သင်သည်ပင်လျှင် နိုင်ငံတော်

by Ko Wai on Saturday, January 21, 2012 at 12:06am

နိုင်ငံတော်ဟူသည် ကုန်းမြေတစ်ခုထဲရှိယုံနှင့် ခေါ်ဆိုလို့ မရနိုင်သလို လူတွေချဉ်းရှိရုံနှင့်လည်း
ခေါ်ဆိုဖွယ်မဖြစ်နိုင် ။ တိုင်းပြည်တစ်ခုအတွက် သက်မှတ် အကျယ်အ၀န်း ယင်း သတ်မှတ် အ၀န်း အ၀င်းတွင်းတွင် အခြေချ နေထိုင်သောသူများ ။ ထိုအချက်လက်နှစ်ခု ပြည့်စုံမှသာလျှင် နိုင်ငံတော်ဟူသော စကားရပ်ကို ခေါ်ဆိုရန် ပြည့်စုံနိုင်ပေမည်။ ထို့ကြောင့် သင်သည်ပင်လျှင် သင့်နိုင်ငံတော်သင့်တိုင်းပြည်၏ တစ်စိတ်တဒေသဖြစ်လေသည်။

နိုင်ငံရေး အ၀န်းဝိုင်းတွင် နိုင်ငံတော်၊ နိုင်ငံသားဟူသည့် အသုံး များဖြင့် လူနှင့်ကုန်မြေကို
ခွဲခြားကောင်းခွဲခြားပါလိမ့်မည်။ သို့သော် ထိုနှစ်ချက်မပြည့်စုံဘဲ နိုင်ငံတော်ဖြစ်မလာနိုင်ပေ။ ကျနော်ကြိမ်ဖန်များစွာ စကားတစ်ခု ကြားဖူးသည်။မိတ်ဆွေတို့လဲကြားဖူးမည်။ နိုင်ငံရေးလုပ်တော့ ဘာဖြစ်မှာလဲ ။ မင်းလုပ်တော့ကောမင်းကို ဘယ်သူက နေရာပေးမှာလဲ။စသဖြင့် ပြောကြ သည် ။ တစ်ချို့ကလဲ စေတနာကောင်းဖြင့် မိမိ ခင်မင်ရသူ မိတ်ဆွေ၊ သူငယ်ချင်း၊ ဆွေမျိုးသာချင်းပေါ်ကို ထိခိုက်မည်စိုးသဖြင့် ပြောခြင်း    ဖြစ်မည်။ တစ်ချို့ကလဲ ငါတစ်ကော ငါတစ်ဘို့ ဆိုတဲ့ အမြင်နှင့် ပြောသူများလဲ ရှိပါလိမ့်မည်။ သို့သော် သင်သည် နိုင်ငံတော်ဟူသော စကားလုံး၏ တစ်စိတ်တစ်ဒေသ ဖြစ်နေသည် ဆိုလျှင် သင်သည် နိုင်ငံရေးနှင့် ကင်းကွာဖွယ်မှာ ဖြစ်နိုင်မည်မထင်။ သို့သော် နိုင်ငံရေး နှစ်မျိုး တော့ဖြင့် ခွဲရလိမ့်မည်။ ပါတီနိုင်ငံရေးနှင့် အမျိုးသားနိုင်ငံရေးပေါ့ ။ ဒီနေရာမှာ ကျနော်တို့ ရိုးရိုးတွေးပြီး ရှင်းရှင်းဘဲပြောပါမည်။ ပါတီနိုင်ငံရေး ဆိုသည်မှာ မိမိပါတည်ထောင်မည် သို့မဟုတ် ယုံကြည်ရသော ပါတီတစ်ခုတွင်ဝင်မည်။ ထို့နောက်မိမိယုံကြည်ရ  သောနိုင်ငံရေးလမ်းစဉ် မိမိပါတီ၏ အနာဂါတ် နိုင်ငံတော်ပုံဖော်မှုများကို လူထုကို ချပြမည်။ ပြီးလျှင် လူထုလက်ခံလျှင် လူထုထောက်ခံမှုရလျှင် ယင်းလမ်းစဉ်များဖြင့် အနာဂါတ်နိုင်ငံတော်ကို ပုံဖော်ကြမည်ပေါ့။

