နွေတည (နိုင်ဝင်းဆွေ)၊ အပိုင်း ၈

 Posted by admin on January 6, 2012

by Ko Thaung on Saturday, January 7, 2012 at 12:21am

ဤနွေရက်များတွင် စိတ်နှလုံးသားများသည် အလိုလို နေရင်း ငြီးငွေ့နွမ်းနယ်လာသည်။ အကြောင်းလည်း ရှာမရ။ ကိုခင်ထွန်း ၏ စာနှင့်ပတ်သက်၍လည် မဟုတ်။ ဝေ့ အပေါ်တွင် သံသယများရှိနေသေးသည်လည်းမဟုတ်။ ဝေ၏ သန့် ရှင်းဖြူစင်မှုကိုလည်း အကြွင်းမဲ့ ယုံကြည်နေပါလျက်နှင့် ထိုသို့သူ့အလိုလို ငြီးငွေ့ကာ သွေ့ရောင်းလာခြင်းမှာ နားလည်နိုင် စရာပင် မရှိ။

နွေရက်များ၌ အရာရာမှာ လောင်ကျွမ်း နေကြလေသည်။ ရစ်ခွေချောင်းတဝိုက်ရှိ သစ်ပင်ကြီးများသည်လည်း အရွက်များ ဖြိုင်ဖြိုင်ကြွေကာ အရိုးပြိုင်းပြိုင်း။ နေရာတကာတွင် ရွက်ကြွေခြောက်များချည်း ထပ်နေ၏။ ညနေဆည်းဆာများတွင် နီ နီကျင့်ကျင့်နေ၏အရောင်မှာ စိတ်နှလုံးများကို နောက်ကျိစေသည် ထင်သည်။
ကျနော်ကား ဝေ့ကိုပင် စကားဟက်ဟက်ပက်ပက် မပြောချင်။ ပျော်ရွှင်ရယ်မောလိုစိတ်များလည်း မရှိ။ ဤအိမ်ကလေး ပေါ်တွင် နေရခြင်းကိုလည်းကောင်း၊ မြို့သစ်ကလေးတွင် နေရခြင်းကိုလည်းကောင်း၊ စိတ်ပျက်ငြီးငွေ့လာကာ ဝေးရာ တနေရာသို့ ဝေနှင့်အတူ ထွက်ခွာသွားလိုစ်ိတ်များ ပေါ်လာကြလေသည်။ ထို့ကြောင့်ပင် မကြာမီရက်ပိုင်းအတွင်း၌ မြို့ ကြီးရှိ ကျနော့်အမေထံသို့ စာတစောင်လှမ်းရေးဖြစ်ခဲ့၏။ စာထဲတွင် ကျနော် အိမ်ထောင်ကျနေပြီး ဖြစ်ကြောင်းလည်း ယခုမှပင် ဖော်ပြောဖြစ်လေသည်။ ထိုအတွက် ကျနော်ကား ဝေ့ အပေါ်၌ အလေးမပြုလွန်းရာ ကျနေသည်ကိုလည်း သတိထားမိခဲ့၏။
စာနှင့်အတူ ပေးပို့လိုက်သည့် ဓာတ်ပုံအတွင်း၌ ကား ဝေသည် ခလေးကလေးတယောက်လို နှစ်ခြိုက်စွာပြုံးရယ်ထား၏။ ဝေ့ ပါးချိုင့်ခွက်ကလေးနှစ်ဖက်ပင် ချို့င့်ဝင်နေ၏။ ကျစ်ဆံမြီးဆံပင်ထုံးနှစ်ခုကို ရင်အုံ့ပေါ်သို့ချထားသည်။ ဓာတ်ပုံထဲမှ ဝေ ကား သစ်ရွက်နုကလေးကဲ့သို့ လန်းဆန်းကာ ခလေးငယ်ကဲ့သို့ သောက ကင်းဝေးနေခဲ့ပေသည်။
မကြာမီ ရက်ပိုင်းအတွင်း၌ပင် အမေ့ထံမှ စာတစောင်ရောက်လာသည်။ အမေ့စာကို ဖတ်ရသောအခါတွင် ကျနော်သည် အမေ့ကို ပစ်ထားခဲ့မိခြင်းအတွက် စိတ်ထ်ိခိုက်မိ၏။ အမေသည် ဤ နှစ်နှစ်တာအတွင်း ကျနော် ဘယ်ရောက်နေသည်ကို လည်း မသိရှိခဲ့။ အမေသည် ကျနော့်ကို လွမ်းဆွတ်သတိလည်းရနေသည်။ အမေကား ကျန်းမားရေးအခြေအနေလည်း သင့်တင့်ညီညွတ်ခြင်းမရှိ။ သားနှင့်သမီးကို ဤရက်ပိုင်းအတွင်း၌ပင် အလည်လာဖြစ်အောင်လာရန် မှာကြားလိုက်သည်။
ဤစာရပြီးကာမှ ကျနော်ကား မြို့ကြီးသို့သွားလိုစိတ်ပင် မရှိတော့ပြန်ပေ။ မသွား၍လည်း မဖြစ်နိုင်။ အမေ့စာကို ဖတ်ပြ သောအခါ ဝေသည် လှုပ်လှုပ်ရှားရှားဖြစ်နေခဲ့၏။ ဝေသည် မြို့ကြီးသို့ရောက်လည်း ရောက်ဖူးချင်၏။ အမေနှင့်လည်း တ ဖက်က တွေ့လိုသည်။ တဖက်ကမူ တွေ့ရမည်ကို ကြောက်လည်း ကြောက်နေပြန်သည်။ ဝေသည် အမေ့ အကြောင်းကို ချည်း ထပ်တလဲလဲမေးနေ၏။

“ခင်ဝေတို့သွားကြမှာနော်”
“သွားရမှာပေါ့၊ အလုပ်လဲ နဲနဲပါးနေဘီ၊ ခွင့်ယူလို့ လွယ်ပါလိမ့်မယ်”
“အမေ့ဆီသွားတုန်းကတော့ ကိုကို ခွင့်ယူလို့ မရဘူးနော်”
“တကယ် မရတာပေါ ဝေရဲ့”
“အော် အော်”

