01.01.2012 နေ့ဖတ်ရန်သတင်းများ

by Myanmar Journal on Sunday, January 1, 2012 at 10:26am

 

 
ကမ္ဘာ တဝှမ်းမှာ နှစ်သစ်ကို ကြိုဆိုကြ

ကမ္ဘာ တဝှမ်းမှာ ၂၀၁၂ နှစ်သစ်ကို ကြိုဆိုတဲ့ အနေနဲ့ ညလုံးပေါက် ပျော်ပွဲ ရွှင်ပွဲတွေ ကျင်းပခဲ့ပါတယ်။
ကမ္ဘာ့ အရှေ့ဖျားမှာ ရှိတဲ့ နယူးဇီလန် နိုင်ငံက နှစ်သစ်ကို အဦးဆုံး ကြိုတဲ့ နိုင်ငံတွေထဲမှာတ နိုင်ငံ အပါအဝင် ဖြစ်ပြီး သြစတြေးလျ နိုင်ငံ ဆစ်ဒနီမြို့မှာလည်း မနှစ်ကလို စည်စည်ကား ကား သိုက်သိုက် မြိုက်မြိုက် ရှိလှပါတယ်။

မြန်မာ နိုင်ငံမှာလည်း နှစ်သစ်ကို ကြိုဆိုခဲ့ကြပြီး လန်ဒန်မြို့မှာ ဆိုရင် လွန်ခဲ့တဲ့ မိနစ်ပိုင်းကပဲ နှစ်ကူးသွားတာကို လန်ဒန်မြို့ရဲ့ အထင်ကရ အဆောက်အဦ ဘစ်ဘန် နာရီစင်ကြီးက အသိပေးခဲ့ပါတယ်။
လန်ဒန် အပါအဝင် ဥရောပနဲ့ အာဖရိက နိုင်ငံတွေမှာ နှစ်သစ်ကို အားရပါးရ ကြိုဆိုနေ ကြပါတယ်။
လန်ဒန်မှာဆိုရင် လန်ဒန် မျက်စိ ခေါ်တဲ့ လန်ဒန် ချားရဟတ်ကြီး ရှိရာ နေရာ တခုထဲမှာ မီးရှုး မီးပန် တသောင်းကျော် ပစ်ဖောက်ခဲ့ပါတယ်။
အရင်နှစ်တွေကဆိုရင် နှစ်သစ်ကို နောက်ဆုံးကျမှ ကြိုဆိုရတဲ့ ပစိဖိတ် သမုဒ္ဒရာထဲက ကျွန်းနိုင်ငံလေး ဖြစ်တဲ့ အနောက် ဆာမိုးအား ကျွန်းစုက ဒီနှစ်မှာတော့ နှစ်သစ်ကို အရင် ဦးဆုံး ကြိုဆိုတဲ့ နိုင်ငံ ဖြစ်လာခဲ့ပါတယ်။
လွန်ခဲ့တဲ့ ရက် အနည်းငယ် လောက်ထိ နိုင်ငံတကာ ရက်စွဲမျဉ်းရဲ့ အရှေ့ဘက်မှာ ရှိတဲ့ အနောက်ဆာမိုးအား နိုင်ငံက သူတို့ နိုင်ငံရဲ့ တိုင်းဇုံ အချိန်ဒေသကို နိုင်ငံတကာ ရက်စွဲ မျဉ်းရဲ့ အနောက်ဘက်ကို ပြောင်းရွှေ့ဖို့ ဆုံးဖြတ်ခဲ့ပါတယ်။
ဒီတော့ ဒီလ ၂၉ ရက်နေ့ည ဆယ့်နှစ်နာရီ ထိုးတာနဲ့ ၃၁ ရက်နေ့ကို တန်းကူးပြီး နှစ်သစ်ကို အစောဆုံး ကြိုဆိုတဲ့ နိုင်ငံ ဖြစ်လာခဲ့ပါတယ်။
ကုလ အတွင်းရေးမှုးချုပ် ဘန်ကီမွန်း ကလည်း ၂၀၁၂ မှာ ကမ္ဘာ့ နိုင်ငံတွေ ဒီမိုကရေစီ စံနစ်ကို ပိုပြီး ဦးတည်သွားကြဖို့ မျှော်လင့်ကြောင်း သတင်း စကား ပါးခဲ့ပါတယ်။

နိုင်ဂျီးရီးယား သမ္မတ ဂွတ်လပ် ဂျွန်နသန်နိုင်ဂျီးရီးယား မှာ အရေးပေါ် အခြေအနေ ကြေငြာ
နိုင်ဂျီးရီးယား နိုင်ငံမှာတော့ သမ္မတ ဂွတ်လပ် ဂျွန်နသန်က နိုင်ငံ အတွင်းက ဒေသတချို့ မှာ အရေးပေါ် အခြေအနေ ကြေငြာ လိုက်ပါတယ်။
ဒါကတော့ ခရစ်စမတ်စ် နေ့က အစ္စလာမ်မစ် စစ်သွေးကြွေတွေ က ဗုံးခွဲ တိုက်ခိုက် ခဲ့တာ တွေကြောင့် ဖြစ်ပါတယ်။ ခုချိန်မှာ ပုံမှန် အခြေအနေကို ပြန်ရောက်ဖို့ ထိရောက်တဲ့ အရေးယူ ဆောင်ရွက် မှုတွေ ကို လုပ်ရ မှာ ဖြစ်ကြောင်း သမ္မတ ဂျွန်နသန် က ပြောပါတယ်။ သူက အကြမ်းဖက်မှု တွေနယ် မကျော်ဖို့ အတွက် အဲဒီ ဒေသက ပြည်နယ် တချို့ရဲ့ ဝင်ပေါက် ထွက်ပေါက်တွေကို လဲ ပိတ်ထားဖို့ ပြောလိုက်ပါတယ်။
ဆက်လက်ပြောကြား ရာမှာ တော့ နိုင်ဂျီးရီးယား လူမျိုးတွေ အားလုံး စုပေါင်းလို့ ဒီ အကြမ်းဖက်မှုတွေ ကို နှိမ်နင်းသွား ကြမဲ့ အကြောင်း နဲ့ အားလုံး စုပေါင်းပြီး လုပ်ကြရင် နောက်ဆုံးမှာ နှိမ်နင်းပစ်နိုင် မှာ ဖြစ်ကြောင်းနဲ့ အခု အချိန်က စလို့ နည်းလမ်းသစ်တွေ နဲ့ ဘိုကို ဟာရမ် အဖွဲ့ကို နှိမ်နင်း သွားကြဖို့ လုပ်ကြရမှာ ဖြစ်ကြောင်း ပြောသွား ပါတယ်။
သူက ဒီ ဘိုကို ဟာရမ် အစ္စလာမ်မစ် အဖွဲ့ဟာ နိုင်ဂျီးရီးယား ကို ဖျက်ဆီးဖို့ အတွက် ကင်ဆာ လိုမျိုး လှိုက်စား နေတာ ဖြစ်တယ်လို့ ဆိုပါတယ်။

