စစ်မှန်သော နိုင်ငံရေးသမား ကိုသာလျှင်၊

http://www.hotnewsweekly.com ၊ Tuesday, January 10, 2012

by Ko Thaung on Tuesday, January 10, 2012 at 6:46pm

 

ဤသို့သောခေါင်းစဉ်ကိုတပ်၍ ရေး သားရခြင်းမှာယနေ့နိုင်ငံရေးလောကတွင် လည်းအခြားသော စီးပွားရေး၊ လူမှုရေး၊ ဘာသာရေးလောကတွင်းမှ (အတုအ ရောင်)များရှိခဲ့ခြင်း၊ ရှိနေခြင်း၊ ရှိနိုင်ဦး မည်ဖြစ်ခြင်းကြောင့်စစ်မှန်သောနိုင်ငံရေး သမားများနှင့် အတုအရောင်နိုင်ငံရေးသ မားများကို ကွဲကွဲပြားပြား၊ ခွဲခွဲခြားခြားလေ့ လာသိရှိနိုင်ကြရန်ဖြစ်ပါသည်။
လူတိုင်း သည် နိုင်ငံရေးသတ်္တ၀ါများဖြစ်ကြသည် ဖြစ်၍ နိုင်ငံရေးနှင့်ကင်းကွာ၍မရနိုင်။ ကြိုက်သည်ဖြစ်စေ၊ မကြိုက်သည်ဖြစ်စေ နိုင်ငံရေးနှင့်လူတို့သည် အကြောင်းတစ်ခု မဟုတ်၊ တစ်ခုနှင့်ဆက်စပ်ပတ်သက်၍ နေကြရသည်ဖြစ်သည်။
ထို့ကြောင့်နိုင်ငံရေးနှင့်မကင်းနိုင်သူ တိုင်း နိုင်ငံရေးအကြောင်း၊ နိုင်ငံရေးသ မားတို့၏အကြောင်းများကို သိရှိထားကြ ရန်အမှန်ပင် လိုအပ်သည်။ ဤသို့သိထား ခြင်းဖြင့် နိုင်ငံနှင့်လူမျိုးအတွက် စစ်မှန် သောနိုင်ငံရေးသမားများကိုစိစစ်ရွေးချယ် တာဝန်ပေးနိုင်ကြမည်ဖြစ်ပါသည်။စစ်မှန် သောနိုင်ငံရေးသမားများနှင့်ပတ်သက်၍ အမျိုးသားခေါင်းဆောင်ကြီး ဗိုလ်ချုပ် အောင်ဆန်း၏ ပြောဆိုရှင်းလင်းချက်ကို သိထားရန်လိုမည်ဖြစ်ပါသည်။ ၁၉၄၁ ခုနှစ်၊ ဂျပန်နိုင်ငံ၊ ဟိုက်နန်ကျွန်းတွင် ရဲ ဘော်သုံးကျိပ်ဝင်များ စစ်ပညာသင်ကြား နေစဉ် အားလပ်သည့်ညနေခင်းတစ်နေ့ ၌ ရဲဘော်သုံးကျိပ်ဝင် ဗိုလ်မင်းခေါင်မှ ဗိုလ်ချုပ်အောင်ဆန်းအား ““နိုင်ငံရေးဆို တာဘာလဲ၊ နိုင်ငံရေးသမားဆိုတာရော ဘာလဲ၊ ဘယ်လိုအရည်အချင်းတွေနဲ့ ပြည့်စုံရမှာလဲ”” ဆိုသည့်အမေးကို ဗိုလ် ချုပ်က ““လူတိုင်းကတော့ ကိုယ့်ဘ၀ရပ် တည်ရေးကစပြီး ကိုယ့်အိမ်၊ ကိုယ့်ရပ် ကွက်/ကျေးရွာ၊ မြို့နယ်၊ ခရိုင်၊ တိုင်း ပြည်ကြီးတစ်ခုလုံးရဲ့ လူမှုရေးကိစ္စတွေပဲ၊ နိုင်ငံရေးစကားနဲ့ပြောရရင်တော့ လူတွေ စားမှုသောက်မှု၊ နေမှုထိုင်မှုအားလုံးဟာ နိုင်ငံရေးကြီးပေါ့ကွ”” ဟု ရှင်းပြခဲ့သည့် အပြင် ဆက်လက်၍ ဗိုလ်ချုပ်က နိုင်ငံ ရေးသမားဟူသည်-