ဝေသည် နှုတ်ခမ်းတဖက်တွန့်ပြီး သရော်ပြုံးလိုက်လေသည်။ ကျနော်လည်း ဝေ့ပါကလေးကို မနာမကျင်လိမ်ဆွဲလိုက်၏။
ကျနော် ခွင့်စာရေးနေချိန်တွင်လည်း ဝေသည် စားပွဲအနားတွင် ခါးထောက်ရပ်နေသည်။ “ခင်ဝေမလိုက်ဘူးနော်၊ ခင်ဝေ မလိုက်ချင်ဘူးနော်” ဟု သူပြောနေသည်ကို ကျနော်သည် ဂရုမစိုက်ဘဲ သူ့ခါးကလေးကို လှမ်းပွေ့လိုက်သည်။
“တကယ်ပြောတာ ကိုကိုရယ်၊ ခင်ဝေ ကိုကိုတို့အမေကို ကြောက်တယ်”
မြို့ကြီးသို့သွားမည့်ရက် နီးကပ်လာလေလေ ဝေသည် ပို၍ စိတ်လှုပ်ရှားလာလေလေပင်။ ပထမက ဝေမလိုက်ချင်ဟု ပြောနေသည်ကို ကျနော်သည် ပေါ့ပေါ့ဆဆမျှသာ သဘောထားခဲ့၏။ နောက်တော့ သူ့စိတ်ထဲတွင် တကယ် လှုပ်ရှားထိ ခိုက်နေသည်ကို သတိထားလာခဲ့ရလေသည်။ နေ့ခင်း နေ့လယ်ဘက် ကျနော် အလုပ်မှ ခေတ္တပြန်လာသည့်အခိုက်တွင် လည်း ဝေသည် မြို့ကြီးသို့မသွားရန်ပင် တားမြစ်နေ၏။ ညနေဖက်လမ်းထွက်လျှောက်ရာတွင်လည်း ထိုအကြောင်း၊ ည အိပ်ရာထဲတွင်လည်း ထိုအကြောင်း။
ခရီးမထွက်မီ ညကမူ ဝေ့ အဖြစ်မှာ စိတ္တဇပင် ဖြစ်နေရော့သလားဟု ထင်လာခဲ့ရလေသည်။ညဦးပိုင်း၌ ကျနော် အိပ်ပျော် သွားခဲ့သော်လည်း ဝေကား အိပ်၍ ရခဲ့ဟန် မတူ။ သန်းခေါင်ကျော်ကျော်တွင် အိပ်ရာမှလူးလဲထပြီး ထိုအကြောင်းကို ပြောရန်အတွက် ကျနော့်ကို အိပ်ရာမှနှိုးပြန်သည်။ သူသည် အိပ်ရာထဲတွင် လရောင်မှုန်မှုန်၌ ဆံပင်ကို ကဘိုကရိုပြင်ထုံး လေသည်။ သူ့ပါးပေါ်၌ မျက်ရည်ကြောင်းကြီးများစီးနေသည်။ သူသည် ကျနော့်ပါးကို သူ့ပါးနှင့် ပွတ်ပြီးနှိုးနေ၏။ ကျနော် လည်း အိပ်ရာမှနိုးလာကာ သူ့မျက်နှာကလေးကို ငေးကြည့်နေမိပြန်သည်။

“ကိုကို မနက်ဖြန်ကို မြို့ကြီးကို တကယ်သွားမှာနော်”
“စိတ္တဇများ ဖြစ်နေရော့လား ဝေရာ…” ဟု ကျနော်သည် ညည်းနေမိ၏။
သူ့လက်မောင်းကို ဆုပ်ကိုင်ပြီး ပြန်အိပ်ရန် ခိုင်းလိုက်သည်။ သူသည် အိပ်ရာထဲမှ လူးလဲပြန်ထ၏။
“မအ်ိပ်ပါနဲ့ အုံး ကိုကို၊ ခင်ဝေလေ အိပ်လို့မရတော့ဘူး၊ ကြောက်နေတယ်၊ ကိုကိုတို့အမေက အသက် ဘယ်လောက်ရှိပ လဲဟင်…၊ ငါးဆယ့်ကျော်ဘီဟုတ်လား၊ ဖြူဖြူခန့်ခန့်ကြီးမှုတ်လား၊ သူဋ္ဌေးမကြီးပေါ့နော်၊ ဝင်းကြီးခြံကြီးနဲ့နေတာ၊ ခင်ဝေ ကြောက်တယ်၊ စကားလဲ ပြောရဲမှာဟုတ်ဖူး၊ ခင်ဝေ့ကို တွေ့လေရာပြောတော့မှာဘဲ ထင်တယ်၊ မလိုက်ချင်တော့ဘူး၊ မလိုက်ချင်တော့ဘူး”
သူသည် နက်နက်ရှိုင်းရှိုင်း ခံစားနေရ၏။ ကျနော်သည် သူ့ကျောပြင်ကို လက်ဖြင့် ပွတ်သပ်နေမိ၏။ လရောင်ထဲတွင်ပင်သူ့မျက်လုံးကလေးများကို လိုက်ရှာကြည့်နေမိပြန်သည်။ မျက်လုံးများကို သဲကွဲစွာမမြင်ရသော်လည်း ကြောက်ရွံ့ စိတ်ဖြင့် သူ့မျက်လုံးများ ဝိုင်းဝိုင်းလည်နေသည်ကိုမှု သိနေ၏။ သူသည် ဂယောင်ချောက်ချားပင် ဖြစ်နေရရှာ သည်။ အမေ ထံသို့ မသွား၍လည်းမဖြစ်။ ကျနော်သည် သူမသိစေရန် သက်ပြင်းကို ဖြည်းဖြည်းသာသာ ချလေသည်.။
“ဝေကလဲကွာ၊ ဒါကိုဘဲ ထပ်တလဲလဲ ပြောနေတာဘဲ၊ အမေက သူ့ချွေးမကလေးကို ပါအောင် ခေါ်ခဲ့ရမယ်လို့ ထပ်တလဲ လဲ မှာတာမို့လား၊ အမေက အေးပါတယ်၊ ကို့ထက်တောင်အေးေးသးတယ်၊ မတုန်မလှုပ်နေတာ၊ ပီးတော့ကို့ကိုလဲချစ် တယ်၊ ဝေ့ကိုလဲ မြင်မြင်ချင်းချစ်သွားမှာ၊ တော်ကြာ ပြန်မလွှတ်ဖဲနေမှာတောင် စိုးရတယ်၊ ပြန်မလွှတ်လို့ ကိုနောက်မိန်းမ ရှာနေရမှာတောင် စိုးတယ်”
ဝေသည် ပြတင်းဝဖက်သို့ လှည့်ကြည့်ကာ အဝေးဆီသို့ စိတ်ပျံ့ လွင့်နေပြန်သည်။ ငိုင်တွေနေ၏။ ဝေ့ ကျောပြင်ကလေး နောက်ဖက်မှ နေမြင်ရသည်မှာ သနားစဖွယ်ကလေးပင်။
ဝေသည်လည်း အတန်ကြာမျှ ငြိမ်သက်နေ၏။ အရာရာသည်လည်း ခေတ္တမျှ တိတ်ဆိတ်ငြိမ်သက်နေ၏။ သန်းခေါင် လေ ပြေသည်လည်း ရပ်တန့်သွား၏ တိမ်တိုက်ဖုံးကွယ်သွားသဖြင့် လရောင်သည်လည်း ခေတ္တမျှ အားနည်းမှိန်ဖျော့သွား သည်။ ကောင်းကင်၌မူ ကြယ်ကလေးများသည် အချင်းချင်း အိမ်ဖွဲ့စုဝေးနေကြကာ စကားတီးတိုး ပြောကြသလို မှိတ် တုတ် မှိတ်လက် လင်းနေကြသည်။

