02.01.2011 နေ့ဖတ်ရန်သတင်းများ

by Myanmar Journal on Monday, January 2, 2012 at 8:22am

 

 
မြန်မာအစိုးရ ဓာတ်ဆီဈေး ပြောင်းလဲသတ်မှတ်
By ဗွီအိုအေ (မြန်မာဌာန)

မြန်မာနိုင်ငံ ရန်ကုန်မြို့မှာ ရောင်းချနေတဲ့ ဓာတ်ဆီဈေးနှုန်းကို နှစ်ဆန်း ၁ ရက်နေ့မှာပဲ ၃၀% ကျော် တိုးမြှင့်လိုက်ပါတယ်။ ဓာတ်ဆီ တစ်ဂါလံကို မူလက ၂,၅၀၀ ကျပ်နှုန်းနဲ့ ရောင်းချနေရာက တနင်္ဂနွေနေ့ကစလို့ ၃,၃၅၀ ကျပ်နှုန်းနဲ့ အစိုးရပိုင် ဆိုင်တွေမှာ စတင် ရောင်းချတာကို ယာဉ်ပိုင်ရှင်တွေ ရုတ်တရက် သိခဲ့ကြရတာပါ။ သဘာဝဓာတ်ငွေ့ (CNG) နဲ့ ဒီဇယ်ဈေးနှုန်းတွေကတော့ အပြောင်းအလဲ မရှိခဲ့ပါဘူး။

လွန်ခဲ့တဲ့ ၂ နှစ်ကစလို့ အစိုးရက ဓာတ်ဆီဆိုင်တွေကို ပုဂ္ဂလိက လုပ်ငန်းရှင်တွေကိုပါ စတင် လုပ်ကိုင်ခွင့် ပြုခဲ့ပေမဲ့ ဈေးနှုန်းနဲ့ ဖြန့်ဖြူးမှုတွေကိုတော့ ဆက်လက် ထိန်းချုပ်ထားတာ ဖြစ်ပါတယ်။ ယာဉ်တစ်စင်းအတွက် တစ်နေ့ကို ဓာတ်ဆီ ၂ ဂါလံနှုန်းသာ ဖြည့်ခွင့် ပြုထားတာ ဖြစ်တဲ့အတွက် ပြင်ပမှောင်ခို ဓာတ်ဆီဈေးကွက်လည်း ဆက်လက်ရှိနေခဲ့တာပါ။
လောင်စာဆီဈေးနှုန်း ရုတ်တရက် တိုးမြှင့်တဲ့အတွက် ကုန်ဈေးနှုန်းတွေ တက်ခဲ့ရာက ဈေးနှုန်းတွေ ပြန်ချပေးဖို့ တောင်းဆိုဆန္ဒပြ လှုပ်ရှားမှုတွေလည်း ၂၀၀၇ ခုနှစ်မှာတုန်းက ပေါ်ပေါက်ခဲ့ဖူးပါတယ်။ မြန်မာနိုင်ငံမှာ ပြီးခဲ့တဲ့နှစ် မတ်လကုန်ကစလို့ အစိုးရသစ် တက်လာပြီးတဲ့နောက် နိုင်ငံရေးနဲ့ စီးပွားရေး အပြောင်းအလဲတွေ လုပ်ဆောင်လာတာနဲ့အတူ အစိုးရက သတ်မှတ်ထားတဲ့ အခွန်အခတွေ၊ နှုန်းထားတွေကိုလည်း ပြင်ဆင်မှုတွေ လုပ်လာခဲ့တာပါ။
ပြီးခဲ့တဲ့ နှစ်ကုန်ပိုင်းမှာပဲ လျှပ်စစ်မီတာခတွေကို နှစ်ဆတိုး ကောက်ခံမယ်လို့ အစိုးရ တာဝန်ရှိသူတွေ ပြောခဲ့ကြတာဖြစ်ပေမဲ့ လူတွေရဲ့ မကျေမနပ်သံတွေ ထွက်ပေါ်လာပြီးတဲ့ နောက်မှာတော့ ဒီအစီအစဉ်ကို ချက်ချင်းလက်ငင်း စတင်မှာ မဟုတ်သေးဘူးလို့ နောက်ပိုင်းမှာ ပြောဆိုလာကြတာလည်း ဖြစ်ပါတယ်။

ဂျာနယ်ကျော် ဦးချစ်မောင် နှစ် ၁၀၀ ပြည့်
 ဦးချစ်မောင် စာ သတင်းစာဆရာ တွေ ထဲ နေတဆူ လ တဆူ အဖြစ်ရှိနေ လို့ ဆို
မြန်မာပြည် လွတ်လပ်ရေး တိုက်ပွဲဝင် ကာလ က ထင်ရှားကျော်ကြား ခဲ့တဲ့ ဂျာနယ်ကျော် ဦးချစ်မောင် ရဲ့ နှစ် ၁၀၀ ပြည့် အခမ်းအနား ကို တနင်္ဂနွေနေ့မှာ အမျိုးသား ဒီမိုကရေစီ အဖွဲ့ချုပ် NLD က ဦးစီး ကျင်းပ ခဲ့ပါတယ်။
မြန်မာ့ သတင်းစာ စာနယ်ဇင်းလောက မှာ နေတဆူ လတဆူ လို ထွန်းတောက်ခဲ့တဲ့ ဂျာနယ်ကျော် ဦးချစ်မောင် ကို ဂုဏ်ပြုဖို့ အတွက် အခု အခမ်း အနား ကို စီစဉ်ရတာ ဖြစ်ကြောင်း နဲ့ ဦးချစ်မောင် ဂျာနယ်ကျော်မှာ ရေးသားခဲ့တဲ့ အာဘော်တွေ ဆောင်းပါးတွေ ဟာ မြန်မာ့ နိုင်ငံရေး ကို အဲဒီ အချိန် က ပါဝင်လှုပ်ရှားသူ တွေ အတွက် ရှင်းလင်း တဲ့ အမြင်ကို ရစေခဲ့ တယ် လို့ NLD ခေါင်းဆောင် တဦး ဖြစ်တဲ့ ဦးဝင်းတင် က ပြောပါတယ်။
ဂျာနယ်ကျော် ဂျာနယ် ကို ဦးစီးထုတ်ဝေခဲ့သူ ဦးချစ်မောင် ဟာ ဖက်ဆစ်တော်လှန်ရေး ကာလ မှာ မြေအောက်လှုပ်ရှားသူ တဦးလည်း ဖြစ်ခဲ့သလို ဖဆပလ အဖွဲ့ရဲ့ အလုပ် အမှုဆောင် တဦးလည်း ဖြစ်ခဲ့ ပါတယ်။
သူရေးသား ခဲ့တဲ့ စာအုပ် တွေ ထဲက သူ ၊ ကမ္ဘာကြီး ပျက်ဆီးတော့မည်လော စတဲ့ စာအုပ် တွေ က လူကြိုက်များခဲ့ပါတယ်။
သူကွယ်လွန်ပြီး နောက်ပိုင်း ဇနီးဖြစ်သူ ဂျာနယ်ကျော် မမလေး က ဦးချစ်မောင် အကြောင်း ကို သူလိုလူ အမည် နဲ့ စာအုပ်ရေးသား ခဲ့ပြီး အဲဒီ စာအုပ် ဟာ လည်း လူ အဖတ်များ တဲ့ စာအုပ် တအုပ် ဖြစ်ခဲ့ပါတယ်။

