26.01.2012 နေ့ဖတ်ရန်သတင်းများ

by Myanmar Journal on Thursday, January 26, 2012 at 7:54am

 

 
အိုင်အမ်အက်ဖ် စီးပွားရေး ပညာရှင် Olivier Blanchard
 နောက်ထပ် စီးပွားပျက်ကပ် ဆိုက်နိုင်တယ်လို့ IMF သတိပေး

ကမ္ဘာ စီးပွားရေး ပြန်နလံထူမှုဟာ အန္တရယ် ကျရောက်နိုင်တဲ့ အခြေအနေမှာ ရှိနေတယ်လို့ နိုင်ငံတကာ ငွေကြေး ရံပုံငွေ အဖွဲ့ IMF က သတိပေးလိုက် ပါတယ်။
တကယ်လို့ ယူရိုဇုန် ကြွေးမြီ ပြဿနာ ပိုပြီး ဆိုးရွားလာမယ် ဆိုရင် နောက်ထပ် စီးပွား ပျက်ကပ် ဆိုက်နိုင်တယ်လို့ IMF ရဲ့ ပြတ်သားတဲ့ သုံးသပ်ချက်တွေက ဆိုပါတယ်။

ငွေကြေး ဘဏ္ဍာရေး စံနစ် တခုလုံးဟာ အန္တရယ်ဇုန် ထဲမှာ နက်နက်ရှိုင်းရှိုင်း ကျရောက် နေပြီး အစိုးရတွေ အနေနဲ့ အသုံးစရိတ် ဖြတ်တောက်ျမှု အစီအစဉ် တွေကို ဘယ်လောက် ခဲခဲယဉ်းယဉ်း လျှင်လျှင် မြန်မြန် လုပ်ဆောင် နိုင်မလဲ ဆိုတာကို ပြန်ပြီး သုံးသပ်ဖို့ IMFက ပန်ကြား လိုက်ပါတယ်။
ဘဏ်တွေက ငွေထုတ်ချေးမှုကို ထိန်းချုပ် နေတာနဲ့ အစိုးရ အသုံးစရိတ် ဖြတ်တောက်မှု နှစ်ခု ပေါင်းလိုက်ရင်လည်း စီးပွားရေး တိုးတက်မှုကို ထိခိုက် နိုင်ပြီး သူ့အဆို အရ တကယ့်ကို အန္တရယ် ရှိတဲ့ စီးပွားရေး ကျဆင်းမှု သံသရာထဲ ရောက်သွား နိုင်တယ်လို့ IMF ရဲ့ ထိပ်တန်း စီးပွားရေး ပညာရှင် Olivier Blanchard က ပြောပါတယ်။

ကန် အစိုးရ ပြောခွင့်ရသူ Victoria Nulandတိဗက်အရေး ဆန္ဒပြသူ သေဆုံးမှု အမေရိကန်စိတ်ပူ
ပြီးခဲ့တဲ့ တနင်္လာနေ့တုန်းက ဇီချွမ်း ပြည်နယ်မှာ တိဗက် လွတ်မြောက်ရေး ဆန္ဒပြ လူအုပ်ထဲကကို တရုတ် ရဲတပ်ဖွဲ့က သေနတ်နဲ့ ပစ်ခတ်မှုကြောင့် ဆန္ဒပြသူ တယောက် သေဆုံးပြီး သုံးဆယ် လောက် ဒဏ်ရာ ရသွားတဲ့ အတွက့် အလွန်အမင်း စိုးရိမ် ပူပန်မိတယ်လို့ အမေရိကန် အစိုးရ အရာရှိ တွေက ပြောပါတယ်။
လာမယ့်လမှာ တရုတ် ဒုတိယ သမ္မတ Xi Jinping အမေရိကန်ကို လာရင် ဒီကိစ္စကို တင်ပြလိမ့်မယ်လို့ အမေရိကန် အစိုးရ ပြောခွင့်ရသူ ဗစ်တိုးရီးယား နူလန်းက ဆိုပါတယ်။
တိဗက် လွတ်မြောက်ရေး ကို ထောက်ခံတဲ့ လူခုနှစ်ထောင် လောက်က ဒရက်ဂို ဒေသက အစိုးရ ရုံးတွေဆီ ချီတက် ဆန္ဒပြ ခဲ့ပြီးတဲ့နောက် အခုလို ပစ်ခတ်မှု ပေါ်ပေါက်ခဲ့တာလို့ တိဗက် အရေး တက်ကြွ လှုပ်ရှားတဲ့ အဖွဲ့က ပြောပါတယ်။
တရုတ် အစိုးရ ကတော့ ဒီသတင်းတွေက အပို ချဲ့ကား ပြောတာလို့ ဆိုပါတယ်။

ဆူမားတြား ဆင်ရိုင်း နှစ် ၃ဝ တွင်း မျိုးတုန်းသွားနိုင်
ဆူမားတြား ဆင်ရိုင်းစားကျက်တွေကို မကာကွယ်ရင် နှစ် ၃ဝ အတွင်း မျိုးတုန်းသွားနိုင်
ဆူမားတြား ဆင်ရိုင်းတွေရဲ့စားကျက်တွေကို ချက်ချင်းမကာကွယ်ရင် နှစ်ပေါင်း ၃ဝ အတွင်း မျိုးတုန်းပျောက်ကွယ်သွားနိုင်တယ်ဆိုတဲ့ သတိပေးချက်တွေထွက်ပေါ် နေပါတယ်။
သစ်တောပြုန်းတီးမှုတွေကြောင့် ၁၉၈၅ က နေ ခုထိ အင်ဒိုနီးရှား ဆူမားတြား ကျွန်းပေါ်မှာရှိတဲ့ ဆင် ကောင်ရေ တဝက်ထိ ကျဆင်းနေပြီလို့ သဘာဝ ထိန်းသိမ်းစောင့်ရှောက်ရေး အဖွဲ့ WWF က ဆိုပါတယ်။
သစ်လုပ်ငန်း၊ ဆီအုန်းစိုက်ခင်းနဲ့ စက္ကူစက်တွေကြောင့် ဆူမားတြားသစ်တောတွေ ပျောက်ကွယ်ကုန်တာပါ။

ဆီးရီးယား နိုင်ငံခြားရေး ဝန်ကြီး ဝါဟစ် မူလန်အာရပ် အဖွဲ့ချုပ် စစ်ဆေးခွင့် နောက်တလ ဆီးရီးယား တိုးမြှင့်
ဆီးရီးယား နိုင်ငံမှာ အာရပ် အဖွဲ့ချုပ်က လေ့လာရေးမှူးတွေ ဝင်ရောက် စစ်ဆေးခွင့်ကို နောက်တလ ထပ်တိုးပေးဖို့ သဘောတူ လိုက်ပါတယ်။
ဒီလေ့လာစစ်ဆေးရေးမှူးတွေ နယူးယောက် သွားသွား ၊ လကမ္ဘာ သွားသွား ဂရုမစိုက်ဘူးလို့ အစောပိုင်းတုန်းက ပြောခဲ့တဲ့ ဆီးရီးယား နိုင်ငံခြားရေး ဝန်ကြီး ဝါဟစ် မူလန်က သက်တမ်း တိုးဖို့ ကမ်းလှမ်း လိုက်တာ ဖြစ်ကြောင်း ဆီးရီးယား အစိုးရပိုင် သတင်း အေဂျင်စီက ပြောပါတယ်။
အာရပ် အဖွဲ့ချုပ်ရဲ့ ဆီးရီးယား နိုင်ငံအတွင်း ဝင်ရောက် စစ်ဆေးရေး အဖွဲ့ထဲက ပင်လယ်ကွေ့ ငါးနိုင်ငံ နှုတ်ထွက်သွားခဲ့ ပြီးတဲ့နောက် ဒီတာဝန်ကို ကုလသမဂ္ဂက ယူပေးဖို့ လွှဲပေးဖို့ ဆုံးဖြတ်လိုက်တဲ့ အတွက် မစ္စတာ မူလန်က အခုလို တုန့်ပြန်ခဲ့တာ ဖြစ်ပါတယ်။
ဗြိတိန် ၊ ပြင်သစ်နဲ့ ဂျာမဏီ တို့က ဆီးရီးယားမှာ ဆန္ဒပြသူတွေကို အစိုးရက အကြမ်းဖက် နှိမ်နင်းနေမှုကို ရှုတ်ချလိုက်ပြီး လာမယ့် သီတင်းပတ် မတိုင်မှီ လုံခြုံရေး ကောင်စီမှာ အဆိုပြုလွှာ မူကြမ်း တင်နိုင်အောင် ကြိုးစား နေကြပါတယ်။

