23.01.2012 နေ့ဖတ်ရန်သတင်းများ

by Myanmar Journal on Monday, January 23, 2012 at 8:19pm

 

 
မြန်မာ့ အရေးကို အလေးထားတဲ့ ဆီးနိတ်တာ မက်ကိန်း
 ကြားဖြတ် ရွေးကောက်ပွဲ နိုင်ငံတကာ ဝင်စစ်ခွင့် ပေးဖို့ ကန်အမတ် တောင်းဆို

မြန်မာနိုင်ငံကို ရောက်နေတဲ့ အမေရိကန် အထက်လွှတ်တော် အမတ် က ကြားဖြတ် ရွေးကောက်ပွဲ ကျင်းပတဲ့ အခါ မြန်မာ အစိုးရ အနေနဲ့ နိုင်ငံတကာ က လေ့လာသူတွေကို ဝင်ရောက် စစ်ဆေးခွင့် ပေးသင့်တယ်လို့ တိုက်တွန်း လိုက်ပါတယ်။
ဧပြီလမှာ ကျင်းပမယ့် ကြားဖြတ် ရွေးကောက်ပွဲ ဟာ လွတ်လပ်ပြီး တရားမျှတမယ် ဆိုရင် အမေရိကန် အစိုးရ အနေနဲ့ ဆက်ဆံရေး တိုးမြှင့်ပေးမယ်လို့ ဆီးနိတ် အမတ် မက်ကိန်းက မြန်မာ သမ္မတ ဦးသိန်းစိန်ကို ပြောကြားခဲ့ကြောင်း သိရပါတယ်။

ဒါပေမယ့် အမေရိကန်က စီးပွားရေး ပိတ်ဆို့မှုတွေ ဖယ်ရှားဖို့ ဆိုရင် မြန်မာ အနေနဲ့ တိုင်းရင်းသား ဒေသက ပဋိပက္ခတွေ ချုပ်ငြိမ်းဖို့ အပါအဝင် လုပ်ဆောင် စရာတွေ အများကြီး လိုသေးတယ်လို့ ဆိုပါတယ်။
မြန်မာနိုင်ငံကို ရောက်နေတဲ့ အမေရိကန် အထက်လွှတ်တော် အမတ် လေးယောက်ဟာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နဲ့လည်း ဆွေးနွေး ခဲ့ ပါတယ်။
သမ္မတ အိုဘားမားက တချို့ ပိတ်ဆို့ အရေးယူမှုတွေကို ချက်ချင်း ဖယ်ရှားပေးနိုင် ပေမယ့် ကျန်တဲ့ ပိတ်ဆို့ အရေးယူမှုတွေ အတွက် ကွန်ဂရက် လွှတ်တော်ရဲ့ အတည်ပြုချက် တွေ လိုလိမ့်မယ်လို့ အမေရိကန် အထက်လွှတ်တော် အမတ်တွေက ပြောကြားခဲ့ကြောင်း သိရပါတယ်။

ရှမ်း ယဉ်ကျေးမှု အခမ်းအနား တခုရှမ်းနီ ပါတီ ထူထောင်
တိုင်းလိုင် ခေါ် ရှမ်းနီ လူမျိုး နိုင်ငံရေး သမားတွေ က သူတို့ လူမျိုးတွေ အခြား တိုင်းရင်းသား တွေ လို တန်းတူ အခွင့် အရေး ရရှိရေး ကို ရည်ရွယ်ပြီး နိုင်ငံရေး ပါတီ တခု ထူထောင် လိုက် ပါတယ်။
Taileng Nationalities Development Party (TNDP) တိုင်းလိုင် ခေါ် ရှမ်းနီ အမျိုးသားများ ဖွံ့ဖြိုးတိုးတက်ရေး ပါတီ ကို ထူထောင်သူ တွေထဲမှာ တဦး အပါအဝင် ဖြစ်တဲ့ စိုင်းဌေးအောင် က နိုင်ငံကို ပြုပြင် ပြောင်းလဲတဲ့ နေရာမှာ တဖက်တလမ်း က ပါဝင်နိုင်ဖို့ နဲ့ တိုင်းရင်းသား တန်းတူ အခွင့် အရေး ရဖို့ အတွက် ပါတီ တည်ထောင် တာ ဖြစ်ကြောင်း ဘီဘီစီ ကို ပြောပါတယ်။
အခု ရှမ်းနီ ပါတီ ကို ဦးဆောင် တည်ထောင်သူ ၁၈ ဦး ရှိပြီး စိုင်းဌေးအောင် အပါအဝင် တချို့ခေါင်းဆောင် တွေ ဟာ ကျားဖြူ ပါတီ လို့ လူသိများတဲ့ ရှမ်း တိုင်းရင်းသား များ ဒီမိုကရက်တစ် ပါတီ ကို ဝင်ခဲ့ကြတဲ့ သူတွေ ပါ။
နိုင်ငံရေး ပါတီ အဖြစ် မှတ်ပုံတင်ဖို့ လုပ်ဆောင်ကြရဦးမှာ ဖြစ်လို့ အခု ကြားဖြတ် ရွေးကောက် ပွဲ ကို ဝင်နိုင်ဖို့ သူတို့ မမျှော်လင့် ထားပေမယ့် လာမယ့် ၂၀၁၅ ရွေးကောက်ပွဲ မှာ ဝင်နိုင်လိမ့်မယ် လို့ မျှော်မှန်း ထားကြပါတယ်။
ရှမ်းတိုင်းရင်းသား မျိုးနွယ်စု တခုဖြစ်တဲ့ ရှမ်းနီ လူမျိုး အများစု ဟာ စစ်ကိုင်းတိုင်းအထက် ပိုင်း နဲ့ ကချင်ပြည်နယ် အတွင်း နေထိုင် ကြပါတယ်။

