29.01.2012 နေ့ဖတ်ရန်သတင်းများ

by Myanmar Journal on Sunday, January 29, 2012 at 7:27am

 

 
အာဖဂန် သမ္မတ ဟာမစ် ခါဇိုင်း 
အာဖဂန်က ပြင်သစ်တပ်တွေ တနှစ်စော ရုပ်သိမ်းတော့မယ်

ပြင်သစ်နိုင်ငံဟာ အာဖဂန်နစ္စတန်မှာ ချထားတဲ့ သူတို့တပ်ဖွဲ့ဝင် သုံးထောင်ခြောက်ရာ ကိုပြန်ရုပ်သိမ်းမယ့် အစီအစဉ်ကို ပိုပြီး မြန်ဆန်အောင် ဆောင်ရွက်နေပါတယ်။
NATO မြောက်အတ္တလန်တိတ်စာချုပ်အဖွဲ့က ဦးဆောင်တဲ့တပ်ဖွဲ့ဝင်တွေကိုပြန်ရုပ်သိမ်းဖို့ သတ်မှတ်ထားတဲ့ အချိန်ထက်တနှစ်စောပြီး ၂၀၁၃ ခုနှစ်အကုန်မှာ ပြင်သစ်တပ်ဖွဲ့တွေ အားလုံးကို ပြန်ရုပ်သိမ်းမယ်လို့ ပြင်သစ် သမ္မတ Nicolas Sarkozy ကပြောပါတယ်။


Mr Sarkozy က သူ့ရဲ့ ဆုံးဖြတ်ချက်ကို သမ္မတ အိုဘားမားနဲ့လည်းဆွေးနွေးမှာဖြစ်ပြီး အာဖဂန်နစ္စတန်မှာရှိတဲ့ စစ်ဆင်ရေးနဲ့ ပတ်သက်တဲ့ ကိစ္စအားလုံးကို အာဖဂန်တပ်ဖွဲ့တွေဆီ ရှေ့နှစ်မှာ အပြီး ပြန်လွှဲပြောင်းပေးဖို့ပြောမယ်လို့ဆိုပါတယ်။
ပဲရစ်စ်မြို့မှာ အာဖဂန်သမ္မတ Hamid Karzai နဲ့တွေ့ဆုံခဲ့ပြီးတဲ့နောက် မစ္စတာ ဆာကိုဇီက အခုလို ထုတ်ဖော်ပြောခဲ့တာ ဖြစ်ပါတယ်။

ရခိုင်မှာ သစ်တော စိုက်ဖို့ ဆိုပြီး လယ်ဧက ၈ဝဝ သိမ်း
ရခိုင်ပြည်နယ် ရမ်းဗြဲမြို့နယ် ဗလိညို ကျွန်းပေါ်က လယ်သမား ၄၀ ခန့် လုပ်ကိုင် စားသောက်နေတဲ့ လယ်ဧက ၈၀၀ နီးပါးခန့်ကို သစ်တောဌာနက သစ်ပင်တွေ စိုက်ပျိုးမယ်ဆိုပြီး လယ်တွေကို ဖျက်ဆီးပစ်နေတဲ့ အတွက် ပြဿနာတွေ ပေါ်ပေါက်နေတယ်လို့ သိရပါတယ်။
အဲဒီ ကျွန်းပေါ်မှာ နေရင် ထောင်ခြောက်နှစ်ချမယ်လို့ ခြိမ်းခြောက် ခံနေရကြောင်း ဒေသခံ လယ်သမားတွေက ပြောပါတယ်။
လယ်သမားတွေက အဲဒီကျွန်းမှာ စပါးစိုက်နိုင်အောင် တာတမံတွေကို ဆည်ဖို့ထားရတာ ဖြစ်ပေမယ့် အခုလို လယ်တွေကို ဖျက်ဆီးပစ်တာဟာ ပုဇွန်မွေး သမားတွေဆီက ပိုက်ဆံ ယူပြီး ပုဇွန်ကန်တွေ လုပ်ဖို့ သိမ်းတာ ဖြစ်တယ်လို့ လယ်သမားတွေက ဆိုပါတယ်။
ဒီကိစ္စနဲ့ ပတ်သက်လို့ ကျောက်ဖြူ ခရိုင် သစ်တော ဌာနကို မေးကြည့်တော့ ပြဿနာ ဖြစ်နေတဲ့ ဗလိညိုကျွန်းဟာ ဝန်ပိုက်ကြိုးဝိုင်းထဲ ပါနေတဲ့ အတွက် လာမယ့် မိုးတွင်းမှာ သစ်ပင် စိုက်ဖို့ ဖြစ်တယ်လို့ ပြောပါတယ်။
ကျွန်းပေါ်က လယ်မြေတွေ ပျက်စီးသွားတယ်လို့ ကြားတာကြောင့် ဒါတွေကို စုံစမ်းစစ်ဆေးဖို့ အဖွဲ့တခု စေလွှတ်လိုက်ပြီလို့ သစ်တော ဌာနက တုန့်ပြန် ပြောဆိုကြောင်း သတင်းရ ရှိပါတယ်။

မြန်မာ အလုပ်သမားသမဂ္ဂ ဖြစ်မြောက်ရေး အဖွဲ့တွေနဲ့ ILO အကြီးအကဲတွေ့
ILO ကမ္ဘာ့ အလုပ်သမား အဖွဲ့ချုပ် ဦးဆောင် ညွှန်ကြားရေးမှူး ဂိုင်းရိုက်ဒါဟာ အိုင်အယ်အိုနဲ့ မြန်မာ အစိုးရကြား ပူးပေါင်း ဆောင်ရွက်ဖို့ လာမယ့် နှစ်အတွက် နှစ်ဖက် နားလည်မှု စာချွန်လွှာ လက်မှတ် ရေးထိုး အပြီး နေပြည်တော်ကနေ အပြန် ရန်ကုန်မှာ မြန်မာနိုင်ငံက ILO နဲ့ ဆက်သွယ် ဆောင်ရွက်သူများ ကွန်ယက်အဖွဲ့နဲ့ အလုပ်သမား သမဂ္ဂ ဖြစ်မြောက်ရေး အဖွဲ့ဝင်တွေကို သောကြာနေ့မှာ တွေ့ဆုံခဲ့ပါတယ်။
လူကုန်ကူးခံရသူတွေ ၊ အဓမ္မ စစ်တပ်ထဲ သွတ်သွင်းခံရသူတွေ ၊ ကလေး စစ်သား အဖြစ် စုဆောင်းခံရသူတွေ တိုင်ကြားနိုင်ဖို့ အထက်မြန်မာပြည်မှာ ရုံးခွဲတခု ဖွင့်ပေးဖို့ အိုအယ်အို အရာရှိကို တိုက်တွန်း ခဲ့တယ်လို့ ကွန်ယက် အဖွဲ့ ခေါင်းဆောင် ဦးသက်ဝေက ပြောပါတယ်။
အလုပ်သမား သမဂ္ဂ ဖြစ်မြောက်ရေး ကြိုးစားနေတဲ့ အဖွဲ့နဲ့လည်း တွေ့ဆုံခဲ့တယ်လို့ သိရပြီး အိုင်အယ်အို အရာရှိ ကတော့ ကိုယ်လုပ်ရမယ့် ကိစ္စတွေကို ဆက်လက် အကောင်အထည် ဖော်သွားပါ ၊ ဒီတခေါက် လွှတ်တော်မှာ အတည်ပြုကောင်း အတည်ပြု နိုင်တယ်လို့ ပြောကြောင်း ပဲခူးတိုင်း ဒိုက်ဦးမြို့နယ် အထွေထွေ အလုပ်သမား သမဂ္ဂ ဥက္ကဌ ဦးသိန်းအောင်က ဆိုပါတယ်။
တကယ်တော့ အရင်ကတည်းက ဒီအဖွဲ့တွေ မှတ်ပုံတင်ခွင့်ရရေး တောင်းဆိုခဲ့ပေမယ့် အလုပ်သမား ဝန်ကြီး ဌာန မှတ်ပုံတင် အရာရှိ မခန့်ရသေးလို့ ဆိုပြီး ယာယီ ရပ်ဆိုင်းထားခဲ့တာ ဖြစ်ပါတယ်။
ဒီကိစ္စတွေနဲ့ ပတ်သက်လို့ အိုင်အယ်လ်အို အဖွဲ့က ကြေညာချက် ထုတ်ပြန်ခြင်း မရှိခဲ့ ပေမယ့် လာမယ့် တနင်္လာနေ့မှာ ဘန်ကောက်မြို့မှာ သတင်းစာ ရှင်းလင်းပွဲ လုပ်လိမ့်မယ်လို့ ဆိုပါတယ်။
အလားတူ အိုင်အယ်လ်အို အရာရှိ ရောက်နေချိန်မှာ အမေရိကန် အလုပ်သမား သမဂ္ဂ AFLCIO က ကိုယ်စားလှယ် တင်မ် ရန်း လည်း ရန်ကုန်မှာ ရောက်နေကြောင်း သိရပါတယ်။

