25.01.2012 နေ့ဖတ်ရန်သတင်းများ

by Myanmar Journal on Wednesday, January 25, 2012 at 6:42am

 
တိဗက် လွတ်မြောက်ရေး လှုပ်ရှားသူတွေ 
တရုတ်ရဲကြောင့် တိဗက်အရေး ဆန္ဒပြသူ သေဆုံး

တရုတ်နိုင်ငံက တိဗက် လူမျိုးတွေ လွှမ်းမိုးရာ ဒေသမှာ ဆန္ဒပြသူတွေနဲ့ ရဲတွေ အဓိကရုဏ်း ဖြစ်ပွားခဲ့ပြီး ဆန္ဒပြ သမား တယောက် သေဆုံး သွားပါတယ်။
ဆန္ဒပြသူတွေ အဆိုအရ ရဲက လူအုပ်ထဲကို သေနတ်နဲ့ ပစ်ခတ်လို့ သေဆုံးရတာလို့ ဆိုပါတယ်။
တိဗက် လွတ်မြောက်ရေးကို ထောက်ခံတဲ့ အနေနဲ့ ဇီချွမ် ပြည်နယ်မှာ ဆန္ဒပြသူ ထောင်ပေါင်းများစွာက အစိုးရ ရုံးတွေကို ချီတက် ခဲ့ပြီးတဲ့နောက် ဒီပစ်ခတ်မှု ဖြစ်ပွားခဲ့တာလို့ တိဗက် အခွင့်အရေး လှုပ်ရှားမှု အဖွဲ့က ပြောပါတယ်။

တရုတ် အစိုးရ အာဘော် သတင်း အေဂျင်စီကတော့ လူတယောက် သေဆုံးတယ်လို့ ဆိုပေမယ့် ပစ်ခတ်မှု အကြောင်းတော့ ပြောမသွားပါဘူး။
တိဗက် ဘုန်းကြီး တပါး သူ့ကိုယ်သူ မီးရှို့ ဆန္ဒပြတော့မယ် ဆိုတဲ့ ကောလဟလ သတင်းတွေ ထွက်လာ ပြီးတဲ့နောက် ရဲစခန်း တခုကို လူအုပ်ကြီးက တိုက်ခိုက်ခဲ့ တာပါလို့ ဆိုပါတယ်။

တူရကီ လူမျိုးတုန်း သတ်ဖြတ်မှု ပြင်သစ် အတည်ပြု
လူမျိုးတုန်း သတ်ဖြတ်မှု ဥပဒေကို အတည်ပြု လိုက်တဲ့ ပြင်သစ် အထက် လွှတ်တော်
ပထမ ကမ္ဘာစစ်တုန်းက အာမေးနီးယန်းကို အော်တိုမန် တူရကီတွေက သတ်ခဲ့တာဟာ လူမျိုးတုန်း သတ်ဖြတ်မှု ဖြစ်ကြောင်းကို ငြင်းပယ်ရင် ရာဇဝတ်မှု မြောက်တယ် ဆိုတဲ့ ဥပဒေကြမ်း တရပ်ကို ပြင်သစ် အထက်လွှတ်တော်က အတည်ပြု ပေးလိုက်ပါတယ်။
တကယ်လို့ တစုံတယောက်က ဒီဥပဒေကို ချိုးဖောက်ရင် ထောင်ဒဏ် ကျခံရမှာပါ။
ဒီဥပဒေကို အထက်လွှတ်တော်က အတည်ပြု လိုက်တာကြောင့် ပြင်သစ်နဲ့ တူရကီကြား ဆက်ဆံရေး အကြီးအကျယ် စိတ်ဝမ်းကွဲပြားမယ့် အခြေအနေမှာ ရှိနေပါတယ်။
အဲဒီတုန်းက အာမေးနီးယန်းတွေ တသန်းကျော် သေဆုံးခဲ့ ရတယ်လို့ တူရကီက ဝန်ခံခဲ့ပေမယ့် လူမျိုးတုန်းလောက်အောင် တမင်တကာ မရည်ရွယ် ခဲ့ပါဘူးလို့ ဆိုပါတယ်။
ပြီးခဲ့တဲ့ ဒီဇင်ဘာလ တုန်းက ပြင်သစ် အောက်လွှတ်တော်က ဒီဥပဒေကြမ်းကို အတည်ပြုခဲ့လို့ တူရကီက ပြင်သစ်နဲ့ စစ်ရေး ၊ စီးပွားရေးနဲ့ နိုင်ငံရေး အဆက်အသွယ်တွေ ဖြတ်တောက်ခဲ့ တာပါ။
တကယ်လို့ သမ္မတ ဆာကိုဇီက ဒီဥပဒေကို လက်မှတ် ရေးထိုး အတည်ပြုလိုက်မယ် ဆိုရင် နောက်ထပ် ပြင်သစ် အပေါ် အရေးယူ ပိတ်ဆို့မှုတွေ လုပ်မယ်လို့ တူရကီက ခြိမ်းခြောက် ထားပါတယ်။
အခုလို ချမှတ်လိုက်တဲ့ ပြင်သစ်ရဲ့ ဆုံးဖြတ်ချက် အပေါ် တူရကီက ဒေါသတကြီး တုန့်ပြန်ခဲ့ပြီး တူရကီ တရားရေး ဝန်ကြီး Sadullah Ergin က ဒီမဲခွဲ ဆုံးဖြတ် အတည်ပြုမှုက မတရားဘူး ၊ တူရကီ အပေါ် မထီလေးစား လုပ်တာလို့ ဆိုပါတယ်။
ဒါပေမယ့် အာမေးနီးရား နိုင်ငံခြားရေး ဝန်ကြီး Edward Nalbandian ကတော့ ပြင်သစ်ရဲ့ လုပ်ဆောင်ချက်က လူ့အခွင့်အရေး ကာကွယ်မှု သမိုင်းမှတ်တမ်း ကို ပြသ လိုက်တာဘဲလို့ ပြောပါတယ်။

ဥရောပ သမဂ္ဂ အီရန် အပေါ် အရေးယူပြီအီးယူရဲ့ ပိတ်ဆို့ အရေးယူမှု မတရားဘူးလို့ အီရန်ပြော
အီရန် နိုင်ငံရဲ့ နျူကလီးယား လက်နက် အစီအစဉ် ရပ်တန့်ဖို့ ရည်ရွယ်တဲ့ ဥရောပ သမဂ္ဂရဲ့ ပိတ်ဆို့ အရေးယူမှုကို အီရန် အစိုးရက ရှုတ်ချလိုက်ပြီး ဒါဟာ ကျိုးကြောင်း ဆီလျှော်မှုလည်း မရှိ ၊ မတရားဘူးလို့ ဆိုပါတယ်။
ဒီဆောင်ရွက်ချက်ဟာ ပျက်သုန်းမယ့် အစီအစဉ် ဖြစ်ပြီး အီရန် အပေါ် စိတ်ဓါတ်ရေးရာ တိုက်ပွဲ ဆင်နွှဲနေတာ ဖြစ်တယ်လို့ အီရန် နိုင်ငံခြားရေး ဝန်ကြီးက ပြောပါတယ်။
အီရန်က ရေနံစိမ်း တင်သွင်းမှုကို တားမြစ်လိုက်ပြီး အီရန် ဗဟိုဘဏ်ရဲ့ ပိုင်ဆိုင်မှုတွေကို ထိန်းချုပ်လိုက်တဲ့ ဥရောပ သမဂ္ဂရဲ့ ပိတ်ဆို့ အရေးယူမှုကို အမေရိကန် ပြည်ထောင်စု ကတော့ ကြိုဆိုလိုက်ပါတယ်။
ဥရောပ သမဂ္ဂဟာ အီရန်က ထုတ်တဲ့ ရေနံစိမ်းရဲ့ နှစ်ဆယ် ရာခိုင်နှုန်းကို ဝယ်ယူ တင်သွင်းနေတာပါ။
အဲလိုသာ ဆက်ပြီး သူတို့ကို ပိတ်ဆို့ အရေးယူမယ် ဆိုရင် အီရန်ကလည်း ဟော်မုစ် ရေလက်ကြားကို ပိတ်ပစ်မယ်လို့ ခြိမ်းခြောက် လိုက်ပါတယ်။

