21.01.2012 နေ့ဖတ်ရန်သတင်းများ

by Myanmar Journal on Saturday, January 21, 2012 at 6:58am

 

 
ပိတ်ဆို့မှုတွေ ရုပ်ဖို့ သမ္မတ ဦးသိန်းစိန် ပြော

အနောက်နိုင်ငံတွေက မြန်မာနိုင်ငံအပေါ် ပိတ်ဆို့ အရေးယူတာတွေ ရုပ်သိမ်းပေးဖို့ သမ္မတ ဦးသိန်းစိန်က ပြောလိုက်ပါတယ်။
သမ္မတနဲ့ အမေရိကန် အခြေစိုက် ဝါရှင်တန် ပို့စ် သတင်းစာတို့ မေးမြန်းခန်းမှာ သမ္မတက အဲဒီလိုပြောကြောင်း သတင်းစာမှာ ဖော်ပြ ထားပါတယ်။ သမ္မတဟာ နိုင်ငံခြား သတင်းစာ တစ်စောင်ကို အင်္ဂါနေ့က ပထမဆုံး အကြိမ် သီးသန့် မေးမြန်းခွင့် ပေးခဲ့တာလည်း ဖြစ်ပါတယ်။

အစိုးရသစ်အနေနဲ့ အကျဉ်းသားတွေ လွှတ်ပေးတာ၊ ရွေးကောက်ပွဲက တဆင့် လွှတ်တော် ခေါ်ယူ ကျင်းပ နိုင်တာ၊ ပြီးတော့ ဒေါ်အောင်ဆန်း စုကြည်ကို နိုင်ငံရေး အပြောင်းအလဲမှာ ပါဝင်ခွင့် ပြုတာတွေ လုပ်ပြီးသွားပြီ၊ ဒါတွေဟာ အနောက်နိုင်ငံ တောင်းဆိုချက်တွေလည်း ဖြစ်တယ်၊ ဒါကြောင့် ပိတ်ဆို့ထားတဲ့ နိုင်ငံတွေဘက်က ရုပ်သိမ်းမှုတွေ လုပ်ဖို့ပဲ လိုတော့တယ်လို့ ပြောသွားပါတယ်။
ဒီလိုအပြောင်း အလဲတွေ ဘယ်လိုကြောင့် ခပ်မြန်မြန် လုပ်လာ တာလဲလို့ သတင်းထောက် လယ်လီ ဝေးမောက်က မေးရာမှာ သူ့အနေနဲ့ တိုင်းပြည် အေးချမ်း တည်ငြိမ်ဖို့၊ စီးပွားရေး ဖွံ့ဖြိုး တိုးတက်ဖို့ အဓိကရည်ရွယ်တယ်၊ နောက်ပြီး ပြည်သူတွေ ဘာလိုချင်တယ် ဆိုတာ နားထောင်ပြီး ဆောင်ရွက် တာလို့ သမ္မတက ဖြေပါတယ်။
ဒေါ်အောင်ဆန်းစုကြည်က လာမယ့် ကြားဖြတ် ရွေးကောက်ပွဲ ဝင်ဖို့ လုပ်နေပြီး သူအရွေးခံ ရရင် သူ့ကို လွှတ်တော်ထဲမှာ ကြိုဆိုကြလိမ့်မယ်၊ တကယ်လို့ လွှတ်တော်ကနေ ဒေါ်အောင်ဆန်း စုကြည်ကို အစိုးရ တာဝန်ပေးဖို့ ဆုံးဖြတ်ရင်လည်း သူ့ဘက်က လက်ခံ ရမှာပါလို့လည်း ပြောသွားပါတယ်။
တိုင်းရင်းသား လက်နက်ကိုင် အဖွဲ့တွေနဲ့ အပစ် အခတ် ရပ်စဲရေး ကိစ္စတွေ မှာတော့ အခု အခါ အဖွဲ့ ၁၁ ဖွဲ့ လုံးနဲ့ ညှိနှိုင်းမှု တွေ ဆက်လုပ်နေပြီး ပထမအဆင့် ယုံကြည်မှု တည်ဆောက်နေတဲ့ အကြောင်း၊ လက်မှတ် ရေးထိုးပြီးရင်တော့ လက်နက်စွန့်ပြီး ဥပဒေဘောင်ထဲ ပြန်ဝင်ဖို့ လိုကြောင်း ပြောပါတယ်။
နောက်ပြီးမြောက်ကိုရီးယားနဲ့ သံတမန်ရေး အဆက်အသွယ် ရှိပေမယ့် အများ စွပ်စွဲသလို့ စစ်ရေး ပူးပေါင်းမှု ၊ နျူကလီးယား အစီအစဉ်တွေမရှိဘူးလို့ ပြောသွား ပါတယ်။
အခု တိုင်းပြည်ဟာ ဒီမိုကရေစီ လမ်းကြောင်း မှန်ပေါ်မှာ ရှိနေတယ်၊ ဒီမိုကရေစီ လမ်းမှာ နောက်ကြောင်း ပြန်လှည့်ဖို့ အကြောင်း မရှိဘူးလို့ သမ္မတ ဦးသိန်းစိန်က ပြောထားပါတယ်။
သမ္မတ ဦးသိန်းစိန်ရဲ့ ပြုပြင် ပြောင်းလဲမှုတွေကို အနောက်နိုင်ငံတွေက ကြိုဆိုကြပေမယ့် သူတို့လိုချင်တဲ့ အခြေအနေ တစ်ခုကိုတော့ မရောက်သေးကြောင်း၊ အခုလာမယ့် ကြားဖြတ် ရွေးကောက်ပွဲမှာ လွတ်လပ်မျှတဖို့၊ နိုင်ငံရေး လုပ်ပိုင်ခွင့်တွေ တကယ် ရလာပြီဆိုတာ ပြသဖို့နဲ့ တိုင်းရင်းသားဒေသ ငြိမ်းချမ်းရေး ရဖို့တွေ လုပ်ဆောင် ပြသ နိုင်တဲ့အခါမှသာ ပိတ်ဆို့မှုတွေ ရုပ်သွားမယ်လို့ မြင်ကြောင်း မဇ္ဈိမ သတင်းဌာနက စီမံခန့်ခွဲမှု အယ်ဒီတာ ဦးစိန်ဝင်းက သုံးသပ် ပါတယ်။

