04.09.2012 နေ့ဖတ်ရန်သတင်းများ

by Myanmar Journal on Tuesday, September 4, 2012 at 4:21am ·

ဘန်ကီယာဘဏ်ကို အရေးကူငွေ ထုတ်ပေး

ငွေကြေး အကြပ်ဆိုက်နေတဲ့ ဘန်ကီယာ ဘဏ်

စပိန်က ဘဏ္ဍာရေး အကြပ်အတည်း ဆိုက်နေတဲ့ ငွေကြေး အဖွဲ့အစည်းတွေကို ကယ်ဆယ်ဖို့ မတည်ထားတဲ့ ငွေတွေထဲကနေ နိုင်ငံမှာ အကြီးဆုံးဖြစ်တဲ့ ဘန်ကီယာ ဘဏ်ကို အရေးပေါ် ကူညီငွေ ယူရို လေးဒဿမ ငါးဘီလီယံ ထောက်ပံ့ပေးဖို့ အတည်ပြုလိုက်ပါပြီ။

ဒီကူညီငွေဟာ ပြီးခဲ့တဲ့ သောကြာနေတုန်းက ထုတ်ပြန်ခဲ့တဲ့ ဘဏ်ရဲ့ ပထမခြောက်လ အရှုံးငွေ ပမာဏ အတိုင်းဘဲ ဖြစ်ပါတယ်။

စပိန်မှာ အိမ်ယာဈေးကွက် ပျက်သွားပြီးတဲ့နောက် အရှုံးပေါ်ခဲ့တဲ့ ဘဏ်ခုနှစ်ခုကို ပေါင်းပြီး ဘန်ကီယာ ဘဏ်ကို ၂ဝ၁ဝ ခုနှစ်တုန်းက ထူထောင်ခဲ့တာ ဖြစ်ပါတယ်။

စပိန်က စတုတ္တမြောက် အကြီးဆုံး ဘဏ် အန်ဒါလူစီယာက အရေးပေါ် ကူညီငွေ ယူရို တစ် ဒဿမ နှစ်ငါး ဘီလီယံ တောင်းခံခဲ့ပြီးတဲ့နောက် အခုလို ဘန်ကီယာ ဘဏ်ကို ကူညီငွေပေးဖို့ အတည်ပြုချက် ပေါ်ထွက်လာတာ ဖြစ်ပါတယ်။

 တောင်တရုတ် ပင်လယ်ကိစ္စ ပူးပေါင်း ဖြေရှင်းဖို့ ကလင်တန်ပြော

တောင်တရုတ် ပင်လယ် ရေပြင်ပိုင်နက် နဲ့ပတ်သက်လို့ အငြင်းပွားနေကြတဲ့ တရုတ်နဲ့ အိမ်နီးချင်း အရှေ့တောင် အာရှ နိုင်ငံတွေ အနေနဲ့ အတူတကွ အဖြေရှာ ကြဖို့ အမေရိကန် နိုင်ငံခြားရေး ဝန်ကြီး ဟီလာရီ ကလင်တန်က ထပ်မံ တိုက်တွန်းလိုက်ပါတယ်။

အတင်းအကျပ် ခိုင်းစေတာ ၊ ခြိမ်းခြောက်တာနဲ့ ဖိအားပေးမှုတွေ မရှိဘဲနဲ့ သက်ဆိုင်ရာ နိုင်ငံတွေ ပူးပေါင်း ဖြေရှင်းသင့်တယ်လို့ အမေရိကန် အစိုးရ အနေနဲ့ ယုံကြည်ကြောင်း အင်ဒိုနီးရှား နိုင်ငံကို ရောက်ခိုက် မစ္စက် ကလင်တန်က ပြောသွားခဲ့ပါတယ်။

တောင်တရုတ် ပင်လယ်ကို ဒေသတွင်းက ဗီယက်နမ် ၊ ဖိလစ်ပိုင်နဲ့ တခြား နိုင်ငံတွေက သူတို့ပိုင်ကြောင်း ပြောနေချိန်မှာ တရုတ်က ကန့်ကွက်ပြီး အဲဒီ နေရာတွေဟာ သူတို့ အချုပ်အချာ အာဏာ လက်အောက်မှာ ရှိကြောင်း အခိုင်အမာ ဆိုနေတာ ဖြစ်ပါတယ်။

 တရုတ် မြန်မာ နယ်စပ်မှာ မြန်မာ သင်္ဘော တိမ်းမှောက်

တရုတ် မြန်မာ နယ်စပ် တရုတ် နိုင်ငံ အနောက်တောင်ပိုင်း ယူနန် ပြည်နယ် အနီး မဲခေါင်မြစ် ထဲမှာ တနင်္ဂနွေနေ့ နေ့လယ်က မြန်မာ သင်္ဘော တစ်စီး တိမ်းမှောက် သွားခဲ့ ပြီးတဲ့နောက် တရုတ် ရွာသား တွေက ကူညီ ကယ်ဆယ် ရေးတွေ စတင် ဆောင်ရွက် နေ တယ်လို့ တရုတ် နိုင်ငံ ဆင်ဟွာ သတင်း ဌာနက ပြောပါတယ်။

တရုတ် ရွာသား တွေက လောလောဆယ် မြန်မာ နိုင်ငံသား ၈ ယောက် ကို ကယ်ဆယ် ထားပြီး ဖြစ်တယ်လို့ တရုတ် ဒေသခံ အာဏာပိုင် တွေက ပြောပါတယ်။

မြန်မာ နိုင်ငံ မုန်းလားဒေသ ကွမ်းလေ ကျေးရွာက ကျောင်းသူ ကျောင်းသားတွေ အများဆုံး ပါဝင်တဲ့ လူပေါင်း ၂၅ ယောက်ကို တင်ဆောင် လာတဲ့ သင်္ဘောဟာ တရုတ် နိုင်ငံ ယူနန် ပြည်နယ် စစ်ဆောင် ပန်းနား ကိုယ်ပိုင် အုပ်ချုပ်ခွင့်ရ ဒေသနဲ့ မြန်မာ နိုင်ငံ မုန်းလား ဒေသကြားမှာ ရှိတဲ့ မြစ်ထဲမှာ တိမ်းမှောက် ခဲ့တာ ဖြစ်ပါတယ်။