ဝီလျံရိုတိုကို ထောက်ခံသူများ စွဲဆိုမှုသတင်း နားထောင်နေစဉ်ကင်ညာ နိုင်ငံရေးသမားများ တရားစွဲခံရ
နိုင်ငံတကာ ရာဇဝတ်ခုံရုံးက ကင်ညာ နိုင်ငံက ထင်ရှားတဲ့ နိုင်ငံရေး သမား ၄ယောက်တို့ကို ၂၀၀၇ ရွေးကောက်ပွဲ အကြမ်း ဖက်မှုတွေ အတွင်း လူအများ အပြား သေဆုံးမှုနဲ့တရား စွဲဆို လိုက်ပါတယ်။ ဒီလို ဆောင်ရွက်မှုဟာ ကင်ညာ နိုင်ငံရေး အနာဂတ် အပေါ်အတော် ရိုက်ခတ် နိုင်ပါတယ်။ ဒီ၎ယောက်ထဲမှာ လာမယ့် ရွေးကောက်ပွဲမှာ သမ္မတလောင်း အဖြစ်ယှဉ်ပြိုင်သူ နှစ်ယောက် ပါဝင်ကြပါတယ်။
ဝီလျံရူတိုက ရာထူးချထားခံရတဲ့ ဝန်ကြီးဖြစ်ပါတယ်။ အူဟူးရူး ကင်ညာတာကတော့ လက်ရှိဒုတိယ ဝန်ကြီးချုပ်ဖြစ်ပြီး နိုင်ငံ့ပထမဆုံး သမ္မတရဲ့သားလည်းဖြစ်ပါတယ်။ တရားရုံးက ဘယ်လို အဖြေဘဲထွက်ထွက် သူ့အနေနဲ့ နိုင်ငံရေး ဆက် လုပ်ချင်တယ်လို့ ကင်ညာတာက ဘီဘီစီကိုပြောပါတယ်။ အယူခံဝင်နိုင်မယ့်အတွက် တရားစီရင်ဖို့ လနဲ့ချီကြာနိုင်ပါတယ်။
ကင်ညာမှာ ရွေးကောက်ပွဲတွေအတွင်း အကြမ်းဖက်မှု ရာဇဝင်ရှိခဲ့ဘူးပါတယ်။ဒါပေမယ့် တခါမှ အရေးယူအပစ်ပေးတာ မခံရသေးတဲ့အတွက်အခု နိုင်ငံတကာ ရာဇဝတ်ခုံရုံးရဲ့ စွဲဆိုမှုဟာ တရားစွဲလို့မရတဲ့ အစဉ်အလာကို အဆုံးသတ်ပြီး နောင်ရွေးကောက်ပွဲတွေပို အေးချမ်းလာနိုင်တယ်လို့ နိုင်ရိုဘီမြို့ရှိ ဘီဘီစီ သတင်းထောက် ဝီလ်ရောစ်က ပြောသွားပါတယ်။

ဆီးရီးယား က မြင်ကွင်းတခုဆီးရီးယား စောင့်ကြည့်ရေး အဖွဲ့ က နေ နောက်ထပ်နိုင်ငံတွေ နုတ်ထွက်
ပင်လယ်ကွေ့ ဒေသ ပူးပေါင်း ဆောင်ရွက် ရေး ကောင်စီ GCC အဖွဲ့ဝင် ခြောက်နိုင်ငံ က အာရပ် အဖွဲ့ချုပ် ရဲ့ ဆီးရီးယား နိုင်ငံ ဆိုင်ရာ လေ့လာ စောင့်ကြည့်ရေး အဖွဲ့ ကနေ နုတ်ထွက် ကြမယ်လို့ ကြေညာ လိုက်ကြပါတယ်။
ပြီးခဲ့တဲ့ ရက်ပိုင်းက ပဲ ဆော်ဒီ အာရေဗျ နိုင်ငံ က အဲဒီ အဖွဲ့ကနေ နုတ်ထွက်ဖို့ ဆုံးဖြတ် ထား တာပါ။
ပင်လယ်ကွေ့ ဒေသ ပူးပေါင်း ဆောင်ရွက်ရေး အဖွဲ့က နိုင်ငံ ခြောက်နိုင်ငံ စလုံး နုတ်ထွက် မယ် ဆိုတဲ့ အခု ဆုံးဖြတ်ချက် က အာရပ် အဖွဲ့ချုပ် ရဲ့ စောင့်ကြည့် လေ့လာရေး အဖွဲ့ အပေါ် နောက်ထပ် ကြီးမားတဲ့ ရိုက်ခတ်မှု လို့ ပြောနိုင်ပါတယ်။
ဆီးရီးယားမှာ ဖြစ်နေတဲ့ အကြမ်းဖက်မှု တွေ ရပ်တန့် သွားအောင် လုပ်သင့်တာတွေ မလုပ် ဘူး လို့ ဆီးရီးယား အတိုက်အခံတွေရဲ့ တိုက်ခိုက်ပြောဆိုမှုကို လည်း အာရပ် အဖွဲ့ချုပ် လေ့လာ စောင့်ကြည့်ရေး အဖွဲ့ ခံနေ ရပါတယ်။
ပင်လယ်ကွေ့ နိုင်ငံတွေထဲ ဒေသတွင်းမှာ သြဇာ ကြီးမားတဲ့ ကာတာ နိုင်ငံ၊ အာရပ် စော်ဘွား များ ပြည်ထောင်စု စတဲ့ နိုင်ငံတွေ ပါဝင် ကြပြီး သူတို့က ဆီးရီးယား အစိုးရ အပေါ် ပြတ်သားတဲ့ သဘောထား တွေ ရှိကြပါတယ်။
အခုတော့ ပင်လယ်ကွေ့ နိုင်ငံ တွေက ဆီးရီးယား နိုင်ငံ နဲ့ ပတ်သက်လို့ နောက်ထပ် အရေးယူ ဆောင်ရွက်တာ တွေ ပြုလုပ်ဖို့ နဲ့ ဆီးရီးယား အစိုးရ ကို ဖိအားတွေ ပိုပေးဖို့ ကုလ သမဂ္ဂ လုံခြုံရေး ကောင်စီကို တောင်းဆို လိုက်ကြ ပါတယ်။
ပြီးခဲ့တဲ့ မတ်လ က စတင်ခဲ့တဲ့ ဆန့်ကျင် ကန့်ကွက်မှုတွေကို ဆီးရီးယား အစိုးရ က နှိမ်နင်း ခဲ့တဲ့ အတွက် လူပေါင်း ငါးထောင်ကျော် သေဆုံးခဲ့ရပြီ လို့ ကုလ သမဂ္ဂ က ပြောထား ပါတယ်။
ပြီးခဲ့တဲ့ တနင်္ဂနွေ နေ့က သမ္မတ ဘာရှား အယ်လ် အာဆတ် အနေနဲ့ သူ့ ရဲ့ လက်ထောက်ကို အာဏာ လွှဲပြောင်း ပေးပြီး အတိုက်အခံတွေ ပါဝင်တဲ့ အမျိုးသား ညီညွတ်ရေး အစိုးရ ကို နှစ်လ အတွင်း ဖွဲ့ဖို့ အဲဒီနောက် ဖွဲ့စည်းပုံ အခြေခံ ဥပဒေ မူကြမ်း သစ် တစ်ရပ် ရေးဆွဲပြီး ပါတီစုံ ရွေးကောက်ပွဲ ကျင်းပဖို့ ဆိုတဲ့ အစီအစဉ် တစ်ခုကို အာရပ် အဖွဲ့ချုပ်က အကြံပြု တင်ပြ ခဲ့ပါတယ်။
အဲဒီ တင်ပြ တောင်းဆိုမှုကို ဆီးရီးယား အစိုးရ ဘက်က ပယ်ချ ခဲ့ပြီး တဲ့နောက် ပင်လယ်ကွေ့ နိုင်ငံများ ကောင်စီ ရဲ့ ဖိအားတွေ ပိုတိုး လာတာ ဖြစ်ပါတယ်။
တနည်းအားဖြင့် ဆိုရရင်တော့ ပင်လယ်ကွေ့နိုင်ငံတွေရဲ့ ဒီတောင်းဆိုမှုဟာ ဆီးရီးယား အရေး ကုလသမဂ္ဂရဲ့ ဆုံးဖြတ်ချက် ကို အခုချိန်ထိ ဗီတို အာဏာနဲ့ ပယ်ချ နေတုန်း ဖြစ်တဲ့ ရုရှားနဲ့ တရုတ် နိုင်ငံတို့ အပေါ် ကိုလည်း ပိုမို ဖိအားတွေ တိုးသွားတာ ဖြစ်ဖြစ်တယ်လို့ ကိုင်ရိုက ဘီဘီစီ သတင်းထောက် John Leyne က သုံးသပ် ထား ပါတယ်။