လာမယ့်နှစ် အစိုးရ အသုံး စရိတ် သုံးသပ်နေ
လာမယ့်နှစ် ၂၀၁၂-၂၀၁၃ အတွက် ခန့်မှန်း ဘတ်ဂျက် အသုံး စရိတ်နဲ့ ပတ်သက်ပြီး အစိုးရက ပဏာမ တင်ပြ လာတဲ့ ဘတ်ဂျက် တွေကို ပြည်သူ့ လွတ်တော် ဘတ်ဂျက် ရေးရာ ကော်မတီက သုံးသပ် နေပါတယ်။
စစ် အသုံး စရိတ်က ပညာရေး ကျန်းမာရေး အသုံး စရိတ် တို့ထက် အဆ များစွာ များနေ
အစိုးရ ဌာန အသီးသီးရဲ့ ဘတ်ဂျက် သုံးငွေ တွေထဲမှာ ကာကွယ်ရေး အသုံးစရိတ်၊ ပညာရေး၊ ကျန်းမာရေး အသုံး စရိတ်တွေ ဘယ်လောက် ရှိမယ် ဆိုတာ အများက စိတ်ဝင်စား နေကြပါတယ်။
ဘီဘီစီက လောလောဆယ် သိရှိ ထားချက် အရ ကာကွယ်ရေး ဝန်ကြီးဌာန အသုံးစရိတ်က ဘတ်ဂျက်ငွေ အားလုံးရဲ့ ၂၆ ရာခိုင်နှုန်း ဖြစ်ပြီး အများဆုံး ဖြစ်ပါတယ်။
ပညာရေးက ၄ ရာခိုင်နှုန်း၊ ကျန်းမာရေးက ၂ ရာခိုင်နှုန်းနဲ့ ဆောက်လုပ်ရေးက ၄ ရာခိုင်နှုန်း ဖြစ်ပါတယ်။
ကာကွယ်ရေး အသုံး စရိတ်နဲ့ ယှဉ်ရင် တခြား ဝန်ကြီးဌာန တွေရဲ့ အသုံး စရိတ် ပမာဏက အတော် နည်းပါး ပေမဲ့ ပြီးခဲ့တဲ့ နှစ်ထက် စာရင် တော့ ပိုများ လာတာ တွေ့ရ ပါတယ်။
ဘယ်ဝန်ကြီး ဌာနတွေကို လျှော့ပြီး ဘယ်ဝန်ကြီး ဌာနတွေကို တိုးတယ် ဆိုတာတော့ အသေအချာ မသိရသေး ပါဘူး။
အခုဝန်ကြီး ဌာနတွေ အတွက် ပဏာမ တင်ပြ လာတဲ့ ခန့်မှန်း အသုံးစရိတ် ငွေတွေကို လာမယ့် လွှတ်တော်မှာ တင်ပြပြီးတဲ့နောက် အသေးစိတ် ဆွေးနွေး ကြပြီး လွှတ်တော်က နောက်ဆုံး အတည်ပြု ရမှာ ဖြစ်ပါတယ်။
နိုင်ငံတော် ရသုံးငွေ ဘတ်ဂျက်မှာ သာမန် အသုံး စရိတ်နဲ့ ငွေလုံး ငွေရင်း အသုံးစရိတ် တို့ ရှိတဲ့ အနက် သာမန် အသုံးစရိတ် ဆိုတာက အစိုးရဝန်ထမ်း လစာ၊ ရုံးသုံးစရိတ် စတာတို့ ဖြစ်ပြီး ငွေလုံးငွေရင်း အသုံး စရိတ် ဆိုတာ ကတော့ အစိုးရ အဆောက်အဦး၊ လက်နက်၊ လမ်းတံတား၊ စာသင်ကျောင်း၊ ဆေးရုံနဲ့ လျှပ်စစ်မီး ထုတ်လုပ်မှု တွေနဲ့ ဆိုင်တဲ့ အသုံး စရိတ်တွေ ဖြစ်ပါတယ်။
နိုင်ငံတော် ဘတ်ဂျက်ကို ရေးဆွဲတဲ့ နေရာမှာ ကိုယ်လုပ် ဆောင်ချင်တဲ့ ရည်မှန်းချက် ကို မူတည်ပြီး စဉ်းစား လုပ်ဆောင်ရမယ့် အခြေခံ အချက်တွေ ရှိတယ်လို့ စာရေး ဆရာ စီးပွားရေးပညာရှင် ဦးခင်မောင်ညို (ဘောဂ ဗေဒ) က ပြောပါတယ်။
စီးပွားရေး တိုးတက်မှု ရှိအောင်လုပ်ဖို့၊ စီးပွားရေး တည်ငြိမ်မှုနဲ့ ငွေကြေး ဖောင်းပွမှု ကို ထိန်းသိမ်းဖို့၊ စီးပွားရေး အရှိန် ရအောင် လုပ်ဖို့ စသဖြင့် ရည်ရွယ်ချက်တွေ အသီးသီးမှာ မြန်မာ နိုင်ငံ အနေနဲ့က စီးပွားရေး ဖွံ့ဖြိုး တိုးတက်မှုကို ရည်ရွယ်တာ ဖြစ်လို့ အဲဒီ အတွက် မူတည်ပြီး ဘတ်ဂျက် ဆွဲသင့်တယ် လို့လည်း ဦးခင်မောင်ညိုက ပြောပါတယ်။
အတည်မပြုရသေးတဲ့ လောလောဆယ် သိရှိထားတဲ့ အသုံးစရိတ် ခန့်မှန်းချက်ကို ကြည့်မယ် ဆိုရင်တော့ စီးပွားရေး ဖွံ့ဖြိုးမှုကို အထောက် အကူ မပြုနိုင် ဘူးလို့ လည်း သူက ပြောပါတယ်။

အာဖဂန်က ပြင်သစ်တပ်ဖွဲ့တွေရဲ့ စစ်ရေးရပ်ဆိုင်း
ပြင်သစ်စစ်သားတွေဟာ သတ်ဖြတ်ခံလိုက်ရ တာ ဖြစ်ပါတယ်
အာဖဂန်စစ်သား တဦးရဲ့ လက်ချက်ကြောင့် အာဖဂန်မှာ ပြင်သစ်တပ်ဖွဲ့ဝင် ၄ ဦး သေဆုံး သွားပြီး၊ တခြား အနည်းဆုံး ၁၆ ဦးလောက် ဒဏ်ရာ ရရှိ သွားတဲ့အတွက် ပြင်သစ်ဟာ အာဖဂန်စစ်တပ်နဲ့ ပူးတွဲ စစ်ရေး ဆောင်ရွက်မှုတွေနဲ့ လေ့ကျင့် သင်တန်းပေးနေမှု အစီအစဉ်တွေကို ဆိုင်းငံ့လိုက်ပါပြီ။
အာဖဂန်ကနေ ပြင်သစ်စစ်တပ်ကို စောစော ပြန်ရုပ်ဖို့အတွက်လည်း စဉ်းစားမှာ ဖြစ်တယ်လို့ ပြင်သစ်သမ္မတ နီကိုလက်စ် ဆာကိုဇီက ပြောပါတယ်။
နောက်ပြီး အခုကိစ္စကို စုံစမ်းစစ်ဆေးဖို့အတွက် ပြင်သစ်နိုင်ငံခြားရေးဝန်ကြီးနဲ့ ကာကွယ် ရေး ဝန်ကြီးတွေကို ကာဘူးလ်ကို ချက်ခြင်းစေလွှတ်မှာ ဖြစ်တယ်လို့ ပြောပါ တယ်။
အခု သေဆုံး သွားကြတဲ့ ပြင်သစ် စစ်သားတွေဟာ လက်နက်ကိုင်ဆောင် ထားခြင်း မရှိခဲ့ဘူးလို့ ပြင်သစ် ကာကွယ်ရေးဝန်ကြီး Gerard Longuet ပြောပါတယ်။ သူတို့ဟာ သတ်ဖြတ်ခံလိုက်တာရတာ ဖြစ်တယ်လို့လည်း သူကဆိုပါတယ်။
ပြင်သစ်စစ်သားတွေက သင်တန်းပေးဖို့ လုပ်နေတဲ့ လူတွေကနေ စစ်သားတွေကို ပြန်သတ် ဖြတ်တဲ့ အခုဖြစ်ရပ်ဟာ သီတင်း ၃ ပတ် အတွင်း ဒုတိယ အကြိမ် ဖြစ်ပါတယ်။
နေတိုး မဟာမိတ်တပ်ဖွဲ့မှာ ပြင်သစ် တပ်ဖွဲ့ဝင်အင်အား အများအပြား ပါဝင်နေတာ ဖြစ်တဲ့ အတွက် အခုလို ပြင်သစ်က ပြန်ရုပ်မယ်ဆိုရင်တော့ အာဖဂန်မှာ တာလီဘန်တွေကို တိုက်ခိုက်ရာမှာ အခက်အခဲတွေ ပိုရှိလိမ့်မယ်လို့ အာဖဂန်မှာ ရှိတဲ့ ဘီဘီစီ သတင်းထောက်က ပြောပါတယ်။