 ကလေးစစ်သား ၄၂ ဦးကို မိဘများထံ ပြန်အပ်နှံ

တစ်နှစ်ခွဲ အတွင်း ကလေးစစ်သား ပပျောက်ရေး လုပ်ဆောင် သွားမယ်လို့ ပြော

မြန်မာစစ်တပ်မှာ စစ်မှုထမ်းနေတဲ့ ကလေး စစ်သား ၄၂ ဦးကို စစ်တပ် ကနေ နှုတ်ထွက်ခွင့် ပြုပြီး မိဘ အုပ်ထိန်းသူတွေ ဆီကို ဒီကနေ့ အခမ်းအနားနဲ့ ပြန်လည် အပ်နှံခဲ့ ပါတယ်။

ရန်ကုန်မြို့ အမှတ်(၁) စစ်ကြောရေးနှင့် တည်းခိုရေး စခန်းမှာ ပြုလုပ်တဲ့ ပြန်လည် အပ်နှံတဲ့ အခမ်းအနားမှာ ကလေး စစ်သားတွေကို နှုတ်ထွက်ခွင့် လက်မှတ်နဲ့ နိုင်ငံစား စိစစ်ရေး ကပ်ပြားတွေ ကိုလည်း တခါတည်း ပေးအပ် လိုက်ပါတယ်။

ဆက်လက်ပြီးလည်း ကလေးစစ်သား ပပျောက်ရေး အတွက် စက်တင်ဘာလ ၃ ရက် ဒီကနေ့က စလို့ တစ်နှစ်ခွဲ အတွင်း လုပ်ဆောင်သွားဖို့ စစ်တပ်၊ ကုလသမဂ္ဂနဲ့ NGO တွေက ပူးတွဲ လုပ်ဆောင် သွားမယ်လို့ ပြောပါတယ်။

အခမ်းအနားကို မြန်မာနိုင်တွင်း ကုလသမဂ္ဂက ဖွဲ့စည်းပေးထားတဲ့ Country Task Force for Monitoring and Reporting (CTFMR) လို့ခေါ်တဲ့ နိုင်ငံတွင်း စောင့်ကြည့်လေ့လာ သတင်းပို့ရေး အဖွဲ့၊ ILO ကမ္ဘာ့ အလုပ်သမား အဖွဲ့ချုပ် နဲ့ NGO အဖွဲ့အစည်းတွေ အပါအဝင် တခြား ကုလသမဂ္ဂ အဖွဲ့အစည်းတွေ လည်း တက်ရောက်ကြ ပါတယ်။

အရွယ် မရောက် သေးတဲ့ ကလေး သူငယ်များ စစ်မှုထမ်းခြင်းမှ ကာကွယ်ရန်နဲ့ အသက်မပြည့် သေးတဲ့ စစ်သားတွေကို တပ်ကနေ ထွက်ခွင့်ပေးဖို့ အတွက် မြန်မာအစိုးရနဲ့ ကုလသမဂ္ဂတို့ အကြား ဇွန်လက သဘောတူ လက်မှတ် ရေးထိုး ထားတာ ဖြစ်ပါတယ်။

သြဂုတ် ၂၀ ရက်ကလည်း အမှတ်(၁) စစ်သား စုဆောင်းရေး တပ်ရင်းမှာ ကျင်းပတဲ့ အခမ်းအနားမှာ ဗိုလ်ချုပ်တင်မောင်ဝင်းက ၂၀ဝ၇ ခုနှစ်က စပြီး အခုအချိန် အထိ ကလေးစစ်သား ၅၀ဝ ကို စစ်တပ်က ထွက်ခွင့် ပြုခဲ့ပြီ ဖြစ်တယ်လို့ ပြောကြားခဲ့ ပါတယ်။

 သုံးကြိမ်မြောက် ကေအန်ယူ ငြိမ်းချမ်းရေး ဆွေးနွေး

၂၀၁၂ ခု နှစ်ဆန်းပိုင်း ဆွေးနွေးပွဲမှာ တွေ့ရတဲ့ အစိုးရ ဝန်ကြီးများနဲ့ ကရင် ခေါင်းဆောင်များ

မြန်မာ အစိုးရနဲ့ ကေအန်ယူ ငြိမ်းချမ်းရေး ဖေါ်ဆောင်ရေး အဖွဲ့ တို့ကြား တတိယ အကြိမ် မြောက် အပစ်အခတ် ရပ်စဲရေး ဆွေးနွေးပွဲကို ကရင်ပြည်နယ် ဘားအံမြို့က ဇွဲကပင် ဟိုတယ်မှာ စတင်ခဲ့တာ ဖြစ်ပါတယ်။

တနင်္လာ နေ့က စတင်တဲ့ ဆွေးနွေးပွဲမှာ အရင်က ဆွေးနွေးဖို့ သဘောတူ ထားတဲ့ ပြည်သူ လူထု ဘဝ လုံခြုံမှုကို အခြေခံတဲ့ နှစ်ဘက် စစ်တပ်တွေ လိုက်နာရမယ့် ကျင့်ဝတ် ( Code of Conduct ) နဲ့ နှစ်ဘက် တပ်တွေ ပြန်လည် နေရာ ချထားရေး ဆိုတဲ့အချက် နှစ်ချက် ထဲက နှစ်ဘက် စစ်တပ်တွေ လိုက်နာရမယ့် ကျင့်ဝတ် ဆိုတဲ့ အပိုင်းကို ဆွေးနွေးကြ ပါတယ်။