အီဂျစ် လွှတ်တော်မှာ အစ္စလာမ်ဝါဒီတွေ အများစု ဖြစ်လာအရေးပေါ် အခြေအနေ အီဂျစ် ရုပ်သိမ်း
အီဂျစ် နိုင်ငံမှာ ဆယ်စုနှစ်နဲ့ချီ ပြဌာန်း လာတဲ့ အရေးပေါ် အခြေအနေကို လက်ရှိ အာဏာရ စစ်ကောင်စီက ရုပ်သိမ်းပေး လိုက်ပါတယ်။
တကယ်တော့ အီဂျစ် နိုင်ငံသား အများစုဟာ မွေးကတည်းက ကနေ့ချိန်ထိအရေးပေါ် အခြေ အနေ အောက်မှာ နေထိုင်ခဲ့ကြတာ ဖြစ်ပါတယ်။
၁၉၆၇ ခုနှစ်က အစ္စရေးနဲ့ ခြောက်ရက်ကြာ စစ်ပွဲ အပြီးမှာ အရေးပေါ် အခြေအနေကို စကြေညာ ခဲ့ပြီး ၁၉၈၁ ခုနှစ် သမ္မတ ဆာဒတ် လုပ်ကြံ ခံရပြီးနောက်မှာ တခါ ထပ်ကြေညာပါတယ်။
မနှစ်က အီဂျစ် သမ္မတ မူဘာရက် ပြုတ်ကျသွားပြီးနောက်မှာ အာဏာသိမ်း စစ်ကောင်စီက ဒီအရေးပေါ် အခြေအနေကို ပြန်ရုပ်သိမ်းပေးမယ်လို့ အစက ကတိ ပေးခဲ့ပါတယ်။
ဒါပေမယ့် ချက်ချင်း မရုပ်သိမ်းတဲ့ အပြင် တင်းကြပ်မှုတွေ ပိုတောင်မှ လုပ်လာခဲ့ပါတယ်။
ဆန္ဒပြမှုတွေကို တားမြစ် ပိတ်ပင်သလို၊ ယဉ်ကြော ပိတ်ဆို့မှုတွေ လုပ်တာတွေ အပြင် သ တင်းမှား လွှင့်မှုကိုပါ အရေးပေါ် အခြေအနေ အရ အရေးယူနိုင်တဲ့ လုပ်ရပ်တွေထဲ ထည့် သွင်းခဲ့ပါတယ်။
ဒါပေမယ့် ခုတော့ ဒီအရေးပေါ် အခြေအနေကို ရုပ်သိမ်းလိုက်ပါပြီ။
အစ္စလာမ် ဝါဒီတွေကို ဖိနှိပ်ဖို့ ပြဌာန်းထားတဲ့ အရေးပေါ် အခြေအနေဟာ အစ္စလာမ် ဝါဒီတွေ လွှတ်တော်ထဲ အများစုအဖြစ် ရောက်လာချိန်မှာ အရေးပေါ် အခြေအနေတွေ ရုပ်သိမ်းဖို့ ဖြစ်လာပါတယ်။
မွတ်စလင် ညီအကိုတော်များ အဖွဲ့ဟာ လွှတ်တော်မှာ အကြီးဆုံး ပါတီ ဖြစ်လာပြီး အီဂျစ်ကို အစ္စလာမ် နိုင်ငံ အဖြစ် ပြောင်းလဲပစ်ဖို့ သူတို့ဆီမှာ လူထုရဲ့ ထောက်ခံမှု ရထားပြီးပြီလို့ ပြောပါတယ်။
တကယ်တော့ အီဂျစ် လွှတ်တော်ထဲမှာ မွတ်စလင် ညီအကိုတော်များထက် ပိုပြီး တဘက် စွန်းကို သွားချင်သူတွေ ရှိပါတယ်။
မွတ်စလင် ညီအကိုတော်များထက်ကို သဘောထား တင်းမာတဲ့ ဆာလာဖစ် ပါတီဟာ အမတ် နေရာ စုစုပေါင်းရဲ့ နှစ်ဆယ့်ငါး ရာခိုင်နှုန်းတောင် ရခဲ့တာမို့ အတော်များများ အံ့အား သင့်ခဲ့ ပါတယ်။
သူတို့က အီဂျစ် တနိုင်ငံလုံးကို ရှာရီယား ဥပဒေနဲ့ အုပ်ချုပ်ချင်ပါတယ်။

အမေရိကန် အထက်လွှတ်တော် အမတ် Mitch McConnellပြောင်းလဲမှုတွေ လုပ်ပြီး မြောက်ကိုရီးယားနဲ့ အဆက်ဖြတ်ဖို့ အမေရိကန် ပြော
မြန်မာနိုင်ငံမှာ ဒီမိုကရေစီ ဆိုင်ရာ ပြုပြင် ပြောင်းလဲမှုတွေ ရှေ့ဆက် အကောင်အထည် ဖော်ပြီး မြောက်ကိုရီးယား နဲ့ စစ်ရေး ဆက်ဆံမှုတွေ ဖြတ်တောက်မယ် ဆိုရင် မြန်မာ အပေါ် စီးပွားရေး ပိတ်ဆို့ အရေးယူထားမှုကို ရုတ်သိမ်းပေးဖို့ သူထောက်ခံ ပေးမယ်လို့ အမေရိကန် ထိပ်တန်း ရီပါ့ဘလစ်ကန် ဆီးနိတ်တာ Mitch McConnell က ပြောလိုက်ပါတယ်။
ပြီးခဲ့တဲ့ သီတင်းပတ်တုန်းက မြန်မာပြည်ကို သွားရောက်ခဲ့တဲ့ ဆီးနိတ်တာ မက်ကောနယ်က လာမယ့် ကြားဖြတ် ရွေးကောက်ပွဲမှာ နိုင်ငံတကာက လေ့လာ စောင့်ကြည့်သူတွေကို ဝင်ရောက်ခွင့် ပေးဖို့ မြန်မာ အစိုးရကို ပန်ကြား ခဲ့တယ်လို့လည်း ဆိုပါတယ်။
ဒါ့အပြင် အဲဒီ ရွေးကောက်ပွဲကို ကောင်းကောင်းမွန်မွန် ကျင်းပနိုင်ခဲ့ရင် မြန်မာ အပေါ် ပိတ်ဆို့ အရေးယူမှု တချို့ ဒါမှမဟုတ် အကုန် ရုတ်သိမ်းပေးဖို့ အာမခံချက် ပေးနိုင်တဲ့ နောက်ထပ် ခြေလှမ်းတွေ စဉ်းစားပေးမယ်လို့လည်း မစ္စတာ မက်ကော်နယ်က ပြောပါတယ်။