ဆိုမာလီ သူပုန်တွေကို စစ်ဆင်
မိုဂါးဒစ်ရူးမြို့ပြင်ဘက်က အဲလ်ရှာဘတ် စခန်းနေရာ တွေကို သိမ်းယူနိုင်ခဲ့ပါတယ်
ဆီမာလီးယား မြို့တော် မိုဂါဒစ်ရူးကနေ အဲလ်ရှာဘတ် သူပုန်တွေကို တိုက်ထုတ်ဖို့ အတွက် စစ်ဆင်ရေးကြီးတခု စတင်ခဲ့ ပြီးနောက် ဆိုမာလီအစိုးရကို ထောက်ခံတဲ့ တပ်ဖွဲ့တွေနဲ့ အဲလ်ရှာဘတ် သူပုန်အဖွဲ့တို့ အကြား တိုက်ခိုက်မှုတွေ ဆက်တိုက် ဖြစ်ပွားနေကြပြီ ဖြစ်ပါတယ်။
ဆိုမာလီ တပ်ဖွဲ့တွေနဲ့ အာဖရိကသမဂ္ဂတို့ရဲ့ ပူးတွဲတပ်ဖွဲ့တွေဟာ မိုဂါဒစ်ရူးကို မနက် အရုဏ်တက်မှာ စတင်တိုက် ခိုက်ခဲ့တာ ဖြစ်ပါတယ်။
ပူးတွဲတပ်ဖွဲ့တွေဟာ တင့်ကားတွေအကူအညီနဲ့ မိုဂါးဒစ်ရူးမြို့ပြင်ဘက်က အဲလ်ရှာဘတ် စခန်းနေရာတွေကို သိမ်းယူနိုင်ခဲ့ပါတယ်။
သူပုန်တွေကတော့ သူတို့အနေနဲ့ ပူးတွဲတပ်တွေကို ပြန်လည်တိုက်ထုတ်ပစ်မှာ ဖြစ်တယ်လို့ ပြောကြားခဲ့ပါတယ်။
အဲဒီနောက် နာရီပိုင်းအကြာမှာတော့ သူပုန်တွေရဲ့ ချုံခို တိုက်ခိုက်မှုကြောင့် ဆီမာလီ အစိုးရ ထိပ်တန်း တပ်ဖွဲ့ဝင် ၄ ဦး သေဆုံး သွားတယ်ဆိုတဲ့ သတင်းတွေ ထွက်ပေါ် လာပါတယ်။

အစိုးရနဲ့ ဆွေးနွေးဖို့ ABSDF သဘောတူ
ABSDF က ငြိမ်းချမ်းရေးကမ်းလှမ်း လာချက်ကို သဘောတူလိုက်ပါတယ်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးက ပြည်ထောင်စု ငြိမ်းချမ်းရေးအဖွဲ့နဲ့ ငြိမ်းချမ်းရေး ဆွေးနွေးဖို့ သဘောတူ လိုက်ပါတယ်။
၁၉၈၈ ဒီမိုကရေစီအရေးတော်ပုံကြီးအပြီး နယ်စပ်ဘက်ကိုထွက်လာပြီး၊ စစ်အစိုးရကို လက်နက်စွဲကိုင် တော်လှန်ခဲ့ကြတဲ့ ကျောင်းသား တပ်မတော် ABSDF က အခုတော့ အစိုးရရဲ့ ပြည်ထောင်စုအဆင့်ငြိမ်းချမ်းရေး အဖွဲ့က ငြိမ်းချမ်းရေးဆွေးနွေးဖို့ ကမ်းလှမ်းလာချက်ကို အပြုသဘောဆောင်တယ်လို့ ယူဆပြီး အကြောင်းပြန် ကြားလိုက်ပါတယ်။
ABSDF ရဲ့ လက်ရှိ ဒုတိယဥက္ကဌနဲ့ ပြည်တွင်း ငြိမ်းချမ်းရေးနဲ့ အမျိုးသားပြန်လည် သင့်မြတ်ရေးကော်မတီရဲ့ ခေါင်းဆောင် ကိုမျိုးဝင်းက ဒီလို လက်ခံလိုက် တာအတွက် နိုင်ငံရေးပြဿနာ ကို နိုင်ငံရေးနဲ့ ဖြေရှင်းနိုင်မှာ ဖြစ်သလို ပြည်တွင်းငြိမ်းချမ်းရေး ဖော်ဆောင်နိုင်ဖို့ တိုင်းရင်းသားလက်နက်ကိုင် အဖွဲ့အားလုံးနဲ့ အပတ်အခတ် ရပ်ဆဲပြီး နိုင်ငံရေး အကျဉ်းသားအားလုံးကိုလဲ လွတ်ပေးရမယ် လို့ ပြောခဲ့ပါတယ်။
ဒါ့အပြင် မတရားပြဌာန်းထားတဲ့ ဉပဒေများကိုလဲ ဖျက်သိမ်းပေးဖို့နဲ့ ပြည်သူများအားလုံး ပါဝင်နိုင်မယ့် စစ်မှန်တဲ့ ဒီမိုကရေစီ စနစ် ဖော်ဆောင်နိုင်ဖို့ကိုလဲ ဆွေးနွေးသွားမှာ ဖြစ်တယ် လို့ ဖြည့်စွက် ပြောသွားခဲ့ပါတယ်။
ငြိမ်းချမ်းရေးဆွေးနွေးမှုအတွက် ကြိုတင်ပြင်ဆင် ဆောင်ရွက်မှုတွေနဲ့ ဆက်လက်ဆောင်ရွက် သွားမယ့်လုပ်ငန်းစဉ်တွေကိုလည်း လူထုကို အချိန်နဲ့တပြေးညီ အသိပေးသွားမယ်လို့ ကိုမျိုးဝင်း က ပြောခဲ့ပါတယ်။

ပိတ်ဆို့မှု ရုပ်ဖို့ စဉ်းစားမယ်လို့ ကန်အမတ်ပြော
မက်ကိန်းဟာ အမတ် လေးယောက်နဲ့ အတူ မကြာခင် မြန်မာ နိုင်ငံကို လာမည်
မြန်မာ နိုင်ငံမှာ ဧပြီလမှာ ကျင်းပမယ့် ကြားဖြတ် ရွေးကောက်ပွဲတွေဟာ လွတ်လပ် တရားမျှတတယ် ဆိုလျင် အမေရိကန်ရဲ့ မြန်မာ နိုင်ငံကို ဒဏ်ခပ် ပိတ်ဆို့မှုဟာ စပြီး ရုပ်သိမ်းလာနိုင်တယ်လို့ အထက် လွှတ်တော် အမတ် ဂျွန်မက်ကိန်းက ပြောလိုက်ပါတယ်။
ပြီးခဲ့တဲ့ သောကြာနေ့က အစိုးရက နိုင်ငံရေး အ ကျဉ်းသားတွေကို လွှတ်ပေးပြီးနောက် တရက် ထဲမှာ အမေရိကန်က မြန်မာနဲ့ သံတမန် အဆင့် ပြန်မြှင့်မယ်လို့ ကြေညာခဲ့ပါတယ်။
အထက်လွှတ်တော် အမတ် ဂျွန်မက်ကိန်းဟာ ဂျိုးလီဘာမင်း အပါအဝင် နောက်ထပ် အထက် လွှတ်တော် အမတ် နှစ်ယောက်နဲ့ အတူ မြန်မာ နိုင်ငံကို လာရောက်ဖို့ ရှိပါတယ်။
ဂျိုးလီဘာမင်းဟာ ဗီယက်နမ်ကနေ မြန်မာကို လာမှာ ဖြစ်ပါတယ်။