ကာကွယ်ရေး စာရင်း ကို အိုဘားမား လက်မှတ်ထိုး
အမေရိကန် သမ္မတ အိုဘားမား က ကာကွယ်ရေး အသုံးစားရိတ် စာရင်း ကိုလက်မှတ် ထိုးပေးလိုက်ပါတယ်။
ဒါပေမယ့် ဒီစာရင်း ထဲက တချို့ ကဏ္ဍ တွေနဲ့ ပတ်သက် လို့ သံသယတော့ ရှိနေသေးကြောင်း လဲ ဆိုပါတယ်။
မစ္စတာ အိုဘားမားက အမေရိကန် ကွန်ဂရက် ကနေ အတည်ပြု ပေးလိုက်တဲ့ ဒီ စာရင်းမှာ အကြမ်းဖက် သမားလို့ မသင်္ကာသူ တွေနဲ့ ပတ်သက်လို့ ကိုင်တွယ် ဆောင်ရွက် ဖို့ လုပ်ပိုင်ခွင့် တွေ ကန့်သတ် ခံရမှာကို စိုးရိမ် နေတာ ဖြစ် ပါတယ်။
အဲဒီထဲမှာ အယ်လ်ခိုင်းဒါး လို့ မသင်္ကာသူ တွေကို စစ်ဘက် ကသာ တရား စီရင် ပိုင်ခွင့် ကိုလည်း အားနည်းသွား စေနိုင် ပါတယ်။
မစ္စတာ အိုဘားမားက သူ့အနေနဲ့ အမေရိကန် ပြည်သူတွေ ပါဝင်မှု မရှိတဲ့ စစ်ဘက်က ထိန်းသိမ်းမှု ကို အကန့် အသတ်မရှိ လုပ်သွားဖို့ အတွက် သူ့ ဘက်က အတည်ပြု မပေးနိုင် ကြောင်းလဲ ပြောပါတယ်။
သူ့ အနေနဲ့ ဒီ စားရင်းကို လက်မှတ် ထိုးပေး ရတာကလဲ အမေရိကန် စစ်ဘက်ဆိုင်ရာ လုပ်ဆောင်ချက်တွေ အတွက် ဘဏ္ဍာငွေ ရရှိရေး အတွက် ဖြစ်ပြီး သူအနေနဲ့ သံသယ တွေရှိနေ ကြောင်းလဲ ပြောပါတယ်။

ဆီးရီးယားလက်ဖြောင့်သေနတ်သမားတွေ ရုပ်သိမ်းဖို့ တောင်းဆို
သေနတ်သမားတွေကို ၂၄ နာရီအတွင်း မရုပ်သိမ်းလျင် အရေးယူ ဆောင်ရွက်မယ်
ဆီးရီးယားအစိုးရက အဆောက်အဦး ခေါင်းမိုးတွေ ပေါ်မှာ စနိုက်ပါ လက်ဖြောင့် သေနတ်သမားတွေ ထားရှိတဲ့ အပေါ် စိုးရိမ်ကြောင်း အာရပ်နိုင်ငံများ အဖွဲ့ချုပ်ရဲ့ လေ့လာစောင့်ကြည့်သူတွေက ထုတ်ဖေါ် ပြောကြားလိုက်ပါတယ်။
ဒါကြောင့်မို့ အဲဒီ သေနတ်သမားတွေကို ချက်ခြင်း ဖယ်ရှားပေးဖို့ အာရပ်အဖွဲ့ချုပ်ရဲ့ လေ့လာစောင့်ကြည့်ရေး အဖွဲ့က ဆီးရီးယား အစိုးရကို တောင်းဆိုလိုက်ပါတယ်။
အင်တာနက်အွန်လိုင်းမှာ တင်ထားတဲ့ ဗီဒီယို တခုမှာတော့ ဒဲရာ မြို့မှာရှိတဲ့ လေ့လာ စောင့်ကြည့်နေသူတဦးက သူ့အနေနဲ့ စနိုက်ပါ သနတ်သမားတွေကို တွေ့မြင်ရကြောင်း၊ ဆန္ဒပြသူတွေကို ပြောကြားနေတာကို တွေ့ရပါတယ်။
နောက်ပြီး သူက ဆက်ပြီးပြောရာမှာ ဒီသေနတ်သမားတွေကို ၂၄ နာရီအတွင်း မရုပ်သိမ်း လျင်၊ အရေးယူ ဆောင်ရွက်မှုတွေ လုပ်မှာ ဖြစ်တယ်လို့ ဆိုပါတယ်။
အခုဆိုရင် အာရပ်အဖွဲ့ချုပ်ရဲ့ လေ့လာစောင့်ကြည့်ရေးအဖွဲ့ ဆီးရီးယားကို ရောက်ရှိနေတာ ငါးရက် ရှိသွားပြီ ဖြစ်ပြီး၊ အကြမ်းဖက်မှုတွေကတော့ မရပ်စဲသေးပါ။
ဒမားစကက်စ် အခြေစိုက် Syrian Revolution General Commission အဖွဲ့က အာလီ ဟာဆန်ကတော့ အစိုးရဟာ ပြည်သူတွေအပေါ် အကြင်နာမဲ့စွာ ပြုမူဆက်ဆံ နေတယ်လို့ ပြောပါတယ်။

ကမ္ဘာ့ခေါင်းဆောင်တွေ နှစ်ကူး နှုတ်ခွန်းဆက်
ဒီကနေ့ ကျရောက်တဲ့ နှစ်သစ်ကို အမေရိကန်သမ္မတဘရက်ခ် အိုဘားမားက မျှော်လင့်ချက်ရှိတဲ့ နှစ်သစ်လို့ ပြောလိုက်ပါတယ်။

• ဒီကနေ့ ကျရောက်တဲ့ နှစ်သစ်ကို အမေရိကန်သမ္မတဘရက်ခ် အိုဘားမားက မျှော်လင့်ချက်ရှိတဲ့ နှစ်သစ်လို့ ပြောလိုက်ပါတယ်။ အမေရိကန်ပြည်ထောင်စုအတွက် တိုးတက်မှုတွေ ပိုပြီးဆောင်ကျဉ်းလာမယ့် နှစ်သစ်၊ အလုပ်အကိုင်တွေ ပိုဖန်တီးလာနိုင်ပြီး စီးပွားရေးလည်းတိုးတက်လာနိုင်မယ့်နှစ်လို့ မျှော်လင့်တဲ့အကြောင်း သမ္မတအိုဘားမားရဲ့ အပတ်စဉ် စနေနေ့မိန့်ခွန်းထဲမှာ မနေ့ကထည့်သွင်းပြောဆိုခဲ့ပါတယ်။