တိဘက်ဆန္ဒပြသူတွေကို တရုတ်ရဲက ပစ်ခတ်
 တိဘက် ဘာသာရေး ယဉ်ကျေးမှုတွေကို ဖိနှိပ် ခံနေရတယ်ဆိုပြီး မကြေနပ်မှုတွေရှိ
တိဘက် နယ်စပ်ဒေသ ဖြစ်တဲ့ ဇီချွမ် ပြည်နယ်မှာ ရဲနဲ့ ဆန္ဒပြသူတွေ အကြား ပဋိပက္ခ ဖြစ်ပွားခဲ့ပြီးနောက် လူတယောက် သေဆုံးကြောင်း တရုတ် အစိုးရ သတင်း ဌာန ရှင်ဟွာက ဖော်ပြခဲ့ပါတယ်။
အစိုးရရဲ့ တရားဝင် သတင်းထုတ်ပြန်ချက် အပေါ်မှာ တိဘက်အရေး လှုပ်ရှားသူတွေ ဘက်ကတော့ ကန့်ကွက် ငြင်းခုန်မှုတွေ ရှိပါတယ်။
Free Tibet ဆိုတဲ့ တိဘက် အရေး လှုပ်ရှားသူ အဖွဲ့ရဲ့ အဆိုအရ လုံခြုံရေး တပ်ဖွဲ့တွေက ဆန္ဒ ပြသူတွေကို သေနတ်နဲ့ ပစ်ခတ်ခဲ့ တယ်လို့ ဆိုကြပါတယ်။
ဆန္ဒပြသူတွေဟာ ဘာသာရေး ဖိနှိပ်မှုကို ကန့်ကွက် ဆန္ဒပြ ကြတာလည်း ဖြစ်ပါတယ်။
အခုတော့ အဲဒီမြို့ကို ကာဖြူးမိန့် ထုတ်ပြန်ထားတဲ့အတွက် လူတွေဟာ အိမ်ပြင် မထွက်ရဲကြ ပါဘူး။
အိမ်ပြင်ထွက်ရင် သေနတ်နဲ့ အပစ်ခံရမလားဆိုပြီး စိုးရိမ်နေကြတယ်လို့ ဆိုပါတယ်။
ဒါပေမဲ့ အဲဒီနယ်မြေမှာ လုံခြုံရေး တင်းကြပ်ထားပြီး သတင်းထောက်တွေ ဝင်ရောက်ဖို့ မဖြစ်နိုင်တဲ့ အတွက် သီးခြား လွတ်လပ်တဲ့ အတည်ပြုချက် မျိုးတော့ မရယူနိုင်ပါဘူး။
ဒါပေမဲ့ ဒီထိပ်တိုက်တွေ့ဆုံမှုဟာ တိဘက်မှာ မငြိမ်မသက်ဖြစ်နေတာကို ဖော်ပြနေတဲ့ သက်သေလို့တော့ ဆိုနိုင်ပါတယ်။
တနင်းလာနေ့တုန်းကလည်း ဇီချွမ်ဒေသမှာ တခြား ဆန္ဒပြသူတယောက် သေဆုံးခဲ့ပါ သေးတယ်။
ပဋိပက္ခ ဖြစ်ပွားမှုမှာ ဒဏ်ရာရခဲ့သူ အယောက်သုံးဆယ်လောက်လည်း ဘုန်းကြီးကျောင်း တကျောင်းထဲမှာ ရှိတယ်လို့ သတင်းတွေ ထွက်ပေါ်နေပါတယ်။
အရင်နှစ် မတ်လကနေ ဒီနေ့ထိ ကာလအတွင်းမှာ ကိုယ့်ကိုယ်ကို မီးရှို့ ဆန္ဒပြခဲ့သူပေါင်း ၁၆ ယောက်ရှိပါပြီ။
အဲဒီ ၁၆ ယောက်ထဲက ၄ ယောက်ကတော့ ဒီဘက် ဇန်နဝါရီလထဲမှာ ဖြစ်ပါတယ်။
တရုတ် အာဏာပိုင်တွေက တိဘက်ယဉ်ကျေးမှု၊ တိဘက် အစဉ်အလာတွေကို ဖိနှိပ် ချိုးနှိမ် နေလို့ အခုလို့ ဆန္ဒပြကြတာလို့ တိဘက် တွေက ဆိုကြပါတယ်။
အာဏာပိုင်တွေဘက် ကတော့ အစိုးရကို ဖိအားပေးဖို့ အတွက် ကိုယ့်ကိုယ်ကို မီးရှို့ သတ်သေ နေတာကို ခွင့်မပြုနိုင်ဘူးလို့ ဆိုပါတယ်။

တရုတ် ဗီယက်နမ် သတင်းလွတ်လပ်ခွင့် ဆိုး
ဗီယက်နမ်မှာ သတင်းသမား ဘလော့ဂါတွေကို နှောင့်ယှက် ဖမ်းဆီးတာတွေရှိခဲ့
ပြင်သစ်အခြေစိုက် နယ်စည်းမခြား သတင်းထောက်များ အဖွဲ့ RSF ရဲ့ နိုင်ငံ အလိုက် သတင်း လွတ်လပ်ခွင့် အဆင့် သတ်မှတ်ချက် ထွက်လာရာမှာ အရှေ့အာရှ ဒေသက တရုတ်နဲ့ ဗီယက်နမ်နိုင်ငံတွေမှာ ပြီးခဲ့တဲ့နှစ် ၂၀၁၁ ခုနှစ်မှာ အခြေအနေ ဆိုးဝါးခဲ့တယ်လို့ ဆိုပါတယ်။
တရုတ်မှာ ဆင်ဆာ တင်းကျပ်မှုတွေ ပိုတွေ့ ခဲ့ရပြီး အင်တာနက်ကို ထိန်းချုပ်မှု တွေလည်း ပိုများခဲ့ကြောင်းနဲ့ သတင်းထောက်တွေကို သတင်းရယူခွင့် တွေ ကန့်သတ် ခဲ့ကြောင်း သိရပါတယ်။
ဗီယက်နမ်မှာတော့ သတင်းသမားတွေနဲ့ ဘလော့ဂါတွေကို လုံခြုံရေး အကြောင်းပြချက်တွေ နဲ့ အနှောင့်အယှက်ပေးတာ၊ အရေးယူ ဖမ်းဆီးတာတွေ ရှိခဲ့တယ်လို့ ဆိုပါတယ်။
အင်ဒိုနီးရှားနိုင်ငံဟာလည်း အဆင့် လျော့ကျသွားပြီး မြန်မာနိုင်ငံကတော့ တိုးတက်မှုတွေ ရှိလာတာ တွေ့ရတယ်လို့ ဖေါ်ပြထားပါတယ်။
အခု နောက်ဆုံး အဆင့် သတ်မှတ်ချက် အရ မြန်မာနိုင်ငံက နံပါတ် ၁၆၉မှာ ရှိနေပါတယ်။
နောက်ဆုံးက ပြန်ရေရင် နံပါတ် ၁၀ မှာ ရှိတာပါ၊ နိုင်ငံရေး ပြုပြင် ပြောင်းလဲမှုတွေကြောင့် တိုးတက်မှု နည်းနည်း တွေ့လာရပေမယ့် လက်တွေ့ လုပ်ပြ စရာတွေ ရှိသေးတယ်လို့ RSF က ပြောပါတယ်။