သဘာဝ ဓါတ်ငွေ့ကို ပြည်တွင်းမှာဘဲ သုံးမယ်လို့ စွမ်းအင် ဝန်ကြီးပြော
မြန်မာနိုင်ငံမှာ ၂၀၁၃ ခုနှစ် နောက်ပိုင်း ဆောင်ရွက်မယ့် သဘာဝဓါတ်ငွေ့ စီမံကိန်းတွေက ထွက်လာတဲ့ ဓါတ်ငွေ့တွေကို ပြည်တွင်းမှာဘဲ သုံးစွဲမှာ ဖြစ်တယ်လို့ ပြည်ထောင်စု စွမ်းအင်ဝန်ကြီး ဦးသန်းဌေးက ရိုက်တာ သတင်းဌာနနဲ့ မေးမြန်းခန်း တခုမှာ ပြောလိုက်ပါတယ်။
တရုတ်နဲ့ ထိုင်းနိုင်ငံတို့နဲ့ လက်ရှိ သဘောတူထားတဲ့ စွမ်းအင် ရောင်းချမှုတွေကိုလည်း ဆက် လုပ်သွားမှာ ဖြစ်တယ်လို့ သူက ဆိုပါတယ်။
BP ရေနံကုမ္ပဏီကြီး ရဲ့ခန့်မှန်းချက်အရ မြန်မာနိုင်ငံမှာ သဘာဝဓါတ်ငွေ့ ကုဗပေ ၁၂ ထရီလီယံ နီးပါးရှိပြီး မြန်မာ စွမ်းအင် ဝန်ကြီး ကတော့ ဒီထက်နှစ်ဆလောက် ပိုထွက် နိုင်တယ်လို့ ဆိုပါတယ်။

ဆီးရီးယား အကြမ်းဖက်မှု အဆုံးသတ် စေဖို့ လုံခြုံရေး ကောင်စီ ဆွေးနွေး
ဆီးရီးယား အရေး လုံခြုံရေး ကောင်စီ ဆွေးနွေး
ဆီးရီးယား သမ္မတ အာဆတ်ကို ရာထူးက ဆင်းပေးဖို့ နဲ့ အမျိုးသား ညီညွတ်ရေး အစိုးရ ဖွဲ့နိုင်အောင် သူ့လက်ထောက်ဆီကို အာဏာလွှဲပေးဖို့ တောင်းဆိုမယ့် ဆုံးဖြတ်ချက် မူကြမ်းကို ကုလသမဂ္ဂ လုံခြုံရေး ကောင်စီမှာ ဆွေးနွေးနေပြီ ဖြစ်ပါတယ်။
အာရပ်နိုင်ငံတွေ အပြင် ဗြိတိန်၊ ပြင်သစ်၊ ဂျာမနီတို့နဲ့ အတူ ပူးပေါင်း ရေးဆွဲထားတဲ့ ဆုံးဖြတ်ချက် မူကြမ်းကို မော်ရိုကို နိုင်ငံက တင်ပြခဲ့ပါတယ်။
လုပ်ထုံးလုပ်နည်း နဲ့ နိုင်ငံရေး ပြဿနာ အခက်အခဲတွေရှိတာကြောင့် ဒီဆုံးဖြတ်ချက်ကို မဲခွဲမှာတော့ မဟုတ်ပါဘူးလို့ ဆိုပါတယ်။
ပြင်သစ် နိုင်ငံခြားရေး ဝန်ကြီးဌာန အရာရှိ တဦး ဖြစ်တဲ့ Bernard Valero က ဆီးရီးယားမှာ အကြမ်းဖက်မှုတွေ ရပ်သွားအောင် တရုတ်နဲ့ ရုရှတို့က ဗီတိုအာဏာ မသုံးဖို့ မျှော်လင့်ကြောင်း ဘီဘီစီကို ပြောပါတယ်။
ဆီးရီးယား နဲ့ပတ်သက်ပြီး အာရပ်အဖွဲ့ချုပ်ရဲ့ အတွင်းရေးမှူးချုပ်နဲ့ ကာတာနိုင်ငံ ဝန်ကြီးချုပ်တို့ဟာ လာမယ့် သတင်းပတ် ကျရင် လုံခြုံရေး ကောင်စီမှာ စကားပြောကြမှာ ဖြစ်ပါတယ်။
ရုရှနိုင်ငံရဲ့ အရှေ့အလယ်ပိုင်းဒေသမှာ ရှိတဲ့ တခုတည်းသော ရေတပ် အခြေစိုက်စခန်းဟာ ဆီးရီးယား ပိုင်နက် Tartus မြေထဲ ပင်လယ်ဆိပ်ကမ်း မှာ တည်ရှိပြီး၊ ရုရှဟာ ဆီးရီးယားကို လက်နက်တွေ အဓိကတင်ပို့ ရောင်းချတဲ့ နိုင်ငံလည်း ဖြစ်ပါတယ်။
ဆီးရီးယားက အစိုးရ ဆန့်ကျင် ဆန္ဒပြသူတွေ
တခါ ဆီးရီးယား နိုင်ငံမှာ အာရပ် အဖွဲ့ချုပ်ရဲ့ လေ့လာ စုံစမ်းရေးအဖွဲ့ ဝင်ရောက် စစ်ဆေးခွင့်ကို နောက်ထပ် သက်တမ်း တလ တိုးမြှင့်ပေးခဲ့တဲ့ အင်္ဂါနေ့ နောက်ပိုင်းမှာ အကြမ်းဖက်မှုတွေ သိသိသာသာ ပိုများလာတယ်လို့ အဖွဲ့ရဲ့ တပ်မှူး ဗိုလ်ချုပ်ကြီး မိုဟာမက် အာမက် အယ် ဒါဘီက ပြောပါတယ်။
အခုလို အကြမ်းဖက် တိုးလာတာဟာ နှစ်ဖက် တွေ့ဆုံ ဆွေးနွေးမှုကို ပိုပြီး ခက်ခဲလာ စေလိမ့်မယ်လို့ ဆိုပါတယ်။
အစိုးရရဲ့ အကြမ်းဖက် တိုက်ခိုက် နှိမ်နင်းမှု တိုးလာပြီး အရင်က ဆန္ဒပြမှု သိတ်မဖြစ်ဖူးခဲ့တဲ့ အယ်လီပို မြို့မှာ သေဆုံးခဲ့ရသူ ငါးယောက် အပါအဝင် ပြီးခဲ့တဲ့ နှစ်ရက် အတွင်း သေဆုံးသူ ၁၂ဝ ရှိသွားပြီလို့ ဆီးရီးယားက တက်ကြွ လှုပ်ရှားသူတွေကလည်း ပြောပါတယ်။