တောင်ပိုင်း ဆူဒန်ရဲ့ သမ္မတ ဆဲလ်ဗာ ကီးရာPibo မြို့ကို တောင်ပိုင်းဆူဒန် အစိုးရ ပြန်သိမ်း
တောင်ပိုင်း ဆူဒန် နိုင်ငံမှာ ပြီးခဲ့တဲ့ စနေနေ့တုန်းက လူမျိုးစု အဖွဲ့တခု သိမ်းပိုက်ထားတဲ့ Pibor မြို့ကို အစိုးရတပ်တွေက ပြန်သိမ်းလိုက်နိုင်ပြီလို့ အဲဒီဒေသက ကုလသမဂ္ဂ တပ်ဖွဲ့တွေက ပြောပါတယ်။
ဒါပေမယ့် မြို့စွန်နားမှာတော့ ထောင်သောင်းချီတဲ့ Lou Nuer လူမျိုးစု တိုက်ခိုက်ရေး သမားတွေ ဆက်ရှိနေဆဲ ဖြစ်ပြီး တိုက်ခိုက်မှုတွေကြောင့် ထွက်ပြေးလာတဲ့ သူတို့ရဲ့ ပြိုင်ဖက် လူမျိုးစု အဖွဲ့က လူတွေကို အန္တရာယ် ပြုနေတယ်လို့ ဆိုပါတယ်။
တောင်ပိုင်း ဆူဒန်မှာ လူမှု ကယ်ဆယ်ရေး ပရဟိတ လုပ်ငန်းတွေ လုပ်ဆောင်နေတဲ့ နယ်စည်းမခြား ဆရာဝန်များ အဖွဲ့ကလည်း သူတို့ ဝန်ထမ်း ၁၃ဝ ကျော်ရဲ့ လုံခြုံရေးနဲ့ ပတ်သက်လို့ စိုးရိမ်နေရကြောင်း ပြောပါတယ်။
သမ္မတ Salva Kiir က လူနွာလူမျိုးစုတွေရဲ့ တိုက်ခိုက် သိမ်းပိုက်မှုကို ရပ်တန့်ဖို့ ပန်ကြားထားပါတယ်။

Arab League စစ်ဆေးရေးမှူးတွေ ပြန်ရုတ်ဖို့ အကြံပေးအာရပ် အဖွဲ့ချုပ်က လွှတ်ထားတဲ့ စစ်ဆေးရေးမှူးတွေ ရုတ်သိမ်းဖို့ အကြံပေး
ဆီးရီးယားမှာ အာရပ် အဖွဲ့ချုပ်က လွှတ်ထားတဲ့ စစ်ဆေးရေးမှူးတွေရဲ့ လေ့လာ စုံစမ်းရေး ခရီးစဉ် အတွင်း အစိုးရက လူထုအပေါ် ဆက်လက် ဖိနှိပ်မှုတွေ ဖြစ်ပေါ်နေတာကြောင့် ရုတ်သိမ်းပေးဖို့ အဖွဲ့ချုပ်ရဲ့ အကြံပေး အဖွဲ့တခုက ပန်ကြား လိုက်ပါတယ်။
စစ်ဆေးရေးမှူးတွေ ဆီးရီးယားမှာ ဆက်ရှိနေတာဟာ သူတို့ အဆိုအရ အစိုးရရဲ့ လူမဆန်တဲ့ လုပ်ရပ်တွေကို ဆက်လုပ်ခွင့် ပေးထားသလို ဖြစ်နေတယ်လို့ အာရပ် ပါလီမန် ဥက္ကဌက ပြောပါတယ်။
အာရပ် အဖွဲ့ချုပ်က စစ်ဆေးရေးမှူး အဖွဲ့တွေ ပြီးခဲ့တဲ့ အင်္ဂါနေ့တုန်းက ဆီးရီးယားကို ရောက်လာခဲ့ပေမယ့် လွန်ခဲ့တဲ့ သီတင်းပတ် အတွင်းမှာကိုဘဲ အဓိကရုန်းတွေ ဆက်လက် ထပ်မံ ပေါ်ပေါက်ခဲ့တာ ဖြစ်ပါတယ်။

 ရေနံထွက်တဲ့ နိုင်ဂျီးရီးယား အစိုးရထောက်ပံ့မှု ဖြတ်တောက်
နိုင်ဂျီးရီးယား နိုင်ငံမှာ အငြင်းပွားစရာ ဖြစ်နေတဲ့ အစိုးရက လောင်စာဆီဈေး သက်သာအောင် ထောက်ပံ့ပေးနေတဲ့ အစီအစဉ်ကို ရုတ်သိမ်းတော့မယ်လို့ အာဏာပိုင်တွေက ကြေညာခဲ့ ပါတယ်။
တိုင်းပြည်မှာ လောင်စာဆီ ဈေး သက်သာစေဖို့ အစိုးရက ထောက်ပံ့ပေးနေရတဲ့ အတွက် နှစ်စဉ် ဒေါ်လာ သန်းရှစ်ထောင်လောက် ကုန်ကျခဲ့ပြီး အခုလို ဖျက်သိမ်းလိုက်ရင် လောင်စာဆီ ဈေးသိသိသာသာ မြင့်တက်လာတော့မှာ ဖြစ်ပါတယ်။
ဒီလို ဖျက်သိမ်းတဲ့ အစီအစဉ်ကို နိုင်ဂျီးရီးယား သမဂ္ဂတွေက အပြင်းအထန် ဆန့်ကျင် ကန့်ကွက်ခဲ့ပြီး ရေနံထွက်တဲ့ တိုင်းပြည် အနေနဲ့ အခုလို လောင်စာဆီဈေး သက်သာအောင် ထောက်ပံ့ပေးမှု ကသာလျှင် လူထုကို အကျိုးအမြတ် ရစေတယ်လို့ အများအပြားက တွက်ဆ ကြတာ ဖြစ်ပါတယ်။

အစ္စရေးနဲ့ ပါလက်စတိုင်း ညှိနှိုင်းရေးမှူးတွေ ပထမဆုံး တွေ့ဖို့ သဘောတူ
 ဂျူးအခြေချ အိမ်ယာ ဆောက်လုပ်မှုကြောင့် ငြိမ်းချမ်းရေး ဆွေးနွေးပွဲပျက်ခဲ့ရ
အစ္စရေးနဲ့ ပါလက်စတိုင်း ညှိနှိုင်းရေးမှူးတွေဟာ ငြိမ်းချမ်းရေး ဆွေးနွေးပွဲတွေ ပြန်လည် ကျင်းပနိုင်ဖို့ ကြိုးစားခဲ့တဲ့ တနှစ်ကျော် ကာလအတွင်း ပထမဆုံးအကြိမ် ဆုံတွေ့ကြဖို့ သဘောတူညီမှု ရခဲ့ပါတယ်။
ငြိမ်းချမ်းရေး တိုက်ရိုက် ဆွေးနွေးပွဲတွေ ကျင်းပနိုင်ဖို့ လေးလေးနက်နက် ကြိုးစားမှုရဲ့ တစိတ်တပိုင်း အဖြစ် အစီအစဉ် တရပ်ကို မနက်ဖန် အင်္ဂါနေ့ကျရင် သူတို့က ကမကထ ပြုပြီး တွေ့ဆုံ စည်းဝေးစေမယ်လို့ ဂျော်ဒန် အစိုးရက ဆိုပါတယ်။
ကုလသမဂ္ဂ ၊ ဥရောပ သမဂ္ဂ ၊ အမေရိကန်နဲ့ ရုရှားတို့ ပါဝင်တဲ့ အရှေ့အလယ်ပိုင်း ကွာတက် အဖွဲ့က သံတမန်တွေလည်း အဲဒီ အစည်းအဝေးကို တက်ရောက်မှာ ဖြစ်ပါတယ်။
အစ္စရေးက ဂျုးအခြေချ အိမ်ယာတွေ ဆက်လက် ဆောက်လုပ်နေတာကြောင့် ၂ဝ၁ဝ စက်တင်ဘာလ တုန်းက ကျင်းပခဲ့တဲ့ ညှိနှိုင်း ဆွေးနွေးပွဲကတော့ ပျက်သွားခဲ့ ပါတယ်။

