28.01.2012 နေ့ဖတ်ရန်သတင်းများ

by Myanmar Journal on Saturday, January 28, 2012 at 8:09am

 

 
အမေရိကန်တပ်ဖွဲ့တွေ တိုးချဖို့ ဖိလစ်ပိုင်လိုလား

တရုတ်နဲ့ တင်းမာမှုတွေ တိုးပွားလာနေတဲ့ အချိန်မှာ ဖိလစ်ပိုင်က ပြောကြားလိုက်တာပါ
ဖိလစ်ပိုင်နိုင်ငံမှာ အမေရိကန်ရဲ့ စစ်အင်အား တိုးချဲ့ ထားရှိပေးဖို့ လိုလားကြောင်း ဖိလစ်ပိုင်နိုင်ငံက ပြောကြားလိုက်ပါတယ်။
အခုအချိန်ဟာ ဖိလစ်ပိုင်နဲ့ တရုတ်အကြား တင်းမာမှုတွေ တိုးပွားလာနေတဲ့ အချိန်လည်း ဖြစ်ပါတယ်။

ဖိလစ်ပိုင် နိုင်ငံခြားရေး ဝန်ကြီး အဲလ်ဘက် ဒီ ရိုဆာရီယိုက အမေရိကန်တပ်ဖွဲ့တွေနဲ့ ပူးပေါင်း စစ်ရေးလေ့ကျင့်မှုတွေ ပိုမိုလုပ်ဆောင်ဖို့နဲ့ ဖိလစ်ပိုင် နိုင်ငံ တလွှား အမေရိကန် တပ်ဖွဲ့တွေ အလှည့်ကျ တိုးချဲ့ ချသွားဖို့ကို နှစ်ဘက်အရာရှိတွေ ဆွေးနွေးနေတယ်လို့ ပြောပါတယ်။
တခြားနိုင်ငံတွေနဲ့ နယ်မြေ ပိုင်နက်အငြင်းပွားမှုတွေကို ရင်ဆိုင်ရတဲ့အခါ ဖိလစ်ပိုင်အနေနဲ့ အနိမ့်ဆုံး အဖြစ် ယုံကြည်အားထားရလောက်တဲ့ ကာကွယ်ရေး အနေအထားမျိုး ရှိဖို့ လိုအပ်တယ်လို့ သူကပြောပါတယ်။
တောင်တရုတ်ပင်လယ်ပြင်ဒေသက အငြင်းပွာဖွယ်ဖြစ်နေတဲ့ ရေပိုင်နက်မှာ တရုတ်တို့ဟာ ပြီးခဲ့တဲ့နှစ်က ခြိမ်းခြောက်မှုတွေ လုပ်ခဲ့တယ်လို့ ဖိလစ်ပိုင်က စွပ်စွဲခဲ့ပါတယ်။
တရုတ်တို့က အနိုင်ကျင့်တယ်ဆိုတဲ့ သဘောထားမျိုး မြင်လာတာကြောင့် အမေရိကန်တို့ ဆီက အကူအညီ အထောက်အပံ့ကို ထပ်ပြီးရဖို့ ကြိုးစားလာတာပါ။
အမေရိကန်တို့ဘက်ကလည်း ကာကွယ်ရေး အသုံးစရိတ် ဖြတ်တောက်ခံထားရပေမယ့် အာရှပစိဖိတ်ဒေသမှာ ရှိနေတဲ့ သူတို့ရဲ့ စစ်အင်အားကို ထပ်ပြီး တောင့်တင်းခိုင်မာအောင် လုပ်ဖို့ ရည်ရွယ်ချက်ရှိတယ်လို့ ပြောပါတယ်။

မြဝတီ ကော့ကရိတ်လမ်း ၂နှစ်အတွင်းအပြီးဖေါက်မည်
ထိုင်းမြန်မာ လမ်းဖေါက်ရေး အစည်းအဝေးကို မဲဆောက်မြို့မှာ ကျင်းပခဲ့
၄၅ ကီလိုမီတာ ရှည်လျားတဲ့ မြဝတီ ကော့ကရိတ် မြေပြန့်အဝေးပြေးလမ်းကို ၂၀၁၂နှစ်အစကနေ ၂၀၁၄ ဧပြီလအတွင်း အပြီးဖေါက်ဖို့ နှစ်နိုင်ငံ ကိုယ်စားလှယ်တွေ မဲဆောက်မှာ ညှိနှိုင်းကြပါတယ်။
ဒီလမ်းကို ထိုင်းနိုင်ငံက ဘတ်သန်း ၁၁၄၀ အကုန်အကျခံပြီး ထိုင်းနိုင်ငံလမ်းတွေရဲ့ စံချိန်အတိုင်းဖေါက်သွားမှာဖြစ်ပါတယ်။
အခုလမ်းဟာ မြေပြန့်လမ်းဖြစ်ပြီး လက်ရှိ သုံးနေတဲ့ ဒေါနတောင်ကို ဖြတ်ဖေါက်တဲ့ လမ်းထက် ၂၀ ကီလိုမီတာလောက် လမ်းခရီး ပိုတိုသွားမှာဖြစ်ပါတယ်။
ဒီအဝေးပြေးလမ်းဟာ ထိုင်းမြန်မာ နှစ်နိုင်ငံကုန်သွယ်ရေးအတွက် သာမက အာစီယံ နိုင်ငံတွေအတွက်ပါ အကျိုးရှိမယ်လို့ အစည်းအဝေး တက်ရောက်တဲ့ မြန်မာ ကိုယ်စားလှယ် အဖွဲ့ ခေါင်းဆောင် ပြည်သူ့ဆောက်လုပ်ရေး ဝန်ကြီးဌာနမှ ဦးဝင်းတင့်က ဘီဘီစီကိုပြောပါတယ်။
ဒီအစည်းအဝေးမှာ လက်ရှိ ထိုင်းမြန်မာ ချစ်ကြည်ရေး တံတားဟောင်း ပြုပြင်ရေး အပြင် ထိုင်းမြန်မာ စီးပွားရေးဇုံအတွက် လိုအပ်နေတဲ့ ချစ်ကြည်ရေး တံတားသစ် ဆောက်လုပ်ရေး ကိစ္စပါ ဆွေးနွေးခဲ့ကြပါတယ်။

ကန်စစ်သုံးစရိတ် ဘီလီယံရာချီ လျှော့မည်
ကန်စစ်တပ်က အာရှ ပစိဖိတ်ကို အာရုံစိုက်မယ်လို့ အရိပ် အမြွက်ပြော
အမေရိကန် စစ်တပ်မှာ နောင်ဆယ်နှစ် အတွင်း ဒေါ်လာ ဘီလီယံ ရာနဲ့ချီပြီး တန်ဖိုးရှိတဲ့ အသုံးစရိတ် လျှော့ချရေး အစီအစဉ် အသေးစိတ်ကို ကာကွယ်ရေး ဝန်ကြီး လီယွန် ပင်နက် တာက ထုတ်ပြန် ခဲ့ပါတယ်။
ဆယ်စုနှစ် တခုကြာ စစ်တိုက်လာပြီး စစ်ဘက် အသုံးစရိတ်ကို နှစ်စဉ် တိုးသုံးနေရာကနေ ခု တော့ အလှည့်အပြောင်း အမှတ်ကို ရောက်လာ ပြီလို့ သူက ပြောပါတယ်။
၂၀၁၀ ခုနှစ်မှာ အမေရိကန် စစ်မှုထမ်း အရေ အတွက်ဟာ ငါးသိန်း ခုနှစ်သောင်း ရှိရာကနေ ၂၀၁၇ နှစ်မှာ လေးသိန်းကိုးသောင်းထိ လျှော့ချသွားမယ်လို့ မစ္စတာ ပင်နက်တာက ကြေ ညာခဲ့ပါတယ်။
ခုလို အသုံးစရိတ် လျှော့ချရဖို့ ဖြစ်လာတာဟာ ပိုပြီး ကျစ်လစ်တဲ့၊ ပျော့ပြောင်းတဲ့ စစ်တပ် အဖြစ် ပြောင်းလဲဖို့ အခွင့်အလမ်းပဲဆိုပြီး ကာကွယ်ရေး ဝန်ကြီးက ပြောပါတယ်။
ဒါ့အပြင် အာရှ ပစိဖိတ် ဒေသကို အဓိက အာရုံ စိုက်သွားမယ်လို့လည်း သူက အချက် ပြခဲ့ပါတယ်။