သူဘာကြောင့်နှစ်သစ်ကို မျှော်လင့်ချက်ရှိရသလဲဆိုတော့ အမေရိကန်ဥပဒေပြုလွှတ်တော်အမတ်တွေက သန်းနဲ့ချီတဲ့ အမေရိကန်ပြည်သူတွေအတွက် မှန်ကန်တဲ့လုပ်ရပ်တွေကို ခရစ္စမတ် မတိုင်ခင်ဆောင်ရွက်ခဲ့ကြ တာကြောင့်လို့ဆိုပါတယ်။ အလုပ်လက်မဲ့တွေအတွက်အကျိုးခံစားခွင့်တွေကိုတိုးချဲ့ ပေးရေးနဲ့ လစာငွေထဲကအခွန်လျှော့ကောက်ရေးကိစ္စတွေကို လွှတ်တော်အမတ်တွေက ကြိုတင်ကာကွယ်ပေးခဲ့ကြပါတယ်။
တရုတ်သမ္မတဟူဂျင်းတောင်ကတော့ သူ့ရဲ့ ပြည်သူတွေအတွက် ကမ္ဘာ့အခြေအနေတွေ မရေရာမသေချာ ဖြစ်နေတဲ့ ကာလမှာ ယုံကြည်ချက် ခိုင်ခိုင်မာမာရှိအောင်ကြိုးစားကြဖို့ နှစ်သစ်ကူးအကြိုမိန့်ခွန်းကို မနေ့ကပြောခဲ့ပါတယ်။  ကမ္ဘာ့ စီးပွားရေးပြန်ကောင်းလာဖို့အခြေအနေတွေက မတည်မငြိမ် ဖြစ်နေတုန်းပဲလို့လည်း ဆိုပါတယ်။ ဘုံတိုးတက်မှုတွေကို မြှင့်တင်သွားဖို့နဲ့ ကမ္ဘာ့ငြိမ်းချမ်းရေးကို ကာကွယ် စောင့်ရှောက်သွားဖို့ တရုတ်နိုင်ငံက ခိုင်ခိုင်မာမာ ဆက်ပြီး လုပ်ဆောင်သွားမယ်လို့ တရုတ် သမ္မတ ဟူဂျင်းတောင်က အစိုးရပိုင်မီဒီယာကနေတဆင့် မိန့်ခွန်းပြောခဲ့ပါတယ်။
ဥရောပနိုင်ငံတွေမှာတော့ နိုင်ငံခေါင်းဆောင်တွေက သူတို့နိုင်ငံသားတွေကို စိတ်မသက်မသာဖြစ်စေမယ့် သတင်းစကားတွေ နှစ်သစ်ကူးချိန်ခါမှာ ပြောခဲ့ကြပါတယ်။ ပြင်သစ်နိုင်ငံရဲ့ အနာဂတ်ဟာ ၂၀၁၂ခုနှစ်မှာတော့ မတိမ်းမစောင်း ဆက်ပြီးရှိနေမှာပါလို့ ပြင်သစ်သမ္မတ နီကိုလာ ဆာကိုဇီ က ပြောသွားပါတယ်။ လူတော်တော်များများဟာ သူတို့သားသမီးတွေရဲ့ နောင်ရေးကို တွေးပူရင်းနဲ့ နှစ်သစ်ကို စတင်ရတယ်၊ ငွေကြေး အကြပ်အတည်းက ရုန်းထွက်ဖို့ ဥရောပတိုက်အတွက်တော့ စိန်ခေါ်မှုကြီးတရပ် ဖြစ်နေဦးမယ်လို့ သူက ဝန်ခံသွားပါတယ်။
ဂျာမန်ဝန်ကြီးချုပ် အန်ဂလာ မာကဲလ် ကလည်း ကုန်လွန်ခဲ့တဲ့နှစ်မှာ ဥရောပဟာ ငွေကြေး အကြပ်အတည်းနဲ့ ရင်ဆိုင် နေခဲ့ရပါတယ်၊ ဒါပေမယ် သူတို့ဒေသမှာ သမိုင်းဝင်အမွေအနှစ်အနေနဲ့ အေးအေးချမ်းချမ်းဆက်ရှိနေခဲ့တယ်လို့ ပြောသွားပါတယ်။ အတိတ်က သင်ခန်းစာကနေ အနာဂတ်အတွက် ပြင်ဆင်လို့ရပါတယ်လို့ ပြောသွားပါတယ်။
ဂရိဝန်ကြီးချုပ် လုကပ်စ် ပါပါဒီမိုစ် ကတော့ လာမယ်နှစ်သစ်ဟာ ခက်ခဲတဲ့ နှစ်တနှစ်ဖြစ်ပါလိမ့်မယ်၊ ပြည်သူတွေ အနေနဲ့ ခြိုးခြံချွေတာရေး အစီအစဉ်ကို လက်ခံဖို့ဆိုပြီး တိုက်တွန်းသွားပါတယ်။ ဂရိအစိုးရဟာ နှစ်သစ်ကူးပွဲတော် အတွက် ငွေသုံးစွဲမှုလျှော့ချပြီး လိုအပ်နေသူတွေအတွက်သုံးစွဲပေးခဲ့ပါတယ်လို့ ပြောပါတယ်။ Russia သမ္မတ ဒီမီထရီ မက်ဗဒတ် နှစ်ဟောင်းနောက်ဆုံး မိန့်ခွန်းထဲမှာတော့ အနာဂတ်အတွက် ပိုပြီးအကောင်းဘက်က ရှုမြင်ထားတာကို တွေ့ရပါတယ်။
ပုပ်ရဟန်းမင်းကြီး Benedict ကတော့ ဆုမွန်ခြွေပြီး နှစ်ဟောင်းကို အဆုံးသတ်ခဲ့ပါတယ်။ နှစ်သစ်အတွက် အနာဂတ်က ပိုပြီး လှပလိမ့်မယ်လို့ မျှော်လင့်ကြောင်း ပြောဆိုသွားပါတယ်။

အီးဂရက်စ် ထူထောင်သူ ဒေါက်တာနေ၀င်းမောင် ကွယ်လွန်
Myanmar Egress တည်ထောင်သူ တဦးဖြစ်သူ ဒေါက်တာနေ၀င်းမောင် (ခေါ်) စာရေးဆရာ အောင်ထွဋ်ဟာ ဇန်န၀ါရီ ၁ ရက်နေ့ မနက် ၁နာရီ ၁၀မိနစ်မှာ နှလုံးရောဂါနဲ့ ရန်ကုန်ဆေးရုံကြီးမှာ ရုတ်တရက်ကွယ်လွန်သွားပါတယ်။
By Thar Nyunt Oo
Myanmar Egress တည်ထောင်သူ တဦးဖြစ်သူ ဒေါက်တာနေ၀င်းမောင် (ခေါ်) စာရေးဆရာ အောင်ထွဋ်ဟာ ဇန်န၀ါရီ ၁ ရက်နေ့ မနက် ၁နာရီ ၁၀မိနစ်မှာ နှလုံးရောဂါနဲ့ ရန်ကုန်ဆေးရုံကြီးမှာ ရုတ်တရက်ကွယ်လွန်သွားပါတယ်။ သူဟာ Living Color မဂ္ဂဇင်း the Voice Weekly ဂျာနယ် တည်ထောင်ခဲ့သူတဦးလည်း ဖြစ်ပါတယ်။
ဒေါက်တာနေ၀င်းမောင်ဟာ မီဒီယာလောကမှာသာမက လူအရင်းအမြစ်ဖွံဖြိုးရေးအတွက် ဖွဲ့စည်းခဲ့ထားတဲ့ Myanmar Egress ရဲ့ အဓိက ဦးဆောင်သူတဦးဖြစ်ပါတယ်။ မကြာခင်တုန်းက တိုင်းရင်းသားလက်နက်ကိုင်တွေနဲ့ မြန်မာအစိုးရအကြား ကြားဝင်ညှိုနှိုင်းပေးခဲ့သူအဖြစ်နဲ့လည်း သိကြပါတယ်။ ဒေါက်တာနေ၀င်းမောင်ကွယ်လွန်တာဟာ အီးဂရက်စ်အဖွဲ့အတွက် ဆုံးရှုံးမှုတရပ်ဖြစ်တယ်လို့ အီးဂရက်စ်ကို ပူးတွဲထူထောင်သူ ဦးလှမောင်ရွှေက ဗွီအိုအေကို ပြောပါတယ်။
“ အီးဂရက်စ်အနေနဲ့ Capacity Development လုပ်နေတဲ့ လုပ်ငန်းတွေရှိတယ်၊ State Building, Nation Building လုပ်ငန်းတွေမှာ လုပ်နေတာရှိတယ်။ သူ့အခန်းကဏ္ဍက ထိုက်သင့်သလောက်ပါသလို ကျနော်တို့ မြန်မာအီးဂရက်စ်မှာ သူက အရေးပါတဲ့နေရာမှာရှိတယ်။ အခုလုပ်နေတဲ့ ငြိမ်းချမ်းရေးမှာလည်း အီးဂရက်စ်မှာလည်း အတတ်နိုင်ဆုံးပါဝင်တယ်။ ဒီမှာလည်း သူ့အခန်းကဏ္ဍက ပါဝင်တော့ ဒေါက်တာနေ၀င်းမောင်အနေနဲ့ ဆက်မလုပ်နိုင်တဲ့အတွက် ဒီလုပ်နေတဲ့လုပ်ငန်းတွေမှာ ကျနော်တို့အတွက် ဆုံးရှုံးမှုပါပဲ။”
ဗဟုဖွံဖြိုးရေးအဖွဲ့ အကြီးတန်းသုတေသီ ဦးတင်မောင်သန်းကလည်း အခုလို နိုင်ငံရေးအခြေအနေ အချိန်ကာလမှာ ဒေါက်တာနေ၀င်းမောင်ကွယ်လွန်တာဟာ တိုင်းပြည်အတွက် ဆုံးရှုံးမှုတရပ်ဖြစ်စေတယ်လို့ ယူဆပါတယ်။
“ဆုံးရှုံးမှုပေါ့ဗျာ။ မြန်မာပြည်မှာ အခုလို ပြုပြင်ပြောင်းလဲရေးလုပ်နေတဲ့အချိန်မှာ ပြုပြင်ပြောင်းလဲရေးကို စိတ်အားပြင်းပျတဲ့ လူတယောက် လက်တွေ့ကျတဲ့ လူတယောက် ဆုံးရှုံးမှုပေါ့ဗျာ။”
ဒေါက်တာနေ၀င်းမောင်ဟာ ထင်ထင်ပေါ်ပေါ်မနေပဲ နိုင်ငံပြုပြင်ပြောင်းလဲရေးလုပ်ငန်းတွေမှာ ကြိုးစား ပမ်းစာလုပ်လာခဲ့သူလို့ ဦးတင်မောင်သန်းက ပြောပါတယ်။ ဒေါက်တာနေ၀င်းမောင်ရဲ့ အောင်ထွဋ်အမည်နဲ့ နိုင်ငံရေးဆောင်းပါးရေးရာမှာ ဂယက်ရိုက်တွေရှိခဲ့ပြီး၊ သူ့အပေါ် နိုင်ငံရေးတတ်ကြွလှုပ်ရှားသူတွေက ပြင်းပြင်းထန်ထန် ဝေဖန်မှုတာတွေလည်း ရှိခဲ့ပါတယ်။ ဒါပေမယ့်လည်း သူဟာ သူယုံကြည်ရာကိုပဲ ဆက်လုပ်ခဲ့သူလို့ ဦးလှမောင်ရွှေက သုံးသပ်ပါတယ်။ သူနဲ့လုပ်ဖော်ကိုင်ဖက် နောက်တဦးဖြစ်သူ ဒေါက်တာကျော်ရင်လှိုင်ကတော့ ဒေါက်တာနေ၀င်းမောင်ကွယ်လွန်ခဲ့တယ်ဆိုပေမယ့် သူ့မှာ အောင်မြင်မှုတွေ ကျန်ခဲ့တယ်လို့ ပြောပါတယ်။
“ မြန်မာ့အီးဂရက်က အခု မြန်မာနိုင်ငံမှာ အရေးပါတဲ့ လူမှုအဖွဲ့အစည်းဖြစ်လာတယ်ဆိုတာ သူ့ရဲ့အောင်မြင်မှုတခုပဲလေ။”
ပြီးခဲ့တဲ့နှစ် ဒီဇင်ဘာလဆန်းက အမေရိကန်နိုင်ငံခြားရေးဝန်ကြီးကလင်တန်လာတုန်း မြန်မာပြည်က လူမှုအဖွဲ့အစည်းကိုယ်စားလှယ်တွေနဲ့ တွေ့ဆုံရာမှာ ဒီအထဲ ဒေါက်တာနေ၀င်းမောင်လည်း ပါဝင်ခဲ့ပါတယ်။
ဒေါက်တာနေ၀င်းမောင်ကို အဖဖြစ်သူ ဒု ဗိုလ်မှုးကြီးသန်းမောင် (အငြိမ်းစား)နဲ့ မိခင် ဒေါ်ယဉ်ယဉ်တို့ကနေ ၁၉၆၂ ခုနှစ်မှာ ဖွားမြင်ခဲ့တာပါ။ ဒါကြောင့် ကွယ်လွန်ချိန်မှာ သူဟာ အသက် ၅၀ ရှိနေပါပြီ။ ၁၉၈၈ ခုနှစ် ဆေးတက္ကသိုလ် ၁ ရန်ကုန်ကနေ MBBS ဘွဲ့ရရှိပြီး၊ ၂၀၀၄ ခုနှစ်မှာတော့ အမေရိကန်ပြည်ထောင်စု Yale တက္ကသိုလ် World Fellows Program မှာ တတ်ရောက်ခဲ့ပါတယ်။ ကွယ်လွန်ချိန်မှာ သားသမီး လေးဦးကျန်ရစ်ခဲ့ပါတယ်။