တောင်ပိုင်း ဆူဒန် မှာ ကျန်းမာရေး ဝန်ထမ်းတွေရဲ့ လုံခြုံရေး စိုးရိမ်နေရ
တောင်ပိုင်း ဆူဒန် မှာ ကူညီနေသူ နိုင်ငံတကာ ကျန်းမာရေး ဝန်ထမ်းတဦး
ကျန်းမာရေး ပြုစုစောင့်ရှောက်မှု ပေးနေတဲ့ နိုင်ငံတကာ အဖွဲ့ ကြီး တခု ဖြစ်တဲ့ MSF က ဝန်ထမ်း ၁၃၀ ကျော် ဟာ ဆူဒန် နိုင်ငံ တောင်ပိုင်း မှာ ထောင်နဲ့ ချီတဲ့ လက်နက် ကိုင် တွေ ရဲ့တိုက်ခိုက်မှု ကနေ လွတ်အောင် တောတွေ ထဲ ဝင်ရောက် ပုန်းအောင်း တိမ်းရှောင် နေရပြီး အခြေအနေ က အလွန်စိုးရိမ်စရာ တွေဖြစ်နေတယ် လို့ MSFပြောပါတယ်။
MSF ရဲ့ ပြောခွင့်ရ ပုဂ္ဂိုလ် ပါသစ်စာရသီ ရာဂျာ ဒရန် က ဝန်ထမ်း အများအပြားနဲ့ အဆက်အသွယ် ပြတ် နေတယ်၊ အလွန်အမင်း စိတ်ပူ နေရတယ် လို့ ပြောပါတယ်။
တောင်ပိုင်းဆူဒန် က ပီဘာ မြို့ ဟာ Luo Nuer မျိုးနွယ်စုဝင် လက်နက်ကိုင် တွေ ရဲ့ လက်အောက် ကို ပြီးခဲ့တဲ့ စနေ နဲ့ ကတည်း က ကျရောက် နေပါတယ်။
လက်နက်ကိုင် တွေ ဟာ မြို့တွင်း က အဆောက် အဦတွေ၊ ခရစ်ယာန် ဘုရားရှိခိုးကျောင်း တွေ ၊ အိမ်တွေ ကို မီးတင်ရှို့ နေတယ်၊ လုယက်တာတွေ လုပ်နေတယ် လို့ မျက်မြင် သက်သေ တွေ က ဘီဘီစီ ကို ပြောပါတယ်။
ပြီးခဲ့တဲ့ လ တွေ အတွင်း Murle မျိုးနွယ်စု လက်နက်ကိုင်တွေ ရဲ့ တိုက်ခိုက်မှု တွေ ကို ပြန်လည် လက်စားချေ ကြတာ ဖြစ်ပါတယ်။
MSF က အခြေအနေ တွေ ငြိမ်သက်သွားတာနဲ့ တပြိုင်နက် သူတို့ ရဲ့ အကူအညီ ပေးရေး အစီအစဉ် တွေ ပြန်စတင်မယ် လို့ ပြောပါတယ်။

