27.01.2012 နေ့ဖတ်ရန်သတင်းများ

by Myanmar Journal on Friday, January 27, 2012 at 6:39am

 

 
နော်ဝေးနိုင်ငံခြားရေး ဝန်ကြီး ရောနတ်စ ဂက်စထရို 
နော်ဝေး နဲ့ ဒဏ်ခတ် ပိတ်ဆို့ရေး အစီအစဉ်

နော်ဝေး နိုင်ငံ အနေနဲ့ မြန်မာပြည် အပေါ်ဒဏ်ခတ် ပိတ်ဆို့မှု ပယ်ဖျက်ရေး ကိစ္စ စဉ်းစားနေပြီး ကြားဖြတ် ရွေးကောက် ပွဲ ကို စောင့်ကြည့် နေကြောင်း သိရ ပါတယ်။
ကြာသပတေးနေ့ က နော်ဝေး နိုင်ငံခြားရေး ရော်နတ် ဂတ်စ ထရို ဟာ မိတ်ဆွေ ၁၀ ပါတီ အဖွဲ့ က ကိုယ်စားလှယ် တွေ နဲ့ ရန်ကုန်မှာ တွေဆုံစဉ် နော်ဝေး နိုင်ငံ အနေနဲ့ မြန်မာပြည် မှာ ရင်းနှီးမြှုပ်နှံမှု တွေ လုပ်ဖို့ ဆန္ဒ ရှိနေပြီ ဖြစ်တဲ့ အကြောင်း နဲ့
လာမယ့် မြန်မာ့ ကြားဖြတ် ရွေးကောက်ပွဲ မှာ လွတ်လပ်ပြီး တရား မျှတမှု ရှိမရှိ ကို ကြည့် ပြီး ဆုံးဖြတ် သွားမယ် လို့ ပြောခဲ့တဲ့ အကြောင်း ဒီတွေ့ဆုံ ပွဲ ကို တက်ရောက်ခဲ့တဲ့ မိတ်ဆွေ ၁၀ ပါတီ အဖွဲ့ဝင် ရှမ်းတိုင်းရင်းသားများ ဒီမိုကရက်တစ် ပါတီ က ဗဟို ကော်မီတီ ဝင် စဝ်သန်းမြင့် က ဘီဘီစီ ကို ပြောပါတယ်။
စဝ်သန်းမြင့် က အဲဒီ တွေ့ဆုံပွဲမှာ ပြည်ထောင်စု အစိုးရ နဲ့ လွှတ်တော် တွေက ဒီမိုကရေစီ ပြုပြင်ပြောင်းလဲရေး အတွက် ကြိုးစား နေပေမယ့် အောက်ခြေ အဆင့်ဆင့် ဌာန တွေ မှာတော့ ပြုပြင် ပြောင်းလဲရေး တွေ ကို လက်မခံတဲ့ ပုံတွေ့ ရတယ် ဆိုတဲ့ သူ့ အမြင် ကို နော်ဝေး နိုင်ငံခြားရေး ဝန်ကြီး ကို ပြောခဲ့ပါတယ်။
နော်ဝေးနိုင်ငံ အပါအဝင် ဥရောပ နိုင်ငံတွေ က မြန်မာ အစိုးရ ရဲ့ ဒေါ်အောင်ဆန်း စုကြည် နဲ့ တွေ့ဆုံ ဆွေးနွေးတာ၊ ထင်ရှားတဲ့ နိုင်ငံရေး အကျဉ်းသား တွေကို အကျဉ်းချ ထားရာ ကနေ လွှတ်ပေးတာ စတဲ့ ပြုပြင် ပြောင်းလဲရေး ခြေလှမ်းတွေကို လက်ကမ်း ကြိုဆိုနေကြပြီး ဒဏ်ခတ် အရေးယူမှု တွေ ပြန်လည် စဉ်းစား နေကြပါတယ်။

မြန်မာ အပေါ် ပိတ်ဆို့ အရေးယူမှု ထပ်မလျော့ ပေးဖို့ ပန်ကြား
မြန်မာနိုင်ငံမှာ စစ်တပ်က ကျောထောက် နောက်ခံ ပေးထားတဲ့ လက်ရှိ အစိုးရက ပြုပြု ပြောင်းလဲရေး လုပ်ဆောင်မှုတွေကို ဂတိပေး ထားတဲ့ အတိုင်း လုပ်ပြမှသာ ပိတ်ဆို့ အရေးယူ ထားမှုတွေကို နောက်ထပ် လျော့ပေါ့ ပေးသင့်တယ်လို့ ဥရောပ သမဂ္ဂကို မြန်မာ့ အရေး တက်ကြွ လှုပ်ရှားတဲ့ Burma Campaign UK နဲ့ Human Rights Watch အဖွဲ့နှစ်ခုက တိုက်တွန်း လိုက်ပါတယ်။
ပြီးခဲ့တဲ့ တနင်္လာနေ့ တုန်းက မြန်မာ အစိုးရ ခေါင်းဆောင်တွေကို ဥရောပ နိုင်ငံတွေက ပြည်ဝင်ခွင့် ဗီဇာ ပိတ်ပင် ထားမှုကို ဥရောပ သမဂ္ဂက ရုတ်သိမ်း ပေးခဲ့ပါတယ်။
အာဏာပိုင်တွေဟာ ဖိနှိပ်ချုပ်ချုယ်ထားတဲ့ ဥပဒေတွေကို တခုမှ ပြန်ရုတ်သိမ်းပေးတာ မရှိသေးဘူးလို့ Burma Campaign UK က ပြောပါတယ်။
နောက်တဖွဲ့ ဖြစ်တဲ့ Human Rights Watch ကတော့ နိုင်ငံရေး အကျဉ်းသားတွေ အားလုံး ပြန်လွှတ်ပေးပြီး အများ ယုံကြည် လက်ခံရ လောက်တဲ့ ရွေးကောက်ပွဲ ကျင်းပပေးတဲ့ အထိ မြန်မာ အစိုးရ အပေါ် ဖိအား ဆက်ပေးနိုင်ဖို့ အရေးကြီးတယ်လို့ ဆိုပါတယ်။
အိန္ဒိယမှာ ရောက်နေတဲ့ မြန်မာ နိုင်ငံခြားရေး ဝန်ကြီး ဦးဝဏ္ဏမောင်လွင် ကတော့ လက်ရှိ လုပ်နေတဲ့ ပြုပြုင် ပြောင်းလဲရေးတွေဟာ နောက်ကြောင်း ပြန်လှည့်လို့ မရတဲ့ အခြေအနေမှာ ရှိနေပါတယ်လို့ ပြောပါတယ်။