ဝေက …
“သူတို့ကလေ ကိုကိုနဲ့ခင်ဝေ့ကို သဘောတူကြမှာ မဟုတ်ဖူး၊ ခင်ဝေနဲ့တူတယ်တန်တယ် ထင်ကြမှာမဟုတ်ဖူး၊ ခင်ဝေနဲ့ ကွဲအောင် ခွဲကြမှာပဲလို့ ခင်ဝေသိနေတယ် သိလား၊ ကိုကိုလဲသူတို့စကား နားယောင်သွားမှာ၊ ခင်ဝေတော့လေ ကိုကိုနဲ့ ပေါင်းသာ ပေါင်းနေရတယ်၊ နေ့ပစ်မလား ညပစ်မလားနဲ့ ရင်ထဲတထိတ်ထိတ်နဲ့နေရတာ၊ ကိုက်ို အဲဒါကို မသိဘူးလား ဟင်၊ ကိုကိုမသိဘူးနော် ခင်ဝေ့ကိုပစ်မယ်ဆိုရင် ခင်ဝေ့မှာ ဘာအပြစ်မှ မရှိဘူးနော်ကိုက်ို၊ ကိုကို မကြိုက်ဖူးဆိုလို့ ခင်ဝေ မကစားတော့ဘူး၊ ကိုကိုက ကျယ်ကျယ်ရီတာ မကြိုက်ဘူးဆိုလို့ ခင်ဝေ မရီတော့ဘူး၊ ဈေးထဲမှာ ရန်မဖြစ်ရဘူဆိုလို့လဲ ခဏခဏ သည်းခံနေရတာ၊ ကိုကိုသိပါတယ်နော်”
ဝေ့ စကားသံများသည် တဖြည်းဖြည်း တိုးတိမ်လာကာအမှောင်ထဲတွင် နစ်မြုပ်သွားနေတော့သလိုပင်။ ကျနော်လည်း သူ့ကို ကျောဖက်မှ သိမ်းပွေ့ပြီး အိပ်ရာထဲ လှည်းသိပ်လိုက်ရသည်။
“မင်းကို့ ကို မယုံတာ သိပ်ဆိုးတာပဲ၊ ကို ဝေ့ကိုဘယ်လောက်ချစ်တယ်ဆိုတာ ဝေမသိပါဘူး၊ ဝေ့ကိုဘယ်တော့မှခွဲနိုင်မှာ မဟုတ်ဘူးဆိုတာ ဝေမသိပါဘူး။
ကျနော့် စကားလုံးများ၏ နောက်၌ ခံစားမှုသည် နက်ရှိုင်းနေ၏။ ဝေ့ကို ချစ်သည့်စိတ်ကြောင့် ကိုခင်ထွန်း၏ စာမှာ မရေမ ရာသော အသေးအဖွဲကလေးမျှသာ ဖြစ်သွားခဲ့ရပုံကို ဝေ့ကို ပြောပြဖွင့်အန်ချင်လေသည်။ ဝေနှင့် အတူနေရချိန်၌ ထိုအ ကြောင်းအရာသည် တကယ်ဖြစ်ပျက်ခဲ့သည်ဆိုလျှင်ပင် ကျနော်သည် ဝေ့ကိုမုန်းရက်နိုင်မည် မဟုတ်သည်ကို မိမိဖာသာ နက်ရှိုင်းစွာ ခံစားသိရှိနေပြန်သည်။ ထိုအကြောင်းကို ဝေ့ကိုပြန်ပြော၍မဖြစ်၊ ဘယ်သောအခါတွင်မှ ပြော၍မဖြစ်။ မိမိ၏ စိတ်နှလုံး အောက်ခြေတွင်သာ အစဉ်သဖြင့် နှစ်မြှုပ်ဖျောက်ကွယ်ထားရမည်။
“ဝေလေကိုကို့ ကိုမယုံဘူး”
သူက တိုးငြိမ်စွာ ပြောနေပြန်သည်။
“နေ့လယ်က ပုဏားဗေဒင် မေးကြည့်တော့လေ ခင်ဝေနဲ့ကိုကိုနဲ့မမြဲဘူးလို့ဟောတယ်၊ ကိုကိုအလုပ်သွားနေတုန်း ခင်ဝေ ငိုလိုက်ရတာ။
“ကိုကို့ကို ခင်ဝေယုံပါတယ်၊ ဒါပေမယ့်ကိုကိုရယ် ခင်ဝေက စက်ထဲက အလုပ်သမမှုတ်လား၊ ကိုကိုတို့အမေက ပိုက်ဆံရှိ တဲ့လူမှုတ်လား၊ ပီးတော့ ကိုကိုကလဲ အလုပ်ကြီး အကိုင်ကြီးနဲ့ လူမှုတ်လား။ ကိုိကိုသာ စက်ထဲက အလုပ်သမားဆိုရင် လေ ခင်ဝေလဲ စက်ထဲမှာလုပ်ပီး စိတ်ချမ်းသာရမှာဘဲနော်။ ဟုတ်မှာပါဘဲ။ ဗေဒင်ဆရာကြီး ဟောသွားတာ ဟုတ်မှာပါပဲ၊ တနေ့ကလည်း နတ်ကတော်ကြီး မေးကြည်းတော့လဲ ဒီအတိုင်းပဲ ဟောတယ်။ ကိုကိုသာ ခင်ဝေ့ ကို အပြစ်မရှိဘဲနဲ့ ပစ် သွားရင်လေ ခင်ဝေ ကိုကို့ကို သတ်ပစ်မှာပဲ။ သတ်ရက်အောင်ကို သတ်မယ်သိလား”
သူသည် ကျနော့် ရင်ခွင်ကို မျက်နှာဖြင့် ပွတ်သပ်နေရင်း တဖြည်းဖြည်း ငြိမ်သက်ကာ အပြစ်ကင်းစင်စွာ အိပ်ပျော်သွား သည်။ ကျနော်ကား မျက်လုံးကြောင်ပြီး အိပ်မရ ဖြစ်ကျန်နေခဲ့သည်။ တိတ်ဆိတ် ငြိမ်သက်နေသော ညဥ့်ယံထဲတွင် ကျနော့် ရင်ထဲမှ ခံစားမှုများမှာ ပြောင်းလဲမှန်းမသိနက်ရှိုင်းစွာ ပြောင်းလဲလာကြလေသည်.။ ကျနော်သည် သူ့ကို ဇနီး မယားလို တပ်မက်မှုဖြင့် မခင်တွယ်တော့ပေ။ သူ့ကို ကျနော့်နှမကလေးအရင်းဟု ထိုခဏ၌ကား စိတ်တွင်းတွင် ဖြစ်ပေါ် ခံစားလာရ၏။ ကျနော့် သမီးကလေးလည်း ဖြစ်ချင်ဖြစ်လိမ့်မည်။
သူ့ မျက်နှာဝိုင်းပုံနှင့် နှာတံအကျ မျက်ခုန်း မျက်လုံးတို့မှာ ကျနော်နှင့် ရိုးတိုးရိပ်တိတ် ဆင်နေသည်ဟု ထင်ပြန်သည်။ သမီးလေးဝေ။ ဝေသမီးလေး။ ကျနော့် ရင်ထဲတွင် သိမ့်သိမ့်ခါမျှ လှုပ်ရှားနေပြန်သည်။ ထိုမှ ကျနော်သည် သမီးကလေး တယောက် လိုချင်သည့် ဆန္ဒသည်လည်း ရင်ထဲ နှလုံးသားထဲတွင် ဖြတ်သန်းဖြစ်ပေါ်လာသည်။ သမီးကလေး မွေးလာခဲ့ လျှင် ဝေ့လို ရိုးရိုးစင်းစင်း ကလေးဖြင့် ဖြူစင်လှပေလိမ့်မည်ဟု ထင်ပြန်သည်။ နံနက်မိုးလင်း၍ အိပ်ရာမှနိုးလာလျှင်လာ ခြင်း ဝေသည် သူ့စကားဟောင်းများကိုပင် ပြန်၍ ကောက်ပြန်သည်။ မြို့ကြီးသို့သွားရန် ရထားစီးရန်ဘူတာရုံသို့ ရောက် လာခဲ့သည်အထိ ဝေသည် မလိုက်လိုကြောင်း တတွတ်တွက်ပြောနေခဲ့သည်။
ရထားထွက်လာသည်အထိ ဝေသည် စိတ်လှုပ်ရှား နေမြဲပင်။