မွန်းလွဲပိုင်း ကနေ ညနေ မိုးချုပ်တဲ့ အထိ ဒီအပိုင်းကို အကြိတ် အနယ် ဆွေးနွေး ခဲ့ရတယ်လို့ အစည်းအဝေးကို တက်ရောက်တဲ့ တာဝန်ရှိသူ တစ်ဦးက ပြောပါတယ်။

ဒါ့အပြင် ဆွေးနွေးပွဲမှာ အပစ်အခတ် ရပ်စဲရေး ဆွေးနွေးပွဲ အချက် အလက်တွေ သဘော တူညီချက် တွေကို မှတ်တမ်း တင်ရာမှာ မြန်မာ ဘာသာ စာပေကို တရားဝင် ရုံးသုံး ဘာသာ အဖြစ် အသုံးပြုဖို့နဲ့ အပစ်အခတ် ရပ်ဆိုင်းရေး အစား ရပ်စဲရေးလို့ သုံးနှုန်းဖို့နဲ့ နိုင်ငံရဲ့ နာမည် ကိုလည်း ၂၀၀၈ ခုနှစ် ဖွဲ့စည်းပုံ အခြေခံ ဥပဒေ အရ ပြည်ထောင်စု မြန်မာ နိုင်ငံတော်လို့ ခေါ်ဝေါ် ဖို့နှစ်ဘက် ကြားမှာ သဘော တူခဲ့ ကြပါ တယ်။

ဆွေးနွေးပွဲမှာ အစိုးရ ဘက်က သမ္မတရုံး ဝန်ကြီးဦးအောင်မင်း၊ ဦးစိုသိန်း၊ လူဝင်မှု ကြီးကြပ်ရေး ဝန် ကြီး ဦးခင်ရီ၊ ပြည်ထောင်စု နယ်စပ် ရေးရာနဲ့ လုံခြုံရေး ဒုတိယ ဝန်ကြီး ဗိုလ်ချုပ် ဇော်ဝင်းနဲ့ အရှေ့တောင်တိုင်း တိုင်းမှူးတို့ တက်ရောက်ကြပါတယ်။

ကေအန်ယူ ဘက်က အထွေထွေ အတွင်းရေးမှူးချုပ် နော်စီဖိုးရာစိန်၊ တွဲဘက် စစ်ရေးချုပ် ဗိုလ်မှူးချုပ် စရှာထုဝေါ်၊ ကေအန်ယူ သစ်တော ဌာန တာဝန်ခံ ဗဒိုအားတိုး၊ စစ်ဦးစီး တတိယတန်း ဗိုလ်မှူး စောတာမလာဘောနဲ့ တပ်မဟာ ၅ က ဗိုလ်မှူး စောကလယ်ဒိုး တို့ တက်ရောက် ဆွေးနွေး ခဲ့ကြပါတယ်။

ကျန်တဲ့ တပိုင်းဖြစ်တဲ့ နှစ်ဘက် စစ်တပ်တွေ ပြန်လည် နေရာ ချထားရေး ကိုတော့ အင်္ဂါနေ့မှာ ဆက်ပြီး ဆွေးနွေး မှာ ဖြစ်ပါတယ်။

လွတ်မြောက်လာတဲ့ မိုင်းလုပ်သားတွေ

တောင်အာဖရိက နိုင်ငံမှာ မကြာသေးခင်က မိုင်းတွင်း အလုပ်သမားတွေ သပိတ်မှောက်ခဲ့ပြီးနောက် လူသတ်မှုနဲ့ တရားစွဲခံထားရတဲ့ မိုင်းလုပ်သား တွေကို တရားရုံးက ပြန်လွှတ်ပေး လိုက်ပါတယ်။

လူထုက မကျေမနပ် ဖြစ်နေကြတဲ့ မိုင်းတွင်း လုပ်သား ၂၇ဝ အပေါ် စွဲဆိုချက်ကို တရားရုံးက ပယ်ချလိုက်ပြီး ဥပဒေကြောင်းအရ စစ်ဆေးမေးမြန်းမှုကို ယာယီ ဆိုင်းငံ့ထားလိုက်တာ ဖြစ်ပါတယ်။

လွတ်မြောက်လာတဲ့ မိုင်းလုပ်သားတွေကတော့ တရားရုံးက အထွက်မှာ သီချင်းတွေဆို ကခုန်ခဲ့ကြပါတယ်။

ပြီးခဲ့တဲ့ လတုန်းက Marikana ပလက်တီနမ် မိုင်းလုပ်သားတွေ ဆန္ဒပြမှုမှာ ရဲက လူ၃၄ယောက်ကို ပစ်သတ်ခဲ့ပြီးနောက် အသားရောင် ခွဲခြားမှု ဖြစ်ပွားတုန်းက ပြဌာန်းခဲ့တဲ့ ဥပဒေနဲ့ မိုင်းလုပ်သားတွေကို တရားစွဲခဲ့တာ ဖြစ်ပါတယ်။

တောင်အာဖရိက တဝှမ်းက မိုင်းတွင်းတွေမှာ မငြိမ်မသက်မှုတွေ ဆက်လက် ပြန့်ပွားခဲ့ပြီး Johannesburg မြို့ အနောက်ပိုင်းက ရွှေမိုင်းတွင်း လုပ်သား တသောင်းနှစ်ထောင်လည်း တရားမ၀င် သပိတ်မှောက် နေကြတယ်လို့ သိရပါတယ်။

 လူ့ဘောင်သစ်ဥက္ကဌ ရဲ့ မြန်မာ့ခရီးစဉ်

ရှစ်လေးလုံး ဒီမိုကရေစီ အရေးအခင်း က ပေါက်ဖွားလာခဲ့ပြီး အခု ထိုင်းနိုင်ငံ အခြေစိုက် လူ့ဘောင်သစ် ဒီမိုကရက်တစ် ပါတီက ဥက္ကဌ ဉီးအောင်မိုးဇော် ဟာ မနေ့ က ရန်ကုန်မြို့ ကို ရောက်လာပါတယ်။ ဒီရက်ပိုင်း အတွင်း မှာ တခြား ကျောင်းသား ခေါင်းဆောင်ဟောင်း တွေ လည်း ခေတ္တ ပြန်ရောက်လာကြပါတယ်။

