05.01.2012 နေ့ဖတ်ရန်သတင်းများ

by Myanmar Journal on Thursday, January 5, 2012 at 7:04am

 

 
မဲဆန္ဒပေးသူတွေ ကို နှုတ်ဆက်နေတဲ့ မစ္စတာ မစ် ရွန်နီ 
ရီပတ်ပလီကန် သမ္မတလောင်း ရွေးချယ်နေ

အမေရိကန် နိုင်ငံ အိုင်အိုဝါ ပြည်နယ် မှာ ရီပတ်ပလီကန် ပါတီ က လာမယ့် သမ္မတ ရွေးကောက်ပွဲ အတွက် သူတို့ သမ္မတ လောင်း ကိုယ်စားလည် ရွေးချယ်ပွဲ လုပ်ခဲ့ရာမှာ မက်ဆာချူးဆက် ပြည်နယ် အုပ်ချုပ်ရေးမှူး ဟောင်း မစ် ရွန်နီ က သူနဲ့ မဲအနီးကပ်ဆုံး ပြိုင်ဘက် အထက် လွှတ်တော် အမတ် ဟောင်း ရစ်ခ ဆန်တိုရမ် ကို မဲ ၈ မဲ အသာ နဲ့ အနိုင် ရ ခဲ့ ပါတယ်။

မဲပေးခဲ့ သူပေါင်း အိုင်အိုဝါမှာ ၁ သိန်း ၂ သောင်းကျော် ရှိခဲ့ပြီး အခု ထိပ်ဆုံး က ပြိုင်ဘက် ၂ ယောက် စလုံး မဲ လေးပုံ တပုံ လောက်စီ ရ ခဲ့ ကြပါတယ်။
အခုရလဒ် ဟာ နိုင်ငံ တခုလုံးမှာ ရှိတဲ့ ရီပတ်ပလီကန် တွေ ရဲ့ သဘောထား ကို ထင်ဟတ် တယ် လို့ လည်း တွက်ဆ နေကြ ပါတယ်။
ဒါပေမယ့် မစ္စတာ ဆန်တိုရမ် ရဲ့ သူ့ကို မဲ ထည့်ဖို့ ကမ်ပိန်း လှုပ်ရှားမှု က အရှိန်အဟုန် ပိုရ နေတာလည်း တွေ့ရပါတယ်။
နောက်ထပ် ပြိုင်ဘက်တဦးဖြစ်တဲ့ တက္ကဆက် ပြည်နယ် အုပ်ချုပ်ရေးမှူး ရစ်ခ ပယ်ရီ က မဲဆန္ဒ ၁၀ ရာခိုင်နှုန်း ပဲ ရတဲ့ အတွက် သူ ကိုယ်စားလှယ် အဖြစ် ဆက်ပြိုင် မပြိုင် ပြန် စဉ်းစား တော့မယ် လို့ ဆိုပါတယ်။

ကျောက်မီးသွေး ဓာတ်အားပေး စက်ရုံ ပါဝင်မယ့် ထားဝယ် စီမံကိန်းထားဝယ် ကျောက်မီးသွေးသုံး ဓာတ်အားပေး စက်ရုံ ကို ကန့်ကွက်
ထားဝယ်ဒေသ အထူးစီးပွားရေး ဇုန် စီမံကိန်း ထဲမှာ ပါဝင်တဲ့ ကျောက်မီးသွေး သုံး ဓာတ်အားပေး စက်ရုံ စီမံကိန်း ကို မကြာခင်မှာ အကောင်အထည် ဖေါ် တော့မယ် ဆိုတဲ့ သတင်းတွေ ထွက်ပေါ်လာပြီး နောက်ပိုင်း မှာ ပတ်ဝန်းကျင် ညစ်ညမ်း မှာ နဲ့ လူထု ကျန်းမာရေး ထိခိုက်မှာကို မလိုလားသူ တွေက မောင်းမကန် ကမ်းခြေမှာ ဒေသခံ တွေနဲ့ တွေ့ဆုံ ရှင်းလင်းပွဲ လုပ်ခဲ့ သလို ဒီစီမံကိန်း ရပ်ပေးဖို့ လက်မှတ်ထိုး တောင်းဆိုတဲ့ လှုပ်ရှားမှု တခုကို လွတ်လပ်ရေးနေ့ က စတင် လုပ်ဆောင် ခဲ့ကြ ပါတယ်။
ထိုင်းနိုင်ငံက ITD လို့ခေါ်တဲ့ ထိုင်း စက်မှုလုပ်ငန်း ဖွံ့ဖြိုးရေးအဖွဲ့ နဲ့ မြန်မာ အစိုးရ တို့က ထားဝယ် နဲ့ ၁၂မိုင် အကွာ နဘူးလယ် အရပ်မှာ မဂ္ဂါဝပ် ၄၀၀၀ ထုတ်လုပ်မယ့် ကျောက်မီးသွေး သုံး ဓါတ်အားပေး စက်ရုံ ကို ဒေသခံ ၂၀၀ လောက် က ဒီစီမံကိန်း ကို မလိုလားဘူး ဆိုပြီး ကန့်ကွက်တဲ့ လှုပ်ရှားမှု ကို လုပ်ခဲ့ ကြ တာပါ။
သူတို့ဟာ Green Development ဆိုတဲ့ ခေါင်းစဉ် နဲ့ မောင်းမကန် ကမ်းခြေ သန့်ရှင်းရေး အတွက် အမှိုက်တွေ လိုက်လံ ရှင်းလင်း ခဲ့သလို ကျောက်မီးသွေး စက်ရုံရဲ့ ဆိုးကျိုး တွေ အကြောင်း လူထု တွေကို ရှင်းလင်း ပညာပေး ခဲ့တယ်လို့ ဒီလှုပ်ရှားမှုကို ဦးဆောင်တဲ့ ထားဝယ် ဒေသ ဖွံ့ဖြိုးရေး အဖွဲ့ ဒီဒီအေ ရဲ့ ဦးဆောင်သူ တယောက် က ဘီဘီစီ ကို ခုလို ရှင်းပြ ပါတယ်။

အခုလို ပြည်သူတွေနဲ့ တွေ့ဆုံပွဲကနေ လက်မှတ် ၇၅၀ ကျော် ကောက်ခံ ရရှိပြီး ဆက်လက် စုဆောင်းကြကာ သမ္မတ ဆီကို တင်ပြ သွားမယ် လို့ လည်း လှုပ်ရှားသူတွေ က ပြော ပါတယ်။
ဒီစက်ရုံ တည်ဆောက်မယ်ဆိုရင် ဒေသခံတွေ စိုးရိမ်သလို ဖြစ်လာမလား လို့ ထားဝယ် စီမံကိန်း အထောက်အကူပြု အဖွဲ့ ဥက္ကဋ္ဌ ဦးတင်မောင်ဆွေကို မေးကြည့် ရာမှာ တော့ ဘာမှ အန္တရာယ် မဖြစ်နိုင်ကြောင်း သူက ပြန်လည် ပြောဆို ပါတယ်။

ဒါပေမယ့် ရှမ်းပြည်တောင်ပိုင်း ပင်လောင်းမြို့နယ် တီကျစ်မှာ ရှိတဲ့ ကျောက်မီးသွေး ဓါတ်အားပေး စက်ရုံက ထွက်တဲ့ မီးခိုးငွေ့တွေ၊ ပြာတွေ နဲ့ စက်ရုံ က စွန့်ပစ်ရေ တွေ ကြောင့် ဒေသခံတွေ အသက်ရှူလမ်းကြောင်း ဆိုင်ရာ ရောဂါ အပါအဝင် ကျန်းမားရေး ထိခိုက်တဲ့ ပြဿနာ ကြုံနေ ရတယ် ဆိုတဲ့ သတင်းတွေ ထွက်ပေါ် ခဲ့ပါတယ်။                    