ပါကစ္စတန်သမ္မတ မြန်မာလာ
ပါကစ္စတန်သမ္မတ ဇာဒါရီ နေပြည်တော်မှာ မြန်မာသမ္မတနဲ့ တွေ့ဆုံခဲ့
ပါကစ္စတန်သမ္မတ အာဆစ်ဖ် အလီ ဇာဒါရီ ဒီကနေ့ ညနေ ငါးနာရီက နေပြည်တော်မှာ မြန်မာသမ္မတ ဦးသိန်းစိန်နဲ့ တွေ့ဆုံခဲ့ပါတယ်။
ပါကစ္စတန်ဘက်က နှစ်နိုင်ငံဆက်ဆံရေး တိုးမြှင့်ဖို့နဲ့ နှစ်နိုင်ငံစီးပွားရေးကိစ္စတွေကို ဆွေးနွေးဖို့ ရှိပါတယ်။
မနက်ဖြန်နေ့လယ် ရန်ကုန်မှာ ဒေါ်အောင်ဆန်း စုကြည်ကို သမ္မတဇာဒါရီ ကိုယ်တိုင် ပါကစ္စတန်ရဲ့ အမြင့်ဆုံး ဆုတံဆိပ် ချီးမြှင့်မယ်လို့ အမျိုးသား ဒီမိုကရေစီ အဖွဲ့ချုပ် အတွင်းရေးမှူး အဖွဲ့က ဦးဉာဏ်ဝင်းက ဘီဘီစီကို ပြောပါတယ်။

ပဲခူးက တွေ့ဆုံပွဲ၈၈ မျိုးဆက် ကျောင်းသားများရဲ့ လူထုနိုင်ငံရေး စတင်
၈၈ မျိုးဆက် ကျောင်းသား ခေါင်း ဆောင်တွေဟာ လူထု ကိုယ်တိုင် နားလည် ပါဝင်လာတဲ့ ဒီမိုကရေစီ စနစ်တစ်ခု ဆီရောက်အောင် ကြိုးပမ်း လုပ်ဆောင် နေတယ်လို့ ကျောင်းသား ခေါင်းဆောင် တစ်ဦးဖြစ်တဲ့ ကိုကိုကြီးက ပြောပါတယ်။
အင်္ဂါနေ့မှာ ၈၈ မျိုးဆက် ကျောင်းသား အများစု အပါအဝင် လွတ်မြောက် လာတဲ့ နိုင်ငံရေး အကျဉ်းသားတွေကို ကြိုဆို ဂုဏ်ပြုတဲ့ ပဲခူးမြို့က အခန်းအနား ကျင်းပအပြီးမှာ ကိုကိုကြီးက ဘီဘီစီကို ပြောတာ ဖြစ်ပါတယ်။
ပဲခူးက အမျိုးသား ဒီမိုကရေစီ အဖွဲ့ချုပ် (NLD)၊ နိုင်ငံရေး အကျဉ်းသား ဟောင်းတွေ၊ ကျောင်းသားတွေ အပါအ၀င် ဒေသခံတွေ စုပေါင်းပြီးတော့ လွတ်လာတဲ့ နိုင်ငံရေး အကျဉ်းသားတွေကို ကြိုဆိုခဲ့ကြပါတယ်။
၈၈ မျိုးဆက် ကျောင်းသား ခေါင်းဆောင်တွေ စုပေါင်းပြီး ပထမဆုံးအကြိမ် ရန်ကုန်ပြင်ပမှာ လူထုနဲ့ ဆွေးနွေး ဟောပြောတာလည်း ဖြစ်ပါတယ်။
လူထုပါဝင်တဲ့ နိုင်ငံရေး မဖြစ်ရင် ပြုပြင် ပြောင်းလဲမှု တွေဟာလည်း သိသာ မြင်သာတဲ့ အခြေအနေ မရောက်နိုင်ဘူး၊ ဒါကြောင့် လူထုနဲ့ ထိတွေ့ပြီး ဟောပြော ကြတယ်၊ အာဏာပိုင် တွေဘက်ကလည်း စိုးရိမ် ထိန့်လန့်မှု မဖြစ်သင့်ပဲ ပူးပေါင်း ဆောင်ရွက်သင့်တယ် လို့ ကိုကိုကြီးက ဘီဘီစီကို ပြောပါတယ်။
''လူထုကို နိုင်ငံရေး နိုးကြား လာတဲ့ အခြေအနေ ရောက်အောင်တော့ ကျွန်တော်တို့က ဆက်လုပ်သွားရမှာပါ။ ဒီလိုမှ မဟုတ်ရင် ဒီမိုကရေစီဆိုတာ ၅ နှစ်တကြိမ် မဲပေးပြီးရင် ပြီးပြီ၊ ကိုယ့်တာဝန် ကျေပြီဆိုတဲ့ အသိမျိုးလောက်နဲ့တော့ ဒီမိုကရေစီ နိုင်ငံ ဖော်ဆောင်ဖို့ မဖြစ်နိုင်ပါဘူး'' လို့ ကိုကိုကြီးက ပြောပါတယ်။
လူထုတွေ နေ့စဉ် ကြုံတွေ့ ခံစားနေရတဲ့ ဒုက္ခတွေကို လက်တွေ့ ဖြစ်နေတဲ့နိုင်ငံရေး အဆောက်အအုံထဲမှာ ဖော်ထုတ်နိုင်တယ်ဆိုတာ လူထု နားလည်အောင်၊ ပူးပေါင်း ဆောင်ရွက်နိုင်အောင် လုပ်ဆောင်သွားမယ်လို့ သူက ဆက်ပြောပါတယ်။
လူထုရဲ့ ပူပေါင်း ပါဝင်မှုအပေါ် မူတည်ပြီး မြန်မာ နိုင်ငံ အနှံ့ အပြား ဆီကိုလည်း ၈၈ မျိုးဆက် ကျောင်းသားတွေ ခရီးထွက် ဟောပြော နိုင်ဖို့ အစီအစဉ်တွေ ရှိတယ်လို့လည်း ကိုကိုကြီးက ပြောပါတယ်။