သမ္မတအာဆဒ် ဖြုတ်ချရေး ဆီးရီးယား အတိုက်အခံတွေပူးပေါင်း
By ဗွီအိုအေ (မြန်မာဌာန)

ဆီးရီးယားသမ္မတ ဘက်ရှာအယ်လ်အာဆဒ် ပြုတ်ကျရေး Idlib မြို့အနီး တောင်းဆိုဆန္ဒပြနေကြတဲ့ ဆီးရီးယားပြည်သူများ။ (ဒီဇင်ဘာလ ၃၁၊ ၂၀၁၁)
သမ္မတ ဘက်ရှာအယ်လ်အာဆဒ် ပြုတ်ကျပြီး ဆီးရီးယားနိုင်ငံရဲ့ အကူးအပြောင်း လမ်းကြောင်းကို ရွေးချယ်ရေး အတွက် ဆီးရီးယားနိုင်ငံရဲ့ အဓိက အတိုက်အခံ အဖွဲ့ကြီး နှစ်ဖွဲ့ စည်းလုံးညီညွတ်သွားကြပြီ ဖြစ်ပါတယ်။
တကယ်လို့ ဆန္ဒပြပွဲတွေကြောင့် သမ္မတ အာဆဒ် ရာထူးက နုတ်ထွက်သွားရပြီ ဆိုရင် ဒီမိုကရေစီအုပ်ချုပ်ရေး ဘယ်လိုဘယ်ပုံ ထူထောင်ကြမယ် ဆိုတာကို ဆီးရီးယား အတိုက်အခံ အဖွဲ့ကြီး နှစ်ဖွဲ့ဖြစ်တဲ့ Syrian National Council နဲ့ National Coordination Body for Democratic Change (NCB) နှစ်ဖွဲ့တို့က သောကြာနေ့က သဘောတူညီချက် တစ်ရပ်ကို ကိုင်ရိုမြို့မှာ လက်မှတ်ရေးထိုး လိုက်ကြတာပါ။
အစိုးရဆန့်ကျင် ဆန္ဒပြသူတွေအပေါ် အကြမ်းဖက်ဖြိုခွဲမှုတွေ ရပ်တန့်သွားခြင်းရှိမရှိ အာရပ်အဖွဲ့ချုပ်က အကဲခတ် စောင့်ကြည့်သူတွေ ဆီးရီးယားနိုင်ငံကို ရောက်ရှိနေပေမဲ့ အကြမ်းဖက်မှုတွေ ဆက်လက် ဖြစ်ပွားနေချိန်မှာ အခုလို သဘောတူညီမှု ထွက်ပေါ်လာတာ ဖြစ်ပါတယ်။
သမ္မတ ဘက်ရှာ အယ်လ်အာဆဒ် နုတ်ထွက်ပေးဖို့ ထပ်မံ တောင်းဆိုတဲ့အနေနဲ့ သိန်းနဲ့ချီတဲ့ လူတွေဟာ ဆီးရီးယားနိုင်ငံအနှံ့က လမ်းတွေပေါ်မှာ သောကြာနေ့က ထွက်ပြီး ဆန္ဒပြခဲ့ကြတယ်လို့ မျက်မြင်သက်သေတွေနဲ့ တက်ကြွလှုပ်ရှားသူတွေက ပြောပါတယ်။
ဆီးရီးယားအစိုးရအနေနဲ့ အာရပ်အဖွဲ့ချုပ်ရဲ့ စောင့်ကြည့် အကဲခတ်အဖွဲ့တွေကို လွတ်လွတ်လပ်လပ် လှုပ်ရှားခွင့်နဲ့ ပူးပေါင်းဆောင်ရွက်မှု မရှိဘူးလို့ ကုလသမဂ္ဂက ပြစ်တင် ဝေဖန်လိုက်ပါတယ်။