ထာဝရငြိမ်းချမ်းရေး လက်မှတ်ထိုးဖို့ အစိုးရရည်မှန်း
By မသင်းသီရိ
လက်နက်ကိုင် တိုင်းရင်းသားအဖွဲ့တွေနဲ့ ငြိမ်းချမ်းရေးဆိုင်ရာ သဘောတူညီချက်တွေရဖို့ ညှိနှိုင်းရာမှာ အခက်အခဲတချို့ ရှိပေမဲ့ ပြည်ထောင်စုလွှတ်တော်ရှေ့မှာ တနိုင်ငံလုံးအတိုင်းအတာအရ ထာဝရငြိမ်းချမ်းရေး သဘောတူညီချက်တွေအထိ ဖြစ်ဖို့ ကြိုးစားနေတယ်လို့ ပြည်ထောင်စုအဆင့် ငြိမ်းချမ်းရေးအဖွဲ့ ခေါင်းဆောင် ဦးအောင်သောင်းက ဗွီအိုအေ မြန်မာပိုင်းကို ပြောပါတယ်။ ဇန်န၀ါရီလ ၂၈ ရက်နေ့က ရှမ်းပြည် တိုးတက်ရေးပါတီနဲ့ အပစ်အခတ်ရပ်စဲရေး သဘောတူညီချက် လက်မှတ်ရေးထိုးအပြီး အဖွဲ့ခေါင်းဆောင် ဦးအောင်သောင်းကို မသင်းသီရိက ဆက်သွယ်မေးမြန်းပြီး တင်ပြထားပါတယ်။
တိုင်းရင်းသား လက်နက်ကိုင်အဖွဲ့တွေနဲ့ ငြိမ်းချမ်းရေးဆိုင်ရာ သဘောတူညီချက်တွေ ရဖို့ အစိုးရအဖွဲ့ထဲက ပြည်ထောင်စုအဆင့် ငြိမ်းချမ်းရေးအဖွဲ့တွေ ဖွဲ့ပြီး အပစ်အခတ် ရပ်စဲရေးရဖို့ ဆောက်ရွက်ရာမှာ အခက်အခဲတချို့ ရှိတယ်လို့ ရှိတယ်လို့ ပြည်ထောင်စုအဆင့် ငြိမ်းချမ်းရေး အဖွဲ့ခေါင်းဆောင် ဦးအောင်သောင်းက ဗွီအိုအေ မြန်မာပိုင်းကို ပြောပါတယ်။ ဒါပေမဲ့ သူတို့အနေနဲ့ ပြည်ထောင်စုလွှတ်တော်မှာ တိုင်းရင်းသားအဖွဲ့ အားလုံးနဲ့ ထာဝရ ငြိမ်းချမ်းရေး သဘောတူညီချက်တွေ ရတဲ့အထိ ကြိုးစားသွားမယ်လို့လည်း ဦးအောင်သောင်းက ပြောပါတယ်။
“တိုင်းရင်းသားတွေ အသီးသီးမှာတော့ ကိုယ်စီကိုယ်စီ ပြဿနာလေးတွေ ရှိပါတယ်။ ကိုယ်စီကိုယ်စီ အခက်အခဲလေးတွေ ရှိပါတယ်။ အဓိက ကတော့ ကျနော်တို့ နိုင်ငံရေးပါ။ တန်းတူရည်တူ အခွင့်အရေး ရရှိရေးကိစ္စတွေပါပဲ။ ဒီမိုကရေစီ အခွင့်အရေး ရရှိရေး ကိစ္စတွေပေါ့။ ဒါတွေကတော့ တိုင်းရင်းသားတိုင်းမှာ ဆန္ဒရှိတာလေးတွေ ဖြစ်ပါတယ်။ ဒါလေးတွေကို ကျနော်တို့က သူတို့ နားလည်အောင် ရှင်းပြတာပေါ့လေ။ ဒါလေးတွေကတော့ လွယ်လွယ်ကူကူတော့ ကျနောတို့ မဖြစ်ပါဘူး။ တဖြည်းဖြည်းတော့ ညှိနှိုင်းပါများရင်တော့ နားလည်သွားတဲ့သဘော ရှိပါတယ်။ ကျနော်တို့က တနိုင်ငံလုံး တစ်ဖွဲ့ပြီးတစ်ဖွဲ့ အားလုံးပြီးသွားပြီဆိုရင် ပြည်ထောင်စုလွှတ်တော်ရှေ့မှာ ကျနော်တို့ ငြိမ်းချမ်းရေးအဖွဲ့ ဆောင်ရွက်တဲ့ပုဂ္ဂိုလ်တွေ၊ တိုင်းရင်းသားတွေ၊ တိုင်းရင်းသားခေါင်းဆောင်တွေ၊ အခြား နိုင်ငံတွင်းကနေ ပါသင့်ပါထိုက်တဲ့ ပုဂ္ဂိုလ်တွေ အားလုံးပါပြီးတော့ ကျနော်တို့ ပြည်ထောင်စု ရှေ့မှောက်မှာ နောက်ဆုံးပိတ် ထာဝရ ငြိမ်းချမ်းရေး လက်မှတ်ရေးထိုးဖို့အတွက် ဆောင်ရွက်မှာဖြစ်ပါတယ်။ ကျနော်တို့ ဒါက ရည်မှန်းချက်ပေါ့။ ရည်မှန်းထားတာ ဖြစ်ပါတယ်။ အဲဒီကိုသွားပါမယ်။”
ဇန်န၀ါရီလ ၂၈ ရက်၊ စနေနေ့က တောင်ကြီးမြို့မှာ ရှမ်းပြည်မြောက်ပိုင်း လက်နက်ကိုင်အဖွဲ့ ဖြစ်တဲ့ ရှမ်းပြည် တိုးတက်ရေးပါတီ SSPP နဲ့ ဦးအောင်သောင်း ဦးဆောင်တဲ့ ပြည်ထောင်စုအဆင့် ငြိမ်းချမ်းရေးအဖွဲ့တို့ဟာ ငြိမ်းချမ်းရေးဆိုင်ရာ သဘောတူညီချက်ကို လက်မှတ် ရေးထိုးခဲ့ကြပါတယ်။ ပြည်ထောင်စုအဆင့် အဖြစ်နဲ့ အချက် ၅ ချက်ကို နှစ်ဘက် ပဏာမ သဘောတူခဲ့ကြတာ ဖြစ်ပေမဲ့ နောက်ထပ် နိုင်ငံရေးဆိုင်ရာ အဆင့်တွေ ဆက်လက်ညှိနှိုင်းဖို့ ရှိသေးတယ်လို့ ပြောပါတယ်။ အပစ်အခတ်ရပ်စဲရေး ဒေသဆိုင်ရာ ဖွံ့ဖြိုးရေးအပြင် ဒေသတွင်း မူးယစ်ဆေးဝါး ပပျောက်ရေးနဲ့ ထာဝရငြိမ်းချမ်းမှု ဖော်ဆောင်ရေးတွေပါတဲ့ ဒီအချက်တွေကို ရှေ့ဆက် အကောင်အထည်ဖော်ဖို့ အခက်အခဲ ရှိနိုင်မယ့် အနေအထားမျိုးတွေ ရှိပါသလားလို့ ဦးအောင်သောင်းကို မေးကြည့်တော့ -
“အခက်အခဲတော့ သိပ်မတွေ့ပါဘူး။ လွယ်လည်း မလွယ်သလို အခက်အခဲကလည်း သိပ်ပြီးတော့ များများ တွေ့မှာမဟုတ်ပါဘူး။ ပထမ တစ်ကြိမ်သာလျှင် အခုလို ဖြစ်လာဖို့ ခက်ခဲတာပါ။ အခုလိုအဆင့် ကျော်သွားပြီးရင်တော့ မခက်ခဲတော့ပါဘူး။ ညှိနှိုင်းရဦးမှာတော့ ဖြစ်ပါတယ်။ ရှေ့မှာကတော့ သူတို့တပ်ဖွဲ့တွေရဲ့ နေရေးထိုင်ရေး စာရေးသောက်ရေးတွေပေါ့။ နောက်တခါ သူတို့တွေရဲ့အလုပ်အကိုင် ရရှိရေးပေါ့၊ နောက်တခါ သူတို့အနေနဲ့ ဒေသဖွံ့ဖြိုးရေးပေါ့၊ လမ်းပန်းဆက်သွယ်ရေး၊ ပညာရေး၊ ကျန်းမာရေး ဒီကိစ္စတွေကို ကျနော်တို့ ဆောင်ရွက်ပေးပါမယ်။ သူတို့ရဲ့ ရပ်တည်ရေးအတွက်ပေါ့။ အဲဒီကနေ အဆင့်ဆင့် ကျနော်တို့ ကူးပြောင်းသွားပါမယ်။ နောက်ဆုံးတော့ ဥပဒေဘောင်အတွင်းမှာ လုံးဝဥဿုံ ရောက်လာသည်အထိ ပေါ့လေ။ တနည်းအားဖြင့်တော့ ထာဝရငြိမ်းချမ်းရေးကို ရသွားတဲ့အထိ ဆောင်ရွက်မှာဖြစ်ပါတယ်။ ဒီအဆင့်တွေကတော့ နည်းနည်းတော့ များမှာပေါ့ဗျာ။ ချက်ချင်းကြီးတော့ မရနိုင်ဘူး။”
ဦးအောင်သောင်း ခေါင်းဆောင်တဲ့ ငြိမ်းချမ်းရေးအဖွဲ့ဟာ ကချင်လက်နက်ကိုင်အဖွဲ့ KIA နဲ့လည်း အပစ်အခတ်ရပ်စဲပြီး ငြိမ်းချမ်းရေး သဘောတူညီချက်တွေ ရဖို့ ညှိနှိုင်းနေကြတဲ့အဖွဲ့ ဖြစ်ပါတယ်။ ဒါပေမဲ့ အခုအချိန်အထိတော့ KIA အဖွဲ့နဲ့ ငြိမ်းချမ်းရေး သဘောတူညီချက် မရသေးပါဘူး။ ဒါကလည်း နိုင်ငံရေးဆိုင်ရာ သဘောတူညီချက် တချို့အတွက် ဆက်လက် ညှိနှိုင်းစရာ ကျန်နေသေးတာကြောင့် ဖြစ်တယ်လို့ ပြောပါတယ်။
“ကျနော်တို့ကတော့ အခုကျန်တာကတော့ KIA ၊ KIO နဲ့တော့ ကျန်တာပေါ့လေ။ မပြီးပြတ်သေးဘူးပေါ့။ လက်မှတ်ထိုးတဲ့အဆင့် မရောက်သေးဘူး။ သူနဲ့ကတော့ ကျနော်တို့ အနည်းငယ်မျှ အချိန်ပေးပြီးတော့ ဆောင်ရွက်ရမှာဖြစ်ပါတယ်။ အဲဒီအဖွဲ့ကြီးကတော့ အဖွဲ့ကြီးတစ်ခုပေါ့လေ။ ဒီအဖွဲ့ကြီးပြီးရင်တော့ အားလုံး ပြီးသလောက်ပါပဲ။ ကချင်အဖွဲ့နဲ့ကတော့ ရှေ့လထဲမှာ ဒုတိယပတ်အတွင်းမှာ ကျနော်တို့ တွေ့ဖို့ရှိပါတယ်။ အခုလောလောဆယ် ကျနော်တို့ ရွှေလီမှာ တွေ့ပြီးတဲ့နောက်ပိုင်းမှာတော့ တစ်ယောက်နဲ့တစ်ယောက် ပစ်ခတ်တိုက်ခိုက်မှုတွေ ကျနော်တို့ ရပ်ဆိုင်းထားပါတယ်။”
နောက်ထပ် တိုင်းရင်းသား လက်နက်ကိုင်အဖွဲ့ငယ် တချို့နဲ့လည်း ဆက်ပြီး ညှိနှိုင်းတာတွေ လုပ်ဖို့ရှိတယ်လို့ ဦးအောင်သောင်းက ပြောပါတယ်။ မြန်မာနိုင်ငံမှာ တိုင်းရင်းသားအဖွဲ့တွေနဲ့ ကာလကြာမြင့်စွာကတည်းက ဖြစ်နေတဲ့ တိုက်ပွဲတွေကို ရပ်ဆိုင်းပြီး ငြိမ်းချမ်းရေး သဘောတူညီချက်တွေရဖို့ ကြိုးစားနေတဲ့အထဲမှာ ပြည်ထောင်စုအဆင့် ငြိမ်းချမ်းရေး အဖွဲ့နှစ်ဖွဲ့ ရှိနေတာ တွေ့ရပါတယ်။ ဘာကြောင့် အခုလို နှစ်ဖွဲ့ ဖြစ်နေတာပါလဲဆိုတဲ့ မေးခွန်းကိုတော့ ဦးအောင်သောင်းက -
“သူက များတဲ့အခါကျတော့ ခွဲပြီးတာဝန်ယူတာပေါ့။ နောက်တစ်ခုကလည်း ကျွမ်းကျင်ရာ ဖြစ်အောင်ရယ်။ ဆက်စပ်မှုရှိရင် ရှိသလိုပေါ့ ဆက်သွယ်တာဖြစ်ပါတယ်။ နောက်တစ်ခုက မြန်မြန်လေးလည်း ပြီးချင်တာပေါ့လေ။ ကျနော်တို့ တစ်ဖွဲ့တည်းနဲ့ လုပ်နေလို့ရှိရင် အချိန်ကြာမယ်။ တစ်ဖွဲ့ တစ်ဖွဲ့ဆိုရင် ကျနော်တို့က ညှိနှိုင်းဖို့အတွက် အများကြီး အချိန်ယူရတယ်။ ညှိနှိုင်းမှုတွေ၊ ကြိုတင်ဆောင်ရွက်မှုတွေ အများကြီး လုပ်ရပါတယ်။ အဲဒါကြောင့် ကျနော်တို့ ခွဲပြီးတော့ ဆောင်ရွက်တာဖြစ်ပါတယ်။”
ပြည်ထောင်စုအဆင့် ငြိမ်းချမ်းရေးအဖွဲ့ ခေါင်းဆောင် ဦးအောင်သောင်းကို ဆက်သွယ်မေးမြန်းခဲ့တာ ဖြစ်ပါတယ်။ ဦးအောင်သောင်း ခေါင်းဆောင်တဲ့ ငြိမ်းချမ်းရေးအဖွဲ့ဟာ ကချင် KIA နဲ့ သဘောတူညီချက်ရဖို့ အဓိက ဦးဆောင် ဆွေးနွေးနေတဲ့အဖွဲ့ ဖြစ်သလို ရှမ်းပြည် အထူးဒေသ (၄) မိုင်းလားအဖွဲ့နဲ့ ၀ပြည် သွေးစည်းညီညွတ်ရေးအဖွဲ့ တွေနဲ့အတူ တခြား လက်နက်ကိုင် အဖွဲ့ငယ်တချို့နဲ့လည်း အပစ်အခတ်ရပ်စဲရေး သဘောတူညီချက်တွေ ရအောင် ညှိနှိုင်း ဆောင်ရွက်ခဲ့တဲ့ အဖွဲ့လည်း ဖြစ်ပါတယ်။

