ကျွန်ုပ်၏ မိခင်ကြီးနှင့် နတ်ဒေ၀ါများ

by Shwe Aeim Si on Wednesday, December 21, 2011 at 4:23pm

အရှင်ဉာဏဒီပ (ဓမ္မရတနာ)

ဝါ၀င်ခါနီးနဲ့ ၀ါထွက်တဲ့ အခါတွေမှာ ဆိုရင် ကျွန်ုပ်က အမြဲတမ်း ပျော်တတ်စမြဲ။
အကြောင်းကတော့ ကျွန်ုပ် မိခင်ကြီးက အိမ်မှာ ကိုးကွယ်ထားတဲ့ နတ်တွေကို ပူဇော်ပသရင်း နတ်တင်ပွဲလေး ပြုလုပ် တတ်သောကြောင့်ပင်။ နတ်တင်တဲ့ အချိန်ဆိုလျှင် ကျွန်ုပ်က မုန့်ဆီကြော်တို့၊ ငှက်ပျောသီးတို့ကို အလျှံအပယ် စားရတယ်။
အဲဒါအပြင် ဘဲဥတောင် အဆစ်ပါသေး။ သူများအိမ်တွေလိုတော့ ဗုံတွေ၊ ဆိုင်းတွေနဲ့ တီးလုံးသံတွေ ဆူညံနေပြီး အိမ်ထဲမှာ ကခုန်နေတဲ့ နတ်ကပွဲမျိုးတော့ မဟုတ်။


မိခင်ကြီး နတ်တင်တော့မယ် ဆိုရင် ကျွန်ုပ် ၀ိုင်းဝန်း လုပ်ကိုင်ပေးရတာ မမောနိုင်ဘူး။ ဘယ် မောနိုင်ပါ့မလဲ။
နတ်တင်ပြီး ရင် စားရတော့မယ် ဆိုတာ ကျွန်ုပ်က သိနေတာကိုး။ ငယ်ငယ်တုန်းကတော့ ပျော်နေတာပဲ။

နတ်တင်ထားတဲ့ ဘဲဥ ဆိုရင် ကျွန်ုပ်က အရင်ဦးဆုံး စားရမှ။ မိသားစုထဲမှာ ကျွန်ုပ်က အငယ်ဆုံး ဆိုတော့ အလိုလိုက်ထားကြတယ်လေ။
ကျွန်ုပ်လည်း အသက်အရွယ်လေး ရလာတယ်။ စဉ်းစားတတ်တဲ့ အရွယ်လည်း ရောက်လာရော မိခင်ကြီးရဲ့ နတ်ကိုးကွယ်မှုဟာ ဘာအဓိပ္ပာယ် ရှိလဲ လို့ ကျွန်ုပ်တွေးလာ မိတော့တယ်။ အိမ်ထဲမှာ ဆိုရင် အုန်းသီးဆွဲကလည်း နေရာယူထားသေး။ ပြီးတော့ ဟိုဟာ၊ ဒီဟာ ဘာညာ ကွိကွ တွေကလည်း စုံလို့။ မိခင်ကြီးကတော့ အဲဒါတွေကို ရိုရိုသေသေနဲ့ ရှိခိုးနေခဲ့တာ တော်တော် ကြာခဲ့ပြီပဲ။

မိခင်ကြီး ကိုးကွယ်နေတဲ့ နတ်တွေအထဲမှာ အရက်သောက်တဲ့ နတ်၊ ပါးစပ်က အယုတ္တ အနတ္တ အမျိုးစုံကို အားရှိ ပါးရှိ ဆဲဆိုနေတတ်တဲ့ နတ်ကလည်း ပါသေး။ ဒီကြားထဲမှာ မှာ အူဝဲ အသံနဲ့ စကားမပီကလာ ပီကလာ ပြောပြီး ဘဲဥ ကိုမှ ကြိုက်တတ်တဲ့ ဟို အူဝဲ နတ်ကလေးကလည်း အဆစ် ပါနေပြန်သေးတယ်။ ငယ်ငယ်တုန်းကတော့ အဲဒီ အူဝဲ နတ်ကလေးကို ကျွန်ုပ်က သိပ်သဘောကျတာ။ သူ့ရဲ့ ဘဲဥတွေကို ကျွန်ုပ်က အမြဲတမ်း စားနေရတာကိုး။