KIO နဲ့ အစိုးရအကြား ရရှိသော သဘောတူညီချက်များ
KIO နယ်မြေအတွင်းမှာလည်း တွေ့ဆုံ ဆွေးနွေးခဲ့ ဖူး ပါတယ်
ကချင်လွတ်မြောက်ရေးအဖွဲ့ KIO နဲ့ အစိုးရ ကိုယ်စားလှယ်တို့အကြား ရွှေလီမြို့ ဆွေးနွေးမှုတွေအပြီး၊ သဘောတူညီမှု တချို့ ရရှိခဲ့ပါတယ်။
အဲဒီ အချက်တွေကတော့ ထာဝရ ငြိမ်းချမ်းရေး အတွက် နိုင်ငံရေးအရ ဆွေးနွေးမှု များကို ဆက်လက် လုပ်ဆောင်သွားရန်၊ အခုဆွေးနွေးပွဲ နှင့် ပတ်သက်ပြီး မီဒီယာများသို့ သတင်းမှန်များ ထုတ်ပြန် သွားရန်၊ စစ်ရေး အရှိန်များကို ထိန်းသိမ်း သွားရန်အတွက် ယုံကြည်မှု တည်ဆောက် ရေး ရည်ရွယ်ကာ ပြဿနာ ဖြစ်နိုင်သည့် နေရာများ ရှိ နှစ်ဘက် စစ်တပ်များ ကိစ္စ ညှိနှိုင်း ဆောင်ရွက်သွားရန် စတဲ့ အချက်တွေ ပါဝင် ပါတယ်။
ကေအိုင်အေ ထိန်းချုပ်နယ်မြေ တွေ ဖြစ်ကြတဲ့ တပ်မဟာနှစ်၊ တပ်မဟာ သုံး၊ တပ်မဟာ လေးနဲ့ တပ်မဟာ ငါး စတဲ့ နေရာ အနှံ့ မှာ လောလောဆယ် ကေအိုင်အေနဲ့ အစိုးရ စစ်တပ် ကြားမှာ ပြဿနာ ဖြစ်နေ တယ်လို့ ဆွေးနွေးပွဲကို ကိုယ်တိုင် တက်ရောက်ခဲ့သူ ကေအိုင်အေ တပ်မဟာ လေး တာဝန်ခံ ဗိုလ်မှူးကြီး ဇော်ရော်က ဘီဘီစီကို ပြောပါတယ်။
အရင် ဆွေးနွေးမှု တွေထက် စာရင် အခု တခေါက် ဆွေးနွေးမှုက ပိုမို ပွင့်လင်းတယ် လို့လည်း သူက ပြောပါတယ်။
ကချင် ပြည်နယ် အတွင်းမှာ ထိုးစစ်တွေကို လျှော့ပြီး ခုခံကာကွယ်စစ် ကိုသာ အသုံးပြုဖို့ ပြီးခဲ့တဲ့ လက သမ္မတ ဦးသိန်းစိန်က တပ်မတော် ကာကွယ်ရေး ဦးစီးချုပ်ကို စာရေးသား အကြောင်းကြားခဲ့ ပေမဲ့ စစ်တပ် ဘက်က ထိုးစစ်တွေ ဆက်လက် ပြုလုပ် နေတာနဲ့ ပတ်သက်လို့ အခု ဆွေးနွေးပွဲမှာ ပြောဆို ခဲ့ကြပေမဲ့ အစိုးရ ကိုယ်စားလှယ်တွေ ဘက်က တိကျတဲ့ ပြောဆိုမှု မရှိခဲ့ဘူးလို့ လည်း ဗိုလ်မှူးကြီး ဇော်ရော်က ပြောပါတယ်။
နိုင်ငံရဲ့ အမြင့်ဆုံး အာဏာပိုင် ပုဂ္ဂိုလ် တစ်ယောက်ရဲ့ အမိန့်ကို စစ်တပ် ဘက်က လိုက်နာ ခဲ့ခြင်း မရှိတဲ့ အတွက် သူတို့ အချင်းချင်း ကြားမှာ တစုံတရာ ပြဿနာ ရှိနေလား ဆိုတာ သံသယ ဖြစ်စရာ ရှိနေတယ်လို့ သူက ဆိုပါတယ်။
အခု ဆွေးနွေးပွဲဟာ ဇန်နဝါရီ ၁၉ ရက်မှာ ပြီးဆုံး သွားပြီ ဖြစ်ပြီး နှစ်ဘက် ကိုယ်စားလှယ် အဖွဲ့ နောက်ထပ် ဘယ်တော့ ထပ်တွေ့မယ် ဆိုတဲ့ ရက် သတ်မှတ်ချက် တော့ မရှိ သေးဘူးလို့ ဗိုလ်မှူးကြီး ဇော်ရော်က ပြောပါတယ်။

ရွှေညဝါဆရာတော် သာဓုကျောင်းကထွက်ခွာဖို့ မဟနဆုံးဖြတ်
သာဓုကျောင်းတိုက်မှ တလအတွင်း ထွက်ပေး မယ်လို့ ဆရာတော် လက်မှတ်ထိုးပေးခဲ့
ရန်ကုန် ကြည့်မြင့်တိုင် သာဓုကျောင်းတိုက် မှာ သီတင်းသုံးတဲ့ ရွှေညဝါဆရာတော် ဦးပညာသီဟ အပေါ် ချမှတ်ထားတဲ့ အမိန့် နဲ့ ပတ်သက်လို့ ကြာသပတေးနေ့မှာ သံဃာ့ မဟာ နာယက အဖွဲ့ ကြားနာ စစ်ဆေးခဲ့ ပြီး၊ တလအတွင်း ကျောင်းတိုက်ကနေ ထွက်ခွာဖို့ ဆုံးဖြတ်ခဲ့ကြပါတယ်။
တရားဟောခွင့် ပိတ်ပင်ထားတဲ့ကြားက မန္တလေးတိုင်း အမျိုးသားဒီမိုကရေစီအဖွဲ့ချုပ် NLD ရုံးမှာ တရားဟောခဲ့တာကြောင့် နိုင်ငံတော် သံဃာ့မဟာ နာယက အဖွဲ့ရဲ့ အပြစ်ပေး ခံရသူ ဆရာတော်ကို ဆိုဆုံးမရခက်ခဲသူ ဖြစ်တယ် ဆိုပြီး ကျောင်းတိုက်ကနေ ထွက်ခွါဖို့ ဒီဇင်ဘာ ၁၂ ရက်နေ့က အမိန့် ထုတ်ခဲ့တာပါ။
အဲဒီအမိန့် အပေါ် အယူခံ ဝင်ခဲ့ရာမှာ ပယ်ချခံခဲ့ရ ပြီးတဲ့နောက် ကြာသပတေးနေ့မှာတော့ တိုင်း သံဃာ့မဟာနာယက အဖွဲ့ရဲ့ ကြားနာမှုအရ တလအတွင်း သာဓု ကျောင်းတိုက်ကနေ ထွက်ပေးပါ့မယ် ဆိုတဲ့ ဝန်ခံကတိကို ရွှေညဝါ ဆရာတော် လက်မှတ် ထိုးပေးခဲ့ရပါတယ်။