ပြည်နယ်ထွက် သယံဇာတ ဒေသခံတွေ ခံစားခွင့်ရှိဖို့ ရခိုင်အမတ်တွေ ကြိုးပမ်း
By မအေးအေးမာ
မြန်မာနိုင်ငံ အနောက်ဘက် ရခိုင်ပြည်နယ်က သယံဇာတတွေကို ဒေသခံပြည်သူတွေ ခွဲဝေခံစားခွင့်ရဖို့ ရခိုင်တိုင်းရင်းသား လွှတ်တော်ကိုယ်စားလှယ်တွေ ကြိုးပမ်းနေကြပါတယ်။ ရခိုင်ပြည်နယ် ကျောက်ဖြူမြို့မှာ ဒီကနေ့ ဒေသခံအများအပြားနဲ့ တွေ့ဆုံပြီး ဆွေးနွေးခဲ့ရမှာ လူထုအတွက် အကျိုးခံစားခွင့်ရဖို့ လွှတ်တော်မှာ တင်ပြလို့ ထူးခြားမလာဘူးဆိုရင် လူထုလှုပ်ရှားမှုတွေနဲ့ တောင်းဆိုအထိ ဆောင်ရွက်သွားဖို့လည်း ဆုံးဖြတ်ခဲ့ကြတာပါ။ လှုပ်ရှားမှုမှာ ပါဝင်တဲ့ ရခိုင်အမျိုးသား လွှတ်တော်အမတ်တွေနဲ့ ဆက်သွယ်မေးမြန်းပြီး အပြည့်စုံကို မအေးအေးမာက တင်ပြထားပါတယ်။
၂၀၁၀ ရွေးကောက်ပွဲအတွင်း ရခိုင်ပြည်နယ်တွင်းမှာ လွှတ်တော်အမတ် ၃၀ ကျော်နဲ့ အနိုင်ရထားတဲ့ ရခိုင်တိုင်းရင်းသားများ တိုးတက်ရေးပါတီက ပြည်သူ့လွှတ်တော် ကိုယ်စားလှယ်တွေ ဦးဆောင်ပြီး လွှတ်တော်မှာ တင်ပြနိုင်ဖို့အတွက် ရခိုင်ပြည်နယ်တွင်းက သယံဇာတတွေကို လူထုတွေ ခံစားခွင့်ရှိတယ် ဆိုတာကို ရှင်းပြခဲ့တာပါ။ မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်းက -
“အများအားဖြင့်တော့ ကျနော်တို့ ရခိုင်ပြည်နယ်က သဘာဝ အန္တရာယ်တွေက ပိုပြီး ရင်ဆိုင်နေရတာပေါ့။ မနှစ်ကဆိုရင် လေပြင်းမုန်တိုင်း တိုက်ပြီးတော့ ကျနော်တို့ ရခိုင်ပြည်နယ်မှာရှိတဲ့ သဘာဝပစ္စည်းတွေ၊ တောတောင်တွေ ပြုန်းတယ်ပေါ့ဗျာ။ ရွာတွေ ပျက်စီးတယ်။ အဲဒီလိုမျိုး အများကြီး သဘာဝရဲ့ ဆိုးကျိုးတွေကို ခံရတယ်။ တနည်းအားဖြင့် ပင်လယ်အော်ကပေးတဲ့ ဒုက္ခပေါ့ဗျာ။ ပင်လယ်အော်က ပြန်ပြီးတော့ပေးတဲ့ သုခကိုကျတော့ ကျနော်တို့ ရခိုင်ပြည်သူတွေ မခံစားရဘူး ဆိုတဲ့အပေါ်မှာ ကျနော်တို့ ရခိုင်ပြည်သူတွေက လုံးဝ စိတ်ထဲမှာ စိတ်မချမ်းသာဘူးလေဗျာ။ စိတ်ကျေနပ်မှုလည်း မရှိပါဘူး။ သစ်တောတွေလည်း အကုန်လုံးပြောင်ပါပြီ ရခိုင်ပြည်နယ်ထဲမှာ။ ဘာမှ ကျနော်တို့ ရခိုင်ပြည်သူတွေအတွက် တိုးတက်ရာ တိုးတက်ကြောင်းကို နိုင်ငံတော်အစိုးရက ဘာမှ မလုပ်ဆောင်ပေးခဲ့ဘူး။ အဲဒီအပေါ်မှာ သဘာဝ ပစ္စည်းတွေလည်း ဆုံးရှုံးမှုတွေ အများကြီး ဖြစ်ခဲ့ပါတယ်။
"အခု ရခိုင်ပြည်ကို သဘာဝဓာတ်ငွေ့ အလုံးအရင်းနဲ့ ဖြစ်ပေါ်လာတဲ့ အခြေအနေမျိုးမှာ ကိုယ့်ပြည်နယ်က ထွက်တဲ့ သဘာဝဓါတ်ငွေ့ အစိတ်အပိုင်း တချို့တ၀က်ကိုတောင်မှ ခံစားခွင့် မပေးဘူးဆိုရင် ဒါက လုံးဝ တရားမျှတတဲ့ လမ်းကြောင်းပေါ်မှာ မရှိဘူးလို့ ကျနော်တို့ မြင်တယ်။ အဲဒီအပေါ်မှာ ကျနော်တို့ ပြည်သူလူထုတွေကို စည်းရုံးပြီးတော့ ကျနော်တို့ ရှင်းပြမယ်။ လွှတ်တော်မှာ တင် တောင်းမယ်။ လူထုအားနဲ့ တောင်းဆိုမယ်။ နောက်ဆုံးဗျာ လုံးဝမရတဲ့အဆင့်မှာ ဆိုရင်တော့ ငြိမ်းချမ်းစွာ စုဝေးဆန္ဒပြခွင့် ဥပဒေကို ကိုင်ပြီးတော့ ပြည်သူလူထုနဲ့ တခဲနက် ကျနော်တို့ တိုက်ပွဲဝင် တောင်းဆိုဖို့အထိ မျှော်မှန်းထားပါတယ်။”
ပါတီဥက္ကဋ္ဌ ဒေါက်တာဦးအေးမောင် ဦးဆောင်ပြီး လွှတ်တော်ထဲကိုရောက်နေတဲ့ ပြည်နယ်အဆင့် ပြည်သူ့လွှတ်တော် ကိုယ်စားလှယ်တွေ စုပေါင်းပြီး လူထုစည်းဝေးပွဲကို ကျင်းပခဲ့တာပါ။ လွှတ်တော်မှာ တင်ပြတိုင်းမှာ ပယ်ချခံရတာကြောင့် ရခိုင်လွှတ်တော် ကိုယ်စားလှယ်တွေအနေနဲ့ ကျေနပ်မှုမရရှိခဲ့တာကြောင့် လူထုအားနဲ့ ထပ်မံတင်ပြဖို့ လုပ်ဆောင်ခဲ့တာလို့ ဆိုပါတယ်။
“လွှတ်တော်မှာ ကျနော်တို့ ပြည်သူ့လွှတ်တော် ကိုယ်စားလှယ်တွေနဲ့ အမျိုးသား လွှတ်တော် ကိုယ်စားလှယ်တွေက တင်ပြပြီတော့ တောင်းဆိုကြတဲ့အခါမှာ ဒီဓာတ်ငွေ့ကို တရုတ်ပြည်ကို ရောင်းစားပြီး ရခိုင်ပြည်နယ်အတွက် သုံးလို့မရဘူးဆိုတဲ့ အခြေအနေမျိုးကို ၀န်ကြီးတွေက ပြန်ကြားတော့၊ အဲဒီအပေါ်မှာ ကျနော်တို့ လွှတ်တော်ကိုယ်စားလှယ်တွေရော၊ ပြည်သူတွေရော ကျေနပ်မှုမရှိပါဘူး။ အဲဒါကြောင့် ကျနော်တို့က ပြည်သူ့လွှတ်တော် အစည်းအဝေးမှာ ကျနော်တို့ ပြည်သူတွေရဲ့ လိုလားချက်တွေကို နိုင်ငံတော်ကို တင်ပြနိုင်ဖို့အတွက် ကျနော်တို့က အခြေအနေတွေကို ရှင်းပြတယ်။ ပြည်သူလူထုက ဘယ်လိုလုပ်ရမယ်၊ ကျနော်တို့က ဘယ်လိုလုပ်မယ် ဆိုတာမျိုးကို ကျနော်တို့က နိုင်ငံတော်ကို တင်ပြနိုင်ဖို့အတွက် လူထုရဲ့ ဆန္ဒသဘောထားကို ယူတာလည်း တစ်ပိုင်း ပါပါတယ်။”
ရခိုင်ပြည်နယ် ကျောက်ဖြူမြို့က ဒေသခံတစ်ဦးကတော့ ရခိုင်လွှတ်တော် ကိုယ်စားလှယ်တွေရဲ့ ပြောကြားချက်ကို ကျေနပ်မိတဲ့အကြောင်းနဲ့ ရခိုင်ပြည်နယ်ကထွက်တဲ့ သဘာဝရင်းမြစ်တွေကို မြန်မာပြည်သူတစ်ရပ်လုံး ခံစားစေချင်ကြောင်း ပြောပါတယ်။
“ကျနော်တို့ ပြည်ထောင်စု တစ်ဖွဲ့လုံးပေါ့ဗျာ။ အကုန်လုံးက သုံးစွဲနိုင်ဖို့။ တိုင်းရင်းသား အားလုံးပေါ့နော် ကျနော်တို့ဆီက ထွက်ရှိတဲ့ဟာတွေကို ကျနော်တို့ ပြည်သူတွေ ခံစားနိုင်ဖို့ပေါ့နော်။ ကျနော်တို့ ကိုယ်စားလှယ်တော်ကြီးတွေကို ကျနော်တို့ အားကိုးတယ်။ ကျနော်တို့အတွက်ကို ဆောင်ရွက်ပေးနိုင်မယ်၊ တောင်းဆိုပေးနိုင်မယ်လို့ ကျနော်တို့ မျှော်လင့်ပါတယ်ခင်ဗျာ။ ကျနော်တို့ ယုံကြည်ပါတယ်။”
ဒီလို လူထုစည်းဝေးပွဲကို ကျင်းပဖို့အတွက် ခရိုင်ကော်မရှင်ကို ခွင့်တောင်းပြီးမှ ကျင်းပခဲ့တာဖြစ်ပေမဲ့ တမြို့လုံးအနှံ့ ရဲတွေကို လမ်းတိုင်းမှာချထားပြီး လုံခြုံရေးအရ စောင့်ကြပ်ကြည့်ရှုမှုတွေ များတယ်လို့ ဆိုပါတယ်။ ဒါပေမဲ့လည်း လူထုစည်းဝေးပွဲကြီးက ငြိမ်းချမ်းစွာ ပြီးဆုံးသွားခဲ့ပြီး လူထုထောက်ခံမှုတွေ ရခဲ့တယ်လို့ ပါတီက တာဝန်ရှိသူတွေက ပြောပါတယ်။

နျူကလီးယား အစီအစဉ် တိုးတက်မှုရကြောင်း အီရန်ကြေညာ
By ဗွီအိုအေ (မြန်မာဌာန)
နျုကလီးယာ စက်ရုံမှာ အသုံးပြုဖို့အတွက် လောင်စာတောင့်တွေကို အောင်မြင်စွာ စမ်းသပ် ထုတ်လုပ်နိုင်ပြီလို့ အီရန်နိုင်ငံက ပြောပါတယ်။ တာလတ်ပစ် မြေပြင် ဝေဟင်ပစ် ဒုံးကျည် တစ်စင်းကိုလည်း မဟာဗျူဟာမြောက် ဟောမုဇ် ရေလက်ကြားအနီးမှာ စမ်းသပ် ပစ်ခတ်ခဲ့တယ်လို့လည်း အီရန်က ပြောလိုက်ပါတယ်။

သဘာဝ ယူရေနီယမ် ပါဝင်တဲ့ လောင်စာတောင့်တွေကို အီရန်မှာလုပ်ပြီး တီဟီရန်မှာရှိတဲ့ နျူကလီးယာ သုတေသန ဓာတ်ပေါင်းဖိုမှာ ထည့်သွင်း အသုံးပြုမယ်လို့ အီရန်ရုပ်မြင်သံကြားက ပြောပါတယ်။
အနောက်နိုင်ငံတွေကို ဦးနှောက်ခြောက်စေမယ့် မဟာအောင်မြင်မှု လို့ လောင်စာတောင့် ထုတ်လုပ်ရေးကို တီဟီရန် တိုင်းမ်း သတင်းစာကြီးက သုံးနှုန်း ပြောဆိုလိုက်ပါတယ်။
တနင်္ဂနွေနေ့က စမ်းသပ်လိုက်တဲ့ ဒုံးကျည်မှာ ရေဒါကို ရှောင်ပြီး ပစ်မှတ်ကို ပစ်နိုင်တဲ့ နည်းပညာ တပ်ဆင်ထားတာ ဖြစ်တယ်လို့ နိုင်ငံတော် မီဒီယာတွေက ပြောကြပါတယ်။ အီရန် ဗဟိုဘဏ်နဲ့ လုပ်ကိုင်နေကြတဲ့ ငွေကြေး အဖွဲ့အစည်းတွေအပေါ်  ပိတ်ဆို့ အရေးယူဖို့ အမေရိကန်က လုပ်လာတာကို အီရန် တာဝန်ရှိသူတွေက တချိန်တည်းမှာပဲ ဝေဖန် ပြစ်တင်လိုက်ပါတယ်။