ဆီးရီးယား အစိုးရ ဆန္ဒပြသူတွေကို တင့်ကားနဲ့ နှိမ်နင်းနေဆီးရီးယား အရေး အာရပ် အဖွဲ့ချုပ် တောင်းဆိုချက်တွေ ထုတ်ပြန်
ဆီးရီးယား နိုင်ငံမှာ သွေးထွက် သံယိုမှုတွေ အဆုံးသတ် သွားအောင် နိုင်ငံရေး အစီအမံသစ်တွေ လုပ်ဆောင်ဖို့ အာရပ် အဖွဲ့ချုပ်က ပန်ကြား လိုက်ပါတယ်။
အမျိုးသား ညီညွတ်ရေး အစိုးရ ဖွဲ့စည်းပြီး ရွေးကောက်ပွဲ သစ်တွေ ကျင်းပပေးဖို့ ဆီးရီးယား အစိုးရကို အာရပ် အဖွဲ့ချုပ်က တောင်းဆို လိုက်တာ ဖြစ်ပါတယ်။
ကိုင်ရိုမြို့မှာ အာရပ် အဖွဲ့ချုပ်က ကျင်းပတဲ့ အစည်းအဝေး ပွဲက ချမှတ်လိုက်တဲ့ သဘော တူညီမှုတွေနဲ့ အဆိုပြုချက် တွေကို ပြောကြား ရာမှာ အတိုက်အခံ အဖွဲ့တွေနဲ့ စေ့စပ် ညှိနှိုင်းပြီး အမျိုးသား ညီညွတ်ရေး အစိုးရ ဖွဲ့ဖို့ ၊ အကြမ်းဖက် မှုတွေကို အဆုံးသတ်ဖို့ ဆီးရီးယား သမ္မတ ဘတ်ရှား အယ် အာဆက်ကို ပန်ကြား လိုက်ကြောင်း ကာတာ နိုင်ငံခြားရေးက ပြောပါတယ်။
အဲဒီ အစည်းအဝေး ဆုံးဖြတ်ချက် အရ ဆီးရီးယားက လူထု အုံကြွမှုတွေ အတွင်း သေဆုံးမှုတွေကို စုံစမ်း စစ်ဆေးဖို့ အထူး ကော်မရှင် တရပ် ဖွဲ့စည်း ဖို့ကိုလည်း အာရပ် အဖွဲ့ချုပ်က တောင်းဆို ထားပါတယ်။

တိုင်းပြည် ထွက်ခွာသွားပြီ ဖြစ်တဲ့ သမ္မတ ဆာလေးအမှားရှိရင် ခွင့်လွှတ်ဖို့ ယီမင် သမ္မတ ဆာလေး တောင်းပန်
ယီမင်နိုင်ငံမှာ သူအုပ်ချုပ်ခဲ့တဲ့ နှစ်ပေါင်း သုံးဆယ်ကျော် အတွင်း မှားယွင်းမှု တစုံတရာ ရှိရင် ခွင့်လွှတ်ပါလို့ သမ္မတ အလီ အဗ္ပဒူလာ ဆာလေးက တိုင်းပြည်က မထွက်ခွာခင် ပြည်သူ လူထုကို မိန့်ခွန်း ပြောရာမှာ ထည့်သွင်း ပြောဆို သွားခဲ့ပါတယ်။
သမ္မတ ဆာလေးဟာ အိုမန်နိုင်ငံကို ထွက်ခွာ သွားတာ ဖြစ်တယ်လို့ ယီမင် အရာရှိတွေက ပြောပါတယ်။
ပြီးခဲ့တဲ့ ဇွန်လတုန်းက သူ့အိမ်ခြံဝန်း အတွင်းမှာ တိုက်ခိုက်မှု ဖြစ်ပွားတုန်း ရခဲ့တဲ့ ဒဏ်ရာကို ထပ်မံ ဆေးကုသဖို့ လိုတာကြောင့် အမေရိကန်ကို သွားပြီး ဆေးကုမယ်လို့ သူ့မိန့်ခွန်း ထဲမှာ ဆိုသွားခဲ့ပြီး နောက်တော့ ယီမင်ကို ပြန်လာပါ့မယ်လို့ သမ္မတ ဆာလေးက ပြောပါတယ်။
အမေရိကန် အရာရှိတွေကတော့ သမ္မတ ဆာလေး အမေရိကန်မှာ ဆေးလာကုဖို့ ကိစ္စကို ခွင့်ပြု ထားပြီးပါပြီလို့ ဆိုပါတယ်။