မဟနရဲ့ ဆုံးဖြတ်ချက်အပေါ် ကျေနပ်မှု ရှိမရှိဆိုတာ ရင်ထဲမှာပဲ သိမ်းထားမယ်

ရွှေညဝါဆရာတော်
ဒါ့အပြင် ကျောင်းတိုက်က မထွက်ခွာခင် အချိန်ကာလမှာလည်း သံဃာ့အဖွဲ့အစည်း အဆင့်ဆင့် ဆိုင်ရာ စည်းကမ်း ဥပဒေတွေနဲ့ အညီ အေးချမ်းစွာ နေထိုင်မယ် ဆိုတာကိုလည်း ဝန်ခံလက်မှတ်ထိုးခဲ့ရ သေးကြောင်း ဆရာတော်က ဘီဘီစီကို မိန့်ပါတယ်။
ကျောင်းတိုက်က ထွက်ခွာတဲ့အခါ ဘယ်မှာ သွားပြီး သီတင်းသုံးရမယ် ဆိုတာလည်း မဆုံးဖြတ် ရသေးဘူးလို့ ဆိုပါတယ်။
အခုလို ကျောင်းတိုက်ကနေ ထွက်ခွာသွားဖို့ ဆုံးဖြတ်လိုက်တာဟာ အမျိုးသား ပြန်လည် သင့်မြတ်ရေးအတွက် စွန့်လွှတ်အနစ်နာ ခံလိုက်တာ ဖြစ်တယ်လို့ ဆရာတော်က မိန့်ပါတယ်။
အခု မဟနရဲ့ ဆုံးဖြတ်ချက်နဲ့ ပတ်သက်ပြီး ကျေနပ်မှု ရှိမရှိဆိုတာ ကိုတော့ ဆရာတော်က သူ့ရင်ထဲမှာပဲ သိမ်းထားပြီး၊ ထုတ်ဖေါ်ပြောဆိုမှာ မဟုတ်ဘူးလို့ မိန့်ကြားသွား ပါတယ်။

ဂရိ အကြွေး ဆွေးနွေးမှု တိုးတက်မှုရှိ
ဂရိ အကြွေး လျှော်ပစ်ရေး ဆွေးနွေးမှု တိုးတက်မှုရှိ
ဂရိ အစိုးရရဲ့ အကြွေးတွေကို တစိတ်တပိုင်း လျှော်ပစ်ရေး အတွက် ပုဂ္ဂလိကကြွေးရှင် တွေ နဲ့ ဂရိ အစိုးရတို့ ဆွေးနွေး ပြောဆိုမှု မှာ တိုးတက်မှုတွေ ရှိတယ်လို့ သက်ဆိုင်ရာ က ပြောပါတယ်။
ဂရိရဲ့ ကြွေးရှင် ဘဏ္ဍာရေး အဖွဲ့အစည်းလေးရာ ကျော်ကို ကိုယ်စားပြုထားတဲ့ အဖွဲ့နဲ့ ဂရိ အစိုးရ တို့ ဆွေးနွေး ညှိနှိုင်းနေတာ ဖြစ်ပါတယ်။
ဂရိ အစိုးရရဲ့ အကြွေး ဘီလီယံ တရာ့သုံးဆယ် လောက်ကို လျှော်ပစ်ဖို့ ကိစ္စကို ဆွေးနွေးနေတာ ဖြစ်ပါတယ်။
ခုအကြွေး လျှော်ပစ်ရေး သဘော တူညီချက် ရမှ ဂရိဟာ အီးယူကနေ ကယ်ဆယ်ရေး ပိုက် ဆံတွေ ထပ်ထုတ်ယူ နိုင်မှာ ဖြစ်ပါတယ်။

လျှပ်စစ် ဓါတ်အား ထုတ်လုပ် ရောင်းချရေး မဲခေါင်အစည်းအဝေး ဆွေးနွေး
ပတ်ဝန်းကျင် ထိခိုက်မှုကို တချို့က စိုးရိမ်
မဲခေါင်မြစ်ဝှမ်းဒေသနိုင်ငံတွေအကြား လျှပ်စစ်စွမ်းအားထုတ်လုပ် ရောင်းချမှု နဲ့မျှဝေသုံးစွဲမှုတွေ ကို လွယ်ကူသွားစေဖို့အတွက် Regional Power Grid လို့ခေါ်တဲ့ ဒေသလုံးဆိုင်ရာ ပင်မ လျှပ်စစ်စွမ်း အား ကွန်ယက်ကြီးတခုတည်ဆောက်ဖို့ ရည်ရွယ်ဆောင်ရွက်နေရာမှာ မူဝါဒချမှတ် သူတွေအနေနဲ့ ဆင်းရဲတဲ့ဒေသခံပြည်သူတွေ အတွက်တကယ်တမ်းအကျိုးရှိအောင် လုပ်ပေးဖို့လိုနေကြောင်း ထိုင်း နိုင်ငံမှာကျင်းပတဲ့နိုင်ငံတကာညီလာခံတရပ်ကနေဝေဖန်ပြောဆိုလိုက်ပါတယ်။
မဲခေါင်မြစ်ဝှမ်းဒေသမှာစွမ်းအင်ဖလှယ်မယ်ဆိုတဲ့ စီမံကိန်းရဲ့ရည်ရွယ်ချက်ကတော့ စွမ်းအင်လိုနေတဲ့ တရုတ်နဲ့ ထိုင်း တို့လိုနိုင်ငံတွေဆီကို ရေအားလျှပ်စစ်အများကြီးထုတ်ဖို့အလားအလာကောင်းတဲ့ မြန်မာ၊ လော နဲ့ကမ္ဘောဒီးယားလိုနိုင်ငံ တွေဆီက စွမ်းအင်တွေထုတ်ပြီး ရောင်းနိုင်အောင် Regional Power Grid လို့ခေါ်တဲ့ကွန်ယက်ကြီးတည်ဆောက်ဖို့ပါ။
ဒါပေမယ့် လောနိုင်ငံကနေထိုင်းဖက်ကို ရေအားလျှပ်စစ်ထုတ်ပြီးရောင်းခဲ့တဲ့အတွေ့အကြုံအရ၊ ဒီလိုစီမံကိန်းကြီးတွေဟာတကယ်တော့ စွမ်းအင်ကဏ္ဍကို လက်ဝါးကြီးအုပ်နိုင်တဲ့ ကုမ္ပဏီ ကြီးတွေအတွက်သာအကျိုးရှိပြီးတကယ်တမ်း ဒေသခံပြည်သူတွေမှာတော့ အကျိုးမရှိဘဲ ဆိုးကျိုးတွေသာကြုံရတတ်ပုံကို ဘန်ကောက်မြို့မှာနှစ်ရက် ကြာကျင်းပတဲ့ နိုင်ငံတကာအစည်းဝေးကနေထောက်ပြခဲ့ပါတယ်။
သူတို့အမြင်အရ၊ စွမ်းအင်စက်ရုံ ကြီးတွေကိုတည်ဆောက်ထုတ်လုပ်သူတွေနဲ့သူတို့ကိုငွေကြေးထောက်ပံ့ဝန်ဆောင်မှုပေးနေသူတွေဟာ သာမန်လူတွေရဲ့အကျိုးစီးပွားကိုအဓိကမထားဘဲ စီမံကိန်းတွေပိုပြီးကြီးကျယ်အောင်မြင်ဖို့အတွက် အနာဂတ် စွမ်းအင်လိုအပ်ချက်ကို အများကြီး ပိုခန့်မှန်းပြီးစီမံကိန်းကြီးတွေပေါ်လာအောင်လုပ်နေ တယ်လို့ဆိုပါတယ်။
ဒီလိုစီမံကိန်းကြီးတွေကို ငွေကြေးနဲ့နည်းပညာထောက်ပံ့မှုတွေပေးနေတဲ့ကမ္ဘာ့ ဘဏ်နဲ့ ADB အာရှဖွံ့ဖြိုးရေးဘဏ်တွေဖက်ကတော့သာမန်လူတွေထိခိုက်မှုနည်းအောင်တတ်နိုင် သမျှ လုပ်နေပါတယ်လို့ဆိုပါတယ်။
ADB ရဲ့စွမ်းအင်ဆိုင်ရာကျွမ်းကျင်သူ Mr Kim Jong-Inn က၊
မြန်မာ၊လာအိုနဲ့ကမ္ဘောဒီးယားလိုနိုင်ငံတွေမှာ ပြည်တွင်းသုံးဖို့ဖြစ်ဖြစ်၊ ပြည်ပကိုရောင်းဖို့ဖြစ်ဖြစ် ရေအားလျှပ်စစ်ထုတ်နိုင်မယ့်အလားအလာအများကြီး ရှိနေပါတယ်။ ရေအားလျှပ်စစ်ထုတ်လုပ်ရာ မှာလူမှုရေးနဲ့သဘာဝပတ်ဝန်းကျင်ထိခိုက်မှုကိစ္စတွေနဲ့လည်းပတ်သက်နေပါတယ်။ဒါတွေကိုထိခိုက်မှုနည်းအောင်အကာအကွယ်ပေးတဲ့စံနစ်တွေလုပ်ထားပါတယ်။ ၁၀၀ ရာနှုန်းတော့ ကာကွယ်ဖို့မဖြစ်နိုင်ပေမယ့် တတ်နိုင်သမျှအကောင်းဆုံးလုပ်နေပါတယ်လို့ ADB က Mr Kim Jong-Inn ကဆိုပါတယ်။
ဒါပေမယ့် ပညာရှင်တွေနဲ့ အစိုးရမဟုတ်တဲ့အဖွဲ့အစည်းတွေကတော့ ADB နဲ့ကမ္ဘာ့ဘဏ်လိုနိုင်ငံတကာအဖွဲ့အစည်းကြီးတွေအနေနဲ့ အစိုးရတွေအပေါ်လွှမ်းမိုးမှုတစုံတရာ ရှိတာမို့ မူဝါဒတွေချမှတ်ရာမှာဒီထက်ပိုကောင်းအောင်လုပ်ဆောင်သင့်တယ်လို့ပြောနေပါတယ်။