ဆိုမာလီးယားမှာ ပြန်ပေးဆွဲ ခံရသူတွေကို ဝင်ကယ်
ဆိုမာလီပြန်ပေးလက်က လွတ်မြောက်လာတဲ့ ဓားစာခံ ၂ ဦး
ဆိုမာလီးယားနိုင်ငံမှာ ပြန်ပေးဆွဲ ခံထား ရတဲ့ အနောက်နိုင်ငံသား ပရဟိတ အဖွဲ့ဝင် နှစ်ဦးကို အမေရိကန် အထူးတပ်တွေက ဝင်ရောက်ကယ်ဆယ်လိုက်ကြပါတယ်။
ဆိုမာလီးယား အလယ်ပိုင်းက ဝေးလံတဲ့ ချုံတောဒေသတခုဆီကို အမေရိကန် နေဗီဆီးလ် ရေတပ်သားတွေ ညအမှောင်မှာ လေထီးနဲ့ ဆင်းပြီး အမေရိကန် အမျိုးသမီး တဦးနဲ့ ဒိန်းမတ် အမျိုးသား တဦးကို သေနတ် သမားတွေ လက်က ကယ်ဆယ် လိုက်တာပါ။
ပြန်ပေး သေနတ်သမား ရှစ်ယောက်ကို ပစ်သတ်ခဲ့ပြီး ပြန်ပေးဆွဲခံနေရသူတွေကို အိမ်နီးချင်း ဂျီဘူတီနိုင်ငံက အမေရိကန် စစ်စခန်းတခုဆီကို ခေါ်သွားခဲ့ကြပါတယ်။
ဒိန်းမတ် နိုင်ငံခြားရေး ဝန်ကြီး ဗင်လ်လီ ဆဗွန်ဒါကလဲ အမေရိကန်တွေကို ကျေးဇူးတင် ကြောင်း ပြောပါတယ်။
အမေရိကန်တပ်တွေက အခုလို စစ်ဆင်ရေး လုပ်ရတာက ပြန်ပေးဆွဲခံရသူ တယောက်ရဲ့ ကျန်းမာရေးက တော်တော်ဆိုးနေလို့ ဖြစ်တယ်လို့ ပြောသွားပါတယ်။
ပြန်ပေးဆွဲခံခဲ့ရသူ နှစ်ယောက်ဟာ ဒိန်းမတ် မိုင်းရှင်းရေး ပရဟိတအဖွဲ့ တခုနဲ့ အလုပ်လုပ် နေတုန်း ပြီးခဲ့တဲ့ အောက်တိုဘာလက အဖမ်းခံခဲ့ရတာ ဖြစ်ပါတယ်။

၂၀၁၅ ရွေးကောက်ပွဲမှာ ဦးခွန်ထွန်းဦး ဝင်ပြိုင်မယ်
နိုင်ငံတော် ပုန်ကန်မှုနဲ့ ထောင်ဒဏ် နှစ်ရှည် ချမှတ်ခံခဲ့ရာကနေ ပြန်လွတ်လာစဉ်
မကြာသေးခင်က အကျဉ်းထောင်ကနေ ပြန်လွတ်လာတဲ့ SNLD ရှမ်းတိုင်းရင်း သားများ ဒီမိုကရေစီ အဖွဲ့ချုပ် ခေါင်းဆောင် ဦးခွန်ထွန်းဦးက လာမယ့် ၂၀၁၅ခုနှစ် ရွေးကောက်ပွဲမှာ သူပါဝင် ယှဉ်ပြိုင်မယ်လို့ ထုတ်ဖေါ် ပြောဆိုလိုက် ပါတယ်။
လာမယ့် ဧပြီလမှာ ကျင်းပမယ့် ကြားဖြတ် ရွေးကောက်ပွဲမှာတော့ ဝင်ပြိုင်ဖို့ အစီအစဉ် မရှိဘူးလို့ ဆိုပါတယ်။
မြန်မာနိုင်ငံမှာ လက်ရှိ ဖြစ်ပေါ်နေတဲ့ အပြောင်းအလဲတွေအနက် ဒီမိုကရေစီကို သွားတဲ့ ပြောင်းလဲမှုက ၅၅ ရာခိုင်နှုန်းပဲ ရှိတယ်လို့ သူ့အနေနဲ့ ယူဆကြောင်း၊ အဂတိ လိုက်စားမှု ပြဿနာတွေကို ဖြေရှင်းဖို့ လိုအပ်နေသေးသလို ဒဏ်ခတ် ပိတ်ဆို့မှုတွေ ပြန်မရုပ်သေးတဲ့ အတွက် စီးပွားရေး ပြဿနာတွေလည်း ရှိနေသေးကြောင်း၊ ဒီပြဿနာတွေကို အားလုံး ဝိုင်း ဖြေရှင်းဖို့ လိုအပ်ကြောင်း ဦးခွန်ထွန်းဦးက ဘီဘီစီကို ပြောပါတယ်။
သူ့အနေနဲ့က ရှမ်းပြည်နယ် တိုးတက်ရေး၊ ရှမ်းလူမျိုးတွေ ကောင်းစားရေးအတွက် အဓိက ထား လုပ်ဆောင်သွားမှာ ဖြစ်တဲ့အတွက် လွှတ်တော်ထဲကနေ ပိုလုပ်ပိုင်ခွင့် ရလာအောင် အခုလို ၂၀၁၅ ခုနှစ် ရွေးကောက်ပွဲကို ဝင်ပြိုင်မှာ ဖြစ်တယ်လို့ ပြောပါတယ်။
၂၀၁၀ ရွေးကောက်ပွဲအပြီး လွှတ်တော် ပါလီမန် ပေါ်လာတာ တနှစ်တာ ရှိသွားပြီ ဖြစ်ပေမယ့် ရှမ်းပြည်နယ်မှာ တကယ်တမ်း ဖွံ့ဖြိုး တိုးတက်လာတာမျိုး မတွေ့ရသေးကြောင်း၊ ဒါပေမယ့် လွှတ်တော်ထဲမှာ ပြုပြင်ပြောင်းလဲမှုတွေ လုပ်ပြီး လွှတ်တော်ထဲကနေတဆင့် ရှမ်းပြည်နယ် တိုးတက်လာရေးကို ဆောင်ရွက်သွားနိုင်ဖို့ မျှော်လင့်ထားကြောင်း ဦးခွန်ထွန်းဦးက ပြောပါတယ်။

ဒေါ်အောင်ဆန်းစုကြည်ကို ပါကစ္စတန်က ဒီမိုကရေစီဆု ချီးမြှင့်
ပါကစ္စတန် သမ္မတကိုယ်တိုင် လာရောက်ပြီး ဆု ချီးမြှင့်ခဲ့
မြန်မာ့ ဒီမိုကရေစီရေး ခေါင်းဆောင် ဒေါ်အောင်ဆန်းစုကြည် ကို ပါကစ္စတန် အစိုးရက Shaheed Benazir Bhutto Award for Democracy ဆု ချီးမြှင့် လိုက်ပါတယ်။
ကာလ ရှည်ကြာ ဒီမိုကရေစီရေး တိုက်ပွဲ ဝင်ရာမှာ ဒေါ်အောင်ဆန်းစုကြည်ရဲ့ သတ္တိ ပြောင်မြောက်မှု၊ တရားမျှတမှု၊ လူသား ဂုဏ် သိက္ခာကို အလေးထား အသိအမှတ် ပြုမှု စတဲ့ အချက်တွေကြောင့် အခုလို ဂုဏ်ပြု ချီးမြှင့် ရခြင်းဖြစ်တယ် လို့ ဆိုပါတယ်။
ဆုတံဆိပ် ချီးမြှင့်တဲ့ အခမ်းအနား ကို ဒေါ်အောင်ဆန်းစုကြည်ရဲ့ နေအိမ်မှာ ကျင်းပခဲ့တာ ဖြစ်ပြီး ပါကစ္စတန် သမ္မတ အာဇစ် အလီ ဇာဒါရီ ကိုယ်တိုင် သွားရောက် ပေးအပ်ခဲ့တာ ဖြစ်ပါတယ်။
ပါကစ္စတန် သမ္မတ ဇာဒါရီက ဒေါ်အောင်ဆန်းစုကြည်ကို ဂုဏ်ပြုစကား ပြောကြားရင်း မြန်မာနိုင်ငံမှာ ဒီမိုကရေစီရေး ပြောင်းလဲမှုတွေ တိုးတက်လာလိမ့်မယ် လို့ မျှော်လင့်ကြောင်း၊ အခုနှစ်ရာစု ခေါင်းဆောင် ဟာ ဒေါ်အောင်ဆန်း စုကြည် ဖြစ်လာလိမ့်မယ် လို့ သူယူဆတဲ့ အကြောင်း နဲ့ ဒေါ်အောင်ဆန်း စုကြည် ဟာ မျိုးဆက်သစ် တွေ အတွက် အားအင် ဖြစ်စေ ပါလိမ့်မယ် လို့ ပြောသွားပါတယ်။
ဒါ့အပြင် ဒေါ်အောင်ဆန်းစုကြည်ရဲ့ ဂုဏ်အရည် အသွေးနဲ့ စိတ်ဓာတ် တွေ ဟာ ပါကစ္စတန် မှာရော နိုင်ငံတကာ ကိုပါ အားတက်စရာ ဖြစ်စေခဲ့တယ် လို့လည်း သူက ပြောပါတယ်။
ဆု လက်ခံယူခဲ့တဲ့ ဒေါ်အောင်ဆန်းစုကြည် ကလည်း မြန်မာနိုင်ငံ မှာ မိသားစုတွေ နစ်နာ ခံစားနေကြရတာကို အဆုံးသတ်နိုင်အောင် ကြိုးစား ဆောင်ရွက်နေကြောင်းနဲ့ မိသားစု အားလုံး အခွင့်အရေးတွေ ရအောင်၊ ကောင်းမွန်တဲ့ ဂုဏ်သိက္ခာတွေနဲ့ ပြည့်စုံနေအောင် နှစ်နိုင်ငံ ပူးတွဲဆောင်ရွက်နိုင်တဲ့ အချိန် ကို ရောက်လာမယ် လို့ သူမျှော်လင့် ကြောင်း ပြောသွားပါတယ်။