တိုင်းရင်းသား ဒေသ တိုက်ပွဲတွေအတွင်း ပေါ်တာ ဆွဲမှုတွေရှိကြောင်း ရေးထားမြန်မာ့ လူ့အခွင့်အရေး အခြေအနေ စိုးရိမ်ရဆဲ
နိုင်ငံတကာ လူ့အခွင့်ရေး စောင့်ကြည့်ရေး အဖွဲ့ဖြစ်တဲ့ Human Rights Watch အဖွဲ့က မြန်မာနိုင်ငံမှာ လူ့အခွင့်အရေး အခြေအနေ အနည်းငယ် တိုးတက်လာတဲ့ လက္ခဏာတွေ တွေ့နေရပေမယ့် စိုးရိမ်စရာ အခြေအနေတွေ အများအပြား ရှိနေဆဲဖြစ်တယ်လို့ ပြောကြား လိုက်ပါတယ်။
မြန်မာ အစိုးရအနေနဲ့ နိုင်ငံရေးဆိုင်ရာ ပြုပြင်ပြောင်းလဲမှု တချို့ ပြုလုပ်ခဲ့ပေမယ့် လည်း ပြီးခဲ့တဲ့နှစ်အတွင်း တိုင်းရင်းသား လက်နက်ကိုင်တွေနဲ့ တိုက်ပွဲတွေ ဖြစ်နေတဲ့ ဒေသတွေမှာ အစိုးရ စစ်တပ်ဟာ အရပ်သားတွေအပေါ် နှိပ်စက် ညှင်းပန်း သတ်ဖြတ်မှုတွေနဲ့ အဓမ္မ ပြုကျင့်မှုတွေ ရှိခဲ့တယ်လို့ Human Rights Watch အဖွဲ့က ပြောပါတယ်။
အစိုးရစစ်တပ်က မြေမြုပ်မိုင်း သုံးတာ ကလေးစစ်သား သုံးတာမျိုးကို တိုင်းရင်းသား လက်နက်ကိုင်တွေ ကြားမှာလည်းတွေ့ရတယ်လို့ ရေးထားပါတယ်။
ပြီးခဲ့တဲ့နှစ် ဇွန်လကစပြီး နိုင်ငံမြောက်ဘက် ကချင်ပြည်နယ်မှာ တိုက်ပွဲတွေ အပြင်းအထန် ဆက်လက် ဖြစ်နေရာမှာ အဲဒီဒေသဘက်မှာ လူပေါင်း ၅ သောင်း လောက် အိုးမဲ့ အိမ်မဲ့ဖြစ်ခဲ့ရတယ်လို့ အစီရင်ခံစာမှာ ဖေါ်ပြထားပါတယ်။
ဒါ့အပြင် ပြည်တွင်းမှာ မီဒီယာ လွတ်လပ်ခွင့် တချို့ပေးတာ၊ နိုင်ငံရေးအကျဉ်းသား လွှတ်ပေးတာတွေကို လူ့အခွင့်အရေး တိုးတက်မှုအဖြစ် အဲဒီ အစီရင်ခံစာမှာ ဖေါ်ပြထားပါတယ်။
ကမ္ဘာ့နိုင်ငံ ၉၀ ကျော်က လူ့အခွင့်အရေး အခြေအနေတွေကို လေ့လာဆန်းစစ်ပြီး ထုတ်ပြန်လိုက်တဲ့ အဲဒီအစီရင်ခံစာသစ် မှာ မြန်မာနိုင်ငံနဲ့ ပတ်သက်ပြီး အခုလို ဖေါ်ပြထားတာ ဖြစ်ပါတယ်။

ကိုသက်နွယ် လက်နက်တွေ သိမ်းဆည်းထား တယ် ဆိုပြီး၂၀၀၂ ခုနှစ်က ဖမ်းဆီးခံခဲ့ရတာပါပြန်လွတ်လာသူ နိုင်/ကျဉ်းသားဟောင်း ကိုသက်နွယ် ကွယ်လွန်
အင်းစိန်ထောင်အတွင်း သေလုမျောပါး ဖြစ်နေခဲ့တဲ့ နိုင်ငံရေး အကျဉ်းသားဟောင်း ကိုသက်နွယ်ဟာ ဇန်နဝါရီ ၁၃ ရက်နေ့က လွတ်ငြိမ်းချမ်းသာခွင့်နဲ့ ပြန်လွတ်လာ ပေမယ့်လည်း ဆေးကုသချိန် မမီတော့တဲ့ အတွက် တနင်္ဂနွေနေ့က ကွယ်လွန်သွား ခဲ့ပါတယ်။
ထောင်ဒဏ် ၃၈ နှစ်ကျခံခဲ့ရတဲ့ ကိုသက်နွယ် (ခေါ်) ကဗျာဆရာ ငြိမ်းလူ ထောင်ကျနေစဉ်က သူ့ကို ပြင်ပထွက်ပြီး ဆေးကုသခွင့်ပေးဖို့ သူ့မိသားစုက တောင်းဆိုခဲ့ ပေမယ့် မရရှိခဲ့ဘဲ အခုပြန်လွတ်လာချိန်မှာတော့ ထောင်တွင်းက ပါလာတဲ့ ဝေဒနာတွေနဲ့ဘဲ တနင်္ဂနွေနေ့ နေ့လည်က ကွယ်လွန်သွားခဲ့တာ ဖြစ်ပါတယ်။
ကွယ်လွန်ချိန်မှာ သူဟာ အသက် ၅၄ နှစ်ရှိပြီဖြစ်ပါတယ်။
ကိုသက်နွယ် ထောင်ထဲမှာ နေမကောင်းဖြစ်တုန်းက အပြင်မှာ ဆေးကုသခွင့် ပေးခဲ့ရင် ခုလို အဖြစ်ဆိုးနဲ့ ကြုံရမှာ မဟုတ်ဘူးလို့ ကိုသက်နွယ်ရဲ့အမ ဒေါ်မာလာနွယ်က ပြောပါ တယ်။
ကိုသက်နွယ် ထောင်က လွတ်လာလာချင်း သူ့ကို ဘားလမ်းဆေးရုံပေါ်ကို တင်ခဲ့ပေမယ့် သူ့ရဲ့ အသည်းက လုံးဝ ကျွမ်းနေပြီဖြစ်တယ်လို့ ဆိုပါတယ်။
စစ်ကြောရေးမှာ ကိုသက်နွယ်ဟာ ဖိနပ်တွေနဲ့ နံရိုးတွေကို အကန်ခံရပြီး၊ သွားတွေအားလုံး လည်း ရိုက်ချိုးခံရကာ အာရုံကြောတွေ လုံးဝ ပျက်စီးနေခဲ့တာလို့ ဒေါမာလာနွယ်က ဆက်ပြောပါတယ်။
ကိုသက်နွယ်ဟာ ပြည်ပအခြေစိုက် အဖွဲ့အစည်းတွေနဲ့ ဆက်သွယ်ပြီး လက်နက်တွေ သိမ်းဆည်းထား တယ်ဆိုတဲ့ စွပ်စွဲချက်နဲ့ ၂၀၀၂ ခုနှစ်ဒီဇင်ဘာလက အမဖြစ်တဲ့ ဒေါ်မာလာနွယ်နဲ့ အတူ ဖမ်းဆီးခံခဲ့ရတာပါ။
ဒေါ်မာလာနွယ်ကတော့ ထောင်ဒဏ် တသက်တကျွန်း ကျခံရပြီး ၂၀၀၅ ခုနှစ်က လွတ်ငြိမ်း ချမ်းသာခွင့်နဲ့ ပြန်လွတ်လာပေမယ့် ကိုသက်နွယ်ကတော့ ထောင်ဒဏ် ၃၈နှစ် ချမှတ်ခံခဲ့ရတာ ဖြစ်ပါတယ်။
ကိုသက်နွယ်ရဲ့ ဈာပနကိုတော့ ဇန်နဝါရီ ၂၄ ရက်နေ့ကျရင် ရေဝေးသုဿန်မှာ မီးသင်္ဂြိုဟ် မယ်လို့ သိရပါတယ်။