(၁) တိုင်းပြည်ကျရောက်နေသည့်ဘေးကို တကယ်စွန့်စားပြီး ကယ်တင်ချင်တဲ့စိတ် ဓာတ်မျိုးအပြည့်ရှိရမယ်။
(၂) အလုပ်လုပ်ကိုင်တဲ့နေရာမှာ ရိုးသား မှုအပြည့်အ၀ရှိရမယ်။
(၃) စွန့်စားရမဲ့နေရာမှာလည်း ဇွဲသတ်္တိနဲ့ ပြည့်စုံပြီး ကိုယ်ကျိုးစွန့်လွှတ်ပြီး အသက် ကိုစွန့်ရဲတဲ့စိတ်မျိုးလည်း မွေးတတ်ရမယ်။
(၄) ကိုယ်ဖြစ်ချင်တာ၊ ကိုယ်လုပ်ချင်တာ ကိုပဲ အမှန်လို့မယူဆတဲ့ စိတ်ထားမျိုးရှိ ရမယ်။
(၅) ကိုယ့်လူမျိုးနဲ့ ကိုယ့်ကိုကိုယ်အားကိုး တဲ့ မျိုးချစ်စိတ်လဲရှိရမယ်။ စသည်ဖြင့် နိုင်ငံရေးသမားတို့၏ ထားရှိရမည့် စိတ် ဓာတ်နှင့် အရည်အချင်း(၅)ရပ်ကို ရှင်း လင်းဆွေးနွေးခဲ့သည်ဟု ဗိုလ်မင်းခေါင် (ကလောင်အမည်ရွှေတူ)က ၎င်းင်းဦးစီး ထုတ်ဝေသော ““ရွှေတူဂျာနယ်””အတွဲ(၁)၊ အမှတ် (၂)၊ ၁၉၇၁ ခုနှစ်၊ ဖေဖော်ဝါရီလ ထုတ်တွင်““နိုင်ငံရေးသမားဟူသည်””ခေါင်း စဉ်ဖြင့် ရေးသားခဲ့သည်ကို မှတ်သားခဲ့ရ ပါသည်။ ဗိုလ်ချုပ်လမ်းညွှန်ခဲ့သော နိုင်ငံ ရေးသမားအစစ်အမှန်ဆိုသည်မှာ ထို အရည်အချင်းများနှင့် ပြည့်စုံရမည်ဖြစ်ပါ သည်။ မြန်မာနိုင်ငံတွင် နိုင်ငံရေးသမား (အတုနှင့်အစစ်) ကွဲပြားခြားနားမှုများကို သေချာဂနပြန်လည်လေ့လာဆန်းစစ်ကြည့် သောအခါတွင် ဤသို့တွေ့ရှိရမည်ဖြစ်ပါ သည်။
နိုင်ငံရေးသမား(အတု)များသည် အပြောကောင်း ကြသော်လည်း အကောင်းမပြောကြသူများဖြစ်သည်ကို တွေ့ရသည်။ ပြည်သူများအကြိုက်၊ ရေ ပေါ်ဆီလိုက်၍ ပြောဆို၊ လုပ်ဟန်ပြ၍ အတွင်း၌ မိမိအကျိုးရှိရာများကိုကြိတ်၍ ယူတတ်ကြသည်။ တစ်နည်းဆိုရသော် ရှေ့တွင်တစ်မျိုး၊ ကွယ်ရာတစ်မျိုးမျက်နှာ နှစ်ဖက် (ပေါ်လစီ)ကိုကျင့်သုံးတတ်ကြ သူများဖြစ်သည်။ လူတကာအထင်ကြီး အောင် ဟန်ရေးပြတတ်ကြသော်လည်း အများအတွက် တကယ့်အရေးပေါ်လာ သည့်အခါ အကြောင်းအမျိုးမျိုးပြ၍တာ ၀န်ကို