ပြင်သစ်ရဲ့ ဥပဒေမူကြမ်း တူရကီလက်မခံ
ပြင်သစ်ရဲ့လုပ်ရပ်ကို တူရကီက ပြင်းပြင်းထန်ထန် တုံ့ပြန်လိုက်ပါတယ်
ပထမကမ္ဘာစစ်တုန်းက တူရကီနိုင်ငံက အာမေးနီးယားနိုင်ငံသား အများအပြားကို သတ်ဖြတ်ခဲ့မှုဟာ လူမျိုးတုံးသတ်ဖြတ်မှု မဟုတ်ဘူးလို့ ငြင်းဆိုရင် ရာဇဝတ်မှုအဖြစ် သတ်မှတ်ဖို့ ပြင်သစ်အစိုးရက ဥပဒေသစ် တခု ပြဋ္ဌာန်းဖို့ လုပ်နေပါတယ်။
ဒီဥပဒေသစ်ကို အတည်မပြုဖို့ ပြင်သစ်သမ္မတ ဆာကိုဇီကို တူရကီဝန်ကြီးချုပ် ရီးစပ်တေးရစ်ပ် အာဒိုကန် က သတိပေးလိုက်ပြီး ပြစ်သစ်က ဒီ ဥပဒေသစ် ပြဋ္ဌာန်းရင် တုန့်ပြန်မှုတွေလုပ်မယ် လို့ ပြောလိုက်ပါတယ်။
တူရကီ ဝန်ကြီးချုပ်က ဒီ ဥပဒေသစ်က သူတို့အတွက်တော့ အဓိပ္ပာယ် မရှိဘူး၊ ပြီးတော့ ဒီလုပ်ဆောင်ချက်က ဥရောပရဲ့ ဂုဏ်သိက္ခာကို ကျဆင်းစေတာဖြစ်သလို ခေတ်နောက် ပြန်ဆွဲတဲ့လုပ်ရပ်တခုပဲ လို့ တုန့်ပြန်လိုက်ပါတယ်။
ဒီ ဉပဒေသစ် ပြဋ္ဌာန်းရင် တုန့်ပြန်မှုတွေ လုပ်သွားမယ်လို့ပြောပေမယ့် ဘာတွေလုပ်မယ် ဆိုတာ ကိုတော့ အတိအကျ မပြောခဲ့ပါဘူး။
တူရကီက အမြဲတမ်း စီးပွားပိတ်ဆို့မှုတွေလုပ်သွားမယ်လို့လဲ ပြောနေပေမယ့် ပြင်သစ်နိုင်ငံ ဟာ တူရကီနိုင်ငံ ရဲ့ ပဉ္ဇမ အကြီးဆုံးကုန်သွယ်ဘက်နိုင်ငံဖြစ်သလို ဥရောပ ကုန်သွယ်မှု သဘော တူညီချက်ရှိတာကြောင့် စီးပွားရေးဖြတ်တောက်မှုတော့ ဖြစ်နိုင်ခြေမရှိဘူးလို့ သုံးသပ်ကြ ပါတယ်။
ဒါပေမယ့် အခုကိစ္စကြောင့် တူရကီနိုင်ငံက သံတမန်အဆက်အသွယ် ဖြတ်တောက်မှုတွေ ရှိခဲ့ပြီး နှစ်နိုင်ငံသံတမန် ဆက်သွယ်ရေးယနေ့အထိ တင်းမာမှုတွေ ရှိနေဆဲဖြစ်ပါတယ်။
အာမေးနီးယား နိုင်ငံခြားရေးဝန်ကြီးကတော့ ပြင်သစ်ရဲ့လုပ်ဆောင်ချက်ဟာ လူအခွင့်အရေး ကို ကာကွယ်တာဖြစ်လို့ ကျေးဇူးတင်ကြောင်းပြောဆိုခဲ့ပါတယ်။
ဒါပေမယ့် ဒီဥပဒေကို ပြဠာန်းခဲ့ရင်တော့ တူရကီ နဲ့ အာမေးနီးယား ၂ နိုင်ငံ ရင်ကြားစေ့ရေး လုပ်ဆောင်မှု ပိုပြီးဖြစ်နိုင်ခြေမရှိတော့ဘူးလို့ လည်းတွက်ဆနေကြပါတယ်။
နယ်ခြားဒေသပိုင်ဆိုင်မှုနဲ့ပတ်သက်ပြီး အာမေးနီးယား နဲ့ အဇာဘိုင်ဂျန် ၂ နိုင်ငံ ဟာ ဆယ်စုနှစ် ၂ ခုကျော် တိုက်ခိုက်နေတဲ့ကိစ္စမှာလဲ ပြင်သစ်က ကြားဝင်ဖြေရှင်းပေးသူ အနေနဲ့ လုပ်ဆောင်နေမှုကို ထိခိုက်နိုင်ဖွယ်ရှိပါတယ်။
အခုဥပဒေပြဠာန်းချက်ဟာ ပြင်သစ်ကအာမေးနီးယားအပေါ် ဘက်လိုက်သလို ဖြစ်နေတာ ကြောင့် အဇာဘိုင်ဂျန် အနေနဲ့ ပြင်သစ်အပေါ် ယုံကြည်မှု လျော့နည်းစေတယ်လို့ က နိုင်ငံရေးသမားများက သုံးသပ်နေကြပါတယ်။

လယ်သမား အရေး မကွေးမှာ နှီးနှော ဖလှယ်ပြီ
လယ်သမား အရေးအတွက် ဦးဆောင် ဆန္ဒပြခဲ့တဲ့ ရှေ့နေ ဦးဖိုးဖြူ
တောင်သူ လယ်သမား တွေရဲ့ အခွင့်အရေး အတွက် လှုပ်ရှား ဆောင်ရွက်နေတဲ့ တောင်သူ လယ်သမားများ ဘဝ တိုးတက်ရေး အင်အားစု အဖွဲ့က ဦးဆောင်ပြီး မကွေးတိုင်း ကံမမြို့နယ် စစ္စယံ ကျေးရွာမှာ တောင်သူ လယ်သမား နှီးနှော ဖလှယ်ပွဲ တခုကို မနေ့က ကျင်းပခဲ့ ပါတယ်။
အဲဒီ နှီးနှောဖလှယ် ပွဲကို ပြည် ၊ အောင်လံ ၊ ကြို့ပင်ကောက် ၊ ပေါင်းတည် ၊ ဇီးကုန်းနဲ့ နတ္တလင်း မြို့နယ်တွေက တောင်သူ လယ်သမား ၁ဝဝ ကျော် တက်ရောက် ခဲ့ပါတယ်။
လွှတ်တော်မှာ လယ်သမားတွေရဲ့ သဘော ဆန္ဒနဲ့ မကိုက်ညီဘဲ အတည်ပြုခဲ့တဲ့ ဥပဒေကြမ်း တွေကို ပယ်ဖျက်ရေး အတွက်လည်း ဆွေးနွေး ခဲ့တယ်လို့ သိရပါတယ်။
တောင်သူ လယ်သမားများ ဘဝ တိုးတက်ရေး အင်အားစု ဦးဆောင်သူ တယောက် ဖြစ်တဲ့ ကိုမျိုးသန့်က ဘီဘီစီကို ပြောပြရာမှာ ပထမ ပိုင်းမှာလည်း ၂ဝ၁ဝ လယ်ယာမြေ ဥပဒေကို လက်မှတ်ထိုး ကန့်ကွက်တဲ့ လှုပ်ရှားမှုတွေ ဆောင်ရွက်ခဲ့ကြောင်း ၊ လယ်သမားတွေ အဓိက ခံစားရတဲ့ မြေသိမ်းခံရတဲ့ ကိစ္စတွေ ၊ အမတော်ကြေး ကိစ္စတွေ ၊ ကိုယ်ကြိုက်တဲ့ သီးနှံတွေ စိုက်ခွင့်ရရေး ကိစ္စတွေ ဖြစ်နိုင်ဖို့ ဆွေးနွေးခဲ့ကြတယ်လို့ ဆိုပါတယ်။
ကျန်တဲ့ မြို့နယ် ဒေသတွေ မှာလည်း အခုလို နှီးနှော ဖလှယ်ပွဲတွေ လုပ်သွားဖို့ ကြိုးစား သွားမှာပါလို့လည်း ပြောပါတယ်။
တောင်သူ လယ်သမား သမဂ္ဂ ဖွဲ့စည်းနိုင်ဖို့ကိုလည်း ဆက်လက် လုပ်ဆောင်သွားဖို့ အစီအစဉ် ရှိတယ်လို့ ဆိုပါတယ်။
ဥပဒေ ဘောင်အတွင်းက ဆောင်ရွက်လို့ ရနိုင်သမျှ လုပ်ဆောင် သွားမှာပါလို့လည်း ပြောပါတယ်။