အဲ…အူဝဲလေး နတ်ရဲ့ ဘဲဥတွေကို ကျွန်ုပ်က စားသာ စားရတယ်။ တခါတလေတော့လည်း ခပ်လန့်လန့်ပဲ။ အမေက ပြောဖူးတယ်။
အူဝဲလေး နတ်ကို ငါ့သား မရိုမသေ လုပ်မိရင် ငါ့သား ရူရူ ပေါက်တဲ့ အခါကျရင် ရူရူတွေ မထွက်အောင် သားရဲ့ ဟိုဟာလေးကို သူက သူ့လက်သည်းနဲ့ ဆိတ်ထားလိုက်လိမ့်မယ် တဲ့လေ။ ဟုတ်တာ မဟုတ်တာ အပထား အူဝဲလေး နတ်က ကျွန်ုပ်ကို ဆိတ်ထားလိုက်မှဖြင့်။ အမယ်လေး…. မဖြစ်သေးပါဘူး။ သူ့ကို ရိုရိုသေသေ ပူဇော်မှ ရမယ်။ ငယ်ငယ်ကတော့ ကြောက်ခဲ့ရတယ်လေ။

မြတ်စွာဘုရား ဟောတဲ့ အထဲမှာ တရား တစ်ပုဒ်ကို တွေ့လိုက်ရတယ်။

အရိယာပုဂ္ဂိုလ် ဖြစ်သွားတဲ့ သောတာပန် ဆိုရင်
ငါးပါးသီလကို လုံးဝ လုံခြုံသွားပြီ တဲ့လေ။ မိခင်ကြီး ရိုရိုသေသေ ရှိခိုးနေတဲ့ နတ်တွေ အထဲမှာ
ငါးပါးသီလကိုတောင် မလုံတဲ့ နတ်တွေ ပါနေပါပေ့ါလား။ အဲဒီလို နတ်တွေကို မိခင်ကြီးက ရိုရိုသေသေ ရှိခိုးနေတယ် ဆိုတော့ တစ်ခုခုတော့ ယွင်းနေပြီလို့ ကျွန်ုပ် ယုံကြည် လာတော့တယ်။ ပြီးတော့ ထေရ၀ါဒဗုဒ္ဓ သာသနာမှာလည်း ကံ ကံ၏ အကျိုးကို ယုံကြည်ပြီး ရတနာသုံးပါးကိုပဲ ကိုးကွယ် ဆည်းကပ်ရမှာ။

အဲဒီတော့ ကျွန်ုပ်က မိခင်ကြီးကို ပြောရပြီ။

“အမေ… ။အမေ ရှိခိုးနေတဲ့ နတ်တွေအထဲမှာ
ငါးပါးသီလ မလုံတဲ့ နတ်တွေ အများကြီး ပါနေပါလား။ သားတို့၊ အမေတို့ကသာ ငါးပါးသီလ လုံနေကြမယ် ဆိုရင် အဲဒီ နတ်တွေ ထက်တောင် သားတို့က ပိုပြီး မြင့်မြတ် နေသေးတယ်။ ပိုပြီးတောလည်း အဆင့်မြင့်နေသေးတယ်”

“ဟဲ့ သားရဲ့။ အဲဒီ နတ်တွေက မင်းရဲ့ အဘိုး၊ အဘွားတွေ လက်ထက် ကတည်းက အမေတို့ ကိုးကွယ်လာကြတာလေ။ အရမ်းရမ်း လိုက်မပြောနဲ့ တော်ကြာ နတ်ကိုင်နေလို့၊ နတ်ပြုစားလိုက်လို့ တို့သားအမိ ဒုက္ခ ရောက်နေပါဦးမယ်”

“သြော်…အမေရယ်။ နတ်ကောင်းနတ်မြတ်တွေ ဆိုရင် လူတွေကို ဒုက္ခ ဘယ်ပေးပါလိမ့် မလဲ။ အမေပြောသလို သားတို့ကို အဲဒီ နတ်တွေက ဒုက္ခပေးလိမ့်မယ် ဆိုကတည်းက အဲဒီ နတ်တွေဟာ နတ်ကောင်းနတ်မြတ်တွေ ဖြစ်နိုင်ပါဦးတော့မလား?”

“အင်း… ငါ့သားပြောတာလည်း ဟုတ်တော့ ဟုတ်နေတာပဲ”

“ဟုတ်တော့ ဟုတ်နေတာ မဟုတ်ဘူး အမေ။ ဟုတ်ကို ဟုတ်နေတာ။ ဥပုသ်နေ့တွေ ဆိုရင် အမေက ဘုန်းကြီးကျောင်း သွားပြီး ရှစ်ပါးသီလ ယူပြီး အဲဒီ နေ့ ဆိုရင် ဥပုသ် စောင့်တယ် မဟုတ်လား”


“ဟုတ်တယ်လေ သား။ အဲဒါ ဘာဖြစ်တုန်း”