အပစ်ရပ် သဘောတူညီချက် KNU ရှင်းလင်း တင်ပြ
ကေအင်ယူစစ်ဦးစီးချုပ် က အပစ်ရပ် စာချုပ် လက်မှတ်ထိုးခဲ့တာနဲ့ပတ်သက်လို့ ဒေသခံကိုရှင်းပြ
KNU နဲ့ အစိုးရ အပစ်ရပ် စာချုပ်နဲ့ ပတ် သက်ပြီး တပ်မဟာ ၇ ထိန်းချုပ် ဒေသက ကရင် လူထုကို ကရင် အမျိုးသား အစည်း အရုံး ခေါင်းဆောင်တွေက သူတို့ဆောင် ရွက်ချက် တွေကို တင်ပြ ကြပါတယ်။
ကေအင်ယူနဲ့ အစိုးရ ကိုယ်စားလှယ်တို့ ဒီနှစ် ဆန်းမှာ အပစ်ရပ် သဘောတူညီချက်ကို လက် မှတ် ရေးထိုးခဲ့ပါတယ်။
အစိုးရနဲ့ လောလောဆယ် နားလည်မှု တည် ဆောက်တဲ့ အဆင့်မှာပဲ ရှိသေးပြီး ငြိမ်းချမ်းရေး မရသေးဘူး ဆိုတာကို ကရင် လူထုကို ရှင်းပြခဲ့တယ်လို့ ကေအင်ယူ ငြိမ်းချမ်းရေးဖော်ဆောင် ရေး အဖွဲ့ ဘားအံ ခရိုင် ဥက္ကဌ စော အောင်မော်အေးက ဘီဘီစီကို ပြောပြပါတယ်။
လောလောဆယ် အိုင်ဒီပီ ရွာပုန်း ရွာရှောင်တွေ အရေးကို ဦးစားပေး လုပ်သွားမယ်လို့ သူက ပြောပြီး နိုင်ငံရေး သဘောတူညီမှုတွေရပြီးလျင် ထိုင်းက ဒုက္ခသည်များအရေးကို ဆက်လက် ဆောင်ရွက် သွားမယ်လို့ ပြောပါတယ်။
အရပ်သားတွေကတော့ အပစ်ရပ်ရေးဟာ ကတိ သစ္စာ ရှိရှိနဲ့ အောင်မြင်မယ်ဆိုလျင် ကြို ဆိုတယ်၊ ကိုယ့် ရပ်ရွာပြန် လုပ်ကိုင် စားသောက်လို့ ရမှာ ဖြစ်တယ်လို့ အရပ်သား တချို့က ဘီဘီစီကို ပြောပြပါတယ်။
ကေအင်ယူ စစ်သားတွေကလည်း တိုက်ခိုက်နေတာ နှစ်ပေါင်း များစွာ ကြာနေပြီး ပြည်သူ တွေလည်း ဒုက္ခ ရောက်ရကြောင်း၊ အပစ်အခပ် ရပ်စဲပြီး နိုင်ငံရေး လမ်းကြောင်းပေါ် တွေ့ဆုံ ဆွေးနွေးမယ်ဆို ဝမ်းသာကြောင်း၊ ဒါပေမယ့် ခု အစပဲ ရှိသေးတယ်လို့ ပြောပါတယ်။

 လစ်ဗျား အသွင်ကူးပြောင်း ကောင်စီ ပြောခွင့်ရသူ နုတ်ထွက်မယ်လို့ ပြောပြီ
လစ်ဗျားနိုင်ငံမှာ အသွင်းကူးပြောင်းရေး အစိုးရ အဖွဲ့ထဲက လက်ထောက် အကြီးအကဲ ဖြစ်တဲ့ Abdel Hafiz Ghoga သူ ရာထူးက နှုတ်ထွက်တော့ မယ်လို့ ပြောပါတယ်။
လစ်ဗျားရဲ့ ဒုတိယ အကြီးဆုံး ဖြစ် တဲ့ ဘန်ဂါဇီမြို့မှာ ပြီးခဲ့တဲ့ စနေနေ့တုန်းက လူလေးငါးရာ လောက်က အသွင်ကူးပြောင်းရေး ကောင်စီ ဌာနချုပ်ကို ဝင်ရောက် စီးနင်း ဆန္ဒပြခဲ့ပြီးတဲ့ နောက် အခုလို ရာထူး နှုတ် ထွက်မှု ပေါ်ပေါက်လာတာ ဖြစ်ပါတယ်။
ဆန္ဒပြသူတွေက အိမ်တွင်းလုပ် ဗုံး လေးငါးလုံးနဲ့ ပစ်ဖောက် ဆန္ဒပြခဲ့ကြပြီး အသွင်ကူးပြောင်းရေး ကောင်စီ အနေနဲ့ ပိုပြီး ပွင့်လင်း မြင်သာမှု ရှိစေဖို့ အဖွဲ့ရဲ့ ပြောခွင့်ရ ပုဂ္ဂိုလ် ဖြစ်တဲ့ မစ္စတာ ဂိုဂါကို အဓိက ပစ်မှတ်ထား တောင်းဆို ခဲ့ကြတာ ဖြစ်ပါတယ်။
ဒါ့အပြင် ကဒါဖီ လက်ထက်က အုပ်ချုပ်သူတွေနဲ့ မစ္စတာ ဂိုဂါဟာ အဆက်သွယ် ရှိပြီး သူဟာ အခွင့်သာတဲ့ ဖက်ကို ကူးတက်သူ ဖြစ်တယ်လို့ ဆန္ဒပြသူ တွေက စွပ်စွဲ ပြောကြားခဲ့ပါတယ်။