ဆူမားတြား ဆင်ရိုင်း နှစ် ၃ဝ တွင်း မျိုးတုန်းသွားနိုင်
ဆူမားတြား ဆင်ရိုင်းစားကျက်တွေကို မကာကွယ်ရင် နှစ် ၃ဝ အတွင်း မျိုးတုန်းသွားနိုင်
ဆူမားတြား ဆင်ရိုင်းတွေရဲ့စားကျက်တွေကို ချက်ချင်းမကာကွယ်ရင် နှစ်ပေါင်း ၃ဝ အတွင်း မျိုးတုန်းပျောက်ကွယ်သွားနိုင်တယ်ဆိုတဲ့ သတိပေးချက်တွေထွက်ပေါ် နေပါတယ်။
သစ်တောပြုန်းတီးမှုတွေကြောင့် ၁၉၈၅ က နေ ခုထိ အင်ဒိုနီးရှား ဆူမားတြား ကျွန်းပေါ်မှာရှိတဲ့ ဆင် ကောင်ရေ တဝက်ထိ ကျဆင်းနေပြီလို့ သဘာဝ ထိန်းသိမ်းစောင့်ရှောက်ရေး အဖွဲ့ WWF က ဆိုပါတယ်။
သစ်လုပ်ငန်း၊ ဆီအုန်းစိုက်ခင်းနဲ့ စက္ကူစက်တွေကြောင့် ဆူမားတြားသစ်တောတွေ ပျောက်ကွယ်ကုန်တာပါ။

ပါကစ္စတန်သမ္မတ နေပြည်တော် ရောက်
ပါကစ္စတန်သမ္မတ Asif Ali Zardari ဟာ နှစ်ရက်ကြာခရီးစဉ်အဖြစ် မြန်မာနိုင်ငံကို ဒီကနေ့ရောက်လာပါတယ်။ ပါကစ္စတန် သမ္မတဟာ မြန်မာသမ္မတ ဦးသိန်းစိန်နဲ့ နေပြည်တော်မှာ ဒီကနေ့ တွေ့ဆုံခဲ့ကြပါပြီ။ သူ့ကိုကျန်းမာရေးဝန်ကြီး ဦးဖေသက်ခင်နဲ့ ပညာရေးဝန်ကြီး ဦးမြအေးတို့က လေဆိပ်မှာကြိုဆိုခဲ့ကြပါတယ်။ အခုညပိုင်းမှာပဲ သမ္မတ အိမ်တော်မှာ ညစာစားဖို့ ရှိပါတယ်။ နှစ်နိုင်ငံဆက်ဆံရေး၊ ပူးပေါင်းဆောင်ရွက်ရေး၊ စီးပွားရေးနဲ့ ကုန်သွယ်ရေး လုပ်ငန်းတွေ တိုးမြှင့်ဖို့ကိစ္စတွေ ဆွေးနွေးမယ်လို့ ပါကစ္စတန်သမ္မတရဲ့ရုံးက ကြိုပြီးသတင်းထုတ် ပြန်ထားတာရှိပါတယ်။ ပါကစ္စတန် နိုင်ငံကို အာစီယံအသင်းနဲ့ အပြည့်အ၀ ဆွေးနွေးဖက်နိုင်ငံအဖြစ် သတ်မှတ်ရေးကိစ္စကိုပါ ဆွေးနွေးဖို့ရှိတယ်လို့ ဆိုပါတယ်။ ရေနံနဲ့သဘာဝဓါတ်ငွေ့လုပ်ငန်းတွေ ပူးပေါင်းဆောင်ရွက်ရေးကိစ္စကိုလည်း ဆွေးနွေးကြလိမ့်မယ် လို့ မျှော်လင့်ရတယ်လို့ ဆိုပါတယ်။ မနက်ဖြန်ကျရင်တော့ ပါကစ္စတန်သမ္မတ ဟာ မြန်မာ့ ဒီမိုကရေစီခေါင်းဆောင်ဒေါ်အောင်ဆန်းစုကြည် နဲ့ ရန်ကုန်မြို့မှာ တွေ့ဆုံပါလိမ့်မယ်။ ပြီးရင် သတင်းစာရှင်းလငးပွဲလည်း လုပ်ပါလိမ့်မယ်။
ပါကစ္စတန်သမ္မတနဲ့အတူ သူ့ရဲ့ သားနဲ့သမီးလည်း မြန်မာပြည်ကို လိုက်ပါလာခဲ့ကြတာပါ။ သမ္မတ Zardari ရဲ့ ပါကစ္စတန်ပြည်သူ့ပါတီမှာ သူ့ရဲ့သား Bilawal Zardari Bhutto က ဥက္ကဋ္ဌ ပါ။ ၂၀၀၇ ခုနှစ် မှာ လုပ်ကြံခံရလို့ သေဆုံးခဲ့ရတဲ့ သမ္မတ Zardari ရဲ့ ဇနီး ၀န်ကြီးချုပ်ဟောင်း ဘနီဇီယာဘူတိုဟာလည်း ဒေါ်အောင်ဆန်းစုကြည် ကို လေးစားတဲ့သူတဦးပါ။ ပါကစ္စတန်ပြည်သူ့ပါတီက ဘနီဇီယာဘူတိုရဲ့ ဒီမိုကရေစီဆုကို ပြီးခဲ့တဲ့ ၂၀၁၀ပြည့်နှစ် ဇွန်လတုန်းက ဒေါ်အောင်ဆန်းစုကြည်ကို ချီးမြှင့်ခဲ့ပါတယ်။ အဲဒီဆုကို မနက်ဖြန်ကျရင် ဒေါ်အောင်ဆန်းစုကြည်ကို ပေးအပ်မှာပါ။
ပါကစ္စတန် သမ္မတ Zardari ဟာ ရန်ကုန်မြို့မှာရှိတဲ့ မဂိုဘုရင် စပါးရှားရဲ့ အုတ်ဂူကိုလည်း သွားပြီး ဂါရ၀ပြုဖို့ ရှိပါတယ်။