US ဗဟိုဘဏ် အတိုးနှုန်း ဆက်ထိန်းထားဖွယ်ရှိ
ဗဟိုဘဏ် ဥက္ကဌ ဘန်ဘနန်ကီး အတိုးနှုန်း ဆက်ထိန်း ထားဖို့ ကြေညာ
အမေရိကန် ပြည်ထောင်စုမှာ ၂ဝ၁၄ ခုနှစ် အထိ အတိုးနှုန်းကို ဆက်ချထားနိုင်ဖွယ် ရှိတယ်လို့ ဗဟိုဘဏ် ဥက္ကဌ Ben Bernanke က ပြောပါတယ်။
ဒါပေမယ့် ဒါဟာ ခန့်မှန်းချက် သက်သက်သာ ဖြစ်ပြီး စီးပွားရေး ဦးမော့လာရင် အတိုးနှုန်းကို ပြင်ကောင်း ပြန်ပြင် နိုင်တယ်လို့ သူက ဆိုပါတယ်။
ဗဟိုဘဏ်က အတိုးနှုန်း ဆက်ချထားဖွယ် ရှိတယ်လို့ ပြောတာဟာ အမေရိကန် စီးပွားရေးဟာ အတန်အသင့် အခြေအနေမှာ ဆက်ရှိနေမယ့် လက္ခဏာဘဲလို့ ဘီဘီစီ စီးပွားရေး ဆိုင်ရာ သတင်းထောက်က သုံးသပ်ပါတယ်။
အမေရိကန် စီးပွားရေး အတန်အသင့် ရှိတဲ့ အနေအထားမှာ ငွေဖောင်းပွ မှုနှုန်း ကလည်း တိုးမလာဘူး ဆိုရင် အလုပ်လက်မဲ့နှုန်းလည်း တဖြည်းဖြည်း ကျဆင်း လာလိမ့်မယ်လို့ ဗဟိုဘဏ် ပေါ်လစီ ရေးရာ ကော်မတီက ထုတ်ပြန်ချက်မှာ ဖော်ပြ ထားပါတယ်။
ဒါ့အပြင် ငွေကြေး ဈေးကွက်က အခြေအနေတွေ ဆိုးရွားလာမယ် ဆိုရင် အနာဂတ် စီးပွားရေး အခြေအနေ ဆုတ်ယုတ်မယ့် အန္တရယ် ရှိတယ်လို့လည်း ဆိုထားပါတယ်။
အမေရိကန် ပြည်ထဲရေး ဝန်ကြီး Janet Napolitanoတဆက်တည်း ဆိုသလို အမေရိကန် ပြည်ထောင်စုဟာ သူ့နိုင်ငံထဲကို ကုန်ပစ္စည်း တင်သွင်းလာတဲ့ လမ်းကြောင်းတွေကို အန္တရယ် ပေးနိုင်တဲ့ နည်းလမ်းတွေ ဖြစ်တဲ့ အကြမ်းဖက် တိုက်ခိုက်မှုတွေနဲ့ သဘာဝ ဘေးအန္တရယ် ရန်တွေက ကာကွယ်နိုင်အောင် မဟာဗျူဟာသစ် တရပ်ကို ချမှတ်ခဲ့ပါတယ်။
အဲဒီ ဘေးအန္တရယ် တွေဟာ အမေရိကန်က အားထားနေရတဲ့ စွမ်းအင်နဲ့ သတင်း အချက်အလက် ဆိုင်ရာ နက်ဝါ့ခ်တွေ ၊ ပင်လယ် ရပ်ခြား ကုန်တင်ပို့မှုတွေ ခြိမ်းခြောက်နေတယ်လို့ ဆိုပါတယ်။
အစားအစာ ၊ ဆေးဝါး ၊ လောင်စာဆီနဲ့ အမေရိကန် တွေရဲ့ နေ့စဉ် လူနေမှု ဘဝမှာ အသုံးပြုနေရတဲ့ ကုန်တွေကို တကမ္ဘာလုံး ဆိုင်ရာ ကုန်စည် စီးဆင်း တင်ပို့မှု ကနေ ထောက်ပံ့ပေး နေတာ ဖြစ်တယ်လို့ အဲဒီ ထုတ်ပြန်ချက်မှာ ဖော်ပြထားပါတယ်။

လစ်ဗျားက လက်နက် ကိုင်ဆောင်မှု သတိပေးပြီ
လစ်ဗျား နိုင်ငံမှာ အစိုးရ မဟုတ်တဲ့ လက်နက်ကိုင် တပ်ဖွဲ့ဝင်တွေကို ထိန်းချုပ်လို့ မရတဲ့ ပြဿနာဟာ တိုင်းပြည် မငြိမ်မသက် မှုကို ဆိုးရွား လာစေပြီး အချုပ်ခန်းတွေ ထဲမှာလည်း တရားမဝင် ဖမ်းထားတဲ့ သူတွေ အများကြီးဘဲလို့ လစ်ဗျား ဆိုင်ရာ ကုလသမဂ္ဂ အထူး သံတမန် Ian Martin က ပြောပါတယ်။
လတ်တလော ဖြစ်ပျက်ခဲ့တဲ့ ဘန်နီဝါလီမြို့နဲ့ ဘန်ဂါဇီ မြို့တွေက အဖြစ်အပျက် တွေဟာ အစိုးရရဲ့ ဒီလက်နက်ကိုင် တွေ အပေါ် မထိန်းချုပ် နိုင်တာ ပေါ်လွင်နေတယ်လို့ မစ္စတာ မာတင်က လုံခြုံရေး ကောင်စီ မိန့်ခွန်းမှာ ထည့်သွင်း ဆိုသွားခဲ့ပါတယ်။
ကြားဖြတ် အစိုးရ အဖွဲ့ဟာ ဒီ လက်နက်ကိုင် အရံတပ်ဖွဲ့ဟောင်း တွေကို ချေမှုန်းဖို့ ကြိုးစားနေပေမယ့် သူတို့အစိုးရ တရားဝင် အသိအမှတ် ပြုခံရဖို့ ကိုတောင် မနည်း ရုန်းကန် ကြိုးစား နေရတယ်လို့ မစ္စတာ မာတင်က ပြောပါတယ်။
ကုလသမဂ္ဂ လူ့အခွင့်အရေး ဆိုင်ရာ ကော်မရှင်နာ မင်းကြီး နာဗီ ပီလေး ကလည်း ကဒါဖီ သစ္စာခံ တပ်ဖွဲ့ဝင် ရှစ်ထောင်ကျော် ဟာ တရားမဝင် လက်နက် ကိုင်ဆောင် ထားကြပြီး ထိန်းသိမ်းရေး စခန်းတွေမှာလည်း ညှင်းပမ်း နှိပ်စက်မှု ရှိတယ် ဆိုတဲ့ သတင်းတွေ ထွက်နေတယ်လို့ ဆိုပါတယ်။

ရဲချုပ်ကို ရာထူးက ဖယ်ရှားလိုက်တဲ့ သမ္မတ Goodluck Jonathanနိုင်ဂျီးရီးယား ရဲချုပ်ကို သမ္မတ ရာထူးက ဖယ်ရှား
နိုင်ဂျီးရီးယား နိုင်ငံမှာ အစ္စလာမ် ဝါဒီ Boko Haram အဖွဲ့ရဲ့ ဗုံးခွဲ တိုက်ခိုက်မှုတွေ ဖြစ်ခဲ့ပြီးတဲ့နောက် သမ္မတ Goodluck Jonathan က ရဲချုပ်ကို ရာထူးက ဖယ်ရှားလိုက်ပါတယ်။
အင်စပက်တာ ဗိုလ်ချုပ်ကြီး Hafiz Ringim ကို အငြိမ်းစား မယူခင် ၏၊ ခွင့်နဲ့ အနားပေးလိုက်ပြီလို့ သမ္မတရဲ့ ကြေညာချက် ထဲမှာ ဖော်ပြထား ပါတယ်။
ပြီးခဲ့တဲ့ သောကြာနေ့တုန်းက နိုင်ငံ မြောက်ပိုင်း ကာနိုမြို့မှာ ဘိုခိုဟာရမ် အဖွဲ့ရဲ့ ဗုံးခွဲ တိုက်ခိုက်မှုကြောင့် လူ၁ဂ၅ ယောက် သေဆုံးခဲ့ ရပြီး အဲဒီမြို့မှာ ညမထွက်ရ အမိန့် ကြေညာ ထားတာတောင် ပြီးခဲ့တဲ့ အင်္ဂါနေ့ ညတုန်းက အဲဒီ အဖွဲ့ကဘဲ ထပ်ပြီး ဗုံးဖောက်ခွဲ လိမ့်မယ်လို့ ပြောဆိုမှုတွေ ထွက်ပေါ်ခဲ့တာ ဖြစ်ပါတယ်။
ခရစ်ယန် ဘုရားရှိခိုးကျောင်း တခုကို ဗုံးခွဲ တိုက်ခိုက်မှုနဲ့ ပတ်သက်လို့ နောက်ကွယ်က ကြိုးကိုင်ခဲ့တယ်လို့ သံသယ ရှိနေတဲ့ လူတယောက် ရဲအချုပ်ကနေ လွတ်သွားခဲ့ ပြီးတဲ့နောက် ရဲချုပ် ရာထူးက နှုတ်ထွက်ပေးဖို့ တောင်းဆိုမှုတွေ ပေါ်ပေါက်ခဲ့တာ ဖြစ်ပါတယ်။