ဒီခရီးစဉ်ဟာ သုံးပတ်ပဲ ကြာမြင့် မှာ ဖြစ်တဲ့ အတွက် အစိုးရ ပိုင်းနဲ့ တွေ့တဲ့ အခါမှာ နိုင်ငံရေး ဖြစ်စဉ်ထဲမှာ တရားဝင် ပါဝင်ခွင့် ရရှိရေး ဆွေးနွေးမယ့် အကြောင်း ဘီဘီစီ ကို ပြောပါတယ်။ လူ့ဘောင်သစ် ပါတီဝင်တွေ၊ နိုင်ငံရေး ပုဂ္ဂိုလ် တွေနဲ့လည်း တွေ့ဆုံပြီး သူတို့ရဲ့ သဘောထား ကောက်ချက်တွေလည်း နားထောင်မယ့် အကြောင်း ဘီဘီစီ ကို ပြောပါတယ်။

အရင်က လှုပ်ရှားခဲ့တဲ့ ပါတီ အနေနဲ့ ဒီခေတ် ဒီအခါမှာ ပြန်လည် လှုပ်ရှားရေး အပိုင်းမှာ တော့ ပြည်တွင်း၊ ပြည်ပ၊ တော်လှန်ရေးနယ်မြေ မှာပဲ လှုပ်ရှားပေမယ့် အခက်အခဲ နဲ့ စိမ်ခေါ်မှု ဆိုတာ ရှိစမြဲမို့ ပါတီဝင် ရဲဘော်တွေ အနေ နဲ့ လူ့ဘောင်သစ် စိတ်ဓါတ် ရှိဆဲ တွေ့ရပုံ၊ အဲဒီ့ အတွက် အနိမ့်ဆုံး အဆင့် အနေနဲ့ တါဝန်ခံရဲ တဲ့ အတိုက်အခံ နိုင်ငံရေး ပါတီ တည်ဆောက် မယ် ဆိုတဲ့ ခံယူချက် ရှိပုံ၊ ဒါကြောင့်မို့ အခက်အခဲ တွေ ကို ရင်ဆိုင်နိုင်မယ် လို့ ယုံကြည်ပုံ တွေ ကို ဘီဘီစီ ကို ဉီးအောင်မိုးဇော် က ရှင်းပြပါတယ်။

မမျှော်လင့်ပဲ ပြည်တွင်းခရီးစဉ် ခွင့်ပြုချက် ရလာတဲ့ အတွက်၊ ပြည်သူတွေ ရဲ့ သဘောထား ကို ခန့်မှန်းလို့ ရအောင် ပြင်ဆင်ထားမှု ရယ်လို့ မရှိပေမယ့်၊ ပါတီ ဆက်လက်ရပ်တည်ရေး အပိုင်းမှာတော့ အင်အားတွေ ရှိတယ်လို့ ယုံကြည်ထားပုံ ပြောပြပါတယ်။

အခု ခရီးစဉ် အတွင်းမှာ အစိုးရ အရာရှိပိုင်း၊ ရှစ်လေးလုံး ခေါင်းဆောင်ပိုင်း တွေ အပြင်၊ တခြား နိုင်ငံရေး ခေါင်းဆောင်တွေ နဲ့ ပါ တွေ့ဖို့ အစီအစဉ် ရှိပုံ ကိုလည်း ဘီဘီစီ ကို ဉီးအောင်မိုးဇော် က ရှင်းပြပါတယ်။

စာရင်းစစ်ချုပ်နဲ့ ကာကွယ်ရေးဝန်ကြီး ရာထူးတွေအတွက် အမည်တင်သွင်း

မြန်မာနိုင်ငံမှာ ပြုပြင်ပြောင်းလဲရေး လုပ်ငန်းစဉ်တွေ အားကောင်းလာစေဖို့ဆိုတဲ့ ရည်ရွယ်နဲ့ မကြာသေးခင် ရက်ပိုင်းက စလို့ ၀န်ကြီးနေရာ အပြောင်းအရွှေ့တွေ လုပ်ဆောင်လာတာမှာ ဒီကနေ့ လည်း ၀န်ကြီးနေရာတချို့ ပြောင်းရွှေ့ခန့်အပ်မှုနဲ့ ပတ်သက်ပြီး သမ္မတရုံးကနေ ပြည် ထောင်စု လွှတ်တော် နာယကဆီကို သ၀ဏ်လွှာ ၂ စောင် ပေးပို့ခဲ့ပါတယ်။ ဒီသ၀ဏ်လွှာအရ  ကာကွယ်ရေး ၀န်ကြီးဌာန ပြည်ထောင်စု ၀န်ကြီး နေရာ၊ ပြည်ထောင်စု စာရင်းစစ်ချုပ်နေရာနဲ့ စစ်ဘက်ဆိုင်ရာ တာဝန်တွေအတွက် သမ္မတက ရွေးချယ်ခဲ့တဲ့သူတွေအနေနဲ့ပတ်သက်ပြီး မနက်ဖြန် အင်္ဂါနေ့မှာ ပြည်ထောင်စု လွှတ်တော်က ဆွေးနွေး အတည်ပြုပေးရမှာ ဖြစ်ပါတယ်။ အသေးစိတ်ကို မနန္ဒာချမ်းက တင်ပြပေးထားပါတယ်။