ရှောင်လွှဲနေတတ်ကြသည်။အရေး ကြုံလျှင် ပုဆိုးခြုံထဲက လက်သီးပြတတ် သောလူစားမျိုးဖြစ်သည်။ အများပြည်သူ တို့အတွက် ကိုယ်ကျိုးစွန့်အနစ်နာခံခြင်း၊ ကြိုးပမ်းဆောင်ရွက်ခြင်းမရှိ မျက်နှာရ မည့်အလုပ်မျိုးဆိုလျှင် နှမ်းဖြူး၍ လူကြီး နားကပ်၍ဖော်လံဖားကပ်္ပလီလုပ်တတ်ကြ သည်။ အများပြည်သူအတွက် အများ ပြည်သူအရေးခေါင်းထဲ၌မည်သည့်အခါမှ မစဉ်းစား၊ စိတ်ကူးမထား၊ မိမိအတွက် မည်သို့ကြံဖန်၍အကျိုးရှိရာရှိကြောင်းများ ကိုသာ စဉ်းစားတွေးခေါ်လျက် ဖန်တီးမှု ပြုလုပ်၍ အခွင့်အရေးရယူရန်ကြိုးစားသူ ဖြစ်သည်။ သူတို့သည် ရဲဘော်၊ ရဲဘက် စိတ်လုံးဝမရှိ၊ လူတန်းစားကိုယ်စားပြု နှလုံးသားနှင့် စာနာမှုမရှိအခွင့်သာလျှင် သာသလို မိမိအတွက်ဘနဖူးသိုက်တူး ကြမည့်သူများဖြစ်သည်။ သူတို့လိုအပ် သည့်အခါ ပြည်သူလူထုထံ အသနားခံ အောက်ကြို့၍ပြောဆိုတတ်ကြသလောက် ပြည်သူလူထုကတရားသဖြင့်ရရှိအပ်သော အခွင့်အရေးကို ရရှိရန်တင်ပြဆွေးနွေး ဆောင်ရွက်ပေးရန် တင်ပြလျှင်မသိတော့ သလို၊ မတန်သလိုပြောဆိုဆက်ဆံလိုကြ သည်။ အချို့ဆိုလျှင် မရှိသောအာဏာ ပါဝါသံဖြင့် ဟိန်းဟောက်ပြောဆိုခဲ့ကြ သည်။ ဤလိုလူတွေက နေရာအတော် များများတွင် နိုင်ငံရေးသမားအမည်ခံ၍ နိုင်ငံရေးလုပ်နေကြသည်။
စစ်မှန်သောနိုင်ငံရေးသမားဟူသည် ဖော်ပြခဲ့သော(အတုနိုင်ငံရေးသမားများ တို့နှင့်အတူသောအပြုအမူ၊အကျင့်အကြံ၊ နေထိုင်ပြောဆိုမှုတို့မှအစ စိတ်နေ သဘောထားလက်တွေ့လုပ်ရပ်များနှင့် (ပြောင်းပြန်)ဖြစ်သည်ဟု အကျဉ်းအား ဖြင့် မှတ်သားကြရန်ဖြစ်ပါသည်။ စစ်မှန် သောနိုင်ငံရေးသမားဆိုသည်မှာ ဥပမာ အားဖြင့်ဥဒဟဂုဏ်ဆောင်၍တင်ပြရလျှင် မြန်မာနိုင်ငံ၏မျိုးချစ်ပုဂိ်္ဂုလ်၊ ငြိမ်းချမ်းရေး ဘခင်ကြီးဖြစ်သောဆရာကြီးသခင်ကိုယ် တော်မှိုင်းနှင့် အာဇာနည်ခေါင်းဆောင် ကြီး သခင်မြတို့၏ သဘောထားကိုတင် ပြလိုသည်။ တစ်ချိန်က သမ္မတကြီးစော ရွှေသိုက်တာဝန်ပြီးဆုံးကာနီးတွင် သမ်္မတ အသစ်တင်ရန် စဉ်းစားခဲ့ကြစဉ်က သခင် ၀တင်က