သူမ ကို မငြင်းနိုင်ပါ

by Nyein Soe Oo on Saturday, January 21, 2012 at 12:51pm

http://www.nyeinsoeoo.com/2012/01/blog-post_20.html


               မြန်မာဘာသာစကားမှ မြန်မာစာပေသို့ တိုးတက်ဖြစ်ပေါ်ခဲ့သည်မှာ နှစ်ပေါင်းကြာမြင့်ခဲ့ပါပြီ ။ ထိုကဲ့သို့ တိုးတက်ပြောင်းလဲ လာရာတွင် ပြုပြင်ခြင်း ၊ ဖြည့်ဆည်းခြင်းများကို ပြုလုပ်ခဲ့ကြရပါသည် ။ အများ လက်ခံနိုင်သော ရေးထုံး ၊ အသုံးပြုပုံများသို့ အဆင့်ဆင့် ပြောင်းလဲဖြစ်ထွန်းခဲ့သည်မှာလည်း သေချာပါသည် ။ မြန်မာစာပေဟူ၍ ရေးသားလာခဲ့ကြပြီးမှ မြန်မာစာပေ၏ ပုဒ်များ ၊ ၀ါကျဖွဲ့စည်းပုံ များကို စနစ်တကျ ဖြစ်စေရေးအတွက် သဒ္ဒါကိုလည်း ပိုင်းခြားသတ်မှတ်နိုင်ခဲ့ကြပါသည် ။ အားရဖွယ်ကောင်းသော မြန်မာစာပေ၏ အခြေအနေတစ်ရပ်ဖြစ်ပါသည် ။ ကျွန်တော်တို့ သင်ခဲ့ရသော မြန်မာသဒ္ဒါ စာအုပ်မှာ ဆရာကြီး ဦးဖေမောင်တင် စတင်ပြုစုသော သဒ္ဒါ စာအုပ်ဖြစ်ပါသည် ။ ယခုအခါ မြန်မာသဒ္ဒါကို အခန်းများထပ်မံ ဖြည့်စွက်ကာ စနစ်တကျ သင်ကြားနေကြရပြီ ဖြစ်ပါသည် ။