မြန်မာအစိုးရနဲ့ ရှမ်း (မြောက်) တပ်ဖွဲ့တို့ အပစ်အခတ်ရပ်စဲရေး သဘောတူ
By မသင်းသီရိ
ဒီကနေ့ ဇန်န၀ါရီလ ၂၈ ရက် စနေနေ့ ညနေက ရှမ်းပြည်မြောက်ပိုင်း လက်နက်ကိုင်အဖွဲ့ဖြစ်တဲ့ ရှမ်းပြည်တိုးတက်ရေးပါတီ SSPP နဲ့  ပြည်ထောင်စုအဆင့် ငြိမ်းချမ်းရေးအဖွဲ့တို့ကြား အပစ်အခတ် ရပ်စဲရေးဆိုင်ရာ  သဘောတူညီချက် လက်မှတ်ရေးထိုးလိုက်ပါပြီ။ ပြည်ထောင်စုအဆင့်နဲ့ ငြိမ်းချမ်းရေးဆိုင်ရာ သဘောတူညီချက် ၅ ချက်ကို နှစ်ဘက်လက်မှတ်ရေးထိုးခဲ့တာ ဖြစ်ပြီး တနိုင်ငံလုံးအတိုင်းအတာအရ ငြိမ်းချမ်းရေးတွေ ဖြစ်ဖို့ နိုင်ငံရေးအရ ဆက်လက် ညှိနှိုင်းဆွေးနွေးတာတွေ လုပ်သွားမယ်လို့လည်း ရှမ်းပြည်တိုးတက်ရေးပါတီက ပြောပါတယ်။ ဒီသတင်းအပြည့်အစုံကို မသင်းသီရိက တင်ပြထားပါတယ်။
ရှမ်းပြည်မြောက်ပိုင်း လက်နက်ကိုင်အဖွဲ့ဖြစ်တဲ့ ရှမ်းပြည်တိုးတက်ရေးပါတီ SSPP နဲ့ ပြည်ထောင်စုအဆင့် ငြိမ်းချမ်းရေး အဖွဲ့တို့ဟာ အပစ်အခတ် ရပ်စဲရေးဆိုင်ရာ ငြိမ်းချမ်းရေး သဘောတူညီချက်ကို တောင်ကြီးမြို့မှာ ဇန်န၀ါရီလ ၂၈ ရက် စနေနေ့က သဘောတူ လက်မှတ်ရေးထိုးခဲ့ကြတာပါ။ ပြည်ထောင်စုအဆင့် ငြိမ်းချမ်းရေးအဖွဲ့ခေါင်းဆောင် ဦးအောင်သောင်းနဲ့ ရှမ်းပြည် တိုးတက်ရေးပါတီ SSPP တို့ဟာ ပြည်နယ်အဆင့် သဘောတူညီချက်တွေကို ပြည်ထောင်စုအဆင့် သဘောတူညီချက်အဖြစ် အချက် ၅ ချက်ပေါ်မှာ သဘောတူ လက်မှတ်ထိုးခဲ့ကြတာ ဖြစ်ပါတယ်။
အဲဒီအထဲမှာ ပြည်နယ်အဆင့် သဘောတူညီချက်တွေကို ပြည်ထောင်စုအဆင့် ဆက်လက် ဆောင်ရွက်သွားဖို့၊ ပင်လုံစိတ်ဓါတ်နဲ့ တိုင်းရင်းသား အားလုံး စည်းလုံးညီညွတ်ရေးတွေ ဖြစ်လာဖို့အပြင် ရှမ်းပြည် လက်နက်ကိုင် SSPP အဖွဲ့က မိသားစုတွေရဲ့ လူမှုဘ၀ မြှင့်တင်ရေးတွေ အကောင်အထည်ဖော် ဆောင်ရွက်ဖို့နဲ့ ဒေသတွင်းမူးယစ်ဆေးဝါး ကင်းစင်ရေးအပြင် နိုင်ငံမှာ ထာဝရငြိမ်းချမ်းရေးရအောင် ပူးပေါင်းဆောင်ရွက်ရေးတွေ ဖြစ်ပါတယ်။
အဲဒီအချက်တွေထဲ တိုင်းရင်းသားအားလုံး စည်းလုံးညီညွတ်မှုတွေ ရအောင် နိုင်ငံရေးဆိုင်ရာတွေကို တစ်ဆင့်ချင်းဆီ ဆက်လက် ဆွေးနွေးဖို့တွေ ရှိမယ်လို့ ရှမ်းပြည်နယ် SSA မြောက်ပိုင်းနဲ့ ရှမ်းပြည်နယ် တိုးတက်ရေးပါတီ SSPP က ပြောခွင့်ရသူ ဗိုလ်မှူးစိုင်းလက ပြောပါတယ်။
“အရေးကြီးတဲ့အချက်တော့ ပဏာမအဆင့်အနေနဲ့ တပ်မတော်နဲ့ ကျနော်တို့ ရှမ်းပြည်တိုးတက်ရေး အကြား ဖြစ်ပွားနေတဲ့ ပစ်ခတ်မှုကို ရပ်စဲရန် သဘောတူတဲ့အချက် ပါတယ်။ ကျနော်တို့ ပြည်ထောင်စုအဆင့် ဆွေးနွေးတဲ့ နှစ် အချက်မှာတော့ ကျနော်တို့ ပင်လုံစိတ်ဓါတ်ကို အခြေခံ၍ ပြည်ထောင်စု မပြိုကွဲရေးတို့၊ မပြိုကွဲအောင် ပူးပေါင်း တည်ဆောက်ရေးတို့ ဆိုပြီး သဘောတူညီချက် ရှိထားတယ်လေ။ နောက် နိုင်ငံရေးကိစ္စလည်း ကျနော်တို့ တစ်ဆင့်ပြီးတစ်ဆင့်ပေါ့ ဆွေးနွေးသွားဖို့တော့ သဘောတူညီချက် ရထားပါတယ်။”
အခု ရှမ်း SSPP အဖွဲ့နဲ့ ငြိမ်းချမ်းရေး သဘောတူ လက်မှတ်ထိုးခဲ့တဲ့ ပြည်ထောင်စုအဆင့် ငြိမ်ချမ်းရေးအဖွဲ့တွေဟာ ကချင်ပြည်နယ်ထဲက KIA အဖွဲ့နဲ့လည်း ငြိမ်းချမ်းရေးအတွက် ဆွေးနွေး ညှိနှိုင်းနေတဲ့အဖွဲ့ ဖြစ်ပါတယ်။ ဒါပေမဲ့ အခုအချိန်ထိတော့ ကချင်လက်နက်ကိုင် အဖွဲ့တွေနဲ့ သဘောတူညီချက် မရသေးပါဘူး။ ဒီအကြောင်းနဲ့ ပတ်သက်လို့လည်း အစိုးရ ငြိမ်းချမ်းရေးအဖွဲ့တွေက ရှမ်း SSPP အဖွဲ့တွေကို အခြေအနေတချို့ ရှင်းပြခဲ့တယ်လို့လည်း ဗိုလ်မှူးစိုင်းလက ပြောပါတယ်။
“တချို့လည်း တဘက်အဖွဲ့ကို ရပ်စဲပြီးတော့ ကျန်တဘက်ကို တိုက်ခိုက်နေတာမျိုးတော့ ကျနော်တို့ မလိုလားဘူးပေါ့။ ရပ်စဲမယ်ဆိုရင်လည်း ကျနော်တို့ တပြည်လုံး အတိုင်းအတာနဲ့ ကြေညာပေးဖို့ ကျနော်တို့ တောင်းဆိုတယ်။ အဲဒါ သူတို့ မပြေလည်သေးတဲ့ကိစ္စ အနည်းအကျဉ်းလေးလောက်သာ ရှိတာပါတဲ့။ အဲဒီလို တဘက်ကို ရပ်ပြီးတော့ တဘက်ကို အလုံးအရင်းနဲ့ ထိုးစစ်ဆင်တာမျိုး ခြေမှုန်းတာမျိုးတော့ သူတို့ မလုပ်ဘူးလို့၊ သူတို့ စိတ်ရင်းစေတနာမှန်နဲ့ ငြိမ်းချမ်းရေး တည်ဆောက်ဖို့ သူတို့လည်း ကမ်းလှမ်းခဲ့တယ်၊ ဒါပေမဲ့ မပြေလည်သေးတဲ့အချက် အနည်းအကျဉ်း ရှိထားတော့ သူတို့လည်း ဖြစ်အောင်တော့ ကြိုးစားနေတယ်လို့ သူတို့က ရှင်းပြတယ်လေ။”
ဒေသတွင်း မူးယစ်စိုက်ခင်းတွေအစား အစားထိုးသီးနှံတွေ စိုက်ဖို့ကိုလည်း နှစ်ဘက် ဆောင်ရွက်ဖို့ သဘောတူထားပါတယ်။
“မူးယစ်ဆေးဝါးနဲ့ ပတ်သက်ပြီးတော့ ဆွေးနွေးမှုအပိုင်းမှာ ကျနော်တို့ အစားထိုး သီးနှံတွေပေါ့။ ပြည်သူလူထုဆီ ကျနော်တို့ သီးနှံတစ်ခုခု အစားထိုးပေးပြီးတော့ တဖြည်းဖြည်းနဲ့ ကင်းစင်ပပျောက်ရေး သဘောတူပြီး လက်မှတ်ထိုးထားတယ်။”
ရှမ်းပြည်တိုးတက်ရေးပါတီ SSPP ကတော့ နိုင်ငံရေးပါတီ ထူထောင်မှာ မဟုတ်သေးသလို တိုင်းရင်းသားအားလုံး ပါဝင်တဲ့ ဖက်ဒရယ်ဆွေးနွေးမှုတွေ ဖြစ်လာဖို့ လိုအပ်တယ်လို့ ရှမ်းပြည်နယ် SSA မြောက်ပိုင်းနဲ့ ရှမ်းပြည် တိုးတက်ရေးပါတီ SSPP က ပြောခွင့်ရသူ ဗိုလ်မှူးစိုင်းလ က ပြောပါတယ်။
“အဲဒါတော့ (နိုင်ငံရေးပါတီဖွဲ့ဖို့တော့) မရှိသေးပါဘူးခင်ဗျ။ အခုက ပဏာမအဆင့်နဲ့ ကျနော်တို့ ပထမဆုံးအနေနဲ့ပဲ တွေ့ဆုံဆွေးနွေးတာလေ။ ကျနော်တို့ ညှိနှိုင်းစရာတွေ အများကြီး ကျန်သေးပါတယ်။”
ပြည်ထောင်စုအဆင့် ငြိမ်းချမ်းရေးအဖွဲ့ထဲမှာ ဦးအောင်သောင်း ခေါင်းဆောင်ပြီး ဦးသိန်းဇော်၊ ဦးအုန်းမြင့် တို့အပြင် ရှမ်းအဖွဲ့တွေဘက်ကတော့ ပြည်ထောင်စုအဆင့်ထဲမှာ SSPP ဒုတိယ အထွေထွေအတွင်းရေးမှူးချုပ် ဦးစပ်ခေးတိုင်း နဲ့အတူ SSA စစ်ဦးချုပ် စပ်ခပ်တင်နဲ့ အခြားအဖွဲ့ဝင်တွေ ပါဝင်ခဲ့ပါတယ်။
အခုလို ရှမ်းလက်နက်ကိုင်အဖွဲ့တွေနဲ့ အပစ်အခတ်ရပ်စဲပြီး ငြိမ်းချမ်းရေး သဘောတူညီချက်တွေ ရဖို့မှာ နိုင်ငံရေး အကျဉ်းသားဟောင်း တစ်ဦးဖြစ်တဲ့ ရှမ်း SSA တပ်ဖွဲ့ နာယက ဗိုလ်ချုပ်စေထင်ရဲ့ ကူညီမှု အခန်းကဏ္ဍဟာ အရေးပါတယ်လို့ ပြည်ထောင်စု ငြိမ်းချမ်းရေးအဖွဲ့ခေါင်းဆောင် ဦးအောင်သောင်းက တောင်ကြီးမြို့မှာ သတင်းထောက်တွေကို ပြောခဲ့ပါတယ်။