အန္တရာယ် ရှိတဲ့ နှလုံးရောဂါ ဆေးကြောင့် သေဆုံးသူ ရာကျော်ရှိ
အဲဒီဆေး လက်ဝယ်ရှိထားသူတွေ ပြန်အပ်နှံဖို့ ညွှန်ကြားထား
ပါကစ္စတန်နိုင်ငံ လာဟိုးရ်မြို့မှာ အန္တရာယ် ဖြစ်စေတဲ့ ပစ္စည်းတွေ မှားပါသွားတဲ့ နှလုံး ရောဂါ ဆေးတမျိုးကို သောက်မိပြီး သေဆုံးခဲ့သူပေါင်း အခုအခါ ၁၀၀ ကျော် သွားပြီလို့ သိရပါတယ်။
နောက်ထပ် လူ၂၅၀ လောက်လည်း ဆေးရုံတင် ထားရတယ်လို့ ဆရာဝန်တွေက ပြောပါတယ်။
အဲဒီဆေးတွေကို ဆင်းရဲသား နှလုံးရောဂါသည် တွေအတွက် အခမဲ့ ဝေငှ ပေးခဲ့တာ ဖြစ်ပါတယ်။
ပြီးခဲ့တဲ့ ဒီဇင်ဘာလ ၁၅ ရက်ကစပြီး လူလေးသောင်း နီးပါးလောက်ကို အဲဒီဆေးတွေ ဝေပေးကောင်း ဝေပေးခဲ့ပုံ ရှိတယ်လို့ အစိုးရ တာဝန်ရှိ ပုဂ္ဂိုလ်တွေက သတိပေးထားပါတယ်။
အဲဒီဆေး နမူနာကို စမ်းသပ် စစ်ဆေးဖို့ ပါကစ္စတန်၊ လန်ဒန်နဲ့ ပဲရစ်မြို့တွေဆီ ပို့ထားပြီး ဖြစ်ပါတယ်။
ဒီကိစ္စနဲ့ ပတ်သက်လို့ စုံစမ်းစစ်ဆေးမှုတွေ စလုပ်နေပြီလို့ အစိုးရ တာဝန်ရှိ ပုဂ္ဂိုလ်တွေက ပြောပါတယ်။
ဒေသခံ ဆေးဆိုင် ၃ခုက ပိုင်ရှင်တွေကို စစ်ဆေးမေးမြန်းဖို့ ခေါ်ယူ ထိန်းသိမ်းထားတယ်လို့ သိရပါတယ်။

လစ်ဗျား အကျဉ်းစခန်းတွေကနေ MSF ပြန်ရုပ်
ထိန်းသိမ်းရေး စခန်းတွေထဲမှာ နှိပ်စက် ညှင်းပန်းမှု တွေ ရှိနေ
Medecins Sans Frontieres လို့ ခေါ်တဲ့ MSF နယ်စည်းမခြား ဆရာဝန်များအဖွဲ့ ဟာ လစ်ဗျားနိုင်ငံ မစ်ဆရာတာမြို့က ထိန်းသိမ်းရေးစခန်းတွေမှာ သူတို့ ဆေးကုသမှု ပေးနေတာတွေကို ရပ်ဆိုင်း ထားလိုက် ပါတယ်။
အဲဒီ ထိန်းသိမ်းရေးစခန်းတွေမှာ ထိန်းသိမ်းခံ နေရသူတွေကို အမြဲလိုလို နှိပ်စက် ညှင်းပန်း တာတွေ ရှိနေတာကြောင့် အခုလို ရပ်ဆိုင်း လိုက်တာလို့ နယ်စည်းမခြား ဆရာဝန်များ အဖွဲ့က ပြောပါတယ်။
လစ်ဗျား ထိန်းသိမ်းရေးစခန်းတွေမှာ နှိပ်စက်ညှင်းပန်းမှုတွေဟာ တဖြေးဖြေး ကြီးထွားလာနေတဲ့ ပြသနာတရပ် ဖြစ်လာနေပြီလို့ ကုလသမဂ္ဂ လုံခြုံရေးကောင်စီက သတိပေးခဲ့ပြီး နောက်တရက်မှာပဲ နယ်စည်းမခြားဆရာဝန်များအဖွဲ့က အခုလို ထုတ်ဖေါ် ကြေညာလိုက်တာပါ။
လစ်ဗျားမှာ အကြမ်းဖက်မှုတွေအပါအဝင် ဒီမိုကရေစီမကျတဲ့ လုပ်ဆောင်နေမှုတွေနဲ့ ပတ်သက်လို့ ကြားဖြတ်အစိုးရ အပေါ် ဝေဖန်မှုတွေ လောလောဆယ်ရက်တွေမှာ တိုးလာနေတယ်လို့ ဆိုပါတယ်။
မစ်ဆရာတာ ထိန်းသိမ်းရေးစခန်းတွေမှာ နှိပ်စက်ခံရလို့ ရတဲ့ ဒဏ်ရာတွေကြောင့် ကုသပေးရသူပေါင်း တရာကျော်လောက် ရှိတယ်လို့ နယ်စည်းမခြား ဆရာဝန်များ အဖွဲ့က ပြောပါတယ်။
ဒေသ အာဏာပိုင်တွေကို အသိပေးပြောကြားခဲ့ပေမယ့် ဘာမှ အရေးယူ ဆောင်ရွက်ခြင်း မရှိဘူးလို့ နယ်စည်းမခြား ဆရာဝန်များ အဖွဲ့က ပြောပါတယ်။
လစ်ဗျား ခေါင်းဆောင်ဟောင်း ကဒါဖီကို ထောက်ခံခဲ့တယ်လို့ စွပ်စွဲခံရသူ ရှစ်ထောင့် ငါးရာလောက်ဟာ လက်နက်ကိုင် ပြည်သူ့စစ်တွေ ကွပ်ကဲနေတဲ့ အကျဉ်းထောင်တွေမှာ ထိန်းသိမ်း ခံနေရတယ်လို့ ကုသမဂ္ဂ လူ့အခွင့်အရေးဆိုင်ရာ မင်းကြီး နာဗီ ပီလေးက လုံခြုံရေးကောင်စီမှာပြောကြားခဲ့ပါတယ်။
ဗဟိုက ကြီးကြပ် ကွပ်ကဲမှု လျော့နည်းတာကြောင့် အကြမ်းဖက်မှုတွေ၊ မဖွယ်မရာ ပြုမူတွေ ဖြစ်ပေါ်လာစေခဲ့တယ်လို့ သူက ပြောခဲ့ပြီး နိုင်ငံမှာရှိတဲ့ ထိန်းသိမ်းရေး စခန်းတွေကို ထိန်းချုပ် ကွပ်ကဲဖို့ လစ်ဗျား အာဏာပိုင်တွေကို သူက တိုက်တွန်းခဲ့ပါတယ်။