သမ္မတဦးသိန်းစိန်လက်မှတ်နဲ့ စက်တင်ဘာလ သုံးရက်နေ့က ပြည်ထောင်စုလွှတ်တော်နာယကထံ သမ္မတရုံးက ပေးပို့ခဲ့ တဲ့ သ၀ဏ်လွှာ ပထမတစောင်ထဲမှာ  သတ္ထုတွင်းဝန်ကြီးဌာန ပြည်ထောင်စု ၀န်ကြီး ဦးသိန်းထိုက်ကို ပြည်ထောင်စု စာရင်းစစ်ချုပ်အဖြစ် တာဝန်ပေးအပ်တဲ့ အပေါ်မှာနဲ့ ကာကွယ်ရေးဝန်ကြီးဌာန စစ်ထောက်ချုပ် ဒုဗိုလ်ချုပ်ကြီးဝေလွင်ကို ကာကွယ်ရေးဝန်ကြီး ဌာန ပြည်ထောင်စုဝန်ကြီးအဖြစ် တာဝန်ပေးအပ်တဲ့အပေါ် ပြည်ထောင်စု လွှတ်တော် ကိုယ်စားလှယ်တွေ ဆီက သဘောတူညီချက်ရယူပြီး အတည်ပြုပေးဖို့အတွက် ဖော်ပြထားတာပါ။

အရင်က ဒီ ပြည်ထောင်စု စာရင်းစစ်ချုပ်တာဝန်ကို ဦးလွန်းမောင်က တာဝန်ယူထားတာဖြစ်ပြီး မကြာသေးခင်က သူ နုတ်ထွက်ခဲ့တဲ့ အတွက် သူ့နေရာမှာ ၀န်ကြီး ဦးသိန်းထိုက်ကို အစားထိုးခန့်အပ်ဖို့ သမ္မတက ရွေးချယ်ခဲ့တာဖြစ်ပါတယ်။ ဒါ့အပြင် ဒုဗိုလ်ချုပ်ကြီး ဝေလွင်ကို ခန့်အပ်မယ့် ကာကွယ်ရေး ၀န်ကြီးဌာန ပြည်ထောင်စု ၀န်ကြီးနေရာမှာ ဒုဗိုလ်ချုပ်ကြီး လှမင်းက လက်ရှိ တာဝန်ယူ ထားတာ ဖြစ်ပါတယ်။

ဒုတိယသ၀ဏ်လွှာမှာတော့ လက်ရှိ ကာကွယ်ရေးဝန်ကြီးဌာန ပြည်ထောင်စုဝန်ကြီး တာဝန်ယူထားတဲ့ ဒုဗိုလ်ချုပ်ကြီး လှမင်းကို စစ်ဘက်ဆိုင်ရာကို ပြန်လည်တာဝန်ထမ်းဆောင်ဖို့နဲ့ ပတ်သက်ပြီး ပြည်ထောင်စု လွှတ်တော်က အတည်ပြုပေးဖို့ ဖြစ်ပါတယ်။ ဒီကိစ္စနဲ့ပတ်သက်ပြီး RNDP ပြည်သူ့လွှတ်တော်ကိုယ်စားလှယ်တဦးဖြစ်တဲ့ ဦးဖေသန်းက အခုလို ပြောပါတယ်။

“သမ္မကြီးကနေ - နဂိုရ်က သတ္ထုတွင်းဝန်ကြီး ဦးသိန်းထိုက်ကို ပြည်ထောင်စုစာရင်းစစ်ချုပ်အဖြစ် တာဝန်ပေးအပ် လိုပါသဖြင့်.. အဲ့လိုပဲ ပါ ပါ တယ်ခင်ဗျ။ ပြည်ထောင်စုလွှတ်တော်ရဲ့ အတည်ပြုချက်ကို ရယူရမှာဖြစ်ပါတယ်။ မနက်ဖြန် ပြည်ထောင်စု လွှတ်တော်ကျမှ အတည်ပြုမှာပါ။ ဗိုလ်ချုပ်ကြီးဝေလွင် က ရန်ကုန်တိုင်းမှာလည်း သူ့ကို ခေတ္တခဏ တာဝန် ပေးခဲ့ပါတယ်။ ဗိုလ်ချုပ်ကြီးမြင့်ဆွေ ဒုတိယ သမ္မတဖြစ်မယ်လို့ ထင်ကြေးပေးခဲ့တုန်းက။ အဲ့ဒီနေရာကနေပြီးတော့ ဗိုလ်ချုပ်ကြီးမြင့်ဆွေက ဒုသမ္မတ မဖြစ်လာတော့ ဒုဗိုလ်ချုပ်ကြီးဝေလွင်က ကာကွယ်ရေး ၀န်ကြီးဌာန ပြည်ထောင်စု ၀န်ကြီးနေရာမှာ အစားထိုးပေးလိုက်တာဖြစ်ပါတယ်။

ဗိုလ်ချုပ်ကြီး လှမင်းကတော့ နဂိုရ် စစ်ဘက်ဆိုင်ရာ တာဝန်တွေ ပြန်လည်ထမ်းဆောင်မယ် ဆိုပြီး ပြောပါတယ်။ ဒုဗိုလ်ချုပ်ကြီးဝေလွင်ကလည်း ကျနော်တို့ ကြားသိရတာကတော့ တော်တော့ ကို ဖြောင့်မတ်မှန်ကန်တဲ့ စစ်သားကြီး တယောက်လို့ ကျနော်တို့ နားလည်ထားပါတယ်။”

