27.12.2011 နေ့ဖတ်ရန်သတင်းများ

by Myanmar Journal on Tuesday, December 27, 2011 at 6:09am

 

 
ဂျပန် နိုင်ငံခြားရေး ဝန်ကြီး နဲ့ မြန်မာနိုင်ငံအတွက် အကူအညီ

ဂျပန် နိုင်ငံခြားရေးဝန်ကြီး ကိုအိချီရို ဂမ်ဘာ မြန်မာနိုင်ငံကိုရောက်ရှိနေပြီး မြန်မာနိုင်ငံကို အကူအညီတွေ ပြန်ပေးရေး နဲ့ ရင်းနှီးမြုပ်နှံမှု သဘောတူ စာချုပ် ချုပ်ဆိုရေး အတွက် ဆွေးနွေးခဲ့ပါတယ်။
ဂျပန် နိုင်ငံခြားရေး ဝန်ကြီးဟာ မြန်မာအစိုးရ သမ္မတ ဦးသိန်းစိန်၊ မြန်မာနိုင်ငံခြားရေး ဝန်ကြီး ဦးဝဏ္ဏမောင်လွင်တို့နဲ့ တွေ့ဆုံခဲ့ပြီး မြန်မာနိုင်ငံမှာ ပြုပြင် ပြောင်းလဲမှု တွေ ပိုမို ဆောင်ရွက်ဖို့ တိုက်တွန်းခဲ့ပါတယ်။

မြန်မာ အစိုးရဘက်က နိုင်ငံရေး အကျဉ်းသား တချို့လွှတ်ပေးခဲ့တာ၊ မီဒီယာတွေကို ချုပ်ချယ်ကန့်သတ်မှု တချို့ လျော့ပေါ့ပေးခဲ့တာ၊ ဒေါ်အောင်ဆန်းစုကြည်နဲ့ တွေ့ဆုံ ဆွေးနွေးမှုတွေလုပ်တာကို ဂျပန် နိုင်ငံက တိုးတက်မှုလို့ မှတ်ယူပြီး အခုလို အကူအညီတွေ ပြန်လည်ပေးဖို့ ရင်းနှီးမြှုပ်နှံမှု စာချုပ်တွေ ချုပ်ဆိုဖို့ စီစဉ်ခဲ့တာ ဖြစ်ပါတယ်။
ဒေါ်အောင်ဆန်းစုကြည်နဲ့ မစ္စတာ ဂမ်ဘာ တွေ့ဆုံကြချိန်မှာတော့ မြန်မာနိုင်ငံကို အကူအညီတွေ ပေးသလို ဒီမိုကရေစီ အဆောက်အအုံတွေ အားကောင်းကြံ့ခိုင်လာအောင် လည်း အကူအညီတွေ ပေးမယ်လို့ ယုံကြည်ကြောင်း ဒေါ်အောင်ဆန်းစုကြည်က ဂျပန် နိုင်ငံခြားရေး ၀န်ကြီးကို တိုက်တွန်းခဲ့ပါတယ်။

တောင်ကိုရီးယားမှ အမျိုးသမီး၂ယောက် လာရောက် ဂါရဝပြုကင်ဂျုံအွန် ရာထူးဆက်ခံရေး မီဒီယာတွေအသားပေး
ကွယ်လွန်သူ မြောက်ကိုရီးယား ခေါင်းဆောင် ကင်ဂျုံအီးလ်နေရာကို ဆက်ခံဖို့ သားဖြစ်သူကို မီဒီယာတွေမှာ အလေးပေး ဖေါ်ပြနေပါတယ်။ သူ့ကို ကြီးမြတ်သော အရိုက်အရာ ဆက်ခံသူလို့ ခေါ်ထားတဲ့အပြင် ကာကွယ်ရေး ဦးစီးချုပ်ရာထူးကို လည်းလွှဲပြောင်း ပေးထားပါတယ်။
သတင်းစာတစောင်ကဆိုရင် လက်ရှိအာဏာရ အလုပ်သမား ပါတီရဲ့ခေါင်းဆောင် အဖြစ်လည်း ဖေါ်ပြထားပါတယ်။ လောလောဆယ် အထိတော့ ဖခင်ဖြစ်သူတိုင်းပြည်ကို ကြိုးကိုင် အုပ်ချုပ်တဲ့ အမျိုးသား ကာကွယ်ရေး ကော်မရှင် ဥက္ကဌရာထူးကို လက်ခံတာတော့ မတွေ့ရသေးပါဘူး။ ဒါပေမယ့် အခုအချိန်ထိတော့ သူ့မှာ နိုင်ငံရေး စစ်ရေးအရ လုပ်ပိုင်ခွင့်တွေ အတော်ရရှိထားပါတယ်။
ကင်ဂျုံအီးလ် ကွယ်လွန်သွားတဲ့အခါ မြောက်ကိုရီးယားနဲ့ဆက်ဆံရေးပြန်ကောင်းအောင် ဒေသတွင်းနိုင်ငံအချို့က ကြိုးပမ်းနေပါတယ်။
တောင်ကိုရီးယားကဆိုရင် ထင်ရှားတဲ့ အမျိုးသမီးနှစ်ယောက်ကို ကင်ဂျုံအီးလ်ဈပနမှာ သွားရောက်ဂါရဝပြုဖို့ သွားခွင့်ပြုခဲ့ပါတယ်။ ဒိပြင်ပုဂ္ဂိုလ်တွေကတော့ တက်ရောက်မှာ မဟုတ်ပါဘူး။ ဒါကို မြောက်ကိုရီးယားဘက်ကတော့ သိပ်ကြေနပ်ပုံမရပါဘူး။ ဒါကြောင့် ကိုရီးယားကျွန်းဆွယ် ပုံမှန်ပြန်ဖြစ်ရေးကတော့ သိပ်မျှော်လင့်လို့ မရသေးဘူးလို့ ဆိုးလ်ရှိ ဘီဘီစီ သတင်းထောက်က ပြောထားပါတယ်။

တိုက်ခိုက်မှု ဆက်လက် ဖြစ်ပွားဆဲ ဟွန်း မြို့ဆီးရီးယား အကြမ်းဖက်မှု ဆက်လက်ဖြစ်ပွား
ဆီးရီးယား နိုင်ငံ ဟွန်းမစ် မြို့မှာ နောက်ထပ် အကြမ်းဖက် မှုတွေ ဖြစ်ပွားခဲ့ပါတယ်။ တတိယ မြောက်နေ့ အဖြစ် ဗုံးကြဲတိုက်ခိုက်မှုတွေ ရှိခဲ့ရာမှာ လူပေါင်း ၂၃ ယောက် ထက်မနည်း သေဆုံးခဲ့တယ်လို့ လူ့အခွင့်အရေး လှုပ်ရှားသူတွေ က ဆိုပါတယ်။
"ဗုံးကွဲသံတွေကို ခင်ဗျားတို့ ကြားကြတယ်မဟုတ်လား။ လူ့အခွင့်အရေးဆိုတာ ဘယ်မှာလဲ။ ကမ္ဘာကြီးက ဘာလုပ်နေသလဲ။ ဒီနေရာ တနေရာထဲမှာတင် ဗုံးကြောင့် သေဆုံးခဲ့သူ တွေရဲ့ နာမည် သုံးဆယ်လောက်ကို ကျနော်ပြောပြနိုင်ပါတယ်" လို့ မျက်မြင်သက်သေး တယောက်က ပြောခဲ့ပါတယ်။
ကိုးလကြာ ပဋိပက္ခတွေဖြစ်ပွားခဲ့တဲ့ ဆီးရီးယားနိုင်ငံမှာ ငြိမ်းချမ်းရေး သဘောတူစာချုပ်ချုပ်ဆိုမှာကို အာရပ်အဖွဲ့ချုပ်ရဲ့ လေ့လာသူ ငါးဆယ် ယောက် လာရောက် လေ့လာမယ့် အချိန်မတိုင်ခင်မှာ အခုလို ဗုံးကြဲတိုက်ခိုက်မှုတွေ ထပ်မံ ဖြစ်ပွားခဲ့တာလည်း ဖြစ်ပါတယ်။