မြဝတီ ကော့ကရိတ်လမ်း ၂နှစ်အတွင်းအပြီးဖေါက်မည်
ထိုင်းမြန်မာ လမ်းဖေါက်ရေး အစည်းအဝေးကို မဲဆောက်မြို့မှာ ကျင်းပခဲ့
၄၅ ကီလိုမီတာ ရှည်လျားတဲ့ မြဝတီ ကော့ကရိတ် မြေပြန့်အဝေးပြေးလမ်းကို ၂၀၁၂နှစ်အစကနေ ၂၀၁၄ ဧပြီလအတွင်း အပြီးဖေါက်ဖို့ နှစ်နိုင်ငံ ကိုယ်စားလှယ်တွေ မဲဆောက်မှာ ညှိနှိုင်းကြပါတယ်။
ဒီလမ်းကို ထိုင်းနိုင်ငံက ဘတ်သန်း ၁၁၄၀ အကုန်အကျခံပြီး ထိုင်းနိုင်ငံလမ်းတွေရဲ့ စံချိန်အတိုင်းဖေါက်သွားမှာဖြစ်ပါတယ်။
အခုလမ်းဟာ မြေပြန့်လမ်းဖြစ်ပြီး လက်ရှိ သုံးနေတဲ့ ဒေါနတောင်ကို ဖြတ်ဖေါက်တဲ့ လမ်းထက် ၂၀ ကီလိုမီတာလောက် လမ်းခရီး ပိုတိုသွားမှာဖြစ်ပါတယ်။
ဒီအဝေးပြေးလမ်းဟာ ထိုင်းမြန်မာ နှစ်နိုင်ငံကုန်သွယ်ရေးအတွက် သာမက အာစီယံ နိုင်ငံတွေအတွက်ပါ အကျိုးရှိမယ်လို့ အစည်းအဝေး တက်ရောက်တဲ့ မြန်မာ ကိုယ်စားလှယ် အဖွဲ့ ခေါင်းဆောင် ပြည်သူ့ဆောက်လုပ်ရေး ဝန်ကြီးဌာနမှ ဦးဝင်းတင့်က ဘီဘီစီကိုပြောပါတယ်။
ဒီအစည်းအဝေးမှာ လက်ရှိ ထိုင်းမြန်မာ ချစ်ကြည်ရေး တံတားဟောင်း ပြုပြင်ရေး အပြင် ထိုင်းမြန်မာ စီးပွားရေးဇုံအတွက် လိုအပ်နေတဲ့ ချစ်ကြည်ရေး တံတားသစ် ဆောက်လုပ်ရေး ကိစ္စပါ ဆွေးနွေးခဲ့ကြပါတယ်။

ပြည်သူ့လွှတ်တော်နဲ့ အမျိုးသား လွှတ်တော်တွေ ပြန်စ
လာမယ့်နှစ်အတွက် ဘတ်ဂျက်ငွေ ဥပဒေ မူကြမ်းကို ဆွေးနွေးဖို့ရှိ
မြန်မာနိုင်ငံမှာ ပြည်သူ့လွှတ်တော်နဲ့ အမျိုးသား လွှတ်တော်တွေကို ဒီကနေ့ ကြာသပတေးနေ့မှာ ပြန်လည် စတင် လိုက်ပါတယ်။
ပထမအကြိမ် တတိယ လွှတ်တော် အစည်း အဝေးတွေ ပြန်စတဲ့ အဲဒီအခမ်းအနားကို သမ္မတ ဦးသိန်းစိန်က သဝဏ်လွှာ ပေးပို့ခဲ့ရာမှာ စီးပွား ရေးနဲ့ ရင်းနှီးမြှုပ်နှံမှုတွေ တိုးမြင့်လာအောင် အစိုးရက ဆောင်ရွက် နေသလို ဆင်းရဲမွဲတေမှု လျော့ကျသွားရေး လုပ်ငန်းစဉ်တွေကိုလည်း လုပ်ဆောင်နေတယ်လို့ ဖေါ်ပြထားပါတယ်။
ဒါ့အပြင် ပြည်တွင်း ငြိမ်းချမ်းရေးတွေ လုပ်ဆောင်နေပြီး ထာဝရ ငြိမ်းချမ်းရေး ရဖို့ ဆက်လက် ဆောင်ရွက်သွားမယ်လို့ ဖေါ်ပြထားပါတယ်။
အခုပြန်ကျင်းပတဲ့ လွှတ်တော်တွေမှာ နိုင်ငံတော် ရသုံးငွေ ဘတ်ဂျက်အကြောင်း အဓိကထား ဆွေးနွေးကြမှာ ဖြစ်ပါတယ်။
အရင် အစိုးရ လက်ထက်မှာတော့ နိုင်ငံတော် ဘတ်ဂျက်ရဲ့ လေးပုံတပုံကို ကာကွယ်ရေး အတွက် ရာထား အသုံးပြုခဲ့ပြီး နှစ်ရာခိုင်နှုန်းအောက် ကိုပဲ ကျန်းမာရေးကဏ္ဍအတွက် ရာထား အသုံးပြု ခဲ့ပါတယ်။
စီးပွားရေး တက္ကသိုလ် အငြိမ်းစား ပါမောက္ခချုပ် ဦးမော်သန်းကတော့ နိုင်ငံတော် ဘတ်ဂျက်ဟာ နိုင်ငံ ဖွံ့ဖြိုး တိုးတက်ရေးအတွက် အရေးပါပြီး မြန်မာနိုင်ငံမှာ လူသား အရင်းအမြစ် ဖွံ့ဖြိုးတိုးတက်ရေး အတွက် ကျန်းမာရေး ကဏ္ဍနဲ့ ပညာရေး ကဏ္ဍ ၂ရပ်ပေါင်းအတွက် အစိုးရ ဘတ်ဂျက်ရဲ့ ၃၅ ရာခိုင်နှုန်းလောက် ရာထားသင့်တယ်လို့ သုံးသပ်ပါတယ်။
ပြည်ထောင်စု လွှတ်တော်ကိုတော့ အခုလ ၃၁ရက်နေ့မှာ ကျင်းပဖို့ ရှိပါတယ်။

ဆီးရီးယားအရေး လုံခြုံရေးကောင်စီ တင်မည်
By ဗွီအိုအေ (မြန်မာဌာန)
ဆီးရီးယားနိုင်ငံက လပေါင်းများစွာ ကြာနေပြီဖြစ်တဲ့ အုံကြွမှုတွေကို ဖြေရှင်းနိုင်မယ့် အာရပ်နိုင်ငံတွေရဲ့ အစီအစဉ်တရပ်ကို ကုလသမဂ္ဂ လုံခြုံရေးကောင်စီမှာ တနင်္လာနေ့ကျရင် ကာတာနိုင်ငံ ဝန်ကြီးချုပ်နဲ့အတူ ပူးတွဲတင်သွင်းသွားမယ်လို့ အာရပ်အဖွဲ့ချုပ်ရဲ့ အကြီးအကဲ Nabil Elaraby က ပြောလိုက်ပါတယ်။
ဆီးရီးယား သမ္မတ Bashar al-Assad က ဒုသမ္မတ ဖြစ်သူထံ အာဏာလွှဲပြောင်းပေးပြီး အထွေထွေရွေးကောက်ပွဲအတွက် ပြင်ဆင်ဖို့ အမျိုးသားညီညွတ်ရေး အစိုးရတရပ် ဖွဲ့စည်းရေး စီစဉ်ထားတဲ့ အဆိုပြုချက်ကို လုံခြုံရေးကောင်စီက အတည်ပြုချက်ရဖို့ သူနဲ့ကာတာနိုင်ငံ ခေါင်းဆောင်တို့က တောင်းခံသွားကြမှာ ဖြစ်တယ်လို့လည်း အီဂျစ်နိုင်ငံ ကိုင်ရိုမြို့မှာ ကြာသပတေးနေ့က ပြောလိုက်တာပါ။
ကုလသမဂ္ဂ ရုံးချုပ်ရှိရာ နယူးယောက်မြို့ကို စနေနေ့မှာ သွားမယ်လို့လည်း အာရပ်အဖွဲ့ချုပ် အကြီးအကဲက ပြောပေမယ့် ကုလသမဂ္ဂ တာဝန်ရှိသူတွေကတော့ ခရီးစဉ်နဲ့ ပတ်သက်လို့ အတည်ပြုချက် မပေးသေးပါဘူး။ ကာတာဝန်ကြီးချုပ် Sheikh Hamad bin Jassim al-Thani ဟာ ဆီးရီးယား နိုင်ငံက အခြေအနေတွေကို အကဲခတ်ဖို့ စေလွှတ်ခဲ့တဲ့ အာရပ် အဖွဲ့ချုပ်ရဲ့ ကော်မီတီတရပ်ကို ဦးဆောင်ခဲ့သူ ဖြစ်ပါတယ်။
ဆီးရီးယားသမ္မတကို ထောက်ခံတဲ့ တပ်ဖွဲ့တွေက ငြိမ်းချမ်းတဲ့ ဆန္ဒပြသမားတွေအပေါ် ဆက်လက် တိုက်ခိုက်မှုတွေ၊ စစ်တပ်ထဲက ဘက်ပြောင်းလာသူတွေနဲ့ တိုက်ပွဲတွေ ဖြစ်ပွားနေတာတွေလို အခြေအနေတွေကြောင့် နိုင်ငံတကာက ကြားဝင်ဖြေရှင်းဖို့အတွက် မကြာသေးခင် သီတင်းပတ်တွေကစလို့ ပင်လယ်ကွေ့ အာရပ်နိုင်ငံတွေ ပိုမိုထောက်ခံလာကြတာပါ။