နိုက်ဂျီးရီးယား သမ္မတ ဘိုကိုဟာရမ်ကို စိန်ခေါ်
ဘိုကို ဟာရမ် အဖွဲ့သား တယောက်
နိုက်ဂျီးရီးယား သမ္မတ ဂွဒ်လပ် ဂျွန်နသန် က အစ္စလာမ် စစ်သွေးကြွ အဖွဲ့ ဖြစ်တဲ့ ဘို ကို ဟာရမ် အဖွဲ့ကို သူတို့ ဘယ်သူ ဘယ်ဝါ ဆိုတာ တိတိကျကျ အသိပေးပြီး တွေ့ဆုံ ဆွေးနိုင်ရေး အခြေခံ အဖြစ် ဘာတွေကို အလို ရှိသလဲ ဆိုတာကို ရှင်းရှင်း လင်းလင်း အသိပေးဖို့ စိန်ခေါ်လိုက်ပါ တယ်။
စစ်ရေးနည်းနဲ့ ထိပ်တိုက် ရင်ဆိုင်တွေ့ရုံ သက် သက်နဲ့ အကြမ်းဖက် တိုက်ခိုက်မှုတွေကို ပျောက်သွားအောင် လုပ်နိုင်မှာ မဟုတ်ပဲ လူ ငယ်တွေ အလုပ်အကိုင် ရှာဖွေ နိုင်မယ့် ပတ်ဝန်းကျင်မျိုး ဖန်တီးပေးဖို့လည်း လိုအပ် တယ်လို့ ဂွဒ်လပ် ဂျွန်နသန်က ပြောပါတယ်။
ရိုက်တာ သတင်းဌာနနဲ့ မေးမြန်းခန်းမှာ ဂွဒ်လပ် ဂျွန်နသန်က ပြောသွားတာ ဖြစ်ပြီး ဘို ကိုဟာရမ်ဟာ နိုက်ဂျီးရီးယား အပြင်ဘက်က တခြား ဂျီဟတ် အဖွဲ့တွေနဲ့ အဆက် အစပ် ရှိတယ်လို့လည်း သူက ပြောပါတယ်။
ဘိုကို ဟာရမ်ကိုယ်တိုင်က သူတို့ ဘယ်သူ ဘယ်ဝါဆိုတာ ထုတ်မပြောတဲ့အခါ ရှေ့ဆက် စကားပြောဖို့ မဖြစ်နိုင်ဘူးလို့ နိုက်ဂျီးရီးယား သမ္မတ ပြောလိုက်ပါတယ်။

ဖောက်ကလင် အရေး ဗြိတိန်၊ အာဂျင်တီးနား အငြင်းပွား
ဖောက်ကလင် အရေး ကန့်ကွက် ဆန္ဒပြသူများ
ဖောက်ကလင်ကျွန်းကကို အာဂျင်တီးနား နိုင်ငံက သူတို့ရဲ့ ကိုလိုနီလို သဘောထား နေတယ် ဆိုတဲ့ ဗြိတိန် ဝန်ကြီး ဒေးဗစ် ကင်မရွန်ရဲ့ ပြောကြားချက်ကို အာဂျင်တီးနား အထက် လွှတ်တော်က ပယ်ချလိုက်ပါတယ်။
မဲလ်ဗီးနပ်စ်လို့ အာဂျင်တီးနားက ခေါ်ဝေါ်တဲ့ ဒီဖောက်ကလင် ကျွန်းတွေ ပြန်ရဖို့ သံတမန်ရေး အရ ကြိုးပမ်းမယ်လို့ အထက် လွှတ်တော် အမတ်တွေက အခိုင်အမာ ပြောပါတယ်။
၁၉ဂ၂ ခုနှစ်တုန်းက ဗြိတိန်ပိုင် ဖောက်ကလင်ကျွန်းတွေနဲ့ ပတ်သက်လို့ အာဂျင်တီးနားက သူတို့ပိုင် ဖြစ်တယ် ဆိုပြီး နှစ်နိုင်ငံ စစ်ဖြစ်ခဲ့တာ ဖြစ်ပါတယ်။

လစ်ဗျား အကျဉ်းစခန်းတွေကနေ MSF ပြန်ရုပ်
ထိန်းသိမ်းရေး စခန်းတွေထဲမှာ နှိပ်စက် ညှင်းပန်းမှု တွေ ရှိနေ
Medecins Sans Frontieres လို့ ခေါ်တဲ့ MSF နယ်စည်းမခြား ဆရာဝန်များအဖွဲ့ ဟာ လစ်ဗျားနိုင်ငံ မစ်ဆရာတာမြို့က ထိန်းသိမ်းရေးစခန်းတွေမှာ သူတို့ ဆေးကုသမှု ပေးနေတာတွေကို ရပ်ဆိုင်း ထားလိုက် ပါတယ်။
အဲဒီ ထိန်းသိမ်းရေးစခန်းတွေမှာ ထိန်းသိမ်းခံ နေရသူတွေကို အမြဲလိုလို နှိပ်စက် ညှင်းပန်း တာတွေ ရှိနေတာကြောင့် အခုလို ရပ်ဆိုင်း လိုက်တာလို့ နယ်စည်းမခြား ဆရာဝန်များ အဖွဲ့က ပြောပါတယ်။
လစ်ဗျား ထိန်းသိမ်းရေးစခန်းတွေမှာ နှိပ်စက်ညှင်းပန်းမှုတွေဟာ တဖြေးဖြေး ကြီးထွားလာနေတဲ့ ပြသနာတရပ် ဖြစ်လာနေပြီလို့ ကုလသမဂ္ဂ လုံခြုံရေးကောင်စီက သတိပေးခဲ့ပြီး နောက်တရက်မှာပဲ နယ်စည်းမခြားဆရာဝန်များအဖွဲ့က အခုလို ထုတ်ဖေါ် ကြေညာလိုက်တာပါ။
လစ်ဗျားမှာ အကြမ်းဖက်မှုတွေအပါအဝင် ဒီမိုကရေစီမကျတဲ့ လုပ်ဆောင်နေမှုတွေနဲ့ ပတ်သက်လို့ ကြားဖြတ်အစိုးရ အပေါ် ဝေဖန်မှုတွေ လောလောဆယ်ရက်တွေမှာ တိုးလာနေတယ်လို့ ဆိုပါတယ်။
မစ်ဆရာတာ ထိန်းသိမ်းရေးစခန်းတွေမှာ နှိပ်စက်ခံရလို့ ရတဲ့ ဒဏ်ရာတွေကြောင့် ကုသပေးရသူပေါင်း တရာကျော်လောက် ရှိတယ်လို့ နယ်စည်းမခြား ဆရာဝန်များ အဖွဲ့က ပြောပါတယ်။
ဒေသ အာဏာပိုင်တွေကို အသိပေးပြောကြားခဲ့ပေမယ့် ဘာမှ အရေးယူ ဆောင်ရွက်ခြင်း မရှိဘူးလို့ နယ်စည်းမခြား ဆရာဝန်များ အဖွဲ့က ပြောပါတယ်။
လစ်ဗျား ခေါင်းဆောင်ဟောင်း ကဒါဖီကို ထောက်ခံခဲ့တယ်လို့ စွပ်စွဲခံရသူ ရှစ်ထောင့် ငါးရာလောက်ဟာ လက်နက်ကိုင် ပြည်သူ့စစ်တွေ ကွပ်ကဲနေတဲ့ အကျဉ်းထောင်တွေမှာ ထိန်းသိမ်း ခံနေရတယ်လို့ ကုသမဂ္ဂ လူ့အခွင့်အရေးဆိုင်ရာ မင်းကြီး နာဗီ ပီလေးက လုံခြုံရေးကောင်စီမှာပြောကြားခဲ့ပါတယ်။
ဗဟိုက ကြီးကြပ် ကွပ်ကဲမှု လျော့နည်းတာကြောင့် အကြမ်းဖက်မှုတွေ၊ မဖွယ်မရာ ပြုမူတွေ ဖြစ်ပေါ်လာစေခဲ့တယ်လို့ သူက ပြောခဲ့ပြီး နိုင်ငံမှာရှိတဲ့ ထိန်းသိမ်းရေး စခန်းတွေကို ထိန်းချုပ် ကွပ်ကဲဖို့ လစ်ဗျား အာဏာပိုင်တွေကို သူက တိုက်တွန်းခဲ့ပါတယ်။