တက္ကဆက်ပြည်နယ်အုပ်ချုပ်ရေးမှုး သမ္မတ လောင်း ရွေးပွဲက နှုတ်ထွက်ရစ်ပယ်ရီ သမ္မတလောင်း ရွေးပွဲက နှုတ်ထွက်
တက္ကဆက် ပြည်နယ် အုပ်ချုပ်ရေးမှုး ရစ် ပယ်ရီဟာ ရီပတ်ဗလစ်ကန် ပါတီ အတွက် သမ္မတလောင်း ရွေးပွဲကနေ နှုတ်ထွက်သွား ပြီးသမ္မတလောင်း နေရာအတွက် ပြိုင်ဘက် နယူ ဂင်းဂရစ်ချကို ထောက်ခံကြောင်း ပြောဆို လိုက်ပါတယ်။
ရစ်ပယ်ရီကို အစပိုင်းက အတော်လေး ထင် ထားကြပေမယ့် တကယ့် နိုင်ငံလုံး ဆိုင်ရာ အဆင့်ကို ရောက်တဲ့အခါမှာ အရောက် ထွက်မလာ ဘူးလို့ ဝါရှင်တန် ဒီစီက ဘီဘီစီ သတင်းထောက်က ပြောပါတယ်။
တဆက်ထဲမှာ အရင် အောက်လွှတ်တော် ဥက္ကဌဟောင်း နယု ဂင်းဂရစ်ချဟာ အမြင် ရှိတဲ့ ကွန်ဆားဗေးတစ် ဖြစ်တယ်လို့ ပြောပြီး သူ့ကို ရီပတ် ဗလစ်ကန် သမ္မတလောင်း အဖြစ် ထောက်ခံတယ်လို့ ပြောပါတယ်။
လောလောဆယ် ရီပတ် ဗလစ်ကန် သမ္မတလောင်း ရွေးပွဲမှာ လေးယောက်ပဲ ကျန်ပါတယ်။
ပြောခဲ့တဲ့ နယု ဂင်းဂရစ်ချ၊ မက်ဆာချူးဆက် အုပ်ချုပ်ရေးမှုးဟောင်း မစ်ရွန်မနီ၊ တက္ကဆက် ပြည်နယ် အမတ် ရွန်ပေါနဲ့ အရင် ပင်ဆယ်ဗေးနီးယား ပြည်နယ် အထက်လွှတ်တော် အမတ် ရစ်ဆန်တိုယမ်တို့ပဲ ကျန်ပါတော့တယ်။

အာဏာသိမ်းရန်ကြံစည်မှု ဘင်္ဂလားဒေရှ့်အစိုးရ လက်ဦး
By ဗွီအိုအေ(မြန်မာဌာန)
ဘင်္ဂလားဒေ့ရ်ှနိုင်ငံမှာ ဘာသာရေးအစွန်းရောက်တချို့က အစိုးရကို ဖြုတ်ချဖို့ ကြိုးပမ်းတာကို ကယ်တင်နိုင်ခဲ့တယ်လို့  စစ်ဘက်အရာရှိကြီးတွေက ပြောကြားလိုက်ပါတယ်။
ဝန်ကြီးချုပ် ရှိတ် ဟာစီနာ Sheikh Hasina ကို ဖြုတ်ချဖို့ အတွက် ကြံစည်မှုအကြောင်း အသေးစိတ်ကို  ဗိုလ်မှူးချုပ် မိုဟာမက် မာဆွတ် ရာဇတ် Muhammad Masud Razzaq က သတင်းထောက်တွေကို ရှင်းပြခဲ့ပါတယ်။
ပြည်ပမှာ စီစဉ်ရေးဆွဲခဲ့တဲ့ ဒီအာဏာသိမ်းရေး အစီအစဉ်နဲ့ပတ်သက်ပြီး အငြိမ်းစား စစ်အရာရှိကြီး ၂ ဦးကို ဖမ်းဆီးထားမိပြီး တတိယလူဖြစ်တဲ့ ဗိုလ်မှူး ဇီရာဟတ် Ziaul Haq ကတော့ လွတ်နေဆဲ ဖြစ်တယ်လို့ ရာဇတ်က ပြောပါတယ်။
စစ်တပ်ရဲ့ လက်ရှိနဲ့ အငြိမ်းစား အရာရှိ စုစုပေါင်း ၁၆ ဦး ပါဝင်တယ်လို့လည်းဆိုပါတယ်။ အာဏာသိမ်းဖို့ ကြံစည်သူတွေဟာ ဘင်္ဂလားဒေ့ရ်ှနိုင်ငံမှာ အစ္စလာမ် ရှာရီယာ ဥပဒေကို ပြဌာန်းကျင့်သုံးဖို့ ရည်ရွယ်ကြတယ်လို့လည်း ပြောပါတယ်။
ဝန်ကြီးချုပ် ရှိတ်ဟာစီနာဟာ ၂ဝဝ၉ ခုနှစ် သူအာဏာရကတည်းက အယူသည်းသူတွေကို နှိပ်ကွပ်လာခဲ့တာ ဖြစ်ပါတယ်။