မြန်မာပြည် လူ့အခွင့်အရေး အခြေအနေ စိုးရိမ်နေရဆဲ
By ဗွီအိုအေ (မြန်မာဌာန)
ဒီကနေ့ တနင်္ဂနွေနေ့မှာ နယူးယောက်အခြေစိုက် လူ့အခွင့်အရေး စောင့်ကြည့်လေ့လာရေး (Human Rights Watch) အဖွဲ့ရဲ့ ကမ္ဘာလုံးဆိုင်ရာ နှစ်ပတ်လည် အစီရင်ခံစာ ထွက်ရှိလာတာမှာ အာရှနိုင်ငံတွေရဲ့ လူ့အခွင့်အရေး အခြေအနေတွေကို အသးစိတ် ဖော်ပြထားပါတယ်။
မနှစ်က ၂၀၁၁ ခုနှစ်မှာ စစ်အစိုးရကနေ အရပ်သားအစိုးရကို ကူးပြောင်းလာခဲ့တဲ့ မြန်မာနိုင်ငံမှာ လူ့အခွင့်အရေး အခြေအနေတွေဟာ အလွန်တရာ ဆိုးရွားနေတုန်းပဲလို့ ဒီအစီရင်ခံစာက ဆိုပြီးတော့  တိုင်းရင်းသား ဒေသတွေနဲ့ လက်နက်ကိုင် ပဋိပက္ခတွေ ဖြစ်ပွားနေတဲ့ နယ်မြေတွေမှာ မြန်မာစစ်တပ်ရဲ့ အရပ်သား တိုင်းရင်းသားတွေ အပေါ် လူသတ်၊ မုဒိန်းကျင့်၊ နှိပ်စက်ညှဉ်းပန်းသတ်ဖြတ်မှုတွေ ကျူးလွန်နေတာက မြန်မာအစိုးရရဲ့ မကြာသေးခင်က နိုင်ငံရေးအရ ပြုပြင်ပြောင်းလဲမှုတွေကို မှေးမှိန် သေးသိမ် စေတယ်လို့ ဒီအစီရင်ခံစာမှာ ရေးသားထားပါတယ်။
ဒါ့အပြင် တရုတ်နိုင်ငံမှာ လွတ်လပ်စွာ ဆန္ဒထုတ်ဖေါ်ခွင့်၊ အသင်းအဖွဲ့ ဖွဲ့စည်းခွင့်၊ ဘာသာရေး လွတ်လပ်ခွင့်၊ မီဒီယာလွတ်လပ်ခွင့်၊ လွတ်လပ်စွာ တရားစီရင်ခွင့်ကို ပယ်ချခြင်းတွေ ရှိနေဆဲပဲလို့လည်း လူ့အခွင့်အရေး စောင့်ကြည့်လေ့လာရေး (Human Rights Watch) အဖွဲ့ရဲ့ အစီရင်ခံစာမှာ ဖော်ပြထားပါတယ်။ မြောက်ကိုးရီးယားနိုင်ငံမှာ လူ့အခွင့်အရေး ချိုးဖောက်မှုတွေကို အာဏာပိုင်တွေက စနစ်တကျ ကျူးလွန်နေတာနဲ့ ကမ္ဘောဒီးယား၊ အင်ဒိုနီးရှား၊ မလေးရှားနဲ့ ဗီယက်နမ် နိုင်ငံတွေက လူ့အခွင့်အရေး ချိုးဖောက်မှုတွေကိုလည်း ဒီအစီရင်ခံစာမှာ အသေးစိတ် ထုတ်ဖော် ရေးသားထားပါတယ်။

Newt Gingrich တောင်ကယ်ရိုလိုင်းနားမှာ အနိုင်ရ
By ဗွီအိုအေ (မြန်မာဌာန)
စနေနေ့က ကျင်းပတဲ့ တောင်ကာရိုလိုင်းနား (South Carolina) ပြည်နယ်၊ ရီပက်ပလီကန် ပါတီတွင်း သမ္မတလောင်းရွေးပွဲမှာ ယခင် အမေရိကန် အောက်လွှတ်တော်အမတ် နယူးတ်ဂင်းဂရစ်ခ်ျ (Newt Gingrich) အနိုင်ရရှိသွားပါတယ်။ ဒီနှစ် နိုဝင်ဘာလမှာ ကျင်းပမယ့် အမေရိကန် သမ္မတ ရွေးကောက်ပွဲအတွက် ရီပက်ပလီကန် ပါတီတွင်းမှာ သမ္မတလောင်း ရွေးကောက်ပွဲတွေကို ပြည်နယ်အလိုက် ကျင်းပနေတာပါ။
နယူးတ်ဂင်းဂရစ်ခ်ျ က မဲ ၄၀ ရာခိုင်နှုန်းကို ရရှိပြီး နယူးဟမ်းရှား (New Hampshire) ပြည်နယ်မှာ အနိုင်ရရှိခဲ့တဲ့ ယခင် မက်ဆာချူးဆက်ပြည်နယ် အုပ်ချုပ်ရေးမှူးဟောင်း မစ်ရွန်မနီ (Mitt Romney) က မဲ ၂၈ ရာနှုန်းကို ရရှိခဲ့ပါတယ်။ လွန်ခဲ့တဲ့ တစ်ပတ်အလိုကတော့ မစ္စတာ ရွန်မနီ အနိုင်ရရှိမယ်လို့ မျှော်လင့်ခဲ့ပေမဲ့ သူ့အပေါ် အရင်းရှင်ကြီး တစ်ယောက်အဖြစ် တိုက်ခိုက်တာကို သူ့ရဲ့ စည်းရုံးရေး အဖွဲ့တွေ ရင်ဆိုင်ခဲ့ကြရပါတယ်။
ယခင် အထက်လွှတ်တော်အမတ် ရစ်ခ်ျဆန်တိုရမ် (Rich Santorum) က ၁၇ ရာခိုင်နှုန်းနဲ့ တတိယ လိုက်ပြီး အောက်လွှတ်တော် အမတ် ရွန်ပေါလ် (Ron Paul) က ၁၃ ရာခိုင်နှုန်းနဲ့ စတုတ္ထလိုက်ခဲ့ပါတယ်။