အမေရိကန် တပ်တွေ ရုပ်သိမ်းပြီး အကြမ်းဖက်မှု တိုးပွားအီရတ် ပြည်ထဲရေး ဝန်ကြီးရုံး ဗုံးပေါက်ကွဲ
အီရတ်နိုင်ငံ ဘဂ္ဂဒက် မြို့ ပြည်ထဲရေး ဝန်ကြီးရုံးမှာ အသေခံဗုံးခွဲ တိုက်ခိုက်မှုကြောင့် အနည်းဆုံး လူငါးယောက်သေဆုံးခဲ့ပါတယ်။
ဝန်ကြီးရုံး အပြင်ဘက်မှာ ရှိတဲ့ ကားထဲမှာ ဖောက်ခွဲခဲ့တာဖြစ်တယ်လို့ အရာရှိတွေက ပြောပါတယ်။
ပြီးခဲ့တဲ့ ရက်တွေ အတွင်းမှာ ဒီနှစ် အတွင်း အဆိုးဝါးဆုံး ဗုံးခွဲမှုတွေ ဖြစ်ပွားခဲ့ပြီး ပြီးခဲ့ တဲ့ ကြာသပတေးနေ့တုန်းက အကြမ်းဖက်မှု ဖြစ်ရပ်တခုတည်းမှာတင် လူပေါင်း ၇၀ သေဆုံးခဲ့ပါတယ်။
ဒီလအတွင်း အမေရိကန် တပ်ဖွဲ့တွေ အီရတ်က ဆုတ်ခွာအပြီး အီရတ် အုပ်စုတွေ အကြား တိုက်ခိုက်မှုတွေ ပိုမို ပြင်းထန်လာခဲ့တာလည်း ဖြစ်ပါတယ်။
အီရတ်ခေါင်းဆောင်တွေနဲ့ ပတ်သက်ပြီး အမေရိကန်ရဲ့ စိုးရိမ်ပူပန်မှုတွေ ပိုမိုတိုးမြင့်လာတယ်လို့ အမေရိကန် ဒုတိယ သမ္မတ ဂျိုးဘိုင်ဒင်က ဆိုပါတယ်။

စစ်တွေဆိပ်ကမ်း တည်ဆောက်မှု လူထုထိခိုက်
စစ်တွေမြို့မှာ ဆိပ်ကမ်းတည်ဆောက်နေတဲ့ အိန္ဒိယ ကုမ္ပဏီ အက်ဆာ ပိုင် ကားကြီး၊ကားငယ် စင်းရေ( ၁ဝဝ) နီးပါးဟာ သဲတွေကို စည်းကမ်းမဲ့ သယ်ယူမှု ပြုနေလို့ သဲမှုန်တွေ လွင့်ရာက စစ်တွေလူထု ကျန်းမာရေး ထိခိုက်နေကြပါတယ်။
သဲတွေကို ပင်လယ် ဆိပ်ကမ်းကနေ ညလုံးပေါက် သယ်ယူနေတဲ့ အတွက် ကားလမ်း တလျှောက်ရှိ အိမ်တွေ၊ မျက်စိဆေးရုံ အပါအဝင်၊ လူတွေပါ သဲမှုန်တွေကြောင့် ကျန်းမာရေး ထိခိုက်နေကြပါတယ်။
မြို့ခံလူထု က ဝိုင်းဝန်းကန့်ကွက် ရာမှာ ခေတ္တ ရပ်နားပေမယ့် ရက်ပိုင်းအတွင်း သဲတွေ လူးလာ ခေါက်ပြန် သယ်ယူမှု ပြုပါတယ်။
ပတ်ဝန်းကျင် ထိန်းသိမ်းမှု အရရော၊ ကျန်းမာရေး အရပါ ထိခိုက်မှု ရှိပါရက် နဲ့ ဘာကြောင့် ဆက်လက်လုပ်ကိုင်နေကြောင်း၊ ထိရောက်တဲ့ အရေးယူမှု မပြုတာနဲ့ ပတ်သက်ပြီး ရခိုင်ပြည်နယ် ပြည်သူ့လွှတ်တော် အမတ် ဦးအောင်မြကျော် ကို မေးကြည့်ရာမှာတော့ ပြည်နယ် အစိုးရမှာ တိကျ ပြတ်သားတဲ့ ဆုံးဖြတ်ချက် မချ နိုင်တာကြောင့် အခုလိုဖြစ်ရပုံ ဘီဘီစီ ကို ရှင်းပြပါတယ်။

နိုင်ဂျီးရီးယား ဗုံးခွဲမှုကို ဝိုင်းဝန်းရှုံ့ချ
နိုင်ဂျီးရီးယား နိုင်ငံမှာ ခရစ်စမတ်စ် နေ့မှာ ဘုရား ရှိခိုးကျောင်းထဲ ဗုံးခွဲ တိုက်ခိုက်ခဲ့လို့ လူပေါင်း ၄၀ လောက် သေဆုံး ခဲ့ရတာကို နိုင်ငံ တကာက ဝိုင်းဝန်း ပစ်တင်ရှုံ့ချ ခဲ့ကြ ပါတယ်။
အမေရိကန် သမ္မတ အိမ်ဖြူတော်ကဒီ တိုက်ခိုက် မှုတွေနဲ့ ပတ်သက် လို့ ပြောကြား ရာမှာ ဒါဟာ အဓိပ္ပါယ် ကင်းမဲ့တဲ့ တိုက်ခိုက် မှုတွေ ဖြစ်ပြီး ဒီ အတွက် တာဝန်ရှိသူ တွေကို ဖော်ထုတ် သွားဖို့ အတွက် နိုင်ဂျီးရီးယား ကို ကူညီ သွားမယ်လို့ ဆိုလိုက် ပါတယ်။
ဗြိတိန် နဲ့ ဂျာမနီ နိုင်ငံတွေက ဒီ တိုက်ခိုက်မှု တွေဟာ သူရဲဘော ကြောင်တဲ့ လုပ်ရပ်တွေ ဖြစ်တယ် လို့ ပြောလိုက် ကြသလို ဗာတီကန် ကတော့ ရူးမိုက်တဲ့ အကြမ်းဖက် တိုက်ခိုက် မှုတွေ ဖြစ်တယ်လို့ ဆိုပါတယ်။
နိုင်ဂျီးရီးယား သမ္မတ ဂွတ်လပ် ဂျွန်နသန် ကတော့ ဒါဟာ လွတ်လပ်မှုကို ထိပါး လာတဲ့ တိုက်ခိုက်မှု ဖြစ်တယ်လို့ ပြောပါတယ်။
ဒီ တိုက်ခိုက်မှု တွေနဲ့ ပတ်သက်ပြီး ခွန်ဒါ ပြည်နယ် အစိုးရရဲ့ ခရစ်ယာန် ဘာသာရေး ဆိုင်ရာ အကြံပေး ဖြစ်သူ ဘုန်းတော်ကြီး ဂျိုးဆက်ပ် ဟာယက် ကတော့ ဘီဘီစီ ကိုပြောကြား ရာမှာ သူ တမနက် လုံး ဘုရားရှိခိုးကျောင်း တွေနဲ့ အဆက်အသွယ် တွေရခဲ့ကြောင်းနဲ့ သူတို့တွေက ဝတ်ပြု ဆုတောင်း ပွဲတွေကို အကျဉ်းခြုံး လုပ်ကြမယ်လို့ ဆိုကြတဲ့ အကြောင်းနဲ့ အချိန် တိုတို လုပ်ကြမယ်လို့ ပြောကြကြောင်း၊ လုံခြုံရေး ကိုလဲ တင်းကြပ်ထား ကြပြီး မဆိုင်သူတွေ မဝင် နိုင်အောင် လုပ်ထား ကြမဲ့ အကြောင်း တွေကို ပြောသွားပါတယ်။
နိုင်ဂျီးရီးယား က အစ္စလာမ် မစ် စစ်သွေးကြွ အဖွဲ့ ဖြစ်တဲ့ ဘိုကိုဟာရမ် အဖွဲ့က ဒီတိုက်ခိုက်မှု တွေကို သူတို့ လုပ်ခဲ့ တာဖြစ်ကြောင်း ပြောပါတယ်။