ပုပြင်မှုတွေ ဆက်လုပ်မည် မြန်မာစက်မှုဝန်ကြီး ကတိပေး
By မအေးသန္တာကျော်
မြန်မာနိုင်ငံအနေနဲ့ နိုင်ငံရေးမှာရော စီးပွားရေးမှာပါ ပြုပြင်ပြောင်းလဲစရာတွေ အတော်ရှိသေးတယ်လို့ ဆွစ်ဇာလန်နိုင်ငံ Davos ကမ္ဘာ့စီးပွားရေးညီလာခံကို တတ်ရောက်နေတဲ့ မြန်မာစက်မှုဝန်ကြီး ဦးစိုးသိန်းက ပြောပါတယ်။ အိမ်နီးချင်းတရုတ်နိုင်ငံ အပါအ၀င် အနောက်နိုင်ငံတွေရော ကမ္ဘာ့နိုင်ငံအားလုံးနဲ့ပါ အဆင်ပြေပြေ ခင်ခင်မင်မင် ဆက်ဆံသွားလိုတယ်လို့လည်း ပြောသွားပါတယ်။ ဒီအကြောင်းကိုတော့ မအေးသန္တာကျော်က တင်ပြထားပါတယ်။
မြန်မာအစိုးရအနေနဲ့ စီးပွားရေး ပြုပြင်ပြောင်းလဲမှုတွေ ဖော်ဆောင်နေရာမှာ နိုင်ငံတွင်း နိုင်ငံခြား ရင်းနှီးမြှုပ်နှံမှုတွေ အတွက် အခြေအနေကောင်းတွေကို ဖန်တီးပေးနေတယ် ဆိုပြီး Davos ကမ္ဘာ့ကုန်သွယ်ရေး ညီလာခံကို တတ်ရောက်နေတဲ့ မြန်မာအစိုးရ စက်မှုဝန်ကြီး ဦးစိုးသိန်းက သတင်းထောက်တွေကို ပြောသွားတာပါ။ မြန်မာအစိုးရသစ်အနေနဲ့ ပြီးခဲ့တဲ့နှစ်ကစပြီး ပြုပြင်ပြောင်းလဲမှုတွေ လုပ်ကိုင်နေရာမှာ နိုင်ငံရေးမှာရော စီးပွားရေးမှာပါ အခြေအနေကောင်းတွေ ဖြစ်လာဖို့ ဆောင်ရွက်နေတယ်လို့ ဦးစိုးသိန်းက ပြောပါတယ်။
“ကျနော်တို့ တော်တော်များများ လုပ်ဆောင်ခဲ့ပြီးပါပြီ။ ဒါပေမဲ့ လုပ်ဆောင်စရာတွေ အများကြီး ထပ်ရှိပါသေးတယ်။ လာမယ့်ကာလ အပိုင်းအခြား အတွင်းမှာကို လုပ်ဆောင်ရမှာပါ။ ဒီမိုကရေစီ ဖော်ဆောင်ရေး လုပ်ငန်းစဉ်က မပြီးသေးပါဘူး။ ပြုပြင်ပြောင်းလဲရေးအတွက် အများကြီး ပြောင်းလဲအောင် လုပ်ဆောင်ရမှာပါ။ တရားဥပဒေ စိုးမိုးရေးနဲ့ လုပ်ထုံးလုပ်နည်းဆိုင်ရာ ကိစ္စရပ်တွေ၊ အခြေခံ အဆောက်အအုံဆိုင်ရာ ပြင်ဆင်စရာတွေ၊ ဒါတွေကို နိုင်ငံရေးကဏ္ဍမှာတင် မဟုတ်ပါဘူး၊ စီးပွားရေးအပိုင်းမှာပါ အများကြီး ပြုပြင်ပြောင်းလဲဖို့ လုပ်ဆောင်ရပါမယ်။ အရေးယူပိတ်ဆို့မှုတွေ ရုပ်သိမ်း မသိမ်းဆိုတာကတော့ သူတို့လုပ်ဆောင်ရမယ့် အပိုင်းပါပဲ။”
တကယ်တော့ မြန်မာနိုင်ငံအနေနဲ့ တံခါးဖွင့် ဈေးကွက်စီးပွားရေးကို ၁၉၈၉ ခုနှစ်ကတည်းက စတင်ကျင့်သုံးခဲ့တာပါ။ စီးပွားရေးအရ တခါးဖွင့်လိုက်ပေမဲ့ မယ်မယ်ရရ စီးပွားရေး ပြုပြင်ပြောင်းလဲမှုတွေ မရှိခဲ့တာရော၊ နိုင်ငံရေးအရ ပြဿနာတွေကြောင့်ပါ နိုင်ငံတကာ ရင်းနှီးမြှုပ်နှံမှုတွေ၊ အထူးသဖြင့် အနောက်နိုင်ငံတွေရဲ့ ရင်းနှီးမြှုပ်နှံမှုတွေ အားနည်းခဲ့ပါတယ်။ အဲဒီအစား စစ်အသိုင်းအ၀ိုင်းနဲ့ နီးစပ်သူတွေသာ လက်ဝါးကြီးအုပ်တဲ့ စီးပွားရေးပုံစံ ဖြစ်ခဲ့ပါတယ်။ အခုအချိန်မှာတော့ နိုင်ငံတကာ ရင်းနှီးမြှုပ်နှံမှုတွေ လုပ်နိုင်မယ့် အခြေအနေမျိုးတွေ ဖန်တီး လုပ်ဆောင်နေပါပြီလို့ စက်မှုဝန်ကြီး ဦးစိုးသိန်းက ပြောခဲ့ပါတယ်။
“ရင်းနှီးမြှုပ်နှံမှုတွေ အတွက်တော့ ကိုယ့်တိုင်းပြည်မှာ လာပြီး ရင်းနှီးမြှုပ်နှံချင်အောင် အခြေအနေမျိုး ဖန်တီးပေးဖို့ အများကြီး လုပ်ဆောင်ထားပါတယ်။ ရင်းနှီးမြှုပ်နှံမှုဆိုင်ရာ ဥပဒေတွေ ပြင်ဆင်တာတွေ ရှိပါတယ်။ ဒါက စီးပွားရေးအပိုင်းအတွက် အထူးအရေးကြီးတဲ့ကိစ္စပါ။”
မြန်မာနိုင်ငံအနေနဲ့ အိမ်နီးချင်း တရုတ်တင်မဟုတ်ဘဲ အမေရိကန်ပြည်ထောင်စု၊ ဥရောပသမဂ္ဂနဲ့ အခြားအိမ်နီးချင်း နိုင်ငံတွေနဲ့ပါ ဆက်ဆံရေးကောင်းအောင် ထူထောင်သွားလိုတယ်လို့လည်း ဦးစိုးသိန်းက ပြောပါတယ်။
မြန်မာနိုင်ငံမှာ ဆင်းရဲမွဲတေမှု ပပျောက်ရေးနဲ့ စီးပွားရေး ဖွံ့ဖြိုးတိုးတက်ရေးကို အလေးပေး ဆောင်ရွက်သွားမယ်လို့ အစိုးရသစ်က ကတိက၀တ်ပြုခဲ့တာပါ။ ဒါကြောင့်လည်း စီးပွားရေးအရ ပြုပြင်ပြောင်းလဲမှုတွေကို ပိုပြီး အသားပေးဆောင်ရွက်နေတယ်လို့ ပြောရမှာပါ။ တချိန်တည်းမှာပဲ လူ့အခွင့်အရေး မှတ်တမ်းတွေကြောင့် အနောက်နိုင်ငံတွေက မြန်မာအပေါ် ချမှတ်ထားတဲ့ ပြစ်ဒဏ်ခတ်ပိတ်ဆို့မှုတွေ ပြန်လည်ရုပ်သိမ်းသွားဖို့ နိုင်ငံရေးအရ အပြောင်းအလဲအချို့ကို ပြုလုပ်နေချိန် ဖြစ်ပါတယ်။