ချိပ်ပိတ်ခံ ဘုန်းကြီးကျောင်းတွေမှာ သံဃာတွေ ပြန်သီတင်းသုံးခွင့်ရမယ်
အရှင်ဂမ္ဘီရရဲ့ မဂ္ဂင်ကျောင်းတိုက်လည်း ချိပ်ပိတ်ခံ ထားခဲ့ရတာ ဖြစ်ပါတယ်
ရန်ကုန်တိုင်းဒေသကြီး အစိုးရဝန်ကြီး ဌာနက ချိပ်ပိတ်ထားတဲ့ ဘုန်းကြီးကျောင်း တွေကို မိမိသဘောနဲ့ ပြန်ဖွင့် သီတင်းသုံး နေထိုင်ကြတဲ့ သံဃာတော်တွေဟာ အဲဒီကျောင်းတိုက်တွေမှာ ဆက်လက် သီတင်းသုံး နေထိုင်ခွင့် ရကြတော့မှာ ဖြစ်ပါတယ်။
မကြာသေးခင်ကမှ ပြန်လွတ်လာခဲ့ကြတဲ့ နိုင်ငံရေး အကျဉ်းသား သံဃာတော်တွေက ချိပ်ပိတ် ထားတဲ့ ဘုန်းကြီးကျောင်း တွေကို ပြန်ဖွင့် နေခဲ့ကြလို့ သူတို့ကို အာဏာပိုင် တွေဘက်က တရားစွဲ အရေးယူဖို့ ပြင်ဆင်နေ တယ်လို့ ဆိုပါတယ်။
ဒီအတွက် နိုင်ငံတော် သံဃာ့မဟာနာယက အဖွဲ့က ကြားဝင် ဆောင်ရွက် ပေးခဲ့တာကြောင့် အရေးယူ ခံရနိုင်တဲ့ အခြေအနေ ကနေ ကင်းလွတ် သွားကြတာ ဖြစ်တယ်လို့ ရွှေတောင် ကျောင်းတိုက်ဆရာတော် ဦးပဏ္ဏာဝံသက မိန့်ပါတယ်။
သံဃာတော်တွေရဲ့ အရေးကိစ္စကို အာဏာစက်နဲ့ မဖြေရှင်းဘဲ အခုလို ဓမ္မစက်နဲ့ ဖြေရှင်းတာ ဖြစ်တာကြောင့် ကျေနပ်တယ်လို့ ဆရာတော်က မိန့်ပါတယ်။
တလအတွင်း ကျောင်းတိုက်ကနေ ထွက်ခွာသွားရမယ့် ရွှေညဝါဆရာတော်ကိစ္စနဲ့ တရား ဟောခွင့် ပိတ်ပင်ခံထားရတဲ့ ဒယ်အိုးဆရာတော်တို့ ကိစ္စတွေလည်း မကြာခင် ပြေလည် လာမယ်လို့ သိရကြောင်း ဆရာတော်က ဆက်လက်မိန့်ကြားပါတယ်။
၂၀၀၇ ခုနှစ်သံဃာ့ လှုပ်ရှားမှုမှာပါဝင်ခဲ့လို့ ချိပ်ပိတ်ခံခဲ့ရတဲ့ ဘုန်းကြီးကျောင်းတွေကတော့ မဂ္ဂင်ကျောင်း၊ ရွှေတောင်ကျောင်း၊ သာသနာ့ဗိမာန်ကျောင်း၊ သာသနာ့ဂုဏ်ရည်ကျောင်းနဲ့ သန်လျင်မြို့နယ်ထဲက အောင်ဗောဓိကျောင်းတို့ဖြစ်ကြပါတယ်။

မြန်မာ့စီးပွားရေးတိုးမြှင့်ဖို့ အလားအလာ ကောင်းတယ်လို့ IMF ပြော
နိုင်ငံတကာငွေကြေးရန်ပုံငွေအဖွဲ့ IMF က မြန်မာ အစိုးရအနေနဲ့ ဖွံ့ဖြိုးတိုးတက်မှု လုပ်ငန်းစဉ်ကို အရှိန်အဟုန်နဲ့ အထောင် အထည် ဖေါ်ဖို့အတွက် သမိုင်းဝင် အခွင့်အရေး တခုကို ရရှိထားပြီ ဖြစ်တယ်လို့ ပြောကြားလိုက် ပါတယ်။
မစ္စ မီရာ ကာရာဆူးလူး ဦးဆောင်တဲ့ IMF ရဲ့ ကိုယ်စားလှယ် အဖွဲ့ဟာ စီးပွားရေးကိစ္စ အကြံပြုဖို့ မြန်မာနိုင်ငံကို ဇန်နဝါရီလ ၉ ရက်နေ့ကနေ ၂၅ ၇က်အနေ့ အထိလာရောက် လေ့လာ ဆွေးနွေးပြီးနောက် ကြေညာချက် ထုတ်ပြန်ရာမှာ အခုလို ဖေါ် ပြထားတာ ဖြစ်ပါတယ်။
မြန်မာနိုင်ငံဟာ ၂၀၁၁/၁၂ ဘဏ္ဍာနှစ် အတွက် စီးပွားရေး တိုးတက်မှု ၅ ဒဿမ ၅ ရာခိုင်နှုန်း ရှိနိုင်ကြောင်း နဲ့ လာမယ့် ၂၀၁၂/၁၃ ဘဏ္ဍာ နှစ် အတွက်တော့ စီးပွားရေး တိုးတက်မှု ၆ ရာခိုင်နှုန်းကျော် မျှော်လင့်နိုင်တယ်လို့ IMF က ပြောပါတယ်။
မြန်မာနိုင်ငံရဲ့စီးပွားရေး ဆိုင်ရာ ပြုပြင် ပြောင်းလဲမှုတွေ အတွက် ကြိုဆို ကြောင်း၊ ဒါပေမယ့် နိုင်ငံတကာ ရင်းနှီးမြှပ်နှံသူတွေ လာနိုင်ဖို့ ဆိုရင် ငွေကြေး စနစ် အပါအဝင် ပြုပြင် ပြောင်းလဲ မှုတွေ ဆက်လက် လုပ်ဆောင်ဖို့ လိုကြောင်း IMF ရဲ့ ကြေညာချက်မှာ ဖေါ်ပြထားပါတယ်။
နိုင်ငံတော် စီးပွားရေး တိုးတက်ရေးမှာ ပုဂ္ဂလိက လုပ်ငန်းတွေ ပိုမို ဖွဲ့ဖြိုး တိုးတက်လာအောင် အားသွန် ခွန်စိုက် လုပ် ဆောင်ဖို့ လိုအပ်တယ်လို့ ပြောပါတယ်။