အစိုးရတပ်တွေ စီးနင်း ထားတဲ့ ဟွမ်းစ်မြို့အာရပ်အဖွဲ့ချုပ် စောင့်ကြည့်သူတွေ ဆီးရီးယားကို ရောက်ရှိ
ဆီးရီးယား နိုင်ငံကို အာရပ်အဖွဲ့ချုပ် က စေလွှတ်လိုက်တဲ့ လေ့လာ စောင့်ကြည့်သူ တွေဟာ တနင်္လာနေ့ မှာ ဆီးရီးယား ကို ရောက်လာပြီ ဖြစ်ပါတယ်။
အတိုက်အခံ တွေဖြစ်ကြတဲ့ ဆီးရီးယား အမျိုးသား ကောင်စီ ကတော့ ဒီ လေ့လာ စောင့်ကြည့် သူတွေကို အစိုးရ တပ်တွေက စီးနင်းနေတဲ့ဟွမ်းစ် မြို့ကို ရောက်ရောက်ချင်း သွားကြဖို့ တောင်းဆို လိုက်ပါတယ်။
ဒီ အဖွဲ့က အဲဒီ ဟွမ်းစ် မြို့မှာ ရှိတဲ့ ဘာဘာ အမာ ရပ်ကွက် ကို ဆိုရင် အစိုးရ စစ်သား ၄ ထောင်လောက်က ပိတ်ဆို့ ထားကြတယ်လို့ ဆိုပါတယ်။
အာရပ် အဖွဲ့ချုပ် က စေလွှတ်လိုက် သူတွေကတော့ ဆီးရီးယား မှာ ၉ လကျော် ရှိလာနေပြီ ဖြစ်တဲ့ သမ္မတ ဘာရှာ အဲလ် အာဆတ်ဒ် ကို ဆန့်ကျင့်တဲ့ ဆန္ဒပြပွဲ တွေက စခဲ့တဲ့ မတည်ငြိမ် မှုတွေ အဆုံးသတ် စေဖို့ အတွက် ဆီးရီးယား အစိုးရနဲ့ ရထားတဲ့ သဘောတူ ညီချက် တွေကို အစိုးရဘက်က လိုက်နာ မှုရှိမရှိ ကို လေ့လာ စောင့်ကြည့် သွားမှာ ဖြစ်ပါတယ်။
အစောပိုင်း တုန်းက ထုတ်ပြန် ခဲ့တဲ့ ပုပ်ရဟန်း မင်းကြီးရဲ့ ခရစ်စမတ်စ် သတင်းစကား ထဲမှာ လည်းဆီးရီးယားမှာ ဖြစ်ပေါ်နေတဲ့ သွေးထွက်သံယိုမှုတွေ အဆုံးသတ်ဖို့ အတွက်တောင်းဆို ထားပါတယ်။

ယီမင် က ဆန္ဒပြပွဲ တခုယီမင်မှာ ပြည်သူတွေ ဆန္ဒပြကြ
ယီမင် နိုင်ငံက ဆာနာ မြို့တော် မှာတော့ ထောင်ပေါင်း များစွာ သောပြည်သူတွေ ဆန္ဒပြ ခဲ့ကြပါတယ်။
ဆန္ဒပြ ရခြင်းရဲ့ အကြောင်း ကတော့ စနေနေ့က သမ္မတ အလီ အဗ္ဗဒူလာ ဆာလေးကို တရား စွဲဆို ခံရခြင်းက ကင်းလွတ်ခွင့် ပေးတာကို ပြန်လည် ရုတ်သိမ်း ပေးဖို့ အတွက် တောင်းဆို ဆန္ဒပြကြသူ တွေကို လုံခြုံရေး တွေက ပစ်ခတ် ခဲ့လို့ လူ ၉ ဦး ထက်မနည်း သေဆုံး သွားခဲ့ ရတဲ့ အတွက် ဖြစ်ပါတယ်။ စနေနေ့ က ဆန္ဒပြ ကြသူ တွေက ဒုတိယ သမ္မတ အဘက်ဒ် ရဘ်ဗို မန်ဆူး ဟာဒီ ကိုပါ နုတ်ထွက်ပေး ဖို့ အတွက် တောင်းဆို ခဲ့ကြပါတယ်။
ယီမင် ပါလီမန် ကတော့ ဒီလို ပစ်ခတ် ခဲ့မှုတွေနဲ့ ပတ်သက်လို့ စုံစမ်း စစ်ဆေး မှုတွေ လုပ်ဖို့ အစိုးရကို တောင်းဆို ထားပါတယ်။


ရဲဘော်သုံးကျိပ် သွေးသစ္စာနေ့ အလှူ
မဇ္ဈိမသတင်းဌာန | တနင်္လာနေ့၊ ဒီဇင်ဘာလ ၂၆ ရက် ၂၀၁၁ ခုနှစ် ၂၁ နာရီ ၂၀ မိနစ်
ရန်ကုန် (မဇ္ဈိမ) ။ ။ ကွယ်လွန်လေပြီးသော ရဲဘော်သုံးကျိပ်ဝင်များကို ရည်စူးကာ မိသားစုဝင်များက ရေစက် သွန်းချ အမျှပေးဝေလှူဒါန်းပွဲကို တနင်္လာနေ့ နံနက် ၉ နာရီက ရန်ကုန်မြို့ ဇီဝိတဒါန သံဃာ့ဆေးရုံတွင် ပြုလုပ်ခဲ့ သည်။

ဒီဇင်ဘာ ၂၆ ရက်နေ့မှာ ၁၉၄၁ ခုနှစ်က ထိုင်းနိုင်ငံ ဘန်ကောက်မြို့၌ ရဲဘော်သုံးကျိပ်ဝင်များ လွတ်လပ်ရေးအတွက် လက်မောင်းသွေးကို ဖောက်ကာ သွေးသစ္စာ ဆိုခဲ့ကြသည့်နေ့ ဖြစ်သည်။ ထို့ကြောင့် ဤနေ့ ရောက်တိုင်း ရဲဘော် သုံးကျိပ်ဝင် မိသားစုများက တွေ့ဆုံပွဲ လုပ်ခဲ့ကြသည်မှာ ၂၈ နှစ် ကြာပြီဖြစ်၍ ယခုနှစ်တွင် ဇီဝိတဒါန သံဃာ့ဆေးရုံမှ ပင့်သံဃာတော် ၂၈ ပါးကို အလှူအတမ်း ပေးဝေခဲ့ခြင်း ဖြစ်ကြောင်း သိရသည်။

မြန်မာနိုင်ငံ၏ ပထမဆုံးသော ခေတ်မီ အမျိုးသား တပ်မတော်ဖြစ်သည့် ‘ဗမာ့ကာကွယ်ရေး တပ်မတော် BIA’ ကို ဖွဲ့စည်း တည်ထောင်ခဲ့ကြသည့် ရဲဘော်သုံးကျိပ်ဝင်များထဲမှ ၂၈ ဦးမှာ ကွယ်လွန်သွားကြပြီ ဖြစ်သည်။

ကွယ်လွန်လေပြီးသော ရဲဘော်သုံးကျိပ်ဝင်များကို ရည်စူးကာ မိသားစုဝင်များက ရေစက် သွန်းချ အမျှပေးဝေလှူဒါန်း (ဓါတ်ပုံ မဇ္ဈိမ)