တရုတ်တောင်ပိုင်း မြစ်တစ်စင်း ဓာတု အဆိပ်ဓာတ် သင့်
By ဗွီအိုအေ (မြန်မာဌာန)
တရုတ်နိုင်ငံ တောင်ပိုင်းမှာ အဆိပ်ဖြစ်စေတဲ့ ဓာတုဗေဒပစ္စည်းတွေ ယိုဖိတ်ခဲ့တဲ့အတွက် ရေသန့်ဗူးတွေ ရုတ်တရက် အရောင်းသွက်နေပါတယ်။
တရုတ်နိုင်ငံတောင်ပိုင်း Liujiang မြစ်ထဲကို အနားမှာရှိတဲ့ မိုင်းတွင်းမှာ အသုံးပြုတဲ့ Cadmium ဓာတုပစ္စည်းတွေ စီးဝင်ကုန်တဲ့အတွက် သန်းပေါင်းများစွာသော ဒေသခံတွေ ဘုံဘိုင်ရေကို မသောက်ကြဖို့ အာဏာပိုင်တွေက သောကြာနေ့မှာ အမိန့်ထုတ်ထားပါတယ်။ တချို့နေရာတွေမှာ ရေထဲကို အဲဒီ Cadmium ဓာတုဗေဒဓာတ် ပါဝင်မှုနှုန်းက တရားဝင် သတ်မှတ်ထားတာထက် ၅ ဆလောက် များနေတာကို တွေ့ရတယ်လို့ ဆိုပါတယ်။
ဒီဓာတုဓာတ် ယိုစိမ့်မှု အကျယ်အ၀န်းဟာ ၆၂ မိုင်ကျော်လောက်အထိ ရှိပြီး လူပေါင်း ၄ သန်းနီးပါးလောက် နေထိုင်တဲ့ Liuzhou မြို့အထိ ပျံ့နှံ့နေတယ်လို့ အစိုးရပိုင် သတင်းမီဒီယာတွေမှာ ဖော်ပြပါတယ်။
ဒီ ဓာတုဗေဒဓာတ် ယိုစိမ့်မှုကို ပြီးခဲတဲ့ သီတင်း ၂ ပတ်လောက်ကစပြီး Hechi မြို့မှာ စတင် တွေ့ရှိခဲ့တာလို့ ဆိုပါတယ်။ အနီးနားက မိုင်းတွင်းမှာ အသုံးပြုဖို့အတွက် ဓာတုပစ္စည်းတွေ သိုလှောင်ထားတဲ့နေရာက မြေကြီးထဲ ယိုစိမ့်ပြီး မြေအောက် ရေကြောထဲကနေ မြစ်ထဲရောက်သွားတာလို့ အာဏာပိုင်တွေက ပြောပါတယ်။
ကင်ဆာရောဂါ ဖြစ်စေနိုင်တဲ့ အဲဒီ Cadmium ဓာတုဗေဒပစ္စည်းတွေ ဓာတ်ပျယ်သွားအောင် ၀န်ထမ်းတွေက ကြိုးစားနေကြတယ်လို့ ဆိုပါတယ်။ တချို့နေရာတွေမှာတော့ ဓာတ်ပျယ်အောင် လုပ်တဲ့အနေနဲ့ ၀န်ထမ်းတွေက ထုံးတွေကို မြစ်ထဲသွန်ချနေကြတယ်လို့ ဆိုပါတယ်။ အဲဒီ Cadmium ဓာတု ပစ္စည်းတွေဟာ ထုံးနဲ့ ထိတွေ့တဲ့အခါ ဓာတ်ပြုပြီး အဆိုင်အခဲတွေ ဖြစ်သွားတာကြောင့် ရေထဲကနေ ဆယ်ယူရ လွယ်ကူတယ်လို့ ဆိုပါတယ်။