ကျနော် နောက်မှီကိုမှီပြီး အိပ်မောကျနေစဉ်တွင် ဝေကားရထားပြတင်းဝမှ အပြင်သို့ ငေးပြီးကြည့်နေခဲ့၏။ ဝေ့ စိတ်အာရုံ၌ မြင်နေရသော အရာအပေါင်းကို ဂရုမထား၊ အမှတ်မထား။ ရထားကား တောင်များကိုလည်း ခွဲဖြတ်သွား၏။ နေပြောက်မထိုးသော သစ်တောကြီးများ အလယ်မှလည်း နာရီကြာသည်အထိ ဖြတ်သန်းနေရ၏။ တနေရာတွင် ဝါးသုဉ်းတောကြီးသည် အရွက်များကြွေနေလျက်၊ တနေရာ၌မူ တောင်ကုန်းများအစွန်တွင် တောရိုင်း နေကြာပန်းများသည် ခြောက်နွမ်းနေပြန်သည်။
ညနေ နေညိုလာလျှင် ရထားသည် မြေပြန့်သို့ ဆင်းလျက်ရှိ၏။ မြို့ကြီးနှင့် ပို၍နီးကပ်လာနေပြီး။ တောင်ကျ ချောင်းများအပေါ်၌ ဖြတ်သားထားသည့် တံတားရှည် ကြီး များ ကို တဝေါဝေါအသံမြည်ကာ ဖြတ်သန်းနေ၏။
တနေရာရှိ တံတားရှည်ကြီး တခုအပေါ် ရထားဖြတ်ကျော်နေစဉ်တွင်ဝေသည် ကျနော့် ပခုံးကို ကိုင်လှုပ်နှိုးလိုက်လေသည်။ သူနှိုးလိုက်ပုံမှာ ကြမ်းကြမ်းတမ်းတမ်း ရေကြီးသုတ်ပျာ နိုင်သည်။
သူ့ မျက်လုံးများသည် ကြောက်လန့်နေသလို ပြူးကျယ်ဝိုင်းစက်နေ၏။ သူသည် ထရပ်တော့မလို လှုပ်လှုပ်ရှားရှား ချွေးစေးများ စေထန်းနေ၏။ သူ့ မျက်နှာပေါ်တွင် နေခြည်ပြောက်များသည်လည်း အငြိမ်မနေ၊ ပြေးလွှား လှုပ်ရှားနေလျက်။
“နောက်ဘူတာဘဲနော်၊ နောက်ဘူတာနော်”
သူ၏ အရေးတကြီး မေးမြန်းနေသံမှာလည်း တုန်ယင် လှုပ်ရှားလျက်ပင်။

“ခုမြိုင်သာကို ကျော်လာခဲ့ပလား”
“အင်းပါ”
“မင်း ဘာဖြစ်နေရတာလဲ”
“ခင်ဝေ မလိုက်ချင်တော့ဘူး ကိုကို”
“ဒုက္ခဘဲ၊ လူတွေကြားထဲမှာလေ၊ သတိ ထားအုံးမှပေါ့။ သိပ် ရုပ်ပျက် ဆင်းပျက်နိုင်တဲ့ ကောင်မဘဲ၊ လူတွေ လှမ်းကြည့် နေတာ တွေ့ရဲ့လား။ တောကျီးကန်း လူမိလာတဲ့အတိုင်းပဲ၊ မင်း ခလေးလား၊ မလိုက်လို့ ဘယ်ဖြစ်မှာလဲ၊ ဒါလောက်အ ဝေးကြီးက ထွက်လာခဲ့ပီးမှ အဓိပ`ါယ်မရှိ ရှောက်ပြော မနေစမ်းနဲ့၊ ကိုယ့်ယောက္ခတောင် ကိုယ်မမြင်ဖူးဘူးဆိုတာ ဘယ် လောက်ရှက်စရာကောင်းသလဲ၊ ကပ်တတ်တတ် လုပ်မနေနဲ့၊ ကိုစိတ်ဆိုးလာဘီ”
“မလိုက်ချင်တော့ဘူး မလိုက်တော့ဘူး”

ကျနော်သည် သူ့လက်ကို တင်းကျပ်စွာ ဆုပ်ကိုင်ထားသည်။ “သိပ် ရိုင်းတာဘဲ” ဟုလည်း ကျိတ်ပြီး ပြောနေမိ၏။
“မလိုက်တော့ဘူး ကိုကို၊ လက်မှတ် ဆက်ပီး ဝယ်မပေးချင်နေ၊ အမေ့ ဆီရောက်အောင် ဆက်သွားတော့မယ်၊ ဖမ်းချင် လဲဖမ်းပေါ့”
သူသည် လက်ကိုဆောင့်ရုန်းပြီး ထရပ်လိုက်၏။ ကျနော်သည် သူ့ကို ဆွဲချထိုင်ခိုင်းလိုက်ရသည်။ သူသည် အတန်ကြာ ရုန်းကန် နေပြီးမှ စိတ်အားလျှော့ကာ ပြန်၍ ငြိမ်သက်သွားသည်။ ထိုင်ခုံ နောက်မှီအပေါ်၌ စိတ်ပျက်အားငယ်စွာ မှီလှဲ လိုက်သည်၊ သူ့ မျက်လုံးအိမ်၌ မျက်ရည်များ ပြည့်လာနေပြန်သည်။ မြို့ကြီးဘူတာရုံသို့ရောက်လျှင် သူသည် မြို့ကြီး ဘူတာကို မျက်ရည်များကြားမှသာ မြင်တွေ့ရလေသည်။

“မျက်ရည်တွေ သုတ်လိုက်အုံးလေ” ပြောကာ ကျနော်သည် သူ့ ကိုဆောင့်ဆွဲရပ်လိုက်၏။ ပစ္စည်းတင် အဆင့်ပေါ်မှ လက်ဆွဲအိတ်များကို ဆွဲချပြီး သူ့ကိုပါ လက်တဖက်ဖြင့် ဆွဲကာ လူကြားထဲမှ တိုးဝှေ့ ဖြတ်သန်းလာခဲ့၏။ ဝေသည် ယောင် အအ ထုန်ထိုင်းထိုင်းဖြင့်ပင် ကျနော့် နောက်မှာပါလာခဲ့သည်။
“လက်ကို လွှတ်ထားစမ်းပါ၊ သိပ်အိနြေ္ဒပျက်တာဘဲ” ဟုသူက ပင်ပြောနေပြန်သည်။
လူအုပ်ထဲ၌ ကျနော့် တူမလေး ထွန်းထွန်းနှင့် အမကို လှမ်းမြင်ရလေသည်။
“အဲဒါ ထွန်းထွန်း ပေါ့”
အပျိုမကလေး ထွန်းထွန်းသည် လူကြားထဲမှာ ဖြတ်ပြေးလာပြီး ကျနော့်ခါးကို ဝင်ပွေ့ လိုက်သည်။ ကျနော့် လက်ထဲမှ လက်ဆွဲအိတ်ကို လုယူလိုက်၏။