သခင်ရွှေ (ခေါ်) ဗိုလ်ကျော်ဇောနှင့် ကိုအောင်သိန်း (ခေါ်) ဗိုလ်ရဲထွဋ်တို့ နှစ်ဦးသာ သက်ရှိထင်ရှား ရှိနေတော့ကြောင်း ရဲဘော်သုံးကျိပ်ထဲမှ မိသားစုဝင် တဦးက ပြောသည်။

“ကျနော်က နှစ်စဉ်နှစ်တိုင်း ရဲဘော်သုံးကျိပ်ဝင် မိသားစုတွေ တွေ့ဆုံပွဲကို တက်ဖြစ်ပါတယ်။ ဒီနှစ်
ဒေါ်အောင်ဆန်းစုကြည်ကို ဖိတ်ထားတယ်လို့ သိရပါတယ်။ ဦးနေဝင်း မိသားစုတော့ မသိပါဘူး။ အယူအဆတွေ ဘယ်လိုပဲ ကွဲပြားနေစေကာ ရဲဘော်သုံးကျိပ်ဝင် မိသားစုတွေ တွေ့ဆုံနိုင်အောင် အရင်ကပဲ ရဲဘော် သုံးကျိပ်ဝင်တွေ ကိုယ်တိုင် လုပ်ခဲ့တာ။ အခုဆိုရင် သက်ရှိထင်ရှား နှစ်ယောက်ပဲ ကျန်တော့တယ်။ သခင်ရွှေ (ဗိုလ်ကျော်ဇော) ကတော့ ကူမင်းမှာ မိသားစုဝင်တွေနဲ့ နေတယ်လို့ ကြားတယ်။ ကိုအောင်သိန်းကတော့ လက်တွန်း ကုလားထိုင်နဲ့ ပဲ နေရတော့ တယ်။ မသွားနိုင်ဘူးလေ။ အသက်က ၉၀ ဆိုတော့လေ” ဟု သူက ပြောသည်။

‘ရဲဘော်သုံးကျိပ်ဝင် မိသားစုများ သာရေးနာရေးအဖွဲ့’ ကိုလည်း ၁၉၈၃ ခုနှစ် ဒီဇင်ဘာ ၂၆ ရက်နေ့က ဖွဲ့စည်းထား သည်။

တရုတ်နိုင်ငံ ကူမင်းမြို့၌ နေထိုင်သည့် ဗိုလ်မှူးချုပ် (ဟောင်း) ကျော်ဇောက “ကျနော် ၉၂ နှစ် ပြည့်ပါပြီ။ ကျနော် ကျန်းမာပါတယ်။ အားလုံးပဲ ကျန်းမာပါစေ။ ဒီမိုကရေစီ အမြန်ရပါစေ။” ဟု ၂၀၁၁ ခု ဒီဇင်္ဘာ ၃ ရက်နေ့က ကျရောက်
သော မွေးနေ့ နှုတ်ခွန်းဆက်စကားတွင် ပါရှိသည်။

ခိုးထားတဲ့ ဒေါ်လာ ၁ သန်းနဲ့ ကွန်ပြူတာ Hackers အုပ်စု အလှူပေး
By ဗွီအိုအေ (မြန်မာဌာန)
Anonymous အမည်မသိသူများလို့ သူတို့ကိုယ်သူတို့ခေါ်တဲ့ အုပ်စုတစ်ခုက ပရဟိတအဖွဲ့အစည်းတွေကို ဒေါ်လာ တစ်သန်း လှူဒါန်းဖို့အတွက် အွန်လိုင်းလုံခြုံရေး ၀န်ဆောင်မှုပေးတဲ့ ကုမ္ပဏီတစ်ခုဆီကနေ အီးမေးလိပ်စာတွေနဲ့ အကြွေးဝယ်ကဒ်တွေရဲ့ သတင်းအချက်အလက် ထောင်ပေါင်းများစွာကို ခိုးယူခဲ့တယ်လို့ ပြောလိုက်ပါတယ်။
Stratfor ဆိုတဲ့ အွန်လိုင်းလုံခြုံရေးကုမ္ပဏီဟာ သူတို့ဆီမှာ အလုပ်အပ်ထားသူတွေရဲ့ သတင်းအချက်အလက် တွေကို တခြားလူ မသိနိုင်အောင် encrypt လို့ခေါ်တဲ့ ပုံဖျက်ဖုံးအုပ်တဲ့ နည်းပညာကိုသုံးပြီး လုံခြုံအောင် မလုပ်နိုင်ခဲ့တာကြောင့် ခိုးယူဖို့ လွယ်ကူသွားစေခဲ့တယ်လို့ မခံချိမခံသာဖြစ်အောင်ပြောပြီး ဒီကနေ့မှာ အွန်လိုင်းကနေ ထုတ်ပြန် ကြေညာထားပါတယ်။
Stratfor ကုမ္ပဏီမှာ အလုပ်အပ်ထားတဲ့သူတွေထဲမှာ ပင်တဂွန်စစ်ဌာနချုပ်၊ အမေရိကန်လေတပ်နဲ့ ကြည်းတပ်တို့ ပါဝင်ပါတယ်။ သူတို့အဖွဲ့ဟာ ခိုးယူထားတဲ့ သတင်းအချက်အလက်တွေကို သုံးပြီး ကြက်ခြေနီ၊ CARE နဲ့ Save the Children အဖွဲ့တွေကို အလှူငွေတွေ ပို့ခဲ့တယ်လို့ Anonymous အဖွဲ့က ဆိုပါတယ်။
ထင်ရှားကျော်ကြား သူတွေဆီကနေ ခိုးယူထားတဲ့ သတင်း အချက်အလက်တွေကို သုံးပြီး ရုတ်ရုတ်သဲသဲ ဖြစ်အောင် လုပ်ပစ်မယ်လို့လည်း အဲဒီအဖွဲ့က အခိုင်အမာ ပြောထားပါတယ်။
အရင်တုန်းကဖြစ်ခဲ့ဖူးတဲ့ ကွန်ပြူတာစနစ်တွေထဲကို ခိုးဝင် ထွင်းဖောက်ခဲ့တဲ့ ဖြစ်ရပ်တွေကိုလည်း သူတို့လုပ်တာလို့ Anonymous အဖွဲ့က ပြောပါတယ်။