ALP ရခိုင် ပါတီကို အစိုးရက ငြိမ်းချမ်း ရေး ကမ်းလှမ်း
ALP တပ်မတော်က အမျိုး သမီး တွေကိုလည်း စစ်ရေး လေ့ကျင့်ပေး
အိန္ဒိယ၊ မြန်မာနဲ့ ဘင်္ဂလားဒေ့ရှ် နယ်စပ်မှာ အခြေ စိုက်ကြတဲ့ ရခိုင် လက်နက်ကိုင် အဖွဲ့ တွေထဲက တစ်ဖွဲ့ဖြစ်တဲ့ ရခိုင်ပြည်နယ် လွတ်မြောက်ရေး ပါတီ အေအယ်လ်ပီကို မြန်မာ အစိုးရက ပြည်ထောင်စု အဆင့် ငြိမ်းချမ်းရေး ဆွေးနွေးဖို့ တရားဝင် ကမ်းလှမ်း လိုက်တယ်လို့ သိရ ပါတယ်။
ဇန်နဝါရီလ ၂၃ ရက်နေ့က အစိုးရ ဘက်ကနေ ပြည်ထောင်စု အဆင့် ငြိမ်းချမ်းရေး ဆွေးနွေးဖို့ ကမ်းလှမ်း လာတာ ဖြစ်တယ်လို့ ပါတီ ပြောခွင့် ရှိသူ တွဲဘက် အထွေထွေ အတွင်းရေးမှူး (၂) ဦးခိုင်သုခ က အတည်ပြု ပြော ပါတယ်။
ရခိုင်ပြည် လွှတ်မြောက်ရေး ပါတီ ဥက္ကဌ ဦးခိုင်ရဲခိုင်ကို လိပ်မူပြီး ရထား ပို့ဆောင်ရေး ဝန်ကြီ ဦးအောင်မင်း ဦးဆောင်တဲ့ ပြည်ထောင်စု အဆင့် ငြိမ်းချမ်းရေး ဖော်ဆောင်ရေး အဖွဲ့က စာရေးသား ကမ်းလှမ်း ခဲ့တာလို့ သူက ပြောပါတယ်။
တွေ့ဆုံ ဆွေးနွေးရေး ကမ်းလှမ်းချက်ကို ရခိုင်ပြည် လွတ်မြောက်ရေး ပါတီ ဘက်က ကြိုဆိုကြောင်းနဲ့ မကြာခင်မှာ အစိုးရဘက်ကို အကြောင်း ပြန်မှာ ဖြစ်တယ်လို့ လည်း ဦးခိုင်သုခက ပြောပါတယ်။
ရခိုင်ပြည် လွှတ်မြောက်ရေး ပါတီဟာ မြန်မာနိုင်ငံ အနောက်ဘက် ဒေသမှာ ဒုတိယ မြောက် ငြိမ်းချမ်းရေး ကမ်းလှမ်း ခံရတဲ့ အဖွဲ့ ဖြစ်ပြီး ပထမ ကမ်းလှမ်း ခံရတာ ကတော့ ချင်းအမျိုးသား တပ်ဦး စီအန်အက်ဖ် ဖြစ်ပါတယ်။
ရခိုင်ပြည် လွှတ်မြောက်ရေး ပါတီနဲ့ သူ့ရဲ့ လက်နက်ကိုင် အဖွဲ့ဖြစ်တဲ့ ရခိုင်ပြည် လွှတ်မြောက်ရေး တပ်မတော်ဟာ အိန္ဒိယ၊ ဘင်္ဂလာဒေ့ရှ် နဲ့ မြန်မာ နယ်စပ် တလျှောက် မှာရော ထိုင်းနဲ့ မြန်မာ နယ်စပ်မှာပါ လူပ်ရှား နေတဲ့ ရခိုင် လက်နက်ကိုင် အဖွဲ့ တစ်ခု ဖြစ်ပြီး ရခိုင် အမျိုးသားရေး အတွက် လက်နက်ကိုင် လှုပ်ရှား လာခဲ့တာ နှစ်ပေါင်း ၄၀ နီးပါး ရှိနေပါပြီ။
အထူး သဖြင့် ပလက်ဝ၊ ကျောက်တော် မြို့တို့နဲ့ မနီး မဝေးမှာ လှုပ်ရှား နေတဲ့ အဖွဲ့လည်း ဖြစ်ပါတယ်။
အဲဒီ အဖွဲ့ကို ၁၉၇၀ ပြည့်လွန် နှစ်တွေ တုန်းက ထိုင်းမြန်မာ နယ်စပ် ကရင် အမျိုးသား အစည်းအရုံး လက်အောက်ခံ နယ်မြေ တစ်ခု ဖြစ်တဲ့ ကော်မူးရာမှာ အဲဒီ အချိန်က ပါတီ ဥက္ကဌ ဦးခိုင်မိုးလင်း တည်ထောင် ခဲ့တာ ဖြစ် ပါတယ်။

ရေနံအငြင်းပွားမှု ဆူဒန် နှစ်နိုင်ငံဆွေးနွေး
ရေနံကိစ္စ အငြင်းပွားမှုကြောင့် နှစ်နိုင်ငံ ပဋိပက္ခတွေ ထပ်ဖြစ်လာမှာကို စိုးရိမ်နေကြ
တောင်ပိုင်းဆူဒန်နဲ့ အရင်ဆူဒန် နှစ်နိုင်ငံ သမ္မတ တွေဟာ ရေနံနဲ့ပတ်သက်ပြီး ပိုမိုဆိုးဝါးလာ နေတဲ့ အငြင်းပွားမှုတွေကို ဖြေရှင်းဖို့အတွက် အီသီယိုပီးယား နိုင်ငံမှာ တွေ့ဆုံ ဆွေးနွေးနေကြ ပါတယ်။
အခုလို အငြင်းပွားမှုတွေကြောင့် နှစ်နိုင်ငံ အကြား ပဋိပက္ခတွေ ထပ်ဖြစ်လာ စေမယ်ဆိုတဲ့ စိုးရိမ်မှုတွေလည်း တိုးပွားလာနေပါတယ်။
တောင်းပိုင်းဆူဒန်နိုင်ငံက သူတို့ဆီက ထွက်တဲ့ရေနံတွေကို အရင် ဆူဒန်နိုင်ငံပိုင် ရေနံ ပိုက်လိုင်းတွေကနေ တင်ပို့နေရတာ ဖြစ်ပါတယ်။
ဒီလိုအသုံးပြုတဲ့အတွက် ဘယ်လောက်ပေးသင့်တယ် ဆိုတဲ့ အပေါ် သဘောထားကွဲပြီး ငြင်းခုန်နေကြတာ ဖြစ်ပါတယ်။
ပြီးခဲ့တဲ့နှစ် ဇူလိုင်လက လွတ်လပ်ရေးရခဲ့တဲ့ တောင်ပိုင်းဆူဒန်နိုင်ငံဟာ အဲဒီလို အငြင်းပွား ရာကနေ ရေနံထုတ်လုပ်မှုတွေကို စတင် ဆိုင်းငံ့ထားလိုက်တာ ဖြစ်ပါတယ်။
အီသီယိုပီးယားနိုင်ငံ အဒစ် အာဘာဘာ မြို့မှာ ပြုလုပ်နေတဲ့ ဒီဆွေးနွေးပွဲမှာ အီသီယိုပီးယား နဲ့ ကင်ညာနိုင်ငံတို့က ခေါင်းဆောင်တွေလည်း တက်ရောက် ဆွေးနွေး နေကြပါတယ်။
အခုဆွေးနွေးပွဲကနေ သဘောတူညီချက် ရချင်မှ ရမှာ ဖြစ်ပေမယ့် အနည်းဆုံးတော့ နှစ်နိုင်ငံ တင်းမာမှုတွေကို လျော့စေလိမ့်မယ်လို့ ဆူဒန်နိုင်ငံခြားရေးဝန်ကြီးဌာန ပြောခွင့်ရသူက ဘီဘီစီကို ပြောပါတယ်။
သုံးသပ်သူတွေကလည်း ဆူဒန် နှစ်နိုင်ငံအကြား သဘောတူညီမှု မရနိုင်ဘူးဆိုရင် စစ်ပွဲသစ် တွေ ပြန်ဖြစ်လာနိုင်တယ်လို သတိပေးနေကြပါတယ်။
အရင်ဖြစ်ပွားခဲ့တဲ့ အနှစ် ၂၀ ကျော်ကြာ ပြည်တွင်းစစ်ကြောင့် ခန့်မှန်းချေ အသက်ပေါင်း ၂ သန်းကျော် သေဆုံးခဲ့ရပြီး၊ ၂၀၀၅ ခုနှစ်ကမှ ငြိမ်းချမ်းရေး သဘောတူညီချက် ရရှိခဲ့ကာ ပြည်တွင်းစစ် နိဂုံးချုပ်ခဲ့တာ ဖြစ်ပါတယ်။