မြန်မာနိုင်ငံ ပြန်လည်ထူထောင်ရေး လုပ်ငန်းစဉ်မှာ ရှိနေတဲ့ လိုအပ်ချက်တွေကို ဖြည့်ဆည်းဖို့ ရည်ရွယ်ချက်နဲ့ ပြီးခဲ့တဲ့ တပတ် သြဂုတ်လ ၂၇ ရက်နေ့ကစပြီး ဆက်တိုက်ဆိုသလို ၀န်ကြီးနေရာတွေအပြောင်းအရွှေ့နဲ့ အစိုးရတာဝန်ရှိသူတချို့ နုတ်ထွက်တဲ့အကြောင်းတွေကို သမ္မတရုံး က ထုတ်ပြန်ကြေညာခဲ့တာပါ။ ဒီလို ပြောင်းရွှေ့ခန့်အပ်ခံရတဲ့ ၀န်ကြီးတွေ စာရင်းမှာ - သမ္မတရုံးဝန်ကြီး လေးနေရာ အပါအ၀င် ပြန်ကြားရေး၊ သမဝါယမ၊ မွေးမြူရေးနဲ့ရေလုပ်ငန်း၊ စက်မှုနဲ့ အာကစား ၀န်ကြီးဌာန ၀န်ကြီးနေရာတွေကို အပြောင်းအရွှေ့တွေ လုပ်ခဲ့တာပါ။ ဒီလိုပဲ ဒုဝန်ကြီး တာဝန်တွေကိုတော့ ပြည်ထဲရေး၊ စွမ်းအင်၊ ယဉ်ကျေးမှု၊ ဘဏ္ဍာရေးနဲ့ အခွန်၊ လူမှုဝန်ထမ်း ကယ်ဆယ်ရေးနဲ့ ပြန်လည်နေရာ ချထားရေး၊ ပတ်ဝန်းကျင်ထိန်းသိမ်းရေးနဲ့ သစ်တော၊ ကျန်းမာရေး၊ ဆက်သွယ်ရေး၊ စာတိုက်နဲ့ ကြေးနန်းစတဲ့ ၀န်ကြီးဌာနတွေမှာ အပြောင်းအလဲတွေ လုပ်ခဲ့တာ ဖြစ်ပါတယ်။

မြန်မာအစိုးရအဖွဲ့အတွင်း အခုလို ၀န်ကြီးနေရာ အပြောင်းအရွှေ့တွေ ဆက်တိုက် လုပ်ဆောင်လာတဲ့ အပေါ် သမ္မတ ဦးသိန်းစိန်အနေနဲ့ သူ့ရဲ့ ပြုပြင်ပြောင်းလဲရေးလုပ်ငန်းတွေကို ပို တွန်းအားပေးပြီး လုပ်နိုင်တော့မှာဖြစ်ပြီး ပြုပြင် ပြောင်းလဲ ရေး လိုလားသူတွေလို့ အများက သတ်မှတ် ထားသူတွေ က နေရာ ပိုရ လာပြီးတော့ ပြုပြင်ပြောင်းလဲရေးကို တင်းခံနေသူတွေလို့ မြင်ကြသူတွေကတော့ တာဝန်က နုတ်ထွက်ရတာ၊ သိပ် မထင်ရှားလှတဲ့ နေရာတွေကို ရောက် ကုန်တာလို့လည်း မြန်မာ့ အရေး လေ့လာသူတွေက မြင်ခဲ့ကြပါတယ်ရှင်။

ဝန်ကြီးကလင်တန် အာရှခရီးစဉ် စတင်

အမေရိကန်နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ဟာ အင်ဒိုနီးရှားနိုင်ငံ မှာ ရောက်နေပြီဖြစ်ပြီး တောင်တရုတ်ပင်လယ်ထဲက နယ်မြေပိုင်ဆိုင်မှု အငြင်းပွားနေတာကို ဖြေရှင်းရေး စည်းမျဉ်းစည်းကမ်းသတ်မှတ်ချက်ကို သဘောတူကြဖို့ အရှေ့တောင်အာရှနိုင်ငံတွေနဲ့ တရုတ်နိုင်ငံတို့ကို တိုက်တွန်းနေပါတယ်။

တောင်တရုတ်ပင်လယ်မှာ တည်ငြိမ်မှုရှိဖို့နဲ့ လွတ်လပ်စွာသွားလာနိုင်ရေး ထိန်းသိမ်းဖို့ရာမှာ အမေရိကန်ပြည်ထောင်စုရဲ့ အမျိုးသားအကျိုးစီးပွားရှိနေတယ်လို့ ဂျကာတာမြို့တော်မှာ တနင်္လာနေ့ နှောင်းပိုင်းက ၀န်ကြီးကလင်တန်က ပြောခဲ့ပါတယ်။ တောင်တရုတ်ပင်လယ်ထဲက ကျွန်းတွေကို ပိုင်ဆိုင်တယ်လို့ ပြောထားကြတဲ့နိုင်ငံတွေကတော့ တရုတ်၊ တိုင်ဝမ်၊ ဖိလစ်ပိုင်၊ ဗီယက်နမ်၊ မလေးရှားနဲ့ ဘရူနိုင်းနိုင်ငံတွေ ဖြစ်ကြပါတယ်။

ကိုယ် ပိုင်ဆိုင်ကြောင်းပြောထားတဲ့အပေါ် အသာစီးရဖို့ အင်အားအသုံးပြုတာမျိုး ဒါမှမဟုတ် ခြိမ်းခြောက်တဲ့ လုပ်ရပ်မျိုးတွေ ကနေတဆင့် တင်းမာမှု ပိုတိုးလာအောင် မလုပ်ကြဖို့ သက်ဆိုင် ရာနိုင်ငံတွေကို ၀န်ကြီးကလင်တန်က နှိုးဆော်ခဲ့ပါတယ်။ အင်ဒိုနီးရှားနိုင်ငံခြားရေး ၀န်ကြီး မာရ်တီ နာတာလီဂါဝါ (Marty Natalegawa) နဲ့ ပူးတွဲ သတင်းစာရှင်းလင်းပွဲအတွင်း ၀န်ကြီးကလင်တန်က အဲဒီလိုပြောခဲ့တာပါ။

နိုင်ငံခြားရေးဝန်ကြီးကလင်တန်ဟာ အင်္ဂါနေ့မှာ တရုတ်နိုင်ငံဆီ ခရီးဆက်မှာဖြစ်ပြီး အဲဒီကနေ တဆင့် အရှေ့တီမောနဲ့ ဘရူနိုင်းနိုင်ငံတွေဆီ သွားရောက်မှာဖြစ်ပါတယ်။ ခရီးစဉ်အဆုံးသတ်မှာ တော့ APEC စီးပွားရေးခေါင်းဆောင်တွေရဲ့ အစည်းအဝေးတက်ဖို့ ရုရှားနိုင်ငံဆီ သွားရောက်မှာ ဖြစ်ပါတယ်။