မြောက်ကိုရီးယား ခေါင်းဆောင်သစ် အာဏာရပါတီ အကြီးအကဲတာဝန်ယူ
By ဗွီအိုအေ (မြန်မာဌာန)
ကွယ်လွန်သူ မြောက်ကိုရီးယားခေါင်းဆောင် ကင်မ်ဂျုံအီလ်ရဲ့ အရိုက်အရာကို ဆက်ခံခဲ့သူဟာ နောက်ထပ် ထိပ်တန်း ရာထူးတစ်ခုကိုလည်း လက်ခံယူခဲ့တယ်လို့ မြောက်ကိုရီးယား အစိုးရသတင်းစာမှာ ဒီကနေ့ ဖော်ပြပါတယ်။ နိုင်ငံအတွက် ဆုံးဖြတ်ချက်တွေ ချမှတ်ရာမှာ အမြင့်ဆုံး အာဏာပိုင်ဖြစ်တဲ့ အာဏာရ အလုပ်သမားပါတီရဲ့ ဗဟိုကော်မတီ ခေါင်းဆောင်အဖြစ် ကင်မ်ဂျုံအွန်းကို ခန့်အပ်လိုက်ကြောင်းကို ကွန်မြူနစ်ပါတီရဲ့ Rodong Sinmun သတင်းစာက ရည်ညွှန်းရေးသားတာ ဖြစ်ပါတယ်။
စနေနေ့နှောင်းပိုင်းက သတင်းတွေမှာ မြောက်ကိုရီးယားအစိုးရ ဗဟိုသတင်းဌာနက ဗိုလ်ချုပ်ကြီး ကင်မ်ကို တော်လှန်ရေးတပ်ဖွဲ့များရဲ့ ခေါင်းဆောင် အကြီးအကဲအဖြစ် ဖော်ပြခဲ့သလို စနေနေ့ အစောပိုင်းကလည်း မစ္စတာ ကင်မ်ကို သူ့ဖခင် ကင်မ်ဂျုံအီလ်တုန်းက သုံးခဲ့တဲ့ အသုံးအနှုန်းအတိုင်း စစ်ဦးစီးချုပ်အဖြစ် ပထမဆုံးအကြိမ် ဂုဏ်ပြုဖော်ပြခဲ့တာပါ။
အသက် ၃၀ နီးပါးရှိပြီဖြစ်တဲ့ ကင်မ်ဂျုံအွန်းဟာ စစ်ရေး အတွေ့အကြုံ နုနယ်သေးပေမဲ့ ကြယ်လေးပွင့် ဗိုလ်ချုပ်ကြီးရာထူးကို ရထားသူဖြစ်ပါတယ်။ မြောက်ကိုရီးယား ပြည်သူတွေရဲ့ ခေါင်းဆောင်၊ တော်လှန်ရေး တာဝန်တွေကို ထမ်းဆောင်ခဲ့တဲ့ မစ္စတာ ကင်မ်ဂျုံအီလ်ရဲ့ အရိုက်အရာကို ဆက်ခံသူ မြောက်ကိုရီးယား ခေါင်းဆောင် ကင်မ်ဂျုံအွန်းရဲ့ခေတ် စတင်ကြောင်း ပြီးခဲ့တဲ့ ကြာသပတေးနေ့ကစလို့ မြောက်ကိုရီးယားက ကြေညာခဲ့တာဖြစ်ပါတယ်။
တောင်ကိုရီးယားနိုင်ငံ ဆိုးလ်မြို့မှာတော့ မြောက်ကိုရီးယား ခေါင်းဆောင် အပြောင်းအလဲကနေ တောင်နဲ့ မြောက် ကိုရီးယား နှစ်နိုင်ငံကြား ဆက်ဆံရေး ပျော့ပြောင်းမှု တိုးလာနိုင်ဖွယ်ရှိတယ်လို့ တောင်ကိုရီးယား သမ္မတ လီမြောင်ဘက် က နိုင်ငံရေးခေါင်းဆောင်တွေကို ကြာသပတေးနေ့က ပြောဆိုခဲ့ပါတယ်။

အစိုးရငြိမ်းချမ်းရေး ကိုယ်စားလှယ် ၀တပ်ဖွဲ့နဲ့တွေ့
By ကိုမိုးဇော်
မြန်မာနိုင်ငံရဲ့ အပြောင်းအလဲတွေကြောင့် နိုင်ငံတကာနဲ့ ဆက်ဆံမှုတွေ မြင့်တက်လာချိန်မှာ အစိုးရက တိုင်းရင်းသား လက်နက်ကိုင်တွေနဲ့လည်း ပြေလည်မှုရအောင် ညှိနှိုင်းမှုတွေ လုပ်ဆောင်နေပါတယ်။ အခုနောက်ဆုံး မြန်မာအစိုးရနဲ့ အပစ်အခတ်ရပ်စဲထားတဲ့ အဓိက တိုင်းရင်းသား လက်နက်ကိုင် အဖွဲ့အစည်း တစ်ခုဖြစ်တဲ့ ၀ပြည် သွေးစည်းညီညွတ်ရေးပါတီ (UWSA) နဲ့ မြန်မာ ငြိမ်းချမ်းရေး ကိုယ်စားလှယ်တွေ ဒီကနေ့ တွေ့ဆုံ ဆွေးနွေးခဲ့ကြပါတယ်။ ၀တပ်ဖွဲ့ရဲ့ ဌာနချုပ်ရှိရာ ပန်ဆန်းဒေသကို ရောက်ရှိလာခဲ့တဲ့ ဦးအောင်သောင်း ခေါင်းဆောင်တဲ့ ပြည်ထောင်စုအဆင့် ငြိမ်းချမ်းရေးအဖွဲ့နဲ့ ၀ခေါင်းဆောင်တွေ တွေ့ဆုံမှုအတွင်း ဒေသ ဖွံ့ဖြိုးရေး လုပ်ငန်းတွေတင်မကဘဲ ကြားဖြတ်ရွေးကောက်ပွဲ ကျင်းပရေးကိစ္စတွေကိုပါ ဆွေးနွေးကြလိမ့်မယ်လို့ မျှော်လင့်ရပါတယ်။ ဒီအခြေအနေ အသေးစိတ်ကိုတော့ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။
မြန်မာအစိုးရရဲ့ ငြိမ်းချမ်းရေးအဖွဲ့ ခေါင်းဆောင်တစ်ဦးဖြစ်တဲ့ ဦးအောင်သောင်းနဲ့ အဖွဲ့ဟာ ဒီကနေ့ မနက်ပိုင်းက ရှမ်းပြည်နယ် မြောက်ပိုင်း တရုတ်-မြန်မာ နယ်စပ်ဒေသက ၀ပြည် သွေးစည်းညီညွတ်ရေး ပါတီ ဌာနချုပ် အခြေစိုက်ရာ ပန်ဆန်းမြို့ကို ရောက်ရှိခဲ့ပါတယ်။
ပန်ဆန်းဒေသခံ တစ်ယောက်ကတော့ မြန်မာအစိုးရဘက်က အဖွဲ့တစ်ဖွဲ့ဟာ ရဟတ်ယာဉ်နဲ့ ရောက်လာကြောင်းနဲ့ ပန်ဆန်းမြို့ပေါ်မှာ လုံခြုံရေး တင်းကျပ်ထားကြောင်း အခုလို ပြောပြပါတယ်။
“ဒီနေ့ကတော့ ဗမာတွေလာတယ်လေ။ ပန်ဆန်းမှာ ဟတ်စကီးနဲ့လာတာ။ ၁၀ နာရီ ၁၁ နာရီအချိန်။ ဘယ်သူတွေလာသလဲတော့ မသိသေးဘူး။ အခုလောလောဆယ် စစ်သားတွေက တအားပိတ်ထားတဲ့ အခါကျတော့ သွားလာလို့လည်း မရသေးဘူး။”
ဝတပ်ဖွဲ့တွေနဲ့နီးစပ်တဲ့ တရုတ်-မြန်မာနယ်စပ်က နိုင်ငံရေး စစ်ရေးလေ့လာသူ ဦးအောင်ကျော်ဇောက ဦးအောင်သောင်းနဲ့ လူ ၂၀ လောက် ဒီနေ့ ပန်ဆန်းကို ရောက်ရှိလာတာဖြစ်တယ်လို့ ပြောပါတယ်။
ဦးအောင်သောင်းနဲ့အဖွဲ့ လာရှိရောက်တာဟာ ဒေသဖွံ့ဖြိုးရေးအတွက်လို့ ယူဆရကြောင်း ဦးအောင်ကျော်ဇော်က အခုလိုပြောပါတယ်။
“အဓိက ကတော့ ၀ဘက်က ဖိတ်တာပါ။ ချစ်ကြည်ရေးသဘော ဆန်တယ်ပေါ့ဗျာ။ သူတို့လုပ်ထားတဲ့ နယ်စပ် ဖွံ့ဖြိုးရေး အခြေအနေတွေလည်း နည်းနည်း ကြည့်ချင်တယ်တူပါတယ်။ အဲဒီအခြေအနေပါ အဓိက ကတော့။ နိုင်ငံရေးကိစ္စတော့ သိပ် ပါမယ်မထင်ဘူး။ သူတို့ ဘာမှပြင်ထားတာ မရှိဘူးလေ။”
UWSA ခေါ် ၀ပြည် သွေးစည်းညီညွတ်ရေးပါတီဟာ ၁၉၈၉ ခုနှစ်က ဗမာပြည် ကွန်မြူနစ်ပါတီကနေ ခွဲထွက်ပြီး မြန်မာစစ်အစိုးရနဲ့ အပစ်အခတ် ရပ်စဲခဲ့တဲ့အဖွဲ့ ဖြစ်ပါတယ်။ ၂၀၀၉ ခုနှစ်မှာတော့ နယ်ခြားစောင့်တပ်အဖြစ် အသွင်ပြောင်းဖို့ မြန်မာစစ်အစိုးရက တောင်းဆိုတာကို ငြင်းပယ်ခဲ့တဲ့နောက်မှာ နှစ်ဘက်ဆက်ဆံရေး တင်းမာလာခဲ့ပါတယ်။
ဒီနှစ် စက်တင်ဘာလနဲ့ အောက်တိုဘာ လဆန်းပိုင်းမှာတော့ မြန်မာအစိုးရသစ် ကိုယ်စားလှယ်တွေနဲ့ ၀ခေါင်းဆောင်တွေအကြား နှစ်ကြိမ်တွေ့ဆုံပြီး အပစ်အခတ်ရပ်စဲရေးကို ဆက်လက် ထိန်းသိမ်းဖို့အတွက် သဘောတူညီချက် ရရှိထားတာ ဖြစ်ပါတယ်။
၂၀၁၀ ရွေးကောက်ပွဲကာလက ၀နယ်အတွင်း ပြည်သူ့လွှတ်တော်နဲ့ ပြည်နယ်လွှတ်တော် ၁၂ နေရာအတွက် ရွေးကောက်ပွဲ မကျင်းပနိုင်ခဲ့တာကြောင့်  ဦးအောင်သောင်းနဲ့အဖွဲ့ လာရောက်တဲ့ခရီးစဉ်မှာ လာမယ့် ကြားဖြတ်ရွေးကောက်ပွဲကို ၀ ဒေသအတွင်း ကျင်းပနိုင်ရေးနဲ့ပတ်သက်ပြီး ဆွေးနွေးဖွယ်ရှိတယ်ဆိုတဲ့ ပြောဆိုတာတွေလည်း ရှိနေပါတယ်။ ဦးအောင်ကျော်ဇောကတော့ ၀နယ်အတွင်း ရွေးကောက်ပွဲ ကျင်းပဖို့ဟာ အချိန်ယူရမှာဖြစ်တယ်လို့ သုံးသပ်ပါတယ်။
“အစိုးရသတ်မှတ်ထားတဲ့မြို့နယ်တွေက ရွေးကောက်ပွဲ မလုပ်ခဲ့ရဘူး။ ဘယ်ပါတီက လာရွေးမှာလဲ။ ဗကပ နဲ့ တခြား ပါတီက လာရွေးမှာလား။ ဒါကတော့ ကျနော်ထင်တယ်။ အချိန် တချိန်ချိန် ယူကြရလိမ့်မယ်။ ကျနော် သိသလောက်ကလည်း လောလောဆယ် မမြင်သေးဘူးခင်ဗျ။”
၂၀၀၈ ခုနှစ်ဖွဲ့စည်းပုံအရ ၀ ကိုယ်ပိုင်အုပ်ချုပ်ခွင့်ရ တိုင်းကို မြို့နယ် ၆ မြို့နယ်နဲ့ ဖွဲ့စည်းထားတာဖြစ်ပြီး ပြီးခဲ့တဲ့ ၂၀၁၀ ရွေးကောက်ပွဲကိုတော့ မြို့နယ် နှစ်မြို့နယ်မှာသာ ကျင်းပနိုင်ခဲ့တာဖြစ်ပါတယ်။
ဦးအောင်သောင်းတို့ လာရောက်တဲ့ ခရီးစဉ်နဲ့ပတ်သက်ပြီး ၀တပ်ဖွဲ့ရဲ့ ပြောရေးဆိုခွင့်ရှိသူကို ဆက်သွယ် မေးမြန်းရာမှာတော့ တစ်စုံတရာ ထုတ်ဖော်ပြောဆိုတာမရှိပါဘူး။
မနက်ဖြန်မှာတော့ ဦးအောင်သောင်းနဲ့အဖွဲ့ဟာ အခြား အပစ်ရပ်အဖွဲ့တစ်ခုဖြစ်တဲ့ ရှမ်းပြည်နယ်အရှေ့ပိုင်း အထူးဒေသ (၄) မိုင်းလားအဖွဲ့ဘက်ကို ဆက်လက် ထွက်ရောက်မှာ ဖြစ်ပါတယ်။
ငြိမ်းချမ်းရေး ကိုယ်စားလှယ်အဖွဲ့က တိုက်ပွဲဖြစ်နေတဲ့ တိုင်းရင်းသား လက်နက်ကိုင် အဖွဲ့အစည်းတွေနဲ့  စေ့စပ်ညှိနှိုင်းဖို့ ကြိုးပမ်းနေတဲ့ တချိန်တည်းမှာ အပစ်အခတ်ရပ်စဲထားတဲ့ လက်နက်ကိုင်အဖွဲ့တွေနဲ့လည်း တွေ့ဆုံနေတာ ဖြစ်ပါတယ်။ ပြီးခဲ့တဲ့ ရက်ပိုင်းတွေအတွင်းကတော့ ငြိမ်းချမ်းရေး ဖော်ဆောင်ရေးအဖွဲ့ ခေါင်းဆောင် မီးရထားဝန်ကြီး ဦးအောင်မင်းဟာ အပစ်အခတ် မရပ်စဲသေးတဲ့ ကရင်အမျိုးသား အစည်းအရုံး၊ မွန်ပြည်သစ် ပါတီ စတဲ့အဖွဲ့တွေအပြင် မြန်မာ့ဒီမိုကရေစီ အင်အားစုခေါင်းဆောင်၊ ပအိုးဝ်အဖွဲ့ ခေါင်းဆောင်တွေနဲ့လည်း တွေ့ဆုံခဲ့တာဖြစ်ပါတယ်။