မြန်မာ့နိုင်ငံရေး ပြုပြင်ပြောင်းလဲမှု ဆက်ဖိအားပေးဖို့လို
By မသင်းသီရိ
မြန်မာနိုင်ငံအတွင်းက ပြုပြင်ပြောင်းလဲမှုတွေဟာ မျှော်လင့်ချက် ရောင်ခြည်သန်းလာတယ်လို့  အမေရိကန် သမ္မတ အိုဘားမားက  ပြောပေမယ့် လက်ရှိပြောင်းလဲမှုတွေဟာ လုံလောက်တဲ့ အပြောင်းအလဲမဟုတ်သေးဘူလို့ မြန်မာ့အရေး လှုပ်ရှားသူတွေက သုံးသပ်ပါတယ်။ နောက်ထပ်တိုးတက်လာဖို့ ဖိအားပေးရမယ့် မြန်မာ့နိုင်ငံရေးအခြအနေထဲ အမေရိကန်ရဲ့ အခန်းကဏ္ဍက အလွန်အရေးပါတယ်လို့လည်း ဆိုကြပါတယ်။ ဒီသုံးသပ်ချက်တွေကိုတော့ မသင်းသီရိက စုစည်းတင်ဆက်ပေးမှာပါ။
မြန်မာနိုင်ငံအတွင်းမှာ  နိုင်ငံရေးအကျဉ်းသား အတော်များများလွတ်လာတာ၊ မြန်မာ့နိုင်ငံရေးထဲ ဒေါ်အောင်ဆန်းစုကြည် ပါဝင်လာနိုင်တာအပြင် တိုင်းရင်းသားအဖွဲ့တချို့နဲ့လည်း  ငြိမ်းချမ်းရေး သဘောတူညီချက်တွေ ဖြစ်လာတာဟာ  ပစိဖိတ် ဒေသအတွင်းမှာ အင်အားကြီးနိုင်ငံတခုအဖြစ်နဲ့ ရပ်တည်နေတဲ့ အမေရိကန်တို့အတွက် မျှော်လင့်ချက်သစ်တွေကို ဖြစ်စေတယ်လို့ အမေရိကန် သမ္မတအိုဘားမားက သူ့ရဲ့ နိုင်ငံတော် အခြေပြမိန့်ခွန်းထဲမှာ ထည့်ပြောသွားပါတယ်။ ဒါပေမယ့် ဒီပြောင်းလဲမှုတွေဟာ မြန်မာ့နိုင်ငံရေးအတွက် မလုံလောက်သေးဘဲ  အားနည်းနေသေးတယ်လို့ NLD ပါတီရဲ့ သဘာပတိ အဖွဲ့ဝင်တဦးဖြစ်တဲ့ သတင်းစာဆရာကြီး ဦးဝင်းတင်က သုံးသပ်ပါတယ်။
“ကျနော်တယောက်တည်းအမြင် ပြောရရင်တော့ အပြောင်းအလဲတွေက မလုံလောက်သေးဘူးလို့ပဲ ပြောချင်ပါတယ်။ ဗမာစကားမှာ ပြုပြင်ပြောင်းလဲမှု ဆိုတာ ရှိတယ်။ ပြောင်းလဲမှုဆိုတာ ပြုပြင်မှုရှိမှ- အခု သူတို့လုပ်နေတဲ့ဟာက ပြုပြင်မှုက အတော်အားနည်းတုန်းပဲလို့ ကျနော်က ယူဆတယ်။ အခု ကချင်ပြည်နယ်တို့-ဘာတို့မှာ ထိုးစစ်တွေက မပြတ်သေးဘူး။ သမ္မတကနေပြီးတော့ ထိုးစစ်တွေရပ်ပါလို့ ပြောပေမယ့် မရပ်သေးဘဲနဲ့ ဖြစ်နေတာ။ လူ့အခွင့်အရေး ချိုးဖောက်မှုတွေကလည်း ကျန်ပါသေးတယ်။ ထောင်ထဲမှလည်း လူတွေအများကြီး ကျန်သေးတယ်။ အဲဒါတွေကြောင့် ကျနော့်အမြင်ကတော့ ဒီ ပြုပြင်ပြောင်းလဲမှုတွေဟာ မလုံလောက်သေးဘူးလို့ ပြောချင်ပါတယ်”
မြန်မာနိုင်ငံမှာ နောက်ထပ် တိုးတက်တဲ့ အပြောင်းအလဲတွေထပ် ဖြစ်လာဖို့အတွက် အမေရိကန်တို့ရဲ့ အားပေးကုညီနေမှုတွေနဲ့အတူ ဖိအားပေးမှုတွေကလည်း အလွန်အရေးပါတယ်လို့ ဆိုပါတယ်။
“အမေရိကန်တို့ရဲ့ အရေးပါမှုကလည်း အများကြီးတည်တာပေါ့။ ဥပမာ-ဒေါ်အောင်ဆန်းစုကြည်က ဘယ်လောက်ပဲ အမြင်တွေကောင်းနေပေမယ့်လို့ အမေရိကန်ဘက်ကနေပြီးတော့ အခုလို သိပ်ပြီးတော့ အကောင်းမြင်တာမျိုး မရှိဘူးဆိုရင် နှောင့်နှေးနေအုံးမယ်ဆိုရင်လည်း ဒေါ်အောင်ဆန်းစုကြည်ရဲ့ အားထုတ်မှုတွေ၊ ဒေါ်အောင်ဆန်းစုကြည်ရဲ့ အမြင်တွေဟာ  ဒီလောက်မြန်မြန်ထက်ထက် အကောင်အထည်ပေါ်ချင်မှ ပေါ်လာမှာပေါ့။ အဲဒီတော့ - အမေရိကန်ရဲ့ သဘောထားဟာလည်း ဗမာပြည်နိုင်ငံရေးအပေါ်မှာ အလွန့်အလွန် အရေးကြီးတယ်လို့ ယူဆပါတယ်”
ဒါကတော့ NLD ပါတီရဲ့ သဘာပတိအဖွဲ့ဝင်တဦးဖြစ်တဲ့ သတင်းစာဆရာကြီး ဦးဝင်းတင်ပြောပြခဲ့တာပါရှင်။ မြန်မာနိုင်ငံအတွင်းမှာ ဖြစ်လာတဲ့အပြောင်းအလဲတချို့ကို အမေရိကန်တို့က ဝမ်းပန်းတသာကြိုဆိုပေမယ့် ကြားဖြတ်ရွေးကောက်ပွဲတွေမှာ တရားမျှတဖို့၊ တခါ နောက်ထပ် ပြုပြင်ပြောင်းလဲမှုတွေပေါ်ကြည့်ပြီးတော့မှ ပိတ်ဆို့အရေးယူမှုတွေကို တဆင့်ချင်းစီလျှော့မယ်လို့လည်း ပြောထားတာပါ။
ဒါပေမယ့် အခု မြန်မာနိုင်ငံမှာ ပြုပြင်ပြောင်းလဲရေး ခြေလှမ်းအစတွေရနေပြီဆိုပေမယ့် အရှိန်တွေရပ်တန့်မသွားဖို့ လိုတယ်လို့ ၈၈ မျိုးဆက် ကျောင်းသားခေါင်းဆောင် ကိုကိုကြီးက ပြောပါတယ်။
“ကျနော်တို့ ထောင်က လွတ်လာကတည်းက လေဆိပ်မှာမြင်ရတဲ့ သတင်းမီဒီယာသမားတွေရဲ့ မြင်ကွင်း အပါအဝင် ကျနော်တို့ ဒီ ရန်ကုန်တိုင်း၊ ဒေသကြီးမှာ သတင်းစာရှင်းလင်းပွဲ လုပ်နိုင်ခဲ့တယ်။ နောက် ပဲခူးတိုင်းဒေသကြီးမှာ လွတ်မြောက်လာသော နိုင်ငံရေးအကျဉ်းသားများ ဂုဏ်ပြုပွဲဆိုတာကို တရားဝင် အခမ်းအနား ပုံစံမျိုးနဲ့လုပ်နိုင်ခဲ့တယ် ဆိုတော့ ဒါတွေကတော့ ထူးခြားတဲ့ အခြေအနေတွေပါ။ ဒါပေမယ့်လို့ အခု ဒီရက်ပိုင်းမှာပဲ နည်းနည်းလေး ထူးခြား လာတာ တခုက ဂျာနယ်တွေမှာ ကျနော်တို့ပြောဆိုတာတွေကို လွတ်ကာစက တော်တော်လေး လွတ်လွတ်လပ်လပ် ရေးနေရာကနေပြီးတော့ အခု နည်းနည်းလေး တင်းကျပ်တာတွေ အဖြုတ်ခံရတာတွေ နည်းနည်းလေး ပြန်ပြီးတော့ တွေ့လာရတယ်။
အဲဒီတော့ ဆိုလိုတာက - ပြုပြင်ပြောင်းလဲရေးဟာ ဒီအရှိန် အဟုန်အတိုင်း ဆက်သွားဖို့ ကျနော်တို့ကတော့ အားပေးသွားမှာပါ။ တွန်းအားပေး ထောက်ခံသွားမှာပါ။ တချိန်တည်းမှာပဲ ကျနော်တို့ စိုးရိမ်နေတာက- ဒီပြုပြင်ပြောင်းလဲရေး အရှိန် အဟုန်ဟာ တန့်သွားမှာမျိုးပေါ့လေ- နည်းနည်း အရှိန်လျော့သွားမှာမျိုးကိုတော့ ကျနော်တို့ စိုးရိမ်ပါတယ်။”
၈၈ မျိုးဆက်ကျောင်းသား ခေါင်းဆောင် ကိုကိုကြီးပါရှင်။ အရှေ့တောင်အာရှ နိုင်ငံတွေအတွင်း ပထဝီအနေအထားအရ အရေးပါတဲ့ မြန်မာနိုင်ငံကို စီးပွာရေးအရရော  အိမ်နီးချင်းတရုတ်နိုင်ငံအပါအဝင် တခြား အိမ်နီးချင်း နိုင်ငံတွေနဲ့ပါ ယှဉ်နိုင်ဖို့အတွက် အမေရိကန်တို့က မြန်မာအစိုးရနဲ့ ပိုပြီး ရင်းနှီးလာကြတယ်လို့လည်း သုံးသပ်တာတွေရှိပါတယ်။ ဒါပေမယ့် အမေရိကန်တို့ဘက်လည်း သတိကြီးကြီးထားပြီးတော့ ဆက်ဆံနေပုံရတယ်လို့  ပြည်သူ့ခေတ်ဂျာနယ် အယ်တီတာချုပ် ဦးဖေမြင့်က သုံးသပ်ပါတယ်။
“အမေရိကန်က စီးပွားရေးပိတ်ဆို့မှုပေါ့နော်- Sanction ရှိတယ်ပေါ့နော်။ အဲဒီဟာနဲ့ပတ်သက်လို့တော့ သဘောထားတွေ၊ အမြင်တွေကတော့ အမျိုးမျိုး ရှိတာပေါ့နော်။ အဲဒီ Sanction သည် တကယ်ထိရောက်တယ်လို့ ယူဆသူတွေ ရှိတယ်။ တချို့ကတော့ သိပ်ပြီးတော့ ဒါလောက်ကြီးမဟုတ်ဘူး။ သာမန်သက်ရောက်မှုတွေထဲက တချက်လောက်ပဲဖြစ်တယ်လို့ ယူဆတာလည်း ရှိတဲ့အခါကျတော့ အခုအခါမှာ တဘက်ကနေပြီးတော့ အတန်အသင့် လျှော့ပေးတယ်တို့ ဘာတို့ဆိုတော့ ဒါက ဒီဘက်က ဆောင်ရွက်တဲ့အပေါ် မူတည်ပြီး ဟိုဘက်က သင့်လျော်တဲ့တုံ့ပြန်မှုလာတယ်၊ ကျနော်က ဒီလောက်ပဲ မြင်ပါတယ်”
ပြည်သူ့ခေတ်ဂျာနယ်အယ်တီတာချုပ် ဦးဖေမြင့်ပါရှင်။ မြန်မာနိုင်ငံကို အမေရိကန်တို့ဘက်က အဆင့်မြင့်ဆုံးအရာရှိအဖြစ် နိုင်ငံခြားရေး-ဝန်ကြီး ဟီလာရီ ကလင်တန်သွားခဲ့ပါတယ်။ နောက်ပိုင်းမှာလည်း အမေရိကန်လွှတ်တော်အမတ်တွေ မြန်မာနိုင်ငံကို သွားနေကြတဲ့အပြင် အမေရိကန်ရဲ့ မြန်မာနိုင်ငံဆိုင်ရာအထူးသံတမန်တဦး ခန့်အပ်ပြီးတော့လည်း မြန်မာ့အရေးမှာ ဖိအားပေးနေတာရှိသလို မကြာခင်မှာ သံအမတ်ကြီးအဆင့် ပြန်ခန့်ဖို့တွေကိုလည်း အမေရိကန်တို့က စီစဉ်နေတာရှိပါတယ်။