စစ်တွေ ဆိပ်ကမ်း တည်ဆောက်ရေး စီမံကိန်းစစ်တွေ ဆိပ်ကမ်း နေရာပြောင်းဖို့ စာတွေ ပျံ့နေ
ရခိုင်ပြည်နယ် စစ်တွေမြို့မှာ အိန္ဒိယ ကုမ္ပဏီ တခု က တည်ဆောက်နေတဲ့ ဆိပ်ကမ်းကို စစ်တွေ မြို့ထဲကနေ တခြား သင့်တော်တဲ့ နေရာ တစ်ခုကို ရွှေ့ပေးဖို့ စာရွက် စာတမ်း တွေ ဖြန့်ဝေတဲ့ လူပ်ရှားမူ တစ်ခု ဗုဒ္ဓဟူးနေ့ က ကျယ်ကျယ်ပြန့်ပြန့် လုပ်ဆောင်ခဲ့ကြပါတယ်။
စစ်တွေမြို့မှာ တည်ဆောက်နေတဲ့ ဆိပ်ကမ်း သစ် ကို တခြားသင့်တော် တဲ့နေရာ တစ်ခု ကို ပြောင်းရွှေ့ ပေးဖို့ တောင်းဆို ရတာ ကတော့ အဲဒီ ဆိပ်ကမ်း သစ်ကို စစ်တွေမြို့ ရဲ့ အချက်အချာ ကျတဲ့ နေရာမှာ တည်ဆောက်တာကြောင့် သဘာဝပတ်ဝန်းကျင် ပျက်စီးမူတွေ အကြီးအကျယ် ဖြစ်ပေါ်နေတဲ့ အပြင် စစ်တွေမြို့ ရဲ့ လှပ လှတဲ့ မင်းကြီး ကျောက်တန်းကို ပျက်စီး ဆုံးရှုံး သွားနိုင် ပါတယ်။
ဆိပ်ကမ်း တည်ဆောက်ရေး လုပ်ငန်း တွေအတွက် မြို့တွင်းမှာ သဲတွေ သယ်ယူမှု ကြောင့် သဲမှုန် တွေက လေထု ညစ်ညမ်းမူတွေ ဖြစ်နေပေါ်နေတယ်လို့ လည်း သူတို့ ရေးသား ဖြန့်ဝေ တဲ့ စာထဲမှာ ရေးသား ထားတယ် လို့ သိရပါတယ်။
အခုအချိန်ထိတော့ အာဏာပိုင်တွေက စာဖြန့်ဝေတာနဲ့ ပတ်သက်လို့ အရေးယူတာမျိုး မရှိ သေးပါဘူး။
တည်ဆောက်နေတဲ့ ဆိပ်ကမ်းသစ်ဟာ စစ်တွေမြို့ ဆေးရုံကြီးနဲ့ လည်း အထူး နီးကပ်နေပြီး အခု တည်ဆောက် နေချိန်မှာလည်း မြို့လူထုကျန်းမာရေး ကို ထိခိုက်နေတဲ့ အတွက် ဆိပ်ကမ်း ဖြစ်လာတဲ့ အခါမှာလည်း လုပ်ငန်းခွင်က ဆူညံမူတွေကြောင့် ပိုပြီး ထိခိုက်လာ မှာကြောင့် စစ်တွေ ဆိပ်ကမ်းသစ်ကို အခုနေရာကနေ တစ်ခြားနေရာကို ရွှေ့ပေးဖို့ မြို့လူထုကလည်း အထူးလိုလား နေတာဖြစ်ကြောင်း လည်း သိရပါတယ်။

ရှမ်းတောင်ပိုင်း အဖွဲ့နဲ့ မြန်မာအစိုးရတို့ နှစ်ကြိမ် ဆွေးနွေးခဲ့အစိုးရနဲ့ SSA တောင်ပိုင်း အဖွဲ့နေပြည်တော်မှာ တွေ့မယ်
SSA ရှမ်းပြည် တပ်မတော် (တောင်ပိုင်း) အဖွဲ့နဲ့ မြန်မာ အစိုးရတို့ကြား နေပြည် တော်မှာ ပြည်ထောင်စု အဆင့် ငြိမ်းချမ်း ရေး ဆွေးနွေး ကြဖို့ သဘော တူလိုက်ပြီ လို့ SSA ဘက်က ပြောပါတယ်။
မြန်မာ အစိုးရ ငြိမ်းချမ်းရေး ဖော်ဆောင်ရေး အဖွဲ့နဲ့ SSA ကိုယ်စားလှယ်တွေ ဒုတိယအကြိမ် တွေ့ဆုံ အပြီးမှာ အခုလို သဘောတူညီချက် ထွက်ပေါ် လာခဲ့ တာပါ။
ဇန္နဝါရီလ ၁ ရက်နေ့က ရှမ်းပြည်နယ် တောင်ကြီးမြို့မှာ တွေ့ဆုံခဲ့ကြတဲ့ ဒီဆွေးနွေးပွဲမှာ မြန်မာ အစိုးရ ဘက်က အမှတ် ၂ လျှပ်စစ်စွမ်းအား ဝန်ကြီး ဦးခင်မောင်စိုး၊ ရှမ်းပြည်နယ် ဝန်ကြီးချုပ် စပ်အောင်မြတ် တို့ပါဝင်ပြီး SSA ဘက်ကတော့ ဗိုလ်မှူးကြီး စိုင်းလ နဲ့ ဒုဗိုလ်မှူးကြီး စိုင်းငင်း တို့ တက်ရောက် ခဲ့ကြ ပါတယ်။
နေပြည်တော်မှာ တွေ့ဆုံမယ့် နေ့ရက် အတိအကျကို မသတ်မှတ်ရ သေးပေမယ့် ဇန္နဝါရီလ ၁၅ ရက်နဲ့ ၂၀ ရက် ကြားမှာ ဖြစ်လိမ့်မယ်လို့ SSA တောင်ပိုင်း အဖွဲ့ရဲ့ ပြောခွင့် ရသူ ဗိုလ်မှူး ဆိုင်းလောဝ်ဆိုင် က ဆိုပါတယ်။
ဒီဆွေးနွေးပွဲ မှာဘဲ မြန်မာ အစိုးရဖက်က ပြည်သူ့စစ် အဖွဲ့တွေ မူးယစ်ဆေးဝါးနဲ့ ပတ်သက်မှု ရှိနေတာကို အရေးယူ တားမြစ် ပေးဖို့ SSA ဘက်က တောင်းဆို ခဲ့တယ်လို့ သူက ဆိုပါတယ်။
SSA တောင်ပိုင်း အဖွဲ့နဲ့ မြန်မာ အစိုးရတို့ ကြား ဒီဇင်ဘာ ၁၇ ရက်နေ့ တုန်းက ရှမ်းပြည်နယ် အရှေ့ပိုင်း တာချီလိတ် မြို့မှာ ပထမဆုံးအကြိမ် တွေ့ဆုံခဲ့ ကြတာ ဖြစ်ပါတယ်။