Oscar ထူးချွန်ဆုစာရင်းဝင် ရုပ်ရှင်ဇာတ်ကားများ
မာတင် စကော့ဆေးဆီး (Martin Scorsese) ရိုက်ကူးတဲ့ Hugo လို့ခေါ်တဲ့ 3D သုံးဘက်မြင် ကာတွန်း ရုပ်ရှင်ကားဟာ အကောင်းဆုံး ဇာတ်ကားဆုအပါအ၀င် ဒီနှစ်အတွက် အော်စကာ ၁၁ ဆု လျာထားခံရပါတယ်။
ဒါဟာ အော်စကာ လျာထားခံရမှု အများဆုံး စာရင်းမှာရှိတဲ့ The Artist အသံတိတ် ရုပ်ရှင်ကား ထက်ကို ကျော်သွားတာဖြစ်ပါတယ်။ အော်စကာလျာထားခံရတဲ့ စာရင်းတွေကို ကယ်လီဖိုး နီးယားပြည်နယ် Beverly Hills မှာ Academy of Motion Picture Arts and Sciences က မနေ့က ကြေညာခဲ့တာဖြစ်ပါတယ်။
ပြင်သစ်ဒါရိုက်တာ ရိုက်ကူးတဲ့ ဟောလိဝုဒ် အသံတိတ် ရုပ်ရှင်ကား The Artist ကတော့ အကောင်းဆုံး ဇာတ်ကားဆု အပါအ၀င် အော်စကာ ၁၀ ဆု လျာထားခံရပါတယ်။ The Artist ဇာတ်ကားဟာ ဒီလ Golden Globes ပွဲမှာ အကောင်းဆုံး ဟာသဇာတ်ကားဆု ရခဲ့ပြီးတဲ့နောက် အကောင်းဆုံး ဇာတ်ကားတစ်ကားအနေနဲ့ လူကြိုက်အများဆုံး ဇာတ်ကားတွေထဲမှာ ပါဝင်လာ ခဲ့တာပါ။
အကောင်းဆုံး ဇာတ်ကားဆုအတွက် လျာထားခံရတဲ့ကားတွေထဲမှာ Baseball ကစားတဲ့ အကြောင်းကို ရိုက်ထားတဲ့ Moneyball ရုပ်ရှင်ကားနဲ့ ဒါရိုက်တာ Steven Spielberg ရဲ့ ပထမကမ္ဘာစစ်တွင်းက မြင်းတွေအကြောင်းကို ရိုက်ထားတဲ့ War Horse ဇာတ်ကားတွေပဲ ဖြစ်ပါတယ်။
Moneyball နဲ့ War Horse ကားတွေဟာ အကောင်းဆုံး ဇာတ်လမ်းဆုအပါအ၀င် အော်စကာ ၆ ခုစီ လျာထားခံရတဲ့ ဇာတ်ကားတွေပဲဖြစ်ပါတယ်။
မြန်မာလူ့အခွင့်အရေးကော်မရှင် EU ထောက်ပံ့မည်
အီးယူ ဥရောပသမဂ္ဂအနေနဲ့ မြန်မာနိုင်ငံကို အကူအညီတွေပေးဖို့ စီစဉ်ထားတဲ့အထဲမှာ မြန်မာနိုင်ငံအမျိုးသား လူ့အခွင့်အရေးကော်မရှင်ကိုလည်း ထောက်ပံ့ပေးဖို့ ပါဝင်ပါတယ်။
အီးယူ ဥရောပသမဂ္ဂအနေနဲ့ မြန်မာနိုင်ငံကို အကူအညီတွေပေးဖို့ စီစဉ်ထားတဲ့အထဲမှာ မြန်မာနိုင်ငံအမျိုးသား လူ့အခွင့်အရေးကော်မရှင်ကိုလည်း ထောက်ပံ့ပေးဖို့ ပါဝင်ပါတယ်။ လူ့အခွင့်အရေးကော်မရှင်ကို အစိုးရက ဖွဲ့ပေးထားတယ်ဆိုပေမဲ့၊ အခုလို အကူအညီတွေအပါအ၀င် လုပ်ငန်းတွေကို ကော်မရှင်အနေနဲ့ သီးခြား လွတ်လွတ်လပ်လပ် ဆောင်ရွက်သွားမှာဖြစ်တယ်လို့ လူ့အခွင့်အရေးကော်မရှင် ဥက္ကဋ္ဌ ဦးဝင်းမရ က ပြောပါတယ်။ ကိုသားညွန့်ဦးက ဆက်သွယ်မေးမြန်းထားပါတယ်။
********
အီးယူ ဥရောပသမဂ္ဂအနေနဲ့ မြန်မာနိုင်ငံကို ကနဦးအဆင့် ယူရို ၁၅၀ အကူအညီပေးဖို့ ဆုံးဖြတ်ထားတဲ့ အထဲမှာ လူထုအတွက် ကျန်းမာရေး လူမှုရေးကိစ္စရပ်တွေအပြင်၊ အစိုးရအဖွဲ့ရဲ့ နေ့စဉ်အုပ်ချုပ်ရေးစွမ်းရည် မြင့်တင်မှုဆိုင်ရာ အကူအညီတွေထဲ လူ့အခွင့်အရေးကော်မရှင်ကို ထောက်ပံ့ပေးဖို့လည်း ပါဝင်တယ်လို့ အီးယူ နိုင်ငံခြားဆက်ဆံရေးရုံး ပြောခွင့်ရသူ Maja Kocijaneic က ဗွီအိုအေကို ပြောခဲ့ပါတယ်။
“မြန်မာနိုင်ငံမှာ စွမ်းအင်မြင့်တင်ရေးတွေ လုပ်ပေးနိုင်ဖို့၊ ဆိုလိုတာက ၀န်ကြီးဌာနတွေရဲ့ စွမ်းဆောင်ရည် ပိုကောင်းလာ အောင်နဲ့ နေ့စဉ်ဘ၀ အုပ်ချုပ်ရေး ပုံမှန်လုပ်ငန်းတွေ ပိုမို အားကောင်းလာအောင် အကူအညီ ပေးမှာပါ။ ဒီခေါင်းစဉ် အောက်မှာပဲ လူ့အခွင့်အရေးကော်မရှင်ကိုလည်း ငွေကြေးထောက်ပံ့ကူညီဖို့ ရှိပါတယ်။”
အီးယူအနေနဲ့ မြန်မာနိုင်ငံတွင်း သိသာထင်ရှားတဲ့အပြောင်းအလဲတွေကြောင့် မြန်မာနိုင်ငံကို ၁၅ နှစ်ကြာ ဒဏ်ခတ် အရေးယူထားရာကနေ အခုလို အရေးယူမှုတွေကို တဖြေးဖြေးချင်း ပြန်လည်ရုပ်သိမ်းပြီး အကူအညီတွေ ပေးဖို့ပါ စဉ်းစားနေတာဖြစ်ပါတယ်။ လူ့အခွင့်အရေးကော်မရှင်ကို အကူအညီရပ်ဟာ အုပ်ချုပ်ရေးအဖွဲ့အစည်းတွေ စွမ်းရည် မြှင့်တင်ရေးခေါင်းစဉ်အောက်ကပဲ သွားမှာဆိုတာကြောင့် အစိုးရဘက်ကိုသွားမယ့် အကူအညီလိုတော့ ဖြစ်နေပါတယ်။ ဒါပေမဲ့ အီးယူနဲ့ တွေ့စဉ်မှာကတည်းက ဒီအကူအညီငွေတွေကို လူ့အခွင့်အရေးကော်မရှင်အနေနဲ့ သီးခြားလက်ခံပြီး၊ လွတ်လွတ်လပ်လပ် ထိုက်သင့်သလို သုံးစွဲမှာဖြစ်တယ်လို့ လူ့အခွင့်အရေးကော်မရှင် ဥက္ကဋ္ဌ ဦးဝင်းမရ က ဗွီအိုအေကို ပြောပါတယ်။