KIA တပ်စခန်း တခု ဆုတ်ခွာပေးရ
 သန်းထိုက်ဦး on December 30, 2011
အစိုးရတပ်များ၏ ၅ ရက်ကြာ ထိုးစစ်ဆင်မှုနှင့် ရင်ဆိုင်နေရသည့် ရှမ်ပြည်နယ် မြောက်ပိုင်း မန်တုံမြို့နယ်ရှိ ကချင် လွတ်လပ်ရေး တပ်မတော် (KIA) ၏ တပ်မဟာ ၄ထိန်းချုပ်ဒေသမှ နမ့်လတ် တပ်စခန်း တခုကို ဆုတ်ခွာပေး လိုက်ရကြောင်း သိရသည်။

မကြာသေးမီက ကချင်ပြည်နယ် လဂျားယန်ဒေသတွင် တွေ့ရသည့် KIA တပ်ဖွဲ့ဝင်များ (ဓာတ်ပုံ - ဧရာဝတီ)
အစိုးရတပ်၏ ၁၂၀၊ ၈၁ မမ အမြောက်များနှင့် ပစ်ခတ်သည့် ဒဏ်ကို မခံနိုင်သောကြောင့် ဆုတ်ပေးခြင်း ဖြစ်သည်ဟု ကချင်လွတ်လပ်ရေး အဖွဲ့ (KIO) တွဲဖက် အထွေထွေ အတွင်းရေးမှူး ဦးလနန်က ဧရာဝတီသို့ ပြောသည်။
“သူတို့ လက်နက်ကြီးနဲ့ ပစ်တာ ခပ်စိတ်စိတ် ဖြစ်လာတဲ့ အခါမှာ ကျနော်တို့ ရဲဘော်တွေ အသက်အန္တရာယ် စိုးရိမ်ရတဲ့ အတွက်ကြောင့် အဲဒီ စခန်းကနေ ဖယ်ပေးလိုက်တယ်”ဟု ၎င်းက ဆိုသည်။
KIA တပ်စခန်းကို သိမ်းပိုက်နိုင်ရန် အတွက် အစိုးရတပ်၏ ခြေလျင်တပ်ရင်း အမှတ် ၆၈၊ ၅၀၇ တပ်ရင်းမှ စစ်သည် အင်အား ၂၀၀ ကျော်ဖြင့် ပြီးခဲ့သည့် အပတ် ၂၄ ရက်နေ့ ညနေပိုင်းမှ စတင်၍ ၂၈ ရက်နေ့ အထိ တိုက်ခိုက်ခဲ့ကြောင်း သိရသည်။
“အစိုးရဘက်ကတော့ ဒါကို အရေးကြီးတဲ့ နေရာလို့ သူတို့ သတ်မှတ်ပုံ ရတယ်၊ ဘာကြောင့်လဲ ဆိုတော့ အဲဒီ လမ်းကြောင်း ဘက်ကနေပြီး ရေနံနဲ့ သဘာဝ ဓာတ်ငွေ့ပိုက်လိုင်းဟာ အဲဒီဘက်က ဖြတ်သွားဖို့ အစီအစဉ် ရှိတယ်၊ ကြည့်ရတာ သူတို့ အဲဒီဘက်ကို ရေနံနဲ့ ပိုက်လိုင်း စီမံကိန်း အတွက် အဲဒီစခန်းကို ၀င်တိုက်တယ်လို့ မြင်တယ်”ဟု ဦးလနန်က ဆက်ပြောသည်။
တိုက်ပွဲများတွင် လတ်တလော ထိခိုက်ဒဏ်ရာ ရရှိမှု အခြေအနေကို မသိရှိရသေး သော်လည်း အစိုးရ၏ လက်နက်ကြီး ဒဏ်ကြောင့် KIA တပ်ဖွဲ့ဝင် ၅ ဦး မူးဝေသည့် ဝေဒနာ ခံစားရကြောင်း ၎င်းက ဆိုသည်။
အစိုးရတပ်က သုံးခဲ့သည့် လက်နက်ကြီးများတွင် ဓာတုပစ္စည်း ပါဝင်နိုင်သည်ဟု ဦးလနန်က ပြောသည်။ ၎င်း၏ ပြောဆိုချက်အား သီးခြား အတည်မပြု နိုင်သော်လည်း ဧရာဝတီမှ မကြာသေးမီက ရရှိခဲ့သော ဓာတ်ပုံမှတ်တမ်းများ အရ KIA တပ်ဖွဲ့ တချို့ စစ်မြေပြင်တွင် ဓာတ်ငွေ့ကာ မျက်နှာဖုံးများ တပ်ဆင်၍ တိုက်ပွဲဝင်နေကြသည်။
ဒီဇင်ဘာ ၁၈ ရက်နေ့က နိုင်ငံရေး တွေ့ဆုံဆွေးနွေးရန် ပြည်သူ့လွှတ်တော် ကိုယ်စားလှယ် ဦးအောင်သောင်း ဦးဆောင်သော ကိုယ်စားလှယ်အဖွဲ့က ကမ်းလှမ်းမှုနှင့် ပတ်သက်၍ KIA က ဆွေးနွေးလိုကြောင်းလည်း မကြာခင် ရက်ပိုင်းအတွင်း စာပြန်ထားကြောင်း သိရသည်။
နိုဝင်ဘာလ ၂၉ ရက်နေ့က တရုတ်နိုင်ငံ ရွှေလီမြို့၌ ဦးအောင်သောင်း၊ ရထားဝန်ကြီး ဦးအောင်မင်း၊ မြစ်ကြီးနားမြို့ ပြည်သူ့ လွှတ်တော် ကိုယ်စားလှယ် ဦးသိန်းဇော်တို့နှင့် KIO ခေါင်းဆောင်များ နောက်ဆုံး တွေ့ဆုံခဲ့ကြသည်။
ယခုနှစ် ဇွန်လမှစတင်၍ အစိုးရတပ်နှင့် ကချင်လွတ်မြောက်ရေး တပ်မတော် (KIA) တို့အကြား ဖြစ်ပွားခဲ့သော တိုက်ပွဲများကြောင့် KIA ထိန်းချုပ်ရာ လိုင်ဇာဒေသ တ၀ိုက်၌ ဒုက္ခသည် ၃၄၀၀၀ ကျော်ရှိပြီး ၀ိုင်းမော်၊ ဗန်းမော်၊ မိုးမောက်၊ မံစီ၊ မိုင်ဂျာယန် စသည်တို့ တွင်လည်း ဒုက္ခသည်များ ထပ်မံ တိုးပွားလာကြောင်း သိရသည်။
KIA သည် ၁၉၆၁ ခုနှစ်တွင် စတင် ဖွဲ့စည်းခဲ့ပြီး ၁၉၉၄ ခုနှစ်တွင် အစိုးရနှင့် ငြိမ်းချမ်းရေး စာချုပ် ချုပ်ဆို၍ နှစ်ဘက် အပစ်အခတ် ရပ်စဲခဲ့သည်။ အပစ်ရပ်ပြီး နောက်ပိုင်း ကချင်ပြည်နယ်နှင့် ရှမ်းပြည်နယ်ရှိ KIA ထိန်းချုပ် ဒေသများတွင် စစ်ရေးပဋိပက္ခတချို့ ဖြစ်ပွားခဲ့သော်လည်း ငြိမ်းချမ်းရေး သဘောတူညီချက်ကို ၁၇ နှစ်ကြာ ထိန်းသိမ်းထားနိုင်ခဲ့သည်။ ပြီးခဲ့သည့် ဇွန်လတွင်စတင်၍ တိုက်ပွဲများ ပြန်လည်ဖြစ်ပွားခဲ့ပြီး အပစ်အခတ် ရပ်စဲရေးလည်း ပျက်ပြားခဲ့ခြင်း ဖြစ်သည်။