ဘဏ္ဍာငွေခွဲဝေမှုဆွေးနွေးမည့် လွှတ်တော်စည်းဝေးတွေစတင်
စုမြတ်မွန်
အမျိုးသားလွှတ်တော်နဲ့ ပြည်သူ့လွှတ်တော်တို့ရဲ့ ပထမအကြိမ် တတိယ ပုံမှန်စည်းဝေးပွဲတွေကို ဒီကနေ့ ဇန်န၀ါရီလ ၂၆ ရက်နေ့မှာ နေပြည်တော်မှာ စတင်ပါတယ်၊ ဒီတခါလွှတ်တော်စည်းဝေးပွဲတွေမှာ ဘဏ္ဍာငွေ ရသုံးဆိုင်ရာနဲ့ အမျိုးသား စီမံကိန်းဆိုင်ရာ ဥပဒေကြမ်းတွေကို အဓိက ဆွေးနွေးသွားမှာဖြစ်တယ် ဆိုတာကို လွှတ်တော် ၂ ရပ်လုံးက ဥက္ကဌတွေက အသိပေးပြောကြားခဲ့ကြပါတယ်၊ သမ္မတဦးသိန်းစိန်ကတော့ သူ့အစိုးရ အနေနဲ့ လွှတ်တော်တွေနဲ့ လက်တွဲပြီး ဒီမိုကရေစီစနစ်ပေါ်ပေါက်ရေးနဲ့ ရေရှည်တည်တံ့ရေးကို လုပ်သွားမယ် လို့ သဝဏ်လွှာပေးပို့ခဲ့တဲ့အကြောင်း ဘန်ကောက်ရုံးက မစုမြတ်မွန်ကသတင်းပို့ထာပါတယ်။
အမျိုးသားလွှတ်တော်နဲ့၊ ပြည်သူ့လွှတ်တော် ၂ ရပ်လုံးကို ပြန်လည်စတင်ခဲ့တဲ့ ဒီကနေ့ ကြာသပတေးနေ့မှာပဲ ဒီတခါ လွှတ်တော် စည်းဝေးပွဲတွေမှာ ဘဏ္ဍာငွေခွဲဝေသုံးစွဲရေး Budget ဥပဒေကြမ်းတွေကို အဓိကထား ဆွေးနွေးသွားမှာဖြစ်တယ်ဆိုတာကို လွှတ်တော် ဥက္ကဌတွေက လွှတ်တော်ကိုယ်စားလှယ်တွေကို မိန့်ခွန်းထဲ က နေ အသိပေးခဲ့ကြပါတယ်၊ ပြီးခဲ့တဲ့ ဒုတိယပုံမှန် အစည်းအဝေးတွေမှာ အတည်မပြုနိုင်သေးတဲ့ ဥပဒေ တွေ အတည်ပြုနိုင်ရေးဆွေးနွေးကြရမဲ့အပြင် ဘတ်ဂျက်ကိစ္စတွေကို ဆွေးနွေးရမှာဖြစ်တယ်လို့ ပြည်သူ့လွှတ်တော် ဥက္ကဌ သူရဦးရွှေမန်းက ခုလိုပြောခဲ့တာပါ၊
“ပြည်ထောင်စုအစိုးရအဖွဲ့မှ တင်သွင်းမည့် ၂၀၁၁-၂၀၁၂ ခုအတွက် နောက်ထပ် ဘဏ္ဍာငွေခွဲဝေသုံးစွဲရေး ဥပဒေကြမ်း၊ ၂၀၁၂-၂၀၁၃ ဘဏ္ဍာရေးနှစ်အတွက် ဘဏ္ဍာငွေအရသုံးဆိုင်ရာနှင့် အမျိုးသားစီမံကိန်း ဆိုင်ရာ ဥပဒေကြမ်းတို့ကို ပြည်ထောင်စု လွှတ်တော် ကိုယ်စားလှယ်များအဖြစ် စိစစ်သုံးသပ်ပြီး အတည်ပြုရေးနှင့် လွှတ်တော်ကိုယ်စားလှယ်များကမှ တင်ပြလာသော အဆိုများ၊ မေးခွန်းများနှင့် ဥပဒေကြမ်းများကို ရရှိတဲ့ အချိန်ပေါ်မှာ မူတည်ပြီး၊ ဆောင်ရွက်သွားမှာဖြစ်ပါတယ်။”
ရှေ့လာမည့် ၂၀၁၂-၁၃ ဘဏ္ဍာနှစ် အတွက် ဘတ်ဂျက်မူကြမ်းကို မဆွေးနွေးခင်မှာ မတ်လ ၃၁ ရက်နေ့မှာ ကုန်မဲ့ လက်ရှိ ၂၀၁၁-၁၂ ဘဏ္ဍာနှစ်အတွက် နောက်ထပ် ဖြည့်စွက်ခွင့်ပြုငွေစာရင်းကို ကိုယ်စားလှယ်တွေ ဆွေးနွေးကြရမှာဖြစ်လို့ မူကြမ်းထဲမှာ ဘယ်လို ကဏ္ဍတွေအတွက် ဖြည့်စွက်တောင်းထားပါသလဲ၊ အမျိုးသား လွှတ်တော်ကိုယ်စားလှယ် ဒေါက်တာ မြတ်ဉာဏစိုးကတော့ ပမာဏအားဖြင့်များတာကတော့ ဆောက်လုပ် ရေး လုပ်ငန်းတွေအတွက် ဖြစ်တယ်လို့ ပြောပါတယ်၊
"ဘယ်လိုကဏ္ဍတွေမှာများသလဲဆိုတော့၊ တည်ဆောက်ရေးလုပ်ငန်းတွေမှာရှိနေတဲ့ ကဏ္ဍတွေမှာ ငွေလိုအပ် နေတာကိုတွေ့ရပါတယ်။ နောက်တခါ ကုန်ထုတ်လုပ်မှုလုပ်ငန်းကဏ္ဍတွေမှာလည်း ဖြည့်စွက်ရမယ်ဆိုပြီး တင်ပြတောင်းခွလာတာကိုတွေ့ရပါတယ်ခင်ဗျ။”
ပညာရေး၊ ကျန်းမာရေးကဏ္ဍတွေမှာလဲ ဖြည့်စွက်ရန်ပုံငွေတောင်းတာရှိပေမဲ့ ပမာဏ မများလှဘူးလို့ ပြောပါ တယ်၊ အခုလိုတိုင်းပြည်ဘဏ္ဍာ ခွဲဝေသုံးစွဲရေးကိစ္စ၊ အမျိုးသား စီမံကိန်းကြီးတွေနဲ့ ဆိုင်တဲ့ကိစ္စနဲ့ အခွန် အကောက်ဆိုင်ရာ ကိစ္စတွေက လွှတ်တော် ၂ ရပ်ပေါင်းထားတဲ့ ပြည်ထောင်စုလွှတ်တော်မှာသာ ဆွေးနွေးရ မှာဖြစ်တာမို့ ဇန်န၀ါရီလ ၃၁ ရက် နောက်ပိုင်းမှာ ဒီကိစ္စတွေကို စတင်ဆွေးနွေးကြရမှာ ဖြစ်ပါတယ်။
ဘဏ္ဍာရေးနဲ့ အခွန်ဝန်ကြီးက ဘဏ္ဍာငွေခွဲဝေသုံးစွဲမှုနဲ့ ပတ်သက်တဲ့ တင်ပြချက်ကို ပြည်ထောင်စု လွှတ်တော်မှာ လာရောက်တင်ပြပါလိမ့်မယ်၊ အဲဒီနောက်မှာ သက်ဆိုင်ရာ ဝန်ကြီးဌာန ဝန်ကြီးတွေကနေ သူတို့ ဝန်ကြီးဌာနအတွက် ဘယ်လောက်လျာထား သုံးစွဲ မယ်ဆိုတာတွေကို တင်ပြကြဖို့ရှိပါတယ်။ ဒီလို တင်ပြချက်တွေအပေါ်မှာ ကဏ္ဍအလိုက်ဆွေးနွေးဖို့အတွက် လွှတ်တော် ကိုယ်စားလှယ် တွေက ၃ ရက်စီ ကြိုစာရင်းပေးရမှာဖြစ်တယ်လို့ အမျိုးသားလွှတ်တော် ကိုယ်စားလှယ်ဒေါက်တာမြတ်ဉာဏစိုးက ပြောပါ တယ်၊ ပြည်ထောင်စုလွှတ်တော်က တင်ပြလာတဲ့ ဆိုင်ရာ ဘတ်ဂျက်တွေကို လွှတ်တော် ကိုယ်စား လှယ်တွေအနေနဲ့ လျှော့ချနိုင်ပေမဲ့ ဘတ်ဂျက်တိုးမြှင့်သုံးဖို့အတွက်ကိုတော့ ပြန်လည် အကြံပြုဆွေးနွေးရ မှာဖြစ်ပါတယ်၊
“ဘတ်ဂျက်ကိုဆွေးနွေးတဲ့အခါမှာ လွှတ်တော်က ဘတ်ဂျက်ကိုတိုးမြှင့်ပေးလို့မရပါဘူး။ ပြည်ထောင်စုအစိုးရ က တင်ပြလာတဲ့ ဥပမာ ကျန်းမာရေးအသုံးစရိတ်ဟာ ဘတ်ဂျက်တခုလုံးရဲ့ ဘယ်လောက်ရာနှုံးရှိတယ်၊ ဘယ်လောက်ရာနှုံးလိုနေတယ် စသဖြင့် တင်ပြလာတဲ့ဟာကို လွှတ်တော်ကနေပြီးတော့ တိုးမြှင့်ပေးလို့ ခွင့်ပြုလို့မရပါဘူး။ သို့သော် လွှတ်တော်ကိုယ်စားလှယ်တွေအနေနဲ့ဟာ ဘယ်လောက် တော့ ရှိသင့်တယ် ဆိုတာကိုတော့ဆွေးနွေးလို့ရပါတယ်။  ကျန်းမာရေးကဏ္ဍအတွက်ဘယ်လောက်သုံးသင့်တယ်၊  ဘယ်လို နေရာမျိုးတွေမှာ သုံးသင့်တယ်ဆိုတာ အကြံပြုလို့ရပါတယ်။ အဲဒီအခါကျရင် ပြည်ထောင်စုအစိုးရအနေနဲ့ ဘတ်ဂျက်ခွဲဝေမှုကို တိုးမြှင့်ပြင်ဆင်ပြီးတော့ တင်ပြလာလို့ရပါတယ်။”
ပြည်ထောင်စုလွှတ်တော် ပြန်စတာနဲ့ ဒီဘတ်ဂျက်ကိစ္စတွေကို အကြေအလည် ဆွေးနွေးကြရမှာဖြစ်လို့ ပုံမှန် လွှတ်တော်ပြီးဆုံးချိန်ထက်ကို အချိန်ပိုပေးပြီး ဆွေးနွေးပေးကြဖို့ အမျိုးသား လွှတ်တော်ဥက္ကဌ ဦးခင်အောင်မြင့်က ကိုယ်စားလှယ်တွေကို မေတ္တာရပ်ခံထားပါတယ်။  ဒီကနေ့ အမျိုးသားလွှတ်တော် ပထမနေ့မှာတော့ ကော်မတီတချို့ဖွဲ့စည်းတာနဲ့ ကော်မတီဥက္ကတချို့ အပြောင်းအလဲလုပ်တာတွေကိုဘဲ အဓိကထား လုပ်ခဲ့ပါတယ်၊
လွှတ်တော်တွေဆီ သမ္မတဦးသိန်းစိန် က သဝဏ်လွှာပေးပို့ခဲ့တဲ့ထဲမှာတော့ တရား ဥပဒေ စိုးမိုးရေး၊ အမျိုးသား စည်းလုံး ညီညွတ်ရေး၊ ကောင်းမွန်တဲ့ အုပ်ချုပ်ရေးနဲ့ သန့်ရှင်းတဲ့ အစိုးရဖြစ်ရေး၊ ပြည်သူတွေရဲ့ မူလအခွင့်အရေးတွေ ရရှိရေးအတွက် ပြည်ထောင်စုအစိုးရက ပြုပြင်ပြောင်းလဲမှုတွေ လုပ်နေပါတယ်လို့ ဖေါ်ပြထားပါတယ်၊ ဒါ့အပြင် တိုင်းရင်းသား လက်နက်ကိုင် ၁၁ ဖွဲ့ နဲ့ ညှိုနှိုင်းဆွေးနွေးခဲ့ပြီး အဖွဲ့ ၆ ဖွဲ့နဲ့ အခြေခံ သဘောတူ ညီမှုတွေ လက်မှတ်ထိုးနိုင်ခဲ့တဲ့အတွက် ငြိမ်းချမ်းရေးဖော်ဆောင်မှုတွေ အခြေအနေကောင်းတယ်လို့ သမ္မတ ဦးသိန်းစိန်က သဝဏ်လွှာပို့ခဲ့ပါတယ်၊ ဒီတခါလွှတ်တော် စည်းဝေးပွဲတွေမှာ ထူးခြားတာက သတင်းယူတဲ့ သတင်းထောက်တွေ လွှတ်တော်ခန်းမတွေထဲမှာ လွတ်လွတ်လပ်လပ် သတင်းယူနိင်သလို၊ လွှတ်တော် အမတ်တွေကိုလဲ မေးမြန်းခွင့်ရတယ်လို့ ကိုယ်တိုင်သတင်းယူခဲ့တဲ့ သတင်းထောက်တွေက VOA မြန်မာပိုင်းကို ပြောပါတယ်။ သတင်းထောက်တွေရဲ့ လက်ကိုင်ဖုန်းတွေကိုလဲ ခန်းမထဲ ယူဆောင်ခွင့် ပေးခဲ့ပါ တယ်၊