အရေးယူပိတ်ဆို့မှုကိစ္စ အမေရိကန်အမတ်များ ဆွေးနွေး
By မသိင်္ဂီထိုက်

ရန်ကုန်မြို့ အမေရိကန်စင်တာမှာ ပြုလုပ်တဲ့ သတင်းစာရှင်းလင်းပွဲအတွင်း အမေရိကန် အထက်လွှတ်တော်အမတ် ဂျွန်မက်ကိန်း စကားပြောဆိုနေစဉ်။ (ဇန်န၀ါရီလ ၂၂၊ ၂၀၁၂)
မြန်မာနိုင်ငံကို ရောက်နေတဲ့ အမေရိကန် အထက်လွှတ်တော် အမတ်တွေ တနင်္ဂနွေနေ့မှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်၊ ၈၈ မျိုးဆက်ကျောင်းသား ခေါင်းဆောင်တွေ၊ ပြည်သူ့လွှတ်တော် သဘာပတိ သူရဦးရွှေမန်းတို့နဲ့ တွေ့ဆုံပါတယ်။ ဒီလို တွေ့ဆုံတာမှာ အမေရိကန် အစိုးရက မြန်မာအပေါ် အရေးယူထားတဲ့ စီးပွားရေးအရ ဒဏ်ခတ်ပိတ်ဆို့မှုတွေကို အဓိကထား ဆွေးနွေးခဲ့တယ် လို့လည်း တွေ့ဆုံ ဆွေးနွေးခဲ့သူတွေက ဆိုပါတယ်။ အပြည့်အစုံကိုတော့ မသိင်္ဂီထိုက်က တင်ပြထားပါတယ်။
ဒေါ်အောင်ဆန်းစုကြည်နဲ့ အမေရိကန် အထက်လွှတ်တော် အမတ်တွေ ဇန်န၀ါရီလ ၂၂ ရက်နေ့ ညနေပိုင်းမှာ ဒေါ်အောင်ဆန်းစုကြည်ရဲ့ နေအိမ်မှာ တွေ့ဆုံဆွေးနွေးခဲ့ကြပါတယ်။ ဒီလိုတွေ့ဆုံတာမှာ မြန်မာ စစ်အစိုးရရဲ့ လူ့အခွင့်အရေး ချိုးဖောက်မှုတွေကြောင့် အမေရိကန်က စီးပွားရေး ပိတ်ဆို့ ဒဏ်ခတ် အရေးယူရေး အားပေးထောက်ခံခဲ့တဲ့ အမေရိကန် အထက်လွှတ်တော် အမတ် ဂျွန်မက်ကိန်း အပါအ၀င် ဝါရင့် အထက်လွှတ်တော်အမတ်တွေ ဂျိုးဇက်လီဘာမန်၊ ကယ်လီအယို့တ် (Kelly Ayotte) နဲ့ ရှယ်လ်ဒန် ၀ိုက်ဟောက်စ် (Sheldon Whitehouse) တို့ ပါဝင်ပါတယ်။
မြန်မာအပေါ် အရေးယူထားတဲ့ စီးပွားရေး ဆိုင်ရာ ဒဏ်ခတ်ပိတ်ဆို့မှုတွေ ရုပ်သိမ်းရေးမှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ သဘောထားကလည်း အရေးကြီးတယ် ဆိုပြီး သူတို့က ပြောဆိုထားတာပါ။ တွေ့ဆုံမှုအပြီး သတင်းထောက်တွေနဲ့ တွေ့ဆုံတာမှာတော့ ဒေါ်အောင်ဆန်းစုကြည်က အခုလို ပြောဆိုသွားပါတယ်။
“ဒီ sanctions တွေ အစကတည်းက လုပ်ကတည်းက ဘာကြောင့် လုပ်တယ်၊ ဘယ်ခြေလှမ်းတွေ လှမ်းရင် ဘယ် sanctions တွေကို ရုပ်သိမ်းပေးမယ်ဆိုတာကို ပြောထားပြီးသားပါ။ အဲဒီတော့ သူတို့သတ်မှတ်ထားတဲ့ ခြေလှမ်းတွေ လှမ်းပြီးရင်တော့ sanctions တွေကို စပြီးတော့ ရုပ်သိမ်းမှာပါ။ ဒီခြေလှမ်းတွေက ကြားဖြတ်ရွေးကောက်ပွဲ တစ်ခုတည်းတော့ မဟုတ်ပါဘူး။”
မြန်မာ စစ်အစိုးရက နိုင်ငံရေး အကျဉ်းသားတွေကို ဖမ်းဆီးအကျဉ်းချတာ၊ တိုင်းရင်းသား ဒေသတွေမှာ လက်နက်ကိုင် စစ်ပွဲတွေ ဖြစ်ပွားနေတာတွေကြောင့် အမေရိကန် အစိုးရက စီးပွားရေးအရ ဒဏ်ခတ်ပိတ်ဆို့မှုနဲ့ အရေးယူထားတာပါ။ ဒီလို အရေးယူထားတာတွေကို ဧပြီလမှာ ကျင်းပမယ့် ကြားဖြတ်ရွေးကောက်ပွဲတွေမှာ တရားမျှတမှု ရှိယုံနဲ့တော့ ဖွင့်ပေးမှာမဟုတ်ဘဲ အရေးယူထားတဲ့ အချက်အလက်တွေကို မြန်မာ အစိုးရဘက်က ဘယ်လောက် ပြုပြင် ပြောင်းလဲမှု ရှိမလဲ ဆိုတဲ့ အပေါ်မှာ စဉ်းစားပြီး တစ်ဆင့်ချင်း ဖြေလျှော့သွားမယ်လို့လည်း ပြောဆိုသွားပါတယ်။