“သိမ်း” Thane ဆိုင်ကလုန်းအမည် မြန်မာပေးခဲ့
မဇ္ဈိမသတင်းဌာန | စနေနေ့၊ ဒီဇင်ဘာလ ၃၁ ရက် ၂၀၁၁ ခုနှစ် ၁၃ နာရီ ၃၇ မိနစ်
(မဇ္ဈိမ) ။          ။သောကြာနေ့က အိန္ဒိယအရှေ့ပိုင်းကမ်းခြေကို တိုက်ခတ်ခဲ့သော ဆိုင်ကလုံးမုန်တိုင်း အမည် “သိမ်း” (Thane) အား မြန်မာနိုင်ငံက ပေးခဲ့ခြင်းဖြစ်ကြောင်း India Today တွင် ရေးသားထားသည်။
အိန္ဒိယမိုးလေဝသ နှင့် ဇလဗေဒဌာန၏ ပြောကြားချက်အရ၊ ဘင်္ဂလားပင်လယ်အော်နှင့် အိန္ဒိယသမုဒ္ဒရာကို အခြေပြုတိုက်ခတ်သော ဆိုင်ကလုံးမုန်တိုင်းနာမည်များအား အိန္ဒိယ၊ ဘင်္ဂလားဒေ့ရှ်၊ ပါကစ္စတန်၊ သီရိလင်္ကာ၊ မော်လဒိုက်၊ မြန်မာ၊ အိုမန် နှင့် ထိုင်းနိုင်ငံများက အလှည့်ကျ နာမည်ပေးသည်ဟု သိရသည်။

၂၀၀၄ ခုနှစ်မှ စတင်အသက်ဝင်ခဲ့သည့် ကမ္ဘာ့မိုးလေဝသ နှင့် ဇလဗေဒအဖွဲ့နှင့် ကုလသမဂ္ဂ အာရှနှင့် ပစိဖိတ် စီးပွားရေး နှင့် လူမှုရေး ကော်မရှင်တို့မှ ချမှတ်ထားသော လုပ်ထုံးလုပ်နည်းများအရ ယခုကဲသို့ နာမည်သတ်မှတ်ခြင်းဖြစ်သည်။ နိုင်ငံ ရှစ်နိုင်ငံသည် အမည် ၆၄ ခုအား ပြင်ဆင်ထားပြီး အလှည့်ကျ ကြေညာသည်။ ယခု ဘင်္ဂလား ပင်လယ်အော်သို့ ရွေ့လျားနေသော ဆိုင်ကလုံးနာမည် သိမ်း (Thane) အား မြန်မာနိုင်ငံမှ ပေးခဲ့ခြင်းဖြစ်သည်။
ပြီးခဲ့သည့် နှစ်များက ပေးခဲ့သော နိုင်ငံနှင့် ဆိုင်ကလုံး နာမည်များမှာ။

•     လိုင်လာ (ပါကစ္စတန်)၊ နစ်ရှား (ဘင်္ဂလားဒေ့ရှ်) ၂၀၁၀
•     ဖျန်း (မြန်မာ) ၂၀၀၉
•     အိုင်လာ (မော်လဒိုက်) ၂၀၀၉
•     ဘီဂျလီး (အိန္ဒိယ) ၂၀၀၉
•     ရက်ရ်ှမီး (သီရိလင်္ကာ) ၂၀၀၈
•     နာဂစ် (ပါကစ္စတန်) ၂၀၀၈

သောကြာနေ့က တိုက်ခတ်ခဲ့သည့် “သိမ်း”မုန်တိုင်းဒဏ်ကြောင့် အိန္ဒိယတောင်ပိုင်း ပွန်ဒီချယ်ရီကမ်းခြေနှင့် တမီလ်နာဒူးပြည်နယ်ကမ်းခြေမှ လူ ၃၅ ဦး သေဆုံးခဲ့ပြီးဖြစ်ကြောင်း စနေနေ့ထုတ် Times of India သတင်းစာတွင် ဖော်ပြပါရှိသည်။

ဤမုန်တိုင်းအရှိကြောင့် မြန်မာနိုင်ငံတွင်လည်း စစ်ကိုင်းတိုင်းအောက်ပိုင်း၊ မန္တလေးတိုင်း၊ မကွေးတိုင်း၊ ရှမ်း၊ ချင်း၊ ရခိုင်နှင့် ကယားပြည်နယ်တို့တွင် နေရာကွက်ကြားမိုးရွာနိုင်ပြီး ကမ်းရိုးတမ်းနှင့်ကမ်းလွန်ပင်လယ်ပြင်တွင် လှိုင်းကြီးနိုင်ကြောင်း မြန်မာ့မိုးလေ၀သနှင့်ဗလဗေဒမှ ထုတ်ပြန်သတိပေးထားသည်။

ဂျော့ဆိုးရော့စ် မြန်မာပြည်ရောက်နေ
ကိုဝိုင်း | ဗုဒ္ဓဟူးနေ့၊ ဒီဇင်ဘာလ ၂၈ ရက် ၂၀၁၁ ခုနှစ် ၁၉ နာရီ ၄၅ မိနစ်

ချင်းမိုင် (မဇ္ဈိမ) ။        ။ နိုင်ငံတကာတွင် ဒီမိုကရေစီရေးနှင့် လွတ်လပ်မှုအတွက် အကူအညီများ ပေးနေသည့် OSI ခေါ် Open Society Institute ကို စတင်ထူထောင်သူ ဂျော့ဆိုးရော့စ် George Soros သည် ဗုဒ္ဓဟူးနေ့တွင် အင်းလေးကန်သို့ အလည်အပတ်ရောက်နေသည်ဟု ရှမ်းပြည်နယ်အစိုးရအဖွဲ့ တိုင်းရင်းသားရေးရာဝန်ကြီး ဦးဝင်းမြင့်က မဇ္ဈိမကို ပြောသည်။

“သူတည်းတဲ့ ခေါင်တိုင် ကျေးရွာမှာရှိတဲ့ ဟိုတယ်က တာဝန်ရှိတဲ့သူတွေကို သွားတွေ့ပြီး ကျနော် သိရတယ်” ဟု ဦးဝင်းမြင့်က ဆိုသည်။

ဂျော့ဆိုးရော့စ်နှင့် ရှမ်းပြည်နယ်အစိုးရအဖွဲ့ဝင်များ တွေ့ဆုံရန် ရှိမရှိကိုမူ “သူခေါ်မှပဲ ကျနော်တို့ သွားမယ်။ ရှမ်းပြည်နယ်အစိုးရကတော့ ဒီလိုမျိုးနိုင်ငံခြားသားနဲ့ တွေ့ဖို့မတွေ့ဖို့ အမိန့်ထုတ်ထားတာ မရှိပါဘူး” ဟု ပြောသည်။

Open Sociaty Foundations ကို စတင်ထူထောင်သူ ဂျော့ဆိုးရော့စ် George Soros (ဓါတ်ပုံ wikipedia.org)

ညောင်ရွှေမြို့နှင့် ၇ မိုင်ခန့်ကွာဝေးသည့် အင်းလေးကန်စပ်မှ ခေါင်တိုင်ကျေးရွာတွင် တည်းခိုနေ သည့် ဂျော့ဆိုးရော့စ်သည် အင်းလေးနှင့် ပုဂံဒေသသို့ အလည်အပတ် လာရောက်ခြင်းဖြစ်သည်ဟု သိရသည်။

ဒီဇင်ဘာ ၂၆ ရက်နေ့က ကိုယ်ပိုင်လေယာဉ်ဖြင့် ရောက်ရှိလာပြီး လာမည့် လဆန်းတွင် ပြန်မည့် ဂျော့ဆိုးရော့စ်အား အစိုးရတာဝန်ရှိသူများက တွေ့ဆုံရန် ပြင်ဆင်နေသည်ဟု စီးပွားရေးလုပ်ငန်း ရှင်ကြီးတဦးကလည်း ပြောသည်။

“၂၆၊ ၂၇ က သူ ရန်ကုန်မှာရှိပြီး ဒီနေ့တော့ အင်းလေးသွားတယ်ပြောတယ်။ သူ့သားနှစ်ယောက်လည်းပါတယ်။ သူ့ရဲ့ မိသားစု ဒီမှာ vacation visit ပေါ့ဗျာ” ဟု စီးပွားရေးလုပ်ငန်းရှင်တဦးက မဇ္ဈိမကို ပြောသည်။