ဆီးရီးယား လေ့လာစောင့်ကြည့်ရေး အာရပ်အဖွဲ့ချုပ် ရပ်ဆိုင်း
By ဗွီအိုအေ (မြန်မာဌာန)
ဆီးရီးယားနိုင်ငံအတွင်း စနေနေ့က အကြမ်းဖက် နှိပ်ကွပ်မှုတွေ တိုးမြှင့် လုပ်ဆောင်လာတဲ့အတွက် အာရပ်အဖွဲ့ချုပ်က သူတို့ရဲ့ လေ့လာရေးအဖွဲ့ကို ရပ်ဆိုင်းလိုက်ပါတယ်။ စနေနေ့က တိုင်းပြည်တ၀ှမ်း ဖြစ်ပွားခဲ့တဲ့ အကြမ်းဖက် နှိပ်ကွပ်မှုတွေကြောင့် အနည်းဆုံး ၃၆ ယောက် သေဆုံးခဲ့တယ်လို့ လူ့အခွင့်အရေး တက်ကြွ လှုပ်ရှားသူတွေက ပြောပါတယ်။
အာရပ် နိုင်ငံခြားရေးဝန်ကြီးတွေနဲ့ ဆွေးနွေးအပြီးမှာ အခုလို သူတို့ရဲ့ လေ့လာရေးအဖွဲ့ကို ရပ်ဆိုင်းဖို့ ဆုံးဖြတ်လိုက်တာ ဖြစ်တဲ့အကြောင်း အာရပ်အဖွဲ့ချုပ်ရဲ့အတွင်းရေးမှူးချုပ် Nabil Elaraby က ပြောပါတယ်။ အကြမ်းဖက်မှုတွေ တိုးမြှင့် ဖြစ်ပေါ်ခဲ့တာဟာ ဆီးရီးယား အစိုးရကြောင့်လို့ အတွင်းရေးမှူးချုပ်က ပြစ်တင် ပြောကြားလိုက်ပြီး သေဆုံးသူတွေဟာ အပြစ်မဲ့ ပြည်သူတွေဖြစ်တယ်လို့ ဆိုပါတယ်။
မြို့တော် ဒမတ်စကဒ်နဲ့ တခြား မြို့ကြီးတွေဖြစ်ကြတဲ့ Homs၊ Hama၊ Idlib နဲ့ Deir ez Zor စတဲ့ ဒေသတွေမှာ အစိုးရဘက်က ထိုးစစ်ဆင် တိုက်ခိုက်မှုတွေ တိုးမြှင့် ပြုလုပ်လာတာကြောင့် အာရပ်အဖွဲ့ချုပ်က သူတို့ရဲ့ လေ့လာရေး လုပ်ငန်းတွေကို ရပ်တန့်ဖို့ ဆုံးဖြတ်လိုက်တာပါ။ အစိုးရနဲ့ အတိုက်အခံတွေအကြား ရေနံပိုက်လိုင်း ပေါက်ကွဲမှုအပေါ် အပြန်အလှန် အပြစ်ပုံချနေတဲ့ တချိန်တည်းမှာပဲ အစိုးရတင့်ကားတွေက အနည်းဆုံး မြို့ ၆ မြို့လောက်ကို အမြောက်တွေနဲ့ ပစ်ခတ်နေတဲ့ပုံတွေကို အတိုက်အခံတွေဘက်က ဗွီဒီယိုနဲ့ ပြသခဲ့ပါတယ်။
တိုင်းပြည်အတွင်းက ခွဲထွက်လိုတဲ့ အကြမ်းဖက်သမားတွေ မရှင်းသွားမချင်း အကြမ်းဖက် နှိပ်ကွပ်မှုတွေ ဆက်လက် ပြုလုပ်သွားမယ်လို့ ဆီးရီးယား ပြည်ထဲရေးဝန်ကြီး Mohammaed al-Shaar က စနေနေ့မှာ ပြောကြားလိုက်ပါတယ်။ အာရပ်အဖွဲ့ချုပ်က သံအမတ်တွေ နောက်တပတ် စနေနေ့မှာ တွေ့ဆုံပြီး သူတို့အဖွဲ့အနေနဲ့ ရှေ့ ဘာဆက်လုပ်သင့်တယ် ဆိုတာကို ဆုံးဖြတ်ကြမှာ ဖြစ်ပါတယ်။