ဒဏ်ခတ်ပိတ်ဆို့မှု ရုပ်သိမ်းရေးမှာ ရွေးကောက်ပွဲမျှတမှု အရေးပါ
By ဗွီအိုအေ(မြန်မာဌာန)
အမေရိကန်ပြည်ထောင်စုက မြန်မာနိုင်ငံအပေါ် ချမှတ်ထားတဲ့ ဒဏ်ခတ် အရေးယူမှုတွေကို ပြန်ပြီးတော့ ရုပ်သိမ်းရေးမှာ ဧပြီလမှာ ကျင်းပမယ်လို့ မြန်မာ အစိုးရက ကြေညာထားတဲ့ ကြားဖြတ်ရွေးကောက်ပွဲက ဘယ်လောက်များ အရေးပါပါသလဲ။ ဒီမိုကရေစီရေး အတိုက်အခံတွေအပေါ် မြန်မာအစိုးရက ရိုးသားမှုနဲ့ ပွင့်လင်းမှုတွေအပြင် ခွဲခြားမှု မရှိဘဲ ဆက်ဆံလာမယ်ဆိုရင် အနောက်နိုင်ငံတွေက ချမှတ်ထားတဲ့ အရေးယူဒဏ်ခတ်မှုတွေ ရုပ်သိမ်းလာနိုင်တယ်လို့ မြန်မာ့အရေးလေ့လာနေတဲ့ အမေရိကန် ပညာရှင်တဦးက ပြောပါတယ်။
အပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
မြန်မာနိုင်ငံမှာ အပြောင်းအလဲတွေ ဖြစ်လာခဲ့တဲ့နောက် ဒဏ်ခတ်မှုတွေနဲ့ အရေးယူထားတဲ့ အနောက်နိုင်ငံတွေက မြန်မာအစိုးရနဲ့ ဆက်ဆန်ရေးကို တိုးမြှင့်လာခဲ့ကြပါတယ်။ အမေရိကန်နိုင်ငံက နှစ်ပေါင်း ၅ဝ အတွင်း နိုင်ငံခြားရေးဝန်ကြီးအဆင့် ပထမဆုံး မြန်မာနိုင်ငံကို လာရောက်ခဲ့သလို အဓိက ပါတီကြီးတွေကို ကိုယ်စားပြုတဲ့ အမေရိကန် လွှတ်တော်အမတ်တွေဟာလည်း ကိုယ်တိုင် လေ့လာဆန်းစစ်ဖို့ လာရောက်ခဲ့ကြပါတယ်။
မြန်မာနိုင်ငံအတွက် လေ့လာဆန်းစစ်မှုတွေကို ဆက်ပြီး လုပ်ဆောင်မယ်လို့ အမေရိကန် နိုင်ငံခြားရေးဌာနက အင်္ဂါနေ့က ပြောကြားခဲ့ပြီး တဲ့နောက် ကြာသပတေးနေ့မှာတော့ အထက်လွှတ်တော် အမတ် ဂျိုး လီဗာမင် Joe Lieberman နဲ့အတူ ဗီယက်နမ်နိုင်ငံကို ရောက်နေတဲ့ အမေရိကန် အထက်လွှတ်တော်အမတ် ဂျွန်မက်ကိန်း John McCain က မြန်မာနိုင်ငံက လက်ရှိအနေအထားတွေအရ အမေရိကန် ပြည်ထောင်စုက တုံ့ပြန်မှုတွေလုပ်ဖို့ ရှိပြီး ဒါဟာ စီးပွားရေး ပိတ်ဆို့အရေးယူ ဒဏ်ခတ်ထားမှုကို ရုပ်သိမ်းပေးဖို့ ဒါမှမဟုတ် ဒဏ်ခတ်မှုတွေထဲက တချို့ကို ပြန်ပြီး ရုပ်သိမ်းဖို့ စဉ်းစားနိုင်တယ်လို့ ရိုက်တာ သတင်းဌာနကို ပြောကြားခဲ့ပါတယ်။
မြန်မာနိုင်ငံအပေါ် အရေးယူဒဏ်ခတ်မှုတွေကို ရုပ်သိမ်းပေးနိုင်ဖို့အတွက် အနောက်နိုင်ငံတွေက ဘယ်အချက်တွေပေါ် မူတည်ပြီး စဉ်းစား တာပါလဲဆိုတာ သိရဖို့ မြန်မာ့အရေး တစိုက်မတ်မတ်လေ့လာနေတဲ့ အမေရိကန် ပြည်ထောင်စု ရတ်ဂါးစ် Rutgers တက္ကသိုလ်က ဂုဏ်ထူးဆောင် ပါမောက္ခ ဂျိုးဆက် ဆီးလ်းဗားစတိုင်း Joseph Silverstein ကိုမေးကြည့်ပါတယ်။
“မြန်မာနိုင်ငံက အပြောင်းအလဲတွေအတွက် အနောက်နိုင်ငံတွေက ကြိုဆိုကြတာတွေ့ရပါတယ်။ ဒါပေမယ့် ဘယ်နိုင်ငံကမှ အကောင်းမြင်တယ်ဆိုတာကို ပွင့်ပွင့်လင်းလင်း ထုတ်မပြောကြပါဘူး။ ဒေါ်အောင်ဆန်းစုကြည်နဲ့အစိုးရ ပထမဆုံး တွေ့ဆုံဆွေးနွေးချိန်က စပြီး အားလုံးက သတိနဲ့ စောင့်ကြည့်နေကြပါတယ်။
ဒေါ်အောင်ဆန်းစုကြည်နဲ့ အတိုက်အခံတွေကို အစိုးရက လေးလေးစားစားနဲ့ ခွဲခြားမှု မရှိဘဲ ဆက်ဆံရဲ့လား၊ ရိုးသားမှုရောရှိရဲ့လား ဆိုတာကို စောင့်ကြည့်နေကြတာပါ။ ဒီလို ရှိလာမယ်ဆိုရင် အမေရိကန်အစိုးရရဲ့ ထက်ထက်သန်သန် ကြိုးစားနေမှုကို အနောက်နိုင်ငံတွေက လက်ပိုက် ကြည့်မနေဘဲ ချက်ချင်း ပူးပေါင်းပါဝင်လာမှာ ဖြစ်ပါတယ်”
အမေရိကန်၊ အီးယူ ဥရောပသမဂ္ဂနဲ့ အနောက်နိုင်ငံတွေက မြန်မာအစိုးရဘက်က ရိုးသားပွင့်လင်းမှု အတိုင်းအတာကို စောင့်ကြည့်နေကြတဲ့ အထဲက အဓိက ဘယ်အချက်မျိုးကို မျှော်လင့်နေကြတာပါလဲ။
“သူတို့က ချက်ချင်း မတုံ့ပြန်ကြသေးဘဲ  ရွေးကောက်ပွဲနောက်ပိုင်းမှာ ဘာတွေ ဖြစ်လာမလဲဆိုတာကို စောင့်ကြည့်နေကြပါတယ်။ ဒါက အခုတွေ့ရတဲ့ သူတို့ရဲ့ မြန်မာနိုင်ငံ အပြောင်းအလဲအတွက် တိုင်းအတာတမျိုးပါ။ အရင်တုန်းက သူတို့ တိုင်းတာတဲ့ပေတံက မြန်မာအစိုးရနဲ့ တိုင်းရင်းသား လက်နက်ကိုင်တွေနဲ့ တိုက်ပွဲတွေ ရပ်စဲဖို့ပါ။ ဒီတိုက်ပွဲတွေဟာ ကချင်ဒေသမှာ ဖြစ်နေတာ အခုထိ မရပ်စဲသေးပါဘူး။
အခု ကျနော်တို့ စောင့်ကြည့်ရမှာက လွှတ်တော်က လုပ်ရပ်ပါ။ ဒေါ်အောင်ဆန်းစုကြည် အရွေးခံရရင် လွှတ်တော်မှာ သူရသင့်တဲ့ ထိုက်ထိုက် တန်တန် နေရာမျိုးပေးပါ့မလား။ လွှတ်တော်ကိုယ်စားလှယ်တွေကို သူတို့ အရွေးကောက်ခံနယ်မြေ လူထုနဲ့ လွတ်လွတ်လပ်လပ် တွေ့ဆုံ ဆွေးနွေးခွင့်ရပါ့မလား။ ဒါတွေကို ကြည့်ရမှာပါ”
အခု အမေရိကန်နဲ့တကွ အနောက်နိုင်ငံတွေက စောင့်ကြည့်နေတဲ့ ပထမ အဆင့်ဖြစ်တဲ့ ကချင်ဒေသတိုက်ပွဲတွေဟာ အခုထိ အဆုံး မသတ်နိုင်သေးပါဘူး။ ဒုတိယအဆင့်ဖြစ်တဲ့ လွှတ်တော်လုပ်ရပ်ကို စောင့်ကြည့်နေကြရာမှာ ဒီလွှတ်တော်ဟာ အစိုးရနဲ့ အတိုက်အခံတို့ကြား အပြန်အလှန် လေးစားမှု ရှိမရှိ၊ ပွင့်ပွင့်လင်းလင်း ပြောဆိုနိုင်ခွင့် ရှိမရှိနဲ့ ရွေးကောက်ပေးလိုက်တဲ့ ဒေသခံ ပြည်သူတွေ သူတို့ ဆန္ဒထုတ်ဖော်နိုင်ဖို့အတွက် လွတ်လွတ်လပ်လပ် တွေ့ဆုံခွင့် ပေးမပေးကို အဓိကထား စောင့်ကြည့်နေကြတယ်လို့ ပါမောက္ခ ဆီးလ်ဗား စတိုင်းက ပြောပါတယ်။
အရှေ့တောင်အာရှဒေသကို ခရီးထွက်လာတဲ့ အမေရိကန် အထက်လွှတ်တော်အမတ် ဂျွန်မက်ကိန်းဟာ မကြာခင်မှာ မြန်မာနိုင်ငံကို သွားရောက်မှာ ဖြစ်ပါတယ်။ ရန်ကုန်နဲ့ နေပြည်တော်မှာ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ရော မြန်မာအစိုးရ တာဝန်ရှိသူတွေနဲ့ပါ တွေ့ဆုံမှာဖြစ်ပြီး မြန်မာနိုင်ငံရဲ့ တိုးတက်ပြောင်းလဲမှုတွေနဲ့ ဒီအပြောင်းအလဲလုပ်ဆောင်မှုတွေကို အမေရိကန် လွှတ်တော်က ဘယ်လိုပံ့ပိုးကူညီမှုတွေ ပေးနိုင်မယ်ဆိုတာတွေကို ဆွေးနွေးဖို့ ရှိပါတယ်။
တောင်ကိုရီးယား ကူညီရေးပစ္စည်းတွေ မြောက်ကိုရီးယားကို လေပူဖောင်းနဲ့ပို့
By ဗွီအိုအေ (မြန်မာဌာန)
တောင်ကိုရီးယားဘက် ကူးပြောင်းသွားသူ အဖွဲ့ ၄ ဖွဲ့ကနေ စားစရာတွေနဲ့ တခြား ပစ္စည်းတွေ ချိတ်ဆွဲထားတဲ့ လေပူဖောင်းတွေကို မြောက်ကိုရီးယားဘက်ဆီ ဒီကနေ့ လွှတ်တင်ခဲ့ကြပါတယ်။
အင်ချွန်းမြို့အနီးကနေ အခုလို လေပူဖောင်းတွေ လွှတ်တင်တဲ့ကိစ္စမှာ သူတို့နဲ့အတူ တခြား ၃ ဖွဲ့က ပူးပေါင်း လုပ်ဆောင်ခဲ့တာ ဖြစ်တယ်လို့ မြောက်ကိုရီးယား ပြည်သူ့လွတ်မြောက်ရေး တပ်ဦးကနေ ပြောဆိုပါတယ်။
ဘက်ပြောင်းသွားသူတွေကတော့ အလုံး ၂၀ ရှိတဲ့ လေပူဖောင်းကြီးတွေမှာ ကိတ်မုန့်တွေ၊ စီဒီပြားအသေးတွေနဲ့ သတင်းအချက်အလက် စက္ကူခေါက်လေးတွေကို ချိတ်ဆွဲထားတာဖြစ်တယ်လို့ ပြောပါတယ်။
ပြီးခဲ့တဲ့အခေါက် လွှတ်တင်ခဲ့တဲ့ လေပူဖောင်းတွေကိုတော့ မြောက်ကိုရီးယားဘက်က ပစ်ဖောက်ခဲ့ပြီးတော့ တောင်ကိုရီးယားဟာ နှစ်ဘက် စစ်ဖြစ်အောင်လို့ တမင်သက်သက် ရည်ရွယ်လုပ်ဆောင်တာလို့ ပြောရင်း ဒီလုပ်ရပ်ကို တုံ့ပြန်တဲ့အနေနဲ့ တောင်ကိုရီးယားကို ပစ်ခတ် တိုက်ခိုက်မယ်လို့ ခြိမ်းခြောက်မှုတွေ လုပ်ဆောင်ခဲ့ပါတယ်။