အာဏာရအင်အားစုအတွင်း NLD ကို လက်မခံသူများရှိနိုင်
စုမြတ်မွန်
သမ္မတဦးသိန်းစိန်နဲ့ အစိုးရအဖွဲ့ထဲက ပြုပြင်ပြောင်းလဲရေးသမားတွေက ဧပြီလမှာ ကျင်းပမည့် ရွေးကောက်ပွဲ တွေ လွတ်လပ်မျှတသင့်တယ်ဆိုတာကို လက်ခံထား တယ်လို့ ယုံကြည်တဲ့အကြောင်း ဒေါ်အောင်ဆန်း စုကြည် ကပြောလိုက်ပါတယ်။
ဒါပေမဲ့လည်း လက်ရှိအာဏာရ ကြံခိုင်ဖွံ့ဖြိုးရေးပါတီနဲ့ တခြားပါတီတွေထဲမှာ NLD ပါတီပါဝင် အရွေးခံမှာကို ဆန့်ကျင်သူ တွေ၊ ရွေးကောက်ပွဲကို မျှမျှတတမဖြစ်စေချင် သူတွေလည်းရှိနိုင်ပါတယ်လို့ နော်ဝေးနိုင်ငံခြား ရေးဝန်ကြီးနဲ့ တွေ့ဆုံအပြီးမှာ သတင်းထောက်တွေကို ပြောခဲ့တာဖြစ်ပါတယ်။
နော်ဝေးနိုင်ငံဘက်ကတော့ မြန်မာနိင်ငံမှာ ဒီမိုကရေစီနဲ့ ဥပဒေစိုးမိုးမှုရှိရေးတို့ အတွက် တတ်နိုင်သမျှ ကူညီ သွားမယ်လို့ နိုင်ငံခြားရေးဝန်ကြီးက ပြောကြားခဲ့တဲ့အကြောင်း ဘန်ကောက်ရုံးကနေ မစုမြတ်မွန်က သတင်း ပို့ထားပါတယ်။
မြန်မာနိုင်ငံမှာလက်ရှိဖြစ်နေတဲ့ အခြေအနေတွေအပေါ်  ဒေါ်အောင်ဆန်းစုကြည်ရဲ့ အမြင် သုံးသပ်ချက်ကို သိရဖို့ နော်ဝေးနိုင်ငံခြားရေးဝန်ကြီး Jonas Gahr Støre ဟာ ဗုဒ္ဓဟူးနေ့ညနေပိုင်းက ဒေါ်အောင်ဆန်း စုကြည်နဲ့ တွေ့ဆုံခဲ့တာ ဖြစ်ပါတယ်၊ တွေ့ဆုံအပြီးသတင်းစာရှင်းလင်းပွဲမှာ ဒေါ်အောင်ဆန်းစုကြည်က ကြားဖြတ်ရွေးကောက်ပွဲတွေဟာ လွတ်လပ်မျှတနိုင်တဲ့ ဖြစ်နိုင်ချေ ခိုင်ခိုင်မာမာ ရှိနေတယ်လို့ ထင်မြင်တဲ့ အကြောင်း ဒါပေမဲ့ ဒီရွေးကောက်ပွဲကို လွတ်လွတ်လပ်လပ် မဖြစ်စေချင်သူတွေ ရှိနိုင်တဲ့အကြောင်း ခုလို ပြောသွားခဲ့ပါတယ်၊
“သမ္မတဦးသိန်းစိန်နဲ့ အစိုးရအဖွဲ့အတွင်းက ပြုပြင်ပြောင်းလဲရေးသူတွေက ရွေးကောက်ပွဲဟာ လွတ်လပ်မျှတ သင့်တယ်လို့ လက်ခံထားကြတယ်လို့ ယုံကြည်ပါတယ်၊ ဒါပေမဲ့လည်း ကျွန်မတို့ ရွေးကောက်ပွဲမှာ ဝင်ပြိုင်မှာ ကိုဆန့်ကျင်သူတွေ ဥပမာ အားဖြင့် ကြံခိုင်ဖွံ့ဖြိုးရေးပါတီထဲမှာရော တခြားပါတီတွေထဲမှာပါ ရှိနေမယ်ဆိုတဲ့ ဖြစ်နိုင်ချေတွေလည်းရှိပါတယ်။”
သူတို့ အနေနဲ့ လွတ်လပ်မျှတတဲ့ ရွေေးကာက်ပွဲ သိပ်ဖြစ်စေချင်မှာမဟုတ်ပါဘူးလို့ ဒေါ်အောင်ဆန်းစုကြည် က ပြောသွား တာဖြစ်ပါတယ်၊ ဒီမိုကရေစီကို ငြိမ်းချမ်းတဲ့နည်းနဲ့ ဖော်ဆောင်ဖို့အတွက် စစ်တပ်နဲ့ ပူးပေါင်း ဆောင်ရွက်ဖို့ လိုအပ်တဲ့ အကြောင်းကိုလည်း ဒေါ်အောင်ဆန်းစုကြည်က သတင်းထောက်တွေကို ခုလိုပြောခဲ့ ပါတယ်။
“ဒီမိုကရေစီစနစ်ပေါ်ပေါက်ဖို့ ငြိမ်းချမ်းတဲ့နည်းလမ်းနဲ့သွားမယ်ဆိုရင် တပ်မတော်နဲ့ ပူးပေါင်းဆောင်ရွက်ဖို့လို ကို လိုအပ်တယ်ဆိုတာကိုကျွန်မ ရှင်းရှင်းလင်းလင်းပြောထားပြီးသားပါ၊ ဒီပူးပေါင်းဆောင်ရွက်မှုကအောင် မြင်လိမ့်မယ်လို့ မျှော်လင့်ပါတယ်၊ ပူးပေါင်းဆောင်ရွက်လို့ အနှုတ်လက္ခဏာတုန့်ပြန်မှုတွေရှိမယ်ဆိုပြီး ကျွန်မ စိတ်ပူတယ်လို့ ပြောလို့ မရပါဘူး၊ ဒါပေမဲ့ တပ်မတော်ထဲမှာ အပြောင်းအလဲလုပ်ဖို့ သိပ်စိတ်ဆန္ဒ မရှိကြသူ တွေလည်း ရှိနေနိုင်တာကို ကျွန်မတို့ စိုးရိမ်ပါတယ်၊ ပြုပြင်ပြောင်းလဲမှုတွေလုပ်ဖို့ ဘာကြောင့် လိုအပ်တယ်၊ ပြုပြင်ပြောင်းလဲမှုတွေက ဘယ်ကို ဦးတည်တယ်ဆိုတာ အသေအချာသိသွားရင် တပ်မတော်ကလည်း ဒီလုပ်ငန်းစဉ်တွေထဲမှာ သိပ်ကို ပူပေါင်းဆောင်ရွက်ချင်စိတ် တွေရှိလာမယ်ဆိုတာ ကျွန်မယုံကြည်လက်ခံ ထားပါတယ်။”
မြန်မာနိုင်ငံက ဖြစ်နေတဲ့ နိုင်ငံရေး အပြောင်းအလဲတွေအပေါ် ဒေါ်အောင်ဆန်းစုကြည်က အမြင်သဘောထား မှတ်ချက်ပေးတဲ့အပေါ်မှာ ကျေးဇူးတင်တယ်လို့ Norway နိုင်ငံခြားရေးဝန်ကြီး Jonas Gahr Støre  ပြောပြီး နော်ဝေးနိုင်ငံအနေနဲ့ တတ်နိုင်သလောက် ကူညီသွားမယ်လို့ ပြောပါတယ်၊
ဒီမိုကရေစီစနစ်ဆီ အသွင်ကူးပြောင်းရေး၊ ဥပဒေစိုးမိုးမှုရှိရေး၊ အမျိုးသား ပြန်လည်သင့်မြတ်မှု ရှိရေးတွေ အတွက် နော်ဝေးနိုင်ငံက တတ်နိုင်သမျှ အားပေးထောက်ခံသွားမယ်ဆိုတာကို နော်ဝေးနိုင်ငံခြားရေးဝန်ကြီး က ပြောသွားပါတယ်၊ ကမ္ဘာတဝန်နိုင်ငံတွေမှာ ပြန်လည်သင့်မြတ်ရေး ရရှိဖို့ ဆောင်ရွက်ပေးနေတဲ့ နိုင်ငံတွေ အားလုံးဆီက အထူးသဖြင့် ဒီကိစ္စပိုင်းမှာ အများဆုံး အကူအညီပေးနေတဲ့ နော်ဝေးနိုင်ငံဆီက အတွေ့အကြုံ တွေကို ရယူချင်တဲ့အကြောင်းလဲ ဒေါ်အောင်ဆန်းစုကြည်က သတင်းစာရှင်းလင်းပွဲမှာ ပြောသွားပါတယ်။
ပိတ်ဆို့ ဒဏ်ခတ်မှုနဲ့ ပါတ်သက်လို့တော့ ပိတ်ဆို့မှု အားလုံးဖယ်ရှားသင့် မသင့် ရွေးကောက်ပွဲပြီးတဲ့ အထိ စောင့်ဖို့ EU အဖွဲ့ဝင်နိုင်ငံတွေမှာ ယေဘူယျသဘောထားရှိကြတာနဲ့ ပါတ်သက်လို့ မှန်ကန်သင့်တော်တယ်လို့ အမျိုးသားဒီမိုကရေစီ အဖွဲ့ချုပ်ခေါင်းဆောင်က ပြောသွားပါတယ်။
ဒါပေမဲ့ မကြာခင်ကမှ မြန်မာနိုင်ငံအပေါ် နော်ဝေးက စီးပွားရေးအရ ပိတ်ဆို့မှုတွေ ဖယ်ရှားပေးခဲ့တာကိုတော့ တစုံတရာမှတ်ချက်ပေး ပြောမသွားခဲ့ပါဘူး၊ မြန်မာနိုင်ငံကို ဗုဒ္ဓဟူးနေ့ထဲက ရောက်လာတဲ့ နော်ဝေးနိုင်ငံခြား ရေးဝန်ကြီးဟာ နေပြည်တော်မှာ သမ္မတဦးသိန်းစိန်၊ ပြည်သူ့လွှတ်တော် ဥက္ကဌ ဦးရွှေမန်းတို့နဲ့ တွေ့ဆုံခဲ့ ပါတယ်၊ ဒီနေ့မှာတော့ နော်ဝေးနိုင်ငံခြားရေးဝန်ကြီးစာ စက်မှုဝန်ကြီး ဦးစိုးသိန်း၊ စီးပွားရေးဆိုင်ရာ သမ္မတ အကြံပေးဦးမြင့်အပါအဝင် ပညာရှင်တချို့ စီးပွားရေးလုပ်ငန်းရှင်တချို့နဲ့ တွေ့ဆုံခဲ့ပါတယ်။