မဂ္ဂင်ကျောင်းအမှု မဟန ဓမ္မစက်နဲ့ ကိုင်တွယ်မည်
By မအေးအေးမာ
မကြာသေးခင်က နိုင်ငံတော် လွတ်ငြိမ်းချမ်းသာခွင့် အမိန့်နဲ့ ပြန်လည် လွတ်မြောက်လာကြတဲ့ သံဃာတော်တွေကနေ ရန်ကုန်မှာ ချိတ်ပိတ်ခံထားရတဲ့ ဘုန်းကြီးကျောင်းတွေကို ကိုယ့်သဘောနဲ့ကိုယ် ပြန်ဖွင့်ခဲ့တာကြောင့်လို့ဆိုပြီး ရန်ကုန်တိုင်း ဒေသကြီး အစိုးရအဖွဲ့ကနေ အရေးယူဖို့ ပြင်ဆင်ခဲ့တဲ့အပေါ် နိုင်ငံတော် သံဃာ့မဟာနာယက အဖွဲ့က ကြားဝင်ညှိနှိုင်းခဲ့ရပါတယ်။ ဒါကြောင့် လက်ရှိမှာ မြန်မာနိုင်ငံဝှမ်း အကျဉ်းထောင်တွေက ပြန်လွတ်လာကြတဲ့ သံဃာတော်တွေကို အရေးယူမယ့်ကိစ္စ ဘယ်လို ပြီးဆုံးသွားသလဲ ဆိုတာကိုတော့ မအေးအေးမာက ဆက်သွယ်မေးမြန်းထားပါတယ်။
ရန်ကုန်တိုင်းဒေသကြီး အစိုးရအဖွဲ့ကနေ အကျဉ်းထောင်ကနေ ပြန်လည် လွတ်မြောက်လာတဲ့ နိုင်ငံရေးအကျဉ်းသား သံဃာတွေအနေနဲ့ သူတို့ရဲ့ကျောင်းတွေကို ပြန်ဖွင့်ပြီး ၀င်တဲ့ကိစ္စဟာ ပြစ်မှုဆိုင်ရာ ဥပဒေနဲ့ ညှိစွန်းတယ်ဆိုပြီး တရားစွဲဆိုဖို့ လုပ်ခဲ့တာပါ။ ဒီကိစ္စနဲ့ပတ်သက်ပြီး ဇန်န၀ါရီလ ၂၇ ရက်နေ့မှာ နိုင်ငံတော် သံဃာ့မဟာနာယက ဆရာတော်ကြီးတွေနဲ့ တွေ့ဆုံခဲ့တဲ့ ရွှေတောင်ကျောင်းတိုက်က ဆရာတော် ဦးပဏ္ဍ၀ံသ က အခုလို မိန့်ပါတယ်။
“ရန်ကုန်တိုင်း အစိုးရအဖွဲ့က ဥပဇ္ဇင်းတို့တွေကို သူတို့ကချိတ်ပိတ်ထားတဲ့ သော့တွေကို မိမိသဘောနဲ့ မိမိ ပြန်ဖွင့်တယ်ဆိုပြီးတော့ ကိုဓ (Code) ဥပဒေအရ ပိတ်ထားတာ ဖြစ်တဲ့အတွက် ပြည်ထောင်စုအစိုးရက တရားစွဲထားတာပေါ့။ ပြည်ထောင်စု အစိုးရဆိုတာက တိုင်းဒေသကြီးအစိုးရက။ အဲဒါကို သံဃာ့နာယက ဆရာတော်ကြီးများကို သူတို့က လျှောက်ထားတင်ပြတယ်။ အရေးယူပေးဖို့ပေါ့နော်။ အဲဒါနဲ့ သံဃာ့နာယက ဆရာတော်ကြီးတွေက ဒီကိစ္စကို ငါတို့ ကိုင်တွယ် ဖြေရှင်းပေးမယ် ဆိုပြီးတော့ပေါ့။ အရင်တုန်းက ဒီဟာတွေက ရှိတယ်လေ။ အခုမှပြန်ပေါ်တယ်လို့ ပြောရမှာပေါ့။ လွန်ခဲ့တဲ့ နှစ်ပေါင်း ၂၀ လောက်က တိမ်မြှုပ်နေတဲ့ဟာပေါ့။ အဲဒါက ဘာလဲဆိုတော့ ဓမ္မစက်က ရှေ့ကသွား၊ အာဏာစက်က နောက်က သွားရမယ်ဆိုတဲ့ဟာလေ။ အဲဒါနဲ့ ဓမ္မစက်အရ ဥပဇ္ဇင်းတို့ကို ခေါ်ပြီးတော့ အကောင်အထည်ဖော် ဆောင်ရွက်တာပေါ့။ အဲဒီတော့ ၀ိနည်း စည်းကမ်းတွေအရ နေထိုင်ဖို့နဲ့ အခု ဒီကျောင်းတွေ ကိစ္စတွေနဲ့ ပတ်သက်ပြီးတော့ ဒါ ရာဇ၀တ်မှုတွေ ဖြစ်နေတယ်ပေါ့။ ဒါပေမဲ့ ဒီဟာတွေကို အရေးယူပေးဖို့အတွက် သံဃာ့နာယကအဖွဲ့ကနေ ဒီဥစ္စာကို လွှဲပြောင်းပြီးတော့ ယူလိုက်တယ်။”
မကြာသေးခင်က လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာတဲ့ နိုင်ငံရေးလှုပ်ရှားသူ သံဃာတွေကို အစိုးရက ပြန်လည်ဖမ်းဆီးဖို့ လုပ်ဆောင်တာဟာ မသင့်တော်တဲ့အကြောင်း မဟန က ကြားဝင်ပြီး သံဃာ့ကိစ္စကို သံဃာတွေဖြေရှင်းမယ် ဆိုပြီး လုပ်ဆောင်ခဲ့တာလို့လည်း ဆရာတော်က မိန့်ပါတယ်။
“အစိုးရက ဒီကိုယ်တော်တွေကို ကိုဓ (Code) ဥပဒေအရ အရေးယူမယ် ဆိုပြီးတော့ သူတို့ကို လျှောက်ထားတာ။ ထောင်ထဲကို ပြန်ထည့်ဖို့ လုံးဝ အသင့်ရှိတယ်။ အဲဒါကို ဆရာတော်ကြီးတွေက ဘယ်ကောင်းမလဲတဲ့၊ အခုလွှတ် အခုထည့်ဖို့ မကောင်းဘူးတဲ့။ ကမ္ဘာမှာလည်း ရှက်စရာကောင်းတယ်။ သိက္ခာကျတယ်ဆိုပြီးတော့ ဒုတိယဥက္ကဋ္ဌ ဆရာတော်က မိန့်တာကြားတယ်။ မဟန တွေက မင်းတို့ ဒီလိုလုပ်ရမှာမဟုတ်ဘူး။ ငါတို့က အရင်လုပ်ရမှာ၊ ငါတို့က အရင် စစ်ရမှာ မေးရမှာ။ ငါတို့ မေးလို့ပြုလို့မှ မလိုက်နာဘူးဆိုရင် အဲဒီအခါကျမှ မင်းတို့က အရေးယူမယ့် ကိစ္စတွေလုပ်၊ တရားစွဲမယ့်ကိစ္စတွေ လုပ်ဆိုပြီးတော့ ဥက္ကဋ္ဌဆရာတော်က အဲဒီလို အမိန့်ရှိလိုက်တာ။ အဲဒါနဲ့ သူတို့ နောက်ဆုတ်သွားတာပေါ့နော်။”
ဒီကိစ္စနဲ့ပတ်သက်ပြီး အာဏာပိုင်တွေ ၀င်မပါဖို့နဲ့ သာသနာရေး ၀န်ထမ်းတွေကို အသုံးပြုပြီး ကျောင်းတိုက် တွေက တံခါးတွေကို ပြန်လည် ဖွင့်ပေးဖို့အတွက် သုံးရက်အတွင်း လုပ်ဆောင်ပေးမယ်လို့လည်း ဆိုပါတယ်။
“နိုင်ငံတော် သံဃာ့နာယက နဲ့တွေ့ရတဲ့အခါကျတော့ နိုင်ငံတော် သံဃာ့မဟာနာယက ကနေပြီးတော့ ခရိုင်နဲ့ သာသနာရေးမှူးတွေကို တာဝန်ပေးပါတယ်။ အဲဒီတာဝန်က ဘာလဲဆိုတော့ ဥပဇ္ဇင်းတို့ ညွှန်ကြားလွှာ ၁၅ ရပ်အရ ပြန်လည် ၀တ်ခွင့် လျှောက်ထားရပါတယ်။ ပြန်လည် ၀တ်ခွင့် လျှောက်ထားခြင်းကိစ္စနဲ့ ပတ်သက်ပြီးတော့ လျှောက်လွှာကို တင်ခဲ့ပါတယ်။ တင်ခဲ့တဲ့အခါကျတော့ အဲဒီဟာကို သုံးရက်အတွင်းကို ပြန်ပြီးတော့ အကောင်အထည်ဖော် ဆောင်ရွက်မယ်။ အဲဒါ ပြီးလို့ရှိရင်တော့ လောလောဆယ် အခုဖွင့်ထားတဲ့ ကျောင်းကနေ ခဏ ဆင်းပေးရမယ်။ ပြီးရင် ၀တ်ဖို့လျှောက်လွှာတင်ပြီးလို့ ၀တ်ပြီးတဲ့နေ့ ၃ ရက်မြောက် နေ့မှာ သူတို့က သူတို့ကျောင်းတွေကို ဖွင့်ပွဲလေးတွေ လုပ်မယ်။”
ဒီကနေ့ မဟန ကခေါ်တဲ့ အစည်းအဝေးကို ဦးပဏ္ဍ၀ံသ နဲ့ ဦးပညာသီဟ တို့ တက်ရောက်ခဲ့ပြီး တခြားသံဃာတွေကတော့ ခရီးလွန်နေကြလို့ မတက်ရောက်နိုင်ဘူးလို့ ဆိုပါတယ်။ အခုတလောမှာ နိုင်ငံရေးနဲ့ ပတ်သက်ဆက်နွယ်တဲ့ သံဃာတွေကို အာဏာပိုင်တွေက ပိုပြီး ဖိအားပေးမှုတွေ လုပ်လာခဲ့တာပါ။
ရွှေည၀ါ ဆရာတော်ဆိုရင်လည်း အမျိုးသား ဒီမိုကရေစီအဖွဲ့ချုပ်မှာ တရားဟောလို့ ဆိုပြီး ကျောင်းတိုက် ကနေ တစ်လအတွင်း ဖယ်ရှားပေးဖို့အတွက် ဖိအားပေးခံနေရပါတယ်။ သံဃာတော်တွေဟာ ထောင်ကလွတ်တာနဲ့ နေထိုင်စရာကျောင်း မရှိဘဲ ဒုက္ခရောက်နေကြသူတွေ အများကြီးပဲလို့ ပြန်လည် လွတ်မြောက်လာတဲ့ သံဃာတော်တွေက ဆိုပါတယ်။
မြန်မာအစိုးရဟာ တဘက်မှာ လွတ်ငြိမ်းချမ်းသာခွင့် ပေးခဲ့ပေမဲ့ တခြားတဘက်မှာလည်း နိုင်ငံရေးနဲ့ ပတ်သက်တဲ့ သံဃာတွေကို တစ်လအတွင်းမှာ ဖိနှိပ်ဖို့ ကြိုးစားမှုတွေဟာ သိသိသာသာ လုပ်လာတယ် လို့လည်း အကျဉ်းထောင်တွေကနေ ပြန်လည် လွတ်မြောက်လာတဲ့ သံဃာတော်တွေက ပြောပါတယ်။