ဦးဝင်းမရ။ “လွတ်လပ်တယ်ဆိုတာ ဘယ်လိုနေရာမျိုးကို ကြည့်ရမလဲဆိုတာမှာ ကျနော်တို့ ဘတ်ဂျက်ကို ကိုယ့်ဘာသာ စီမံလို့ ရတယ်။ ၀န်ကြီးဌာနတခုရဲ့ အောက်မှာ ၀င်တာမျိုးမဟုတ်ဘူး။ National Institution တွေရဲ့ အဓိကအားနည်းချက်က ဘာလဲဆိုတော့ ကျနော်က ခြုံပြောရရင် ငွေလုံလုံလောက်လောက် မရှိခြင်း ပါပဲ။ ကျနော်တို့ ဆောင်ရွက်ချင်တဲ့ Project တွေအများကြီးရှိမယ်။ ဒါပေမဲ့ ငွေမရှိရင် လုပ်လို့ မရဘူး။ အစိုးရဘက်ကလည်း Grant နဲ့ ပေးတာကြောင့်မို့လို့ ပိုပိုလျှံလျှံကြီး ရှိချင်မှရှိမှာပေါ့။ အဲဒီတော့ အပြင် အဖွဲ့အစည်းတွေက ထောက်ပံ့တာကို ကျနော်တို့ လက်ခံကြရပါတယ်။ ကျနော်တို့ရဲက mandate ထဲမှလြည်း လက်ခံပိုင်ခွင့်ပေးထားပါတယ်။ ဒီတော့ အီးယူနဲ့တွေ့ပြီးဆွေးနွေးပါတယ်။ သူတို့ ကူညီမယ်ဆိုရင် ကျနော်တို့ လက်ခံမယ်လို့လည်း ပြောထားပါတယ်။ သူတို့ကူညီမယ်ဆိုရင် ကျနော်တို့ဘက်က စနစ်တကျ စာရင်းပြုစု ထားရှိပြီး သုံးစွဲနိုင်တဲ့ အနေအထားလည်း ရှိတယ်။ နောက်တခါ capacity Building အရည်အသွေး မြှင့်တင်ရေးအတွက်လည်း အကူအညီတွေပေးရင် ယူမယ်ဆိုတာလည်း ပြောထားတာရှိပါတယ်။”
ကိုသားညွန့်ဦး။ လူ့အခွင့်အရေးကော်မရှင်က ဘယ်လိုစနစ်နဲ့ ဖွဲ့စည်းထားပါလဲ။ ဆိုလိုတာက တခြားနိုင်ငံ တွေမှာတော့ mandate အရဆိုရင် လွှတ်တော်ကနေ ဖွဲ့စည်းပေးတယ်။ ခုကတော့ အစိုးရအဖွဲ့လို ဖြစ်နေ တယ်။
ဦးဝင်းမရ။ ဟုတ်ပါတယ်။ အစိုးရအဖွဲ့အနေနဲ့ ဖွဲ့စည်းပေးထားပါတယ်။ ဒါပေမဲ့ ဘာပေါ်မှာ အခြေခံလဲဆိုတော့ Constitution အဓိကအားဖြင့် Chapter 8  မှာပြဋ္ဌာန်းထားတဲ့ လူ့အခွင့်အရေးကိစ္စတွေကို ဖော်ထုတ် ကျင့်သုံးဖို့ Constitution တွေကို ကိုးကားပြီးတော့ အစိုးရအဖွဲ့က ဖွဲ့စည်းပေးခြင်းဖြစ်ပါတယ်။ ကျနော်တို့ရဲ့ mandate က Constitution ရဲ့ Chapter 8  မှာပါတဲ့ လူ့အခွင့်အရေးကိစ္စတွေကို အကောင်အထည်ဖော် ဆောင်ရွက်ပေးဖို့ပဲ ဖြစ်ပါတယ်။
ကိုသားညွန့်ဦး။ အစိုးရက ဖွဲ့စည်းပေးတာဆိုတဲ့အခါကျတော့ လွတ်လပ်မှု Independent နဲ့ ပတ်သက်လို့ရော ထိခိုက်နိုင်မလား။
ဦးဝင်းမရ။ “ဒါကတော့ ပုံစံအမျိုးမျိုးရှိတာပေါ့။ Paris Principle အရ ကျနော်တို့ ဖွဲ့စည်းတဲ့အခါမှာ Constitution ထဲမှာ ပြဋ္ဌာန်းပြီးတော့ ဖွဲ့စည်းတာမျိုးရှိတယ်။ ဒါမှမဟုတ် လွှတ်တော်က ဥပဒေပြဋ္ဌာန်း ပြီးတော့ ဖွဲ့စည်းတာမျိုး ရှိပါတယ်။ အင်ဒိုနီးရှားနိုင်ငံမှာ အမျိုးသားလူ့အခွင့်အရေး ကော်မရှင် ဖွဲ့စည်း တုန်းကတော့ သမ္မတကနေ ခန့်အပ်ခဲ့ပါတယ်။ နောက် ၆နှစ်လောက်ကြာတဲ့အခါကျမှ ဥပဒေအရ လွှတ်တော်ကနေ ပြဋ္ဌာန်းပြီးတော့ ဖွဲ့စည်းခဲ့တယ်။ ကျနော်တို့ကတော့ အင်ဒိုနီးရှားနိုင်ငံရဲ့ Earlier Model အစောပိုင်းပုံစံအတိုင်း အခြေအနေအရ လိုအပ်လို့ လုပ်လိုက်တဲ့ ပုံစံအတိုင်းပဲ ဖြစ်ပါတယ်။”
လက်ရှိ မြန်မာနိုင်ငံ လူ့အခွင့်အရေးကော်မရှင်ကို ဖွဲ့စည်းရာမှာ လက်ရှိအစိုးရက ဖွဲ့ပေးပြီး၊ အဖွဲ့ဝင်တွေဟာ လည်း စစ်အစိုးရ အရာရှိဟောင်းတေပါဝင်နေတာမို့ အစိုးရသြဇာက လွတ်လပ်ပါ့မလားဆိုတဲ့ စိုးရိမ်မှု တွေ တော့ရှိပါတယ်။ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် Tomas Ojea Quintana   ကလည်း လူ့အခွင့်အရေးကော်မရှင်ဖွဲ့စည်းတာကို ကြိုဆိုပေမဲ့  ဒီအဖွဲ့ရဲ့ လွတ်လွတ်လပ်လပ် ဆောင်ရွက် ပိုင်ခွင့်ကိုတော့ စောင့်ကြည့်သွားမှာ ဖြစ်တယ်ဆိုတဲ့ သူ့ရဲ့ စိုးရိမ်မကင်းဖြစ်မှုကို ထုတ်ဖော်ပြောခဲ့ပါတယ်။
အိုဘားမားနိုင်ငံတော်အခြေပြမိန့်ခွန်းပြောမည်
သမ္မတအိုဘားမားက သူ့ရဲ့စီးပွားရေးရည်မှန်းချက်နဲ့ ပတ်သက်ပြီး နှစ်ပတ်လည် နိုင်ငံတော် အခြေပြ မိန့်ခွန်းမှာ ပြောဆိုဖို့ ရှိပါတယ်။ အမေရိကန်လွှတ်တော် နှစ်ရပ်စလုံးရှေ့မှောက်မှာ သမ္မတအိုဘားမားက နိုင်ငံတော်အခြေပြ မိန့်ခွန်းကို ဒီနေ့ အင်္ဂါနေ့ညဘက်မှာ ပြောဆိုမှာပါ။
ပညာရေး၊ ပတ်ဝန်းကျင်မညစ်ညမ်းစေတဲ့ သန့်ရှင်းတဲ့စွမ်းအင်နဲ့ စက်မှုလုပ်ငန်းတွေအပါအ၀င် ရေရှည် တည်တံ့မယ့် စီးပွားရေးလုပ်ငန်းတွေကို ထူထောင်သွားမယ့် အစီအစဉ်ကို သမ္မတအိုဘားမားက သူ့ကို ထောက်ခံသူတွေကို မနေ့က ဗီဒီယိုကနေမိန့်ခွန်းပြောဆိုလိုက်တာပါ။ ဒီအစီအစဉ်အားလုံးဟာ နိုင်ငံရဲ့ လူလတ်တန်းစားတွေအတွက် အကျိုးရှိစေမှာ ဖြစ်တယ်လို့ ဆိုပါတယ်။
အမေရိကန်စီးပွားရေးဟာ အကြီးအကျယ်ခြားနားတဲ့ အစွန်း နှစ်ဘက်နဲ့ရင်ဆိုင်နေရကြောင်း၊ တဘက်မှာ အခွင့်အလမ်း နည်းနေသလို မျှတမှုလည်းနည်းပါးနေပြီး တခြားတဘက်မှာတော့ ချမ်းသာတဲ့ လူနည်းစု အတွက်သာမဟုတ်ဘဲ အားလုံးအတွက်အလုပ်ဖြစ်မယ့် စီးပွားရေးပုံစံဖြစ်ဖို့ လိုကြောင်း သမ္မတအိုဘားမား က ရှင်းပြသွားပါတယ်။
သမ္မတအိုဘားမားရဲ့ သမ္မတသက်တမ်းမှာ ၃ ကြိမ်မြောက်အဖြစ်ပြောဆိုမယ့် နိုင်ငံတော် အခြေပြမိန့်ခွန်းကို အသုံးချပြီး သူ့ရဲ့ ပြိုင်ဘက် ရီပတ်ဘလီကန်တွေအကြား ခြားနားချက်တွေကို မီးမောင်းထိုးပြမှာ ဖြစ်ပါတယ်။