ဗဟိုဘဏ်တိုးနှုန်း လျှော့ချ
ရင်းနှီးမြှုပ်နှံမှု အားပေးရန်၊ ဘဏ်များယှဉ်ပြိုင်မှု ဖန်တီးပေးနိုင်ရန် ဗဟိုဘဏ် အတိုးနှုန်းကို ရှေ့နှစ် ဇန်နဝါရီလ ၁ ရက်နေ့မှစ၍ ၁၂ ရာခိုင်နှုန်းမှ ၁၀ ရာခိုင်နှုန်းသို့ လျှော့ချမည်ဟု အစိုးရသတင်းစာများတွင် ကြေညာထားသည်။ ဘဏ္ဍာအခွန်ဝန်ကြီး ဦးလှထွန်းက ပုဂ္ဂလိကဘဏ် ၁၁ ဘဏ်ကို ငွေရောင်းဝယ်ဖောက်ကားခွင့် လိုင်စင် ထုတ်ပေးထားကြောင်း၊ သမဝါယမဘဏ်၊ ကမ္ဘောဇဘဏ်၊ ဧရာဝတီဘဏ်၊ အာရှစိမ်းလန်းမှု ဖွံ့ဖြိုးရေးဘဏ် ၄ ခုကို ပြည်ပတွင် အလုပ်လုပ်နေသော မြန်မာများ ပြည်တွင်းသို့ တရားဝင် ငွေလွှဲရေး ဝန်ဆောင်ခွင့် ပေးလိုက်ကြောင်း ပြောကြားထားသည်။

အစိုးရ ငြိမ်းကိုယ်စားလှယ်နှင့် PNLO တွေ့
ပအို့ဝ်ပြည်သူ့လွတ်မြောက်ရေးအဖွဲ့ (PNLO) ဥက္ကဋ္ဌ ဦးခွန်ဥက္ကာနှင့် ဦးအောင်မင်းဦးဆောင်သော အစိုးရ ငြိမ်းချမ်းရေး ဆွေးနွေးရေး အဖွဲ့တို့ ပြီးခဲ့သည့် ဒီဇင်ဘာလ၂၃ ရက်က ဘန်ကောက်မြို့တွင် ပထမဆုံးအကြိမ် တွေ့ဆုံဆွေးနွေးကြောင်း သိရသည်။