အမေရိကန် အထက်လွှတ်တော် အမတ်တွေနဲ့ ၈၈ မျိုးဆက်ကျောင်းသား ခေါင်းဆောင်တွေလည်း တွေ့ဆုံ ဆွေးနွေးခဲ့ကြပါသေးတယ်။ တွေ့ဆုံဆွေးနွေးသူ တစ်ဦးဖြစ်တဲ့ ၈၈ မျိုးဆက်ကျောင်းသား ခေါင်းဆောင် ကိုဌေးကြွယ်က အခုလို ပြောပါတယ်။
“sanctions နဲ့ ပတ်သက်လာလို့ရှိရင် အမေရိကားရဲ့ ပထမ ပေါ်လစီဖြစ်တဲ့ နိုင်ငံရေး အကျဉ်းသား အားလုံး လွတ်မြောက်ရေးနဲ့ တိုင်းရင်းသားဒေသတွေမှာ စစ်ပွဲတွေ ရပ်ဆိုင်းပြီးတော့ ပြည်တွင်း ငြိမ်းချမ်းရေးကို ဖြေရှင်းရေးကို တည်ထားတဲ့ သူတို့ရဲ့ ပေါ်လစီနှစ်ရပ်ကိုပဲ ဆွေးနွေးဖြစ်ပါတယ်။ သူတို့ကလည်း သူတို့နဂိုကတည်းက ရပ်တည်ထားတဲ့ သူတို့ရဲ့ တောင်းဆိုမှုကို ပြန်ပြီးတော့ ပြောပါတယ်။ ပြီးတော့ လက်ကျန် ရှိနေသေးတဲ့ နိုင်ငံရေးအကျဉ်းသားတွေရဲ့ စာရင်းကိုလည်း ကျနော်တို့က ပေးမယ်ဆိုတာတွေ လည်း ပြောခဲ့ပါတယ်။”
၈၈ မျိုးဆက်ကျောင်းသားတွေ အနေနဲ့ အမေရိကန်နဲ့ မြန်မာအကြား သံအမတ်ကြီးအဆင့် ပြန်ပြီး ဆက်ဆံရေး ထူထောင်လာတာကို ကြိုဆိုတဲ့အကြောင်းနဲ့ ရှေ့ဆက်ပြီး နိုင်ငံတကာနဲ့ မြန်မာ အတိုက်အခံတွေ အကြား ပူးပေါင်းဆောင်ရွက်နိုင်မယ့် နည်းလမ်းတွေကိုလည်း ဆွေးနွေးခဲ့ကြပါတယ်။
အမေရိကန် အစိုးရရဲ့ စီးပွားရေးဆိုင်ရာ ဒဏ်ခတ်ပိတ်ဆို့မှု ပြန်ရုပ်သိမ်းရေး အတွက် မူလက ချမှတ်ထားတဲ့ နိုင်ငံရေး အကျဉ်းသားတွေ လွှတ်ပေးရေး၊ တိုင်းရင်းသားဒေသတွေမှာ တိုက်ပွဲတွေ ရပ်စဲရေး လက်ရှိ ပကတိ အနေအထားတွေကို သုံးသပ်ဖို့လည်း အမေရိကန် အထက်လွှတ်တော် အမတ်တွေကို တိုက်တွန်းခဲ့တယ် လို့လည်း ကိုဌေးကြွယ်က ပြောပါတယ်။ အကျဉ်းထောင်တွေထဲမှာ ကျန်ရှိနေသေးတဲ့ နိုင်ငံရေး အကျဉ်းသားတွေနဲ့ ပတ်သက်ပြီးလည်း ကိုဌေးကြွယ်က အခုလို ပြောပါတယ်။
“ဒီလိုဗျ။ အခုချိန်မှာ ကျန်နေသေးတယ် ဆိုတဲ့ နိုင်ငံရေးအကျဉ်းသားတွေက လက်နက်မှုတွေနဲ့ ပတ်သက်နေတယ်ပေါ့ဗျာ။ လက်နက်မှုတွေနဲ့ စွပ်စွဲခံထားရတဲ့ အကျဉ်းသား ဆိုတာကလည်း မြန်မာနိုင်ငံမှာက ပြည်တွင်းစစ်က တောက်လျှောက် ဖြစ်ခဲ့တာပဲ။ ဒီပြည်တွင်းစစ် တောက်လျှောက်ကာလမှာ လက်နက်ကိုင် ပဋိပက္ခတွေနဲ့ ဒါက ရှောင်လွှဲလို့မရတဲ့ကိစ္စတွေပါ။ တကယ်တမ်းကတော့ နိုင်ငံရေးအရ ပဋိပက္ခတွေ ရှိနေတဲ့အတွက် ဒီလို လက်နက်ကိုင်မှုတွေ ပေါ်ပေါက်လာတာပါ။ ဒါတွေကို အခု တိုင်းရင်းသား လက်နက်ကိုင် အဖွဲ့အစည်းတွေနဲ့တောင် ငြိမ်းချမ်းရေး ဆွေးနွေးနေတဲ့ အခြေအနေမှာ ထောင်ထဲမှာရှိနေတဲ့သူတွေကိုတော့ စိုးရိမ်စရာ မရှိပါဘူး။ တကယ်တမ်းကတော့ အားလုံးကို နိုင်ငံရေးအရ ဖမ်းဆီး ထိန်းသိမ်းထားခံရတဲ့ သူတွေအားလုံးကို ပုဒ်မတွေ ခွဲမနေတော့ဘဲ လွှတ်ပေးသင့်တယ်ဆိုတဲ့ အခြေအနေကို ကျနော်တို့ပြောတာပါ။”
တနင်္ဂနွေနေ့မှာ မြန်မာနိုင်ငံကို ရောက်နေတဲ့ အထက်လွှတ်တော် အမတ် ဂျွန်မက်ကိန်းက ၈၈ မျိုးဆက် ကျောင်းသာတွေနဲ့လည်း တွေ့ဆုံဆွေးနွေးခဲ့ပါတယ်။ ပြည်သူ့လွှတ်တော် ဥက္ကဋ္ဌ သူရ ဦးရွှေမန်းနဲ့ နေပြည်တော်မှာ တွေ့ဆုံဆွေးနွေးခဲ့ကြပြီး နှစ်နိုင်ငံ လွှတ်တော် ၂ ရပ် ပူးပေါင်းဆောင်ရွက်ရေး မြန်မာလွှတ်တော် ကိုယ်စားလှယ်တွေ အမေရိကန် လွှတ်တော်ကို လာရောက် လေ့လာဖို့ ဖိတ်ကြားခဲ့ပါတယ်။