ဒေါ်စုနဲ့ ၈၈ကျောင်းသားခေါင်းဆောင်တွေ တွေ့ဆုံ

• မကြာသေးခင်ကမှ အကျဉ်းထောင်တွေအတွင်းကနေ လွတ်မြောက်လာကြတဲ့  ၈၈ မျိူးဆက်ကျောင်းသား ခေါင်းဆောင်တွေနဲ့  မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်တို့ဟာ ဒီကနေ့ညနေက ဒေါ်အောင်ဆန်းစုကြည်ရဲ့ နေအိမ်မှာ တွေ့ဆုံခဲ့ကြပါတယ်၊ ဒါဟာ  လွန်ခဲ့တဲ့ နှစ်ပေါင်း ၂၀ကျော်ကြာ တွင်း ပထမဆုံးအကြိမ် တွေ့ဆုံဖြစ်သလို မြန်မာနိုင်ငံရေးအတွက် ဒေါ်အောင်ဆန်းစူကြည်နဲ့အတူ ပူးပေါင်းလက်တွဲ သွားမယ်လို့လည်း  ၈၈ မျိူးဆက်ကျောင်းသားခေါင်းဆောင်တွေကပြောပါတယ်၊ ဒီအခြေအနေ အပြည့်အစုံကိုတော့  မသင်းသီရိက ဆက်ပြောပြပေးမှာပါ၊

နိုင်ငံရေးအကျဉ်းသားဟောင်း ၈၈မျိူးဆက်ကျောင်းသားခေါင်းဆောင်တွေနဲ့ ဒေါ်အောင်ဆန်းစုကြည်တို့ဟာ ဒီကနေ့ ဇန်န၀ါရီ ၂၄ ရက် အင်္ဂါနေ့ ညနေ ၆နာရီက  ရန်ကုန်မှာရှိတဲ့ ဒေါ်အောင်ဆန်းစုကြည်ရဲ့ေ နအိမ်မှာ တွေဆုံခဲ့ကြတာပါ၊ မြန်မာနိုင်ငံမှာ ၁၉၈၈ လူထုလှုပ်ရှားမှုကြီး ဖြစ်ခဲပြီးနောက်ပိုင်း နှစ်ပေါင်း ၂၀ေ ကျာ်ကြာတွင်း ဒီခေါင်းဆောင်တွေ ပထမဆုံးအကြိမ် ပြန်လည်တွေ့ဆုံကြတာလည်း ဖြစ်ပါတယ်၊ ၈၈မျိူးဆက် ကျောင်းသားခေါင်းဆောင်တွေထဲက ကိုမင်းကိုနိုင်၊ ကိုဌေးကြွယ်၊ ကိုကိုကြီး၊ ကိုမြအေး၊  ကိုဂျင်မီ ကို ပဏ္ဍိတ်ထွန်း ကိုအံဘွယ်ကျော်အပြင် ကိုပြုံချိူ ကိုအောင်သူတို့တွေ ဒေါ်အောင်ဆန်းစုကြည်နဲ့တွေဆုံပြီး ညစာအတူစားခဲ့ကြပါတယ်။
၈၈မျိးဆက်ကျောင်းသားတွေကတော့ မြန်မာ့နိုင်ငံရေးအတွက် ဒေါ်အောင်ဆန်းစုကြည်နဲ့ လက်တွဲ ဆောင်ရွက်ပြီး ပံ့ပိုးဖို့လည်း အသင့်ပဲလို့ ကိုမင်းကိုနိုင်က ပြောပါတယ်။
ကိုမင်းကိုနိုင်။ မြန်မာပြည်နိုင်ငံရေးမှာ ဒေါ်အောင်ဆန်းစုကြည်ကို ဘယ်လိုမှချန်ထားပြီး စဉ်းစားလို့ မရဘူးလေ၊ အဲဒီလိုအရေးကြီးဆုံး ပုဂ္ဂိုလ်တယောက်နဲ့ ကျနော်တို့ တောက်လျှောက်ထိတွေ့ပြီး ဆွေးနွေး နေရမှာပါ၊ မီဒီယာတွေမှာ အရင်ကတည်းက ကျနော်တို့ သဘောထားတွေပြောထားပြီးသားပါ၊ အဲဒီအပေါ်မှာ ဒေါ်အောင်ဆန်းစုကြည်အနေနဲ့ဘာမှကန့်ကွက်စရာ မရှိဘူးလို့ ပဲ ကျနော်တို့ သိရပါတယ်၊ ဒီကနေ့ ကျနော်တို့ ပြန်တွေ့ဆုံကြတဲ့ အနေအထားပေါ်မှာ အန်မတန်အားရစရာကောင်းတယ်၊ အားလုံးနားလည်မှုနဲ့ ရင်းနှီး ချစ်ကြည်မှုတွေ ပိုပြီးတော့ ရခဲ့တယ်၊ နှစ်ပေါင်းများစွာကွဲနေရတဲ့အတွက် အတိုးချပြီးတော့ ကျနော်တို့ အရင်ထက် ညီညွတ်ရေး ၊ မိသားစုအတွင်းမှာချစ်ကြည်ရေးက အစပေါ့ဗျာအားလုံးအဆင်ပြေချောမွေ့မယ်လို့ ဒီကနေ့ တွေ့ဆုံမှုအပေါ်မှာ ခန့်မှန်းလို့ရပါတယ်၊ ဒေါ်အောင်ဆန်းစုကြည်နဲ့ ကျနော်တို့ မတွေ့ပဲနေခဲ့ရတာ အခုကျတော့ ပြန်ပြီးတွေ့တယ်ဆိုတာ တကယ်တော့ မိသားစုပြန်လည်ဆုံတွေတဲ့ ပွဲမျှပဲ ဖြစ်ပါတယ်၊ တယောက်နဲ့တယောက် ကျန်းမာရေးကအစကွဲကွာနေတဲ့ မိသားစုတွေ ပြန်နှုတ်ဆက်တဲ့ သဘောပါ၊ )
၈၈မျိုးဆက်ကျောင်းသားခေါင်းဆောင် ကိုမင်းကိုနိုင်ပါ၊ နောက်ပိုင်းမှာလည်း ၈၈ အဖွဲ့နဲ့ ဒေါ်အောင်ဆန်းစုကြည် တို့ ထပ်မံတွေဆုံကာ  မြန်မာ့ နိုင်ငံရေးအခြေအနေတွေဆွေးနွေးဖိုရှိတယ်လို့ ပြောပါတယ်၊ ဒီကနေ့ ညနေတွေဆုံမှုတွေထဲါ အကြိမ်ကြိမ်အဖမ်းခံရတဲ့ သူတွေတွေရဲ့ အတွေအကြံတွေကို ပြောဆိုဖြစ်ခဲ့ကြတယ်လို့လည်း ကိုဂျင်မီက ပြောပါတယ်။
ကိုဂျင်မီ။ ပြောတာပေါ့၊ ပြောတာပေါ့၊ ကျနော်တို့ နောက်ကြောင်းအတွေအကြုံတွေ ဒါပဲ ရယ်စရာ မောစရာ အနေနဲ့ အတိတ်ကအကြောင်းတွေကို၊ အခုအချိန်မှာရီမောပြီး  ပြောနိုင်ကြတဲ့  သဘောတွေပါ၊ အဓိက ကတော့ ကျနော်တို့ ကျော်လွားခဲ့ရတဲ့ ဒုက္ခတွေကို  ရီစရာမောစရာအဖြစ် ပြန်ပြောနေကြတာပါ၊ အခု ပြန် ဆုံကြတယ်။ ကျနော်တို့ ဒါပျော်ရွင်ကြတဲ့ ပျော်ပျော်ရွင်ရွင်နဲ့ ဒါညစာစားကြတာပါ၊