အကျဉ်းသားလွှတ်တာ မလုံ လောက်သေးဘူးလို့ အမေရိကန် ပြော
မြန်မာနိုင်ငံက အကျဉ်းကျ ခံနေရသူတွေ အပေါ် အစိုးရရဲ့ ပြစ်ဒဏ် လျော့ပေါ့ပေးတဲ့ ဆုံးဖြတ်ချက်ကို အမေရိကန်က ဝေဖန်ခဲ့ပြီး မြန်မာ အစိုးရ အနေနဲ့ အမေရိကန်နဲ့ ဆက်ဆံရေး တိုးမြှင့်နိုင်ဖို့ဆိုရင် လက်ရှိ ပြုပြင် ပြောင်းလဲရေး လုပ်ဆောင်မှုတွေနဲ့တင် မလုံလောက်သေးဘူးလို့ ဆိုပါတယ်။
မြန်မာ အစိုးရရဲ့ လုပ်ဆောင်ချက်က အမေရိကန် အစိုးရ ဖြစ်စေချင်တာနဲ့ ကွာဟ နေတယ်လို့ အမေရိကန် အစိုးရ ပြောခွင့်ရသူ ဗစ်တိုးရီးယား နူလန်းက ပြောပါတယ်။
အမေရိကန် အပါအဝင် အနောက်နိုင်ငံ အစိုးရတွေက စီးပွားရေး ပိတ်ဆို့ အရေးယူမှု တွေ လျော့ပေါ့ ရုတ်သိမ်းပေးဖို့ စဉ်းစားနိုင်မယ့် အချက်ထဲမှာ နိုင်ငံရေး အကျဉ်းသားတွေ အားလုံး ပြန်လွှတ်ပေးဖို့လည်း ပါဝင်နေပါတယ်။
မြန်မာအစိုးရက တနင်္လာနေ့က ထုတ်ပြန်ခဲ့တဲ့ ပြစ်ဒဏ်လျော့ပေါ့ပေးတဲ့ လွတ်ငြိမ်းချမ်းသာခွင့်အောက်မှာဆိုရင် ယုံကြည်ချက်ကြောင့် အကျဉ်းကျ နေသူတွေက မပါသလောက်ဖြစ်နေပြီး အခုချိန်ထိ နိုင်ငံရေးအကျဉ်းသား ၃၀ ကျော်လောက်ပဲ ပါတာ တွေ့ရပါတယ်။
သမ္မတဦးသိန်းစိန်ရဲ့ ပြစ်ဒဏ် လျော့ပေးတဲ့ လွတ်ငြိမ်း ချမ်းသာခွင့်မှာ ကိုမင်းကိုနိုင်တို့လို ၈၈ မျိုးဆက် ကျောင်းသားခေါင်းဆောင်တွေ၊ ဦးခွန်ထွန်းဦး တို့လို့ တိုင်းရင်းသား ခေါင်းဆောင် တွေလည်း မပါသေးပါဘူး။
လွတ်လာတဲ့ အနည်းအကျဉ်းထဲမှာ မနေ့တုန်းက အင်းစိန်ထောင်ကနေ လွတ် လာတဲ့ ၈၈ မျိုးဆက်ကျောင်းသား ကိုကြည်သန်းကလည်း သူဟာ ပြစ်ဒဏ် လျော့ပေးလို့ လွတ်လာတာ မဟုတ်ပဲ လွတ်ရက်စေ့လို့သာ လွတ်လာတာ လို့ ဆိုပါတယ်။
လွှတ်ပေးတဲ့အထဲ နိုင်ငံရေးအကျဉ်းသားတွေ မပါတာ ကြည့်ရင် အစိုးရမှာ နိုင်ငံရေး အကျဉ်းသားတွေကို လွှတ်ပေးဖို့ ဆန္ဒရှိတာ မတွေ့ရသေးဘူးလို့ ကိုကြည်သန်းက ဆိုပါတယ်။
ရှမ်းပါတီက မျှော်လင့်ချက်ထား
နိုင်ငံရေး အကျဉ်းသားတွေ အများကြီး မလွတ်သေးပေမယ့် မျှော်လင့်ချက် ရှိပါသေးတယ်လို့ ရှမ်းတိုင်း ရင်းသားများ ဒီမိုကရက်တစ်ပါတီ (SNDP) ခေါ် ကျားဖြူပါတီ ဒုတိယဥက္ကဌ စိုင်းဆောင်ဆီက ပြောပါတယ်။
လက်ရှိ လွှတ်ပေးတဲ့ အနေအထားကို အားရမှု မရှိပေမယ့် အစိုးရအနေနဲ့ တဆင့်ချင်း လုပ်ဆောင်နေ တယ်လို့ မျှော်လင့်ကြောင်း သူက ပြောပါတယ်။

အပြစ် ဝန်ခံကြတဲ့ David Norris နဲ့ Gary Dobsonစတီဗင် လောရင့်စ် အမှုသတ်သူပေါ်ပြီ
ဗြိတိန်မှာ လွန်ခဲ့တဲ့ နှစ်နှစ်ဆယ်နီးပါးတုန်းက လူမည်း ဆယ်ကျော်သက် စတီဗင် လောရင့်စ် ကို သတ်မှုနဲ့ David Norris နဲ့ Gary Dobson ဆိုတဲ့ လူနှစ်ယောက်က သူတို့မှာ အပြစ်ရှိကြောင်း တရားရုံးမှာ ထွက်ဆိုခဲ့ပါတယ်။
၁၉၉၃ ခုနှစ်တုန်းက လန်ဒန်က ဘတ်စကားမှတ်တိုင် တခုမှာ လူငယ် လူဖြူ ဂိုဏ်း တခုက စတီဗင် လောရင့်စ်ကို တိုက်ခိုက်ခဲ့ ရာမှာ David Norris နဲ့ Gary Dobson တို့က အဲဒီ ဂိုဏ်းထဲမှာ ပါခဲ့တာ ဖြစ်ပါတယ်။
နောက်ဆုံး ထွက်လာတဲ့ မူခင်းဆိုင်ရာ စမ်းသပ် စစ်ဆေးမှု အထောက်အထားတွေ အရ သူတို့မှာ အပြစ်ရှိကြောင်း ထွက်ပေါ်လာတာဖြစ်ပြီး ဒီအမှုဟာ ဗြိတိန်က လူမျိုးရေး ပြဿနာကို ပေါ်လွင်ထင်ရှား စေခဲ့ပါတယ်။
ဒီအမှုနဲ့ ပတ်သက်လို့ ရဲတပ်ဖွဲ့ရဲ့ ကနဦး စုံစမ်း စစ်ဆေးမှုက ဆိုးဆိုးရွားရွား မှားယွင်းစွာ ကိုင်တွယ်ခဲ့တယ်လို့ ၁၉၉၉ ခုနှစ်တုန်း တရားဝင် စုံစမ်း စစ်ဆေးမှုမှာ ဖော်ပြထားပြီး လန်ဒန် ရဲတပ်ဖွဲ့ဟာ အဖွဲ့အစည်း ဆိုင်ရာ အရကို လူမျိုးရေး ခွဲခြားမှု ရှိတယ်လို့ အဆုံးသတ် ထားတာ ဖြစ်ပါတယ်။
စတီဖင် လောရင့်စ်ရဲ့ မိခင် ဒိုရင်းက သူ့သားကို သတ်သူတွေဟာ နောက်ဆုံးမှာ တရားဥပဒေနဲ့ ရင်ဆိုင်ရတဲ့ အတွက် စိတ်သက်သာရာရမိတယ်လို့ ပြောပါတယ်။
ဒါပေမယ့် ရဲတွေသာ သူတို့ အလုပ်ကို ကောင်းကောင်း လုပ်ခဲ့ရင် ပြီးခဲ့တဲ့ ၁ဂနှစ် အတွင်းသူ့သားကို သတ်ခဲ့တဲ့ သူတွေ တရားဥပဒေနဲ့ ရင်ဆိုင်ရအောင် ကြိုးစားနေရမှာ မဟုတ်ဘဲ သားအတွက်သာ ပူဆွေးနေရကောင်း နေရမှာပါလို့ ရဲတွေကို ဝေဖန်ခဲ့ ပါတယ်။
လောရင့်စ် မိသားစုရဲ့ တရားဥပဒေ အရ အရေးယူနိုင်ဖို့ မနေမနား ကြိုးပမ်းခဲ့တဲ့ အပေါ် ဗြိတိန် ဝန်ကြီးချုပ် ဒေးဗစ် ကင်မရွန်က ချီးကျူးလိုက်ပါတယ်။

အမေရိကန် တိုက်လေယာဉ်တင် စစ်သင်္ဘောUS လေယာဉ်တင် သင်္ဘောတွေ ပင်လယ်ကွေ့မှာ မထားဖို့ အီရန်ပြော
ပင်လယ်ကွေ့ ဒေသအတွင်း သူတို့ရဲ့ လေယာဉ်တင် စစ်သင်္ဘောတွေ မထားဖို့ အီရန်က သတိပေးနေ ပေမယ့် ဆက်ပြီး စစ် သင်္ဘောတွေ စေလွှတ်သွား မှာဘဲလို့ အမေရိကန် ပြောပါတယ်။
ပြီးခဲ့တဲ့ ဆယ်စုနှစ် တွေကတည်းက ပင်လယ်ကွေ့ အတွင်းမှာ စစ်သင်္ဘောတွေ စေလွှတ် ထားရှိခဲ့တာ ဖြစ်ပြီး ဒါကို ဆက်လက် လုပ်ဆောင်သွားမှာ ဖြစ်တယ်လို့ အမေရိကန် စစ်တပ် ပင်တာဂွန် စစ်ဌာနချုပ်က ဆိုပါတယ်။
အီရန် အပေါ် နိုင်ငံတကာရဲ့ အရေးယူပိတ်ဆို့မှုက ထိရောက်တယ် ဆိုတာကို အီရန်ရဲ့ ခြိမ်းခြောက်မှုက ပြနေတယ်လို့ အမေရိကန် အစိုးရ ပြောခွင့်ရ အမျိုးသမီး ဗစ်တိုးရီးယား နူလန်က ပြောပါတယ်။
မကြာသေးခင်တုန်းက ပင်လယ်ကွေ့က ထွက်သွားတဲ့အ မေရိကန် စစ်သဘော တစင်း အဲဒီ နေရာကို ပြန်လာခဲ့ရင် အီရန်က အရေးယူမယ်လို့ အစောပိုင်းတုန်းက ခြိမ်းခြောက်ခဲ့တာ ဖြစ်ပါတယ်။
အီရန်က ဟော်မူဇ် ရေလက်ကြားကို ပိတ်ပစ်နိုင်တယ်လို့ စိုးရိမ်ပူပန်မှုတွေ ရှိနေတာကြောင့် နိုင်ငံတကာ ဈေးကွက်မှာ ရေနံစိမ်း ဈေး သိသိသာသာ ထိုးတက်သွားခဲ့ပါတယ်။
ဟော်မူဇ် ရေလက်ကြားဟာ ပင်လယ်ကွေ့က ထွက်တဲ့ ရေနံတွေ တင်ပို့ရာ အဓိက လမ်းကြောင်း ဖြစ်ပါတယ်။
ဒါ့အပြင် အီရန်ကို ဘဏ္ဍာရေးအရ တင်းတင်းကျပ်ကျပ် ပိတ်ဆို့ အရေးယူဖို့ အမေရိကန်မှာ ဥပဒေ တရပ် အတည်ပြုသလို ပြင်သစ်ကလည်း အီရန်ရဲ့ ရေနံတင်သွင်းမှုကို ပိတ်ထားဖို့ ကမ္ဘာ့နိုင်ငံတွေကို ပန်ကြားထားပါတယ်။
အီရန်ဟာ ကမ္ဘာရေနံ ထုတ်လုပ်မှုရဲ့ ငါးရာခိုင်နှုန်းလောက် ထွက်ရှိတာ ဖြစ်ပြီး သူ့ကို ပြင်းပြင်းထန်ထန် ပိတ်ဆို့ အရေးယူမှုဟာ ရေနံတင်သွင်းမှုကို ထိခိုက်နိုင်မှာ ဖြစ်ပါတယ်။
ရေနံဈေးနှုန်း မြင့်တက်မှုက ယိုင်နဲ့နေတဲ့ လက်ရှိ ကမ္ဘာ့ စီးပွားရေးကို ပိုပြီး ဆိုးရွားသွား စေနိုင်တယ်လို့ စိုးရိမ်ပူပန်မှုတွေ ထွက်ပေါ်နေပါတယ်။

ပြန်လည် တည်ဆောက်ရေး လုပ်နေတဲ့ လစ်ဗျားလစ်ဗျားမှာ ပြည်သူ့စစ် တပ်ဖွဲ့ချင်း တိုက်ခိုက်လို့ ၄ယောက်သေ
လစ်ဗျားနိုင်ငံ ထရစ်ပိုလီမြို့တော်မှာ အရံ လက်နက်ကိုင် တပ်ဖွဲ့ ပြိုင်ဖက် အုပ်စုတွေကြား တိုက်ခိုက်မှု ဖြစ်ပွားခဲ့ပါတယ်။
ထရစ်ပိုလီမြို့က လက်နက်ကိုင် တပ်ဖွဲ့တဖွဲ့နဲ့ မစ်စရာတာ မြို့က တပ်ဖွဲ့တို့ အကြမ်း တိုက်ခိုက်မှု အတွင်း လူလေးယောက် သေဆုံးခဲ့ပါတယ်။
ဗိုလ်မှူးကြီး ကဒါဖီရဲ့ ထောက်လှမ်းရေး အဖွဲ့ပိုင် အဆောက်အဦထဲမှာ ထားတဲ့ အကျဉ်းသားတွေကို မစ်စရာတာက တပ်ဖွဲ့က လွှတ်ပေးဖို့ ကြိုးစားခဲ့တဲ့ အတွက် အခုလို တိုက်ခိုက်မှု ဖြစ်ပွားတာလို့ ထရစ်ပိုလီက ထိပ်တန်း အရာရှိ တယောက်က ပြောပါတယ်။
ပြည်တွင်းစစ် လက်ကျန် အဓိက ပြဿနာကတော့ အရင် ကဒါဖီ တော်လှန်ရေးတုန်းက ထောင်သောင်းချီတဲ့ လက်နက်ကိုင် တိုက်ခိုက်ရေး သမားတွေကို ဘယ်လို ပေါင်းစည်း နေရာချထားရမလဲ မသိ ဖြစ်နေတာဘဲလို့ ထရစ်ပိုလီမြို့က ဘီဘီစီ သတင်းထောက် တယောက်က ပြောပါတယ်။

Luis Suarez ရှစ်ပွဲ ပိတ်ခံရတာကို အယူခံ မဝင်တော့Luis Suarez အပေါ် အရေးယူမှု အယူခံ မဝင်ဖို့ ဆုံးဖြတ်
လစ်ဗာပူး အသင်းက ဘောလုံးသမား Luis Suarez ကို လူမျိုးရေး ခွဲခြားတဲ့ အသုံးအနှုန်း တွေ သုံးစွဲမှုနဲ့ ကစားပွဲ ရှစ်ပွဲ ပိတ်ထားတဲ့ အပေါ် လစ်ဗာပူး အသင်းက အယူခံ မဝင်တော့ ဘူးလို့ အင်္ဂလိပ် ဘောလုံး အဖွဲ့က ပြောပါတယ်။
ဆွာရက် အပေါ် ကစားပွဲ ပိတ်ထားတဲ့ အရေးယူမှုကို ချက်ခြင်း ဆောင်ရွက်သွားမယ် လို့လည်း ဆိုပါတယ်။
ပြီးခဲ့တဲ့ အောက်တိုဘာလ တုန်းက ကစားပွဲ အတင်း မန်ချက်စတာ အသင်း ခံစစ်သမား ဆီနီဂေါနိုင်ငံမှာ မွေးဖွားသူ Patrice Evra ကို negro ၊ negrito လို့ ဥရုဂွေး နိုင်ငံသား တိုက်စစ်မှူးက ထပ်တလဲလဲ ခေါ်ခဲ့တာကြောင့် ဒေါ်လာ ခြောက်သောင်း နှစ်ထောင် ဒဏ်ကြေးချခံခဲ့ရတာလည်း ဖြစ်ပါတယ်။
အစောပိုင်း တုန်းကတော့ လစ်ဗာပူး အသင်းက သူတို့ ကစားသမားဖက်က ကာကွယ်ခဲ့ ပြီး အယူခံဝင်ဖို့ ကြိုးစားခဲ့တာ ဖြစ်ပါတယ်။