ထွန်းထွန်းက ကျနော်ရေးလိုက်သည့် စာထဲတွင် သူ့နာမည်မပါသဖြင့် ကက်ကက်လန် ရန်တွေ့လာသည်။ ကျနော့် အခြား ဘက်တွင်ကား ဝေသည် လူအများကို ကျော်ကြည့်ပြီး ငေးမောလျက် ဖြည်းဖြည်း လိုက်ပါလာလေသည်။ ဘူတာရုံ လက်မှတ်ပေါက်ကို ဖြတ်ကျော်ပြီးလျှင်မူ ဝေသည် ခေါင်းငုံ့ ပြီးဖြည်းဖြည်း လျှောက်လာသည်။
အမ သည် ထွန်းထွန်းတဖက်မှ လျှောက်လာပြီး ကျနော့်ကို အပြစ်တင်နေ၏။
ဝေ့ ကိုမူ မည်သူကမျှ နှုတ်မဆက်။ ဂရုမပြု။
ထွန်းထွန်းသည် နားဆွဲတခါခါဖြင့် စကားတဖောင်ဖောင်ပြောလာ၏။ ထွန်းထွန်း၏ ဂုတ်ဝဲဆံပင်သည် ပခုံးပေါ်၌ ဝဲကျနေ ၏။ သူ့အသံသည် ဆွဲလဲသံလို သာယာ ကြည်လင်နေ၏။ ချွင်ချွင်မြည်နေလျက်။
ကျနော်ကား တူမလေး၏ ပခုံးကို ဆုပ်ကိုင်ထားရင်း စိတ်၌ကား မငြိမ်မသက် လှုပ်ရှားနေခဲ့၏။ တူမလေးကို ဝေ့ အား နှုတ်ဆက် အဖက်လုပ်ရန် တိုင်တွန်းလိုက်ချင်၏။ ဝေ ခံစားနေရပုံကို တူမလေး နားလည်အောင် ပြောလိုက်ချင်၏။ အမ သည် ပြုံးလျက်သား ပါလာ၏။ အမ၏အပြုံးကား ဝေ့ အတွက် မဟုတ်။ ဝေ့ကို မျက်လုံးတချက်ပင် ဝင့်မကြည့်။ အမ၏ ဟန်မှာ အိနြေ္ဒရှိကာ တည်ကြည်ပါသည်။ ဝေ့လို မိန်းခလေးကို အဖက်မတန်သလိုပင်။
မြင်းလှည်းဆိပ်သို့အသွားတွင် ကျနော်သည် ဝေ့ကို စောင့်ပြီး တမင်ဖြည်းဖြည်း လျှောက်လာခဲ့သည်။ ဝေသည်လည်း ကျနော်တို့နှင့်အတူ မသွားလိုသဖြင့် ကျနော် နှေးလျှင် သူလည်းနှေးသည်။ သူသည် ခေါင်းကိုသာ တွင်တွင်သားငုံ့ လာခဲ့ ၏။
သူ့ရင်ထဲ၌ ခံစားနေရမှုများသည် ဆက်သွယ်ကြို့းတချောင်းမှတဆင့် ကျနော့် ရင်တွင်း နှလုံးသားများကို လာ၍ ရိုက်ခတ် နေသည်ဟု ထင်ရသည်။  တန်းစီရပ်ထားသော မြင်းလှည်းများမှ မြင်းလှည်းတစီးပေါ်သို့ အမနှင့် ထွန်းထွန်းတို့ တက် လိုက်ကြ၏။ ကျနော်ကားလက်ဆွဲအိတ်ကို ပစ်တင်ရင်း အချိ်န်ဆွဲပြီး ဝေ့ ကို လှည့်ကြည့် သည်။ ဝေကား နောက်ဖက် ဆယ်လှမ်းကျော်ကျော်လောက်တွင်ကျန်နေခဲ့၏။ ခေါင်းငုံ့ လျှောက်လာရာမှ မျက်လွှာကြီးကိုပင့်ပြီး ကျနော့်ကို လှမ်းအ ကြည့်နှင့် ဆုံသွားသည်။
“လာလေ သုတ်သုတ်ရှောက်မှပေါ့၊ မြေမမြိုပါဘူးဝေရဲ့”
ကျနော်သည် အသံကို ဖော့ကာ ရယ်သံဖြင့် လှမ်း၍ အော်ပြောလိုက်၏။ တမင်လည်း ရယ်လိုက်၏။ ကျနော့် ရယ်သံမှာ ခြောက်ကပ် သွေ့ရောင်းနေတော့မည်ကိုလည်း သိပါသည်။ ကျနော် ဝေ့ကိုခေါ်လာခဲ့ခြင်းမှာ ကြီးမားစွာ မှားယွင်းခဲ့လေ ပြီကို သိပါသည်။ ယခု အခြေအနေမျိုး ဖြစ်လာလိမ့်မည်ဟု တွေးခဲ့လျှင် ကျနော်သူ့ကို ခေါ်လာခဲ့မည်လည်း မဟုတ်။ ကျနော်ကိုယ်တိုင် မြို့ကြီးသို့ လာခဲ့မည်လည်းမဟုတ်။
ကျနော်သည် တမင်ဂရုပြုပြီး ဝေ့ လက်ကို ဆွဲမက မြင်းလှည်းပေါ်သို့တက်ခိုင်းလိုက်၏။ကျနော်၏ ကြင်နာမှုကိုပေါ်လည်း ပေါ်လွင်စေ့ချင်သည်။ ကျနော်ကိုယ်တိုင် ဝေ ခံစားနေရသလို ခံစားနေရကြောင်းကို ဝေလည်း သိစေချင်သည်။ ထွန်း ထွန်း တို့သည် ကျနော်တို့ဖက်သို့ လှည့်မျှော်မကြည့်ဘဲ မျက်နှာလည်း မသိမသာ ပျက်နေခဲ့ပြန်သည်။ ထွန်းထွန်း က “ကုန်းသာကို မောင်းပါ” ဟု သွက်လက်စွာပြောလိုက်လေသည်။ မြင်းလှည်းသည် ချောမွတ်သောလမ်းပေါ်တွင် ဆောင့် ရုန်းထွက်လိုက်၏။
မြင်းလှည်းပေါ်တွင် ကျနော်သည် ချွေးများဖြင့် စေးထန်းနေသည့် ဝေ့ လက်ကလးတဖက်ကို တင်းတင်းကျပ်ကျပ် ဆုပ် ကိုင်ထား၏။ ကျနော့်စိတ်မှ ပြောနေသော စကားများကို ကျနော့် လက်မှ တဆင့် ဝေ့ စိတ်အာရုံထဲသို့ ရောက်အောင် ဆက်သွယ် ပို့ဆောင်နေသည်ဟု ထင်ရပြန်သည်။