မန်မာ-ဗီယက်နမ် ဒေါ်လာ သန်း ၃၉၀ ရင်းနှီးမြှုပ်နှံ
မြန်မာနှင့် ဗီယက်နမ်တို့သည် စီးပွားရေး၊ စိုက်ပျိုးရေးနှင့် ဆေးဝါးဆိုင်ရာ စီမံကိန်းများအတွက် အမေရိကန်ဒေါ်လာ သန်း ၃၉၀ အထိ အကုန်အကျခံ အကောင်အထည်ဖော်ရန် သဘောတူစာချုပ်ကို ပြီးခဲ့သည့် သီတင်းပတ်အတွင်းက ချုပ်ဆိုလိုက်သည်။ ဒေါ်လာ သန်း ၃၀၀ ခန့်ကို ရန်ကုန်ရှိ စီမံကိန်းများ၌ ရင်းနှီးမြှုပ်နှံမည်ဖြစ်ပြီး ဈေးဝယ်ကုန်တိုက်၊ ဟိုတယ်နှင့် အဆင့်မြင့်လူနေ တိုက်ခန်း ဆောက်လုပ်ရေး စီမံကိန်းများပါဝင်မည်ဟု ဗီယက်နမ်မှလာသော သတင်းများအရ သိရသည်။

ထိုင်းရှိ မြန်မာအလုပ်သမားများ အစိုးရ ကူညီမည်
 လင်းသန့် on December 26
ထိုင်း နိုင်ငံရောက် မြန်မာ အလုပ်သမားများ အရေးနှင့် ပတ်သက်ပြီး ယခုနှစ်ဆန်းပိုင်းမှ စတင်၍ ကူညီဆောင်ရွက်ရန် မြန်မာ အစိုးရ အလုပ်သမားဝန်ကြီးဌာနကစီစဉ်နေကြောင်း ပြောသည်။

ပြီးခဲ့သည့်နှစ်ကုန်ပိုင်းက ထိုင်းနိုင်ငံ မြောက်ပိုင်း Khon Kaen မြို့ရှိ ငါးဖမ်းပိုက်ကွန်စက်ရုံတွင် အလုပ်သမားအခွင့်အရေးအတွက် ဆန္ဒပြနေကြသော မြန်မာပြည်သား အလုပ်သမားများ (ဓာတ်ပုံ - ဧရာဝတီ)
“ကျနော်တို့ လာမယ့် ဇန်န၀ါရီလဆန်း ၅ ရက်နေ့လောက်က စပြီး လုပ်ငန်းလုပ်နိုင်အောင် စီစဉ်နေပါတယ်”ဟု နေပြည်တော် အလုပ်သမားဝန်ကြီးဌာနရုံးမှ တာဝန်ရှိသူတဦးက ဧရာဝတီကို ပြောပြသည်။
ထိုင်းနိုင်ငံသို့ အလုပ်သမားပြဿနာ ကူညီဖြေရှင်းရေး လုပ်ငန်းအဖွဲ့ ၅ ဖွဲ့ကသွားရောက်၍ မြန်မာ အလုပ်သမားများ အတွက် နိုင်ငံသား စိစစ်ရေး၊ ယာယီ နိုင်ငံကူးလက်မှတ်များ ထုတ်ပေးရေး၊ အလုပ်သမားများ၏ သားသမီးများကို မြန်မာနိုင်ငံသားအဖြစ် အသိအမှတ်ပြုနိုင်ရေး၊ တရားဝင် မှတ်ပုံတင်နိုင်ရေးနှင့် အခွင့်အရေးကာကွယ်ရေးများကို စီစဉ် နေခြင်းဖြစ်ကြောင်း သိရသည်။
ယမန်နေ့ကမှ ထိုင်းနိုင်ငံက ပြန်လည်ရောက်ရှိလာသော အလုပ်သမားဒု-၀န်ကြီး ကလည်း မြန်မာ အလုပ်သမားရေး ဆိုင်ရာများကို ထိုင်းအစိုးရ အာဏာပိုင်များနှင့် ဆွေးနွေးခဲ့ရာ အဆင်ပြေခဲ့ကြောင်း ဆိုသည်။
“အရင်နှစ်ပေါင်း ၂၀ ကျော်တုန်းက မြန်မာအလုပ်သမားတွေရှိနေတယ်ဆိုတာ မြန်မာအစိုးရက အသိအမှတ်မပြုခဲ့ဘူး။ အခုလို အစိုးရတရပ်က အသိအမှတ်ပြုလာပြီး အကျိုးဆောင်ပေးမယ်ဆိုတာကတော့ အပြုသဘောနဲ့ ကြိုဆိုတယ်။ ဒါ ပေ မယ့် အခု သူတို့ လုပ်နေတဲ့ အခင်းအကျင်းတွေက မလုံလောက်သေးဘူး”ဟု ထိုင်း နိုင်ငံရောက် မြန်မာ အလုပ်သမားများအရေး လှုပ်ရှားသူတဦးဖြစ်သည့် ကိုကျော်သောင်းက ဧရာဝတီကိုပြောသည်။
ကိုကျော်သောင်းနှင့် အလုပ်သမားအရေးလှုပ်ရှားသူများသည် ဒီဇင်ဘာ ၂၃ ရက်နေ့က မြန်မာ ဒု အလုပ်သမား ၀န်ကြီး ဦးဆောင်သော အဖွဲ့နှင့် အလုပ်သမားများအရေး ဆွေးနွေးခဲ့ကြသည်။
မြန်မာ အလုပ်သမားများစွာရှိသည့် ထိုင်းနိုင်ငံ ဘန်ကောက်၊ ချင်းမိုင်၊ မဟာချိုင်၊ စူရတ်ဌာနီ၊ စမွတ်ပရာကန် ၅ မြို့တွင် ရုံးထိုင် လုပ်ကိုင်မည့် အလုပ်သမားကူညီရေးတစ်ဖွဲ့တွင် အဖွဲ့ဝင် ၈ ဦးစီ ပါဝင်မည် ဖြစ်ကြောင်း ၄င်းတို့ကို နေပြည်တော် တွင် သင်တန်းများပေးနေကြောင်း သိရသည်။
ထိုင်းနိုင်ငံတွင် မြန်မာ အလုပ်သမား တရားဝင်နှင့် တရားမ၀င်သူ စုစုပေါင်း၂ သန်းမှ ၃ သန်းခန့် ရှိသည်ဟု အလုပ်သမား အရေး လှုပ်ရှားနေသူများက ခန့်မှန်းထားကြသည်။
ထိုင်းနိုင်ငံရောက် မြန်မာအလုပ်သမားများမှာ ယာယီနိုင်ငံကူးလက်မှတ်ဖြင့် တရားဝင်နေထိုင်ခြင်း၊ ဘတ်ဟု ခေါ်သည့် အလုပ်လုပ်ခွင့်လက်မှတ်ဖြင့် တရားဝင်နေထိုင်ခြင်းနှင့် အဆိုပါ ၂ ခုလုံး မရှိဘဲ တရားမ၀င် အလုပ်လုပ်ကိုင်နေထိုင် သူများဟူ၍ ၃ မျိုးရှိကြောင်း အလုပ်သမားအရေး ကူညီဆောင်ရွက်ပေးနေသူများက ဆိုသည်။
ထိုင်းနိုင်ငံတွင် အလုပ်လုပ်မည့် မြန်မာအလုပ်သမားတဦးသည် ယာယီနိုင်ငံကူးလက်မှတ်လုပ်ရန် မြန်မာဘက်ခြမ်းတွင် ကျပ်ငွေ ၅၀၀ မှ ၁၀၀၀၀ ကျပ်အထိ မြန်မာအစိုးရက တိုးမြှင့်လိုက်ကြောင်း၊ ထိုင်းဘက်ခြမ်းတွင် ထိုင်းဘတ်ငွေ ၄၅၀၀ မှ ၆၅၀၀ အထိ ကုမ္ပဏီများက လုပ်ဆောင်ပေးကြောင်း၊ ကုန်ကျပြီး အလုပ်သမား လက်မှတ်အတွက် ဘတ်ငွေ ၃၉၀၀ ကုန်ကျသည်။
ယာယီနိုင်ငံကူးလက်မှတ် ကိုင်ဆောင်ထားသူသည် ထိုင်းနိုင်ငံတ၀န်း သွားလာ လုပ်ကိုင်ခွင့်ရှိပြီး ထိုင်းနိုင်ငံနှင့် မြန်မာနိုင်ငံ ကို တရားဝင် ၀င်ထွက်ခွင့်လည်းရှိသည်။ အလုပ်သမားလက်မှတ် ကိုင်ဆောင်သူသည် အလုပ်ရှင်၏ ခွင့်ပြုချက်ဖြင့်သာ နေ ထိုင် သွားလာခွင့်ရှိပြီး အလုပ်အပြောင်းအလဲ လုပ်လိုပါကလည်း အလုပ်ရှင်၏ ခွင့်ပြုချက် လိုအပ်သည်။
ယင်း လက်မှတ်များ၏ အမှန်တကယ် ကုန်ကျစရိတ်သည် သတ်မှတ်ထားသည့် ပမာဏ ထက်ပိုမိုများပြားမှုရှိကြောင်း ကိုကျော်သောင်း က ပြောသည်။
ယခု မစ္စ ယင့်လပ် အစိုးရ က ထိုင်းနိုင်ငံရှိ မည်သည့် အလုပ်သမားမဆို တနေ့ အလုပ်လုပ်ခ အနည်းဆုံး ဘတ် ၃၀၀ ရစေရ မည်ဟု ဆိုသော်လည်း နေရာနှင့် လုပ်ငန်းပေါ် မူတည်၍ ကွဲပြားကြပြီး အများစုမှာ တနေ့ လုပ်အားခ ၆၀ ဘတ်မှ ၂၅၀ ဘတ် အထိသာ ရကြကြောင်း သိရသည်။
ထိုင်းနိုင်ငံရောက် မြန်မာအလုပ်သမားများသည် ထိုင်းလုပ်ငန်းရှင်များက ယာယီ နိုင်ငံကူးလက်မှတ်ကို သိမ်းထားပြီး မိတ္တူကိုသာ လက်ဝယ်ကိုင်ခွင့်ပေးခြင်း၊ လုပ်အားခ ပုံမှန်မရရှိခြင်း၊ အပြည့်အ၀ မရရှိခြင်း၊ အချိန်ပိုကြေး မပေးခြင်းနှင့် လုပ်ငန်းခွင် ထိခိုက် ဒဏ်ရာရမှု နစ်နာကြေး မရခြင်း စသည့် ပြဿနာများကို အဓိက ရင်ဆိုင်နေကြရသည်ဟု သိရသည်။
မြန်မာအစိုးရ ဒု နိုင်ငံခြားရေး ၀န်ကြီး ဦးမောင်မြင့်က“ပြည်တွင်းမှာရှိတဲ့ အလုပ်သမားတွေ သာမက ပြည်ပမှာရှိတဲ့ တရားဝင် ကော တရားမဝင်ကော အလုပ်သမားတွေ အားလုံးကို စောင့်ရှောက်ပေးဖို့ကတော့ ကျနော်တို့ အစိုးရရဲ့ တာဝန် ဖြစ်ပါတယ်။ အားလုံးကို ပြေလည်အောင် ပြီးပြတ်အောင် အခွင့်အရေး အပြည့်အဝရစေအောင် ဆက်ပြီးတော့မှ ကြိုးစားသွားမှာ ဖြစ်ပါတယ်”ဟု ပြောဆိုထားသည်။
မြန်မာ-ထိုင်း၂ နိုင်ငံဆွေးနွေးပွဲများတွင် မြန်မာအလုပ်သမားများအား အကာအကွယ်ပေးရေး ကိစ္စများကို ဆွေးနွေးခဲ့ကြောင်း၊ မြန်မာအလုပ်သမားများ လက်ခံရေးကို ထိုင်း-မြန်မာ နှစ်နိုင်ငံ အလုပ်သမားဆိုင်ရာ သဘောတူညီချက်အရ အစီအစဉ်ရှိကြောင်း၊ မြန်မာနိုင်ငံဘက်က ထိုင်းနိုင်ငံသို့ အလုပ်သမား တသိန်း စေလွှတ်ရန် ရှိသော်လည်း ယခုနှစ်ကုန်ပိုင်းတွင် သုံးသောင်း ကျော်သာ စေလွှတ်ထားသေးကြောင်း ထိုင်းအစိုးရ အလုပ်သမား ၀န်ကြီးဌာနကလည်း ထုတ်ပြန်ထားသည်။
ထိုင်းအစိုးရက၂၀၁၁ ခုနှစ် ဇွန်လ ၁၅ ရက်ကနေ ဇူလိုင်လ ၁၄ ရက်နေ့အထိ အိမ်နီးချင်းနိုင်ငံများမှ လာရောက်သော အလုပ် သမားများကို တရားဝင် မှတ်ပုံတင် လုပ်ပေးခဲ့စဉ် မြန်မာ အလုပ်သမား ၇ သိန်းခန့် စာရင်းလာသွင်းခဲ့ကြောင်း ထိုင်း အလုပ် သမားရေး ၀န်ကြီးဌာနက ထုတ်ပြန်ချက်အရ သိရသည်။
ထိုင်းနိုင်ငံရှိ မြန်မာအလုပ်သမား အများစုသည် ဆောက်လုပ်ရေး ၊ ရေလုပ်ငန်း၊ စိုက်ပျိုးရေး၊ အထည်ချုပ် စက်ရုံ၊ အိမ်အကူ စသည့် လုပ်ငန်းများ၌ လုပ်ကိုင်ကြရသည်။