နျူကလီးယာ အစီအစဉ်အတွက် ဘဏ္ဍာရေး ဖြည့်ဆည်းပေးနိုင်စွမ်းကို အားနည်းစေအောင် လုပ်တဲ့အနေနဲ့ အမေရိကန် သမ္မတ ဘရက်အိုဘားမားက ပိတ်ဆို့ အရေးယူမှု ဥပဒေကို စနေနေ့က လက်မှတ်ရေးထိုးခဲ့တာပါ။
အမေရိကန်နဲ့ ဥရောပသမဂ္ဂက အီရန်ဟာ နျူကလီးယာ လက်နက် ထုတ်လုပ်ဖို့ ကြိုးစားနေတယ်လို့ ယူဆပေမဲ့ အီရန်ကတော့ ငြိမ်းချမ်းစွာ အသုံးပြုရေးအတွက်လို့ ပြောပါတယ်။

အိန္ဒိယ စတော့ဈေးကွက် ပြည်ပရင်းနှီးမြှုပ်နှံခွင့် ပြုမည်
By ဗွီအိုအေ (မြန်မာဌာန)
အိန္ဒိယနိုင်ငံမှာ ပြည်ပက ငွေပင်ငွေရင်းတွေကို ဆွဲဆောင်သွားနိုင်ဖို့ ရည်ရွယ်တဲ့ အနေနဲ့ စတော့ရှယ်ယာ ဈေးကွက်မှာ နိုင်ငံခြား ရင်းနှီးမြှုပ်နှံသူတွေကို ပထမဆုံးအကြိမ်အဖြစ် ၀င်ရောက် လုပ်ကိုင်ခွင့် ပြုလိုက်ပါတယ်။ ရင်းနှီးမြှုပ်နှံသူ အတန်းအစားတွေ ပိုမိုကျယ်ပြန့်လာစေဖို့၊ ပြည်ပက အရင်းအနှီးတွေကို ဆွဲဆောင်ဖို့နဲ့ ဈေးကွက် မတည်မငြိမ်ဖြစ်မယ့် အခြေအနေတွေကို လျှော့ချသွားနိုင်ဖို့ သတ်မှတ်ချက်နဲ့ ကိုက်ညီတဲ့ ပြည်ပက ရင်းနှီးမြှုပ်နှံသူတွေကို ဈေးကွက်ထဲမှာ တိုက်ရိုက်ရင်းနှီးမြှုပ်နှံခွင့် ပေးသွားမှာ ဖြစ်တယ်လို့ အစိုးရက တနင်္ဂနွေနေ့မှာပဲ ကြေညာချက် ထုတ်ပြန်ပြောဆိုလိုက်တာပါ။
ဥပဒေသစ်တွေကိုတော့ ဇန်န၀ါရီလ ၁၅ ရက်နေ့ကစပြီး ကျင့်သုံးသွားမှာ ဖြစ်ပါတယ်။ ဒီမတိုင်မီမှာတုန်းကတော့ နိုင်ငံခြားသားတွေအနေနဲ့ အပြန်အလှန် ရင်းနှီးမြှုပ်နှံမှုတွေ၊ အဖွဲ့အစည်းတွေ၊ ဌာနတွေက အစီအစဉ်တွေက တဆင့်သာ အိန္ဒိယ စတော့ရှယ်ယာ ဈေးကွက်တွေထဲမှာ ရင်းနှီးမြှုပ်နှံခွင့် ရှိပါတယ်။
အိန္ဒိယနိုင်ငံ စီးပွားရေးဟာ လတ်တလောမှာ အတိုးနှုန်း တိုးမြှင့်မှုတွေ ဆက်တိုက်ဆိုသလို လုပ်နေရတာ၊ ငွေကြေးဖောင်းပွမှုနှုန်း တက်လာတာ၊ ပြည်တွင်းသုံး ရူပီးငွေတန်ဖိုး ကျဆင်းလာတာ စတဲ့ အခက်အခဲတွေနဲ့ ရင်ဆိုင်နေရတာ ဖြစ်ပါတယ်။
သမ္မတအိုဘားမား ကာကွယ်ရေး အသုံးစရိတ်ဥပဒေ လက်မှတ်ထိုး
By ဗွီအိုအေ (မြန်မာဌာန)
အမေရိကန်ပြည်ထောင်စုမှာ အကြမ်းဖက်သမားလို့ ယူဆသူတွေကို ထိမ်းသိမ်းတာ၊ စစ်ဆေးမေးမြန်းတာ၊ အရေးယူတာတွေနဲ့ပတ်သတ်တဲ့ ဥပဒေတွေအပေါ် သဘောထားကွဲလွဲမှုတွေ အကြီးအကျယ် ရှိနေတဲ့ကြားက သမ္မတ ဘရက်အိုဘားမား (Barack Obama) က စစ်ရေးအသုံးစရိတ် ဥပဒေမူကြမ်းကို လက်မှတ်ရေးထိုး ပေးလိုက်ပါတယ်။
ဒေါ်လာ သန်း ၆၆၂,၀၀၀ ချမှတ်ပေးတဲ့ ဥပဒေမူကြမ်းကို ဟာဝိုင်အီကျွန်းကို အပန်းဖြေခရီး ထွက်နေတဲ့ သမ္မတက စနေနေ့မှာ လက်မှတ်ရေးထိုး ပေးခဲ့တာပါ။ အဲဒီလို လက်မှတ် ရေးထိုးပေးတဲ့အခါမှာ နိုင်ငံတော်ကို အကာအကွယ်ပေးဖို့ လုပ်ဆောင်တဲ့ အကြမ်းဖက်မှု တိုက်ဖျက်ရေး အရာရှိတွေရဲ့  စွမ်းဆောင်နိုင်မှုကို ကန့်သတ်ဖို့ ကြိုးစားပါတယ်ဆိုပြီး သမ္မတက အမတ်တချို့ကို အပြစ်တင်ခဲ့ပါတယ်။
ဖမ်းဆီးမိတဲ့ အကြမ်းဖက်သမားလို့ ယူဆရတဲ့သူတွေကို အမေရိကန်ပြည်ထောင်စုရဲ့ အခြေခံဥပဒေပါ အခွင့်အရေးကို မချိုးဖောက်မိစေဘဲ ဘယ်လိုကိုင်တွယ်မလဲ ဆိုတာနဲ့ ပတ်သတ်လို့ လပေါင်းများစွာ ငြင်းခုံနေကြတာမှာ အခုတော့ သမ္မတက လက်မှတ်ရေးထိုးပြီး သွားပါပြီ။ အစတုန်းကတော့ အိမ်ဖြူတော်က ဒီဥပဒေမူကြမ်းကို ဗီတိုအာဏာနဲ့ ပယ်ချမယ်လို့ ခြိမ်းခြောက်ခဲ့ပေမဲ့ လွှတ်တော်က ပြင်ဆင်မှုတချို့ လုပ်ပြီးတဲ့နောက်မှာ ဆက်မခြိမ်းခြောက်တော့ပါဘူး။
အဲဒီဥပဒေမူကြမ်းက အီရန်နိုင်ငံက သူတို့ရဲ့  နျူကလီးယားလက်နက် သတ္တုသန့်စင်ရေး အစီအစဉ်အတွက် ငွေကြေးသုံးစွဲနိုင်တာနဲ့ ပတ်သတ်ပြီးလည်း အရေးယူပိတ်ဆို့မှုအသစ် ပြုလုပ်ထားတာပါ။ ဆုံးဖြတ်ချက် ကျမလာသေးတဲ့ အဲဒီ အရေးယူပိတ်ဆို့မှုကို တုံ့ပြန်တဲ့အနေနဲ့ ပါရှန်ပင်လယ်ကွေ့ရဲ့ ဝင်ပေါက်ဖြစ်တဲ့ Hormuz ရေလက်ကြားကို ပိတ်ပစ်မယ်လို့ အီရန်က ပြန်ခြိမ်းခြောက်ခဲ့ပါတယ်။ အမေရိကန်ပြည်ထောင်စုကလည်း ရေလက်ကြား မပိတ်စေရဘူးဆိုပြီး ပြန်တုံ့ပြန်ပါတယ်။
ရေလက်ကြားသာ ပိတ်သွားခဲ့မယ်ဆိုရင် ရေနံတင်ပို့မှု ယာယီပြတ်တောက်သွားမှာ ဖြစ်ပြီး လောင်စာဆီ ဈေးတွေ တက်ကုန်နိုင်ပါတယ်။