မြန်မာ့စီးပွားရေး မူဝါဒ တိုးတက်မှု IMF ကြိုဆို
By ကိုအောင်လွင်ဦး
မြန်မာနိုင်ငံမှာ စီးပွားရေး မူဝါဒတွေကို ပြင်ဆင်လာတဲ့အတွက် တိုးတက်မှု လက္ခဏာတွေကို တွေ့မြင်လာနေရပြီလို့ နိုင်ငံတကာ ငွေကြေးရန်ပုံငွေအဖွဲ့ (IMF) က ပြောလိုက်ပါတယ်။ တချိန်တည်းမှာပဲ စိမ်ခေါ်မှုတွေနဲ့ အခြေခံကျတဲ့ ပြုပြင်ပြောင်းလဲမှုတွေ လုပ်ဆောင်ဖို့ အများအပြား ရှိနေသေးတာကိုလည်း IMF ရဲ့  သီတင်း ၃ ပတ်နီးပါးကြာ မြန်မာနိုင်ငံ ခရီးစဉ် အဆုံးသတ်ချိန်မှာပဲ ပြောဆိုလိုက်တာပါ။ အပြည့် အစုံကိုတော့ IMF တာဝန်ရှိသူနဲ့ ဆက်သွယ်မေးမြန်းထားတဲ့ ကိုအောင်လွင်ဦး က တင်ပြ ပေးထားပါတယ်။