အကျဉ်းကျနေတဲ့ အနုပညာပစ္စည်းတွေကော ဘယ်တော့လွတ်မှာလဲ
အခင် စစ်အစိုးရလက်ထက်က မြန်မာ့ရုပ်ရှင်နဲ့ ဗီဒီယို လောကမှာ သည်းထိတ်ရင်ဖို ဇာတ်ကားတွေဖြစ်တဲ့ သရဲကားတို့၊ လူသတ်ကား တို့ကို တော်ကြာ ရိုက်ခွင့်ရပြန်ပြီ၊ တော်ကြာ အဓိပ္ပာယ်မရှိလို့ ရိုက်ခွင့်မရပြန်ဘူး ဆိုတဲ့ သတင်းတွေနဲ့ ဒါရိုက်တာတွေဟာ လုံးချာလည်ပြီး ရိုက်ခွင့်ရလို့ ရိုက်တဲ့သူက ရိုက်လိုက်ပြန်တော့ ပိတ်ပါတယ်ဆိုတဲ့ ပါးစပ်ဥပဒေနဲ့ ကိုယ် ရိုက်ကူးထားတဲ့ ဇာတ်ကားလေးတွေကို ဗီရိုထဲထည့် ပြန်သိမ်းထားရတာမျိုး ခဏခဏ ကြားခဲ့ဖူးပါတယ်။
ဒါရိုက်တာက မောင်မျိုးမင်း (ရင်တွင်းဖြစ်)
အခု အစိုးရသစ် လက်ထက်မှာ မျှော်လင့်မထားတဲ့ ပြောင်းလဲမှုမျိုးစုံနဲ့ ကြုံတွေ့ကြရ ပြန်တော့ မြန်မာ့ရုပ်ရှင်နဲ့ ဗီဒီယို လောကသားတွေကလည်း သူတို့လောကပါ ပြောင်းလဲနိုးဆိုတဲ့ မျှော်လင့်ချက်လေးတွေနဲ့ အရင် ပြသခွင့်မရခဲ့တဲ့ သည်းထိတ်ရင်ဖို ဇာတ်ကားတွေကို ပရိသတ်ရှေ့ ပြည်လည် ချပြနိုင်ဖို့ ကြိုးပမ်းကြပါ တော့တယ်။
သည်းထိတ်ရင်ဖို ဇာတ်ကားတွေအတွက် ထုတ်လုပ်သူတချို့နဲ့ ဒါရိုက်တာ တချို့က ပြင်ဆင်မှုတွေ ပြုလုပ်လာကြတယ်လို့ ပြည်တွင်းထုတ် Weekly Eleven ဂျာနယ်မှာ ဖော်ပြထားတာပါ။
“ဒါဟာ သူတို့ဘက်က ဘယ်လိုလုပ်မလဲ ဆိုတာ သွေးတိုးစမ်းကြည့်တဲ့ သဘောပါ။ ဘာမှ မသေချာသေးဘူး။ သူတို့က ပြောတာပဲရှိတယ်။ ပြောပြီး ခွင့်ပြုထားတယ်ဆိုတဲ့ မူဘောင်က အတိအကျမရှိဘူး။ ယုံကြည်ချက်ကြောင့် အကျဉ်းကျခံ နေရတဲ့ နိုင်ငံရေးသမားတွေ လွတ်လာတယ်။ ကျနော်တို့ အနုပညာခံယူချက်နဲ့ ရိုက်ထားတဲ့ ကျနော်တို့ အနုပညာ ပစ္စည်းတွေ အကျဉ်းကျနေတယ်၊ မလွတ်သေးဘူး။ အဲဒါတွေ လွတ်မှ ကျနော်တို့ ယုံလို့ရမယ်” လို့ ဒါရိုက်တာ မောင်မျိုးမင်း (ရင်တွင်းဖြစ်) က ပြောပါတယ်။