ဒေါက်တာ နေဝင်းမောင် ကွယ်လွန်
သူ့ ဈာပန အခမ်းအနား အတွက် ဒေါ်အောင်ဆန်း စုကြည် ကလည်း လွမ်းသူ့ ပန်းခြင်း ပေးပို့ (photo: Voice Weekly Face Book)
ထင်ရှားတဲ့ စာနယ်ဇင်းသမား တဦး လည်းဖြစ် နိုင်ငံရေး သမား တဦးလည်း ဖြစ် တဲ့ ဒေါက်တာ နေဝင်းမောင် တနင်္ဂနွေ နေ့ မနက် အစောပိုင်း က ကွယ်လွန် သွားပါတယ်။
ကွယ်လွန်ချိန်မှာ အသက် ၅၀ ရှိပြီ ဖြစ်တဲ့ သူ ဟာ နှလုံးရောဂါ နဲ့ ရုတ်တရက် ဆုံးပါး သွားတာပါ။
ဒေါက်တာ နေဝင်းမောင် ဟာ The Voice အပတ်စဉ် ဂျာနယ် နဲ့ Living Color Media လစဉ် မဂ္ဂဇင်း ကို စတင် ထူထောင် လုပ်ကိုင် ခဲ့သူ တဦးဖြစ် သလို Myanmar Egress အဖွဲ့ ကို တည်ထောင်သူ တွေထဲ တဦး အပါအဝင် ဖြစ်ပါတယ်။
သူ့ရဲ့ လုပ်ဖော်ကိုင်ဖက် တဦးလည်း ဖြစ်၊ မြန်မာနိုင်ငံ စက်မှုလက်မှု လုပ်ငန်းရှင်များ နဲ့ ကုန်သည် များ အသင်းရဲ့ ဒု ဥက္ကဌ လည်း ဖြစ်တဲ့ ဦးလှမောင်ရွှေ က သူဟာ နိုင်ငံ ကို အကျိုးပြု ချင်တဲ့ စိတ်ရှိသူ တဦးဖြစ်ကြောင်း နဲ့ ၂၀၀၆ ခုနှစ် က စလို့ Myanmar Egress အဖွဲ့ လို စွမ်းဆောင်ရည် မြှင့်တင်တဲ့ သင်တန်း တွေ ဖွင့်လှစ် ကာ လူငယ် တွေ ကို သူ့ရဲ့ အမြင် တွေ ပို့ချ ပေးခဲ့တယ် လို့ ပြောပါတယ်။
အခု နောက်ဆုံး အချိန် မှာ လည်း နိုင်ငံ ငြိမ်းချမ်းရေး အတွက် တတ်နိုင်တဲ့ ဘက် က ဒေါက်တာ နေဝင်းမောင် ဆောင်ရွက်သွားခဲ့ တယ် လို့ ဦးလှမောင်ရွှေ က ပြော ပါတယ်။
ဒေါက်တာ နေဝင်းမောင် ရဲ့ မြန်မာ့နိုင်ငံရေး အပေါ် အမြင်တွေ နဲ့ ပတ်သက်ပြီး အတိုက်အခံ အင်အားစု တွေ အကြား မှာ ဝေဖန်မှု တွေ ရှိခဲ့ ပေမယ့် ၂၀၁၀ ရွေးကောက်ပွဲ နောက်ပိုင်း အရပ်သား အစိုးရ ပေါ်ထွန်းလာ ချိန် မှာ တော့ အရင် က သူ့ကို ဝေဖန် ခဲ့သူတွေ ထဲ က တချို့ သူ့လုပ်ဆောင်မှု တွေ ကို နားလည် အသိအမှတ် ပြုလာတာတွေ ရှိခဲ့ ပါတယ်။
ကွယ်လွန်တဲ့ တနင်္ဂနွေနေ့ နေ့လည်မှာပဲ သူ့ရုပ်အလောင်း ကို ရေဝေးသုဿာန်မှာ မီးသင်္ဂြိုဟ် ခဲ့ပြီး သူ့ ဈာပနအခမ်းအနား ကို ဒေါ်အောင်ဆန်းစုကြည် က လွမ်းသူ့ ပန်းခြင်း ပေးပို့ ခဲ့သလို ပြည်သူ့လွှတ်တော် ဥက္ကဌ ဦးရွှေမန်း ကလည်း လွမ်းသူ့ပန်းခြင်း ပေးပို့ခဲ့ပါတယ်။
သူ ကွယ်လွန်ချိန် မှာ ဇနီး ဒေါ်ဝင်းကလျာဆွေ နဲ့ သမီး ၄ ဦး ကျန်ရစ် ပါတယ်။

လူ့အခွင့်အရေး ကော်မရှင် အကြုံပြုချက် ၃ ချက် ထုတ်ပြန်
အစိုးရ လူ့အခွင့်အရေးကော်မရှင်က အင်းစိန်ထောင်နှင့် လှေလှော်အင်းရဲဘက်စခန်းတို့သို့ ဒီဇင်ဘာ ၂၇ နှင့် ၂၈ ရက်နေ့က သွားရောက်ခြင်းနှင့် ပတ်သက်၍ အကြုံပြုချက် ၃ ချက် ထုတ်ပြန်လိုက်သည်။ အင်းစိန်ထောင်တွင်းရှိ အကျဉ်းသားအရေအတွက်ကို လျှော့ချရန်၊ တရားစခန်းများ ဖွင့်လှစ်ခွင့်ပေးရန်နှင့် ဘာသာဝင်မျိုးစုံအတွက် ဘာသာရေးအစီအစဉ်များကို ဆောင်ရွက်ပေးရန်တို့ ဖြစ်သည်။ မကြာသေးမီက အစာငတ်ခံ ဆန္ဒပြခဲ့သော အကျဉ်းသားများကို သောက်ရေမပေးဆိုသည်မှာ မဟုတ်မှန်ကြောင်း၊ ခွေးတိုက်၌ ထားသည်ဆိုခြင်းမှာ မဟုတ်မှန်ကြောင်းတို့ကိုလည်း ကော်မရှင်၏ ထုတ်ပြန်ချက်တွင် ဖော်ပြထားသည်။

နာရေးကူညီမှုအသင်း ၁၁ နှစ်ပြည့်ပြီ
2012-01-01
နိုင်ငံကျော် အကယ်ဒမီရုပ်ရှင်မင်းသား ဦးကျော်သူ ဦးစီးတဲ့ နာရေးကူညီမှု အသင်း ထူထောင်ခဲ့တာ ဒီကနေ့ ၁၁ နှစ် ပြည့်မြောက်ခဲ့ပါပြီ။
(၁၁) နှစ်မြောက် နှစ်ပတ်လည်နေ့ မနက်ပိုင်းမှာ သံဃာတော် (၁၁) ပါးကို ပင့်ဖိတ်ပြီး ဆွမ်းဆက်ကပ် လှူဒါန်းခဲ့ပါတယ်။ (၁၁)နှစ်မြောက် အထိမ်းအမှတ်အဖြစ် နာရေးလမ်းကြောင်း (၁၁) ကြောင်းမြောက် ဈာပန တစ်ခုကိုလည်း အဖွဲ့သားအားလုံး လက်တွဲပြီး ခမ်းခမ်းနားနား သင်္ဂြိုဟ်ပေးခဲ့ပါတယ်။