“သည်းခံပါတော့ ဝေရာ၊ ဒီလိုဘဲ အခြေအနေဆိုတာ ဖြစ်လာမှတော့ ဖြစ်လာသလို ရင်ဆိုင်ကြရမှာဘဲဝေ၊ ဝေ ဘယ်လို ဖြစ်နေရတယ်ဆိုတာ ကိုသိပါတယ်၊ ဝေ ဘယ်လောက် စိတ်ထိခိုက်နေရတယ်ဆိုတာကို သိပါတယ်” ဝေကား ခေါင်းကို တချက်မျှမမော့။ ငုံ့ မြဲ ငုံ့ထားလျက်ပင်။ မြို့အလယ်ပိုင်းဖက်သို့ ရောက်သည်အထိ မည်သူမျှ စကားတလုံးမျှ မပြောကြ။
ဝေ့ လက်ကလေးများသည် အေးစက်လာကြ၏။ ဝေခေါင်းငုံ့ နေပုံကို ဘေးတစောင်းမှ မြင်ရသည်မှာ စိတ်ထိခိုက် ကြေ ကွဲဖွယ်ရာပင်။ မြို့ကြီး၏ မြစ်ကူးတံတားသည် ကွေ့ထဲမှ ပေါ်လာ၏။ အဝေးမှနေ ကြည့်လျှင် တောင်းကုန်းမို့မို့တခုလို ဖြစ် နေလေသည်။
“အဲဒါ မြို့ကြီးတံတားပေါ့၊ ဝေတို့ဟေမန်ကို ရောက်တဲ့မြစ်လေ” ဟု ကျနော်သည် ဝေ့ ကိုပြောနေသော်လည်း ဝေကား ဘယ်ကိုမျှ မကြည့်။ ဘာကိုမျှ မမြင်။ ခေါင်းလည်း မညိတ်။ ကျနော့်ကိုလည်း မကြည့်။ မလှုပ်ရှား။ စိတ်ထိခိုက်နေဟန် ထုလုပ်ထားသော ကျောက်ရုပ်ကလေး တရုပ်လိုပင်။ စိတ်ထိခိုက်နေရဟန်သာ အသေပုံကားချပ် အဖြစ်ဖြင့် ပေါ်လွင်နေ သည်။
“ကျနော်သွားတာ ဘာလိုလိုနဲ့ ငါးနှစ်တောင် ရှိနေဘီနော် မမ။ တူမတောင် အပျိုကြီးဖြစ်နေဘီ၊ ခုပြန်ရောက်လာတော့ မြို့ကြီးနဲ့ စိမ်းနေဘီ၊ တခါမှ မရောက်ဖူးတဲ့ မြို့ကို ရောက်လာရသလိုဘဲ၊ ရောမမြို့တော်ကိုပေါ့”
ကျနော်သည် ရယ်မောရန် ထပ်မံ စိတ်ကူးလိုက်သေး၏။ ဝေကား လက်သဲများကို မထိတထိ ငုံ့ကိုက်နေ၏။ စိတ်ကိုထိန်း ချုပ်ထားနေပြန်သည်။
“ထွန်းရဲ့သူကဝေလေ၊ ဓာတ်ပုံထဲမှာနဲ့တူရဲ့လား”
ထွန်းသည် ချာကနဲ တချက်နောက်သို့လှည့်ကြည့်လိုက်၏။သူ့ဆံပင် ဂုတ်ဝဲသည် ဖွာကနဲ ပခုံးပေါ်၌ဝဲသွား၏။ ထွန်းကား လတ်ဆတ် တက်ကြွနေ၏။ ထွန်း၏ နှုတ်ခမ်းဖျားများသည် မာနကြီးစွာဖြင့် တချက်တွန့်သွားသည်။
“သိသားဘဲ မပြောဘဲနဲ့ သိပါတယ်၊ ပြောပြနေဘို့မလိုပါဘူး”
အမသည်လည်း ထွန်း၏ စကားများကို ဟန်ဆောင်၍ပင်မဟန့်တားဘဲ စိတ်မဝင်းစားဟန်ဖြင့် ရှေ့ သို့ကြည့်နေမြဲ။ ထွန်း၏ ရင့်သီးသော စကားသံမှာမာနဖြင့် တောက်ပနေ၏။ မြင်းခွာသံများနှင့်အတူ ကျနော့် ရင်၌ ဒေါသဖြစ်မိကာ ဆူပွက် လှုပ် ရှားလာသည်။ ဝေ မငိုပါစေနှင့်ဟုသာ ဆုတောင်းရ၏။

ဝေသည် မငို။
ဝေသည် ဖျတ်ကနဲ အစောက အမူအရာများကိုဖျောက်ပစ်လိုက်၏။ လက်ဖြင့် မြင်းလှည်းထိုင်ခုံအပေါ်သို့ ထောက်လိုက် ပြီး ခေါင်းကို ရဲရဲတင်းတင်းမော့လိုက်၏။ အစောက ဝဲခဲ့သော မျက်ရည်များ ရှိနေသော်လည်း ဝေ၏ မျက်လုံးများသည် လည်း ရုတ်တရက် အုံ့ကြွလာသည့် မာနတရားဖြင့် တောက်လာကြ၏။ ဝေသည် နဖူး၌ ဝဲနေသော ဆံပင်များကို လက် ဖြင့် ခပ်ကြမ်းကြမ်း သပ်တင်လိုက်သည်။ ခါးကို လက်နှစ်ဖက်ဖြင့် ဆက်ကနဲထောက်လိုက်သည် ဝေ့နှုတ်ခမ်းများသည် ပြတ်သားတင်းမာသွား၏။ ဝေ၏ အမူအရာ အကူးအပြောင်းမှာ ဖြိုးဖြိုးဖျတ်ဖျတ်နိုင်လေသည်။ ဝေ၏ ခါးထောက်နေဟန် အမူအရာသည် လှနေ၏။ ဝေကား ရင်ကိုကော့ထားလိုက်လေသည်။