၆၄နှစ်မြောက် လွတ်လပ်ရေးနေ့ အခမ်းအနား ကျင်းပ
၆၄နှစ်မြောက် လွတ်လပ်ရေးနေ့ အခမ်းအနားတွေကို နေပြည်တော်အပါအဝင် မြန်မာနိုင်ငံ တဝှမ်းမှာ ကျင်းပခဲ့ကြပါတယ်။
သမ္မတ ဦးသိန်းစိန်ရဲ့ လွတ်လပ်ရေးနေ့ မိန့်ခွန်း သဝဏ်လွှာထဲမှာ တပ်မတော်ရဲ့ အခန်း ကဏ္ဍ အရေးပါပုံကို အဓိကထားပြောသွားပြီး အင်အားကြီး နိုင်ငံတွေ လွှမ်းမိုး ချုပ်ကိုင် လာနိုင်တာကို ပြည်သူတရပ်လုံး သတိပြု ပူးပေါင်း ကာကွယ်ကြဖို့ ကိုလည်း ပြောသွား ပါတယ်။
NLD အမျိုးသား ဒီမိုကရေစီ အဖွဲ့ချုပ် ရုံးချုပ် မှာ ကျင်းပတဲ့ လွတ်လပ်ရေးနေ့ အခမ်းအနား မှာတော့ ဒေါ်အောင်ဆန်း စုကြည်က လွတ်လပ် ရေး ခေါင်းဆောင်ကြီးတွေ အနေနဲ့ လူတိုင်းဟာ လွတ်လပ်မှုနဲ့ ထိုက်တန်တယ်ဆိုတဲ့ ယုံကြည် ချက်နဲ့ ဒီလို ထိုက်တန်တယ်ဆိုတာကို ကမ္ဘာက သိအောင် ပြနိုင်ရမယ်ဆိုတဲ့ သံဓိဌာန် ချခဲ့ကြ ကြောင်း၊ ဒီ ယုံကြည်ချက်၊ ဒီသံဓိဌာန်ကို နောက်လူတွေက ဆက်လက်ကိုင်စွဲသွားဖို့ လိုကြောင်း သူ့မိန့်ခွန်းထဲမှာ ပြောသွားပါတယ်။
အစိုးရသစ် တက်အပြီး သမ္မတ ဦးသိန်းစိန်ရဲ့ ပထမဆုံး လွတ်လပ်ရေးနေ့ မိန့်ခွန်းကို ကြည့်ခြင်းအားဖြင့် အခု အစိုးရသစ်ဟာ ၂၀၀၈ ဖွဲ့စည်းပုံ ဥပဒေပေါ်မှာ အခြေခံတဲ့ အပြောင်းအလဲမျိုးမှာပဲ ဆက်သွားမှာ ဖြစ်ပြီး တခြား ပုံစံမျိုးနဲ့ ဖြစ်လာမယ့် အပြောင်း အလဲမျိုးကို လက်ခံမှာ မဟုတ်ဘူး ဆိုတဲ့ အနေအထားမျိုး ပြောသွားတယ်လို့ ယူဆရ ကြောင်း အပြည်ပြည်ဆိုင်ရာ ဒီမိုကရေစီ အဖွဲ့ သုတေသနဆိုင်ရာ ညွှန်ကြားရေးမှူး ဦးမင်းဇော်ဦးက သုံးသပ်ပါတယ်။

အမေရိကန်နဲ့ တရုတ် မြန်မာ့အရေး ဆွေးနွေး
By ဒေါ်ခင်မျိုးသက်
အမေရိကန်နိုင်ငံရဲ့ မြန်မာနိုင်ငံအပေါ် သဘောထားနဲ့ ပတ်သက်ပြီး တရုတ်နိုင်ငံမှာ အမေရိကန် နိုင်ငံခြားရေး ၀န်ကြီးဌာန အရှေ့အာရှနဲ့ ပစိဖိတ်ရေးရာ လက်ထောက် နိုင်ငံခြားရေးဝန်ကြီး ကတ် ကမ်ဘဲလ် (Kurt Campbell) က ရှင်းလင်း ပြောကြားခဲ့ပါတယ်။ မြန်မာနိုင်ငံ ပြုပြင်ပြောင်းလဲရေး လုပ်ဆောင်ရာမှာ
အမေရိကန်ပြည်ထောင်စုက  ဆက်လက်အားပေး ကူညီနေတယ်လို့ တရုတ်၊ တောင်ကိုရီးယားနဲ့ ဂျပန်၊ အာရှ ၃ နိုင်ငံကို ခရီးထွက်လာတဲ့ မစ္စတာ ကမ်ဘဲလ်က တရုတ်နိုင်ငံ ခရီးစဉ်အပြီးမှာ ပြောကြားခဲ့ပါတယ်။ အပြည့်အစုံကိုတော့ ဒေါ်ခင်မျိုးသက်က တင်ပြပေးထားပါတယ်။

အာရှ ၃နိုင်ငံ ခရီးထွက်လာတဲ့ အမေရိကန် လက်ထောက် နိုင်ငံခြားရေး ၀န်ကြီး ကတ် ကမ်ဘဲလ်ဟာ ဇန်န၀ါရီလ ၃ရက် အင်္ဂါနေ့မှာ တရုတ်နိုင်ငံကို ရောက်ရှိခဲ့ပြီး တရုတ်အစိုးရ တာဝန်ရှိသူတွေနဲ့ ဆွေးနွေး ခဲ့တယ်လို့ အမေရိကန် နိုင်ငံခြားရေး ဌာန ပြောခွင့်ရ ဗစ်တိုးရီးယား နူလန် (Victoria Nuland) က ပြောပါတယ်။


“လက်ထောက် နိုင်ငံခြားရေးဝန်ကြီးရဲ့ တရုတ်နိုင်ငံ ဘေဂျင်း ခရီးစဉ်ဟာ ပြီးဆုံးပါပြီ။ အခုဆိုရင် သူ့ရဲ့ ဒုတိယ ခရီးတထောက်ဖြစ်တဲ့ တောင်ကိုရီးယားနိုင်ငံ ဆိုးလ်ကို ခရီး ဆက်နေပါပြီ။ ဘေဂျင်းမှာ ဒုတိယ နိုင်ငံခြားရေးဝန်ကြီး ဂျန်ဂျီဂျွန်း (Zhang Zhijun) နဲ့ရော ဒုတိယ နိုင်ငံခြားရေးဝန်ကြီး ချွေ တီယန်ကိုင် (Cui Tiankai) နဲ့ ပါတွေ့ဆုံခဲ့ပြီး နှစ်နိုင်ငံ ဆက်ဆန်ရေးနဲ့ ဒေသတွင်း ကိစ္စရပ်တွေကို ဆွေးနွေးခဲ့ပါတယ်။ အဲဒီမှာ မြန်မာနဲ့  မြောက်ကိုရီးယား  အရေးတွေမှာ ပူးပေါင်းဆောင်ရွက်ရေးတွေကို အဓိကထား ဆွေးနွေးခဲ့တာပါ။ 
အမေရိကန် နိုင်ငံခြားရေးဝန်ကြီးရဲ့ မြန်မာနိုင်ငံ ခရီးစဉ်ကနေ ရလာတဲ့ အချက်အလက်တွေပေါ် မူတည်ပြီး မြန်မာနိုင်ငံ ပြုပြင်ပြောင်းလဲရေး လုပ်ဆောင်ရာမှာ အမေရိကန်က ဘယ်လိုအားပေး ဆောင်ရွက်နေတယ် ဆိုတာ ဆွေးနွေးခဲ့ပါတယ်။”

အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) ရဲ့ မြန်မာနိုင်ငံ ခရီးစဉ် အပြီးမှာ မြန်မာနိုင်ငံမှာ နိုင်ငံရေး လွတ်လပ်ခွင့်အတွက် အစပျိုးတဲ့ ခြေလှမ်းတွေ တွေ့နေရပေမယ့် တကယ်စစ်မှန်တဲ့ ပြောင်းလဲမှုတွေ ရှိလာဖို့ လုပ်စရာတွေ အများကြီး ကျန်နေသေးတယ်လို့ ပြောကြားခဲ့သလို မြန်မာ အစိုးရသစ်ဖက်က ပြုပြင်ပြောင်းလဲမှုတွေ အရှိန်မပျက် ဆက်လုပ်သွားဖို့လည်း အားပေးနေကြောင်း ပြောကြားခဲ့ပါတယ်။