အမျိုးသားနိုင်ငံရေး ကတော့ သင့်စိတ် အပြောင်းလဲ ထောင့်လေးတစ်ခုပေါ်မှာပင်လျှင်တည်လျှက် သင်သည် အမျိုး သားနိုင်ငံရေးသမားဖြစ်သွားပေမည်။ ဘာကြောင့်ဆိုလျှင် သင်သည် လူထုထောက်ခံမှုမလို ၊ တိုင်းပြည်အတွက်ကောင်းကျိုးကို သင်တစ်ယောက်ထဲ လွတ်လပ်စွာ ချက်ချင်းလက်ငင်းလုပ်လို့ရသည်။ သို့သော် လွယ်လွယ်လေးတော့မဟုတ် သင်သည် တရားမျှတမှုကို ချစ်ခင်သူဖြစ်သလို တရားမျှတမှုကို လိုက်နာနိုင်သူဖြစ်ရမည်။ ကျနော်တို့ဝန်းကျင်မှာ ကျနော်တို့ဘာသာမှာ သူတပါးပစည်းခိုးတာမကောင်း
ကြောင်း အတိလင်းပါသည်။ သို့သော် အသိတစ်ယောက်လောက် စားလို့ဝါးလို့ကောင်းသော အစိုးရ ဋ္ဌာန တစ်ခုလောက်မှာ များ အရာရှိ
ဖြစ်သွားလျှင် ကျိတ်အားကျ နေတက်ကြလေသည်။ ထို့ကြောင့် တရားမှုကို လူအားလုံးချစ်သော်လည်း လေးစားလိုက်နာဖွယ်မှာ အတော်ခက်လေသည်။ နောက်တစ်ခုက ကိုယ်ချင်းစာတရားရှိဖို့လိုပါသည်။ သင်သည် စီးပွားရေး လုပ်ငန်းငယ်လေးတစ်ခုကို လုပ်နေသည်ဆိုပါစို့ ။ ထိုစီးပွားရေးလုပ်ငန်းအပေါ်တွင် မိသားစု ဘယ်နှစ်စု မှီခိုနေသည်ကို သင်မေးခွန်းထုတ်သင့်သည်။ သင့်မိသားစုကတော့ သေချာပေါ် မှီခိုနေပေမည်။ သင်မတူညီသော မိသားစုမှ ပေါက်ဖွားလာသော လုပ်သားနှစ်ယောက်ကို သင်သည် အလုပ် ခန့်ထားလျှင် ထိမိသားစုနှစ်စု သည်လည်း ဒီလုပ်ငန်းအပေါ်တွင် မှီခိုနေပေမည်။ ထိုမိသားစု သုံးစုအတွက် ကျန်းမာရေး စားဝတ်နေရေး ပညာရေးတို့ ကို သင်ဖြေရှင်းပေးနိုင်အောင် ဖန်တီးရလိမ့်မည်။ အဲဒီမှာ တရားမျှတမှုနှင့်ကိုယ်ချင်းစာမှုလိုသည်။
အဲဒီမိသားစု သုံခု၏ မျိုးဆက်သစ်တို့ အတွက်သင်သည်ပင်လျှင် တံတားဖြစ်နေသည်။ ဒီအချိန်မှာ သင့် ကိုယ်ချင်းစာတရားနှင့် တရားမျှတမှု
သည် နိုင်ငံတော်၏ တစ်စိတ်တစ်ဒေသကို တိုးတက်အောင် ဖန်းတီးပေးနိုင်သူဖြစ်လေသည်။ ဒီအချိန်မှာ သင်သည် သင့်ဝန်းကျင်၏ သမ္မတ
တပါးဖြစ်သည်။ ယင်းသည် အမျိုးသားနိုင်ငံရေးပင်ဖြစ်သည်။ အမျိုးသားနိုင်ငံရေးဟူသည် လေသေနတ် ပစ်ခြင်း ။ ဆင်ဖမ်းမယ် ကျားဖမ်းမယ် ပြောပြီး အိမ်ပေါက်ဝရောက်ခါမှ အဒေါ်ရေ ခွေးချီထားပါဦးလို့ ပြောကြခြင်းမှာ မဟုတ်ပါ။ သင်လက်လှမ်းမှီရာ သင့်ဝန်းကျင်ကို
တိုးတက်အောင် ဖန်တီးပေးခြင်းသည်  အမျိုးသားနိုင်ငံရေးဖြစ်ပါသည်။ ထိုပြင် သင်သည်ပင်လျှင် နိုင်ငံတော်တစ်စိတ်တစ်ဒေသဖြစ်ပါသည်။ တနည်းအားဖြင့် သည်သင်ပင်လျှင် နိုင်ငံတော်ဖြစ်ပေသည်။ပါတီနိုင်ငံရေးသာမက အမျိုးသားနိုင်ငံရေး အားကောင်းမှသာလျှင် တို့ရွှေတိုင်းပြည် ခောတ်မှီမည်ဟူ ပြောရင်းနိဂုံးချုပ်ပါသည်။