မြန်မာနိုင်ငံမှာ အစိုးရ အပြောင်းအလဲနဲ့အတူ မူဝါဒတွေကို ပြောင်းလဲ ကျင့်သုံး လာရာက စီးပွားရေး တိုးတက်မှု လက္ခဏာတွေ၊ ဆက်လက် တိုးတက်ဦးမယ့် အလားအလာတွေ ထွက်ပေါ်လာတဲ့အကြောင်း နိုင်ငံတကာ ငွေကြေးရန်ပုံငွေအဖွဲ့ (IMF) ကိုယ်စားလှယ်တွေရဲ့ ခရီးစဉ် အဆုံးသတ်ချိန်မှာ ပြောလိုက်တာပါ။ ဇန်န၀ါရီလ ၉ ရက်နေ့ကနေ ၂၅ ရက်နေ့ ခရီးစဉ်အတွင်း နေပြည်တော်နဲ့ ရန်ကုန်မြို့တွေမှာ အစိုးရ တာဝန်ရှိသူတွေ အပါအ၀င် သက်ဆိုင်ရာ ပုဂ္ဂိုလ်တွေနဲ့ စီးပွားရေး ဖွံ့ဖြိုးမှု အခြေအနေတွေကို တိုင်ပင် ဆွေးနွေးမှုတွေ လုပ်ခဲ့အပြီး IMF အဖွဲ့ အပိုဒ် ၄ ကိုယ်စားလှယ်အဖွဲ့ ခေါင်းဆောင်က ကြေညာချက် ထုတ်ပြန် ပြောဆိုလိုက်တာလည်း ဖြစ်ပါတယ်။

နေပြည်တော်က ထုတ်ပြန်လိုက်တဲ့ ကြေညာချက်မှာ မြန်မာနိုင်ငံ မူဝါဒ အပြောင်းအလဲတွေဟာ လမ်းကြောင်း မှန်ပေါ် ရောက်နေတယ်လို့ ဖော်ပြထားတာ ဖြစ်တဲ့အကြောင်း ၀ါရှင်တန် IMF ရုံးချုပ်က ပြန်ကြားရေး အရာရှိ ကေကို အူဆူနိုမီယာ (Keiko Utsunomiya) ကပြောပါတယ်။

“မြန်မာနိုင်ငံရဲ့ စီးပွားရေးကို ခေတ်နဲ့အညီ ဖြစ်လာဖို့ကတော့ စီးပွားရေးနဲ့ ရင်းနှီး မြုပ်နှံမှုတွေအတွက် အားကောင်းအောင် လုပ်ဆောင်တာ၊ ဘဏ္ဍာရေး ကဏ္ဍကို ခေတ်မီအောင် လုပ်ဆောင်တာ၊ ကုန်သွယ်ရေးနဲ့ ပြည်ပက တိုက်ရိုက် ရင်းနှီးမြုပ်နှံမှုတွေကို ပိုပြီး လွတ်လပ်ခွင့်ပေးတာလို အဟန့်အတားတွေကို ဖယ်ရှား သွားရမယ့် လုပ်ငန်းစဉ်ပါ။ အစိုးရရဲ့ မကြာသေးခင်က ကြိုးပမ်းမှုတွေကတော့ လမ်းကြောင်းမှန်ပေါ်မှာ ရှိနေပြီး သက်ဆိုင်သူတွေနဲ့ ကျယ်ကျယ်ပြန့်ပြန့် ဆွေးနွေးတိုင်ပင်မှုတွေ၊ တခြားနိုင်ငံတွေရဲ့  အတွေ့ အကြုံတွေကနေ အကောင်းဆုံး နိုင်ငံတကာ လုပ်ထုံးလုပ်နည်းတွေကို အသုံးချတာတွေ ကနေလည်း အကျိုးကျေးဇူး ခံစားရနိုင်ပါတယ်။”

မြန်မာအစိုးရကတော့ ပြုပြင် ပြောင်းလဲမှုတွေရဲ့ တစိတ်တပိုင်းအဖြစ် စီးပွားရေးမှာ အဓိက အဟန့်အတား တခုအဖြစ် ကျွမ်းကျင်သူတွေ ထောက်ပြနေတဲ့ အမျိုးမျိုးရှိနေတဲ့ ငွေကြေးလဲလှယ်မှု စနစ်ကို ပေါင်းစည်းဖို့လည်း ရည်ရွယ်ထားတာပါ။ ဒီအတွက်လည်း အကူအညီပေးဖို့ တောင်းခံခဲ့တဲ့အတွက် ပြီးခဲ့တဲ့နှစ်မှာပဲ IMF အဖွဲ့ မြန်မာနိုင်ငံကို ပထမဆုံးအကြိမ် သွားရောက်ပြီး အခြေအနေတွေကို စတင်အကဲခတ်ခဲ့တာ ဖြစ်ပါတယ်။

မရှေးမနှောင်း ဆိုသလိုပဲ မြန်မာအစိုးရက နိုင်ငံခြားငွေကြေးကို အရင်က အစိုးရက ပုံသေသတ်မှတ်ထားတဲ့ နှုန်းအတိုင်း မထားတော့ပဲ ဈေးကွက်ပေါက်ဈေးနဲ့ အနီးစပ်ဆုံး လဲလှယ် သုံးစွဲခွင့် ပြုလာခဲ့တာပါ။ ဒီလိုပဲ ပုဂ္ဂလိက ဘဏ်တွေကို နိုင်ငံခြား ငွေလဲကောင်တာတွေကို ဖွင့်လှစ်ခွင့် ပြုခဲ့တာပါ။ ဒါပေမဲ့လည်း ငွေလဲလှယ်နှုန်း ပြင်ဆင်ရာမှာ သတိထားစရာတွေ ရှိနေဆဲ ဖြစ်တာကိုလည်း IMF က သတိပေးနေတာ ဖြစ်ပါတယ်။

“နောက်ဆုံး အနေနဲ့ကတော့ ငွေကြေးလဲလှယ်နှုန်း တပေါင်း တစည်းတည်း ဖြစ်စေဖို့ဟာ ပို့ကုန်လုပ်ငန်းသာ ပထမဆိုတဲ့ မူဝါဒကို ရှောင်ရှားသွားဖို့ လိုပါလိမ့်မယ်။ ငွေတန်ဘိုး တက်လာတဲ့ အချိန်အခါမျိုးမှာ လဲလှယ်နှုန်း အပေါ် ကန့်သတ်ချက် တချို့ကို ချက်ခြင်း ဖယ်ရှားလိုက်တာမျိုး လုပ်နိုင်ပါတယ်။ ဥပမာအားဖြင့် ကုန်တင်သွင်းမှုတွေမှာ နိုင်ငံခြားငွေအတွက် ဘဏ်စာရင်း ဖွင့်ခွင့်ပြုတာမျိုး၊ ကုန်တင်သွင်းခွင့် လိုင်စင် သတ်မှတ်ချက်တွေ လျှော့ချတာမျိုး၊ အသစ်စက်စက် ဖွင့်လှစ်လိုက်တဲ့ နိုင်ငံခြားငွေလဲ ကောင်တာတွေကို သုံးစွဲတာမျိုး လုပ်နိုင်ပါတယ်။”