အမေရိကန်အခြေစိုက် OSI ကို ဂျော့ဆိုးရော့စ်က ၁၉၉၃ ခုတွင် ထူထောင်ခဲ့သည်။ ယခုအခါ ဥရောပ၊ အာရှ၊ အာဖရိကနှင့် လက်တင်အမေရိကတို့ရှိ နိုင်ငံ ၇၀ ကျော်တွင် ရုံးခွဲများထားရှိပြီး လူ့အခွင့်အရေး၊ ပညာရေး၊ ကျန်းမာရေး၊ သတင်းလွတ်လပ်ခွင့် စသည်တို့အတွက် အမေရိကန် ဒေါ်လာ သန်း ၈၀၀၀ ကူညီခဲ့ပြီးဖြစ်ကြောင်း အဖွဲ့က ထုတ်ပြန်ထားသည်။

မြန်မာ့ဒီမိုကရေစီအရေးအတွက် တနှစ်လျှင် ဒေါ်လာ နှစ်သန်း သုံးစွဲလေ့ရှိသည်ဟု Zimbio နှင့် Forbes အင်တာနက်စာမျက်နှာများတွင် ရေးသားထားကြသည်။

KIO စခန်းတစ်ခု မြန်မာစစ်တပ် သိမ်းပိုက်
2011-12-31
ရှမ်းပြည်မြောက်ပိုင်း ကွတ်ခိုင်နဲ့ မန်တုံမြို့နယ် အကြားမှာ ရှိတဲ့ ကေအိုင်အို တပ်မဟာ (၄) လက်အောက်ခံ တပ်ရင်း (၈) ကို အစိုးရတပ်တွေက ဒီဇင်ဘာလ ၂၅ နေ့က စတင် ထိုးစစ်ဆင် တိုက်ခိုက်ခဲ့ရာ ဒီဇင်ဘာလ ၂၉ ရက်နေ့မှာ ကေအိုင်အိုက ဆုတ်ပေးလိုက်ရတယ်လို့ ကေအိုင်အို ပြောရေးဆိုခွင့်ရှိသူ ဦးလနန်က ပြောပါတယ်။
“စစ်ရေး အခြေအနေအရ ခွာပေးလိုက်တာ ရှိတယ်။ အဲဒီမှာထိုးတာ အင်အား ၄ ရာနီးပါးလောက် ရှိတယ်။ နှစ်သုတ်ပေါ့ဗျာ။ ပထမအသုတ်က သူတို့ ၂ ရာလောက်နဲ့ ထိုးတယ်။ အထိအခိုက် အကျအဆုံးများတော့ နောက်ထပ် အင်အားသစ် ပြန်ဝင်လာတယ်။ ထိုးစစ်ပါပဲ ဒါတွေကတော့။ သုံးရက်လောက် ဆက်တိုက် လက်နက်ကြီးတွေနဲ့ ပစ်တာ။ ကျနော်တို့ အမြဲတမ်း ပြောဆိုနေတဲ့ အဆိပ်ဓာတ်ငွေ့ပါတဲ့ လက်နက်ကြီးတွေလည်း ပါတယ်။ နောက် သုံးဆင့်ခွဲလို့ ပြောတာပေါ့၊ ဝေဟင်မှာ ပေါက်ကွဲပြီးတော့ မြေပြင်မှာ ပြန်ပြီးပေါက်ကွဲတဲ့ ကလပ်စတာဗုံး ပုံစံမျိုး သုံးလာတယ်”

အစိုးရတပ်က တပ်ရင်း ၅ ရင်း၊ အင်အား ၄ဝဝ လောက်နဲ့ ၁၂ဝ မမ၊ ၈၁ မမ စတဲ့ အမြောက်တွေနဲ့ ပစ်ခတ်ရာမှာ ကေအိုင်အို ရဲဘော်တွေ မခံနိုင်တာကြောင့် ယာယီ ဆုတ်ပေးလိုက်ရတာ ဖြစ်တယ်လို့ ပြောပါတယ်။ အဲဒီ ကေအိုင်အို တပ်ရင်း (၈) ဒေသဟာ စစ်ရေးအရ အရေးမပါပေမယ့် ဓာတ်ငွေ့ပိုက်လိုင်း ဖြတ်မဲ့နေရာ ဖြစ်တာကြောင့် အခုလို တိုက်ခိုက်တာ ဖြစ်တယ်လို့ ဦးလနန်က ပြောပါတယ်။

“ရေနံပိုက်လိုင်းက အဲဒီဒေသကို ဖြတ်သွားဖို့ ရှိတယ်။ တပ်ရင်း (၈) နေရာကို အဲဒီကိစ္စကြောင့် သူတို့ မရမနေ ထိုးတဲ့ပုံစံလို့ပဲ ထင်တယ်။ နောက်ပြီးတော့ တပ်ရင်း (၈) ဘက်မှာ ဇွန်လနောက်ပိုင်းမှာ ဖြစ်တဲ့ တိုက်ပွဲတွေမှာ သူတို့ အစိုးရတပ်ဘက်မှာ ရာနဲ့ချီပြီး ထိခိုက်ကျဆုံးတာ ရှိတယ်။ ဒါကြောင့် သူတို့က အဲဒီစခန်းကို မရမနေ ဆိုတဲ့ဟာမျိုး ဖြစ်ချင်ဖြစ်ပါလိမ့်မယ်။ ကလဲ့စား ချေတဲ့ ပုံစံမျိုးလည်း ပါလိမ့်မယ်”

မနေ့က တစ်ရက်တည်းမှာတင် ကေအိုင်အို တပ်မဟာ (၃)၊ တပ်မဟာ (၄) နဲ့ တပ်မဟာ (၅) ဒေသတွေမှာ အားလုံး တိုက်ပွဲကြီး ၈ ကြိမ် ဖြစ်ခဲ့တယ်လို့လည်း ဦးလနန်းက ပြောပါတယ်။

မြန်မာအစိုးရက ကေအိုင်အိုနဲ့ နိုင်ငံရေးအရ တွေ့ဆုံဆွေးနွေးဖို့ ဦးအောင်သောင်း ဦးဆောင်တဲ့ ငြိမ်းချမ်းရေး ဆွေးနွေးရေးအဖွဲ့ကို ဖွဲ့စည်းခဲ့ပါတယ်။ ကေအိုင်အိုကလည်း အဲဒီအဖွဲ့နဲ့ ဆွေးနွေးနိုင်ဖို့ ဗဟိုကိုယ်စားလှယ်အဖွဲ့ ဖွဲ့စည်းထားတဲ့အကြောင်း မကြာသေးခင်က အကြောင်းပြန်ကြားထားပေမယ့် အခုထိ တစုံတရာ ထူးခြားမှု မရှိသေးဘူးလို့ သိရပါတယ်။

ယုံကြည်အပ်နှံမှုအပေါ် အလွဲသုံးစားပြုခဲ့သော စင်ကာပူနိုင်ငံ ပင်နီစူလာလာပလာဇာရှိ ဟွန်ဒီငွေလဲဈေးကွက် ပြိုလဲမှု ပြည်တွင်း ငွေကြေး ဈေးကွက်နှင့် စီးပွားရေးလုပ်ငန်းများအပေါ် ကြီးမားသည့် ရိုက်ခတ်မှုများ ဖြစ်လာနိုင် SATURDAY, 31 DECEMBER 2011 13:52