ကျနော်ကား စိတ်မောနေရပြန်သည်။
ဝေသည် သူတို့နှင့် မည်သည့်အခါတွင်မှ သင့်မြတ်လိမ့်မည်မဟုတ်။ မြို့ကြီးတွင် နေသမျှ အချိန်တိုင်း၌ ဝေကား စိတ် ဆင်းရဲကိုယ်ဆင်းရဲ အနေကျဉ်းကျပ် နေရရှာတော့မည်။ မြို့ကြီးမှ အမြန်ဆုံး ပြန်ရန် ကျနော်သည် ဆုံးဖြတ်ခဲ့၏။ နောက် တွင်လည်း အကြောင်းကြီးငယ် မရှိဘဲနှင့်မြို့ကြီးသို့မလာရောက်တော့ရန် ဆုံးဖြတ်မိသည်။ မိသားစု တခုလုံးနှင့် ကျနော် သည်ပင် ကြားထဲ၌ တခုခုဝင်ရောက် ဟန့်တားထားသလို စိမ်းနေကြသည်ကို ခံစားရပြန်သည်။ ဤ ငါးနှစ်တာ အချိန်၌ အရာရာသည် ပြောင်းလဲခဲ့ကြလေပြီ။ အမေ့ အိမ်သို့ရောက်လျှင် ကျနော်သည် ကျောင်းသားဘဝက ကျနော် အိပ်ခဲ့သော အိပ်ခန်းတွင်းသို့အလျင်ဆုံး ဝင်ရောက်ခဲ့၏။ ထိုအိပ်ခန်းသာလျှင် ကျနော့်ကို ယခင်ကအတိုင်း မေတ္တာမပျက် ကြိုဆိုသည် ဟု ထင်ရသည်။
အိပ်ခန်းကား ဘာမျှမပြောင်းလဲ။ ကုတင်ခြေရင်းရှိ ကျနော်အဝတ်ထည့်ရာ မှန်ဘီရုိုသည်လည်း ယခင်နေရာ၌ပင်။ ခေါင်း ရင်းဘက် စာအုပ်စင်တွင်မူ ပင့်ကူမြှေးများ ရှက်သန်းကာ ရှုပ်ပွနေ၏။ ကုတင်ပေါ်မှ ဖုံများကို လှဲ့ ကျင်း သုတ်သင်လိုက်ပြီး အိပ်ရာများခင်းလိုက်လျှင် အချိန်များ ငါးနှစ်ခန့်ကို နောက်ပြန် ပြေးသွားပြီး ယခင်ကအတိုင်း ဖြစ်နေလေသည်။

ကျနော်သည် စိတ်မောစွာဖြင့် ကုတင်ပေါ်၌ လဲလျောင်းလိုက်၏။
ကုတင်နံဘေး ပြတင်းကို ဖွင့်လိုက်သောအခါ အိမ့်နောက်ဖက်အုန်းခြံကို ဖြတ်သန်းလာသည့် လေအေးများသည် ကျနော် ကိုလာရောက် ပွေ့ဖက်နှုတ်ဆက်ကြ၏။ အုန်းတောကြီးကား စိမ်းလန်းနေကာ လက်မောင်းဖြစ်သည့် အုန်းလက်များကို ဝှေ့ယမ်းလျက် ကျနော့် ကိုကြိုဆိုနှုတ်ဆက်ကြ၏။
မြို့ကြီး ရှိ အမေ့အိမ်ပေါ်တွင် နေသည့်ရက်များ အတွင်းက ဝေသည် မှန်တံခါးများ ပိတ်ဆို့ထားသည့် အကျဉ်းခန်းထဲတွင် မွန်းကျပ်ပင်ပန်းလှစွာ နေထိုင်ခဲ့ရသလိုပင်။ ဝေသည် စကားလည်းကျယ်ကျယ်မပြောဝံ။ ရယ်ပင် မရယ်ဝံ့။ အမြဲအစဉ် အရိပ်အကဲ ကြည့်နေခဲ့ရ၏။ အမေကလဲ ဝေ ဘာလုပ်လုပ် ဘာမျှ မပြောသော်လည်း အပြစ်များချည့် မြင်နေခဲ့၏။
ဝေသည် အမေတို့အခန်းတွင်၌ ဝင်၍အိပ်ခဲ့ရ၏။ ဝေ့ စိတ်နှလုံးများကား ကြီးစွာသော ဆင်းရဲခြင်းဖြင့် ချုံးချုံးကျခဲ့ရရှာ သည်။ ခြံကြီးဝင်းကြီးထဲတွင် နေရသည်မှာလည်း ဝေ့ အတွက်အသက်ရှူဝစရာမရှိ။ ဤရက်များအတွင်း၌ဝေ၏ တက်ကြွ လတ်ဆတ်သော အပြုံးများကား နေလကွယ်သလို ကွယ်ခဲ့ရလေသည်။
ဝေ့ အတွက်ထွက်ပေါက်တခုမျှသာ ရှိတော့သည်။ ညနေဖက် ကျနော်လမ်းလျှောက်ထွက်သောအခါ၌ လိုက်ပါလာရချိန် ကလေးတွင်ကား ဝေသည် သူ့ ရင်ထဲ၌ဖြစ်ပေါ်ခံစားနေရသည်တို့ကို အားကုန်ဖွင့်အန်ချလေသည်.။ တခါတရံ လမ်း လျှောက်ရင်းပင် ဝေသည် တရှိုက်ရှိုက်ငိုတတ်၏။

“ခင်ဝေပြန်ပါရစေတော့ကိုကိုရယ်၊ ခင်ဝေမနေနိုင်တော့ဘူး၊ ကြာရင်သတ်သေမိတော့မယ်” ဟုတတွတ်တွတ်ပြောသည်။
ကျနော်သည် ဝေ့အားတတ်နိုင်သလောက်ကား အားပေးနှစ်သိမ့်၏။ အမေတားထားသဖြင့် ဇွတ်ပြန်လျှင်လည်း မသင့် ဖြစ်ကာ စိတ်မောပင်ပန်းလာခဲ့ရသည်။
“မိန်းခလေးကကွယ်၊ ယောက်က်ျားသွားရာ နောက်မှာ အမြဲတန်း မလိုက်ရဘူး” ဟုအမေပြောသော်လည်း ဝေသည် ကျနော်လမ်းလျှောက်ရာနောက် လိုက်မြဲလိုက်သည်။ မြို့ကြီးမြစ်ကူး တံတားပေါ်သို့ရောက်လျှင် ဝေက အခုမှအသက် ရှူရတော့တာဘဲ”ဟုပြောလေ့ရှိသည်။ ညနေဆည်းဆာများ၌ ကျနော်နှင့်ဝေသည် မြစ်ကူး တံတားကြီး၏ လူသွားလမ်းနံ ဘေး၌ သမီးရည်းစား စုံတွဲများလို ထိုင်လိုက်ကြလေသည်။
တံတားကြီးအောက်ခြေတွင်မူ ဧမြကြည်လင်သော မြစ်ရေများသည် တံတားတိုင်ကြီး များကို တိုးဝှေ့နေ၏။ ညနေဆည်း ဆာနေရောင်ခြည် အောက်တွင် လှိုင်းလိပ်ကလေးများသည် တဖျတ်ဖျတ်လူးလွန့်နေကြ၏။ မြစ်လယ်၌ ရွက်လှေတစင်း တလေ ဆန်တက်လာနေသည်။ လွှတ်လပ်သော နွေ လေပြေသည် မြစ်ပြင်ထက်၌ တဝေ့ဝေ့တိုက်ခတ်နေ၏။
ဝေသည် ကျနော့် လက်ကိုတင်းကျပ်စွာ၊ အားကိုးကြီးစွာဖြင့် ဆုပ်ကိုင်ထားလေသည်။ သမီးရည်းစားများလိုပင် ကိုယ်ချင်း ထိကပ်နေကြ၏။ဝေ့ မျက်နှာကလေးလည်း နီထွေးနေသည်။ ဝေ့မျက်လုံးကလေးများသည် တဖျတ်ဖျတ် လှုပ်ရှားတောက် ပနေကြ၏။ ပျော်ရွှင်လာကာ ဝေသည် ရင်ခုန်လျက်ရှိ၏။