ကာ့သောင်းမှာ ကျပ်ငွေ ၅,၀၀၀ တန် အတုမိ

ကော့သောင်းမြို့ရဲတပ်ဖွဲ့ကနေ ဒီရက်ပိုင်းတွေမှာ မြန်မာငွေကျပ် (၅,၀၀၀)တန် အတု ကာလ တန်ဖိုး သိန်း(၄၀)ကျော်ကို ဖမ်းဆီးရမိခဲ့ပါတယ်။ ဒီငွေအတုတွေဟာ ဒေသခံတွေကြားမှာ ပျံ့နှံ့နေတဲ့ အတွက် ကော့သောင်းမြို့ ဒေသခံတွေအကြားမှာ ဒီငွေအတုကိစ္စနဲ့ပက်သက်ပြီး စိုးရိမ်ပူပန်မှုတွေ ရှိနေတယ်လို့ ဆိုပါတယ်။ အခုဆို ငွေအတု ကိုင်ဆောင်သူ အမျိုးသမီးကိုလည်း ကော့သောင်း မြို့ ရဲစခန်းကနေ စစ်ဆေးမေးမြန်းနေဆဲလို့လည်း ရဲတပ်ဖွဲ့ဝင်တွေကပြောပါတယ်။ဒီအခြေအနေအပြည့်အစုံကိုတော့ ထိုင်းအခြေစိုက် ဗွီအိုအေသတင်းထောက် နိုင်ကွန်းအိန်ကနေ သတင်းပေးပို့ထားပါတယ်။

တနသာင်္ရီတိုင်း၊ ကော့သောင်းမြို့မှာ ငွေအတုသိန်း (၄၀) ကျော်ကို နယ်မြေခံ ရဲတပ်ဖွဲ့တွေကနေ ဒီ ရက်ပိုင်းတွေမှာ ဖမ်းဆီးမိခဲ့ပါတယ်။ အခုဆိုရင် ကော့သောင်းမြို့ထဲမှာ ငွေအတုတွေ ပျံ့နှံ့နေတဲ့ အတွက် ရောင်းဝယ်လဲလှယ်ထားတဲ့ ဒေသခံဈေးဆိုင်တွေနဲ့ ငွေလဲလှယ်ရေးဆိုင်တွေအနေနဲ့ စိုးရိမ်နေရတဲ့ အခြေအနေမှာရှိနေတယ်လို့ ငွေလဲလှယ် ရေးဆိုင်ရှင်တဦးကပြောပါတယ်။

“ငါးထောင်တန်ဖမ်းမိတော့ ဒီကမြို့သူမြို့သားတွေ အဲဒါ စိုးရိမ်နေတယ်။ ဈေးထဲမှာလည်း တော်တော် များများ ၀ယ်ထားတယ်။ ဟိုကောင်မလေးကိုတော့ဖမ်းချုပ်ထားတယ်။ မြို့ထဲမှာ ဈေး ဆိုင်တွေရော၊ ရွှေဆိုင်တွေရော ဒီ ဘတ်လဲတဲ့ဆိုင်တွေရော အကုန်မေးကြည့်တော့ မြန်မာ ငွေနဲ့ ထိုင်းငွေတွေ လဲလှယ်တဲ့နေရာ အကုန်မေးကြည့်တော့ သူတို့ တော်တော်များများ လဲထား တယ်- တဲ့။ ငွေအတု၊ အစစ်ဆိုတာ ကျနော်တို့ ခွဲခြားလို့ မသိဘူးတဲ့။ ပြည်သူလူထုက ဥပဒေ အရပေါ့နော်။ ဒီ(၅၀၀၀)တန်ပေါ့နော်။ သူတို့ လိုက်ဝယ်ထားတာ တော်တော်များများ ၀ယ် ထားတာကိုး။ (၅၀၀၀) တန်က။ ပြည်သူတွေက ထိတ်လန့်နေတာ။ (၅၀၀၀) တန်တောင် မကိုင်ရဲဘူး။”

ငွေအတုကိုင်ဆောင်သူ မဝေယံဖြိုးကို စက်တင်ဘာလနှစ်ရက်နေ့မှာ ကော့သောင်းမြို့နယ်၊ ရဲတပ်ဖွဲ့က ဖမ်းဆီးခဲ့တာပါ။

ဒီငွေအတုတွေကို ကော့သောင်းမြို့၊ အေးရိပ်ငြိမ်ရပ်ကွက်နေ အသက် (၂၄) နှစ်အရွယ် မဝေယံဖြိုး ကနေ ရွှေဆိုင်တွေနဲ့ ထိုင်း-မြန်မာ ငွေလဲလှယ်ရေးဆိုင်တွေမှာ ငွေလဲလှယ်၊ ရွှေတွေ ၀ယ်ရာကနေ သင်္ကာမကင်းဖြစ်ပြီး ဖမ်းဆီးမိခဲ့တယ်လို့ အဆိုပါ ငွေလဲလှယ်ရေးဆိုင်ရှင်က ဆက်ပြောပါတယ်။

“ရွှေဆိုင်တဆိုင်မှာ ပထမရွှေ (၄) ကျပ်သား သွားဝယ်လိုက်တယ်။ ဒုတိယ ငွေဘတ် လေး သောင်း ဆိုလား သွားလဲတယ်။ ထိုင်းငွေနဲ့ မြန်မာငွေ လဲလှယ်တဲ့နေရာတွေမှာ သူတို့ ငွေအတု အစစ်ခွဲခြားလို့ သိတယ်လေ။ သွားလဲတဲ့အချိန်မှာ ငွေကပါးပါးလေးဖြစ်နေတော့ သူတို့က အလဲမခံဘူး။ အဲဒီမှာ ရွှေ ဆိုင်မှာ တခါထပ်ပြီးတော့ သွားဝယ်တယ်။ အဲဒီမှာ ရွှေဆိုင်ကနေ မယုံမသင်္ကာဖြစ်တော့ ငွေလဲတဲ့ လူတွေကလည်း ရွှေဆိုင်ကို ပြန်လာပြောတော့ အဲဒီတော့ ငွေ အသေ အချာပြန်ကြည့်တော့ ငွေအတုတွေ ဖြစ်နေတယ်။ ကောင်မလေးနံမယ်က ဝေယံဖြိုး။ လဲတာတွေရော အားလုံး သူဝယ်ထားတဲ့ဟာတွေရော ဆိုလို့ရှိရင် အားလုံးပေါင်း သိန်း လေးဆယ်ကျော်တယ်။”