အမေရိကန် နိုင်ငံခြားရေးဝန်ကြီး မြန်မာနိုင်ကို သွားရောက်ရာမှာ မစ္စတာ ကာ့တ် ကမ်ဘဲလ်လည်း လိုက်ပါသွားခဲ့ပြီး သမ္မတ ဦးသိန်းစိန်နဲ့တကွ အစိုးရ တာဝန်ရှိသူတွေနဲ့ တွေ့ဆုံခဲ့ပါတယ်။ သူ့ရဲ့ မြန်မာနိုင်ငံ ပထမ ခရီးစဉ်ကတော့ ၂၀၀၉ ခုနှစ် နိုဝင်ဘာလဆန်းမှာဖြစ်ပြီး သူဟာ စစ်အစိုးရ ခေါင်းဆောင်ပိုင်းနဲ့ရော နေအိမ်အကျယ်ချုပ် ကျခံနေရတဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ပါ တွေ့ဆုံခဲ့သူပါ။

ပြီးခဲ့တဲ့လက အမေရိကန်ရဲ့ မြန်မာနိုင်ငံဆိုင်ရာ အထူးကိုယ်စားလှယ် ဒဲရက် မစ်ချဲလ် (Derek Mitchell) က တောင်ကိုရီးယား၊ ဂျပန်နဲ့ တရုတ်နိုင်ငံတွေကို သွားရောက်ခဲ့ပြီး မြန်မာ့အရေး ဆောင်ရွက်ရာမှာ ဒေသတွင်း မိတ်ဆွေနိုင်ငံများရဲ့ ပူးပေါင်းဆောင်ရွက်မှုတွေ ရစေဖို့ ကျိုးပမ်းခဲ့ပါတယ်။ အခု မစ္စတာ မစ်ချဲလ် သွားရောက်ခဲ့တဲ့ ဒေသတွင်း အင်အားကြီး ၃ နိုင်ငံကိုပဲ မစ္စတာ ကမ်ဘဲလ်က ထပ်မံ သွားရောက်ခဲ့တာ ဖြစ်ပါတယ်။

မစ္စတာ ကမ်ဘဲလ်ဟာ ဇန်န၀ါရီလ ၄ ရက် ဗုဒ္ဓဟူးနေ့မှာ တောင်ကိုရီးယားနိုင်ငံ ဆိုးလ်မြို့ကို ရောက်ရှိခဲ့ပြီး မြန်မာ့အရေး အပါအ၀င် ဒေသတွင်း နိုင်ငံတွေနဲ့ ၂ နိုင်ငံ အကျိုးတူ ကိစ္စရပ်တွေကို ဆွေးနွေးမှာ ဖြစ်သလို ဇန်န၀ါရီလ ၆ ရက်နေ့မှာတော့ ဂျပန်နိုင်ငံ တိုကျိုမြို့ကို သွားရောက်မှာ ဖြစ်ပါတယ်။

အသုံးစရိတ်လျော့ပြီး ကျစ်လစ်တဲ့ စစ်ဗျူဟာ အမေရိကန် ချမှတ်မည်
By VOA (မြန်မာပိုင်း)
တချိန်ထဲမှာ စစ်ပွဲနှစ်ပွဲကို တိုက်ခိုက်နိုင်တဲ့ စွမ်းရည်ရှိတဲ့ တပ်ဖွဲ့တခုကို ထိန်းသိမ်းထားဖို့ဆိုတဲ့ အမေရိကန် စစ်ဌာနချုပ် (Pentagon) ရဲ့ မဟာဗျူဟာကို အဆုံးသတ်မယ့် အစီအစဉ်တခုကို အမေရိကန် ကာကွယ်ရေးဝန်ကြီး လီယွန် ပန်နက်တား (Leon Panetta) က ကြေညာတော့မယ်လို့ ခန့်မှန်း ထားကြပါတယ်။

ဆယ်စုနှစ်ပေါင်းများစွာ ကိုင်စွဲလာခဲ့တဲ့မူဝါဒကို အဆုံးသတ်တော့မယ့် အစီအစဉ်ဟာ မကြာခင် ကြုံလာတော့မယ့် ဘဏ္ဍာငွေ ဖြတ်တောက်ခံရတော့မယ့် အခြေအနေကို ရင်ဆိုင်နိုင်အောင် နည်းလမ်းရှာဖို့ ပန်နက်တားက ညွှန်ကြားထားတဲ့ မဟာဗျူဟာ ပြန်လည်သုံးသပ်ခြင်း အစီအစဉ်ရဲ့ တစိတ်တပိုင်းဖြစ်ပါတယ်။

ဒီကိစ္စကို ဒီကနေ့ ကြာသပတေးနေ့မှာ ပန်နက်တားက ၀ါရှင်တန် မြို့တော်မှာ ကြေညာမယ်လို့ ခန့်မှန်း ထားကြပါတယ်။

ပန်တဂွန်စစ်ဌာနချုပ်အနေနဲ့ စစ်ပွဲတပွဲကို အနိုင်တိုက်နိုင်သလို တချိန်ထဲမှာပဲ ကမ္ဘာ့ ဘယ်နေရာမှာပဲ ဖြစ်ဖြစ် ရန်လိုတဲ့ အပြုအမူ တွေကို တားဆီးပိတ်ဆို့နိုင်တဲ့ ဒါမှမဟုတ် ဖျက်ဆီးပစ်နိုင်တဲ့ စွမ်းရည် ရှိနေမယ့် မဟာဗျူဟာတရပ်ကို ဖန်တည်းမှာဖြစ်တယ်လို့ အမေရိကန် သတင်း မီဒီယာတွေက အစီရင်ခံကြပါတယ်။

တပ်ဖွဲ့အရေအတွက်ကို လျှော့ချဖို့၊ အရပ်ဘက်ဝန်ထမ်းတွေကို လျှော့ချဖို့နဲ့ လေယာဉ်တင်သင်္ဘော အသစ်တစင်း တည်ဆောက်ဖို့ အပါအ၀င် လက်နက်သစ်တွေ ထုတ်လုပ်မယ့် အစီအစဉ် အများအပြားကို ရွှေ့ဆိုင်းပစ်ဖို့ အစီအစဉ်တွေကို ပန်နက်တားက ကြေညာလိမ့်မယ်လို့ သတင်းတွေကပြောပါတယ်။