အီတာလျံ-ထိုင်း ကုမ္ပဏီကား ပြန်ပေးဆွဲအဖွဲ့ KNU အရေးယူမည်
သန်းထိုက်ဦး on December 26

ကရင်အမျိုးသား အစည်းအရုံး (KNU) တပ်ဖွဲ့ဝင်တချို့ကို အီတာလျံ-ထိုင်း Italian-Thai Development (ITD) ကုမ္ပဏီမှ ကား ၁၆ စီးနှင့် ကားသမားများ ပြန်ပေးဆွဲသည့်အမှုနှင့် ပတ်သက်၍ အရေးယူရန် စီစဉ်နေကြောင်း KNUက ပြောသည်။
ဒီဇင်ဘာလ ၂၀ ရက်နေ့က ထိုင်းနိုင်ငံ ကန်ချနဘူရီ ခရိုင်နှင့် တနင်္သာရီတိုင်း ထားဝယ်မြို့ကို ဆက်သွယ်ထားသော ကားလမ်းပေါ် တွင် ITD ကုမ္ပဏီကားများ အလုပ်လုပ်နေစဉ် KNU တပ်ဖွဲ့ဝင်များက ၆ နာရီခန့် ပြန်ပေးဆွဲခဲ့ပြီး နေ့လယ် ၁၂ နာရီ တွင် ပြန်လွှတ် ပေးခဲ့သည်။
ထို ပြန်ပေးဆွဲ KNU တပ်ဖွဲ့ဝင်များက ၎င်းတို့၏ အမည်ကို BBK ဟု သုံးခဲ့သည်။
KNU ထားဝယ်ခရိုင် ဥက္ကဌ စောကွယ်ထူးဝင်းက“အဲဒီရှေ့တန်းမှာ ရောက်နေတဲ့ KNU တပ်ဖွဲ့ဝင် ၁၀ ယောက်ကျော်လောက်ရှိတယ်၊ သူတို့ရဲ့ တပ်ရင်းမှူးကို ပြန်ပြီးတော့ အရေးယူ ဆောင်ရွက်ဖို့ အထက်က တာဝန်ပေးထားတယ်