ငွေအတုရောင်းဝယ်သူ မဝေယံဖြိုးကိုတော့ ကော့သောင်းရဲစခန်းမှာ ဖမ်းဆီးထားပြီး အခုဆိုရင် ရဲစခန်းကနေ စစ်ဆေးနေဆဲလို့ ကော့သောင်းမြို့၊ နယ်ထိန်းဦးကျော်မိုးဦးက ပြောပါတယ်။

“ငွေအတုတော့ ဖမ်းမိထားတယ်။ ကျနော်တို့ဆီက အရာရှိတွေကနေပြီးတော့ စစ်နေတယ်။ ဒီနေ့မှ ကျနော်တို့က စစစ်တယ်။”

ငွေအတုကိုင်ဆောင်သူ မဝေယံဖြိုးဟာ နိုင်ငံကူးလက်မှတ် ကိုင်ဆောင်ထားသူဖြစ်ပြီး ဒီ (၅၀၀၀) တန် ငွေအတုတွေကို ထိုင်းနိုင်ငံကနေတဆင့် တင်သွင်းလာနိုင်ဖွယ်ရာရှိတယ်လို့ ရဲစခန်းနဲ့ နီးစပ်သူတဦးက ပြောပါတယ်။

ပြီးခဲ့တဲ့ (၁၉၉၆) ခုနှစ်ကလည်း ထိုင်းနိုင်ငံသားနှစ်ဦးကနေ ထိုင်းဘတ်ငွေ (၅၀၀) အတု သိန်း (၂၀) လောက် ကော့သောင်းမြို့မှာ ဖမ်းဆီးရမိခဲ့ပြီး မြန်မာဘက်ကနေ ဖမ်းဆီးထောင်ချ ခဲ့ပါ တယ်။ဒီနှစ် သြဂုတ်လ (၂၄) ရက်နေ့မှာလည်း ရှမ်းပြည်နယ်တောင်ပိုင်း၊ ဟိုပုန်းမြို့နယ်ခွဲမှာ ထိုင်း၊ မြန်မာ နှစ်နိုင်ငံ မှတ်ပုံတင် ကိုင်ဆောင်သူ အမျိုးသမီးတဦးကို (၅၀၀၀) တန် မြန်မာငွေအတု သိန်း (၁၅၀) ခန့်နဲ့အတူ ဖမ်းဆီးရမိခဲ့ပါတယ်။

တိုင်ဖုန်း Bolaven ကြောင့် မြောက်ကိုရီးယား ၅၀ ခန့်သေဆုံး

ပြီးခဲ့တဲ့သတင်းပတ်အတွင်း မြောက်ကိုရီးယား အနောက်ဘက်ကမ်းခြေကို ဘိုလာဗင် တိုင်ဖုန်းမုန်တိုင်း ၀င်ရောက်တိုက်ခတ်ခဲ့ရာမှာ လူ ၅၀ နီးပါးသေဆုံးပြီး အများအပြား ပျောက်ဆုံးနေတယ်လို့ မြောက်ကိုရီးယား အစိုးရပိုင် သတင်းဌာနက ကြေညာပါတယ်။

လူပေါင်း ၅၀ လောက်လည်း ဒဏ်ရာတွေ ပြင်းပြင်းထန်းထန် ရရှိသွားတယ်လို့ မြောက် ကိုရီးယား ဗဟိုသတင်းအေဂျင်စီ က ကြေညာသွားပါတယ်။ မုန်တိုင်းကြောင့် အိုးမဲ့ အိမ်မဲ့ဖြစ်ခဲ့ရသူဦးရေ နှစ်သောင်း တစ်ထောင်ကျော်ရှိပြီး စိုက်ပျိုး လယ်ယာမြေ ဧက (၁၂၀,၀၀၀) ကျော် ပျက်စီးသွားတယ်လို့လည်း ပြောပါတယ်။

စက်ရုံ၊ အလုပ်ရုံ ၉၀၀ နီးပါး ပျက်စီးခဲ့ရသလို ပြည်သူပိုင်အဆောက်ဦတွေ၊ ဒါဇင်နဲ့ချီတဲ့ ကျောင်းတွေ၊ ဆေးရုံ ဆေးခန်းတွေလည်း ပျက်စီးသွားတယ်လို့ သတင်းဌာနက ဆိုပါတယ်။ဘိုလာဗင် တိုင်ဖုန်းမုန်တိုင်းဟာ တရုတ်နိုင်ငံ၊ ဂျပန်နိုင်ငံနဲ့ တရုတ်နိုင်ငံရဲ့ ဒေသတချို့ ကို ဖြတ်ပြီးတော့ မြောက်ကိုရီးယား ကမ်းရိုးတန်းကို ပြီးခဲ့တဲ့ အင်္ဂါနဲ့ ဗုဒ္ဓဟူးနေ့တွေမှာ ၀င်ရောက် တိုက်ခတ်သွားတာပါ။ သစ်ပင်တွေ အမြစ်ကနေ ကျွတ်ထွက်နေပုံတွေ၊ အဆောက်အဦ ခေါင်မိုးတွေ လန်နေတဲ့ပုံတွေ၊ လျှပ်စစ်ပါဝါလိုင်းတွေ ပြတ်တောက် နေတဲ့ ဗီဒီယိုရိုက်ကူးထားတဲ့ပုံတွေကိုလည်း ရုပ်မြင်သံကြားကနေ ပြသနေပါတယ်။