ဒဏ်ခတ်အရေးယူမှု ရုပ်သိမ်းချိန် တန် မတန်
By ခင်ဖြူထွေး/Ron Corben
မြန်မာအစိုးရအနေနဲ့ တိုင်းရင်းသားဒေသတွေမှာ ထိန်းသိမ်းခံထားရသူတွေ အပါအ၀င် နိုင်ငံရေးအကျဉ်းသားတွေ အားလုံးကို ပြန်လွှတ်ပေးတဲ့အချိန်အထိ နိုင်ငံတကာ အသိုင်းအ၀ိုင်းက ချမှတ်ထားတဲ့ စီးပွားရေးနဲ့ ကုန်သွယ်ရေးဆိုင်ရာ ပိတ်ဆို့ ဒဏ်ခတ်မှုတွေကို ပြန်လည် ရုပ်သိမ်းတာမျိုးမလုပ်ဖို့ နိုင်ငံရေးအကျဉ်းသား လွတ်မြောက်ရေး အဓိက လှုပ်ရှားပြောဆိုနေကြသူတွေက တောင်းဆိုလိုက်ကြပါတယ်။ ဒါပေမဲ့လည်း မြန်မာနိုင်ငံမှာရှိတဲ့ ကုလသမဂ္ဂ အေဂျင်စီတွေကတော့ မြန်မာနိုင်ငံတွင်း ဆင်းရဲမွဲတေမှု လျှော့ချရေး လုပ်ငန်းတွေကို အကူအညီပေးနိုင်ဖို့အတွက် ထောက်ပံ့ငွေတွေ ခွင့်ပြုရေးမှာ ဒီ ဒဏ်ခတ်ပိတ်ဆို့မှုတွေ ရုပ်သိမ်းဖို့ အရေးကြီးတဲ့အကြောင်း ပြောပါတယ်။ ဗွီအိုအေ သတင်းထောက် Ron Corben ဘန်ကောက်မြို့က ပေးပို့ထားတဲ့ သတင်းလွှာကို မခင်ဖြူထွေးက အစီရင်ခံထားပါတယ်။
မြန်မာနိုင်ငံမှာ နိုင်ငံရေးကျဉ်းသားအားလုံး လွတ်မြောက်လာတဲ့ အချိန်အထိ နိုင်ငံတကာ အသိုင်းအ၀ိုင်းအနေနဲ့ စီးပွားရေးအရ ပိတ်ဆို့ဒဏ်ခတ်မှုတွေကို လုံးဝ ဖယ်ရှားပစ်လိုက်တာမျိုး မလုပ်ဘဲ မြန်မာအစိုးရအပေါ် ဆက်ပြီး ဖိအားပေးသွားဖို့ လူ့အခွင့်အရေး စောင့်ကြည့်ရေးအဖွဲ့ တစ်ခုဖြစ်တဲ့ AAPP ခေါ် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) က ပြောဆိုလိုက်တာပါ။ ကိုယ်တိုင် နိုင်ငံရေးအကျဉ်းသား ဖြစ်ခဲ့ဖူးတဲ့ လက်ရှိ AAPP ရဲ့ တွဲဘက် အတွင်းရေးမှူး ဦးဘိုကြည်က ဘန်ကောက်မြို့မှာ သတင်းထောက်တွေနဲ့ တွေ့ဆုံရာမှာ အခုလို ပြောပါတယ်။
“sanctions (ဒဏ်ခတ်အရေးယူမှု) ပြန်ရုပ်သိမ်းဖို့ဆိုရင် ဦးသိန်းစိန် အစိုးရအနေနဲ့ နိုင်ငံရေးအကျဉ်းသားတွေကို အရင်ဆုံး လွှတ်ပေးရပါလိမ့်မယ်။ နောက် နံပါတ်နှစ် အချက်က တနိုင်ငံလုံး အတိုင်းအတိုင်းအတာနဲ့ ငြိမ်းချမ်းရေး ရရှိဖို့လိုပါတယ်။ နံပါတ်သုံးအချက်က နိုင်ငံသူနိုင်ငံသားတွေ အနေနဲ့ လူ့အခွင့်အရေးကို ကာကွယ်ဖို့၊ လူ့အခွင့်အရေး အခြေအနေ တိုးတက်အောင်လုပ်နိုင်ဖို့အတွက် နိုင်ငံသားတွေကနေပြီးတော့ လူ့အခွင့်အရေး အဖွဲ့တွေကို လွတ်လွတ်လပ်လပ် လှုပ်ရှားခွင့်ပြုဖို့ လိုအပ်ပါတယ်။ အဲဒီလို လှုပ်ရှားခွင့်ရပြီ ဆိုလို့ရှိရင်တော့ ဒါ sanctions ရုပ်သိမ်းဖို့ကို ပြန်ပြီးတော့ စဉ်းစားသင့်ပါတယ်။”
မြန်မာအစိုးရအနေနဲ့ နိုင်ငံရေးအကျဉ်းသား တချို့ကို ပြန်လွှတ်ပေးခဲ့တာ၊ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို နိုင်ငံရေးမှာ ပြန်လည် ပါဝင်ခွင့်ပြုတာ၊ တိုင်းရင်းသား လက်နက်ကိုင်အဖွဲ့တွေနဲ့ ငြိမ်းချမ်းရေး ဆွေးနွေးပွဲတွေ စတင်တာတွေ လုပ်လာခဲ့ပြီးတဲ့ နောက်မှာတော့ သမ္မတ ဦးသိန်းစိန်က ပိတ်ဆို့ဒဏ်ခတ်မှုတွေကို အမြန်ဆုံး ပြန်ရုပ်သိမ်းပေးဖို့ တောင်းဆိုနေတာ ဖြစ်ပါတယ်။
အခုနောက်ဆုံးအကြိမ် နိုင်ငံရေးအကျဉ်းသားတွေကို ပြန်လွှတ်ပေးခဲ့တာမှာ ၁၉၈၈ ခုနှစ် လူထုအုံကြွမှုမှာ အဓိက ဦးဆောင် ပါဝင်ခဲ့သူတွေလည်း ပြန်လည် လွတ်မြောက်လာခဲ့တာပါ။ ဒါပေမဲ့ ဆက်လက် ထိန်းသိမ်းခံနေရဆဲ နိုင်ငံရေး အကျဉ်းသားတွေ ရှိနေတုန်းပဲလို့ နိုင်ငံတကာ လွတ်ငြိမ်းချမ်းသာခွင့်အဖွဲ့ Amnesty International က ပြောပါတယ်။ ပြီးခဲ့တဲ့နှစ်ကစလို့ နိုင်ငံရေးအကျဉ်းသား ၆၄၇ ယောက် ပြန်လည် လွတ်မြောက်လာခဲ့တာ ဖြစ်ပေမဲ့ နောက်ထပ် ၇၀၀ နဲ့ ၁,၀၀၀ ကြား အရေအတွက်ရှိတဲ့ နိုင်ငံရေးအကျဉ်းသားတွေ ဆက်ပြီးရှိနေတုန်းပဲလို့ နိုင်ငံတကာ လွတ်ငြိမ်းချမ်းသာခွင့်အဖွဲ့က ပြောပါတယ်။