အစိုးရ ငြိမ်းချမ်းရေး ကမ်းလှမ်းချက် ABSDF လက်ခံ
By ကိုမိုးဇော်
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF က အစိုးရ ငြိမ်းချမ်းရေး ကိုယ်စားလှယ်အဖွဲ့ရဲ့ ပြည်တွင်း ငြိမ်းချမ်းရေးဖော်ဆောင်ရေး ကမ်းလှမ်းချက်ကို လက်ခံလိုက်ပြီး တွေ့ဆုံဆွေးနွေးဖို့ အကြောင်းပြန် ထားပါတယ်။ ဒီလိုတွေ့ဆုံဆွေးနွေးမယ်ဆိုရင် နိုင်ငံရေးပြဿနာတွေကို အဖြေရှာမယ့် ဆွေးနွေးရေး လုပ်ငန်းစဉ် လိုအပ်ကြောင်းနဲ့ တပြည်လုံးအတိုင်းအတာဆောင်တဲ့ အပစ်အခတ်ရပ်စဲရေး လိုအပ်ကြောင်း အဖွဲ့ရဲ့ ဒုဥက္ကဋ္ဌက ထုတ်ဖော်ပြောဆိုပါတယ်။ ဒီသတင်း အပြည့်စုံကို ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ကို ပြည်တွင်း ငြိမ်းချမ်းရေး ဖော်ဆောင်ဖို့အတွက် ငြိမ်းချမ်းရေး ဆွေးနွေးရေးအဖွဲ့ခေါင်းဆောင် ဦးအောင်သောင်းကိုယ်စား ဒုဗိုလ်မှူးကြီးဟောင်း ဦးစောခင်စိုးက လက်မှတ်ရေးထိုးပြီး ဒီလ ၁၀ ရက်နေ့က စာပေးပို့ ကမ်းလှမ်းခဲ့တာဖြစ်ပါတယ်။
ဒီကမ်းလှမ်းချက်ကို အပြုသဘောဆောင်တဲ့ ကမ်းလှမ်းချက်အဖြစ် လက်ခံပြီး တွေ့ဆုံဆွေးနွေးဖို့အတွက် အကြောင်းပြန်ကြားခဲ့ကြောင်း ABSDF ရဲ့ ဒုက္ကဋ္ဌ ဦးမျိုးဝင်းက ပြောပါတယ်။
“သူတို့ ပေးပို့လာတဲ့ စာပါ အကြောင်းအရာပေါ့နော် စာပါအကြောင်းအရာကတော့ ဒီ ပြည်တွင်းငြိမ်းချမ်းရေး အကောင်အထည်ဖော်ဖို့ကို ငြိမ်းချမ်းရေးစားပွဲမှာ တန်းတူညီတူ ဆွေးနွေးမယ်ဆိုတဲ့ ကမ်းလှမ်းလာတဲ့ အပေါ်မှာ ဒီကမ်းလှမ်းမှုဟာ အပြုသဘောဆောင်တဲ့ ကမ်းလှမ်းမှုလို့ ကျနော်တို့ မြင်တယ်။ အဲဒီပေါ်မှာ အခြေခံပြီးတော့ ဒီကမ်းလှမ်းမှုကို ကျနော်တို့က ကြိုဆိုတယ်။ အဲဒီအတွက်ကို ကျနော်တို့က ဆက်လက်ပြီးတော့ တွေ့ဆုံဆောင်ရွက်နိုင်ဖို့ အတွက်ကို ကျနော်တို့ ကြိုးပမ်းသွားမယ်ဆိုတဲ့အကြောင်း၊ဆောင်ရွက်သွားမယ် ဆိုတဲ့အကြောင်းကို အကြောင်းပြန်တာပါ။”