၁၁ နှစ်တာ ကာလအတွင်း နာရေးကူညီမှုအသင်း ဖြတ်သန်းခဲ့ရတဲ့ စိန်ခေါ်မှုတွေကို ဦးကျော်သူက ပြောဆိုရာမှာ- ပထမဆုံး ရင်ဆိုင်ခဲ့ရ တာက လူတွေကြားမှာ ရှိနေတဲ့ အယူသည်းမှု ဖြစ်ကြောင်း၊ ကိုယ်တိုင် အလောင်းထမ်းပြပြီး တိုက်ဖျက်ခဲ့ရကြောင်း၊ ဒုတိယအနေနဲ့ အာဏာပိုင်တွေရဲ့ အပိတ်အဆို့ အတားအဆီးတွေနဲ့ ရင်ဆိုင်ခဲ့ရ ကြောင်း၊ အခုတော့ အခြေအနေ ကောင်းလာကြောင်း ပြောပြပါတယ်။

နာရေးကူညီမှုအသင်း တရားဝင် မှတ်ပုံတင်ခွင့်ကိုတော့ အခုချိန်ထိ မရသေးဘူးလို့ ဦးကျော်သူက ပြောပါတယ်။ ၂ဝဝ၆ ခုနှစ်က သက်တမ်း ကုန်သွားတဲ့အတွက် ပြန်လည် လျှောက်ထားခဲ့ကြောင်း၊ အခု အစိုးရသစ် လက်ထက်မှာလည်း ထပ်မံ လျှောက်ထားပေမယ့် မှတ်ပုံတင်ခွင့် မရသေးဘူးလို့ ဆိုပါတယ်။ ဒါပေမယ့် နာရေးကူညီမှု အသင်း အနေနဲ့ ရှေ့ဆက်ပြီး လူမှုရေး သာမက ကျန်းမာရေး၊ ပညာရေးတွေမှာပါ ပံ့ပိုး ကူညီနေကြောင်း၊ ဆက်လက်ပြီးတော့လည်း ကူညီနေမှာ ဖြစ်ကြောင်း ဦးကျော်သူက ပြောပါတယ်။

နာရေးကူညီမှုအသင်း အနေနဲ့ နာဂစ်မုန်တိုင်း၊ ပခုက္ကူ ရေဘေး စတဲ့ သဘာဝ ဘေးအန္တရာယ်နဲ့ ပတ်သက်လို့ ဒုက္ခသည်တွေ အရေးပေါ် ကယ်ဆယ်ရေးတွေမှာလည်း သွားရောက် ကူညီခဲ့ပါတယ်။ အလားတူပဲ ပြီးခဲ့တဲ့ သီတင်းပတ်တွေကလည်း ကချင် စစ်ပြေးဒုက္ခသည်တွေနဲ့ မင်္ဂလာတောင်ညွှန့် မီးဘေး ဒုက္ခသည်တွေကို သွားရောက် လှူဒါန်း ကူညီခဲ့ပါတယ်။

နိုင်ငံရေးအကျဉ်းသားများ လွတ်မြောက်ရေး မိသားစုတွေမျှော်လင့်
2012-01-01
လာမယ့် ဇန်နဝါရီလ ၄ ရက်၊ လွတ်လပ်ရေးနေ့မှာ နိုင်ငံရေးအကျဉ်းသားတွေ ပြန်လွတ်လာမယ် ဆိုတဲ့သတင်းတွေ ထွက်ပေါ်နေတဲ့အတွက် နိုင်ငံရေး အကျဉ်းသားတွေရဲ့ မိသားစုဝင်တချို့ ဆိုင်ရာ အကျဉ်းထောင်တွေကို ကြိုတင်သွားရောက် စောင့်ဆိုင်းဖို့ ထွက်ခွာသွားခဲ့ကြပါတယ်။
အကျဉ်းသားအားလုံးကို ထောင်ဒဏ်တနှစ်စီ လျှော့ပေါ့ပေးပြီး အင်္ဂါနေ့မှစပြီး အကျဉ်းသား ၁၇ ၀၀၀ ကို စတင် လွှတ်ပေးနေကြောင်း ဦးသိန်စိန် အစိုးရက ကြေငြာခဲ့ပြီး သော်လည်း နိုင်ငံရေး အကျဉ်းသား ၂၀၀၀ ကျော် အကျဉ်းထောင်တွင်း ကျန်ရှိနေသေးသည့်အပေါ် ပြည်တွင်းပြည်ပ အဖွဲအစည်းများက ပြင်းပြင်းထန်ထန် ရှုတ်ချခဲ့ကြသည်။ ဓါတ်ပုံ (AFP)
နယ်ဝေး အကျဉ်းထောင်တွေဆီ အပို့ခံထားရတဲ့ နိုင်ငံရေး အကျဉ်းသား တွေရဲ့ မိသားစုဝင်တချို့ ဒီကနေ့ မနက်က ထောင်တွေဆီ ထွက်ခွာ သွားခဲ့ကြတယ်လို့ ၈၈ မျိုးဆက်ကျောင်းသားများ အဖွဲ့ဝင် ကိုကိုကြီး (စမ်းချောင်း) က ပြောပါတယ်။

“မျှော်လင့်လို့ပေါ့ဗျာ။ ၃ ရက်နေ့ ကြေညာမယ်၊ ၄ ရက်နေ့ လွှတ်မယ် လို့ ကြားနေရတာကိုး။ ကျနော် သိသလောက် အတော်များများ သွားကြ တယ်။ ဒီနေ့မနက်က ဆိုရင် ပူတာအို ဗျာ။ ကျနော် လေယာဉ်ကွင်း လိုက်ပို့လိုက်တာ။ မနက်ဖြန် ကျောက်ဖြူ သွားကြမယ့်သူတွေ ရှိတယ်”

လာမယ့် ဇန်နဝါရီလ ၄ ရက်နေ့မှာ နောက်ထပ် အကျဉ်းသားတွေ လွှတ်ပေးဖို့ ရှိတယ်ဆိုတဲ့ သတင်းတွေ ထွက်ပေါ်နေရာမှာ ၈၈ ကျောင်းသားခေါင်းဆောင် တချို့လည်း ပါလိမ့်မယ်လို့ မျှော်လင့်နေ ကြပါတယ်။ ဒါပေမယ့် ၈၈ ကျောင်းသားခေါင်းဆောင်တွေထဲက သရက်အကျဉ်းထောင်မှာ ရှိနေတဲ့ ကိုမင်းကိုနိုင်နဲ့ မိုင်းဆတ် အကျဉ်းထောင်မှာ ရှိနေတဲ့ ကိုကိုကြီး တို့ရဲ့ မိသားစုတွေကတော့ အိမ်မှာပဲ ရှိနေကြကြောင်း ကိုကိုကြီး (စမ်းချောင်း) က ပြောပါတယ်။

