော်က သမ္မတရဲ့ ဝန်ကြီး ဌာန ပြင်ဆင် ဖွဲ့စည်း ရေးကို ထောက်ခံ

သမ္မတ ဦးသိန်းစိန်က ဝန်ကြီးဌာန တချို့ကို ဖျက်သိမ်း ပြီးတဲ့နောက် တချို့ကို ထပ်တိုးပြီး ဝန်ကြီး ဌာန ၃၆ ဌာနမှာ ဝန်ကြီး ၃၆ ယောက် ထားရှိဖို့ ဆိုတဲ့ ဝန်ကြီး ဌာန ပြင်ဆင် ဖွဲ့စည်း ရေးနဲ့ ပတ်သက်တဲ့ အဆို ပြုချက်ကို ပြည်ထောင်စု လွှတ်တော်က အင်္ဂါနေ့က အတည်ပြု ပေးလိုက် ပါတယ်။

လက်ရှိ လျှပ်စစ် ဝန်ကြီး ဌာန အမှတ် ၁ နဲ့ ၂ ကို လျှပ်စစ် ဝန်ကြီး ဌာန တခု တည်း အဖြစ် ပေါင်း လိုက်ပြီး သမ္မတရုံး ဝန်ကြီး ဌာန တွေကိုတော့ ၄ ခု ထပ်တိုး လိုက်ပါတယ်။

ဖျက်သိမ်း လိုက်တဲ့ ဝန်ကြီး ဌာန တစ်ခု ကတော့ မြန်မာ စက်မှု ဖွံ့ဖြိုးရေး ဝန်ကြီး ဌာန ဖြစ် ပါတယ်။

လစ်လပ် နေတဲ့ ဝန်ကြီး ဌာန ၁ဝ ခု အတွက် မြောက်ပိုင်း တိုင်းမှူး ဗိုလ်ချုပ် ဇေယျာအောင် နဲ့ လက်ရှိ ဒုတိယ ဝန်ကြီး တွေကို ခန့်ထားဖို့ လျာထားသူ ကျန် ၉ ယောက်ရဲ့ အမည် စာရင်း တို့ကို တင်ပြခဲ့ပါတယ်။

ဒါ့အပြင် ကာကွယ်ရေး ဝန်ကြီး ဗိုလ်ချုပ် လှမင်းရဲ့ နေရာမှာ ဒုတိယ ဗိုလ်ချုပ်ကြီး ဝေလွင်ကို အစား ထိုးခန့် ဖို့လည်း ပြည်ထောင်စု လွှတ်တော်ကို တင်ထား ပါတယ်။

ပြည်ထောင်စု စာရင်းစစ်ချုပ် အဖြစ် ဦးသိန်းထိုက်ကို ခန့် အပ် ဖို့လည်း လွှတ်တော်ကို တင်ထား ပါတယ်။

သောကြာနေ့ မှာ ပြုလုပ်မယ့် ပြည်ထောင်စု လွှတ်တော်မှာ ဒီကိစ္စတွေကို အတည်ပြု နိုင်တယ်လို့ လွှတ်တော် အမတ်တွေက ပြောကြ ပါတယ်။

အင်္ဂါနေ့ ပြည်ထောင်စု လွှတ်တော်မှာ သမ္မတ တင်ပြထားတဲ့ ဝန်ကြီး ဌာနတွေ သတ်မှတ် ရေးနဲ့ ပတ်သက်ပြီး အမတ် ၉ ယောက် ဝင်ရောက် ဆွေးနွေးခဲ့ ပါတယ်။