မြန်မာနိုင်ငံရဲ့ စီးပွားရေး ဖွံ့ဖြိုးမှုဟာ ၂၀၁၁ -၂၀၁၂ ဘဏ္ဍာရေးကာလမှာ ၅.၅ ရာခိုင်နှုန်း လောက်အထိ ရှိရာကနေ နောက်တနှစ် ၂၀၁၂ -၂၀၁၃ မှာတော့ ၆ ရာခိုင်နှုန်းအထိ တိုးလာမယ်လို့လည်း IMF က ခန့်မှန်းထားပါတယ်။ တိုးတက်မှုတွေဟာ ပြည်ပကုန် တင်ပို့မှုတွေ၊ ရင်းနှီးမြုပ်နှံမှုတွေ တိုးလာတဲ့ အတွက် သာမက၊ စီးပွားရေး လုပ်ငန်းတွေရဲ့ ယုံကြည်မှု တိုးတက် လာတာတွေကြောင့် ဖြစ်မယ်လို့လည်း IMF က ဟောကိန်းထုတ်ပါတယ်။

စိမ်ခေါ်မှုတွေ အဖြစ်နဲ့ကတော့ ၂၀၁၁ -၂၀၁၂ ဘဏ္ဍာရေး ကာလမှာ ငွေကြေးဖောင်းပွမှုနှုန်းဟာ ၄.၂ ရာခိုင်နှုန်း ရှိနေရာကနေ နောက်တနှစ်မှာတော့ ၅.၈ ရာခိုင်နှုန်းအထိ ရှိနိုင်တယ်လို့လည်း သတိပေးထားတာ ဖြစ်ပါတယ်။

ဆီးရီးယားကို ကုလအရေးယူမှု ရုရှား လက်ခံမည်မဟုတ်
By VOA (မြန်မာပိုင်း)
ဆီးရီးယားအပေါ် ဒဏ်ခတ် ပိတ်ဆို့မှုတွေ၊ ဒါမှမဟုတ် စစ်ရေးအရ ၀င်ရောက် စွက်ဖက်မှုတွေ ပါဝင်နိုင်တဲ့ ကုလသမဂ္ဂရဲ့ လုပ်ရပ်တွေကို ထောက်ခံမှာ မဟုတ်ဘူးလို့ ရုရှား အစိုးရက ပြောကြားလိုက်ပါတယ်။

ရုရှားရဲ့ ရေရှည် မဟာမိတ် တဦးဖြစ်တဲ့ ဆီးရီးယားအပေါ် လုံခြုံရေးကောင်စီရဲ့ လုပ်ရပ်တွေဟာ မျှတမှု မရှိပဲ မလိုလားအပ်တဲ့ အကျိုးဆက်တွေ ဖြစ်ထွန်းနိုင်တယ်လို့ ရုရှား နိုင်ငံခြားရေးဝန်ကြီး ဆာဂျေ လာ့ဗ်ရော့ဗ် (Sergei Lavrov) က ပြောကြားလိုက်တာပါ။

ဆီးရီးယားနိုင်ငံမှာ သမ္မတ ဘာရှား အယ်လ် အာဆဒ် (Bashar al-Assad) ရဲ့ ၁၁ နှစ်ကြာ အုပ်ချုပ်မှုကနေ ဒီမိုကရေစီ အသွင်ကူးပြောင်းရေး အတွက် လုံခြုံရေးကောင်စီက ပြဌာန်းချက် ချမှတ်နိုင်ဖို့ ပြင်သစ်၊ ဗြိတိန်နဲ့ ဂျာမနီနိုင်ငံတို့က အာရပ်နိုင်ငံတွေနဲ့ ညှိနှိုင်း ဆောင်ရွက်နေတယ်လို့ ကုလသမဂ္ဂ သံတမန်တွေက ဆိုကြပါတယ်။

ဆီးရီးယား လူထု တော်လှန် အုံကြွမှုအပေါ် အစိုးရရဲ့ အကြမ်းဖက် နှိပ်ကွပ်မှုကို ရှုတ်ချဖို့ အနောက်နိုင်ငံတွေရဲ့ အဆိုပြုချက်ကို ဗီတိုအာဏာ ပိုင်ဆိုင်ထားတဲ့ ရုရှားနိုင်ငံဟာ အောက်တိုဘာလတုန်းက တရုတ်နဲ့တွဲပြီး ပယ်ချ ခဲ့ပါတယ်။

မြန်မာပြုပြင်ပြောင်းလဲမှု သမ္မတအိုဘားမား ချီးကျူး
By ကိုသားညွန့်ဦး

မနေ့ညတုန်းက အမေရိကန်ကွန်ဂရက်မှာ သမ္မတ အိုဘားမားက နှစ်စဉ်နိုင်ငံတော် အခြေပြ မိန့်ခွန်း ပြောဆိုသွားရာမှာ အမေရိကန်နိုင်ငံ စီးပွားရေး မြန်မြန်ဆန်ဆန် ကောင်းမွန်လာရေးအတွက် စီမံရေးဆွဲထားတဲ့ အစီအစဉ်တွေကိုရှင်းလင်းပြောဆိုသွားပါတယ်။ နိုင်ငံတကာအရေးကိစ္စတွေ ပြောရာမှာတော့ အာရှပစိဖိတ်ဒေသအပေါ်အမေရိကန်ပြည်ထောင်စုရဲ့အလေးပေးစဉ်းစားချက်ကို ဖော်ပြသွားသလို မြန်မာနိုင်ငံရဲ့အပြောင်းအလဲတွေ အပေါ်မှာလည်း မျှော်လင့်သစ်တွေ ဖြစ်လာစေတယ်လို့ မြန်မာ့အရေးကိစ္စကိုပါ ထည့်သွင်းပြောဆိုသွားပါတယ်။ ဒီအကြောင်း ကိုသားညွန့်ဦးက ဆက်ပြောပြပေးပါမယ်။
လွှတ်တော်နှစ်ရပ်စလုံးရှေ့ ပြောဆိုတဲ့ သမ္မတအိုဘားမားရဲ့ မနေ့ညက နိုင်ငံတော်အခြေပြ မိန့်ခွန်းထဲ နိုင်ငံခြားရေးရာ မူဝါဒပိုင်းဆိုင်ရာတွေနဲ့ပတ်သက်လို့ ရှင်းလင်းရာမှာ မြန်မာပြည်ကိုပါ နာမည်တပ်ပြီး ပြောဆိုသွားပါတယ်။ အဓိကတော့ အမေရိကန်ပြည်ထောင်စုအနေနဲ့ အာရှပစိဖိတ်ဒေသ အပေါ်မှာအရင်ကထက်ပိုမိုအာရုံထားလာတဲ့အချိန်မှာ မြန်မာအပါအဝင်ဒီဒေသတွင်း ဖြစ်ပျက် နေတာတွေကိုလည်း စောင့်ကြည့် အကဲဖြတ်နေတယ်ဆိုတာကို သမတအိုဘားမားက သတိပေးပြောသွားတာပါ။
“အမေရိကန်ပြည်ထောင်စုဟာ ပစိဖိတ်ဒေသရဲ့ အင်အားကြီးတခုဖြစ်တယ်ဆိုတာကို ရှင်းရှင်း လင်းလင်း ပြောထားပြီးပါပြီ။ မြန်မာနိုင်ငံတွင်းက စတင်မှု အသစ်တွေဟာ မျှော်လင့်ချက်ရောင်ခြည် အသစ်တွေ သန်းလာစေပါတယ်။”