“ဒီမြစ်အတိုင်းလိုက်သွားရင် ခင်ဝေတို့ဟေမန်ကို ရောက်မှာ ပေါ့နော်” ဟု သူက တိုးသက်စွာပြောသည်။
“ရေထဲမျှော လိုက် ရင် ဟေမန်ကို ရောက်သွားမှာနော်၊ ဒါဆိုရင် ဟေမန်သားတွေ ဆယ်ကြည့်ကြရင် ခင်ဝေ မျှောလိုက် တာ သိကြမှာဘဲနော်”
“ဝေကခလေးလိုတွေးတာဘဲ”
“ကဲ မရောက်ဖူးလို့ ကိုကိုပြောမလား”
ဝေသည် မြစ်ပြင်ကို ငေးကြည့်နေပြန်သည်။

“ဒုက္ခဘဲကိုကိုရယ်၊ ကိုကို့ကို ကိုကို လို့ခေါ်တာလဲ သူတို့ မကြိုက်ကြပြန်ဘူး၊ ကိုက်ို့ နာမယ်က ကိုကိုဆိုတော့ ဒါရိုင်းတယ် တဲ့၊ ကိုကိုကတော့ ခင်ဝေ့ကိုရိုင်းတယ်လို့ တခါမှမပြောပါဘူး၊ ကိုကိုဒို့ပြန်ကြရအောင်ကွယ်”
“အမေက နေပါအုံးလို့တားနေတာ ပြန်လို့မဖြစ်သေးဘူးဝေရဲ့”
“ခင်ဝေ စိတ်ဆင်းရဲတယ်၊ ကိုကိုက်ိုယ်ချင်းစာ ကြည့်စမ်းပါ၊ ကိုကိုလဲဒီမှာ နေတော့ အိနြေ္ဒကြီးနဲ့နေတာ မှုတ်လား၊ ကိုကိုနဲ့ ခင်ဝေနဲ့ နေကြရတာလဲ တစိမ်းတွေလိုပဲ”
ကျနော်သည် သူ့လက်မောင်းကလေးကို အသာ ဆုပ်ကိုင်ထားမိပြန်သည်။ သူရယ်စေရန်၊ စိတ်ပေါ့ပါးစေရန် တခုခုပြော မည်ဟု ကြံစည်သော်လည်း ပြောစရာမရှိ။ ခဏကြာလျှင် ဆည်းဆာ မှိန်သွားကာ မှိုင်းပျလာခဲ့လေသည်။ ကျနော်တို့ သည် ဘာမှမပြောကြဘဲ ဆက်၌ ငြိမ်သက်စွာထိုင်နေမိကြ၏။ ဝေ၏သက်ပြင်းချသံကြားရ၏။ ဝေ့မျက်နှာမှာ နေနှင့်အတူ တဖြည်းဖြည်းမှိုင်းညို့လာပြန်သည်။ အတန်ကြာလျှင် ဝေ့မျက်လုံးအိမ်ထဲ၌ မျက်ရည်များ ပြည့်လှာပြန်သည်။ မျက်ရည် များသည် ဝေ့ပါးပြင်ပေါ်သို့ဖြည်းဖြည်းစီးကျနေ၏။ “ဘာဖြစ်လို့လဲ” ကျနော်မေးလျှင် သူသည်ပို၍ စိတ်ထိခိုက်လာပြီး အ သက်အောင့် ငြိမ်သက်နေလိုက်သည်။
“ဒီမှာ နေရတာလေ ကိုကိုနဲ့ ခင်ဝေနဲ့ကွဲနေကြသလိုဘဲ။ လင်မယားမဟုတ်ကြတော့ဘူး၊ တစိမ်းတွေဘဲ၊ ကိုကိုက တအိပ် ရာအိပ်၊ ခင်ဝေကတ အိပ်ရာအိပ်၊ ခင်ဝေလဲ ကိုကိုနဲ့ ခွဲအိပ်ရတာ အိပ်လို့လဲမပျော်တော့ဘူး၊ ဘာပြုနေမှန်းလဲမသိဘူး၊ စိတ်လဲမချဘူး၊ တအိမ်ထဲနေပီး ဒီလိုခွဲနေရတာ သိပ်ဝမ်းနည်းစရာကောင်းတာဘဲ၊ ညတုန်းကလေ ခင်ဝေကိုကို့အိပ်ရာကို ထလာခဲ့အုံးမလို့သိလား၊ ကိုကိုတို့ အမေနိုးနေတာနဲ့”
ကျနော်သည် သူ့မျက်နှာကလေးကို အလင်းရောင် ဖျော့ဖျော့၌ ငေးကြည့်ကာ ခပ်တိုးတိုးရယ်မိလေသည်။ မြို့ကြီးတွင် နေခဲ့သည့် ဆယ့်ငါးရက်ကား ဝေ့အတွက် ဆယ့်ငါးကမ္ဘာမျှ ကြာရှည်ခဲ့ပေမည်။ မြို့ကြီးမှ ပြန်ကြမည့် နံနက်တွင်မူ ဝေ သည် ကျနော့် အဝတ်အစားများကို အိတ်များအတွင်းသို့ ပေါ့ပါးသွက်လကစွာ် ထည့်ခဲ့၏။ ဝေသည် မပြုံးမိရန် ထိန်းချုပ် သတိထားခဲ့ပုံရ၏။ ထွန်းထွန်းကိုလည်း ဖက်လှဲတကင်း နှုတ်ဆက်ခဲ့၏။ အမေ့ကို ကန်တော့သောအခါ၌လည်း သွက် လက် ဖျတ်လတ်နေခဲ့၏။
အမေက “သားကမိန်းမယူတယ်ဆို ပီးခလေးကလေးကို ခေါ်လာခဲ့တာကိုး” ဟု ပြောသည်ကိုလည်း ဝေသည် အာရုံမ စိုက်။ မြို့ကြီးဘူတာမှ ထွက်လာခဲ့သောအခါ ရထားပေါ်တွင် ဝေသည် ကျနော့် လက်တဖက်ကို ဆုပ်ကိုင်ထားပြီး ပြုံး ရယ်စရာမဟုတ်ဘဲနှင့် ပြုံးလာခဲ့သည်။ ဝေ့မျက်နှာမှာ အစွမ်းကုန်ပွင့်လန်းလိုက်သည့် ပန်းတပွင့်ကဲ့သို့ လတ်ဆတ် ရွှင် လန်းနေခဲ့သည်။ ရထားကြီး ဝေးဝေး ရောက်လာလေ ဝေသည် လွတ်လပ်စွာ ပျံ့သန်းလာခဲ့သည့် ငှက်ကလေးနှင့် တူလာ လေလေ။ ဝေသည် ပါးစပ်မှ လေများကို ဟူးကနဲ မှုတ်ထုတ်လိုက်၏။
“ခုမှ နော် ကိုကို၊ ခုမှ ခင်ဝေတို့လင်ရယ် မယားရယ်လို့ပြန်ဖြစ်လာကြတာ”
ရထား ပြတင်းဝတွင် ဝေသည် တိုးတိုးကျိတ် ပြောကာ ကျနော့် ပေါင်ကိုပုတ်လိုက်ပြီး တသိမ့်သိမ့်ရယ်မောနေပြန်သည်။

နိုင်ဝင်းဆွေ