               သို့သော်လည်း မြမာစာအရေးအသားမှာ မူကွဲများရှိနေကြဆဲဖြစ်သည်ကို သတိပြုမိပါသည် ။ စာလုံးပေါင်းသတ်ပုံများသည်ပင် အဆင့်ဆင့်ပြောင်းလဲ၍ ပြဌာန်းထားခဲ့ရသည်ကို သတိမမူမိ ၊ ပြောင်းလဲကျင့်သုံးရန် ဂရုမပြုမိသူများရှိနေကြဆဲ ဖြစ်ပါသည် ။ အချို့သော စာလုံးပေါင်းသတ်ပုံများမှာ ယနေ့ အခြေအနေနှင့် အဟပ်ကွာသောကြောင့် အသုံးပြုပုံကွဲပြားနေသည်ကိုလည်း တွေ့ရပါသည် ။ ဥပမာ - ယောက်ျား ကို ယောက်ကျားဟု ရေးသားခြင်းသည် စာလုံးပုံစံပြောင်းလဲ အသုံးပြုခြင်းပင်ဖြစ်ပါသည် ။ ကျွန်တော်ကတော့ မထူးခြားသော အသုံးတူဖြစ်၍ လွယ်ကူစွာရေးနိုင်မှုအတွက် ပြောင်းလဲသည်ကို လက်ခံထားမိပါသည် ။ ဘာသာစကား ၊ စာပေ စသည်တို့မှာ လွယ်ကူစွာ မှတ်တမ်းတင်နိုင်ရန် လူတို့ ဖန်တီးထားခြင်းဟု ယူဆသဖြင့်ပို၍လွယ်ကူပြီး နားလည်နိုင်လျှင် ပိုကောင်းသည်ဟု ယူဆသောကြောင့် ဖြစ်ပါ
သည် ။ ခဏ ဟူသောစာကို စက်ဖြင့်ရေးလျှင် ခန ဟု ရေးသည်မှာ ပို၍လွယ်ကူပါသည် ။ မှားစရာလည်း မရှိဟု ယူဆနေမိပါသည် ။
               စာကို ၀ါကျအဖြစ်ဖွဲ့စည်းရာတွင်မူ အဖြတ်အတောက်မှန်ရန် လိုအပ်မှုက မြန်မာဘာသာစကားတွင် နေရာယူထားပါသည် ။ အဖြတ်အတောက်မပါခြင်း ၊ မှားခြင်းများက သင်္ကေတ၏ နောက်ကွယ်မှ အဓိပ္ပါယ် ဖော်ပြနိုင်မှုကို အနှောက်အယှက်ဖြစ်စေသည်မှာ ထင်ရှားပါသည် ။ `` မသာရထားငှားသည် ။  ´´ ဟူသော ၀ါကျမှာပင် ပေါ်လွင်နေပါသည် ။ မသာရထား ငှားသည် ။  မသာရ ထားငှားသည် ။ ... ဟူ၍ မှားယွင်းသောအနက် ကိုပေးနိုင်အောင် အဖြတ်အတောက်က အရေးပါလျက်ရှိသည်ကို တွေ့မြင်နိုင်ပါသည် ။ သို့သော် ... သူ မယူပါ ။ ဟူသော ၀ါကျနှင့် .... သူမ ယူပါ ။ ဟူသောဝါကျများတွင်မူ မြန်မာအသုံးတွင်စကား သူမ နှင့် မြန်မာစကား သူ တို့အကြားတွင် အငြင်းပွားဖွယ်ဖြစ်လာရပါသည် ။ မြန်မာ့ရုပ်မြင်သံကြားတွင် ထုတ်လွှင့်နေသော ပညာရေးဝန်ကြီးဌာနနှင့် ပညာရေးဌာနတို့ ပူးပေါင်းတင်ဆက်မှု ပညာပေးအစီအစဉ်တွင် မြန်မာစာပေတွင် သူ ဟူသော နာမ်စားသာရှိကြောင်း ၊ သူမ ဟူသော အသုံးမှာ မြန်မာအသုံးမဟုတ်သောကြောင့် မြန်မာစာပေတွင်မသုံးသင့်ကြောင်း တင်ဆက်ထားပါသည် ။
                  အင်္ဂလိပ်စကားတွင် he , she စသည့်နာမ်စားများကွဲပြားစွာရှိနေသည်ကို မြန်မာက ဘာသာပြန်ရာတွင် အသုံးကွဲ ကျား ၊ မ ဖြစ်ကြောင်းပေါ်လွင်စေရန် he = သူ ၊  she = သူ ( မ ) ဟူ၍ပြန်ဆိုရာမှ ဖြစ်ပေါ်လာကြောင်း ဖော်ပြထားပါသည် ။ မှန်ပါသည် ။ မြန်မာနာမ်စား သူမ ဟူ၍ မရှိသောကြောင့် မရေးသင့်ကြောင်း ၊ သင် ဟူသော နာမ်စားသာရှိပြီး သင်မ ဟူ၍ မရှိကြောင်း ၊ ထို့ကြောင့် မသုံးသင့်ကြောင်း တင်ဆက်ထားသည်ကိုမူ ဘ၀င်မကျမိပါ ။ မြန်မာစာပေတွင် ယခင်က ၄င်း ...  ဟူသော အသုံးမရှိပါ ။ လည်းကောင်း ဟူ၍သာ ရေးကြရပါသည် ။ နောင်တွင် ကျစ်လျစ်စွာ ဖော်ပြနိုင်ခြင်း ၊ မြန်မာ သင်္ချာ ၄ နှင့် ငသတ် ၀စ္စပေါက်ကို အသုံးပြုထားသဖြင့် မြန်မာစာ စစ်စစ် ဖြစ်ခြင်း တို့ကြောင့် မြန်မာသဒ္ဒါတွင် ထည့်သွင်းကာ အသုံးပြုထားသည်ကို သတိပြုမိပါသည် ။
                 ကျွန်တော် ၊ ကျွန်မတို့သည် သံသရာမှ လွတ်မြောက်ရာအမှန် ပြည်နိဗ္ဗာန်သို့ ရည်မှန်းကာ လှူဒါန်းပါကြောင်း ... ဟုဖော်ပြထားသော စာများကို ဖတ်ရှုနေရသည်မှာ ကြာခဲ့ပြီ ဖြစ်ပါသည် ။ ညီ ၊ ညီမ ဟူသော နာမ်ပုဒ် ရှိပါသည် ။ ကျွန်တော် ၊ ကျွန်တော်မ ဟူသော နာမ်စားရှိပါသည် ။ သူ ဟူသော နာမ်စားသည် မြန်မာစာ ဖြစ်သကဲ့သို့ သူမ ဟူသော စကားဖွဲ့စည်းပုံမှာလည်း မြန်မာစာ စစ်စစ်ဖြစ်ပါသည် ။ လက်ရှိအခြေအနေ တွင်လည်း အသုံးတွင် နယ်ပယ်ထဲသို့ ရောက်ရှိနေပြီး မြန်မာစာကို စာလုံးရေတိုး၍ ခြားနားမှုကို ထင်ရှားစေသော စကားလုံးဖြစ်ကြောင်းပေါ်လွင်စေပါသည် ။ ဆရာကြီးဦးဖေမောင်တင်က မြန်မာစာ အရေးအသား တိုးတက်စေရန် ဆောင်ရွက်ကြရမည်ဟု လမ်းညွှန်ခဲ့ရာတွင် အများနားလည်နိုင်ရန်လိုအပ်ကြောင်း မှာကြားခဲ့သည်မှာ အထူးတန်ဖိုးကြီးပါသည် ။ သူမ ဆိုသည်မှာလည်း မြန်မာတို့ နားလည်နေပြီဖြစ်သော အသုံးတွင် မြန်မာစကားလုံးဖြစ်နေပါပြီ ။ ကျွန်တော်ကတော့ သူမ ကို မငြင်းပယ်လိုတော့ပါ ။


သိတတ်လို့ တတ်သိပြီး သတ္တိတွေတိုးကာ
ငြိမ်းချမ်းမှုများ စိုးမိုးလျက် ပညာဖြင့် ဦးဆောင်နိုင်ပါစေ ...

ငြိမ်းစိုးဦး
( 20 ; 1 ; 2012 )
http://nyeinsoeoo.multiply.com/journal/item/422