မြန်မာပြည်သူတွေ ဒီမိုကရေစီမျှော်မှန်းချက် အမေရိကန်ထောက်ခံ
By ဗွီအိုအေ(မြန်မာဌာန)
အခုကျရောက်တဲ့ ၆၄ ကြိမ်မြောက် မြန်မာနိုင်ငံ လွတ်လပ်ရေး အတွက် အမေရိကန်ပြည်ထောင်စု ကလည်း ကြေညာချက်တရပ် ထုတ်ပြန်ထားပါတယ်။ မြန်မာနိုင်ငံရဲ့ ငြိမ်းချမ်းရေး၊ သာယာဝပြောရေးနဲ့ ဒီမိုကရေစီရေးအတွက် အမေရိကန်ပြည်ထောင်စုအနေနဲ့ အပြည့်အဝထောက်ခံ အားပေးပါတယ်လို့ ပြောထားပါတယ်။
မြန်မာနိုင်ငံအပေါ်မှာ အခြေခံကျကျ ဆက်ဆံသွားရေးကို အမေရိကန်ပြည်ထောင်စုအနေနဲ့ ဆက်ပြီးတော့ လုပ်ဆောင်မှာဖြစ်သလိုပဲ မြန်မာပြည်သူတွေ တောင့်တလိုလားနေတဲ့ ဒီမိုကရေစီရေး အတွက် ပြုပြင်ပြောင်းလဲမှုတွေ၊ တိုးတက်မှုတွေကို အားပေးထောက်ခံသွားမယ်လို့ အမေရိကန်နိုင်ငံခြားရေးဌာန ပြောခွင့်ရသူ ဗစ်တိုးရီးယား နျူလန်က ပြောပါတယ်။
နိုင်ငံရေးအကျဉ်းသားတွေကို လွှတ်ပေးဖို့၊ နောက် တိုင်းရင်းသားဒေသတွေမှာ စစ်ဆင်တာတွေကို ရပ်စဲဖို့နဲ့ အမျိုးသားပြန်လည်သင့်မြတ်ရေးအတွက် တိုင်းရင်းသားလူနည်းစုတွေနဲ့ဆွေးနွေးဖို့ ကိစ္စရပ်တွေကိုလည်း အမေရိကန်ပြည်ထောင်စုအနေနဲ့ မြန်မာအစိုးရကို ဆက်ပြီးတော့ တိုက်တွန်းတောင်းဆိုသွားမယ်လို့ ဆိုပါတယ်။ ဒါ့အပြင် အခုလာမယ့် ဧပြီလ ၁ ရက်နေ့၊ ကြားဖြတ်ရွေးကောက်ပွဲမှာ နိုင်ငံရေးအဖွဲ့အစည်းတွေအားလုံး လွတ်လွတ်လပ်လပ် ပါဝင်ခွင့်ရဖို့နဲ့ နိုင်ငံတကာ စံနှုန်းစံထားအရ အခွင့်အရေးတွေ မြန်မာပြည်သူတွေ ခံစားခွင့်ရဖို့ ဥပဒေပြဌာန်းချက်တွေ ဆောင်ရွက်နိုင်ခွင့်ရဖို့ကိုလည်း တိုက်တွန်းသွားမယ်ဆိုပြီးတော့ အမေရိကန်နိုင်ငံခြားရေးဌာနက ထုတ်ပြန်ထားပါတယ်။

လက်ထောက်နိုင်ငံခြားရေးဝန်ကြီး Kurt Campbell တရုတ်ထိပ်တန်းအရာရှိတွေနဲ့ဆွေးနွေး
By ဗွီအိုအေ (မြန်မာဌာန)
အမေရိကန်ပြည်ထောင်စုရဲ့ အရှေ့အာရှနဲ့ ပစိဖိတ်ဒေသဆိုင်ရာ လက်ထောက်နိုင်ငံခြားရေးဝန်ကြီး ကပ်၊ ကမ့်ဘဲလ်( Kurt Campbell) တရုတ်နိုင်ငံက အဆင့်မြင့်အရာရှိတွေနဲ့ ဘေဂျင်းမြို့တော်မှာ တွေ့ဆုံခဲ့ပါတယ်။ မြောက်ကိုရီးယားခေါင်းဆောင် ကင်မ်ဂျုံအီးလ်ကွယ်လွန်ပြီးတဲ့နောက်ပိုင်း ငြိမ်းချမ်းမှုနဲ့တည်ငြိမ်မှုတွေ ရရှိဖို့ကိစ္စနဲ့ ပတ်သက်ပြီးတော့ ပြောဆိုဆွေးနွေးကြတာပါ။
မြောက်ကိုရီးယားနဲ့ပတ်သက်ပြီးတော့ တရုတ်နဲ့အမေရိကန်ကြားမှာရှိတဲ့ တူညီတဲ့ဦးစားပေးကိစ္စတချို့ အကြောင်းကို တရုတ်နိုင်ငံခြားရေးဝန်ကြီးဌာနက အရာရှိတွေနဲ့ တွေ့ဆုံပြောဆိုခဲ့တာလို့ ကပ်၊ ကမ့်ဘဲလ်က ဆိုပါတယ်။
အာရှ-ပစိဖိတ်ဒေသတွင်း နိုင်ငံအားလုံးအနေနဲ့ အခြေအနေတွေကို သတိထားပြီးတော့ ဆက်ဆံကြဖို့၊ ရန်စမှုတွေထပ်ပြီးတော့ ဖြစ်မလာအောင်သတိထားကြဖို့ကိုလည်း တိုက်တွန်းခဲ့ပါတယ်။ တရုတ်နဲ့ မြောက်ကိုရီးယားရဲ့ နီးကပ်တဲ့ဆက်ဆံရေးမှာ မြောက်ကိုရီးယားနိုင်ငံကို ဒီမိုကရေစီပြုပြင် ပြောင်းလဲမှုတွေ ဖြစ်ပေါ်လာအောင် တရုတ်ဘက်က တွန်းအားပေးလုပ်ဆောင်ဖို့ တရုတ်နိုင်ငံကို အမေရိကန်ဘက်ကနေ မကြာခဏတိုက်တွန်းနေတာပါ။
ဒီဇင်ဘာလ ၁၇ ရက်နေ့က မစ္စတာ ကင်မ်ဂျုံအီးလ်ကွယ်လွန်ပြီးတဲ့နောက်ပိုင်း အာရှ-အရှေ့မြောက် ပိုင်းကို မစ္စတာ ကပ်၊ ကမ့်ဘလဲလ်က အမေရိကန်ဘက်က အဆင့်အမြင့်ဆုံးပုဂ္ဂိုလ်တဦးအနေနဲ့ ပထမဦးဆုံး ရောက်လာခဲ့တာပါ။ တောင်ကိုရီးယားနဲ့ဂျပန်နိုင်ငံကိုလည်း မစ္စတာ ကပ်၊ ကမ့်ဘဲလ် ခရီးထွက်မှာဖြစ်ပြီးတော့ သူ့ရဲ့ခရီးစဉ်အတွင်းမှာ မြန်မာ့အရေးကိုလည်း ထည့်သွင်းပြောဆိုဖို့ ရှိပါတယ်။

အိုင်အိုဝါရွေးကောက်ပွဲ Mitt Romney ကပ်ပြီးနိုင်
By ဗွီအိုအေ (မြန်မာဌာန)
ဒီနှစ်နိုဝင်ဘာလမှာကျင်းပမယ့် အမေရိကန်ပြည်ထောင်စုက သမ္မတရွေးကောက်ပွဲမှာ ရီပတ်ဘလစ်ကန်ပါတီဘက်က သမ္မတလောင်းအဖြစ် ဝင်ပြိုင်ဖို့ အိုင်အိုဝါပြည်နယ်မှာ မနေ့က မဲပေးရွေးချယ်ခဲ့တဲ့အခါ မက်ဆာချူးဆက်စ်ပြည်နယ်၊ အုပ်ချုပ်ရေးမှူးဟောင်း Mitt Romney က အနိုင်ရခဲ့ပါတယ်။
သူနဲ့ပြိုင်ဘက် Rick Santorumကို မဲအနည်းငယ်နဲ့ကပ်ပြီး အနိုင်ရခဲ့တာပါ။ အခုတလော လူကြိုက်များနေတဲ့ Rick Santorum ကို ထိပ်ဆုံးမှာ အမြဲရှိနေတဲ့ Mitt Romney က ၈ မဲအသာနဲ့ အနိုင်ရသွားခဲ့တယ်လို့ ရီပတ်ဘလစ်ကန်ပါတီက ဒီကနေ့ ကြေညာပါတယ်။
Mitt Romney က မဲ ၃၀,၀၁၅ ရပြီး Rick Santorumက ၃၀,၀၀၇ မဲရခဲ့တာပါ။ နောက်ထပ်ပြိုင်ဘက် တဦးဖြစ်တဲ့ စစ်ဆန့်ကျင်ရေးသမား Ron Paul ကတော့ မဲတွေရဲ့ ၂၁ ရာခိုင်နှုန်းပဲ ရခဲ့ပါတယ်။ Mitt Romney က သူ့ရဲ့အဓိကပြိုင်ဘက် Rick Santorum ကို ဂုဏ်ယူတယ်လို့ ဒီကနေ့ ပြောဆိုလိုက်ပြီး အိုင်အိုဝါပြည်နယ်က မဲပေးကြတဲ့သူတွေကိုလည်း ကျေးဇူးတင်စကားပြောပါတယ်။
အိုင်အိုဝါပြည်နယ်ရဲ့မြို့တော် ဒီမွိုင်းစ်မှာပြောခဲ့တဲ့ Mitt Romney ရဲ့မိန့်ခွန်းထဲမှာ သူ့ရဲ့စီးပွားရေးလုပ်ငန်း အတွေ့အကြုံတွေကို အဓိကထား ပြောဆိုခဲ့ပြီး လက်ရှိသမ္မတ ဘာရက်၊ အိုဘားမားရဲ့ အလုပ်အကိုင်တွေပြန်ရရေး ကြိုးပမ်းမှုတွေကိုလည်း ဝေဖန်ခဲ့ပါတယ်။