ဆီးရီးယား အကဲခတ်အဖွဲ့က ဆော်ဒီကိုယ်စားလှယ်တွေ ပြန်ရုပ်မည်
By ဗွီအိုအေ (မြန်မာဌာန)
ဆီးရီးယားနိုင်ငံအနေနဲ့ အာရပ်အဖွဲ့ချုပ်ရဲ့ အစီအစဉ်အတိုင်း အတိုက်အခံတွေရဲ့ ၁၀ လကြာ ဆန္ဒပြမှုတွေ အပေါ် အကြမ်းဖက် ဖြိုခွဲနေတာကို ရပ်တန့်ဖို့အရေး လိုက်နာဆောင်ရွက်ဖို့ ပျက်ကွက်ခဲ့တာကို ကန့်ကွက်တဲ့ အနေနဲ့ ဆော်ဒီအာရေးဘီးယား နိုင်ငံကနေ ဆီးရီယားနိုင်ငံကို စေလွှတ်ခဲ့တဲ့ လေ့လာအကဲခတ်ရေး အဖွဲ့ဝင်တွေကို ပြန်ခေါ်ယူတော့မယ်လို့ ပြောဆိုလိုက်ပါတယ်။
တနင်္ဂနွေနေ့က အီဂျစ်နိုင်ငံ ကိုင်ရိုမြို့မှာကျင်းပတဲ့ အာရပ်အဖွဲ့ချုပ်ရဲ့ နိုင်ငံခြားရေးဝန်ကြီးများ အစည်းအဝေး အပြီးမှာ ဆော်ဒီ နိုင်ငံခြားရေးဝန်ကြီး ဆော့်ဒ် အယ်လ်ဖာဆယ်လ် ကကြေညာလိုက်တာပါ။ နိုင်ငံခြားရေး ၀န်ကြီးတွေဟာ ဆီးရီးယားကို စေလွှတ်ထားတဲ့ ၁၆၅ ဦးပါ လေ့လာအကဲခတ်အဖွဲ့ရဲ့ အစီရင်ခံစာကို သုံးသပ်ကြပြီး အဲဒီလေ့လာ အကဲခတ်အဖွဲ့ကို ဆက်ပြီးထားသင့် မထားသင့် ဆွေးနွေးခဲ့ကြတာ ဖြစ်ပါတယ်။ အဲဒီလေ့လာ အကဲခတ်အဖွဲ့ကို တစ်လတာ ဆီးရီးယားနိုင်ငံကို စေလွှတ်ထားခဲ့တာ ပြီးခဲ့တဲ့ကြာသပတေးနေ့မှာ တာဝန်ပြီးဆုံးသွားခဲ့ပါတယ်။
ဆီးရီးယားနိုင်ငံမှာ ဖြစ်ပေါ်နေတဲ့ အရေးအခင်းနဲ့ပတ်သက်ပြီး ဆောင်ရွက်နေတဲ့ အာရပ်အဖွဲ့ချုပ် ၀န်ကြီးများ ကော်မတီက တနင်္ဂနွေနေ့ စောစောပိုင်းတုန်းက လေ့လာအကဲခတ်အဖွဲ့ကို အင်အား ထပ်ဖြည့်ဖို့နဲ့ နောက်ထပ်တစ်လ ဆက်တိုးထားရှိဖို့ ဆုံးဖြတ်ခဲ့ကြပါတယ်။
အာရပ်အဖွဲ့ချုပ်က စေလွှတ်တဲ့ အကဲခတ်အဖွဲ့ဟာ ဆီးရီးယား အတိုက်အခံတွေရဲ့ ပြစ်တင် ဝေဖန်မှုတွေ ခံနေရပါတယ်။ အကဲခတ်အဖွဲ့ရဲ့ လုပ်ဆောင်မှုတွေကို ဆီးရီးယားအစိုးရက ၀င်ရောက် စွက်ဖက်မှုတွေ ရှိနေသလို ဆီးရီးယားအစိုးရက အဲဒီအကဲခတ်အဖွဲ့ကို အကာအကွယ်ယူပြီး အတိုက်အခံတွေကို သတ်ဖြတ်နေတယ်လို့ ပြစ်တင်ဝေဖန်ကြပါတယ်။
သမ္မတ ဘက်ရှာ အယ်လ်အာဆတ် ရဲ့ အကြမ်းဖက်လုပ်ရပ်တွေ ရပ်တန့်သွားအောင် နိုင်ငံတကာကနေ ဖိအားတွေ ပေးကြဖို့ ဆော်ဒီနိုင်ငံခြားရေးဝန်ကြီးက တိုက်တွန်းလိုက်ပါတယ်။ မူစလင်ဘာသာဝင် နိုင်ငံတွေအပြင် ဥရောပ နိုင်ငံတွေနဲ့ တရုတ်၊ ရုရှား၊ အမေရိကန်ပြည်ထောင်စု တို့အနေနဲ့ ပါဝင် ဆောင်ရွက်ကြဖို့လည်း ဆော်ဒီနိုင်ငံခြားရေးဝန်ကြီးက တောင်းဆိုလိုက်ပါတယ်။