“အမေက ရှစ်ပါးသီလတောင် ယူထားပြီးပဲ။ အဲဒီ ရှစ်ပါးသီလကို မကျိုး မပျက်အောင် တည်ဆောက်ထားနိုင်တာကကို အဲဒီ နတ်တွေထက် အမေက အရမ်းကို မွန်မြတ်နေပြီ။ အဲဒီတော့ သားပြောချင်တာက သားတို့၊ အမေတို့ က အနည်းဆုံး အဆင့် မြတ်စွာဘုရား ဟောကြား ဆုံးမထားတဲ့ ငါးပါးသီလကို လုံအောင် ထိန်းထားနိုင်ရင် အဲဒီလို ငါးပါးသီလတောင် လုံအောင် မထိန်းနိုင်တဲ့ နတ်တွေကို ရှိမခိုးပါတော့နဲ့လား အမေရယ်”

“ဟုတ်တယ်။ ငါ့သားပြောတာတွေဟာ အားလုံး အမှန်တွေချည်းပါပဲ။ အမေတို့က မျိုးရိုးစဉ်ဆက် ကိုးကွယ်လာတာ ဆိုတော့လည်း တခါတလေ အခက်သား”

“အမေက ခက်ခဲနေရင် သားက အဲဒီနတ်တွေကို တခြားနေရာကို ပိုပေး လိုက်မယ်လေ။ ၀ါဝင် ၀ါထွက် နတ်တင်ပွဲလေး ပြုလုပ်နေမယ့် ကုန်ကျစရိတ်တွေကို ၀ါဆိုကြမယ့် ရဟန်းသံဃာတွေကို လှူဒါန်းလိုက်မယ် ဆိုရင် ဘယ်လောက်များ ကုသိုလ် ကြီးလိုက်မလဲနော်”

“အောင်မလေး…ဒီနတ်တွေကို ရွေ့ဖို့တော့ ငါ့သား မလုပ်ပါနဲ့။ အမေပဲ လုပ်ပါမယ်။ နတ်ပြုစားရင် အမေ့ကိုပဲ ပြုစားပါစေ။ ငါ့သားကိုတော့ ပြုစားခံရတာ အဖြစ် မခံနိုင်ပါဘူး။ ဒီတစ်ဝါ ၀ါထွက်ပြီးတာနဲ့ အမေကိုယ်တိုင်ပဲ အဲဒီ နတ်တွေကို မြို့ပြင်က တစ်နေရာရာမှာ နေရာ ပြောင်းပေးလိုက်ပါတော့မယ်”

“အမေရယ်… ကိုယ့်မှာသီလ လုံနေရင် ကုသိုလ်တွေက နေ့တိုင်း ရနေတာပဲ။ အဲဒီ နတ်တွေက ဘယ်လိုလုပ်ပြီး ပြုစားနိုင်မှာလဲ။ ဘာပဲ ဖြစ်ဖြစ် အမေကိုယ်တိုင်ကိုက အဲဒီ နတ်တွေကို စွန့်နိုင်တာက ကို ရတနာသုံးပါးကို ကိုးကွယ်နိုင်ဖို့အတွက် ပိုပြီးတော့ အချိန်တွေ ရလာတယ်လေ”

ကျွန်ုပ်လည်း ဆယ်တန်း အောင်ပြီး တက္ကသိုလ်ကျောင်း သွားတက်ခြင်းဖြင့် ခရီးထွက်နေရတယ်။ ကျောင်းပိတ်သောကြောင့် မိခင်ကြီးဆီ ပြန်ရောက်လာရော အိမ်က ဘုရားခန်းမှာ ဘာနတ်မှ မတွေ့ရတော့ဘဲ ရတနာ သုံးပါးကိုသာ ကိုးကွယ် ဆည်းကပ်နေတဲ့ မိခင်ကြီးကို တွေ့လိုက်ရတော့တယ်။ ဘုရားခန်းလေး တင့်တယ်လိုက်သည် ဖြစ်ခြင်း။

သိပ်ကို ၀မ်းသာဖွယ် ကောင်းလေစွ။ မိခင်ကြီးဟာ ယခင်က ၀ါဝင် ၀ါထွက် နတ်တွေကို ပူဇော်ပသနေတဲ့ အချိန်တွေ အစား အခုတော့ ၀ါဝင် ၀ါထွက်တွေမှာ ရတနာ သုံးပါးနဲ့ ကံ ကံ၏ အကျိုးကို ယုံကြည်သက်ဝင်ရင်း ဘုရားကျောင်းကန် တွေမှာပဲ အချိန်တွေကို တန်ဘိုး ရှိရှိ အသုံးချနေပြီ။

အင်း… မိခင်ကြီးအတွက် သားမောင်ကျွန်ုပ် သိပ်ကို ဂုဏ်ယူနေမိပြီ။
ကျွန်ုပ်က မိခင်ကြီး နိဗ္ဗာန်လမ်းကို အတိမ်းအစောင်းမရှိ တည့်မတ်စွာ သွားနိုင်ဖို့ အတွက် တစ်ဖက်တစ်လမ်းက သာသာနာ ပြုလိုက်နိုင်ပြီလို့ ယူဆလိုက်မိ ပါတော့တယ်…


ချစ်သောသား