အဲ့ဒီအထဲမှာ ၇ ယောက်က ဝန်ကြီး ဌာနတွေ ဖေါင်းပွ နေတယ် ဆိုတာနဲ့ သမဝါယမ၊ ပြန်ကြားရေး စတဲ့ ဝန်ကြီးဌာနတွေကို ဦးစီးဌာန အနေနဲ့ လုပ်လို့ ရတယ် ဆိုတာ တွေကို ထောက်ပြ ခဲ့ကြ ပေမဲ့ နောက်ဆုံး မဲခွဲ ဆုံးဖြတ်တဲ့ အခါမှာ သမ္မတ တင်ပြထားတဲ့ အတိုင်း ဝန်ကြီး ဌာန ၃၆ ခုမှာ ဝန်ကြီး ၃၆ ယောက် ထားရှိဖို့ အမတ် ၅ဝဝ ကျော်က ထောက်ခံ အတည်ပြု ပေးလိုက် ပါတယ်။

အခု အသစ် ဖွဲ့လိုက်တဲ့ သမ္မတရုံး ဝန်ကြီး ဌာန ၆ ခုဟာ ငြိမ်းချမ်းရေး၊ နိုင်ငံခြားရင်းနှီး မြှုပ်နှံရေး၊ တိုင်းနဲ့ ပြည်နယ် အစိုးရ တွေနဲ့ ပေါင်းစပ် ညှိနှိုင်းရေး စတဲ့ လုပ်ငန်း တာဝန် တွေကို လုပ်ဆောင်ရမှာ ဖြစ်တယ်လို့ သမ္မတရဲ့ သဝဏ်လွှာ ထဲမှာ ဖေါ်ပြထား တာကို လွှတ်တော် အမတ် ဦးဖုန်းမြင့်အောင်က ပြောပါတယ်။

ပြည်ပ အခြေစိုက် အလုပ်သမားခေါင်းဆောင် ဦးမောင်မောင် မြန်မာပြည်ပြန်

မြန်မာနိုင်ငံ အလုပ်သမားရေးကို ပြည်ပကနေ ဦးမောင်မောင် ဆောင်ရွက်ခဲ့

ပြည်ပမှာ အခြေစိုက်ပြီး နိုင်ငံရေး၊ အလုပ်သမားရေးတွေ ဆောင်ရွက်နေတဲ့ NCUB ပြည်ထောင်စု မြန်မာနိုင်ငံ အမျိုးသား ကောင်စီနဲ့ FTUB မြန်မာနိုင်ငံ အလုပ်သမား သမဂ္ဂများ အဖွဲ့ချုပ် အထွေထွေ အတွင်းရေးမှူး ဦးမောင်မောင် ဟာ ဒီကနေ့မနက်က မြန်မာနိုင်ငံကို ပြန်လည် ရောက်ရှိလာပါတယ်။

ဒါပေမယ့် ဦးမောင်မောင်က သူ မြန်မာနိုင်ငံကို ပြန်လာတာဟာ အဖွဲ့အစည်း ကိုယ်စားလှယ် အဖြစ် မဟုတ်ပဲ တသီးပုဂ္ဂလ ပုဂ္ဂိုလ်တဦး အနေနဲ့ ပြန်လာတာ ဖြစ်တယ်လို့ ဘီဘီစီကို ပြောပါတယ်။

သူဟာ မြန်မာနိုင်ငံတွင်းမှာ အဖျက်လုပ်ငန်းတွေ စီစဉ် ဆောင်ရွက်သူအဖြစ် စစ်အစိုးရလက်ထက်က ဝေဖန် စွပ်စွဲခံခဲ့ရသူ ဖြစ်ပါတယ်။

ပြည်တွင်းမှာ ပြုပြင်ပြောင်းလဲမှုတွေ ရှိနေတဲ့ အပေါ် ဘယ်နေရာက ပါဝင်ကူညီလို့ ရမလဲ၊ ပြည်တွင်းမှာ ရှိတဲ့ အလုပ်သမား သမဂ္ဂတွေကို အပြည်ပြည်ဆိုင်ရာ အလုပ်သမား သမဂ္ဂတွေနဲ့ အဆင့်ချင်း မှီအောင် ဘယ်လို ဝိုင်းဝန်း လုပ်ဆောင်လို့ ရမလဲ ဆိုတာတွေအတွက် သူမြန်မာပြည်ကို လာရောက်တာလို့ ဦးမောင်မောင်က ပြောပါတယ်။