ရွှေဝါရောင်မှာအပိတ်ခံရကျောင်းတွေ ပြန်ဖွင့်သူသံဃာများသတိပေးခံရ
အေးအေးမာ
ရွှေဝါရောင် သံဃာလှုပ်ရှားမှုကာလမှာ အာဏာပိုင်တွေက စီးနင်းသိမ်းယူ ချိတ်ပိတ်ခဲ့တဲ့ ရန်ကုန်တိုင်း အတွင်းက ကျောင်းတိုက်တွေကို၊ နိုင်ငံရေးအရ အကျဉ်းကျပြီး မကြာခင်က ပြန်လွတ်လာတဲ့ သံဃာတော် အချို့က သော့တွေ ရိုက်ချိုးပြီး ကျောင်းတွေ ပြန်ဖွင့်ပေးခဲ့ပါတယ်။ ပိတ်ခံရတဲ့ အချို့ကျောင်းတွေမှာ သက်ဆိုင်ရာ သံဃာတော် တွေ ပြန်လည်သီတင်းသုံးနေပြီး အချို့ကျောင်းတွေမှာကျောင်းဖွင့်ခဲ့ပေမဲ့ သံဃာတော်တွေ သီတင်းသုံးခွင့်မရသေးပါဘူး။ ဒီလို ပိတ်ထားတဲ့ကျောင်းတွေကို ပြန်ဖွင့်တာဟာ ၀ိနည်းနဲ့ မညီညွတ်ဘူးဆိုပြီး နိုင်ငံတော်သံဃာ့မဟာနယက (မဟန) က အဲဒီ ကျောင်းတွေကို ဖွင့်ပေးခဲ့တဲ့ သံဃာ တော်တွေကို သြ၀ါဒပေးဖို့ ဆင့်ခေါ်ထား ပါတယ်။ မအေးအေးမာက သတင်းပို့ထားပါတယ်။