စင်္ကာပူနိုင်ငံတွင်မကြာခင်က ဖြစ်ပွားခဲ့သော ပင်နီစူလာပလာဇာရှိ ရွှေရတနာဆိုင်မှ ဒေါ်တင်တင်မြင့်ဆိုသူက ဟွန်ဒီ ငွေလွှဲရေးလုပ်ငန်းများ၏ ယုံကြည်အပ်နှံမှုအပေါ် အလွဲသုံးစားပြု လိမ်လည်သွားသောဖြစ်ရပ်ကြောင့် ငွေကြေးဈေးကွက်အပေါ် ကြီးမားသည့် ရိုက်ခတ်မှုများ ရှိလာနိုင်ကြောင်း၊ အလားတူဟွန် ဒီလုပ်ငန်းများကို မှီခိုနေကြသော ငွေလွှဲသူများအပေါ်တွင် ရိုက်ခတ်မှုရှိခဲ့ကြောင်း သိရှိရသည်။ 
ဖြစ်ပွားပုံမှာ စင်ကာပူ ပင်နီစူလာပလာဇာတွင် ဖွင့်လှစ်ထားသော ရွှေရတနာ ငွေလွှဲလုပ်ငန်း ဦးစီးလုပ်ကိုင်သူ ဒေါ်တင်တင်မြင့်နှင့် အဖွဲ့သည် လက်ခံရရှိသည့် ငွေလွှဲရန်ဒေါ်လာများကို ဒီဇင်ဘာလ ၁၉ ရက်နေ့၌ ဘဏ်တွင် စတိသာအသွင်းပြခဲ့ပြီး တနင်္လာ၊ အင်္ဂါနေ့များတွင် ထပ်မံဝင် ရောက်လာသောငွေများကို စုစည်းကာ အစဖျောက်ခဲ့ကြောင်း၊ အင်္ဂါနေ့တွင်မူ ခန့်မှန်းခြေဒေါ်လာ သန်း ၄၀ ခန့်ဖြင့် အင်္ဂလန်သို့ လိမ်လည် တိမ်းရှောင် သွားခဲ့ကြောင်း သိရှိရသည်။ ထိုအမျိုးသမီး ထွက်ပြေးတိမ်းရှောင်သွားသည်ကို လွိုင်ဟိန်း ဇနီးမောင်နှံက သိလျက်နှင့်ပင် ပင်နီစူလာဆိုင်များမှ ငွေများကို လက်ခံယူပြီး လက်ကျန်ဒေါ်လာ နှစ်သန်းကိုပါ အစဖျောက် လိုက်ကြောင်း သတင်းများထွက်ပေါ်နေသည်။
''အခုစင်္ကာပူမှာဖြစ်သွားတဲ့ကိစ္စက မြန်မာပြည် ပြည်တွင်း ငွေကြေးဈေးကွက်ပေါ်မှာ အများကြီး သက်ရောက်ပါတယ်။ အခု ပင်နီစူလာပလာဇာက ဟွန်ဒီငွေလွှဲတဲ့ လုပ်ငန်းအသေးလေး နှစ်ခုလောက်ပဲရှိတော့တယ်လို့ သိရတယ်။ လိမ်တဲ့အမျိုးသမီးနာမည်က ဒေါ်တင်တင်မြင့်။ အခုတဖြည်းဖြည်းနဲ့ ပမာဏက များလာတယ်။ နောက်ဆုံးရရှိထားတဲ့ သတင်းအရဆိုရင် စင်္ကာပူဒေါ်လာ သန်း ၄၀-၆၀ ကျော်လောက်လို့ သိရတယ်။ တစ်ယောက်ထဲ သန်း ၂၀၊ ၃၀ ပါသွားတဲ့လူလည်း ရှိတယ်။ ပထမပိုင်းတော့ ယုံအောင်လုပ်ထားတယ်။ ဈေးတောင် လျော့ပေးထားတယ်။ အခုက တစ်ဆင့်လွှဲတဲ့သူတွေဆီကပါ ပြန်ယူသွားတာပါ'' ဟု စင်္ကာပူမှပြန် လာသော စီးပွားရေးလုပ်ငန်းရှင်တစ်ဦးက ပြောပြခဲ့သည်။

''အခု လိမ်လည်သွားတဲ့ ဒေါ်တင်တင်မြင့်ရဲ့ သမီး Stephine က လန်ဒန်မှာရှိတဲ့ Queen Marry University မှာ တက်ရောက်နေတာပါ။ သူ့ယောကျာ်းကတော့ စင်ကာပူမှာ ရှိပါတယ်။ စင်ကာပူမှာရှိတဲ့ ရွှေရတနာဆိုင်မှာ ဟန်မပျက် ဆက်နေနေတယ်။  သူ့မိန်းမစီးပွားရေးကို မသိပါဘူးလို့လဲ ငြင်းထားတယ်။ ၂၀ ရက်နေ့ နံနက် ၁၂ နာရီနောက်ပိုင်းလောက်ကနေပြီးတော့ ညနေ ၄ နာရီအချိန်လောက်မှာ သူကရုံးခန်းကိုဆင်းလာပြီး သူနဲ့လည်း လုံးဝအဆက်အသွယ်မရဘူးလို့ ပြောပါတယ်။ ၂၁ ရက်နေ့မှာလည်း အများဆုံး ပါသွားတဲ့သူက ငိုယိုပြီးပြောလို့ သူ့ညီမ(ဒေါ်တင်တင်မြင့် ညီမ)က ဖုန်းအဆက်သွယ်ရပါတယ်။ သူ့ဆီ သူ့အစ်မပြန်ဆက်ရင် ဆက်ဆက်ပြော ပေးပါမယ်လို့ ပြောပါတယ်။ ၂၂ ရက်နေ့ကိုရောက်လာတဲ့အခါ လူပျောက်ကြော်ငြာဖို့ စလုပ်ခဲ့ကြပါတယ်။ အဲဒီနေ့မှာပဲ M.A.S (Monetary Authority of Singapore)က ပင်နီစူလာမှာ စစ်ဆေးတယ်ဆိုတဲ့သတင်းကြောင့် ကိုပြည့်ဖြိုး(Loi Heing) ကလည်း လုံးဝပျောက်သွားတယ်။ ကိုပြည့်ဖြိုးတို့လင်မယားက ဟောင်ကောင်ကိုသွားပြီး တရုတ်က ငွေပို့ပေးနေတဲ့ ကုန်သည်တွေနဲ့တွေ့ဖို့ လက်မှတ်ဝယ်ထားပြီးပြီ ဗီဇာ လျောက်ထားပြီးပြီလို့ သိရတယ်။ ဒီကိစ္စမှာ မန္တလေးကနာမည်ကြီး ရွှေဆိုင်တစ်ခုကလည်း ပါဝင်ပတ်သက်နေတယ်။ သူတို့က ဒေါ်တင်တင်မြင့်ဆီက ကျပ်ငွေတွေ အားလုံးယူထားလိုက်ပြီး ကိုပြည့်ဖြိုးနဲ့ ပူးပေါင်းဖို့လို့ သိရတယ်။ အဲဒီအချိန်မှာ ငွေတွေကျပ်သွားပြီး ချက်ချင်းအလုပ် ဆက်မလည်ပတ်နိုင်တော့ပဲ ငွေကြေးဈေးကွက်ကြီးတစ်ခုလုံး ရပ်ဆိုင်းသွားခဲ့တာပါ။ နောက်ပိုင်းသိရတာတွေ ပေါ် အခြေခံပြီးသူ (ဒေါ်တင်တင်မြင့်) ရှိမယ့် ဘာမင်ဂမ်ကို လိုက်သွား ခဲ့ပါတယ်''ဟု ဒေါ်တင်တင်မြင့် တိမ်းရှောင်နေသော ဘာမင်ဂမ်သို့ လိုက်သွားခဲ့သူတစ်ဦးက ပြောပြပါသည်။
ဒေါ်တင်တင်မြင့်ညီမ ဒေါက်တာသန်းသန်းမြင့်၏ အမျိုးသား Dr.Zaki သည် အီဂျစ်နိုင်ငံသားတစ်ဦးဖြစ်ပြီး ဒေါ်တင်တင်မြင့် တိမ်းရှောင်နေသည့် ဘာမင်ဂမ်ရှိ နေအိမ်သို့ လိုက်သွားခဲ့သော်လည်း ရှောင်နေ၍ မတွေ့ခဲ့ ရကြောင်းလည်း သိရသည်။