ထားဝယ် ကျောက်မီးသွေးစက်ရုံ စီမံကိန်း ဆန္ဒပြ
တနင်္သာရီတိုင်း ထားဝယ်ဒေသ၌ တည်ဆောက်မည့် ကျောက်မီးသွေးစက်ရုံ စီမံကိန်းကို ဒေသခံ ၂၀၀ ကျော်က ယနေ့ မောင်း မကန် ကမ်းခြေတွင် ကန့်ကွက်ဆန္ဒပြကြောင်း သိရသည်။ ယင်းစီမံကိန်းကြောင့် သဘာဝပတ်ဝန်းကျင် ညစ်ညမ်းပျက်စီးပြီး ဒေ သခံများ အတွက် ထိခိုက်နစ်နာမှုများ ဖြစ်ပေါ်လာနိုင်၍ ထိုသို့ ကန့်ကွက်ရခြင်းဖြစ်ကြောင်း ဆန္ဒပြရာတွင် ပါဝင်သူများက ပြော သည်။ ဆန္ဒပြ အစီအစဉ် ကို Green Development လှုပ်ရှားမှုဟု အမည်ပေးထားကြောင်း သိရသည်။

လွတ်ငြိမ်းချမ်းသာခွင့် နိုင်ငံရေးအကျဉ်းသား နည်း
သမ္မတ ဦးသိန်းစိန် အစိုးရက လွတ်ငြိမ်းချမ်းသာခွင့်ဖြင့် ထောင်ဒဏ်များကို လျှော့ချကြောင်း ဇန်နဝါရီလ ၂ ရက်နေ့တွင် ကြေညာလိုက်သည်။ လွတ်ငြိမ်းချမ်းသာခွင့် အမိန့်တွင် သေဒဏ်ကို ထောင်ဒဏ်တသက်တကျွန်း၊ နှစ် ၃၀ ကျော် ထောင်ဒဏ်များကို နှစ် ၃၀၊ နှစ် ၂၀ နှင့် ၃၀ ကြား ထောင်ဒဏ်များကို နှစ် ၂၀၊ နှစ် ၂၀ အောက် ထောင်ဒဏ်များကို ၄ ပုံ ၁ ပုံသို့ အသီးသီး လျှော့ချလိုက်သည်။ လတ်တလော ရရှိသည့် စာရင်းများအရ လွတ်ငြိမ်းချမ်းသာခွင့်ဖြင့် လွတ်မြောက်လာသူများထဲတွင် နိုင်ငံရေးအကျဉ်းသား ၃၅ ဦးသာ ပါဝင်ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ ထုတ်ပြန်ချက်တွင် ဖော်ပြထားသည်။

အစိုးရ အပြောနှင့်အလုပ် မညီ
နိုင်ငံရေးအကျဉ်းသား အနည်းငယ်သာ လွတ်မြောက်လာသည့် ကိစ္စနှင့် ပတ်သက်၍ သမ္မတ ဦးသိန်းစိန် အစိုးရသည် အပြောနှင့်အလုပ် မညီဟု ဒေါ်အောင်ဆန်းစုကြည်က ပြောဆိုလိုက်သည်။ ၀ါရင့်နိုင်ငံရေးသမားကြီးများ ဦးစီးကျင်းပသည့် ၆၄ နှစ်မြောက် လွတ်လပ်ရေးနေ့ အခမ်းအနားတွင် ဒေါ်အောင်ဆန်းစုကြည်က ယင်းသို့ ပြောဆိုခြင်း ဖြစ်သည်။ ဒေါ်အောင်ဆန်းစုကြည်က နိုင်ငံရေးအကျဉ်းသားများ လွတ်မြောက်လာမှု အင်မတန် နည်းပါးသည့်အတွက် အားမရကြောင်း၊ နိုင်ငံရေးအကျဉ်းသားများ လွတ်လာရန် ဆက်လက် ကြိုးပမ်းရမည်ဖြစ်ကြောင်းလည်း ပြောဆိုသည်ဟု ၀ါရင့်နိုင်ငံရေးသမားကြီး ရွှေတောင်ဦးအုန်းမောင်က ပြောသည်။

နိုင်ငံရေးအကျဉ်းသားများ မလွတ်လျှင် ရုပ်ရှင် မရိုက်ချင်
နိုင်ငံရေးအကျဉ်းသားများ မလွတ်သေးသမျှ ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင် အပါအဝင် မည်သည့်ရုပ်ရှင်မှ ပါဝင်ရိုက်ကူးလိုခြင်း မရှိတော့ကြောင်း ကိုဇာဂနာက ဆိုသည်။ သမ္မတ ဦးသိန်းစိန် အစိုးရ၏ လွတ်ငြိမ်းချမ်းသာခွင့်ဖြင့် ထောင်ဒဏ်များ လျှော့ချပြီးနောက် လွတ်မြောက်လာသူများတွင် နိုင်ငံရေး အကျဉ်းသား ၃၀ ကျော်သာ ပါဝင်ကြောင်း သိရပြီးနောက် ကိုဇာဂနာက ၎င်း၏ ဖေ့စ်ဘုတ်တွင် ထိုသို့ ရေးသားထားခြင်း ဖြစ်သည်။

ထိုးစစ်ရပ်ရန် ညွှန်ကြားအပြီး တိုက်ပွဲ ၁၀၀ ထပ်ဖြစ်
ဧရာဝတီ on January 4, 2012
 သမ္မတ ဦးသိန်းစိန်က ကချင်ဒေသထိုးစစ်များ ရပ်ဆိုင်းရန် ယခင်လက ညွှန်ကြားခဲ့ပြီး နောက်ပိုင်းတွင် ကချင်လွတ်လပ်ရေး တပ်မတော် (KIA) လှုပ်ရှားသည့် နယ်မြေအတွင်း တိုက်ပွဲပေါင်း အကြိမ် ၁၀၀ ၀န်းကျင်  ဖြစ်ပွားခဲ့ကြောင်း သိရသည်။
“ဒီဇင်ဘာလ တလလုံးမှာ ဖြစ်တဲ့ တိုက်ပွဲတွေက အကြိမ် ၁၆၀ ကျော်ရှိတယ်၊ ဦးသိန်းစိန်ပြောတဲ့ ဒီဇင်ဘာလ ၁၀ ရက်နေ့ နောက်ပိုင်းမှာပဲ ဖြစ်တဲ့ တိုက်ပွဲတွေက မနေ့ကအထိ ဆိုရင် အကြိမ်က ၉၀ ကျော်လောက် ရှိတယ်၊ ဒါကို ကြည့်ခြင်းအားဖြင့် တိုက်ပွဲ အရှိန်က လျော့မသွားဘူး” ဟု KIA ၏ နိုင်ငံရေး ဦးဆောင်အဖွဲ့ ဖြစ်သော ကချင်လွတ်လပ်ရေး အဖွဲ့ (KIO) ၏ တွဲဘက် အထွေထွေ အတွင်းရေးမှူး ဦးလနန်က ဧရာဝတီကို ယနေ့ ပြောပြပြသည်။