မြန်မာအစိုးရကတော့ မြန်မာနိုင်ငံမှာ နိုင်ငံရေးအကျဉ်းသား ဆိုတာ မရှိပါဘူးလို့ ငြင်းဆန်နေဆဲပါ။ ဒီလို အသိအမှတ်ပြုမှုမျိုး မရှိတဲ့အတွက်ကြောင့်လည်း တချို့ နိုင်ငံရေး အကျဉ်းသားတွေကို သာမန်အကျဉ်းသားတွေလို သဘောထားခံရပြီး နှစ်ရှည် အကျဉ်းချခံရတဲ့ အဖြစ်မျိုးတွေ ဖြစ်မှာကို လူ့အခွင့်အရေးအဖွဲ့တွေက စိုးရိမ်နေကြတာပါ။
နိုင်ငံရေး ပြုပြင်ပြောင်းလဲမှုတချို့ ရှိလာတယ်ဆိုပေမဲ့ အခြေအနေက စိုးရိမ်ရတဲ့အဆင့်မှာ ရှိနေတုန်းပဲလို့ နိုင်ငံတကာ လွတ်ငြိမ်းချမ်းသာခွင့် အဖွဲ့က သုတေသီ Benjamin Zawacki က ပြောပါတယ်။ မြန်မာအစိုးရဟာ ပိတ်ဆို့ဒဏ်ခတ်မှုတွေ ဖယ်ရှားနိုင်ဖို့အတွက် နိုင်ငံရေးအကျဉ်းသားတွေကို အသုံးချနေတယ်လို့ သူက ဆိုပါတယ်။
“ဘယ်လိုနည်းနဲ့မှ အကျဉ်းထောင်တွေထဲမှာ ရှိမနေသင့်တဲ့သူတွေ၊ ဒီလိုလူတွေ အတော်များများ ဖမ်းဆီးခံနေရတာပါ။ စဉ်းစားကြည့်ပါ… ဒီလိုလူတွေကို အပေးအယူသဘောနဲ့ အသုံးချနေတဲ့ကိစ္စက အတော်ကို စိတ်အနှောက်အယှက် ဖြစ်စရာပါ။”
ဒါပေမဲ့လည်း နိုင်ငံတကာ ကူညီထောက်ပံ့ရေး အဖွဲ့တွေကတော့ မြန်မာအပေါ် ပိတ်ဆို့ဒဏ်ခတ်မှုတွေကို ရုပ်သိမ်း စေချင်နေကြတာပါ။ ကုလသမဂ္ဂ ဖွံ့ဖြိုးရေးအစီအစဉ် UNDP ရဲ့ မြန်မာနိုင်ငံဆိုင်ရာ ဌာနေကိုယ်စားလှယ် Ashok Nigam က အကူအညီ လိုအပ်နေတဲ့ ဖွံ့ဖြိုးတိုးတက်ရေး အစီအစဉ်တွေကို ထောက်ပံ့နိုင်ဖို့မှာ ပိတ်ဆို့ ဒဏ်ခတ် အရေးယူမှုတွေ ဖယ်ရှားဖို့ အရေးကြီးတယ်လို့ ဆိုပါတယ်။
“ပိတ်ဆို့အရေးယူမှုတွေ ဖယ်ရှားဖို့ သိပ်ကို အရေးကြီးပါတယ်။ ဘာဖြစ်လို့လဲဆိုတော့ မြန်မာနိုင်ငံထဲမှာ ကျနော်တို့ရဲ့ လုပ်ငန်းတွေ လည်ပတ်နေဆဲဖြစ်လို့ပါ။ အထူးသဖြင့် UNDP ရဲ့ ဌာနေအစီအစဉ်တွေ ပုံမှန် လည်ပတ်နိုင်ရေးမှာ အဟန့်အတားဖြစ်နေတဲ့ တင်းကျပ်တဲ့ အတားအဆီးတွေအောက်မှာ ကျနော်တို့ လည်ပတ်နေရတာပါ။ ဌာနေ အစီအစဉ်ဟာ ဒေသခံပြည်သူတွေရဲ့ စွမ်းဆောင်ရည် မြင့်တင်ရေး ကိစ္စတွေမှာ အဓိကထား လုပ်ကိုင်တာဖြစ်ပြီး အဲဒီကိစ္စတွေမှာ အစိုးရအနေနဲ့ အပြည့်အ၀ တာဝန်ယူရတာ ဖြစ်ပါတယ်။ ပိတ်ဆို့ အရေးယူမှုတွေကိုသာ ဖယ်ရှားလိုက်မယ်ဆိုရင် အခုကိစ္စတွေအတွက် ကျနော်တို့မှာ အများကြီး အကျိုးကျေးဇူးတွေ ဖြစ်လာစေမှာပါ။”
မြန်မာနိုင်ငံအပေါ် ဒဏ်ခတ် ပိတ်ဆို့မှုတွေ ရုပ်သိမ်းဖို့ဆိုရင် အမေရိကန်ပြည်ထောင်စု၊ ကနေဒါ အပြင် ဂျာမဏီနဲ့ ဗြိတိန် စတဲ့ အနောက် ဥရောပနိုင်ငံ ၁၂ နိုင်ငံ အပါအ၀င် နိုင်ငံပေါင်း ၃၆ နိုင်ငံရဲ့ အမှုဆောင် ဘုတ်အဖွဲ့တွေရဲ့ ဆုံးဖြတ်ချက်ပေါ်မှာ မူတည်ပါတယ်။ မကြာသေးခင် သီတင်းပတ်တွေအတွင်း အကြီးတန်း အမေရိကန် အထက်လွှတ်တော် ခေါင်းဆောင်တွေက အခြေအနေပေါ်မှာ မူတည်ပြီး စီးပွားရေးအရ ပိတ်ဆို့ဒဏ်ခတ်မှု ရုပ်သိမ်းဖို့ကိစ္စ ပြောဆိုမှုတချို့ ရှိခဲ့ပါတယ်။ ဒီသီတင်းပတ်တွင်းမှာပဲ ဥရောပသမဂ္ဂ နိုင်ငံတွေက နိုင်ငံခြားရေးဝန်ကြီးတွေကလည်း သန်း ၂၀၀ နီးပါးရှိတဲ့ ကူညီထောက်ပံ့ရေး အစီအစဉ်တစ်ရပ် ချမှတ်ဖို့ စီစဉ်နေတဲ့အကြောင်း ပြောဆိုခဲ့ပါတယ်။ အကြီးတန်း မြန်မာအစိုးရ ခေါင်းဆောင်တွေအပေါ် ခရီးသွားလာခွင့် ပိတ်ပင်ထားတာကိုလည်း မကြာသေးခင်ကပဲ ဥရောပသမဂ္ဂက ဖယ်ရှားပေးခဲ့တာ ဖြစ်ပါတယ်။
ဧပြီလထဲ ကျင်းပမယ့် ကြားဖြတ် ရွေးကောက်ပွဲတွေ လွတ်လပ်ပြီး တရားမျှတဖို့နဲ့ လာမယ့်လပိုင်းတွေအတွင်း ကျန်ရှိနေသေးတဲ့ နိုင်ငံရေးအကျဉ်းသား အားလုံးကို ချွင်းချက်မရှိ ပြန်လွှတ်ပေးဖို့ ဥရောပသမဂ္ဂ နိုင်ငံတွေက ခေါင်းဆောင်တွေက တောင်းဆိုနေကြတာ ဖြစ်ပါတယ်။