နိုင်ငံတော်သံဃာမဟာနာယကအဖွဲ့ဟာ နိုင်ငံရေးကြောင့်အကျဉ်းကျပြီးပြန်လွတ်လာတဲ့ ဦးဂမ္ဘီရ အပါအ၀င် သံဃာတော်ငါးပါးကို အရေးယူဖို့အတွက်  စာနဲ့ ဆင့်ခေါ်ခဲ့ကြောင်းမဂ္ဂင်ကျောင်းတိုက်က ဆရာတော် ဦး  ကအခုလို မိန့်ပါတယ်။
“ခွင့်ပြုချက်မရှိပဲ ပြစ်မှုကျူးလွန်နေသော ရဟန်းများကိစ္စတင်ပြခြင်းနှင့် စပ်လျဉ်း၍ ၂၅-၁-၂၀၁၂ နေ့တွင် ကျင်းပသော ဆဋ္ဌမအကြိမ် နိုင်ငံတော်သံဃာ့မဟာနာယကအဖွဲ့ (တတိယအဖွဲ့ခွဲ)၏ ဆဋ္ဌမအကြိမ် ပထမ အထူးအစည်းအဝေးက ဖော်ပြပါအတိုင်း ဆုံးဖြတ်ပါသည်။ ဆုံးဖြတ်ချက် - ပြစ်မှုကျူးလွန်နေသော ဦးဂမ္ဘီရ၊ ဦးဤသရိယ၊ ဦးပဏ္ဍ၀ံသ၊ ဦးဝိသုဒ္ဓ၊ ဦးပညာသီဟတို့အား - သို့ဖြစ်ပါ၍ အထက်အပိုဒ် (၁) ပါဆုံးဖြတ်ချက် အရ ပြစ်မှုကျူးလွန်နေသော ရဟန်းတော်များ သည် ၂၇-၁-၂၀၁၂ သောကြာနေ့ မွန်းလွဲ ၁၂း၃၀ နာရီအချိန် ကမ္ဘာအေးကုန်းမြေ ဥတ္တရကုရု ကျောင်းဆောင် အစည်းအဝေးခန်းမသို့ ကြွရောက်သတင်းပို့ရန် အကြောင်း ကြားပါသည်တဲ့။”
ချိတ်ပိတ်ခံထားရတဲ့  ဘုန်းကြီးကျောင်းတွေဟာ ၂၀၀၇ခုနှစ် ရွေဝါရောင်လှုပ်ရှားမှုဖြစ်တဲ့အချိန်မှာ အဲဒီ ကျောင်းဝင်းတွေထဲကို စစ်တပ်နဲ့ ပြည်ခိုင်ဖြိုး စွမ်းအာရှင်တွေ ၀င်ပြီး ဘုန်းကြီးတွေကို သင်္ကန်းတွေ ဆွဲချွတ် ရိုက်နှက်ပြီး ကျောင်းတိုက်တွေက ပစ္စည်းတွေဖျက်ဆီးခံခဲ့ရတာပါ။ အခုသံဃာတော်တွေ ပြန်လွတ်မြောက် လာချိန်မှာ သူတို့နေထိုင်စရာနေရာအခက်အခဲကြောင့် သူတို့ရဲ့ကျောင်းကို ပြန်ပြီးဝင်ခဲ့ရတယ်လို့ဆိုပါတယ်
“သူတို့ ချိတ်ပိတ်ထားတာတို့ကို စာတွေဘာတွေတင်တာနဲ့ ကြာနေတာပေါ့။ ကြာနေတော့ ကိုယ်တော်တွေမှာ သတင်းသုံးစရာနေရာ မရှိဘူးလေ။ ဒီပြင်ကျောင်းတွေက လည်း အကျဉ်းထောင်ကပြန်လာတဲ့ ကိုယ်တော် တွေ ဖြစ်နေတော့ လက်မခံရဲကြဘူးပေါ့နော် ကိုယ်တော်တွေက ညအချိန်ရောက်တဲ့အခါကျတော့ ကျိန်းစရာ မရှိတော့  အဲဒိလိုဘဲ ဖွင့်ပြီးဝင်ရတာပေါ့။”
သံဃာတော်တွေ ချိတ်ပိတ်ထားတဲ့ကျောင်းကို ဖျက်ဝင်တာဟာ သံဃ့ာဝိနည်းနဲ့ ညီခြင်းရှိမရှိကိုတော့ နိုင်ငံရေး အကျဉ်းသားဟောင်းဖြစ်ခဲ့တဲ့ဆရာတော် ဦးဇ၀နက အခုလိုမိန့်ပါတယ်။