အလှမယ် လွတ်လပ်ခြင်းပွဲတော်
မစပ်စု on January 1, 2012
အလှမယ် စည်းကမ်း ပြောင်းလဲမှု
အပြောင်းအလဲတွေ များတဲ့ မြန်မာနိုင်ငံတော်ကြီးမှာ ထပ်မံဖြစ်ထွန်းလာတဲ့ အပြောင်းအလဲ တခုကတော့ အလှမယ်ပြိုင်ပွဲဝင် စည်းကမ်းချက်များ ဖြစ်ပါတယ်။
၁၉၅၉ ခုနှစ် မယ်စကြာဝဠာပြိုင်ပွဲက အလှမယ်များ ဖြစ်ပါတယ်။ ရှေ့ဆုံးတန်း ဂွာတီမာလာ နဲ့ ကိုရီးယားမယ်ကြားမှာ မယ်မြန်မာ သန်းသန်းအေးကို တွေ့ရမှာပါ။
မြန်မာ့အမျိုးသမီးများရဲ့ အလှအပ အားကစားတရပ်အနေဖြင့် ရပ်တည်လာခဲ့တဲ့ ခန္တာကိုယ် အချိုးအစား အလှ များကို ဖော်ထုတ်ပြသ ယှဉ်ပြိုင်ကြရသည့် ကာယအလှမယ် ရွေးချယ်ပြိုင်ပွဲများဟာလည်း ပြောင်းလဲလာတဲ့ ခေတ်ရေစီးကြောင်းထဲ မျောပါလာပြီလို့ ပြောရမလိုပါ။
ဟိုတုန်းကတော့ ခန္တာကိုယ်အလှကို ဖော်ထုတ် ပြသ ယှဉ်ပြိုင်ကြတာပါ ဆိုပေမယ့် အမျိုးသမီးများက လည်ပင်းပိတ်ရင်စေ့အင်္ကျီ နဲ့  လုံချည်ရှည် ၀မ်းဆက်ဝတ်ပြီး ယှဉ်ပြိုင်ခဲ့ကြရတာပါ။
လာမယ့် ဇွန်လမှာ ပြုလုပ်မယ့် အိုလံပစ်နေ့ အထိမ်းအမှတ် အားကစားပြိုင်ပွဲများက စတင်ပြီး ဘောင်းဘီတို့နဲ့ ၀င်ရောက် ယှဉ်ပြိုင်နိုင်ပြီလို့ မြန်မာနိုင်ငံ ကာယဗလနဲ့ ကာယအလှ အဖွဲ့ချုပ်က ဆိုလာပါပြီ။
အ၀တ်အစားသာမက ဦးခေါင်းပိုင်း အပြင်အဆင်တွေနဲ့ ပတ်သက်တဲ့ စည်းကမ်းချက်ကိုလည်း လျှော့ချပေးထားပါတယ်။
အရင်က ဆံထုံး ထုံးဖွဲပြီး ယှဉ်ပြိုင်ကြရတဲ့ ကာယအလှမယ်တွေဟာ အခုတော့ နှစ်သက်ရာ ဆံပင်ပုံစံနဲ့ ယှဉ်ပြိုင်နိုင်တော့မှာပါ။
ဒီလိုပြောင်းလဲလိုက်ခြင်းဟာလည်း မြန်မာ့ ကာယအလှမယ်များ နိုင်ငံတကာကို ထိုးဖောက်ဝင်ရောက်နိုင်ဖို့ အတွက်လည်း ရည်ရွယ်ပါတယ်လို့ ရန်ကုန်မှာ ထုတ်ဝေတဲ့ ဂျာနယ်များမှာ ဖော်ပြထားကြပါတယ်။
“ခေတ်နဲ့အညီပြောင်းတဲ့သဘောပေ့ါ … အခုကတော့ ပိုပြီးမြင်နိုင်တာပေ့ါ” လို့ မြန်မာ အမျိုးသမီး စွမ်းဆောင်ရှင်အသင်း အကြံပေး နာယက ဒေါ်ရီရီမြင့်က  7Day သတင်းဂျာနယ်ကို ပြောပါတယ်။
အပြောင်းအလဲများထဲကမှ ပျော့ပြောင်းတဲ့ ပြောင်းလဲသတ်မှတ်ချက် တခုလို့ မြင်မိတယ်၊ ကိုယ့်ယဉ်ကျေးမှု အနေအထား မပျောက်ပျက်ဘဲ ခေတ်နဲ့အညီ ပြောင်းလဲလာခြင်းဆိုရင် ကောင်းတယ်လို့ သူက ဆက်ပြောပါတယ်။
ဟိုခေတ်က ကာယအလှမယ်ရွေးချယ်ပြိုင်ပွဲတွေမှာ  ဟိုခေတ် ရေကူးဝတ်စုံနဲ့ ယှဉ်ပြိုင်ခဲ့ကြပေမယ့် ၁၉၆၂ ခုနှစ် ဗိုလ်ချုပ်နေ၀င်း နိုင်ငံကို ကယ်တင်လိုက်ပြီးနောက်ပိုင်းမှာ မယ်ရွေးပွဲတွေ ယာယီရပ်ဆိုင်းခဲ့ရပါတယ်။
ပြန်လည် ခွင့်ပြုချက် ရချိန်မှာ အကျီလက်ပြတ်၊ လုံချည် ၀တ်ဆင် ယှဉ်ပြိုင်တဲ့ ကာယအလှမယ်ရွေးပွဲများ ပြန်လည်ပေါ်ပေါက်လာတာပါ။
တချိန်က မြန်မာ့အလှမယ် ဆိုတာဟာ နိုင်ငံတကာပြိုင်ပွဲကို ရောက်ခဲ့ဖူးပါတယ်။ အခုလို စည်းကမ်းချက်တချို့ ဖြေလျှော့ပေးတဲ့အတွက် နိုင်ငံတကာကို ၀င်တိုးဖို့ လွယ်သွားပြီလို့ ဆိုနိုင်မှာပါ။
ကဲ ..   အနည်းငယ် ပြောင်းလဲလာတဲ့ ခေတ်ကြီးမှာ မြန်မာ့ကာယအလှမယ်လေးများလည်း မိမိတို့ရဲ့ ဘော်ဒီအလှကို လွတ်လပ်စွာ ပြသ ယှဉ်ပြိုင်နိုင်ပါစေလို့ ဆန္ဒပြုရင်း..

လွတ်လပ်ခြင်းပွဲတော်
သိပ်မကြာခင်က ပရိသတ်အကြား ရေပန်းစားသွားခဲ့တဲ့ ဒါရိုက်တာ ၀ိုင်းရဲ့ ‘အဲဒီအခန်းဖြတ်’ ဇာတ်လမ်းတိုလေးဟာ စနေနေ့က အစပြုတဲ့ ‘လွတ်လပ်ခြင်းအနုပညာ’ ရုပ်ရှင်ပွဲတော်ကနေ အပယ်ခံရပါတယ်။ ပြိုင်ပွဲမကျင်းပမီ အပြင်မှာ ပျံ့နေတဲ့ဇာတ်လမ်းဖြစ်လို့ ပယ်ပါတယ် တဲ့။
အဲဒီအခန်းဖြတ်မှ ဇာတ်ဝင်ခန်းတခု
“စည်းမျဉ်းစည်းကမ်းနဲ့ ငြိတယ် ဆိုရင်တော့လည်း စည်းမျဉ်းစည်းကမ်းကို လေးစားရမှာပါ။ သို့ပေမယ့်လည်း ကျနော်ကိုယ်တိုင် လုပ်တာ မဟုတ်တဲ့အတွက် ကျနော့် အနေနဲ့ ချွင်းချက်တခုအနေနဲ့ ရှိနေပါတယ်။ အဲ့ဒါကိုလည်း သိအောင် တင်ပြထားပါတယ်” လို့ ဒါရိုက်တာ ၀ိုင်းက ဆိုပါတယ်။
သူက ‘အဲဒီအခန်းဖြတ်’ ကို ဒီပွဲတော်အတွက် ရည်ရွယ်ရိုက်ကူးခဲ့တာလို့ ဆိုပါတယ်။ ဒီဇာတ်ကားတိုဟာ ဘယ်သူရဲ့ လက်ချက်မှန်းမသိရဘဲ အင်တာနက်ပေါ် ရောက်ရှိသွားပြီး လူကြိုက်များလွန်းတဲ့အတွက် Facebook, Youtube တို့ကနေ လက်ဆင့်ကမ်း ကြည့်ရှုခဲ့ကြတာပါ။
“ကျနော်အလေးအနက်ပြောချင်တာကတော့ ဒီဇာတ်လမ်းတိုကို ကျနော် ကိုယ်တိုင် youtube မှာ မတင်ဘူး ဆိုတာကို ရဲရဲဝံ့ဝံ့ ပြောချင်ပါတယ်။ �