ထောက်လှမ်းရေး လေယာဉ် ဖိလစ်ပိုင် လက်ခံဖို့စဉ်းစား
By ဗွီအိုအေ (မြန်မာဌာန)
တောင်တရုတ် ပင်လယ်ပြင်ထဲက အငြင်းပွားနေတဲ့ နယ်မြေဒေသကို ဖိလစ်ပိုင်နိုင်ငံက ကင်းလှည့်ရာမှာ ပိုမိုထိရောက်နိုင်ဖို့ အမေရိကန် ပြည်ထောင်စုရဲ့ ထောက်လှမ်းရေး လေယာဉ်တွေ ချထားပေးမယ်ဆိုတဲ့ ကမ်းလှမ်းချက်ကို လက်ခံဖို့ စဉ်းစားနေတယ်လို့ ဖိလစ်ပိုင် ကာကွယ်ရေးဝန်ကြီး Voltaire Gazmin က သောကြာနေ့က ပြောပါတယ်။
သဘာဝ သယံဇာတ ပေါကြွယ်ဝတဲ့ တောင်တရုတ် ပင်လယ်ပြင်ထဲက Spratly ကျွန်းစုဒေသ ပိုင်ဆိုင်မှု အငြင်းပွားနေရာမှာ တခြားသော ဒေသတွင်း နိုင်ငံတွေလိုပဲ ဖိလစ်ပိုင်ကလည်း သူတို့ တစိတ်တပိုင်း ပိုင်ဆိုင်တယ်လို့ ပြောနေတာပါ။ ဒါပေမဲ့ တရုတ်နိုင်ငံက သူတို့ ပိုင်ဆိုင်ကြောင်းကို အင်အားသုံးလာတဲ့အထိ တိုးမြှင့် ပြသလာပါတယ်။
ဖိလစ်ပိုင်နဲ့အတူ ဗီယက်နမ် နိုင်ငံကလည်း တရုတ်နိုင်ငံဟာ အဲဒီဒေသက ရေနံနဲ့ သဘာဝဓာတ်ငွေ့ ရဖို့အတွက် အင်အားသုံး နှောက်ယှက်မှုတွေ လုပ်လာတယ်လို့ စွပ်စွဲခဲ့ပါတယ်။
အမေရိကန်နဲ့ ဖိလစ်ပိုင်အရာရှိတွေဟာ ကြာသပတေးနေ့က  ၀ါရှင်တန်မှာ တွေ့ဆုံ ဆွေးနွေးခဲ့ကြပါတယ်။ ဒါ့အပြင် လာမယ့် မတ်လထဲကျရင်လည်း ထပ်ပြီးဆွေးနွေးဖို့ပါ စီစဉ်ထားပါတယ်။
ဖိလစ်ပိုင်အနေနဲ့ အမေရိကန်နဲ့ ပူးတွဲစစ်ရေးလေ့ကျင့်မှု လုပ်နေတာတွေကို အကြိမ် ပိုတိုးလုပ်ဖို့ ဆန္ဒရှိနေတယ်လို့လည်း ဖိလစ်ပိုင် နိုင်ငံခြားရေးဝန်ကြီး Albert del Rosario က ပြောပါတယ်။ ဒါဟာ အမေရိကန်နဲ့ မဟာမိတ်အဖြစ် ရပ်တည်နေမှုကို ပိုမို ကြီးထွားလာစေဖို့ ဖိလစ်ပိုင်အတွက် အခွင့်အလမ်းကောင်းတစ်ခု ဖြစ်တယ်လို့လည်း ဖိလစ်ပိုင်  နိုင်ငံခြားရေး ၀န်ကြီးထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။
အယ်လ်ခိုင်ဒါးနဲ့ ဆက်နွယ်နေတဲ့ ဒေသတွင်းက အကြမ်းဖက်အဖွဲ့တွေကို  နှိမ်နင်းရာမှာ အကြံပေးဖို့ အမေရိကန်က အထူးတပ်သား ၆၀၀ လောက်ကို ဖိလစ်ပိုင်နိုင်ငံထဲမှာ တာဝန်ချထားပါတယ်။