ဆရာကြီးသခင်ကိုယ်တော်မှိုင်း ကို အဆိုပြုသည့်အခါ ဆိုရှယ်လစ်ခေါင်း ဆောင်အချို့က ဆရာကြီးဟာ ကွန်မြူ နစ်တွေနဲ့ နီးစပ်သူဖြစ်သည်ဟုဆိုကာ ပယ်ချခဲ့သည်။ ထိုအကြောင်းကို သခင် ၀တင်က ဆရာကြီးသဘောကိုမေးကြည့် ခဲ့ရာ ““အားလုံးက သဘောတူပြီးဆရာ့ကို သမ္မတလုပ်ခိုင်းရင်တောင် ဆရာမလုပ်ပါ ဘူးကွာ။ ဆရာက အာဏာရှိတဲ့အလုပ် ဆိုရင် တစ်ပဲသားလောက်ပဲရှိရှိ ဘယ်လို မှမလုပ်ချင်ပါဘူး”” ဟုပြောခဲ့သည်ကို သခင်ဝတင်၏ အတွေ့အကြုံတင်ပြချက် တစ်ခုကို မှတ်သားခဲ့ရပါသည်။ ထို့အတူ အာဇာနည်ခေါင်းဆောင်ကြီးတစ်ဦးဖြစ် သော သခင်မြသည်လည်း စစ်မှန်သော နိုင်ငံရေးသမားကောင်းတစ်ဦးအဖြစ်ဝိဇူရ သခင်ချစ်မောင်ပြုစုသည့် ““အမျိုးသား အာဇာနည်ခေါင်းဆောင်ကြီးသခင်မြ”” စာ အုပ်တွင် သခင်ဝတင်က ဂုဏ်ပြုရေးသား ခဲ့သည်မှာ သခင်မြသည် နာမည်ကြီးချင် တာကိုအောင့်ထားနိုင်သည်။ ပိုက်ဆံချမ်း သာချင်တာကို အောင့်၍ထားနိုင်သည်၊ အသောက်အစား၊ လောင်းကစားမှု၊ ပျော်ပါးမှုကင်းစင်သည်။ ၀င့်ဝင့်ဝါ၀ါမရှိ ဖြစ်သလိုနေနိုင်သည်။ ၀တ်နိုင်၊ အိပ်နိုင် သည်။ လိုချင်သည်ကို အောင့်၍ထားနိုင် သည်။ ဘယ်နေရာတွင်မှ မာန်မာနမရှိ၊ စိတ်ဆိုးစရာကိုအောင့်နိုင်သည်။ တစ်စုံ တစ်ရာတွင် ပြဿနာနှင့်ကြုံတွေ့ပါက အမှန်ဆုံးဖြစ်အောင် စဉ်းစားချင့်ချိန်၍ ဆုံးဖြတ်နိုင်သည်။ ဆိုခဲစေ၊ မြဲစေဆိုသည့် အတိုင်း စကားကိုအလွန်အကျွံဘယ်ခါမှ မပြော၊လူသားထဲမှအကောင်းဆုံးလူသား တစ်ဦးကို လက်ညှိုးထိုး၍ ပြစမ်းပါဟုဆို လျှင်(စစ်မှန်သောနိုင်ငံရေးသမားဟောင်း) သခင်မြအား စံပြနမူနာလူသားအဖြစ်ပြ နိုင်ပါသည်ဟူ၍ တင်ပြခဲ့သည်မှာလည်း မှတ်သားဖွယ်ရာပင်ဖြစ်ပါသည်။
ထို့အပြင်ရှေးလူကြီးသူမများက ဆိုဆုံးမခဲ့သည်မှာ ““တင်လဲပျားသကာနှင့် စီရင်ထားတဲ့နတ်သုဒ္ဓာတမျှရသာပြည့်စုံသော ခဲဘွယ်ဘောဇဉ်အထဲ မစင်တစ်ပဲသားမျှ ကျပါက ထိုခဲဘွယ်ဘောဇဉ်မှာ စွန့်ပစ်ရ ကြောင်း။ ခါးတောက်မြစ်ယက် စိုက်ရော ဖက်က သရက်ပင်မင်း သီးချိုကင်း၏”” ဆိုသောလင်္ကာအရသရက်သီးရဲ့အရသာ ကို ခါးတမာတွေက မည်သို့ဖျက်ဆီးတတ် ကြသည်ကို သိခဲ့ကြပြီးဖြစ်ပါသည်။ မည် သည့်ဘာသာတွင်ဖြစ်စေ၊မည်သည့်ကျမ်း စာများပင်ဖြစ်ဖြစ် ကောင်းမြတ်သည့်သူ သူတော်စင်တွေကြားထဲ မကောင်းမှုပြု သည့်လူတစ်ယောက် ရောလျက်ရှိလာ လျှင် လူကောင်းများဒုက္ခတွေ့ကြုံရသည့် ဆို့သည့်အကြောင်းဆုံးမ ရေးသားထား သည်များကို တွေ့ရှိကြရမည်ဖြစ်ပါသည်။
ထို့ကြောင့် အများပြည်သူတို့၏ အကျိုးအတွက် သာမာန်လူတွေမလုပ်နိုင် ဘဲ ““နိုင်ငံရေးဆိုတာ ပရဟိတလုပ်ငန်း၊ လောကတ္တစရိယကျင့်တဲ့လုပ်ငန်း၊ ဒါဟာ ဒွိဟိတ်ပုဂိ်္ဂုလ်တွေ မလုပ်နိုင်ဘဲ တိဟိတ် ပုဂိ်္ဂုလ်များ၊ ဘုရားအလောင်းမှသာ လုပ်နိုင်တဲ့လုပ်ငန်းလို့ ယူဆပါတယ်”” ဟူ ၍ မြန်မာပြည်သို့ ခေတ္တရောက်ရှိလာ သော အိနိ်္ဒယဘုရင်ခံချုပ်လော့လူဝီ မောင့်ဘက်တန်ကို နိုင်ငံရေးသမားများ နှင့်ပတ်သက်၍ ဗိုလ်ချုပ်အောင်ဆန်း၏ ရှင်းလင်းပြောကြားချက်များကိုလည်း သတိပြုကြရန်လိုအပ်လှပေသည်။ ဖော် ပြခဲ့သည့်အတိုင်း အလွန်မွန်မြတ်လှသည့် စစ်မှန်သော နိုင်ငံရေးသမားကောင်းတို့ ၏လောကတွင်းသို့အများပြည်သူအကျိုး မကြည့်၊ မိမိအတ္တကိုယ်ကျိုးအတွက်သာ အခွင့်ထူးခံရေး၊ အခွင့်အာဏာရရှိရေး၊ ယုတ်စွအဆုံး(ရပ်/ကျေးအဆင့်အုပ်ချုပ် ရေးမှူးများ) တာဝန်ရရှိရေးမှ လွှတ်တော် အဆင့်ဆင့်တို့၌ အမတ်နှင့်ဝန်ကြီးဖြစ်ရေး လောက်သာရည်မှန်း၍ (အတုနိုင်ငံရေး သမား)များကဆန်အိတ်ထဲကြွက်ချေးများ ရောမိလာမည်ကို သတိပြုသင့်ကြပေ သည်။ သို့ဖြစ်ပေရာစစ်မှန်သောနိုင်ငံရေး လောကကြီး ထိုသူများကြောင့် ဒုက္ခတွေ့ ပြီး မပျက်စီးသွားရလေအောင် နိုင်ငံရေး ပါတီတိုင်းနှင့် အများပြည်သူအပေါင်းတို့ သည် စစ်မှန်သော နိုင်ငံရေးသမားများ ကိုသာလျှင်စိစစ်ရွေးချယ်အားပေးထောက် ခံကူညီသွားသင့်လှပါကြောင်း သတိပေး တင်ပြရေးသားရပါကြောင်း။

စောကျော်အေး(ပန်းဘဲတန်း)

http://www.hotnewsweekly.com/archives/1217#.TwsU9DQhayU.facebook
Posted by minyekyawswar8888